ᠳᠠᠭᠤᠯᠠᠳᠠᠭ ᠬᠦᠮᠦᠨ᠎ᠤ ᠰᠡᠳᠭᠢᠯ᠎ᠳᠤ ᠨᠠᠷᠠᠨ᠎ᠤ ᠭᠡᠷᠡᠯ᠎ᠲᠠᠢ

ᠪᠦᠬᠦᠰᠢ ᠦᠭᠡᠢ ᠨᠠᠷᠠᠨ᠎ᠤ ᠭᠡᠷᠡᠯ᠎ᠳᠤᠨᠢ

ᠪᠦᠬᠦᠢᠯᠡ ᠽᠠᠮᠪᠤᠯᠢᠩ ᠨᠠᠪᠳᠡ ᠲᠤᠩᠭᠠᠯᠠᠭ ᠭᠡᠷᠡᠯᠳᠦᠳᠡᠭ

ᠳᠠᠭᠤᠯᠠᠳᠠᠭ ᠬᠦᠮᠦᠨ᠎ᠤ ᠰᠡᠳᠭᠢᠯ᠎ᠳᠤ ᠰᠠᠷᠠᠨ᠎ᠤ ᠲᠤᠶᠠᠭ᠎ᠠ᠎ᠲᠠᠢ

ᠲᠤᠨᠤᠯᠵᠠᠨ ᠠᠰᠭᠠᠷᠠᠳᠠᠭ ᠰᠠᠷᠠᠨ᠎ᠤ ᠲᠤᠶᠠᠭ᠎ᠠ᠎ᠨᠢ

ᠲᠤᠳᠤ ᠮᠠᠩᠨᠠᠢ᠎ᠶ᠋ᠢᠨ ᠨᠢᠳᠦᠨ᠎ᠳᠤ ᠡᠭᠦᠷᠯᠡᠳᠡᠭ

ᠳᠠᠭᠤᠯᠠᠳᠠᠭ ᠬᠦᠮᠦᠨ᠎ᠤ ᠰᠡᠳᠭᠢᠯ᠎ᠳᠤ ᠤᠳᠤᠳ᠎ᠤᠨ ᠬᠢᠯᠪᠠᠭ᠎ᠠ᠎ᠲᠠᠢ

ᠤᠢᠰᠦᠨ᠎ᠳᠤ ᠱᠢᠬᠢᠳᠭᠡᠭ᠌ᠰᠡᠨ ᠤᠳᠤᠳ᠎ᠤᠨ ᠬᠢᠯᠪᠠᠭ᠎ᠠ᠎ᠨᠢ

ᠤᠷᠴᠢᠯᠠᠩ᠎ᠤᠨ ᠵᠠᠢ᠎ᠶ᠋ᠢ ᠬᠠᠪᠤᠳᠠᠭ

ᠳᠠᠭᠤᠯᠠᠳᠠᠭ ᠬᠦᠮᠦᠨ᠎ᠤ ᠰᠡᠳᠭᠢᠯ᠎ᠳᠤ ᠠᠭᠤᠯᠠᠰ᠎ᠤᠨ ᠵᠢᠪᠬᠤᠭ᠎ᠠ᠎ᠲᠠᠢ

ᠰᠦᠪᠡᠭᠡ᠎ᠪᠠᠨ ᠲᠤᠯᠤᠭ᠍ᠰᠠᠨ ᠠᠭᠤᠯᠠᠰ᠎ᠤᠨ ᠵᠢᠪᠬᠤᠭ᠎ᠠ᠎ᠨᠢ

ᠰᠦᠯᠳᠡ ᠲᠡᠭ᠌ᠷᠢ᠎ᠶ᠋ᠢᠨ ᠵᠢᠷᠤᠬᠠᠢ᠎ᠳᠤ ᠵᠤᠳᠤᠭ᠍ᠯᠠᠳᠠᠭ

ᠳᠠᠭᠤᠯᠠᠳᠠᠭ ᠬᠦᠮᠦᠨ᠎ᠤ ᠰᠡᠳᠭᠢᠯ᠎ᠳᠤ ᠤᠰᠤᠨ᠎ᠤ ᠳᠤᠯᠠᠭᠠᠨ᠎ᠲᠠᠢ

ᠤᠬᠠᠭᠠᠨ᠎ᠢ ᠤᠭ᠍ᠵᠢᠭ᠍ᠰᠠᠨ ᠤᠰᠤᠨ᠎ᠤ ᠳᠤᠯᠠᠭᠠᠨ᠎ᠨᠢ

ᠤᠳᠤᠮ᠎ᠤᠨ ᠴᠢᠰᠤᠨ᠎ᠳᠤ ᠨᠤᠳᠤᠭ᠍ᠯᠠᠳᠠᠭ

ᠳᠠᠭᠤᠯᠠᠳᠠᠭ ᠬᠦᠮᠦᠨ᠎ᠤ ᠰᠡᠳᠭᠢᠯ᠎ᠳᠤ ᠡᠳᠦᠷ᠎ᠤᠨ ᠦᠨᠳᠦᠷᠯᠢᠭ᠎ᠲᠠᠢ

ᠡᠮᠦᠨᠡᠰᠢ ᠨᠡᠭᠡᠭᠡᠭ᠌ᠳᠡᠭ᠌ᠰᠡᠨ ᠡᠳᠦᠷ᠎ᠤᠨ ᠦᠨᠳᠦᠷᠯᠢᠭ᠎ᠨᠢ

ᠡᠬᠡ ᠤᠷᠤᠨ᠎ᠤ ᠮᠠᠨᠳᠠᠯ᠎ᠳᠤ ᠠᠮᠢᠳᠤᠷᠠᠳᠠᠭ

ᠳᠠᠭᠤᠯᠠᠳᠠᠭ ᠬᠦᠮᠦᠨ᠎ᠤ ᠰᠡᠳᠭᠢᠯ᠎ᠳᠤ ᠰᠦᠨᠢ᠎ᠶ᠋ᠢᠨ ᠠᠮᠤᠭᠤᠯᠠᠩ᠎ᠲᠠᠢ

ᠲᠠᠢᠪᠤᠩ ᠵᠡᠭᠦᠳᠦ ᠳᠡᠷᠡᠯᠡᠭ᠌ᠰᠡᠨ ᠰᠦᠨᠢ᠎ᠶ᠋ᠢᠨ ᠠᠮᠤᠭᠤᠯᠠᠩ᠎ᠨᠢ

ᠲᠠᠪᠤᠨ ᠡᠷᠳᠡᠨᠢ᠎ᠶ᠋ᠢᠨ ᠠᠶᠠᠯᠭᠤᠨ᠎ᠳᠤ ᠲᠡᠯᠡᠷᠡᠳᠡᠭ

ᠳᠠᠭᠤᠯᠠᠳᠠᠭ ᠬᠦᠮᠦᠨ᠎ᠤ ᠰᠡᠳᠭᠢᠯ᠎ᠳᠤ ᠡᠪᠡᠰᠦᠨ᠎ᠤ ᠦᠵᠡᠰᠭᠦᠯᠡᠩ᠎ᠲᠠᠢ

ᠭᠠᠵᠠᠷ᠎ᠠᠴᠠ ᠤᠢᠷ᠎ᠠ ᠡᠪᠡᠰᠦᠨ᠎ᠤ ᠦᠵᠡᠰᠭᠦᠯᠡᠩ᠎ᠨᠢ

ᠭᠠᠯᠪᠠ᠎ᠶ᠋ᠢᠨ ᠠᠮᠢᠳᠠᠨ᠎ᠤ ᠦᠨᠳᠡᠭᠡ᠎ᠶ᠋ᠢ ᠬᠠᠷᠠᠮᠨᠠᠳᠠᠭ

ᠳᠠᠭᠤᠯᠠᠳᠠᠭ ᠬᠦᠮᠦᠨ᠎ᠤ ᠰᠡᠳᠭᠢᠯ᠎ᠳᠤ ᠨᠠᠪᠴᠢᠨ᠎ᠤ ᠬᠡ᠎ᠲᠠᠢ

ᠠᠯᠠᠭᠠᠨ᠎ᠤ ᠵᠢᠷᠤᠭᠠᠰᠤ ᠱᠢᠭ᠋ ᠨᠠᠪᠴᠢᠨ᠎ᠤ ᠬᠡ᠎ᠨᠢ

ᠠᠯᠳᠠᠩᠬᠠᠨ ᠵᠠᠶᠠᠭᠠᠨ᠎ᠤ ᠦᠷ᠎ᠢ ᠲᠠᠮᠤᠳᠠᠭ

ᠳᠠᠭᠤᠯᠠᠳᠠᠭ ᠬᠦᠮᠦᠨ᠎ᠤ ᠰᠡᠳᠭᠢᠯ᠎ᠳᠤ ᠪᠤᠷᠤᠭᠠᠨ᠎ᠤ ᠪᠤᠢᠯᠠᠭ᠎ᠠ᠎ᠲᠠᠢ

ᠪᠤᠳᠤᠭ ᠡᠮᠬᠦᠭ᠌ᠰᠡᠨ ᠪᠤᠷᠤᠭᠠᠨ᠎ᠤ ᠪᠤᠢᠯᠠᠭ᠎ᠠ᠎ᠨᠢ

ᠪᠤᠷᠬᠠᠨ᠎ᠤ ᠮᠡᠯᠮᠡᠢ᠎ᠠᠴᠠ ᠮᠡᠨᠳᠦᠯᠡᠳᠡᠭ

ᠳᠠᠭᠤᠯᠠᠳᠠᠭ ᠬᠦᠮᠦᠨ᠎ᠤ ᠰᠡᠳᠭᠢᠯ᠎ᠳᠤ ᠬᠠᠷ᠎ᠠ ᠱᠢᠷᠤᠢ᠎ᠶ᠋ᠢᠨ ᠦᠨᠦᠷ᠎ᠲᠠᠢ

ᠬᠠᠩᠬᠤᠯᠤᠮ᠎ᠠ ᠬᠠᠷ᠎ᠠ ᠱᠢᠷᠤᠢ᠎ᠶ᠋ᠢᠨ ᠦᠨᠦᠷ᠎ᠨᠢ

ᠬᠠᠨ ᠳᠡᠯᠡᠭᠡᠢ᠎ᠶ᠋ᠢᠨ ᠪᠤᠶᠠᠨ᠎ᠢ ᠤᠭ᠍ᠵᠢᠳᠠᠭ

ᠳᠠᠭᠤᠯᠠᠳᠠᠭ ᠬᠦᠮᠦᠨ᠎ᠤ ᠰᠡᠳᠭᠢᠯ᠎ᠳᠤ ᠨᠤᠲᠤᠭ᠎ᠤᠨ ᠱᠢᠷ᠎ᠠ ᠵᠠᠮ᠎ᠲᠠᠢ

ᠲᠤᠷᠠᠨ᠎ᠳᠤ ᠲᠤᠷᠤᠯᠵᠠᠬᠤ ᠨᠤᠲᠤᠭ᠎ᠤᠨ ᠱᠢᠷ᠎ᠠ ᠵᠠᠮ᠎ᠨᠢ

ᠲᠤᠷᠠᠯᠠᠬᠤ᠎ᠶ᠋ᠢᠨ ᠱᠢᠯᠲᠠᠭ ᠪᠤᠯᠳᠠᠭ

ᠳᠠᠭᠤᠯᠠᠳᠠᠭ ᠬᠦᠮᠦᠨ᠎ᠤ ᠰᠡᠳᠭᠢᠯ᠎ᠳᠤ ᠦᠷᠦᠮ᠎ᠡ᠎ᠶ᠋ᠢᠨ ᠱᠢᠷᠭᠠᠯ ᠰᠠᠯᠬᠢ᠎ᠲᠠᠢ

ᠬᠦᠭᠡᠮᠡᠢ᠎ᠶ᠋ᠢᠨ ᠡᠭᠡᠱᠢᠭ᠎ᠲᠠᠢ ᠰᠠᠯᠬᠢ᠎ᠨᠢ

ᠬᠥᠬᠡ ᠲᠠᠯ᠎ᠠ᠎ᠳᠠᠭᠠᠨ ᠬᠤᠨᠤᠳᠠᠭ

ᠳᠠᠭᠤᠯᠠᠳᠠᠭ ᠬᠦᠮᠦᠨ᠎ᠤ ᠰᠡᠳᠭᠢᠯ᠎ᠳᠤ ᠬᠠᠢᠷᠠᠯᠠᠵᠤ ᠬᠦᠢᠴᠡᠬᠦ᠌ ᠦᠭᠡᠢ ᠵᠢᠷᠦᠭᠡ᠎ᠲᠠᠢ

ᠦᠨᠦᠴᠢᠨ ᠤᠯᠠᠭᠠᠨ ᠵᠢᠷᠦᠭᠡ᠎ᠨᠢ

ᠦᠨᠡᠨ ᠰᠠᠢᠬᠠᠨ᠎ᠤ ᠵᠦᠭ ᠠᠮᠢᠰᠭᠤᠯᠯᠠᠳᠠᠭ

ᠳᠠᠭᠤᠯᠠᠳᠠᠭ ᠬᠦᠮᠦᠨ᠎ᠤ ᠰᠡᠳᠭᠢᠯ᠎ᠳᠤ ᠭᠠᠭ᠍ᠴᠠᠬᠠᠨ ᠪᠦᠮᠪᠦᠷᠴᠡᠭ᠎ᠲᠠᠢ

ᠠᠯᠠᠭᠠᠨ ᠳᠡᠭᠡᠷᠡᠬᠢ ᠭᠠᠭ᠍ᠴᠠᠬᠠᠨ ᠪᠦᠮᠪᠦᠷᠴᠡᠭ᠎ᠢᠶᠠᠨ

ᠠᠰᠠᠷᠠᠨ ᠭᠠᠮᠨᠠᠵᠤ ᠪᠠᠢᠳᠠᠭ ᠡ