ᠬᠦᠭᠡᠷᠦᠬᠦᠢ ᠡᠵᠢ ᠮᠢᠨᠢ ᠴᠠᠯ ᠵᠠᠯᠠᠭᠤᠪᠠᠷᠢᠶᠠᠨ ᠬᠠᠨᠢ ᠨᠦᠬᠦᠷ᠂ ᠦᠷᠡ ᠬᠡᠦᠬᠡᠳᠢᠶᠠᠨ ᠤᠷᠬᠢᠨ ᠬᠤᠷᠸᠠᠶ᠋ᠢᠨ ᠮᠦᠩᠬᠡ ᠪᠤᠰᠤᠶ᠋ᠢ ᠦᠵᠡᠭᠦᠯᠵᠦ᠂ ᠮᠠᠨᠤ ᠠᠬᠠ ᠲᠡᠬᠦᠦ ᠲᠠᠪᠤ ᠭᠠᠳᠠᠨᠠ ᠭᠠᠷᠪᠠᠯ ᠠᠪᠤᠶ᠋ᠢᠨ ᠲᠦᠱᠢᠭ᠂ ᠭᠡᠷᠲᠤ ᠤᠷᠤᠪᠠᠯ ᠡᠵᠢᠶ᠋ᠢᠨ ᠦᠮᠦᠭ ᠪᠤᠯᠤᠭ᠍ᠰᠠᠨ ᠭᠠᠭ᠍ᠴᠠ ᠨᠤᠶᠠᠨ ᠨᠢᠷᠤᠭᠤᠲᠠᠢ ᠬᠤᠴᠤᠷᠤᠯᠠ᠃ ᠬᠤᠴᠤᠷᠬᠤ ᠬᠤᠴᠤᠷᠬᠤᠳᠠᠭᠠᠨ ᠲᠠᠩᠴᠦ᠍ ᠨᠢᠯᠬᠠᠪᠠᠷᠢᠶᠠᠨ ᠬᠤᠴᠤᠷᠪᠠ᠃
ᠶᠠᠭ ᠰᠠᠢᠬᠠᠨ ᠬᠤᠭᠤᠯᠠ ᠬᠦᠨᠡᠰᠦ᠂ ᠬᠤᠪᠴᠠᠰᠤ ᠬᠤᠨᠠᠷ᠂ ᠬᠤᠳᠠᠲᠠᠢ ᠮᠠᠯ ᠁ ᠪᠦᠬᠦᠳᠡ ᠪᠦᠬᠦᠳᠡᠭᠡᠷᠢᠶᠠᠨ ᠪᠠᠷᠢᠮᠳᠠ ᠲᠡᠮᠳᠡᠭ᠂ ᠬᠤᠪᠢ ᠨᠤᠷᠮᠠᠳᠤ ᠵᠠᠬᠢᠷᠤᠭ᠍ᠳᠠᠭ᠍ᠰᠠᠨ ᠶᠡᠭᠡ ᠲᠤᠭᠤᠭᠠᠨᠤ ᠦᠶᠡ ᠲᠠᠭᠠᠷᠠᠵᠤ ᠨᠠᠢᠳᠠ ᠤᠯᠠᠨᠢᠶᠠᠷᠢᠶᠠᠨ ᠶᠠᠳᠠᠭᠤ ᠲᠠᠷᠴᠢᠭ ᠠᠮᠢᠳᠤᠷᠠᠯᠲᠠᠢ ᠲᠤᠯᠤᠯᠳᠤᠵᠤ ᠪᠠᠢᠯᠠ᠃ ᠬᠡᠯᠡᠯᠭᠡᠨ ᠦᠭᠡᠢ ᠲᠠᠪᠤᠶ᠋ᠢᠨ ᠲᠠᠪᠤᠨ ᠦᠨᠦᠴᠢᠨ ᠬᠡᠦᠬᠡᠳᠲᠠᠢ ᠬᠤᠴᠤᠷᠤᠭ᠍ᠰᠠᠨ ᠭᠠᠭ᠍ᠴᠠ ᠪᠡᠶᠡ ᠡᠷᠡ ᠬᠦᠮᠦᠨᠳᠤ ᠠᠮᠢᠳᠤᠷᠠᠯ ᠪᠦᠷ ᠴᠦ᠍ ᠬᠦᠨᠳᠦ ᠲᠤᠰᠤᠭ᠍ᠰᠠᠨᠨᠢ ᠮᠡᠳᠡᠭᠡᠵᠢ᠃ ᠭᠡᠰᠡᠨ ᠴᠦ᠍ ᠠᠪᠤᠶ᠋ᠢᠨ ᠤᠷᠤᠨᠳᠤ ᠠᠪᠤ᠂ ᠡᠵᠢᠶ᠋ᠢᠨ ᠤᠷᠤᠨᠳᠤ ᠡᠵᠢ ᠪᠤᠯᠤᠨ᠂ ᠭᠠᠭ᠍ᠴᠠ ᠪᠠᠶᠠᠳᠡᠭᠡᠨ ᠬᠤᠤᠰ ᠡᠬᠦᠷᠭᠡ ᠡᠬᠦᠷᠭᠡᠯᠡᠭ᠌ᠰᠡᠨ ᠬᠦᠭᠡᠷᠦᠬᠦᠢ ᠠᠪᠤ ᠮᠢᠨᠢ ᠪᠢᠳᠡᠨᠢ ᠬᠠᠢᠷᠠ ᠬᠠᠯᠠᠮᠵᠢ᠂ ᠬᠦᠮᠦᠵᠢᠯ ᠪᠤᠯᠪᠠᠰᠤᠷᠠᠯ᠂ ᠬᠠᠷᠢᠭᠤᠴᠠᠯᠭᠠ ᠲᠤᠳᠤᠮᠳᠠᠯᠭᠠᠶ᠋ᠢᠨ ᠠᠯᠢ ᠠᠯᠢᠪᠠᠷᠨᠢ ᠲᠤᠳᠠᠭᠤᠳᠠᠭᠤᠯᠤᠭᠠ ᠦᠭᠡᠢ ᠦᠰᠭᠡᠭ᠌ᠰᠡᠨ ᠶᠤᠮ᠃
ᠮᠢᠨᠦ᠍ ᠠᠪᠤ ᠠᠩᠴᠢᠨ ᠬᠦᠮᠦᠨ᠃ ᠠᠩ ᠠᠮᠢᠳᠠᠳᠲᠤ ᠤᠷᠤᠭᠠ ᠤᠷᠤᠬᠤ᠂ ᠭᠡᠭᠡᠯ ᠠᠪᠬᠤ᠂ ᠬᠦᠴᠦ᠍ ᠲᠠᠷᠭᠤ ᠰᠠᠭᠤᠬᠤ᠂ ᠦᠷᠡ ᠲᠦᠯᠤᠨ ᠪᠤᠢᠵᠢᠯᠳᠠ᠂ ᠦᠰᠦ ᠬᠦᠷᠦᠰᠦᠨᠤ ᠭᠤᠤᠵᠢᠯᠳᠠ ᠁ ᠭᠡᠳ ᠪᠢᠱᠢᠬᠦᠢ ᠠᠷᠪᠢᠨ ᠤᠯᠠᠷᠢᠯᠢ ᠲᠠᠭᠠᠭ᠍ᠰᠠᠨ ᠦᠪᠡᠷᠮᠢᠴᠡ ᠰᠤᠳᠤᠨ ᠤᠷᠤᠱᠢᠨ ᠲᠤᠭ᠍ᠳᠠᠨᠢᠯᠤᠨ ᠵᠤᠷᠱᠢᠯᠲᠠᠢ ᠪᠠᠢᠳᠠᠭᠢ ᠠᠪᠤ ᠰᠠᠢᠨ ᠮᠡᠳᠡᠨᠡ᠃
ᠨᠠᠮᠤᠷᠤᠨ ᠰᠡᠬᠦᠯᠴᠢ᠂ ᠡᠪᠦᠯᠤᠨ ᠡᠬᠢᠪᠠᠷ ᠠᠩ ᠬᠦᠷᠦᠭᠡᠰᠦᠨᠤ ᠦᠷᠡ ᠲᠦᠯ ᠪᠤᠢᠵᠢᠨ᠂ ᠲᠠᠷᠭᠤ ᠲᠡᠪᠡᠭᠡᠷᠡᠭ ᠠᠪᠴᠤ᠌᠂ ᠦᠰᠦ ᠰᠤᠷᠨᠢ ᠰᠤᠷᠭᠤᠭ᠍ᠵᠢᠨ ᠦᠩᠭᠡᠯᠢᠭ ᠰᠠᠢᠬᠠᠨ ᠪᠤᠯᠬᠤᠶ᠋ᠢ ᠠᠨᠳᠠᠬᠤ ᠦᠭᠡᠢ ᠠᠪᠤ ᠮᠢᠨᠢ ᠠᠩᠤᠨ ᠬᠤᠭᠤᠴᠠᠭᠠᠶ᠋ᠢ ᠵᠠᠪᠳᠤᠵᠤ ᠤᠭᠤᠨᠤᠶ᠋ᠢᠨ ᠪᠠᠭᠠᠳᠠᠯ᠂ ᠴᠠᠰᠤᠨᠤ ᠲᠠᠬᠠ （ᠴᠠᠰᠤ ᠨᠡᠢᠳᠡᠮ ᠬᠠᠢᠯᠤᠨ᠂ ᠵᠦᠪᠬᠡᠨ ᠰᠡᠬᠦᠳᠡᠷᠲᠠᠭᠠᠨ ᠬᠠᠢᠯᠵᠤ ᠲᠠᠭᠤᠰᠤᠭᠠ ᠦᠭᠡᠢ ᠦᠯᠡᠳᠡᠭ᠌ᠰᠡᠨ ᠴᠠᠰᠤ）᠂ ᠤᠰᠤᠨᠤ ᠴᠤᠪᠤᠭᠠᠨᠳᠤ ᠬᠠᠪᠬᠠ ᠵᠡᠬᠦᠵᠦ᠍᠂ ᠲᠠᠷᠭᠤᠨ ᠤᠭᠤᠨᠤ ᠭᠡᠳᠦ ᠭᠤᠷᠪᠠᠶ᠋ᠢ ᠤᠨᠠᠭᠠᠨ᠂ ᠮᠢᠬᠠᠶ᠋ᠢ ᠨᠢ ᠪᠤᠷᠴᠠᠯᠠᠵᠤ ᠶᠠᠰᠤᠶ᠋ᠢᠨᠢ ᠡᠪᠡᠷᠡᠭᠡᠳᠡᠭ᠃ ᠵᠡᠭᠡᠷᠡᠶ᠋ᠢᠨ ᠮᠢᠬᠠ ᠠᠭᠠᠷᠠᠤ᠃ ᠪᠤᠷᠴᠠᠯᠠᠬᠤᠪᠠᠷ ᠲᠠᠰᠤᠷᠠᠬᠤ ᠭᠡᠵᠤ ᠵᠤᠪᠠᠭᠠᠨᠠ᠃ ᠭᠡᠰᠡᠨ ᠴᠦ᠍ ᠪᠢ ᠠᠪᠤᠶ᠋ᠢᠨᠢᠶᠠᠨ ᠤᠢᠭᠠ ᠦᠭᠡᠢ ᠵᠢᠯᠤᠭᠤᠳᠤᠯᠭᠠᠪᠠᠷ ᠵᠡᠭᠡᠷᠡᠶ᠋ᠢᠨ ᠭᠤᠶᠠᠶ᠋ᠢ ᠬᠦᠷᠳᠡᠯᠡ ᠰᠠᠪᠬᠠ ᠱᠢᠭ᠋ ᠨᠠᠷᠢᠬᠠᠨ ᠪᠤᠷᠴᠠᠯᠠᠵᠤ ᠰᠤᠷᠤᠭ᠍ᠰᠠᠨ ᠬᠦᠮᠦᠨ ᠳ᠋ᠠ᠃
ᠡᠪᠡᠷᠡᠭᠡᠵᠦ᠍ ᠬᠠᠳᠠᠭᠠᠭ᠍ᠰᠠᠨ ᠵᠡᠭᠡᠷᠡᠶ᠋ᠢᠨ ᠰᠦᠪᠡᠷᠭᠡ ᠭᠤᠴᠤ᠌ ᠠᠮᠳᠠᠳᠠᠢ᠃ ᠶᠠᠮᠠᠷ ᠰᠠᠢᠨᠳᠠᠭᠠᠨ ᠴᠠᠰᠤᠨ ᠱᠢᠭᠤᠷᠭᠠ ᠲᠠᠯᠪᠢᠭ᠍ᠰᠠᠨ ᠬᠠᠪᠤᠷᠤᠨ ᠨᠢᠬᠡᠨ ᠡᠳᠦᠷ ᠠᠬᠠ᠄ 《ᠡᠢᠮᠦ᠍ ᠡᠳᠦᠷ ᠡᠪᠡᠷᠡᠭᠡᠵᠦ᠍ ᠬᠠᠳᠠᠭᠠᠭ᠍ᠰᠠᠨ ᠭᠤᠷᠪᠠᠨ ᠬᠤᠷᠤᠭᠤ ᠭᠠᠳᠠᠷᠲᠠᠢ᠂ ᠦᠭᠡᠬᠦ᠌ ᠲᠤᠰᠤᠨᠢ ᠬᠠᠢᠯᠤᠮᠠᠭ᠍ᠳᠤᠭ᠍ᠰᠠᠨ ᠤᠭᠤᠨᠤᠶ᠋ᠢᠨ ᠰᠦᠪᠡᠷᠭᠡ ᠡᠮᠬᠦᠬᠦ᠌ ᠶᠤᠮᠰᠠᠨ！ ᠵᠠᠪᠠᠵᠢᠪᠠᠷ ᠲᠤᠰᠤ ᠭᠤᠭᠤᠵᠢᠭᠠᠳ ᠁ ᠮᠦᠨᠴᠦ᠍ ᠠᠶᠠᠳᠠᠢᠬᠠᠨ ᠱᠢᠤ！》 ᠭᠡᠳ ᠲᠠᠬᠠᠯᠵᠠᠪᠠ᠃
ᠲᠡᠭᠡᠳᠡᠯᠡ ᠬᠤᠢᠮᠤᠷᠲᠤ ᠷᠠᠳᠢᠤ᠋ ᠴᠢᠩᠨᠠᠨ ᠬᠡᠪᠳᠡᠵᠦ᠍ ᠪᠠᠢᠭ᠍ᠰᠠᠨ ᠠᠪᠤ᠄ 《ᠶᠠᠭᠠᠬᠢᠯᠠ᠂ ᠶᠠᠭᠠᠬᠢᠯᠠ ᠬᠡᠨᠡ？ ᠴᠠᠳᠭᠤᠯᠳᠠᠭ᠍ᠰᠠᠨ ᠴᠢᠨ᠋ᠸᠠ ᠤᠤ？ ᠵᠠᠪᠡᠵᠢᠪᠠᠷᠢᠶᠠᠨ ᠭᠤᠯᠭᠢᠵᠤ ᠪᠠᠢᠬᠤᠪᠠᠷ ᠁ ᠬᠠᠷᠠ ᠨᠢᠯᠬᠠᠪᠠᠷᠢᠶᠠᠨ ᠬᠡᠩᠬᠦᠳᠡᠭᠢᠶᠠᠨ ᠲᠡᠯᠡᠳᠦᠨ ᠬᠦᠭ᠌ᠰᠢᠨ ᠴᠡᠭᠡᠵᠢᠯᠡᠭᠡᠳ ᠁》 ᠭᠡᠬᠦ᠌ᠨᠢ ᠲᠡᠷᠡ᠃ ᠠᠬᠠᠶ᠋ᠢᠨ ᠴᠢᠷᠠᠢ ᠴᠢᠬᠢᠨᠳᠡᠭᠡᠨ ᠲᠤᠯᠳᠠᠯᠠ ᠤᠯᠠᠢᠵᠤ ᠶᠠᠭᠠᠬᠢᠬᠤᠪᠠᠨ ᠤᠯᠬᠤ ᠦᠭᠡᠢ ᠭᠠᠷᠢᠶᠠᠨ ᠨᠤᠬᠤᠯᠠᠨᠠ᠃
ᠠᠪᠤ᠄ 《ᠲᠠᠬᠢᠵᠤ ᠲᠤᠯᠤᠭᠠᠢᠠᠴᠠᠪᠠᠨ ᠲᠤᠮᠤ ᠦᠬᠡ ᠪᠢᠳᠡᠭᠡᠢ ᠶᠠᠷᠢᠭᠠᠷᠠᠢ ᠁》 ᠭᠡᠳ ᠪᠤᠰᠴᠤ᠌᠂ ᠪᠠᠷᠠᠭᠠᠨ ᠭᠡᠷᠠᠴᠠ ᠵᠡᠭᠡᠷᠡᠶ᠋ᠢᠨ ᠡᠪᠡᠷᠡᠭᠡᠭ᠌ᠰᠡᠨ ᠶᠠᠰᠤ ᠠᠪᠴᠢᠷᠠᠨ ᠲᠤᠭᠤᠭᠠ ᠲᠦᠭᠦᠷᠡᠩ ᠤᠢᠯᠠ᠃ ᠡᠨᠡᠨᠢ ᠠᠬᠠᠶ᠋ᠢᠨ ᠶᠡᠭᠡ （ᠲᠤᠮᠤ） ᠦᠭᠡᠶ᠋ᠢ ᠱᠠᠩᠨᠠᠭ᠍ᠰᠠᠨ ᠪᠢᠰᠢ᠂ ᠬᠠᠷᠢᠨ 《ᠬᠦᠭᠡᠷᠦᠬᠦᠢ᠂ ᠮᠠᠭᠤᠰᠠᠢᠨ ᠨᠢᠰᠤᠬᠠᠢᠨᠤᠭᠤᠳ ᠮᠢᠨᠢ！ ᠮᠢᠬᠠᠱᠢᠭ᠍ᠰᠠᠨ ᠶᠤᠮ ᠪᠠᠢᠯᠬᠦᠢ！》 ᠭᠡᠵᠤ ᠪᠤᠳᠤᠨ ᠬᠠᠢᠷᠠ ᠬᠠᠯᠠᠮᠵᠢᠪᠠᠷᠢᠶᠠᠨ ᠢᠪᠢᠯᠵᠦ᠍ ᠪᠠᠢᠭᠠᠶ᠋ᠢᠨᠢ ᠤᠢᠯᠠᠭᠠᠯ ᠦᠭᠡᠢ ᠶᠠᠭᠠᠬᠢᠬᠤ ᠪᠤᠢ᠃ ᠦᠨᠦᠴᠢᠨ ᠬᠦᠮᠦᠨᠤ ᠰᠡᠳᠭᠢᠯ ᠮᠡᠳᠡᠷᠡᠮᠡᠳᠡᠬᠡᠢ ᠪᠠᠢᠳᠠᠭ ᠬᠤᠢᠨᠠ᠃
ᠠᠪᠤ ᠮᠠᠯ ᠬᠤᠳᠳᠤᠭ ᠰᠠᠬᠢᠭᠤᠯᠬᠤᠶ᠋ᠢ ᠲᠠᠭᠠᠯᠠᠳᠠᠭ ᠦᠭᠡᠢ᠃ ᠵᠤᠨ ᠨᠠᠮᠤᠷᠤᠨ ᠤᠯᠠᠷᠢᠯᠳᠤ ᠠᠳᠠᠷ ᠲᠠᠯᠪᠢᠭ᠍ᠰᠠᠨ ᠲᠡᠮᠡᠭᠡ᠂ ᠪᠡᠯᠴᠢᠭᠡᠷᠲᠤ ᠬᠦᠶᠦᠭ᠌ᠰᠡᠨ ᠠᠳᠤᠭᠤ ᠁ ᠭᠡᠳ ᠬᠤᠯᠠ ᠤᠢᠷᠠᠶ᠋ᠢᠨ᠂ ᠲᠠᠨᠢᠬᠤ ᠲᠠᠨᠢᠬᠤ ᠦᠭᠡᠢ᠂ ᠬᠦᠮᠦᠨᠤ ᠦᠪᠡᠷᠤᠨ ᠠᠳᠤᠭᠤ ᠮᠠᠯ ᠤᠰᠤᠨᠤ ᠠᠩᠭᠠᠭᠠᠪᠠᠷ ᠬᠤᠳᠳᠤᠭ ᠲᠡᠭᠡᠷᠡ ᠴᠤᠭ᠍ᠯᠠᠨᠠ᠃ ᠬᠤᠳᠳᠤᠭ ᠲᠡᠭᠡᠷᠡ ᠢᠷᠡᠭ᠌ᠰᠡᠨ ᠯᠡ ᠪᠤᠯ ᠬᠠᠨᠤᠳᠠᠯᠠ ᠤᠰᠤᠯᠠᠬᠤᠨᠢ ᠪᠢᠳᠡᠨᠤ ᠡᠬᠦᠷᠭᠡ᠃ 《ᠰᠤᠬᠤᠷ ᠦᠭᠡᠷᠲᠤ ᠬᠤᠳᠳᠤᠭ ᠪᠤᠤ ᠲᠠᠨᠢᠭᠤᠯ！》 ᠭᠡᠳᠡᠭ ᠦᠭᠡ ᠵᠦᠪᠬᠡᠨ ᠦᠭᠡᠷᠲᠤ ᠵᠤᠷᠢᠭᠤᠯᠤᠭ᠍ᠰᠠᠨ ᠪᠢᠰᠢ᠃ ᠶᠠᠮᠠᠷᠪᠠ ᠮᠠᠯ ᠠᠳᠤᠭᠤᠰᠤ ᠬᠤᠳᠳᠤᠭ ᠲᠡᠭᠡᠷᠡ ᠴᠢᠨᠢ ᠨᠢᠬᠡ ᠯᠡ ᠤᠳᠠᠭᠠ ᠤᠤᠭᠤᠭ᠍ᠰᠠᠨ ᠪᠤᠯ ᠲᠠᠬᠢᠭᠠᠳ ᠰᠠᠯᠤᠨᠠ ᠭᠡᠵᠤ ᠰᠠᠨᠠᠬᠤᠶ᠋ᠢᠨ ᠵᠤᠪᠠᠯᠠᠩ᠃ ᠢᠷᠡᠬᠦ᠌ ᠢᠷᠡᠬᠦ᠌ᠳᠡᠭᠡᠨ ᠨᠡᠯᠢᠶᠡᠳ ᠭᠡᠳᠦ᠍ᠶ᠋ᠢ ᠡᠯᠰᠡᠭᠡᠳ ᠢᠷᠡᠨᠡ᠃ ᠪᠢᠳᠠ ᠡᠳᠦᠷᠤᠨ ᠲᠤᠷᠰᠢ ᠬᠤᠪᠤᠭᠤ ᠠᠮᠠᠷᠠᠭᠠᠬᠤ ᠦᠭᠡᠢ ᠤᠰᠤ ᠲᠠᠳᠠᠨᠠ᠃ 《ᠬᠠᠳᠠᠭ᠍ᠰᠠᠨ ᠴᠠᠩᠭᠠᠭ᠍ᠰᠠᠨ ᠠᠮᠢᠳᠠᠨᠤ ᠭᠤᠤᠯᠢ ᠲᠡᠪᠳᠦᠭᠡᠵᠦ᠍ ᠪᠤᠶᠠᠨ ᠦᠢᠯᠡᠳᠦᠯᠡ！》 ᠭᠡᠵᠤ ᠪᠤᠳᠤᠬᠤᠨᠢ ᠴᠦ᠍ ᠦᠭᠡᠢ᠃ ᠵᠦᠪᠭᠡᠨ 《ᠪᠢᠳᠠᠨᠤ ᠬᠢᠬᠦ᠌ ᠶᠤᠰᠤᠳᠠᠢ ᠠᠵᠢᠯ》 ᠭᠡᠵᠤ ᠲᠤᠭᠠᠴᠠᠭᠠᠯᠠᠨᠠ᠃ ᠠᠪᠤ ᠮᠢᠨᠢ ᠴᠦ᠍ ᠲᠡᠢᠮᠦ᠍ ᠯᠡ ᠦᠵᠡᠯ ᠪᠤᠳᠤᠯᠢᠶᠠᠷ ᠬᠡᠦᠬᠡᠳᠢᠶᠠᠨ ᠬᠦᠮᠦᠵᠢᠬᠦᠯᠳᠡᠭ᠃
ᠬᠠᠷᠢᠭᠤᠯᠤᠭ᠍ᠰᠠᠨ ᠮᠠᠯ ᠬᠠᠮᠢᠭᠠ ᠶᠠᠪᠤᠪᠠᠯ ᠡᠵᠡᠨᠨᠢ ᠲᠡᠨᠳᠡ ᠤᠴᠢᠨᠠ᠃ ᠮᠠᠨᠤᠬᠢᠪᠠᠷ ᠠᠳᠤᠭᠤ ᠮᠠᠯᠤᠨ ᠡᠷᠢᠯᠴᠢᠳ ᠲᠠᠰᠤᠷᠠᠬᠤ ᠦᠭᠡᠢ᠃ ᠵᠢᠩ ᠦᠳᠡᠶ᠋ᠢᠨ ᠬᠠᠯᠠᠭᠤᠨᠳᠤ ᠭᠠᠳᠠᠭᠠ ᠴᠠᠢ ᠴᠢᠨᠠᠬᠤ ᠬᠡᠴᠡᠬᠦᠦ᠃ ᠡᠷᠢᠯᠴᠢᠳ ᠪᠤᠷᠴᠠ ᠬᠦᠰᠭᠦᠯᠡᠨ ᠲᠠᠪᠠᠳᠠᠢ ᠴᠠᠢᠯᠠᠵᠤ᠂ ᠪᠢᠱᠢᠬᠦᠢ ᠠᠷᠪᠢᠨ ᠬᠦᠭ᠌ᠳᠡᠢ ᠱᠤᠮᠳᠠᠢ ᠶᠠᠭᠤᠮᠠ ᠶᠠᠷᠢᠵᠤ ᠬᠦᠭᠡᠷᠦᠯᠳᠦᠨᠡ᠃ ᠲᠡᠳᠡᠭᠡᠷ ᠶᠠᠷᠢᠶᠠ ᠬᠦᠭᠡᠷᠦᠭᠡᠨᠢ ᠬᠤᠵᠢᠮᠤᠨ ᠮᠢᠨᠦ᠍ ᠪᠠᠭᠠ ᠰᠠᠭᠠ ᠶᠠᠭᠤᠮᠠ ᠪᠢᠴᠢᠵᠦ᠍ ᠤᠷᠤᠯᠳᠤᠬᠤᠳᠤ ᠴᠢᠮᠠᠯᠠᠰᠢ ᠦᠭᠡᠢ ᠦᠨᠡ ᠪᠡᠨᠡᠲᠠᠢ ᠦᠪ ᠰᠤᠶᠤᠯᠤᠨ ᠦᠭᠭᠦᠭᠡᠵᠢ ᠪᠤᠶᠠᠨ ᠪᠤᠯᠤᠭ᠍ᠰᠠᠨ ᠳ᠋ᠠ᠃
ᠮᠠᠨᠤ ᠬᠤᠳᠳᠤᠭ ᠬᠦᠢᠬᠡᠨ᠃ ᠡᠪᠦᠯᠤᠨ ᠲᠤᠮᠳᠠ ᠰᠠᠷᠠ ᠭᠠᠷᠤᠮᠠᠭ᠍ᠴᠠ ᠮᠦᠰᠦ ᠴᠤᠭᠤᠯᠬᠤ ᠶᠠᠷᠰᠢᠭᠲᠠᠢ ᠠᠵᠢᠯ ᠡᠬᠢᠯᠡᠨᠡ᠃ ᠬᠦᠭᠡᠭᠡ ᠡᠪᠦᠯᠤᠨ ᠬᠦᠢᠳᠡᠨ ᠵᠢᠪᠠᠷᠲᠤ ᠬᠠᠴᠠᠷᠢᠶᠠᠨ ᠬᠠᠭᠠᠷᠢᠭᠤᠯᠤᠨ᠂ ᠬᠦᠨᠳᠦ ᠲᠠᠮᠦᠷ ᠴᠡᠷᠢᠯᠢᠶᠠᠷ ᠬᠤᠳᠳᠤᠭᠤᠨ ᠢᠷᠤᠭᠠᠷᠲᠤ ᠤᠪᠤᠢᠨ ᠬᠦᠯᠳᠡᠭ᠌ᠰᠡᠨ ᠮᠦᠰᠦᠶ᠋ᠢ ᠴᠤᠭᠤᠯᠵᠤ᠂ ᠪᠤᠷᠭᠠᠰᠤᠨ ᠬᠦᠷᠦᠮᠡᠯ ᠰᠠᠭ᠍ᠰᠤᠪᠠᠷ ᠮᠦᠰᠦ ᠱᠢᠬᠦᠵᠦ᠍ ᠬᠠᠶᠠᠬᠤ ᠲᠡᠢᠮᠦ᠍ ᠴᠦ᠍ ᠬᠢᠯᠪᠠᠷ ᠠᠵᠢᠯ ᠪᠢᠰᠢ ᠡ！
ᠨᠢᠬᠡ ᠡᠳᠦᠷ ᠪᠢ ᠠᠪᠤᠶ᠋ᠢ ᠲᠠᠭᠠᠵᠤ ᠬᠤᠳᠳᠤᠭᠤᠨ ᠮᠦᠰᠦ ᠴᠤᠭᠤᠯᠬᠤᠪᠠᠷ ᠨᠠᠷᠠ ᠪᠢᠳᠡᠬᠦᠦ ᠬᠦᠳᠡᠯᠪᠡ᠃ 《ᠨᠠᠷᠠ ᠦᠵᠡᠬᠦ᠌ᠠᠴᠠ ᠡᠮᠦᠨᠡ ᠮᠦᠰᠦ ᠠᠮᠠᠷᠬᠠᠨ ᠬᠠᠭᠠᠷᠠᠳᠠᠭ》 ᠬᠡᠬᠦ᠌ ᠬᠡᠯᠡᠴᠡ ᠮᠠᠨᠤ ᠭᠡᠷ ᠪᠦᠯᠢᠶ᠋ᠢᠨ ᠪᠢᠴᠢᠭ᠌ᠳᠡᠭᠡ ᠦᠭᠡᠢ ᠬᠠᠤᠯᠢ᠃
ᠠᠪᠤ ᠶᠢᠰᠦᠶ᠋ᠢᠨ ᠬᠦᠢᠳᠡᠨᠳᠤ ᠭᠠᠳᠠᠭᠠ ᠬᠤᠨᠤᠭ᠍ᠰᠠᠨ ᠬᠦᠢᠳᠡᠨ ᠲᠡᠮᠦᠷ ᠴᠡᠷᠢᠯᠢ ᠲᠤᠭ᠍ᠳᠤᠢ ᠪᠡᠭᠡᠯᠡᠢᠶ᠋ᠢᠨ ᠠᠯᠢ ᠠᠯᠢᠶ᠋ᠢᠨᠢ ᠴᠦ᠍ ᠵᠡᠬᠦᠯ ᠦᠭᠡᠢ ᠱᠢᠭᠤᠳ ᠯᠠ ᠨᠢᠴᠦᠬᠦᠨ ᠭᠠᠷᠢᠶᠠᠷᠢᠶᠠᠨ ᠠᠳᠭᠤᠭᠠᠳ ᠲᠡᠭᠡᠷᠡ ᠭᠡᠭ᠌ᠴᠢᠨᠢ ᠡᠷᠬᠦᠨ ᠬᠤᠳᠳᠤᠭᠤᠨ ᠢᠷᠤᠭᠠᠷᠲᠠᠬᠢ ᠮᠦᠰᠦᠶ᠋ᠢ ᠦᠮᠦ᠍ ᠴᠦᠮᠦ᠍ ᠴᠤᠭᠤᠯᠬᠤᠨᠢ ᠲᠤᠩ ᠴᠦ᠍ ᠪᠠᠭ᠍ᠠᠷᠬᠠᠯᠳᠠᠢ᠃ ᠮᠦᠰᠦ ᠴᠤᠭᠤᠯᠬᠤ ᠨᠢ ᠲᠡᠢᠮᠦ᠍ ᠴᠦ᠍ ᠬᠦᠴᠢᠷ ᠠᠵᠢᠯ ᠪᠢᠰᠢ ᠱᠢᠬ ᠰᠠᠨᠠᠭ᠍ᠳᠠᠯᠠ᠃
《ᠠᠪᠤ ᠡ᠂ ᠪᠢ ᠴᠤᠭᠤᠯᠤᠶᠠ！》 ᠭᠡᠳ ᠴᠠᠷᠢᠯ ᠤᠷᠤᠭᠤ ᠤᠬᠤᠰᠭᠢᠨ ᠠᠳᠭᠤᠳᠠᠯᠠ ᠭᠠᠷᠤᠨ ᠠᠯᠠᠭᠠ ᠱᠢᠷᠬᠢᠪᠠ᠃ ᠠᠪᠤ ᠮᠢᠨᠦ᠍ ᠭᠠᠷᠢ ᠱᠢᠬᠦᠷᠦᠨ ᠠᠯᠠᠭᠠᠶ᠋ᠢ ᠮᠢᠨᠢ ᠲᠡᠯᠭᠡᠵᠦ᠍ ᠦᠵᠡᠭ᠌ᠰᠡᠨᠢᠶᠠᠨ 《ᠠᠯᠠᠭᠠᠨᠤ ᠬᠢᠨᠢ ᠠᠷᠠᠰᠤ ᠬᠠᠭᠤᠷᠠᠴᠢᠬᠠᠭᠠ ᠦᠭᠡᠢᠨᠢ ᠶᠠᠭᠠᠬᠢᠮᠠᠢ！ ᠦᠬᠢᠨ ᠬᠡᠦᠬᠡᠳᠢᠶᠠᠷ ᠡᠢᠮᠦ᠍ ᠴᠦ᠍ ᠠᠵᠢᠯ ᠬᠢᠯᠭᠡᠵᠦ᠍ ᠪᠠᠢᠬᠤ ᠭᠡᠵᠤ ᠳ᠋ᠠ》 ᠭᠡᠵᠤ ᠱᠢᠪᠡᠨᠡᠭᠡᠳ ᠲᠤᠮᠤ ᠠᠯᠠᠭᠠᠪᠠᠷᠢᠶᠠᠨ ᠭᠠᠷᠢ ᠮᠢᠨᠢ ᠪᠦᠯᠢᠶᠡᠴᠡᠬᠦᠯᠦᠨ ᠪᠦᠯᠢᠶᠡᠴᠡᠬᠦᠯᠦᠨ ᠦᠯᠢᠶᠡᠪᠡ᠃ ᠨᠢᠳᠦ᠍ᠪᠠᠷᠨᠢ ᠨᠢᠯᠪᠤᠰᠤ ᠲᠦᠬᠦᠷᠴᠡᠢ᠃ ᠡᠨᠡ ᠶᠠᠪᠤᠳᠠᠯᠠᠴᠠ ᠬᠤᠢᠰᠢ ᠠᠪᠤ ᠨᠠᠳᠠᠪᠠᠷ ᠬᠤᠳᠳᠤᠭᠤᠨ ᠮᠦᠰᠦ ᠴᠤᠭᠤᠯᠤᠭᠤᠯᠬᠤᠨᠢ ᠪᠠᠢᠳᠤᠭᠠᠢ ᠤᠰᠤ ᠲᠠᠮᠨᠠᠭᠤᠯᠬᠤᠶ᠋ᠢ ᠴᠦ᠍ ᠪᠤᠯᠢᠪᠠ᠃ ᠠᠪᠤ᠂ ᠠᠬᠠ ᠲᠡᠬᠦᠦ ᠨᠠᠷᠤᠨᠢᠶᠠᠨ ᠬᠠᠢᠷᠠ ᠬᠠᠯᠠᠮᠵᠢᠪᠠᠷ ᠪᠢ ᠴᠦ᠍ ᠶᠤᠰᠤᠳᠠᠢ ᠡᠷᠭᠡ ᠲᠠᠩᠬᠢ ᠦᠰᠦᠭ᠌ᠰᠡᠨ ᠶᠤᠮᠳᠠᠭ᠃ ᠬᠡᠵᠢᠶᠡ ᠬᠤᠢᠨᠠᠨᠢ ᠬᠦᠮᠦᠨᠤ ᠡᠭᠡᠨᠡᠷ᠂ ᠬᠡᠦᠬᠡᠳᠤᠨ ᠡᠵᠢ ᠪᠤᠯᠴᠢᠬᠠᠭ᠍ᠰᠠᠨ ᠪᠠᠢᠬᠤᠳᠤ᠂ ᠠᠪᠤ ᠮᠢᠨᠢ ᠦᠨᠦᠬᠢ ᠮᠦᠰᠦ ᠴᠤᠭᠤᠯᠤᠭ᠍ᠰᠠᠨ ᠶᠠᠪᠤᠳᠠᠯᠢ ᠲᠤᠷᠠᠰᠪᠠ᠃ 《ᠡᠵᠢ ᠴᠢᠨᠢ ᠪᠠᠢᠭ᠍ᠰᠠᠨ ᠪᠤᠯ ᠶᠠᠭᠠᠬᠢᠯᠠ ᠭᠡᠵᠤ ᠴᠢᠮᠡᠶ᠋ᠢ ᠲᠡᠢᠮᠦ᠍ ᠬᠦᠨᠳᠦ ᠠᠵᠢᠯᠳᠤ ᠤᠷᠤᠯᠴᠠᠭᠤᠯᠬᠤ ᠪᠤᠢ ᠳ᠋ᠠ᠃ ᠡᠷᠡ ᠬᠦᠮᠦᠨ ᠪᠦᠳᠦᠬᠦᠨ ᠪᠠᠷᠤᠭ᠃ ᠵᠢᠵᠢᠭ ᠰᠠᠵᠢᠭ ᠵᠦᠢᠯᠢ ᠠᠩᠬᠠᠷᠳᠠᠭ ᠦᠭᠡᠢ ᠪᠤᠯᠤᠭᠠᠳ ᠲᠡᠷᠡ ᠪᠢᠵᠡ᠃ ᠶᠡᠷᠦ᠍ᠨᠢ ᠠᠮᠢᠳᠤᠷᠠᠯᠳᠤ ᠠᠯᠳᠠᠵᠤ ᠤᠨᠤᠵᠤ ᠶᠠᠪᠤᠬᠤᠶ᠋ᠢ ᠠᠯᠢᠶ᠋ᠢᠨᠢ ᠲᠡᠷᠡ ᠭᠡᠬᠦ᠌ ᠪᠤᠢ！》ᠭᠡᠳ ᠰᠡᠬᠦᠷᠡᠰᠦ ᠠᠯᠳᠠᠯᠠ᠃
《ᠶᠠᠭᠠᠬᠢᠯᠠ ᠭᠡᠵᠤ ᠳ᠋ᠠ！ ᠮᠠᠨᠤ ᠲᠠᠪᠤᠭᠤᠯᠠ ᠢᠳᠡᠵᠦ᠍ ᠤᠤᠭᠤᠬᠤ᠂ ᠡᠮᠦᠰᠴᠦ᠍ ᠵᠡᠬᠦᠬᠦ᠂ ᠨᠠᠭᠠᠳᠴᠤ᠌ ᠲᠤᠭ᠍ᠯᠠᠬᠤ᠂ ᠰᠤᠷᠭᠠᠭᠤᠯᠢ ᠰᠤᠶᠤᠯᠤᠨ ᠮᠦᠷ ᠬᠦᠭᠡᠭᠡᠬᠦ᠌ ᠁ ᠭᠡᠳ ᠠᠯᠢ ᠴᠦ᠍ ᠲᠠᠯᠠᠪᠠᠷᠢᠶᠠᠨ ᠦᠷᠦᠭᠡᠯᠤᠨ ᠬᠡᠦᠬᠡᠳᠤᠳᠲᠠᠢ ᠡᠩ ᠰᠠᠴᠠᠭᠤ ᠦᠰᠦᠭ᠌ᠰᠡᠨ᠃ ᠲᠡᠨᠤᠪᠠᠨ ᠬᠠᠢᠷᠠ ᠡᠨᠡᠷᠢᠯ᠂ ᠬᠠᠷᠢᠭᠤᠴᠠᠯᠭᠠ ᠴᠢᠷᠮᠠᠢᠯᠭᠠ᠂ ᠢᠳᠡᠭᠡᠯ ᠰᠡᠳᠭᠢᠯ᠂ ᠦᠮᠦᠭ ᠲᠦᠱᠢᠭᠤᠨ ᠪᠤᠶᠠᠨᠢᠶᠠᠷ ᠪᠢᠳᠠᠨᠤ ᠠᠯᠢ ᠠᠯᠢᠨᠢ ᠴᠦ᠍ ᠰᠠᠢᠬᠠᠨ ᠯᠠ ᠠᠮᠢᠳᠤᠷᠠᠵᠠᠭᠠᠵᠤ ᠪᠠᠢᠨᠠ᠃ ᠲᠠ ᠪᠤᠯ ᠶᠤᠰᠤᠳᠠᠢ ᠪᠢᠳᠡᠨᠤ ᠰᠡᠳᠭᠢᠯ ᠵᠢᠷᠦᠭᠡᠨᠳᠠᠬᠢ ᠮᠦᠩᠭᠡ ᠨᠤᠭᠤᠭᠠᠨ ᠨᠤᠶᠠᠨ ᠨᠢᠷᠤᠭᠤ ᠱᠢᠤ！》 ᠬᠡᠯᠡ᠃ 《ᠨᠤᠶᠠᠨ ᠨᠢᠷᠤᠭᠤ ᠪᠠᠢᠳᠠᠭᠨᠢ ᠴᠦ᠍ ᠶᠠᠭᠤ ᠪᠤᠢ！》 ᠭᠡᠳ ᠠᠪᠤ ᠮᠢᠨᠢ ᠢᠨᠢᠶᠡᠪᠡ᠃ ᠮᠠᠨᠤ ᠠᠪᠤ ᠭᠡᠵᠤ ᠡᠢᠮᠦ᠍ ᠯᠠ ᠠᠮᠤᠭᠤᠯᠠᠩ ᠲᠦᠪᠱᠢᠨ ᠪᠠᠶᠠᠰᠤᠩᠭᠤᠢ ᠤᠪᠤᠷᠲᠠᠢ ᠬᠦᠮᠦᠨ᠃
ᠦᠨᠦᠴᠢᠨ ᠬᠡᠳᠦᠨ ᠦᠷᠡᠶ᠋ᠢᠨᠢᠶᠠᠨ ᠲᠦᠯᠦᠭᠡ ᠦᠬᠡᠬᠦᠨ ᠡᠪᠦᠳᠦᠭᠢᠶᠠᠷᠢᠶᠠᠨ ᠮᠦᠯᠬᠦᠬᠦ᠌ᠨᠢ ᠬᠤᠯᠠ ᠦᠭᠡᠢ ᠠᠮᠢᠳᠤᠷᠠᠯᠲᠠᠢ ᠲᠤᠯᠤᠯᠳᠤᠵᠤ ᠶᠠᠪᠤᠭ᠍ᠰᠠᠨ ᠬᠦᠬᠡᠷᠦᠬᠦᠢ ᠠᠪᠤ ᠮᠢᠨᠢ ᠡᠳᠦᠭᠡ ᠨᠠᠶᠠᠨ ᠲᠦᠷᠪᠡᠨ ᠨᠠᠰᠤᠨᠤ ᠦᠨᠳᠦᠷ ᠰᠡᠩᠳᠡᠢ ᠲᠡᠭᠡᠷᠡ ᠦᠷᠡ ᠬᠡᠦᠬᠡᠳ᠂ ᠠᠴᠢ ᠵᠢᠭᠡ ᠨᠠᠷᠲᠠᠭᠠᠨ ᠦᠯᠢᠭᠡᠷ ᠲᠡᠦᠬᠡ ᠬᠠᠭᠤᠴᠢᠯᠠᠨ᠂ ᠪᠠᠷᠠ ᠰᠦᠷᠢᠶᠠᠨ ᠬᠠᠷᠠᠭᠤᠯᠵᠤ᠂ ᠦᠳᠡᠯᠦᠭᠡ ᠨᠠᠰᠤᠪᠠᠨ ᠪᠡᠶᠡ ᠲᠡᠩᠭᠡᠯᠡᠬᠦᠨ᠂ ᠰᠡᠳᠭᠢᠯ ᠬᠠᠩᠬᠣᠯᠣᠭᠣᠨ ᠵᠢᠷᠭᠠᠭᠠᠵᠤ ᠰᠠᠭᠤᠭᠠᠨᠢ ᠠᠱᠢᠳᠠᠢ᠃ ᠠᠪᠤᠶ᠋ᠢᠨ ᠪᠠᠷᠠ᠂ ᠰᠡᠳᠭᠢᠯᠤᠨ ᠲᠦᠱᠢᠭᠲᠠᠢ ᠪᠢᠳᠠᠨᠤ ᠠᠮᠢᠳᠤᠷᠠᠯ ᠪᠠᠶᠠᠷ ᠵᠢᠷᠭᠠᠯᠢᠶᠠᠷ ᠲᠦᠬᠦᠷᠡᠩ᠃
ᠠᠪᠤᠶ᠋ᠢᠨ ᠪᠠᠷᠠᠲᠠᠢ ᠠᠮᠢᠳᠤᠷᠠᠯ ᠭᠡᠵᠤ ᠡᠢᠮᠦ᠍ ᠯᠡ ᠰᠠᠢᠬᠠᠨ᠃