ᠮᠢᠨᠤ ᠡᠬᠡ ᠤᠷᠤᠨ ᠭᠡᠵᠤ ——
ᠡᠨᠡᠷᠢᠯᠳᠤ ᠡᠵᠢᠶ᠋ᠢᠨ ᠮᠢᠨᠢ ᠰᠦ ᠬᠠᠩᠬᠤᠯᠤᠭ᠍ᠰᠠᠨ ᠡᠪᠤᠷᠢ ᠬᠡᠯᠡᠨᠡ
ᠡᠷᠬᠡ ᠴᠢᠯᠦᠭᠡᠨᠤ ᠨᠠᠷᠠ ᠰᠠᠴᠤᠷᠠᠭ᠍ᠰᠠᠨ ᠬᠠᠪᠤᠷᠢ ᠬᠡᠯᠡᠨᠡ
ᠡᠩᠭᠡ ᠮᠡᠨᠳᠤᠶ᠋ᠢᠨ ᠢᠷᠦᠭᠡᠯ ᠱᠢᠩᠭᠡᠭ᠌ᠰᠡᠨ ᠬᠦᠬᠦᠦᠷᠢ ᠬᠡᠯᠡᠨᠡ
ᠡᠰᠡᠨᠢᠯ ᠬᠦᠭ᠌ᠵᠢᠯᠤᠨ ᠲᠦᠷᠦᠬᠡ ᠴᠢᠩᠭᠠᠯᠠᠭ᠍ᠰᠠᠨ ᠵᠢᠭᠦᠷᠢ ᠬᠡᠯᠡᠨᠡ
ᠮᠢᠨᠤ ᠡᠬᠡ ᠤᠷᠤᠨ ᠭᠡᠵᠤ ——
ᠲᠠᠪᠤᠨ ᠤᠳᠤᠳᠤ ᠤᠯᠠᠭᠠᠨ ᠲᠤᠭ ᠨᠠᠮᠢᠷᠠᠭ᠍ᠰᠠᠨ ᠲᠡᠭ᠌ᠷᠢᠶ᠋ᠢ ᠬᠡᠯᠡᠨᠡ
ᠲᠠᠩᠰᠤᠭ ᠵᠢᠷᠭᠠᠯᠳᠤ ᠠᠮᠢᠳᠤᠷᠠᠯ ᠴᠠᠯᠬᠢᠯᠠᠭ᠍ᠰᠠᠨ ᠭᠠᠵᠠᠷᠢ ᠬᠡᠯᠡᠨᠡ
ᠲᠠᠪᠢᠨ ᠵᠢᠷᠭᠤᠭᠠᠨ ᠦᠨᠳᠦᠰᠦᠲᠡᠨᠤ ᠬᠠᠯᠠᠭᠤᠨ ᠲᠤᠯᠠᠭᠠᠨ ᠦᠯᠦᠭᠡᠢᠶ᠋ᠢ ᠬᠡᠯᠡᠨᠡ
ᠲᠠᠪᠢᠯᠠᠩ ᠵᠠᠶᠠᠭᠠᠪᠠᠨ ᠬᠤᠯᠪᠤᠭ᠍ᠰᠠᠨ ᠬᠠᠢᠷᠠᠶ᠋ᠢᠨ ᠨᠤᠭᠤᠭᠠᠨ ᠲᠡᠯᠡᠬᠡᠢᠶ᠋ᠢ ᠬᠡᠯᠡᠨᠡ
ᠮᠢᠨᠤ ᠡᠬᠡ ᠤᠷᠤᠨ ᠭᠡᠵᠤ ——
ᠦᠷᠯᠦᠭᠡᠶ᠋ᠢᠨ ᠨᠠᠷᠠᠶ᠋ᠢ ᠢᠨᠢᠶᠡᠳᠤᠪᠠᠷ ᠤᠭ᠍ᠳᠤᠳᠠᠭ ᠠᠭᠤᠯᠠᠰᠢ ᠬᠡᠯᠡᠨᠡ
ᠦᠳᠡᠰᠢᠶ᠋ᠢᠨ ᠰᠠᠷᠠᠶ᠋ᠢ ᠵᠢᠷᠭᠠᠯᠢᠶᠠᠷ ᠱᠤᠩᠪᠠᠭᠤᠯᠳᠠᠭ ᠨᠠᠭᠤᠷᠢ ᠬᠡᠯᠡᠨᠡ
ᠦᠷᠦᠴᠡᠨᠤ ᠬᠠᠢᠷᠠᠶ᠋ᠢ ᠲᠠᠳᠠᠭᠠᠳ ᠪᠠᠢᠳᠠᠭ ᠬᠤᠭᠤᠷᠢ ᠬᠡᠯᠡᠨᠡ
ᠦᠨᠡᠨ ᠰᠡᠳᠭᠢᠯᠢ ᠪᠠᠶᠠᠰᠭᠠᠭᠠᠳ ᠪᠠᠢᠳᠠᠭ ᠠᠮᠢᠳᠤᠷᠠᠯᠢ ᠬᠡᠯᠡᠨᠡ
ᠮᠢᠨᠤ ᠡᠬᠡ ᠤᠷᠤᠨ ᠭᠡᠵᠤ ——
ᠠᠨᠠᠷᠤᠨ ᠦᠷᠡ ᠱᠢᠭ ᠨᠢᠭ᠍ᠲᠠᠷᠠᠨ ᠪᠦᠯᠬᠦᠮᠳᠡᠭ᠌ᠰᠡᠨ ᠠᠷᠠᠳᠢ ᠬᠡᠯᠡᠨᠡ
ᠠᠢᠷᠠᠭᠤᠨ ᠦᠨᠦᠷ ᠱᠢᠭ ᠨᠠᠮᠢᠷᠠᠭᠠ ᠬᠤᠷᠠᠲᠠᠢ ᠨᠤᠳᠤᠭᠢ ᠬᠡᠯᠡᠨᠡ
ᠠᠯᠠᠭ ᠨᠢᠳᠤᠪᠠᠨ ᠱᠢᠭ ᠬᠠᠢᠷᠠᠯᠠᠵᠤ ᠶᠠᠪᠤᠬᠤ ᠠᠭᠤᠯᠠ ᠤᠰᠤᠶ᠋ᠢ ᠬᠡᠯᠡᠨᠡ
ᠠᠮᠢ ᠨᠠᠰᠤᠪᠠᠨ ᠱᠢᠭ᠋ ᠡᠷᠬᠢᠮᠨᠠᠵᠤ ᠶᠠᠪᠤᠬᠤ ᠡᠩᠭᠡ ᠲᠠᠢᠪᠤᠩᠢ ᠬᠡᠯᠡᠨᠡ
ᠮᠢᠨᠤ ᠡᠬᠡ ᠤᠷᠤᠨ ᠭᠡᠵᠤ ——
ᠬᠠᠢᠷᠠ ᠬᠠᠢᠷᠠᠶ᠋ᠢᠨ ᠬᠠᠮᠤᠭ ᠦᠨᠡᠨᠴᠢ ᠬᠠᠷᠠᠴᠠᠶ᠋ᠢ ᠬᠡᠯᠡᠨᠡ
ᠬᠠᠢᠯ ᠬᠠᠢᠯᠤᠨ ᠬᠠᠮᠤᠭ ᠲᠤᠩᠭᠠᠯᠠᠭ ᠬᠠᠷᠠᠵᠠᠶ᠋ᠢ ᠬᠡᠯᠡᠨᠡ
ᠬᠠᠪᠤᠷ ᠬᠠᠪᠤᠷᠤᠨ ᠬᠠᠮᠤᠭ ᠱᠢᠨᠠ ᠰᠦᠶᠡᠶ᠋ᠢ ᠬᠡᠯᠡᠨᠡ
ᠬᠠᠨᠢ ᠬᠠᠨᠢᠶ᠋ᠢᠨ ᠬᠠᠮᠤᠭ ᠡᠷᠬᠢᠮ ᠰᠡᠳᠭᠢᠯᠢ ᠬᠡᠯᠡᠨᠡ
ᠮᠢᠨᠤ ᠡᠬᠡ ᠤᠷᠤᠨ ᠭᠡᠵᠤ ——
ᠡᠵᠡᠨ ᠰᠠᠭᠤᠵᠤ ᠡᠷᠭᠡ ᠮᠡᠳᠡᠭ᠌ᠰᠡᠨ ᠤᠮᠤᠭ᠍ᠰᠢᠯᠢ ᠬᠡᠯᠡᠨᠡ
ᠡᠷᠬᠡ ᠲᠡᠭ᠌ᠰᠢ ᠵᠢᠷᠭᠠᠯ ᠡᠳ᠋ᠯᠡᠭ᠌ᠰᠡᠨ ᠪᠠᠭ᠍ᠠᠷᠬᠠᠯᠢ ᠬᠡᠯᠡᠨᠡ
ᠡᠯᠡ ᠦᠨᠳᠦᠰᠦᠲᠡᠨ ᠨᠢᠭ᠍ᠲᠠᠷᠠᠨ ᠪᠦᠯᠬᠦᠮᠲᠡᠭ᠌ᠰᠡᠨ ᠲᠠᠭᠤᠯᠠᠯᠢ ᠬᠡᠯᠡᠨᠡ
ᠡᠷᠢᠨ ᠴᠠᠭᠲᠠᠢ ᠵᠡᠷᠭᠡᠴᠡᠨ ᠤᠷᠤᠭ᠍ᠰᠢᠯᠠᠭ᠍ᠰᠠᠨ ᠪᠠᠲᠠᠷᠠᠯᠢ ᠬᠡᠯᠡᠨᠡ
ᠮᠢᠨᠤ ᠡᠬᠡ ᠤᠷᠤᠨ ᠭᠡᠵᠤ ——
ᠴᠡᠴᠡᠭᠤᠨ ᠦᠨᠦᠷᠲᠠᠢ ᠠᠷᠢᠭᠤᠨ ᠲᠤᠩᠭᠠᠯᠠᠭ ᠰᠠᠯᠬᠢᠶᠢ ᠬᠡᠯᠡᠨᠡ
ᠴᠡᠩᠭᠡᠯᠤᠨ ᠲᠠᠭᠤᠤᠲᠠᠢ ᠠᠵᠠ ᠵᠢᠷᠭᠠᠯᠳᠤ ᠪᠤᠷᠤᠭᠠᠨᠢ ᠬᠡᠯᠡᠨᠡ
ᠴᠡᠯᠭᠡᠷᠡᠵᠤ ᠪᠠᠢᠭᠠ ᠨᠤᠮᠢᠨ ᠨᠤᠭᠤᠭᠠᠨ ᠬᠦᠲᠡᠭᠡᠶ᠋ᠢ ᠬᠡᠯᠡᠨᠡ
ᠴᠡᠴᠡᠭ᠌ᠯᠡᠵᠤ ᠪᠠᠢᠭᠠ ᠨᠤᠳᠤᠭ ᠤᠰᠤᠨᠤ ᠬᠦᠭ᠌ᠵᠢᠯᠢ ᠬᠡᠯᠡᠨᠡ
ᠮᠢᠨᠤ ᠡᠬᠡ ᠤᠷᠤᠨ ᠭᠡᠵᠤ ——
ᠲᠠᠪᠤᠨ ᠮᠢᠩᠭᠠᠨ ᠵᠢᠯᠤᠨ ᠦᠦᠬᠡ ᠲᠡᠦᠬᠡᠲᠠᠢ ᠰᠤᠶᠤᠯᠢ ᠬᠡᠯᠡᠨᠡ
ᠲᠠᠲᠠᠭᠤᠷᠠᠰᠢ ᠦᠭᠡᠢ ᠪᠤᠷᠬᠢᠯᠤᠨ ᠤᠷᠤᠰᠤᠭ᠍ᠰᠠᠨ ᠪᠤᠯᠪᠠᠰᠤᠨᠢ ᠬᠡᠯᠡᠨᠡ
ᠲᠢᠶᠡᠨ ᠠᠨ ᠮᠧᠨ ᠠᠰᠠᠷᠠᠴᠠ ᠬᠠᠩᠭᠢᠨᠠᠨ ᠴᠤᠤᠷᠢᠶᠠᠳᠤᠭ᠍ᠰᠠᠨ ᠲᠤᠩᠬᠠᠭᠢ ᠬᠡᠯᠡᠨᠡ
ᠲᠠᠨᠤᠪᠠᠨ ᠡᠯᠢᠭᠡᠨᠳᠠᠬᠢ ᠵᠠᠩᠭᠢᠳᠤᠭ᠍ᠰᠠᠨ ᠨᠢᠳᠤᠷᠭᠠ ᠱᠢᠭ᠋ ᠪᠦᠯᠬᠦᠮᠲᠡᠯᠢ ᠬᠡᠯᠡᠨᠡ
ᠮᠢᠨᠤ ᠡᠬᠡ ᠤᠷᠤᠨ ᠭᠡᠵᠤ ——
ᠨᠠᠷᠠᠨ ᠵᠦᠪ ᠲᠤᠯᠬᠢᠶᠠᠯᠠᠨ ᠤᠷᠤᠰᠭᠤ ᠬᠦᠬᠡᠮᠦᠢ᠍ᠷᠡᠨᠢ ᠬᠡᠯᠡᠨᠡ
ᠨᠠᠢ᠍ᠮᠠᠨ ᠵᠦᠭ ᠪᠠᠳᠠᠷᠠᠨ ᠲᠡᠯᠭᠡᠷᠡᠬᠦ᠌ ᠬᠦᠮᠦᠨ ᠠᠷᠠᠳᠢ ᠬᠡᠯᠡᠨᠡ
ᠨᠠᠮᠤᠷᠤᠨ ᠨᠠᠮᠤᠷ ᠲᠤᠷᠠᠰᠤᠨ ᠰᠠᠨᠠᠬᠤ ᠳ᠋ᠧᠪᠡᠵᠠᠨᠢ ᠬᠡᠯᠡᠨᠡ
ᠨᠠᠢᠷᠠᠭ ᠱᠢᠯᠦᠭᠢᠶᠠᠷ ᠤᠶᠠᠩᠭᠠᠯᠠᠨ ᠲᠠᠭᠤᠯᠠᠬᠤ ᠬᠤᠷᠸᠠᠶ᠋ᠢ ᠬᠡᠯᠡᠨᠡ