ᠦᠨᠳᠦᠰᠦᠨ ᠪᠠᠢᠳᠠᠯ —
ᠵᠤᠭᠢᠶᠠᠨ ᠪᠦᠳᠦᠭᠡᠭᠰᠡᠨ ᠴᠠᠭ ᠄ 2017 ᠤᠨ
ᠦᠭᠡ ᠄ ᠶᠤ·ᠡᠷᠳᠡᠨᠢᠲᠣᠭ᠍ᠲᠠᠬᠤ
ᠠᠶᠠ ᠄ ᠬᠡ᠊· ᠰᠡᠴᠡᠨᠳᠦ
ᠵᠤᠭᠢᠶᠠᠨ ᠪᠦᠳᠦᠭᠡᠭᠰᠡᠨ ᠭᠡᠯᠪᠡᠷᠢ ᠄ ᠠᠶᠠ ᠵᠢ ᠨᠢ ᠤᠷᠢᠳ ᠵᠢᠡᠷ ᠵᠤᠭᠢᠶᠠᠵᠤ᠂ ᠳᠠᠷᠠᠭᠠ ᠨᠢ ᠦᠭᠡ ᠳᠠᠭᠠᠷᠠᠭᠤᠯᠵᠠᠢ
ᠠᠶᠠ ᠵᠢᠨ ᠤᠨᠴᠠᠯᠢᠭ ᠄ 3/4 ᠵᠢᠨ ᠴᠣᠬᠢᠯᠭᠠ ᠪᠡᠷ ᠪᠢᠴᠢᠭ᠌ᠳᠡᠭ᠌ᠰᠡᠨ ᠪᠤᠯᠬᠤᠷ ᠴᠣᠭ᠍ᠯᠢᠭ ᠬᠡᠪ ᠨᠠᠮᠪᠠ ᠲᠠᠢ
ᠳᠠᠭᠤᠤ ᠵᠢᠨ ᠳᠦᠷᠦᠯ ᠄ ᠵᠤᠭᠢᠶᠠᠯ ᠤᠨ ᠲᠠᠭᠤᠤ
ᠦᠯᠢᠭᠡᠷ —
1957 ᠣᠨᠤ 6 ᠰᠠᠷᠠᠶ᠋ᠢᠨ 17 ᠤ᠋ ᠡᠳᠦᠷ᠂ ᠥᠪᠥᠷ ᠮᠣᠩᠭᠣᠯᠤᠨ ᠤᠤᠭᠠᠨ ᠤᠯᠠᠭᠠᠨᠮᠥ᠋ᠴᠢᠷ ᠱᠢᠯᠢᠶ᠋ᠢᠨ ᠭᠣᠣᠯ ᠠᠢᠮᠠᠭᠤᠨ ᠰᠥᠨᠢᠳ ᠪᠠᠷᠠᠭᠤᠨ ᠬᠣᠱᠢᠭᠤᠨᠳᠤ ᠪᠠᠢᠭᠤᠯᠤᠭ᠍ᠳᠠᠵᠠᠢ᠃ ᠡᠨᠡ ᠬᠦ᠌ ᠴᠠᠭ ᠦᠶᠠ ᠪᠤᠯ ᠰᠢᠨᠠ ᠳᠤᠮᠳᠠᠳᠦ ᠤᠯᠤᠰ ᠪᠠᠢᠭᠤᠯᠤᠭᠳᠠᠭᠰᠠᠨᠤ ᠳᠠᠷᠠᠭᠠ ᠨᠠᠮᠤᠨ ᠵᠦᠪ ᠤᠨᠤᠪᠴᠢᠳᠠᠢ ᠤᠳᠤᠷᠢᠳᠤᠯᠭᠠ ᠳᠤᠤᠷᠠ ᠦᠪᠦᠷ ᠮᠤᠩᠭᠤᠯᠤᠨ ᠡᠯᠡ ᠳᠠᠯᠠ ᠵᠢᠨ ᠠᠵᠢᠯ ᠳᠦᠷᠭᠡᠨ ᠬᠦᠭᠵᠢᠵᠦ᠂ ᠡᠯᠡ ᠦᠨᠳᠦᠰᠦᠳᠡᠨᠤ ᠠᠷᠠᠳ ᠳᠦᠮᠡᠨ ᠡᠷᠭᠡ ᠴᠢᠯᠦᠭᠡᠳᠠᠢ᠂ ᠵᠢᠷᠭᠠᠯᠳᠦ ᠠᠮᠢᠳᠤᠷᠠᠯ ᠵᠢᠡᠨ ᠴᠤᠭᠴᠠᠯᠠᠵᠦ ᠪᠠᠢᠭᠰᠠᠨ ᠶᠤᠮ᠃ ᠭᠡᠪᠡᠴᠦ ᠦᠪᠦᠷ ᠮᠤᠩᠭᠤᠯ ᠤᠷᠤᠨᠤ ᠭᠠᠵᠠᠷ ᠠᠭᠤᠳᠠᠮ᠂ ᠬᠦᠮᠦᠨ ᠴᠦᠭᠡᠨ᠂ ᠵᠠᠮ ᠬᠠᠷᠢᠯᠴᠠᠭᠠ ᠳᠦᠬᠦᠮ ᠦᠭᠡᠢ ᠵᠡᠷᠭᠡ ᠰᠢᠯᠳᠠᠭᠠᠨ ᠡᠴᠡ ᠪᠤᠯᠵᠦ᠂ ᠬᠦᠳᠡᠭᠡ ᠳᠤᠰᠬᠤᠨ ᠮᠠᠯᠵᠢᠬᠤ ᠤᠷᠤᠨᠳᠦ ᠨᠠᠮᠤᠨ ᠴᠢᠭᠯᠡᠯᠳᠡ ᠳᠦᠷᠦ ᠵᠢᠨ ᠪᠤᠳᠤᠯᠭᠠ ᠵᠢ ᠤᠬᠠᠭᠤᠯᠬᠤ᠂ ᠤᠳᠬᠠ ᠤᠷᠠᠯᠢᠭᠤᠨ ᠪᠦᠳᠦᠭᠡᠯᠢ ᠬᠦᠷᠭᠡᠬᠦᠳᠦ ᠬᠦᠴᠢᠷᠳᠠᠯ ᠲᠠᠢ ᠪᠠᠢᠭᠰᠠᠨ ᠵᠢᠡᠷ《ᠤᠯᠠᠭᠠᠨᠮᠥ᠋ᠴᠢᠷ》 ᠭᠡᠬᠦ ᠦᠪᠦᠷ ᠮᠤᠩᠭᠤᠯ ᠤᠷᠤᠨᠳᠦ ᠯᠡ ᠪᠠᠢᠳᠠᠭ ᠬᠤᠪᠢᠰᠬᠠᠯᠳᠦ ᠰᠤᠶᠤᠯᠤᠨ ᠠᠵᠢᠯᠤᠨ ᠠᠩᠬᠢ ᠪᠠᠢᠭᠤᠯᠤᠭᠳᠠᠭᠰᠠᠨ ᠨᠢ ᠦᠨᠳᠦᠰᠦᠨ ᠱᠠᠳᠤᠨᠤ ᠤᠯᠠᠨ ᠳᠦᠮᠡᠨᠤ ᠤᠶᠤᠨᠤ ᠬᠦᠨᠡᠰᠦ ᠬᠦᠷᠳᠡᠬᠦ ᠵᠠᠪᠰᠢᠶᠠᠨ ᠪᠤᠯᠵᠦ᠂ 2022 ᠤᠨ ᠪᠤᠯᠬᠤᠳᠦ ᠪᠦᠬᠦ ᠤᠷᠤᠨᠳᠦ ᠨᠢᠭᠡᠨᠳᠡ 75 ᠤᠯᠠᠭᠠᠨᠮᠦ᠋ᠴᠢᠷ ᠳᠠᠢ ᠪᠤᠯᠵᠠᠢ᠃
2017 ᠣᠨᠤ 11 ᠰᠠᠷᠠᠶ᠋ᠢᠨ 21 ᠤ᠋ ᠡᠳᠦᠷ᠂ ᠶᠡᠷᠦᠩᠬᠡᠢ ᠱᠦᠵᠢ ᠰᠢ ᠵᠢᠨ ᠫᠢᠩ ᠰᠥᠨᠢᠳ ᠪᠠᠷᠠᠭᠤᠨ ᠬᠣᠱᠢᠭᠤᠨᠤ ᠤᠯᠠᠭᠠᠨᠮᠥ᠋ᠴᠢᠷᠦᠨ ᠭᠡᠱᠢᠭᠦᠳᠲᠦ ᠬᠠᠷᠢᠭᠤ ᠵᠠᠬᠢᠳᠠᠯ ᠢᠯᠡᠭᠡᠵᠦ᠂ ᠥᠨᠢ ᠡᠭᠦᠷᠢᠳᠡ ᠲᠠᠯᠠ ᠨᠤᠲᠤᠭ ᠤᠨ 《ᠬᠤᠪᠢᠰᠭᠠᠯᠲᠤ ᠤᠳᠭᠠ ᠤᠷᠠᠯᠢᠭᠤᠨ ᠬᠥᠩᠭᠡᠨ ᠮᠣᠷᠢᠲᠤ ᠴᠡᠷᠢᠭ》ᠪᠣᠯᠬᠤᠶ᠋ᠢ ᠬᠦᠰᠡᠭᠰᠡᠨ ᠪᠠᠢᠨᠠ᠃ ᠶᠡᠷᠦᠩᠬᠡᠶ ᠱᠦᠵᠢᠶ᠋ᠢᠨ ᠴᠢᠩ ᠰᠡᠳᠭᠢᠯᠦᠨ ᠬᠦᠰᠡᠯ ᠨᠠᠢᠳᠠᠯᠭᠠ ᠨᠢ ᠪᠥᠬᠥ᠌ ᠣᠷᠣᠨᠤ ᠤᠯᠠᠭᠠᠨᠮᠥ᠋ᠴᠢᠷᠦᠨ ᠭᠡᠱᠢᠭᠦᠳ ᠴᠢᠨᠠᠭ᠍ᠰᠢᠯᠠᠨ ᠪᠦᠬᠦ᠌ ᠣᠷᠣᠨᠤ ᠤᠳᠭᠠ ᠤᠷᠠᠯᠢᠭᠤᠨ ᠠᠵᠢᠯᠲᠠᠳᠤᠨ ᠳᠤᠮᠳᠠ ᠬᠠᠯᠠᠭᠤᠨ ᠲᠤᠰᠭᠠᠯ ᠭᠠᠷᠴᠤ᠌᠂ ᠲᠠᠳᠠᠨᠤ ᠵᠣᠬᠢᠶᠠᠨ ᠪᠦᠳᠦᠭᠡᠯᠭᠡᠶ᠋ᠢᠨ ᠤᠷᠮᠠ ᠵᠣᠷᠢᠭᠢ ᠬᠦᠪᠴᠢᠯᠡᠵᠦ᠂ ᠤᠯᠠᠭᠠᠨᠮᠥ᠋ᠴᠢᠷ ᠤᠨ ᠲᠤᠬᠠᠢ ᠱᠢᠯᠦᠭ ᠳᠠᠭᠤᠤ ᠤᠷᠠᠨ ᠪᠦᠳᠦᠭᠡᠯ ᠤᠯᠠᠨ ᠵᠣᠬᠢᠶᠠᠭ᠍ᠳᠠᠪᠠ᠃ ᠲᠡᠭᠦᠨᠦ ᠨᠢᠭᠡ ᠨᠢ ᠨᠠᠷᠠᠲᠤ ᠮᠣᠷᠢᠨ ᠬᠤᠭᠤᠷᠴᠢᠨ᠂ ᠬᠥᠭ᠌ᠵᠢᠮᠦᠨ ᠵᠣᠬᠢᠶᠠᠯᠴᠢ ᠰᠡᠴᠡᠨᠲᠦ ᠵᠢᠨ ᠠᠶᠠ᠂ ᠢᠷᠠᠭᠤ ᠨᠠᠢᠷᠠᠭ᠍ᠴᠢ ᠶᠤ·ᠡᠷᠳᠡᠨᠢᠲᠣᠭ᠍ᠲᠠᠬᠤᠶ᠋ᠢᠨ ᠱᠢᠯᠦᠭ ᠵᠢᠡᠷ ᠠᠮᠢᠯᠠᠭ᠍ᠰᠠᠨ《ᠥᠨᠢ ᠮᠥᠩᠬᠡ ᠶ᠋ᠢᠨ ᠤᠯᠠᠭᠠᠨᠮᠥ᠋ᠴᠢᠷ》 ᠭᠡᠭᠦ ᠳᠠᠭᠤᠤ ᠪᠣᠯᠣᠨᠠ᠃
《2017 ᠣᠨᠳᠤ ᠰᠡᠴᠡᠨᠲᠦ ᠨᠤᠲᠤᠭᠤᠨ ᠢᠶᠠᠨ ᠤᠯᠠᠭᠠᠨᠮᠥ᠋ᠴᠢᠷ ᠤᠨ ᠤᠷᠢᠯᠭᠠᠪᠠᠷ ᠰᠥᠨᠢᠳ ᠵᠡᠭᠦᠨ ᠬᠤᠰᠢᠭᠤᠨᠳᠤ ᠠᠶᠠ ᠬᠦᠭ᠌ᠵᠢᠮᠦᠨ ᠵᠢᠯᠣᠭᠣᠳᠤᠯᠭᠠ ᠬᠢᠵᠦ᠍ ᠪᠠᠢᠭ᠍ᠰᠠᠨ᠂ ᠲᠤᠬᠠᠢ ᠵᠢᠨ ᠦᠶᠡ ᠶ᠋ᠢᠨ ᠰᠥᠨᠢᠳ ᠵᠡᠭᠦᠨ ᠬᠣᠱᠢᠭᠤᠨ ᠤ ᠤᠯᠠᠭᠠᠨᠮᠥ᠋ᠴᠢᠷ ᠤᠨ ᠳᠠᠷᠤᠭᠠ ᠠᠯᠳᠠᠨᠳᠠᠯᠠᠢ ᠤᠯᠠᠭᠠᠨᠮᠥ᠋ᠴᠢᠷᠦᠨ ᠲᠤᠬᠠᠢ ᠳᠠᠭᠤᠤ ᠵᠣᠬᠢᠶᠠᠵᠤ ᠥᠭ᠌ᠬᠦ ᠶ᠋ᠢ ᠨᠠᠢᠳᠠᠵᠠᠢ᠃ ᠰᠡᠴᠡᠨᠲᠦ ᠨᠠᠳᠠ ᠲᠠᠢ ᠬᠤᠯᠪᠣᠭ᠍ᠳᠠᠨ ᠳᠠᠭᠤᠤ ᠶ᠋ᠢᠨ ᠠᠶᠠ ᠪᠠᠨ ᠨᠠᠳᠠ ᠤᠷᠤᠭᠤ ᠢᠯᠡᠭᠡᠭ᠌ᠰᠡᠨ᠃ ᠠᠶᠠᠯᠭᠤ ᠶ᠋ᠢ ᠨᠢ ᠰᠣᠨᠣᠰᠭᠤ ᠳᠤ ᠰᠠᠨᠠᠭᠠᠨ ᠳᠤ ᠨᠡᠢᠴᠡᠭ᠌ᠰᠡᠨ ᠰᠠᠢᠬᠠᠨ ᠠᠶᠠᠯᠭᠤ ᠪᠠᠢᠯᠠ᠃ ᠠᠶᠠᠯᠭᠤ ᠪᠠᠨ ᠥᠭ᠌ᠬᠦᠶ᠋ᠢᠨ ᠬᠠᠮᠲᠤ ᠰᠡᠴᠡᠨᠲᠦ ᠮᠠᠨᠢ ᠳᠠᠭᠤᠤ ᠶ᠋ᠢᠨ ᠦᠭᠡ ᠶ᠋ᠢᠨ ᠡᠷᠭᠦᠯᠲᠡ ᠳᠠᠷᠤᠢ ᠨᠢᠭᠡ ᠮᠥᠷᠲᠦ ᠭᠡᠳᠦᠨ ᠦᠭᠡ ᠲᠠᠢ ᠪᠠᠢᠪᠠᠯ ᠠᠶᠠᠳᠠᠭᠠᠨ ᠵᠤᠬᠢᠴᠠᠬᠤ ᠲᠠᠯᠠ ᠪᠡᠷ ᠰᠠᠨᠠᠭᠤᠯᠤᠮᠵᠢ ᠦᠭᠴᠡᠢ᠃ ᠳᠠᠭᠤᠤ ᠵᠢᠨ ᠠᠶᠠᠶ᠋ᠢ ᠬᠦᠯᠢᠶᠡᠵᠦ᠍ ᠠᠪᠤᠭ᠍ᠰᠠᠨ ᠲᠡᠷᠡ ᠣᠷᠣᠢᠳᠠᠭᠠᠨ ᠱᠢᠯᠦᠭ ᠢ ᠨᠢ ᠪᠢᠴᠢᠭᠡᠳ ᠰᠡᠴᠡᠨᠲᠦᠳᠦ ᠢᠯᠡᠭᠡᠭ᠌ᠰᠡᠨ ᠳᠦ ᠰᠠᠢᠬᠠᠨ ᠦᠭᠡ ᠪᠣᠯᠵᠠᠢ ᠭᠡᠵᠦ᠍ ᠲᠡᠷᠡ ᠪᠠᠶᠠᠷᠲᠠᠢ ᠬᠦᠯᠢᠶᠡᠨ ᠠᠪᠤᠭ᠍ᠰᠠᠨ ᠶᠤᠮ》 ᠭᠡᠵᠦ᠍ ᠶᠤ·ᠡᠷᠳᠡᠨᠢᠲᠣᠭ᠍ᠲᠠᠬᠤ ᠭᠤᠸᠠᠢ ᠳᠠᠭᠤᠤ ᠵᠢᠨ ᠰᠢᠯᠦᠭ ᠪᠦᠳᠦᠭᠰᠡᠨ ᠳᠤᠬᠠᠢ ᠡᠷᠬᠢᠴᠠᠬᠦᠯᠦᠨᠠ᠃
《 ᠲᠤᠰ ᠳᠠᠭᠤᠤ ᠵᠢᠨ ᠱᠢᠯᠦᠭ ᠢ ᠪᠦᠳᠦᠭᠡᠭᠦ᠌ ᠳᠡᠭᠡᠨ ᠨᠡᠢᠭᠡᠮ ᠵᠢᠷᠤᠮᠲᠤ ᠤᠳᠭᠠ ᠤᠷᠠᠯᠢᠭ ᠢ ᠨᠢᠭᠡᠨ ᠰᠠᠭᠤᠷᠢ ᠰᠠᠬᠤᠯᠢᠭ ᠲᠣᠮᠣ ᠤᠶᠠᠩᠭᠠᠲᠤ ᠮᠣᠳᠣ ᠪᠡᠷ ᠪᠤᠳᠤᠪᠠᠯ ᠤᠯᠠᠭᠠᠨ ᠮᠥᠴᠢᠷ ᠮᠠᠨᠢ ᠲᠡᠭᠦᠨ ᠦ ᠨᠠᠪᠴᠢ ᠨᠠᠮᠠᠭᠠ ᠰᠠᠢᠲᠠᠢ ᠨᠢᠭᠡᠨ ᠮᠥᠴᠢᠷ ᠨᠢ ᠶᠤᠮ》 ᠭᠡᠵᠦ᠍ ᠶᠤ·ᠡᠷᠳᠡᠨᠢᠲᠣᠭ᠍ᠲᠠᠬᠤ ᠭᠤᠸᠠᠢ ᠤᠴᠢᠷᠯᠠᠨᠠ᠃
《ᠰᠠᠢᠨ ᠱᠢᠯᠦᠭ ᠠᠶᠠ ᠲᠠᠢ ᠪᠠᠨ ᠢᠷᠡᠳᠡᠭ ᠭᠡᠳᠡᠭ᠃ ᠲᠤᠰ ᠠᠶᠠ ᠶ᠋ᠢ ᠠᠩᠬᠠ ᠵᠤᠬᠢᠶᠠᠬᠤᠳᠤ ᠬᠥᠯᠦᠨ ᠪᠦᠢᠷ ᠨᠤᠲᠤᠭ ᠲᠠᠢ ᠱᠢᠯᠦᠭ᠌ᠴᠢ ᠪᠠᠢ ᠠᠢ ᠵᠢᠶᠦ᠋ᠨ ᠦ ᠬᠢᠳᠡᠳ ᠱᠢᠯᠦᠭᠲᠤ ᠲᠠᠭᠠᠷᠠᠭᠤᠯᠤᠭ᠍ᠰᠠᠨ ᠶᠤᠮ᠃ ᠰᠡᠭᠦᠯᠡᠷ ᠨᠢ ᠡᠨᠡ ᠠᠶᠠ ᠶᠤ·ᠡᠷᠳᠡᠨᠢᠲᠣᠭ᠍ᠲᠠᠬᠤ ᠠᠬᠠ ᠶ᠋ᠢᠨ ᠵᠤᠬᠢᠶᠠᠭ᠍ᠰᠠᠨ ᠳᠠᠭᠤᠤ ᠵᠢᠨ ᠱᠢᠯᠦᠭ ᠲᠠᠢ ᠵᠤᠬᠢᠴᠠᠵᠤ᠂ ᠨᠢᠭᠡ ᠦᠰᠦᠭ ᠨᠢᠭᠡ ᠳᠠᠭᠠᠪᠣᠷᠢᠳᠤ ᠴᠦ᠍ ᠵᠠᠰᠠᠯᠲᠠ ᠤᠷᠤᠭᠤᠯᠤᠭ᠍ᠰᠠᠨ ᠦᠭᠡᠢ》 ᠭᠡᠵᠦ᠍ ᠰᠠᠴᠠᠨᠳᠦ ᠶᠠᠷᠢᠨᠠ᠃
2019 ᠣᠨᠳᠦ ᠰᠡᠴᠡᠨᠲᠦ ᠪᠣᠯᠣᠨ ᠶᠤ·ᠡᠷᠳᠡᠨᠢᠲᠣᠭ᠍ᠲᠠᠬᠤᠶ᠋ᠢᠨ ᠰᠠᠨᠠᠭᠠᠴᠢᠯᠠᠭᠠ ᠪᠡᠷ ᠮᠸᠳᠡᠭ᠂ ᠯᠾᠠᠰᠦ᠋ᠷᠦᠩ ᠵᠡᠷᠭᠡ ᠤᠯᠠᠭᠠᠨᠮᠥ᠋ᠴᠢᠷᠤᠨ ᠠᠬᠠᠮᠠᠳ ᠭᠡᠱᠢᠭᠦᠨ ᠪᠠ ᠦᠨᠳᠦᠰᠦᠨ ᠱᠠᠳᠤᠨ ᠤ ᠵᠠᠯᠠᠭᠤ ᠤᠯᠠᠭᠠᠨᠮᠥ᠋ᠴᠢᠷ ᠤᠨ ᠭᠡᠱᠢᠭᠦᠳ ᠵᠡᠷᠭᠡ ᠵᠢᠷᠭᠤᠭᠠᠨ ᠦᠶᠡᠶ᠋ᠢᠨ ᠤᠯᠠᠭᠠᠨᠮᠥ᠋ᠴᠢᠷᠤᠨ ᠤᠷᠠᠯᠢᠭ᠍ᠴᠢᠳᠢ ᠲᠠᠮᠠᠴᠢ ᠶ᠋ᠢᠨ ᠲᠠᠯᠠ ᠳᠤ ᠤᠷᠢᠵᠤ 《ᠥᠨᠢ ᠮᠥᠩᠬᠡ ᠶ᠋ᠢᠨ ᠤᠯᠠᠭᠠᠨᠮᠥ᠋ᠴᠢᠷ》 ᠭᠡᠭᠦ ᠳᠠᠭᠤᠤ ᠵᠢᠨ MV ᠶ᠋ᠢ ᠰᠡᠭᠦᠳᠡᠷᠯᠡᠨ ᠦᠢᠯᠡᠳᠴᠦ᠍᠂ ᠤᠯᠠᠭᠠᠨᠮᠥ᠋ᠴᠢᠷ ᠤᠨ ᠤᠯᠠᠮᠵᠢᠯᠠᠯ ᠵᠠᠯᠭᠠᠮᠵᠢᠯᠠᠯᠢ ᠢᠯᠡᠷᠡᠭᠦᠯᠵᠦ᠍᠂ ᠲᠤᠰ ᠳᠠᠭᠤᠤ ᠵᠢ ᠤᠯᠠᠭᠠᠨᠮᠥ᠋ᠴᠢᠷᠤᠨ ᠠᠵᠢᠯ ᠲᠥᠷᠥᠯᠦᠨ ᠲᠥᠯᠥᠭᠡᠯᠡᠬᠦ᠌ ᠴᠢᠨᠠᠷᠳᠠᠢ ᠳᠠᠭᠤᠤ ᠪᠤᠯᠭᠠᠪᠠ ᠃
ᠴᠠᠭ ᠦᠶᠡ ᠬᠤᠪᠢᠷᠠᠬᠰᠠᠨ ᠴᠤ᠌ ᠤᠯᠠᠭᠠᠨᠮᠥ᠋ᠴᠢᠷᠦᠨ ᠠᠷᠠᠳ ᠲᠦᠮᠡᠨᠳᠦ ᠦᠢᠯᠡᠴᠢᠯᠡᠬᠦ᠌ ᠴᠢᠩ ᠰᠡᠳᠬᠢᠯ ᠡᠭᠦᠷᠢᠳᠡ ᠬᠤᠪᠢᠷᠠᠬᠤ ᠦᠭᠡᠢ ᠶᠤᠮ᠃ 60 ᠭᠠᠷᠤᠶ ᠵᠢᠯᠦᠨ ᠲᠤᠷᠰᠢ ᠤᠯᠠᠭᠠᠨᠮᠥ᠋ᠴᠢᠷ ᠨᠢᠭᠡᠨᠲᠡ ᠪᠥᠬᠥ᠌ ᠤᠯᠤᠰᠤᠨ ᠤᠳᠭᠠ ᠤᠷᠠᠯᠢᠭᠤᠨ ᠹᠷᠣᠨᠲᠤᠨ ᠨᠢᠬᠡᠨ ᠲᠣᠭ ᠪᠣᠯᠵᠣ᠂ ᠥᠪᠥᠷ ᠮᠣᠩᠭᠣᠯᠤᠨ ᠨᠡᠷᠡ ᠴᠤᠤᠲᠠᠶ ᠰᠣᠶᠣᠯᠤᠨ ᠲᠦᠷᠦᠯ ᠲᠡᠮᠳᠡᠭ ᠪᠣᠯᠪᠠ᠃
ᠦᠨᠡᠯᠡᠯᠳᠡ —
ᠵᠠᠬ᠍ᠳᠠᠰᠦ᠋ᠷᠦᠩ （ᠠᠯᠳᠠᠷᠲᠤ ᠤᠷᠲᠤ ᠵᠢᠨ ᠳᠠᠭᠤᠴᠢᠨ᠂ ᠤᠯᠤᠰᠤᠨ ᠨᠢᠭᠡᠳᠦᠭᠡᠷ ᠳᠡᠰᠦᠨ ᠲᠣᠭ᠍ᠯᠠᠭ᠍ᠴᠢ）
《ᠥᠨᠢ ᠮᠥᠩᠬᠡ ᠶ᠋ᠢᠨ ᠤᠯᠠᠭᠠᠨᠮᠥ᠋ᠴᠢᠷ》 ᠭᠡᠭᠦ ᠳᠠᠭᠤᠤ ᠦᠬᠡ ᠪᠡ ᠠᠶᠠ ᠨᠢ ᠵᠤᠬᠢᠴᠠᠯᠳᠤᠭᠠ ᠴᠢᠨᠭᠭᠠ᠂ ᠠᠪᠴᠠᠯᠳᠤᠭᠠ ᠦᠨᠳᠤᠷ ᠪᠤᠯᠤᠭᠰᠠᠨ ᠳᠤᠯᠠ ᠬᠦᠮᠦᠰᠤᠨ ᠰᠡᠳᠬᠢᠯᠤᠨ ᠬᠦᠪᠴᠢ ᠵᠢ ᠡᠷᠬᠡ ᠦᠬᠡᠢ ᠬᠦᠳᠡᠯᠬᠡᠵᠦ ᠴᠢᠳᠠᠳᠠᠭ᠃ ᠦᠭᠡ ᠵᠢᠨ ᠲᠠᠯᠠ ᠪᠡᠷ ᠭᠡᠳᠦᠨ ᠦᠶᠡ ᠶ᠋ᠢᠨ ᠤᠯᠠᠭᠠᠨᠮᠥ᠋ᠴᠢᠷᠤᠨ ᠤᠷᠠᠯᠢᠭ᠍ᠴᠢᠳᠤᠨ ᠪᠦᠬᠦ᠌ ᠰᠡᠳᠭᠢᠯ ᠪᠦᠬᠦ᠌ ᠵᠣᠷᠢᠭᠢᠶᠠᠷᠢᠶᠠᠨ ᠠᠷᠠᠳ ᠲᠦᠮᠡᠨᠳᠦ ᠦᠢᠯᠡᠴᠢᠯᠡᠬᠦ᠌ ᠵᠣᠷᠢᠭ ᠰᠠᠨᠠᠭᠠᠶ᠋ᠢ ᠢᠯᠡᠷᠡᠭᠦᠯᠵᠦ᠍ ᠴᠢᠳᠠᠯᠠ ᠭᠡᠵᠦ᠍ ᠪᠤᠳᠤᠵᠤ ᠪᠠᠢᠨᠠ᠃ ᠠᠶᠠ ᠶ᠋ᠢᠨ ᠲᠠᠯᠠ ᠪᠡᠷ 3/4 ᠵᠢᠨ ᠴᠣᠬᠢᠯᠭᠠ ᠪᠡᠷ ᠪᠢᠴᠢᠭ᠌ᠳᠡᠭ᠌ᠰᠡᠨ ᠪᠤᠯᠬᠤᠷ ᠴᠣᠭ᠍ᠯᠢᠭ ᠬᠡᠪ ᠨᠠᠮᠪᠠ ᠪᠡᠷ ᠤᠯᠠᠭᠠᠨᠮᠥ᠋ᠴᠢᠷᠤᠨ ᠤᠷᠠᠯᠢᠭ᠍ᠴᠢᠳᠤᠨ ᠴᠣᠭ ᠵᠢᠪᠬᠤᠭᠠᠶ᠋ᠢ ᠲᠤᠰᠭᠠᠭ᠍ᠰᠠᠨ ᠮᠥᠷᠳᠡᠭᠡᠨ ᠤᠯᠠᠭᠠᠨᠮᠥ᠋ᠴᠢᠷ ᠢᠶᠠᠨ ᠮᠠᠭᠳᠠᠨ ᠳᠠᠭᠤᠯᠠᠬᠤ ᠰᠡᠳᠬᠢᠯᠬᠡ ᠬᠦᠨᠵᠡᠬᠡᠢ ᠠᠭᠤᠯᠤᠭᠳᠠᠵᠦ ᠪᠠᠢᠭᠠ ᠶᠤᠮ᠃ ᠤᠨᠴᠠᠭᠠᠢᠯᠠᠨ ᠳᠠᠬᠢᠯᠳᠡᠶ᠋ᠢᠨ ᠬᠡᠰᠡᠭ ᠲᠤ᠌ ᠰᠡᠳᠬᠢᠯᠤᠨ ᠳᠤᠭᠳᠤᠯᠤᠯ ᠪᠡ ᠬᠠᠰᠬᠢᠷᠤᠯ ᠢᠯᠡᠳᠳᠡ ᠭᠠᠷᠴᠤ ᠪᠠᠢᠭᠠ ᠪᠡᠷ ᠵᠢᠡᠨ ᠳᠤᠰ ᠳᠠᠭᠤᠤ ᠨᠢ ᠦᠨᠳᠦᠰᠦᠨ ᠱᠠᠳᠤᠨ ᠤ ᠤᠯᠠᠨ ᠲᠦᠮᠡᠨ ᠪᠠ ᠤᠷᠠᠯᠢᠭ᠍ᠴᠢᠳᠲᠤ ᠲᠠᠭᠠᠱᠢᠶᠠᠭ᠍ᠳᠠᠭ᠍ᠰᠠᠨ ᠰᠢᠯᠢᠳᠡᠭ ᠤᠷᠡᠨ ᠪᠦᠳᠤᠬᠡᠯ ᠪᠤᠯᠤᠭᠰᠠᠨ ᠬᠡᠳᠡᠭᠢ ᠬᠦᠢᠴᠡᠳ ᠬᠠᠷᠠᠭᠤᠯᠤᠨᠠ᠃
ᠠᠯᠳᠠᠷ —
2019 ᠣᠨᠳᠤ ᠲᠤᠰ ᠲᠠᠭᠤᠤ ᠨᠢ ᠤᠯᠤᠰᠤᠨ ᠤᠳᠭᠠ ᠤᠷᠠᠯᠢᠭᠤᠨ ᠰᠠᠭᠤᠷᠢ ᠮᠥᠩᠭᠦ ᠵᠢᠨ ᠨᠡᠢᠭᠡᠮᠯᠢᠭ ᠦᠨ ᠳᠤᠭᠯᠠᠯᠳᠠ ᠵᠢᠨ ᠳᠦᠷᠦᠯ ᠵᠦᠢᠯᠳᠦ ᠰᠣᠩᠭᠣᠭ᠍ᠳᠠᠪᠠ᠃
ᠠᠭᠤᠳᠠᠮ ᠲᠠᠮᠠᠴᠢᠠᠴᠠ ᠦᠨᠳᠦᠰᠦᠯᠡᠨ ᠣᠷᠭᠣᠭ᠍ᠰᠠᠨ
ᠤᠶᠠᠩᠭᠠᠲᠤ ᠮᠣᠳᠣᠨᠤ ᠤᠯᠠᠭᠠᠨᠮᠥ᠋ᠴᠢᠷ ᠮᠢᠨᠢ
ᠤᠷᠳᠤ ᠵᠢᠨ ᠲᠠᠭᠤᠨ ᠤ ᠡᠭᠡᠱᠢᠭ ᠢᠶᠡᠷ ᠱᠢᠷᠤᠩᠬᠠᠢᠯᠠᠭᠠᠳ
ᠤᠯᠤᠰ ᠣᠷᠣᠨ ᠵᠢᠡᠨ ᠮᠠᠭ᠍ᠲᠠᠨ ᠳᠠᠭᠤᠯᠠᠨᠠ
ᠠ ᠠ ᠁
ᠤᠯᠠᠭᠠᠨᠮᠥ᠋ᠴᠢᠷ ᠮᠢᠨᠢ
ᠤᠷᠠᠯᠢᠭ ᠤᠨ ᠱᠢᠳᠢ ᠣᠷᠣᠱᠢᠭ᠍ᠰᠠᠨ ᠮᠥᠴᠢᠷ ᠮᠢᠨᠢ
ᠲᠥᠷᠥᠯᠬᠢ ᠰᠣᠶᠣᠯ ᠢᠶᠠᠨ ᠳᠡᠭᠡᠳᠦᠯᠡᠭ᠌ᠰᠡᠨ ᠳᠠᠢᠴᠢᠳ
ᠲᠥᠷᠥ᠍ ᠲᠦᠮᠡᠨ ᠳᠡᠭᠡᠨ ᠵᠢᠳᠬᠦᠭ᠌ᠰᠡᠨ ᠡᠩᠨᠡᠭᠡ
ᠠᠭᠤᠯᠠ ᠲᠠᠯᠠ ᠦᠭᠡᠢ ᠨᠠᠪᠴᠢᠯᠠᠨ ᠲᠥᠯᠵᠢᠭ᠌ᠰᠡᠨ
ᠤᠶᠠᠩᠭᠠᠲᠤ ᠮᠣᠳᠣᠨᠤ ᠤᠯᠠᠭᠠᠨᠮᠥ᠋ᠴᠢᠷ ᠮᠢᠨᠢ
ᠮᠣᠷᠢᠨ ᠬᠤᠭᠤᠷᠤᠨ ᠬᠥᠭᠢᠶᠡᠷ ᠡᠭᠡᠱᠢᠭ᠌ᠯᠡᠭᠡᠳ
ᠮᠣᠩᠭᠣᠯ ᠨᠤᠲᠤᠭ ᠢᠶᠠᠨ ᠪᠠᠬᠠᠳᠤᠨ ᠳᠠᠭᠤᠯᠠᠨᠠ
（ᠲᠠᠬᠢᠯᠳᠠ）
ᠣᠷᠴᠢᠯᠠᠩ ᠳᠡᠯᠡᠬᠡᠢ ᠳᠦ ᠰᠣᠶᠣᠯ ᠵᠢᠡᠨ ᠭᠠᠢᠬᠠᠭᠤᠯᠤᠭ᠍ᠰᠠᠨ
ᠤᠶᠠᠩᠭᠠᠲᠤ ᠮᠣᠳᠣᠨᠤ ᠤᠯᠠᠭᠠᠨᠮᠥ᠋ᠴᠢᠷ ᠮᠢᠨᠢ
ᠤᠷᠠᠨ ᠪᠥᠵᠢᠭ ᠦᠨ ᠰᠠᠨᠠᠭᠠ ᠪᠡᠷ ᠪᠡᠶᠡᠯᠡᠭᠡᠳ
ᠣᠯᠠᠨ ᠲᠦᠮᠡᠨ ᠢᠶᠡᠨ ᠪᠠᠶᠠᠰᠭᠠᠨ ᠬᠥᠭ᠌ᠵᠢᠭᠡᠨᠡ
（ᠲᠠᠬᠢᠯᠳᠠ）