《ᠭᠤᠪᠢᠶ᠋ᠢᠨ ᠠᠷᠴᠠ》 ᠬᠡᠬᠦ ᠨᠤᠮ ᠪᠤᠯ ᠡᠷᠳᠡᠨᠢᠪᠠᠶᠠᠷ᠂ ᠵ ·ᠯᠤᠤᠬᠠ ᠬᠤᠶᠠᠷ ᠪᠠᠬᠰᠢ ᠵᠢᠨ ᠨᠠᠢᠷᠠᠭᠤᠯᠤᠬᠰᠠᠨ᠂ ᠪᠤᠷᠤᠬᠤᠳᠠ ᠮᠤᠩᠭᠤᠯ ᠲᠤᠮᠳᠠᠳᠤ ᠰᠤᠷᠭᠠᠭᠤᠯᠢᠳ᠋ᠤ ᠰᠤᠷᠤᠯᠴᠠᠵᠤ ᠪᠠᠢᠬᠰᠠᠨ ᠪᠠ ᠤᠳᠤ ᠰᠤᠷᠤᠯᠴᠠᠵᠤ ᠪᠠᠢᠭᠠ ᠰᠤᠷᠤᠬᠴᠢᠳᠤᠨ ᠡᠯᠠ ᠤᠷᠠᠨ ᠵᠤᠬᠢᠶᠠᠯᠤᠨ ᠤᠷᠤᠯᠳᠤᠭᠠᠨᠳᠤ ᠱᠠᠡᠭᠨᠠᠯ ᠤᠯᠤᠬᠰᠠᠨ ᠤᠷᠠᠨ ᠪᠦᠳᠦᠬᠡᠯᠤᠨ ᠲᠡᠬᠦᠪᠦᠷᠢ ᠪᠤᠯᠤᠨᠠ᠃ ᠲᠤᠰ ᠨᠤᠮᠳᠤ ᠰᠤᠡᠭᠭᠤᠬᠳᠠᠬᠰᠠᠨ ᠵᠤᠬᠢᠶᠠᠯᠤᠨ ᠤᠷᠠᠯᠢᠭᠤᠨ ᠬᠡᠮᠵᠢᠶᠡ ᠦᠨᠳᠦᠷ᠂ ᠲᠦᠷᠢ ᠤᠯᠠᠨ ᠶᠠᠩᠵᠦᠳᠦ ᠴᠢᠨᠠᠷᠲᠠᠢ ᠪᠠᠢᠵᠦ᠍ ᠲᠤᠮᠳᠠᠳᠤ ᠰᠤᠷᠭᠠᠭᠤᠯᠢᠶ᠋ᠢᠨ ᠰᠤᠷᠤᠭ᠍ᠴᠢᠳᠤᠨ ᠬᠡᠪ ᠨᠠᠮᠪᠠ᠂ ᠬᠢᠷᠢ ᠲᠦᠪᠱᠢᠨᠢ ᠵᠤᠬᠢᠬᠤ ᠬᠡᠮᠵᠢᠶᠡ ᠪᠡᠷ ᠬᠠᠷᠠᠭᠤᠯᠵᠦ᠍ ᠴᠢᠳᠠᠵᠠᠢ᠃ ᠲᠤᠰ ᠵᠤᠬᠢᠶᠠᠯᠨᠢ ᠬᠡᠨᠡᠨ ᠴᠠᠭᠠᠬᠠᠨ ᠲᠤᠮᠤᠭᠠᠵᠢᠯ᠂ ᠬᠡᠷᠡᠯ ᠬᠡᠬᠡᠳᠤ ᠬᠦᠳᠦᠯᠦᠭ᠌ᠴᠢ᠂ ᠠᠮᠢᠳᠤᠷᠠᠯ ᠦᠢᠯᠡᠰᠤ᠋ᠨ ᠬᠦᠰᠡᠯ ᠵᠢᠳᠬᠦᠯ᠂ ᠵᠠᠩ ᠵᠠᠩᠱᠢᠯ ᠪᠠ ᠤᠷᠤᠨ ᠨᠤᠳᠤᠭᠤᠨ ᠵᠢᠷᠤᠭ᠍ᠯᠠᠯ ᠬᠡᠬᠦ᠌ ᠲᠦᠷᠪᠡᠨ ᠲᠠᠯᠠᠪᠠᠷ ᠨᠤᠮᠳᠤ ᠲᠡᠬᠦᠪᠦᠷᠢᠯᠡᠭ᠌ᠳᠡᠭ᠌ᠰᠡᠨ ᠵᠤᠬᠢᠶᠠᠯᠤᠨ ᠤᠨᠴᠠᠯᠢᠭᠢ ᠵᠠᠳᠠᠯᠪᠠ᠃
2024 ᠤᠨᠤ 11 ᠰᠠᠷᠠᠳᠤ ᠦᠪᠦᠷ ᠮᠤᠩᠭᠤᠯᠤᠨ ᠰᠤᠷᠭᠠᠨ ᠬᠦᠮᠤᠵᠢᠯᠤᠨ ᠬᠡᠪᠯᠡᠯᠤᠨ ᠬᠤᠷᠢᠶᠠᠨᠠᠴᠠ 《ᠭᠤᠪᠢᠶ᠋ᠢᠨ ᠠᠷᠴᠠ》 （ᠲᠡᠬᠡᠳᠦ ᠲᠤᠤᠷᠠᠳᠤ）ᠨᠤᠮᠢ ᠬᠡᠪᠯᠡᠬᠦᠯᠦᠨ ᠲᠠᠷᠬᠠᠭᠠᠵᠦ᠍᠂ ᠪᠤᠷᠤᠬᠤᠳᠠ ᠮᠤᠩᠭᠤᠯ ᠰᠤᠷᠭᠠᠭᠤᠯᠢᠳᠤ ᠱᠢᠨᠡ ᠨᠤᠮᠤᠨ ᠲᠠᠷᠬᠠᠭᠠᠯᠳᠠᠶ᠋ᠢᠨ ᠶᠤᠰᠤᠯᠠᠯ ᠪᠠ ᠵᠤᠬᠢᠶᠠᠯ ᠪᠦᠳᠦᠬᠡᠯᠢ ᠰᠤᠳᠤᠯᠤᠨ ᠶᠠᠷᠢᠯᠴᠠᠬᠤ ᠬᠤᠷᠠᠯᠢ ᠡᠷᠬᠢᠯᠡᠨ ᠶᠠᠪᠤᠭ᠍ᠳᠠᠭᠤᠯᠵᠠᠢ᠃ ᠡᠨᠡ ᠨᠤᠮᠢ ᠬᠡᠪᠯᠡᠬᠦᠯᠦᠭ᠌ᠰᠡᠨᠨᠢ ᠰᠤᠷᠤᠭ᠍ᠴᠢᠳᠲᠤ ᠭᠠᠷ ᠠᠪᠤᠯᠭᠠ ᠪᠤᠯᠬᠤ ᠦᠨᠡ ᠴᠠᠨᠠᠲᠠᠢ ᠪᠦᠭᠡᠳ ᠤᠷᠠᠨ ᠵᠤᠬᠢᠶᠠᠯᠳᠤ ᠪᠠᠭ᠍ᠠᠳᠠᠢ ᠰᠤᠷᠤᠭ᠍ᠴᠢᠳᠲᠤ ᠤᠳᠤᠷᠢᠳᠤᠮᠵᠢᠶ᠋ᠢᠨ ᠦᠢᠯᠡᠳᠦᠯ ᠦᠵᠡᠬᠦᠯᠵᠦ᠍ ᠲᠡᠢᠯᠦᠨᠡ᠃ ᠲᠡᠷᠡᠨᠢ ᠲᠤᠮᠳᠠᠳᠤ ᠰᠤᠷᠭᠠᠭᠤᠯᠢᠶ᠋ᠢᠨ ᠰᠤᠷᠤᠭ᠍ᠴᠢᠳᠤᠨ ᠪᠤᠳᠤᠯ ᠰᠡᠳᠭᠢᠬᠦᠢ ᠪᠠ ᠠᠪᠢᠶᠠᠰ ᠪᠢᠯᠢᠭ᠂ ᠤᠢ ᠤᠬᠠᠭᠠᠨᠢ ᠮᠠᠨᠳᠤ ᠲᠡᠯᠬᠡᠨ ᠦᠵᠡᠬᠦᠯᠵᠦ᠍ ᠢᠷᠡᠬᠡᠳᠦᠢᠶ᠋ᠢᠨ ᠢᠳᠡᠬᠡᠯᠢ ᠦᠭ᠌ᠴᠦ ᠲᠡᠢᠯᠤᠨᠠ ᠬᠡᠳᠡᠭ ᠲᠸ᠋ ᠢᠳᠡᠭᠡᠯ ᠲᠠᠢ ᠪᠠᠢᠨᠠ᠃ ᠲᠤᠰ ᠰᠢᠬᠦᠮᠵᠢᠳᠡᠭᠡᠨ ᠤᠩᠱᠢᠭ᠍ᠴᠢᠳᠲᠤ ᠤᠶᠤᠨ ᠰᠠᠨᠠᠭᠠᠨᠤ ᠬᠦᠷᠳᠡᠬᠡᠮᠵᠢ ᠪᠤᠯᠤᠭ᠍ᠰᠠᠨ ᠲᠤᠰ ᠨᠤᠮᠤᠨ ᠶᠡᠷᠦᠩᠬᠡᠢ ᠤᠨᠴᠠᠯᠢᠭᠢ ᠲᠦᠷᠪᠡᠨ ᠲᠠᠯᠠᠠᠴᠠ ᠱᠢᠨᠵᠢᠯᠡᠵᠦ᠍ ᠤᠷᠠᠯᠢᠭᠤᠨ ᠦᠨᠡ ᠴᠠᠨᠠᠶ᠋ᠢ ᠠᠭᠤᠳᠠᠯᠬᠤᠶ᠋ᠢ ᠵᠤᠷᠢᠯᠠ᠃
ᠨᠢᠬᠡ ᠬᠡᠨᠡᠨ ᠴᠠᠭᠠᠬᠠᠨ ᠲᠤᠮᠤᠭᠠᠵᠢᠯ
ᠠᠰᠪᠤᠷ ᠴᠠᠢᠯᠭᠠᠨ ᠬᠡᠦᠬᠡᠳ ᠪᠠᠭᠠᠴᠤᠳᠤᠨ ᠠᠮᠢᠳᠤᠷᠠᠯᠤᠨ ᠲᠤᠮᠳᠠᠬᠢ ᠶᠠᠮᠠᠷ ᠨᠢᠬᠡᠨ ᠤᠴᠢᠷᠠᠴᠠ ᠤᠬᠠᠭᠠᠷᠠᠨ ᠲᠣᠮᠣᠭᠠᠵᠢᠬᠤ ᠤᠳᠭᠠ ᠰᠡᠳᠦᠪ ᠪᠦᠬᠦᠢ ᠵᠤᠬᠢᠶᠠᠯ ᠡᠨᠡ ᠲᠡᠬᠦᠪᠦᠷᠢᠳᠤ ᠬᠠᠮᠤᠭ ᠤᠯᠠᠨ ᠢᠯᠡᠷᠡᠵᠡᠢ᠃
ᠠᠤᠭᠠᠶ᠋ᠢᠨ 《ᠢᠯᠵᠢᠷᠡᠬᠡᠢ ᠪᠤᠤᠪᠤ》 ᠭᠡᠬᠦ᠌ ᠥᠭᠦᠯᠡᠯᠭᠡᠳᠤ ᠡᠮᠡᠭᠡᠨᠢ ᠲᠦᠷᠦᠭ᠌ᠰᠡᠨ ᠡᠳᠦᠷᠤᠨ ᠪᠤᠭᠤᠷᠰᠤᠭᠢᠶᠠᠨ ᠤᠮᠪᠤᠯᠤᠳᠠᠭᠠᠨ ᠢᠳᠡᠬᠦᠯᠬᠦ᠌ ᠬᠡᠵᠦ᠍ ᠬᠤᠶᠠᠷ ᠰᠠᠷᠠ ᠬᠠᠳᠠᠭᠠᠯᠠᠭᠠᠳ ᠢᠯᠵᠢᠷᠡᠬᠦᠯᠦᠭ᠌ᠰᠡᠨ ᠤᠴᠢᠷᠢ ᠪᠢᠴᠢᠬᠡᠳ ᠬᠠᠷᠠᠬᠠᠨ ᠪᠠᠭᠠᠠᠴᠠ ᠨᠢ ᠲᠡᠬᠦᠨᠢ ᠬᠠᠢᠷᠠᠯᠠᠵᠦ᠍ ᠰᠠᠨᠠᠵᠦ᠍ ᠦᠰᠭᠡᠭ᠌ᠰᠡᠨ ᠡᠮᠡᠭᠡᠶ᠋ᠢᠨ ᠬᠠᠢᠷᠠᠶ᠋ᠢ ᠦᠷᠦᠪᠳᠦᠨ ᠤᠬᠠᠭᠠᠷᠠᠭ᠍ᠰᠠᠨ ᠤᠴᠢᠷᠢ ᠪᠢᠴᠢᠵᠡᠢ᠃ 《ᠨᠤᠢᠳᠠᠨ ᠰᠤᠷᠮᠤᠤᠰᠤᠨ ᠲᠤᠮᠳᠠᠭᠤᠷ ᠡᠮᠡᠭᠡᠶ᠋ᠢᠨ ᠮᠢᠨᠢ ᠪᠤᠭᠤᠷᠤᠯ ᠬᠡᠵᠢᠭᠡ᠂ ᠪᠦᠭ᠌ᠳᠤᠷ ᠨᠢᠷᠤᠭᠤ ᠪᠠ ᠭᠠᠷᠲᠠᠭᠠᠨ ᠪᠠᠷᠢᠭᠠᠳ ᠱᠢᠨᠵᠢᠵᠤ ᠪᠠᠢᠭᠠ ᠢᠯᠵᠢᠷᠡᠭᠡᠢ ᠪᠤᠤᠪᠤᠶ᠋ᠢ ᠦᠵᠠᠭᠡᠳ ᠡᠮᠡᠭᠡᠳᠡᠭᠡᠨ ᠪᠢ ᠴᠢᠮᠦᠭᠡᠶ᠋ᠢᠨ ᠶᠠᠰᠤᠪᠠᠨ ᠲᠠᠱᠢᠵᠤ ᠵᠤᠯᠠ ᠠᠰᠠᠭᠠᠵᠤ ᠦᠭ᠌ᠬᠦᠭ᠌ᠰᠡᠨ ᠴᠦ᠍ ᠡᠩᠬᠦᠷᠠᠢᠯᠡᠭ᠌ᠰᠡᠨ ᠠᠴᠢᠶ᠋ᠢᠨᠢ ᠬᠠᠷᠢᠭᠤᠯᠵᠤ ᠲᠠᠢᠯᠬᠦ᠌ ᠦᠭᠡᠢ ᠬᠡᠵᠤ ᠰᠠᠨᠠᠭ᠍ᠳᠠᠯᠠ》 ᠬᠡᠵᠦ᠍ ᠪᠢᠴᠢᠭ᠌ᠰᠡᠨ ᠵᠤᠬᠢᠶᠠᠭ᠍ᠴᠢᠶ᠋ᠢᠨ ᠵᠤᠬᠢᠶᠠᠯᠢ ᠤᠩᠱᠢᠬᠤᠳᠤ ᠪᠢᠳᠡᠨᠢ ᠬᠠᠢᠷᠠᠯᠠᠵᠦ᠍ ᠶᠠᠪᠤᠭ᠍ᠰᠠᠨ ᠬᠡᠨ ᠨᠢᠬᠡᠨᠤ ᠲᠦᠷᠢ ᠰᠡᠳᠭᠢᠯᠳᠤ ᠪᠠᠭᠤᠬᠤᠨᠢ ᠯᠠᠪᠳᠠᠢ᠂ ᠡᠨᠡ ᠪᠤᠯ ᠲᠠᠷᠤᠢ ᠤᠷᠠᠨ ᠵᠤᠬᠢᠶᠠᠯᠤᠨ ᠰᠡᠳᠭᠢᠯᠢ ᠨᠡᠷᠪᠡᠨ ᠨᠦᠯᠦᠬᠡᠯᠡᠬᠦ᠌ ᠤᠷᠠᠯᠢᠭᠤᠨ ᠬᠦᠴᠦᠨ ᠶᠤᠮ᠃
ᠮᠦᠱᠢᠶᠡᠯᠤᠨ 《ᠮᠡᠭᠡᠯᠡᠯ》 ᠬᠡᠰᠡᠨ ᠵᠤᠬᠢᠶᠠᠯᠳᠤ ᠲᠠᠷᠤᠮᠯᠠᠯᠤᠨ ᠦᠷᠦᠭᠡ ᠡᠷᠬᠢᠯᠡᠳᠡᠭ ᠨᠢᠭᠡ ᠡᠷᠡᠭ᠌ᠳᠡᠢ ᠪᠤᠯᠤᠨ ᠡᠵᠢᠪᠠᠨ ᠮᠦᠩᠭᠡᠳᠡ ᠠᠯᠳᠠᠭ᠍ᠰᠡᠨ ᠪᠢᠴᠢᠬᠠᠨ ᠭᠡᠤᠭᠡᠳ ᠬᠤᠶᠠᠷᠤᠨ ᠬᠤᠭᠤᠷᠤᠨᠳᠤ ᠡᠭᠦᠰᠦᠭ᠌ᠰᠡᠨ ᠦᠯᠢᠬᠡᠷᠢ ᠪᠢᠴᠢᠵᠡᠢ᠃ ᠨᠢᠬᠡ ᠡᠳᠦᠷ ᠪᠢᠴᠢᠬᠠᠨ ᠭᠡᠤᠭᠡᠳ ᠪᠤᠷᠬᠠᠨ ᠪᠤᠯᠤᠭ᠍ᠰᠡᠨ ᠡᠵᠢᠪᠠᠨ ᠮᠡᠱᠢᠳᠡ ᠲᠤᠷᠠᠰᠦᠨ ᠰᠠᠨᠠᠭᠠᠯᠵᠠᠵᠤ᠂ ᠠᠷᠭᠠ ᠦᠬᠡᠢᠳᠠᠭᠡᠨ ᠡᠵᠢᠶ᠋ᠢᠨᠢᠶᠠᠨ ᠰᠡᠭᠦᠳᠡᠷᠢ ᠲᠠᠷᠤᠮᠡᠯᠯᠠᠨ ᠨᠢᠬᠡᠨ ᠠᠮᠢᠳᠤ ᠪᠤᠳᠠᠳᠠᠢ ᠡᠵᠢ ᠤᠯᠬᠤ ᠭᠡᠵᠤ ᠲᠠᠷᠤᠮᠠᠯᠯᠠᠬᠤ ᠦᠷᠦᠭᠡᠨᠳᠤ ᠲᠡᠨᠡᠬᠡᠯᠵᠡᠨ ᠤᠷᠤᠵᠠᠢ᠃ ᠡᠵᠡᠩᠨᠡᠭ᠌ᠴᠢ ᠪᠠᠢᠳᠠᠯᠢ ᠲᠦᠭᠦᠮᠭᠡᠨ ᠤᠢᠯᠠᠭᠠᠭ᠍ᠰᠠᠨᠤ ᠲᠠᠷᠠᠭᠠ ᠲᠤᠩ ᠵᠤᠪᠠᠭ᠍ᠰᠠᠨ ᠤᠴᠢᠷ ᠦᠬᠢᠨᠢ ᠬᠠᠪᠰᠤᠷᠬᠤᠶ᠋ᠢ ᠰᠠᠨᠠᠵᠠᠢ᠂ ᠲᠡᠬᠡᠬᠡᠳ ᠲᠡᠷᠡ ᠰᠦᠯᠵᠢᠶᠠᠨ ᠲᠡᠭᠡᠷᠡ ᠦᠬᠢᠨᠤ ᠡᠵᠢᠶ᠋ᠢᠨ ᠰᠡᠬᠦᠳᠡᠷᠢ ᠲᠠᠯᠪᠢᠵᠦ᠍ 《ᠲᠠ ᠰᠡᠭᠦᠳᠡᠷᠲᠠᠬᠢ ᠡᠨᠡ ᠬᠦ᠌ ᠡᠵᠢᠲᠠᠢ ᠲᠦᠰᠦᠭᠡᠳᠡᠢ ᠪᠦᠭᠡᠳ ᠡᠨᠡ ᠪᠢᠴᠢᠬᠠᠨ ᠭᠡᠤᠭᠡᠳᠤᠨ ᠡᠵᠢᠨᠢ ᠪᠤᠯᠬᠤ ᠰᠠᠨᠠᠭᠠᠳᠠᠢ ᠪᠤᠯ ᠨᠡᠳᠡᠲᠠᠢ ᠬᠠᠷᠢᠴᠠᠭᠠᠷᠠᠢ》 ᠬᠡᠰᠡᠨ ᠵᠠᠷ ᠲᠠᠯᠪᠢᠵᠡᠢ᠃ ᠬᠤᠪᠢ ᠵᠠᠶᠠᠭᠠᠨᠤ ᠡᠷᠬᠡᠪᠠᠷ ᠦᠨᠡᠬᠡᠷ ᠲᠡᠢᠮᠦ᠍ ᠨᠢᠬᠡ ᠵᠤᠪᠠᠯᠠᠩᠳᠠᠢ ᠡᠮᠡᠭ᠌ᠳᠡᠢ ᠢᠷᠡᠵᠦ᠍ ᠪᠢᠴᠢᠬᠠᠨ ᠭᠡᠤᠭᠡᠳᠤᠨ ᠡᠵᠢᠨᠢ ᠪᠤᠯᠤᠭ᠍ᠰᠠᠨ ᠪᠠᠢᠵᠠᠢ᠃ ᠵᠤᠬᠢᠶᠠᠭ᠍ᠴᠢ ᠤᠩᠱᠢᠭ᠍ᠴᠢᠪᠠᠨ ᠡᠢᠨ ᠬᠦ᠌ ᠢᠭ᠌ᠳᠦᠯᠦᠬᠦᠯᠦᠬᠡᠳ ᠪᠠᠰᠠ ᠵᠤᠭ᠍ᠰᠤᠭᠠ ᠦᠬᠡᠢ ᠵᠠᠯᠭᠠᠨ 《ᠠᠪᠤ ᠡᠵᠢᠠᠴᠠᠪᠠᠨ ᠠᠮᠢᠳᠤᠷᠠᠯᠤᠨ ᠰᠦᠢᠳᠭᠡᠯ ᠠᠪᠬᠤᠳᠤ ᠲᠡᠳᠡ ᠵᠢᠬᠡᠯᠡᠵᠦ᠍ ᠦᠭ᠌ᠬᠦᠭ᠌ᠰᠡᠨ ᠬᠢᠷᠢᠨᠢᠶᠠᠨ 〈ᠠᠪᠤ ᠡᠵᠢᠳᠤ ᠴᠢᠨᠢ ᠪᠠᠰᠠ ᠨᠠᠯᠢᠶᠠᠳ ᠤᠯᠠᠨ ᠵᠤᠭᠤᠰᠲᠠᠢ᠂ ᠴᠢ ᠰᠤᠷᠭᠠᠭᠤᠯᠢᠳᠠᠭᠠᠨ ᠤᠴᠢᠪᠠᠯ ᠠᠯᠢ ᠰᠠᠢᠨᠢᠨᠢ ᠠᠪᠴᠦ᠍ ᠢᠳᠡᠵᠤ ᠪᠠᠢ〉 ᠭᠡᠵᠤ ᠨᠠᠮᠠᠶ᠋ᠢ ᠭᠡᠴᠢᠨᠡᠭᠡᠨ ᠵᠢᠯ ᠮᠡᠭᠡᠯᠡᠭ᠌ᠰᠡᠨᠢ ᠬᠡᠨ ᠮᠡᠳᠡᠭᠦ᠌ ᠪᠢᠯᠡ》 ᠬᠡᠵᠦ᠍ ᠪᠢᠴᠢᠭ᠌ᠰᠡᠨ ᠪᠢᠯᠡ᠃ ᠡᠨᠡ ᠪᠤᠯ ᠵᠠᠯᠠᠭᠤᠴᠤᠳᠤᠨ ᠦᠰᠦᠨ ᠪᠤᠢᠵᠢᠯᠳᠠᠶ᠋ᠢᠨ ᠶᠠᠪᠤᠴᠠ ᠲᠤᠮᠳᠠᠪᠠᠨ ᠦᠩᠬᠡᠷᠡᠬᠦᠯᠦᠭ᠌ᠰᠡᠨ ᠠᠮᠢᠳᠤᠷᠠᠯᠤᠨ ᠬᠡᠷᠡᠭ ᠤᠴᠢᠷᠠᠴᠠ ᠤᠬᠠᠭᠠᠷᠠᠨ ᠲᠤᠮᠤᠭᠠᠵᠢᠵᠦ᠍ ᠪᠠᠢᠭᠠ ᠬᠡᠷᠡᠭ ᠤᠴᠢᠷᠤᠨ ᠲᠡᠮᠳᠡᠭ᠌ᠯᠡᠯ ᠪᠤᠯᠤᠨᠠ᠂ ᠮᠦᠨ ᠴᠤ᠌ ᠬᠡᠤᠬᠡᠳᠢᠶᠠᠨ ᠬᠦᠮᠤᠵᠢᠬᠦᠯᠬᠦ᠌ᠶ᠋ᠢᠨ ᠶᠡᠭᠡ ᠤᠬᠠᠭᠠᠨ ᠪᠤᠯᠤᠨᠠ᠃
ᠬᠤᠩ ᠭᠠᠩᠤᠨ 《ᠲᠡᠭ᠌ᠷᠢ ᠨᠤᠷᠠᠭ᠍ᠰᠠᠨ ᠱᠢᠷᠠ ᠪᠦᠷᠦᠢ》᠂ ᠢᠷᠠᠭᠤᠶ᠋ᠢᠨ 《ᠪᠠᠭᠠ ᠨᠠᠰᠤᠨᠤ ᠲᠤᠷᠠᠰᠤᠮᠵᠢ》᠂ ᠮᠠᠨᠳᠦ᠍ᠶ᠋ᠢᠨ 《ᠨᠠᠠᠳᠢᠨ ᠪᠡᠯᠡᠭ》᠂ ᠴᠢᠬᠡᠴᠢᠶ᠋ᠢᠨ 《ᠤᠰᠤᠶ᠋ᠢᠨᠢ ᠤᠤᠭᠤᠪᠠᠯ ᠡᠬᠢᠶ᠋ᠢᠨᠢ ᠪᠤᠤ ᠮᠠᠷᠳᠠᠶᠠ》᠂ ᠱᠠᠨ ᠱᠠᠨᠤ 《ᠦᠴᠦᠬᠡᠨ ᠰᠡᠳᠭᠢᠯ》᠂ ᠤᠳᠤᠨᠤ 《ᠳ᠋ᠧᠩᠤᠨ ᠲᠤᠤᠷᠠᠬᠢ ᠪᠦᠵᠢᠭ᠌ᠴᠢᠨ ᠡᠷᠪᠡᠬᠡᠢ》 ᠵᠡᠷᠬᠡ ᠵᠤᠬᠢᠶᠠᠯ ᠪᠤᠯ ᠪᠦᠷ ᠯᠠ ᠵᠠᠯᠠᠭᠤᠴᠤᠳᠤᠨ ᠦᠰᠦᠨ ᠪᠤᠢᠵᠢᠯᠳᠠᠶ᠋ᠢᠨ ᠶᠠᠪᠤᠴᠠᠳᠤ ᠠᠭᠤᠯᠵᠠᠭ᠍ᠰᠠᠨ ᠬᠦᠮᠤᠨ᠂ ᠤᠬᠠᠭᠠᠷᠠᠭ᠍ᠰᠠᠨ ᠰᠡᠳᠬᠢᠯᠤᠨ ᠰᠡᠳᠦᠪ ᠪᠦᠬᠦᠢ ᠱᠢᠯᠢᠳᠡᠭ ᠵᠤᠬᠢᠶᠠᠯ ᠪᠤᠯᠤᠨᠠ᠃
ᠬᠤᠶᠠᠷ ᠬᠡᠷᠡᠯ ᠬᠡᠬᠡᠳᠤ ᠬᠦᠳᠦᠯᠦᠭ᠌ᠴᠢ
ᠣᠶᠣᠨ ᠰᠠᠨᠠᠭᠠᠨᠤ ᠭᠡᠷᠡᠯ ᠭᠡᠭᠡᠶ᠋ᠢ ᠬᠠᠷᠠᠭᠤᠯᠵᠦ᠍ ᠤᠩᠱᠢᠭ᠍ᠴᠢᠳᠢ ᠤᠬᠠᠭᠠᠷᠠᠯ ᠵᠦᠭ ᠬᠦᠳᠦᠯᠦᠭ᠌ᠰᠡᠨᠨᠢ 《ᠭᠤᠪᠢᠶ᠋ᠢᠨ ᠠᠷᠴᠠ》 ᠵᠤᠬᠢᠶᠠᠯᠤᠨ ᠲᠡᠬᠦᠪᠦᠷᠢᠶ᠋ᠢᠨ ᠬᠢᠯᠠᠰ ᠴᠡᠭ ᠪᠤᠯᠤᠨᠠ᠃
ᠲᠡᠳᠡ ᠠᠮᠢᠳᠤᠷᠠᠯᠳᠤ ᠤᠷᠤᠱᠢᠵᠦ᠍ ᠪᠠᠢᠭᠠ ᠠᠰᠠᠭᠤᠳᠠᠯ ᠪᠠ ᠵᠦᠷᠢᠴᠡᠯᠢ ᠱᠢᠭᠤᠳᠭᠠᠨ ᠪᠢᠴᠢᠳᠡᠭ᠃ ᠨᠡᠢᠬᠡᠮ ᠠᠮᠢᠳᠤᠷᠠᠯᠠᠴᠠ ᠮᠠᠲ᠋ᠧᠷᠢᠶᠠᠯ ᠠᠪᠴᠦ᠍᠂ ᠨᠡᠢᠬᠡᠮᠤᠨ ᠦᠩᠬᠡᠪᠴᠢ ᠦᠵᠡᠭ᠌ᠳᠡᠯᠢ ᠢᠯᠡᠴᠢᠯᠡᠨ ᠱᠢᠬᠦᠮᠵᠢᠯᠡᠵᠦ᠍᠂ ᠤᠩᠱᠢᠭ᠍ᠴᠢᠪᠠᠨ ᠤᠬᠠᠭᠠᠷᠠᠯᠤᠨ ᠠᠬᠤᠢ ᠵᠦᠭ ᠬᠦᠳᠦᠯᠳᠡᠭ᠃ ᠠ᠊·ᠵᠢᠷᠤᠮᠳᠤᠶ᠋ᠢᠨ 《ᠢᠩᠬᠢᠵᠦ᠍ ᠰᠤᠭ᠍ᠳᠤᠵᠦ᠍ ᠯᠠ ᠪᠠᠢᠪᠠᠯ》 ᠬᠡᠰᠡᠨ ᠵᠤᠬᠢᠶᠠᠯ ᠪᠤᠯ 《ᠬᠤᠳᠠ ᠬᠦᠳᠡᠭᠡ ᠦᠭᠡᠢ ᠰᠤᠭ᠍ᠳᠤᠭᠤ ᠬᠦᠮᠦᠰ ᠵᠦᠩᠳᠡᠭᠡᠨ ᠬᠠᠷᠠᠭ᠍ᠳᠠᠳᠠᠭ ᠪᠤᠯᠤᠯᠠ》 ᠬᠡᠵᠦ᠍ ᠵᠤᠬᠢᠶᠠᠯᠢᠶᠠᠨ ᠡᠬᠢᠯᠡᠵᠦ᠍ ᠮᠠᠨᠤᠰᠤᠨ ᠠᠷᠢᠬᠢᠶ᠋ᠢᠨ ᠲᠤᠬᠠᠢ ᠲᠡᠤᠬᠡᠨ ᠲᠡᠮᠳᠡᠭ᠌ᠯᠡᠯᠢ 《ᠮᠤᠩᠭᠤᠯᠤᠨ ᠨᠢᠭᠤᠴᠠ ᠲᠤᠪᠴᠢᠶᠠᠨ》᠂ 《ᠴᠢᠩᠭᠢᠰᠤᠨ ᠶᠢᠰᠦᠨ ᠦᠷᠯᠦᠭᠤᠨ ᠦᠨᠦᠴᠢᠨ ᠬᠦᠪᠡᠭᠦᠨᠲᠠᠢ ᠰᠡᠴᠡᠯᠡᠭ᠌ᠰᠡᠨ ᠱᠠᠰᠳᠢᠷ》᠂ 《ᠠᠯᠳᠠᠨ ᠲᠤᠪᠴᠢ》᠂ ᠲᠠᠱᠢᠮᠠᠨ ᠤᠪᠤᠭᠤᠨ ᠰᠠᠳᠤᠯᠠᠶ᠋ᠢᠨ ᠲᠦᠷᠪᠡᠨ ᠪᠠᠳᠠᠭ ᠬᠤᠷᠢᠨ ᠨᠠᠢ᠍ᠮᠠᠨ ᠱᠠᠳ 《ᠲᠡᠭᠡᠳᠦ ᠨᠡᠢᠰᠯᠡᠯᠤᠨ ᠰᠤᠯᠠ ᠱᠢᠯᠦᠭ》 ᠵᠡᠷᠬᠡ ᠰᠤᠳᠤᠷ ᠪᠢᠴᠢᠭ ᠪᠠ ᠲᠡᠤᠬᠡᠨ ᠬᠡᠷᠡᠭ ᠤᠴᠢᠷᠠᠴᠠ ᠡᠰᠢ ᠲᠠᠳᠠᠵᠦ᠍ ᠡᠨᠡ ᠴᠠᠭᠲᠤ ᠤᠷᠤᠭᠠᠳ ᠠᠭᠠᠭᠤᠨ ᠬᠦᠦ ᠠᠪᠤᠶ᠋ᠢᠨ ᠬᠦᠦ᠍ᠶ᠋ᠢᠨ ᠪᠡᠶᠡ ᠰᠡᠳᠭᠢᠯᠢ ᠮᠢᠨᠴᠦᠬᠦᠷᠡᠬᠦᠯᠵᠦ᠍ ᠪᠠᠢᠭᠠ ᠠᠰᠠᠭᠤᠳᠠᠯᠳᠤ ᠰᠠᠨᠠᠭᠠᠱᠢᠷᠠᠵᠦ᠍ ᠬᠡᠮᠵᠢᠶᠡᠲᠠᠢ ᠡᠳ᠋ᠯᠡᠬᠦ᠌ᠶ᠋ᠢ ᠰᠠᠨᠠᠭᠠᠴᠢᠯᠠᠭ᠍ᠰᠠᠨ ᠶᠤᠮ᠃ ᠠᠬᠠᠮᠠᠳ ᠲᠤᠮᠤᠭᠠᠴᠤᠤᠯᠤᠨ ᠣᠶᠣᠨ ᠰᠠᠨᠠᠭᠠᠨᠤ ᠮᠢᠨᠴᠦᠭᠦᠷᠡᠯᠢ ᠲᠡᠳᠡ ᠦᠵᠡᠵᠦ᠍ ᠲᠦᠪᠳᠡᠬᠦ᠌ ᠦᠬᠡᠢ ᠦᠴᠦᠬᠡᠨ ᠭᠡᠯᠡ ᠴᠦ᠍ ᠦᠪᠡᠷᠤᠨ ᠦᠨᠡᠨ ᠰᠡᠳᠭᠢᠯᠤᠨ ᠳᠠᠭᠤᠨᠢᠶᠠᠨ ᠣᠷᠠᠨ ᠵᠣᠬᠢᠶᠠᠯᠢᠶᠠᠷ ᠡᠢᠨ ᠬᠦ᠌ ᠢᠯᠡᠷᠡᠬᠦᠯᠵᠡᠢ᠃
ᠬᠡᠨ ᠨᠢᠭᠡᠨ ᠬᠦᠮᠦᠨ ᠶᠠᠭᠤᠪᠠᠷ ᠴᠦ᠍ ᠳᠤᠲᠠᠬᠤ ᠦᠭᠡᠢ ᠰᠠᠨᠠᠭ᠍ᠳᠠᠮᠠᠷ ᠡᠨᠡ ᠬᠤᠷᠸᠠᠳᠤ ᠪᠢᠳᠡᠨᠳᠤ ᠦᠨᠡᠨᠳᠡᠭᠡᠨ ᠲᠣᠩ ᠴᠢᠬᠤᠯᠠ ᠨᠢᠭᠡ ᠶᠠᠭᠤᠮᠠ ᠳᠤᠲᠠᠵᠤ ᠪᠠᠢᠨᠠ᠂ ᠲᠡᠷᠡᠨᠢ ᠬᠡᠦᠬᠡᠳᠤᠨ ᠳᠠᠭᠤᠨ᠃ ᠵᠠᠯᠠᠭᠤ ᠪᠠᠭᠠᠴᠤᠳ ᠲᠠᠭᠠᠨ ᠦᠪᠡᠷᠢᠪᠠᠨ ᠢᠯᠡᠳᠭᠡᠬᠦ᠌ ᠤᠷᠤᠨ ᠵᠠᠢ ᠬᠠᠩᠭᠠᠵᠣ ᠦᠭ᠌ᠭᠦᠭ᠌ᠰᠡᠨᠤ ᠬᠤᠪᠢᠳᠤ ᠡᠨᠡ ᠨᠣᠮ ᠲᠣᠩ ᠦᠨᠡ ᠴᠠᠨᠠᠲᠠᠢ ᠪᠣᠯᠣᠯᠠ ᠭᠡᠵᠦ᠍ ᠪᠢ ᠪᠣᠳᠣᠵᠣ ᠪᠠᠢᠨᠠ᠃
ᠦᠷᠡ ᠬᠡᠦᠬᠡᠳ ᠲᠡᠭᠡᠨ ᠪᠢᠳᠡ ᠶᠠᠭᠤ ᠦᠭ᠌ᠴᠦ ᠪᠠᠢᠭᠠᠶ᠋ᠢ ᠵᠣᠬᠢᠶᠠᠯᠠᠴᠠ ᠬᠠᠷᠠᠬᠤᠳᠤ ᠵᠢᠷᠦᠬᠡ ᠡᠮᠵᠡᠭ᠌ᠯᠡᠨᠡ᠃ ᠠᠩᠬᠠ ᠬᠤᠶᠠᠷᠤᠨ ᠭᠤᠷᠪᠠᠳᠤᠭᠠᠷ ᠠᠩᠬᠢ ᠵᠢᠨ ᠮᠢᠶᠤᠤ ᠮᠢᠶᠤᠤᠶ᠋ᠢᠨ ᠪᠢᠴᠢᠭ᠌ᠰᠡᠨ 《ᠮᠦᠷᠦᠭᠡᠳᠦᠯ》 ᠭᠡᠬᠦ᠌ ᠵᠣᠬᠢᠶᠠᠯᠳᠤ ᠬᠦᠰᠡᠯ ᠮᠦᠷᠦᠬᠡᠳᠦᠯᠢᠶᠠᠨ ᠬᠡᠳᠦᠢᠨ ᠮᠠᠷᠳᠠᠭ᠍ᠰᠠᠨ ᠠᠪᠤ ᠡᠵᠢᠨᠢ ᠦᠷᠡ ᠬᠡᠤᠬᠡᠳᠤᠨᠢᠶᠠᠨ ᠬᠦᠰᠡᠯ ᠮᠦᠷᠦᠬᠡᠳᠦᠯᠤᠨ ᠵᠢᠬᠦᠷᠢ ᠬᠤᠭᠤᠯᠤᠨ᠂ ᠰᠤᠷᠭᠠᠭᠤᠯᠢᠪᠠᠨ ᠲᠡᠬᠦᠰᠪᠡᠯ ᠵᠦᠬᠡᠷᠬᠡᠨ ᠱᠢᠭ ᠠᠵᠢᠯ ᠤᠯᠵᠤ ᠠᠮᠢᠳᠤᠷᠠᠯᠢᠶᠠᠨ ᠠᠷᠭᠠᠴᠠᠭᠠᠬᠤᠶ᠋ᠢ ᠯᠠ ᠬᠦᠰᠡᠭ᠌ᠰᠡᠨ ᠠᠰᠠᠭᠤᠳᠠᠯᠢ ᠲᠤᠷᠠᠳᠴᠠᠢ᠃ ᠲᠡᠷᠡ ᠲᠤᠭᠠ ᠪᠦᠷᠢᠳᠭᠡᠯᠳᠤ ᠰᠠᠭᠤᠷᠢᠯᠠᠨ 《ᠵᠢᠯ ᠪᠦᠷᠢᠶ᠋ᠢᠨ ᠨᠠᠰᠦ ᠨᠦᠭ᠌ᠴᠢᠭ᠌ᠰᠡᠨ ᠬᠥᠮᠦᠨᠤ ᠲᠣᠭᠠᠨᠳᠠᠬᠢ ᠬᠠᠭᠠᠰᠠᠴᠠ ᠳᠡᠭᠡᠭ᠌ᠰᠢᠨᠢ 15 ᠠ᠋ᠴᠠ 18 ᠨᠠᠰᠦᠨᠤ ᠬᠡᠥᠬᠡᠳ ᠪᠣᠯᠦᠨᠠ᠃ ᠡᠭᠦᠨᠤ ᠳᠣᠲᠦᠷᠠ ᠡᠨᠡ ᠲᠡᠷᠡ ᠠᠳᠡᠯᠠᠴᠠ ᠪᠣᠯᠵᠦ᠍ ᠠᠮᠢ ᠨᠦᠭ᠌ᠴᠢᠭ᠌ᠰᠡᠨᠢ ᠭᠠᠷᠭᠠᠪᠡᠯ ᠣᠯᠠᠩᠬᠢ ᠳᠣᠭᠠᠨᠤ ᠬᠡᠦᠬᠡᠳᠨᠢ ᠰᠤᠷᠤᠯᠭᠠᠶ᠋ᠢᠨ ᠬᠦᠨᠳᠦ ᠳᠠᠷᠣᠭᠠᠰᠣᠶ᠋ᠢ ᠲᠠᠭᠠᠭᠠᠵᠦ᠍ ᠶᠠᠳᠠᠭ᠍ᠰᠠᠨᠠᠴᠠ ᠦᠬᠦᠯᠤᠨ ᠵᠠᠮᠢ ᠰᠣᠩᠭᠤᠭ᠍ᠰᠠᠨ ᠶᠣᠮ》 ᠬᠡᠵᠦ᠍ ᠬᠡᠤᠬᠡᠳᠤᠨ ᠲᠠᠷᠤᠭᠠᠰᠤ ᠠᠬᠠᠳᠠᠵᠦ᠍ ᠰᠡᠳᠭᠢᠴᠡᠶ᠋ᠢᠨ ᠡᠪᠡᠳᠴᠢᠨᠳᠤ ᠨᠡᠷᠪᠡᠭ᠌ᠳᠡᠬᠦ᠌ᠶ᠋ᠢᠨ ᠬᠤᠤᠷ ᠬᠦᠨᠦᠬᠡᠯᠢ ᠲᠤᠷᠠᠳᠪᠠ᠃ ᠡᠨᠡ ᠪᠣᠯ ᠭᠡᠭᠡᠷᠡᠯᠤᠨ ᠲᠤᠶᠠᠭᠠ᠂ ᠬᠡᠪ ᠭᠡᠨᠡᠨ ᠬᠡᠦᠬᠡᠳᠤᠨ ᠦᠢ ᠣᠯᠠᠨ ᠠᠪᠤ ᠡᠵᠢᠳᠤ ᠬᠠᠨᠳᠣᠨ ᠬᠡᠯᠡᠭ᠌ᠰᠡᠨ ᠦᠨᠡᠨ ᠵᠢᠷᠦᠬᠡᠨᠤ ᠦᠭᠡ ᠶᠣᠮ᠃ ᠲᠡᠷᠡ ᠵᠣᠬᠢᠶᠠᠯᠳᠠᠭᠠᠨ ᠨᠢᠬᠡᠨ ᠰᠣᠨᠢᠨᠳᠤ ᠨᠡᠢᠲᠡᠯᠡᠭ᠌ᠳᠡᠭ᠌ᠰᠡᠨ 《ᠬᠠᠮᠤᠭᠤᠨ ᠬᠦᠨᠳᠦ ᠪᠢᠴᠢᠭᠤᠨ ᠪᠣᠭ᠍ᠴᠣᠲᠠᠢ ᠬᠦᠮᠦᠨ ᠪᠣᠯ ᠪᠢ᠂ ᠬᠠᠮᠤᠭᠤᠨ ᠠᠷᠪᠢᠨ ᠲᠠᠰᠭᠠᠯᠲᠠᠢ ᠬᠦᠮᠦᠨ ᠪᠣᠯ ᠪᠢ᠂ ᠬᠠᠮᠤᠭᠤᠨ ᠡᠷᠳᠡ ᠪᠣᠰᠴᠦ᠍ ᠬᠠᠮᠤᠭᠤᠨ ᠣᠷᠣᠢ ᠣᠨᠳᠠᠳᠠᠭ ᠬᠦᠮᠦᠨ ᠪᠣᠯ ᠪᠢ᠂ ᠪᠠᠰᠠ ᠯᠡ ᠪᠢ ᠬᠡᠰᠡᠨ ᠱᠢᠭ ᠰᠡᠳᠭᠢᠯ ᠲᠦᠬᠦᠷᠡᠩ ᠵᠣᠪᠠᠭᠤᠷᠢᠲᠠᠢ ᠶᠠᠪᠣᠨᠠ》 ᠭᠡᠰᠡᠨ ᠱᠢᠯᠦᠭᠢ ᠰᠡᠢᠷᠡᠬᠦᠯᠵᠡᠢ᠃ ᠬᠡᠦᠬᠡᠳᠤᠨ ᠳᠠᠭᠤᠨᠢ ᠰᠣᠨᠣᠰᠴᠣ ᠡᠷᠬᠢᠮ ᠪᠠᠭ᠍ᠰᠢ ᠨᠠᠷ ᠡᠨᠡ ᠨᠣᠮᠢ ᠬᠡᠪᠯᠡᠭᠦᠯᠦᠭ᠌ᠰᠡᠨ ᠪᠠᠢᠨᠠ᠂ ᠡᠨᠡ ᠪᠣᠯ ᠤᠷᠮᠠᠱᠢᠭᠤᠯᠤᠯ ᠂ ᠨᠡᠩ ᠴᠦ᠍ ᠨᠢᠭᠡ ᠵᠦᠢᠯᠤᠨ ᠬᠠᠷᠢᠭᠤᠴᠠᠯᠭᠠᠳᠦ ᠰᠡᠳᠭᠢᠯ ᠶᠣᠮ᠃
ᠡᠨᠡ ᠨᠤᠮ ᠲᠤᠳᠤᠷᠠ 《ᠦᠬᠦᠯ ᠤᠤ ᠮᠦᠬᠦᠯ ᠤᠤ》 ᠬᠡᠳᠡᠭ ᠨᠢᠬᠡ ᠵᠤᠬᠢᠶᠠᠯ ᠪᠠᠢᠳᠠᠭ᠃ ᠲᠤᠰ ᠵᠤᠬᠢᠶᠠᠯᠳᠤ ᠬᠡᠬᠡᠷᠡᠶ᠋ᠢᠨ ᠴᠢᠨ᠋ᠸᠠ᠂ ᠮᠠᠯᠴᠢᠳᠲᠠᠢ ᠲᠠᠰᠴᠦ᠍ ᠨᠤᠬᠠᠢ ᠱᠢᠭ᠋ ᠪᠤᠯᠵᠦ᠍ ᠴᠢᠨ᠋ᠸᠠᠶ᠋ᠢᠨ ᠲᠦᠷᠦᠯᠬᠢ ᠠᠷᠠᠨᠱᠢᠨᠢᠶᠠᠨ ᠠᠯᠳᠠᠭ᠍ᠰᠠᠨ ᠤᠴᠢᠷᠢ ᠪᠢᠴᠢᠵᠡᠢ᠃ ᠴᠢᠨ᠋ᠸᠠ ᠨᠢᠬᠡ ᠤᠳᠠᠭᠠ ᠡᠵᠡᠨᠢᠶᠠᠨ ᠴᠢᠯᠦᠭᠡᠳᠡᠵᠦ᠍ ᠰᠦᠷᠦᠭ ᠵᠦᠭᠢᠶᠠᠨ ᠤᠢ ᠵᠦᠭᠢᠶᠠᠨ ᠤᠴᠢᠵᠦ᠍ 《ᠪᠢ ᠪᠤᠯ ᠴᠢᠨ᠋ᠸᠠᠶ᠋ᠢᠨ ᠲᠦᠷᠦᠯᠳᠡᠨ᠂ ᠲᠠ ᠨᠠᠷ ᠨᠠᠮᠠᠶ᠋ᠢ ᠲᠠᠨᠢᠵᠤ ᠪᠠᠢᠬᠤ ᠪᠤᠯᠪᠠᠤ？》 ᠭᠡᠮᠡᠨ ᠤᠢ ᠱᠢᠭᠤᠢ ᠴᠤᠤᠷᠢᠶᠠᠳᠤᠳᠠᠯᠠ ᠤᠯᠢᠬᠤ ᠭᠡᠬᠦ᠌ᠳᠤ ᠬᠠᠷᠢᠨ ᠬᠤᠭᠤᠯᠠᠢ ᠡᠴᠡ ᠨᠢ ᠨᠤᠬᠠᠢᠶ᠋ᠢᠨ ᠬᠤᠴᠠᠬᠤ ᠲᠠᠭᠤᠨ ᠯᠠ ᠭᠠᠷᠤᠭ᠍ᠰᠠᠨ ᠪᠠᠢᠵᠠᠢ᠃ ᠵᠤᠬᠢᠶᠠᠯᠤᠨ ᠲᠡᠬᠦᠰᠭᠡᠯᠳᠤ 《ᠤᠭ᠍ᠳᠠᠷᠭᠤᠢᠶ᠋ᠢᠨ ᠭᠦᠨᠳᠤ ᠰᠠᠷᠠᠨ ᠪᠦᠳᠡᠬᠢᠷᠡᠵᠦ᠍ ᠤᠳᠤᠳ ᠠᠨᠢᠪᠴᠢᠨᠠ᠃ ᠭᠡᠷᠡᠯ ᠦᠭᠡᠢ᠃ ᠠᠯᠤᠰᠲᠤ ᠴᠢᠨ᠋ᠸᠠ ᠤᠯᠢᠬᠤ ᠲᠠᠭᠤᠨ ᠲᠤᠩᠭᠠᠯᠠᠭ ᠴᠡᠭᠡᠯᠭᠡᠨ ᠰᠤᠨᠤᠰᠳᠠᠨᠠ》 ᠬᠡᠵᠦ᠍ ᠪᠢᠴᠢᠵᠦ᠍ ᠦᠪᠡᠷᠢᠪᠠᠨ ᠠᠯᠳᠠᠭ᠍ᠰᠠᠨ ᠴᠢᠨ᠋ᠸᠠᠶ᠋ᠢᠨ ᠭᠤᠨᠢᠭ᠍ᠳᠤ ᠵᠠᠶᠠᠭᠠᠪᠠᠷ ᠦᠨᠡᠨ ᠬᠤᠳᠠᠯᠤᠨ ᠦᠷᠡ ᠳ᠋ᠦᠩᠢ ᠢᠯᠡᠴᠢᠯᠡᠪᠡ᠃
ᠨᠠᠨᠳᠢᠨᠴᠡᠴᠡᠭᠤᠨ 《ᠵᠢᠰᠦ》᠂ ᠲᠤᠯᠠᠢᠬᠦᠦ᠍ᠶ᠋ᠢᠨ 《ᠵᠤᠭᠤᠭᠤᠨ ᠭᠠᠵᠠᠷ》᠂ ᠨᠠᠮᠢᠷᠠᠭᠠᠶ᠋ᠢᠨ 《ᠵᠡᠬᠦᠳᠦ》᠂ ᠨᠠᠷᠮᠠᠢᠶ᠋ᠢᠨ 《ᠲᠤᠯᠪᠤ》᠂ ᠪᠤᠷᠵᠢᠬᠢᠨ ᠠᠷᠢᠭᠤᠨᠤ 《ᠲᠦᠬᠡᠷᠬᠡ》 ᠵᠡᠷᠬᠡ ᠵᠤᠬᠢᠶᠠᠯ ᠪᠤᠯ ᠪᠦᠷ ᠯᠠ ᠵᠠᠯᠠᠭᠤᠴᠤᠳᠤᠨ ᠤᠶᠤᠨ ᠤᠬᠠᠭᠠᠨᠤ ᠲᠡᠯᠡᠰᠳᠦ᠂ ᠦᠨᠡᠨᠢ ᠲᠤᠶᠠᠴᠢᠭ᠍ᠰᠠᠨ ᠤᠷᠠᠯᠢᠭᠤᠨ ᠪᠦᠳᠦᠬᠡᠯ ᠪᠤᠯᠵᠦ᠍ ᠴᠢᠳᠠᠵᠠᠢ᠃
ᠭᠤᠷᠪᠠ ᠠᠮᠢᠳᠤᠷᠠᠯ ᠦᠢᠯᠡᠰᠤ᠋ᠨ ᠬᠦᠰᠡᠯ ᠵᠢᠳᠬᠦᠯ
ᠲᠤᠰ ᠲᠡᠬᠦᠪᠦᠷᠢᠳᠤ ᠲᠦᠷᠢ ᠪᠦᠳᠦᠬᠡᠯᠬᠡᠶ᠋ᠢᠨ ᠬᠤᠪᠢᠳᠤ ᠵᠠᠯᠠᠭᠤᠴᠤᠳ ᠭᠤᠤᠯᠳᠠᠭᠤ ᠡᠬᠡᠯ ᠬᠦᠮᠤᠨᠤ ᠪᠠᠶᠠᠯᠢᠭ ᠪᠤᠳᠤᠯᠢᠶᠠᠨᠲᠠᠢ ᠠᠮᠢᠳᠤᠷᠠᠯᠤᠨ ᠦᠩᠬᠡᠷᠡᠯᠳᠡᠶ᠋ᠢ ᠪᠢᠴᠢᠵᠦ᠍᠂ ᠵᠤᠬᠢᠶᠠᠯᠤᠨ ᠪᠠᠭᠠᠳᠤᠷᠤᠨ ᠠᠯᠬᠤᠭ᠍ᠰᠠᠨ ᠮᠦᠷᠢᠶᠠᠷ ᠠᠮᠢᠳᠤᠷᠠᠯᠤᠨ ᠤᠳᠭᠠ ᠠᠭᠤᠯᠭᠠᠶ᠋ᠢ ᠴᠢᠩᠨᠡᠬᠤᠶ᠋ᠢ ᠴᠢᠷᠮᠠᠢᠵᠠᠢ ᠃
ᠰᠠᠩᠳᠦ᠋ᠬᠦᠷᠡᠩᠤᠨ 《ᠰᠡᠳᠭᠢᠯᠳᠤ ᠰᠦᠮᠪᠦᠷᠯᠡᠬᠦ᠌ ᠨᠠᠷᠠᠰᠣᠳᠠᠢ ᠰᠣᠷᠭᠠᠭᠤᠯᠢ》 ᠵᠣᠬᠢᠶᠠᠯᠳᠤ ᠢᠯᠡᠷᠡᠭ᠌ᠰᠡᠨ ᠰᠣᠷᠭᠠᠭᠤᠯᠢ ᠪᠠᠢᠭᠤᠯᠵᠣ ᠦᠷᠡ ᠬᠡᠦᠬᠡᠳᠢᠶᠠᠨ ᠪᠢᠴᠢᠭ ᠰᠣᠶᠣᠯᠳᠤ ᠬᠦᠲᠦᠯᠦᠭ᠌ᠰᠡᠨ ᠡᠪᠦᠭᠡᠶ᠋ᠢᠨ ᠳᠦᠷᠢ ᠪᠤᠯ ᠡᠬᠡᠯ ᠵᠢᠷᠤᠨ ᠨᠢᠬᠡ ᠬᠦᠮᠤᠨᠤ ᠠᠮᠢ ᠨᠠᠰᠤᠨᠤ ᠵᠢᠷᠤᠯᠭᠠ ᠪᠦᠭᠡᠳ ᠬᠦᠮᠦᠨᠢ ᠰᠤᠶᠤᠯᠵᠢᠭᠤᠯᠬᠤ ᠪᠠᠭ᠍ᠰᠢ ᠬᠦᠮᠦᠨᠤ ᠡᠷᠬᠢᠮ ᠴᠢᠨᠠᠷᠤᠨ ᠢᠯᠡᠷᠡᠬᠦᠯᠦᠯ ᠪᠤᠯᠵᠠᠢ᠃ ᠲᠡᠷᠡ ᠪᠣᠯ ᠲᠣᠩ ᠡᠭᠡᠯ᠂ ᠪᠠᠰᠠ ᠲᠣᠩ ᠭᠠᠭ᠍ᠴᠠᠭᠠᠷᠳᠠᠩᠭᠤᠢ᠂ ᠭᠡᠪᠡᠴᠦ᠍ ᠠᠮᠢ ᠨᠠᠰᠣ ᠠᠯᠢᠪᠠᠪᠠᠨ ᠰᠣᠷᠭᠠᠭᠤᠯᠢ ᠪᠠ ᠪᠠᠭ᠍ᠰᠢᠶ᠋ᠢᠨ ᠬᠠᠷᠢᠭᠤᠴᠠᠯᠭᠠᠳᠤ ᠤᠶᠠᠭ᠍ᠰᠠᠨ ᠠᠮᠢᠳᠤᠷᠠᠯᠤᠨ ᠮᠦᠷᠨᠢ ᠲᠡᠬᠦᠨᠤ ᠵᠢᠳᠬᠦᠯ ᠰᠡᠳᠭᠢᠯᠢ ᠲᠤᠳᠤᠬᠠᠨ ᠬᠠᠷᠠᠭᠤᠯᠳᠠᠭ᠃ ᠰᠣᠷᠭᠠᠭᠤᠯᠢ ᠪᠠᠢᠭᠤᠯᠵᠣ ᠶᠠᠪᠣᠭ᠍ᠰᠠᠨ ᠲᠡᠤᠬᠡᠨᠢ ᠬᠡᠴᠢᠨᠡᠬᠡᠨ ᠬᠦᠴᠢᠷᠳᠡᠯᠲᠡᠢ ᠪᠠᠢᠭ᠍ᠰᠠᠨ ᠴᠦ᠍ ᠦᠩᠬᠡᠷᠡᠬᠦᠯᠦᠭ᠌ᠰᠡᠨ ᠠᠮᠢᠳᠤᠷᠠᠯᠤᠨ ᠵᠢᠳᠬᠦᠯ ᠪᠠ ᠦᠨᠡᠨ ᠰᠡᠳᠭᠢᠯᠤᠨ ᠬᠦᠬᠡᠬᠡᠴᠡᠯᠳᠦᠯᠨᠢ ᠲᠡᠬᠦᠨᠤ ᠲᠦᠷᠢᠶ᠋ᠢ ᠪᠠᠶᠠᠯᠢᠭ ᠲᠦᠬᠦᠷᠡᠩ ᠪᠤᠯᠭᠠᠵᠠᠢ᠃
ᠬᠠᠶᠠᠭ᠍ᠳᠠᠵᠤ ᠭᠡᠭᠡᠭ᠌ᠳᠡᠭ᠌ᠰᠡᠨ ᠰᠣᠷᠭᠠᠭᠤᠯᠢᠪᠠᠨ ᠬᠠᠮᠠᠭᠠᠯᠠᠬᠤᠶ᠋ᠢᠨ ᠲᠦᠯᠦᠭᠡ ᠬᠤᠪᠢᠶ᠋ᠢᠨ ᠵᠣᠭᠤᠰᠢᠶᠠᠨ ᠭᠠᠷᠭᠠᠵᠣ ᠣᠣᠯ ᠬᠡᠪᠢᠶᠠᠷᠨᠢ ᠦᠯᠡᠳᠡᠭᠡᠬᠦ᠌ᠪᠠᠷ ᠲᠡᠷᠡ ᠴᠢᠷᠮᠠᠢᠵᠠᠢ᠂ ᠬᠠᠢᠷᠠᠯᠠᠵᠣ ᠰᠠᠨᠠᠭ᠍ᠰᠠᠨ ᠰᠣᠷᠭᠠᠭᠤᠯᠢᠪᠠᠨ ᠦᠬᠡ ᠲᠠᠭᠤᠨ ᠦᠬᠡᠢᠪᠠᠷ ᠬᠡᠳᠦᠨ ᠵᠢᠯᠢᠶᠠᠷ ᠬᠠᠷᠠᠵᠤ ᠮᠠᠨᠠᠵᠣ ᠱᠢᠪᠡᠵᠦ᠍ ᠰᠠᠬᠢᠵᠤ ᠶᠠᠪᠣᠬᠤᠳᠤ ᠦᠷᠦᠭᠡᠯᠢ ᠪᠢᠲᠡᠭᠡᠢ ᠬᠡᠯᠡ ᠦᠪᠡᠷᠢᠶᠠᠨ ᠴᠦ᠍ ᠡᠨᠡ ᠴᠣᠬᠤᠮ ᠶᠠᠮᠠᠷ ᠣᠳᠭᠠ ᠠᠭᠤᠯᠭᠠᠲᠠᠢ ᠪᠤᠢ ᠬᠡᠵᠦ᠍ ᠪᠤᠳᠤᠳᠠᠭ᠃ ᠵᠤᠬᠢᠶᠠᠭ᠍ᠴᠢ ᠵᠤᠬᠢᠶᠠᠯᠤᠨ ᠪᠠᠭᠠᠳᠤᠷᠤᠨ ᠰᠡᠳᠭᠢᠯᠤᠨ ᠬᠦᠳᠡᠯᠬᠡᠬᠡᠨᠢ ᠲᠦᠷᠰᠦᠯᠡᠬᠦ᠌ᠪᠠᠷ ᠲᠠᠮᠵᠢᠭᠤᠯᠵᠦ᠍ ᠤᠩᠱᠢᠭ᠍ᠴᠢᠶ᠋ᠢᠨ ᠠᠯᠮᠠᠢᠷᠠᠯᠢ ᠡᠳᠦᠵᠡᠢ᠃ ᠴᠠᠭᠤᠨ ᠣᠷᠣᠰᠭᠠᠯᠳᠤ ᠵᠣᠬᠢᠴᠠᠭᠤᠯᠵᠣ ᠲᠠᠭᠠᠲᠠᠢ ᠨᠡᠢᠭᠡᠮᠤᠨ ᠰᠠᠢᠬᠠᠨ ᠪᠦᠬᠦᠨᠢ ᠲᠤᠭᠤᠭᠠᠳ ᠶᠠᠪᠣᠬᠤᠳᠤ ᠪᠤᠯᠤᠯ ᠦᠭᠡᠢ ᠶᠠᠭᠠᠬᠢᠬᠤᠪ᠂ ᠭᠡᠪᠡᠴᠦ᠍ ᠶᠠᠮᠠᠷ ᠴᠦ᠍ ᠣᠳᠭᠠ ᠠᠭᠤᠯᠭᠠ ᠦᠭᠡᠢ ᠵᠦᠢᠯᠢ ᠰᠠᠬᠢᠵᠤ ᠮᠠᠨᠠᠵᠣ ᠬᠡᠷᠡᠭᠠᠴᠠ ᠬᠤᠴᠣᠷᠣᠭ᠍ᠰᠠᠨ ᠭᠡᠵᠦ᠍ ᠬᠡᠯᠡᠭ᠌ᠳᠡᠵᠦ᠍ ᠲᠤᠭᠤᠬᠢᠯᠠᠬ᠍ᠳᠠᠵᠦ᠍ ᠶᠠᠪᠣᠬᠤᠳᠤ ᠨᠠᠰᠤᠲᠠᠨ ᠭᠠᠭ᠍ᠴᠠᠬᠠᠨ ᠰᠡᠳᠭᠢᠯᠢᠶᠠᠨ ᠪᠠᠳᠤ ᠰᠠᠬᠢᠵᠠᠢ᠃ ᠲᠡᠷᠡ ᠪᠣᠯ ᠲᠡᠭᠦᠨᠤ ᠰᠡᠳᠭᠢᠯᠤᠨ ᠭᠦᠨᠳᠠᠬᠢ ᠬᠠᠮᠤᠭᠤᠨ ᠨᠠᠨᠳᠢᠨ ᠵᠦᠢᠯ᠂ ᠬᠠᠷᠠᠵᠤ ᠮᠠᠨᠠᠬᠤ ᠶᠤᠰᠤᠲᠠᠢ ᠬᠠᠲᠠᠭᠤ ᠰᠠᠬᠢᠯ᠂ ᠡᠨᠡ ᠦᠶᠡᠳᠤ ᠲᠡᠭᠦᠨᠳᠤ ᠬᠡᠨᠤ ᠴᠦ᠍ ᠤᠢᠯᠠᠭᠠᠯᠲᠠ ᠬᠡᠷᠡᠭ ᠦᠭᠡᠢ᠂ ᠬᠠᠢᠷᠠ ᠪᠠ ᠢᠳᠡᠭᠡᠯᠨᠢ ᠠᠮᠢ ᠨᠠᠰᠣᠨᠤ ᠪᠦᠬᠦᠢ ᠯᠠ ᠠᠭᠤᠯᠭᠠ ᠪᠤᠯᠵᠠᠢ᠃ ᠵᠤᠬᠢᠶᠠᠯᠳᠤ 《ᠰᠦᠨᠢᠶ᠋ᠢᠨ ᠬᠠᠷᠠᠩᠭᠤᠢᠳᠤ ᠠᠯᠭᠤᠷᠬᠠᠨ ᠪᠠᠯᠠᠷᠠᠬᠤ ᠬᠢᠴᠢᠶᠡᠯᠤᠨ ᠬᠡᠷ᠂ ᠡᠩᠨᠡᠷᠡᠨ ᠣᠷᠭᠤᠭ᠍ᠰᠠᠨ ᠨᠠᠷᠠᠰᠣᠨ ᠮᠣᠳᠣ ᠬᠠᠷᠠᠭᠠ ᠮᠠᠭᠤᠳᠠᠭ᠍ᠰᠠᠨ ᠨᠢᠳᠦᠨᠳᠤᠨᠢ ᠨᠢᠬᠡ ᠯᠡ ᠨᠡᠳᠦᠢᠭ᠌ᠰᠡᠨ ᠬᠠᠷᠠ ᠶᠠᠭᠤᠮᠠ ᠪᠣᠯᠵᠣ ᠦᠵᠡᠭ᠌ᠳᠡᠬᠦ᠌ ᠪᠣᠯᠪᠠᠴᠣ ᠡᠪᠦᠬᠡᠨᠤ ᠰᠡᠳᠭᠢᠯᠳᠤ ᠬᠠᠳᠠᠩᠱᠢᠨ ᠪᠠᠢᠷᠢᠯᠠᠭ᠍ᠰᠠᠨ ᠨᠠᠷᠠᠰᠣᠳᠠᠢ ᠰᠣᠷᠭᠠᠭᠤᠯᠢᠨᠢ ᠣᠣᠯ ᠬᠡᠪᠢᠶᠠᠷᠢᠶᠠᠨ ᠲᠣᠪ ᠲᠣᠳᠣᠬᠠᠨ ᠰᠦᠮᠪᠦᠷᠯᠡᠨ ᠰᠦᠨᠳᠡᠷᠯᠡᠵᠦ᠍ ᠪᠠᠢᠯᠠ ᠁》 ᠬᠡᠵᠦ᠍ ᠪᠢᠴᠢᠭ᠌ᠰᠡᠨ ᠱᠢᠭ ᠪᠠᠢᠭᠠᠯᠢᠶ᠋ᠢᠨ ᠦᠩᠭᠡᠳᠤ ᠠᠭᠠᠵᠢᠮᠬᠠᠨ ᠪᠠᠯᠠᠷᠠᠭ᠍ᠰᠠᠨ ᠰᠣᠷᠭᠠᠭᠤᠯᠢ ᠮᠠᠬᠠᠪᠣᠳᠤᠨ ᠮᠠᠭᠤᠳᠠᠯᠳᠤ ᠣᠯᠠᠮ ᠴᠦ᠍ ᠬᠠᠷᠠᠩᠭᠤᠢᠯᠠᠵᠤ ᠠᠭ᠍ᠰᠠᠨ ᠴᠦ᠍ ᠵᠢᠳᠭᠦᠯ ᠬᠠᠢᠷᠠ ᠢᠳᠡᠭᠡᠯᠤᠨ ᠬᠦᠴᠦᠨᠳᠤ ᠲᠡᠷᠡ ᠪᠠᠰᠠ ᠯᠠ ᠰᠦᠮᠪᠦᠷᠯᠡᠭ᠌ᠰᠡᠬᠡᠷ ᠪᠠᠢᠬᠤᠨᠢ ᠡᠨᠡ ᠲᠦᠷᠢᠶ᠋ᠢ ᠤᠩᠱᠢᠭ᠍ᠴᠢᠶ᠋ᠢᠨ ᠰᠡᠳᠭᠢᠯᠳᠤ ᠠᠮᠢᠯᠠᠭᠤᠯᠵᠦ᠍ ᠴᠢᠳᠠᠵᠠᠢ᠃
ᠤᠢᠮᠤᠳ ᠰᠣᠳᠣᠨᠤ 《ᠰᠠᠯᠬᠢ》 ᠭᠡᠰᠡᠨ ᠵᠣᠬᠢᠶᠠᠯᠳᠤ ᠬᠢᠺᠡᠷᠢ ᠪᠠᠭᠠᠳᠠᠭᠠᠨ ᠴᠠᠭᠠᠰᠣᠨ ᠨᠢᠰᠭᠡᠯ ᠬᠢᠭᠡᠳ ᠨᠠᠭᠠᠳᠳᠠᠬ ᠪᠠᠢᠭ᠍ᠰᠠᠨᠢᠶᠠᠨ ᠲᠣᠮᠣ ᠪᠣᠯᠣᠭ᠍ᠰᠠᠨᠤ ᠬᠤᠢᠨᠠ ᠪᠠᠢᠯᠳᠤᠭᠠᠨᠤ ᠨᠢᠰᠭᠡᠯ ᠬᠢᠵᠦ᠍ ᠬᠦᠮᠦᠨ ᠠᠷᠠᠳᠳᠤ ᠵᠤᠪᠠᠯᠠᠩ ᠤᠴᠠᠷᠠᠭᠤᠯᠵᠠᠢ᠃ ᠪᠠᠭᠠᠠᠴᠠᠪᠠᠨ ᠴᠠᠭᠠᠰᠤᠨ ᠨᠢᠰᠭᠡᠯ ᠨᠠᠭᠠᠳᠭᠤ ᠲᠤᠷᠠᠳᠠᠢ ᠬᠢᠺᠡᠷᠢ ᠭᠧᠷᠮᠠᠨᠤ ᠲᠠᠢᠨ ᠬᠢᠵᠦ᠍ ᠶᠠᠪᠤᠭᠠ ᠨᠢᠭᠡ ᠨᠣᠶᠠᠨᠲᠠᠨᠢ ᠲᠠᠩᠳᠠ ᠵᠡᠬᠦᠳᠦᠯᠡᠵᠦ᠍ ᠲᠡᠷᠡ ᠨᠤᠶᠠᠨᠳᠠᠨ ᠲᠠᠢᠨᠢ ᠡᠷᠳᠡᠭᠡᠨ ᠲᠠᠭᠤᠰᠭᠠᠬᠤᠶ᠋ᠢᠨ ᠲᠦᠯᠦᠭᠡ ᠮᠠᠷᠠᠢᠵᠤ ᠪᠠᠢᠨᠠ ᠬᠡᠵᠦ᠍ ᠲᠡᠮᠵᠢᠳᠡᠭ᠃ ᠬᠤᠵᠢᠮᠨᠢ ᠲᠡᠷᠡ ᠨᠢᠰᠭᠡᠯᠤᠨ ᠲᠤᠬᠠᠢ ᠰᠤᠷᠴᠤ᠌ ᠤᠯᠤᠰᠤᠨᠢᠶᠠᠨ ᠬᠠᠮᠤᠭ ᠲᠤᠮᠤ ᠨᠢᠰᠭᠡᠯᠤᠨ ᠰᠤᠳᠤᠯᠭᠠᠨᠤ ᠲᠠᠰᠤᠭᠲᠤ ᠠᠵᠢᠯ ᠤᠯᠵᠦ᠍᠂ 1941 ᠤᠨᠳᠤ ᠱᠢᠨᠠ ᠮᠠᠶᠢᠭᠤᠨ ᠲᠠᠢᠨᠤ ᠨᠢᠰᠭᠡᠯ ᠪᠦᠳᠦᠬᠡᠵᠡᠢ᠃ ᠬᠡᠪᠡᠴᠦ᠍ ᠶᠠᠭ ᠡᠨᠡ ᠬᠦ᠌ ᠲᠠᠢᠨᠤ ᠨᠢᠰᠭᠡᠯ ᠮᠡᠨᠳᠦᠯᠡᠭ᠌ᠰᠡᠨᠢᠶᠠᠷ 1942 ᠤᠨᠳᠤ 《ᠰᠤᠪᠤᠳ ᠭᠠᠷᠠᠮᠢ ᠬᠡᠨᠡᠳᠡᠬᠦᠯᠦᠨ ᠲᠠᠭᠠᠷᠢᠬ᠍ᠰᠠᠨ》 ᠤᠴᠢᠷ ᠡᠬᠦᠰᠴᠦ᠍ ᠶᠠᠫᠦᠨᠤ ᠲᠠᠭᠡᠳᠤ ᠰᠢᠨᠡ ᠮᠠᠷᠭᠡᠵᠢᠯᠢᠶᠠᠷ ᠬᠢᠭ᠌ᠰᠡᠨ ᠪᠠᠢᠯᠳᠤᠭᠠᠨᠤ ᠨᠢᠰᠭᠡᠯ ᠠᠮᠧᠷᠢᠺᠠᠶ᠋ᠢᠨ ᠴᠡᠷᠢᠭᠤᠨ ᠰᠠᠭᠤᠷᠢᠨᠢ ᠲᠠᠭᠠᠷᠢᠵᠠᠢ᠃ ᠪᠠᠢᠯᠳᠤᠭᠠᠨᠤ ᠨᠢᠰᠭᠡᠯ ᠡᠬᠦᠳᠦᠭ᠌ᠰᠡᠨ ᠬᠢᠺᠠᠷᠢᠶ᠋ᠢᠨ ᠠᠯᠳᠠᠷ ᠨᠠᠷᠠ ᠮᠠᠨᠳᠤᠭ᠍ᠰᠠᠨ ᠴᠤ᠌ ᠬᠢᠺᠡᠷᠢ ᠬᠦᠮᠦᠨᠤ ᠠᠮᠢ ᠨᠠᠰᠤᠶ᠋ᠢ ᠬᠦᠨᠦᠭᠡᠳᠡᠭ ᠪᠠᠢᠯᠳᠤᠭᠠᠨᠤ ᠨᠢᠰᠭᠡᠯ ᠬᠢᠭ᠌ᠰᠡᠨᠳᠡᠭᠡᠨ ᠪᠠᠶᠠᠪᠠᠨ ᠵᠦᠬᠡᠵᠦ᠍ ᠡᠬᠢᠯᠡᠵᠡᠢ᠃ ᠬᠡᠪᠡᠴᠦ᠍ ᠭᠧᠷᠮᠠᠨ ᠴᠡᠷᠢᠭᠤᠨ ᠨᠤᠶᠠᠨᠳᠠᠨᠢᠶᠠᠨ ᠵᠡᠬᠦᠳᠦᠯᠡᠵᠦ᠍ ᠲᠠᠢᠨᠢ ᠬᠤᠷᠳᠤᠨ ᠲᠠᠬᠦᠰᠭᠡᠬᠦ᠌ᠪᠠᠷ ᠮᠠᠷᠠᠢᠵᠤ ᠪᠠᠢᠨᠠ ᠬᠡᠵᠦ᠍ ᠦᠪᠡᠷᠢᠪᠠᠨ ᠦᠮᠦᠬᠡᠷᠡᠵᠡᠢ᠃ ᠲᠡᠬᠦᠨᠤ ᠡᠨᠡ ᠪᠤᠳᠤᠯ ᠬᠠᠭᠤᠷᠮᠠᠭ ᠪᠠᠢᠵᠠᠢ᠃ ᠲᠡᠬᠦᠨᠤ ᠬᠠᠭᠤᠷᠮᠠᠭᠢ ᠢᠯᠡᠴᠢᠯᠡᠵᠦ᠍ 1945 ᠤᠨᠳᠤ ᠡᠾᠢᠷᠦᠱᠢᠮ᠂ ᠨᠠᠭᠠᠰᠠᠺᠢᠳᠤ ᠠᠲ᠋ᠤᠮᠤᠨ ᠪᠦᠮᠪᠦᠭᠡ ᠬᠠᠶᠠᠵᠦ᠍ 30 ᠲᠦᠮᠠᠨ ᠬᠦᠮᠦᠨ ᠦᠬᠦᠭ᠌ᠰᠡᠨ ᠴᠢᠮᠡᠭᠡᠶ᠋ᠢ ᠰᠤᠨᠤᠰᠤᠭᠠᠳ ᠬᠢᠺᠠᠷᠢ 《ᠪᠢᠳᠡ ᠢᠴᠢᠭᠦᠷᠢᠲᠡᠢᠪᠠᠷ ᠪᠠᠭᠤᠵᠤ ᠦᠭ᠌ᠬᠦᠨᠡ ᠭᠡᠵᠦ᠍ ᠦᠦ？ ᠨᠢᠰᠭᠡᠯ ᠬᠢᠵᠦ᠍ ᠬᠦᠮᠦᠨᠤ ᠠᠮᠢ ᠨᠠᠰᠤᠶ᠋ᠢ ᠪᠣᠰᠠᠨᠢᠭᠤᠯᠤᠭ᠍ᠰᠠᠨᠤ ᠦᠷᠡ ᠳ᠋ᠦᠩ ᠡᠨᠡ ᠦᠦ？》 ᠬᠡᠵᠦ᠍ ᠲᠠᠢᠨ ᠲᠠᠭᠤᠰᠤᠭ᠍ᠰᠠᠨᠳᠤ ᠪᠠᠶᠠᠷᠯᠠᠭᠠ ᠦᠬᠡᠢ ᠬᠠᠷᠢᠨ ᠶᠡᠭᠡᠪᠠᠷ ᠬᠢᠯᠢᠩᠨᠡᠵᠦ᠍ ᠪᠦᠰᠡᠬᠦᠢ ᠠᠶᠠᠪᠠᠨ ᠠᠯᠠᠵᠦ᠍ ᠦᠪᠡᠷᠢᠪᠠᠨ ᠬᠤᠤᠷᠯᠠᠵᠠᠢ᠃ ᠵᠤᠬᠢᠶᠠᠯᠳᠤ ᠬᠢᠺᠡᠷᠢᠶ᠋ᠢᠨ ᠪᠤᠳᠤᠯ ᠰᠡᠳᠭᠢᠯ ᠪᠠ ᠦᠢᠯᠡ ᠠᠵᠢᠯᠯᠠᠭᠠᠶ᠋ᠢᠨ ᠱᠢᠭᠤᠳ ᠬᠠᠷᠢᠴᠠᠭᠠᠶ᠋ᠢ ᠲᠤᠮᠢᠶᠠᠯᠠᠵᠦ᠍᠂ ᠲᠠᠢᠨ ᠬᠢᠭ᠌ᠴᠢᠳᠤᠨ ᠪᠠᠯᠠᠮᠠᠳ ᠬᠡᠷᠴᠡᠬᠡᠢ ᠠᠭᠠᠳ ᠬᠠᠭᠤᠷᠮᠠᠭ ᠵᠦᠬᠡᠯᠡᠨ ᠲᠦᠷᠢᠶ᠋ᠢ ᠵᠢᠪᠡᠬᠦᠦ ᠬᠦᠷᠳᠡᠯᠡ ᠦᠵᠡᠬᠦᠯᠵᠠᠢ᠃ ᠵᠤᠬᠢᠶᠠᠯᠤᠨ ᠲᠡᠬᠦᠰᠭᠡᠯᠳᠤ 《ᠰᠠᠯᠬᠢ ᠱᠢᠭᠤᠷᠭᠠ ᠨᠠᠮᠳᠠᠵᠤ ᠤᠬ᠍ᠳᠠᠷᠭᠤᠢ ᠴᠠᠯᠮᠠᠪᠠ᠃ ᠤᠬ᠍ᠳᠠᠷᠭᠤᠢᠶ᠋ᠢᠨ ᠬᠦᠨᠳᠤ ᠮᠦᠩᠬᠦᠨ ᠨᠢᠰᠭᠡᠯ ᠴᠦ᠍ ᠶᠤᠮ ᠦᠦ ᠨᠠᠷᠠᠨᠳᠤ ᠬᠢᠯᠠᠰᠤᠨ ᠬᠠᠯᠢᠨ ᠲᠠᠬᠦᠯᠢᠨᠠᠮ᠃ ᠬᠡᠳᠡᠯᠠ ᠲᠠᠷᠠᠨᠢ ᠨᠢᠰᠭᠡᠯ ᠪᠤᠰᠤ᠂ ᠬᠠᠷᠢᠨ ᠬᠡᠷᠡᠯᠳᠤ ᠴᠠᠭᠠᠨ ᠲᠠᠬ᠍ᠳᠠᠭᠠ ᠪᠠᠢᠯᠠ》 ᠬᠡᠵᠦ᠍ ᠲᠠᠢᠨ ᠲᠠᠭᠤᠰᠴᠦ᠍ ᠡᠩᠬᠡ ᠲᠠᠢᠪᠤᠩᠤᠨ ᠲᠠᠭ᠍ᠳᠠᠭᠠ ᠤᠭ᠍ᠳᠠᠷᠭᠤᠢᠳᠤ ᠨᠢᠰᠭᠦᠶ᠋ᠢ ᠪᠢᠴᠢᠵᠡᠢ᠃
ᠲᠦᠷᠪᠡ ᠵᠠᠩ ᠵᠠᠩᠱᠢᠯ ᠪᠠ ᠤᠷᠤᠨ ᠨᠤᠳᠤᠭᠤᠨ ᠵᠢᠷᠤᠭ᠍ᠯᠠᠯ
《ᠭᠤᠪᠢᠶ᠋ᠢᠨ ᠠᠷᠴᠠ》 ᠵᠤᠬᠢᠶᠠᠯᠤᠨ ᠲᠡᠬᠦᠪᠦᠷᠢᠳᠤ ᠤᠷᠤᠭ᠍ᠰᠠᠨ ᠪᠦᠳᠦᠬᠡᠯᠳᠤ ᠰᠤᠶᠤᠯᠤᠨ ᠨᠠᠢᠷᠠᠭᠤᠯᠤᠯ ᠤᠯᠠᠨ ᠪᠢᠴᠢᠭ᠌ᠳᠡᠭ᠌ᠰᠡᠨ ᠪᠦᠬᠡᠳ ᠤᠡᠭ᠌ᠨᠢᠭᠤᠳ ᠨᠤᠳᠤᠬᠤᠨ ᠪᠠᠢᠭᠠᠯᠢᠶ᠋ᠢᠨ ᠦᠵᠡᠮᠵᠢᠶ᠋ᠢ ᠵᠢᠷᠤᠭ᠍ᠯᠠᠬᠤᠶ᠋ᠢᠨ ᠬᠠᠮᠳᠤ ᠦᠯᠢᠬᠡᠷ ᠬᠤᠯᠪᠤᠭᠠ ᠲᠤᠮᠤᠬᠢ ᠤᠷᠠᠨ ᠵᠤᠬᠢᠶᠠᠯᠳᠠᠭᠠᠨ ᠠᠱᠢᠬ᠍ᠯᠠᠵᠦ᠍ ᠤᠷᠠᠯᠢᠭ᠍ᠴᠢ ᠱᠢᠨᠵᠢᠶ᠋ᠢ ᠦᠨᠳᠦᠷᠵᠢᠬᠦᠯᠵᠡᠢ᠃
ᠡᠬᠦᠨᠳᠤ ᠣᠶᠠᠬᠠᠨᠤ 《ᠰᠠᠭᠠᠯᠢᠶ᠋ᠢᠨ ᠠᠷᠢᠬᠢ》 ᠭᠡᠰᠡᠨ ᠵᠣᠬᠢᠶᠠᠯᠳᠤ ᠰᠠᠭᠠᠯᠢᠶ᠋ᠢᠨ ᠠᠷᠢᠬᠢᠶ᠋ᠢᠨ ᠡᠭᠦᠰᠦᠯ᠂ ᠰᠡᠷᠵᠢᠮᠯᠡᠬᠦ᠌ ᠶᠤᠰᠤ᠂ ᠠᠷᠢᠬᠢᠨᠤ ᠲᠤᠬᠠᠢ ᠳᠣᠮᠤᠭ᠂ ᠲᠡᠭᠦᠨᠤ ᠣᠯᠠᠨ ᠵᠦᠢᠯᠤᠨ ᠨᠡᠷᠡᠢᠳᠦᠯ᠂ ᠰᠠᠭᠠᠯᠢᠶ᠋ᠢᠨ ᠠᠷᠢᠬᠢᠶ᠋ᠢ ᠨᠡᠷᠡᠬᠦ᠌ ᠶᠠᠪᠣᠴᠠ᠂ ᠬᠦᠷᠦᠩᠭᠡᠶ᠋ᠢ ᠬᠠᠳᠠᠭᠠᠯᠠᠬᠤ ᠶᠤᠰᠤ᠂ ᠠᠷᠢᠬᠢ ᠪᠠᠷᠢᠬᠤ ᠶᠤᠰᠤ ᠵᠡᠷᠭᠡᠶ᠋ᠢ ᠲᠣᠩ ᠨᠠᠷᠢᠯᠢᠭ ᠪᠢᠴᠢᠭ᠌ᠰᠡᠨ ᠪᠢᠯᠡ᠃ ᠲᠡᠷᠡᠪᠠᠷ ᠲᠡᠦᠬᠡᠨᠳᠤ ᠲᠡᠮᠳᠡᠭ᠌ᠯᠡᠵᠦ᠍ ᠢᠷᠡᠭ᠌ᠰᠡᠨ ᠪᠢᠴᠢᠭ ᠮᠠᠲ᠋ᠧᠷᠢᠶᠠᠯ ᠪᠠ ᠦᠯᠢᠭᠡᠷ ᠳᠣᠮᠤᠭᠲᠤ ᠰᠠᠭᠤᠷᠢᠯᠠᠨ ᠰᠠᠭᠠᠯᠢᠶ᠋ᠢᠨ ᠠᠷᠢᠬᠢᠨᠤ ᠰᠣᠶᠣᠯᠢ ᠲᠣᠩ ᠳᠡᠯᠭᠡᠷᠡᠩᠭᠦᠢ ᠠᠮᠢᠳᠤᠯᠢᠭ ᠪᠢᠴᠢᠵᠡᠢ᠃ ᠵᠢᠱ᠌ᠢᠶᠡᠯᠡᠪᠡᠯ ᠰᠠᠭᠠᠯᠢᠶ᠋ᠢᠨ ᠠᠷᠢᠬᠢᠨᠤ ᠬᠦᠷᠦᠩᠬᠡ ᠬᠡᠵᠢᠶᠡ ᠬᠠᠮᠢᠭᠠ ᠶᠠᠭᠠᠬᠢᠵᠦ᠍ ᠪᠣᠢ ᠪᠣᠯᠣᠭ᠍ᠰᠠᠨ ᠲᠣᠬᠠᠢ ᠲᠣᠳᠣᠷᠬᠠᠢ ᠲᠡᠮᠳᠡᠭ᠌ᠯᠡᠯ ᠣᠯᠳᠠᠭᠠ ᠦᠭᠡᠢ ᠪᠣᠯᠬᠤᠷ ᠦᠯᠢᠭᠡᠷ ᠳᠣᠮᠤᠭᠢᠶᠠᠷ ᠲᠠᠢᠯᠪᠤᠷᠢᠯᠠᠵᠠᠢ᠃
ᠨᠠᠮᠤᠷᠠᠶ᠋ᠢᠨ 《ᠨᠤᠳᠤᠭᠤᠨ ᠭᠠᠢᠬᠠᠮᠱᠢᠭ》 ᠬᠡᠰᠡᠨ ᠵᠤᠬᠢᠶᠠᠯᠳᠤ ᠨᠣᠲᠤᠭ ᠤᠰᠤᠨᠤ ᠠᠭᠤᠯᠠ ᠣᠰᠣ᠂ ᠤᠷᠭᠤᠮᠠᠯ ᠮᠤᠳᠤ᠂ ᠬᠡᠯᠪᠡᠷᠢ ᠪᠠᠢᠷᠢᠱᠢᠯᠢ ᠠᠯᠠᠭᠠᠨ ᠵᠢᠷᠣᠭᠠᠰᠣᠪᠠᠨ ᠱᠢᠭ᠋ ᠨᠠᠷᠢᠯᠢᠭ ᠪᠢᠴᠢᠪᠡ᠃ ᠲᠤᠰ ᠵᠤᠬᠢᠶᠠᠯ 《ᠯᠤᠤᠬᠠᠶ᠋ᠢᠨ ᠭᠤᠤᠯ》᠂ 《ᠠᠯᠠᠭ ᠠᠭᠤᠯᠠ》᠂ 《ᠬᠠᠷᠠ ᠠᠭᠤᠯᠠ》᠂ 《ᠭᠡᠷ ᠴᠢᠯᠠᠭᠤ ᠬᠠᠳᠠ》᠂ 《ᠡᠷᠳᠡᠨᠢ ᠠᠭᠤᠯᠠ》 ᠁ ᠵᠡᠷᠭᠡ ᠤᠷᠤᠨ ᠨᠣᠲᠤᠭᠤᠨ ᠣᠨᠴᠠᠯᠢᠭ ᠪᠦᠬᠦᠢ ᠠᠭᠤᠯᠠ ᠬᠠᠳᠠᠨᠤᠭᠤᠳᠤᠨ ᠪᠠᠢᠷᠢᠱᠢᠯ᠂ ᠤᠷᠭᠤᠳᠠᠭ ᠤᠷᠭᠤᠮᠠᠯ᠂ ᠬᠡᠯᠪᠡᠷᠢ ᠣᠨᠴᠠᠯᠢᠭᠢ ᠨᠢᠭᠡᠳ ᠨᠢᠭᠡᠪᠠᠷ ᠲᠣᠩ ᠨᠠᠷᠢᠯᠢᠭ ᠲᠡᠮᠳᠡᠭ᠌ᠯᠡᠭ᠌ᠰᠡᠨ ᠪᠦᠭᠡᠳ ᠡᠭᠦᠰᠦᠯ ᠭᠠᠷᠣᠯᠤᠨ ᠳᠣᠮᠤᠭ ᠦᠯᠢᠭᠡᠷᠢ ᠲᠣᠩ ᠨᠠᠷᠢᠯᠢᠭ ᠪᠢᠴᠢᠵᠡᠢ᠃ ᠵᠢᠱ᠌ᠢᠶᠡᠯᠡᠪᠡᠯ 《ᠬᠠᠷᠠᠶ᠋ᠢᠨ ᠠᠭᠤᠯᠠ》ᠶ᠋ᠢᠨ ᠲᠤᠬᠠᠢ 《ᠬᠠᠷᠠᠶ᠋ᠢᠨ ᠠᠭᠤᠯᠠ ᠪᠤᠯ ᠳ᠋ᠥᠩᠤᠨ ᠰᠠᠯᠠᠭᠠ᠂ ᠵᠢᠷᠥᠬᠡᠶ᠋ᠢᠨ ᠠᠭᠤᠯᠠ ᠁ ᠵᠡᠷᠭᠡ ᠤᠯᠠᠨ ᠠᠭᠤᠯᠠ ᠬᠠᠳᠠᠪᠠᠷ ᠪᠥᠷᠢᠯᠳᠥᠭ᠌ᠰᠡᠨ ᠪᠠᠢᠳᠠᠭ ᠁ ᠬᠠᠷᠠᠶ᠋ᠢᠨ ᠠᠭᠤᠯᠠᠶ᠋ᠢᠨ ᠪᠠᠷᠠᠭᠤᠨ ᠬᠤᠢᠳᠤ ᠭᠡᠰᠡᠭᠲᠤ ᠬᠠᠷᠠ ᠲᠤᠯᠤᠭᠠᠢᠶ᠋ᠢᠨ ᠲᠤᠮᠤ ᠲᠤᠮᠤ ᠴᠢᠯᠠᠭᠤᠨ ᠲᠡᠭᠡᠷᠡᠨᠢ ᠪᠥᠷ ᠬᠠᠳᠠᠨ ᠵᠢᠷᠤᠭ ᠪᠠᠢᠨᠠ ᠭᠡᠨᠡ᠃ ᠬᠠᠳᠠᠨ ᠵᠢᠷᠤᠭᠨᠢ ᠬᠥᠳᠡᠭᠡ ᠨᠤᠳᠤᠭᠤᠨ ᠠᠮᠢᠳᠤᠷᠠᠯ ᠠᠬᠤᠢᠶ᠋ᠢ ᠥᠨᠡᠨ ᠪᠤᠳᠠᠲᠠᠢ ᠵᠢᠷᠤᠭ᠍ᠯᠠᠵᠤ᠂ ᠵᠢᠷᠤᠭᠨᠢ ᠠᠮᠢᠳᠤ ᠲᠥᠷᠰᠦᠯᠢᠭ ᠪᠠᠢᠳᠠᠭ》 ᠭᠡᠵᠦ᠍ ᠪᠢᠴᠢᠵᠡᠢ᠃ ᠵᠣᠬᠢᠶᠠᠯᠤᠨ ᠲᠡᠭᠦᠰᠭᠡᠯᠳᠤ ᠵᠤᠬᠢᠶᠠᠭ᠍ᠴᠢ ᠪᠠᠰᠠ ᠠᠷᠢᠶᠠᠳᠠᠨ ᠠᠮᠢᠳᠠᠨᠢ ᠲᠤᠷᠠᠪᠠᠷ ᠵᠢᠡᠨ ᠠᠯᠠᠵᠤ ᠬᠥᠨᠥᠭᠡᠵᠤ᠂ ᠣᠢ ᠮᠤᠳᠤᠶ᠋ᠢ ᠲᠠᠪᠠᠪᠠᠷ ᠤᠭ᠍ᠳᠤᠯᠵᠤ ᠰᠦᠢᠳᠭᠡᠵᠦ᠍ ᠪᠠᠢᠭᠠ ᠪᠠᠢᠳᠠᠯᠢ ᠲᠣᠷᠠᠳᠴᠣ 《ᠡᠢᠮᠦ᠍ ᠰᠠᠢᠬᠠᠨ ᠨᠤᠳᠤᠭᠢᠶᠠᠨ ᠥᠵᠡᠬᠦ᠌ ᠨᠢᠳᠤᠨᠤ ᠴᠡᠴᠡᠭᠡᠢᠪᠠᠨ ᠱᠢᠭ᠂ ᠥᠨᠥᠰᠭᠦ ᠬᠠᠮᠠᠷᠤᠨ ᠵᠠᠭᠠᠷᠢᠶᠠᠨ ᠱᠢᠬ᠂ ᠡᠯᠢᠭᠡ ᠵᠢᠷᠥᠬᠡᠨᠤᠪᠠᠨ ᠬᠤᠪᠳᠤᠯᠢᠶᠠᠨ ᠱᠢᠭ᠋ ᠬᠠᠢᠷᠠᠯᠠᠵᠤ ᠨᠠᠨᠳᠢᠩᠨᠠᠵᠤ ᠶᠠᠪᠤᠶᠠ》 ᠭᠡᠵᠦ᠍ ᠪᠢᠴᠢᠵᠡᠢ᠃
ᠵᠤᠨᠤ ᠪᠢᠴᠢᠭ᠌ᠰᠡᠨ 《ᠳᠥᠷᠪᠡᠨ ᠴᠠᠭᠤᠨ ᠨᠤᠲᠤᠭ》᠂ ᠦᠨᠢᠷᠰᠠᠢᠬᠠᠨᠤ 《ᠦᠯᠢᠭᠡᠷ ᠲᠤᠮᠤᠭᠤᠨ ᠬᠦᠯᠦᠭ》᠂ ᠨᠢᠩᠭᠠᠳ ᠴᠤᠮᠤᠷᠯᠢᠭᠤᠨ 《ᠲᠡᠭ᠌ᠷᠢᠯᠢᠭ ᠴᠤᠤᠷᠢᠶᠠ》 ᠵᠡᠷᠬᠡ ᠵᠤᠬᠢᠶᠠᠯᠤᠳ ᠲᠡᠤᠬᠡ ᠰᠤᠶᠤᠯ ᠪᠠ ᠤᠷᠤᠨ ᠨᠤᠳᠤᠭᠤᠨ ᠤᠨᠴᠠᠯᠢᠭᠢ ᠪᠢᠴᠢᠭ᠌ᠰᠡᠨ ᠭᠤᠴᠤ᠌ ᠰᠠᠢᠬᠠᠨ ᠪᠦᠳᠦᠬᠡᠯ ᠪᠤᠯᠵᠠᠢ᠃
ᠶᠡᠷᠦᠩᠬᠡᠢᠯᠡᠪᠡᠯ᠂ 《ᠭᠤᠪᠢᠶ᠋ᠢᠨ ᠠᠷᠴᠠ》 ᠨᠤᠮᠳᠤ ᠲᠡᠬᠦᠪᠦᠷᠢᠯᠡᠭ᠌ᠳᠡᠵᠦ᠍ ᠤᠷᠤᠭ᠍ᠰᠠᠨ ᠵᠤᠬᠢᠶᠠᠯᠨᠢ ᠬᠡᠨᠡᠨ ᠴᠠᠭᠠᠬᠠᠨ ᠬᠡᠤᠬᠡᠳᠤᠨ ᠦᠰᠦᠨ ᠪᠤᠢᠵᠢᠯᠳᠠᠶ᠋ᠢᠨ ᠲᠤᠮᠳᠠᠬᠢ ᠤᠬᠠᠭᠠᠷᠠᠯᠤᠨ ᠰᠡᠳᠦᠪ᠂ ᠤᠷᠤᠨ ᠨᠤᠳᠤᠭ ᠪᠠ ᠵᠠᠩ ᠠᠭᠠᠯᠢᠶ᠋ᠢᠨ ᠵᠢᠷᠤᠭ᠍ᠯᠠᠯ ᠲᠠᠢᠯᠪᠤᠷᠢᠯᠠᠯ᠂ ᠮᠢᠨᠴᠦᠬᠦᠷᠡᠨ ᠮᠤᠩᠬᠠᠷᠠᠭ᠍ᠰᠠᠨ ᠬᠦᠮᠤᠨ ᠠᠷᠠᠳᠤᠨ ᠤᠶᠤᠨ ᠤᠬᠠᠭᠠᠨᠤ ᠢᠯᠡᠷᠡᠬᠦᠯᠦᠯ ᠪᠠ ᠪᠤᠳᠤᠯ ᠰᠡᠳᠭᠢᠯᠤᠨ ᠬᠦᠳᠦᠯᠦᠬᠡᠪᠠᠷ ᠠᠮᠢ ᠨᠠᠰᠤᠨᠤ ᠴᠢᠨᠠᠷᠢ ᠤᠯᠠᠨ ᠶᠠᠩᠵᠦ᠍ᠪᠠᠷ ᠢᠯᠡᠷᠡᠬᠦᠯᠵᠦ᠍ ᠶᠠᠪᠤᠭᠠ ᠬᠦᠮᠤᠨᠤ ᠲᠦᠷᠢᠶ᠋ᠢ ᠪᠦᠳᠦᠬᠡᠬᠦ᠌ᠪᠠᠷ ᠶᠡᠷᠦᠩᠬᠡᠢ ᠤᠨᠴᠠᠯᠢᠭᠢᠶᠠᠨ ᠪᠤᠯᠭᠠᠵᠠᠢ᠃