ᠡᠬᠦᠯᠡᠰ ᠪᠦᠵᠢᠨ ᠲᠡᠭ᠌ᠷᠢ᠎ᠶ᠋ᠢᠨ ᠬᠠᠶᠠᠭ᠎ᠠ ᠤᠰᠤᠷᠬᠠᠭᠠᠳ

ᠦᠷᠭᠡᠨ ᠬᠠᠩᠭᠠᠢ ᠴᠡᠴᠡᠭᠡᠰ᠎ᠤᠨ ᠮᠡᠯᠮᠡᠢ᠎ᠳᠤ ᠦᠩᠭᠡᠵᠢᠭ᠌ᠰᠡᠨ

ᠦᠩ᠎ᠲᠠᠢ ᠵᠤᠨ ᠲᠡᠯᠭᠡᠷ ᠨᠠᠢᠷ᠎ᠢᠶᠠᠷ ᠪᠠᠶᠠᠰᠤᠯᠳᠤᠭᠠᠳ

ᠡᠪᠤᠭᠡᠳ᠎ᠤᠨ ᠵᠤᠭᠤᠭ ᠲᠡᠤᠬᠡ ᠲᠡᠯᠭᠡᠨ ᠬᠠᠭᠤᠴᠢᠯᠠᠬ᠍ᠰᠡᠨ

ᠪᠤᠷᠤᠭᠠᠨ᠎ᠲᠠᠢ ᠤᠯᠠᠷᠢᠯ᠎ᠤᠨ ᠠᠨᠢᠷ ᠶᠠᠭᠠᠬᠢᠬ᠍ᠰᠡᠨ ᠰᠠᠢᠬᠠᠨ ᠪᠤᠢ

ᠪᠤᠷᠬᠠᠨ ᠴᠤ᠌ ᠰᠠᠭᠠᠳᠠᠮᠠᠷ ᠲᠡᠯᠭᠡᠷ ᠵᠤᠨ᠎ᠤ ᠪᠠᠶᠠᠰᠭᠤᠯᠠᠩ᠎ᠲᠠᠢ ᠳ᠋ᠠ

ᠪᠡᠯᠴᠢᠭᠡᠷ ᠲᠠᠭᠠᠬ᠍ᠰᠡᠨ ᠰᠦᠷᠦᠭ᠎ᠤᠨ ᠲᠡᠨᠢᠬᠦᠨ ᠪᠠᠷ᠎ᠠ

ᠨᠤᠳᠤᠭ᠎ᠢᠶᠠᠨ ᠭᠤᠶᠤᠵᠤ ᠬᠠᠷᠠᠭᠠᠨ᠎ᠤ ᠦᠵᠤᠬᠦᠷ ᠴᠡᠮᠴᠡᠭᠡᠨᠡᠭ᠌ᠰᠡᠨ

ᠪᠠᠢᠭᠠᠯᠢ ᠲᠡᠯᠡᠬᠡᠢ ᠬᠦᠮᠤᠨ ᠮᠠᠯ᠎ᠲᠠᠢ᠎ᠪᠠᠨ ᠡᠭᠡᠨᠡᠭᠰᠢᠭᠡᠳ

ᠨᠠᠭᠤᠷ᠎ᠤᠨ ᠤᠯᠠᠨ ᠱᠢᠪᠠᠭᠤᠬᠠᠢ ᠴᠡᠩᠬᠡᠯ᠎ᠢᠶᠠᠷ ᠱᠤᠮᠪᠠᠭ᠍ᠰᠡᠨ

ᠪᠤᠷᠤᠭᠠᠨ᠎ᠲᠠᠢ ᠤᠯᠠᠷᠢᠯ᠎ᠤᠨ ᠠᠨᠢᠷ ᠶᠠᠭᠠᠬᠢᠬ᠍ᠰᠡᠨ ᠰᠠᠢᠬᠠᠨ ᠪᠤᠢ

ᠪᠤᠷᠬᠠᠨ ᠴᠤ᠌ ᠰᠠᠭᠠᠳᠠᠮᠠᠷ ᠲᠡᠯᠭᠡᠷ ᠵᠤᠨ᠎ᠤ ᠪᠠᠶᠠᠰᠭᠤᠯᠠᠩ᠎ᠲᠠᠢ ᠳ᠋ᠠ

ᠰᠦ ᠲᠤᠬᠤᠢᠯᠳᠠᠬ᠍ᠰᠡᠨ ᠰᠠᠭᠠᠯᠢᠴᠢᠨ ᠪᠦᠰᠡᠬᠦᠢ᠎ᠶ᠋ᠢᠨ ᠠᠯᠬᠤᠭ᠎ᠠ᠎ᠳᠤᠨᠢ

ᠦᠷᠯᠦᠭᠡ ᠡᠷᠳᠡ᠎ᠶ᠋ᠢᠨ ᠨᠠᠷᠠ ᠤᠷᠭᠤᠨ ᠮᠠᠨᠳᠤᠵᠤ ᠭᠡᠷᠡᠯᠳᠦᠭ᠌ᠰᠡᠨ

ᠰᠦᠷᠯᠢᠭ ᠴᠡᠩᠬᠡᠷ ᠠᠭᠤᠯᠠᠰ᠎ᠤᠨ ᠬᠢᠨᠢ ᠤᠷᠬᠢᠯ ᠵᠢᠪᠬᠤᠭ᠎ᠠ᠎ᠨᠢ

ᠦᠨᠳᠤᠷ ᠰᠠᠨᠰᠠᠷ᠎ᠤᠨ ᠬᠢᠵᠠᠭᠠᠷ᠎ᠢ ᠠᠭᠤᠵᠢᠮ ᠠᠮᠢᠰᠬᠤᠭᠰᠠᠨ

ᠪᠤᠷᠤᠭᠠᠨ᠎ᠲᠠᠢ ᠤᠯᠠᠷᠢᠯ᠎ᠤᠨ ᠠᠨᠢᠷ ᠶᠠᠭᠠᠬᠢᠬ᠍ᠰᠡᠨ ᠰᠠᠢᠬᠠᠨ ᠪᠤᠢ

ᠪᠤᠷᠬᠠᠨ ᠴᠤ᠌ ᠰᠠᠭᠠᠳᠠᠮᠠᠷ ᠲᠡᠯᠭᠡᠷ ᠵᠤᠨ᠎ᠤ ᠪᠠᠶᠠᠰᠭᠤᠯᠠᠩ᠎ᠲᠠᠢ ᠳ᠋ᠠ

ᠬᠡᠢᠮᠤᠷᠢ᠎ᠶ᠋ᠢᠨ ᠰᠦᠯᠳᠡ ᠤᠪᠤᠭ᠎ᠠ᠎ᠪᠠᠨ ᠱᠦᠩᠱᠢᠭ᠌ᠯᠡᠨ ᠲᠠᠬᠢᠭᠠᠳ

ᠰᠦᠵᠢᠭ ᠲᠠᠭᠠᠳᠭᠠᠯ᠎ᠢᠶᠠᠨ ᠲᠦᠮᠡᠨ᠎ᠢᠶᠠᠷ ᠠᠷᠢᠭᠤᠰᠭᠠᠵᠤ ᠵᠠᠯᠪᠠᠷᠢᠬ᠍ᠰᠡᠨ

ᠭᠡᠭᠡᠨ ᠬᠦᠰᠡᠯ᠎ᠤᠨ ᠢᠳᠡᠭᠡᠯᠳᠤ ᠢᠷᠡᠭᠡᠳᠤᠢ᠎ᠪᠠᠨ ᠬᠤᠷᠤᠢᠯᠠᠭᠠᠳ

ᠰᠠᠢᠨ᠎ᠤ ᠵᠦᠩᠨᠡᠯᠳᠤ ᠲᠡᠭ᠌ᠷᠢᠯᠢᠭ ᠤᠷᠤᠨ᠎ᠢᠶᠠᠨ ᠪᠠᠭ᠍ᠠᠳᠤᠬ᠍ᠰᠡᠨ

ᠪᠤᠷᠤᠭᠠᠨ᠎ᠲᠠᠢ ᠤᠯᠠᠷᠢᠯ᠎ᠤᠨ ᠠᠨᠢᠷ ᠶᠠᠭᠠᠬᠢᠬ᠍ᠰᠡᠨ ᠰᠠᠢᠬᠠᠨ ᠪᠤᠢ

ᠪᠤᠷᠬᠠᠨ ᠴᠤ᠌ ᠰᠠᠭᠠᠳᠠᠮᠠᠷ ᠲᠡᠯᠭᠡᠷ ᠵᠤᠨ᠎ᠤ ᠪᠠᠶᠠᠰᠭᠤᠯᠠᠩ᠎ᠲᠠᠢ ᠳ᠋ᠠ！