ᠬᠤᠯᠤᠰᠤᠨ ᠯᠢᠮᠪᠦᠶᠢᠨ ᠬᠣᠭᠤᠯᠠᠢᠠᠴᠠ ᠭᠠᠷᠬᠤ ᠲᠣᠳᠣᠨᠤᠶᠢᠨ ᠡᠭᠡᠰᠢᠭ
ᠬᠣᠳᠠ ᠲᠠᠢ ᠬᠣᠨᠢᠳ ᠵᠡᠭᠦᠳᠦ ᠮᠠᠨᠠᠭᠰᠠᠨ ᠲᠠᠢᠪᠤᠩ ᠪᠠᠭᠤᠴᠠ
ᠬᠣᠷᠣᠳ ᠦᠷᠥᠮᠡᠶᠢᠨ ᠠᠩᠬᠢᠯᠤᠮᠡ ᠦᠨᠣᠷ ᠲᠠᠢ ᠴᠡᠩᠬᠡᠷᠬᠡᠨ ᠬᠥᠳᠡᠭᠡ
ᠬᠣᠳᠤᠭ ᠪᠤᠶᠠᠨᠢ ᠬᠣᠷᠣᠢᠯᠠᠵᠤ ᠳᠠᠯᠠᠯᠤᠭᠰᠠᠨ ᠠᠷᠤᠤᠬᠠᠨ ᠭᠣᠯᠤᠮᠲᠠ
ᠰᠦᠨ ᠴᠡᠩᠬᠡᠷ ᠣᠷᠴᠢᠯᠠᠩᠢ ᠮᠢᠯᠢᠶᠠᠭᠰᠠᠨ ᠡᠵᠢᠶᠢᠨ ᠰᠡᠴᠤᠯᠢ
ᠰᠦᠯᠲᠡ ᠪᠣᠰᠣᠭᠠ ᠬᠡᠢᠮᠦᠷᠢ ᠡᠷᠭᠦᠭᠰᠡᠨ ᠠᠪᠤᠶᠢᠨᠪᠡᠷᠠ
ᠰᠦᠷᠦᠭ ᠴᠠᠭᠠᠨ ᠵᠡᠭᠡᠷᠡ ᠴᠠᠬᠢᠯᠤᠭᠰᠠᠨ ᠠᠭᠤᠵᠢᠮ ᠬᠦᠨᠲᠡᠢ
ᠰᠦᠰᠦᠭ ᠪᠢᠰᠢᠷᠡᠯᠦᠨ ᠰᠢᠳᠦᠭᠡᠨ ᠪᠣᠯᠣᠭᠰᠠᠨ ᠤᠩᠭᠤᠨ ᠣᠪᠣᠭᠠ
ᠢᠳᠡᠷ ᠪᠦᠷᠭᠦᠳᠦᠨ ᠵᠢᠭᠦᠷ ᠬᠤᠷᠴᠠᠯᠠᠭᠰᠠᠨ ᠬᠠᠳᠠ ᠠᠰᠬᠠ
ᠶᠡᠬᠡ ᠠᠶᠠᠨᠤ ᠰᠢᠨᠳᠠᠰᠤ ᠰᠢᠯᠭᠠᠭᠰᠠᠨ ᠠᠭᠤᠯᠠ ᠳᠠᠪᠠᠭᠠ
ᠶᠢᠰᠤᠨ ᠬᠦᠰᠡᠯᠤᠨ ᠲᠦᠷᠦᠭᠡ ᠴᠢᠩᠭᠠᠯᠠᠭᠰᠠᠨ ᠲᠣᠪᠤ ᠲᠤᠯᠤᠭᠠᠳ
ᠢᠷᠮᠡᠭᠦᠨ ᠪᠣᠳᠣᠯᠢ ᠤᠬᠢᠶᠠᠨ ᠤᠭᠠᠯᠵᠠᠯᠠᠭᠰᠠᠨ ᠭᠣᠣᠯ ᠭᠣᠷᠣᠬᠠ
ᠡᠭᠦᠯᠡ ᠲᠠᠢ ᠵᠠᠯᠭᠠᠯᠳᠤᠭᠰᠠᠨ ᠠᠷᠭᠠᠯᠦᠨ ᠤᠳᠤᠭᠠ ᠰᠡᠳᠭᠢᠯᠦᠨ ᠠᠷᠭᠠᠮᠵᠢᠶᠠ
ᠦᠨᠡᠨᠦ ᠲᠤᠤᠯᠢ ᠲᠠᠢ ᠦᠯᠢᠭᠡᠷᠦᠨ ᠡᠪᠦᠭᠡᠳ ᠵᠢᠷᠦᠬᠡᠨᠦ ᠰᠠᠬᠢᠶᠡ
ᠦᠰᠬᠦ ᠬᠡᠤᠬᠡᠳᠦᠨ ᠵᠤᠯᠠᠢ ᠬᠡᠷᠡᠯᠳᠤᠭ᠌ᠰᠡᠨ ᠠᠮᠤᠭᠤᠯᠠᠩ ᠰᠠᠭᠤᠴᠠ
ᠦᠶᠡ ᠵᠠᠯᠭᠠᠵᠤ ᠤᠳᠤᠮ ᠳᠡᠯᠭᠡᠷᠡᠭᠰᠡᠨ ᠵᠢᠷᠭᠠᠯ ᠤᠨ ᠦᠯᠥᠭᠡᠢ
ᠠᠭᠯᠠᠭ ᠰᠢᠭᠤᠢ ᠨᠢ ᠠᠷᠢᠶᠠᠲᠠᠨᠢᠶᠠᠨ ᠪᠥᠭᠡᠴᠡᠢᠯᠡᠭᠰᠡᠨ ᠡᠪᠦᠨ ᠣᠷᠴᠢᠨ
ᠠᠯᠠᠭ ᠮᠠᠩᠬᠠ ᠨᠢ ᠡᠷᠳᠡᠨᠢᠪᠠᠨ ᠨᠢᠭᠤᠭᠰᠠᠨ ᠪᠢᠳᠡᠭᠦᠦ ᠬᠥᠮᠣᠷᠭᠡ
ᠠᠲᠤᠭᠤ ᠮᠠᠯ ᠨᠢ ᠥᠩᠭᠡᠰᠢᠭ ᠳᠠᠷᠭᠤᠨ ᠪᠠᠶᠠᠨ ᠬᠦᠷᠤᠩᠬᠡ
ᠠᠰᠢᠳᠡ ᠣᠷᠣᠰᠢᠵᠤ ᠮᠦᠩᠬᠡᠳᠡ ᠬᠢᠮᠠᠭᠠᠳᠠᠬᠤ ᠠᠮᠤᠭᠤᠯᠠᠩ ᠵᠠᠢᠴᠠ
ᠬᠡᠯᠡ ᠲᠠᠢ ᠮᠢᠩᠭᠠᠨ ᠰᠢᠪᠠᠭᠤᠳ ᠥᠪᠡᠷᠦᠨ ᠤᠶᠠᠩᠭᠠ ᠪᠠᠷ ᠭᠠᠩᠭᠠᠨᠠᠵᠤ
ᠬᠣᠷᠲᠤ ᠲᠠᠢ ᠲᠦᠮᠡᠨ ᠬᠦᠯᠥᠭ ᠨᠤᠳᠤᠭᠤᠨ ᠵᠠᠢ ᠲᠠᠯᠠᠵᠤ
ᠢᠷᠦᠭᠡᠯ ᠡᠷᠭᠦᠭᠰᠡᠨ ᠰᠠᠷᠵᠢᠮᠢᠶᠠᠷ ᠬᠠᠳᠠᠭ ᠲᠠᠢ ᠬᠡᠢᠴᠢᠨ ᠪᠠᠭᠤᠵᠤ
ᠢᠳᠡᠭᠡᠯ ᠡᠪᠦᠷᠯᠡᠭᠰᠡᠨ ᠴᠢᠷᠠᠢ ᠳᠡᠭᠡᠷᠡ ᠨᠠᠮᠤᠷᠦᠨ ᠦᠶᠦᠭ ᠲᠣᠲᠤᠷᠠᠭᠰᠠᠨ
ᠪᠠᠭᠤᠵᠤ ᠮᠣᠷᠳᠠᠬᠤᠳᠤ ᠬᠠᠯᠠᠭᠤᠨ ᠦᠨᠣᠰᠤᠯᠲᠠ ᠲᠠᠢ ᠮᠢᠨᠤ ᠨᠤᠳᠤᠭ
ᠪᠤᠭᠤᠯᠠᠭᠠ ᠵᠢᠳᠭᠦᠵᠦ ᠬᠦᠴᠤᠪᠠᠨ ᠥᠭᠬᠦ ᠲᠠᠷᠬᠠᠨ ᠣᠷᠣᠨ
ᠪᠤᠭᠤᠷᠤᠯ ᠲᠠᠤᠬᠡᠶᠢ ᠨᠢ ᠥᠪᠯᠡᠨ ᠰᠣᠶᠣᠬᠤ ᠬᠡᠬᠡᠨ ᠶᠢᠷᠳᠢᠨᠴᠦ
ᠪᠣᠳᠣᠯᠢ ᠠᠷᠭᠠᠮᠵᠢᠵᠤ ᠬᠦᠰᠡᠯ ᠲᠡᠷᠭᠡᠯᠰᠢᠬᠦ ᠬᠠᠢᠷᠠᠶᠢᠨ ᠳᠡᠯᠡᠬᠡᠢ