ᠵᠢᠷᠬᠢᠵᠤ ᠢᠷᠡᠭ᠌ᠰᠠᠨ ᠵᠤᠨ ᠵᠢᠷᠦᠭᠡᠨ ᠲᠤᠯᠳᠤᠳᠤ ᠡᠭᠡᠨᠡᠭ᠌ᠰᠢᠬᠦᠢ
ᠵᠠᠭᠤᠨ ᠴᠡᠴᠡᠭᠡᠰᠤᠨ ᠲᠠᠯᠪᠢ ᠵᠦᠢᠯᠤᠨ ᠦᠡᠭ᠌ᠭᠡᠪᠠᠷ ᠮᠢᠷᠠᠯᠵᠠᠬᠤᠢ
ᠵᠦᠭᠡᠯᠡᠨ ᠵᠦᠭᠡᠯᠡᠨ ᠪᠤᠷᠤᠭᠠᠨᠤ ᠲᠤᠰᠤᠯ ᠴᠡᠭᠡᠨ ᠮᠡᠯᠮᠡᠢᠳᠤ ᠪᠦᠵᠢᠬᠦᠢ
ᠵᠢᠬᠦᠷ ᠲᠠᠪᠢᠭ᠌ᠰᠡᠨ ᠮᠢᠩᠭᠠᠨ ᠱᠢᠪᠠᠭᠤᠳ ᠵᠦᠡᠭ ᠰᠤᠪᠢᠡᠭ ᠠᠨᠢᠷᠯᠠᠬᠤᠢ
ᠨᠠᠷᠠᠨᠤ ᠠᠯᠳᠠᠩᠬᠠᠨ ᠲᠤᠶᠠᠭᠠ ᠨᠠᠪᠴᠢᠰᠤᠨ ᠭᠡᠯᠠᠪᠠᠷ ᠲᠠᠭᠤᠯᠠᠬᠤᠢ
ᠨᠠᠳᠠᠳᠤ ᠱᠢᠪᠡᠨᠡᠭ᠌ᠰᠠᠨ ᠪᠢᠴᠢᠯ ᠵᠠᠬᠢᠶᠠ ᠨᠠᠭᠤᠷᠤᠨ ᠬᠦᠪᠡᠭᠡᠨᠳᠤ ᠴᠡᠴᠡᠭ᠌ᠯᠡᠬᠦᠢ
ᠨᠠᠭᠠᠳᠴᠤ ᠦᠰᠦᠭ᠌ᠰᠠᠨ ᠪᠤᠷᠤ ᠪᠠᠭᠤᠴᠠᠶ᠋ᠢᠨ ᠰᠠᠯᠬᠢ ᠭᠡᠨᠡᠨ ᠨᠠᠰᠤᠶ᠋ᠢ ᠦᠬᠦᠯᠠᠬᠦᠢ
ᠨᠠᠢᠷᠲᠤ ᠲᠠᠪᠬᠢᠭ᠍ᠰᠠᠨ ᠬᠦᠯᠦᠭᠤᠨ ᠲᠤᠭᠤᠷᠠᠢ ᠲᠠᠯᠠᠶ᠋ᠢᠨ ᠰᠤᠨᠤᠷᠢ ᠲᠤᠪᠱᠢᠬᠤᠢ
ᠰᠠᠷᠠᠲᠠᠢ ᠭᠡᠭᠡᠷ ᠤᠨᠠᠭᠠ ᠤᠨᠢᠶᠠᠷ ᠮᠠᠨᠠᠨ ᠲᠤᠮᠳᠠ ᠲᠤᠭ᠍ᠯᠠᠬᠤᠢ
ᠰᠠᠭᠠᠯᠢ ᠰᠦᠶ᠋ᠢᠨ ᠦᠨᠦᠷ ᠲᠠᠨᠵᠢᠶ᠋ᠢᠨ ᠵᠤᠰᠠᠭᠠᠯᠠᠴᠠ ᠰᠠᠩᠬᠢᠨᠠᠬᠦᠢ
ᠰᠠᠷ ᠰᠠᠷ ᠨᠠᠮᠵᠢᠭᠤᠬᠠᠨ ᠵᠢᠪᠡᠷ ᠬᠠᠴᠡᠷ ᠨᠢᠭᠤᠷᠢ ᠠᠶᠠᠷ ᠠᠶᠠᠷᠬᠠᠨ ᠢᠯᠪᠢᠬᠦᠢ
ᠰᠡᠳᠭᠢᠯ ᠢᠳᠡᠭᠡᠯᠤᠨ ᠵᠠᠢᠴᠢᠨᠳᠤ ᠨᠠᠢᠷᠠᠭᠤᠨ ᠤᠷᠠᠨ ᠮᠠᠳᠠᠷᠠᠮᠵᠢ ᠭᠡᠷᠡᠯᠳᠦᠬᠦᠢ
ᠡᠷᠭᠡᠰ ᠪᠦᠳᠦᠨ ᠲᠠᠯᠠᠶ᠋ᠢᠨ ᠦᠷᠦᠴᠠ ᠲᠤᠷᠭᠠᠨ ᠲᠤᠯᠬᠢᠶᠠ ᠬᠠᠶᠠᠯᠠᠬᠤᠢ
ᠡᠴᠢᠭᠡᠶ᠋ᠢᠨ ᠬᠠᠢᠷᠠᠳᠠᠢ ᠨᠤᠳᠤᠭ ᠲᠤᠯᠤᠭᠠᠨ ᠦᠡᠭ᠌ᠭᠡᠪᠠᠷ ᠰᠤᠯᠤᠩᠭᠠᠷᠠᠬᠤᠢ
ᠡᠩᠬᠦᠷᠠᠢ ᠵᠢᠭᠠᠬᠠᠨ ᠪᠤᠷᠮᠠᠶ᠋ᠢᠨ ᠲᠤᠷᠳᠤᠩ ᠠᠯᠴᠢᠭᠤᠷ ᠬᠠᠷᠠᠴᠠᠨᠳᠤ ᠲᠠᠷᠪᠡᠬᠦᠢ
ᠡᠭᠡᠱᠢᠭ᠌ᠯᠡᠵᠤ ᠤᠶᠠᠷᠠᠭ᠍ᠰᠠᠨ ᠪᠤᠳᠤᠯᠤᠨ ᠴᠠᠩᠭᠡᠷ ᠵᠤᠨ ᠭᠤᠴᠤ᠌ ᠦᠵᠠᠮᠵᠢ ᠤᠷᠠᠯᠠᠬᠤᠢ！