— ᠨᠠᠮ ᠮᠢᠨᠤ ᠰᠢᠳᠤᠬᠡᠨ ᠪᠢᠯᠠ

      ᠨᠠᠶ᠋ᠢᠷᠠᠬ ᠮᠢᠨᠤ ᠠᠮᠠᠷᠠᠬ ᠪᠢᠯᠠ

      ᠨᠠᠮ᠎ᠳᠠᠭᠠᠨ ᠲᠠᠯᠠᠷᠬᠠᠬᠤ ᠰᠠᠳᠬᠢᠯ ᠮᠢᠨᠢ

      ᠨᠠᠶ᠋ᠢᠷᠠᠬ᠎ᠢᠶᠠᠷ ᠵᠢᠬᠦᠷᠯᠡᠭᠰᠡᠨ ᠲᠠᠭᠤᠤ ᠪᠢᠯᠠ

      1

ᠦᠷ᠎ᠢᠶᠡᠷ ᠡᠷᠳᠡᠯᠡᠨ ᠪᠣᠰᠴᠢᠬᠠᠭᠠᠳ ᠡᠷᠦᠭᠡᠨ ᠣᠭᠣᠰᠣᠷ᠎ᠢ ᠳᠠᠳᠠᠳᠠᠭ ᠨᠠᠷᠠᠨ ᠡᠵᠢ — ᠨᠠᠮ ᠮᠢᠨᠢ

ᠦᠩᠭᠡᠯᠡᠭᠰᠡᠨ ᠶᠣᠮ ᠰᠢᠭ ᠭᠦᠭᠡᠷᠡᠴᠢᠭᠡᠭᠡᠳ ᠦᠷᠭᠦᠯᠵᠢ᠎ᠶᠢᠨ ᠵᠢᠷᠭᠠᠯ᠎ᠢ ᠢᠪᠡᠭᠡᠳᠡᠭ ᠲᠡᠭᠷᠢ ᠠᠪᠣ — ᠨᠠᠮ ᠮᠢᠨᠢ

ᠦᠳᠡᠰᠢ᠎ᠶᠢᠨ ᠬᠠᠷᠠᠩᠭᠣᠢ᠎ᠶᠢ ᠬᠡᠢᠭᠦᠯᠦᠨ ᠦᠵᠡᠰᠭᠦᠯᠡᠩᠳᠣ᠌ ᠵᠡᠭᠦᠳᠣ᠌᠎ᠶᠢ ᠠᠮᠢᠯᠠᠭᠣᠯᠳᠠᠭ ᠰᠠᠷᠠᠨ ᠳᠠᠬᠢᠨᠢ — ᠨᠠᠮ ᠮᠢᠨᠢ

ᠲᠠᠨ᠎ᠤ ᠪᠠᠨ ᠠᠴᠢ ᠪᠡᠷ ᠪᠢ ᠬᠦᠮᠦᠨ ᠪᠣᠯᠤᠭᠰᠠᠨ ᠶᠣᠮ᠃ ᠳᠠᠯ᠎ᠠ ᠨᠣᠳᠣᠭ᠎ᠤᠨ᠎ᠢᠶᠠᠨ ᠡᠵᠡᠨ ᠪᠣᠯᠣᠭᠰᠠᠨ ᠶᠣᠮ᠃

ᠲᠠᠨ᠎ᠳᠤ ᠬᠠᠢᠷᠠᠳᠠᠢ ᠰᠡᠳᠭᠢᠯ᠎ᠢᠶᠡᠨ ᠳᠠᠯ᠎ᠠ ᠳᠡᠭᠡᠷ᠎ᠡ᠂ ᠲᠡᠭᠷᠢ ᠳᠡᠭᠡᠷ᠎ᠡ ᠳᠠᠷᠬᠠᠨ ᠮᠣᠩᠭᠣᠯ ᠦᠢᠯᠡᠰ᠎ᠢᠶᠡᠷ᠎ᠢᠶᠡᠨ ᠪᠢᠴᠢᠭᠰᠡᠨ ᠳᠣᠭᠳᠣᠯᠬᠣ᠌ ᠳᠣᠷᠠᠳᠠᠢ ᠰᠢᠯᠦᠭᠴᠢ ᠪᠤᠯᠤᠭᠰᠠᠨ ᠶᠣᠮ᠃

      2

ᠠᠢᠯ᠎ᠤᠨ ᠡᠮᠦᠨᠡᠬᠢ ᠡᠷᠳᠡᠨᠢ ᠨᠠᠭᠣᠷ ᠪᠣᠯ 《ᠨᠠᠨ ᠬᠣ᠌》 ᠨᠠᠭᠤᠷ᠎ᠢ ᠲᠠᠭᠤᠷᠢᠶᠠᠵᠤ ᠪᠦᠳᠦᠭᠰᠡᠨ ᠡᠬᠡ ᠭᠠᠵᠠᠷ᠎ᠤᠨ ᠲᠤᠬ᠍ᠳᠤᠯᠤᠯ ᠶᠤᠮ᠃ ᠣᠰᠣ᠌ ᠨᠢ ᠳᠡᠩᠳᠡᠭᠦᠦ ᠭᠦᠢᠭᠡᠨ ᠴᠣ᠌ ᠳᠠᠪᠠᠯᠭᠠᠨ ᠨᠢ ᠳᠡᠩᠳᠡ ᠬᠦᠴᠤᠳᠠᠢ᠂ ᠲᠠᠨ᠎ᠤ ᠮᠡᠨᠳᠣᠯᠡᠭᠰᠡᠨ ᠦᠯᠢᠭᠡᠷ᠎ᠢᠶᠡᠷ ᠨᠠᠮᠠᠶ᠋ᠢ ᠤᠮᠳᠠᠯᠠᠵᠤ ᠬᠢᠯᠠᠯᠵᠠᠨ᠎ᠠ᠃

ᠠᠷᠣ᠌᠎ᠶᠢᠨ ᠦᠨᠳᠦᠷ ᠮᠠᠩᠬ᠎ᠠ ᠪᠣᠯ ᠠᠮᠢᠳᠣᠷᠠᠬᠣ᠌ ᠣᠬᠠᠭᠠᠨ᠎ᠢ ᠵᠢᠭᠠᠭᠰᠠᠨ ᠦᠨᠢ ᠮᠦᠩᠬᠡ᠎ᠶᠢᠨ 《ᠵᠢᠩᠭᠠᠩᠱᠠᠨ》 ᠶᠣᠮ᠃ ᠪᠠᠯᠡᠷ ᠡᠯᠡᠰᠦ᠎ᠶᠢ ᠨᠢ ᠪᠢ 《ᠬᠦᠳᠡᠭᠡ ᠳᠣᠰᠬᠣᠨ᠎ᠢᠶᠠᠷ ᠬᠣᠳᠠ᠎ᠶᠢ ᠪᠦᠰᠡᠯᠡᠵᠦ》 《ᠫᠠᠷᠲ᠋ᠢᠽᠠᠨ ᠳᠠᠢᠨ》 ᠬᠢᠬᠦ ᠠᠷᠭ᠎ᠠ ᠪᠠᠷ ᠨᠤᠮᠤᠬᠠᠳᠬᠠᠵᠤ ᠠᠪᠤᠬ᠍ᠰᠠᠨ ᠶᠤᠮ᠃

     3

ᠮᠢᠨᠦ ᠰᠣᠨᠣᠰᠬᠣ᠌ ᠳᠣᠷᠠᠳᠠᠢ ᠰᠢᠮᠫᠤᠨᠢ ᠪᠣᠯ ᠲᠠᠨ᠎ᠤ ᠪᠢᠴᠢᠭᠰᠡᠨ 《ᠣᠷᠳᠣ᠌ ᠵᠠᠮ᠎ᠤᠨ ᠠᠶᠠᠨ ᠳᠠᠢᠨ》 ᠶᠣᠮ᠃ ᠣᠮᠣᠭ᠎ᠢ ᠪᠠᠳᠠᠷᠠᠭᠣᠯᠬᠣ᠌ ᠵᠢᠪᠬᠣᠯᠠᠩᠳᠣ᠌ ᠠᠶ᠎ᠠ ᠨᠢ ᠭᠦᠴᠢᠷ᠎ᠢ ᠳᠣᠭᠣᠯᠵᠣ᠌ ᠪᠡᠷᠬᠡ᠎ᠶᠢ ᠢᠯᠡᠭ᠍ᠰᠠᠨ ᠬᠣᠪᠢᠰᠬᠠᠯᠳᠣ᠌ ᠣᠨ ᠵᠢᠯ᠎ᠦᠨ ᠴᠢᠨᠢ ᠳᠡᠮᠳᠡᠭᠯᠡᠯ ᠶᠣᠮ᠃

ᠠᠮᠢᠳᠣᠷᠠᠯ᠎ᠢ ᠴᠡᠴᠡᠭᠯᠡᠭᠦᠯᠦᠭᠰᠡᠨ ᠣᠪᠠᠳᠢᠰ ᠪᠣᠯ 《ᠦᠭᠡᠷᠡᠴᠢᠯᠡᠯᠳᠡ ᠬᠢᠵᠦ ᠴᠢᠯᠦᠭᠡᠳᠡᠢ ᠶᠠᠪᠣᠯᠴᠠᠬᠣ᠌》 ᠪᠣᠳᠣᠯᠭ᠎ᠠ ᠴᠢᠨᠢ ᠶᠣᠮ᠃ ᠠᠮᠢᠨ ᠬᠣᠯᠪᠣᠭ᠎ᠠ ᠳᠠᠢ 《ᠳᠠᠪᠢᠨ ᠵᠢᠷᠭᠣᠭᠠᠨ ᠠᠬ᠎ᠠ ᠳᠡᠭᠦᠦ》 ᠮᠢᠨᠢ ᠦᠵᠠᠯ ᠰᠠᠨᠠᠭ᠎ᠠ ᠪᠠᠷ ᠴᠢᠨᠢ ᠨᠢᠬᠡᠳᠴᠦ ᠰᠢᠨ᠎ᠡ ᠶ᠋ᠢ ᠡᠬᠦᠳᠤᠭ᠌ᠰᠡᠨ ᠶᠤᠮ᠃

    4

ᠠᠪᠣ ᠡᠵᠢ᠎ᠶᠢᠨ ᠮᠢᠨᠢ ᠠᠯᠣᠬ᠎ᠠ ᠬᠠᠳᠣᠭᠣᠷ᠎ᠢ ᠳᠣᠭ᠎ᠤᠨ᠎ᠢᠶᠠᠨ ᠳᠡᠭᠡᠷ᠎ᠡ ᠬᠢᠯᠠᠯᠵᠠᠭᠣᠯᠣᠭᠰᠠᠨ ᠬᠣᠪᠢᠰᠬᠠᠯ᠎ᠤᠨ ᠴᠢᠨᠢ ᠭᠠᠢᠬᠠᠮᠰᠢᠭ᠋᠎ᠢ ᠶᠠᠷᠢᠬᠣ᠌᠎ᠳᠤ᠂ ᠡᠬᠡ ᠣᠷᠣᠨ ᠪᠣᠯ ᠲᠠᠨ᠎ᠤ ᠨᠠᠳᠠᠳᠣ᠌ ᠦᠭᠭᠦᠭᠰᠡᠨ ᠬᠠᠮᠣᠭ᠎ᠤᠨ ᠦᠨᠡᠳᠣ᠌ ᠪᠡᠯᠡᠭ ᠶᠣᠮ᠃

ᠠᠷᠠᠳ ᠲᠦ᠋ᠮᠡᠨ ᠮᠢᠨᠢ ᠡᠷᠬᠡ ᠴᠢᠯᠦᠭᠡ᠂ ᠠᠵᠠ ᠵᠢᠷᠭᠠᠯ ᠳᠠᠢ ᠪᠡᠷ ᠲᠦᠷᠦ᠎ᠶᠢᠨ ᠡᠵᠡᠨ ᠰᠠᠭᠣᠭᠰᠠᠨ ᠠᠷᠪᠠᠨ ᠰᠠᠷ᠎ᠠ᠎ᠶᠢᠨ ᠨᠢᠭᠡᠨ᠎ᠦ ᠪᠠᠶᠠᠷ᠎ᠢ ᠪᠡᠯᠭᠡᠯᠡᠬᠦ᠎ᠳᠦ᠂ ᠲᠡ ᠪᠣᠯ ᠮᠦᠩᠬᠡ᠎ᠶᠢᠨ ᠣᠯᠠᠭᠠᠨ ᠨᠠᠷᠠ᠎ᠶᠢ ᠮᠠᠨᠳᠣᠭᠣᠯᠣᠭᠰᠠᠨ ᠡᠪ᠎ᠦᠨ ᠶᠡᠬᠡ ᠳᠡᠭᠷᠢ ᠶᠣᠮ᠃

    5

ᠡᠭᠦᠳᠡᠨ᠎ᠡᠴᠡ ᠮᠢᠨᠢ ᠡᠬᠢᠯᠡᠭᠡᠳ ᠳᠡᠯᠡᠬᠡᠢ᠎ᠳᠦ ᠨᠡᠪᠳᠡᠷᠡᠭᠰᠡᠨ ᠳᠣᠷᠭᠠᠨ᠎ᠦ ᠵᠠᠮ ᠪᠣᠯ ᠤᠬᠠᠭᠠᠨ ᠪᠣᠳᠣᠯ᠎ᠢᠶᠠᠷ ᠴᠢᠨᠢ ᠳᠣᠶᠠᠭᠠᠷᠠᠭᠰᠠᠨ ᠳᠡᠭᠷᠢ᠎ᠶᠢᠨ ᠦᠩᠭᠡᠳᠣ᠌ ᠰᠣᠯᠣᠩᠭ᠎ᠠ ᠶᠣᠮ᠃

ᠡᠷᠢᠯ ᠬᠦᠰᠡᠯ᠎ᠢ ᠮᠢᠨᠢ ᠠᠴᠢᠭᠠᠳ ᠳᠡᠭᠷᠢ᠎ᠳᠦ ᠭᠠᠷᠣᠭᠠᠳ ᠪᠣᠴᠠᠵᠣ᠌ ᠢᠷᠡᠳᠡᠭ ᠲᠠᠨ᠎ᠤ ᠬᠤᠪᠢᠯᠭᠠᠨ ᠤᠩᠭᠤᠴᠠ ᠪᠣᠯ ᠮᠢᠨᠦ ᠣᠨᠣᠳᠠᠭ ᠰᠠᠯᠬᠢᠨ ᠵᠢᠬᠦᠷ ᠲᠠᠢ ᠬᠦᠯᠦᠭ ᠶᠣᠮ ᠃

    6

ᠤᠮᠤᠭ᠎ᠵᠤᠷᠢᠭ᠋ ᠢ᠋ ᠪᠠᠳᠠᠷᠠᠭᠠᠨ ᠮᠦᠩᠬᠡ᠎ᠪᠤᠰᠤᠭ᠎ᠠ ᠨᠠᠮᠢᠷᠠᠬ᠍ᠰᠠᠨ ᠲᠠᠪᠤᠨ ᠤᠳᠤᠳᠠᠢ ᠤᠯᠠᠭᠠᠨ ᠲᠤᠭ ᠪᠤᠯ ᠲᠤᠯᠭᠤᠷ ᠵᠤᠷᠢᠯᠳᠡ ᠪᠠᠷ ᠴᠢᠨᠢ ᠪᠤᠰᠤᠬ᠍ᠰᠠᠨ ᠡᠬᠡ ᠤᠷᠤᠨ᠎ᠦ ᠬᠡᠢᠮᠤᠷᠢ ᠶᠤᠮ᠃

ᠤᠬᠠᠭᠠᠨ ᠪᠤᠳᠤᠯ᠎ᠢ ᠴᠡᠨᠡᠭᠯᠡᠬᠡᠳ ᠡᠳᠤᠷ ᠪᠦᠷᠢ ᠰᠢᠨᠠᠳᠳᠡᠭ ᠲᠠᠨ᠎ᠦ ᠪᠠᠭᠠᠳᠤᠷᠯᠢᠭ᠋ ᠲᠠᠤᠬᠡ ᠪᠤᠯ ᠮᠢᠨᠤ ᠤᠩᠰᠢᠳᠠᠭ ᠨᠠᠷᠠᠨ ᠵᠦᠭ᠎ᠦᠨ ᠬᠢᠴᠢᠶᠠᠯ ᠶᠤᠮ᠃

    7

ᠳᠠᠯᠠᠢ᠎ᠶᠢᠨ ᠭᠦᠪᠡᠭᠡᠨ᠎ᠳᠦ᠂ ᠪᠢ ᠬᠣᠷᠠᠭ᠎ᠠ ᠳᠣᠭᠣᠯ᠎ᠢᠶᠠᠨ ᠬᠣᠷᠣᠭᠣ᠌ ᠰᠢᠯ ᠳ᠋ᠦ᠍ ᠪᠣᠢᠵᠢᠭᠣᠯᠣᠨ ᠠᠪᠣᠷᠭᠣ᠌ ᠮᠠᠯᠴᠢᠨ ᠤ᠋ ᠴᠣᠯᠠ ᠬᠠᠮᠠᠭᠠᠯᠠᠬᠣ᠌᠎ᠳᠤ ᠡᠷᠳᠡᠮ ᠮᠠᠷᠬᠡᠵᠢᠯ᠎ᠢ ᠤᠯᠭᠤᠬ᠍ᠰᠠᠨ ᠡᠨᠠᠷᠢᠯ᠎ᠤᠨ ᠶᠡᠬᠡ ᠪᠠᠭ᠍ᠰᠢ ᠮᠢᠨᠢ ᠲᠠ ᠪᠠᠢᠬ᠍ᠰᠠᠨ ᠶᠤᠮ ᠃

ᠰᠠᠨᠰᠠᠷ᠎ᠤᠨ ᠠᠶᠠᠯᠠᠯ᠎ᠳᠤ᠂ ᠪᠢ ᠨᠢᠰᠭᠡᠯ᠎ᠦᠨ ᠬᠡᠯᠪᠡᠯᠵᠡᠬᠦ᠎ᠶᠢ ᠨᠡᠭᠦᠳᠡᠯ᠎ᠦᠨ ᠣᠬᠠᠭᠠᠨ᠎ᠢᠶᠠᠷ ᠳᠣᠭᠳᠠᠪᠣᠷᠢᠵᠢᠭᠣᠯᠣᠨ ᠰᠢᠨ᠎ᠡ ᠣᠳᠣᠨ᠎ᠤ ᠪᠠᠢᠷᠢᠨ᠎ᠳᠤ ᠰᠠᠭᠣᠬᠣ᠌᠎ᠳᠤ ᠵᠢᠷᠭᠠᠯ᠎ᠤᠨ ᠲᠦᠪᠰᠢᠨ᠎ᠢ ᠦᠨᠳᠤᠷᠵᠢᠬᠦᠯᠦᠭᠰᠡᠨ ᠠᠮᠢᠳᠤ ᠵᠢᠨ ᠲᠡᠬᠡᠳᠤ ᠪᠤᠷᠬᠠᠨ ᠮᠢᠨᠢ ᠲᠠ ᠪᠠᠢᠬ᠍ᠰᠠᠨ ᠶᠤᠮ ᠃

    8

ᠨᠠᠳᠠ᠎ᠠᠴᠠ ᠴᠠᠭ ᠢᠮᠠᠭᠳᠠ ᠰᠠᠯᠳᠠᠭ ᠦᠭᠡᠢ᠂ ᠨᠠᠢᠷᠠᠭ᠎ᠢ ᠮᠢᠨᠢ ᠨᠡᠷᠠᠨ᠎ᠳᠤ ᠤᠢᠷᠠᠳᠤᠭᠤᠯᠤᠬ᠍ᠰᠠᠨ᠂ ᠨᠠᠰᠣ᠌᠎ᠶᠢ ᠮᠢᠨᠢ ᠬᠢᠵᠠᠭᠠᠷ ᠦᠬᠡᠢ ᠣᠷᠳᠣᠳᠬᠠᠭᠰᠠᠨ ᠨᠠᠮ ᠮᠢᠨᠢ ᠡ᠂ ᠮᠢᠨᠤ ᠰᠡᠳᠬᠢᠯ᠎ᠳᠦ ᠳᠠᠩᠳᠠ ᠨᠢᠭᠡ ᠳᠠᠭᠣᠣ ᠬᠠᠩᠬᠢᠨᠠᠨ᠎ᠠ᠃ ᠲᠡᠷᠠ ᠪᠣᠯ ᠵᠢᠷᠣᠭᠡᠨ᠎ᠤ ᠮᠢᠨᠢ ᠴᠤᠤᠷᠢᠶ᠎ᠠ᠃ ᠨᠠᠮ᠎ᠳᠠᠭᠠᠨ ᠬᠠᠢᠷᠠᠳᠠᠢ ᠭᠡᠰᠡᠨ ᠰᠠᠢᠬᠠᠨ ᠮᠣᠩᠭᠣᠯ ᠳᠠᠭᠣᠣ ᠶᠣᠮ ᠡ᠃