1981 ᠤᠨᠳᠤ ᠬᠦᠷᠦᠷᠠᠭ᠍ᠴᠠᠶ᠋ᠢ ᠰᠠᠨᠰᠠᠷᠲᠤ ᠨᠢᠰᠭᠦ ᠦᠶᠡᠳᠤ ᠪᠢ ᠨᠢᠭᠡᠲᠦᠭᠡᠷ ᠠᠩᠭᠢᠶ᠋ᠢᠨ ᠤᠶᠤᠲᠠᠨ ᠪᠠᠢᠭ᠍ᠰᠠᠨ ᠶᠤᠮ᠃ ᠲᠡᠷᠡ ᠪᠢᠲᠡ ᠬᠤᠶᠠᠷᠤᠨ ᠬᠡᠨ ᠬᠡᠨᠨᠢ ᠲᠤᠰᠠᠳᠤ ᠤᠷᠤᠮᠠᠭ᠍ᠴᠠᠪᠠᠨ ᠮᠤᠷᠢ ᠤᠨᠤᠵᠤ ᠬᠤᠨᠢ ᠦᠭᠡᠷᠢᠶᠠᠨ ᠬᠠᠷᠢᠭᠤᠯᠵᠤ ᠶᠠᠪᠤᠭ᠍ᠰᠠᠨ ᠬᠦᠲᠡᠭᠡᠶ᠋ᠢᠨ ᠬᠦᠤ ᠠᠭ᠍ᠰᠠᠨ ᠴᠤ᠌ ᠮᠤᠩᠭᠤᠯᠤᠨ ᠠᠩᠬᠠᠨᠤ ᠰᠠᠨᠰᠠᠷᠴᠢᠨ ᠲᠡᠷᠡᠪᠡᠷ 《союз-39》 ᠬᠦᠯᠭᠡᠳᠤ ᠰᠠᠭᠤᠵᠤ 《ᠵᠢᠷᠦᠬᠡᠨᠡ ᠬᠤᠯᠪᠤᠭᠠᠲᠠᠢ ᠲᠡᠯᠡᠬᠡᠢ》ᠪᠠᠨ᠂ ᠰᠡᠳᠭᠢᠯ ᠵᠢᠷᠦᠬᠡᠨᠳᠤᠨᠢ ᠰᠦᠮᠪᠦᠷᠯᠡᠭ᠌ᠰᠡᠨ ᠬᠦᠭᠡᠨᠡ ᠬᠠᠨ ᠠᠭᠤᠯᠠᠪᠠᠨ ᠴᠡᠩᠭᠡᠷ ᠰᠠᠨᠰᠠᠷᠠᠴᠠ ᠬᠠᠯᠢᠶᠠᠵᠤ ᠶᠠᠪᠤᠭ᠍ᠰᠠᠨ ᠪᠠᠢᠬᠤᠳᠤ ᠪᠢ ᠭᠡᠲᠡᠭ ᠠᠮᠢᠲᠠᠨ ᠬᠤᠪᠲᠤᠶ᠋ᠢᠨ ᠲᠠᠪᠠᠭᠠᠨᠤ ᠠᠷᠤ ᠬᠤᠷᠮᠤᠢᠶ᠋ᠢᠨ ᠤᠷᠲᠤ ᠴᠠᠭᠠᠨ ᠬᠦᠨᠲᠡᠢᠳᠤ ᠷᠠᠳᠢᠤ᠋ ᠰᠤᠨᠤᠰᠴᠤ᠌ ᠬᠦᠭᠡ ᠲᠡᠭ᠌ᠷᠢ ᠦᠭᠡᠲᠡ ᠬᠦᠯᠢᠷᠡᠰᠭᠢᠨ ᠬᠠᠮᠢᠭᠠ ᠨᠢᠭᠡᠨᠲᠡᠭᠡ ᠨᠢᠰᠴᠤ᠌ ᠶᠠᠪᠤᠭᠠ ᠲᠡᠷᠡ ᠬᠦᠴᠦᠲᠤ ᠬᠦᠯᠭᠡᠶ᠋ᠢ ᠤᠯᠤᠭᠠᠳ ᠬᠠᠷᠠᠴᠢᠬᠠᠬᠤ ᠠᠶᠠᠲᠠᠢ ᠲᠡᠨᠡᠭ᠌ᠯᠡᠵᠤ ᠪᠠᠢᠵᠤ ᠪᠢᠯᠡ᠃ ᠬᠡᠵᠢᠶᠡ ᠬᠤᠢᠨᠠ 2019 ᠤᠨᠤ 7 ᠰᠠᠷᠠᠳᠤ ᠮᠤᠩᠭᠤᠯᠤᠨ ᠪᠠᠷᠠᠭᠤᠨ ᠬᠢᠵᠠᠭᠠᠷ ᠤᠷᠤᠭᠤ ᠠᠶᠠᠯᠠᠬᠤᠳᠠᠭᠠᠨ ᠬᠦᠷᠦᠷᠠᠭ᠍ᠴᠠᠶ᠋ᠢᠨ ᠲᠦᠷᠦᠭ᠌ᠰᠡᠨ ᠨᠤᠲᠤᠭ — ᠪᠣᠯᠠᠭᠠᠨ ᠠᠢᠮᠠᠭᠤᠨ ᠭᠣᠷᠪᠠᠨᠪᠣᠯᠠᠬ ᠰᠤᠮᠤᠪᠠᠷ ᠲᠠᠭᠠᠷᠢᠯᠠ᠃ ᠪᠠᠭᠠᠬᠠᠨ ᠠᠲᠠᠯᠠᠪᠠᠨ ᠮᠠᠰᠢ ᠴᠡᠭ᠌ᠴᠡᠲᠠᠢ ᠰᠠᠢᠬᠠᠨ ᠪᠠᠢᠷᠢᠯᠠᠭᠤᠯᠤᠭ᠍ᠰᠠᠨ ᠡᠩᠨᠡᠭᠡ ᠡᠩᠨᠡᠭᠡ ᠮᠤᠲᠤᠨ ᠪᠠᠢᠱᠢᠩᠤᠳᠲᠠᠢ ᠲᠡᠷᠡ ᠰᠤᠮᠤᠶ᠋ᠢᠨ ᠲᠦᠪᠢ ᠲᠡᠬᠦᠨᠤ ᠰᠠᠨᠰᠠᠷᠲᠤ ᠨᠢᠰᠦᠭ᠌ᠰᠡᠨᠤ ᠲᠤᠷᠠᠰᠭᠠᠯᠳᠤ ᠵᠤᠷᠢᠭᠤᠯᠵᠤ᠂ ᠵᠦᠪᠯᠡᠯᠲᠤ ᠨᠦᠬᠦᠳᠨᠢ ᠪᠠᠷᠢᠵᠤ ᠦᠭ᠌ᠭᠦᠭ᠌ᠰᠡᠨ ᠶᠤᠮ ᠭᠡᠨᠡ᠃ ᠬᠢᠵᠠᠭᠠᠷ ᠦᠭᠡᠢ ᠶᠡᠭᠡ ᠰᠠᠨᠰᠠᠷᠲᠤ ᠠᠩᠬᠠᠯᠠᠨ ᠵᠤᠷᠴᠢᠭ᠍ᠰᠠᠨ ᠠᠵᠠᠲᠠᠢ ᠮᠤᠩᠭᠤᠯ ᠡᠷᠡ ᠲᠡᠷᠡᠪᠡᠷ ᠡᠬᠡ ᠭᠠᠵᠠᠷ ᠲᠡᠭᠡᠷᠡ ᠴᠤ᠌ ᠲᠤᠷᠠᠰᠭᠠᠯᠢᠶᠠᠨ ᠦᠯᠡᠲᠡᠭᠡᠵᠡᠢ᠃ ᠠᠭᠤᠵᠢᠮ ᠰᠠᠨᠰᠠᠷᠢ ᠲᠤᠭᠤᠷᠢᠨ ᠡᠷᠬᠢᠬᠦ᠌ᠳᠡᠭᠡᠨ ᠶᠠᠭᠤ ᠪᠤᠲᠤᠵᠤ ᠶᠠᠪᠤᠭ᠍ᠰᠠᠨᠢᠶᠠᠨ ᠲᠡᠷᠡ ᠬᠦᠮᠦᠨ 《ᠵᠢᠷᠦᠬᠡᠨᠡ ᠬᠤᠯᠪᠤᠭᠠᠲᠠᠢ ᠲᠡᠯᠡᠬᠡᠢ》 ᠨᠤᠮᠳᠠᠭᠠᠨ ᠤᠷᠠᠨ ᠵᠤᠬᠢᠶᠠᠯᠴᠢ ᠬᠦᠮᠦᠨᠤ ᠨᠢᠮᠪᠠᠢ ᠰᠡᠳᠭᠢᠮᠵᠢᠪᠠᠷ ᠭᠤᠢᠲᠠ ᠰᠠᠢᠬᠠᠨ ᠠᠪᠤᠴᠠᠯᠲᠤᠭᠠᠲᠠᠢ ᠪᠢᠴᠢᠭ᠌ᠰᠡᠨ ᠰᠡᠨ᠃
ᠲᠡᠷᠡ ᠦᠶᠡᠳᠤ ᠬᠦᠲᠡᠭᠡᠶ᠋ᠢᠨ ᠠᠮᠢᠲᠤᠷᠠᠯ ᠨᠠᠮᠵᠢᠭᠤᠨ ᠲᠠᠢᠪᠤᠩ᠂ ᠬᠠᠶᠠ ᠨᠢᠭᠡ ᠪᠠᠭᠤᠭᠠᠳ ᠭᠠᠷᠲᠠᠭ ᠡᠷᠢᠯᠤᠨ ᠬᠦᠮᠦᠨ ᠶᠤᠮ ᠤᠤ ᠠᠷᠠᠰᠤᠨ ᠲᠤᠤᠨᠠᠨ ᠡᠭᠡᠯᠲᠦᠷᠭᠡᠯᠡᠭ᠌ᠰᠡᠨ ᠠᠯᠪᠠᠨᠤ ᠭᠠᠭ᠍ᠴᠠ ᠬᠤᠶᠠᠷ ᠺᠠᠳ᠋ᠷᠠᠴᠠ ᠬᠤᠯᠠᠶ᠋ᠢᠨ ᠰᠤᠷᠠᠭ ᠲᠤᠭᠤᠯᠬᠤ ᠲᠡᠳᠦᠢ ᠬᠤᠪᠢᠪᠠᠨ ᠬᠦᠭᠡᠭᠡᠭ᠌ᠰᠡᠨ ᠪᠤᠷᠤ ᠡᠳᠦᠷᠤᠳ ᠦᠷᠬᠦᠯᠵᠢᠯᠡᠵᠤ ᠪᠠᠢᠭ᠍ᠰᠠᠨ ᠪᠤᠯᠬᠤᠷ ᠰᠠᠨᠰᠠᠷᠲᠤ ᠨᠢᠰᠦᠭ᠌ᠰᠡᠨ ᠮᠤᠩᠭᠤᠯ ᠬᠦᠮᠦᠨᠤ ᠲᠤᠬᠠᠢ ᠰᠤᠲᠤᠨ ᠴᠢᠮᠡᠭᠡᠨᠳᠤ ᠢᠭ᠌ᠲᠦᠯᠵᠤ ᠪᠠᠢᠭ᠍ᠰᠠᠨ ᠮᠠᠨᠢ ᠦᠨᠡᠨ ᠃ ᠬᠠᠷᠢᠨ ᠵᠠᠯᠠᠭᠤᠬᠠᠨ ᠴᠡᠭᠡᠵᠢᠨᠳᠤ ᠮᠢᠨᠢ ᠲᠡᠷᠡ ᠯᠡ ᠦᠶᠡᠠᠴᠠ ᠬᠦᠪᠦᠷᠡᠵᠤ ᠡᠬᠢᠯᠡᠭ᠌ᠰᠡᠨ ᠮᠦᠷᠦᠭᠡᠲᠦᠯᠤᠨ ᠠᠶᠠᠯᠭᠤ ᠨᠠᠲᠠᠳᠤ ᠰᠠᠨᠰᠠᠷ᠂ ᠭᠠᠵᠠᠷ ᠬᠤᠶᠠᠷᠢ ᠨᠡᠢᠯᠡᠬᠦᠯᠦᠨ ᠰᠡᠳᠭᠢᠵᠤ ᠪᠤᠯᠲᠠᠭᠢ ᠮᠡᠲᠡᠷᠡᠬᠦᠯᠵᠤ᠂ ᠬᠦᠪᠡᠭᠡ ᠬᠢᠵᠠᠭᠠᠷ ᠦᠭᠡᠢ ᠡᠬᠡ ᠭᠠᠵᠠᠷᠤᠨ ᠲᠦᠪᠱᠢᠨ ᠲᠡᠭᠡᠷᠡ ᠡᠴᠡᠵᠤ ᠴᠤᠴᠠᠬᠤᠶ᠋ᠢ ᠮᠡᠲᠡᠬᠦ᠌ ᠦᠭᠡᠢ ᠲᠤᠩᠱᠢᠵᠤ᠂ ᠲᠠᠷᠬᠢᠬᠰᠠᠭᠠᠷ ᠮᠤᠩᠭᠤᠯ ᠪᠢᠲᠡᠨᠤ ᠠᠮᠢᠲᠤᠷᠠᠯᠤᠨ ᠤᠯᠠᠭᠠᠶ᠋ᠢ ᠵᠠᠯᠭᠠᠭᠤᠯᠵᠤ ᠶᠠᠪᠤᠭ᠍ᠰᠠᠨ ᠨᠠᠮᠬᠠᠨ ᠪᠠᠶᠡᠲᠤ ᠬᠦᠯᠦᠭ ᠮᠤᠷᠢᠨᠤ ᠲᠤᠬᠠᠢ ᠨᠠᠮᠬᠠᠷᠠᠰᠢ ᠦᠭᠡᠢ ᠤᠶᠠᠩᠭᠠᠶ᠋ᠢ ᠴᠢᠪᠬᠠᠲᠠᠭ᠍ᠰᠠᠭᠠᠷ ᠡᠳᠦᠭᠡ ᠬᠦᠷᠦᠭ᠌ᠰᠡᠨ ᠰᠠᠨ᠃
ᠬᠤᠨᠢᠨᠳᠤ ᠲᠤᠩᠱᠢᠭᠤᠯᠵᠤ ᠂ ᠦᠭᠡᠷᠲᠤ ᠱᠤᠭ᠍ᠰᠢᠭᠤᠯᠵᠤ᠂ ᠴᠢᠷᠭᠠ ᠴᠢᠷᠴᠤ ᠲᠡᠷᠭᠡ ᠰᠠᠭᠤᠷᠢᠯᠲᠤᠵᠤ ᠂ ᠢᠯᠬᠢᠨ ᠱᠤᠤᠮᠠᠰᠠᠪᠠᠨ ᠭᠠᠨᠵᠤᠭᠠᠯᠠᠨ ᠬᠤᠷᠱᠢᠶᠠ ᠰᠠᠭᠤᠷᠢᠨ ᠬᠤᠶᠠᠷᠤᠨ ᠬᠤᠭᠤᠷᠤᠨᠳᠤ ᠬᠠᠲᠠᠷᠢᠭᠤᠯᠤᠨ ᠪᠤᠲᠠᠭᠠ ᠭᠤᠯᠢᠷ᠂ ᠴᠠᠢ ᠲᠠᠮᠠᠬᠢ ᠂ ᠳ᠋ᠢᠶᠠᠨᠪᠠᠩᠤᠨ ᠲᠤᠰᠤ ᠵᠡᠷᠭᠡ ᠠᠮᠢᠵᠢᠷᠠᠭᠠᠨᠤ ᠭᠡᠷᠡᠭ᠌ᠴᠡᠭᠡᠪᠠᠨ ᠵᠠᠯᠭᠠᠭᠤᠯᠲᠠᠭ ᠪᠠᠢᠭ᠍ᠰᠠᠨ ᠬᠤᠨᠢᠨᠤ ᠮᠤᠷᠢ ᠦᠭᠡᠢᠪᠠᠷ ᠪᠢᠲᠡᠨᠤ ᠪᠠᠭᠠ ᠨᠠᠰᠤ ᠲᠦᠰᠦᠭᠡᠯᠡᠭ᠌ᠲᠡᠬᠦ᠌ ᠦᠭᠡᠢ ᠃ ᠬᠤᠷᠱᠢᠶᠠᠨ ᠳ᠋ᠦ ᠶᠠᠪᠤᠭ᠍ᠰᠠᠨ ᠠᠪᠤᠶ᠋ᠢᠨᠢᠶᠠᠨ ᠢᠷᠡᠬᠦ᠌ ᠵᠦᠭ ᠪᠠᠢᠨ ᠪᠠᠢᠨ ᠨᠢᠲᠤ ᠬᠠᠶᠠᠵᠤ ᠂ ᠡᠪᠦᠷᠠᠴᠠᠨᠢ ᠭᠠᠷᠤᠭᠠᠳ ᠢᠷᠡᠲᠡᠭ ᠠᠯᠢᠮᠠ ᠱᠢᠬᠢᠷᠤᠨ ᠠᠮᠲᠠᠶ᠋ᠢ ᠪᠤᠲᠤᠩᠬᠠᠨ ᠠᠷᠠᠭᠠᠨᠳᠠᠭᠠᠨ ᠱᠢᠯᠦᠰᠤ ᠠᠰᠭᠠᠷᠠᠭᠤᠯᠤᠨ ᠬᠦᠯᠢᠶᠡᠲᠡᠭ ᠪᠠᠭᠠ ᠨᠠᠰᠤ ᠂ ᠮᠠᠷᠭᠠᠰᠢ ᠯᠡ ᠰᠠᠭᠤᠷᠢᠨᠳᠤ ᠪᠠᠭᠤᠵᠤ ᠨᠠᠭᠠᠳᠭᠤ ᠬᠦᠮᠦᠨᠲᠠᠢ ᠪᠤᠯᠤᠨᠠ ᠳ᠋ᠠ ᠭᠡᠵᠤ ᠪᠤᠲᠤᠬᠤᠪᠠᠷ ᠠᠮᠤᠷ ᠤᠨᠲᠠᠵᠤ ᠤᠷᠤᠲᠠᠭ ᠦᠭᠡᠢ ᠨᠡᠬᠦᠲᠡᠯᠤᠨ ᠤᠷᠢᠲᠤ ᠰᠦᠨᠢ᠂ ᠡᠷᠬᠢ ᠬᠦᠪᠡᠭᠡᠨᠳᠤᠨᠢ ᠴᠠᠰᠤ ᠬᠤᠩᠭᠠᠷᠯᠠᠭ᠍ᠰᠠᠨ ᠵᠢᠭᠠᠬᠠᠨ ᠭᠤᠤᠯᠤᠨ ᠮᠦᠰᠦᠨ ᠲᠡᠭᠡᠷᠡ ᠲᠡᠮᠦᠷ ᠪᠦᠮᠪᠦᠯᠲᠠᠢ ᠮᠤᠲᠤᠨ ᠭᠠᠭᠠᠷ ᠶ᠋ᠢᠡᠨ ᠢᠯᠡᠬᠦᠤ ᠭᠡᠲᠤ ᠭᠤᠶᠠᠲᠠᠬᠤ ᠭᠡᠵᠤ ᠲᠠᠪᠢᠷᠠᠨ ᠲᠠᠪᠢᠷᠠᠨ ᠬᠦᠶᠦᠯᠭᠡᠲᠡᠭ ᠬᠤᠨᠢᠨᠤ ᠪᠤᠷᠤ ᠮᠤᠷᠢ ᠁ ᠨᠠᠲᠠᠳᠤ ᠤᠳᠤ ᠴᠤ᠌ ᠲᠤᠳᠤᠠᠴᠠ ᠲᠤᠳᠤ ᠰᠠᠨᠠᠭ᠍ᠲᠠᠵᠤ ᠪᠠᠢᠨᠠ᠃ ᠬᠡᠨ ᠨᠢᠭᠡᠨᠤᠬᠢᠠᠴᠠᠪᠠᠨ ᠤᠷᠬᠢᠬᠤ ᠪᠤᠲᠠᠭᠠ ᠬᠤᠷᠤᠭᠤ ᠴᠠᠢ ᠵᠢᠭᠡᠯᠡᠵᠤ᠂ ᠪᠦᠰ ᠪᠠᠷᠠᠭᠠᠨᠤ ᠪᠢᠯᠧᠲ᠂ ᠪᠤᠲᠠᠭᠠ ᠭᠤᠯᠢᠷᠢᠶᠠᠨ ᠬᠤᠪᠢᠶᠠᠯᠴᠠᠨ ᠬᠡᠷᠡᠭ᠌ᠯᠡᠵᠤ ᠶᠠᠪᠤᠭ᠍ᠰᠠᠨ ᠬᠦᠲᠡᠭᠡ ᠨᠤᠲᠤᠭᠤᠨ ᠲᠡᠷᠡ ᠯᠡ ᠬᠠᠷᠠ ᠪᠤᠷᠤ ᠠᠮᠢᠲᠤᠷᠠᠯ᠂ ᠭᠠᠴᠢᠭ᠍ᠲᠠᠵᠤ ᠲᠤᠳᠠᠭ᠍ᠲᠠᠵᠤ᠂ ᠦᠯᠦᠰᠴᠤ᠌ ᠤᠮᠲᠠᠭᠠᠰᠬᠤᠶ᠋ᠢᠨ ᠬᠠᠯᠠ ᠵᠤᠪᠠᠯᠠᠩᠢ ᠮᠠᠷᠲᠠᠭ᠍ᠲᠠᠰᠢ ᠦᠭᠡᠢ ᠮᠡᠲᠡᠷᠡᠬᠦᠯᠦᠭ᠌ᠰᠡᠨ ᠲᠡᠷᠡ ᠯᠡ ᠡᠳᠦᠷ ᠬᠤᠨᠤᠭ ᠬᠢᠭᠡᠳ ᠠᠩᠭᠢ ᠱᠤᠭᠤᠮᠤᠨ ᠰᠠᠢᠨ ᠮᠠᠭᠤᠶ᠋ᠢ ᠭᠠᠭ᠍ᠴᠠ ᠤᠲᠠᠭᠠ ᠯᠡ ᠠᠮᠰᠠᠭᠠᠳ ᠲᠤᠭ᠍ᠲᠠᠭᠠᠴᠢᠬᠠᠬᠤᠪᠠᠷ ᠭᠠᠱᠢᠭᠤᠨ ᠨᠤᠭᠤᠭᠠᠲᠠᠢ ᠬᠤᠭᠤᠯᠠᠨᠤᠭᠤᠳᠢ ᠲᠤᠷᠠᠰᠤᠨ ᠰᠠᠭᠤᠬᠤᠳᠤ ᠤᠨᠤᠵᠤ ᠶᠠᠪᠤᠭ᠍ᠰᠠᠨ ᠮᠤᠷᠢ ᠮᠢᠨᠢ ᠬᠦᠷᠲᠡᠯᠡ ᠨᠢᠭᠡᠳ ᠨᠢᠭᠡᠪᠠᠷᠢᠶᠠᠨ ᠨᠢᠲᠦᠨᠳᠤ ᠬᠠᠷᠠᠭ᠍ᠲᠠᠵᠤ᠂ ᠢᠮᠲᠠᠢ ᠲᠠᠮᠠᠭᠠᠲᠠᠢᠪᠠᠨ᠂ ᠬᠦᠶᠦᠲᠡᠯᠲᠠᠢ ᠲᠡᠷᠬᠢᠶᠠᠲᠠᠢᠪᠠᠨ ᠲᠤᠳᠤᠷᠠ ᠤᠷᠤᠵᠤ ᠢᠷᠡᠨᠡᠮ ᠪᠦᠯᠦᠭᠡ᠃
ᠨᠠᠶᠠᠭᠠᠳ ᠤᠨᠤ ᠡᠬᠢ ᠪᠤᠯᠲᠠᠯᠠ ᠮᠠᠨᠠᠢᠬᠢᠨᠤ ᠪᠠᠷᠢᠭᠠᠲᠠ ᠪᠤᠯᠭᠠᠨ ᠬᠡᠲᠦᠨ ᠰᠦᠷᠦᠭ ᠠᠲᠤᠭᠤᠲᠠᠢ ᠪᠠᠢᠭ᠍ᠰᠠᠨ ᠶᠤᠮ᠃ ᠲᠡᠷᠡ ᠦᠶᠡ ᠪᠤᠯᠲᠠᠯᠠ ᠡᠮᠨᠢᠭ ᠲᠤᠭ᠍ᠰᠢᠨ ᠰᠤᠷᠭᠠᠬᠤ᠂ ᠮᠤᠷᠢ ᠶᠡᠬᠦᠯᠡᠬᠦ᠂ ᠬᠤᠭᠤᠯᠠᠢ ᠱᠢᠷᠭᠤᠭᠠ ᠲᠠᠯᠪᠢᠬᠤ ᠭᠡᠲᠡᠯᠡ ᠤᠷᠤᠭᠠ ᠲᠤᠭ᠍ᠰᠢᠨᠢ ᠤᠷᠭᠠᠯᠠᠬᠤ ᠭᠡᠳ ᠡᠷᠡ ᠬᠦᠮᠦᠨᠤ ᠲᠠᠷ ᠲᠡᠩᠭᠡᠭᠡ ᠂ ᠤᠷᠠ ᠲᠡᠮ ᠱᠢᠯᠭᠠᠲᠠᠭ ᠪᠠᠶᠠᠷ ᠴᠡᠩᠭᠡᠯ ᠠᠲᠤᠭᠤ ᠯᠡ ᠪᠠᠢᠵᠤ ᠪᠢᠯᠡ ᠃ ᠦᠪᠡᠷᠰᠡᠳᠤᠨᠢᠶᠠᠨ ᠰᠤᠷᠭᠠᠭ᠍ᠰᠠᠨ ᠭᠠᠩᠭᠠᠩ ᠮᠤᠷᠢᠪᠠᠷᠢᠶᠠᠨ ᠠᠯᠬᠤᠭᠠ ᠰᠠᠢᠪᠤᠷ ᠂ ᠬᠠᠲᠠᠷᠢᠶᠠ ᠲᠡᠷᠬᠢᠶᠠᠶ᠋ᠢ ᠶᠤᠰᠤᠲᠠᠢ ᠨᠢᠭᠡ ᠦᠵᠡᠬᠦᠯᠵᠤ ᠦᠭ᠌ᠲᠡᠭ ᠲᠡᠷᠡ ᠦᠶᠡᠶ᠋ᠢᠨ ᠵᠠᠯᠠᠭᠤᠰ ᠰᠠᠢᠨ ᠤᠷᠭᠠᠨᠤ ᠲᠦᠯᠦᠭᠡ ᠲᠦᠷᠡᠢᠨᠳᠡᠭᠡᠨ ᠬᠢᠭ᠌ᠰᠡᠨ ᠬᠡᠲᠦᠨ ᠲᠦᠬᠦᠷᠢᠭᠢᠶᠠᠨ ᠬᠠᠢᠷᠠᠯᠠᠲᠠᠭ ᠦᠭᠡᠢ᠂ ᠬᠠᠮᠢᠭᠠ ᠬᠤᠯᠠᠠᠴᠠ ᠵᠢᠩᠤᠨ ᠬᠤᠩᠬᠤᠨᠢ ᠲᠦᠩᠭᠢᠨᠡᠨ ᠤᠢᠷᠠᠳᠴᠤ᠌ ᠦᠭ᠌ᠬᠦ ᠦᠭᠡᠢ ᠰᠠᠨᠲᠤᠷᠭᠠᠲᠠᠭ ᠪᠤᠷᠤᠬᠤᠲᠠᠶ᠋ᠢᠨ ᠲᠠᠪᠤᠰᠤᠨ ᠠᠶᠠᠨᠢ ᠲᠤᠰᠴᠤ᠌ ᠬᠦᠶᠦᠯᠭᠡᠬᠦ᠌ ᠱᠢᠬᠠᠲᠠᠭ ᠪᠠᠢᠯᠠ᠃ ᠦᠷᠯᠦᠭᠡ ᠠᠭᠤᠯᠠ ᠬᠦᠨᠲᠡᠢ ᠲᠠᠮᠵᠢᠨ ᠠᠲᠤᠭᠤ ᠬᠤᠷᠢᠶᠠᠵᠤ ᠂ ᠬᠤᠨᠢᠨ ᠤᠭ᠍ᠲᠤᠭᠤᠯ ᠨᠠᠷᠠᠨᠢᠶᠠᠷ ᠪᠤᠯᠠᠭ ᠤᠰᠤᠨᠤ ᠤᠢᠷᠠᠯᠴᠠᠭᠠ ᠮᠦᠨ ᠯᠡ ᠠᠲᠤᠭᠤᠨ ᠲᠡᠭᠡᠷᠡ ᠱᠤᠤᠭᠢᠯᠲᠤᠨᠠ᠃ ᠭᠤᠷᠪᠠᠨ ᠠᠯᠲᠠᠶ᠋ᠢᠨ ᠬᠤᠰᠤᠨ ᠤᠷᠭᠠ ᠨᠠᠬᠢᠯᠵᠠᠭᠤᠯᠤᠨ ᠴᠢᠷᠴᠤ᠂ ᠨᠤᠭᠤᠭᠠᠨ ᠡᠮᠵᠢᠶᠡᠷᠢᠲᠠᠢ ᠠᠷᠠᠰᠤᠨ ᠬᠦᠯᠢᠮ ᠲᠤᠬᠤᠨ᠂ ᠲᠤᠯᠤᠭᠠᠢᠪᠠᠷᠢᠶᠠᠨ ᠨᠠᠭᠠᠲᠤᠭ᠍ᠰᠠᠨ ᠭᠠᠩᠭᠠᠩ ᠮᠤᠷᠢ ᠤᠨᠤᠵᠤ ᠶᠠᠪᠤᠬᠤ ᠶᠤᠮ ᠪᠤᠯ ᠬᠤᠲᠠ ᠤᠰᠤ ᠪᠠᠢᠲᠤᠭᠠᠢ ᠰᠤᠮᠤ ᠨᠢᠭᠡᠲᠦᠯᠳᠡᠭᠡᠨ ᠴᠤ᠌ ᠬᠦᠮᠦᠨᠤ ᠬᠤᠷᠤᠬᠠᠢᠶ᠋ᠢ ᠬᠦᠷᠭᠡᠨᠡ ᠯᠡ ᠭᠡᠰᠡᠨ ᠦᠭᠡ᠃ 《ᠶᠠᠭᠤᠨᠤ ᠶᠠᠭᠤᠮᠠ ᠶᠠᠭᠤᠨᠳᠠᠭᠠᠨ》 ᠭᠡᠲᠡᠭᠢᠶᠠᠷ ᠲᠡᠷᠡ ᠦᠶᠡᠳᠡᠭᠡᠨ ᠪᠤᠯ ᠦᠨᠡᠲᠡᠢ ᠲᠡᠷᠭᠡ ᠤᠨᠤᠯᠠ ᠭᠡᠰᠡᠨ ᠦᠭᠡ ᠪᠠᠢᠵᠤ ᠳ᠋ᠠ᠃ ᠤᠲᠤᠮ ᠰᠤᠲᠤᠷᠤᠨᠢᠶᠠᠨ ᠠᠮᠢᠲᠤᠷᠠᠯᠢᠶᠠᠷ ᠠᠶᠠᠲᠠᠢᠬᠠᠨ ᠭᠠᠩᠭᠠᠷᠠᠵᠤ ᠰᠤᠷᠤᠭ᠍ᠰᠠᠨ ᠲᠡᠢᠮᠤ ᠵᠠᠯᠠᠭᠤᠰ ᠯᠡ ᠬᠦᠲᠡᠭᠡᠪᠠᠨ ᠴᠢᠮᠡᠭ᠌ᠯᠡᠲᠡᠭ ᠪᠠᠢᠯᠠ᠃ ᠤᠳᠤ ᠲᠡᠳᠡᠨᠤ ᠦᠶᠡ ᠦᠩᠭᠡᠷᠡᠵᠤ᠂ ᠮᠤᠷᠢ ᠤᠨᠤᠭᠠ᠂ ᠡᠮᠡᠭᠡᠯ ᠬᠠᠵᠠᠭᠠᠷ᠂ ᠤᠷᠭᠠ ᠲᠠᠱᠢᠭᠤᠷ ᠮᠦᠽᠸᠢᠳᠤ ᠤᠷᠤᠬᠤᠨᠢ ᠬᠤᠯᠠ ᠦᠭᠡᠢ ᠪᠤᠯᠵᠠᠢ᠃ ᠲᠡᠭᠡᠭᠡᠳ ᠪᠤᠲᠤᠬᠤᠳᠤ ᠠᠯᠲᠠᠢᠶ᠋ᠢᠨ ᠬᠦᠷᠦᠭᠡᠰᠤᠶ᠋ᠢ ᠪᠡᠯᠳᠤ ᠪᠠᠭᠤᠯᠭᠠᠵᠤ ᠠᠯᠠᠪᠬᠢᠨ ᠵᠠᠢᠲᠠᠯᠠᠵᠤ᠂ ᠨᠤᠮᠤᠬᠠᠷᠠᠭᠤᠯᠤᠨ ᠰᠤᠷᠭᠠᠭ᠍ᠰᠠᠨ ᠠᠩᠬᠠᠨᠤ ᠮᠤᠩᠭᠤᠯᠠᠴᠠ ᠠᠪᠤᠭᠠᠳ ᠠᠰ ᠪᠤᠰᠤᠨ ᠴᠤᠷᠤᠢᠭ᠍ᠰᠠᠨ ᠠᠵᠢᠷᠭᠠᠨᠤ ᠭᠡᠷᠡᠬᠦᠯᠢ ᠯᠡ ᠰᠡᠬᠦᠲᠡᠷᠯᠡᠬᠦ᠌ᠠᠴᠠ ᠦᠭᠡᠷᠡ ᠠᠲᠤᠭᠤᠨᠤ ᠭᠠᠢᠬᠠᠮᠱᠢᠭᠢ ᠮᠡᠲᠡᠬᠦ᠌ᠪᠠᠨ ᠪᠤᠯᠢᠭ᠍ᠰᠠᠨ ᠪᠢᠲᠡᠨᠤ ᠦᠶᠡ ᠬᠦᠷᠴᠤ᠌ ᠢᠷᠡᠲᠡᠯᠡ ᠮᠤᠩᠭᠤᠯ ᠬᠦᠮᠦᠨ᠂ ᠮᠤᠷᠢ ᠬᠤᠶᠠᠷ ᠤᠲᠠᠭᠠᠨ ᠨᠦᠬᠦᠷᠯᠡᠭ᠌ᠰᠡᠨ ᠠᠵᠢᠶᠠᠮ᠃
ᠰᠠᠷᠠᠶ᠋ᠢᠨ ᠭᠠᠵᠠᠷᠢ ᠡᠳᠦᠷᠢᠶᠠᠷ ᠲᠤᠪᠴᠢᠯᠠᠲᠠᠭ᠂ ᠡᠳᠦᠷᠤᠨ ᠭᠠᠵᠠᠷᠢ ᠴᠠᠭᠢᠶᠠᠷ ᠲᠤᠪᠴᠢᠯᠠᠲᠠᠭ ᠬᠤᠷᠲᠤᠨ ᠬᠦᠯᠦᠭ ᠮᠤᠩᠭᠤᠯ ᠨᠤᠲᠤᠭᠤᠨ ᠬᠠᠮᠢᠭᠠ ᠴᠤ᠌ ᠪᠠᠢᠵᠤ᠂ ᠪᠠᠴᠢᠮ ᠤᠯᠠᠭᠠ ᠦᠲᠦᠲᠤ ᠵᠠᠬᠢᠲᠠᠯᠢ ᠰᠠᠭᠠᠲᠠᠯ ᠦᠭᠡᠢ ᠲᠠᠮᠵᠢᠭᠤᠯᠵᠤ ᠪᠠᠢᠭ᠍ᠰᠠᠨ ᠲᠤᠬᠠᠢ ᠦᠨᠡᠮᠱᠢᠯᠲᠤ ᠦᠯᠢᠭᠡᠷᠤᠳ ᠨᠤᠮ ᠰᠤᠲᠤᠷᠲᠤ ᠪᠢᠴᠢᠭ᠌ᠲᠡᠨ ᠦᠯᠡᠲᠡᠵᠡᠢ᠃ ᠠᠳᠭᠠᠭ ᠪᠤᠲᠤᠯᠲᠠᠢ ᠮᠠᠭᠤ ᠡᠬᠡᠨᠡᠷ᠂ ᠬᠠᠷᠠ ᠰᠠᠨᠠᠭᠠᠲᠤ ᠪᠠᠶᠠᠨ ᠨᠠᠷᠢᠶᠠᠷ ᠭᠤᠤᠯᠲᠠᠭᠤ ᠡᠰᠡᠷᠬᠦ᠌ ᠲᠠᠯᠠᠶ᠋ᠢᠨ ᠭᠤᠤᠯ ᠲᠦᠷᠢ ᠪᠤᠯᠭᠠᠲᠠᠭ ᠡᠢᠮᠤ ᠦᠯᠢᠭᠡᠷᠤᠳᠠᠴᠠ ᠪᠢᠲᠡ ᠬᠤᠶᠠᠷ ᠰᠤᠭᠤᠨᠳᠠᠭᠠᠨ ᠭᠤᠤᠷᠰᠤᠲᠠᠢ ᠬᠦᠯᠦᠭ ᠪᠠᠢᠭ᠍ᠰᠠᠨᠢ ᠭᠠᠢᠬᠠᠱᠢᠷᠠᠨ ᠰᠤᠨᠤᠰᠴᠤ᠌᠂ ᠮᠠᠭᠤ ᠰᠠᠨᠠᠭᠠᠨᠤ ᠬᠤᠤᠷ ᠲᠤᠰᠤᠭ᠍ᠰᠠᠨ ᠲᠡᠲᠡᠭᠡᠷ ᠠᠭ᠍ᠲᠠᠶ᠋ᠢᠨ ᠦᠬᠦᠯᠳᠤ ᠰᠠᠨᠠᠭᠠ ᠠᠯᠲᠠᠵᠤ᠂ ᠲᠡᠬᠦᠨᠠᠴᠠ ᠤᠯᠪᠠᠭᠠᠯᠠᠨ ᠠᠭᠤᠯᠠ ᠬᠠᠢᠷᠠᠬᠠᠨᠤ ᠮᠦᠷᠦᠨ ᠲᠡᠭᠡᠷᠡ ᠲᠡᠯ ᠬᠡᠢᠰᠭᠡᠨ ᠵᠤᠭ᠍ᠰᠤᠭ᠍ᠰᠠᠨ ᠭᠠᠭ᠍ᠴᠠ ᠮᠤᠷᠢᠶ᠋ᠢ ᠲᠤᠮᠤᠭ᠍ᠲᠤ ᠪᠠᠭᠠᠲᠤᠷᠤᠨ ᠬᠦᠯᠦᠭ ᠬᠡᠮᠡᠨ ᠤᠷᠭᠤᠭᠤᠯᠤᠨ ᠪᠤᠲᠤᠵᠤ ᠶᠠᠪᠤᠭ᠍ᠰᠠᠨ ᠴᠤ᠌ ᠤᠲᠠᠭᠠᠲᠠᠢ᠃ ᠮᠤᠩᠭᠤᠯ ᠬᠦᠮᠦᠨᠤ ᠦᠷᠡ ᠪᠢᠲᠡ ᠤᠬᠠᠭᠠᠨᠲᠤ ᠲᠡᠭᠡᠲᠦᠰᠤᠨᠢᠶᠠᠨ ᠦᠨᠡᠮᠱᠢᠯᠲᠡᠢ ᠦᠯᠢᠭᠡᠷᠲᠤ ᠡᠢᠨ ᠬᠦ᠌ ᠰᠡᠳᠭᠢᠯ ᠵᠢᠷᠦᠬᠡᠪᠠᠨ ᠠᠷᠭᠠᠮᠵᠢᠭᠤᠯᠤᠨ ᠦᠰᠦᠭ᠌ᠰᠡᠨ ᠪᠤᠯᠬᠤᠷ ᠬᠠᠷᠠ ᠪᠠᠭᠠᠠᠴᠠᠪᠠᠨ ᠯᠡ ᠮᠤᠷᠢ ᠤᠨᠤᠭᠠᠪᠠᠨ ᠬᠠᠢᠷᠠᠯᠠᠵᠤ ᠰᠤᠷᠤᠭᠠᠳ᠂ ᠲᠠᠭᠠᠬᠢᠲᠠᠢ ᠪᠤᠷᠤ ᠲᠠᠭᠠᠪᠠᠨ 《ᠡᠬᠦᠯᠡᠨ ᠬᠦᠬᠡ》᠂ ᠨᠡᠮᠨᠡᠭᠡᠰᠤᠲᠠᠢ ᠬᠠᠷᠠ ᠤᠨᠠᠭᠠᠪᠠᠨ 《ᠬᠢᠰᠭᠢᠲᠡᠯ ᠰᠠᠢᠲᠤ》᠂ ᠨᠠᠢᠷ ᠲᠠᠮᠵᠢᠨ ᠫᠠᠢᠰᠠᠲᠠᠢ ᠲᠠᠪᠬᠢᠭ᠍ᠰᠠᠨ ᠬᠦᠶᠦᠲᠡᠭ ᠭᠡᠭᠡᠷᠢᠶᠠᠨ 《ᠮᠤᠭᠠᠢ ᠬᠡᠭᠡᠷ》 ᠬᠡᠮᠡᠨ ᠪᠡᠯᠭᠡᠲᠡᠵᠤ ᠰᠤᠷᠤᠭ᠍ᠰᠠᠨ ᠬᠡᠢᠮᠤᠷᠢᠲᠠᠢ ᠬᠦᠮᠦᠰ ᠪᠤᠯᠤᠯ ᠦᠭᠡᠢ ᠶᠠᠭᠠᠬᠢᠬᠤᠪ᠃
ᠮᠠᠨᠤ ᠠᠮᠢᠲᠤᠷᠠᠯ ᠮᠤᠷᠢ ᠦᠭᠡᠢᠪᠠᠷ ᠲᠦᠰᠦᠭᠡᠯᠡᠭ᠌ᠲᠡᠬᠦ᠌ ᠦᠭᠡᠢ᠃ ᠬᠠᠷᠠᠭᠠ ᠠᠯᠲᠠᠮᠠ ᠲᠠᠯᠠ᠂ ᠵᠢᠬᠦᠷᠲᠡᠨ ᠴᠤᠴᠠᠮᠠ ᠠᠭᠤᠯᠠ ᠲᠠᠢᠭᠠᠶ᠋ᠢ ᠮᠤᠷᠢ ᠦᠭᠡᠢᠪᠠᠷ ᠶᠠᠭᠠᠬᠢᠵᠤ ᠲᠤᠭᠤᠯᠬᠤ ᠪᠢᠯᠡ？ ᠬᠤᠲᠠ ᠰᠠᠭᠠᠬᠠᠯᠲᠠᠠᠴᠠ ᠠᠢᠮᠠᠭ ᠤᠰᠤ ᠂ ᠠᠢᠮᠠᠭ ᠤᠰᠤᠨᠠᠴᠠ ᠠᠯᠤᠰ ᠨᠤᠲᠤᠭ ᠬᠦᠷᠲᠡᠯᠡ ᠤᠷᠤᠭ ᠲᠦᠷᠤ᠂ ᠨᠠᠢᠷ ᠨᠠᠭᠠᠲᠤᠮᠳᠤ ᠭᠡᠷᠭᠢᠨ ᠤᠴᠢᠵᠤ᠂ ᠤᠴᠠᠷᠠᠯᠲᠤ ᠠᠮᠠᠷᠠᠭᠲᠠᠢᠪᠠᠨ ᠭᠡᠷᠬᠢᠨ ᠠᠭᠤᠯᠵᠠᠬᠤ ᠪᠢᠯᠡ？ ᠠᠯᠠᠭᠠ ᠲᠠᠷᠤᠮᠠ ᠭᠠᠵᠠᠷᠤᠨ ᠲᠦᠯᠦᠭᠡ ᠴᠢᠰᠤ ᠰᠠᠬᠠᠷᠠᠭᠤᠯᠵᠤ ᠤᠨᠠᠭ᠍ᠰᠠᠨ ᠠᠩᠬᠠᠨᠤ ᠲᠠᠢᠴᠢᠨᠠᠴᠠ ᠠᠪᠤᠭᠠᠳ ᠠᠵᠠ ᠵᠢᠷᠭᠠᠯ ᠬᠠᠯᠬᠢᠯᠠᠭ᠍ᠰᠠᠨ ᠲᠠᠯᠠ ᠨᠤᠲᠤᠭ ᠲᠡᠭᠡᠷᠡ ᠲᠠᠭᠤᠤᠪᠠᠨ ᠲᠠᠭᠤᠯᠠᠨ ᠠᠮᠢᠲᠤᠷᠠᠵᠤ ᠶᠠᠪᠤᠭᠠ ᠦᠨᠤᠶ᠋ᠢᠨ ᠪᠢᠲᠡᠨᠳᠤ ᠬᠦᠷᠴᠤ᠌ ᠢᠷᠡᠲᠡᠯᠡᠬᠢ ᠲᠡᠦᠬᠡᠶᠢ ᠪᠢᠲᠡ ᠮᠤᠷᠢᠲᠡᠢᠪᠠᠨ ᠪᠢᠴᠢᠭ᠌ᠰᠡᠨ！ ᠠᠷᠤᠶ᠋ᠢᠨ ᠬᠦᠷᠦᠭᠡᠰᠤᠶ᠋ᠢ ᠠᠷᠭᠠᠯ ᠬᠤᠷᠭᠤᠯ ᠱᠢᠭ᠋ ᠨᠠᠮᠨᠠᠵᠤ ᠶᠠᠪᠤᠭ᠍ᠰᠠᠨ 《ᠬᠦᠭ᠌ᠰᠢᠨ ᠬᠤᠤᠬᠤᠩ》 ᠮᠠᠨᠠᠢᠬᠢ᠃ ᠬᠤᠯᠠᠭᠠᠢᠳᠤ ᠠᠯᠲᠠᠭ᠍ᠰᠠᠨ ᠨᠠᠢ᠍ᠮᠠᠨ ᠱᠢᠷᠭᠠᠶ᠋ᠢᠨ ᠬᠤᠢᠨᠠᠠᠴᠠ ᠲᠤᠭᠤᠰᠤ ᠲᠠᠲᠠᠭᠤᠯᠤᠨ ᠨᠡᠭᠡᠵᠤ ᠠᠮᠠᠭᠠᠢ ᠲᠠᠷᠤᠨ ᠭᠡᠢᠷᠭᠡᠭ᠌ᠰᠡᠨ 《ᠪᠦᠭ᠌ᠲᠦᠷ ᠬᠤᠩᠭᠤᠷ》 ᠮᠠᠨᠠᠢᠬᠢ᠃ ᠠᠷᠠᠴᠢᠯᠠᠭᠠ ᠬᠠᠷᠢᠭᠤᠯᠭᠠ ᠠᠯᠢᠨᠢ ᠴᠤ᠌ ᠲᠤᠳᠠᠬᠤ ᠦᠭᠡᠢ ᠡᠸᠦ᠋ᠷᠤᠫᠠᠶ᠋ᠢᠨ ᠲᠠᠷᠬᠠᠨ ᠴᠠᠭᠠᠵᠠᠲᠤ ᠠᠮᠢᠲᠠᠨᠤ ᠬᠦᠷᠢᠶᠡᠯᠡᠩᠠᠴᠠ ᠠᠯᠲᠠᠭᠤᠯᠤᠨ ᠭᠠᠷᠴᠤ᠌ ᠢᠷᠡᠭᠡᠳ ᠤᠯᠤᠰ ᠲᠠᠮᠵᠢᠨ ᠬᠦᠶᠦᠭ᠌ᠰᠡᠭᠡᠷ ᠨᠤᠲᠤᠭᠲᠠᠭᠠᠨ ᠬᠠᠷᠢᠵᠤ ᠢᠷᠡᠭ᠌ᠰᠡᠨ ᠷᠧᠮᠢᠰ ᠤᠯᠳᠧᠷᠢᠵᠶ᠋ᠢᠨᠲᠠᠬᠢᠶ᠋ᠢᠨ ᠤᠲᠤᠮᠲᠤ ᠲᠠᠪᠵᠠ ᠪᠠᠢᠲᠠᠰᠤ ᠮᠠᠨᠠᠢᠬᠢ᠃ ᠨᠠᠮᠠᠭᠠ ᠪᠦᠬᠦᠨᠠᠴᠠᠨᠢ ᠴᠢᠬᠢᠭ ᠲᠤᠰᠤᠯᠠᠭ᠍ᠰᠠᠨ ᠸᠢᠶᠧᠲᠨᠠᠮᠤᠨ ᠱᠢᠷᠢᠩᠭᠢᠲᠤ ᠤᠢᠳᠤ ᠡᠪᠡᠰᠤ ᠤᠯᠵᠤ ᠢᠲᠡᠭᠡ ᠦᠭᠡᠢ ᠮᠡᠲᠤ ᠶᠠᠰᠤᠨ ᠬᠡᠯᠬᠢᠶᠡ ᠪᠤᠯᠤᠭ᠍ᠰᠠᠨ ᠠᠲᠠᠯᠠ ᠤᠢᠷᠠᠲᠤᠭ᠍ᠰᠠᠨ ᠵᠢᠭᠤᠯᠴᠢᠳᠤᠨ ᠲᠤᠳᠤᠷᠠᠠᠴᠠ ᠮᠤᠩᠭᠤᠯ ᠬᠦᠮᠦᠨᠢ ᠤᠯᠵᠤ ᠲᠠᠨᠢᠭᠠᠳ ᠨᠢᠯᠪᠤᠰᠤ ᠪᠦᠮᠪᠦᠷᠢᠬᠦᠯᠦᠨ ᠱᠦᠷᠬᠦᠵᠤ ᠪᠠᠢᠭ᠍ᠰᠠᠨ ᠰ᠊· ᠡᠷᠳᠡᠨᠢᠶ᠋ᠢᠨ 《ᠴᠠᠭᠠᠨ ᠮᠤᠷᠢ》 ᠮᠠᠨᠠᠢᠬᠢ᠃ ᠮᠠᠯᠤᠨ ᠫᠠᠨᠽᠠᠴᠢᠨᠤ ᠲᠡᠷᠭᠡᠨᠳᠤ ᠲᠡᠭᠡᠭᠡᠭ᠌ᠲᠡᠵᠤ ᠲᠤᠳᠤᠭ᠍ᠰᠢ ᠶᠠᠪᠤᠭᠠᠳ ᠰᠠᠷᠠ᠂ ᠬᠤᠷᠢ ᠬᠤᠨᠤᠭᠤᠨ ᠲᠠᠷᠠᠭᠠ ᠲᠡᠭᠡᠰᠦᠨ ᠨᠤᠭ᠍ᠲᠤᠲᠠᠢ᠂ ᠲᠠᠰᠤᠷᠬᠠᠢ ᠲᠤᠱᠠᠲᠠᠢ ᠰᠦᠷᠦᠭᠲᠡᠭᠡᠨ ᠪᠤᠴᠠᠨ ᠢᠷᠡᠵᠤ ᠨᠤᠲᠤᠭ ᠤᠰᠤᠨᠤ ᠨᠠᠰᠤᠲᠠᠳᠤᠨ ᠵᠤᠪᠬᠢᠶ᠋ᠢ ᠴᠢᠭᠢᠭ᠌ᠲᠡᠬᠦᠯᠵᠤ ᠬᠤᠭᠤᠯᠠᠢᠶ᠋ᠢᠨᠢ ᠵᠠᠩᠭᠢᠷᠠᠭᠤᠯᠵᠤ ᠪᠠᠢᠭ᠍ᠰᠠᠨ ᠲᠡᠳᠡᠭᠡᠷ ᠭᠠᠵᠠᠷᠴᠢ᠂ ᠨᠤᠲᠤᠭ᠍ᠴᠢ ᠮᠤᠷᠢᠳ ᠴᠢᠨᠢ ᠮᠠᠨᠠᠢᠬᠢ！ ᠲᠡᠢᠮᠤ ᠯᠡ ᠮᠤᠷᠢᠳᠤᠨ ᠨᠠᠮᠬᠠᠨ ᠨᠢᠷᠤᠭᠤᠨ ᠲᠡᠭᠡᠷᠡ ᠪᠢᠲᠡ ᠡᠭᠡᠲᠡᠩ ᠭᠤᠲᠤᠯᠤᠨᠢᠶᠠᠨ ᠬᠤᠩᠱᠢᠶᠠᠷᠢ ᠱᠢᠨᠲᠠᠢᠲᠠᠯᠠ ᠵᠢᠬᠢᠵᠤ᠂ ᠡᠩᠭᠡᠷᠢᠶᠠᠨ ᠬᠦᠯᠬᠦᠢᠲᠡᠯᠡ ᠰᠠᠯᠬᠢ ᠡᠪᠦᠷᠯᠡᠨ ᠬᠦᠶᠦᠯᠭᠡᠵᠤ ᠰᠤᠮᠤ ᠰᠤᠷᠭᠠᠭᠤᠯᠢ᠂ ᠪᠠᠩᠭᠢ ᠡᠮᠨᠡᠯᠭᠡ ᠬᠠᠮᠢᠭᠠ ᠴᠤ᠌ ᠬᠦᠷᠲᠡᠭ᠂ ᠤᠪᠤᠭᠠ ᠤᠰᠤ᠂ ᠨᠠᠢᠷ ᠬᠤᠷᠢᠮᠳᠤ ᠬᠦᠰᠡᠭ᠌ᠰᠡᠨ ᠴᠠᠭᠲᠠᠭᠠᠨ ᠯᠡ ᠤᠴᠢᠲᠠᠭ ᠪᠠᠢᠯᠠ᠃ ᠲᠡᠢᠮᠤ ᠯᠡ ᠮᠤᠷᠢᠳᠤᠨ ᠤᠬᠠᠭᠠᠨ ᠴᠢᠲᠠᠯᠳᠤ ᠨᠠᠢᠲᠠᠵᠤ ᠨᠢᠲᠤ ᠴᠢᠴᠢᠮᠡ ᠬᠠᠷᠠᠩᠭᠤᠢ ᠰᠦᠨᠢ ᠠᠶᠤᠵᠤ ᠴᠤᠴᠠᠲᠠᠭ ᠦᠭᠡᠢ᠂ ᠵᠤᠷᠢᠭ ᠱᠢᠨᠲᠠᠷᠠᠮᠠ ᠠᠯᠤᠰ ᠬᠤᠯᠠ ᠶᠠᠲᠠᠷᠠᠵᠤ ᠵᠦᠲᠡᠷᠡᠲᠡᠭ ᠦᠭᠡᠢ᠂ ᠡᠪᠦᠯ ᠤᠰᠤᠭᠤᠲᠠᠭ ᠦᠭᠡᠢ᠂ ᠵᠤᠨ ᠴᠠᠩᠭᠠᠲᠠᠭ ᠦᠭᠡᠢ ᠠᠮᠢᠲᠤᠷᠠᠲᠠᠭ ᠪᠠᠢᠯᠠ ᠱᠢᠤ ᠳ᠋ᠧ᠃ ᠱᠢᠪᠠᠷ ᠪᠠᠯᠴᠢᠭᠲᠤ ᠲᠡᠪᠲᠦᠲᠡᠭ ᠦᠭᠡᠢ ᠲᠤᠭᠤᠷᠠᠢᠲᠠᠢ᠂ ᠲᠠᠢᠨᠤ ᠹᠷᠤᠨᠲᠲᠤ ᠬᠠᠯᠢᠷᠠᠲᠠᠭ ᠦᠭᠡᠢ ᠵᠤᠷᠢᠭᠲᠠᠢ ᠲᠡᠢᠮᠤ ᠯᠡ ᠮᠤᠷᠢᠳᠤᠨ ᠠᠴᠢᠪᠠᠷ ᠤᠯᠠᠭᠠᠨ ᠠᠷᠮᠢ ᠪᠧᠷᠯᠢᠨᠳᠤ ᠬᠦᠷᠴᠤ᠌᠂ 《ᠴᠠᠭᠠᠨ ᠪᠤᠭ᠍ᠲᠠᠶ᠋ᠢᠨ ᠴᠡᠷᠢᠭ》 ᠤᠯᠤᠰᠤᠨ ᠪᠠᠶᠠᠷᠤᠨ ᠠᠩᠬᠠᠨᠤ ᠵᠢᠭ᠍ᠰᠠᠭᠠᠯᠳᠤ ᠤᠷᠤᠯᠴᠠᠨ᠂ 《ᠴᠠᠭᠠᠨ ᠮᠤᠷᠢᠲᠤ ᠰᠤᠮᠤ》 ᠠᠢᠮᠠᠭᠤᠨ ᠨᠠᠢᠷ ᠲᠡᠭᠡᠷᠡ ᠮᠤᠷᠢᠨ ᠬᠦᠶᠦᠲᠡᠯ ᠲᠡᠭᠡᠷᠡᠠᠴᠠ ᠫᠤᠤᠲᠠᠵᠤ ᠴᠠᠪᠴᠢᠵᠤ ᠦᠵᠡᠬᠦᠯᠦᠯᠭᠡ ᠬᠢᠵᠤ ᠪᠠᠢᠯᠠ ᠱᠢᠤ ᠳ᠋ᠸ ᠁
ᠰᠠᠢᠬᠠᠨ ᠮᠤᠩᠭᠤᠯ ᠮᠤᠷᠢᠳᠢ ᠲᠠᠭᠤᠤ ᠦᠭᠡᠢᠪᠠᠷ ᠪᠦᠷᠢᠨ ᠤᠢᠯᠠᠭᠠᠵᠤ ᠪᠠᠰᠠ ᠴᠢᠲᠠᠬᠤ ᠦᠭᠡᠢ᠃ ᠰᠡᠳᠭᠢᠯᠲᠤ ᠪᠦᠰᠡᠬᠦᠢᠪᠠᠨ ᠮᠤᠷᠢᠨᠤ ᠰᠠᠢᠨᠢᠶᠠᠷ ᠪᠤᠯᠢᠶᠠᠨ ᠠᠪᠴᠤ᠌ ᠨᠤᠲᠤᠭᠢᠶᠠᠨ ᠵᠤᠷᠢᠭ᠍ᠰᠠᠨ ᠦᠵᠦᠮᠦᠴᠢᠨ ᠬᠠᠷᠠ ᠬᠦᠤ ᠤᠨᠢᠶᠠᠷ ᠲᠠᠲᠠᠭ᠍ᠰᠠᠨ ᠵᠦᠩᠭᠡᠷ ᠯᠤᠤᠵᠢᠶ᠋ᠢᠨ ᠱᠢᠯᠢ ᠲᠡᠭᠡᠬᠦᠷ᠄ 《ᠡᠬᠦᠷ ᠰᠡᠬᠦᠯᠲᠠᠢ ᠦᠷᠢᠶᠡ ᠮᠤᠷᠢᠨᠢ / ᠦᠵᠦᠮᠦᠴᠢᠨ ᠭᠡᠬᠦᠨᠤ ᠤᠨᠠᠭᠠ ᠶᠤᠮ ᠡ ᠁》 ᠭᠡᠵᠤ ᠤᠮᠤᠭ ᠪᠠᠷᠲᠠᠮ ᠬᠠᠩᠭᠢᠨᠠᠭᠤᠯᠵᠤ ᠶᠠᠪᠤᠭ᠍ᠰᠠᠨ ᠨᠢᠭᠡᠨ ᠴᠠᠭ ᠪᠠᠢᠬᠤᠳᠤ 《ᠲᠠᠨᠤ ᠵᠠᠶᠠᠭᠠ ᠲᠠᠭᠠᠷᠠᠭ᠍ᠰᠠᠨ ᠶᠤᠮ ᠪᠤᠯ / ᠲᠠᠯᠠᠳᠤ ᠤᠷᠤᠭᠠᠳ ᠬᠦᠢᠴᠡᠭᠡᠷᠡᠢ᠃ ᠮᠠᠨᠤ ᠵᠠᠶᠠᠭᠠ ᠲᠠᠭᠠᠷᠠᠭ᠍ᠰᠠᠨ ᠪᠤᠯ / ᠮᠠᠨᠠᠨ ᠪᠤᠲᠠᠩ ᠲᠠᠲᠠᠭᠠᠷᠠᠢ ᠁》 ᠭᠡᠵᠤ ᠬᠠᠨ ᠬᠡᠨᠲᠡᠢᠶ᠋ᠢᠨ ᠬᠡᠦᠬᠡᠨ ᠬᠤᠲᠤᠭ᠍ᠲᠤ ᠬᠠᠷᠠᠮᠴᠢ ᠪᠠᠶᠠᠨᠤ ᠠᠲᠤᠭᠤᠶ᠋ᠢ ᠬᠦᠭᠡᠭᠡᠵᠤ ᠶᠠᠪᠤᠬᠤᠳᠠᠭᠠᠨ ᠬᠤᠭᠤᠯᠠᠢ ᠲᠡᠯᠡᠰᠦᠬᠦᠯᠦᠨ ᠲᠠᠭᠤᠯᠠᠵᠤ ᠶᠠᠪᠤᠭ᠍ᠰᠠᠨ ᠦᠶᠡ ᠴᠤ᠌ ᠪᠤᠢ᠃ ᠬᠠᠷᠠᠩᠭᠤᠢ ᠲᠠᠷᠤᠯᠠᠯᠤᠨ ᠡᠰᠡᠷᠬᠦ᠌ ᠴᠡᠭᠡᠵᠢ ᠲᠦᠷᠢᠨ ᠪᠤᠰᠤᠭ᠍ᠰᠠᠨ ᠱᠢᠯᠢᠶ᠋ᠢᠨ ᠰᠠᠢᠨ ᠡᠷᠡ ᠲᠤᠷᠤᠢ ᠪᠠᠨᠲᠢ ᠲᠠᠷᠢᠭᠠᠩᠭᠠᠶ᠋ᠢᠨ ᠱᠢᠯᠢ᠂ ᠲᠠᠮᠠᠴᠢᠶ᠋ᠢᠨ ᠲᠠᠯᠠ ᠲᠡᠭᠡᠬᠦᠷ ᠱᠢᠷᠪᠤᠰᠤᠨ ᠬᠤᠢᠪᠢ ᠭᠤᠭ᠍ᠴᠤᠭᠠᠷᠠᠭᠤᠯᠵᠤ᠂ 《ᠤᠨᠠᠭᠠᠨᠠᠴᠠᠪᠠᠨ ᠤᠶᠠᠭᠠᠲᠠᠢ᠂ ᠲᠠᠭᠠᠨᠠᠴᠠᠪᠠᠨ ᠲᠠᠪᠬᠢᠭᠠᠲᠠᠢ》 ᠭᠡᠵᠤ ᠱᠢᠨᠲᠠᠰᠤᠲᠤ ᠬᠦᠯᠦᠭᠢᠶᠠᠨ ᠮᠠᠭ᠍ᠲᠠᠩᠬᠠᠨ ᠦᠲᠡᠶ᠋ᠢᠨ ᠬᠠᠯᠠᠭᠤᠨᠳᠤ ᠢᠰᠭᠡᠷᠴᠤ᠌ ᠶᠠᠪᠤᠭ᠍ᠰᠠᠨ ᠪᠠᠢᠬᠤᠳᠤ ᠰᠤᠮᠤᠨᠳᠤ ᠤᠨᠤᠭ᠍ᠲᠠᠨ ᠮᠤᠷᠢᠨᠠᠴᠠᠪᠠᠨ ᠤᠨᠠᠭ᠍ᠰᠠᠨ ᠤᠷᠲᠤᠰᠤᠨ ᠰᠠᠢᠨ ᠡᠷᠡ 《ᠳ᠋ᠦᠯᠡᠢ ᠢᠷᠡᠵᠤ ᠬᠤᠷᠠᠬᠤ ᠨᠤᠲᠤᠭᠢ ᠲᠠᠯᠬᠢᠨᠠ！》 ᠭᠡᠵᠤ ᠴᠠᠮᠴᠠᠨ ᠲᠡᠭᠡᠷᠡᠪᠠᠨ ᠴᠢᠰᠤᠪᠠᠷ ᠪᠢᠴᠢᠵᠤ ᠪᠠᠢᠭ᠍ᠰᠠᠨ ᠭᠤᠨᠢᠭ᠍ᠲᠤ ᠨᠢᠭᠡᠨ ᠲᠡᠦᠬᠡ ᠪᠠᠰᠠ ᠪᠤᠢ᠃ 《ᠭᠠᠰᠤᠨ ᠴᠠᠭᠠᠨ ᠲᠡᠷᠡᠰᠤ》 ᠲᠤᠮᠲᠠᠭᠤᠷ ᠲᠠᠭᠤᠯᠠᠵᠤ ᠶᠠᠪᠤᠭ᠍ᠰᠠᠨ ᠯᠤᠪᠰᠠᠩᠳᠠᠨᠵᠢᠨᠳᠤ ᠦᠭᠡᠯᠡᠳᠤᠨ ᠱᠢᠬᠢᠷᠠ ᠴᠠᠭᠠᠨ ᠬᠦᠷᠡᠩ ᠬᠠᠨᠢ ᠪᠤᠯᠵᠤ᠂ ᠮᠠᠨᠵᠤᠶ᠋ᠢᠨ ᠭᠠᠤᠯᠢᠨ ᠡᠯᠵᠢᠭᠡᠨ ᠲᠡᠭᠡᠷᠡ ᠵᠤᠭᠤᠰᠤᠨᠤ ᠨᠦᠬᠡᠪᠠᠷ ᠰᠤᠪᠤᠭᠤᠯᠤᠭ᠍ᠰᠠᠨ ᠴᠢᠩᠭᠦᠨᠵᠠᠪᠤᠨ ᠨᠢᠲᠦᠨᠳᠤ 《ᠬᠤᠲᠤᠭᠤᠢᠳᠤᠨ ᠤᠨᠠᠭᠠ》 ᠪᠤᠭᠤᠷᠤᠯ ᠬᠠᠩᠭᠠᠢᠪᠠᠨ ᠵᠤᠷᠢᠩᠬᠠᠨ ᠬᠦᠯᠢᠮ ᠬᠡᠢᠰᠭᠡᠨ ᠪᠤᠴᠠᠵᠤ᠂ ᠸᠴᠢᠷᠲᠤ ᠴᠠᠭᠠᠨ ᠬᠤᠲᠠᠪᠠᠨ ᠤᠷᠬᠢᠨ ᠪᠠᠷᠠᠭᠤᠨᠰᠢ ᠤᠲᠤᠭ᠍ᠰᠠᠨ ᠯᠢᠭ᠌ᠲᠡᠨ ᠬᠤᠲᠤᠭ᠍ᠲᠤᠶ᠋ᠢᠨ ᠴᠡᠭᠡᠵᠢᠨᠳᠤ 《ᠱᠠᠩᠬᠤᠲᠠᠢ ᠱᠢᠷᠭᠠ》 ᠨᠤᠭ᠍ᠲᠤᠪᠠᠨ ᠴᠢᠷᠦᠨ ᠲᠠᠪᠬᠢᠵᠤ ᠪᠠᠢᠭ᠍ᠰᠠᠨ ᠴᠤ᠌ ᠪᠢᠯᠢᠤ？ ᠰᠡᠴᠡᠨ ᠬᠠᠨᠤ ᠡᠪᠦᠭᠡᠨ ᠨᠤᠶᠠᠨ ᠫᠦᠷᠪᠤᠵᠠᠪ ᠪᠠᠢᠭ᠍ᠰᠠᠨᠠᠴᠠ ᠭᠠᠯ ᠱᠢᠷᠠᠶ᠋ᠢᠨ ᠠᠵᠢᠨᠠᠢᠶ᠋ᠢᠨ ᠭᠠᠯᠪᠢᠷ ᠲᠦᠷᠬᠦ᠂ ᠵᠢᠷᠤᠭ ᠰᠡᠢᠯᠦᠮᠡᠯ ᠦᠯᠡᠲᠡᠵᠤ᠂ ᠬᠡᠯᠡ ᠪᠢᠴᠢᠭᠤᠨ ᠤᠬᠠᠭᠠᠨᠤ ᠳ᠋ᠤᠺᠲ᠋ᠤᠷ ᠯᠤᠪᠰᠠᠩᠪᠠᠯᠲᠠᠨ ᠪᠠᠢᠭ᠍ᠰᠠᠨᠠᠴᠠ ᠠᠢᠯ ᠠᠢᠯᠤᠨ ᠠᠪᠲᠠᠷᠠ ᠳ᠋ᠦ ᠬᠠᠲᠠᠭᠠᠯᠠᠭ᠍ᠲᠠᠨ ᠪᠠᠢᠭ᠍ᠰᠠᠨ ᠮᠤᠷᠢᠨ ᠱᠢᠨᠵᠢᠶ᠋ᠢᠨ ᠲᠠᠯᠲᠠ ᠰᠤᠲᠤᠷ ᠨᠡᠢᠲᠡᠶ᠋ᠢᠨ ᠬᠦᠷᠲᠡᠭᠡᠯ ᠪᠤᠯᠵᠠᠢ᠃ ᠮᠤᠷᠢᠪᠠᠷᠢᠶᠠᠨ ᠪᠠᠭ᠍ᠠᠷᠬᠠᠭ᠍ᠰᠠᠨ᠂ ᠢᠲᠡᠭᠡᠭ᠌ᠰᠡᠨ᠂ ᠭᠠᠢᠬᠠᠭᠤᠯᠤᠭ᠍ᠰᠠᠨ ᠤᠲᠠᠭᠠᠨ ᠡᠳᠦᠷ ᠵᠤᠵᠠᠭᠠᠨ ᠬᠤᠨᠤᠭᠤᠨ ᠠᠵᠤ ᠠᠮᠢᠲᠤᠷᠠᠯᠠᠴᠠ 《ᠰᠤᠶᠤᠭ ᠪᠤᠷᠤ》᠂ 《ᠲᠤᠯᠢᠨ ᠬᠤᠯᠠ》᠂ 《ᠡᠬᠦᠯᠡᠨ ᠬᠦᠬᠡ》᠂ 《ᠵᠢᠭᠠᠬᠠᠨ ᠱᠢᠷᠭᠠ》 ᠭᠡᠲᠡᠯᠡ 《ᠮᠦᠨᠲᠦᠭᠡᠷ ᠰᠠᠭᠠᠷᠠᠯ》᠂ 《ᠽᠠᠨᠲᠠᠨ ᠬᠦᠷᠡᠩ》 ᠭᠡᠳ ᠤᠯᠠᠨ ᠰᠠᠢᠬᠠᠨ ᠠᠶᠠ ᠲᠠᠭᠤᠤ ᠲᠦᠷᠦᠨ ᠭᠠᠷᠤᠭ᠍ᠰᠠᠨ ᠪᠢᠯᠡ᠃
ᠠᠯᠤᠰ ᠲᠡᠷᠲᠡᠭᠡᠬᠢ ᠡᠾᠦ᠋ᠩᠨᠤᠶ᠋ᠢᠨ ᠤᠨᠨᠤᠭᠤᠳᠲᠤ ᠤᠨᠤᠵᠤ ᠶᠠᠪᠤᠭ᠍ᠰᠠᠨ ᠪᠢᠲᠠᠷᠲᠤ ᠬᠦᠯᠦᠭᠠᠴᠠ ᠡᠬᠢᠯᠡᠭᠡᠳ ᠨᠡᠬᠦᠲᠡᠯᠴᠢᠳ ᠪᠢᠲᠡᠨᠤ ᠠᠮᠢᠲᠤᠷᠠᠯᠤᠨ ᠠᠴᠢᠶᠠᠶ᠋ᠢ ᠮᠤᠷᠢ ᠮᠢᠨᠢ ᠯᠡ ᠡᠬᠦᠷᠴᠤ᠌ ᠲᠡᠬᠦᠷᠴᠤ᠌᠂ ᠠᠴᠢᠵᠤ ᠭᠠᠨᠵᠤᠭᠠᠯᠠᠵᠤ ᠢᠷᠡᠭ᠌ᠰᠡᠨ᠃ ᠢᠯᠬᠢᠨ ᠲᠤᠯᠤᠮᠶ᠋ᠢᠡᠨ ᠡᠮᠡᠭᠡᠯ ᠲᠡᠭᠡᠬᠦᠷᠢᠶᠠᠨ ᠲᠡᠩᠨᠡᠬᠦᠯᠵᠤ᠂ ᠦᠨᠡᠭᠡ ᠱᠠᠬᠠᠷ᠂ ᠴᠢᠨ᠋ᠸᠠ ᠮᠠᠩᠭᠢᠰᠤᠨᠤ ᠠᠷᠠᠰᠤᠪᠠᠷ ᠭᠠᠨᠵᠤᠭᠠᠪᠠᠨ ᠮᠢᠯᠢᠶᠡᠨ ᠬᠡᠢᠮᠤᠷᠢ ᠰᠡᠷᠬᠦᠭᠡᠵᠤ ᠶᠠᠪᠤᠲᠠᠭ ᠪᠠᠢᠭ᠍ᠰᠠᠨ ᠡ ᠪᠢᠲᠡ᠃ ᠡᠮᠦᠰᠦᠭ᠌ᠰᠡᠨ ᠭᠤᠲᠤᠯ ᠬᠦᠷᠲᠡᠯᠡ ᠬᠦᠨᠲᠤ ᠰᠠᠨᠠᠭ᠍ᠲᠠᠲᠠᠭ ᠬᠤᠨᠢᠨ ᠤᠭ᠍ᠲᠤᠭᠤᠯ ᠨᠠᠷᠠᠨ ᠲᠤᠤᠷᠠ ᠦᠯᠦᠰᠦᠭ᠌ᠰᠡᠨ᠂ ᠶᠠᠲᠠᠷᠠᠭ᠍ᠰᠠᠨᠤ ᠬᠠᠮᠤᠭ ᠲᠤᠬᠤᠷᠠᠭᠤᠯᠤᠯ ᠮᠤᠷᠢ ᠮᠢᠨᠢ ᠯᠡ ᠪᠠᠢᠲᠠᠭ ᠪᠠᠢᠯᠠ᠃ ᠲᠡᠢᠮᠤ ᠡ᠂ ᠮᠤᠷᠢ ᠯᠡ ᠭᠡᠬᠦ᠌ᠪᠠᠷ ᠠᠪᠤᠶ᠋ᠢᠨᠢᠶᠠᠨ ᠠᠷᠤᠳᠤ ᠰᠤᠨᠲᠠᠯᠠᠭᠠᠳ ᠪᠤᠵᠢᠬᠢᠨᠠᠭ᠍ᠰᠠᠨ ᠱᠢᠭᠤᠷᠭᠠᠨ ᠲᠤᠮᠲᠠᠭᠤᠷ ᠪᠠᠷᠢᠭᠠᠲᠠᠶ᠋ᠢᠨ ᠰᠤᠷᠭᠠᠭᠤᠯᠢ ᠤᠷᠤᠭᠤ ᠶᠠᠪᠤᠵᠤ ᠪᠠᠢᠭ᠍ᠰᠠᠨ ᠲᠠᠯᠠᠨ ᠨᠢᠭᠡᠨ ᠤᠨᠤ ᠡᠪᠦᠯ ᠰᠠᠨᠠᠭ᠍ᠲᠠᠭᠠᠳ ᠢᠷᠡᠨᠡ᠃ ᠠᠪᠤ ᠲᠠ ᠬᠤᠶᠠᠷ ᠯᠡ ᠨᠠᠮᠠᠶ᠋ᠢ ᠰᠤᠷᠭᠠᠭᠤᠯᠢᠳᠤ ᠬᠦᠷᠭᠡᠭ᠌ᠰᠡᠨ ᠶᠤᠮ ᠱᠢᠤ᠂ ᠬᠦᠯᠦᠭ ᠮᠢᠨᠢ！
ᠡᠵᠡᠬᠦᠢ ᠴᠠᠭᠠᠨ ᠱᠢᠯᠢᠳᠤ ᠴᠢ ᠵᠦᠭ ᠴᠢᠭ ᠮᠢᠨᠢ ᠪᠢᠯᠡ᠃ ᠡᠭᠡᠷᠡᠮᠡ ᠶᠡᠭᠡ ᠲᠠᠯᠠᠳᠤ ᠴᠢ ᠱᠢᠨᠲᠠᠰᠤᠲᠤ ᠤᠨᠤᠭᠠ ᠮᠢᠨᠢ ᠪᠢᠯᠡ᠃ ᠤᠯᠠᠩᠭᠠᠰᠤᠭ᠍ᠰᠠᠨ ᠴᠢᠨ᠋ᠸᠠᠠᠴᠠ ᠰᠦᠷᠦᠭᠢᠶᠠᠨ ᠬᠠᠮᠠᠭᠠᠯᠠᠵᠤ ᠲᠤᠭᠤᠷᠠᠢᠪᠠᠨ ᠴᠠᠪᠴᠢᠯᠠᠨ ᠲᠠᠭᠠᠷᠢᠲᠠᠭ ᠵᠤᠷᠢᠭᠲᠤ ᠴᠢᠨᠢ ᠪᠢ ᠬᠠᠢᠷᠠᠲᠠᠢ᠂ ᠤᠲᠤᠮ ᠤᠭ᠍ᠰᠠᠭᠠᠪᠠᠨ ᠴᠡᠪᠡᠷ ᠠᠪᠴᠤ᠌ ᠶᠠᠪᠤᠬᠤᠶ᠋ᠢᠨ ᠲᠦᠯᠦᠭᠡ ᠦᠬᠢᠨ ᠲᠦᠯᠢᠶᠠᠨ ᠬᠠᠰᠤᠵᠤ ᠭᠠᠷᠭᠠᠲᠠᠭ ᠵᠢᠷᠦᠮᠳᠤ ᠴᠢᠨᠢ ᠨᠡᠩ ᠬᠠᠢᠷᠠᠲᠠᠢ᠃ ᠮᠤᠷᠢ ᠮᠢᠨᠢ ᠴᠢ ᠠᠬᠢ ᠤᠩᠭᠤᠲᠤᠮᠠ ᠭᠤᠪᠢᠶ᠋ᠢᠨ ᠬᠠᠯᠠᠭᠤᠨᠳᠤ ᠰᠡᠯᠬᠢ᠂ ᠠᠮᠢ ᠦᠷᠢᠰᠦᠭ᠌ᠰᠡᠨ ᠱᠢᠷᠦᠬᠦᠨ ᠲᠠᠢᠨᠳᠤ ᠰᠤᠮᠤ᠂ ᠠᠮᠠᠷᠠᠭᠲᠠᠭᠠᠨ ᠲᠡᠮᠡᠦᠯᠦᠭ᠌ᠰᠡᠨ ᠭᠡᠨ ᠨᠢᠭᠡᠨᠳᠤ ᠵᠢᠬᠦᠷ᠂ ᠠᠯᠤᠰᠢ ᠵᠤᠷᠢᠭ᠍ᠰᠠᠨ ᠬᠦᠮᠦᠨ ᠪᠤᠯᠭᠠᠨᠳᠤ ᠨᠠᠢᠲᠠᠪᠤᠷᠢ ᠪᠤᠯᠵᠤ ᠶᠠᠪᠤᠭ᠍ᠰᠠᠨ ᠶᠤᠮ ᠱᠢᠤ！
ᠴᠢᠮᠠᠶ᠋ᠢ ᠬᠠᠶᠠᠭᠠᠨᠳᠤᠨᠢ ᠬᠠᠶᠠᠭ᠍ᠰᠠᠨ᠂ ᠴᠠᠪᠴᠢᠵᠤ ᠢᠲᠡᠲᠡᠭ ᠠᠮᠢᠲᠠᠨ ᠪᠡᠯᠴᠢᠭᠡᠷ ᠰᠦᠢᠳᠭᠡᠲᠡᠭ ᠭᠡᠳ ᠦᠨᠲᠦᠰᠤᠶ᠋ᠢ ᠴᠢᠨᠢ ᠲᠠᠰᠤᠯᠬᠤ ᠱᠢᠬᠠᠭ᠍ᠰᠠᠨ ᠲᠡᠨᠲᠦᠷ ᠮᠡᠨᠲᠦᠷ ᠤᠨ ᠵᠢᠯᠤᠳᠢ ᠪᠢ ᠮᠡᠲᠡᠨᠡ᠃ ᠴᠢᠮᠠᠶ᠋ᠢ ᠲᠡᠭᠡᠰᠦᠨ ᠨᠤᠭ᠍ᠲᠤᠲᠠᠢ᠂ ᠵᠢᠶᠤᠤᠫᠢ ᠴᠢᠲᠦᠷᠲᠠᠢ᠂ ᠲᠡᠯᠢᠶᠠᠨ ᠬᠢᠷᠪᠢᠬᠦᠯᠵᠤ᠂ ᠰᠡᠬᠦᠯᠢᠶᠠᠨ ᠲᠠᠭᠠᠷᠢᠭᠤᠯᠵᠤ ᠶᠠᠪᠤᠭ᠍ᠰᠠᠨ ᠬᠦᠨᠲᠤ ᠦᠶᠡᠳᠤ ᠶᠠᠭᠠᠬᠢᠬᠤᠪᠠᠨ ᠤᠯᠬᠤ ᠦᠭᠡᠢ ᠭᠠᠷᠢᠶᠠᠨ ᠨᠤᠬᠤᠯᠠᠨ ᠭᠠᠴᠢᠭ᠍ᠲᠠᠵᠤ ᠨᠠᠮᠤᠷᠤᠨ ᠬᠦᠭᠡ ᠮᠠᠨᠠᠨ ᠲᠤᠮᠲᠠ ᠠᠭᠤᠯᠠᠨ ᠤᠷᠤᠢ ᠲᠡᠭᠡᠷᠡ ᠤᠬᠢᠯᠠᠵᠤ ᠰᠠᠭᠤᠭ᠍ᠰᠠᠨ ᠬᠦᠭᠡᠷᠦᠬᠦᠢ ᠠᠲᠤᠭᠤᠴᠢᠨ ᠪᠢ ᠪᠢᠯᠡ᠃ ᠴᠢᠮᠠᠶ᠋ᠢ ᠭᠡᠩᠭᠦᠲᠡᠭ ᠴᠡᠭᠡᠵᠢᠨᠳᠡᠭᠡᠨ ᠦᠷᠭᠡᠰᠦᠲᠤ ᠵᠠᠩᠭᠤᠤᠳᠤ ᠤᠷᠠᠭᠤᠯᠤᠭ᠍ᠰᠠᠨ ᠱᠢᠷᠬᠠᠲᠠᠢ᠂ ᠨᠢᠷᠤᠭᠤ ᠲᠠᠱᠢᠶᠠᠨᠳᠠᠭᠠᠨ ᠳ᠋ᠠᠶᠤᠤ ᠬᠤᠲᠠᠷᠭᠠᠪᠠᠷ ᠬᠤᠯᠭᠤᠭᠤᠯᠤᠭ᠍ᠰᠠᠨ ᠰᠤᠷᠪᠢᠲᠠᠢ ᠭᠠᠵᠠᠷᠯᠠᠨ ᠬᠦᠶᠦᠵᠤ ᠢᠷᠡᠬᠦ᠌ᠳᠤ ᠴᠢᠨᠢ᠄ 《ᠡᠨᠡ ᠲᠦᠷᠦᠯᠳᠤ ᠴᠢᠨᠢ ᠡᠷᠬᠢᠵᠤ ᠬᠤᠲᠠᠯᠲᠤᠬᠤ ᠦᠭᠡᠢ！》 ᠭᠡᠵᠤ ᠲᠠᠩᠭᠠᠷᠢᠭ ᠲᠠᠯᠪᠢᠭᠠᠳ ᠵᠡᠬᠦᠨ ᠪᠠᠷᠠᠭᠤᠨ ᠠᠢᠯᠲᠠᠢᠪᠠᠨ ᠬᠠᠮᠵᠢᠯᠴᠠᠨ ᠠᠲᠤᠭᠤᠨᠤ ᠪᠡᠯᠴᠢᠭᠡᠷ ᠵᠠᠢᠴᠢᠯᠠᠵᠤ ᠬᠤᠷᠱᠢᠨ ᠮᠠᠯᠵᠢᠭ᠍ᠰᠨᠨ ᠭᠠᠨᠲᠠᠭᠤᠨ ᠮᠠᠯᠴᠢᠨ ᠪᠢ ᠪᠢᠯᠡ ᠁
ᠴᠢᠮᠠᠲᠠᠢ ᠴᠤᠭ ᠬᠠᠷᠠᠲᠠᠭ᠍ᠲᠠᠵᠤ᠂ ᠭᠠᠲᠠᠭᠤᠷᠴᠢᠯᠠᠭ᠍ᠲᠠᠵᠤ᠂ ᠶᠠᠪᠤᠵᠤ ᠰᠠᠭᠤᠬᠤᠪᠠᠨ ᠭᠡᠲᠡᠬᠦᠯᠵᠤ ᠪᠠᠢᠭ᠍ᠰᠠᠨ ᠤᠷᠤᠭᠤ ᠲᠤᠷᠤᠢ ᠦᠶᠡ ᠮᠠᠨᠳᠤ ᠪᠤᠢ᠃ ᠤᠮᠠᠷᠠᠲᠤᠶ᠋ᠢᠨ ᠠᠭᠤᠵᠢᠮ ᠲᠠᠯᠠᠳᠤ ᠬᠡᠴᠢᠨᠡᠨ ᠵᠢᠯ ᠱᠢᠭᠤᠷᠭᠠ ᠰᠦᠷᠦᠨ ᠲᠠᠪᠬᠢᠭ᠍ᠰᠠᠨ ᠤᠲᠤᠮᠲᠤ ᠬᠦᠯᠦᠭᠤᠨ ᠤᠨᠠᠭᠠ ᠪᠤᠯᠬᠤᠷ ᠴᠢ 《ᠵᠤᠷᠢᠭ᠍ᠰᠠᠨ ᠭᠠᠵᠠᠷ ᠴᠢᠨᠢ ᠬᠤᠯᠠ ᠱᠢᠤ᠂ ᠵᠤᠷᠢᠭᠢᠶᠠᠨ ᠪᠢᠲᠡᠭᠡᠢ ᠮᠤᠬᠤᠭᠠᠷᠠᠢ》 ᠭᠡᠰᠡᠨ ᠱᠢᠭ ᠲᠤᠷᠬᠢᠨ ᠲᠤᠷᠭᠢᠨ ᠲᠤᠩᠱᠢᠵᠤ᠂ ᠲᠡᠮᠡᠦᠯᠦᠨ ᠲᠡᠮᠡᠦᠯᠦᠨ ᠬᠠᠲᠠᠷᠢᠭ᠍ᠰᠠᠭᠠᠷ ᠪᠠᠷᠠᠭᠠᠨ ᠬᠠᠷᠠᠩᠭᠤᠢ ᠲᠡᠷᠡ ᠦᠶᠡᠶ᠋ᠢ ᠲᠤᠭᠤᠯᠵᠤ ᠪᠢᠯᠡ᠃ ᠲᠡᠦᠬᠡ ᠴᠢᠮᠠᠶ᠋ᠢ ᠬᠠᠲᠠᠨᠤ ᠢᠷᠮᠡᠭᠲᠤ ᠠᠪᠠᠴᠢᠭᠠ ᠦᠭᠡᠢ᠂ ᠲᠡᠦᠬᠡᠶ᠋ᠢ ᠮᠢᠨᠢ ᠪᠠᠯᠠᠯᠬᠤ ᠭᠡᠰᠡᠨ ᠬᠤᠤᠷᠠᠨ ᠰᠠᠨᠠᠭᠠᠲᠠᠨᠢ ᠬᠠᠷᠢᠨ ᠤᠷᠤᠭ᠍ᠰᠢᠯᠠᠬᠤ ᠵᠠᠮᠠᠴᠠ ᠮᠢᠨᠢ ᠵᠠᠢᠯᠠᠭᠤᠯᠤᠭ᠍ᠰᠠᠨ！ ᠴᠢᠮᠠᠶ᠋ᠢ ᠲᠤᠭᠠᠪᠠᠷ ᠪᠡᠯᠭᠡᠱᠢᠶᠡᠭ᠌ᠰᠡᠨ 《ᠠᠵᠢᠨᠠᠢ》 ᠨᠠᠢᠷ᠂ ᠵᠢᠰᠤᠪᠠᠷ ᠢᠵᠢᠯᠢᠱᠢᠬᠦᠯᠦᠭ᠌ᠰᠡᠨ ᠠᠷᠠᠳᠤᠨ ᠬᠤᠷᠱᠢᠶᠠᠵᠢᠯ᠂ ᠲᠡᠦᠬᠡᠪᠠᠷ ᠲᠤᠷᠠᠳᠭᠠᠭ᠍ᠰᠠᠨ ᠮᠤᠷᠢᠲᠤ ᠴᠡᠷᠢᠭᠤᠨ ᠰᠤᠮᠤ ᠬᠢᠭᠡᠳ ᠴᠢᠨᠤ ᠤᠮᠤᠭ ᠰᠦᠰᠤ᠂ ᠴᠤᠭ ᠵᠢᠪᠬᠤᠭᠠᠶ᠋ᠢ ᠠᠮᠢᠯᠠᠭᠤᠯᠤᠭ᠍ᠰᠠᠨ 《ᠲᠤᠯᠢᠨ ᠬᠤᠯᠠ》ᠶ᠋ᠢᠨ ᠠᠶᠠᠯᠭᠤ᠂ ᠤᠯᠠᠭᠠᠨᠮᠦᠢ᠍ᠴᠢᠷᠢᠶᠠᠨᠲᠠᠭᠠᠨ ᠴᠤᠢᠯᠤᠭ᠍ᠰᠠᠭᠠᠷ ᠪᠠᠢᠭᠠ ᠬᠤᠭᠤᠷᠤᠨ ᠡᠭᠡᠱᠢᠭ ᠁ ᠠᠯᠢ ᠠᠯᠢᠨᠳᠤᠨᠢ ᠪᠢ ᠪᠠᠶᠠᠷᠯᠠᠵᠤ ᠶᠠᠪᠤᠲᠠᠭ᠃ ᠮᠦᠽᠸᠢᠶ᠋ᠢᠨ ᠴᠠᠭᠠᠨ ᠠᠰᠠᠷ᠂ ᠴᠤᠨᠵᠢᠨ ᠪᠤᠯᠲᠤᠭ᠂ ᠭᠠᠨᠲᠠᠷᠢᠶ᠋ᠢᠨ ᠱᠢᠯᠢ᠂ ᠱᠢᠯᠢᠶ᠋ᠢᠨ ᠭᠤᠤᠯᠤᠨ ᠬᠦᠪᠡᠭᠡ᠂ ᠤᠯᠢᠶᠠᠰᠤᠲᠠᠢ ᠪᠠᠯᠭᠠᠰᠤ᠂ ᠬᠠᠭᠤᠴᠢᠨ ᠪᠠᠷᠭᠤᠶ᠋ᠢᠨ ᠬᠤᠲᠠᠬᠠᠨ ᠭᠡᠳ ᠴᠢᠨᠤ ᠱᠤᠭᠤᠮᠠᠯᠲᠠᠢ ᠭᠠᠵᠠᠷ ᠪᠦᠬᠦᠨᠳᠤ ᠪᠢ ᠵᠢᠷᠤᠭᠢᠶᠠᠨ ᠲᠠᠷᠤᠭᠤᠯᠵᠤ ᠶᠠᠪᠤᠭ᠍ᠰᠠᠨ᠃ ᠴᠢᠨᠤ ᠪᠠᠷᠢᠮᠠᠯᠲᠠᠢ ᠭᠠᠵᠠᠷ ᠪᠦᠬᠦᠨ ᠨᠠᠲᠠ ᠮᠤᠷᠢᠨᠳᠤ ᠬᠠᠢᠷᠠᠲᠠᠢ ᠮᠤᠩᠭᠤᠯ ᠬᠦᠮᠦᠨᠤ ᠬᠠᠯᠠᠭᠤᠨ ᠰᠡᠳᠭᠢᠯᠢ ᠮᠡᠲᠡᠷᠡᠬᠦᠯᠵᠤ ᠪᠠᠢᠭ᠍ᠰᠠᠨ ᠡ᠃
ᠮᠤᠩᠭᠤᠯᠤᠨ ᠨᠡᠬᠦᠲᠡᠯᠴᠢᠳᠢ ᠦᠶᠡᠠᠴᠠ ᠦᠶᠡᠳᠤ ᠵᠤᠷᠢᠭ᠍ᠰᠠᠨ ᠭᠠᠵᠠᠷᠲᠤᠨᠢ ᠬᠦᠷᠭᠡᠵᠤ ᠶᠠᠪᠤᠭ᠍ᠰᠠᠨ ᠪᠤᠭᠤᠷᠤᠯ ᠲᠡᠦᠬᠡᠶ᠋ᠢᠨ ᠬᠦᠭ᠌ᠰᠢᠨ ᠬᠤᠤᠬᠤᠩ᠂ ᠮᠤᠩᠭᠤᠯ ᠲᠦᠮᠡᠨᠤ ᠬᠤᠪᠢ ᠵᠠᠶᠠᠭᠠᠶ᠋ᠢ ᠨᠠᠮᠬᠠᠨ ᠨᠢᠷᠤᠭᠤᠨᠳᠠᠭᠠᠨ ᠠᠴᠢᠵᠤ ᠬᠦᠶᠦᠭ᠌ᠰᠡᠨ ᠬᠤᠷᠢᠲᠤᠭᠠᠷ ᠵᠠᠭᠤᠨᠤ ᠤᠬᠠᠭᠠ ᠬᠤᠩᠭᠤᠷ᠂ ᠮᠤᠩᠭᠤᠯ ᠤᠶᠠᠭᠠᠴᠢᠶ᠋ᠢᠨ ᠲᠠᠯᠲᠠ ᠬᠡᠢᠷᠭᠡᠯᠢ ᠲᠤᠷᠭᠠᠨ ᠬᠦᠶᠦᠲᠡᠯᠢᠶᠠᠷᠢᠶᠠᠨ ᠮᠢᠯᠢᠶᠠᠭ᠍ᠴᠢ ᠬᠤᠤᠰ ᠱᠢᠷᠭᠠ ᠴᠦᠮ ᠮᠤᠩᠭᠤᠯ ᠭᠠᠵᠠᠷᠤᠨ ᠲᠠᠭᠤᠲᠤ ᠬᠦᠯᠦᠭ ᠪᠢᠯᠡ᠃ ᠲᠠᠪᠢᠭᠠᠳ ᠵᠢᠯᠤᠨ ᠲᠡᠷᠲᠡᠭᠡ ᠬᠦᠷᠦᠷᠠᠭ᠍ᠴᠠ ᠪᠢᠲᠡ ᠬᠤᠶᠠᠷ ᠱᠢᠬ ᠬᠦᠲᠡᠭᠡᠶ᠋ᠢᠨ ᠬᠦᠪᠡᠬᠦᠳᠢ ᠡᠭᠡᠭᠡ ᠠᠲᠠᠯᠢᠬᠠᠨ ᠰᠡᠳᠭᠢᠯ ᠵᠢᠷᠦᠬᠡᠪᠠᠷ ᠮᠢᠨᠢ ᠠᠷᠭᠠᠮᠵᠢᠵᠤ ᠶᠠᠪᠤᠭ᠍ᠰᠠᠨ ᠮᠤᠩᠭᠤᠯ ᠨᠤᠲᠤᠭᠤᠨ ᠠᠭᠤᠯᠠ ᠤᠰᠤ ᠦᠨᠤ ᠴᠤ᠌ ᠭᠡᠰᠡᠨ ᠲᠠᠭᠤᠤᠲᠠᠢᠪᠠᠨ᠂ ᠲᠤᠮᠤᠭᠲᠠᠢᠪᠠᠨ᠂ ᠬᠤᠷᠭᠤᠲᠠᠮᠠᠷ ᠰᠠᠢᠬᠠᠨ ᠠᠮᠢᠲᠤᠷᠠᠯᠲᠠᠢᠪᠠᠨ ᠪᠤᠢ᠃ ᠲᠡᠷᠡ ᠨᠤᠲᠤᠭᠤᠨ ᠠᠵᠤ ᠠᠮᠢᠲᠤᠷᠠᠯᠢ ᠬᠤᠯᠪᠤᠵᠤ ᠶᠠᠪᠤᠲᠠᠭ ᠱᠢᠨᠲᠠᠰᠤᠲᠤ ᠬᠦᠯᠦᠭᠤᠨ ᠨᠡᠷᠡ ᠲᠦᠷᠤ ᠦᠰᠴᠤ᠌᠂ ᠦᠨᠦᠲᠦᠷ ᠭᠡᠬᠦ᠌ᠳᠤ ᠲᠦᠷᠤᠶ᠋ᠢᠨ ᠲᠦᠪᠱᠢᠨᠳᠤ ᠬᠦᠷᠴᠡᠢ᠃ 《ᠮᠤᠩᠭᠤᠯ ᠮᠤᠷᠢᠨᠤ ᠵᠤᠷᠢᠭ ᠰᠠᠨᠠᠭᠠ》 ᠭᠡᠲᠡᠭ ᠬᠦᠨᠲᠤ ᠲᠤᠰᠤᠯᠲᠠᠲᠠᠢ ᠦᠭᠡ ᠤᠳᠤ ᠨᠢᠭᠡᠨᠲᠡ ᠦᠪᠦᠷ ᠮᠤᠩᠭᠤᠯ ᠤᠷᠤᠨᠤ ᠠᠵᠢᠯ ᠦᠢᠯᠡᠰᠤᠨᠬᠢᠨᠤ ᠦᠢᠯᠡᠰ ᠵᠢᠳᠬᠦᠯᠢᠶᠠᠨ ᠪᠠᠷᠢᠮᠵᠢᠶᠠᠯᠠᠭ᠍ᠴᠢ ᠡᠷᠡᠮᠡᠭᠡᠢ ᠵᠤᠷᠢᠭ ᠱᠢᠭᠤᠳᠮᠠᠭᠠᠢ ᠠᠷᠠᠨᠱᠢᠨᠤ ᠲᠦᠯᠦᠭᠡᠨᠤ ᠨᠡᠷᠡ ᠪᠤᠯᠤᠭᠠᠳ ᠪᠠᠢᠨᠠ᠃ ᠴᠠᠰᠤ ᠱᠢᠭᠤᠷᠭᠠ ᠬᠤᠢᠯᠠᠷᠠᠭ᠍ᠰᠠᠨ ᠬᠢᠩᠭᠠᠨ ᠲᠠᠪᠠᠭᠠᠨᠤ ᠤᠷᠭᠢᠯ ᠲᠡᠭᠡᠷᠡᠠᠴᠠ ᠤᠮᠠᠷᠠᠲᠤ ᠬᠢᠯᠢᠪᠠᠨ ᠪᠠᠷᠠᠯᠠᠨ ᠰᠡᠳᠭᠢᠯ ᠬᠠᠨᠤᠮᠵᠢᠲᠠᠢ ᠮᠦᠱᠢᠶᠡᠭ᠌ᠰᠡᠨ ᠲᠦᠷᠤᠶ᠋ᠢᠨ ᠮᠠᠨᠢ ᠲᠡᠷᠢᠬᠦᠨ ᠡᠨᠡ ᠦᠨᠡᠲᠤ ᠦᠭᠡᠶ᠋ᠢ ᠲᠡᠯᠡᠬᠡᠢᠳᠤ ᠰᠤᠨᠤᠰᠭᠠᠭ᠍ᠰᠠᠨ ᠶᠤᠮ᠃ ᠶᠡᠭᠡ ᠬᠦᠷᠦᠨᠤ ᠱᠢᠨᠡ ᠴᠠᠭ ᠦᠶᠡᠳᠤ ᠮᠤᠩᠭᠤᠯ ᠮᠤᠷᠢ ᠨᠡᠷᠡᠪᠠᠨ ᠲᠠᠭᠤᠷᠢᠰᠤᠭᠤᠯᠤᠭ᠍ᠰᠠᠨᠨᠢ ᠡᠨᠡ᠃
ᠮᠤᠩᠭᠤᠯ ᠬᠦᠮᠦᠨ ᠭᠡᠬᠦ᠌ᠲᠠᠢ ᠵᠡᠷᠭᠡ ᠮᠤᠷᠢᠨ ᠬᠤᠭᠤᠷ᠂ ᠤᠷᠲᠤᠶ᠋ᠢᠨ ᠲᠠᠭᠤᠤ ᠭᠡᠵᠤ ᠲᠠᠪᠤᠨ ᠲᠢᠪᠤᠨ ᠢᠷᠭᠡᠳ ᠪᠢᠲᠡᠨᠢ ᠮᠡᠲᠡᠲᠡᠭ᠃ ᠲᠡᠷᠡ ᠪᠤᠯ ᠪᠢᠲᠡᠨᠤ ᠪᠠᠭ᠍ᠠᠷᠬᠠᠯ᠂ ᠠᠭᠤᠲᠠᠮ ᠨᠤᠲᠤᠭᠲᠠᠭᠠᠨ ᠲᠡᠨᠢᠬᠦᠨ ᠲᠠᠢᠪᠤᠩ ᠠᠮᠢᠲᠤᠷᠠᠲᠠᠭ ᠤᠷᠲᠤ ᠬᠤᠷᠮᠤᠢᠲᠠᠨᠨᠤᠭᠤᠳᠤᠨ ᠢᠵᠠᠭᠤᠷ ᠰᠤᠶᠤᠯ ᠰᠠᠨ᠃ ᠲᠡᠷᠡ ᠰᠤᠶᠤᠯᠢ ᠮᠤᠷᠢ ᠮᠢᠨᠢ ᠯᠡ ᠠᠴᠢᠵᠤ ᠦᠨᠤ ᠡᠷᠢᠨᠳᠤ ᠬᠦᠷᠭᠡᠭ᠌ᠰᠡᠨ᠃ ᠲᠡᠭᠡᠬᠦ᠌ᠪᠠᠷ ᠪᠢᠲᠡ ᠭᠠᠵᠠᠷ ᠪᠠᠢᠬᠤᠳᠤ ᠤᠨᠤᠭᠠ ᠬᠦᠯᠦᠭ ᠮᠢᠨᠢ ᠪᠤᠯᠤᠭ᠍ᠰᠠᠨ᠂ ᠰᠠᠨᠰᠠᠷᠲᠤ ᠬᠦᠭᠡᠷᠬᠦ᠌ᠳᠤ ᠰᠠᠨᠠᠭᠠ ᠵᠢᠬᠦᠷ ᠮᠢᠨᠢ ᠪᠤᠯᠤᠭ᠍ᠰᠠᠨ ᠱᠢᠨᠲᠠᠰᠤᠲᠤ ᠬᠦᠯᠦᠭᠢᠶᠠᠨ ᠬᠡᠵᠢᠶᠡ ᠴᠤ᠌ ᠬᠠᠶᠠᠵᠤ ᠪᠤᠯᠬᠤ ᠦᠭᠡᠢ᠃ ᠤᠳᠤ ᠪᠤᠯᠲᠠᠯᠠ ᠪᠢ ᠠᠷᠤ ᠭᠠᠵᠠᠷᠤᠨ ᠠᠷᠬᠠᠢ ᠲᠠᠷᠬᠠᠢ ᠠᠢᠮᠠᠭ ᠪᠦᠯᠦᠭᠤᠳᠢ ᠬᠡᠲᠦᠨ ᠲᠢᠪ ᠲᠠᠮᠵᠢᠨ ᠲᠠᠪᠬᠢᠵᠤ᠂ ᠭᠡᠲᠤᠨ ᠵᠠᠭᠤᠨ ᠰᠤᠨᠲᠠᠯᠠᠨ ᠪᠡᠲᠡᠷᠢᠵᠤ᠂ ᠬᠡᠲᠦᠨ ᠬᠦᠷᠦᠨᠳᠤ ᠵᠤᠬᠢᠴᠠᠨ ᠠᠮᠢᠲᠤᠷᠠᠬᠤᠳᠤ ᠲᠤᠷᠠᠲᠠᠢ ᠭᠠᠵᠠᠷᠨᠢ ᠬᠦᠷᠭᠡᠵᠤ ᠦᠭ᠌ᠭᠦᠭ᠌ᠰᠡᠨ᠂ ᠲᠤᠷᠠᠲᠠᠢ ᠭᠠᠵᠠᠷᠨᠢ ᠪᠤᠴᠠᠭᠠᠵᠤ ᠠᠪᠴᠢᠷᠠᠭ᠍ᠰᠠᠨ ᠤᠲᠤᠮᠤᠨ ᠤᠨᠤᠭᠠ — ᠮᠤᠷᠢᠪᠠᠷᠢᠶᠠᠨ ᠵᠢᠬᠦᠷᠯᠡᠨ᠂ ᠲᠤᠰᠤᠨᠤ ᠪᠤᠬᠢᠷᠲᠤᠯ ᠦᠭᠡᠢ᠂ ᠲᠤᠳᠤᠭᠠᠲᠤ ᠱᠢᠲᠠᠯᠲᠠᠶ᠋ᠢᠨ ᠭᠠᠴᠢᠭ᠍ᠲᠠᠯ ᠦᠭᠡᠢ ᠲᠠᠪᠠᠲᠠᠢᠬᠠᠨ ᠠᠮᠢᠲᠤᠷᠠᠵᠤ ᠶᠠᠪᠤᠭᠠ ᠶᠤᠮ ᠭᠡᠵᠤ ᠪᠠᠭ᠍ᠠᠲᠠᠢᠬᠠᠨ ᠪᠤᠲᠤᠵᠤ ᠶᠠᠪᠤᠲᠠᠭ ᠶᠤᠮ᠃
ᠱᠢᠨᠲᠠᠰᠤᠲᠤ ᠬᠦᠯᠦᠭ ᠮᠢᠨᠢ᠂ ᠡᠷᠴᠢᠲᠤ ᠵᠢᠬᠦᠷ ᠮᠢᠨᠢ ᠡ！