ᠡᠪᠡᠰᠦ ᠤᠯᠠᠷᠢᠯ᠎ᠤᠨ ᠥᠩᠭᠡ ᠪᠣᠯᠵᠤ ᠬᠤᠪᠢᠯᠤᠨ

ᠨᠠᠮᠤᠷ᠎ᠤᠨ ᠰᠡᠷᠢᠭᠦᠨ᠎ᠳᠤ ᠨᠠᠪᠴᠢᠰ ᠣᠬᠢᠯᠠᠵᠤ

ᠨᠠᠭᠤᠷ᠎ᠢᠶᠠᠨ ᠡᠷᠢᠭ᠌ᠰᠡᠨ ᠱᠢᠪᠠᠭᠤᠳ

ᠵᠦᠭ᠎ᠢᠶᠠᠨ ᠣᠯᠬᠤ ᠦᠭᠡᠢ ᠨᠢᠰᠦᠯᠳᠦᠨ᠎ᠡ

ᠮᠡᠯᠡᠷᠡᠬᠦ᠌ ᠤᠳᠤᠳ᠎ᠤᠨ ᠠᠶᠠᠯᠭᠤᠨ᠎ᠳᠤ ᠴᠡᠴᠡᠭᠡᠰ ᠵᠤᠯᠭᠠᠷᠠᠨ

ᠮᠥᠷᠦᠭᠡᠳᠦᠯ ᠰᠡᠮᠡᠷᠡᠬᠦ᠌ ᠨᠠᠮᠤᠷ ᠡ ᠭᠡᠵᠦ᠍ ᠁

ᠪᠣᠳᠤᠯ ᠬᠤᠯᠠᠳᠠᠵᠤ ᠵᠠᠮᠬᠠᠷᠠᠨ᠎ᠠ

ᠱᠢᠷ᠎ᠠ ᠨᠠᠪᠴᠢ ᠦᠳᠦ ᠪᠣᠯᠵᠤ ᠬᠤᠪᠢᠯᠤᠨ

ᠰᠠᠯᠬᠢᠨ᠎ᠤ ᠠᠶᠠᠰ ᠬᠥᠭ᠌ᠯᠡᠬᠦ᠌᠎ᠳᠤ

ᠨᠢᠰᠴᠦ᠍ ᠴᠢᠳᠠᠬᠤ ᠦᠭᠡᠢ

ᠴᠣᠩᠬᠤᠨ ᠴᠠᠭᠠᠨᠠᠬᠢ ᠳᠤᠷᠠᠰᠤᠮᠵᠢ ᠪᠣᠯᠵᠤ ᠦᠯᠡᠳᠡᠨ᠎ᠡ

ᠮᠤᠳᠤᠳ ᠰᠠᠨᠠᠭ᠎ᠠ ᠠᠯᠳᠠᠨ᠎ᠠ

ᠮᠥᠷᠦᠭᠡᠳᠦᠯ ᠰᠡᠮᠡᠷᠡᠬᠦ᠌ ᠨᠠᠮᠤᠷ ᠡ ᠭᠡᠵᠦ᠍ ᠁

ᠪᠣᠷᠤᠭᠠᠨ ᠰᠢᠪᠡᠷᠡᠵᠦ ᠬᠤᠯᠠᠳᠠᠨ᠎ᠠ

ᠵᠡᠭᠦᠳᠦ ᠦᠯᠢᠭᠡᠷ ᠪᠣᠯᠵᠤ ᠬᠤᠪᠢᠯᠤᠨ

ᠮᠢᠩᠭᠠᠨ ᠠᠭᠤᠯᠠᠰ᠎ᠢ ᠰᠡᠷᠡᠭᠡᠵᠦ᠍

ᠪᠣᠯᠵᠤᠭᠠᠨ᠎ᠠᠴᠠ ᠪᠤᠴᠠᠭ᠍ᠰᠠᠨ ᠮᠠᠨᠠᠨ᠎ᠳᠤ ᠲᠥᠭᠡᠷᠢᠵᠤ ᠨᠡᠭᠦᠳᠡᠯᠯᠡᠨ᠎ᠡ

ᠰᠠᠷᠠ ᠱᠢᠩᠭᠡᠬᠦ᠌᠎ᠪᠠᠨ ᠮᠠᠷᠲᠠᠨ᠎ᠠ

ᠨᠠᠮᠤᠷ ᠨᠠᠮᠤᠷ᠎ᠤᠨ ᠡᠮᠨᠢᠭ ᠨᠡᠭᠦᠳᠡᠯ

ᠨᠢᠯᠪᠤᠰᠤ᠎ᠪᠠᠨ ᠤᠨᠠᠭᠠᠨ᠎ᠠ

ᠮᠥᠷᠦᠭᠡᠳᠦᠯ ᠰᠡᠮᠡᠷᠡᠬᠦ᠌ ᠨᠠᠮᠤᠷ ᠡ ᠭᠡᠵᠦ᠍ ᠁

ᠵᠢᠭᠡᠭᠦᠨ ᠵᠢᠪᠡᠷ ᠦᠷᠭᠦᠯᠵᠢᠯᠡᠨ᠎ᠡ

ᠮᠥᠴᠢᠷ ᠡᠭᠡᠱᠢᠭ ᠪᠣᠯᠵᠤ ᠬᠤᠪᠢᠯᠤᠨ

ᠬᠠᠭᠤᠴᠢᠨ ᠳᠠᠭᠤᠣ᠎ᠵᠢᠨ ᠨᠣᠲ ᠬᠥᠭ᠌ᠵᠢᠮᠳᠡᠬᠦ᠌᠎ᠳᠤ

ᠴᠢᠨ᠋ᠸ᠎ᠡ ᠨᠣᠢᠷ᠎ᠠᠴᠠ ᠪᠠᠨ ᠰᠡᠷᠡᠨ᠎ᠡ

ᠲᠠᠯ᠎ᠠ ᠡᠵᠡᠭᠦᠢᠷᠡᠨ᠎ᠡ

ᠨᠠᠮᠤᠷ᠎ᠤᠨ ᠰᠥᠨᠢ ᠱᠢᠯᠦᠭ᠎ᠲᠤ ᠳᠠᠬᠢᠵᠤ ᠲᠦᠷᠦᠨ᠎ᠡ

ᠮᠥᠷᠦᠭᠡᠳᠦᠯ ᠰᠡᠮᠡᠷᠡᠬᠦ᠌ ᠨᠠᠮᠤᠷ ᠡ ᠭᠡᠵᠦ᠍ ᠁

ᠡᠷᠬᠢᠮᠰᠦᠭ ᠦᠵᠡᠮᠵᠢ᠎ᠪᠠᠷ ᠭᠤᠶᠤᠨ᠎ᠠ