ᠬᠡᠨ ᠢ᠋ ᠰᠠᠨᠠᠭᠰᠠᠨ ᠰᠡᠳᠭᠢᠯ

ᠬᠡᠭᠡᠷ᠎ᠡ ᠵᠢᠨ ᠰᠠᠯᠬᠢ ᠰᠢᠭ᠋ ᠳᠡᠷᠪᠡᠨ᠎ᠡ ᠪᠤᠢ

ᠶᠠᠭᠠᠬᠢᠭ᠍ᠰᠠᠨ ᠬᠣᠯᠠ ᠶ᠋ᠢᠨ ᠠᠮᠠᠷᠠᠭ ᠪᠤᠢ

ᠰᠠᠯᠬᠢ ᠵᠢ ᠮᠣᠷᠢ ᠪᠣᠯᠲᠠᠯ᠎ᠠ ᠬᠦᠯᠢᠶᠡᠯ᠎ᠡ

ᠬᠡᠨ ᠲᠠᠢ ᠠᠭᠣᠯᠵᠠᠨ᠎ᠠ ᠭᠡᠵᠦ

ᠠᠩᠬᠠᠨ ᠤ᠋ ᠪᠣᠷᠣᠭᠠᠨ ᠰᠢᠭ᠋ ᠨᠠᠮᠢᠷᠠᠨ᠎ᠠ ᠪᠤᠢ

ᠶᠠᠭᠠᠬᠢᠭ᠍ᠰᠠᠨ ᠠᠯᠣᠰ ᠤ᠋ᠨ ᠰᠠᠳᠣᠨ ᠪᠤᠢ

ᠪᠣᠷᠣᠭᠠᠨ ᠢ᠋ ᠴᠡᠴᠡᠭ ᠪᠣᠯᠲᠠᠯ᠎ᠠ ᠬᠦᠯᠢᠶᠡᠯ᠎ᠡ

ᠬᠡᠨ ᠢ᠋ ᠮᠦᠷᠦᠭᠡᠳᠦᠨ᠎ᠡ ᠭᠡᠵᠦ

ᠲᠣᠩᠭᠠᠯᠠᠭ ᠭᠣᠣᠯ ᠰᠢᠭ᠋ ᠨᠢᠭᠡᠨ ᠵᠦᠭ ᠤᠷᠤᠰᠤᠨ᠎ᠠ ᠪᠤᠢ

ᠶᠠᠭᠠᠬᠢᠭ᠍ᠰᠠᠨ ᠬᠦᠭᠡᠷᠦᠬᠦᠢ ᠵᠢᠷᠦᠬᠡ ᠪᠤᠢ

ᠭᠣᠣᠯ ᠢ᠋ ᠳᠠᠭᠣᠣ ᠪᠣᠯᠲᠠᠯ᠎ᠠ ᠬᠦᠯᠢᠶᠡᠯ᠎ᠡ

ᠬᠡᠨ ᠢ᠋ ᠵᠡᠭᠦᠳᠦᠯᠡᠭᠰᠡᠨ ᠵᠡᠭᠦᠳᠦ

ᠬᠢᠵᠠᠭᠠᠷ ᠦᠭᠡᠢ ᠬᠣᠯᠠ ᠳ᠋ᠦ᠍ ᠬᠡᠰᠦᠨ᠎ᠡ ᠪᠤᠢ

ᠶᠠᠭᠠᠬᠢᠭ᠍ᠰᠠᠨ ᠬᠡᠴᠡᠭᠦᠦ ᠳᠡᠩᠰᠡᠯᠦᠯ ᠪᠤᠢ

ᠵᠡᠭᠦᠳᠦ ᠶ᠋ᠢ ᠵᠠᠬᠢᠳᠠᠯ ᠪᠣᠯᠲᠠᠯ᠎ᠠ ᠬᠦᠯᠢᠶᠡᠯ᠎ᠡ