ᠦᠨᠳᠦᠰᠦᠨ ᠪᠠᠢᠳᠠᠯ —
ᠵᠤᠬᠢᠶᠠᠨ ᠪᠦᠲᠦᠭᠡᠭᠰᠡᠨ ᠴᠠᠭ ᠄ 2014 ᠤᠨ
ᠦᠭᠡ ᠄ ᠰᠤᠷᠲᠠᠯᠲᠦ
ᠠᠶᠠ ᠄ ᠰᠢᠨᠵᠢᠯᠲᠦ
ᠵᠤᠬᠢᠶᠠᠨ ᠪᠦᠲᠦᠭᠡᠭᠰᠡᠨ ᠬᠡᠯᠪᠡᠷᠢ ᠄ ᠬᠢᠲᠠᠳ ᠬᠡᠯᠡ ᠪᠠᠷ ᠵᠤᠬᠢᠶᠠᠨ ᠪᠦᠳᠤᠭᠡᠵᠤ ᠂ ᠳ· ᠪᠤᠯᠤᠳ ᠮᠤᠩᠭᠤᠯᠴᠢᠯᠠᠪᠠ
ᠠᠶᠠᠶᠢᠨ ᠤᠨᠴᠠᠯᠢᠭ ᠄ ᠢᠷᠠᠭᠤ ᠤᠶᠠᠩᠭᠠᠯᠢᠭ᠋ ᠵᠢᠪᠬᠤᠭᠠ ᠲᠡᠭᠦᠯᠳᠡᠷ ᠂ ᠠᠭᠤᠲᠠᠮ ᠲᠡᠨᠢᠬᠦᠨ
ᠲᠠᠭᠤᠤᠶᠢᠨ ᠲᠦᠷᠦᠯ ᠄ ᠵᠤᠬᠢᠶᠠᠯ ᠤᠨ ᠳᠠᠭᠤᠤ
ᠦᠯᠢᠭᠡᠷ —
2014 ᠣᠨᠤ 1 ᠰᠠᠷᠠᠳᠤ᠂ ᠶᠡᠷᠦᠩᠬᠡᠢ ᠱᠦᠵᠢ ᠰᠢ ᠵᠢᠨ ᠫᠢᠩ ᠥᠪᠥᠷ ᠮᠣᠩᠭᠣᠯᠳᠤ ᠰᠢᠨᠵᠢᠯᠡᠨ ᠪᠠᠢᠴᠠᠭᠠᠬᠤᠳᠠᠭᠠᠨ᠂ ᠬᠢᠯᠢ ᠵᠢᠨ ᠬᠠᠮᠠᠭᠠᠯᠠᠯᠲᠠ ᠵᠢᠨ ᠳᠠᠷᠤᠭᠠ ᠪᠠᠢᠯᠳᠤᠭ᠍ᠴᠢᠳ ᠪᠣᠯᠣᠨ ᠦᠨᠳᠦᠰᠦᠨ ᠱᠠᠲᠤᠨᠦ ᠤᠯᠠᠨ ᠲᠦᠮᠡᠨ ᠢ ᠬᠠᠯᠠᠭᠤᠨ ᠵᠢᠡᠷ ᠲᠣᠬᠣᠨᠢᠭᠤᠯᠵᠤ《ᠥᠪᠥᠷ ᠮᠣᠩᠭᠣᠯᠤᠨ ᠦᠨᠳᠦᠰᠦᠲᠡᠨ ᠨᠦ᠍ᠭᠦᠳᠤᠨ ᠺᠠᠳ᠋ᠷ ᠤᠯᠠᠨ ᠲᠦᠮᠡᠨ ᠰᠠᠬᠢᠨ ᠪᠠᠷᠠᠯᠠᠵᠦ ᠬᠠᠷᠢᠯᠴᠠᠨ ᠬᠠᠪᠰᠤᠷᠤᠯᠴᠠᠬᠤ ᠬᠡᠷᠡᠭᠲᠡᠢ》 ᠭᠡᠵᠦ ᠵᠢᠭᠠᠪᠤᠷᠢᠯᠠᠭᠰᠠᠨ ᠨᠢ ᠤᠯᠠᠨ ᠲᠦᠮᠡᠨᠦ ᠳᠤᠮᠳᠠ ᠬᠠᠯᠠᠭᠤᠨ ᠲᠤᠰᠬᠠᠯ ᠭᠠᠷᠪᠠ᠃
《ᠶᠡᠷᠦᠩᠬᠡᠢ ᠱᠦᠵᠢ ᠵᠢᠨ ᠮᠠᠨᠦ ᠣᠷᠣᠨᠳᠤ ᠰᠢᠨᠵᠢᠯᠡᠨ ᠪᠠᠢᠴᠠᠭᠠᠭᠰᠠᠨ ᠰᠣᠨᠢᠨ ᠮᠡᠳᠡᠭᠡ ᠶ᠋ᠢ ᠲᠸᠯᠸᠢᠰ ᠳᠡᠭᠡᠷᠡ ᠡᠴᠡ ᠦᠵᠡᠭᠡᠳ ᠳᠠᠭᠤᠤ ᠪᠤᠯᠭᠠᠵᠦ ᠪᠢᠴᠢᠬᠦ ᠪᠤᠳᠤᠯ ᠭᠡᠨᠡᠳᠲᠡ ᠳᠣᠲᠣᠷᠠ ᠭᠢᠯᠠᠰᠬᠢᠨ ᠣᠷᠣᠭᠰᠠᠨ》 ᠭᠡᠵᠦ ᠰᠤᠷᠲᠠᠯᠲᠤ ᠲᠤᠬᠠᠢ ᠵᠢᠨ ᠦᠶᠡ ᠵᠢᠨ ᠪᠠᠢᠳᠠᠯ ᠵᠢᠡᠨ ᠡᠷᠭᠢᠴᠡᠭᠦᠯᠤᠨᠠ᠃ ᠲᠡᠷᠡ ᠪᠠᠷ ᠲᠤᠬᠠᠢ ᠵᠢᠨ ᠦᠶᠡᠳᠤ ᠲᠦᠩᠯᠢᠶᠣᠣ ᠬᠤᠲᠠ ᠵᠢᠨ ᠰᠣᠶᠣᠯ ᠤᠷᠠᠯᠢᠭ᠋ᠤᠨ ᠲᠣᠪᠴᠢᠶᠠ ᠵᠢᠨ ᠳᠡᠳ᠋ ᠳᠠᠷᠤᠭᠠ ᠵᠢᠨ ᠲᠤᠰᠢᠶᠠᠯ ᠢ ᠬᠠᠷᠢᠭᠤᠴᠠᠵᠤ ᠪᠠᠢᠪᠠ᠃ ᠶᠡᠷᠦᠩᠬᠡᠢ ᠱᠦᠵᠢ ᠵᠢᠨ ᠬᠠᠬᠢᠷ ᠬᠦᠢᠲᠡᠨ ᠠᠭᠤᠷ ᠠᠮᠢᠰᠬᠤᠯᠢ ᠬᠠᠢᠬᠤᠷᠤᠯ ᠦᠭᠡᠢ ᠭᠦᠷ ᠴᠠᠰᠤ ᠶ᠋ᠢ ᠭᠢᠰᠬᠢᠯᠡᠵᠦ ᠶᠠᠪᠤᠭᠠ᠂ ᠴᠠᠩᠲᠤᠭᠰᠠᠨ ᠮᠠᠯᠠᠭᠠᠢ ᠪᠠ ᠬᠥᠮᠥᠰᠬᠡ᠂ ᠳᠠᠷᠤᠭᠠ ᠪᠠᠢᠯᠳᠤᠭ᠍ᠴᠢᠳ ᠲᠠᠢ ᠭᠠᠷ ᠠᠳᠬᠤᠨ ᠲᠣᠬᠣᠨᠢᠭᠤᠯᠵᠤ ᠪᠠᠢᠭᠠ᠂ ᠰᠦ ᠡᠷᠭᠦᠨ ᠢᠷᠦᠭᠡᠨ ᠵᠥᠩᠨᠡᠵᠦ ᠮᠠᠯᠴᠢᠨ ᠲᠦᠮᠡᠨ ᠲᠠᠢ ᠶᠠᠷᠢᠯᠴᠠᠵᠤ ᠪᠠᠢᠭᠠ ᠦᠵᠡᠭᠳᠡᠯᠤᠳᠢ ᠦᠵᠡᠭᠡᠳ ᠲᠠᠷᠠ ᠪᠠᠷ ᠮᠠᠰᠢ ᠶᠡᠬᠡ ᠰᠡᠳᠬᠢᠯ ᠳᠣᠭᠳᠣᠯᠵᠠᠢ᠃ ᠲᠡᠭᠡᠭᠡᠳ ᠪᠤᠳᠤᠯᠳᠠᠭᠠᠨ ᠤᠯᠠᠨ ᠲᠠᠭᠢᠨ ᠲᠤᠩᠭᠠᠨ ᠰᠡᠳᠬᠢᠵᠦ᠂ ᠴᠠᠭ ᠬᠠᠭᠠᠰ ᠳᠣᠲᠣᠷᠠ ᠳᠠᠭᠤᠤ ᠵᠢᠨ ᠵᠢᠡᠨ ᠦᠭᠡ ᠶ᠋ᠢ ᠪᠢᠴᠢᠵᠦ ᠭᠠᠷᠭᠠᠭᠰᠠᠨ ᠪᠠᠢᠨᠠ᠃
《ᠡᠨᠡ ᠳᠠᠭᠤᠤ ᠪᠡᠨ 〈ᠰᠠᠬᠢᠨ ᠪᠠᠷᠠᠯᠠᠵᠦ ᠬᠠᠷᠢᠯᠴᠠᠨ ᠬᠠᠪᠰᠤᠷᠤᠯᠴᠠᠬᠤ〉 ᠭᠡᠵᠦ ᠭᠠᠷᠴᠠᠬᠯᠠᠬᠰᠠᠨ᠃ ᠡᠨᠡ ᠪᠣᠯ ᠡᠬᠡ ᠤᠯᠤᠰᠤᠨ ᠬᠢᠯᠢ ᠬᠢᠵᠠᠭᠠᠷ ᠵᠢᠡᠨ ᠰᠠᠢᠲᠤᠷ ᠰᠠᠬᠢᠨ ᠬᠠᠮᠠᠭᠠᠯᠠᠵᠤ᠂ ᠡᠯᠡ ᠦᠨᠳᠦᠰᠦᠲᠡᠨᠤ ᠺᠠᠳ᠋ᠷ ᠤᠯᠠᠨ ᠲᠦᠮᠡᠨᠢ ᠬᠠᠷᠢᠯᠴᠠᠨ ᠪᠡᠶᠡ ᠪᠡᠶᠡ ᠪᠠᠨ ᠬᠠᠪᠰᠤᠷᠤᠯᠴᠠᠵᠤ ᠰᠠᠢᠨ ᠰᠠᠢᠬᠠᠨ ᠭᠡᠷ ᠣᠷᠣᠨ ᠵᠢᠡᠨ ᠬᠠᠮᠲᠤ ᠪᠠᠷ ᠪᠠᠢᠭᠤᠯᠵᠤ ᠬᠠᠮᠲᠤᠪᠠᠷ ᠲᠠᠪᠰᠢᠭᠠᠷᠠᠢ ᠭᠡᠰᠡᠨ ᠶᠡᠷᠦᠩᠬᠡᠢ ᠱᠦᠵᠢ ᠰᠢ ᠵᠢᠨ ᠫᠢᠩᠤᠨ ᠴᠢᠩ ᠰᠡᠳᠬᠢᠯᠤᠨ ᠨᠠᠢᠳᠠᠯᠭᠠ᠂ ᠮᠥᠨ ᠴᠸ᠋ ᠥᠪᠥᠷ ᠮᠣᠩᠭᠣᠯᠳᠤ ᠲᠠᠯᠪᠢᠭ᠍ᠰᠠᠨ ᠱᠠᠭᠠᠷᠳᠠᠯᠭᠠ ᠪᠢᠯᠡ》 ᠭᠡᠵᠦ ᠰᠤᠷᠲᠠᠯᠲᠤ ᠭᠤᠸᠠᠢ ᠶᠠᠷᠢᠨᠠ᠃
《2014 ᠣᠨᠤ 3 ᠰᠠᠷᠠ ᠵᠢᠨ 7ᠤ᠋ ᠡᠳᠦᠷ ᠪᠠᠢᠵᠤ ᠪᠢᠯᠡ᠃ ᠰᠤᠷᠲᠠᠯᠲᠤ ᠭᠤᠸᠠᠢ ᠭᠡᠨᠡᠳᠲᠡ ᠨᠠᠳᠠ ᠲᠠᠢ ᠬᠠᠷᠢᠯᠴᠠᠵᠤ ᠠᠶᠠ ᠲᠠᠭᠠᠷᠠᠭᠤᠯᠤᠭᠠᠳ ᠥᠭᠭᠦᠭᠡᠷᠡᠢ ！ ᠭᠡᠵᠦ 〈ᠠᠯᠪᠠ ᠲᠤᠯᠭᠠᠪᠠ〉》 ᠭᠡᠵᠦ ᠰᠢᠨᠵᠢᠯᠲᠦ ᠡᠷᠬᠢᠴᠡᠬᠦᠯᠤᠨᠠ᠃ ᠶᠡᠷᠦᠩᠬᠡᠢ ᠱᠦᠵᠢ ᠵᠢᠨ ᠥᠪᠥᠷ ᠮᠣᠩᠭᠣᠯᠳᠤ ᠰᠢᠨᠵᠢᠯᠡᠨ ᠪᠠᠢᠴᠠᠭᠠᠬᠤ ᠦᠶᠡ ᠵᠢᠨ ᠠᠬᠤᠢ ᠲᠠᠯᠠᠪᠠᠢᠶᠢᠨ ᠸᠢᠳᠢᠤ᠋ ᠪᠢᠴᠢᠯᠭᠡ ᠶ᠋ᠢ ᠲᠠᠷᠠ ᠬᠡᠳᠦᠨ ᠡᠳᠦᠷ ᠲᠠᠭᠢᠨ ᠳᠠᠪᠲᠠᠨ ᠦᠵᠡᠪᠡ᠃ ᠦᠵᠡᠭᠳᠡᠯ ᠪᠣᠯᠭᠠᠨ ᠨᠢ ᠲᠡᠭᠦᠨᠦ ᠰᠡᠳᠬᠢᠯᠤᠨ ᠬᠥᠪᠴᠢ ᠶ᠋ᠢ ᠳᠣᠷᠭᠢᠭᠤᠯᠵᠤ᠂ ᠶᠠᠷᠢᠶᠠ ᠪᠣᠯᠭᠠᠨ ᠨᠢ ᠤᠷᠠᠯᠢᠭ᠋ᠤᠨ ᠣᠩᠭᠣᠳᠢ ᠨᠢ ᠳᠠᠯᠠᠯᠵᠤ ᠪᠠᠢᠯᠠ᠃ 《ᠵᠣᠬᠢᠶᠠᠨ ᠲᠤᠭᠤᠷᠪᠢᠬᠤᠳᠤ ᠣᠩᠭᠣᠳ ᠬᠡᠷᠡᠭᠲᠡᠢ ᠭᠡᠳᠡᠭ᠃ ᠠᠶᠠ ᠪᠢᠴᠢᠬᠦ ᠡᠭᠦᠷᠭᠡ ᠶ᠋ᠢ ᠳᠤᠰᠤᠭᠰᠠᠨᠤ ᠳᠥᠷᠪᠡᠳᠦᠭᠡᠷ ᠡᠳᠦᠷ ᠲᠤᠨᠢ ᠪᠠᠷᠤᠭ ᠯᠡ ᠨᠢᠭᠡᠯᠡ ᠠᠮᠢᠰᠬᠤᠭᠡ ᠪᠠᠷ ᠪᠢᠴᠢᠵᠦ᠂ ᠨᠣᠲᠢ ᠨᠢ ᠬᠠᠭᠤᠯᠵᠤ ᠪᠢᠴᠢᠬᠦ ᠲᠠᠢ ᠪᠠᠨ ᠲᠦᠷᠪᠡᠨ ᠴᠠᠭ ᠬᠡᠷᠡᠭᠰᠡᠵᠦ᠂ ᠪᠢᠴᠢᠵᠦ ᠭᠠᠷᠭᠠᠭᠰᠠᠨ ᠲᠠᠷᠠ ᠳᠠᠷᠤᠢᠳᠤ ᠰᠤᠷᠲᠠᠯᠲᠤ ᠭᠤᠸᠠᠢᠳᠤ ᠢᠯᠡᠭᠡᠭᠰᠡᠨ ᠶᠤᠮ》 ᠭᠡᠵᠦ ᠲᠡᠷᠡ ᠪᠠᠷ ᠶᠠᠷᠢᠵᠤ ᠪᠢᠯᠡ᠃
ᠳᠠᠭᠤᠤ ᠵᠢᠨ ᠨᠣᠲᠢ ᠳᠤᠰᠤᠭᠰᠠᠨ ᠳᠠᠷᠤᠢ ᠰᠤᠷᠲᠠᠯᠲᠤ ᠲᠦᠩᠯᠢᠶᠣᠣ ᠬᠤᠲᠠ ᠵᠢᠨ ᠳᠠᠭᠤᠤ ᠬᠥᠭᠵᠢᠮᠤᠨ ᠪᠦᠯᠭᠦᠮᠤᠨ ᠲᠣᠭᠯᠠᠭ᠍ᠴᠢ ᠰᠤᠷᠤᠨᠡ ᠲᠠᠢ ᠬᠠᠷᠢᠯᠴᠠᠵᠤ ᠰᠢᠩᠭᠡᠬᠡᠨ ᠦᠢᠯᠡᠳᠬᠦ ᠠᠵᠢᠯᠢᠶᠠᠨ ᠡᠬᠢᠯᠡᠭᠦᠯᠵᠦ᠂ 2014 ᠣᠨᠤ 4 ᠰᠠᠷᠠ ᠵᠢᠨ ᠡᠬᠢ ᠪᠠᠷ ᠲᠤᠰ ᠳᠠᠭᠤᠤ ᠤᠯᠠᠨ ᠨᠠᠢᠳᠠ ᠲᠠᠢ ᠵᠤᠯᠭᠠᠯᠠ᠃
ᠰᠢᠨᠡ ᠲᠤᠮᠳᠠᠳᠤ ᠤᠯᠤᠰ ᠪᠠᠢᠭᠤᠯᠤᠭᠳᠠᠭᠰᠠᠨ 75 ᠵᠢᠯᠤᠨ ᠤᠢ ᠶ᠋ᠢ ᠪᠡᠯᠭᠡᠯᠡᠵᠦ᠂ ᠥᠪᠥᠷ ᠮᠣᠩᠭᠣᠯᠤᠨ ᠡᠳᠦᠷᠤᠨ ᠰᠣᠨᠢᠨᠦ ᠮᠣᠩᠭᠣᠯ ᠪᠦᠷᠢᠨ ᠵᠠᠭᠤᠴᠢᠯᠠᠭᠤᠷ《ᠤᠮᠠᠷᠠᠲᠤ ᠬᠢᠯᠢ ᠵᠢᠨ ᠳᠠᠭᠤᠯᠠᠯ》ᠰᠢᠷᠢᠰ ᠮᠡᠳᠡᠭᠡᠯᠡᠯᠢ ᠤᠬᠠᠭᠠᠯᠠᠨ ᠳᠥᠰᠥᠪᠯᠡᠬᠥ ᠳ᠋ᠡᠭᠡᠨ ᠲᠤᠰ ᠳᠠᠭᠤᠤ ᠶ᠋ᠢ ᠰᠡᠭᠦᠯ ᠬᠤᠷᠢᠶᠠᠬᠤ ᠳᠠᠭᠤᠤ ᠵᠢᠨ ᠬᠤᠪᠢ ᠪᠠᠷ ᠲᠤᠰᠬᠠᠢᠯᠠᠨ ᠰᠣᠩᠭᠣᠨ ᠣᠷᠣᠭᠤᠯᠵᠤ᠂ ᠦᠭᠡ ᠶ᠋ᠢ ᠨᠢ ᠣᠷᠴᠢᠭᠤᠯᠤᠭᠰᠠᠨ ᠪᠠᠢᠨᠠ᠃ 《ᠳᠠᠭᠤᠤ ᠵᠢᠨ ᠦᠭᠡ ᠭᠡᠳᠡᠭ ᠥᠪᠡᠷ ᠵᠢᠡᠨ ᠠᠶᠠ ᠪᠠᠨ ᠳᠠᠭᠠᠭᠤᠯᠵᠤ ᠪᠠᠢᠳᠠᠭ ᠭᠡᠳᠡᠭ᠃ ᠨᠢᠭᠡ ᠲᠠᠯᠠ ᠪᠠᠷ ᠳᠠᠭᠤᠤ ᠵᠢᠨ ᠬᠢᠨᠢ ᠠᠢᠵᠠᠮ ᠴᠣᠬᠢᠯᠭᠠ᠂ ᠭᠡᠮ ᠵᠣᠬᠢᠴᠠᠯᠢ ᠪᠤᠳᠤᠵᠤ᠂ ᠨᠦᠭᠦᠭᠡ ᠲᠠᠯᠠ ᠪᠠᠷ ᠤᠭ ᠳᠠᠭᠤᠤ ᠵᠢᠨ ᠭᠣᠣᠯ ᠤᠳᠬᠠ ᠰᠠᠨᠠᠭᠠ ᠶ᠋ᠢ ᠨᠢ ᠪᠠᠷᠢᠵᠤ〈ᠮᠥᠩᠬᠡ ᠵᠢᠨ ᠰᠠᠬᠢᠶᠠ〉 ᠭᠡᠵᠦ ᠭᠠᠷᠴᠠᠭᠯᠠᠭᠠᠳ᠂ ᠴᠠᠭᠠᠰᠢ ᠪᠠᠨ ᠦᠰᠦᠭ ᠳᠠᠷᠠᠭᠠᠯᠠᠭᠰᠠᠨ ᠪᠤᠰᠤ᠂ ᠮᠥᠷ ᠳᠠᠷᠠᠭᠠᠯᠠᠭᠰᠠᠨ ᠴᠸ᠋ ᠪᠤᠰᠤ᠂ ᠪᠠᠳᠠᠭ ᠵᠢᠡᠷ ᠨᠢᠭᠡᠴᠢ ᠪᠤᠯᠭᠠᠵᠦ ᠣᠷᠴᠢᠭᠤᠯᠤᠭᠠᠳ ᠤᠤᠯ ᠳᠠᠭᠤᠤ ᠵᠢᠨ ᠲᠦᠷᠪᠠᠨ ᠮᠥᠷᠲᠤ ᠬᠠᠷᠠᠭᠤᠯᠤᠭᠰᠠᠨ ᠤᠳᠬᠠ ᠰᠠᠨᠠᠭᠠ ᠨᠢ ᠮᠢᠨᠤ ᠣᠷᠴᠢᠭᠤᠯᠵᠤ ᠭᠠᠷᠭᠠᠭᠰᠠᠨ ᠲᠦᠷᠪᠠᠨ ᠮᠥᠷ ᠲᠸ᠋ ᠪᠦᠷᠢᠨ ᠤᠨᠤᠪᠴᠢᠳᠠᠢ ᠲᠤᠰᠬᠠᠭᠳᠠᠭᠰᠠᠨ ᠤᠤ ᠦᠭᠡᠢ ᠤᠤ ᠭᠡᠰᠡᠨᠢ ᠶᠡᠬᠡᠳᠡ ᠬᠢᠴᠢᠶᠡᠭᠰᠡᠨ》 ᠭᠡᠵᠦ ᠥᠪᠥᠷ ᠮᠣᠩᠭᠣᠯᠤᠨ ᠡᠳᠦᠷᠤᠨ ᠰᠣᠨᠢᠨᠦ ᠬᠣᠷᠢᠶᠠ ᠵᠢᠨ ᠬᠢᠨᠠᠨ ᠤᠷᠴᠢᠭᠤᠯᠤᠭ᠍ᠴᠢ ᠳ᠋᠊·ᠪᠣᠯᠣᠳ ᠲᠤᠰ ᠳᠠᠭᠤᠤ ᠵᠢᠨ ᠦᠭᠡ ᠶ᠋ᠢ ᠣᠷᠴᠢᠭᠤᠯᠤᠭᠰᠠᠨ ᠲᠤᠬᠠᠢ ᠪᠡᠨ ᠶᠠᠷᠢᠵᠤ ᠪᠠᠢᠯᠠ ᠃
ᠥᠪᠥᠷ ᠮᠣᠩᠭᠣᠯᠤᠨ 2400 ᠭᠠᠷᠤᠢ ᠲᠦᠮᠡᠨ ᠡᠯᠡ ᠦᠨᠳᠦᠰᠦᠲᠡᠨᠦ ᠠᠷᠠᠳ ᠲᠦᠮᠡᠨ《ᠮᠥᠩᠬᠡ ᠵᠢᠨ ᠰᠠᠬᠢᠶᠠ》 ᠪᠡᠨ ᠪᠠᠲᠦ ᠵᠢᠷᠤᠮᠯᠠᠨ᠂ ᠰᠡᠳᠬᠢᠯ ᠨᠢᠭᠡᠳᠦᠨ ᠬᠦᠴᠦ ᠪᠠᠨ ᠬᠠᠮᠲᠤᠳᠬᠠᠵᠤ᠂ ᠠᠨᠠᠷᠤᠨ ᠦᠷᠡ ᠮᠡᠲᠦ ᠨᠢᠭ᠍ᠲᠠᠷᠠᠨ ᠪᠦᠯᠬᠦᠮᠳᠡᠭᠡᠳ ᠵᠢᠱ᠌ᠢᠶᠡᠴᠢ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠢ ᠪᠦᠭᠦ ᠲᠠᠯᠠ ᠪᠠᠷ ᠪᠦᠲᠦᠭᠡᠨ ᠪᠠᠢᠭᠤᠯᠵᠤ᠂ ᠲᠠᠪᠤᠨ ᠶᠡᠬᠡ ᠡᠭᠦᠷᠭᠡ ᠶ᠋ᠢ ᠴᠢᠷᠮᠠᠢᠨ ᠪᠡᠶᠡᠯᠡᠭᠦᠯᠵᠦ᠂ ᠲᠤᠮᠳᠠᠳᠤ ᠤᠯᠤᠰᠤᠨ ᠮᠠᠶᠢᠭ᠋ᠤᠨ ᠣᠳᠣᠬᠢᠴᠢᠯᠠᠯᠲᠠ ᠵᠢᠨ ᠥᠪᠥᠷ ᠮᠣᠩᠭᠣᠯᠤᠨ ᠰᠢᠨᠡ ᠬᠠᠭᠤᠳᠠᠰᠤ ᠶ᠋ᠢ ᠪᠢᠴᠢᠭᠯᠡᠨᠡᠮ᠃
ᠦᠨᠡᠯᠡᠯᠲᠡ —
ᠴᠠᠭᠠᠨ （ᠤᠯᠤᠰᠤᠨ ᠨᠢᠭᠡᠳᠦᠭᠡᠷ ᠲᠠᠰᠤᠨ ᠬᠥᠭᠵᠢᠮᠤᠨ ᠵᠣᠬᠢᠶᠠᠯᠴᠢ᠂ ᠰᠢᠮᠫᠤᠨᠢ ᠨᠠᠢᠷᠠᠯ ᠬᠥᠭᠵᠢᠮᠤᠨ ᠤᠳᠤᠷᠢᠳᠤᠭᠠᠴᠢ）
《ᠮᠥᠩᠬᠡ ᠵᠢᠨ ᠰᠠᠬᠢᠶᠠ》 ᠭᠡᠬᠦ ᠳᠠᠭᠤᠤ ᠶ᠋ᠢ ᠤᠯᠤᠰ ᠲᠦᠷᠦ ᠵᠢᠨ ᠪᠠᠷᠢᠮᠵᠢᠶᠠ᠂ ᠤᠷᠠᠯᠢᠭ᠋ᠤᠨ ᠪᠠᠷᠢᠮᠵᠢᠶᠠ ᠠᠯᠢ ᠠᠯᠢ ᠪᠠᠷ ᠨᠢ ᠠᠪᠴᠤ ᠦᠵᠡᠭᠰᠡᠨ ᠴᠸ᠋ ᠪᠦᠷ ᠥᠨᠳᠥᠷ ᠲᠦᠪᠰᠢᠨᠳᠤ ᠭᠦᠷᠦᠭᠰᠡᠨ ᠰᠢᠯᠢᠳᠡᠭ ᠰᠠᠢᠬᠠᠨ ᠤᠷᠠᠨ ᠪᠦᠲᠦᠭᠡᠯ ᠪᠣᠯᠣᠨᠠ᠂ ᠵᠠᠰᠠᠭᠤᠨ ᠣᠷᠳᠣᠨᠦ 《ᠲᠠᠪᠤᠨ ᠨᠢᠭᠡ ᠵᠢᠨ ᠢᠨᠵᠧᠨᠧᠷᠢᠩ》 ᠤ᠋ᠨ ᠱᠠᠩᠨᠠᠯ ᠬᠦᠷᠳᠡᠵᠦ᠂ ᠠᠷᠪᠠᠨ ᠵᠢᠯᠤᠨ ᠲᠤᠷᠰᠢ ᠠᠷᠠᠳ ᠲᠦᠮᠡᠨᠦ ᠳᠤᠮᠳᠠ ᠮᠠᠰᠢ ᠥᠷᠭᠡᠨ ᠬᠡᠪᠴᠢᠶᠡ ᠪᠠᠷ ᠤᠶᠠᠩᠭᠠᠯᠠᠨ ᠳᠠᠭᠤᠯᠠᠭᠳᠠᠵᠤ ᠪᠠᠢᠭᠠ ᠨᠢ ᠡᠭᠦᠨᠢ ᠭᠡᠷᠡᠴᠢᠯᠡᠨᠡ᠃ ᠠᠷᠠᠳ ᠲᠦᠮᠡᠨᠦ ᠠᠮᠢᠳᠤᠷᠠᠯᠤᠨ ᠢᠲᠡᠭᠡᠯ ᠵᠣᠷᠢᠭ᠋ᠢ ᠢᠪᠡᠭᠡᠨ ᠲᠡᠳᠬᠦᠵᠦ᠂ ᠠᠷᠠᠳ ᠲᠦᠮᠡᠨᠦ ᠬᠦᠰᠡᠯ ᠱᠠᠭᠠᠷᠳᠠᠯᠭᠠ ᠶ᠋ᠢ ᠦᠨᠡᠨ ᠶᠣᠰᠣᠭᠠᠷ ᠢᠯᠡᠳᠬᠡᠵᠦ᠂ ᠠᠭᠤᠤ ᠨᠠᠮᠤᠨ ᠵᠢᠭᠠᠪᠤᠷᠢ ᠶ᠋ᠢ ᠴᠤᠤᠷᠢᠶᠠᠲᠤᠨ ᠲᠠᠭᠠᠵᠦ ᠤᠷᠢᠶᠠᠯᠠᠨ ᠤᠬᠠᠭᠤᠯᠵᠤ᠂ ᠡᠯᠡ ᠦᠨᠳᠦᠰᠦᠲᠡᠨᠦ ᠪᠦᠯᠬᠦᠮᠳᠡᠯ ᠨᠢᠭ᠍ᠲᠠᠷᠠᠯᠢ ᠬᠥᠪᠴᠢᠯᠡᠭᠰᠡᠨ ᠳᠠᠭᠤᠤ᠃
ᠠᠯᠳᠠᠷ —
2015 ᠣᠨᠳᠤ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠵᠠᠰᠠᠭᠤᠨ ᠣᠷᠳᠣᠨᠤ 《ᠲᠠᠪᠤᠨ ᠨᠢᠭᠡ ᠵᠢᠨ ᠢᠨᠵᠧᠨᠧᠷᠢᠩ》 ᠤ᠋ᠨ ᠱᠠᠩᠨᠠᠯᠢ ᠬᠦᠷᠲᠡᠵᠡᠢ； 2016 ᠤᠨᠳᠤ ᠲᠥᠪ ᠲᠸᠯᠸᠢᠰᠤᠨ ᠴᠠᠭᠠᠨ ᠰᠠᠷᠠ ᠵᠢᠨ ᠦᠳᠡᠰᠢᠯᠡᠭᠡᠳᠤ ᠰᠤᠡᠭᠭᠤᠬᠳᠠᠵᠠᠢ；2017 ᠤᠨᠳᠤ ᠦᠪᠡᠷᠳᠡᠭᠡᠨ ᠵᠠᠰᠠᠬᠤ ᠤᠷᠤᠨ ᠪᠠᠢᠭᠤᠯᠤᠭᠳᠠᠭᠰᠠᠨ 70 ᠵᠢᠯᠤᠨ ᠤᠢ ᠵᠢ ᠪᠡᠯᠭᠡᠯᠡᠬᠦ ᠨᠠᠢᠷ ᠲᠦ᠍ ᠰᠣᠩᠭᠣᠭᠳᠠᠪᠠ᠃
ᠠᠭᠠᠷ ᠲᠡᠭᠷᠢᠳᠡᠭᠡᠨ ᠰᠢᠪᠠᠭᠤᠳ ᠨᠢ ᠳᠣᠩᠭᠣᠳᠤᠭᠰᠠᠨ
ᠠᠯᠤᠰᠤᠨ ᠬᠦᠰᠡᠯᠳᠡᠭᠡᠨ ᠵᠢᠭᠦᠷ ᠵᠢᠡᠨ ᠳᠡᠯᠭᠡᠭᠰᠡᠨ
ᠠᠲᠠᠷ ᠲᠠᠯᠠᠳᠠᠭᠠᠨ ᠨᠠᠷᠠᠨ ᠨᠢ ᠳᠤᠯᠠᠢᠭᠰᠠᠨ
ᠠᠮᠤᠭᠤᠯᠠᠩᠲᠤ ᠨᠤᠲᠤᠭ ᠮᠢᠨᠢ ᠵᠢᠷᠭᠠᠯ ᠵᠢᠡᠷ ᠴᠠᠯᠭᠢᠯᠠᠭᠰᠠᠨ
ᠠᠢ ᠭᠦ
ᠠᠭᠤᠳᠠᠮ ᠲᠠᠯᠠ ᠮᠢᠨᠢ ᠦᠨᠳᠦᠰᠦ ᠪᠠᠷ ᠵᠢᠡᠨ ᠬᠤᠯᠪᠤᠭᠡ ᠲᠠᠢ
ᠠᠭᠤᠯᠠ ᠨᠢᠷᠤᠭᠤᠳ ᠮᠢᠨᠢ ᠤᠷᠤᠰᠬᠠᠯ ᠵᠢᠡᠷ ᠵᠢᠡᠨ ᠬᠤᠯᠪᠤᠭᠡ ᠲᠠᠢ
ᠦᠨᠳᠦᠰᠦᠲᠡᠨ ᠪᠦᠭᠦᠨ ᠮᠢᠨᠢ ᠰᠡᠳᠬᠢᠯ ᠵᠢᠡᠷ ᠵᠢᠡᠨ ᠬᠤᠯᠪᠤᠭᠡ ᠲᠠᠢ
ᠥᠷᠯᠥᠭ ᠲᠦᠷᠦ ᠮᠢᠨᠢ ᠮᠥᠩᠬᠡ ᠵᠢᠨ ᠰᠠᠬᠢᠶᠠ ᠲᠠᠢ
ᠲᠠᠨᠠᠨ ᠦᠷᠭᠦᠭᠡᠳ ᠮᠢᠨᠢ ᠵᠡᠭᠦᠳᠦ ᠪᠠᠨ ᠮᠠᠨᠠᠭᠰᠠᠨ
ᠲᠠᠷᠬᠠᠨ ᠬᠢᠯᠢ ᠮᠢᠨᠢ ᠰᠠᠷᠠᠨ ᠨᠢ ᠲᠡᠷᠭᠡᠯᠰᠢᠭᠰᠡᠨ
ᠣᠮᠣᠭᠯᠠᠩ ᠭᠦᠯᠦᠭᠤᠳ ᠮᠢᠨᠢ ᠨᠤᠲᠤᠭ ᠵᠢᠡᠨ ᠮᠠᠨᠠᠭᠰᠠᠨ
ᠤᠮᠠᠷᠠᠲᠤ ᠬᠢᠵᠠᠭᠠᠷ ᠮᠢᠨᠢ ᠦᠵᠡᠮᠵᠢ ᠪᠦᠷᠢᠳᠦᠭᠰᠡᠨ
ᠠᠢ ᠭᠦ
ᠠᠭᠤᠳᠠᠮ ᠲᠠᠯᠠ ᠮᠢᠨᠢ ᠦᠨᠳᠦᠰᠦ ᠪᠠᠷ ᠵᠢᠡᠨ ᠬᠤᠯᠪᠤᠭᠡ ᠲᠠᠢ
ᠠᠭᠤᠯᠠ ᠨᠢᠷᠤᠭᠤᠳ ᠮᠢᠨᠢ ᠤᠷᠤᠰᠬᠠᠯ ᠵᠢᠡᠷ ᠵᠢᠡᠨ ᠬᠤᠯᠪᠤᠭᠡ ᠲᠠᠢ
ᠦᠨᠳᠦᠰᠦᠲᠡᠨ ᠪᠦᠭᠦᠨ ᠮᠢᠨᠢ ᠰᠡᠳᠬᠢᠯ ᠵᠢᠡᠷ ᠵᠢᠡᠨ ᠬᠤᠯᠪᠤᠭᠡ ᠲᠠᠢ
ᠥᠷᠯᠥᠭ ᠲᠦᠷᠦ ᠮᠢᠨᠢ ᠮᠥᠩᠬᠡ ᠵᠢᠨ ᠰᠠᠬᠢᠶᠠ ᠲᠠᠢ