ᠡᠵᠢ᠎ᠶ᠋ᠢᠨ ᠨᠢᠳᠤᠨ᠎ᠠᠴᠠ ᠮᠠᠯᠮᠠᠷᠠᠬᠦ᠌

ᠪᠦᠪᠡᠢ᠎ᠶ᠋ᠢᠨ ᠠᠶᠠᠯᠭᠤᠨ᠎ᠳᠤ

ᠨᠢᠯᠬ᠎ᠠ᠎ᠶ᠋ᠢᠨ ᠳᠠᠭᠤ᠂ ᠡᠩᠬᠦᠷᠡᠢᠭᠡᠨ ᠦᠨᠥᠷ

ᠨᠢᠯ ᠭᠡᠮᠡᠨ ᠠᠢᠰᠤᠢ

ᠬᠠᠶᠠ ᠤᠬᠢᠯᠠᠵᠤ᠂ ᠬᠠᠶᠠ ᠪᠠᠶᠠᠰᠴᠤ᠌

ᠬᠠᠨ᠎ᠠ ᠴᠡᠩᠭᠡᠷᠯᠡᠬᠦᠯᠵᠤ ᠬᠠᠢᠷ᠎ᠠ ᠢᠷᠡᠨ᠎ᠡ

ᠪᠢ

ᠡᠵᠢ᠎ᠶ᠋ᠢᠨ ᠬᠠᠢᠷ᠎ᠠ᠎ᠳᠤ ᠭᠤᠶᠤ ᠪᠤᠯᠤᠨ᠎ᠠ ᠭᠡᠵᠤ

ᠮᠦᠷᠥᠭᠡᠳᠥᠯ᠎ᠢᠶᠠᠷ ᠳᠡᠯᠭᠡᠷᠡᠳᠡᠭ ᠶᠤᠮ

ᠭᠡᠰᠡᠭ ᠪᠤᠳᠠᠩ᠂ ᠭᠡᠰᠡᠭ ᠪᠤᠷᠤᠭᠠᠨ

ᠨᠤᠭᠤᠭᠠᠨ ᠳᠡᠷᠯᠢᠭ ᠡᠮᠥᠰᠭᠡᠨ᠎ᠡ ᠭᠡᠵᠤ

ᠵᠤᠨ ᠪᠤᠯᠳᠠᠭ ᠶᠤᠮ

ᠪᠢ

ᠳᠠᠷᠠᠰᠤᠨ᠎ᠤ ᠦᠯᠥᠩ᠎ᠢ ᠱᠢᠬᠢᠷ ᠱᠢᠭ ᠵᠠᠵᠢᠯᠵᠤ

ᠡᠵᠢ᠎ᠶ᠋ᠢᠨ ᠦᠨᠥᠷ᠎ᠲᠠᠢ ᠵᠤᠨ᠎ᠳᠤ

ᠴᠡᠴᠡᠭ᠌ᠭᠡᠨ ᠨᠠᠰᠤ᠎ᠪᠠᠨ ᠦᠭᠡᠢᠯᠡᠨᠡᠮ

ᠰᠦᠷᠥᠨ ᠳᠡᠭᠡᠷ᠎ᠡ ᠬᠤᠷᠤᠳ ᠳᠡᠯᠭᠡᠵᠤ ᠬᠠᠳᠠᠭᠠᠬᠤ

ᠪᠤᠷᠤᠭᠠᠨ ᠵᠦᠰᠡᠷᠡᠵᠤ ᠰᠤᠯᠤᠩᠭ᠎ᠠ ᠳᠠᠳᠠᠬᠤ᠎ᠨᠢ

ᠡᠵᠢ᠎ᠶ᠋ᠢᠨ ᠦᠨᠥᠷ᠎ᠲᠠᠢ ᠵᠤᠨ᠎ᠤ ᠦᠵᠡᠰᠭᠦᠯᠡᠩ ᠶᠤᠮ

ᠨᠠᠷᠠ᠂ ᠰᠠᠷᠠ᠂ ᠤᠳᠤᠨ᠎ᠤ ᠭᠡᠷᠡᠯ

ᠤᠷᠠᠨ ᠵᠢᠷᠤᠭ᠎ᠤᠨ ᠦᠩᠭᠡ

ᠠᠭᠠᠷ᠂ ᠪᠤᠷᠤᠭᠠᠨ᠂ ᠤᠰᠤ

ᠵᠤᠨ ᠡᠬᠢᠯᠠᠵᠤ᠂ ᠪᠠᠰᠠ ᠳᠡᠬᠦᠰᠤᠨ᠎ᠠ

ᠤᠨᠠᠭ᠎ᠠ᠂ ᠪᠤᠳᠤᠭᠤ᠂ ᠳᠤᠭᠤᠯ᠂ ᠢᠱᠢᠭᠡ᠂ ᠬᠤᠷᠠᠭ᠎ᠠ

ᠡᠵᠢ᠎ᠶ᠋ᠢᠨ ᠳᠠᠪᠤᠨ ᠬᠤᠱᠢᠭᠤ ᠮᠠᠯ

ᠳᠡᠷᠡ ᠪᠦᠬᠦᠨ

ᠡᠵᠢ᠎ᠶ᠋ᠢᠨ ᠦᠨᠥᠷ᠎ᠲᠠᠢ ᠵᠤᠨ ᠶᠤᠮ

ᠰᠦ᠂ ᠠᠢᠷᠠᠭ᠂ ᠦᠷᠥᠮ᠎ᠡ

ᠦᠨᠢᠶᠠᠨ ᠵᠠᠯᠠᠨ᠎ᠠᠴᠠ ᠦᠨᠥᠷᠳᠥᠳᠡᠭ

ᠰᠠᠴᠤᠯᠢ᠎ᠪᠠᠨ ᠡᠷᠬᠦᠵᠤ᠂ ᠪᠠᠰᠠ ᠳᠠᠯᠠᠯᠤᠨ᠎ᠠ

ᠳᠡᠷᠡ ᠪᠦᠬᠦᠨ

ᠡᠵᠢ᠎ᠶ᠋ᠢᠨ ᠦᠨᠥᠷ᠎ᠲᠠᠢ ᠵᠤᠨ ᠳᠠᠩᠰᠤᠭ᠍ᠯᠠᠵᠤ ᠨᠠᠯᠠᠢᠳᠠᠭ

ᠵᠤᠨ᠎ᠤ ᠪᠤᠷᠤᠭᠠᠨ᠎ᠠᠴᠠ

ᠰᠦ ᠠᠮᠳᠠᠭ᠍ᠳᠠᠨ᠎ᠠ᠂ ᠬᠠᠢᠷ᠎ᠠ ᠤᠷᠬᠢᠯᠤᠨ᠎ᠠ

ᠡᠵᠢ᠎ᠶ᠋ᠢᠨ ᠠᠶᠠᠭᠠᠨ᠎ᠠᠴᠠ ᠬᠤᠷᠤᠳ ᠠᠮᠳᠠᠯᠠᠭ᠍ᠳᠠᠨ᠎ᠠ

ᠳᠡᠷᠡ ᠵᠦᠪᠭᠡᠨ ᠵᠢᠷᠭᠠᠯ᠎ᠤᠨ ᠠᠮᠳᠠ

ᠪᠢ

ᠡᠵᠢ᠎ᠶ᠋ᠢᠨ ᠦᠨᠥᠷ᠎ᠲᠠᠢ ᠵᠣᠨ᠎ᠤ ᠦᠭᠢᠨ᠃