ᠡᠭᠡ ᠤᠷᠤᠨᠤᠪᠠᠨ ᠴᠢᠯᠠᠭᠤᠳᠢ ᠪᠢ ᠵᠦᠪᠭᠡᠨ
ᠬᠦᠭᠡ ᠴᠢᠯᠠᠭᠤᠳ ᠯᠡ ᠭᠡᠵᠦ᠍ ᠰᠠᠨᠠᠭᠠ ᠦᠭᠡᠢ
ᠡᠪᠦᠭᠡᠳᠤᠨ ᠵᠠᠬᠢᠶᠠ ᠦᠪᠯᠡᠭ᠌ᠰᠡᠨ
ᠴᠢᠨᠳᠠᠮᠤᠨᠢ ᠡᠷᠳᠡᠨᠢ ᠭᠡᠮᠡᠨ ᠲᠦᠰᠦᠭᠡᠯᠡᠳᠡᠭ
ᠡᠭᠡ ᠤᠷᠤᠨᠤᠪᠠᠨ ᠴᠢᠯᠠᠭᠤᠳᠢ ᠪᠢ ᠵᠦᠪᠭᠡᠨ
ᠬᠦᠢᠳᠡᠨ ᠴᠢᠯᠠᠭᠤᠳ ᠯᠡ ᠭᠡᠵᠤ ᠰᠠᠨᠠᠭᠠ ᠦᠭᠡᠢ
ᠡᠪᠤᠨ ᠲᠡᠭ᠌ᠷᠢᠶ᠋ᠢ ᠨᠦᠬᠦᠭ᠌ᠰᠡᠨ
ᠭᠠᠵᠠᠷᠤᠨ ᠲᠠᠮᠠᠭᠠ ᠭᠡᠮᠡᠨ ᠲᠦᠰᠦᠭᠡᠯᠡᠳᠡᠭ
ᠡᠭᠡ ᠤᠷᠤᠨᠤᠪᠠᠨ ᠴᠢᠯᠠᠭᠤᠳᠢ ᠪᠢ
ᠠᠳᠤᠭᠤᠳᠤᠨ ᠲᠤᠭᠠᠪᠠᠷ ᠲᠦᠰᠦᠭᠡᠯᠡᠳᠡᠭ
ᠡᠭᠡ ᠭᠠᠵᠠᠷᠢᠶᠠᠨ ᠨᠠᠯᠠᠵᠤ ᠴᠢᠩᠨᠠᠭ᠍ᠰᠠᠨ
ᠡᠩᠬᠦᠷᠡᠢ ᠰᠡᠳᠭᠢᠯ ᠭᠡᠵᠤ ᠲᠦᠰᠦᠭᠡᠯᠡᠳᠡᠭ
ᠡᠭᠡ ᠤᠷᠤᠨᠤᠪᠠᠨ ᠴᠢᠯᠠᠭᠤᠳᠢ ᠪᠢ
ᠲᠤᠷᠮᠤᠯᠵᠠᠬᠤ ᠬᠠᠷᠠ ᠨᠢᠳᠦᠨ ᠭᠡᠵᠤ ᠲᠦᠰᠦᠭᠡᠯᠡᠳᠡᠭ
ᠨᠠᠷᠠᠨᠤ ᠰᠦᠶ᠋ᠢ ᠬᠦᠬᠦᠭ᠌ᠰᠡᠨ
ᠭᠡᠷᠡᠯᠳᠦ ᠲᠤᠳᠤᠭᠠᠳᠤ ᠶᠢᠷᠳᠢᠨᠴᠦ᠍ ᠭᠡᠵᠤ ᠲᠦᠰᠦᠭᠡᠯᠡᠳᠡᠭ
ᠡᠭᠡ ᠤᠷᠤᠨᠤᠪᠠᠨ ᠴᠢᠯᠠᠭᠤᠳᠢ ᠪᠢ
ᠲᠤᠳᠤᠭᠠᠳᠤ ᠡᠩᠭᠡᠷᠲᠠᠢ ᠬᠦᠳᠦᠰᠦᠨ ᠲᠡᠪᠡᠯ ᠭᠡᠵᠤ ᠲᠦᠰᠦᠭᠡᠯᠡᠳᠡᠭ
ᠲᠤᠯᠤᠭᠠᠨ ᠪᠤᠷᠬᠠᠨᠤ ᠮᠡᠯᠮᠡᠢᠪᠠᠷ ᠦᠨᠦᠰᠦᠬᠦᠯᠦᠭ᠌ᠰᠡᠨ
ᠬᠠᠯᠠᠭᠤᠨ ᠭᠤᠤᠯᠲᠠᠢ ᠤᠳᠤᠮᠤᠨᠬᠢᠨ ᠭᠡᠵᠤ ᠲᠦᠰᠦᠭᠡᠯᠡᠳᠡᠭ
ᠡᠭᠡ ᠤᠷᠤᠨᠤᠪᠠᠨ ᠴᠢᠯᠠᠭᠤᠳᠠᠴᠠ ᠪᠢ
ᠬᠦᠯᠢᠶᠡᠯᠳᠡᠶ᠋ᠢᠨ ᠠᠭᠤᠤ ᠶᠡᠭᠡᠶ᠋ᠢ ᠮᠡᠳᠡᠷᠡᠳᠡᠭ
ᠡᠯᠢᠭᠡᠨ ᠬᠦᠷᠡᠩ ᠠᠭᠤᠯᠠᠰᠤᠨ
ᠡᠳᠡᠭᠡᠳ ᠠᠮᠤᠭᠤᠯᠠᠩᠢ ᠮᠡᠳᠡᠷᠡᠳᠡᠭ
ᠡᠭᠡ ᠤᠷᠤᠨᠤᠪᠠᠨ ᠴᠢᠯᠠᠭᠤᠳᠠᠴᠠ ᠪᠢ
ᠬᠦᠴᠦᠷᠭᠡᠭ ᠡᠭᠡᠯ ᠶᠡᠷᠦᠮᠳᠡᠭᠢ ᠮᠡᠳᠡᠷᠡᠳᠡᠭ
ᠬᠦᠷᠦᠯᠴᠡᠭᠡ ᠦᠭᠡᠢ ᠭᠠᠷᠤᠨ ᠬᠤᠷᠤᠭᠤᠳᠤᠨ
ᠭᠡᠨᠢ ᠪᠦᠯᠢᠶᠡᠨ ᠪᠠᠢᠳᠠᠭᠢ ᠮᠡᠳᠡᠷᠡᠳᠡᠭ
ᠡᠭᠡ ᠤᠷᠤᠨᠤ ᠮᠢᠨᠢ ᠴᠢᠯᠠᠭᠤᠳ
ᠠᠯᠠᠭᠠᠨ ᠲᠡᠭᠡᠷᠡ ᠮᠢᠨᠢ ᠠᠮᠢᠰᠭᠤᠯᠯᠠᠳᠠᠭ
ᠡᠷᠪᠡᠭᠡᠷ ᠰᠡᠷᠪᠡᠭᠡᠷ ᠬᠠᠳᠠᠨᠢ
ᠡᠯᠢᠭᠡᠨ ᠢᠯᠴᠢᠨᠳᠤ ᠪᠦᠯᠢᠶᠡᠰᠳᠡᠭ
ᠡᠭᠡ ᠤᠷᠤᠨᠤ ᠮᠢᠨᠢ ᠴᠢᠯᠠᠭᠤᠳ
ᠦᠨᠳᠦᠰᠦᠨ ᠲᠡᠭᠡᠷᠡᠪᠠᠨ ᠪᠦᠯᠬᠦᠮᠳᠡᠳᠡᠭ
ᠪᠦᠪᠡᠢᠶ᠋ᠢᠨ ᠲᠠᠭᠤᠤᠳᠤ ᠤᠶᠠᠷᠠᠵᠤ
ᠦᠷᠤᠨ ᠭᠡᠭᠡᠨᠳᠤ ᠴᠡᠴᠡᠭ᠌ᠯᠡᠳᠡᠭ
ᠡᠭᠡ ᠤᠷᠤᠨᠤᠪᠠᠨ ᠴᠢᠯᠠᠭᠤᠳᠢᠶᠠᠷ ᠪᠢ
ᠭᠠᠯ ᠴᠠᠬᠢᠭ᠍ᠰᠠᠨᠢᠶᠠᠨ ᠮᠠᠷᠳᠠᠬᠤ ᠦᠭᠡᠢ
ᠡᠭᠡ ᠤᠷᠤᠨᠤᠪᠠᠨ ᠴᠢᠯᠠᠭᠤᠳᠢᠶᠠᠷ ᠪᠢ
ᠭᠡᠷ ᠪᠠᠷᠢᠭ᠍ᠰᠠᠨᠢᠶᠠᠨ ᠤᠮᠠᠷᠳᠠᠬᠤ ᠦᠭᠡᠢ
ᠡᠭᠡ ᠤᠷᠤᠨᠤ ᠴᠢᠯᠠᠭᠤᠳ
ᠡᠷᠭᠡ ᠴᠢᠯᠦᠭᠡᠨᠤ ᠬᠦᠢᠰ ᠬᠦᠢᠰ ᠨᠠᠢᠷᠠᠭ
ᠡᠭᠡ ᠤᠷᠤᠨᠤ ᠴᠢᠯᠠᠭᠤᠳ
ᠲᠡᠯᠡᠭᠡᠢᠲᠠᠢᠪᠠᠨ ᠠᠭᠠᠷ ᠨᠢᠭᠡᠨ
ᠴᠢᠰᠤᠨ ᠠᠮᠢᠰᠭᠤᠯᠢᠶᠠᠷ
ᠡᠭᠡ ᠤᠷᠤᠨᠤ ᠴᠢᠯᠠᠭᠤᠳᠲᠠᠢᠪᠠᠨ
ᠪᠢ ᠬᠤᠯᠪᠤᠭ᠍ᠳᠠᠨᠠ
ᠴᠢᠯᠠᠭᠤᠨ ᠵᠡᠪᠰᠡᠭᠤᠨ ᠦᠶᠡᠠᠴᠠ
ᠪᠢ
ᠡᠭᠡ ᠤᠷᠤᠨᠲᠠᠢᠪᠠᠨ ᠬᠤᠯᠪᠤᠭ᠍ᠳᠠᠨᠠ