ᠦᠨᠢᠲᠡ ᠳᠤᠷᠠᠳᠭᠠᠬᠤ ᠳᠤᠯᠤᠭᠠᠨ ᠰᠠᠷᠠᠶ᠋ᠢᠨ ᠨᠢᠭᠡᠨ ᠭᠡᠵᠦ ᠭᠡᠷᠡᠯ ᠰᠠᠴᠤᠷᠠᠭ᠍ᠰᠠᠨ ᠡᠳᠦᠷ
ᠦᠷᠯᠦᠭ ᠨᠠᠮᠤᠨ ᠮᠢᠨᠢ ᠮᠡᠨᠳᠦᠯᠡᠭ᠌ᠰᠡᠨ ᠦᠪᠡᠳᠡᠭ᠌ᠰᠢ ᠪᠠᠶᠠᠷᠲᠤ ᠴᠠᠭ ᠡ
ᠦᠢᠯᠡᠰ ᠵᠢᠳᠬᠦᠯ ᠶ᠋ᠢᠡᠷ ᠰᠦᠨᠳᠡᠷᠯᠡᠭ᠌ᠰᠡᠨ ᠠᠯᠮᠠᠰ ᠴᠢᠯᠠᠭᠤᠨ ᠬᠦᠱᠢᠶᠡ
ᠭᠠᠰᠠᠯᠠᠩ ᠨᠢᠭᠦᠯᠲᠦ ᠬᠠᠷᠠᠩᠭᠤᠢ ᠶᠢᠷᠲᠢᠨᠴᠤᠶ᠋ᠢ ᠲᠤᠢᠯᠪᠤᠷᠢᠲᠠᠢ ᠡᠴᠦᠰᠯᠡᠭᠦᠯᠬᠦ᠌ᠪᠠᠷ
ᠭᠠᠯ ᠪᠠᠳᠠᠷᠠᠭ᠍ᠰᠠᠨ ᠤᠯᠠᠭᠠᠨ ᠤᠩᠭᠤᠴᠠᠨᠳᠤ ᠠᠭᠣᠣ ᠨᠠᠮ ᠮᠢᠨᠢ ᠮᠡᠨᠳᠦᠯᠡᠭᠡᠳ
ᠭᠠᠵᠠᠷ ᠲᠡᠭ᠌ᠷᠢᠶ᠋ᠢᠨ ᠵᠠᠢᠳᠤ ᠠᠪᠤᠷᠭᠤ ᠬᠦᠮᠦᠨ ᠪᠤᠯᠤᠨ ᠰᠦᠨᠳᠡᠷᠯᠡᠭᠰᠡᠨ
ᠳᠤᠮᠳᠠᠲᠤᠶ᠋ᠢᠨ ᠲᠦᠮᠡᠨᠢᠶᠠᠨ ᠳᠠᠭᠤᠳᠠᠨ ᠰᠡᠷᠡᠭᠡᠭᠰᠡᠨ ᠪᠠᠭᠠᠳᠤᠷ ᠢᠳᠡᠲᠡᠨ
ᠳᠤᠭ᠍ᠰᠢᠨ ᠰᠠᠯᠬᠢ ᠱᠢᠷᠦᠭᠦᠨ ᠳᠠᠪᠠᠯᠭᠠᠨᠢ ᠰᠦᠷᠦᠨ ᠤᠷᠤᠭ᠍ᠰᠢᠯᠠᠭ᠍ᠰᠠᠨ ᠬᠠᠪᠤᠷ ᠨᠠᠮᠤᠷ ᠡ
ᠳᠡᠭᠡᠷᠡᠮ ᠲᠡᠷᠰᠯᠡᠭᠦᠴᠦᠳᠲᠠᠢ ᠳᠤᠯᠤᠯᠳᠤᠨ ᠲᠡᠮᠡᠴᠡᠭ᠌ᠰᠡᠨ ᠬᠤᠷᠢᠨ ᠨᠠᠢ᠍ᠮᠠᠨ ᠣᠨ ᠵᠢᠯ ᠡ
ᠦᠬᠦᠯ ᠮᠦᠬᠦᠯᠤᠨ ᠲᠠᠷᠴᠢᠯᠭᠠᠯᠠᠴᠠ ᠬᠦᠪᠡᠭᠦᠳ ᠦᠬᠢᠳᠢᠶᠠᠨ ᠠᠪᠤᠷᠠᠵᠤ
ᠡᠨᠡᠯᠦᠯ ᠱᠢᠨᠠᠯᠤᠯᠤᠨ ᠡᠳᠦᠷ ᠬᠤᠨᠤᠭᠢ ᠡᠭᠡᠯᠲᠡ ᠦᠭᠡᠢ ᠡᠴᠦᠰᠯᠡᠭᠦᠯᠦᠭᠡᠳ
ᠡᠷᠬᠡ ᠴᠢᠯᠦᠭᠡ ᠡᠩᠬᠡ ᠲᠠᠢᠪᠤᠩᠢ ᠠᠷᠠᠳ ᠲᠦᠮᠡᠨᠳᠡᠭᠡᠨ ᠡᠳ᠋ᠯᠡᠭᠦᠯᠦᠯᠡ
ᠠᠷᠢᠭᠤᠨ ᠴᠢᠰᠤᠪᠠᠨ ᠤᠷᠤᠰᠭᠠᠨ ᠠᠯᠲᠠᠨ ᠠᠮᠢᠪᠠᠨ ᠦᠷᠡᠭ᠌ᠳᠡᠭᠦᠯᠦᠭ᠌ᠰᠡᠨ
ᠠᠷᠤᠤᠬᠠᠨ ᠪᠠᠭᠠᠳᠤᠷᠴᠤᠳᠤᠨ ᠴᠠᠭᠠᠨ ᠶᠠᠰᠤ ᠡᠩᠬᠡᠶ᠋ᠢᠨ ᠲᠠᠭ᠍ᠲᠠᠭᠠ ᠪᠤᠯᠤᠨ ᠨᠢᠰᠦᠭᠡᠳ
ᠠᠭᠤᠳᠠᠮ ᠤᠭ᠍ᠲᠠᠷᠭᠤᠢᠶ᠋ᠢᠨ ᠬᠦᠨᠳᠤ 《ᠨᠠᠢᠷᠠᠮᠳᠠᠯ》 ᠤ᠋ᠨ ᠠᠶᠠ ᠴᠢᠪᠠᠭ᠍ᠳᠠᠨᠠ
ᠦᠭᠡᠷᠡᠴᠢᠯᠡᠯᠲᠡ ᠨᠡᠭᠡᠭᠡᠯᠲᠡᠶ᠋ᠢᠨ ᠬᠠᠷᠭᠤᠢᠪᠠᠷ ᠴᠤᠴᠠᠯᠲᠠ ᠦᠭᠡᠢ ᠵᠠᠮᠨᠠᠵᠤ
ᠦᠪᠡᠷᠤᠨ ᠬᠦᠴᠦ᠍ᠪᠠᠷᠢᠶᠠᠨ ᠳᠡᠭ᠌ᠵᠢᠷᠡᠨ ᠲᠦᠮᠡᠨᠤ ᠵᠣᠷᠢᠭᠢ ᠡᠷᠴᠢᠯᠡᠭᠡᠳ
ᠦᠭᠡᠢᠭᠦᠦ ᠶᠠᠳᠠᠭᠤᠶ᠋ᠢᠨ ᠬᠦᠴᠢᠷᠳᠡᠯᠠᠴᠠ ᠦᠨᠢᠷ ᠤᠯᠠᠨᠢᠶᠠᠨ ᠰᠠᠯᠭᠠᠯᠠ
ᠰᠠᠨᠰᠠᠷᠤᠨ ᠦᠷᠲᠡᠭᠡᠶ᠋ᠢ ᠪᠠᠢᠭᠤᠯᠤᠨ ᠬᠠᠨᠠᠭᠠᠷ ᠤᠷᠴᠢᠯᠠᠩᠳᠤ ᠰᠠᠭᠤᠷᠢᠱᠢᠵᠤ
ᠰᠠᠷᠠᠨ ᠪᠦᠮᠪᠦᠷᠴᠡᠭᠲᠤ ᠠᠪᠠᠷᠢᠨ ᠰᠣᠨᠢᠨ ᠭᠠᠢᠬᠠᠮᠱᠢᠭᠢᠨᠢ ᠨᠢᠭ᠍ᠲᠠᠯᠠᠭᠠᠳ
ᠰᠦᠨ ᠳᠠᠯᠠᠢᠶ᠋ᠢᠨ ᠢᠷᠤᠭᠠᠷᠲᠤ ᠰᠠᠭᠠᠳᠠᠨ ᠱᠢᠨᠵᠢᠯᠡᠭᠡ ᠰᠤᠲᠤᠯᠭᠠ ᠬᠢᠨᠡ
ᠬᠦᠭᠡᠮᠳᠦᠭ ᠨᠤᠭᠤᠭᠠᠨ ᠠᠭᠤᠯᠠ ᠤᠰᠤ ᠬᠦᠮᠦᠰᠤᠨ ᠬᠠᠷᠠᠭᠠᠶ᠋ᠢ ᠰᠤᠭ᠍ᠲᠤᠭᠤᠷᠠᠭᠤᠯᠵᠤ
ᠬᠦᠳᠡᠭᠡ ᠲᠤᠰᠭᠤᠨᠤ ᠬᠦᠭ᠌ᠵᠢᠯ ᠲᠡᠭ᠌ᠵᠢᠷᠡᠯ ᠲᠠᠷᠢᠶᠠᠴᠢᠨ ᠮᠠᠯᠴᠢᠨᠢ ᠤᠮᠤᠭ᠍ᠰᠢᠭᠤᠯᠤᠨ
ᠬᠤᠳᠠ ᠪᠠᠯᠭᠠᠰᠤᠶ᠋ᠢᠨ ᠭᠤᠶᠤᠮᠰᠤᠭ ᠬᠤᠪᠢᠷᠠᠯᠲᠠ ᠰᠠᠭᠤᠭᠠᠯᠢ ᠠᠷᠠᠳᠢ ᠬᠦᠭ᠌ᠰᠡᠭᠦᠯᠦᠨᠡ
ᠦᠨᠳᠦᠰᠦᠲᠡᠨ ᠪᠦᠬᠦᠨ ᠪᠦᠯᠬᠦᠮᠳᠡᠨ ᠨᠢᠭᠳᠠᠷᠠᠵᠦ ᠨᠠᠮᠢᠶᠠᠨᠲᠠᠭᠠᠨ ᠤᠷᠤᠭ᠍ᠰᠢᠯᠠᠨᠠ
ᠠᠷᠠᠳ ᠲᠦᠮᠡᠨ ᠪᠠᠶᠠᠵᠢᠨ ᠴᠢᠨᠡᠭᠡᠯᠢᠭ᠌ᠵᠢᠵᠦ᠍ ᠨᠠᠮᠤᠨᠢᠶᠠᠨ ᠠᠴᠢᠳᠤ ᠲᠠᠯᠠᠷᠬᠠᠨᠠ
ᠤᠯᠤᠰ ᠤᠷᠤᠨ ᠬᠦᠴᠦᠷᠭᠡᠭ᠌ᠵᠢᠨ ᠮᠠᠨᠳᠤᠵᠤ ᠨᠠᠮᠤᠨᠢᠶᠠᠨ ᠤᠳᠤᠷᠢᠳᠤᠯᠭᠠᠶ᠋ᠢ ᠬᠦᠷᠢᠶᠡᠯᠡᠨᠡ
ᠵᠠᠭᠤᠨ ᠰᠤᠨᠳᠠᠯᠠᠭ᠍ᠰᠠᠨ ᠲᠤᠤᠯᠢᠰ ᠪᠢᠴᠢᠭ᠌ᠯᠡᠨ ᠳᠡᠯᠡᠬᠡᠢᠳᠤ ᠦᠵᠦᠭᠦᠷᠯᠡᠭ᠌ᠰᠡᠨ ᠨᠠᠮ ᠮᠢᠨᠢ
ᠵᠤᠢᠯᠤᠨ ᠰᠠᠭᠠᠳᠢ ᠢᠯᠡᠨ ᠳᠠᠪᠠᠭᠠᠳ ᠳᠠᠢᠴᠢᠨ ᠰᠦᠷᠢᠶᠠᠨ ᠭᠠᠢᠬᠠᠭᠤᠯᠤᠨ
ᠵᠣᠷᠢᠭ ᠵᠠᠩᠭᠢᠳᠴᠤ᠌ ᠵᠤᠯᠪᠤᠭᠠ ᠪᠠᠳᠠᠷᠠᠨ ᠵᠤᠷᠢᠭ᠍ᠰᠠᠨ ᠬᠠᠷᠠᠯᠲᠠ ᠵᠦᠭᠶ᠋ᠢᠡᠨ ᠲᠡᠮᠡᠦᠯᠣᠨᠡ！