ᠠᠰᠠᠷᠤᠨ ᠤᠷᠤᠢ᠂ ᠵᠠᠮᠤᠨ ᠬᠠᠵᠠᠭᠤ᠂ ᠲᠤᠨᠤᠯᠵᠢᠨ ᠵᠡᠭᠡᠯᠢᠶ᠋ᠢᠨ ᠤᠭ᠍ᠳᠠᠷᠭᠤᠢ ᠪᠠᠷ ᠲᠠᠪᠤᠨ ᠤᠳᠤᠳᠤ ᠤᠯᠠᠭᠠᠨ ᠲᠤᠭ ᠨᠠᠮᠢᠷᠠᠨ᠂ ᠬᠦᠨ ᠴᠡᠩᠭᠡᠷ ᠤᠭ᠍ᠳᠠᠷᠭᠤᠢ ᠠᠮᠢᠯᠠᠯᠤᠨ ᠤᠯᠠᠭᠠᠨ ᠦᠩᠭᠡᠪᠠᠷ ᠲᠤᠶᠠᠭᠠᠷᠠᠭᠠᠳ ᠠᠭᠤᠤ ᠤᠯᠤᠰᠤᠨ ᠮᠠᠨᠢ ᠲᠠᠯᠠᠨ ᠵᠢᠷᠭᠤᠳᠡᠬᠢ ᠪᠡᠶᠡᠷ ᠡᠢᠨᠬᠦ᠌ ᠠᠮᠵᠢᠯᠳᠠ ᠪᠦᠳᠦᠮᠵᠢ᠂ ᠠᠮᠤᠭᠤᠯᠠᠩ ᠲᠠᠢᠪᠤᠩ᠂ ᠠᠵᠠ ᠵᠢᠷᠭᠠᠯᠢᠶᠠᠷ ᠪᠠᠶᠠᠰᠤᠨ ᠴᠠᠯᠬᠢᠯᠠ᠃
ᠵᠢᠯᠤᠨ ᠵᠢᠯ᠂ ᠨᠠᠮᠤᠷᠤᠨ ᠨᠠᠮᠤᠷ ᠪᠠᠶᠠᠨ ᠲᠠᠩᠰᠤᠭ᠂ ᠪᠠᠶᠠᠷ ᠪᠠᠶᠠᠰᠤᠯ᠂ ᠪᠦᠯᠬᠦᠮᠳᠡᠯ ᠨᠢᠭ᠍ᠳᠠᠷᠠᠯ ᠁ ᠠᠯᠢᠪᠡ ᠰᠠᠢᠨ ᠰᠠᠢᠬᠠᠨᠤ ᠪᠡᠯᠭᠡ ᠳᠡᠮᠪᠡᠷᠢᠯᠲᠠᠢ ᠮᠤᠷᠢᠯᠠᠨ ᠰᠠᠭᠠᠳᠠᠳᠠᠭ ᠤᠯᠤᠰᠤᠨ ᠪᠠᠶᠠᠷᠲᠠᠭᠠᠨ ᠪᠢ ᠬᠠᠢᠷᠠᠳᠠᠢ᠃ ᠤᠯᠤᠰᠤᠨ ᠪᠠᠶᠠᠷᠢᠶᠠᠷ ᠲᠤᠬᠢᠶᠠᠯᠳᠤᠭ᠍ᠰᠠᠨ ᠤᠯᠠᠨ ᠰᠠᠢᠬᠠᠨ ᠲᠤᠷᠠᠳᠭᠠᠯᠨᠤᠭᠤᠳᠲᠠᠭᠠᠨ ᠴᠦ᠍ ᠬᠠᠢᠷᠠᠳᠠᠢ᠃
ᠲᠠᠪᠢᠨ ᠵᠢᠯᠤᠨ ᠲᠡᠷᠳᠡᠭᠡ ᠠᠪᠤ ᠮᠢᠨᠢ ᠠᠬᠠ ᠪᠢᠳᠡ ᠬᠤᠶᠠᠷᠢ ᠮᠤᠷᠢᠪᠠᠷ ᠦᠯᠵᠡᠢ ᠰᠤᠮᠤᠨᠤ ᠪᠠᠭᠠ ᠰᠤᠷᠭᠠᠭᠤᠯᠢᠳᠤ ᠬᠦᠷᠭᠡᠨ᠂ ᠰᠤᠶᠤᠯᠤᠨ ᠬᠡᠭᠡᠨ ᠮᠦᠷᠲᠤ ᠬᠦᠯ ᠲᠠᠯᠪᠢᠭᠤᠯᠪᠠ᠃ ᠶᠠᠭᠠᠬᠢᠭᠠᠳ ᠨᠢᠭᠡ ᠰᠠᠷᠠ ᠬᠤᠵᠢᠮᠳᠠᠭᠤᠯᠤᠭ᠍ᠰᠠᠨ ᠶᠤᠮ ᠪᠤᠤ ᠮᠡᠳᠡ᠃ ᠶᠠᠭᠤ ᠴᠦ᠍ ᠭᠡᠰᠡᠨ ᠶᠠᠭ ᠰᠠᠢᠬᠠᠨ ᠤᠯᠤᠰᠤᠨ ᠪᠠᠶᠠᠷᠤᠨ ᠡᠳᠦᠷ ᠲᠤᠬᠢᠶᠠᠵᠤ᠂ ᠤᠯᠠᠨ ᠬᠡᠦᠬᠡᠳᠤᠳ ᠪᠠᠢᠷᠢ ᠪᠠᠢᠷᠢᠶ᠋ᠢᠨᠢᠶᠠᠨ ᠡᠬᠦᠳᠡᠨ ᠲᠡᠭᠡᠷᠡ ᠲᠤᠭᠤᠷᠢᠵᠤ ᠰᠠᠭᠤᠭᠠᠳ ᠪᠤᠤᠵᠠ ᠢᠳᠡᠵᠡᠭᠡᠵᠦ᠍ ᠪᠠᠢᠬᠤᠲᠠᠢ ᠲᠠᠭᠠᠷᠠᠭ᠍ᠰᠠᠨ ᠰᠠᠨ᠃ ᠲᠡᠳᠡᠨᠤ ᠲᠤᠮᠳᠠᠠᠴᠠ ᠬᠡᠨ ᠨᠢᠬᠡᠨᠢ 《ᠠᠢᠬᠤᠪᠳᠤᠷ ᠠᠮᠠᠨ ᠬᠡᠱᠢᠭᠲᠠᠢ ᠨᠢᠰᠤᠬᠠᠢᠨᠤᠭᠤᠳ ᠪᠠᠢᠨᠠ᠃ ᠪᠢᠳᠡᠬᠦᠦ ᠬᠤᠭᠤᠯᠠᠨ ᠲᠡᠭᠡᠷᠡ ᠪᠠᠭᠤᠴᠢᠬᠠᠯᠠ》 ᠬᠡᠬᠦ᠌ᠨᠢ ᠲᠡᠷᠡ᠃ ᠪᠢ ᠰᠠᠨᠳᠤᠷᠤᠨ ᠬᠠᠨᠴᠤᠢᠪᠠᠷᠢᠶᠠᠨ ᠬᠠᠮᠠᠷᠢᠶᠠᠨ ᠠᠷᠴᠢᠭ᠍ᠰᠠᠨᠳᠤ ᠪᠦᠬᠦᠳᠡ ᠪᠦᠬᠦᠳᠡᠭᠡᠷᠢᠶᠠᠨ ᠨᠢᠷᠬᠢᠨ ᠢᠨᠢᠶᠡᠯᠳᠦᠪᠡ᠃ ᠢᠩᠬᠢᠭᠡᠳ ᠪᠢ 《ᠨᠢᠰᠤᠬᠠᠢ》 ᠬᠤᠴᠢᠲᠠᠢ ᠪᠤᠯᠵᠤ ᠬᠤᠴᠤᠷᠤᠯᠠ᠃ ᠬᠡᠨ ᠨᠠᠳᠠ ᠡᠢᠮᠦ᠍ ᠮᠠᠭᠤᠬᠠᠢ ᠬᠤᠴᠢ ᠦᠭ᠌ᠬᠦᠭ᠌ᠰᠡᠨᠨᠢ ᠴᠦ᠍ ᠤᠨᠢᠰᠤᠭᠠ ᠪᠤᠯᠤᠨ ᠦᠯᠡᠳᠡᠪᠡ᠃
ᠲᠠᠷᠠᠭᠠ ᠵᠢᠯᠤᠨ ᠬᠢᠨᠢ ᠤᠯᠤᠰᠤᠨ ᠪᠠᠶᠠᠷᠢᠶᠠᠷ ᠪᠢ ᠬᠤᠱᠢᠭᠤᠴᠢ ᠠᠩᠬᠢᠳᠤ ᠡᠯᠰᠡᠭ᠌ᠳᠡᠨ ᠲᠠᠢᠵᠠᠨ ᠲᠡᠭᠡᠷᠡ ᠭᠠᠷᠴᠤ᠌ ᠤᠯᠠᠭᠠᠨ ᠪᠦᠴᠡ ᠵᠡᠬᠦᠨ ᠬᠦᠭ᠌ᠰᠡᠨ ᠲᠤᠭ᠍ᠳᠤᠯᠪᠠ᠃ ᠲᠡᠭᠡᠳᠡᠯᠡ ᠲᠡᠭᠡᠷᠡ ᠤᠨᠤ ᠢᠯᠡᠯᠳᠡ ᠠᠬᠠ ᠤᠯᠠᠨᠤ ᠡᠮᠦᠨᠡ ᠭᠠᠷᠤᠨ 《ᠪᠢ ᠨᠢᠬᠡᠨ ᠵᠦᠢᠯᠢ ᠲᠤᠳᠤᠷᠠᠭᠤᠯᠵᠤ ᠪᠤᠷᠤᠭᠤᠪᠠᠨ ᠬᠦᠯᠢᠶᠡᠶᠡ！ ᠨᠢᠳᠤᠨᠤᠨ᠂ ᠤᠯᠤᠰᠤᠨ ᠪᠠᠶᠠᠷᠢᠶᠠᠷ ᠪᠤᠤᠵᠠ ᠢᠳᠡᠵᠦ᠍ ᠰᠠᠭᠤᠳᠠᠯᠠ ᠡᠨᠡ ᠲᠡᠬᠦᠦ᠍ᠶ᠋ᠢ ᠠᠩᠬᠠ ᠢᠷᠡᠬᠦ᠌ᠪᠠᠷᠨᠢ 〈ᠠᠢᠬᠤᠪᠳᠤᠷ ᠠᠮᠠᠨ ᠬᠡᠱᠢᠭᠲᠠᠢ ᠨᠢᠰᠤᠬᠠᠢ ᠪᠠᠢᠨᠠ！〉 ᠭᠡᠵᠤ ᠬᠡᠯᠡᠭᠡᠳ ᠵᠢᠯ ᠲᠤᠭᠤᠷᠢᠭᠤ 〈ᠨᠢᠰᠤᠬᠠᠢ〉 ᠬᠤᠴᠢᠲᠠᠢ ᠶᠠᠪᠤᠭᠤᠯᠤᠯᠠ᠃ ᠠᠭᠤᠴᠢᠯᠠᠭᠠᠷᠠᠢ！ ᠦᠨᠡᠨᠳᠡᠭᠡᠨ ᠪᠢ ᠲᠡᠬᠦᠦ᠍ᠲᠠᠢ ᠮᠢᠨᠢ ᠠᠳᠠᠯᠢ 〈ᠨᠢᠯᠬᠠ ᠪᠡᠯᠴᠢᠷ〉 ᠭᠡᠵᠤ ᠦᠬᠦᠭᠡᠷᠳᠦᠭ᠌ᠰᠡᠨᠳᠡᠭᠡᠨ ᠲᠡᠷᠡ᠃ ᠲᠠᠬᠢᠭᠠᠳ ᠬᠡᠨ ᠴᠦ᠍ ᠪᠢᠳᠡᠬᠡᠢ 〈ᠨᠢᠰᠤᠬᠠᠢ〉 ᠭᠡᠵᠤ ᠬᠤᠴᠢᠯᠠᠭᠠᠷᠠᠢ！》 ᠭᠡᠪᠡ᠃ ᠢᠩᠬᠢᠵᠦ᠍ ᠪᠢ ᠰᠠᠨᠠᠭᠠᠨᠳᠤ ᠦᠭᠡᠢ ᠬᠦᠷᠳᠡᠭ᠌ᠰᠡᠨ ᠮᠠᠭᠤᠬᠠᠢ ᠬᠤᠴᠢᠠᠴᠠᠪᠠᠨ ᠰᠠᠯᠵᠤ ᠠᠮᠠᠷᠠᠯᠠ᠃ ᠡᠨᠡ ᠬᠤᠴᠢᠶ᠋ᠢ ᠬᠦᠷᠳᠡᠭᠡᠳ ᠨᠠᠳᠠ ᠮᠠᠭᠤ ᠮᠠᠭᠤᠬᠠᠢ ᠪᠤᠯᠤᠭ᠍ᠰᠠᠨᠨᠢ ᠶᠠᠭᠤ ᠶᠤᠮ᠃ ᠬᠠᠷᠢᠨ ᠶᠠᠭᠤ ᠶᠠᠭᠤᠨᠠᠴᠠ ᠦᠪᠡᠷᠢᠪᠠᠨ ᠴᠡᠪᠡᠷ ᠲᠡᠭ᠌ᠰᠢ ᠠᠪᠴᠤ᠌ ᠶᠠᠪᠤᠬᠤ ᠤᠬᠠᠭᠠᠨ ᠰᠠᠭᠤᠭ᠍ᠰᠠᠨ᠃
ᠪᠢᠳᠡᠨᠢ ᠦᠰᠭᠦᠳᠤ ᠪᠡᠯᠴᠢᠭᠡᠷ ᠨᠤᠳᠤᠭ ᠠᠭᠤᠳᠠᠮ᠂ ᠠᠳᠤᠭᠤ ᠲᠡᠮᠡᠭᠡ ᠠᠷᠪᠢᠨ ᠰᠠᠢᠬᠠᠨ ᠪᠠᠢᠯᠠ᠃ ᠭᠡᠰᠡᠨ ᠴᠦ᠍ ᠭᠡᠷᠤᠨ ᠠᠬᠠᠮᠠᠳ ᠨᠠᠷ ᠬᠡᠦᠬᠡᠳᠢᠶᠠᠨ ᠰᠤᠷᠭᠠᠭᠤᠯᠢᠳᠤ ᠬᠦᠷᠭᠡᠴᠢᠬᠡᠭᠡᠳ ᠡᠷᠬᠢᠵᠦ᠍ ᠲᠤᠭᠤᠷᠢᠬᠤᠨᠢ ᠲᠤᠢᠯᠤᠨ ᠬᠤᠪᠤᠷ᠃ ᠡᠳᠦᠷᠤᠨ ᠭᠠᠵᠠᠷᠠᠴᠠ ᠤᠨᠤᠭᠠ ᠱᠢᠪᠬᠠᠵᠤ ᠬᠡᠦᠬᠡᠳᠢᠶᠠᠨ ᠰᠤᠷᠭᠠᠭᠤᠯᠢᠳᠤ ᠬᠦᠷᠭᠡᠳᠡᠭ ᠠᠢᠯᠤᠳ ᠴᠦ᠍ ᠪᠢᠱᠢᠬᠦᠢ ᠪᠤᠢ᠃ ᠲᠡᠭᠡᠭᠡᠳ ᠤᠨᠤᠭᠠ ᠤᠨᠤᠰᠢᠪᠠᠨ ᠬᠠᠢᠷᠠᠯᠠᠭ᠍ᠰᠠᠨᠠᠴᠠ ᠤᠤ᠂ ᠠᠯᠢ ᠡᠰᠡᠬᠦᠯᠡ ᠬᠡᠦᠬᠡᠳᠲᠡᠭᠡᠨ ᠪᠠᠷᠢᠭᠤᠯᠴᠢᠬᠠᠬᠤ ᠵᠤᠭᠤᠰ ᠮᠦᠩᠬᠦᠨᠤ ᠭᠠᠴᠢᠭ᠍ᠳᠠᠯᠠᠴᠠ ᠪᠤᠯᠤᠭ᠍ᠰᠠᠨ ᠤᠤ᠂ ᠶᠠᠭᠤ ᠴᠦ᠍ ᠭᠡᠰᠡᠨ ᠭᠡᠦᠬᠡᠳᠢᠶᠠᠨ ᠡᠷᠬᠢᠬᠦ᠌ᠶ᠋ᠢ ᠲᠠᠭ ᠮᠡᠳᠡᠳᠡᠭ ᠦᠭᠡᠢ᠃ ᠶᠠᠭ ᠯᠠ ᠬᠡᠦᠬᠡᠳᠢᠶᠠᠨ ᠰᠤᠷᠭᠠᠭᠤᠯᠢᠳᠤ ᠪᠢᠰᠢ᠂ ᠦᠨᠡᠰᠦᠨᠳᠤ ᠬᠠᠶᠠᠭ᠍ᠰᠠᠨ ᠶᠤᠮᠱᠢᠭ ᠲᠠᠭ ᠴᠢᠭ ᠪᠤᠯᠤᠨᠠ᠃ ᠬᠡᠦᠬᠡᠳᠤᠳ ᠭᠡᠷ ᠤᠷᠤᠨᠢᠶᠠᠨ ᠰᠠᠨᠠᠵᠤ ᠤᠬᠢᠯᠠᠵᠤ ᠲᠠᠭᠤᠯᠠᠬᠤᠨᠢ ᠴᠦ᠍ ᠪᠤᠢ᠃ ᠭᠡᠰᠡᠨ ᠴᠦ᠍ ᠠᠪᠤ ᠡᠵᠢᠶ᠋ᠢ ᠤᠷᠤᠯᠠᠵᠤ ᠴᠢᠳᠠᠬᠤᠢᠴᠡ ᠦᠷᠦᠪᠴᠢ ᠵᠦᠭᠡᠯᠡᠨ ᠰᠡᠳᠭᠢᠯᠲᠠᠢ ᠪᠠᠭ᠍ᠰᠢ᠂ ᠠᠰᠠᠷᠠᠭ᠍ᠴᠢ ᠨᠠᠷ ᠪᠠᠢᠭ᠍ᠰᠠᠨ ᠪᠤᠯᠬᠤᠷ ᠶᠠᠭᠤ ᠠᠯᠵᠢᠶᠠᠬᠤ ᠪᠤᠢ᠃ ᠰᠤᠷᠤᠯᠴᠠᠬᠤᠳᠠᠭᠠᠨ ᠰᠤᠷᠤᠯᠴᠠᠨ᠂ ᠨᠠᠭᠠᠳᠭᠤᠳᠠᠭᠠᠨ ᠨᠠᠭᠠᠳᠤᠭᠠᠳ ᠡᠳᠦᠷ ᠬᠤᠨᠤᠭᠢ ᠪᠠᠶᠠᠷ ᠪᠠᠶᠠᠰᠤᠯ᠂ ᠬᠠᠢᠷᠠ ᠡᠨᠡᠷᠢᠯᠤᠨ ᠲᠤᠮᠳᠠ ᠤᠮᠪᠠᠵᠤ ᠱᠤᠩᠪᠠᠨ ᠠᠵᠠ ᠵᠢᠷᠭᠠᠯᠢᠶᠠᠷ ᠲᠦᠬᠦᠷᠡᠩ ᠠᠮᠢᠳᠤᠷᠠᠵᠦ᠍ ᠰᠤᠷᠤᠯᠴᠠᠳᠠᠭ ᠪᠠᠢᠯᠠ᠃
ᠶᠠᠭᠤ ᠶᠠᠭᠤᠨᠠᠴᠠ ᠮᠠᠨᠤ ᠵᠤᠰᠠᠯᠠᠩ ᠰᠤᠷᠭᠠᠭᠤᠯᠢᠠᠴᠠ ᠭᠤᠴᠢᠭᠠᠳᠭᠠᠨ ᠭᠠᠵᠠᠷ ᠬᠤᠯᠠ᠃ ᠤᠯᠤᠰᠤᠨ ᠪᠠᠶᠠᠷᠢᠶᠠᠷ ᠬᠤᠶᠠᠷᠬᠠᠨ ᠡᠳᠦᠷᠤᠨ ᠴᠢᠯᠦᠭᠡ ᠲᠠᠯᠪᠢᠳᠠᠭ ᠴᠦ᠍ ᠠᠬᠠ ᠪᠢᠳᠡ ᠬᠤᠶᠠᠷ ᠰᠠᠷᠠᠲᠠᠢ ᠪᠤᠯ ᠰᠦᠨᠢ᠂ ᠰᠠᠷᠠ ᠦᠭᠡᠢ ᠪᠤᠯ ᠦᠷᠤᠨ ᠬᠠᠷᠠᠩᠭᠤᠢᠪᠠᠷ ᠪᠤᠰᠤᠨ ᠬᠤᠶᠠᠷ ᠱᠢᠷᠭᠠ （ᠶᠠᠪᠠᠭᠠᠨ ᠬᠦᠶᠦᠬᠦ᠌） ᠪᠠᠨ ᠤᠷᠤᠯᠳᠤᠭᠤᠯᠤᠨ ᠬᠠᠷᠢᠳᠠᠭ᠃
ᠰᠦᠯ ᠪᠦᠷᠢᠨ ᠲᠠᠯᠪᠢᠭᠠ ᠦᠭᠡᠢ ᠴᠦ᠍ ᠮᠠᠯᠤᠨ ᠰᠦ ᠦᠳᠭᠡᠷᠡᠨ᠂ ᠦᠷᠦᠮᠡ ᠲᠤᠰᠤ ᠵᠤᠵᠠᠭᠠᠷᠠᠵᠤ᠂ ᠠᠯᠠᠭᠠᠨ ᠴᠢᠨᠡᠭᠡᠨ ᠦᠷᠦᠮᠡᠨᠳᠤ ᠱᠠᠩᠳᠠᠭᠤᠷᠠᠭ᠍ᠰᠠᠨ ᠥᠩᠲᠠᠢ ᠨᠠᠮᠤᠷᠤᠳ ᠬᠦᠪᠦᠷᠡᠨ ᠪᠠᠢᠭᠠᠯᠢ ᠡᠬᠡ ᠮᠠᠨᠢ ᠥᠩᠱᠢᠭ ᠰᠠᠢᠬᠠᠨ ᠪᠠᠢᠳᠠᠭ ᠪᠠᠢᠵᠠᠢ᠃
ᠮᠠᠨᠤᠬᠢ ᠪᠤᠭ ᠮᠠᠯᠤᠨ ᠠᠢᠯ᠂ ᠤᠨᠤᠭᠠᠷᠢᠶ᠋ᠢᠨ ᠭᠠᠭ᠍ᠴᠠᠬᠠᠨ ᠮᠤᠷᠢᠲᠠᠢ᠃ ᠠᠪᠤ ᠮᠢᠨᠢ ᠡᠮᠨᠢᠭ ᠰᠠᠢᠬᠠᠨ ᠰᠤᠷᠭᠠᠳᠠᠭ ᠪᠤᠯᠬᠤᠷ ᠤᠨᠤᠭᠠᠪᠠᠷ ᠲᠤᠳᠠᠬᠤ ᠦᠭᠡᠢ ᠴᠦ᠍ 《ᠬᠦᠮᠦᠨᠤ ᠤᠨᠤᠭᠠ ᠵᠢᠭ᠌ᠰᠢᠶᠡᠴᠢᠬᠡᠨᠡ》 ᠭᠡᠳ ᠪᠢᠳᠠ ᠬᠤᠶᠠᠷᠲᠤ ᠰᠤᠷᠭᠠᠵᠤ ᠪᠠᠢᠭᠠ ᠡᠮᠨᠢᠭᠢᠶᠠᠨ ᠤᠨᠤᠭᠤᠯᠳᠠᠭ ᠦᠭᠡᠢ᠃ ᠪᠢᠳᠡ ᠬᠤᠶᠠᠷ ᠪᠠᠰᠠ ᠯᠠ ᠦᠨᠦᠬᠢ ᠬᠤᠶᠠᠷ ᠱᠢᠷᠭᠠᠪᠠᠨ ᠱᠢᠩᠭᠡᠬᠦ᠌ᠶ᠋ᠢᠨ ᠱᠢᠷᠠ ᠨᠠᠷᠠᠲᠠᠢ ᠤᠷᠤᠯᠳᠤᠭᠤᠯᠤᠨ ᠪᠤᠴᠠᠨᠠ᠃ ᠲᠤᠷᠠᠳᠤ ᠱᠢᠷᠠ ᠦᠭᠡᠢ ᠪᠤᠯᠬᠤᠷ 《ᠬᠦᠷᠭᠡᠭ᠌ᠰᠡᠨ ᠦᠭᠡᠢ᠂ ᠲᠤᠰᠤᠭ᠍ᠰᠠᠨ ᠦᠭᠡᠢ》 ᠭᠡᠵᠤ ᠲᠤᠨᠢᠷᠬᠠᠳᠠᠭ ᠴᠦ᠍ ᠦᠭᠡᠢ᠃ ᠠᠬᠠ ᠪᠢᠳᠡ ᠬᠤᠶᠠᠷ ᠨᠢᠬᠡ ᠨᠢᠬᠡ ᠲᠤᠭᠤᠭᠠᠨᠤ ᠦᠷᠦᠮᠡ᠂ ᠬᠡᠳᠦ ᠭᠤᠷᠪᠠᠨ ᠬᠤᠷᠤᠳ᠂ ᠨᠢᠬᠡ ᠨᠢᠬᠡ ᠯᠤᠩᠬᠤ ᠲᠠᠱᠢᠮᠠᠭ ᠡᠬᠦᠷᠦᠭᠡᠳ ᠮᠤᠨᠳᠠᠭ 《ᠭᠠᠨᠵᠤᠭᠠ》ᠲᠠᠢ ᠪᠤᠴᠠᠨᠠ᠃ ᠬᠠᠶᠠ ᠵᠠᠷᠢᠮᠳᠠᠭᠠᠨ ᠭᠠᠭ᠍ᠴᠠ ᠬᠤᠶᠠᠷ ᠭᠤᠳᠤᠭᠤᠷ ᠬᠠᠳᠠᠭ᠍ᠰᠠᠨ ᠪᠤᠷᠴᠠ ᠪᠠᠷᠢᠭᠤᠯᠵᠤ ᠪᠠᠢᠬᠤᠪᠠᠨ ᠴᠦ᠍ ᠶᠠᠳᠠᠬᠤ ᠦᠭᠡᠢ᠃
ᠦᠳᠡᠰᠢᠶ᠋ᠢᠨ ᠱᠢᠷᠡ ᠭᠡᠭᠡᠪᠠᠷ ᠢᠯᠪᠢᠬᠦᠯᠦᠨ ᠰᠤᠷᠭᠠᠭᠤᠯᠢᠶ᠋ᠢᠨᠢᠶᠠᠨ ᠵᠡᠬᠦᠨ ᠨᠢᠷᠤᠭᠤᠨ ᠲᠡᠭᠡᠭᠦᠷ ᠲᠠᠪᠠᠭᠠᠳ ᠭᠠᠷᠬᠤᠳᠤ ᠠᠬᠠ ᠪᠢᠳᠡ ᠬᠤᠶᠠᠷᠤᠨ ᠪᠡᠢᠷᠢᠶ᠋ᠢᠨᠬᠢᠨ ᠬᠡᠵᠢᠶᠡᠨᠡᠢ ᠦᠬᠡᠢ ᠤᠯᠤᠭᠠᠳ ᠬᠠᠷᠠᠴᠢᠬᠠᠭ᠍ᠰᠠᠨ ᠲᠤᠰᠤᠭᠠᠳ ᠬᠦᠶᠦᠯᠳᠦᠨᠡ᠃ ᠵᠠᠷᠢᠮᠳᠠᠭᠠᠨ ᠪᠦᠷ ᠬᠠᠮᠢᠭᠠ ᠬᠤᠯᠠᠠᠴᠠ ᠲᠤᠰᠳᠠᠭ᠃ ᠡᠵᠢᠶ᠋ᠢᠨ ᠮᠢᠨᠢ ᠬᠦᠵᠡᠭᠡᠯᠡᠭ᠌ᠰᠡᠨ ᠲᠠᠱᠢᠮᠠᠭ ᠠᠮᠳᠠᠳᠠᠢ ᠭᠡᠵᠤ ᠭᠠᠢᠬᠠᠯᠳᠠᠢ᠃ ᠲᠠᠳᠠᠨᠤ ᠵᠠᠷᠢᠮᠨᠢ ᠬᠠᠯᠪᠠᠭᠠᠪᠠᠨ ᠡᠪᠦᠷᠳᠦᠯᠡᠭᠡᠳ ᠢᠷᠡᠬᠦ᠌ᠨᠢ ᠴᠦ᠍ ᠪᠤᠢ᠃ ᠭᠡᠯᠡ ᠴᠦ᠍ ᠭᠡᠰᠡᠨ ᠪᠢᠳᠡ ᠬᠤᠶᠠᠷᠤᠨ ᠬᠠᠭᠤᠷᠠᠢ ᠬᠦᠨᠡᠰᠦᠶ᠋ᠢ ᠪᠦᠬᠦᠳᠡᠶ᠋ᠢᠨᠢ ᠬᠠᠭᠤᠷᠠᠢᠯᠠᠳᠠᠭ ᠦᠭᠡᠢ᠃ ᠬᠠᠷᠢᠨ ᠬᠤᠪᠢᠶᠠᠵᠤ ᠠᠮᠰᠠᠨ ᠬᠤᠪᠳᠤᠭᠢᠶᠠᠨ ᠲᠠᠷᠤᠭᠠᠳ ᠶᠡᠬᠡᠩᠬᠢ ᠬᠠᠭᠠᠰᠢᠨᠢ ᠦᠯᠡᠳᠡᠭᠡᠨᠡ᠃
ᠬᠦᠮᠦᠨ ᠦᠳᠡᠯᠬᠦ᠌ ᠲᠤᠰᠤᠮ ᠪᠠᠭᠠ ᠨᠠᠰᠤᠪᠠᠨ ᠲᠤᠷᠠᠰᠭᠤ ᠲᠤᠷᠠᠳᠠᠢ᠃ ᠤᠳᠤ ᠪᠦᠷ ᠡᠪᠦᠭᠡ ᠡᠮᠡᠭᠡ ᠪᠤᠯᠴᠢᠬᠠᠭ᠍ᠰᠠᠨ ᠬᠢᠷᠢᠨᠡᠪᠠᠨ ᠬᠠᠮᠢᠭᠠᠨᠠ ᠴᠠᠭᠠᠨᠠ ᠠᠭᠤᠯᠵᠠᠵᠤ ᠤᠴᠠᠷᠠᠨ ᠬᠠᠭᠤᠷᠠᠢ ᠬᠦᠨᠡᠰᠦᠪᠠᠨ ᠬᠤᠪᠢᠶᠠᠯᠴᠠᠳᠠᠭ ᠪᠠᠢᠭ᠍ᠰᠠᠨᠢᠶᠠᠨ ᠲᠤᠷᠠᠰᠤᠨ ᠶᠠᠷᠢᠵᠤ ᠬᠦᠭ᠌ᠵᠢᠯᠳᠦᠳᠡᠭ ᠰᠠᠨ᠃ ᠡᠵᠢᠶ᠋ᠢᠨ ᠬᠦᠵᠡᠭᠡᠯᠡᠭ᠌ᠰᠡᠨ ᠲᠠᠱᠢᠮᠠᠭᠤᠨ ᠠᠮᠳᠠᠳᠠᠢᠶ᠋ᠢ ᠭᠠᠢᠬᠠᠨ ᠪᠤᠷᠬᠠᠨ ᠪᠤᠯᠤᠭ᠍ᠰᠠᠨ ᠡᠵᠢᠶ᠋ᠢ ᠮᠢᠨᠢ ᠲᠤᠷᠠᠰᠤᠨ ᠨᠢᠯᠪᠤᠰᠤ ᠤᠨᠠᠭᠠᠬᠤᠨᠢ ᠴᠦ᠍ ᠪᠤᠢ᠃
ᠵᠠᠷᠢᠮᠳᠠᠭᠠᠨ ᠤᠯᠤᠰᠤᠨ ᠪᠠᠶᠠᠷᠢᠶᠠᠷ ᠪᠠᠢᠷᠢᠶ᠋ᠢᠨ ᠬᠡᠳᠦ ᠮᠢᠨᠢ ᠲᠤᠰᠭᠠᠢᠯᠠᠨ ᠮᠠᠨᠤᠳᠤ ᠴᠤᠭ᠍ᠯᠠᠷᠠᠨ ᠪᠠᠭᠠ ᠰᠤᠷᠭᠠᠭᠤᠯᠢᠳᠤ ᠪᠤᠯᠤᠭ᠍ᠰᠠᠨ ᠬᠦᠭ᠌ᠳᠡᠢ ᠱᠤᠮᠳᠠᠢ ᠤᠴᠠᠷᠠᠯᠢᠶᠠᠨ ᠠᠮᠠ ᠪᠤᠯᠢᠶᠠᠯᠳᠤᠨ ᠬᠦᠭᠡᠷᠦᠯᠳᠦᠨᠡ᠃ ᠲᠡᠷᠡ ᠲᠤᠰᠤᠮᠢᠶᠠᠨ ᠪᠢᠳᠠ ᠬᠤᠶᠠᠷᠢ ᠬᠡᠵᠢᠶᠡ ᠵᠡᠬᠦᠨ ᠨᠢᠷᠤᠭᠤᠨ ᠲᠡᠭᠡᠭᠦᠷ ᠭᠠᠷᠴᠤ᠌ ᠢᠷᠡᠳᠡᠭ ᠪᠤᠯ ᠬᠡᠮᠡᠨ ᠪᠠᠢᠷᠢᠶ᠋ᠢᠨᠢᠶᠠᠨ ᠵᠡᠬᠦᠨ ᠲᠠᠯᠠᠳᠤ ᠱᠢᠯᠦᠰᠦᠪᠠᠨ ᠵᠠᠯᠬᠢᠨ ᠬᠦᠯᠢᠶᠡᠳᠡᠭ ᠪᠠᠢᠭ᠍ᠰᠠᠨᠢᠶᠠᠨ； ᠬᠦᠯᠢᠶᠡᠵᠦ᠍ ᠶᠠᠳᠠᠭᠠᠳ ᠲᠤᠰᠤᠨ ᠬᠦᠶᠦᠯᠴᠡᠳᠡᠭ ᠪᠠᠢᠭ᠍ᠰᠠᠨᠢᠶᠠᠨ； ᠰᠠᠷᠠ ᠦᠭᠡᠢ ᠲᠤᠬᠢᠶᠠᠯᠳᠤᠯᠳᠤ ᠵᠢᠷᠭᠠᠬᠤᠶ᠋ᠢᠨ ᠱᠢᠷᠠ ᠨᠡᠷᠡᠨᠢᠶᠠᠷ ᠵᠠᠮᠤᠨ ᠲᠤᠮᠳᠠᠭᠤᠷᠲᠤ ᠲᠤᠰᠳᠠᠭ ᠪᠠᠢᠭ᠍ᠰᠠᠨᠢᠶᠠᠨ； ᠠᠮᠳᠠᠳᠠᠢ ᠰᠠᠢᠬᠠᠨᠢᠨᠢ ᠭᠠᠢᠬᠠᠨ ᠭᠠᠭ᠍ᠴᠠ ᠬᠠᠯᠪᠠᠭᠠ ᠲᠠᠱᠢᠮᠠᠭᠢ ᠴᠦ᠍ ᠲᠠᠮᠱᠢᠶᠠᠯᠠᠨ ᠲᠠᠮᠱᠢᠶᠠᠯᠠᠨ ᠲᠤᠯᠢᠶᠠᠳᠠᠭ ᠪᠠᠢᠭ᠍ᠰᠠᠨᠢᠶᠠᠨ ᠁ ᠲᠤᠷᠠᠰᠤᠨ ᠶᠠᠷᠢᠯᠴᠠᠵᠤ ᠬᠦᠭ᠌ᠵᠢᠯᠳᠦᠨ ᠪᠠᠶᠠᠰᠤᠯᠴᠠᠬᠤ ᠦᠨᠡᠭᠡᠷ ᠰᠠᠢᠬᠠᠨ ᠪᠠᠢᠳᠠᠭ ᠪᠠᠢᠯᠠ᠃ ᠨᠢᠯᠬᠠ ᠪᠠᠯᠴᠢᠷ ᠨᠠᠰᠤ ᠮᠢᠨᠢ ᠨᠢᠰᠦᠨ ᠤᠳᠤᠭ᠍ᠰᠠᠨ ᠴᠦ᠍ ᠡᠷᠬᠢᠨ ᠰᠠᠨᠠᠬᠤ ᠲᠤᠷᠠᠳᠭᠠᠯᠲᠠᠢ ᠦᠳᠡᠯᠬᠦ᠌ᠨᠢ ᠵᠢᠷᠭᠠᠯᠤᠨ ᠲᠡᠭᠡᠳᠦ ᠵᠢᠷᠭᠠᠯ ᠪᠤᠶᠤ᠃
ᠢᠳᠡᠭᠡᠨ ᠬᠤᠪᠤᠷᠲᠠᠭᠠᠨ ᠠᠮᠳᠠᠳᠠᠢ᠃ ᠡᠯᠪᠡᠭ ᠲᠡᠯᠪᠡᠭ ᠴᠢᠨᠡᠭᠡᠯᠢᠭ ᠨᠡᠢᠭᠡᠮᠤᠨ ᠲᠠᠩᠰᠤᠭ ᠤᠷᠴᠢᠨᠳᠤ ᠦᠰᠴᠦ᠍ ᠦᠨᠳᠡᠢᠵᠦ᠍ ᠶᠠᠪᠤᠭᠠ ᠦᠷᠡ ᠬᠤᠢᠴᠢᠰ ᠮᠢᠨᠢ ᠪᠢᠳᠠᠨᠤ ᠡᠢᠨᠬᠦ᠌ ᠲᠤᠷᠠᠰᠭᠤᠶ᠋ᠢ ᠬᠡᠴᠢᠨᠡᠨ ᠰᠤᠨᠤᠰᠤᠭ᠍ᠰᠠᠨ ᠴᠦ᠍ 《ᠰᠡᠪᠡᠰᠦᠨᠤ ᠰᠠᠪᠠ — ᠬᠦᠵᠡᠭᠡᠨᠳᠤ ᠶᠠᠭᠠᠬᠢᠨ ᠰᠦ ᠬᠤᠷᠢᠶᠠᠵᠤ ᠪᠤᠯᠬᠤ ᠪᠤᠢ！》 ᠭᠡᠵᠤ ᠵᠢᠭ᠌ᠰᠢᠭᠡᠳ ᠬᠦᠵᠡᠭᠡᠯᠡᠭ᠌ᠰᠡᠨ ᠲᠠᠱᠢᠮᠠᠭᠲᠠᠢ ᠡᠪᠯᠡᠷᠡᠬᠦ᠌ ᠦᠭᠡᠢ ᠪᠠᠢᠬᠤᠪᠠᠨ ᠴᠦ᠍ ᠶᠠᠳᠠᠬᠤ ᠦᠭᠡᠢ᠃ ᠬᠠᠭᠤᠴᠢᠨ ᠶᠠᠭᠤᠮᠠ ᠤᠯᠠ ᠪᠤᠯᠵᠤ᠂ ᠱᠢᠨᠡ ᠶᠠᠭᠤᠮᠠ ᠵᠤᠯᠠ ᠪᠤᠯᠬᠤᠶ᠋ᠢ ᠠᠯᠢᠶ᠋ᠢᠨᠢ ᠲᠡᠷᠡ ᠭᠡᠬᠦ᠌ ᠪᠤᠢ ᠳ᠋ᠠ᠃ ᠭᠡᠯᠡ ᠴᠦ᠍ ᠭᠡᠰᠡᠨ ᠡᠢᠮᠦ᠍ ᠰᠠᠢᠬᠠᠨ ᠦᠪ ᠰᠤᠶᠤᠯ᠂ ᠲᠡᠢᠮᠦ᠍ ᠭᠤᠢᠳᠠ ᠨᠦᠬᠦᠷᠯᠡᠯ ᠪᠠᠢᠭ᠍ᠰᠠᠨ ᠮᠦᠷᠳᠡᠭᠡᠨ ᠪᠠᠢᠭ᠍ᠰᠠᠭᠠᠷ ᠯᠠ ᠪᠠᠢᠬᠤ ᠪᠤᠯᠤᠨᠠ ᠭᠡᠳᠡᠭᠢ ᠦᠨᠡᠯᠡᠬᠦ᠌ᠨᠢ ᠵᠦᠪ ᠡ！
ᠡᠳᠦᠭᠡ ᠰᠠᠨᠠᠭᠠᠪᠠᠷᠢᠶᠠᠨ ᠲᠤᠪᠳᠤᠯᠭᠠᠬᠤ ᠲᠡᠷᠭᠡ ᠮᠠᠱᠢᠨ᠂ ᠭᠠᠵᠠᠷᠢᠶᠠᠷ ᠭᠠᠯᠭᠢᠭᠤᠯᠬᠤ ᠭᠠᠯᠳᠤ ᠲᠡᠷᠭᠡ᠂ ᠠᠭᠠᠷᠢᠶᠠᠷ ᠱᠤᠩᠭᠤᠬᠤ ᠨᠢᠰᠭᠡᠯ᠂ ᠲᠠᠯᠠᠢᠪᠠᠷ ᠱᠤᠩᠪᠠᠭ᠍ᠤ ᠬᠦᠯᠭᠡ ᠤᠩᠭᠤᠴᠠ ᠁ ᠭᠡᠳ ᠦᠨᠳᠦᠷ ᠬᠤᠷᠳᠤᠴᠠᠲᠠᠢ᠂ ᠲᠤᠬᠢᠯᠢᠭ ᠲᠦᠬᠦᠭᠡᠷᠦᠮᠵᠢᠲᠠᠢ ᠪᠤᠯᠤᠭ᠍ᠰᠠᠨᠠᠴᠠ ᠬᠦᠮᠦᠨ ᠵᠤᠨ ᠮᠠᠨᠢ ᠱᠢᠨᠡ ᠴᠠᠭᠤᠨ ᠤᠨᠤᠭᠠ ᠬᠦᠰᠭᠡᠪᠠᠷ ᠱᠤᠤᠭᠢᠭᠤᠯᠤᠨ᠂ ᠡᠬᠡ ᠤᠯᠤᠰᠤᠨᠢᠶᠠᠨ ᠡᠯᠡ ᠭᠠᠵᠠᠷᠢᠶᠠᠷ ᠲᠤᠭᠤᠷᠢᠨ ᠵᠢᠭᠣᠯᠴᠢᠯᠠᠵᠦ᠂ ᠤᠯᠤᠰ ᠤᠷᠤᠨᠤᠪᠠᠨ ᠬᠦᠭ᠌ᠵᠢᠯᠳᠡ ᠲᠠᠪᠱᠢᠯᠳᠠᠶ᠋ᠢ ᠨᠢᠳᠦ᠍ᠪᠠᠷᠢᠶᠠᠨ ᠦᠵᠡᠨ᠂ ᠰᠡᠳᠭᠢᠯᠢᠶᠠᠷᠢᠶᠠᠨ ᠪᠠᠭ᠍ᠠᠷᠬᠠᠬᠤᠨᠢ ᠠᠮᠤᠭᠤᠯᠠᠩ ᠲᠦᠷᠦ᠍ᠶ᠋ᠢᠨ ᠠᠷᠠᠳ ᠪᠤᠯᠤᠭ᠍ᠰᠠᠨᠤ ᠵᠢᠷᠭᠠᠯ ᠠᠵᠢ！
ᠠᠭᠤᠤ ᠶᠡᠭᠡ ᠡᠬᠡ ᠤᠯᠤᠰᠤᠨ ᠮᠠᠨᠢ ᠪᠠᠶᠠᠷ ᠲᠤᠷᠠᠰᠭᠠᠯᠤᠨ ᠡᠳᠦᠷᠤᠳ ᠡᠷᠭᠢᠯᠳᠦᠬᠦ᠌ ᠵᠠᠭᠤᠨᠢ ᠰᠤᠨᠳᠠᠯᠠᠨ ᠰᠤᠨᠳᠠᠯᠠᠨ ᠲᠤᠷᠠᠰᠭᠠᠭ᠍ᠳᠠᠨ ᠲᠡᠮᠳᠡᠭ᠌ᠯᠡᠭ᠌ᠳᠡᠵᠦ᠍᠂ ᠬᠦᠴᠦᠷᠭᠡᠭ᠌ᠵᠢᠨ ᠮᠠᠨᠳᠤᠬᠤᠶ᠋ᠢ ᠲᠠᠭᠠᠯᠳᠤᠨ᠂ ᠦᠨᠳᠦᠰᠦᠳᠡᠨᠨᠦᠭᠦᠳᠤᠨ ᠠᠷᠠᠳ ᠲᠦᠮᠡᠨᠤ ᠦᠪ ᠶᠡᠭᠡ ᠰᠤᠶᠤᠯ ᠦᠶᠡᠶ᠋ᠢᠨ ᠦᠶᠡᠳᠤ᠂ ᠦᠷᠡᠶ᠋ᠢᠨ ᠦᠷᠡᠳᠤ ᠤᠯᠠᠮᠵᠢᠯᠠᠭ᠍ᠳᠠᠨ ᠲᠡᠯᠭᠡᠷᠡᠬᠦ᠌ᠨᠢ ᠯᠠᠪᠳᠠᠢ！
ᠠᠭᠤᠤ ᠤᠯᠤᠰᠤᠨ ᠮᠠᠨᠢ ᠪᠡᠶᠡᠷᠤᠨ ᠡᠳᠦᠷ ᠮᠠᠨᠳᠤᠨ ᠮᠠᠨᠳᠤᠬᠤ ᠪᠤᠯᠳᠤᠭᠠᠢ！