ᠦᠨᠳᠦᠰᠦᠨ ᠪᠠᠢᠳᠠᠯ —
ᠵᠤᠬᠢᠶᠠᠨ ᠪᠦᠳᠦᠭᠡᠭ᠌ᠰᠡᠨ ᠴᠠᠭ ᠄ 2010 ᠣᠨ
ᠦᠭᠡ ᠄ ᠴᠢᠶᠤᠤ ᠮᠢᠩ
ᠠᠶᠠ ᠄ ᠤᠯᠠᠭᠠᠨᠳᠤᠭ
ᠵᠤᠬᠢᠶᠠᠨ ᠪᠦᠳᠦᠭᠡᠭ᠌ᠰᠡᠨ ᠬᠡᠯᠪᠡᠷᠢ ᠄ ᠬᠢᠳᠠᠳ ᠵᠢᠡᠷ ᠵᠤᠬᠢᠶᠠᠨ ᠪᠦᠲᠦᠭᠡᠵᠦ᠂ ᠲᠠᠷᠠᠭᠠ ᠨᠢ ᠮᠤᠩᠭᠤᠯᠴᠢᠯᠠᠪᠠ
ᠠᠶᠠᠶ᠋ᠢᠨ ᠤᠨᠴᠠᠯᠢᠭ ᠄ ᠲᠦᠷᠪᠡᠴᠡ — ᠳᠠᠪᠤᠴᠠ ᠪᠡᠷ ᠡᠬᠢᠯᠡᠬᠦᠯᠵᠦ᠂ ᠲᠡᠭᠡᠭᠰᠢ ᠳᠤᠷᠤᠬᠰᠢ ᠦᠭᠰᠦᠵᠦ ᠤᠷᠤᠭᠤᠳᠠᠨ᠂ ᠵᠢᠷᠭᠤᠭᠠᠴᠠ ᠪᠠ ᠨᠠᠢ᠍ᠮᠠᠴᠠ ᠵᠢᠨ ᠦᠰᠦᠷᠦᠯᠳᠡᠶᠢ ᠤᠶᠠᠯᠳᠤᠭᠤᠯᠵᠠᠢ
ᠲᠠᠭᠤᠤ ᠵᠢᠨ ᠲᠦᠷᠦᠯ ᠄ ᠵᠤᠬᠢᠶᠠᠯ ᠤᠨ ᠲᠠᠭᠤᠤ
ᠠᠯᠳᠠᠷ — 2012 ᠤᠨᠳᠦ ᠪᠦᠬᠦ ᠤᠯᠤᠰᠤᠨ《ᠲᠠᠪᠤᠨ ᠨᠢᠬᠡ ᠵᠢᠨ ᠢᠨᠵᠧᠨᠧᠷᠢᠩ》 ᠤ᠋ᠨ ᠱᠠᠩᠨᠠᠯ ᠬᠦᠷᠳᠡᠪᠡ᠃
ᠦᠨᠡᠯᠡᠯᠳᠡ —
ᠮᠦᠩᠬᠡᠴᠡᠴᠡᠭ （ᠥᠪᠦᠷ ᠮᠤᠩᠭᠤᠯᠤᠨ ᠪᠠᠬᠰᠢ ᠵᠢᠨ ᠶᠡᠬᠡ ᠰᠤᠷᠭᠠᠭᠤᠯᠢ ᠵᠢᠨ ᠲᠠᠭᠤᠤ ᠬᠦᠭᠵᠢᠮᠤᠨ ᠲᠡᠭᠡᠳᠦ ᠰᠤᠷᠭᠠᠭᠤᠯᠢ ᠵᠢᠨ ᠫᠷᠤᠹᠧᠰᠰᠤᠷ）
《ᠨᠤᠲᠤᠭᠤᠨ ᠰᠢᠷᠭᠠᠯ ᠴᠠᠢ》 ᠬᠡᠮᠡᠬᠦ ᠲᠠᠭᠤᠤ ᠠᠮᠢᠳᠤᠷᠠᠯᠤᠨ ᠬᠠᠮᠤᠭᠤᠨ ᠶᠡᠷᠦᠮᠳᠡᠭ ᠮᠦᠷᠳᠡᠬᠡᠨ ᠰᠠᠯᠵᠤ ᠪᠤᠯᠤᠰᠢ ᠦᠭᠡᠢ ᠰᠦ ᠲᠠᠢ ᠰᠢᠷᠭᠠᠯ ᠴᠠᠢ ᠪᠡᠷ ᠰᠡᠳᠦᠪᠯᠡᠭᠰᠡᠨ ᠨᠢ ᠮᠠᠰᠢ ᠬᠦᠨ ᠤᠴᠢᠷ ᠤᠳᠬᠠ ᠲᠠᠢ ᠪᠤᠯᠵᠠᠢ᠃ 《ᠴᠠᠢ》 ᠨᠢ ᠵᠦᠪᠬᠡᠨ ᠤᠮᠳᠠᠭᠠᠨ ᠳᠡᠳᠦᠢ ᠪᠢᠰᠢ᠂ ᠬᠠᠷᠢᠨ ᠥᠩᠬᠡᠷᠡᠭᠰᠡᠨᠤ ᠳᠤᠷᠠᠰᠤᠮᠵᠢ᠂ ᠦᠨᠦᠳᠦᠷ ᠤᠨ ᠠᠮᠳᠠᠷᠬᠠᠯ᠂ ᠢᠷᠡᠭᠡᠳᠦᠢ ᠵᠢᠨ ᠮᠦᠷᠦᠭᠡᠳᠦᠯ᠂ ᠨᠤᠳᠤᠭ ᠤᠰᠤ ᠡᠴᠡ ᠪᠡᠨ ᠰᠠᠯᠤᠬᠰᠠᠨ ᠬᠦᠮᠦᠰ ᠤᠨ ᠰᠡᠳᠬᠢᠯᠤᠨ ᠰᠢᠵᠢᠮ ᠪᠢᠯᠡ᠃
ᠲᠠᠭᠤᠤ ᠵᠢᠨ ᠦᠬᠡ ᠵᠢᠨ ᠬᠤᠪᠢᠳᠦ᠂ ᠰᠠᠷᠠᠨᠤ ᠭᠡᠷᠡᠯ ᠠᠰᠬᠠᠷᠠᠬᠰᠠᠨ ᠰᠠᠢᠬᠠᠨ ᠦᠳᠡᠰᠢ ᠨᠤᠳᠤᠭ ᠵᠢᠨᠨ ᠰᠠᠬᠢᠬᠰᠠᠨ ᠡᠵᠢ ᠬᠤᠨᠢ ᠪᠡᠨ ᠬᠤᠳᠠᠯᠠᠵᠤ ᠭᠠᠯ ᠵᠢᠨᠨ ᠠᠰᠠᠭᠠᠭᠠᠳ ᠠᠭᠠᠭ ᠲᠠᠢ ᠰᠢᠷᠠ ᠴᠠᠢ ᠪᠡᠨ ᠰᠠᠮᠤᠷᠤᠨ ᠰᠠᠮᠤᠷᠤᠨ ᠪᠠᠢᠭᠠᠶᠢ ᠨᠢᠳᠦᠨᠳᠦ ᠦᠵᠡᠭᠳᠡᠮᠡ ᠰᠠᠢᠬᠠᠨ ᠲᠦᠷᠰᠦᠯᠡᠵᠡᠢ᠃ ᠲᠠᠭᠤᠤ ᠵᠢᠨ ᠠᠶᠠ ᠵᠢᠨ ᠬᠤᠪᠢᠳᠦ᠂ ᠲᠦᠷᠪᠡᠴᠡ — ᠳᠠᠪᠤᠴᠠ ᠪᠡᠷ ᠡᠬᠢᠯᠡᠬᠦᠯᠵᠦ᠂ ᠲᠡᠭᠡᠭᠰᠢ ᠳᠤᠷᠤᠬᠰᠢ ᠦᠭᠰᠦᠵᠦ ᠤᠷᠤᠭᠤᠳᠠᠨ᠂ ᠵᠢᠷᠭᠤᠭᠠᠴᠠ ᠪᠠ ᠨᠠᠢ᠍ᠮᠠᠴᠠ ᠵᠢᠨ ᠦᠰᠦᠷᠦᠯᠳᠡᠶᠢ ᠤᠶᠠᠯᠳᠤᠭᠤᠯᠤᠨ ᠲᠡᠭᠦᠰᠭᠡᠭᠰᠡᠨ ᠨᠢ ᠮᠠᠰᠢ ᠶᠡᠬᠡ ᠰᠡᠳᠬᠢᠯᠤᠨ ᠴᠠᠯᠬᠢᠶᠠᠶᠢ ᠡᠬᠦᠰᠬᠡᠵᠦ ᠲᠠᠭᠤᠤ ᠵᠢᠨ ᠰᠠᠨᠠᠭᠠ ᠠᠬᠤᠢ ᠲᠠᠢ ᠪᠡᠨ ᠶᠠᠪ ᠴᠠᠪ ᠠᠪᠤᠴᠠᠯᠳᠤᠬᠰᠠᠨ ᠪᠠᠢᠨᠠ᠃
ᠦᠯᠢᠭᠡᠷ —
ᠴᠠᠢ — ᠮᠠᠨᠤ ᠤᠯᠤᠰᠤᠨ ᠡᠮᠦᠨᠡᠳᠦ ᠤᠷᠤᠨᠤ ᠬᠠᠮᠤᠭᠤᠨ ᠴᠢᠬᠤᠯᠠ ᠠᠵᠤ ᠠᠬᠤᠢ ᠵᠢᠨ ᠲᠠᠷᠢᠮᠠᠯᠤᠨ ᠨᠢᠬᠡ ᠪᠤᠯᠬᠤ ᠨᠠᠪᠴᠢ ᠵᠤᠯᠭᠠᠷᠠᠬᠤ ᠪᠤᠳᠠ ᠮᠤᠳᠤ᠃ ᠬᠡᠪᠤᠨ ᠴᠠᠢ ᠠᠯᠢ ᠡᠷᠳᠡ 17 ᠳ᠋ᠤᠭᠠᠷ ᠵᠠᠭᠤᠨᠤ ᠦᠶᠡ ᠡᠴᠡ ᠠᠪᠤᠭᠠᠳ ᠠᠽᠢᠶᠠ ᠡᠸᠦ᠋ᠷᠦᠫᠠ ᠪᠡᠷ ᠶᠡᠬᠡᠳᠡ ᠪᠤᠷᠤᠯᠠᠭᠤᠯᠤᠬᠳᠠᠵᠤ᠂ ᠤᠯᠠᠨ ᠤᠯᠤᠰᠤᠨ ᠠᠷᠠᠯᠵᠢᠶᠠ ᠬᠤᠳᠠᠯᠳᠤᠭᠠᠨ ᠤ 《ᠲᠦᠮᠡᠨ ᠭᠠᠵᠠᠷᠤᠨ ᠴᠠᠢ ᠵᠢᠨ ᠵᠠᠮ》 ᠭᠠᠷᠴᠠᠢ᠃ ᠲᠡᠷᠡ ᠳᠤᠮᠳᠠ᠂ ᠤᠮᠠᠷᠠᠳᠤ ᠤᠷᠤᠨ ᠤ ᠰᠦ ᠲᠠᠢ ᠨᠡᠢᠯᠡᠵᠦ 《ᠰᠦ ᠲᠠᠢ ᠴᠠᠢ》 ᠪᠤᠯᠤᠭᠠᠳ ᠮᠤᠩᠭᠤᠯᠴᠤᠳᠤᠨ ᠠᠮᠢᠳᠤᠷᠠᠯᠳᠦ ᠤᠰᠤ ᠰᠦ ᠰᠢᠭ ᠢᠳᠡᠭᠡᠰᠢᠨ ᠠᠭᠤᠰᠤᠯᠴᠠᠵᠠᠢ᠃
ᠰᠦ ᠲᠠᠢ ᠴᠠᠢ — ᠰᠦ ᠲᠠᠢ ᠴᠠᠢ ᠵᠦᠪᠭᠡᠨ ᠮᠤᠩᠭᠤᠯᠴᠤᠳᠤᠨ ᠡᠳᠦᠷ ᠲᠤᠳᠤᠮᠤᠨ ᠤᠮᠳᠠᠭᠠᠨᠤ ᠨᠢᠭᠡ ᠲᠡᠳᠦᠢ ᠪᠢᠰᠢ᠃ ᠬᠠᠷᠢᠨ ᠮᠤᠩᠭᠤᠯ ᠰᠤᠶᠤᠯᠤᠨ ᠲᠤᠳᠠᠭᠳᠠᠵᠦ ᠪᠤᠯᠤᠰᠢ ᠦᠭᠡᠢ ᠨᠢᠭᠡ ᠪᠦᠷᠢᠯᠳᠦᠬᠦᠨ ᠭᠡᠰᠡᠭ ᠪᠤᠯᠤᠭᠰᠠᠨ ᠪᠦᠭᠡᠳ ᠮᠤᠩᠭᠤᠯᠴᠤᠳᠤᠨ ᠵᠠᠩ ᠦᠢᠯᠡ᠂ ᠬᠠᠢᠷᠠ ᠰᠡᠳᠬᠢᠯᠭᠡᠨᠢ ᠬᠤᠯᠪᠤᠭᠰᠠᠨ ᠰᠤᠶᠤᠯᠤᠨ ᠬᠠᠮ ᠠᠴᠢᠶᠠᠯᠠᠪᠤᠷᠢ ᠪᠤᠯᠤᠨᠠ᠃ ᠡᠵᠢ ᠵᠢᠨ ᠴᠢᠨᠠᠭᠰᠠᠨ ᠰᠦ ᠲᠠᠢ ᠴᠠᠢ ᠡᠴᠡ ᠬᠦᠮᠦᠰ ᠡᠷᠴᠢ ᠬᠦᠴᠦ ᠠᠪᠳᠠᠭ᠂ ᠤᠢ ᠤᠬᠠᠭᠠᠨ ᠰᠤᠷᠳᠠᠭ᠂ ᠬᠦᠮᠦᠨ ᠪᠤᠯᠬᠤ ᠶᠤᠰᠤ ᠵᠢ ᠤᠢᠯᠠᠭᠠᠳᠠᠭ᠃ ᠰᠦ ᠲᠠᠢ ᠴᠠᠢ ᠪᠠᠨ ᠤᠤᠭᠤᠵᠦ ᠦᠰᠦᠭᠰᠡᠨ ᠦᠷᠡᠰ ᠨᠢ ᠲᠠᠯᠠ ᠪᠠᠨ ᠰᠢᠬ ᠠᠭᠤᠵᠢᠮ ᠰᠡᠳᠬᠢᠯ ᠲᠠᠢ᠂ ᠠᠭᠤᠯᠠ ᠪᠠᠨ ᠰᠢᠭ ᠰᠦᠷᠯᠢᠭ ᠪᠠᠷᠠ ᠲᠠᠢ ᠮᠤᠩᠭᠤᠯ ᠬᠦᠮᠦᠨ ᠪᠤᠯᠵᠦ ᠪᠤᠢᠵᠢᠳᠠᠭ᠃ ᠡᠢᠮᠦ ᠡᠴᠡ ᠰᠦ ᠲᠠᠢ ᠴᠠᠢ ᠪᠤᠯ ᠲᠠᠯᠠ ᠵᠢᠨ ᠮᠤᠩᠭᠤᠯ ᠦᠷᠡᠰᠤᠨ ᠦᠨᠢᠳᠡ ᠮᠠᠷᠳᠠᠰᠢ ᠦᠭᠡᠢ ᠲᠤᠷᠠᠳᠬᠠᠯ᠂ ᠠᠮᠢᠳᠤᠷᠠᠯᠤᠨ ᠬᠢᠨᠢ ᠬᠡᠯᠪᠡᠷᠢ᠂ ᠨᠡᠩ ᠴᠦ᠍ ᠠᠮᠢ ᠠᠮᠢᠵᠢᠷᠠᠯᠤᠨ ᠡᠬᠢ ᠦᠨᠳᠦᠰᠦ ᠪᠠᠢᠭᠠ ᠶᠤᠮ᠃ ᠤᠴᠢᠷ ᠨᠢ ᠲᠠᠯᠠ ᠵᠢᠨ ᠮᠤᠩᠭᠤᠯ ᠠᠢᠯᠳᠤ ᠰᠦ ᠲᠠᠢ ᠴᠠᠢ ᠯᠠᠪᠳᠠᠢ ᠠᠩᠬᠢᠯᠤᠨᠠ᠂ ᠰᠦ ᠲᠠᠢ ᠴᠠᠢ ᠠᠩᠬᠢᠯᠤᠭᠰᠠᠨ ᠭᠠᠵᠠᠷ ᠲᠦ᠍ ᠠᠮᠢ ᠠᠮᠢᠵᠢᠷᠠᠯ ᠪᠢᠯᠬᠠᠮᠠ ᠪᠠᠢᠳᠠᠭ ᠪᠤᠯᠬᠤᠷ ᠰᠦ ᠲᠠᠢ ᠴᠠᠢ ᠮᠤᠩᠭᠤᠯᠴᠤᠳᠤᠨ ᠠᠮᠢᠳᠤᠷᠠᠯ ᠦᠢᠯᠡᠳᠪᠦᠷᠢᠯᠡᠯ᠂ ᠰᠤᠶᠤᠯ ᠤᠷᠠᠯᠢᠬ᠂ ᠤᠶᠤᠨ ᠰᠠᠨᠠᠭᠠᠨᠳᠤ ᠬᠦᠷᠳᠡᠯᠡ ᠠᠭᠤᠰᠤᠨ ᠨᠡᠪᠴᠢᠭᠰᠡᠨ ᠶᠤᠮ᠃
2010 ᠤᠨᠳᠤ ᠮᠠᠨᠤ ᠤᠷᠤᠨᠤ ᠨᠡᠷᠡᠳᠦ ᠲᠠᠭᠤᠤ ᠵᠢᠨ ᠦᠭᠡ ᠵᠢᠨ ᠵᠤᠬᠢᠶᠠᠬᠴᠢ ᠴᠢᠶᠤᠤ ᠮᠢᠩᠤᠨ ᠰᠢᠯᠦᠭ᠂ ᠨᠡᠷᠡᠲᠦ ᠠᠶᠠᠯᠭᠤ ᠵᠤᠬᠢᠶᠠᠬᠴᠢ ᠤᠯᠠᠭᠠᠨᠳᠤᠬᠤᠨ ᠠᠶᠠ᠂ ᠨᠡᠷᠡᠳᠦ ᠲᠠᠭᠤᠤ ᠵᠢᠨ ᠦᠭᠡ ᠵᠢᠨ ᠵᠤᠬᠢᠶᠠᠬᠴᠢ ᠨᠠᠰᠤᠨᠤ ᠤᠷᠴᠢᠭᠤᠯᠭᠠ ᠪᠡᠷ 《ᠨᠤᠳᠤᠭᠤᠨ ᠰᠢᠷᠭᠠᠯ ᠴᠠᠢ》 ᠭᠡᠬᠦ ᠰᠠᠢᠬᠠᠨ ᠲᠠᠭᠤᠤ ᠵᠤᠬᠢᠶᠠᠭᠳᠠᠨ᠂ ᠨᠡᠷᠡᠳᠦ ᠲᠠᠭᠤᠴᠢᠨ ᠮᠦᠩᠬᠦᠨ ᠬᠢᠳᠠᠳ ᠮᠤᠩᠭᠤᠯ ᠬᠤᠤᠰ ᠬᠡᠯᠡ ᠪᠠᠷ ᠲᠠᠭᠤᠯᠠᠪᠠ᠃
— ᠳᠤᠰ ᠲᠠᠭᠤᠤ ᠬᠡᠷ ᠲᠡᠭᠡᠨ ᠬᠠᠷᠢᠭᠠᠳ ᠡᠵᠢ ᠵᠢᠨ ᠵᠢᠨᠨ ᠴᠢᠨᠠᠬᠰᠠᠨ ᠰᠢᠷᠭᠠᠯ ᠴᠠᠢᠶᠢ ᠤᠤᠭᠤᠵᠤ᠂ ᠨᠤᠳᠤᠭ ᠤᠰᠤᠨᠤ ᠪᠡᠨ ᠳᠤᠬᠠᠢ ᠰᠠᠢᠬᠠᠨ ᠵᠤᠭᠤᠭᠢ ᠴᠢᠩᠨᠠᠨ ᠰᠠᠭᠤᠵᠤ ᠪᠠᠢᠬᠤ ᠦᠷᠡ ᠵᠢᠨ ᠰᠡᠳᠬᠢᠯᠢ ᠪᠢᠴᠢᠭᠰᠡᠨ ᠪᠠᠢᠳᠠᠬ᠃ ᠶᠡᠷᠦ ᠨᠢ ᠢᠷᠠᠭᠤ ᠨᠠᠢᠷᠠᠬᠢ ᠤᠷᠴᠢᠭᠤᠯᠤᠨᠠ ᠭᠡᠳᠡᠭ ᠳᠤᠢᠯᠤᠨ ᠶᠡᠬᠡ ᠬᠦᠳᠡᠯᠮᠦᠷᠢ ᠵᠠᠷᠤᠴᠠᠭᠤᠯᠳᠠᠬ ᠠᠵᠢᠯ᠂ ᠨᠡᠩᠴᠦ ᠬᠦᠮᠦᠰᠤᠨ ᠰᠡᠳᠬᠢᠯᠳᠦ ᠬᠦᠷᠳᠡᠯᠡ ᠤᠷᠴᠢᠭᠤᠯᠤᠨᠠ ᠭᠡᠳᠡᠭ ᠮᠠᠰᠢ ᠬᠦᠴᠢᠷ ᠪᠠᠢᠳᠠᠬ᠃ ᠶᠠᠭᠤᠨᠤ ᠡᠮᠦᠨᠡ ᠠᠶᠠᠯᠭᠤᠨᠳᠦᠨᠢ ᠶᠠᠬ ᠳᠠᠭᠠᠷᠠᠭᠤᠯᠵᠤ ᠤᠷᠴᠢᠭᠤᠯᠬᠤᠶᠢ ᠠᠩᠬᠠᠷᠬᠤ ᠬᠡᠷᠡᠭᠳᠡᠢ᠃ ᠳᠠᠷᠠᠭᠠᠯᠠᠪᠠᠯ ᠦᠬᠡᠨᠤ ᠬᠢᠨᠢ ᠤᠳᠬᠠ ᠰᠡᠳᠬᠢᠯᠬᠡᠶᠢ ᠡᠷᠬᠡᠪᠰᠢ ᠪᠦᠷᠢᠨ ᠪᠦᠲᠦᠨ᠂ ᠵᠦᠪ ᠰᠠᠢᠬᠠᠨ ᠢᠯᠡᠷᠡᠬᠦᠯᠬᠦᠶᠢ ᠪᠤᠳᠤᠯᠬᠢᠯᠠᠬᠤ ᠬᠡᠷᠡᠭᠳᠡᠢ᠃ ᠡᠨᠡ ᠰᠠᠭᠤᠷᠢᠨ ᠲᠡᠭᠡᠷᠡ ᠤᠳᠬᠠ ᠰᠠᠨᠠᠭᠠᠶᠢ ᠳᠠᠬᠢᠨ ᠪᠠᠶᠠᠯᠢᠬᠵᠢᠭᠤᠯᠬᠤᠭᠡᠷᠡᠭᠳᠡᠢ ᠭᠡᠵᠦ ᠨᠠᠰᠤᠨ ᠶᠠᠷᠢᠵᠦ ᠪᠠᠢᠯᠠ᠃
ᠬᠤᠷᠳᠤᠨ ᠬᠦᠯᠦᠭ ᠡᠵᠡᠨ ᠵᠢᠨᠨ ᠤᠯᠵᠤ ᠲᠦᠷᠦᠳᠡᠭ ᠭᠡᠰᠡᠨ ᠰᠢᠭ ᠰᠠᠢᠬᠠᠨ ᠲᠠᠭᠤᠤᠴᠦ ᠲᠠᠭᠤᠴᠢᠨ ᠵᠢᠨᠨ ᠤᠯᠵᠤ ᠲᠦᠷᠦᠳᠡᠭ ᠤᠴᠢᠷᠳᠠᠢ ᠪᠠᠢᠵᠠᠢ᠃
— ᠪᠢ ᠦᠷᠬᠦᠯᠵᠢ ᠥᠪᠡᠷᠢ ᠪᠡᠨ ᠶᠡᠬᠡ ᠠᠵᠠᠳᠠᠢ ᠬᠦᠮᠦᠨ ᠭᠡᠵᠦ ᠪᠤᠳᠤᠵᠤ ᠰᠠᠨᠠᠵᠤ ᠶᠠᠪᠤᠳᠠᠬ᠃《ᠨᠤᠳᠤᠭᠤᠨ ᠰᠢᠷᠭᠠᠯ ᠴᠠᠢ》ᠪᠡᠨ ᠲᠠᠭᠤᠯᠠᠬᠰᠠᠨ ᠡᠴᠡ ᠬᠤᠢᠰᠢ ᠪᠢ ᠤᠯᠠᠨ ᠬᠦᠮᠦᠨᠳᠦ ᠲᠠᠨᠢᠬᠳᠠᠵᠤ᠂ ᠡᠨᠡ ᠲᠠᠭᠤᠤ ᠮᠢᠨᠢ ᠨᠠᠳᠠᠳᠤ ᠠᠷᠪᠢᠨ ᠰᠠᠢᠨ ᠰᠠᠢᠬᠠᠨ ᠵᠦᠢᠯᠢ ᠠᠪᠴᠢᠷᠠᠵᠤ ᠦᠭᠭᠦᠭᠰᠡᠨ ᠭᠡᠵᠦ ᠲᠠᠭᠤᠴᠢᠨ ᠮᠦᠩᠬᠦᠨ ᠶᠠᠷᠢᠵᠤ ᠪᠢᠯᠡ᠃
ᠴᠢᠶᠤᠤ ᠮᠢᠩ ᠤᠯᠠᠭᠠᠨᠳᠤᠭ ᠲᠦ᠍ ᠨᠡᠯᠢᠶᠡᠳ ᠬᠡᠳᠦᠨ ᠲᠠᠭᠤᠤ ᠵᠢᠨ ᠰᠢᠯᠦᠭ ᠦᠭᠭᠦᠭᠡᠳ ᠠᠶᠠ ᠲᠠᠭᠠᠷᠠᠭᠤᠯᠵᠤ ᠦᠭᠬᠦᠶᠢ ᠬᠦᠰᠡᠭᠰᠡᠨ ᠪᠤᠯᠪᠠᠴᠤ ᠤᠯᠠᠭᠠᠨᠳᠤᠬ ᠪᠠᠬᠰᠢ ᠠᠵᠢᠯ ᠶᠠᠭᠠᠷᠠᠤ ᠡᠴᠡ ᠪᠤᠯᠵᠤ ᠵᠠᠪᠳᠤᠭᠠ ᠦᠭᠡᠢ ᠪᠠᠢᠯᠠ᠃ ᠨᠢᠭᠡ ᠦᠷᠯᠦᠭᠡ ᠵᠢᠨ ᠴᠠᠢ ᠲᠡᠭᠡᠷᠡ ᠤᠯᠠᠭᠠᠨᠳᠤᠭ ᠴᠢᠶᠤᠤ ᠮᠢᠩ ᠬᠦᠬᠡᠬᠤᠳᠠᠳᠤ ᠤᠴᠠᠷᠠᠭᠠᠳ ᠤᠯᠠᠭᠠᠨᠳᠤᠭ《ᠨᠤᠳᠤᠭᠤᠨ ᠰᠢᠷᠭᠠᠯ ᠴᠠᠢ》 ᠵᠢᠨ ᠦᠭᠡᠳᠤᠨᠢ ᠠᠶᠠ ᠵᠤᠬᠢᠶᠠᠵᠦ ᠦᠭᠭᠦᠭᠰᠡᠨ ᠪᠠᠢᠯᠠ᠃ ᠤᠷᠤᠢ ᠵᠢᠨ ᠬᠤᠭᠤᠯᠠᠨ ᠰᠢᠷᠡᠭᠡᠨ ᠲᠡᠭᠡᠷᠡ ᠮᠦᠩᠬᠦᠨ ᠳᠤᠰ ᠲᠠᠭᠤᠤᠶᠢ ᠲᠠᠭᠤᠯᠠᠬᠤᠳᠦ ᠴᠢᠶᠤᠤ ᠮᠢᠩ ᠶᠡᠬᠡᠳᠡ ᠰᠡᠳᠬᠢᠯ ᠬᠦᠳᠡᠯᠵᠦ ᠨᠢᠳᠤᠨ ᠳ᠋ᠤᠨᠢ ᠨᠢᠯᠪᠤᠰᠤ ᠡᠷᠬᠢᠯᠳᠦᠵᠦ ᠪᠠᠢᠬᠰᠠᠨ ᠭᠡᠳᠡᠭ᠃ ᠢᠩᠬᠢᠬᠡᠳ 《ᠨᠤᠳᠤᠭᠤᠨ ᠰᠢᠷᠭᠠᠯ ᠴᠠᠢ》 ᠲᠠᠭᠤᠤ ᠨᠢ ᠲᠠᠭᠤᠴᠢᠨ ᠮᠦᠩᠬᠦᠨᠤ ᠨᠡᠷᠡ ᠵᠢᠨ ᠬᠠᠭᠤᠳᠠᠰᠤ ᠪᠤᠯᠵᠤ᠂ ᠤᠯᠤᠰᠤᠨ ᠭᠠᠳᠠᠭᠠᠳᠤ ᠳᠤᠲᠤᠭᠠᠳᠤ᠂ ᠶᠡᠬᠡ ᠪᠠᠭᠠ ᠳᠤᠬᠯᠠᠯᠳᠠ ᠦᠳᠡᠰᠢᠯᠡᠬᠡ ᠪᠡᠷ ᠤᠯᠠᠨ ᠲᠠᠭᠤᠯᠠᠬᠳᠠᠵᠤ᠂ ᠬᠤᠳᠠ ᠪᠠᠯᠭᠠᠰᠤᠨ ᠡᠴᠡ ᠬᠦᠳᠡᠬᠡ ᠨᠤᠳᠤᠭ ᠬᠦᠷᠳᠡᠯᠡ ᠬᠠᠩᠬᠢᠨᠠᠨ ᠴᠤᠤᠷᠢᠶᠠᠳᠤᠭᠰᠠᠨ ᠪᠦᠭᠡᠳ ᠪᠦᠬᠦ ᠤᠯᠤᠰᠤᠨ 《ᠲᠠᠪᠤᠨ ᠨᠢᠬᠡ ᠵᠢᠨ ᠢᠨᠵᠧᠨᠧᠷᠢᠩ》 ᠤ᠋ᠨ ᠱᠠᠩᠨᠠᠯᠬᠦᠷᠳᠡᠵᠡᠢ᠃