ᠦᠨᠳᠦᠰᠦᠨ ᠪᠠᠢᠳᠠᠯ —
ᠵᠤᠬᠢᠶᠠᠨ ᠪᠦᠲᠦᠭᠡᠭᠰᠡᠨ ᠴᠠᠭ ᠄ 2019 ᠤᠨ
ᠦᠭᠡ᠄ ᠪᠤ·ᠲᠡᠮᠦᠷᠡ
ᠠᠶᠠ ᠄ ᠬᠠᠰᠶᠠᠲᠤᠭᠠ
ᠵᠤᠬᠢᠶᠠᠨ ᠪᠦᠲᠦᠭᠡᠭᠰᠡᠨ ᠬᠡᠯᠪᠡᠷᠢ᠄ ᠲᠡᠦᠭᠡ ᠵᠢᠨ ᠦᠨᠡᠨ ᠤᠴᠢᠷᠵᠢᠡᠷ ᠰᠡᠳᠦᠪᠯᠡᠨ ᠵᠤᠬᠢᠶᠠᠨ ᠪᠦᠲᠦᠭᠡᠪᠡ
ᠠᠶᠠᠶᠢᠨ ᠤᠨᠴᠠᠯᠢᠭ᠄ ᠤᠶᠠᠷᠠᠭᠤᠨ ᠡᠪᠬᠡᠷᠡᠬᠦᠨ ᠪᠦᠭᠡᠳ ᠰᠦᠷ ᠲᠠᠯᠠᠢᠴᠠᠲᠠᠢ
ᠲᠠᠭᠤᠤᠶᠢᠨ ᠲᠦᠷᠦᠯ᠄ ᠵᠤᠬᠢᠶᠠᠯᠤᠨ ᠳᠠᠭᠤᠤ
ᠠᠯᠳᠠᠷ —
2019 ᠤᠨᠤ ᠦᠪᠦᠷ ᠮᠤᠩᠭᠤᠯᠤᠨ ᠮᠤᠩᠭᠤᠯ ᠷᠠᠳᠢᠤ᠋ᠶᠢᠨ ᠵᠤᠬᠢᠶᠠᠯᠤᠨ ᠳᠠᠭᠤᠤᠶᠢᠨ ᠵᠢᠬᠰᠠᠭᠠᠯᠲᠠᠳᠤ ᠤᠨᠴᠠᠭᠠᠢ ᠱᠠᠩᠨᠠᠯ ᠬᠦᠷᠲᠡᠪᠡ᠃
ᠦᠨᠡᠯᠡᠯᠲᠡ —
ᠤᠢ᠊·ᠭᠠᠩᠲᠡᠮᠦᠷ （ᠦᠪᠦᠷ ᠮᠤᠩᠭᠤᠯᠤᠨ ᠰᠢᠭᠤᠳ ᠬᠠᠷᠢᠶᠠ ᠤᠯᠠᠭᠠᠨᠮᠦ᠋ᠴᠢᠷᠤᠨ ᠲᠠᠭᠤᠴᠢᠨ᠂ ᠤᠷᠠᠯᠢᠭ ᠰᠤᠳᠤᠯᠤᠬᠴᠢ）
《ᠲᠦᠬᠦᠢᠮᠡ ᠡᠵᠢ》 ᠬᠡᠬᠦ ᠳᠠᠭᠤᠤ ᠲᠦᠬᠦᠢᠮᠡ ᠡᠵᠢᠶᠢᠨ ᠨᠢᠬᠡ ᠨᠠᠰᠤᠨᠤ ᠦᠢᠯᠡ ᠠᠵᠢᠯᠯᠠᠭᠠᠶᠢ ᠳᠤᠪᠤᠢᠯᠭᠠᠬᠰᠠᠨ ᠪᠦᠬᠡᠳ ᠲᠦᠬᠦᠢᠮᠡ ᠡᠵᠢ ᠰᠢᠭ ᠤᠨᠴᠠᠭᠠᠢ ᠴᠠᠬ ᠦᠶᠡ ᠳ᠋ᠡᠬᠢ ᠲᠠᠯᠠ ᠨᠤᠲᠤᠭᠤᠨ ᠡᠬᠡᠴᠤᠤᠯᠤᠨ ᠦᠷᠦᠪᠴᠢ ᠵᠦᠭᠡᠯᠡᠨ ᠰᠡᠳᠬᠢᠯ᠂ ᠴᠠᠬ ᠦᠶᠡᠶᠢᠨ ᠡᠬᠦᠷᠭᠡ ᠬᠠᠷᠢᠭᠤᠴᠠᠯᠭᠠ ᠪᠠᠨ ᠡᠷᠡᠯᠭᠡᠭᠯᠡᠨ ᠪᠡᠶᠡᠯᠡᠬᠦᠯᠦᠭᠰᠡᠨ ᠢᠷᠠᠭᠤ ᠦᠢᠯᠡᠰᠢ ᠮᠠᠬᠲᠠᠨ ᠳᠠᠭᠤᠯᠠᠬᠰᠠᠨ ᠳᠠᠭᠤᠤ ᠪᠤᠯᠤᠨᠠ᠃
ᠵᠤᠬᠢᠶᠠᠨ ᠪᠦᠲᠦᠭᠡᠯᠭᠡᠶᠢᠨ ᠤᠷᠠᠯᠢᠭᠤᠨ ᠬᠤᠪᠢᠳᠤ᠂ ᠲᠤᠰ ᠲᠠᠭᠤᠤᠶᠢᠨ ᠬᠦᠭᠵᠢᠮ ᠠᠶᠠᠯᠭᠤ ᠨᠢ ᠴᠠᠬ ᠦᠶᠡᠶᠢ ᠳᠠᠭᠠᠬᠰᠠᠨ ᠪᠦᠭᠡᠳ ᠴᠠᠭ ᠦᠶᠡᠶᠢᠨ ᠤᠷᠢᠶᠠᠯᠠᠬᠤ ᠬᠦᠴᠦᠨ᠂ ᠪᠤᠯᠪᠠᠰᠤᠨᠤ ᠬᠦᠮᠦᠵᠢᠯᠤᠨ ᠤᠳᠬᠠ ᠰᠠᠨᠠᠭᠠᠶᠢ ᠤᠷᠭᠠᠨᠢᠭᠢᠶᠡᠷ ᠠᠷᠠᠳᠤᠨ ᠳᠠᠭᠤᠤᠶᠢᠨ ᠪᠠᠢᠭᠠᠯᠢᠯᠢᠭ ᠬᠡᠪ ᠨᠠᠮᠪᠠᠳᠤ ᠠᠭᠤᠰᠬᠠᠨ ᠤᠷᠤᠭᠤᠯᠤᠬᠰᠠᠨ ᠪᠦᠭᠡᠳ ᠵᠢᠷᠤᠬᠯᠠᠨ ᠰᠡᠳᠬᠢᠬᠦ ᠵᠤᠬᠢᠶᠠᠨ ᠪᠦᠲᠦᠭᠡᠯᠭᠡᠶᠢᠨ ᠠᠷᠭᠠ ᠮᠠᠶᠢᠭᠢ ᠬᠡᠷᠡᠭᠯᠡᠵᠦ ᠴᠢᠳᠠᠬᠰᠠᠨᠢᠶᠡᠷᠢᠶᠠᠨ ᠤᠯᠠᠨ ᠡᠴᠡ ᠤᠨᠴᠠᠯᠠᠬᠳᠠᠵᠦ᠂ ᠬᠦᠮᠦᠨ ᠠᠷᠠᠳᠤᠨ ᠰᠤᠨᠤᠷᠤᠨ ᠬᠤᠷᠴᠠ ᠮᠡᠳᠡᠷᠡᠮᠵᠢᠳᠤ ᠬᠦᠷᠴᠦ᠂ ᠨᠡᠢᠬᠡᠮ ᠨᠡᠢᠲᠡᠳᠤ ᠤᠷᠮᠠ ᠪᠠᠬᠠᠷᠬᠠᠯᠤᠨ ᠬᠡᠢᠷᠭᠡᠯ ᠬᠠᠩᠭᠠᠵᠠᠢ᠃
ᠦᠯᠢᠭᠡᠷ —
ᠳᠡᠭᠡᠷᠡ ᠵᠠᠭᠤᠨᠤ ᠵᠢᠷᠠᠭᠠᠳ ᠣᠨᠤ ᠡᠬᠢ ᠪᠡᠷ᠂ ᠳᠦᠷᠪᠡᠳᠬᠤᠰᠢᠭᠤᠨᠤ ᠠᠷᠪᠠ ᠶᠢᠰᠦᠲᠠᠢ ᠲᠦᠬᠦᠢᠮᠡ ᠨᠤᠲᠤᠭ ᠤᠰᠤᠨ ᠡᠴᠡ ᠪᠠᠨ ᠬᠤᠯᠠᠳᠠᠬᠰᠠᠨ 28 ᠱᠠᠩᠬᠠᠢᠶ᠋ᠢᠨ ᠥᠨᠥᠴᠢᠨ ᠬᠡᠦᠬᠡᠳᠢ ᠲᠤᠰᠤᠨ ᠠᠪᠬᠤ ᠦᠶᠡ ᠪᠡᠷ᠂ ᠬᠡᠥᠬᠡᠳ ᠤᠳ ᠤᠨ ᠬᠠᠯᠲᠠᠷ ᠪᠤᠯᠲᠠᠷ ᠴᠢᠷᠠᠢ᠂ ᠬᠦᠰᠡᠨ ᠬᠦᠯᠢᠶᠡᠭᠰᠡᠨ ᠪᠦᠯᠳᠡᠭᠡᠷ ᠬᠠᠷᠠ ᠨᠢᠲᠦᠶᠢ ᠬᠠᠷᠠᠭᠠᠳ ᠦᠪᠡᠷᠤᠨ ᠡᠷᠭᠡ ᠦᠭᠡᠢ ᠦᠷᠦᠪᠳᠦᠨ ᠬᠠᠢᠷᠠᠯᠠᠵᠦ᠂ 《ᠡᠵᠢ》 ᠨᠢ ᠪᠤᠯᠬᠤ ᠪᠡᠷ ᠵᠤᠷᠢᠮᠠᠭ ᠰᠢᠢᠳᠦᠭᠰᠡᠨ ᠪᠠᠢᠯᠠ᠃ ᠬᠠᠭᠠᠰ ᠵᠠᠭᠤᠨᠤ ᠲᠤᠷᠰᠢ᠂ ᠲᠦᠬᠦᠢᠮᠡ ᠡᠵᠢ ᠦᠷᠦᠪᠴᠢ ᠡᠨᠡᠷᠢᠩᠬᠦᠢ ᠡᠬᠡᠶᠢᠨ ᠬᠠᠢᠷᠠ᠂ ᠴᠦᠬᠦᠷᠡᠰᠢ ᠦᠬᠡᠢ ᠴᠢᠷᠮᠠᠢᠯᠭᠠ ᠪᠡᠷᠢᠶᠡᠨ ᠦᠨᠡᠨ ᠰᠡᠳᠭᠢᠯᠭᠡ ᠪᠣᠯᠤᠨ ᠦᠭᠬᠢᠶᠡᠮᠦᠷ ᠬᠠᠢᠷᠠᠶ᠋ᠢ ᠢᠯᠡᠷᠡᠬᠦᠯᠪᠡ᠃
2019 ᠣᠨᠤ 9 ᠰᠠᠷᠠᠶ᠋ᠢᠨ 17 ᠤ᠋ ᠡᠳᠦᠷ᠂ ᠤᠯᠤᠰᠤᠨ ᠲᠡᠷᠢᠭᠦᠯᠡᠭ᠌ᠴᠢ ᠰᠢ ᠵᠢᠨ ᠫᠢᠩ ᠲᠡᠷᠢᠭᠦᠯᠡᠭ᠌ᠴᠢᠶ᠋ᠢᠨ ᠵᠠᠷᠯᠢᠭᠲᠤ ᠭᠠᠷᠤᠨ ᠥᠰᠥᠭ ᠵᠢᠷᠤᠵᠤ᠂ ᠲᠦᠬᠦᠢᠮᠡ ᠡᠵᠢᠳᠦ 《ᠠᠷᠠᠳᠤᠨ ᠵᠢᠱ᠌ᠢᠶᠡᠴᠢ》 ᠭᠡᠬᠦ ᠤᠯᠤᠰᠤᠨ ᠢᠷᠠᠭᠤ ᠠᠯᠳᠠᠷᠤᠨ ᠴᠣᠯᠠ ᠣᠯᠭᠣᠪᠠ᠃ 《ᠲᠦᠬᠦᠢᠮᠠ ᠡᠵᠢ》 ᠭᠡᠬᠦ ᠳᠠᠭᠤᠤ ᠪᠤᠯ 《ᠭᠤᠷᠪᠠᠨ ᠮᠢᠩᠭᠠᠨ ᠦᠨᠦᠴᠢᠨ ᠬᠡᠥᠬᠡᠳᠢ ᠦᠪᠦᠷ ᠮᠤᠩᠭᠤᠯᠳᠤ ᠦᠷᠡᠴᠢᠯᠡᠨ ᠳᠡᠵᠢᠭᠡᠭᠰᠡᠨ》 ᠶᠠᠪᠤᠳᠠᠯ ᠳ᠋ᠡᠬᠢ ᠲᠦᠬᠦᠢᠮᠡ ᠡᠵᠢᠶᠢᠨ ᠦᠢᠯᠡ ᠠᠵᠢᠯᠯᠠᠭᠠ ᠪᠡᠷ ᠰᠡᠳᠦᠪᠯᠡᠭᠰᠡᠨ ᠳᠠᠭᠤᠤ ᠪᠤᠯᠬᠤ ᠶᠤᠮ᠃ ᠡᠨᠡ ᠬᠦ᠌ 《ᠤᠯᠤᠰᠤᠨ ᠬᠡᠥᠬᠡᠳ》 ᠬᠢᠬᠡᠳ《ᠲᠠᠯᠠ ᠨᠤᠲᠤᠭᠤᠨ ᠡᠵᠢ》 ᠭᠡᠬᠦ ᠲᠡᠥᠬᠡᠶᠢᠨ ᠢᠷᠠᠭᠤ ᠲᠤᠤᠯᠢᠰᠢ ᠲᠤᠳᠤᠷᠠᠭᠤᠯᠤᠬᠰᠠᠨ ᠳᠠᠭᠤᠤᠵᠢᠨ ᠰᠢᠯᠦᠭᠢ ᠦᠪᠦᠷ ᠮᠤᠩᠭᠤᠯᠤᠨ ᠤᠳᠬᠠ ᠵᠤᠬᠢᠶᠠᠯᠤᠨ ᠨᠡᠢᠭᠡᠮᠯᠢᠭ᠂ ᠳᠠᠭᠤᠴᠢᠳᠤᠨ ᠨᠡᠢᠭᠡᠮᠯᠢᠭ᠂ ᠳᠠᠭᠤᠤ ᠬᠦᠭᠵᠢᠮ᠂ ᠤᠳᠬᠠ ᠤᠷᠠᠯᠢᠭᠤᠨ ᠡᠷᠳᠡᠮ ᠰᠢᠨᠵᠢᠯᠡᠬᠡᠨᠤ ᠨᠡᠢᠭᠡᠮᠯᠢᠭᠤᠨ ᠬᠡᠰᠢᠬᠦᠨ᠂ ᠬᠦᠯᠦᠨ ᠪᠤᠢᠷ ᠬᠤᠲᠠᠶᠢᠨ ᠤᠳᠬᠠ ᠵᠤᠬᠢᠶᠡᠯ ᠤᠳᠭᠠ ᠤᠷᠠᠯᠢᠭᠤᠨ ᠨᠡᠢᠬᠡᠮᠯᠢᠭᠤᠨ ᠪᠠᠢᠩᠭᠤᠶᠢᠨ ᠬᠡᠷᠡᠭ ᠡᠷᠬᠢᠯᠡᠭᠴᠢ ᠪᠤ·ᠳᠡᠮᠦᠷᠡ ᠵᠤᠬᠢᠶᠠᠵᠦ᠂ ᠠᠶᠠᠶᠢ ᠤᠯᠤᠰᠤᠨ ᠨᠢᠭᠡᠲᠦᠭᠡᠷ ᠳᠡᠰᠤᠨ ᠠᠶᠠᠯᠭᠤᠴᠢᠨ ᠬᠠᠰᠶᠠᠲᠤᠭᠠ ᠲᠠᠭᠠᠷᠠᠭᠤᠯᠵᠦ᠂ ᠬᠦᠭᠵᠢᠮ ᠨᠠᠢᠷᠠᠭᠤᠯᠤᠬᠴᠢ᠂ ᠳᠠᠭᠤᠴᠢᠨ ᠪᠠᠮᠪᠠᠷ ᠠᠩᠬᠠ ᠳᠠᠭᠤᠯᠠᠵᠠᠢ᠃
— ᠪᠢ ᠲᠦᠪ ᠲᠸᠯᠸᠢᠰ ᠡᠴᠡ ᠲᠦᠬᠦᠢᠮᠠ ᠡᠵᠢᠶᠢᠨ 《ᠠᠷᠠᠳᠤᠨ ᠵᠢᠱ᠌ᠢᠶᠡᠴᠢ》 ᠵᠢᠨ ᠢᠷᠠᠭᠤ ᠠᠯᠳᠠᠷᠢᠶᠡᠷ ᠡᠩᠭᠡᠷᠢᠶᠡᠨ ᠮᠢᠯᠢᠶᠠᠯᠭᠠᠬᠰᠠᠨ ᠰᠡᠳᠬᠢᠯ ᠬᠦᠳᠡᠯᠬᠡᠮᠡ ᠮᠡᠳᠡᠭᠡᠯᠡᠯᠢ ᠦᠵᠡᠭᠡᠳ᠂ ᠮᠤᠩᠭᠤᠯ ᠡᠵᠢᠶᠢᠨ ᠦᠷᠦᠪᠴᠢ ᠵᠦᠭᠡᠯᠡᠨ ᠶᠡᠬᠡ ᠬᠠᠢᠷᠠᠳᠤ ᠤᠶᠠᠷᠠᠨ ᠳᠤᠬᠳᠤᠯᠵᠦ᠂ ᠳᠠᠷᠠᠭᠠ ᠡᠳᠦᠷ ᠨᠢ ᠳᠠᠷᠤᠢ 《ᠲᠦᠬᠦᠢᠮᠡ ᠡᠵᠢ》 ᠭᠡᠬᠦ ᠳᠠᠭᠤᠤᠶᠢᠨ ᠰᠢᠯᠦᠭᠢᠶᠠᠨ ᠵᠤᠬᠢᠶᠠᠵᠦ ᠭᠠᠷᠭᠠᠬᠰᠠᠨ ᠶᠤᠮ᠃ ᠲᠦᠬᠦᠢᠮᠡ ᠡᠵᠢᠶᠢᠨ ᠦᠭᠬᠢᠶᠡᠮᠦᠷ ᠰᠡᠳᠭᠢᠯ᠂ 《ᠤᠯᠤᠰᠤᠨ ᠬᠡᠥᠬᠡᠳ》 ᠤ᠋ᠨ ᠦᠪᠦᠷ ᠮᠤᠩᠭᠤᠯᠳᠤ ᠦᠰᠦᠨ ᠪᠤᠢᠵᠢᠬᠰᠠᠨ ᠦᠯᠢᠭᠡᠷ ᠶᠠᠪᠤᠳᠠᠯ ᠨᠢ ᠰᠡᠳᠬᠢᠯ ᠵᠢᠷᠦᠭᠡᠶᠢ ᠬᠦᠨᠳᠡᠵᠦ᠂ ᠵᠤᠬᠢᠶᠠᠨ ᠪᠦᠲᠦᠭᠡᠯᠭᠡᠶᠢᠨ ᠬᠤᠪᠢᠳᠤ ᠡᠷᠴᠢ ᠬᠦᠴᠦᠨ ᠤᠯᠭᠤᠬᠰᠠᠨ ᠶᠤᠮ ᠭᠡᠵᠦ ᠪᠤ·ᠳᠡᠮᠦᠷᠡ ᠵᠤᠬᠢᠶᠠᠨ ᠪᠦᠳᠦᠭᠡᠭᠰᠡᠨ ᠶᠠᠪᠤᠴᠠ ᠪᠠᠨ ᠡᠷᠭᠢᠴᠡᠬᠦᠯᠦᠨᠡ᠃
《ᠲᠦᠬᠦᠢᠮᠡ ᠡᠵᠢ》 ᠬᠡᠬᠦ ᠳᠠᠭᠤᠤᠶᠢᠨ ᠰᠢᠯᠦᠭᠢᠶᠡᠨ ᠵᠤᠬᠢᠶᠠᠵᠦ ᠭᠠᠷᠭᠠᠬᠰᠠᠨᠤ ᠳᠠᠷᠠᠭᠠ ᠪᠤ᠋·ᠲᠡᠮᠦᠷᠡ ᠤᠯᠤᠰᠤᠨ ᠨᠢᠭᠡᠳᠦᠭᠡᠷ ᠳᠡᠰᠤᠨ ᠬᠦᠭᠵᠢᠮᠤᠨ ᠵᠤᠬᠢᠶᠠᠯᠴᠢ ᠬᠠᠰᠶᠠᠳᠤᠭᠠᠶᠢ ᠡᠷᠢᠵᠦ ᠲᠤᠰ ᠳᠠᠭᠤᠤᠳᠤ ᠠᠶᠠ ᠵᠤᠬᠢᠶᠠᠵᠦ ᠦᠭᠬᠦᠨᠡ ᠤᠤ？ᠭᠡᠬᠦ ᠬᠦᠰᠡᠯᠲᠡ ᠲᠠᠯᠪᠢᠬᠰᠠᠨᠳᠤ᠂ ᠲᠦᠬᠦᠢᠮᠡ ᠡᠵᠢᠶᠢᠨ 28 《ᠤᠯᠤᠰᠤᠨ ᠬᠡᠥᠬᠡᠳ》 ᠲᠠᠢ ᠠᠮᠢ ᠵᠠᠶᠠᠭᠠ ᠪᠠᠨ ᠬᠤᠯᠪᠤᠵᠦ ᠶᠠᠪᠤᠬᠰᠠᠨ ᠦᠯᠢᠭᠡᠷ ᠦᠢᠯᠡ ᠶᠠᠪᠤᠳᠠᠯᠢ ᠰᠡᠳᠬᠢᠯ ᠵᠢᠷᠦᠭᠡ ᠪᠡᠷᠢᠶᠡᠨ ᠮᠡᠳᠡᠷᠡᠵᠦ ᠶᠠᠪᠤᠬᠰᠠᠨ ᠬᠠᠰᠶᠠᠲᠤᠭᠠ᠄ 《ᠡᠨᠡ ᠴᠢᠨᠢ ᠠᠭᠤᠤ ᠶᠡᠬᠡ ᠡᠬᠡ ᠵᠢᠨ ᠬᠠᠢᠷᠠ᠂ ᠵᠢᠷᠦᠬᠡᠨ ᠡᠴᠡ ᠠᠶᠠᠨᠳᠠᠭᠠᠨ ᠤᠨᠳᠤᠷᠤᠨ ᠭᠠᠷᠴᠦ ᠢᠷᠡᠬᠦ ᠠᠶᠠᠯᠭᠤ ᠪᠢᠰᠢᠥ？》 ᠬᠡᠳ ᠲᠤᠰ ᠳᠠᠭᠤᠤᠶᠢᠨ ᠠᠶᠠᠶᠢ ᠵᠤᠬᠢᠶᠠᠬᠰᠠᠨ ᠬᠡᠳᠡᠭ᠃
ᠳᠡᠭᠡᠷᠡ ᠵᠠᠭᠤᠨᠤ ᠵᠢᠷᠠᠭᠠᠳ ᠣᠨᠤ ᠡᠬᠢᠪᠡᠷ᠂ ᠭᠤᠷᠪᠠᠨ ᠵᠢᠯᠦᠨ ᠪᠠᠢᠭᠠᠯᠢᠶ᠋ᠢᠨ ᠭᠠᠮᠱᠢᠭᠤᠨ ᠬᠤᠭᠤᠴᠠᠭᠠᠨᠳᠤ᠂ ᠥᠪᠥᠷ ᠮᠣᠩᠭᠣᠯ 3000 ᠭᠠᠷᠤᠶ ᠱᠠᠩᠬᠠᠶ ᠵᠢᠴᠢ ᠡᠷᠬᠢᠨ ᠲᠣᠭᠣᠷᠢᠨᠤ ᠭᠠᠵᠠᠷ ᠣᠷᠣᠨᠤ ᠥᠨᠥᠴᠢᠨ ᠬᠡᠦᠬᠡᠳᠢ ᠦᠷᠡᠴᠢᠯᠡᠨ ᠳᠡᠵᠢᠭᠡᠵᠦ᠂ ᠮᠠᠯᠴᠢᠳ ᠲᠡᠳᠡᠨᠢ 《ᠤᠯᠤᠰᠤᠨ ᠬᠡᠦᠬᠡᠳ》 ᠭᠡᠵᠦ᠍ ᠳᠣᠲᠣᠨᠣᠴᠢᠯᠠᠨ ᠳᠠᠭᠤᠳᠠᠳᠠᠭ᠃ ᠲᠤᠬᠠᠢᠶᠢᠨ ᠦᠶᠡᠳᠤ ᠠᠷᠪᠠ ᠶᠢᠰᠦᠲᠡᠢ ᠲᠦᠬᠦᠢᠮᠡ ᠳᠥᠷᠪᠡᠳ ᠬᠣᠱᠢᠭᠤᠨᠤ ᠠᠰᠠᠷᠠᠨ ᠬᠥᠮᠦᠵᠢᠭᠦᠯᠬᠦ᠌ ᠬᠦᠷᠢᠶᠡᠯᠡᠩᠳᠦ ᠠᠰᠠᠷᠠᠭ᠍ᠴᠢᠪᠠᠷ ᠰᠣᠩᠭᠣᠭ᠍ᠳᠠᠵᠤ᠂ 28 ᠥᠨᠥᠴᠢᠨ ᠬᠡᠦᠬᠡᠳᠢ ᠠᠰᠠᠷᠠᠨ ᠬᠠᠷᠠᠭᠠᠯᠵᠠᠬᠤ ᠬᠦᠨᠳᠦ ᠡᠬᠦᠷᠭᠡᠶᠢ ᠵᠤᠷᠢᠬᠲᠠᠢ ᠪᠡᠷ ᠡᠬᠦᠷᠭᠡᠯᠡᠵᠦ᠂ ᠡᠳᠡᠭᠡᠷᠬᠡᠥᠬᠡᠳᠤᠨ 《ᠡᠵᠢ》ᠪᠤᠯᠵᠠᠢ᠃ ᠲᠡᠭᠦᠨᠦ ᠨᠠᠷᠢᠨ ᠨᠢᠮᠪᠠᠢ ᠬᠠᠷᠠᠭᠠᠯᠵᠠᠯ ᠳᠣᠣᠷᠠ᠂ 28 ᠥᠨᠥᠴᠢᠨ ᠬᠡᠦᠬᠡᠳᠦᠨ ᠨᠢᠭᠡ ᠨᠢ ᠴᠦ᠍ ᠡᠪᠡᠳᠴᠢᠨ ᠡᠴᠡ ᠪᠤᠯᠵᠦ ᠵᠡᠮᠳᠡᠭ ᠪᠣᠯᠤᠭ᠍ᠰᠠᠨ ᠦᠭᠡᠢ᠂ ᠨᠡᠩ ᠴᠤ᠌ ᠵᠠᠭᠤᠷᠮᠠᠭ ᠨᠠᠰᠤᠯᠠᠭ᠍ᠰᠠᠨ ᠬᠥᠮᠦᠨ ᠪᠠᠢᠬᠤ ᠦᠭᠡᠢ᠃1974 ᠣᠨᠳᠤ᠂ ᠲᠦᠬᠦᠢᠮᠡ ᠲᠦᠷᠪᠡᠳ ᠬᠣᠱᠢᠭᠤᠨᠤ ᠡᠮᠨᠡᠯᠭᠡᠶ᠋ᠢᠨ ᠬᠣᠷᠢᠶᠠᠨᠤ ᠰᠤᠷᠤᠯᠴᠠᠯᠭᠠ ᠪᠣᠯᠪᠠᠰᠤᠷᠠᠯᠳᠤ ᠣᠷᠣᠯᠴᠠᠵᠤ᠂ ᠰᠡᠭᠦᠯᠡᠷ ᠨᠢ ᠲᠤᠬᠠᠢᠶ᠋ᠢᠨ ᠭᠠᠵᠠᠷᠤᠨ ᠠᠯᠳᠠᠷᠲᠤ ᠬᠥᠩᠭᠡᠵᠢᠭᠦᠯᠬᠦ᠌ ᠰᠠᠯᠠᠭᠠᠨᠤ ᠡᠮᠴᠢ ᠪᠤᠯᠵᠤ᠂ ᠤᠷᠢᠳ ᠬᠣᠵᠢᠳ 40 ᠭᠠᠷᠤᠢ ᠵᠠᠯᠠᠭᠤ ᠡᠵᠢᠶ᠋ᠢᠨ ᠠᠮᠢ ᠨᠠᠰᠤᠶ᠋ᠢ ᠠᠪᠤᠷᠠᠪᠠ ᠁ ᠲᠦᠬᠦᠢᠮᠡ ᠡᠵᠢ ᠥᠪᠡᠷᠦᠨ ᠨᠢᠭᠡ ᠨᠠᠰᠦᠨᠤ ᠦᠶ᠋ᠯᠡ ᠠᠵᠢᠯᠯᠠᠭᠠᠪᠠᠷᠢᠶᠠᠨ ᠬᠥᠮᠦᠨᠦ ᠶᠢᠷᠲᠢᠨᠴᠦ᠍ᠶ᠋ᠢᠨ ᠶᠡᠬᠡ ᠬᠠᠢᠷᠠᠶ᠋ᠢ ᠲᠠᠢᠯᠪᠤᠷᠢᠯᠠᠪᠠ᠃
— ᠪᠢ ᠶᠡᠷᠦᠨᠢ ᠬᠦᠭᠵᠢᠮ ᠨᠠᠢᠷᠠᠭᠤᠯᠬᠤ ᠠᠵᠢᠯᠢᠬᠢᠳᠡᠭ ᠪᠤᠯᠬᠤᠷ ᠲᠤᠰ ᠳᠠᠭᠤᠤᠶᠢᠨ ᠬᠦᠭᠵᠢᠮᠢ ᠨᠠᠢᠷᠠᠭᠤᠯᠬᠤ ᠠᠵᠢᠯᠢ ᠬᠦᠯᠢᠶᠡᠵᠦ ᠠᠪᠤᠬᠰᠠᠨ᠂ ᠲᠡᠭᠡᠭᠡᠳ ᠬᠦᠭᠵᠢᠮ ᠨᠠᠢᠷᠠᠭᠤᠯᠬᠤ ᠶᠠᠪᠤᠴᠠᠳᠤ ᠲᠤᠰ ᠳᠠᠭᠤᠤ ᠨᠢ ᠮᠠᠰᠢ ᠬᠦᠨᠳᠦᠴᠡ ᠲᠠᠢ ᠰᠠᠨᠠᠬᠳᠠᠬᠤᠯᠠᠷ ᠦᠪᠡᠷᠤᠨ ᠡᠷᠬᠡ ᠦᠬᠡᠢ ᠳᠠᠭᠤᠯᠠᠵᠦ ᠰᠢᠩᠬᠡᠬᠡᠬᠦ ᠠᠵᠢᠯᠢ ᠴᠦ᠍ ᠬᠦᠯᠢᠶᠡᠵᠦ ᠠᠪᠴᠠᠢ᠃ ᠳᠠᠭᠤᠯᠠᠬᠤᠦᠶᠡ ᠪᠡᠷ ᠲᠦᠬᠦᠢᠮᠡ ᠡᠵᠢᠶᠢᠨ ᠨᠢᠭᠡ ᠨᠠᠰᠤᠨᠤ ᠦᠢᠯᠡ ᠠᠵᠢᠯᠯᠠᠭᠠ ᠨᠢ ᠨᠢᠳᠤᠨᠳᠤ ᠲᠤᠳᠤᠷᠠᠨ ᠭᠠᠷᠲᠤ ᠪᠠᠷᠢᠬᠳᠠᠬᠤ ᠰᠢᠥᠬᠠᠨ ᠪᠤᠯᠵᠦ ᠰᠡᠳᠬᠢᠯ ᠤᠶᠠᠷᠠᠨ ᠨᠢᠯᠪᠤᠰᠤ ᠤᠨᠠᠭᠠᠵᠦ ᠪᠠᠢᠬᠰᠠᠨ᠃ ᠡᠢᠮᠦ ᠡᠴᠡ ᠬᠦᠭᠵᠢᠮ ᠨᠠᠢᠷᠠᠭᠤᠯᠬᠤ ᠶᠠᠪᠤᠴᠠᠳᠤ ᠡᠵᠢ ᠬᠦᠮᠦᠨᠤ ᠡᠨᠡᠷᠢᠩᠬᠦᠢ ᠰᠡᠳᠬᠢᠯ᠂ ᠬᠦᠮᠦᠨᠤ ᠶᠢᠷᠲᠢᠨᠴᠦᠶᠢᠨ ᠶᠡᠬᠡ ᠬᠠᠢᠷᠠᠶᠢ ᠢᠯᠡᠳᠬᠡᠬᠦ ᠵᠤᠷᠢᠯᠭᠠ ᠡᠴᠡ ᠤᠶᠠᠷᠠᠭᠤᠨ ᠡᠪᠬᠡᠷᠡᠬᠦᠨ ᠠᠲᠠᠯᠠ ᠰᠦᠷ ᠲᠠᠯᠠᠢᠴᠠᠲᠠᠢ ᠰᠢᠮᠫᠤᠨᠢ ᠬᠦᠭᠵᠢᠮ ᠲᠠᠭᠠᠷᠠᠭᠤᠯᠬᠤᠶᠢ ᠬᠢᠴᠢᠶᠡᠭᠰᠡᠨ ᠶᠤᠮ ᠭᠡᠵᠦ ᠬᠦᠭᠵᠢᠮ ᠨᠠᠢᠷᠠᠭᠤᠯᠤᠬᠴᠢ᠂ ᠲᠠᠭᠤᠴᠢᠨ ᠪᠠᠮᠪᠠᠷ ᠶᠠᠷᠢᠬᠰᠠᠨ ᠪᠢᠯᠡ᠃
ᠬᠦᠮᠦᠨᠴᠢ ᠦᠵᠡᠯ ᠪᠤᠷᠬᠠᠨ ᠰᠡᠳᠬᠢᠯᠢᠶᠡᠷ
ᠬᠦᠬᠡᠷᠦᠬᠦᠢᠯᠡᠨ ᠲᠡᠵᠢᠭᠡᠭᠰᠡᠨ ᠬᠡᠥᠬᠡᠳ ᠤ᠋ᠳ
ᠬᠦᠯᠦᠰᠦ ᠬᠦᠴᠦ ᠪᠠᠨ ᠰᠢᠪᠬᠠᠵᠦ ᠪᠠᠢᠭᠠᠳ
ᠬᠦᠮᠦᠵᠢᠬᠦᠯᠵᠦ ᠶᠠᠪᠤᠬᠰᠠᠨ ᠡᠵᠢ ᠬᠦᠮᠦᠨ ᠶᠤᠮ
ᠬᠠᠢᠷᠠᠶᠢᠨ ᠲᠤᠯᠠᠭᠠᠨ ᠨᠦᠮᠦᠷᠢ ᠳ᠋ᠡᠭᠡᠨ
ᠬᠠᠮᠤᠵᠦ ᠪᠠᠬᠲᠠᠭᠠᠬᠰᠠᠨ ᠬᠡᠥᠬᠡᠳ ᠤ᠋ᠳ ᠲᠠᠢ
ᠬᠠᠳᠠᠭᠤ ᠵᠦᠭᠡᠯᠡᠨ ᠠᠮᠢᠳᠤᠷᠠᠯᠤᠨ ᠬᠤᠷᠸᠠᠳᠤ
ᠬᠠᠯᠠᠰᠢᠷᠠᠬᠰᠠᠨ ᠦᠬᠡᠢ ᠡᠵᠢ ᠬᠦᠮᠦᠨ ᠶᠤᠮ
ᠠᠭᠤᠤ ᠨᠡᠢᠰᠯᠡᠯ ᠪᠡᠭᠡᠵᠢᠩ ᠬᠤᠲᠠᠨᠳᠤ
ᠠᠷᠠᠳᠤᠨ ᠵᠢᠱ᠌ᠢᠶᠡᠴᠢ ᠴᠤᠯᠠ ᠤᠯᠤᠬᠰᠠᠨ
ᠠᠭᠤᠤ ᠤᠯᠤᠰᠤᠨ ᠢᠷᠠᠭᠤ ᠠᠯᠳᠠᠷ ᠲᠠᠢ
ᠠᠷᠠᠳᠤᠨ ᠵᠢᠱ᠌ᠢᠶᠡᠴᠢ ᠲᠦᠬᠦᠢᠮᠡ ᠡᠵᠢ᠃
ᠦᠪᠡᠷᠤᠨ ᠬᠠᠯᠠᠭᠤᠨ ᠡᠪᠦᠷ ᠲᠡᠭᠡᠨ
ᠦᠬᠦᠭᠡᠷᠯᠡᠨ ᠦᠰᠭᠡᠭᠰᠡᠨ ᠠᠴᠢᠲᠦ ᠡᠵᠢ
ᠦᠨᠦᠴᠢᠨ ᠪᠠᠭᠠ ᠱᠠᠩᠬᠠᠢᠶᠢᠨ ᠬᠡᠥᠬᠡᠳᠢ
ᠦᠨᠦᠰᠴᠦ ᠪᠦᠪᠡᠢᠯᠡᠭᠰᠡᠨ ᠡᠵᠢ ᠬᠦᠮᠦᠨ ᠶᠤᠮ
ᠡᠨᠡᠷᠢᠯ ᠵᠦᠭᠡᠯᠡᠨ ᠬᠠᠷᠠᠴᠠ ᠪᠡᠷᠢᠶᠡᠨ
ᠡᠷᠬᠦᠵᠦ ᠪᠤᠢᠵᠢᠭᠤᠯᠤᠬᠰᠠᠨ ᠠᠴᠢᠲᠠᠨ ᠡᠵᠢ
ᠡᠷᠡᠨ ᠵᠠᠭᠤᠨᠤ ᠰᠢᠯᠢᠳᠡᠭ ᠦᠢᠯᠡᠰ ᠲᠡᠭᠡᠨ
ᠡᠩᠭᠡᠷᠤᠨ ᠮᠸᠳᠡᠯ ᠲᠠᠢ ᠡᠵᠢ ᠬᠦᠮᠦᠨ ᠶᠤᠮ
（ᠲᠠᠬᠢᠯᠳᠠ）
