ᠣᠰᠣᠨᠤ ᠰᠢᠪᠠᠭᠣᠳ ᠪᠣᠴᠠᠵᠦ᠂ ᠣᠷᠲᠣᠶᠢᠨ ᠲᠠᠭᠣᠣ ᠰᠢᠬ ᠣᠶᠠᠩᠭᠠᠯᠠᠬᠰᠠᠨ ᠨᠠᠮᠣᠷᠤᠨ ᠡᠳᠦᠷᠤ᠋ᠤᠨ ᠦᠷᠬᠦᠯᠵᠢᠯᠡᠨᠡ᠃ 10 ᠰᠠᠷᠠ ᠵᠢᠨ 17 ᠤ᠋ ᠣᠷᠣᠢ᠂ ᠠᠷᠠᠳᠤᠨ ᠲᠠᠭᠣᠣ᠂ ᠠᠯᠲᠠᠷᠠᠢ ᠨᠠᠰᠣᠨᠤ ᠲᠣᠷᠠᠳᠬᠠᠯ ᠭᠡᠵᠦ ᠲᠣᠬᠲᠣᠯᠣᠨ ᠬᠦᠭᠰᠡᠭᠰᠡᠨ ᠬᠦᠮᠦᠰ ᠦᠪᠦᠷ ᠮᠣᠩᠭᠣᠯᠤᠨ ᠣᠷᠠᠯᠢᠬᠤᠨ ᠲᠡᠭᠡᠲᠦ ᠰᠣᠷᠭᠠᠭᠣᠯᠢᠶᠢᠨ ᠲᠣᠬᠯᠠᠯᠲᠠᠶᠢᠨ ᠲᠢᠩᠬᠢᠮ ᠵᠦᠭ ᠴᠣᠪᠣᠷᠠᠵᠠᠭᠠᠨᠠ᠃ ᠡᠨᠳᠡ ᠦᠪᠦᠷ ᠮᠣᠩᠭᠣᠯ ᠤ᠋ᠨ ᠣᠷᠠᠯᠢᠬ ᠤ᠋ᠨ ᠲᠡᠭᠡᠲᠦ ᠰᠣᠷᠭᠠᠭᠣᠯᠢ ᠡᠴᠡ ᠭᠣᠣᠯᠯᠠᠨ ᠡᠷᠬᠢᠯᠡᠵᠦ᠂ ᠦᠪᠦᠷ ᠮᠣᠩᠭᠣᠯ ᠤ᠋ᠨ ᠣᠷᠠᠯᠢᠬ ᠤ᠋ᠨ ᠲᠡᠭᠡᠲᠦ ᠰᠣᠷᠭᠠᠭᠣᠯᠢ ᠵᠢᠨ ᠲᠠᠭᠣᠣ ᠬᠦᠭᠵᠢᠮ ᠤ᠋ᠨ ᠲᠡᠭᠡᠲᠦ ᠰᠣᠷᠭᠠᠭᠣᠯᠢ ᠵᠡᠷᠭᠡ ᠨᠢᠭᠡᠴᠢ ᠡᠴᠡ ᠲᠠᠭᠠᠭᠠᠴᠢᠯᠠᠨ ᠡᠷᠬᠢᠯᠡᠭᠰᠡᠨ ᠳ᠋ᠣᠺᠲ᠋ᠣᠷ ᠪᠦᠷᠢᠨᠪᠠᠶᠠᠷ ᠤ᠋ᠨ 《ᠲᠠᠷᠬᠠᠨ ᠲᠠᠭᠣᠴᠢᠨ ᠴᠠᠭᠠᠨᠪᠠᠷᠰ ᠤ᠋ᠨ ᠰᠣᠲᠣᠯᠣᠯ》 ᠭᠡᠬᠦ ᠨᠤᠮ ᠢ᠋ ᠠᠩᠬᠠ ᠲᠠᠷᠬᠠᠭᠠᠬᠣ ᠶᠣᠰᠣᠯᠠᠯ ᠵᠢᠴᠢ ᠴᠠᠭᠠᠨᠪᠠᠷᠰ ᠤ᠋ᠨ ᠬᠡᠪ ᠨᠠᠮᠪᠠᠲᠦ ᠬᠣᠷᠴᠢᠨ ᠠᠷᠠᠳ ᠤ᠋ᠨ ᠲᠠᠭᠣᠣ ᠵᠢᠨ ᠦᠵᠡᠬᠦᠯᠭᠡ ᠵᠢᠨ ᠲᠣᠬᠯᠠᠯᠲᠠ ᠢᠲᠡ ᠬᠦᠭ ᠲᠠᠢ ᠶᠠᠪᠣᠬᠲᠠᠵᠦ ᠪᠠᠢᠯᠠ᠃
ᠨᠤᠮ ᠵᠢᠡᠨ ᠲᠠᠷᠬᠠᠭᠠᠬᠤ ᠶᠤᠰᠤᠯᠠᠯ ᠲᠡᠭᠡᠷᠠ ᠪᠦᠷᠢᠨᠪᠠᠶᠠᠷ （ᠵᠡᠬᠦᠨᠳᠡᠬᠢ） ᠠᠷᠠᠳᠤᠨ ᠲᠠᠭᠤᠤ ᠪᠡᠨ ᠡᠷᠬᠦᠪᠡ
ᠰᠣᠷᠪᠣᠯᠵᠢᠯᠠᠬᠴᠢ ᠶᠢᠰᠦᠨᠡ ᠰᠡᠬᠦᠳᠡᠷᠯᠡᠪᠡ
《ᠲᠠᠷᠬᠠᠨ ᠲᠠᠭᠣᠴᠢᠨ ᠴᠠᠭᠠᠨᠪᠠᠷᠰ ᠤ᠋ᠨ ᠰᠣᠲᠣᠯᠣᠯ》 ᠭᠡᠬᠦ ᠨᠣᠮ ᠪᠤᠯ ᠦᠪᠦᠷ ᠮᠣᠩᠭᠣᠯᠤᠨ ᠣᠷᠠᠯᠢᠬᠤᠨ ᠲᠡᠭᠡᠲᠦ ᠰᠣᠷᠭᠠᠭᠣᠯᠢᠶᠢᠨ ᠲᠡᠳ᠋ ᠫᠷᠣᠹᠸᠰᠰᠣᠷ᠂ ᠣᠷᠠᠯᠢᠬ ᠰᠣᠲᠣᠯᠣᠭᠠᠴᠢ᠂ ᠳ᠋ᠣᠺᠲ᠋ᠣᠷ ᠪᠦᠷᠢᠨᠪᠠᠶᠠᠷ ᠤ᠋ᠨ 10 ᠭᠠᠷᠣᠢ ᠵᠢᠯ ᠤ᠋ᠨ ᠰᠣᠷᠪᠣᠯᠵᠢᠯᠠᠭᠠ ᠪᠠ ᠪᠠᠢᠴᠠᠭᠠᠨ ᠰᠣᠲᠣᠯᠣᠯᠲᠠ ᠪᠡᠷ ᠲᠠᠮᠵᠢᠨ ᠪᠦᠲᠦᠭᠡᠭᠰᠡᠨ ᠡᠷᠳᠡᠮ ᠰᠢᠨᠵᠢᠯᠡᠭᠡᠨ ᠤ᠋ ᠪᠦᠲᠦᠭᠡᠯ ᠪᠣᠯᠬᠣ ᠪᠦᠭᠡᠳ ᠣᠯᠣᠰ ᠤ᠋ᠨ ᠲᠣᠲᠣᠭᠠᠲᠣ ᠳ᠋ᠦ ᠠᠩᠬᠠ ᠣᠲᠠᠭᠠ ᠲᠠᠷᠬᠠᠨ ᠲᠠᠭᠣᠴᠢᠨ ᠴᠠᠭᠠᠨᠪᠠᠷᠰ ᠤ᠋ᠨ ᠣᠷᠠᠯᠢᠬ ᠤ᠋ᠨ ᠠᠶᠠᠨ ᠢ᠋ ᠰᠢᠰᠲ᠋ᠸᠮ ᠲᠠᠢ ᠡᠮᠬᠢᠯᠡᠨ ᠲᠢᠭᠯᠡᠭᠰᠡᠨ ᠪᠦᠲᠦᠭᠡᠯ ᠪᠤᠯᠬᠣ ᠶᠣᠮ᠃ ᠨᠣᠮ ᠲᠠᠷᠬᠠᠭᠠᠬᠣ ᠶᠣᠰᠣᠯᠠᠯ ᠨᠢ ᠨᠣᠮᠤᠨ ᠲᠠᠷᠬᠠᠭᠠᠯᠲᠠ ᠪᠠ ᠠᠷᠠᠳ ᠤ᠋ᠨ ᠲᠠᠭᠣᠣ ᠵᠢᠨ ᠦᠵᠡᠬᠦᠯᠭᠡ ᠵᠢᠨ ᠲᠣᠬᠯᠠᠯᠲᠠ ᠵᠢ ᠣᠶᠠᠯᠲᠣᠭᠣᠯᠬᠣ ᠬᠡᠯᠪᠡᠷᠢ ᠪᠡᠷ ᠶᠠᠪᠣᠬᠲᠠᠵᠦ᠂ ᠪᠦᠷᠢᠨᠪᠠᠶᠠᠷ ᠡᠴᠡ ᠲᠠᠷᠬᠠᠨ ᠲᠠᠭᠣᠴᠢᠨ ᠴᠠᠭᠠᠨᠪᠠᠷᠰ ᠤ᠋ᠨ ᠲᠠᠭᠣᠯᠠᠬᠰᠠᠨ 《ᠨᠠᠨᠯᠢᠶᠠᠩ ᠲᠣᠷᠭᠠᠨ ᠣᠭᠣᠲᠠ》᠂ 《ᠳ᠋ᠠᠨᠠᠪᠠᠯ》᠂ 《ᠬᠠᠨ ᠰᠢᠦ ᠶᠢᠩ》᠂ 《ᠯᠦᠸᠸ ᠶᠠᠩ》᠂ 《ᠵᠠᠨᠠᠮᠠ》᠂ 《ᠪᠣᠣ ᠵᠢᠨ ᠬᠣᠸᠠ》᠂ 《ᠡᠯᠢᠭᠡᠨ ᠬᠠᠯᠢᠭᠣᠨ ᠭᠠᠯᠠᠭᠣ》 ᠵᠡᠷᠭᠡ ᠠᠮᠠ ᠲᠠᠮᠵᠢᠨ ᠣᠯᠠᠮᠵᠢᠯᠠᠬᠲᠠᠬᠰᠠᠨ 10 ᠲᠠᠭᠣᠣ ᠵᠢ ᠲᠠᠭᠣᠯᠠᠵᠦ ᠰᠣᠨᠢᠷᠬᠠᠭᠣᠯᠣᠬᠰᠡᠨ ᠪᠦᠭᠡᠳ ᠪᠠᠰᠠ ᠦᠪᠦᠷ ᠮᠣᠩᠭᠣᠯ ᠤ᠋ᠨ ᠨᠣᠮ ᠤ᠋ᠨ ᠰᠠᠩ᠂ ᠦᠪᠦᠷ ᠮᠣᠩᠭᠣᠯ ᠤ᠋ᠨ ᠨᠡᠢᠭᠡᠮ ᠤ᠋ᠨ ᠰᠢᠨᠵᠢᠯᠡᠬᠦ ᠣᠬᠠᠭᠠᠨ ᠤ᠋ ᠬᠦᠷᠢᠶᠡᠯᠡᠩ᠂ ᠦᠪᠦᠷ ᠮᠣᠩᠭᠣᠯ ᠤ᠋ᠨ ᠶᠡᠬᠡ ᠰᠣᠷᠭᠠᠭᠣᠯᠢ ᠵᠢᠨ ᠨᠣᠮ ᠤ᠋ᠨ ᠰᠠᠩ᠂ ᠦᠪᠦᠷ ᠮᠣᠩᠭᠣᠯ ᠤ᠋ᠨ ᠣᠳᠬᠠ ᠵᠣᠬᠢᠶᠠᠯ ᠤ᠋ᠨ ᠣᠷᠲᠣᠨ᠂ ᠦᠪᠦᠷ ᠮᠣᠩᠭᠣᠯ ᠤ᠋ᠨ ᠣᠷᠠᠯᠢᠬ ᠤ᠋ᠨ ᠲᠡᠭᠡᠲᠦ ᠰᠣᠷᠭᠠᠭᠣᠯᠢ ᠵᠢᠨ ᠨᠣᠮ ᠤ᠋ᠨ ᠰᠠᠩ᠂ ᠬᠦᠬᠡᠬᠣᠲᠠ ᠦᠨᠳᠦᠰᠦᠲᠡᠨ ᠤ᠋ ᠲᠡᠭᠡᠲᠦ ᠰᠣᠷᠭᠠᠭᠣᠯᠢ ᠵᠢᠨ ᠨᠣᠮ ᠤ᠋ᠨ ᠰᠠᠩ ᠳ᠋ᠦ 《ᠲᠠᠷᠬᠠᠨ ᠲᠠᠭᠣᠴᠢᠨ ᠴᠠᠭᠠᠨᠪᠠᠷᠰ ᠤ᠋ᠨ ᠰᠣᠲᠣᠯᠣᠯ》 ᠭᠡᠬᠦ ᠨᠣᠮ ᠶ᠋ᠢᠡᠨ ᠪᠡᠯᠡᠭᠯᠡᠭᠰᠡᠨ ᠪᠠᠢᠨᠠ᠃
ᠪᠦᠷᠢᠨᠪᠠᠶᠠᠷ ᠬᠢᠭᠡᠳ ᠲᠡᠭᠦᠨᠦ 《ᠲᠠᠷᠬᠠᠨ ᠲᠠᠭᠣᠴᠢᠨ ᠴᠠᠭᠠᠨᠪᠠᠷᠰ ᠤ᠋ᠨ ᠰᠣᠲᠣᠯᠣᠯ》
ᠠᠷᠠᠳᠤᠨ ᠲᠠᠭᠣᠣ ᠯᠣᠭᠠᠶᠢᠨ ᠪᠠᠷᠢᠯᠲᠣᠯᠭᠠ
ᠤᠨ ᠵᠢᠯᠤᠨ ᠲᠡᠷᠲᠡᠭᠡ ᠡᠴᠡ᠂ ᠣᠢ ᠲᠣᠷᠠᠳᠬᠠᠯᠤᠨ ᠬᠦᠨ ᠡᠴᠡ ᠨᠢᠭᠡᠨ ᠲᠠᠭᠣᠣ ᠣᠶᠠᠩᠭᠠᠷᠠᠨᠠ᠃ ᠠᠨᠢᠷᠲᠣᠨ ᠴᠢᠩᠨᠠᠪᠠᠰᠣ 《ᠠᠯᠲᠠᠨ ᠲᠠᠯᠠ ᠳ᠋ᠦ ᠨᠠᠷᠠ ᠲᠠᠢ ᠣᠷᠭᠣᠬᠰᠠᠨ ᠠᠷᠠᠳᠤᠨ ᠲᠠᠭᠣᠣ ᠮᠢᠨᠢ》 ᠴᠠᠢᠯᠭᠠᠨ ᠬᠠᠯᠠᠭᠣᠨ ᠢᠨᠢᠶᠡᠲᠦ ᠲᠠᠢ᠂ ᠴᠡᠩᠭᠡᠯ ᠪᠠᠶᠠᠷ ᠬᠣᠣᠰᠯᠠᠭᠣᠯᠵᠦ ᠴᠠᠭᠠᠨᠪᠠᠷᠰᠤᠨ ᠲᠠᠭᠣᠨ ᠬᠣᠭᠣᠯᠠᠢ ᠪᠡᠷ ᠣᠷᠣᠰᠣᠨ ᠬᠠᠩᠬᠢᠨᠠᠬᠣ ᠶᠣᠮ᠃ ᠲᠡᠷᠡ ᠲᠠᠭᠣᠣ ᠪᠣᠯᠣᠷ ᠰᠢᠬ ᠲᠣᠩᠭᠠᠯᠠᠬ ᠠᠭᠠᠳ ᠪᠣᠯᠠᠬᠤᠨ ᠣᠰᠣᠨ ᠮᠡᠲᠦ ᠡᠭᠡᠯᠢᠲᠡᠢ᠃ ᠣᠯᠠᠨ ᠲᠠᠬᠢᠨ ᠰᠣᠨᠣᠰᠣᠬᠰᠠᠨ ᠴᠦ᠍ ᠣᠢᠲᠣᠮᠠᠷ ᠦᠭᠡᠢ ᠭᠠᠢᠬᠠᠮᠠ᠃
ᠰᠦᠯᠵᠢᠶᠡ ᠰᠢᠯᠵᠢᠶᠡ ᠭᠡᠵᠦ ᠠᠯᠠᠭᠠ ᠮᠦᠷᠲᠡᠭᠡᠨ ᠭᠠᠷ ᠣᠲᠠᠰᠣ ᠭᠡᠬᠦ ᠭᠠᠢᠬᠠᠮᠰᠢᠬ ᠲᠠᠢ ᠵᠦᠢᠯᠤᠨ ᠪᠡᠷᠡᠶᠢ ᠨᠢ ᠬᠠᠷᠠᠬᠣ ᠡᠴᠡ ᠨᠡᠷᠡᠶᠢ ᠨᠢ ᠴᠦ᠍ ᠰᠣᠨᠣᠰᠴᠣ ᠦᠵᠡᠭᠡᠲᠦᠢ ᠪᠠᠢᠬᠰᠠᠨ ᠲᠡᠭᠡᠷᠡ ᠵᠠᠭᠣᠨᠤ ᠨᠠᠶᠠᠭᠠᠳ ᠤᠨᠤ ᠬᠦᠲᠡᠭᠡ ᠲᠣᠰᠬᠣᠨ ᠳ᠋ᠦ ᠬᠦᠭᠰᠢᠨ ᠵᠠᠯᠠᠭᠣ ᠬᠡᠦᠬᠡᠳ ᠪᠠᠭᠠᠴᠣᠳ ᠭᠡᠰᠡᠨ ᠦᠭᠡᠢ ᠡᠳᠦᠷ ᠪᠣᠯᠭᠠᠨ ᠲᠣᠬᠲᠠᠬᠰᠠᠨ ᠴᠠᠬ ᠲᠦ᠍ ᠭᠠᠷ ᠦᠵᠦᠬᠦᠷ ᠲᠡᠬᠢ ᠠᠯᠢ ᠪᠠᠢᠬᠰᠠᠨ ᠠᠵᠢᠯ ᠶ᠋ᠢᠡᠨ ᠬᠠᠶᠠᠵᠦ ᠷᠠᠳᠢᠣ᠋ ᠪᠣᠯᠢᠶᠠᠯᠲᠣᠨ᠂ ᠴᠠᠭᠠᠨᠪᠠᠷᠰᠤᠨ ᠲᠠᠭᠣᠯᠠᠬᠰᠠᠨ ᠠᠷᠠᠳᠤᠨ ᠲᠠᠭᠣᠣᠶᠢ ᠴᠢᠬᠢ ᠲᠠᠯᠪᠢᠨ ᠰᠣᠨᠣᠰᠲᠠᠬ ᠪᠠᠢᠯᠠ᠃ ᠲᠡᠷᠡ ᠦᠶᠡ ᠳ᠋ᠦ ᠴᠠᠭᠠᠨᠪᠠᠷᠰᠤᠨ ᠲᠠᠭᠣᠯᠠᠬᠰᠠᠨ ᠲᠠᠭᠣᠣ ᠨᠢ ᠬᠦᠮᠦᠰᠤᠨ ᠣᠶᠣᠨ ᠰᠠᠨᠠᠭᠠ ᠰᠣᠶᠣᠯᠤᠨ ᠠᠮᠢᠲᠣᠷᠠᠯᠤᠨ ᠲᠣᠲᠠᠬᠲᠠᠵᠦ ᠪᠣᠯᠣᠰᠢ ᠦᠭᠡᠢ ᠡᠯᠸᠮᠸᠨ᠋ᠲ ᠪᠣᠯᠵᠦ᠂ ᠦᠢ ᠣᠯᠠᠨ ᠮᠣᠩᠭᠣᠯ ᠰᠣᠨᠣᠰᠣᠬᠴᠢᠶᠢᠨ ᠲᠣᠮᠲᠠ ᠠᠷᠠᠳᠤᠨ ᠲᠠᠭᠣᠣᠶᠢᠨ ᠣᠢᠯ ᠲᠠᠪᠠᠯᠭᠠᠨ ᠡᠬᠦᠰᠭᠡᠵᠦ᠂ ᠨᠢᠭᠡᠨ ᠦᠶᠡ ᠬᠦᠮᠦᠰ 《ᠴᠠᠭᠠᠨᠪᠠᠷᠰ ᠲᠠᠢ ᠷᠠᠳᠢᠣ᠋ ᠠᠪᠣᠨᠠ》 ᠭᠡᠵᠦ ᠱᠣᠣᠬᠢᠯᠲᠣᠨ ᠲᠦᠷᠬᠢᠵᠦ ᠪᠠᠢᠬᠰᠠᠨ ᠭᠡᠲᠡᠭ᠃ ᠴᠠᠭᠠᠨᠪᠠᠷᠰᠤᠨ ᠲᠠᠭᠣᠣᠶᠢ ᠴᠢᠩᠨᠠᠵᠦ ᠦᠰᠦᠭᠰᠡᠨ ᠲᠡᠷᠡ ᠣᠯᠠᠨ ᠬᠦᠮᠦᠰᠤᠨ ᠲᠤᠳᠤᠷᠠ ᠬᠦᠲᠡᠭᠡᠶᠢᠨ ᠬᠦᠦ ᠪᠦᠷᠢᠨᠪᠠᠶᠠᠷ ᠴᠦ᠍ ᠪᠠᠬᠲᠠᠵᠦ᠂ ᠦᠪᠡᠷᠤᠨ ᠬᠢᠨᠢ ᠦᠭᠡ ᠪᠡᠷ ᠬᠡᠯᠡᠪᠡᠯ ᠴᠣᠬᠣᠮ《ᠦᠯᠦᠭᠡᠢ ᠲᠠᠢ ᠪᠠᠢᠬᠣ ᠳ᠋ᠠᠭᠠᠨ ᠪᠦᠪᠡᠢᠶᠢᠨ ᠲᠠᠭᠣᠣ ᠳ᠋ᠦ ᠪᠣᠢᠵᠢᠵᠦ᠂ ᠦᠰᠬᠦ ᠨᠠᠰᠣᠨ ᠳ᠋ᠠᠭᠠᠨ ᠴᠠᠭᠠᠨᠪᠠᠷᠰᠤᠨ ᠲᠠᠭᠣᠣᠶᠢ ᠰᠣᠨᠣᠰᠴᠦ ᠦᠰᠦᠭᠰᠡᠨ》 ᠪᠠᠢᠵᠠᠢ᠃ ᠠᠷᠠᠳᠤᠨ ᠲᠠᠭᠣᠣᠶᠢᠨ ᠣᠶᠠᠬᠠᠨ ᠪᠦᠪᠡᠢ ᠳ᠋ᠦ ᠣᠬᠠᠭᠠᠨ ᠲᠡᠯᠡᠵᠦ ᠦᠰᠦᠭᠰᠡᠨ ᠪᠦᠷᠢᠨᠪᠠᠶᠠᠷ ᠷᠠᠳᠢᠣ᠋ ᠴᠢᠩᠨᠠᠵᠦ ᠠᠷᠠᠳᠤᠨ ᠲᠠᠭᠣᠣ ᠭᠡᠵᠦ ᠲᠡᠷᠪᠡᠵᠦ ᠪᠠᠢᠬᠰᠠᠨ ᠡᠴᠡ ᠪᠠᠨ ᠠᠭᠠᠵᠢᠮ ᠶ᠋ᠢᠡᠷ ᠠᠶᠠ ᠡᠭᠡᠰᠢᠭᠢ ᠨᠢ ᠲᠠᠭᠠᠵᠦ ᠲᠠᠭᠣᠯᠠᠨ ᠰᠣᠷᠴᠣ᠂ ᠬᠡᠵᠢᠶᠡ ᠬᠣᠵᠢᠮ ᠨᠢ ᠪᠠᠰᠠ ᠠᠷᠠᠳᠤᠨ ᠲᠠᠭᠣᠣᠶᠢ ᠰᠣᠲᠣᠯᠵᠦ ᠰᠢᠨᠵᠢᠯᠡᠬᠦ ᠪᠤᠯᠤᠭᠰᠠᠨ ᠨᠢ ᠲᠡᠬᠦᠨᠤ ᠠᠷᠠᠳᠤᠨ ᠲᠠᠭᠤᠤ ᠲᠠᠢ ᠪᠠᠨ ᠴᠢᠰᠤ ᠮᠢᠬᠠᠨᠤ ᠬᠤᠯᠪᠤᠭᠠ ᠲᠠᠢ ᠵᠢᠨ ᠬᠢᠨᠢ ᠰᠤᠪᠢᠩ᠃
ᠦᠩᠭᠡᠷᠡᠭᠰᠡᠨ ᠡᠳᠦᠭᠡᠶᠢ ᠦᠬᠦᠯᠡᠬᠦ ᠵᠠᠭᠣᠷᠠ ᠣᠯᠠᠨ ᠣᠲᠣᠨ ᠵᠢᠷᠣᠪ ᠵᠠᠷᠣᠪ᠃ ᠡᠷᠳᠡᠮ ᠰᠣᠶᠣᠯᠤᠨ ᠮᠦᠷ ᠬᠦᠭᠡᠭᠡᠭᠰᠡᠨ ᠪᠦᠷᠢᠨᠪᠠᠶᠠᠷ ᠦᠪᠦᠷ ᠮᠣᠩᠭᠣᠯᠤᠨ ᠶᠡᠬᠡ ᠰᠣᠷᠭᠠᠭᠣᠯᠢᠶᠢᠨ ᠣᠷᠠᠯᠢᠬᠤᠨ ᠲᠡᠭᠡᠲᠦ ᠰᠣᠷᠭᠠᠭᠣᠯᠢ ᠡᠴᠡ ᠲᠡᠬᠦᠰᠴᠦ ᠰᠣᠷᠭᠠᠭᠣᠯᠢ ᠳ᠋ᠠᠭᠠᠨ ᠦᠯᠡᠲᠡᠨ ᠪᠠᠬᠰᠢᠯᠠᠬᠰᠠᠨ ᠪᠦᠭᠡᠳ ᠮᠣᠩᠭᠣᠯ ᠣᠯᠣᠰᠤᠨ ᠰᠣᠶᠣᠯ ᠣᠷᠠᠯᠢᠬᠤᠨ ᠶᠡᠬᠡ ᠰᠣᠷᠭᠠᠭᠣᠯᠢᠶᠢᠨ ᠲᠠᠭᠣᠣ ᠬᠦᠭᠵᠢᠮ ᠵᠦᠢ ᠶ᠋ᠢᠨ ᠮᠡᠷᠭᠡᠵᠢᠯ ᠶ᠋ᠢᠡᠷ ᠠᠰᠫᠢᠷᠠᠨᠲ ᠰᠣᠷᠣᠯᠴᠠᠵᠦ ᠮᠠᠰᠲ᠋ᠸᠷ ᠴᠣᠯᠠ ᠬᠠᠮᠠᠭᠠᠯᠠᠵᠦ᠂ ᠲᠠᠭᠣᠯᠠᠲᠠᠬ ᠪᠦᠷᠢᠨᠪᠠᠶᠠᠷ ᠡᠴᠡ ᠪᠠᠨ ᠬᠦᠭᠵᠢᠮᠲᠡᠲᠡᠭ᠂ ᠬᠣᠭᠣᠷᠲᠠᠲᠠᠬ ᠁ ᠭᠡᠬᠦᠴᠢᠯᠡᠨ ᠣᠨᠴᠠᠭᠠᠢ ᠠᠪᠢᠶᠠᠰ ᠲᠠᠢ ᠨᠢᠭᠡᠨ ᠪᠣᠯᠵᠠᠢ᠃ 2014 ᠤᠨ ᠡᠴᠡ ᠲᠡᠷᠡ ᠦᠪᠦᠷ ᠮᠣᠩᠭᠣᠯᠤᠨ ᠣᠲᠣᠨ ᠲᠸᠯᠸᠢᠰᠤᠨ 《ᠬᠠᠮᠲᠣ ᠳ᠋ᠠᠭᠠᠨ ᠲᠠᠭᠣᠯᠠᠶᠠ》 ᠫᠷᠦ᠍ᠭᠷᠡᠮᠤᠨ ᠣᠨᠴᠠ ᠣᠷᠢᠬᠰᠠᠨ ᠬᠢᠨᠠᠬᠴᠢ ᠪᠡᠷ ᠠᠵᠢᠯᠯᠠᠵᠦ 《ᠠᠷᠠᠳᠤᠨ ᠲᠠᠭᠣᠣᠶᠢᠨ ᠠᠮᠢᠲᠣ ᠲᠣᠯᠢ》 ᠭᠡᠵᠦ ᠴᠣᠯᠠᠯᠠᠬᠲᠠᠬᠰᠠᠨ ᠪᠠᠢᠨᠠ᠃ ᠡᠨᠡ ᠬᠣᠭᠣᠷᠣᠨᠲᠣ ᠲᠡᠷᠡ ᠪᠠᠰᠠ 《ᠮᠣᠩᠭᠣᠯ ᠦᠨᠳᠦᠰᠦᠲᠡᠨᠤ ᠣᠯᠠᠮᠵᠢᠯᠠᠯᠲᠣ ᠬᠦᠭᠵᠢᠮᠤᠨ ᠵᠢᠮᠰᠡᠭ》 ᠭᠡᠬᠦ ᠨᠣᠮ ᠬᠡᠪᠯᠡᠬᠦᠯᠵᠦ᠂ 2009 ᠤᠨ ᠳ᠋ᠦ 《ᠪᠦᠬᠦ ᠣᠯᠣᠰᠤᠨ ᠨᠠᠢ᠍ᠮᠠᠨ ᠮᠣᠵᠢ ᠣᠷᠣᠨᠤ ᠮᠣᠩᠭᠣᠯ ᠠᠷᠠᠳᠤᠨ ᠲᠠᠭᠣᠣᠶᠢᠨ ᠡᠷᠳᠡᠮ ᠰᠢᠨᠵᠢᠯᠡᠭᠡᠨᠤ ᠲᠠᠪᠴᠠᠩ》 ᠤ᠋ᠨ ᠮᠦᠩᠬᠦᠨ ᠮᠸᠳᠠᠯᠢ ᠬᠦᠷᠲᠡᠵᠦ᠂ ᠣᠯᠣᠰᠤᠨ ᠰᠣᠷᠭᠠᠨ ᠬᠦᠮᠦᠵᠢᠯᠤᠨ ᠶᠠᠮᠣᠨᠤ ᠲᠦᠰᠦᠯ ᠪᠣᠯᠬᠣ 《ᠬᠣᠷᠴᠢᠨ ᠲᠣᠣᠯᠢ ᠲᠠᠭᠣᠣᠶᠢᠨ ᠰᠣᠶᠣᠯᠤᠨ ᠠᠬᠣᠢᠶᠢᠨ ᠰᠣᠲᠣᠯᠣᠯ ᠵᠢᠴᠢ ᠰᠡᠷᠬᠦᠭᠡᠯᠲᠡ》᠂ ᠦᠪᠦᠷ ᠮᠣᠩᠭᠣᠯᠤᠨ ᠨᠡᠢᠭᠡᠮᠤᠨ ᠰᠢᠨᠵᠢᠯᠡᠬᠦ ᠣᠬᠠᠭᠠᠨᠤ ᠲᠦᠯᠦᠪᠯᠡᠭᠡᠶᠢᠨ ᠲᠦᠰᠦᠯ 《ᠦᠪᠦᠷ ᠮᠣᠩᠭᠣᠯᠤᠨ ᠮᠣᠩᠭᠣᠯ ᠦᠨᠳᠦᠰᠦᠲᠡᠨᠤ ᠬᠣᠪᠢᠰᠬᠠᠯᠲᠣ ᠠᠷᠠᠳᠤᠨ ᠲᠠᠭᠣᠣᠶᠢᠨ ᠵᠠᠭᠣᠨ ᠵᠢᠯᠤᠨ ᠬᠦᠭᠵᠢᠯᠲᠡᠶᠢᠨ ᠲᠡᠦᠬᠡᠶᠢᠨ ᠰᠣᠲᠣᠯᠣᠯ》 ᠵᠡᠷᠭᠡ ᠡᠷᠳᠡᠮ ᠰᠢᠨᠵᠢᠯᠡᠭᠡᠨᠤ ᠲᠦᠰᠦᠯᠢ ᠲᠠᠭᠠᠭᠠᠴᠢᠯᠠᠨ ᠬᠦᠢᠴᠡᠳᠭᠡᠵᠡᠢ᠃
ᠣᠷᠲᠣᠶᠢᠨ ᠲᠠᠭᠣᠣ ᠵᠢᠨ ᠣᠯᠣᠰᠤᠨ ᠲᠡᠰᠤᠨ ᠪᠤᠳᠠᠰᠤᠨ ᠪᠤᠰᠤ ᠰᠤᠶᠤᠯᠤᠨ ᠦᠪᠤᠨ ᠣᠯᠠᠮᠵᠢᠯᠠᠬᠴᠢ ᠮᠸᠳᠡᠭᠢ ᠰᠤᠷᠪᠤᠯᠵᠢᠯᠠᠪᠡ
ᠣᠴᠠᠷᠠᠯ ᠲᠠᠪᠢᠯᠠᠩ ᠭᠡᠵᠦ ᠶᠡᠬᠡ ᠬᠠᠴᠢᠨ ᠶᠣᠮ᠃ ᠠᠷᠠᠳᠤᠨ ᠲᠠᠭᠣᠣ ᠭᠡᠮᠡᠨ ᠬᠦᠭᠡᠷᠴᠦ ᠬᠦᠭᠰᠡᠵᠦ ᠪᠠᠢᠬᠰᠠᠨ ᠲᠡᠬᠦᠨ ᠳ᠋ᠦ ᠠᠷᠠᠳᠤᠨ ᠲᠠᠭᠣᠴᠢᠨᠢ ᠰᠣᠲᠣᠯᠬᠣ ᠵᠠᠪᠰᠢᠶᠠᠨ ᠣᠯᠲᠠᠵᠠᠢ᠃ ᠪᠦᠷᠢᠨᠪᠠᠶᠠᠷᠤᠨ ᠣᠷᠣᠯᠲᠣᠯᠭᠠ ᠵᠢᠳᠬᠦᠯᠢ ᠦᠨᠳᠦᠰᠦᠯᠡᠵᠦ ᠵᠢᠯᠣᠭᠣᠲᠣᠬᠴᠢ ᠪᠠᠬᠰᠢ ᠬᠦᠷᠡᠯᠱᠠ ᠡᠴᠡ ᠲᠡᠬᠦᠨᠤ ᠳ᠋ᠣᠺᠲ᠋ᠣᠷ ᠵᠡᠷᠭᠡ ᠬᠠᠮᠠᠭᠠᠯᠠᠬᠣ ᠰᠡᠳᠦᠪᠢ ᠨᠢ 《ᠲᠠᠷᠬᠠᠨ ᠲᠠᠭᠣᠴᠢᠨ ᠴᠠᠭᠠᠨᠪᠠᠷᠰᠤᠨ ᠰᠣᠲᠣᠯᠣᠯ》 ᠬᠡᠮᠡᠨ ᠲᠣᠬᠲᠠᠭᠠᠵᠣ᠂ ᠬᠣᠷᠴᠢᠨ ᠠᠷᠠᠳᠤᠨ ᠲᠠᠭᠣᠣᠶᠢᠨ ᠰᠣᠲᠣᠨ ᠲᠦᠯᠦᠭᠡᠯᠡᠭᠴᠢ ᠪᠣᠯᠬᠣ ᠲᠠᠷᠬᠠᠨ ᠲᠠᠭᠣᠴᠢᠨ ᠴᠠᠭᠠᠨᠪᠠᠷᠰᠢ ᠰᠣᠲᠣᠯᠬᠣ ᠪᠡᠷ ᠲᠠᠮᠵᠢᠨ ᠬᠣᠷᠴᠢᠨ ᠠᠷᠠᠳᠤᠨ ᠲᠠᠭᠣᠣᠶᠢᠨ ᠣᠯᠠᠮᠵᠢᠯᠠᠯ ᠵᠠᠯᠭᠠᠮᠵᠢᠯᠠᠯᠢ ᠬᠠᠷᠠᠭᠣᠯᠬᠣᠶᠢ ᠵᠣᠷᠢᠵᠠᠢ᠃ ᠶᠡᠷᠦ ᠨᠢ ᠴᠠᠭᠠᠨᠪᠠᠷᠰᠤᠨ ᠲᠠᠭᠣᠯᠠᠬᠰᠨᠨ ᠲᠠᠭᠣᠣᠶᠢ ᠴᠣᠬᠯᠠᠭᠣᠯᠵᠦ ᠡᠮᠬᠢᠳᠭᠡᠬᠦ ᠠᠵᠢᠯ ᠠᠯᠢ ᠡᠷᠳᠡ ᠡᠴᠡ ᠡᠬᠢᠯᠡᠭᠰᠡᠨ ᠪᠣᠯᠪᠠᠴᠣ ᠴᠠᠭᠠᠨᠪᠠᠷᠰᠤᠨ ᠲᠣᠬᠠᠢ ᠰᠢᠰᠲ᠋ᠸᠮᠲᠦ ᠰᠣᠲᠣᠯᠭᠠᠨ ᠬᠠᠷᠠᠬᠠᠨ ᠬᠣᠭᠣᠰᠣᠨ ᠪᠠᠢᠬᠰᠠᠭᠠᠷ᠃ 《ᠠᠯᠲᠠᠷᠲᠣ ᠠᠷᠠᠳᠤᠨ ᠣᠷᠠᠯᠢᠬᠴᠢᠨ᠂ ᠲᠠᠷᠬᠠᠨ ᠲᠠᠭᠣᠴᠢᠨ ᠴᠠᠭᠠᠨᠪᠠᠷᠰ ᠶ᠋ᠢᠡᠷ ᠰᠡᠳᠦᠪᠯᠡᠭᠰᠡᠨ ᠠᠩᠬᠠᠨᠤ ᠳ᠋ᠣᠺᠲ᠋ᠣᠷ ᠵᠡᠷᠭᠡ ᠬᠠᠮᠠᠭᠠᠯᠠᠬᠰᠠᠨ ᠦᠬᠦᠯᠡᠯ ᠪᠣᠯᠬᠣᠷ ᠨᠡᠭᠡᠭᠡᠯᠲᠡᠲᠦ ᠴᠢᠨᠠᠷ ᠲᠠᠢ᠂ ᠰᠢᠨᠡᠯᠢᠭ ᠰᠢᠨᠵᠢ ᠲᠠᠢ ᠪᠦᠲᠦᠭᠡᠯᠴᠢ ᠪᠦᠲᠦᠭᠡᠯ ᠪᠣᠯᠬᠣ ᠶᠣᠮ》 ᠭᠡᠰᠡᠨ ᠡᠷᠳᠡᠮᠲᠦ ᠪᠠᠬᠰᠢᠶᠢᠨ ᠬᠢᠨᠢ ᠢᠲᠡᠭᠡᠯ ᠨᠠᠢᠲᠠᠪᠣᠷᠢ ᠨᠢ ᠲᠡᠬᠦᠨᠤ ᠲᠠᠷᠬᠠᠨ ᠲᠠᠭᠣᠴᠢᠨ ᠴᠠᠭᠠᠨᠪᠠᠷᠰ ᠬᠢᠭᠡᠳ ᠠᠷᠠᠳᠤᠨ ᠲᠠᠭᠣᠣᠶᠢ ᠰᠣᠲᠣᠯᠵᠦ ᠰᠢᠨᠵᠢᠯᠡᠬᠦ ᠵᠣᠷᠢᠬᠢ ᠨᠢ ᠬᠦᠪᠴᠢᠯᠡᠭᠰᠡᠨ ᠪᠠᠢᠨᠠ᠃
ᠴᠠᠬ ᠦᠶᠡ ᠬᠣᠪᠢᠷᠠᠬᠰᠠᠨ ᠴᠦ᠍ ᠴᠠᠭᠠᠨᠪᠠᠷᠰᠤᠨ ᠲᠠᠭᠣᠣ ᠬᠣᠯᠠᠲᠠᠭᠠ ᠦᠭᠡᠢ᠃ ᠪᠦᠷᠢᠨᠪᠠᠶᠠᠷᠤᠨ ᠪᠦᠷᠢᠳᠭᠡᠵᠦ ᠰᠢᠨᠵᠢᠯᠡᠭᠰᠡᠨ ᠶ᠋ᠢᠡᠷ᠂ ᠲᠠᠷᠬᠠᠨ ᠲᠠᠭᠣᠴᠢᠨ ᠴᠠᠭᠠᠨᠪᠠᠷᠰᠤᠨ ᠲᠠᠭᠣᠯᠠᠵᠦ ᠦᠩᠭᠡᠷᠡᠭᠰᠡᠨ ᠲᠠᠭᠣᠣ ᠨᠢ 10 ᠶᠡᠬᠡ ᠲᠦᠷᠦᠯᠤᠨ 498 ᠲᠠᠭᠣᠣ ᠪᠠᠢᠲᠠᠬ ᠪᠦᠭᠡᠳ ᠡᠬᠦᠨᠤ ᠲᠣᠲᠣᠷᠠ ᠡᠴᠡ ᠪᠦᠷᠢᠨᠪᠠᠶᠠᠷᠤᠨ ᠲᠠᠭᠣᠯᠠᠵᠦ ᠴᠢᠲᠠᠲᠠᠬ ᠨᠢ 200 ᠭᠠᠷᠣᠢ ᠲᠠᠭᠣᠣ ᠪᠣᠢ᠃ ᠲᠡᠬᠦᠨᠤ ᠠᠷᠪᠠ ᠭᠠᠷᠣᠢ ᠵᠢᠯᠤᠨ ᠣᠷᠣᠯᠲᠣᠯᠭᠠ ᠴᠢᠷᠮᠠᠢᠯᠭᠠ ᠪᠡᠷ ᠪᠦᠲᠦᠭᠡᠭᠰᠡᠨ 《ᠲᠠᠷᠬᠠᠨ ᠲᠠᠭᠣᠴᠢᠨ ᠴᠠᠭᠠᠨᠪᠠᠷᠰᠤᠨ ᠰᠣᠲᠣᠯᠣᠯ》 ᠭᠡᠬᠦ ᠨᠣᠮ ᠦᠨᠦᠲᠦᠷ ᠣᠩᠰᠢᠬᠴᠢ ᠲᠦᠮᠡᠨᠤ ᠲᠣᠯᠠᠭᠠᠨ ᠮᠡᠯᠮᠡᠢ ᠳ᠋ᠦ ᠲᠤᠰᠴᠤ᠂ ᠬᠠᠯᠠᠭᠤᠨ ᠠᠯᠠᠭᠠᠨ ᠳ᠋ᠦ ᠲᠡᠯᠭᠡᠭᠳᠡᠭᠰᠡᠨ ᠪᠠᠢᠨᠠ᠃
ᠠᠷᠠᠳᠤᠨ ᠲᠠᠭᠤᠤ ᠵᠢ ᠠᠩᠬᠠ ᠴᠤᠬᠯᠠᠭᠤᠯᠵᠦ ᠡᠮᠬᠢᠳᠭᠡᠭᠰᠡᠨ ᠦᠯᠵᠡᠢᠰᠠᠡᠭᠪᠠᠬᠰᠢᠶᠢ ᠰᠤᠷᠪᠤᠯᠵᠢᠯᠠᠪᠡ
《ᠲᠠᠷᠬᠠᠨ ᠲᠠᠭᠣᠴᠢᠨ ᠴᠠᠭᠠᠨᠪᠠᠷᠰᠤᠨ ᠰᠣᠲᠣᠯᠣᠯ》
ᠵᠠᠷᠢᠮ ᠡᠷᠲᠡᠮᠲᠡᠳ ᠬᠤᠭᠤᠷᠤᠨ ᠦᠯᠢᠭᠡᠷ᠂ ᠬᠤᠯᠪᠣᠭᠠ ᠪᠣᠯᠣᠨ ᠦᠯᠢᠭᠡᠷᠲᠦ ᠲᠠᠭᠤᠣᠶ᠋ᠢ 《ᠣᠢ᠌ᠷᠠ ᠣᠷᠴᠢᠨ ᠣᠲᠣ ᠦᠶᠡᠶ᠋ᠢᠨ ᠵᠡᠬᠦᠨ ᠣᠷᠣᠨᠤ ᠠᠷᠠᠳᠤᠨ ᠠᠮᠠᠨ ᠵᠣᠬᠢᠶᠠᠯᠳᠠᠬᠢ ᠭᠤᠷᠪᠠᠨ ᠣᠷᠬᠢᠯ 》 ᠭᠡᠵᠦ᠍ ᠦᠨᠡᠯᠡᠳᠡᠭ᠃ ᠦᠯᠢᠭᠡᠷᠲᠦ ᠲᠠᠭᠣᠣ ᠪᠣᠶᠣ ᠬᠣᠷᠴᠢᠨ ᠠᠷᠠᠳᠤᠨ ᠲᠠᠭᠣᠣᠶᠢ ᠦᠬᠦᠯᠡᠵᠦ ᠲᠡᠯᠭᠡᠬᠦ ᠳ᠋ᠦ ᠲᠠᠷᠬᠠᠨ ᠲᠠᠭᠣᠴᠢᠨ ᠴᠠᠭᠠᠨᠪᠠᠷᠰᠢ ᠲᠣᠷᠠᠳᠬᠣ ᠦᠭᠡᠢ ᠪᠠᠢᠵᠦ ᠦᠯᠦ ᠪᠣᠯᠣᠨᠠ᠃ ᠣᠴᠢᠷ ᠨᠢ ᠴᠠᠭᠠᠨᠪᠠᠷᠰ ᠪᠣᠯ ᠬᠣᠷᠴᠢᠨ ᠠᠷᠠᠳᠤᠨ ᠲᠠᠭᠣᠣᠶᠢᠨ ᠬᠣᠷᠢᠲᠣᠭᠠᠷ ᠵᠠᠭᠣᠨᠤ ᠣᠯᠠᠮᠵᠢᠯᠠᠯ ᠪᠣᠯᠣᠨ ᠬᠦᠭᠵᠢᠯᠲᠡ ᠳ᠋ᠦ ᠠᠰᠣᠷᠣ ᠶᠡᠬᠡ ᠵᠢᠳᠬᠦᠯ ᠦᠵᠡᠬᠦᠯᠦᠭᠰᠡᠨ ᠠᠯᠲᠠᠷᠲᠣ ᠲᠠᠭᠣᠴᠢᠨ ᠪᠦᠭᠡᠳ ᠠᠯᠣᠰ ᠬᠡᠲᠦᠶᠢᠨ ᠨᠦᠯᠦᠭᠡ ᠲᠣᠰᠬᠠᠯ ᠭᠠᠷᠭᠠᠬᠰᠠᠨ᠂ ᠴᠠᠬ ᠡᠷᠢᠨᠤ ᠴᠠᠮᠬᠠᠬ ᠬᠦᠰᠢᠶᠡ ᠪᠣᠯᠬᠣᠢᠴᠠ ᠲᠠᠭᠣᠴᠢᠨ ᠪᠣᠯᠬᠣ ᠶᠣᠮ᠃
ᠴᠠᠭᠠᠨᠪᠠᠷᠰᠤᠨ ᠲᠠᠷᠬᠠᠨ ᠲᠠᠭᠤᠴᠢᠨ ᠵᠢᠡᠷ ᠡᠷᠬᠦᠮᠵᠢᠯᠡᠭᠳᠡᠭᠰᠡᠨ ᠦᠨᠠᠮᠯᠠᠯ
《ᠲᠠᠷᠬᠠᠨ ᠲᠠᠭᠣᠴᠢᠨ ᠴᠠᠭᠠᠨᠪᠠᠷᠰᠤᠨ ᠰᠣᠲᠣᠯᠣᠯ》 ᠭᠡᠬᠦ ᠨᠣᠮ ᠪᠣᠯ ᠲᠠᠷᠬᠠᠨ ᠲᠠᠭᠣᠴᠢᠨᠤ ᠲᠠᠭᠣᠣ ᠰᠢᠬ ᠲᠣᠮᠣᠬ ᠰᠢᠬ ᠨᠢᠭᠡ ᠨᠠᠰᠣᠨᠤ ᠠᠮᠢᠲᠣᠷᠠᠯᠤᠨ ᠬᠦᠰᠢᠶᠠ᠂ ᠠᠷᠠᠳᠤᠨ ᠲᠠᠭᠣᠴᠢᠨᠤ ᠠᠪᠢᠶᠠᠰᠯᠢᠬ ᠣᠷᠠ ᠲᠡᠮ᠂ ᠣᠷᠠᠯᠢᠬᠤᠨ ᠬᠡᠪ ᠨᠠᠮᠪᠠᠶᠢᠨ ᠨᠠᠨᠳᠢᠨ ᠲᠣᠷᠠᠰᠬᠠᠯ ᠪᠣᠯᠬᠣ ᠶᠣᠮ᠃ ᠲᠣᠰ ᠨᠣᠮ ᠨᠢ ᠣᠲᠣᠷᠢᠳᠬᠠᠯ ᠪᠣᠯᠣᠨ ᠲᠠᠭᠠᠯᠲᠣᠭᠣᠯᠣᠯᠢ ᠪᠠᠬᠲᠠᠭᠠᠭᠠᠳ ᠨᠡᠢᠲᠡ ᠵᠢᠷᠭᠣᠭᠠᠨ ᠠᠭᠣᠯᠭᠠ ᠬᠣᠪᠢᠶᠠᠵᠦ᠂ ᠨᠢᠭᠡᠲᠦᠭᠡᠷ ᠪᠦᠯᠦᠭ ᠲᠦ᠍᠂ ᠴᠠᠭᠠᠨᠪᠠᠷᠰᠤᠨ ᠠᠮᠢᠲᠣᠷᠠᠯ᠂ ᠣᠷᠠᠯᠢᠬᠤᠨ ᠵᠠᠮᠢ ᠲᠡᠦᠬᠡᠴᠢᠯᠡᠨ ᠰᠣᠲᠣᠯᠵᠦ᠂ ᠦᠪᠦᠷ ᠮᠣᠩᠭᠣᠯᠤᠨ ᠦᠪᠡᠷᠲᠡᠭᠡᠨ ᠵᠠᠰᠠᠬᠣ ᠣᠷᠣᠨ ᠪᠠᠢᠭᠣᠯᠣᠬᠲᠠᠬᠰᠠᠨ ᠶ᠋ᠢᠡᠷ ᠬᠢᠯᠢ ᠵᠠᠭᠠᠬ ᠪᠣᠯᠭᠠᠵᠦ᠂ ᠦᠭᠡᠷᠡᠴᠢᠯᠡᠯᠲᠡ ᠨᠡᠭᠡᠭᠡᠯᠲᠡᠶᠢᠨ ᠲᠡᠦᠬᠡᠲᠦ ᠬᠣᠪᠢᠰᠣᠯ ᠶ᠋ᠢᠡᠷ ᠦᠶᠡᠴᠢᠯᠡᠵᠦ᠂ ᠲᠠᠷᠬᠠᠨ ᠲᠠᠭᠣᠴᠢᠨᠤ ᠦᠰᠴᠦ ᠪᠣᠢᠵᠢᠬᠰᠠᠨ ᠨᠡᠢᠭᠡᠮ ᠠᠬᠣᠢ᠂ ᠴᠠᠬ ᠣᠷᠴᠢᠨ ᠶ᠋ᠢᠡᠷ ᠦᠵᠡᠭᠲᠡᠯ ᠪᠣᠯᠭᠠᠨ ᠠᠷᠠᠳᠤᠨ ᠲᠠᠭᠣᠴᠢᠨ ᠪᠣᠯᠵᠦ ᠬᠦᠮᠦᠵᠢᠭᠰᠡᠨ᠂ ᠲᠠᠷᠬᠠᠨ ᠲᠠᠭᠣᠴᠢᠨ ᠬᠡᠮᠡᠨ ᠡᠷᠬᠦᠮᠵᠢᠯᠡᠭᠲᠡᠭᠰᠡᠨ ᠣᠷᠣᠯᠲᠣᠯᠭᠠ ᠣᠯᠣᠯᠲᠠᠶᠢᠨ ᠣᠯᠠ ᠮᠦᠷᠢ ᠲᠣᠲᠣᠷᠠᠭᠣᠯᠵᠠᠢ； ᠬᠣᠶᠠᠲᠣᠭᠠᠷ ᠪᠦᠯᠦᠭ ᠲᠦ᠍ ᠴᠠᠭᠠᠨᠪᠠᠷᠰᠤᠨ ᠲᠠᠭᠣᠯᠠᠬᠰᠠᠨ ᠲᠠᠭᠣᠣᠶᠢ ᠲᠦᠷᠦᠯᠵᠢᠬᠦᠯᠦᠨ ᠰᠣᠲᠣᠯᠵᠦ᠂ ᠲᠠᠭᠣᠯᠠᠬᠰᠠᠨ ᠲᠠᠭᠣᠣᠶᠢᠨ ᠠᠭᠣᠯᠭᠠ ᠬᠡᠯᠪᠡᠷᠢᠶᠢ ᠦᠨᠳᠦᠰᠦᠯᠡᠵᠦ ᠣᠷᠲᠣᠶᠢᠨ ᠲᠠᠭᠣᠣ᠂ ᠪᠣᠭᠣᠨᠢ ᠲᠠᠭᠣᠣ᠂ ᠦᠯᠢᠭᠡᠷᠲᠦ ᠲᠠᠭᠣᠣ ᠵᠡᠷᠭᠡ ᠭᠣᠷᠪᠠᠨ ᠲᠦᠷᠦᠯ᠂ ᠰᠡᠳᠦᠪ ᠠᠭᠣᠯᠭᠠ ᠪᠡᠷ ᠨᠢ 14 ᠵᠦᠢᠯ ᠳ᠋ᠦ ᠠᠩᠬᠢᠯᠠᠵᠦ᠂ ᠲᠠᠭᠣᠣᠶᠢᠨ ᠢᠷᠡᠯᠲᠡ᠂ ᠣᠨᠴᠠᠯᠢᠬ ᠪᠣᠯᠣᠨ ᠠᠶᠠ ᠨᠣᠲᠢ ᠨᠠᠷᠢᠯᠢᠬ ᠰᠣᠲᠣᠯᠣᠬᠰᠨᠨ ᠪᠠᠢᠨᠠ； ᠭᠣᠷᠪᠠᠲᠣᠭᠠᠷ ᠪᠦᠯᠦᠭ ᠲᠦ᠍᠂ ᠴᠠᠭᠠᠨᠪᠠᠷᠰᠤᠨ ᠲᠠᠭᠣᠣᠶᠢᠨ ᠠᠭᠣᠯᠭᠠ ᠬᠡᠯᠪᠡᠷᠢᠶᠢᠨ ᠣᠨᠴᠠᠯᠢᠬ ᠰᠢᠨᠵᠢ᠂ ᠠᠶᠠ ᠬᠦᠭᠵᠢᠮᠤᠨ ᠣᠨᠴᠠᠯᠢᠬ ᠰᠢᠨᠵᠢᠶᠢ ᠬᠦᠨᠵᠡᠭᠡᠢᠷᠡᠬᠦᠯᠦᠨ ᠰᠣᠲᠣᠯᠵᠦ᠂ ᠠᠮᠠᠨ ᠣᠯᠠᠮᠵᠢᠯᠠᠯᠲᠣ ᠪᠦᠭᠡᠳ ᠨᠣᠲᠣᠬ ᠣᠰᠣᠨᠤ ᠦᠨᠦᠷ ᠠᠮᠲᠠᠶᠢ ᠬᠠᠲᠠᠭᠠᠯᠠᠬᠰᠠᠨ᠂ ᠣᠯᠠᠨᠠ ᠲᠠᠭᠠᠯᠠᠬᠲᠠᠬᠰᠠᠨ ᠠᠷᠠᠳᠴᠢ ᠴᠢᠨᠠᠷ᠂ ᠠᠪᠣᠨ ᠲᠠᠭᠣᠯᠠᠬᠣ ᠪᠡᠯᠡᠨ ᠰᠢᠨᠵᠢ᠂ ᠣᠯᠠᠨ ᠡᠴᠡ ᠣᠨᠴᠠᠭᠠᠢᠷᠠᠬᠰᠠᠨ ᠣᠶᠠᠷᠠᠩᠭᠣᠢ ᠰᠠᠨᠠᠭᠠ᠂ ᠠᠮᠢᠲᠣᠷᠠᠯ ᠡᠴᠡ ᠡᠰᠢᠯᠡᠭᠰᠡᠨ ᠬᠦᠨ ᠣᠳᠬᠠ᠂ ᠠᠬᠣᠢ ᠡᠴᠡ ᠲᠠᠪᠠᠬᠰᠠᠨ ᠭᠣᠸᠠᠯᠢᠬ ᠰᠢᠨᠵᠢ᠂ ᠣᠯᠠᠨ ᠲᠠᠯᠠᠶᠢ ᠬᠠᠮᠣᠷᠣᠬᠰᠠᠨ ᠴᠢᠲᠠᠪᠣᠷᠢᠯᠢᠬ ᠰᠢᠨᠵᠢ ᠵᠡᠷᠭᠡ ᠣᠯᠠᠨ ᠶᠠᠩᠵᠣᠲᠦ ᠰᠢᠨᠵᠢᠶᠢ ᠲᠣᠲᠣᠷᠠᠭᠣᠯᠵᠦ᠂ ᠠᠶᠠ ᠡᠭᠡᠰᠢᠭᠤᠨ ᠪᠦᠲᠦᠴᠡ᠂ ᠠᠢᠵᠠᠮ ᠴᠣᠬᠢᠯᠭᠠᠶᠢᠨ ᠣᠨᠴᠠᠯᠢᠬ᠂ ᠬᠦᠭ ᠲᠣᠬᠲᠠᠯᠴᠠᠯᠤᠨ ᠰᠢᠨᠵᠢ᠂ ᠠᠶᠠ ᠰᠢᠯᠦᠭᠤᠨ ᠠᠪᠴᠠᠯᠲᠣᠯ ᠵᠡᠷᠭᠡ ᠠᠮᠠᠨ ᠣᠷᠠᠯᠢᠬᠤᠨ ᠪᠦᠲᠦᠴᠡ ᠣᠨᠴᠠᠯᠢᠬᠢ ᠵᠠᠲᠠᠯᠣᠨ ᠦᠬᠦᠯᠡᠵᠡᠢ； ᠲᠦᠷᠪᠡᠲᠦᠭᠡᠷ ᠪᠦᠯᠦᠭ ᠲᠦ᠍ ᠴᠠᠭᠠᠨᠪᠠᠷᠰᠤᠨ ᠲᠠᠭᠣᠯᠠᠬᠣ ᠣᠷᠠ ᠮᠡᠷᠭᠡᠰᠢᠯ ᠪᠣᠯᠣᠨ ᠣᠷᠠᠯᠢᠬᠤᠨ ᠬᠡᠪ ᠨᠠᠮᠪᠠᠶᠢ ᠣᠨᠣᠯᠵᠢᠭᠣᠯᠣᠨ ᠳ᠋ᠦᠩᠨᠡᠵᠦ᠂ ᠹᠢᠽᠢᠣᠯᠣᠬᠢᠶᠢᠨ ᠣᠬᠠᠭᠠᠨ᠂ ᠰᠡᠳᠬᠢᠴᠡ ᠵᠦᠢ᠂ ᠠᠮᠠᠨ ᠣᠯᠠᠮᠵᠢᠯᠠᠯᠤᠨ ᠣᠨᠣᠯ ᠵᠡᠷᠭᠡ ᠲᠠᠯᠠ ᠡᠴᠡ ᠣᠯᠠᠨ ᠬᠠᠷᠠᠭᠠᠰᠣ᠂ ᠣᠯᠠᠨ ᠲᠠᠪᠬᠣᠷᠭᠠ ᠡᠴᠡ ᠰᠢᠨᠵᠢᠯᠡᠵᠦ᠂ ᠴᠠᠭᠠᠨᠪᠠᠷᠰᠤᠨ ᠲᠠᠭᠣᠯᠠᠬᠣ ᠬᠡᠪ ᠨᠠᠮᠪᠠ ᠪᠣᠯ ᠰᠡᠲᠡᠯᠲᠡᠲᠦ ᠰᠢᠨᠵᠢ᠂ ᠲᠣᠬᠲᠠᠭᠣᠨ ᠰᠢᠨᠵᠢ᠂ ᠵᠢᠭᠲᠡ ᠰᠢᠨᠵᠢ᠂ ᠰᠢᠨᠡᠴᠢᠯᠡᠯ ᠰᠢᠨᠵᠢ ᠲᠠᠢ ᠭᠡᠵᠦ ᠬᠣᠷᠢᠶᠠᠩᠭᠣᠢᠯᠠᠬᠰᠠᠨ ᠪᠠᠢᠨᠠ᠃ ᠲᠡᠷᠡᠴᠢᠯᠡᠨ ᠨᠣᠮ ᠳ᠋ᠦ ᠪᠠᠰᠠ ᠴᠠᠭᠠᠨᠪᠠᠷᠰᠤᠨ ᠲᠠᠭᠣᠯᠠᠬᠰᠠᠨ ᠲᠠᠭᠣᠣᠶᠢᠨ ᠭᠠᠷᠴᠠᠬᠢ ᠬᠡᠯᠬᠢᠶᠡᠰᠦᠯᠡᠵᠦ᠂ ᠲᠠᠷᠬᠠᠨ ᠲᠠᠭᠣᠴᠢᠨᠢ ᠠᠮᠢᠲᠣ ᠰᠡᠷᠡᠬᠦᠨ ᠪᠠᠢᠬᠣ ᠳ᠋ᠣᠨᠢ ᠰᠣᠷᠪᠣᠯᠵᠢᠯᠠᠬᠰᠠᠨ ᠰᠣᠷᠪᠣᠯᠵᠢᠯᠠᠭᠠᠶᠢ ᠲᠠᠭᠠᠯᠲᠣᠭᠣᠯᠣᠨ ᠵᠢᠬᠰᠠᠭᠠᠬᠰᠠᠨ ᠨᠢ ᠮᠡᠲ᠋ᠸᠷᠢᠶᠠᠯ ᠬᠢᠭᠡᠳ ᠬᠡᠷᠡᠭᠯᠡᠭᠡᠨᠤ ᠦᠨᠡ ᠴᠡᠨᠠ ᠲᠠᠢ ᠪᠣᠯᠵᠠᠢ᠃
ᠴᠠᠭᠠᠨᠪᠠᠷᠰᠤᠨ ᠤᠳᠬᠤᠨ ᠱᠠᠪᠢ ᠯᠢᠦ ᠱᠢ ᠰᠠᠨ ᠲᠠᠢ ᠬᠠᠮᠲᠦ
ᠲᠠᠭᠣᠴᠢᠨᠢ ᠰᠣᠲᠣᠯᠬᠣ ᠳ᠋ᠦ ᠲᠠᠭᠣᠣᠠᠴᠠ ᠲᠣᠭᠤᠷᠢᠨ ᠭᠠᠷᠴᠦ᠍ ᠦᠯᠦ᠍ ᠪᠣᠯᠣᠨᠠ᠃ ᠴᠠᠭᠠᠨᠪᠠᠷᠰᠤᠨ ᠲᠠᠭᠣᠯᠠᠬᠰᠠᠨ ᠲᠠᠭᠣᠣ ᠪᠣᠯ ᠮᠣᠩᠭᠤᠯ ᠰᠣᠶᠣᠯ᠂ ᠢᠯᠠᠩᠭᠤᠶᠠ ᠬᠤᠷᠴᠢᠨ ᠠᠮᠠᠨ ᠰᠣᠶᠣᠯᠤᠨ ᠭᠡᠷᠡᠯᠲᠦ ᠰᠣᠪᠣᠳ ᠪᠣᠯᠬᠤ ᠶᠣᠮ᠃ ᠲᠠᠷᠬᠠᠨ ᠲᠠᠭᠣᠴᠢᠨᠤ ᠲᠠᠭᠣᠯᠠᠬᠰᠠᠨ ᠲᠠᠭᠣᠣᠶᠢ ᠡᠮᠬᠢᠳᠭᠡᠨ ᠴᠣᠬᠯᠠᠭᠣᠯᠬᠣᠶᠢᠨ ᠲᠦᠯᠦᠭᠡ ᠪᠦᠷᠢᠨᠪᠠᠶᠠᠷ ᠵᠡᠬᠦᠨᠰᠢ ᠬᠦᠬᠡᠷᠡᠨ ᠣᠨᠢᠶᠠᠷᠲᠣᠬᠰᠠᠨ ᠬᠦᠯᠦᠨ ᠪᠣᠢᠷ ᠡᠴᠡ ᠪᠠᠷᠠᠭᠣᠨᠰᠢ ᠦᠵᠦᠮᠦᠴᠢᠨ ᠰᠦᠨᠢᠳᠤᠨ ᠬᠠᠩᠭᠠᠢ ᠨᠢᠷᠣᠭᠣᠳ ᠵᠠᠯᠭᠠᠯᠲᠣᠬᠰᠠᠨ ᠰᠢᠯᠢᠶᠢᠨ ᠭᠣᠣᠯ ᠬᠦᠷᠲᠡᠯᠡ ᠰᠣᠷᠪᠣᠯᠵᠢᠯᠠᠨ ᠬᠡᠭᠡᠷᠡᠶᠢᠨ ᠰᠢᠨᠵᠢᠯᠡᠭᠡᠨ ᠬᠢᠵᠦ᠂ ᠠᠷᠠᠳᠤᠨ ᠲᠠᠭᠣᠣᠶᠢᠨ ᠡᠷᠢᠯ ᠶ᠋ᠢᠡᠷ ᠠᠯᠣᠰ ᠬᠣᠯᠠᠬᠢ ᠬᠢᠷᠢᠨ ᠯᠢᠶᠣᠣᠨᠢᠩ ᠬᠦᠷᠲᠡᠯᠡ ᠶᠠᠪᠣᠵᠦ ᠡᠯᠪᠡᠭ ᠪᠠᠶᠠᠯᠢᠬ ᠮᠠᠲ᠋ᠸᠷᠢᠶᠠᠯ ᠬᠣᠷᠠᠮᠲᠣᠭᠣᠯᠵᠠᠢ᠃ 《ᠡᠷᠢᠯᠢ ᠰᠣᠷᠠᠬ ᠶ᠋ᠢᠡᠷ᠂ ᠡᠷᠳᠡᠮᠢ ᠬᠢᠴᠢᠶᠡᠯ ᠶ᠋ᠢᠡᠷ》 ᠬᠡᠳᠡᠭᠴᠢᠯᠡᠨ ᠦᠪᠦᠷ ᠮᠣᠩᠭᠣᠯᠤᠨ ᠷᠠᠳᠢᠣ᠋ ᠬᠣᠷᠢᠶᠠ᠂ ᠲᠦᠩᠯᠢᠶᠣᠣ ᠬᠣᠲᠠᠶᠢᠨ ᠷᠠᠳᠢᠣ᠋ ᠬᠣᠷᠢᠶᠠ᠂ ᠬᠦᠯᠦᠨ ᠪᠣᠢᠷ ᠬᠣᠲᠠᠶᠢᠨ ᠷᠠᠳᠢᠣ᠋ ᠬᠣᠷᠢᠶᠠ᠂ ᠬᠢᠩᠭᠠᠨ ᠠᠢᠮᠠᠬᠤᠨ ᠷᠠᠳᠢᠣ᠋ ᠬᠣᠷᠢᠶᠠ᠂ ᠣᠯᠠᠭᠠᠨᠬᠠᠲᠠ ᠬᠣᠲᠠᠶᠢᠨ ᠷᠠᠳᠢᠣ᠋ ᠬᠣᠷᠢᠶᠠ᠂ ᠲᠦᠩᠯᠢᠶᠣᠣ ᠬᠣᠲᠠᠶᠢᠨ ᠬᠣᠷᠴᠢᠨ ᠵᠡᠬᠦᠨ ᠭᠠᠷᠣᠨ ᠲᠣᠮᠲᠠᠲᠣ ᠬᠣᠰᠢᠭᠣᠨᠤ ᠰᠣᠶᠣᠯᠤᠨ ᠭᠡᠷ ᠵᠡᠷᠭᠡᠶᠢ ᠲᠠᠮᠵᠢᠨ᠂ ᠲᠠᠷᠬᠠᠨ ᠲᠠᠭᠣᠴᠢᠨᠤ ᠬᠣᠶᠠᠷ ᠦᠬᠢᠨ ᠪᠣᠯᠣᠨ ᠭᠠᠷᠤᠨ ᠱᠠᠪᠢ ᠨᠠᠷᠢ ᠰᠣᠷᠪᠣᠯᠵᠢᠯᠠᠵᠦ᠂ ᠴᠠᠭᠠᠨᠪᠠᠷᠰᠤᠨ ᠲᠠᠭᠣᠣ ᠪᠡᠷ ᠴᠠᠬ ᠦᠶᠡᠶᠢᠨ ᠰᠣᠶᠣᠯᠤᠨ ᠭᠣᠣᠯ ᠣᠷᠣᠰᠬᠠᠯ ᠪᠣᠯᠭᠠᠵᠦ ᠪᠠᠢᠬᠰᠠᠨ ᠬᠣᠷᠢᠲᠣᠭᠠᠷ ᠵᠠᠭᠣᠨᠤ ᠲᠠᠯᠠ ᠨᠠᠶᠠᠭᠠᠳ ᠤᠨᠤ ᠬᠣᠷᠴᠢᠨ ᠨᠣᠲᠣᠬᠤᠨ ᠠᠷᠠᠳᠤᠨ ᠲᠠᠭᠣᠣ ᠬᠦᠭᠵᠢᠮᠤᠨ ᠰᠣᠶᠣᠯ ᠠᠮᠢᠲᠣᠷᠠᠯᠤᠨ ᠦᠨᠡᠨ ᠪᠠᠢᠲᠠᠯᠢ ᠵᠢᠷᠣᠬ ᠮᠡᠲᠦ ᠲᠡᠯᠭᠡᠨ ᠦᠵᠡᠬᠦᠯᠬᠦᠶᠢ ᠵᠣᠷᠢᠵᠠᠢ᠃ 2009 ᠤᠨᠤ 7 ᠰᠠᠷᠠ ᠳ᠋ᠦ᠂ ᠪᠦᠷᠢᠨᠪᠠᠶᠠᠷ ᠰᠢᠯᠢᠶᠢᠨ ᠭᠣᠣᠯ ᠠᠢᠮᠠᠬᠤᠨ ᠵᠡᠬᠦᠨ ᠦᠵᠦᠮᠦᠴᠢᠨ ᠬᠣᠰᠢᠭᠣᠨ ᠳ᠋ᠦ ᠬᠡᠭᠡᠷᠡᠶᠢᠨ ᠰᠢᠨᠵᠢᠯᠡᠭᠡᠨ ᠬᠢᠵᠦ ᠶᠠᠪᠣᠬᠣ ᠳ᠋ᠠᠭᠠᠨ ᠴᠠᠭᠠᠨᠪᠠᠷᠰᠤᠨ ᠲᠠᠭᠣᠯᠠᠬᠰᠠᠨ 《ᠡᠯᠢᠭᠡᠨ ᠬᠠᠯᠢᠭᠣᠨ ᠭᠠᠯᠠᠭᠣ》 ᠭᠡᠬᠦ ᠣᠷᠲᠣᠶᠢᠨ ᠲᠠᠭᠣᠣᠶᠢ ᠠᠵᠠ ᠪᠡᠷ ᠣᠯᠣᠬᠰᠠᠨ ᠪᠦᠭᠡᠳ ᠲᠡᠭᠡᠷᠡ ᠵᠠᠭᠣᠨᠤ ᠨᠠᠶᠠᠭᠠᠳ ᠤᠨ ᠳ᠋ᠦ ᠲᠠᠷᠬᠠᠨ ᠲᠠᠭᠣᠴᠢᠨ ᠮᠠᠨᠢ ᠵᠡᠬᠦᠨ ᠦᠵᠦᠮᠦᠴᠢᠨ ᠬᠣᠰᠢᠭᠣᠨ ᠳ᠋ᠦ ᠭᠣᠷᠪᠠᠨ ᠰᠠᠷᠠ ᠬᠢᠷᠢᠲᠡᠢ ᠲᠠᠭᠣᠣ ᠲᠠᠭᠣᠯᠠᠵᠦ ᠶᠠᠪᠣᠬᠰᠠᠨᠢ ᠮᠡᠳᠡᠭᠰᠡᠨ ᠠᠵᠢ᠃
ᠲᠠᠭᠣᠣ ᠮᠦᠩᠬᠡᠷᠡᠲᠡᠭ᠂ ᠲᠠᠭᠣᠣ ᠬᠦᠮᠦᠨᠤ ᠲᠦᠯᠦᠭᠡ ᠮᠦᠩᠬᠡᠷᠡᠲᠡᠭ᠃ 《ᠠᠷᠠᠳ ᠲᠦᠮᠡᠨᠤ ᠲᠡᠦᠬᠡᠶᠢ ᠬᠡᠨ ᠪᠢᠴᠢᠲᠡᠭ ᠪᠣᠢ？ ᠠᠷᠠᠳ ᠲᠦᠮᠡᠨ ᠦᠪᠡᠷ ᠶ᠋ᠢᠡᠨ ᠪᠢᠴᠢᠲᠡᠭ᠃ ᠶᠠᠭᠠᠬᠢᠵᠦ ᠪᠢᠴᠢᠲᠡᠭ ᠪᠣᠢ？ ᠭᠡᠪᠡᠯ ᠠᠷᠠᠳᠤᠨ ᠲᠠᠭᠣᠣ᠂ ᠦᠯᠢᠭᠡᠷ ᠬᠣᠯᠪᠣᠭᠠ᠂ ᠲᠣᠣᠯᠢ ᠵᠡᠷᠭᠡ ᠪᠡᠷ ᠪᠢᠴᠢᠭᠯᠡᠵᠦ ᠦᠯᠡᠲᠡᠭᠡᠲᠡᠭ》 ᠭᠡᠵᠦ ᠪᠦᠷᠢᠨᠪᠠᠶᠠᠷ ᠣᠴᠢᠷᠯᠠᠨᠠ᠃ ᠲᠡᠢᠮᠦ ᠡ᠂ ᠣᠬᠢᠯᠠᠵᠦ᠍ ᠣᠨᠠᠨ ᠲᠠᠭᠤᠯᠠᠵᠦ᠍ ᠶᠠᠪᠣᠬᠤ ᠬᠤᠷᠸᠠᠳᠤ ᠲᠠᠭᠤᠣ ᠪᠣᠯ ᠴᠡᠭᠡᠵᠢᠨᠠᠴᠠ ᠣᠨᠲᠣᠷᠣᠬ᠍ᠰᠠᠨ ᠠᠶᠠᠯᠭᠤ᠂ ᠴᠢᠬᠢᠨᠤ ᠢᠷᠠᠭᠤ ᠰᠣᠨᠣᠰᠭᠤᠯᠠᠩ ᠶᠣᠮᠰᠠᠨ᠃ ᠣᠶᠠᠩᠭᠠ ᠲᠠᠭᠤᠣᠶ᠋ᠢᠨ ᠮᠦᠷ ᠪᠠᠲᠠᠬᠠᠴᠠ ᠬᠦᠮᠦᠰ ᠤᠨ ᠴᠠᠬᠤᠨ ᠪᠠᠯᠠᠷ ᠬᠠᠷᠠᠩᠭᠤᠢᠳᠤ ᠠᠭᠤᠰᠣᠨ ᠣᠲᠣᠬ᠍ᠰᠠᠨ ᠲᠡᠦᠭᠡᠶ᠋ᠢᠨ ᠬᠦᠮᠦᠨ᠂ ᠬᠡᠷᠡᠭ ᠦᠢᠯᠡᠶᠢ ᠣᠩᠱᠢᠲᠠᠬ᠃ ᠦᠰᠦᠭ ᠪᠢᠴᠢᠭ ᠪᠣᠢ ᠪᠣᠯᠬᠤᠠᠴᠠ ᠡᠮᠦᠨᠡᠬᠢ ᠲᠡᠦᠭᠡ ᠰᠣᠶᠣᠯ ᠭᠤᠣᠯᠲᠠᠭᠤ ᠠᠮᠠᠪᠠᠷ᠂ ᠠᠷᠠᠳᠤᠨ ᠴᠡᠭᠡᠵᠢᠯᠡᠪᠦᠷᠢᠪᠠᠷ ᠲᠠᠮᠵᠢᠨ ᠣᠯᠠᠮᠵᠢᠯᠠᠬ᠍ᠲᠠᠵᠦ᠍ ᠪᠠᠢᠬ᠍ᠰᠠᠨ ᠪᠦᠭᠡᠳ ᠠᠷᠠᠳᠤᠨ ᠲᠠᠭᠤᠣ ᠪᠣᠯ ᠲᠡᠲᠡᠭᠡᠷᠤᠨ ᠲᠣᠲᠣᠷᠠᠬᠢ ᠣᠯᠠᠮᠵᠢᠯᠠᠯᠤᠨ ᠨᠢᠭᠡ ᠬᠡᠯᠪᠡᠷᠢ ᠪᠣᠯᠬᠤ ᠶᠣᠮ᠃ ᠢᠩᠬᠢᠬᠦ᠌ᠳᠡᠭᠡᠨ ᠠᠷᠠᠳᠤᠨ ᠲᠠᠭᠤᠣ ᠪᠣᠯ ᠬᠦᠮᠦᠨ ᠲᠦᠷᠦᠯᠬᠢᠲᠡᠨᠤ ᠲᠡᠦᠭᠡ ᠰᠣᠶᠣᠯᠤᠨ ᠠᠮᠢᠲᠣ ᠲᠣᠯᠢ᠂ ᠠᠷᠠᠳ ᠲᠦᠮᠡᠨᠤ ᠠᠮᠠᠪᠠᠷ ᠣᠯᠠᠮᠵᠢᠯᠠᠬ᠍ᠰᠠᠨ ᠲᠡᠦᠭᠡ᠂ ᠲᠠᠭᠤᠣᠪᠠᠷ ᠲᠠᠮᠵᠢᠬ᠍ᠲᠠᠬ᠍ᠰᠠᠨ ᠲᠣᠷᠠᠳᠭᠠᠯ ᠪᠠᠢᠵᠦ᠍ ᠲᠠᠭᠠᠷᠠᠬᠤ ᠶᠣᠮ᠃
ᠭᠸᠮᠫᠢ ᠵᠢᠨ ᠰᠦᠮᠠ ᠵᠢᠨ ᠮᠤᠤᠨᠤᠬᠠᠢ ᠮᠠᠮᠠ ᠵᠢ ᠰᠤᠷᠪᠤᠯᠵᠢᠯᠠᠪᠠ
ᠠᠷᠠᠳᠤᠨ ᠲᠠᠭᠣᠣ ᠪᠠᠨ ᠲᠠᠭᠣᠯᠠᠬᠣ ᠦᠭᠡᠢ ᠪᠣᠯ ᠠᠯᠠᠬ ᠲᠡᠯᠡᠬᠡᠢ ᠣᠶᠠᠩᠭᠠ ᠪᠡᠷ ᠲᠣᠲᠠᠨᠠ
ᠪᠦᠷᠢᠨᠪᠠᠶᠠᠷᠤᠨ ᠬᠠᠭᠣᠴᠢᠯᠠᠬᠰᠠᠨ ᠶ᠋ᠢᠡᠷ᠂ ᠲᠡᠷᠡ 600 ᠭᠠᠷᠣᠢ ᠠᠷᠠᠳᠤᠨ ᠲᠠᠭᠣᠣᠶᠢ ᠲᠠᠭᠣᠯᠠᠵᠦ ᠴᠢᠲᠠᠲᠠᠬ ᠪᠦᠭᠡᠳ ᠶᠠᠬ ᠡᠢᠮᠦ ᠡᠴᠡ 《ᠠᠷᠠᠳᠤᠨ ᠲᠠᠭᠣᠣᠶᠢᠨ ᠠᠮᠢᠲᠣ ᠲᠣᠯᠢ》 ᠭᠡᠮᠡᠨ ᠠᠯᠲᠠᠷᠰᠢᠬᠰᠠᠨ ᠣᠴᠢᠷᠲᠠᠢ᠃ ᠨᠣᠮ ᠲᠠᠷᠬᠠᠭᠠᠬᠣ ᠶᠣᠰᠣᠯᠠᠯ ᠳ᠋ᠦ ᠲᠡᠷᠡ ᠣᠯᠠᠨ ᠠᠷᠠᠳᠤᠨ ᠲᠠᠭᠣᠣᠶᠢᠨ ᠲᠣᠲᠣᠷᠠ ᠡᠴᠡ ᠲᠠᠭᠣᠴᠢᠨ ᠴᠠᠭᠠᠨᠪᠠᠷᠰᠤᠨ ᠬᠡᠪ ᠨᠠᠮᠪᠠᠶᠢ ᠢᠯᠡᠷᠡᠬᠦᠯᠦᠭᠰᠡᠨ ᠲᠦᠯᠦᠭᠡᠯᠡᠬᠦ 10 ᠲᠠᠭᠣᠣᠶᠢ ᠲᠠᠭᠣᠯᠠᠵᠦ ᠠᠬᠣᠢ ᠲᠠᠯᠠᠪᠠᠢ ᠳ᠋ᠦ ᠬᠦᠷᠦᠯᠴᠡᠨ ᠢᠷᠡᠭᠰᠡᠨ ᠣᠯᠠᠨ ᠳ᠋ᠦ ᠰᠣᠨᠢᠷᠬᠠᠭᠣᠯᠣᠬᠰᠠᠨ ᠪᠠᠢᠨᠠ᠃ 《ᠴᠠᠭᠠᠨᠪᠠᠷᠰᠤᠨ ᠲᠠᠭᠣᠣ ᠴᠠᠬ ᠦᠶᠡ ᠡᠴᠡ ᠬᠣᠴᠣᠷᠬᠣ ᠦᠭᠡᠢ ᠶᠣᠮ ᠡ ᠁》 ᠭᠡᠵᠦ ᠪᠦᠷᠢᠨᠪᠠᠶᠠᠷ ᠰᠣᠷᠪᠣᠯᠵᠢᠯᠠᠭᠠ ᠬᠦᠯᠢᠶᠡᠬᠦ ᠳ᠋ᠡᠭᠡᠨ ᠠᠬᠢᠨ ᠲᠠᠬᠢᠨ ᠶᠠᠷᠢᠵᠦ ᠪᠠᠢᠯᠠ᠃
ᠡᠩ ᠲᠡᠯᠡᠭᠡᠢᠶ᠋ᠢᠨ ᠬᠦᠮᠦᠨᠤ ᠨᠢᠭᠡ ᠨᠠᠰᠣᠨᠳᠠᠬᠢ ᠡᠯᠡᠭ᠌ᠲᠡᠰᠢ ᠦᠭᠡᠢ ᠲᠣᠷᠠᠰᠭᠠᠯ᠂ ᠮᠠᠷᠲᠠᠬ᠍ᠲᠠᠰᠢ ᠦᠭᠡᠢ ᠲᠣᠷᠠᠳᠭᠠᠯ ᠪᠣᠯ ᠲᠠᠭᠤᠣ ᠶᠣᠮᠰᠠᠨ᠃ 《ᠠᠷᠠᠳᠤᠨ ᠲᠠᠭᠤᠣᠪᠠᠨ ᠲᠠᠭᠤᠯᠠᠬᠤ ᠦᠭᠡᠢ ᠪᠣᠯ ᠠᠯᠠᠬ ᠲᠡᠯᠡᠭᠡᠢ ᠣᠶᠠᠩᠭᠠᠪᠠᠷ ᠲᠣᠲᠠᠨᠠ》 ᠭᠡᠵᠦ᠍ ᠲᠠᠭᠤᠯᠠᠬ᠍ᠰᠠᠨᠴᠢᠯᠠᠨ ᠪᠢᠳᠡ ᠪᠠᠶᠠᠷᠯᠠᠬᠤᠳᠠᠭᠠᠨ ᠲᠠᠭᠤᠯᠠᠵᠦ᠍᠂ ᠭᠤᠨᠢᠬ᠍ᠰᠠᠨ ᠴᠠᠬᠲᠠᠭᠠᠨ ᠲᠠᠭᠤᠯᠠᠵᠦ᠍᠂ ᠣᠢ᠌ᠳᠭᠠᠷᠯᠠᠵᠦ᠍ ᠮᠦᠷᠦᠭᠡᠳᠬᠦ ᠳ᠋ᠡᠭᠡᠨ ᠴᠦ᠍ ᠲᠠᠭᠤᠯᠠᠬᠣ ᠪᠦᠭᠡᠳ ᠣᠯᠠᠭᠣᠯᠠ ᠴᠣᠬᠯᠠᠷᠠᠵᠦ ᠨᠠᠷᠬᠢᠯᠲᠣᠬᠣ ᠳ᠋ᠠᠭᠠᠨ ᠴᠦ᠍ ᠲᠠᠭᠣᠯᠠᠲᠠᠬ᠃
ᠨᠣᠮ ᠲᠠᠷᠬᠠᠭᠠᠬᠣ ᠶᠣᠰᠣᠯᠠᠯ ᠳ᠋ᠦ ᠣᠷᠣᠯᠴᠠᠬᠰᠠᠨ ᠦᠪᠦᠷ ᠮᠣᠩᠭᠣᠯᠤᠨ ᠶᠡᠬᠡ ᠰᠣᠷᠭᠠᠭᠣᠯᠢᠶᠢᠨ ᠫᠷᠣᠹᠸᠰᠰᠣᠷ ᠬᠦᠷᠡᠯᠱᠠ 《ᠲᠠᠷᠬᠠᠨ ᠲᠠᠭᠣᠴᠢᠨ ᠴᠠᠭᠠᠨᠪᠠᠷᠰᠤᠨ ᠰᠣᠲᠣᠯᠣᠯ》 ᠭᠡᠬᠦ ᠨᠣᠮ ᠨᠢ ᠲᠠᠷᠬᠠᠨ ᠲᠠᠭᠣᠴᠢᠨ ᠴᠠᠭᠠᠨᠪᠠᠷᠰ ᠶ᠋ᠢᠡᠷ ᠰᠣᠲᠣᠯᠣᠬᠲᠠᠬᠣᠨ ᠪᠣᠯᠭᠠᠵᠦ᠂ ᠲᠡᠬᠦᠨᠤ ᠦᠰᠴᠦ ᠲᠦᠷᠦᠭᠰᠡᠨ ᠣᠷᠴᠢᠨ ᠠᠬᠣᠢ ᠡᠴᠡ ᠪᠠᠨ ᠷᠢᠳᠢ ᠰᠢᠲᠢᠶᠢ ᠣᠯᠵᠦ᠂ ᠠᠷᠠᠳᠤᠨ ᠲᠠᠭᠣᠣ ᠭᠡᠬᠦ ᠰᠣᠶᠣᠯᠤᠨ ᠦᠪ ᠶ᠋ᠢᠡᠷ ᠨᠠᠰᠣᠨᠤ ᠬᠦᠭᠡᠭᠡᠴᠡᠯᠲᠦᠯ ᠪᠣᠯᠭᠠᠬᠰᠠᠨᠢ ᠰᠣᠲᠣᠯᠵᠦ᠂ ᠲᠠᠭᠣᠯᠠᠬᠰᠠᠨ ᠲᠠᠭᠣᠣᠶᠢ ᠨᠢ ᠴᠢᠲᠠᠬᠣᠶᠢᠨ ᠬᠢᠷᠢ ᠪᠦᠷᠢᠨ ᠴᠣᠬᠯᠠᠭᠣᠯᠦᠨ ᠲᠦᠷᠦᠯᠰᠢᠬᠦᠯᠦᠨ ᠵᠠᠲᠠᠯᠵᠣ᠂ 《ᠲᠠᠷᠬᠠᠨ ᠲᠠᠭᠣᠴᠢᠨ ᠴᠠᠭᠠᠨᠪᠠᠷᠰᠤᠨ ᠰᠣᠲᠣᠯᠣᠯᠤᠨ ᠣᠷᠣᠨ ᠵᠠᠢᠶᠢᠨ ᠬᠣᠭᠣᠰᠣᠨᠢ ᠨᠦᠬᠦᠪᠦᠷᠢᠯᠡᠵᠦ᠂ ᠰᠣᠲᠣᠯᠭᠠᠨᠤ ᠬᠦᠷᠢᠶᠡᠶᠢ ᠦᠷᠭᠡᠵᠢᠬᠦᠯᠦᠨ ᠲᠡᠯᠡᠭᠰᠡᠨ》 ᠭᠡᠵᠦ ᠦᠨᠳᠦᠷ ᠦᠨᠡᠯᠡᠭᠰᠡᠨ ᠪᠠᠢᠨᠠ᠃
《ᠲᠠᠷᠬᠠᠨ ᠲᠠᠭᠣᠴᠢᠨ ᠴᠠᠭᠠᠨᠪᠠᠷᠰᠤᠨ ᠰᠣᠲᠣᠯᠣᠯ》 ᠭᠡᠬᠦ ᠨᠣᠮ ᠨᠢ ᠴᠠᠭᠠᠨᠪᠠᠷᠰᠤᠨ ᠲᠠᠭᠣᠯᠠᠬᠣ ᠣᠷᠠᠯᠢᠬᠤᠨ ᠲᠣᠬᠠᠢ ᠨᠠᠷᠢᠨ ᠰᠣᠲᠣᠯᠣᠯ ᠬᠢᠵᠦ᠂ ᠠᠷᠠᠳᠤᠨ ᠲᠠᠭᠣᠣᠶᠢ ᠣᠯᠠᠮᠵᠢᠯᠠᠨ ᠲᠠᠭᠣᠯᠠᠬᠣ ᠲᠠᠯᠠ ᠪᠡᠷ 《ᠭᠣᠷᠪᠠᠨ ᠣᠶᠠᠯᠲᠣᠯ》᠂ 《ᠲᠦᠷᠪᠡᠨ ᠰᠢᠨᠵᠢ》 ᠵᠡᠷᠭᠡ ᠵᠦᠢᠯᠡᠰᠢ ᠰᠢᠨᠡ ᠪᠡᠷ ᠲᠣᠷᠠᠳᠴᠣ᠂ ᠣᠷᠲᠣᠶᠢᠨ ᠲᠠᠭᠣᠣ᠂ ᠪᠣᠭᠣᠨᠢ ᠲᠠᠭᠣᠣ ᠪᠠ ᠲᠣᠣᠯᠢ ᠲᠠᠭᠣᠣᠶᠢ ᠲᠠᠷᠬᠠᠨ ᠲᠠᠭᠣᠴᠢᠨ ᠮᠠᠨᠢ ᠬᠡᠷᠬᠢᠨ ᠲᠠᠭᠣᠯᠠᠵᠦ ᠪᠠᠢᠬᠰᠠᠨ ᠵᠢᠴᠢ ᠦᠯᠢᠭᠡᠷᠲᠦ ᠲᠠᠭᠣᠣ ᠪᠣᠯᠣᠨ ᠲᠣᠣᠯᠢ ᠲᠠᠭᠣᠣᠶᠢᠨ ᠦᠨᠳᠦᠰᠦᠨ ᠢᠯᠭᠠᠭᠠᠶᠢ ᠲᠣᠲᠣᠯᠠᠬᠣᠶᠢ ᠵᠣᠷᠢᠵᠠᠢ᠃ ᠴᠠᠭᠠᠨᠪᠠᠷᠰᠤᠨ ᠵᠣᠬᠢᠶᠠᠨ ᠪᠦᠲᠦᠭᠡᠬᠦ ᠴᠢᠲᠠᠪᠣᠷᠢᠶᠢᠨ ᠲᠣᠬᠠᠢ ᠰᠣᠲᠣᠯᠵᠦ᠂ ᠠᠷᠠᠳᠤᠨ ᠣᠷᠠᠯᠢᠬᠴᠢᠨ ᠪᠣᠯᠣᠨ ᠠᠷᠠᠳᠤᠨ ᠲᠠᠭᠣᠴᠢᠳ ᠠᠷᠠᠳᠤᠨ ᠲᠠᠭᠣᠣᠶᠢ ᠣᠯᠠᠮᠵᠢᠯᠠᠬᠣ ᠳ᠋ᠠᠭᠠᠨ ᠦᠪᠡᠷᠤᠨ ᠶ᠋ᠢᠡᠨ ᠣᠬᠠᠭᠠᠨ ᠶ᠋ᠢᠡᠷ ᠣᠯᠠᠮᠵᠢᠯᠠᠲᠠᠬ ᠪᠦᠭᠡᠳ ᠶᠠᠮᠠᠷ ᠨᠢᠭᠡᠨ ᠲᠣᠮᠢᠶᠠᠴᠢᠯᠠᠯ ᠳ᠋ᠦ ᠦᠯᠦ ᠪᠠᠷᠢᠬᠲᠠᠲᠠᠬ ᠭᠡᠰᠡᠨᠢ ᠦᠵᠡᠬᠦᠯᠦᠬᠰᠠᠨ ᠪᠠᠢᠨᠠ᠃ ᠪᠠᠰᠠ ᠴᠠᠭᠠᠨᠪᠠᠷᠰᠤᠨ ᠲᠠᠭᠣᠣ ᠲᠠᠭᠣᠯᠠᠬᠣ ᠦᠶᠡᠶᠢᠨ ᠰᠡᠳᠬᠢᠯᠤᠨ ᠬᠦᠲᠡᠯᠭᠡᠭᠡᠨᠤ ᠵᠢᠷᠣᠬᠯᠠᠯ ᠵᠡᠷᠭᠡ ᠰᠢᠨᠡ ᠵᠦᠢᠯᠡᠰᠢ ᠲᠣᠲᠣᠷᠬᠠᠢᠯᠠᠨ ᠭᠠᠷᠭᠠᠵᠦ᠂ ᠠᠷᠠᠳᠤᠨ ᠠᠮᠠᠨ ᠵᠣᠬᠢᠶᠠᠯ ᠪᠠ ᠬᠦᠭᠵᠢᠮ ᠵᠦᠢᠶᠢᠨ ᠰᠣᠲᠣᠯᠭᠠᠨᠢ ᠣᠶᠠᠯᠲᠣᠭᠣᠯᠣᠨ ᠠᠷᠠᠳᠤᠨ ᠠᠮᠠᠨ ᠵᠣᠬᠢᠶᠠᠯᠤᠨ ᠰᠣᠲᠣᠯᠭᠠᠨᠤ ᠬᠦᠷᠢᠶᠡᠨ ᠳ᠋ᠡᠬᠢ ᠰᠢᠨᠡ ᠣᠷᠣᠯᠲᠣᠯᠭᠠ ᠬᠢᠭᠰᠡᠨ ᠨᠢ ᠦᠨᠡᠯᠡᠬᠦᠰᠢᠲᠡᠢ᠃ ᠬᠦᠭᠵᠢᠮ ᠵᠦᠢᠶᠢᠨ ᠰᠣᠲᠣᠯᠭᠠ ᠪᠡᠷ ᠠᠷᠠᠳᠤᠨ ᠲᠠᠭᠣᠴᠢᠨ ᠴᠠᠭᠠᠨᠪᠠᠷᠰᠤᠨ ᠲᠠᠭᠣᠯᠠᠬᠰᠠᠨ ᠲᠠᠭᠣᠣ ᠳ᠋ᠦ ᠨᠠᠷᠢᠨ ᠵᠠᠲᠠᠯᠣᠯᠲᠠ ᠬᠢᠭᠰᠨᠨ ᠨᠢ ᠬᠦᠮᠦᠨ ᠲᠦᠷᠦᠯᠬᠢᠲᠡᠨᠤ ᠠᠮᠢᠲᠣᠷᠠᠯᠤᠨ ᠪᠦᠬᠦ ᠶᠠᠪᠣᠴᠠ ᠳ᠋ᠦ ᠵᠡᠷᠭᠡᠴᠡᠡ ᠣᠷᠣᠰᠢᠲᠠᠬ ᠠᠷᠠᠳᠤᠨ ᠲᠠᠭᠣᠣ ᠭᠡᠬᠦ ᠰᠣᠶᠣᠯᠤᠨ ᠦᠪᠢ ᠠᠮᠠᠨ ᠵᠣᠬᠢᠶᠠᠯ — ᠬᠦᠭᠵᠢᠮ ᠵᠦᠢ — ᠣᠨᠣᠯ ᠵᠦᠢ ᠭᠡᠬᠦ ᠪᠦᠲᠦᠴᠡ ᠪᠡᠷ ᠲᠣᠬᠢᠷᠠᠭᠣᠯᠣᠬᠰᠠᠨ ᠪᠠᠢᠨᠠ᠃ ᠲᠣᠰ ᠨᠣᠮ ᠣᠯᠠᠮᠵᠢᠯᠠᠯᠢ ᠪᠠᠷᠢᠮᠲᠠᠯᠠᠬᠰᠠᠨ ᠶ᠋ᠢᠡᠷ ᠦᠨᠡ ᠴᠠᠨᠠ ᠲᠠᠢ᠂ ᠣᠲᠣᠬᠢ ᠳ᠋ᠦ ᠦᠢᠯᠡᠴᠢᠯᠡᠭᠰᠨᠨ ᠶ᠋ᠢᠡᠷ ᠣᠳᠬᠠ ᠠᠭᠣᠯᠭᠠ ᠲᠠᠢ᠂ ᠬᠣᠪᠣᠷ ᠨᠠᠨᠳᠢᠨ ᠮᠠᠲ᠋ᠸᠷᠢᠶᠠᠯ ᠬᠠᠩᠭᠠᠬᠰᠠᠨ ᠶ᠋ᠢᠡᠷ ᠡᠷᠬᠢᠮᠰᠦᠭ᠂ ᠬᠠᠭᠣᠴᠢᠨ ᠬᠢᠭᠡᠳ ᠰᠢᠨᠡᠶᠢ ᠣᠶᠠᠯᠲᠣᠭᠣᠯᠣᠬᠰᠠᠨ ᠶ᠋ᠢᠡᠷ ᠶ᠋ᠢᠡᠨ ᠶᠡᠬᠡᠮᠰᠦᠭ ᠪᠣᠯᠵᠦ ᠴᠢᠳᠠᠵᠠᠢ᠃
ᠬᠦᠷᠢᠶᠠ ᠬᠤᠰᠢᠭᠤᠨᠤ ᠯᠤᠪᠵᠢᠨ ᠨᠠᠰᠤᠳᠠᠨᠢ ᠰᠤᠷᠪᠤᠯᠵᠢᠯᠠᠪᠡ
ᠲᠠᠭᠣᠯᠠᠵᠦ ᠶᠠᠪᠣᠪᠠᠯ ᠲᠡᠭᠷᠢ ᠪᠠᠶᠠᠰᠣᠨᠠ᠂ ᠲᠣᠪᠲᠣᠯᠵᠦ ᠶᠠᠪᠣᠪᠠᠯ ᠭᠠᠵᠠᠷ ᠪᠠᠶᠠᠰᠣᠨᠠ᠃ ᠨᠣᠮ ᠲᠠᠷᠬᠠᠭᠠᠬᠣ ᠶᠣᠰᠣᠯᠠᠯ ᠳ᠋ᠦ ᠣᠷᠣᠯᠴᠠᠬᠰᠠᠨ ᠦᠪᠦᠷ ᠮᠣᠩᠭᠣᠯᠤᠨ ᠣᠷᠠᠯᠢᠬᠤᠨ ᠲᠡᠭᠡᠲᠦ ᠰᠣᠷᠭᠠᠭᠣᠯᠢᠶᠢᠨ ᠪᠣᠲᠠᠰᠤᠨ ᠪᠣᠰᠣ ᠰᠣᠶᠣᠯᠤᠨ ᠦᠪᠤᠨ ᠲᠡᠭᠡᠲᠦ ᠰᠣᠷᠭᠠᠭᠣᠯᠢᠶᠢᠨ ᠫᠷᠣᠹᠸᠰᠰᠣᠷ ᠱᠢ ᠶᠦᠩ ᠴᠢᠩ᠂ 《ᠲᠠᠷᠬᠠᠨ ᠲᠠᠭᠣᠴᠢᠨ ᠴᠠᠭᠠᠨᠪᠠᠷᠰᠤᠨ ᠰᠣᠲᠣᠯᠣᠯ》 ᠬᠡᠮᠡᠬᠦ ᠨᠣᠮ ᠬᠡᠪᠯᠡᠭᠲᠡᠭᠰᠡᠨ ᠨᠢ ᠬᠣᠷᠴᠢᠨ ᠠᠷᠠᠳᠤᠨ ᠲᠠᠭᠣᠣᠶᠢᠨ ᠰᠣᠲᠣᠯᠣᠯ ᠲᠡᠷᠡᠴᠢᠯᠡᠨ ᠪᠦᠬᠦᠢ ᠯᠡ ᠮᠣᠩᠭᠣᠯ ᠠᠷᠠᠳᠤᠨ ᠲᠠᠭᠣᠣᠶᠢᠨ ᠰᠣᠲᠣᠯᠣᠯ ᠳ᠋ᠦ ᠦᠨᠡ ᠴᠡᠨᠡ ᠲᠠᠢ ᠮᠠᠲ᠋ᠸᠷᠢᠶᠠᠯ ᠬᠠᠩᠭᠠᠬᠰᠠᠨ ᠪᠦᠭᠡᠳ ᠣᠨᠣᠯᠤᠨ ᠠᠴᠢ ᠬᠣᠯᠪᠣᠬᠲᠠᠯ ᠲᠠᠢ ᠶᠣᠮ ᠭᠡᠵᠦ ᠦᠨᠡᠯᠡᠵᠡᠢ᠃
ᠦᠵᠡᠬᠦᠯᠭᠡᠶᠢᠨ ᠲᠣᠬᠯᠠᠯᠲᠠ ᠦᠨᠳᠦᠷᠯᠡᠬᠦ ᠳ᠋ᠦ ᠠᠷᠪᠠᠨ ᠴᠠᠬ ᠣᠢᠷᠠᠲᠣᠵᠦ ᠪᠠᠢᠯᠠ᠃ ᠭᠠᠲᠠᠨᠠ ᠭᠠᠷᠪᠠᠯ ᠨᠠᠮᠣᠷᠤᠨ ᠵᠢᠭᠡᠬᠦᠨ ᠳ᠋ᠦ ᠲᠠᠬᠵᠢᠵᠦ ᠪᠡᠭᠡᠷᠡᠭᠰᠡᠨ ᠣᠲᠣᠳ ᠠᠷᠠᠳᠤᠨ ᠲᠠᠭᠣᠣᠶᠢᠨ ᠴᠡᠩᠭᠡᠷ ᠠᠶᠠᠰ ᠲᠦ᠍ ᠰᠣᠬᠲᠣᠭᠣᠷᠠᠬᠰᠠᠨ ᠮᠡᠲᠦ ᠬᠠᠶᠠ ᠭᠡᠷᠡᠯᠲᠦᠵᠦ ᠬᠠᠶᠠ ᠪᠦᠲᠡᠬᠢᠷᠡᠵᠦ ᠬᠠᠷᠠᠭᠲᠠᠨᠠ᠃ ᠶᠡᠬᠡ ᠣᠯᠠᠮᠵᠢᠯᠠᠯᠤᠨ ᠲᠠᠰᠣᠷᠠᠰᠢ ᠦᠭᠡᠢ ᠦᠷᠬᠦᠯᠵᠢᠯᠡᠯ ᠪᠣᠯᠣᠬᠰᠠᠨ ᠠᠷᠠᠳᠤᠨ ᠲᠠᠭᠣᠣ ᠠᠯᠣᠰᠤᠨ ᠠᠯᠣᠰ ᠲᠦ᠍ ᠬᠠᠩᠬᠢᠨᠠᠨ ᠴᠣᠣᠷᠢᠶᠠᠲᠣᠬᠰᠠᠭᠠᠷ᠄
《ᠣᠷᠭᠣᠵᠦ ᠭᠠᠷᠬᠣ ᠨᠠᠷᠠᠨᠤ ᠭᠡᠷᠡᠯ
ᠦᠵᠦᠮᠤᠨ ᠴᠡᠴᠡᠭ ᠲᠡᠯᠭᠡᠷᠡᠭᠰᠡᠨ ᠮᠡᠲᠦ
ᠦᠯᠡᠮᠵᠢ ᠪᠣᠶᠠᠨᠲᠣ ᠲᠠᠨᠤ ᠪᠠᠨ ᠡᠮᠦᠨᠡ
ᠣᠶᠠᠩᠭᠠᠯᠠᠵᠦ ᠰᠢᠯᠦᠭᠯᠡᠵᠦ ᠲᠠᠭᠣᠯᠠᠶᠠ ᠪᠢᠳᠡ ᠁》
（ ᠨᠡᠷᠡ ᠬᠠᠲᠠᠬᠰᠠᠨ ᠡᠴᠡ ᠪᠣᠰᠣᠳ ᠭᠡᠷᠡᠯ ᠵᠢᠷᠣᠬᠤ᠋ᠤᠨᠢ ᠪᠦᠷᠢᠨᠪᠠᠶᠠᠷ ᠬᠠᠩᠭᠠᠪᠠ）