ᠦᠨᠳᠦᠰᠦᠨ ᠪᠠᠢᠳᠠᠯ —
ᠵᠤᠬᠢᠶᠠᠨ ᠪᠦᠳᠦᠭᠡᠭ᠌ᠰᠡᠨ ᠴᠠᠭ ᠄ 2017 ᠤᠨ
ᠦᠭᠡ᠄ ᠰᠤᠷᠲᠠᠯᠲᠤ
ᠠᠶᠠ᠄ ᠳᠦᠭᠦᠷᠡᠩᠵᠢᠷᠭᠠᠯ
ᠵᠤᠬᠢᠶᠠᠨ ᠪᠦᠳᠦᠭᠡᠭ᠌ᠰᠡᠨ ᠬᠡᠯᠪᠡᠷᠢ ᠄ ᠲᠡᠦᠭᠡ ᠵᠢᠨ ᠦᠨᠡᠨ ᠤᠴᠢᠷ ᠵᠢᠡᠷ ᠰᠡᠳᠦᠪᠯᠡᠨ ᠵᠤᠬᠢᠶᠠᠨ ᠪᠦᠲᠦᠭᠡᠪᠡ
ᠠᠶᠠᠶ᠋ᠢᠨ ᠤᠨᠴᠠᠯᠢᠭ᠄ ᠡᠭᠢᠯᠡᠯᠲᠡ ᠲᠡᠭᠦᠰᠭᠡᠯᠤᠨ ᠬᠡᠰᠡᠭᠲᠤᠨᠢ ᠴᠣᠭ᠍ᠯᠢᠭ ᠰᠦᠷᠯᠢᠭ ᠱᠢᠭ ᠠᠶᠠ ᠲᠣᠬᠢᠷᠠᠭᠤᠯᠪᠠ
ᠲᠠᠭᠤᠤᠶ᠋ᠢᠨ ᠲᠦᠷᠦᠯ ᠄ ᠵᠤᠬᠢᠶᠠᠯᠤᠨ ᠲᠠᠭᠤᠤ
ᠠᠯᠳᠠᠷ —
ᠦᠪᠤᠷ ᠮᠤᠡᠭᠭᠤᠯᠤᠨ ᠤᠷᠤᠨ ᠨᠤᠳᠤᠭᠤᠨ ᠰᠤᠡᠭᠭᠤᠳᠠᠭ ᠲᠠᠭᠤᠤ ᠵᠢᠨ ᠨᠢᠭᠡ᠃
ᠦᠨᠡᠯᠡᠯᠳᠡ —
ᠶ᠋ᠢᠨ ᠬᠠᠢ （ᠥᠪᠥᠷ ᠮᠣᠩᠭᠤᠯᠤᠨ ᠤᠷᠠᠯᠢᠭ ᠵᠦᠴᠦᠭᠡᠶ᠋ᠢᠨ ᠬᠦᠷᠢᠶᠡᠯᠡᠩᠤᠨ ᠳᠠᠭᠤᠤ ᠪᠥᠵᠢᠭᠤᠨ ᠪᠦᠯᠭᠦᠮᠤᠨ ᠵᠠᠯᠠᠭᠤ ᠳᠠᠭᠤᠴᠢᠨ᠂ ᠬᠥᠭ᠌ᠵᠢᠮᠤᠨ ᠵᠣᠬᠢᠶᠠᠯᠴᠢ）
《ᠤᠴᠢᠷᠲᠠᠢ ᠨᠢᠭᠡᠨ ᠵᠠᠬᠢᠳᠠᠯ》 ᠭᠡᠬᠦ᠌ ᠳᠠᠭᠤᠤ ᠪᠣᠯ ᠶᠡᠷᠦᠩᠬᠡᠢ ᠱᠦᠵᠢ ᠰᠢᠶ᠋ᠢᠨ ᠫᠢᠩᠠᠴᠠ ᠰᠥᠨᠢᠳ ᠪᠠᠷᠠᠭᠤᠨ ᠬᠤᠱᠢᠭᠤᠨᠤ ᠤᠯᠠᠭᠠᠨᠮᠥ᠋ᠴᠢᠷᠤᠨ ᠪᠦᠭᠦ᠌ ᠭᠡᠱᠢᠭᠦᠳᠲᠤ ᠬᠠᠷᠢᠭᠤ ᠵᠠᠬᠢᠳᠠᠯ ᠢᠷᠡᠭᠦᠯᠦᠭ᠌ᠰᠡᠨ ᠰᠡᠳᠦᠪᠢᠶᠠᠷ ᠠᠭᠤᠯᠭᠠ ᠪᠤᠯᠭᠠᠵᠤ ᠵᠣᠬᠢᠶᠠᠭ᠍ᠰᠠᠨ ᠤᠯᠠᠭᠠᠨᠮᠦ᠋ᠴᠢᠷᠲᠤ ᠲᠠᠯᠪᠢᠭ᠍ᠰᠠᠨ ᠬᠦᠰᠡᠯ ᠨᠠᠢᠳᠠᠯᠭᠠ ᠪᠠ ᠬᠠᠢᠷᠠ ᠬᠠᠯᠠᠮᠵᠢᠳᠤ ᠪᠠᠶᠠᠷᠯᠠᠨ ᠲᠠᠯᠠᠷᠬᠠᠭ᠍ᠰᠠᠨ᠂ ᠣᠮᠣᠭ᠍ᠰᠢᠨ ᠵᠣᠷᠢᠭ᠍ᠵᠢᠭ᠍ᠰᠠᠨ ᠪᠦᠲᠦᠭᠡᠯ ᠪᠣᠯᠣᠨᠠ᠃ ᠲᠤᠰ ᠳᠠᠭᠤᠤᠨᠢ ᠴᠠᠭ ᠦᠶᠡᠶ᠋ᠢᠨ ᠰᠡᠳᠦᠪᠲᠠᠢ ᠨᠡᠢᠴᠡᠭ᠌ᠰᠡᠨ ᠤᠷᠠᠨ ᠪᠦᠲᠦᠭᠡᠯ᠂ ᠦᠭᠡᠨᠢ ᠲᠣᠳᠣ ᠠᠪᠰᠠᠷ᠂ ᠳᠠᠭᠤᠤᠶ᠋ᠢᠨ ᠠᠶᠠᠨᠢ ᠴᠣᠪᠣᠭᠤᠯᠢᠭ ᠰᠠᠢᠬᠠᠨ᠂ ᠤᠯᠠᠭᠠᠨᠮᠥ᠋ᠴᠢᠷᠤᠨᠬᠢᠨᠤ ᠡᠭᠦᠷᠭᠡ ᠬᠠᠷᠢᠭᠤᠴᠠᠯᠭᠠᠪᠠᠨ ᠰᠠᠢᠲᠤᠷ ᠪᠡᠶᠡᠯᠡᠭᠦᠯᠵᠦ᠍᠂ ᠨᠠᠮᠤᠨ ᠲᠦᠷᠦ᠍ᠶ᠋ᠢᠨ ᠪᠣᠳᠣᠯᠭᠠᠶ᠋ᠢ ᠵᠥᠪ ᠤᠨᠤᠪᠴᠢᠳᠠᠢᠪᠠᠷ ᠮᠠᠯᠴᠢᠨ ᠲᠦᠮᠡᠨᠳᠤ ᠤᠬᠠᠭᠤᠯᠵᠤ᠂ ᠤᠳᠤ ᠦᠶᠡᠶ᠋ᠢᠨ ᠤᠷᠠᠯᠢᠭᠤᠨ ᠹᠷᠤᠨᠲᠲᠤ ᠠᠵᠢᠯᠯᠠᠵᠤ ᠪᠠᠢᠭᠠ ᠵᠠᠯᠠᠭᠤ ᠤᠷᠠᠨ ᠪᠦᠲᠦᠭᠡᠯᠴᠢᠳᠢᠶᠠᠨ ᠵᠣᠬᠢᠶᠠᠨ ᠪᠦᠲᠦᠭᠡᠯᠭᠡᠳᠡᠭᠡᠨ ᠱᠢᠮᠳᠠᠵᠤ ᠠᠵᠢᠯ ᠦᠢᠯᠡᠰᠢᠶᠠᠨ ᠲᠡᠭᠡᠳᠦᠯᠡᠭᠡᠷᠡᠢ ᠬᠡᠵᠦ᠍ ᠬᠦᠰᠡᠨ ᠨᠠᠢᠳᠠᠭ᠍ᠰᠠᠨ ᠰᠠᠨᠠᠭᠠ ᠠᠬᠤᠢᠶ᠋ᠢ ᠭᠦᠢᠴᠡᠳ ᠢᠯᠡᠷᠡᠭᠦᠯᠵᠦ᠍ ᠴᠢᠳᠠᠭ᠍ᠰᠠᠨ ᠳᠣᠷᠪᠢᠯᠢᠭ ᠪᠦᠲᠦᠭᠡᠯ ᠪᠣᠯᠣᠨᠠ᠃
ᠦᠯᠢᠭᠡᠷ —
《ᠤᠴᠢᠷᠲᠠᠢ ᠨᠢᠭᠡᠨ ᠵᠠᠬᠢᠳᠠᠯ》 ᠳᠠᠭᠤᠤ ᠨᠢᠭᠡᠨ ᠲᠡᠦᠬᠡᠲᠦ ᠴᠢᠨᠠᠷᠲᠠᠢ᠂ ᠬᠥᠱᠢᠶᠡ ᠳᠤᠷᠠᠰᠭᠠᠯᠤᠨ ᠴᠢᠨᠠᠷᠲᠠᠢ ᠬᠡᠷᠡᠭ ᠤᠴᠢᠷᠲᠠᠢ ᠬᠤᠯᠪᠣᠭ᠍ᠳᠠᠨᠠ᠃ ᠡᠨᠡ ᠬᠦ᠌ ᠤᠴᠢᠷᠠᠴᠠ ᠪᠣᠯᠵᠤ᠂ ᠤᠯᠠᠭᠠᠨᠮᠥ᠋ᠴᠢᠷ ᠴᠣ ᠱᠢᠨᠡ ᠬᠥᠭ᠌ᠵᠢᠯᠲᠡᠶ᠋ᠢᠨ ᠴᠠᠭ ᠦᠶᠡᠳᠤ ᠣᠷᠣᠭ᠍ᠰᠠᠨ ᠶᠤᠮ᠃
2017 ᠣᠨᠤ 11 ᠰᠠᠷᠠᠶ᠋ᠢᠨ 21 ᠤ᠋ ᠡᠳᠦᠷ᠂ ᠳᠠᠷᠤᠢ ᠤᠯᠠᠭᠠᠨᠮᠥ᠋ᠴᠢᠷ ᠪᠠᠢᠭᠤᠯᠤᠭ᠍ᠳᠠᠭ᠍ᠰᠠᠨ 60 ᠵᠢᠯᠤᠨ ᠣᠢᠶ᠋ᠢᠨ ᠪᠠᠶᠠᠷᠲᠤ ᠲᠣᠬᠢᠶᠠᠯᠳᠤᠭᠤᠯᠤᠨ᠂ ᠶᠡᠷᠦᠩᠬᠡᠢ ᠱᠦᠵᠢ ᠰᠢᠶ᠋ᠢᠨ ᠫᠢᠩ ᠰᠥᠨᠢᠳ ᠪᠠᠷᠠᠭᠤᠨ ᠬᠤᠱᠢᠭᠤᠨᠤ ᠤᠯᠠᠭᠠᠨᠮᠥ᠋ᠴᠢᠷᠤᠨ ᠭᠡᠱᠢᠭᠦᠳᠲᠤ ᠬᠠᠷᠢᠭᠤ ᠵᠠᠬᠢᠳᠠᠯ ᠢᠯᠡᠭᠡᠵᠦ᠍᠂ ᠤᠯᠠᠭᠠᠨᠮᠥ᠋ᠴᠢᠷᠤᠨ ᠭᠡᠱᠢᠭᠦᠳᠢ ᠨᠠᠮᠤᠨ ᠠᠷᠪᠠ ᠶᠢᠰᠦᠳᠦᠭᠡᠷ ᠶᠡᠭᠡ ᠬᠤᠷᠠᠯᠤᠨ ᠵᠣᠷᠢᠭ ᠰᠠᠨᠠᠭᠠᠪᠠᠷ ᠵᠢᠯᠣᠭᠤᠳᠤᠯᠭᠠ ᠪᠤᠯᠭᠠᠵᠤ᠂ ᠤᠯᠠᠭᠠᠨᠮᠥ᠋ᠴᠢᠷᠤᠨ ᠱᠢᠯᠢᠳᠡᠭ ᠤᠯᠠᠮᠵᠢᠯᠠᠯᠢ ᠶᠡᠭᠡᠪᠠᠷ ᠪᠠᠳᠠᠷᠠᠭᠤᠯᠤᠨ᠂ ᠠᠮᠢᠳᠤᠷᠠᠯᠤᠨ ᠱᠢᠮᠡᠯᠢᠭ ᠬᠥᠷᠥᠰᠥᠨᠳᠤ ᠦᠨᠳᠦᠰᠦᠯᠡᠵᠦ᠍᠂ ᠮᠠᠯᠴᠢᠨ ᠲᠦᠮᠡᠨᠳᠤ ᠦᠢᠯᠡᠴᠢᠯᠡᠵᠦ᠍᠂ ᠤᠳᠭᠠ ᠤᠷᠠᠯᠢᠭᠤᠨ ᠱᠢᠨᠡ ᠡᠭᠦᠳᠦᠯᠲᠡᠶ᠋ᠢ ᠠᠬᠢᠭᠤᠯᠵᠤ᠂ ᠤᠯᠠᠨ ᠲᠦᠮᠡᠨᠲᠠᠢ ᠣᠢᠷᠠᠲᠤᠭ᠍ᠰᠠᠨ᠂ ᠤᠯᠠᠨ ᠲᠦᠮᠡᠨᠤ ᠳᠤᠮᠳᠠ ᠳᠡᠯᠭᠡᠷᠡᠵᠦ᠍ ᠲᠠᠭᠠᠱᠢᠶᠠᠭ᠍ᠳᠠᠭ᠍ᠰᠠᠨ ᠱᠢᠯᠢᠳᠡᠭ ᠪᠦᠲᠦᠭᠡᠯᠢ ᠨᠡᠩ ᠤᠯᠠᠨ ᠵᠣᠬᠢᠶᠠᠨ ᠪᠦᠲᠦᠭᠡᠬᠦ᠌ᠪᠠᠷ ᠴᠢᠷᠮᠠᠢᠵᠤ᠂ ᠥᠨᠢ ᠡᠭᠦᠷᠢᠳᠡ ᠲᠠᠯᠠ ᠨᠤᠲᠤᠭᠤᠨ 《ᠬᠤᠪᠢᠰᠭᠠᠯᠲᠤ ᠤᠳᠭᠠ ᠤᠷᠠᠯᠢᠭᠤᠨ ᠬᠥᠩᠭᠡᠨ ᠮᠣᠷᠢᠲᠤ ᠴᠡᠷᠢᠭ》 ᠪᠤᠯᠬᠤᠶ᠋ᠢ ᠬᠦᠰᠡᠨ ᠨᠠᠢᠳᠠᠵᠠᠢ᠃
60 ᠵᠢᠯᠤᠨ ᠲᠤᠷᠰᠢ ᠤᠯᠠᠭᠠᠨᠮᠥ᠋ᠴᠢᠷ ᠠᠷᠠᠳ ᠲᠦᠮᠡᠨᠳᠤ ᠦᠢᠯᠡᠴᠢᠯᠡᠬᠦ᠌ ᠤᠭ ᠰᠠᠨᠠᠭᠠᠪᠠᠨ ᠪᠠᠷᠢᠮᠲᠠᠯᠠᠵᠤ᠂ ᠦᠢ ᠤᠯᠠᠨ ᠱᠢᠯᠢᠳᠡᠭ ᠪᠦᠲᠦᠭᠡᠯᠢ ᠵᠣᠬᠢᠶᠠᠨ ᠪᠦᠲᠦᠭᠡᠭ᠌ᠰᠡᠨ ᠪᠥᠭᠡᠳ ᠨᠠᠮᠤᠨ ᠱᠤᠭᠤᠮ ᠴᠢᠭ᠌ᠯᠡᠯᠲᠡ ᠲᠦᠷᠦ᠍ᠶ᠋ᠢᠨ ᠪᠣᠳᠣᠯᠭᠠᠶ᠋ᠢ ᠤᠯᠠᠨ ᠲᠦᠮᠡᠨᠳᠤ ᠤᠬᠠᠭᠤᠯᠤᠭ᠍ᠰᠠᠭᠠᠷ ᠢᠷᠡᠵᠡᠢ᠃ ᠶᠡᠷᠦᠩᠬᠡᠢ ᠱᠦᠵᠢ ᠡᠨᠡ ᠬᠦ᠌ ᠵᠣᠷᠢᠭ ᠰᠠᠨᠠᠭᠠᠶ᠋ᠢ 《ᠤᠯᠠᠭᠠᠨᠮᠥ᠋ᠴᠢᠷᠤᠨ ᠵᠣᠷᠢᠭ ᠰᠠᠨᠠᠭᠠ》 ᠭᠡᠵᠦ᠍ ᠣᠨᠣᠯᠵᠢᠭᠤᠯᠤᠭ᠍ᠰᠠᠨ ᠪᠥᠭᠡᠳ ᠪᠦᠭᠦ᠌ ᠣᠷᠣᠨᠤ ᠡᠯᠡ ᠡᠲᠡᠭᠡᠳᠤᠨᠬᠢᠨᠢ ᠤᠯᠠᠭᠠᠨᠮᠥ᠋ᠴᠢᠷᠤᠨ ᠵᠣᠷᠢᠭ ᠰᠠᠨᠠᠭᠠᠠᠴᠠᠲᠠᠭᠠᠨ ᠰᠤᠷᠤᠯᠴᠠᠬᠤ ᠬᠡᠷᠡᠭ᠌ᠲᠡᠢ ᠭᠡᠵᠦ᠍ ᠤᠷᠢᠶᠠᠯᠠᠪᠠ᠃
ᠶᠡᠷᠦᠩᠬᠡᠢ ᠱᠦᠵᠢᠶ᠋ᠢᠨ ᠬᠠᠷᠢᠭᠤ ᠵᠠᠬᠢᠳᠠᠯᠢ ᠳᠤᠰᠤᠭ᠍ᠰᠠᠨᠤ ᠳᠠᠷᠠᠭᠠ᠂ ᠱᠢᠯᠢᠶ᠋ᠢᠨ ᠭᠤᠣᠯ ᠠᠢᠮᠠᠭᠤᠨ ᠡᠯᠡ ᠤᠯᠠᠭᠠᠨᠮᠥ᠋ᠴᠢᠷᠤᠨᠬᠢᠨ ᠶᠡᠬᠡᠳᠡ ᠵᠣᠷᠢᠭ᠍ᠵᠢᠵᠤ᠂ ᠱᠢᠯᠢᠳᠡᠭ ᠰᠠᠢᠨ ᠪᠦᠲᠦᠭᠡᠯ ᠵᠣᠬᠢᠶᠠᠨ ᠪᠦᠲᠦᠭᠡᠬᠦ᠌ ᠡᠷᠴᠢᠮᠢᠶᠠᠨ ᠴᠢᠩᠭᠠᠷᠠᠭᠤᠯᠤᠨ᠂ ᠤᠷᠢᠳ ᠬᠤᠵᠢᠳ ᠨᠡᠢᠳᠡ 104 ᠬᠤᠪᠢ ᠱᠢᠨᠡ ᠪᠦᠲᠦᠭᠡᠯ ᠭᠠᠷᠭᠠᠭ᠍ᠰᠠᠨᠤ ᠨᠢᠭᠡᠨᠢ ᠳᠠᠷᠤᠢ ᠵᠡᠭᠦᠨ ᠦᠵᠦᠮᠦᠴᠢᠨ ᠬᠤᠱᠢᠭᠤᠨᠤ ᠤᠯᠠᠭᠠᠨᠮᠥ᠋ᠴᠢᠷᠤᠨ ᠳᠠᠭᠤᠤ 《ᠤᠴᠢᠷᠲᠠᠢ ᠨᠢᠭᠡᠨ ᠵᠠᠬᠢᠳᠠᠯ》 ᠪᠠᠢᠯᠠ᠃ ᠲᠤᠰ ᠳᠠᠭᠤᠤᠶ᠋ᠢᠨ ᠦᠭᠡᠶ᠋ᠢ ᠵᠡᠭᠦᠨ ᠦᠵᠦᠮᠦᠴᠢᠨ ᠬᠤᠱᠢᠭᠤᠨᠤ ᠤᠯᠠᠭᠠᠨᠮᠥ᠋ᠴᠢᠷᠤᠨ ᠨᠠᠮᠤᠨ ᠡᠭᠦᠷᠤᠨ ᠱᠦᠵᠢ ᠰᠤᠷᠲᠠᠯᠲᠤ ᠵᠣᠬᠢᠶᠠᠵᠤ᠂ ᠠᠶᠠᠶ᠋ᠢᠨᠢ ᠬᠥᠯᠥᠨ ᠪᠤᠢᠷ ᠬᠤᠳᠠᠶ᠋ᠢᠨ ᠱᠢᠨᠡ ᠪᠠᠷᠭᠤ ᠵᠡᠭᠦᠨ ᠬᠤᠱᠢᠭᠤᠨᠤ ᠤᠯᠠᠭᠠᠨᠮᠥ᠋ᠴᠢᠷᠤᠨ ᠳᠡᠳ᠋ ᠳᠠᠷᠤᠭᠠ ᠳᠦᠭᠦᠷᠡᠩᠵᠢᠷᠭᠠᠯ ᠵᠣᠬᠢᠶᠠᠵᠠᠢ᠃
ᠲᠤᠰ ᠳᠠᠭᠤᠤᠶ᠋ᠢᠨ ᠦᠭᠡᠶ᠋ᠢ ᠵᠣᠬᠢᠶᠠᠭ᠍ᠰᠠᠨ ᠲᠤᠬᠠᠢᠪᠠᠨ ᠰᠤᠷᠲᠠᠯᠲᠤ᠌᠄ 《2017 ᠣᠨᠳᠤ᠂ ᠰᠥᠨᠢᠳ ᠪᠠᠷᠠᠭᠤᠨ ᠬᠤᠱᠢᠭᠤᠨᠤ ᠤᠯᠠᠭᠠᠨᠮᠥ᠋ᠴᠢᠷᠤᠨ ᠭᠡᠱᠢᠭᠦᠳ ᠶᠡᠷᠦᠩᠬᠡᠢ ᠱᠦᠵᠢ ᠰᠢᠶ᠋ᠢᠨ ᠫᠢᠩᠤᠨ ᠬᠠᠷᠢᠭᠤ ᠵᠠᠬᠢᠳᠠᠯᠢ ᠳᠤᠰᠤᠭ᠍ᠰᠠᠨᠤ ᠳᠠᠷᠠᠭᠠᠬᠢ ᠨᠢᠭᠡ ᠭᠠᠷᠠᠭᠤᠨ ᠲᠠᠷᠠᠭᠠ ᠪᠢ ᠲᠤᠰ ᠳᠠᠭᠤᠤᠶ᠋ᠢᠨ ᠦᠭᠡᠶ᠋ᠢ ᠪᠢᠴᠢᠭ᠌ᠰᠡᠨ ᠶᠤᠮ᠃ ᠳᠠᠭᠤᠤᠶ᠋ᠢᠨ ᠦᠭᠡᠪᠠᠨ ᠵᠢᠷᠭᠢᠶᠡ᠂ ᠰᠦᠯᠵᠢᠶᠡ ᠳᠡᠭᠡᠷᠡ ᠨᠡᠢᠲᠡᠯᠡᠭ᠌ᠰᠡᠨᠳᠤ᠂ ᠱᠢᠨᠡ ᠪᠠᠷᠭᠤ ᠵᠡᠭᠦᠨ ᠬᠤᠱᠢᠭᠤᠨᠤ ᠤᠯᠠᠭᠠᠨᠮᠥ᠋ᠴᠢᠷᠤᠨ ᠳᠠᠷᠤᠭᠠ ᠴᠣᠯᠮᠣᠨ ᠨᠠᠳᠠᠳᠤ ᠤᠲᠠᠰᠤ ᠢᠷᠡᠭᠦᠯᠵᠦ᠍᠂ ᠮᠢᠨᠤ ᠪᠢᠴᠢᠭ᠌ᠰᠡᠨ ᠱᠢᠯᠦᠭᠢ ᠠᠪᠴᠤ᠌ ᠵᠠᠷᠤᠬᠤᠪᠠᠷ ᠬᠡᠯᠡᠯᠴᠡᠵᠦ᠍ ᠲᠣᠭ᠍ᠲᠠᠭ᠍ᠰᠠᠨ》 ᠭᠡᠵᠦ᠍ ᠶᠠᠷᠢᠵᠤ ᠪᠢᠯᠡ᠃
ᠤᠷᠠᠯᠢᠭᠤᠨ ᠪᠦᠲᠦᠭᠡᠯ ᠪᠣᠯ ᠴᠠᠭ ᠦᠶᠡᠶ᠋ᠢᠨ ᠪᠦᠲᠦᠭᠡᠭ᠌ᠳᠡᠬᠦᠨ ᠶᠤᠮ᠂ ᠪᠦᠲᠦᠭᠡᠯ ᠨᠢᠭᠡᠪᠦᠷᠢᠳᠤ ᠴᠥᠮ ᠲᠤᠬᠠᠢᠶ᠋ᠢᠨ ᠴᠠᠭ ᠦᠶᠡᠶ᠋ᠢᠨ ᠠᠬᠤᠢ ᠪᠠᠢᠳᠠᠯᠢ ᠲᠤᠰᠭᠠᠵᠤ ᠪᠠᠢᠳᠠᠭ᠃ 《ᠤᠴᠢᠷᠲᠠᠢ ᠨᠢᠭᠡᠨ ᠵᠠᠬᠢᠳᠠᠯ》 ᠴᠦ᠍ ᠴᠠᠭ ᠦᠶᠡᠶ᠋ᠢ ᠲᠤᠰᠭᠠᠭ᠍ᠰᠠᠨᠢᠶᠠᠷᠢᠶᠠᠨ ᠣᠨᠴᠠᠯᠠᠭ᠍ᠳᠠᠨᠠ᠃ ᠳᠠᠷᠤᠢ ᠰᠢᠶ᠋ᠢᠨ ᠫᠢᠩᠤᠨ ᠱᠢᠨᠡ ᠴᠠᠭ ᠦᠶᠡᠶ᠋ᠢᠨ ᠦᠨᠳᠦᠰᠦᠲᠡᠨᠤ ᠲᠦᠷᠦ᠍ᠶ᠋ᠢᠨ ᠪᠣᠳᠣᠯᠭᠠᠶ᠋ᠢᠨ ᠨᠢᠭᠡᠨ ᠢᠷᠠᠭᠤ ᠲᠤᠤᠯᠢᠰ ᠪᠤᠯᠬᠤ ᠶᠤᠮ᠃ ᠲᠤᠰ ᠳᠠᠭᠤᠤᠶ᠋ᠢᠨ ᠠᠶᠠᠶ᠋ᠢ ᠵᠣᠬᠢᠶᠠᠭ᠍ᠰᠠᠨ ᠲᠤᠬᠠᠢ ᠳᠦᠭᠦᠷᠡᠩᠵᠢᠷᠭᠠᠯ᠄
— ᠱᠢᠨᠡ ᠲᠤᠮᠳᠠᠳᠤ ᠤᠯᠤᠰ ᠪᠠᠢᠭᠤᠯᠤᠭ᠍ᠳᠠᠭ᠍ᠰᠠᠨᠠᠴᠠ ᠨᠠᠭᠠᠰᠢ ᠡᠯᠡ ᠦᠶᠡᠶ᠋ᠢᠨ ᠨᠠᠮ ᠲᠦᠷᠦ᠍ᠶ᠋ᠢᠨ ᠤᠳᠤᠷᠢᠳᠭᠤ ᠬᠥᠮᠥᠰ ᠪᠦᠷ 《ᠤᠯᠠᠭᠠᠨᠮᠥ᠋ᠴᠢᠷ》 ᠭᠡᠬᠦ᠌ ᠡᠨᠡ ᠬᠦ᠌ ᠤᠷᠠᠯᠢᠭᠤᠨ ᠪᠦᠯᠭᠦᠮᠢ ᠢᠮᠠᠭ᠍ᠲᠠ ᠬᠠᠯᠠᠮᠵᠢᠯᠠᠭ᠍ᠰᠠᠭᠠᠷ ᠢᠷᠡᠵᠡᠢ᠃ ᠶᠡᠷᠦᠩᠬᠡᠢ ᠱᠦᠵᠢ ᠰᠢᠶ᠋ᠢᠨ ᠫᠢᠩᠤᠨ ᠬᠠᠷᠢᠭᠤ ᠵᠠᠬᠢᠳᠠᠯᠨᠢ ᠮᠠᠨᠤ ᠤᠷᠠᠯᠢᠭᠤᠨ ᠡᠲᠡᠭᠡᠳᠲᠤ ᠶᠡᠭᠡ ᠨᠥᠯᠥᠭᠡᠲᠠᠢ ᠪᠠᠶᠠᠷᠤᠨ ᠵᠠᠬᠢᠳᠠᠯ ᠪᠣᠯᠬᠤᠷ ᠮᠠᠨᠤ ᠴᠣᠯᠮᠣᠨ ᠳᠠᠷᠤᠭᠠ 《ᠰᠠᠢᠬᠠᠨ ᠶᠠᠪᠤᠳᠠᠯ ᠪᠣᠯᠵᠤ ᠪᠠᠢᠨᠠ᠂ ᠴᠢ ᠤᠳᠤ ᠬᠤᠷᠳᠤᠬᠠᠨ ᠨᠢᠭᠡ ᠠᠶᠠ ᠲᠠᠭᠠᠷᠠᠭᠤᠯᠵᠤ ᠵᠣᠬᠢᠶᠠᠭᠠᠷᠠᠢ！》 ᠭᠡᠵᠦ᠍ ᠵᠠᠬᠢᠭ᠍ᠰᠠᠨ ᠶᠤᠮ᠃ ᠡᠨᠡ ᠵᠠᠬᠢᠳᠠᠯ ᠮᠢᠨᠤ ᠰᠡᠳᠭᠢᠯᠢ ᠲᠤᠬ᠍ᠳᠤᠯᠤᠭᠤᠯᠤᠬ᠍ᠰᠠᠨ ᠪᠣᠯᠬᠤᠷ ᠪᠢ ᠨᠢᠭᠡᠯᠡ ᠡᠳᠦᠷᠤᠨ ᠳᠣᠲᠣᠷᠠ ᠠᠶᠠᠪᠠᠨ ᠵᠣᠬᠢᠶᠠᠨ ᠭᠠᠷᠭᠠᠭ᠍ᠰᠠᠨ᠃ ᠡᠨᠡ ᠳᠠᠭᠤᠤᠶ᠋ᠢᠨ ᠦᠭᠡᠳᠤ ᠠᠶᠠ ᠲᠠᠭᠠᠷᠠᠭᠤᠯᠬᠤᠳᠠᠭᠠᠨ ᠡᠭᠢᠯᠡᠯᠲᠡ ᠲᠡᠭᠦᠰᠭᠡᠯᠤᠨ ᠬᠡᠰᠡᠭᠲᠤᠨᠢ ᠴᠣᠭ᠍ᠯᠢᠭ ᠰᠦᠷᠯᠢᠭ ᠱᠢᠭ ᠠᠶᠠ ᠲᠣᠬᠢᠷᠠᠭᠤᠯᠪᠠ ᠭᠡᠵᠦ᠍ ᠶᠠᠷᠢᠵᠤ ᠪᠠᠢᠯᠠ᠃
ᠲᠤᠰ ᠳᠠᠭᠤᠤᠶ᠋ᠢ ᠱᠢᠨᠡ ᠪᠠᠷᠭᠤ ᠵᠡᠭᠦᠨ ᠬᠤᠱᠢᠭᠤᠨᠤ ᠤᠯᠠᠭᠠᠨᠮᠥ᠋ᠴᠢᠷᠤᠨ ᠪᠢ᠊·ᠰᠠᠷᠠᠨᠠ᠂ ᠰᠦ᠊·ᠰᠠᠷᠠᠨᠠ᠂ ᠥᠨᠢᠪᠢᠯᠢᠭ᠂ ᠤᠷᠲᠤᠨᠠᠰᠤᠨ ᠨᠠᠷ ᠳᠠᠭᠤᠯᠠᠵᠠᠢ᠃ 《ᠮᠠᠨᠤ ᠲᠦᠷᠪᠡᠭᠦᠯᠡ ᠣᠬᠤᠷᠬᠠᠨ ᠬᠤᠭᠤᠴᠠᠭᠠᠨᠳᠤ ᠲᠤᠰ ᠳᠠᠭᠤᠤᠪᠠᠨ ᠳᠠᠭᠤᠯᠠᠨ ᠰᠤᠷᠴᠤ᠌᠂ ᠭᠤᠷᠪᠠᠳᠤᠭᠠᠷ ᠡᠳᠦᠷᠲᠤᠨᠢ ᠲᠤᠬ᠍ᠯᠠᠯᠳᠠᠶ᠋ᠢᠨ ᠲᠠᠢᠰᠠᠨᠠ ᠳᠠᠭᠤᠯᠠᠭ᠍ᠰᠠᠨ》 ᠭᠡᠵᠦ᠍ ᠤᠷᠲᠤᠨᠠᠰᠤᠨ ᠶᠠᠷᠢᠵᠤ ᠪᠠᠢᠯᠠ᠃
ᠤᠷᠢᠳᠤᠶ᠋ᠢᠨ ᠪᠤᠭᠤᠷᠤᠯ ᠲᠡᠦᠬᠡᠶ᠋ᠢ ᠤᠴᠢᠷᠯᠠᠵᠤ ᠶᠠᠷᠢᠭ᠍ᠰᠠᠨ ᠵᠠᠬᠢᠳᠠᠯ
ᠤᠷᠠᠯᠢᠭ ᠰᠣᠶᠣᠯᠤᠨ ᠵᠠᠮᠳᠤ ᠤᠶᠠᠩᠭᠠ ᠨᠡᠮᠡᠭ᠌ᠰᠡᠨ ᠵᠠᠬᠢᠳᠠᠯ
ᠤᠯᠠᠭᠠᠨᠮᠥ᠋ᠴᠢᠷᠤᠨ ᠦᠢᠯᠡᠰᠲᠤ ᠤᠷᠮᠠ ᠬᠠᠢᠷᠠᠯᠠᠭ᠍ᠰᠠᠨ ᠵᠠᠬᠢᠳᠠᠯ
ᠤᠯᠤᠰᠤᠨ ᠲᠡᠷᠢᠭᠦᠯᠡᠭ᠌ᠴᠢᠶ᠋ᠢᠨ ᠢᠯᠡᠭᠡᠭ᠌ᠰᠡᠨ ᠤᠴᠢᠷᠲᠠᠢ ᠨᠢᠭᠡᠨ ᠵᠠᠬᠢᠳᠠᠯ ᠠ᠋
ᠬᠥᠬᠡ ᠮᠣᠩᠭᠤᠯ ᠨᠤᠲᠤᠭᠲᠤ ᠬᠦᠦᠷᠨᠢᠯ ᠪᠣᠯᠤᠭ᠍ᠰᠠᠨ ᠵᠠᠬᠢᠳᠠᠯ
ᠬᠥᠩᠭᠡᠨ ᠮᠣᠷᠢᠲᠤ ᠴᠡᠷᠢᠭᠤᠨ ᠬᠥᠲᠥᠯᠪᠦᠷᠢ ᠪᠣᠯᠤᠭ᠍ᠰᠠᠨ ᠵᠠᠬᠢᠳᠠᠯ
ᠬᠤᠪᠢᠰᠭᠠᠯᠤᠨ ᠲᠡᠷᠡ ᠦᠶᠡᠶ᠋ᠢᠨ ᠬᠦᠱᠢᠶᠡᠶ᠋ᠢ ᠳᠤᠷᠠᠳᠭᠠᠭ᠍ᠰᠠᠨ ᠵᠠᠬᠢᠳᠠᠯ
ᠬᠤᠯᠠᠶ᠋ᠢᠨ ᠠᠯᠤᠰ ᠢᠷᠡᠭᠡᠳᠦᠢᠶ᠋ᠢᠨ ᠬᠥᠭ᠌ᠵᠢᠯᠢ ᠵᠢᠭᠠᠭ᠍ᠰᠠᠨ ᠵᠠᠬᠢᠳᠠᠯ ᠠ᠋
ᠱᠢᠨᠡ ᠴᠠᠭ ᠦᠶᠡᠶ᠋ᠢᠨ ᠰᠣᠶᠣᠯᠢ ᠪᠠᠳᠠᠷᠠᠭᠠᠭ᠍ᠰᠠᠨ ᠵᠠᠬᠢᠳᠠᠯ
ᠱᠢᠯᠢᠳᠡᠭ ᠮᠠᠨᠤ ᠦᠨᠳᠦᠰᠦᠲᠡᠨᠤ ᠰᠣᠳᠣᠨᠢ ᠮᠠᠨᠳᠤᠭᠤᠯᠤᠭ᠍ᠰᠠᠨ ᠵᠠᠬᠢᠳᠠᠯ
ᠱᠢᠵᠢᠷ ᠭᠢᠯᠪᠠᠭᠠ ᠰᠠᠴᠤᠷᠠᠭᠤᠯᠤᠭ᠍ᠰᠠᠨ ᠱᠢᠮᠡ ᠬᠦᠴᠦ᠍ᠲᠠᠢ ᠵᠠᠬᠢᠳᠠᠯ
ᠰᠢ ᠲᠡᠷᠢᠭᠦᠯᠡᠭ᠌ᠴᠢᠶ᠋ᠢᠨ ᠢᠯᠡᠭᠡᠭ᠌ᠰᠡᠨ ᠱᠢᠳᠢᠲᠠᠢ ᠨᠢᠭᠡᠨ ᠵᠠᠬᠢᠳᠠᠯ ᠠ᠋ ᠁
