ᠦᠨᠲᠦᠰᠦᠨ ᠪᠠᠢᠲᠠᠯ —

ᠵᠤᠬᠢᠶᠠᠨ ᠪᠦᠳᠦᠭᠡᠭ᠌ᠰᠡᠨ ᠴᠠᠭ ᠄  1994  ᠣᠨ

ᠦᠭᠡ ᠂ ᠠᠶ᠎ᠠ ᠄ ᠪᠦᠷᠢᠨᠪᠡᠶᠡᠷ

ᠵᠤᠬᠢᠶᠠᠨ ᠪᠦᠳᠦᠭᠡᠭ᠌ᠰᠡᠨ ᠬᠡᠯᠪᠡᠷᠢ ᠄ ᠮᠤᠩᠭᠤᠯ ᠵᠢᠡᠷ  ᠵᠤᠬᠢᠶᠠᠨ ᠪᠦᠳᠦᠭᠡᠵᠤ᠂  ᠲᠠᠷᠠᠭ᠎ᠠ  ᠨᠢ ᠬᠢᠳᠠᠳᠴᠢᠯᠡᠪᠡ

ᠠᠶ᠎ᠠ᠎ᠶ᠋ᠢᠨ ᠤᠨᠴᠠᠯᠢᠭ ᠄ ᠬᠦᠭ ᠠᠶᠠᠰ᠎ᠨᠢ ᠤᠯᠠᠮᠵᠢᠯᠠᠯᠳᠦ ᠮᠤᠩᠭᠤᠯ ᠠᠷᠠᠳ᠎ᠤᠨ ᠳᠠᠭᠤᠤ᠎ᠲᠠᠢ ᠠᠳᠠᠯᠢ ᠦᠭᠡᠢ᠂ ᠤᠷᠤᠰᠬᠠᠯ ᠳᠠᠭᠤᠤ᠎ᠠᠴᠠ ᠪᠠᠰᠠ ᠢᠯᠭᠠᠭ᠎ᠠ᠎ᠲᠠᠢ᠂ ᠭᠡᠪᠡᠴᠤ ᠰᠤᠨᠤᠰᠬᠤ᠎ᠳᠤ  ᠤᠶᠠᠩᠭ᠎ᠠ  ᠲᠠᠢ ᠪᠦᠭᠡᠳ  ᠬᠠᠢᠷ᠎ᠠ  《  ᠠᠮᠳᠠᠬ᠍ᠳᠠᠨ᠎ᠠ 》᠃

ᠲᠠᠭᠤᠤ᠎ᠶ᠋ᠢᠨ ᠲᠦᠷᠦᠯ ᠄  ᠵᠤᠬᠢᠶᠠᠯ᠎ᠤᠨ ᠲᠠᠭᠤᠤ

ᠠᠯᠳᠠᠷ —

ᠲᠤᠰ ᠲᠠᠭᠤᠤ ᠨᠢ ᠲᠥᠪ ᠷᠠᠳᠢᠤ᠋᠎ᠶᠢᠨ ᠲᠠᠭᠤᠤ ᠎ᠶᠢᠨ  ᠵᠢᠬ᠍ᠰᠠᠭᠠᠯᠲᠡ᠎ᠳᠤ 17 ᠭᠠᠷᠠᠭ ᠲᠠᠷᠠᠭᠠᠯᠠᠨ ᠲᠠᠷᠢᠬᠦᠯᠡᠪᠡ ； 《2006 ᠣᠨ᠎ᠳᠤ ᠮᠢᠨᠤ ᠬᠠᠮᠤᠭ᠎ᠠᠴᠠ ᠪᠠᠬᠠᠷᠬᠠᠳᠠᠭ ᠲᠥᠪ ᠲᠧᠯᠸᠢᠰ᠎ᠦᠨ ᠴᠠᠭᠠᠨ ᠰᠠᠷ᠎ᠠ᠎ᠶᠢᠨ ᠦᠳᠡᠰᠢᠯᠡᠭᠡ᠎ᠶᠢᠨ ᠫᠷᠣᠭ᠌ᠷᠠᠮ》᠎ᠳ᠋ᠤ ᠳᠠᠭᠤᠤ ᠪᠥᠵᠢᠭ᠎ᠦᠨ ᠲᠦᠷᠦᠯ᠎ᠦᠨ ᠬᠣᠶᠠᠳᠤᠭᠠᠷ ᠳᠡᠰ᠎ᠤᠨ ᠱᠠᠩᠨᠠᠯ ᠬᠦᠷᠳᠡᠵᠤ᠂ 《ᠲᠠᠪᠤᠨ ᠨᠢᠭᠡ ᠵᠢᠨ ᠢᠨᠵᠸᠨ᠋ᠸᠷᠢᠩ》 ᠎ᠦ᠋ᠨ ᠱᠠᠩᠨᠠᠯ ᠬᠦᠷᠳᠡᠵᠡᠢ᠃

ᠦᠨᠡᠯᠡᠯᠳᠠ —

ᠴᠡᠴᠡᠭᠮ᠎ᠡ （ᠤᠯᠤᠰ ᠎ᠤᠨ  ᠨᠢᠭᠡᠳᠦᠭᠡᠷ ᠲᠡᠰ ᠎ᠦᠨ  ᠲᠤᠬ᠍ᠯᠠᠬ᠍ᠴᠢ᠂ ᠦᠪᠦᠷ  ᠮᠤᠩᠭᠤᠯ ᠎ᠤᠨ  ᠤᠷᠠᠯᠢᠭ᠋ ᠎ᠤᠨ  ᠲᠡᠭᠡᠳᠤ ᠰᠤᠷᠭᠠᠭᠤᠯᠢ᠎ᠶᠢᠨ  ᠫᠷᠤᠹᠸᠰᠰᠤᠷ ᠂  ᠠᠨᠲᠡ  ᠬᠠᠮᠳᠤᠯᠢᠭ᠋᠎ᠤᠨ  ᠲᠠᠭᠤᠴᠢᠨ ）

《ᠴᠢᠨᠳᠠᠮᠤᠨᠢ ᠠ᠋ᠷᠳᠡᠨᠢ》 ᠲᠠᠭᠤᠤ ᠨᠠᠭᠤᠷᠮ᠎ᠠ ᠪᠦᠷᠢᠨᠪᠡᠶᠡᠷ ᠪᠠᠭ᠍ᠰᠢ ᠬᠤᠶᠡᠷ᠎ᠤᠨ  ᠶᠠᠷᠢᠯᠴᠠᠭ᠎ᠠ᠂ ᠬᠡᠤᠬᠡᠳ᠎ᠤᠨ ᠶᠢᠷᠳᠢᠨᠴᠣ᠌᠎ᠶᠢ ᠬᠠᠷᠠᠬᠤ ᠤᠬᠠᠭᠠᠨ᠂ ᠠᠪᠤ ᠡᠵᠢ᠎ᠶᠢᠨ ᠦᠬᠢᠨ᠎ᠳᠡᠭᠡᠨ ᠶᠢᠷᠳᠢᠨᠴᠤ᠎ᠶᠢ ᠲᠠᠨᠢᠭᠤᠯᠬᠤ ᠤᠬᠠᠭᠠᠨ ᠭᠡᠬᠦ ᠠᠪᠤ ᠡᠵᠢ ᠦᠬᠢᠨ᠎ᠦ ᠭᠤᠷᠪᠠᠨ ᠲᠠᠯ᠎ᠠ᠎ᠶᠢᠨ ᠬᠠᠢᠷ᠎ᠠ ᠨᠡᠢᠯᠡᠭᠰᠡᠨ ᠪᠦᠳᠦᠭᠡᠯ᠃  ᠬᠡᠤᠬᠡᠳ ᠨᠠᠰᠤ ᠠᠷᠢᠭᠤᠨ ᠴᠠᠭᠠᠨ᠂ ᠠᠪᠤ ᠡᠵᠢ᠎ᠶᠢᠨ ᠬᠠᠢᠷ᠎ᠠ ᠡᠷᠬᠢᠮ ᠲᠡᠭᠡᠳᠤ᠂  ᠬᠠᠢᠷ᠎ᠠ ᠬᠠᠢᠷ᠎ᠠ ᠲᠡᠩᠴᠡᠵᠤ ᠨᠡᠢᠯᠡᠭᠰᠡᠨ ᠲᠠᠭᠤᠤ ᠤᠴᠢᠷ᠎ᠠᠴᠠ ᠬᠦᠮᠦᠰ᠎ᠲᠦ ᠮᠠᠰᠢ ᠶᠡᠭᠡ ᠬᠦᠷᠦᠭᠰᠡᠨ ᠶᠤᠮ᠃ ᠤᠷᠠᠯᠢᠭ᠋᠎ᠢ ᠠᠮᠢᠳᠤᠷᠠᠯ᠎ᠠᠴᠠ ᠡᠬᠢ ᠲᠠᠢ ᠭᠡᠳᠡᠭᠴᠢᠯᠡᠨ ᠡᠨᠡ ᠲᠠᠭᠤᠤ ᠲᠡᠷᠡ ᠴᠡᠭ ᠎ᠢᠶᠠᠷ᠎ᠢᠶᠠᠨ ᠬᠠᠢᠷ᠎ᠠ ᠪᠢᠯᠬᠠᠬ᠍ᠰᠠᠨ ᠠᠮᠢᠳᠤᠷᠠᠯ ᠪᠠᠢᠬ᠍ᠰᠠᠨ ᠶᠤᠮ ᠃

ᠦᠯᠢᠭᠡᠷ —

ᠰᠤᠩᠭᠤᠳᠠᠭ ᠲᠠᠭᠤᠤ ᠨᠢ ᠪᠢᠳᠠᠨ᠎ᠤ ᠠᠮᠢᠳᠤᠷᠠᠯ᠎ᠠᠴᠠ ᠣᠢᠷ᠎ᠠ ᠪᠣᠯᠬᠣᠷ ᠳᠡᠯᠭᠡᠷᠡᠬᠦ ᠨᠢ ᠥᠷᠭᠡᠨ᠂ ᠰᠡᠳᠬᠢᠯ᠎ᠠᠴᠠ ᠣᠢᠷ᠎ᠠ ᠪᠣᠯᠬᠣᠷ ᠲᠠᠷᠬᠠᠬᠤ ᠨᠢ ᠲᠦᠷᠭᠡᠨ᠂ ᠠᠷᠠᠳ ᠲᠦᠮᠡᠨ ᠲᠠᠢ ᠣᠢᠷ᠎ᠠ ᠪᠣᠯᠬᠣᠷ ᠮᠥᠩᠬᠡ᠎ᠶᠢᠨ ᠰᠢᠳᠢ᠎ᠲᠠᠢ ᠪᠠᠢᠳᠠᠭ ᠪᠢᠵᠡ᠃ 《ᠴᠢᠨᠳᠠᠮᠤᠨᠢ ᠡᠷᠳᠡᠨᠢ》 ᠲᠠᠭᠤᠤ ᠵᠠᠭᠤᠨ ᠰᠤᠨᠳᠠᠯᠠᠬ᠍ᠰᠠᠨ ᠲᠡᠳᠤᠢ ᠦᠬᠡᠢ ᠨᠢᠬᠡ ᠮᠡᠳᠡᠬᠦ᠎ᠳᠦ ᠵᠤᠬᠢᠶᠠᠬ᠍ᠳᠠᠭᠠᠳ 30 ᠵᠢᠯ  ᠪᠤᠯᠴᠢᠬᠠᠵᠡᠢ ᠃

ᠦᠭᠡ ᠠᠶ᠎ᠠ᠎ᠶᠢ ᠤᠷᠠᠨ ᠪᠦᠳᠦᠭᠡᠯᠴᠢ ᠪᠦᠷᠢᠨᠪᠡᠶᠡᠷ ᠵᠤᠬᠢᠶᠠᠵᠤ᠂ 《ᠴᠢᠨᠳᠠᠮᠤᠨᠢ ᠡᠷᠳᠡᠨᠢ》 ᠬᠠᠮᠳᠤᠯᠢᠭ᠋ ᠲᠠᠷᠤᠢ ᠲᠠᠭᠤᠴᠢᠨ ᠪᠦᠷᠢᠨᠪᠡᠶᠡᠷ᠂ ᠤᠷᠠᠨ᠎ᠠ᠂ ᠨᠠᠭᠤᠷᠮ᠎ᠠ ᠠᠩᠬ᠎ᠠ ᠲᠠᠭᠤᠯᠠᠵᠤ᠂ ᠰᠤᠨᠤᠰᠤᠬ᠍ᠴᠢ ᠲᠦᠮᠡᠨ᠎ᠳᠦ ᠬᠦᠷᠦᠭᠰᠡᠨ ᠪᠠᠢᠳᠠᠭ᠃ ᠡᠨᠡ ᠲᠠᠭᠤᠤ᠎ᠶᠢ ᠶᠠᠷᠢᠬᠤ᠎ᠳᠤ ᠪᠠᠰᠠ ᠦᠯᠢᠭᠡᠷ ᠲᠠᠢ᠃ 1991 ᠣᠨ᠎ᠤ 6 ᠰᠠᠷ᠎ᠠ᠎ᠶᠢᠨ 21᠎ᠤ᠋ ᠦᠳᠡ᠎ᠶᠢᠨ ᠡᠮᠤᠨ᠎ᠠ ᠪᠦᠷᠢᠨᠪᠡᠶᠡᠷ ᠪᠠᠭ᠍ᠰᠢ᠎ᠶᠢᠨ ᠠᠪᠤ ᠨᠢ ᠪᠤᠷᠬᠠᠨ ᠪᠣᠯᠵᠤ᠂ ᠦᠳᠡ᠎ᠶᠢᠨ ᠬᠤᠢᠨ᠎ᠠ ᠨᠢ ᠪᠦᠷᠢᠨᠪᠡᠶᠡᠷ᠂ ᠤᠷᠠᠨ᠎ᠠ ᠦᠷ᠎ᠡ᠎ᠶᠢᠨ ᠵᠤᠯᠠᠢ ᠦᠨᠦᠷᠯᠡᠨ ᠬᠠᠢᠷᠠᠲᠠᠢ ᠦᠬᠢᠨ ᠨᠠᠭᠤᠷᠮ᠎ᠠ᠎ᠪᠠᠨ ᠲᠤᠰᠴᠤ᠂ ᠭᠤᠨᠢᠭ᠋ ᠪᠠᠶᠠᠷ ᠲᠠᠪᠬᠤᠴᠠᠬ᠍ᠰᠠᠨ ᠡᠨᠡ ᠡᠲᠤᠷ ᠲᠡᠳᠡᠨ᠎ᠳᠦ ᠲᠠᠩᠴᠤ ᠬᠦᠨᠳᠤ ᠪᠠᠢᠵᠡᠢ᠃ ᠲᠡᠭᠡᠭᠡᠳ ᠦᠬᠢᠨ ᠨᠠᠭᠤᠷᠮ᠎ᠠ᠎ᠶᠢᠨ ᠲᠦᠷᠦᠭᠰᠡᠨ ᠡᠲᠤᠷ᠎ᠢ ᠲᠡᠮᠳᠡᠭᠯᠡᠭᠰᠡᠨ ᠦᠬᠡᠢ ᠭᠤᠷᠪᠠᠨ ᠵᠢᠯ᠎ᠦᠨ ᠨᠢᠭᠤᠷ ᠦᠵᠡᠪᠡ᠃ ᠬᠡᠯᠡ᠎ᠳᠦ ᠤᠷᠤᠵᠤ ᠡᠬᠢᠯᠡᠭᠰᠡᠨ ᠨᠠᠭᠤᠷᠮ᠎ᠠ ᠨᠢ ᠴᠣᠪᠤᠭᠤ ᠲᠡᠭᠵᠢᠨ ᠪᠦᠬᠡᠳ ᠰᠤᠨᠢᠭᠤᠴᠢ ᠵᠢᠭᠠᠯ᠎ᠦᠨ ᠨᠢᠭᠡᠨ᠃ ᠠᠩᠬ᠎ᠠ ᠲᠡᠳᠡᠨ᠎ᠦ ᠬᠢᠨ ᠲᠥᠪ᠎ᠦᠨ ᠦᠨᠳᠦᠰᠦᠳᠡᠨ᠎ᠦ ᠶᠡᠭᠡ ᠰᠤᠷᠭᠠᠭᠤᠯᠢ᠎ᠶᠢᠨ ᠰᠤᠷᠭᠠᠭᠤᠯᠢ᠎ᠶᠢᠨ ᠬᠦᠷᠢᠶᠡᠨ᠎ᠦ ᠪᠠᠢᠷᠢ᠎ᠳᠤ ᠪᠠᠢᠷᠢᠯᠠᠳᠠᠭ ᠪᠤᠯᠬᠤᠷ ᠡᠬᠦᠲᠡ᠎ᠪᠡᠨ ᠭᠠᠷᠪᠠᠯ ᠤᠷᠲᠤ ᠭᠤᠳᠤᠮᠵᠢ ᠲᠠᠢ᠂ ᠭᠠᠳᠠᠨ᠎ᠠ ᠨᠠᠭᠠᠳᠤᠬ᠍ᠰᠠᠨ ᠥᠬᠢᠨ ᠨᠠᠭᠤᠷᠮ᠎ᠠ ᠨᠢ ᠭᠤᠳᠤᠮᠵᠢ᠎ᠪᠠᠷ ᠬᠦᠶᠦᠭᠡᠳ ᠬᠠᠭᠠᠯᠭ᠎ᠠ ᠲᠦᠯᠬᠢᠬᠡᠳ ᠤᠷᠤᠵᠤ ᠢᠷᠡᠨ᠎ᠡ᠂  ᠡᠨᠡ ᠬᠦᠶᠦᠬᠦ ᠲᠠᠭᠤ  ᠨᠢ 《ᠰᠤᠤ ᠰᠤᠤ ᠰᠤᠤ ᠰᠤᠤ ᠮᠢ ᠷᠤᠸᠠᠢ ᠮᠢ ᠰᠤᠤ》 ᠃  《 ᠠᠪᠤ ᠡ》  ᠁  ᠭᠡᠵᠤ ᠪᠤᠮᠠᠨ ᠠᠰᠠᠭᠤᠯᠲᠡ ᠰᠤᠪᠤᠷᠠᠨ᠎ᠠ᠂  ᠡᠨᠡ  ᠠᠪᠢᠶ᠎ᠠ ᠨᠢ  ᠨᠤᠲ ᠤ᠋ᠨ《 3 ᠊ 5 》 ᠬᠡᠬᠦ ᠬᠦᠭ᠃ ᠨᠠᠷᠠ ᠬᠡᠳᠡᠭ ᠨᠢ ᠶᠠᠭᠤ ᠪᠤᠢ᠂ ᠤᠳᠤ ᠭᠡᠳᠡᠭ ᠨᠢ ᠶᠠᠭᠤ ᠪᠤᠢ ᠬᠡᠳ ᠁  ᠠᠷᠤ ᠠᠷᠤ᠎ᠠᠴᠠ᠎ᠨᠢ ᠰᠤᠮᠤᠳᠠᠨ᠎ᠠ᠂ ᠬᠠᠷᠢᠭᠤᠯᠵᠤ ᠴᠢᠳᠠᠬᠤ ᠦᠭᠡᠢ ᠪᠤᠯᠤᠭᠰᠠᠭᠠᠷ ᠯᠡ《ᠴᠢᠨᠳᠠᠮᠤᠨᠢ ᠠ᠋ᠷᠳᠡᠨᠢ》 ᠬᠡᠵᠤ ᠬᠠᠷᠢᠭᠤᠯᠳᠠ ᠦᠭᠳᠡᠭ ᠪᠠᠢ᠍ᠢᠵᠠᠢ᠃ ᠠᠪᠤ ᠦᠬᠢᠨ ᠬᠤᠶᠠᠭᠤᠯᠠ᠎ᠶᠢᠨ ᠬᠦᠬᠡᠷᠤᠬᠦᠨ ᠶᠠᠷᠢᠯᠴᠠᠭ᠎ᠠ ᠡᠵᠢ ᠤᠷᠠᠨ᠎ᠠ ᠳ᠋ᠤ᠌ ᠤᠯᠠᠮ ᠴᠤ᠌ ᠦᠭᠦᠭᠡᠷᠳᠡᠮ᠎ᠡ ᠬᠦᠬᠡᠷᠤᠬᠦᠨ ᠰᠠᠨᠠᠬ᠍ᠳᠠᠵᠤ᠂ 《ᠲᠠᠨ᠎ᠤ ᠬᠤᠶᠠᠭᠤᠯᠠ ᠶᠠᠭ ᠯᠡ ᠲᠠᠭᠤᠯᠠᠵᠤ ᠪᠠᠢᠭ᠎ᠠ ᠰᠢᠭ᠋》 ᠭᠡᠵᠤ ᠠᠮᠠᠨ᠎ᠤ ᠠᠶ᠎ᠠ᠎ᠪᠠᠷ ᠶᠠᠷᠢᠬ᠍ᠰᠠᠨ ᠲᠡᠳᠤᠢ ᠪᠠᠢᠳᠠᠯ᠎ᠠ ᠶᠠᠫᠥᠨ ᠤᠯᠤᠰ᠎ᠲᠤ ᠲᠤᠬ᠍ᠯᠠᠯᠲᠠ ᠭᠠᠷᠭᠠᠭᠠᠳ ᠪᠤᠴᠠᠵᠤ ᠢᠷᠡᠬᠦ᠎ᠳᠦᠨᠢ ᠪᠦᠷᠢᠨᠪᠡᠶᠡᠷ ᠪᠠᠭ᠍ᠰᠢ ᠲᠠᠭᠤᠤ ᠵᠤᠬᠢᠶᠠᠴᠢᠬᠠᠬ᠍ᠰᠠᠨ ᠪᠠᠢᠪᠠ᠃ ᠢᠩᠭᠢᠭᠡᠳ ᠥᠬᠢᠨ ᠨᠠᠭᠤᠷᠮ᠎ᠠ᠎ᠶᠢᠨ᠎ᠢᠶᠡᠨ ᠲᠦᠷᠦᠭᠰᠡᠨ ᠡᠲᠤᠷ᠎ᠢ ᠠᠩᠬ᠎ᠠ ᠲᠡᠮᠳᠡᠭᠯᠡᠵᠦ᠂ ᠭᠤᠷᠪᠠᠨ ᠨᠠᠰᠤᠨ ᠳ᠋ᠤᠨᠢ ᠪᠡᠯᠡᠭ ᠪᠤᠯᠭᠠᠬ᠍ᠰᠠᠨ ᠭᠡᠳᠡᠭ᠃ ᠲᠡᠷᠡ ᠵᠢᠯ 1994  ᠣᠨ ᠪᠠᠢᠯ᠎ᠠ᠃

1997 ᠣᠨ᠎ᠳᠤ᠂ ᠦᠬᠢᠨ ᠨᠠᠭᠤᠷᠮ᠎ᠠ᠎ᠶᠢᠨ ᠵᠢᠷᠭᠤᠭᠠᠨ ᠨᠠᠰᠤ ᠲᠠᠢ ᠳ᠋ᠤᠨᠢ  ᠪᠦᠷᠢᠨᠪᠡᠶᠡᠷ ᠪᠠᠭ᠍ᠰᠢ《ᠪᠠᠷᠭᠤ ᠪᠤᠷᠢᠶᠠᠳ᠎ᠤᠨ ᠡᠭᠡᠰᠢᠭᠯᠡᠩ》  ᠴᠤᠮᠤᠭ ᠭᠠᠷᠭᠠᠵᠤ᠂ ᠡᠨᠡ ᠲᠠᠭᠤᠤ ᠪᠠᠬ᠍ᠳᠠᠬ᠍ᠰᠠᠨ ᠪᠠᠢᠳᠠᠭ᠃ 2005 ᠳ᠋ᠤ᠌᠂ ᠪᠦᠷᠢᠨᠪᠡᠶᠡᠷ ᠪᠠᠭ᠍ᠰᠢ 《ᠲᠡᠭᠷᠢ᠎ᠶᠢᠨ ᠬᠠᠶᠠᠭ᠎ᠠ》ᠴᠤᠮᠤᠭ ᠭᠠᠷᠭᠠᠬᠤ᠎ᠳᠤ᠂  ᠬᠦᠮᠦᠰ ᠡᠨᠡ ᠲᠠᠭᠤᠤ᠎ᠶᠢ ᠲᠠᠬᠢᠨᠲᠡ ᠤᠷᠤᠭᠤᠯᠬᠤ᠎ᠶᠢ ᠬᠦᠰᠡᠵᠡᠢ ᠂  ᠭᠡᠪᠡᠴᠤ ᠦᠬᠢᠨ ᠨᠢ ᠨᠢᠭᠡᠨᠲᠡ ᠠᠷᠪᠠᠭᠠᠳ ᠨᠠᠰᠤᠳᠠᠢ  ᠪᠤᠯᠤᠬ᠍ᠰᠠᠨ ᠤᠴᠢᠷ ᠨᠠᠢᠷᠠᠭᠤᠯᠤᠭ᠍ᠴᠢ᠎ᠶᠢᠨ ᠪᠠᠭ᠎ᠤᠨ ᠬᠢᠨ ᠬᠦᠯᠦᠨ ᠪᠤᠢᠷ᠎ᠲᠤ  ᠭᠡᠭᠡᠷ᠎ᠠ᠎ᠶᠢᠨ ᠪᠠᠢᠴᠠᠭᠠᠯᠲᠡ ᠬᠢᠵᠦ᠂  ᠪᠢᠴᠢᠬᠠᠨ ᠲᠠᠭᠤᠴᠢᠨ ᠰᠤᠩᠭᠤᠪᠠ᠃ ᠲᠡᠭᠡᠬᠦ᠎ᠳᠦ ᠤᠳᠤᠷᠢᠳᠤᠭᠠᠴᠢ ᠨᠢ ᠬᠠᠷᠢᠨ ᠤᠷᠠᠨ᠎ᠠ ᠪᠠᠭ᠍ᠰᠢ᠎ᠶᠢᠨ ᠲᠡᠬᠦᠦ ᠪᠠᠭᠠᠳᠤᠷ᠎ᠤᠨ ᠥᠬᠢᠨ ᠢᠨᠢᠭᠮ᠎ᠡ᠎ᠶᠢ ᠰᠤᠩᠭᠤᠴᠢᠬᠠᠬ᠍ᠰᠠᠨ ᠪᠠᠢᠵᠤ᠂  ᠴᠢᠨᠳᠠᠮᠤᠨᠢ ᠡᠷᠳᠡᠨᠢ ᠬᠠᠮᠳᠤᠯᠢᠭ᠋ ᠰᠢᠨ᠎ᠡ ᠭᠡᠰᠢᠬᠦᠨ ᠲᠠᠢ ᠪᠣᠯᠵᠤ᠂ ᠢᠨᠢᠭᠮ᠎ᠡ᠎ᠶᠢᠨ ᠬᠤᠭᠤᠯᠠᠢ᠎ᠪᠠᠷ ᠡᠨᠡ ᠲᠠᠭᠤᠤ ᠲᠠᠬᠢᠨ ᠬᠦᠮᠦᠰ᠎ᠦᠨ ᠰᠤᠨᠤᠷ᠎ᠲᠤ ᠬᠦᠷᠪᠡ᠃ ᠶᠠᠭ ᠡᠨᠡ ᠤᠳᠠᠭᠠᠨ᠎ᠤ ᠰᠢᠩᠭᠡᠭᠡᠯᠲᠡ ᠨᠢ ᠲᠥᠪ ᠷᠠᠳᠢᠤ᠋᠎ᠶᠢᠨ ᠲᠠᠭᠤᠤ ᠎ᠶᠢᠨ  ᠵᠢᠬ᠍ᠰᠠᠭᠠᠯᠲᠡ᠎ᠳᠤ 17 ᠭᠠᠷᠠᠭ ᠲᠠᠷᠠᠭᠠᠯᠠᠨ ᠲᠠᠷᠢᠬᠦᠯᠡᠪᠡ᠃ 2006 ᠣᠨ᠎ᠳᠤ ᠲᠥᠪ ᠲᠸᠯᠸᠢᠰ᠎ᠦᠨ ᠴᠠᠭᠠᠨ ᠰᠠᠷ᠎ᠠ᠎ᠶᠢᠨ ᠦᠳᠡᠰᠢᠯᠡᠭᠡ᠎ᠶᠢᠨ ᠤᠳᠤᠷᠢᠳᠤᠭᠠᠴᠢ ᠲᠡᠳᠡᠨ᠎ᠦ ᠭᠡᠷ ᠪᠦᠯᠢ᠎ᠶᠢᠨ ᠬᠢᠨ᠎ᠳᠦ ᠤᠷᠢᠯᠭ᠎ᠠ  ᠲᠠᠯᠪᠢᠬ᠍ᠰᠠᠨ᠎ᠢᠶᠠᠷ ᠲᠡᠳᠡ ᠨᠡᠷ ᠲᠥᠪ ᠲᠸᠯᠸᠢᠰ᠎ᠦᠨ ᠴᠠᠭᠠᠨ ᠰᠠᠷ᠎ᠠ᠎ᠶᠢᠨ ᠦᠳᠡᠰᠢᠯᠡᠭᠡ ᠎ᠳᠤ ᠤᠷᠤᠯᠴᠠᠨ᠂ 《ᠴᠢᠨᠳᠠᠮᠤᠨᠢ ᠡᠷᠳᠡᠨᠢ》 ᠲᠠᠭᠤᠤ ᠲᠠᠢ᠎ᠪᠠᠨ ᠬᠠᠮᠲᠤ ᠪᠦᠬᠦ ᠤᠯᠤᠰ᠎ᠲᠡᠷᠡᠴᠢᠯᠡᠨ ᠪᠦᠬᠦ ᠲᠡᠯᠡᠭᠡᠢ᠎ᠳᠤ ᠠᠯᠳᠠᠷᠰᠢᠵᠤ᠂ 《ᠴᠢᠨᠳᠠᠮᠤᠨᠢ  ᠡᠷᠳᠡᠨᠢ》  ᠲᠠᠭᠤᠤ  ᠦᠷᠭᠡᠨ ᠲᠦᠮᠡᠨ᠎ᠡᠴᠡ᠎ᠪᠡᠨ ᠮᠠᠰᠢ ᠶᠡᠭᠡ ᠲᠠᠭᠠᠰᠢᠶᠠᠯ ᠠᠪᠴᠡᠢ᠃

ᠪᠦᠷᠢᠨᠪᠡᠶᠡᠷ ᠪᠠᠭ᠍ᠰᠢ ᠦᠬᠢᠨ ᠦᠷ᠎ᠡ᠎ᠪᠡᠨ ᠦᠬᠦᠭᠡᠷᠳᠡᠵᠤ ᠂ 《ᠴᠢᠨᠳᠠᠮᠤᠨᠢ  ᠡᠷᠳᠡᠨᠢ》 ᠲᠠᠭᠤᠤ᠎ᠶᠢ  ᠪᠢᠴᠢᠭᠰᠡᠨ ᠪᠣᠯ  ᠰᠤᠨᠤᠰᠤᠭ᠍ᠴᠢ ᠲᠦᠮᠡᠨ ᠡᠨᠡ ᠲᠠᠭᠤᠤ᠎ᠠᠴᠠ ᠭᠡᠷ ᠪᠦᠯᠢ᠎ᠶᠢᠨ ᠬᠠᠯᠠᠭᠤᠨ ᠲᠣᠯᠠᠭᠠᠨ᠎ᠢ ᠮᠡᠳᠡᠷᠡᠯ᠎ᠡ᠃ ᠦᠷ᠎ᠡ ᠠᠴᠢᠷ ᠨᠡᠷ᠎ᠤᠨ  ᠲᠠᠭᠤ  ᠴᠠᠯᠬᠢᠵᠦ᠂ ᠦᠷᠭᠦᠬᠡ  ᠭᠡᠷ ᠨᠢ ᠢᠨᠢᠶᠡᠳᠤ ᠲᠦᠬᠦᠷᠦᠭᠰᠡᠨ ᠬᠠᠯᠠᠭᠤᠨ ᠪᠦᠯᠢ ᠎ᠶᠢ ᠬᠠᠷᠠᠭᠤᠯᠤᠬ᠍ᠰᠠᠨ ᠨᠢ ᠡᠨᠡ ᠲᠠᠭᠤᠤ ᠵᠢᠨ  ᠭᠠᠢᠬᠠᠮᠰᠢᠭ᠋ ᠨᠢ  ᠪᠠᠢᠬ᠍ᠰᠠᠨ ᠶᠤᠮ  ᠪᠣᠯ  ᠤᠤ  ？ ᠦᠷᠭᠡᠨ ᠲᠦᠮᠡᠨ᠎ᠦ  ᠬᠦᠯᠢᠶᠡᠨ  ᠠᠪᠤᠭᠰᠠᠨ ᠨᠢᠭᠤᠴᠡ ᠨᠢ ᠪᠠᠢᠬ᠍ᠰᠠᠨ ᠶᠤᠮ  ᠪᠣᠯ ᠤᠤ ？ ᠲᠡᠢᠮᠤ ᠡ᠃ ᠪᠠᠭ᠎ᠠ ᠭᠡᠷ  ᠪᠦᠯᠢ᠎ᠡᠴᠡ ᠶᠡᠭᠡ ᠭᠡᠷ ᠪᠦᠯᠢ᠂ ᠮᠢᠩᠭ᠎ᠠ ᠲᠦᠮᠡᠨ ᠭᠡᠷ ᠪᠦᠯᠢ᠎ᠶᠢᠨ ᠠᠵᠠ ᠵᠢᠷᠭᠠᠯ  ᠪᠠᠢᠮᠠᠨᠵᠢᠨ ᠤᠯᠤᠰ ᠭᠡᠷ᠎ᠦᠨ ᠴᠡᠴᠡᠭᠯᠡᠯ ᠬᠦᠭᠵᠢᠯ ᠪᠠᠢᠳᠠᠭ᠃ ᠲᠡᠭᠡᠬᠦ᠎ᠪᠡᠷ ᠡᠨᠡ ᠲᠠᠭᠤᠤ 《ᠪᠠᠭ᠎ᠠ ᠬᠠᠢᠷ᠎ᠠ》 ᠵᠢᠡᠨ ᠲᠠᠭᠤᠤ ᠠᠲᠠᠯ᠎ᠠ ᠶᠡᠭᠡ ᠬᠠᠢᠷ᠎ᠠ᠎ᠶᠢᠨ ᠤᠶᠠᠩᠭ᠎ᠠ ᠪᠠᠢᠵᠡᠢ᠃ 《ᠡᠨᠡ ᠲᠠᠭᠤᠤ᠎ᠶᠢ ᠰᠤᠨᠤᠰᠤᠭᠠᠳ ᠭᠡᠷ ᠪᠦᠯᠢ᠎ᠪᠡᠨ ᠬᠠᠢᠷᠠᠯᠠᠳᠠᠭ ᠪᠤᠯᠤᠬ᠍ᠰᠠᠨ᠂ ᠰᠠᠯᠵᠤ ᠪᠤᠳᠠᠷᠠᠬᠤ  ᠪᠣᠯᠣᠬ᠍ᠰᠠᠨ ᠭᠡᠷ ᠪᠦᠯᠢ ᠲᠠᠬᠢᠨ ᠬᠠᠮᠲᠤ ᠠᠮᠢᠳᠤᠷᠠᠬ᠍ᠰᠠᠨ ᠁  ᠡᠨᠡ ᠪᠣᠯ ᠦᠵᠡᠭᠴᠢ ᠰᠤᠨᠤᠰᠤᠭ᠍ᠴᠢ  ᠲᠦᠮᠡᠨ ᠎ᠦ  ᠨᠠᠳᠠ ᠎ᠳᠤ ᠦᠭᠭᠦᠭᠰᠡᠨ ᠲᠤᠰᠬᠠᠯ》 ᠭᠡᠵᠤ ᠤᠷᠠᠨ᠎ᠠ ᠪᠠᠭ᠍ᠰᠢ ᠰᠤᠷᠪᠤᠯᠵᠢᠯᠠᠭ᠎ᠠ ᠬᠦᠯᠢᠶᠡᠬᠦ᠎ᠳᠡᠭᠡᠨ ᠶᠠᠷᠢᠵᠤ ᠪᠠᠢᠯ᠎ᠠ ᠃

《ᠴᠢᠨᠳᠠᠮᠤᠨᠢ ᠡᠷᠳᠡᠨᠢ》 ᠲᠠᠭᠤᠤ ᠨᠢ ᠰᠢᠨ᠎ᠡ ᠵᠠᠭᠤᠨ᠎ᠤ ᠮᠤᠩᠭᠤᠯ ᠲᠠᠭᠤᠤ᠎ᠳᠦ ᠪᠠᠰᠠ ᠨᠢᠭᠡᠨ ᠰᠢᠨ᠎ᠡ ᠤᠷᠤᠰᠬᠠᠯ᠂ ᠰᠢᠨ᠎ᠡ ᠣᠷᠬᠢᠯ ᠎ᠢ ᠠᠪᠴᠢᠷᠠᠬ᠍ᠰᠠᠨ ᠭᠡᠬᠦ᠎ᠳᠦ  ᠢᠯᠡᠬᠦᠳᠡᠬᠦ  ᠦᠬᠡᠢ᠃ ᠲᠤᠰ ᠲᠠᠭᠤᠤ ᠨᠢ ᠮᠤᠩᠭᠤᠯ ᠬᠡᠯᠡᠨ᠎ᠳᠦ ᠲᠠᠭᠤᠯᠠᠬ᠍ᠳᠠᠬ᠍ᠰᠠᠨ ᠲᠡᠳᠤᠢ ᠦᠬᠡᠢ ᠬᠢᠲᠠᠳ ᠬᠡᠯᠡᠨ ᠎ᠳᠤ ᠲᠠᠭᠤᠯᠠᠬ᠍ᠳᠠᠵᠤ᠂ ᠮᠠᠰᠢ ᠶᠡᠭᠡ ᠨᠦᠯᠦᠭᠡ  ᠭᠠᠷᠭᠠᠵᠡᠢ᠃

ᠰᠤᠩᠭᠤᠳᠠᠭ ᠲᠠᠭᠤᠤ ᠭᠡᠳᠡᠭ ᠨᠢ ᠵᠠᠭᠤᠨ ᠵᠠᠭᠤᠨ᠎ᠤ ᠬᠥᠮᠥᠰ ᠳᠠᠭᠤᠯᠠᠭᠠᠳ ᠳᠠᠭᠤᠯᠠᠭᠠᠳ ᠳᠠᠭᠤᠰᠬᠤ ᠴᠦ᠍ ᠦᠭᠡᠢ᠂ ᠴᠠᠭ ᠴᠠᠭ ᠎ᠤᠨ ᠬᠥᠮᠥᠰ ᠳᠠᠭᠤᠯᠠᠭᠠᠳ ᠳᠠᠭᠤᠯᠠᠭᠠᠳ ᠤᠢᠳᠬᠤ ᠴᠦ᠍ ᠦᠭᠡᠢ᠂ ᠦᠶ᠎ᠡ ᠦᠶ᠎ᠡ᠎ᠶᠢᠨ ᠬᠥᠮᠥᠰ ᠳᠠᠭᠤᠯᠠᠭᠠᠳ ᠳᠠᠭᠤᠯᠠᠭᠠᠳ ᠬᠠᠭᠤᠴᠢᠷᠠᠬᠤ ᠴᠦ᠍ ᠦᠭᠡᠢ᠂ ᠠᠷᠠᠳ᠎ᠤᠨ ᠠᠪᠢᠶᠠᠰ᠎ᠠᠴᠠ ᠤᠷᠭᠤᠭᠰᠠᠨ ᠪᠤᠯᠬᠤ᠎ᠪᠠᠷ᠎ᠢᠶᠠᠨ ᠭᠤᠶᠤ᠂ ᠤᠷᠠᠯᠢᠭ᠋ ᠎ᠤᠨ ᠠᠯᠠᠭᠠᠨ᠎ᠠᠴᠠ ᠤᠨᠠᠭᠰᠠᠨ ᠪᠤᠯᠬᠤ᠎ᠪᠠᠷ᠎ᠢᠶᠠᠨ ᠰᠠᠢᠬᠠᠨ᠂ ᠠᠮᠢᠳᠤᠷᠠᠯ᠎ᠤᠨ ᠠᠮᠢᠰᠬᠤᠯ᠎ᠠᠴᠠ ᠲᠠᠰᠣᠷᠠᠬ᠍ᠰᠡᠨ ᠪᠤᠯᠬᠤ᠎ᠪᠠᠷ ᠮᠥᠩᠬᠡ ！ 《ᠴᠢᠨᠳᠠᠮᠤᠨᠢ ᠠ᠋ᠷᠳᠡᠨᠢ》 ᠶᠠᠭ ᠯᠡ  ᠡᠭᠦᠨ᠎ᠦ ᠨᠢᠭᠡᠨ ᠦᠵᠡᠬᠦᠯᠪᠦᠷᠢ ᠃