— 《ᠰᠠᠬᠢᠭᠤᠯᠰᠤᠨ ᠡᠷᠭᠦᠮᠵᠢᠯᠡᠭ᠌ᠰᠡᠨ ᠦᠯᠢᠭᠡᠷ》 ᠺᠢᠨᠣ᠋ᠶ᠋ᠢᠨ ᠭᠤᠸᠠ ᠰᠠᠢᠬᠠᠨᠤ ᠲᠤᠬᠠᠢ ᠦᠨᠠᠯᠠᠯᠳᠠ
《ᠰᠠᠬᠢᠭᠤᠯᠰᠤᠨ ᠡᠷᠭᠦᠮᠵᠢᠯᠡᠭ᠌ᠰᠡᠨ ᠦᠯᠢᠭᠡᠷ》 ᠺᠢᠨᠣ᠋ ᠪᠣᠯ ᠤᠷᠴᠢᠮᠤᠨ ᠬᠡᠳᠤᠨ ᠵᠢᠯᠳᠤ ᠮᠠᠨᠤ ᠤᠯᠤᠰᠤᠨ ᠺᠢᠨᠤ᠋ ᠵᠢᠨ ᠵᠠᠬᠠ ᠲᠡᠭᠡᠷᠡᠬᠢ ᠮᠠᠰᠢ ᠬᠠᠯᠠᠮᠱᠢᠯ ᠪᠣᠯᠤᠬᠰᠠᠨ ᠤᠳᠬᠠ ᠤᠷᠠᠯᠢᠭᠤᠨ ᠪᠦᠳᠤᠭᠡᠯᠤᠨ ᠨᠢᠭᠡ᠃ 2023 ᠣᠨᠤ 7 ᠰᠠᠷᠠᠶ᠋ᠢᠨ ᠰᠡᠭᠦᠯᠴᠢᠪᠠᠷ ᠺᠢᠨᠣ᠋ ᠣᠷᠳᠣᠨᠤ ᠴᠡᠭᠡᠨ ᠬᠥᠱᠢᠭᠡ ᠪᠡᠷ 《ᠰᠠᠬᠢᠭᠤᠯᠰᠤᠨ ᠡᠷᠭᠦᠮᠵᠢᠯᠡᠭ᠌ᠰᠡᠨ ᠦᠯᠢᠭᠡᠷᠤ᠋ᠨ ᠨᠢᠭᠡᠳᠦᠭᠡᠷ ᠪᠦᠯᠦᠭ᠄ ᠴᠤᠤ ᠭᠧ ᠵᠢᠨ ᠦᠢᠮᠡᠭᠡᠨ》ᠢ᠋ ᠨᠡᠪᠳᠡᠷᠡᠬᠦᠯᠵᠤ᠂ ᠦᠵᠡᠭᠴᠢ ᠵᠢᠨ ᠬᠠᠯᠠᠭᠤᠨ ᠬᠦᠷᠢᠶᠡᠯᠡᠯᠢ ᠤᠯᠤᠬᠰᠠᠨ ᠪᠤᠯ 2025 ᠣᠨᠤ ᠴᠠᠭᠠᠨ ᠰᠠᠷᠠ ᠵᠢᠨ ᠱᠢᠨᠡ ᠵᠢᠨ ᠨᠢᠭᠡᠨᠳᠤ 《ᠰᠠᠬᠢᠭᠤᠯᠰᠤᠨ ᠡᠷᠭᠦᠮᠵᠢᠯᠡᠭ᠌ᠰᠡᠨ ᠦᠯᠢᠭᠡᠷᠤᠨ ᠬᠤᠶᠠᠳᠤᠭᠠᠷ ᠪᠦᠯᠦᠭ᠄ ᠪᠠᠷᠠᠭᠤᠨ ᠴᠢᠶ᠋ᠢᠨ ᠪᠠᠢᠯᠳᠤᠭᠠᠨ》 ᠨᠢ ᠦᠵᠡᠭ᠌ᠴᠢ ᠲᠦᠮᠡᠨᠲᠠᠢ ᠵᠣᠯᠭᠠᠭ᠍ᠰᠠᠨ ᠪᠠᠢᠳᠠᠭ᠃ ᠡᠬᠦᠨᠳᠤ 《ᠰᠠᠬᠢᠭᠤᠯᠰᠤᠨ ᠡᠷᠭᠦᠮᠵᠢᠯᠡᠭ᠌ᠰᠡᠨ ᠦᠯᠢᠭᠡᠷᠤᠨ ᠨᠢᠭᠡᠳᠦᠭᠡᠷ ᠪᠦᠯᠦᠭ᠄ ᠴᠤᠤ ᠭᠧᠵᠢᠨ ᠦᠢᠮᠡᠭᠡᠨ》 ᠨᠢ ᠱᠠᠩ ᠸᠠᠩ ᠶᠢᠨ ᠱᠧᠤ ᠵᠶ᠋ᠢ ᠵᠸᠦ᠍ᠶ᠋ᠢᠨ ᠡᠵᠡᠨ ᠰᠦ᠍ ᠬᠤ᠌ ᠶ᠋ᠢᠨ ᠤᠷᠪᠠᠯᠭᠠᠨᠢ ᠲᠠᠷᠤᠬᠤᠳᠠᠭᠠᠨ ᠰᠠᠨᠠᠮᠰᠠᠷ ᠦᠬᠡᠢ ᠦᠨᠡᠭᠡᠨ ᠱᠢᠮᠨᠤᠶ᠋ᠢ ᠠᠮᠢᠯᠠᠭᠤᠯᠵᠤ᠂ ᠦᠨᠡᠭᠡᠨ ᠱᠢᠮᠨᠤᠨᠢ ᠳ᠋ᠠ ᠵᠶ᠋ᠢᠶ᠋ᠢᠨ ᠪᠡᠶᠡᠳᠤ ᠤᠷᠤᠱᠢᠵᠦ᠍᠂ ᠶᠢᠨ ᠱᠧᠤᠶ᠋ᠢ ᠲᠠᠭᠠᠵᠤ ᠴᠤᠤ ᠭᠧᠳᠤ ᠬᠥᠷᠥᠭ᠌ᠰᠡᠨ ᠪᠠᠢᠨᠠ᠃ ᠰᠥᠨᠢᠶ᠋ᠢᠨ ᠳᠠᠢᠯᠠᠯᠭᠠᠳᠤ ᠶᠢᠨ ᠱᠧᠤ ᠡᠴᠢᠭᠡᠪᠠᠨ ᠠᠯᠠᠵᠤ ᠬᠠᠭᠠᠨ ᠰᠠᠭᠤᠷᠢᠨᠢ ᠪᠤᠯᠢᠶᠠᠵᠤ᠂ ᠲᠡᠭ᠌ᠷᠢ ᠲᠠᠬᠢᠬᠤ ᠨᠡᠷᠡᠪᠠᠷ ᠬᠠᠷᠬᠢᠰ ᠵᠠᠰᠠᠭ ᠶᠠᠪᠤᠭᠤᠯᠪᠠ᠃ ᠺᠦᠨᠯᠦᠨ ᠠᠭᠤᠯᠠᠨᠤ ᠵᠢᠶᠠᠩ ᠽᠢ ᠶᠠ 《ᠰᠠᠬᠢᠭᠤᠯᠰᠤᠨ ᠡᠷᠭᠦᠮᠵᠢᠯᠡᠬᠦ᠌ ᠵᠠᠷᠯᠠᠯ》ᠢ᠋ ᠠᠪᠴᠤ᠌ ᠠᠭᠤᠯᠠᠨᠠᠴᠠ ᠪᠠᠭᠤᠵᠤ᠂ ᠳᠡᠯᠡᠬᠡᠢ ᠳ᠋ᠠᠬᠢᠨᠤ ᠬᠠᠮᠲᠤᠶ᠋ᠢᠨ ᠡᠵᠡᠨᠢ ᠡᠷᠢᠪᠡ᠃ ᠶᠢᠨ ᠱᠠᠩᠤᠨ ᠬᠤᠶᠠᠳᠤᠭᠠᠷ ᠬᠥᠪᠡᠭᠦᠨ ᠶᠢᠨ ᠵᠢᠶᠤᠤ ᠬᠢᠭᠡᠳ ᠵᠶ᠋ᠢ ᠹᠠ᠂ ᠶᠢᠨ ᠱᠧᠤ ᠪᠤᠯᠤᠨ ᠳ᠋ᠠ ᠵᠶ᠋ᠢᠶ᠋ᠢᠨ ᠣᠪ ᠮᠡᠭᠡᠶ᠋ᠢ ᠰᠡᠷᠡᠵᠤ ᠮᠡᠳᠡᠭᠰᠡᠨᠢᠶᠠᠷ ᠭᠤᠣᠯ ᠦᠢᠯᠡ ᠶᠠᠪᠤᠳᠠᠯᠢᠶᠠᠨ ᠬᠦᠤᠷᠨᠢᠵᠠᠢ᠃ 《ᠰᠠᠬᠢᠭᠤᠯᠰᠤᠨ ᠡᠷᠭᠦᠮᠵᠢᠯᠡᠭ᠌ᠰᠡᠨ ᠦᠯᠢᠭᠡᠷᠤᠨ ᠬᠤᠶᠠᠳᠤᠭᠠᠷ ᠪᠦᠯᠦᠭ᠄ ᠪᠠᠷᠠᠭᠤᠨ ᠴᠢᠶ᠋ᠢᠨ ᠪᠠᠢᠯᠳᠤᠭᠠᠨ》ᠳ᠋ᠤ ᠨᠢᠭᠡᠳᠦᠭᠡᠷ ᠪᠦᠯᠦᠭᠤᠨ ᠦᠢᠯᠡ ᠶᠠᠪᠤᠳᠠᠯᠢᠶᠠᠨ ᠵᠠᠯᠭᠠᠵᠤ ᠵᠶ᠋ᠢ ᠹᠠ ᠰᠠᠬᠢᠭᠤᠯᠰᠤᠨ ᠡᠷᠭᠦᠮᠵᠢᠯᠡᠬᠦ᠌ ᠵᠠᠷᠯᠠᠯᠢ ᠠᠪᠴᠤ᠌ ᠪᠠᠷᠠᠭᠤᠨ ᠴᠢ ᠤᠯᠤᠰ ᠲᠠᠭᠠᠨ ᠬᠠᠷᠢᠵᠦ᠍ ᠂ ᠴᠡᠷᠢᠭ ᠡᠯᠰᠡᠨ ᠶᠢᠨ ᠱᠧᠤᠶ᠋ᠢ ᠡᠰᠡᠷᠭᠦᠴᠡᠪᠡ᠃ ᠶᠢᠨ ᠱᠧᠤ ᠪᠠᠷᠠᠭᠤᠨ ᠴᠢᠶ᠋ᠢ ᠲᠠᠢᠯᠠᠵᠤ᠂ ᠰᠠᠬᠢᠭᠤᠯᠰᠤᠨ ᠡᠷᠭᠦᠮᠵᠢᠯᠡᠬᠦ᠌ ᠵᠠᠷᠯᠠᠯᠢ ᠣᠯᠬᠤᠶ᠋ᠢᠨ ᠲᠥᠯᠥᠭᠡ ᠸᠧᠨ ᠲᠠᠢᠱ᠌ᠢᠶ᠋ᠢ ᠲᠣᠮᠢᠯᠠᠵᠤ ᠪᠠᠷᠠᠭᠤᠨ ᠴᠢᠲᠠᠢ ᠪᠠᠢᠯᠳᠤᠭᠠᠨ ᠬᠢᠭ᠌ᠰᠡᠨ ᠦᠢᠯᠡ ᠶᠠᠪᠤᠳᠠᠯᠢ ᠬᠦᠦᠷᠨᠢᠭ᠌ᠰᠡᠨ ᠪᠠᠢᠨᠠ᠃
《ᠰᠠᠬᠢᠭᠤᠯᠰᠤᠨ ᠡᠷᠭᠦᠮᠵᠢᠯᠡᠭ᠌ᠰᠡᠨ ᠦᠯᠢᠭᠡᠷ》 ᠺᠢᠨᠣ᠋ᠶ᠋ᠢᠨ ᠤᠳᠤᠷᠢᠳᠤᠭᠠᠴᠢ ᠪᠣᠯ ᠦᠪᠦᠷ ᠮᠤᠩᠭᠤᠯᠤᠨ ᠨᠡᠷᠡᠳᠤ ᠤᠳᠤᠷᠢᠳᠤᠭᠠᠴᠢ ᠤᠷᠤᠭ᠍ᠰᠢ ᠪᠣᠯᠣᠨᠠ᠃ ᠲᠡᠷᠡ ᠪᠡᠷ 1972 ᠤᠨᠳᠤ ᠬᠦᠬᠡᠬᠤᠳᠠᠳᠤ ᠲᠦᠷᠤᠵᠠᠢ᠃ ᠤᠷᠢᠳ ᠬᠤᠵᠢᠳ ᠲᠦᠪᠤᠨ ᠤᠷᠠᠨ ᠵᠢᠷᠤᠭᠤᠨ ᠲᠡᠭᠡᠳᠤ ᠰᠤᠷᠭᠠᠭᠤᠯᠢ ᠪᠡ ᠪᠡᠭᠡᠵᠢᠡᠭᠤᠨ ᠺᠢᠨᠤ᠋ ᠵᠢᠨ ᠲᠡᠭᠡᠳᠤ ᠰᠤᠷᠭᠠᠭᠤᠯᠢ ᠵᠢᠨ ᠤᠳᠤᠷᠢᠳᠤᠭᠠᠴᠢ ᠵᠢᠨ ᠰᠠᠯᠪᠤᠷᠢ ᠳᠤ ᠰᠤᠷᠤᠯᠴᠠᠵᠤ ᠦᠡᠭᠭᠡᠷᠡᠪᠡ᠃ 2004 ᠤᠨᠳᠤ ᠪᠡᠶᠠ ᠪᠡᠨ ᠲᠠᠭᠠᠭᠠᠨ ᠤᠳᠤᠷᠢᠳᠤᠭᠠᠬᠰᠠᠨ 《ᠰᠠᠪᠤᠡᠭ ᠵᠦᠴᠤᠭᠡ》 ᠬᠡᠬᠦ ᠺᠢᠨᠤ᠋ ᠪᠡᠷ ᠵᠢᠡᠨ ᠺᠤᠷᠢᠶᠠ ᠵᠢᠨ ᠤᠯᠠᠨ ᠤᠯᠤᠰᠤᠨ ᠺᠢᠨᠤ᠋ ᠵᠢᠨ ᠨᠠᠢᠷ ᠲᠸ᠋ ᠤᠷᠤᠯᠴᠠᠵᠤ᠂ ᠤᠯᠠᠨ ᠤᠯᠤᠰᠤᠨ ᠺᠢᠨᠤ᠋ ᠰᠢᠬᠦᠮᠵᠢᠯᠡᠭᠴᠢ ᠵᠢᠨ ᠱᠠᠡᠭᠨᠠᠯᠢ ᠲᠤᠰᠪᠠ； 2011 ᠤᠨᠳᠤ ᠵᠢᠷᠤᠮᠳᠤ ᠪᠠᠭᠠᠳᠤᠷᠤᠨ ᠱᠤᠭ ᠵᠦᠴᠤᠭᠡ 《ᠬᠤᠷᠤᠢᠯᠠᠬᠰᠠᠨ ᠰᠠᠯᠠᠮᠠ》 ᠬᠡᠳᠡᠭ ᠺᠢᠨᠤ᠋ ᠵᠢ ᠤᠳᠤᠷᠢᠳᠤᠭᠠᠵᠤ᠂ ᠲᠦᠴᠢᠨ ᠨᠢ᠋ᠮᠠᠳᠤᠭᠠᠷ ᠬᠤᠭᠤᠴᠠᠭᠠᠨᠤ ᠲᠠᠢᠸᠠᠨᠤ ᠺᠢᠨᠤ᠋ ᠵᠢᠨ ᠠᠯᠳᠠᠨ ᠮᠤᠷᠢᠨ ᠱᠠᠡᠭᠨᠠᠯᠤᠨ ᠬᠠᠮᠤᠭᠤᠨ ᠰᠢᠯᠢᠳᠡᠭ ᠰᠢᠨᠠ ᠤᠳᠤᠷᠢᠳᠤᠭᠠᠴᠢ ᠵᠢᠨ ᠱᠠᠡᠭᠨᠠᠯᠢ ᠬᠦᠷᠳᠡᠵᠠᠢ； 2012 ᠤᠨᠳᠤ ᠲᠡᠬᠦᠨᠤ ᠬᠦᠢᠴᠡᠳᠭᠡᠨ ᠤᠳᠤᠷᠢᠳᠤᠭᠠᠬᠰᠠᠨ 《ᠬᠠᠭᠤᠷᠮᠠᠭ ᠪᠠᠬ 2 》 ᠺᠢᠨᠤ᠋ ᠨᠢ ᠬᠤᠷᠢᠳᠤᠭᠠᠷ ᠬᠤᠭᠤᠴᠠᠭᠠᠨᠤ ᠪᠡᠭᠡᠵᠢᠡᠭᠤᠨ ᠤᠶᠤᠳᠠᠳᠤᠨ ᠺᠢᠨᠤ᠋ ᠵᠢᠨ ᠨᠠᠢᠷ ᠲᠡᠭᠡᠷᠠ ᠬᠠᠮᠤᠭᠤᠨ ᠰᠢᠯᠢᠳᠡᠭ ᠰᠤᠨᠢᠷᠬᠠᠯ ᠤᠨ ᠦᠷᠠ ᠪᠦᠳᠤᠮᠵᠢ ᠵᠢᠨ ᠱᠠᠡᠭᠨᠠᠯ ᠵᠢᠡᠷ ᠮᠢᠯᠢᠶᠠᠯᠭᠠᠪᠠ᠃ ᠨᠡᠡᠭ ᠴᠸ᠋ ᠦᠢᠷᠠ ᠵᠢᠨ ᠵᠢᠯᠳᠤ ᠤᠳᠤᠷᠢᠳᠤᠭᠠᠬᠰᠠᠨ 《ᠰᠠᠬᠢᠭᠤᠯᠰᠤᠨ ᠡᠷᠭᠦᠮᠵᠢᠯᠡᠭ᠌ᠰᠡᠨ ᠨᠢᠭᠡᠳᠦᠭᠡᠷ ᠪᠦᠯᠦᠭ ᠄ ᠴᠤᠤ ᠭᠧ ᠵᠢᠨ ᠦᠢᠮᠡᠭᠡᠨ》 ᠬᠡᠬᠦ ᠺᠢᠨ᠋ᠤ᠋ ᠨᠢ 《ᠭᠤᠴᠢᠨ ᠵᠢᠷᠭᠤᠳᠤᠭᠠᠷ ᠬᠤᠭᠤᠴᠠᠭᠠᠨᠤ ᠲᠤᠮᠳᠠᠳᠤ ᠤᠯᠤᠰᠤᠨ ᠺᠢᠨᠤ᠋ ᠵᠢᠨ ᠠᠯᠳᠠᠨ ᠲᠠᠬᠢᠶᠠ ᠱᠠᠡᠭᠨᠠᠯ》ᠤ᠋ᠨ ᠬᠠᠮᠤᠭᠤᠨ ᠰᠢᠯᠢᠳᠡᠭ ᠦᠯᠢᠭᠡᠷᠳᠤ ᠺᠢᠨᠤ᠋᠂ ᠬᠠᠮᠤᠭᠤᠨ ᠰᠢᠯᠢᠳᠡᠭ ᠡᠷᠡᠭᠳᠡᠢ ᠲᠤᠰᠠᠯᠠᠬᠤ ᠲᠦᠷᠢ᠂ ᠬᠠᠮᠤᠭᠤᠨ ᠰᠢᠯᠢᠳᠡᠭ ᠵᠢᠷᠤᠬᠯᠠᠭᠠᠴᠢ ᠵᠡᠷᠭᠡ ᠭᠤᠷᠪᠡᠨ ᠲᠤᠮᠤ ᠱᠠᠡᠭᠨᠠᠯᠢ ᠬᠦᠷᠳᠡᠭᠰᠡᠨ ᠵᠢᠡᠷ ᠪᠠᠷᠠᠬᠤ ᠦᠬᠡᠢ ᠤᠰᠺᠠᠷᠤᠨ 《ᠬᠠᠮᠤᠭᠤᠨ ᠰᠢᠯᠢᠳᠡᠭ ᠺᠢᠨᠤ᠋》 ᠵᠢᠨ ᠬᠢᠷᠢ ᠬᠡᠮᠤᠨ ᠨᠠᠷᠠᠰ ᠲᠸ᠋ ᠤᠷᠤᠵᠠᠢ᠃ ᠤᠷᠤᠭ᠍ᠰᠢ 2023 ᠣᠨᠳᠤ ᠪᠡᠭᠡᠵᠢᠩ ᠶᠡᠭᠡ ᠰᠤᠷᠭᠠᠭᠤᠯᠢᠶ᠋ᠢᠨ ᠤᠷᠠᠯᠢᠭ ᠬᠢᠭᠡᠳ ᠤᠯᠠᠮᠵᠢᠯᠠᠯᠤᠨ ᠤᠬᠠᠭᠠᠨᠤ ᠳ᠋ᠣᠺᠲ᠋ᠣᠷᠠᠨᠲ ᠯᠢ ᡁᠢ ᠢᠶ᠋ᠢᠨ ᠰᠤᠷᠪᠤᠯᠵᠢᠯᠠᠭᠠᠶ᠋ᠢ ᠬᠦᠯᠢᠶᠡᠬᠦᠳᠡᠭᠡᠨ᠄《ᠪᠢ ᠺᠢᠨᠣ᠋ᠶ᠋ᠢᠨ ᠦᠢᠯᠡᠰᠢ ᠠᠩᠬᠠᠯᠠᠨ ᠬᠢᠬᠦ᠌ᠳᠤ ᠥᠪᠡᠷᠲᠡᠭᠡᠨ ᠭᠤᠷᠪᠠᠨ ᠠᠵᠢᠯᠤᠨ ᠲᠥᠯᠥᠪᠯᠡᠭᠡ ᠲᠤᠭ᠍ᠳᠠᠭᠠᠭ᠍ᠰᠠᠨ ᠶᠤᠮ᠂ ᠲᠠᠷᠤᠢ ᠬᠡᠢ ᠬᠦᠰᠡᠯᠤᠨ ᠺᠢᠨᠣ᠋᠂ ᠲᠤᠯᠤᠯᠳᠤᠭᠠᠨᠳᠤ ᠺᠢᠨᠣ᠋᠂ ᠲᠤᠤᠯᠢᠰᠯᠢᠭ ᠺᠢᠨᠣ᠋ᠶ᠋ᠢ ᠦᠢᠯᠡᠳᠤᠨᠠ》 ᠭᠡᠵᠦ᠍ ᠶᠠᠷᠢᠵᠤ ᠪᠠᠢᠯᠠ᠃
《ᠰᠠᠬᠢᠭᠤᠯᠰᠤᠨ ᠡᠷᠭᠦᠮᠵᠢᠯᠡᠭ᠌ᠰᠡᠨ ᠦᠯᠢᠭᠡᠷ》 ᠺᠢᠨᠤ᠋ᠶ᠋ᠢ ᠦᠵᠡᠬᠦ᠌ᠲᠠᠢ ᠵᠡᠷᠭᠡ 《ᠸᠠ᠂ ᠶᠠᠮᠠᠷ ᠦᠷᠨᠢᠬᠦᠨ ᠰᠦᠷᠯᠢᠬᠦᠨ ᠪᠣᠢ！》 ᠭᠡᠵᠦ᠍ ᠥᠪᠡᠷᠤᠨ ᠡᠷᠬᠡ ᠦᠭᠡᠢ ᠲᠠᠭᠦᠨᠤ ᠦᠢᠯᠡ ᠶᠠᠪᠤᠳᠠᠯᠤᠨ ᠡᠰᠭᠡᠯᠳᠡ᠂ ᠦᠩᠭᠡ ᠪᠣᠳᠤᠭ ᠱᠢᠢᠳᠪᠦᠷᠢᠯᠡᠯᠳᠡ᠂ ᠲᠠᠭᠤᠤ ᠬᠥᠭ᠌ᠵᠢᠮᠤᠨ ᠲᠣᠬᠢᠷᠠᠭᠤᠯᠤᠯᠳᠡ ᠁ ᠵᠡᠷᠭᠡ ᠨᠠᠷᠢᠯᠢᠭ ᠵᠦᠢᠯᠡᠰ ᠲᠸ᠋ᠰᠡᠳᠭᠢᠯ ᠬᠥᠭ᠌ᠰᠡᠨᠡ᠃ ᠲᠤᠰ ᠺᠢᠨᠤ᠋ᠨᠢ ᠭᠤᠷᠪᠠᠨ ᠮᠢᠩᠭᠠᠨ ᠵᠢᠯᠤᠨ ᠡᠮᠦᠨᠡᠬᠢ ᠶᠢᠨ ᠱᠠᠩᠤᠨ ᠦᠶᠡᠶ᠋ᠢᠨ ᠪᠣᠯᠪᠠᠰᠤᠨᠢᠶᠠᠷ ᠭᠤᠸᠠ ᠵᠦᠢᠶ᠋ᠢᠨ ᠡᠭᠦᠰᠦᠯ ᠪᠣᠯᠭᠠᠵᠤ᠂ ᠡᠷᠳᠡᠨᠤ ᠲᠤᠮᠳᠠᠳᠤᠶ᠋ᠢᠨ ᠰᠣᠶᠣᠯᠤᠨ ᠵᠣᠷᠢᠭ ᠰᠠᠨᠠᠭᠠᠶ᠋ᠢ ᠣᠳᠣ ᠦᠶᠡᠶ᠋ᠢᠨ ᠬᠠᠮᠤᠭᠤᠨ ᠬᠥᠭ᠌ᠵᠢᠭ᠌ᠰᠡᠨ ᠺᠢᠨᠣ᠋ ᠦᠢᠯᠡᠳᠪᠦᠷᠢᠶ᠋ᠢᠨ ᠮᠡᠷᠭᠡᠵᠢᠯᠯᠦᠭᠡ ᠤᠶᠠᠯᠳᠤᠭᠤᠯᠵᠤ ᠢᠳᠡᠷᠡᠭᠦᠨ ᠵᠢᠪᠬᠤᠭᠠᠯᠢᠭ᠂ ᠰᠦᠷ ᠲᠠᠯᠠᠢᠴᠡᠳᠡᠢ᠂ ᠲᠥᠪ ᠶᠡᠬᠡᠮᠰᠦᠭ ᠲᠦᠷᠦᠨᠠᠳᠠᠬᠢᠨᠤ ᠦᠩᠭᠡ ᠪᠣᠳᠤᠭ ᠪᠦᠬᠦᠢ ᠲᠤᠤᠯᠢᠰᠯᠢᠭ ᠭᠤᠸᠠ ᠰᠠᠢᠬᠠᠨᠢ ᠢᠯᠡᠷᠡᠬᠦᠯᠦᠭᠰᠡᠨᠳᠤ ᠤᠷᠤᠱᠢᠨᠡ᠃
ᠲᠦᠷᠢ ᠲᠥᠷᠬᠦ᠌ᠶ᠋ᠢᠨ ᠢᠳᠡᠷᠡᠭᠦᠨ ᠵᠢᠪᠬᠤᠭᠠᠯᠢᠭ ᠭᠤᠸᠠ ᠰᠠᠢᠬᠠᠨᠤ ᠢᠯᠡᠷᠡᠬᠦᠯᠤᠯ
《ᠰᠠᠬᠢᠭᠤᠯᠰᠤᠨ ᠡᠷᠭᠦᠮᠵᠢᠯᠡᠭ᠌ᠰᠡᠨ ᠦᠯᠢᠭᠡᠷᠤᠨ ᠨᠢᠭᠡᠳᠦᠭᠡᠷ ᠪᠦᠯᠦᠭ᠄ ᠴᠤᠤ ᠭᠧᠵᠢᠨ ᠦᠢᠮᠡᠭᠡᠨ》 ᠺᠢᠨᠤ᠋ ᠳ᠋ᠤ᠂ ᠱᠠᠩ ᠸᠠᠩ ᠶᠢᠨ ᠱᠸᠤ ᠵᠶ᠋ᠢ ᠵᠸᠦ᠍ᠶ᠋ᠢᠨ ᠡᠵᠡᠨ ᠰᠦ᠍ ᠬᠤ᠌ᠶ᠋ᠢ ᠢᠯᠠᠭ᠍ᠰᠠᠨᠢ ᠪᠡᠯᠭᠡᠯᠡᠬᠦ᠌ ᠨᠠᠢᠷᠲᠤ᠂ 《ᠪᠠᠷᠢᠴᠠᠭᠠᠨᠤ ᠬᠥᠪᠡᠭᠦᠳ》 （ᠫᠷᠤᠲ᠋ᠤᠨ） ᠱᠠᠩ ᠸᠠᠩ ᠶᠢᠨ ᠱᠧᠤ ᠲᠡᠭᠡᠷᠡᠪᠠᠨ ᠨᠢᠴᠦᠬᠦᠨ ᠴᠤᠭ ᠲᠡᠭᠦᠯᠳᠡᠷᠢᠶᠠᠷ 《ᠰᠤᠶᠤᠭᠠᠳᠤ ᠵᠡᠪᠰᠡᠭᠤᠨ ᠪᠥᠵᠢᠭ》 ᠡᠷᠭᠦᠵᠡᠢ᠃ ᠡᠭᠦᠨᠢᠶᠠᠷ ᠲᠠᠮᠵᠢᠵᠤ ᠡᠷᠳᠡᠨᠤ ᠦᠶᠡᠶ᠋ᠢᠨ ᠪᠣᠷᠣᠭ᠍ᠵᠢᠭᠤᠨ ᠠᠮᠢᠵᠢᠷᠠᠯᠤ᠋ᠨ ᠪᠠᠢᠳᠠᠯᠢ ᠬᠠᠷᠠᠭᠤᠯᠤᠭ᠍ᠰᠠᠨ ᠮᠦᠷᠳᠡᠭᠡᠨ ᠡᠷᠠ ᠬᠥᠮᠥᠨᠤ ᠤᠮᠤᠭ᠍ᠯᠠᠩ ᠰᠦᠷᠯᠢᠭ᠂ ᠢᠳᠡᠷᠡᠭᠦᠨ ᠵᠢᠪᠬᠤᠭᠠᠯᠢᠭ ᠭᠠᠯᠪᠢᠷ ᠲᠥᠷᠬᠦ᠌ᠶ᠋ᠢᠨ ᠭᠤᠸᠠ ᠰᠠᠢᠬᠠᠨᠢ ᠦᠵᠡᠭᠦᠯᠪᠡ᠃ ᠭᠠᠯᠪᠢᠷᠤᠨ ᠭᠤᠸᠠ ᠵᠦᠢᠳᠤ ᠪᠡᠶᠡ ᠪᠢᠯᠳᠡᠷ ᠬᠢᠭᠡᠳ ᠨᠢᠴᠦᠬᠦᠨ ᠪᠡᠶᠡ ᠪᠣᠯ ᠠᠳᠠᠯᠢᠬᠠᠨ ᠠᠭᠤᠯᠬᠤᠨᠲᠠᠢ᠂ ᠪᠦᠷ ᠨᠢᠭᠡ ᠵᠦᠢᠯᠤᠨ ᠭᠤᠸᠠ ᠲᠠᠭᠠᠱᠢᠶᠠᠬᠤᠢᠶ᠋ᠢᠨ ᠪᠤᠰᠤᠳᠴᠢ ᠴᠣᠭ᠍ᠴᠠ ᠪᠣᠯᠣᠨ ᠰᠡᠷᠡᠯᠯᠢᠭ ᠬᠥᠳᠡᠯᠭᠡᠭᠡᠨᠤ ᠭᠠᠳᠠᠭᠠᠳᠤᠶ᠋ᠢᠨ ᠭᠤᠸᠠ ᠰᠠᠢᠬᠠᠨ᠂ ᠲᠠᠷᠤᠢ ᠪᠠᠶᠠ ᠪᠢᠯᠳᠡᠷᠤᠨ ᠬᠠᠷᠠᠭᠠᠨ ᠰᠡᠷᠡᠯᠳᠠᠬᠢ ᠦᠷᠡ ᠨᠥᠯᠥᠭᠡ ᠪᠢᠯᠡ᠃ ᠲᠤᠰ ᠺᠢᠨᠤ᠋ᠳ᠋ᠤ 《ᠪᠠᠷᠢᠴᠠᠭᠠᠨᠤ ᠬᠥᠪᠡᠭᠦᠳ》 ᠪᠣᠯ ᠬᠦᠴᠦᠨ ᠴᠢᠳᠠᠯᠤᠨ ᠪᠡᠯᠭᠡ ᠲᠡᠮᠳᠡᠭ ᠶᠤᠮ᠂ ᠲᠠᠳᠡ ᠬᠡᠭᠡᠨᠴᠢᠷ ᠸᠠᠩᠤᠨ ᠣᠷᠳᠣᠨᠳᠤ ᠬᠦᠳᠡᠷ ᠴᠢᠬᠢᠷᠠᠭ ᠪᠠᠶᠠ ᠪᠢᠯᠳᠠᠷ ᠵᠢᠡᠷ ᠢᠯᠡᠷᠡᠵᠤ᠂ ᠬᠦᠴᠦᠳᠦ ᠠᠯᠬᠤᠮ᠂ ᠢᠳᠡᠷᠡᠭᠦᠨ ᠬᠥᠳᠡᠯᠦᠯ᠂ ᠴᠤᠭᠲᠠᠢ ᠬᠠᠷᠠᠴᠠᠪᠠᠷ ᠦᠰᠦᠷᠦᠨ ᠪᠥᠵᠢᠭ᠌ᠯᠡᠵᠦ᠍ ᠡᠷᠳᠡᠨᠤ ᠦᠶᠡᠶ᠋ᠢᠨ ᠭᠠᠯᠪᠢᠷᠤᠨ ᠭᠤᠸᠠᠶ᠋ᠢ ᠲᠣᠳᠣᠷᠠᠭᠤᠯᠤᠨ᠂ ᠦᠵᠡᠭᠴᠢᠳᠤᠨ ᠬᠠᠷᠠᠭᠠ ᠵᠢ ᠪᠠᠶᠠᠰᠭᠠᠵᠠᠢ᠃
ᠤᠶᠠᠷᠠᠭᠤᠨ ᠵᠥᠭᠡᠯᠡᠨ ᠬᠢᠭᠡᠳ ᠬᠦᠴᠤ ᠴᠢᠳᠠᠯᠨᠢ ᠲᠤᠮᠳᠠᠳᠤ ᠵᠢᠨ ᠡᠷᠳᠡᠨᠤ ᠭᠤᠸᠠ ᠵᠦᠢᠳᠠᠬᠢ ᠴᠢᠬᠤᠯᠠ ᠬᠤᠶᠠᠷ ᠠᠢ ᠪᠠᠢᠵᠤ᠂ ᠡᠷᠡᠭ᠌ᠳᠡᠢᠴᠦᠳ ᠢᠳᠡᠷᠡᠭᠦᠨ ᠬᠦᠴᠦ᠍ᠲᠠᠢ ᠭᠤᠸᠠ ᠰᠠᠢᠬᠠᠨᠢ ᠪᠦᠷᠢᠯᠳᠦᠭᠦᠯᠪᠡᠯ ᠵᠣᠬᠢᠨᠠ ᠭᠡᠵᠦ᠍ ᠦᠵᠡᠳᠡᠭ᠃ ᠡᠢᠮᠦ᠍ᠠᠴᠠ 《ᠰᠠᠬᠢᠭᠤᠯᠰᠤᠨ ᠡᠷᠭᠦᠮᠵᠢᠯᠡᠭ᠌ᠰᠡᠨ ᠦᠯᠢᠭᠡᠷᠤᠨ ᠨᠢᠭᠡᠳᠦᠭᠡᠷ ᠪᠦᠯᠦᠭ᠄ ᠴᠤᠤ ᠭᠧ ᠵᠢᠨ ᠦᠢᠮᠡᠭᠡᠨ》ᠳ᠋ᠠᠬᠢ ᠲᠦᠷᠢᠶ᠋ᠢᠨ ᠢᠳᠡᠷᠡᠭᠦᠨ ᠵᠢᠪᠬᠤᠭᠠᠯᠢᠭ ᠭᠤᠸᠠ ᠰᠠᠢᠬᠠᠨᠤ ᠢᠯᠡᠷᠡᠭᠦᠯᠦᠯ ᠪᠣᠯ ᠲᠤᠮᠳᠠᠳᠤᠶ᠋ᠢᠨ ᠬᠥᠮᠥᠨᠤ ᠴᠡᠭᠡᠵᠢᠯᠡᠪᠦᠷᠢᠶ᠋ᠢᠨ ᠭᠦᠨᠳᠤ ᠪᠠᠢᠭᠠ ᠡᠷᠳᠡᠨᠤ ᠭᠤᠸᠠ ᠲᠠᠭᠠᠱᠢᠶᠠᠬᠤᠢᠶ᠋ᠢᠨ ᠦᠵᠡᠯᠳᠠᠬᠢ ᠤᠷᠢᠶᠠ ᠬᠠᠰᠭᠢᠷᠤᠯ ᠶᠤᠮ᠃ ᠡᠨᠡ ᠬᠦ᠌ ᠢᠳᠡᠷᠡᠭᠦᠨ ᠵᠢᠪᠬᠤᠭᠠᠯᠢᠭ ᠭᠤᠸᠠ ᠰᠠᠢᠬᠠᠨᠨᠢ ᠡᠰᠡᠷᠬᠦ᠌ ᠲᠠᠯᠠᠶ᠋ᠢᠨ ᠲᠦᠷᠢ ᠶᠢᠨ ᠱᠧᠤ ᠵᠢᠨ ᠭᠠᠯᠪᠢᠷ ᠪᠠᠶᠠᠶ᠋ᠢᠨ ᠪᠦᠳᠦᠭᠡᠯᠲᠡᠪᠠᠷ ᠴᠦ᠍ ᠢᠯᠡᠷᠡᠵᠡᠢ᠃ ᠲᠤᠬᠠᠢᠯᠠᠪᠠᠯ ᠺᠢᠨᠣ᠋ᠳᠤ ᠶᠢᠨ ᠱᠧᠤᠶ᠋ᠢᠨ ᠲᠦᠷᠢᠶ᠋ᠢ ᠪᠦᠳᠦᠭᠡᠬᠦ᠌ᠳᠤ ᠺᠢᠨᠣ᠋ᠶ᠋ᠢᠨ ᠪᠦᠯᠭᠦᠮᠨᠢ ᠰᠧ ᠮᠠ ᠴᠢᠶᠠᠨᠤ 《ᠰᠤᠳᠤᠷ ᠲᠡᠮᠳᠡᠭ᠌ᠯᠡᠯ》ᠳ᠋ᠡᠬᠢ 《ᠪᠠᠶᠠ ᠥᠨᠳᠥᠷ ᠭᠠᠯᠪᠢᠷ ᠰᠠᠢᠬᠠᠨ᠂ ᠢᠳᠡ ᠬᠦᠴᠦ᠍ᠲᠠᠢ》 ᠭᠡᠳᠡᠭ ᠲᠡᠮᠳᠡᠭ᠌ᠯᠡᠯᠢ ᠦᠨᠳᠦᠰᠦᠯᠡᠨ ᠪᠦᠳᠦᠭᠡᠭ᠌ᠰᠡᠨ ᠪᠠᠢᠨᠠ᠃ ᠡᠨᠡ ᠬᠦ᠌ ᠲᠦᠷᠢ ᠲᠦᠷᠬᠦ ᠵᠢᠨ ᠭᠤᠸᠠ ᠰᠠᠢᠬᠠᠨᠤ ᠦᠷᠡ ᠨᠥᠯᠥᠭᠡᠶ᠋ᠢ ᠭᠠᠷᠭᠠᠬᠤᠶ᠋ᠢᠨ ᠲᠥᠯᠥᠭᠡ᠂ ᠤᠷᠤᠭ᠍ᠰᠢᠨᠤ ᠪᠦᠯᠬᠦᠮ ᠨᠡᠢᠳᠡᠨᠢ ᠲᠥᠪ ᠬᠢᠨᠠᠮᠠᠭᠠᠢᠪᠠᠷ ᠵᠠᠯᠠᠭᠤ ᠲᠣᠭ᠍ᠯᠠᠭ᠍ᠴᠢᠳᠢ ᠱᠢᠯᠢᠨ ᠰᠤᠩᠭᠤᠵᠤ᠂ ᠵᠢᠷᠭᠤᠭᠠᠨ ᠰᠠᠷᠠᠶ᠋ᠢᠨ ᠰᠢᠷᠭᠠᠭᠤ ᠪᠣᠯᠪᠠᠰᠤᠷᠠᠯ ᠵᠢᠡᠷ᠂ ᠮᠣᠷᠢ ᠤᠨᠤᠬᠤ᠂ ᠬᠠᠷᠪᠤᠵᠤ ᠨᠠᠮᠨᠠᠬᠤ ᠵᠡᠷᠭᠡ ᠪᠡᠶᠡ ᠵᠢᠨ ᠲᠠᠮᠢᠷᠤᠨ ᠪᠣᠯᠪᠠᠰᠤᠷᠠᠯᠠᠴᠠ ᠭᠠᠳᠠᠨᠠ 《ᠱᠢᠯᠦᠭ᠌ᠯᠡᠯᠳᠦ ᠨᠣᠮ》᠂ ᠲᠡᠤᠬᠡ ᠰᠣᠶᠣᠯᠤᠨ ᠬᠢᠴᠢᠶᠡᠯ ᠲᠣᠬᠢᠷᠠᠭᠤᠯᠵᠤ ᠲᠣᠭ᠍ᠯᠠᠭ᠍ᠴᠢᠳᠲᠤ ᠡᠷᠳᠡᠨᠤ ᠬᠥᠮᠥᠨᠤ ᠴᠤᠭ ᠵᠢᠪᠬᠤᠭᠠ ᠬᠢᠭᠡᠳ ᠵᠣᠷᠢᠭ ᠰᠠᠨᠠᠭᠠᠶ᠋ᠢ ᠮᠡᠳᠡᠷᠡᠭᠦᠯᠦᠭ᠌ᠰᠡᠨ ᠪᠠᠢᠨᠠ᠃ ᠤᠳᠤᠬᠠᠨᠤ ᠺᠢᠨᠤ᠋ ᠵᠢᠨ ᠵᠠᠬᠠ ᠲᠡᠯᠭᠡᠬᠦᠷ ᠲᠡᠬᠢ ᠠᠷᠠᠯᠵᠢᠶᠠᠨᠤ ᠦᠷᠡ ᠠᠱᠢᠭ᠂ ᠲᠣᠣᠷ ᠰᠦᠯᠵᠢᠶᠡᠨᠤ ᠬᠠᠯᠠᠮᠱᠢᠯᠢ ᠬᠥᠭᠡᠭᠡᠴᠡᠯᠳᠦᠬᠦ᠌ ᠦᠷᠢᠰᠤᠯᠳᠤᠭᠡᠨᠳᠤ᠂ ᠲᠤᠰ ᠪᠦᠯᠬᠦᠮ ᠨᠡᠢᠳᠡ ᠵᠢᠨ ᠡᠨᠡ ᠬᠦ᠌ ᠵᠣᠷᠢᠭ ᠰᠠᠨᠠᠭᠠᠨᠢ ᠬᠦᠨᠳᠦᠳᠭᠡᠭᠦᠱᠢᠳᠡᠢ᠂ ᠪᠢᠱᠢᠷᠡᠭᠦᠱᠢᠳᠡᠢ ᠮᠦᠷᠳᠡᠭᠡᠨ ᠰᠤᠷᠤᠯᠴᠠᠭᠤᠱᠢᠳᠡᠢ ᠶᠤᠮ᠃ ᠡᠨᠡ ᠨᠢ ᠮᠥᠨ ᠴᠦ᠍ ᠲᠣᠰ ᠺᠢᠨᠣ᠋ᠶ᠋ᠢᠨ ᠮᠠᠨᠤ ᠤᠯᠤᠰᠤᠨ ᠪᠤᠰᠤᠳ ᠺᠢᠨᠣ᠋ᠠᠴᠠ ᠢᠯᠭᠠᠭ᠍ᠳᠠᠬᠤ ᠭᠠᠯᠪᠢᠷᠤᠨ ᠣᠢᠯᠠᠭᠠᠭ᠍ᠳᠠᠬᠤᠨ ᠮᠦᠷᠳᠡᠭᠡᠨ ᠠᠮᠢ ᠨᠠᠰᠤᠨᠤ ᠤᠬᠠᠮᠰᠠᠷ ᠪᠢᠯᠡ᠃
ᠣᠷᠣᠨ ᠵᠠᠢ ᠪᠡ ᠬᠥᠭ᠌ᠵᠢᠮᠤᠨ ᠨᠠᠢᠷᠠᠭᠤᠯᠭᠠᠶ᠋ᠢᠨ ᠰᠦᠷ ᠲᠠᠯᠠᠢᠴᠡᠳᠡᠢ ᠭᠤᠸᠠ ᠰᠠᠢᠬᠠᠨᠤ ᠲᠤᠬᠢᠷᠠᠭᠤᠯᠤᠯ
《ᠰᠠᠬᠢᠭᠤᠯᠰᠤᠨ ᠡᠷᠭᠦᠮᠵᠢᠯᠡᠭ᠌ᠰᠡᠨ ᠦᠯᠢᠭᠡᠷ》 ᠺᠢᠨᠤ᠋ ᠨᠢ ᠲᠤᠤᠯᠢᠯᠢᠭ ᠮᠡᠳᠡᠷᠡᠮᠵᠢ ᠪᠦᠬᠦᠢ ᠣᠷᠣᠨ ᠵᠠᠢᠶ᠋ᠢ ᠴᠣᠭ᠍ᠴᠠᠯᠠᠵᠤ᠂ ᠦᠵᠡᠭ᠌ᠴᠢᠳᠲᠤ ᠰᠦᠷ ᠲᠠᠯᠠᠢᠴᠡᠳᠡᠢ ᠭᠤᠸᠠ ᠰᠠᠢᠬᠠᠨᠤ ᠰᠡᠷᠡᠭ᠌ᠳᠡᠯ ᠣᠯᠭᠤᠨᠠ᠃ ᠲᠠᠷᠤᠢ ᠺᠢᠨᠣ᠋ ᠪᠦᠳᠦᠭᠡᠯᠭᠡᠶ᠋ᠢᠨ ᠣᠷᠣᠨ ᠵᠠᠢ᠂ ᠬᠥᠭ᠌ᠵᠢᠮ ᠨᠠᠢᠷᠠᠭᠤᠯᠭᠠ ᠵᠢᠴᠢ ᠮᠤ᠌ ᠤᠪᠤᠭ᠍ᠳᠤᠶ᠋ᠢᠨ ᠲᠦᠷᠪᠡᠨ ᠵᠠᠩᠵᠤᠨ ᠵᠡᠷᠭᠡ ᠲᠣᠮᠤᠭᠤᠨ ᠲᠦᠷᠢᠶ᠋ᠢᠨ ᠦᠰᠦᠳᠴᠢᠯᠡᠯᠠᠴᠠ ᠪᠦᠷᠢᠳᠦᠭ᠌ᠰᠡᠨ ᠬᠠᠷᠠᠭᠠᠨᠤ ᠬᠢᠭᠡᠳ ᠰᠣᠨᠣᠷᠤᠨ ᠰᠡᠷᠡᠯᠢᠶᠠᠷ ᠬᠦᠯᠢᠶᠡᠨ ᠠᠪᠤᠭ᠍ᠰᠠᠨ ᠰᠡᠷᠡᠭ᠌ᠳᠡᠯ᠃ ᠺᠢᠨᠣ᠋ᠳᠤ ᠮᠠᠰᠢ ᠤᠯᠠᠨ ᠲᠥᠯᠥᠭᠡᠯᠡᠭ᠌ᠴᠢ ᠴᠢᠨᠠᠷᠲᠠᠢ ᠸᠠᠩᠤ᠋ᠨ ᠣᠷᠳᠣᠨ᠂ ᠰᠠᠬᠢᠭᠤᠯᠰᠤᠨᠤ ᠣᠷᠣᠨ᠂ ᠡᠷᠳᠡᠨᠤ ᠪᠠᠢᠭᠠᠯᠢᠶ᠋ᠢᠨ ᠦᠡᠭᠭᠡ ᠦᠵᠡᠮᠵᠢ ᠵᠡᠷᠭᠡ ᠣᠷᠣᠨ ᠵᠠᠢ ᠲᠡᠯᠭᠡᠭ᠌ᠳᠡᠳᠡᠭ᠃ ᠴᠤᠤ ᠭᠧ ᠬᠤᠳᠠ ᠱᠠᠩᠤᠨ ᠵᠢᠭᠦᠷ ᠬᠡᠮᠡᠷ ᠯᠤᠳᠤ ᠶᠡᠭᠡ ᠪᠠᠢᠵᠤ᠂ ᠴᠢᠯᠠᠭᠤᠨ ᠬᠡᠷᠡᠮ᠂ ᠤᠷᠳᠤ ᠬᠠᠷᠰᠢ᠂ ᠠᠭᠤᠳᠠᠮ ᠲᠠᠯᠠᠪᠠᠢ ᠬᠢᠭᠡᠳ ᠰᠦᠮᠡ ᠬᠡᠢᠳ ᠵᠡᠷᠭᠡᠨᠢ ᠶᠡᠷᠦᠩᠬᠡᠢᠳᠡᠭᠡᠨ ᠬᠡᠬᠡᠨᠴᠢᠷ ᠰᠠᠢᠬᠠᠨ᠂ ᠰᠦᠷ ᠬᠦᠴᠦᠨᠲᠠᠢ ᠪᠦᠭᠡᠳ ᠰᠦᠷ ᠲᠠᠯᠠᠢᠴᠡᠳᠡᠢ ᠰᠡᠷᠡᠭ᠌ᠳᠡᠯ ᠣᠯᠭᠤᠨᠠ᠃ ᠰᠦᠷ ᠲᠠᠯᠠᠢᠴᠡᠳᠡᠢ ᠭᠡᠳᠡᠭᠨᠢ ᠣᠷᠣᠨ ᠵᠠᠢᠶ᠋ᠢᠨ ᠥᠷᠭᠡᠨ ᠠᠭᠤᠳᠠᠮᠠᠴᠠ ᠰᠡᠷᠡᠭ᠌ᠳᠡᠳᠡᠭ ᠪᠦᠭᠡᠳ ᠣᠷᠣᠨ ᠵᠠᠢᠳᠤ ᠬᠡᠷᠡᠭ᠌ᠯᠡᠭ᠌ᠰᠡᠨ ᠦᠩᠭᠡ ᠪᠣᠳᠤᠭᠤᠨ ᠲᠣᠬᠢᠷᠠᠭᠤᠯᠤᠯᠢᠶᠠᠷ ᠴᠦ᠍ ᠢᠯᠡᠷᠡᠳᠡᠭ᠂ ᠨᠢᠭᠡ ᠵᠦᠢᠯᠤᠨ ᠶᠡᠷᠦᠩᠬᠡᠢ ᠡᠯᠧᠮᠧᠨ᠋ᠲᠠᠴᠠ ᠣᠯᠭᠤᠬᠤ ᠭᠤᠸᠠ ᠰᠠᠢᠬᠠᠨ ᠪᠣᠯᠬᠤ ᠶᠤᠮ᠃ ᠪ·ᠪᠦᠷᠢᠨᠪᠠᠬᠢᠪᠠᠷ ᠪᠠᠭᠠᠳᠤᠷᠯᠢᠭ ᠲᠤᠤᠯᠢᠶ᠋ᠢᠨ ᠰᠤᠳᠤᠯᠭᠠᠨᠳᠤ 《ᠰᠤᠯᠠ᠂ ᠵᠥᠭᠡᠯᠡᠨ᠂ ᠡᠶᠡᠯᠳᠡᠭ ᠦᠩᠭᠡ ᠲᠤᠤᠯᠢᠰᠤᠨ ᠪᠠᠭᠠᠳᠤᠷᠯᠢᠭ ᠠᠶᠠᠰ ᠪᠣᠯᠣᠨ ᠰᠦᠷᠯᠢᠭ ᠵᠢᠪᠬᠤᠭᠠᠶ᠋ᠢ ᠢᠯᠡᠷᠡᠭᠦᠯᠦᠨ ᠦᠯᠦ᠍ ᠴᠢᠳᠠᠬᠤ ᠲᠤᠯᠠ ᠬᠤᠷᠴᠠ᠂ ᠬᠠᠳᠠᠭᠤ᠂ ᠬᠠᠷᠱᠢᠯᠳᠤᠩᠭᠤᠢ ᠦᠩᠭᠡᠶ᠋ᠢ ᠴᠢᠬᠤᠯᠠᠴᠢᠯᠠᠳᠠᠭ》 ᠭᠡᠵᠦ᠍ ᠲᠤᠷᠠᠳᠤᠭ᠍ᠰᠠᠨ ᠱᠢᠭ᠋ ᠴᠤᠤ ᠭᠧ ᠬᠤᠳᠠᠨᠢ ᠬᠠᠷᠠ ᠪᠣᠷᠣ᠂ ᠴᠠᠭᠠᠨ᠂ ᠠᠯᠳᠠᠨ ᠱᠢᠷᠡ ᠦᠩᠭᠡᠪᠠᠷ ᠪᠦᠳᠦᠭᠡᠭ᠌ᠳᠡᠵᠡᠢ᠃ ᠪᠠᠭᠠᠳᠤᠷᠯᠢᠭ ᠲᠤᠤᠯᠢᠶ᠋ᠢᠨ ᠦᠩᠭᠡ ᠪᠣᠳᠤᠭ ᠱᠢᠨᠵᠢᠯᠡᠯᠢ ᠦᠨᠳᠦᠰᠦᠯᠡᠪᠡᠯ᠂ ᠬᠠᠷᠠ ᠪᠣᠷᠣ ᠦᠩᠭᠡ ᠪᠣᠯ 《ᠲᠤᠭ᠍ᠰᠢᠳᠤᠨ ᠦᠩᠭᠡ》᠂ ᠴᠠᠭᠠᠨ ᠪᠣᠯ ᠠᠷᠢᠭᠤᠨ ᠲᠠᠷᠬᠠᠨᠤ ᠪᠡᠯᠭᠡᠳᠡᠯ᠂ ᠠᠯᠳᠠᠨ ᠱᠢᠷᠡ ᠦᠩᠭᠡ ᠪᠣᠯ ᠡᠷᠬᠡ ᠰᠦᠷᠤᠨ ᠲᠡᠮᠳᠡᠭ ᠪᠢᠯᠡ᠃
ᠬᠥᠭ᠌ᠵᠢᠮᠤᠨ ᠨᠠᠢᠷᠠᠭᠤᠯᠭᠠᠶ᠋ᠢᠨ ᠲᠠᠯᠠᠪᠠᠷ᠂ ᠲᠣᠰ ᠺᠢᠨᠣ᠋ᠳᠤ ᠸᠠᠭ᠌ᠨ᠋ᠸᠷᠤᠨ ᠲᠠᠭᠤᠯᠠᠯᠳᠤ ᠵᠦᠴᠤᠭᠡ ᠵᠢᠨ ᠪᠦᠯᠬᠦᠮᠤᠨ ᠵᠣᠬᠢᠶᠠᠨ ᠪᠦᠳᠦᠭᠡᠯᠭᠡᠶ᠋ᠢᠨ ᠬᠡᠪ ᠨᠠᠮᠪᠠᠶ᠋ᠢ ᠠᠱᠢᠭ᠍ᠯᠠᠵᠤ᠂ ᠰᠦᠷ ᠲᠠᠯᠠᠢᠴᠡᠳᠡᠢ ᠲᠤᠤᠯᠢᠰᠤᠨ ᠬᠡᠪ ᠨᠠᠮᠪᠠᠶ᠋ᠢ ᠢᠯᠡᠷᠡᠭᠦᠯᠦᠭ᠌ᠰᠡᠨ ᠪᠠᠢᠨᠠ᠃ 《ᠵᠶ᠋ᠢ ᠵᠸᠦ᠍ᠶ᠋ᠢ ᠲᠦᠪᠱᠢᠳᠭᠡᠬᠦ᠌ᠨᠢ》 ᠭᠡᠬᠦ᠌ ᠲᠠᠭᠤᠤᠨᠢ ᠭᠠᠤᠯᠢᠨ ᠦᠯᠢᠶᠡᠪᠦᠷᠢ ᠵᠢ ᠬᠡᠷᠡᠭ᠌ᠯᠡᠭ᠌ᠰᠡᠨᠠᠴᠠ ᠡᠭᠡᠰᠢᠭ ᠲᠠᠭᠤᠨᠢ ᠬᠦᠩᠬᠢᠨᠡᠬᠦᠨ᠂ ᠤᠷᠮᠠ ᠰᠡᠳᠬᠢᠯᠭᠡ ᠵᠢ ᠬᠦᠭᠵᠢᠭᠡᠬᠦ ᠰᠢᠨᠵᠢᠲᠠᠢ ᠶᠤᠮ᠃ ᠣᠷᠣᠨ ᠵᠠᠢ ᠬᠢᠭᠡᠳ ᠬᠥᠭ᠌ᠵᠢᠮᠤᠨ ᠨᠠᠢᠷᠠᠭᠤᠯᠭᠠᠠᠴᠠ ᠭᠠᠳᠠᠨᠠ ᠮᠤ᠌ ᠤᠪᠤᠭ᠍ᠳᠤᠶ᠋ᠢᠨ ᠲᠦᠷᠪᠡᠨ ᠵᠠᠩᠵᠤᠨ ᠵᠡᠷᠭᠡ ᠲᠣᠮᠤᠭᠤᠨ ᠲᠦᠷᠢᠶ᠋ᠢᠨ ᠦᠰᠦᠳᠴᠢᠯᠡᠯᠠᠴᠠ ᠰᠦᠷ ᠲᠠᠯᠠᠢᠴᠡᠳᠡᠢ ᠭᠤᠸᠠ ᠰᠠᠢᠬᠠᠨ ᠲᠥᠷᠥᠭ᠌ᠳᠡᠨᠡ᠃ ᠺᠢᠨᠣ᠋ᠳᠠᠬᠢ ᠮᠤ᠌ ᠤᠪᠤᠭ᠍ᠳᠤᠶ᠋ᠢᠨ ᠲᠦᠷᠪᠡᠨ ᠵᠠᠩᠵᠤᠨ ᠪᠣᠯ ᠲᠡᠭ᠌ᠷᠢᠶ᠋ᠢᠨ ᠲᠦᠷᠪᠡᠨ ᠶᠡᠭᠡ ᠵᠠᠩᠵᠤᠨ ᠪᠣᠯᠣᠨᠠ᠃ ᠲᠡᠭ᠌ᠷᠢᠶ᠋ᠢᠨ ᠲᠦᠷᠪᠡᠨ ᠶᠡᠭᠡ ᠵᠠᠩᠵᠤᠨᠤ᠋ ᠰᠣᠶᠣᠯᠤᠨ ᠰᠤᠷᠪᠤᠯᠵᠢ ᠤᠷᠳᠤ᠂ ᠨᠥᠯᠥᠭᠡ ᠭᠦᠨ ᠪᠠᠢᠳᠠᠭ᠃ ᠤᠷᠤᠭ᠍ᠰᠢᠨᠤ ᠲᠤᠤᠯᠢᠰᠯᠢᠭ ᠺᠢᠨᠣ᠋ᠶ᠋ᠢᠨ ᠬᠥᠭᠡᠭᠡᠴᠡᠯᠳᠦᠯᠨᠢ ᠮᠤ᠌ ᠤᠪᠤᠭ᠍ᠳᠤᠶ᠋ᠢᠨ ᠲᠦᠷᠪᠡᠨ ᠵᠠᠩᠵᠤᠨᠤ ᠲᠦᠷᠢ ᠪᠦᠳᠦᠭᠡᠯᠭᠡ ᠶᠠᠮᠠᠷ ᠪᠣᠯᠬᠤᠶ᠋ᠢ ᠱᠢᠭᠤᠳ ᠲᠤᠭ᠍ᠳᠠᠭᠠᠵᠢ᠃ ᠲᠤᠬᠠᠢᠯᠠᠪᠠᠯ᠂ ᠪᠠᠭᠠᠳᠤᠷᠯᠢᠭ ᠲᠤᠤᠯᠢᠰᠤᠨ ᠰᠦᠷᠯᠢᠭ ᠲᠡᠭᠡᠳᠦ ᠬᠡᠪ ᠨᠠᠮᠪᠠᠨᠢ ᠲᠦᠷᠢᠶ᠋ᠢᠨ ᠬᠦᠴᠦ᠍᠂ ᠬᠡᠮᠵᠢᠶᠡ᠂ ᠦᠩᠭᠡ ᠭᠤᠷᠪᠠᠳᠤ ᠲᠤᠯᠭᠠᠭᠤᠷᠢᠯᠠᠳᠠᠭ ᠭᠡᠭ᠌ᠴᠢ ᠪᠡᠷ ᠲᠡᠭ᠌ᠷᠢᠶ᠋ᠢᠨ ᠲᠦᠷᠪᠡᠨ ᠶᠡᠭᠡ ᠵᠠᠩᠵᠤᠨᠢ ᠵᠠᠭᠤᠴᠢᠯᠠᠭᠤᠷ ᠠᠯᠤᠰᠯᠠᠨ ᠬᠦᠦᠷᠨᠢᠬᠦ᠌ᠳᠡᠭᠡᠨ ᠠᠪᠤᠷᠭᠤ ᠬᠥᠮᠥᠨ ᠱᠢᠭ ᠲᠣᠮᠣ ᠪᠡᠶᠡᠲᠠᠢ ᠪᠣᠯᠭᠠᠵᠤ ᠪᠦᠳᠦᠭᠡᠭ᠌ᠰᠡᠨ ᠪᠠᠢᠨᠠ᠃ ᠡᠢᠮᠦ᠍ᠠᠴᠠ ᠡᠨᠡ ᠬᠦ᠌ ᠲᠦᠷᠢᠶ᠋ᠢᠨ ᠠᠪᠤᠷᠭᠤ ᠪᠠᠶᠠ᠂ ᠬᠦᠴᠦᠳᠦ ᠴᠣᠬᠢᠯᠲᠠ᠂ ᠲᠣᠭ᠍ᠰᠢᠨ ᠬᠠᠰᠭᠢᠷᠤᠯ ᠵᠡᠷᠭᠡᠠᠴᠠ ᠺᠢᠨᠣ᠋ ᠰᠦᠷ ᠲᠠᠯᠠᠢᠴᠡᠳᠡᠢ ᠪᠣᠯᠵᠤ ᠲᠤᠤᠯᠢᠰᠯᠢᠭ ᠬᠡᠪ ᠨᠠᠮᠪᠠ ᠴᠢᠩᠭᠠᠷᠠᠵᠠᠢ᠃
ᠡᠷᠳᠡᠨᠤ ᠶᠣᠰᠣᠯᠠᠯ ᠴᠢᠮᠡᠭ᠌ᠯᠡᠯᠤᠨ ᠲᠥᠪ ᠶᠡᠬᠡᠮᠰᠦᠭ ᠭᠤᠸᠠ ᠰᠠᠢᠬᠠᠨᠤ ᠬᠦᠭᠡᠭᠡᠴᠡᠯᠳᠤᠯ
《ᠰᠠᠬᠢᠭᠤᠯᠰᠤᠨ ᠡᠷᠭᠦᠮᠵᠢᠯᠡᠭ᠌ᠰᠡᠨ ᠦᠯᠢᠭᠡᠷ》 ᠺᠢᠨᠣ᠋ᠨᠢ ᠶᠢᠨ ᠱᠠᠩᠤᠨ ᠲᠡᠤᠬᠡ ᠰᠣᠶᠣᠯᠳᠤ ᠰᠠᠭᠤᠷᠢᠯᠠᠵᠤ ᠬᠦᠷᠡᠯ ᠵᠡᠪᠰᠡᠭᠤᠨ ᠪᠣᠯᠪᠠᠰᠤᠨ᠂ ᠪᠣᠮᠪᠤᠶ᠋ᠢᠨ ᠱᠠᠱᠢᠨᠤ ᠲᠣᠮᠤᠭ᠂ ᠡᠷᠳᠡᠡᠤ ᠦᠶᠡᠶ᠋ᠢᠨ ᠶᠣᠰᠣᠯᠠᠯ ᠲᠦᠷᠢᠮᠤᠨ ᠭᠤᠸᠠ ᠰᠠᠢᠬᠠᠨᠢ ᠠᠬᠤᠭᠤᠯᠵᠤ᠂ ᠣᠳᠣ ᠦᠶᠡᠶ᠋ᠢᠨ ᠺᠢᠨᠣ᠋ ᠦᠢᠯᠡᠳᠪᠦᠷᠢᠶ᠋ᠢᠨ ᠠᠷᠭᠠ ᠪᠠᠷᠢᠯᠢᠶᠠᠷ ᠡᠷᠳᠡᠡᠤ ᠦᠶᠡᠶ᠋ᠢᠨ ᠠᠷᠢᠭᠤᠨ ᠲᠠᠷᠬᠠᠨ ᠬᠢᠭᠡᠳ ᠰᠦᠷ ᠵᠢᠪᠬᠤᠯᠠᠩᠢ ᠰᠡᠷᠭᠦᠭᠡᠵᠦ᠍ ᠨᠢᠭᠡ ᠵᠦᠢᠯᠤᠨ ᠲᠥᠪ ᠶᠡᠬᠡᠮᠰᠦᠭ ᠭᠤᠸᠠ ᠰᠠᠢᠬᠠᠨᠢ ᠪᠦᠷᠢᠳᠦᠭᠦᠯᠦᠭ᠌ᠰᠡᠨ ᠪᠠᠢᠨᠠ᠃ ᠲᠥᠪ ᠶᠡᠬᠡᠮᠰᠦᠭ ᠪᠣᠯ ᠲᠤᠮᠳᠠᠳᠤ ᠵᠢᠨ ᠤᠯᠠᠮᠵᠢᠯᠠᠯᠳᠤ ᠭᠤᠸᠠ ᠵᠦᠢᠶ᠋ᠢᠨ ᠴᠢᠬᠤᠯᠠ ᠠᠢ ᠪᠠᠢᠵᠤ᠂ ᠲᠥᠪ ᠬᠢᠴᠢᠶᠡᠩᠭᠦᠢ᠂ ᠠᠷᠢᠭᠤᠨ ᠲᠠᠷᠬᠠᠨ᠂ ᠠᠤᠭᠠ ᠰᠦᠷᠯᠢᠭ ᠭᠤᠸᠠ ᠲᠠᠭᠠᠱᠢᠶᠠᠯᠤᠨ ᠣᠨᠴᠠᠯᠢᠭ ᠱᠢᠨᠵᠢᠲᠠᠢ᠃ ᠺᠢᠨᠣ᠋ᠳᠤ ᠶᠢᠨ ᠱᠠᠩᠤᠨ ᠦᠶᠡᠶ᠋ᠢᠨ ᠶᠣᠰᠣᠯᠠᠯ ᠲᠦᠷᠢᠮ ᠦᠵᠡᠭ᠌ᠳᠡᠯ ᠲᠠᠯᠠᠪᠠᠢ ᠤᠯᠠᠨ ᠢᠯᠡᠷᠡᠪᠡ᠃ ᠵᠢᠱ᠌ᠢᠶᠡᠯᠡᠪᠡᠯ᠂ ᠶᠢᠨ ᠱᠧᠤ ᠬᠠᠭᠠᠨ ᠰᠠᠭᠤᠷᠢᠨᠳᠤ ᠰᠠᠭᠤᠬᠤᠳᠤ 《ᠪᠠᠷᠢᠴᠠᠭᠠᠨᠤ ᠬᠥᠪᠡᠭᠦᠳ》 ᠲᠡᠷᠢ ᠲᠡᠭ᠌ᠰᠢ ᠵᠢᠭ᠌ᠳᠡ ᠵᠢᠭ᠍ᠰᠠᠵᠤ᠂ ᠠᠯᠬᠤᠭᠠ ᠢᠳᠡᠷᠡᠭᠦᠨ᠂ ᠶᠢᠨ ᠱᠧᠤ ᠲᠢᠳᠢᠮᠤᠨ ᠬᠤᠪᠴᠠᠰᠤᠪᠠᠨ ᠡᠮᠦᠰᠴᠦ᠍ ᠶᠡᠭᠡ ᠣᠷᠳᠣᠨᠳᠤ ᠵᠣᠭ᠍ᠰᠣᠵᠤ᠂ ᠶᠣᠰᠣᠯᠠᠯᠤᠨ ᠬᠥᠭ᠌ᠵᠢᠮ ᠬᠥᠭ᠌ᠵᠢᠮᠳᠡᠵᠦ᠍᠂ ᠱᠢᠪᠠᠭᠤᠨ ᠲᠤᠲ᠋ᠧᠮ ᠢᠯᠡᠷᠡᠬᠦ ᠪᠥᠬᠦ᠌ ᠶᠠᠪᠤᠴᠠᠨᠢ ᠮᠠᠰᠢ ᠲᠥᠪ ᠴᠢᠩᠭᠠ ᠡᠮᠬᠢ ᠴᠡᠭ᠌ᠴᠡᠲᠠᠢ ᠪᠠᠢᠵᠤ᠂ ᠡᠷᠳᠡᠨᠤ ᠦᠶᠡᠶ᠋ᠢᠨ ᠬᠠᠭᠠᠳᠤᠨ ᠰᠠᠭᠤᠷᠢᠨ ᠵᠠᠯᠭᠠᠮᠵᠢᠯᠠᠬᠤ ᠶᠣᠰᠣᠯᠠᠯ ᠲᠦᠷᠢᠮᠢ ᠪᠦᠷᠢᠨ ᠢᠯᠡᠷᠡᠭᠦᠯᠦᠭ᠌ᠰᠡᠨᠢᠶᠠᠷ ᠸᠠᠩᠤᠨ ᠡᠷᠬᠡ ᠰᠦᠷ ᠬᠢᠭᠡᠳ ᠡᠷᠳᠡᠨᠤ ᠶᠣᠰᠣᠯᠠᠯᠤᠨ ᠲᠥᠪ ᠶᠡᠬᠡᠮᠰᠦᠭ ᠭᠤᠸᠠ ᠰᠠᠢᠬᠠᠨ ᠲᠥᠷᠥᠭ᠌ᠳᠡᠨᠡ᠃ ᠪᠠᠰᠠ ᠬᠥᠮᠥᠨᠤ ᠶᠣᠰᠣ ᠲᠦᠷᠢᠮᠵᠢᠭ᠌ᠰᠡᠨ ᠦᠢᠯᠡ ᠬᠥᠳᠡᠯᠦᠯ᠂ ᠲᠤᠬᠠᠢᠯᠠᠪᠠᠯ ᠲᠥᠷᠥᠶ᠋ᠢᠨ ᠶᠣᠰᠣᠯᠠᠯ᠂ ᠲᠠᠬᠢᠯᠭᠠᠶ᠋ᠢᠨ ᠶᠣᠰᠣᠯᠠᠯᠳᠤ ᠢᠵᠠᠭᠤᠷᠳᠠᠨᠤ ᠬᠡᠪ ᠨᠠᠮᠪᠠ᠂ ᠡᠷᠳᠡᠨᠤ ᠶᠣᠰᠣ ᠵᠢᠷᠦᠮᠢ ᠴᠢᠩᠭᠠ ᠰᠠᠬᠢᠵᠤ᠂ ᠬᠥᠳᠡᠯᠦᠯ ᠪᠠᠷᠢᠯ ᠡᠮᠬᠢ ᠴᠡᠭ᠌ᠴᠡᠳᠡᠢ᠂ ᠣᠪᠣᠷ ᠪᠠᠢᠳᠠᠯ ᠲᠥᠪ ᠶᠡᠬᠡᠮᠰᠦᠭ ᠪᠠᠢᠳᠠᠭ᠃ ᠡᠭᠦᠨᠠᠴᠠ ᠭᠠᠳᠠᠨᠠ ᠺᠢᠨᠣ᠋ᠶ᠋ᠢᠨ ᠴᠢᠮᠡᠭ᠌ᠯᠡᠯᠤᠨ ᠲᠠᠯᠠᠪᠠᠷ᠂ ᠶᠢᠨ ᠱᠠᠩᠤᠨ ᠬᠦᠷᠡᠯ ᠰᠣᠶᠣᠯᠨᠢ ᠲᠥᠪ ᠶᠡᠬᠡᠮᠰᠦᠭ ᠭᠤᠸᠠ ᠰᠠᠢᠬᠠᠨᠤ ᠲᠤᠯᠭᠠᠭᠤᠷᠢ ᠪᠣᠯᠵᠤ᠂ ᠪᠢᠷᠢᠳᠤᠨ ᠬᠡ᠂ ᠱᠢᠪᠠᠭᠤᠨ ᠲᠤᠲ᠋ᠧᠮ᠂ ᠯᠤᠤᠶ᠋ᠢᠨ ᠬᠡ ᠵᠡᠷᠭᠡ ᠬᠦᠷᠡᠯ ᠬᠡ ᠴᠢᠮᠡᠭ᠌ᠯᠡᠯ ᠪᠥᠬᠦ᠌ ᠺᠢᠨᠣ᠋ᠳᠤ ᠨᠡᠪᠳᠡᠷᠡᠵᠦ᠍᠂ ᠲᠥᠪ ᠶᠡᠬᠡᠮᠰᠦᠭ ᠭᠤᠸᠠ ᠰᠠᠢᠬᠠᠨᠤ ᠪᠡᠯᠭᠡ ᠲᠡᠮᠳᠡᠭ ᠪᠣᠯᠣᠭ᠍ᠰᠠᠨ ᠪᠠᠢᠨᠠ᠃