ᠡᠷᠲᠡᠨ ᠤ᠋ ᠴᠠᠭ ᠬᠤᠭᠤᠴᠠᠭᠠ ᠨᠠᠮᠠᠢ᠍ᠢ ᠲᠠᠭᠤᠲᠠᠵᠤ
ᠤᠶᠠᠬᠠᠨ ᠨᠢᠬᠡᠨ ᠮᠡᠲᠡᠷᠡᠮᠵᠢ ᠪᠡᠷ ᠲᠠᠭᠠᠯᠠᠲᠠᠭ
ᠤᠯᠠᠷᠢᠨ ᠤᠲᠤᠭᠰᠠᠨ ᠤᠯᠠᠨ ᠵᠠᠭᠤᠨ ᠤ᠋ ᠪᠠᠶᠠᠷ ᠭᠤᠨᠢᠭ᠋
ᠤᠴᠠᠷᠠᠯᠲᠦ ᠮᠦᠷᠦᠬᠡᠲᠦᠯ ᠢ᠋ ᠮᠢᠨᠢ ᠵᠦᠬᠡᠯᠡᠨ ᠰᠢᠪᠰᠢᠲᠡᠭ
ᠦᠯᠢᠬᠡᠷ ᠰᠢᠭ ᠨᠠᠮ ᠰᠡᠯᠡᠬᠦᠤ ᠠᠭᠠᠳ ᠬᠦᠨ ᠠᠯᠤᠰ ᠲᠡᠬᠢ
ᠲᠤᠯᠤᠲᠤᠭᠠᠷ ᠰᠠᠷᠠ ᠳ᠋ᠤ᠌ ᠪᠢ ᠠᠯᠬᠤᠨᠠ
ᠬᠠᠩᠬᠢᠷ ᠵᠢᠩᠬᠢᠷ ᠱᠤᠤᠬᠢᠵᠤ ᠠᠢᠰᠤᠢ
ᠶᠢᠷᠲᠢᠨᠴᠤ ᠵᠢᠨ ᠪᠦᠷᠦᠭᠬᠡᠨ ᠦᠷ ᠢ᠋ᠶ᠋ᠠᠷ
ᠬᠠᠶᠠ ᠦᠭᠡᠢ ᠦᠵᠡᠰᠬᠦᠯᠡᠩᠲᠦ ᠪᠦᠰᠡᠬᠦᠢᠶᠢ ᠬᠠᠷᠠᠲᠠᠭ
ᠬᠠᠢᠯᠭᠠᠨ ᠲᠦᠯᠬᠡᠬᠡᠨ ᠶᠡᠬᠡ ᠨᠠᠭᠤᠷ ᠤ᠋ᠨ ᠰᠢᠪᠠᠭᠤᠳ ᠰᠢᠭ᠋
ᠬᠠᠮᠢᠭᠠ ᠴᠤ᠌ ᠪᠤᠤ ᠯᠠ ᠲᠦᠬᠡᠷᠢᠵᠤ
ᠬᠠᠲᠤᠨ ᠪᠡᠶᠡ ᠳ᠋ᠡᠬᠡᠨ ᠰᠢᠷᠬᠠ ᠠᠪᠤᠭᠠᠰᠠᠢ ᠬᠡᠵᠤ ᠵᠠᠯᠪᠠᠷᠢᠲᠠᠭ
ᠡᠵᠢ ᠵᠢᠨ ᠮᠢᠨᠢ ᠴᠠᠭ ᠬᠤᠭᠤᠴᠠᠭᠠ ᠨᠠᠮᠠᠢ᠍ᠢ ᠲᠠᠭᠤᠲᠠᠵᠤ
ᠤᠩᠭᠤᠨ ᠲᠠᠯᠠ ᠵᠢᠨ ᠠᠲᠤᠭᠤ ᠰᠢᠭ᠋ ᠲᠠᠪᠬᠢᠵᠤ ᠪᠠᠢᠨᠠ ᠤᠤ ᠬᠡᠵᠤ
ᠠᠩᠬᠢᠷ ᠴᠠᠭᠠᠨ ᠰᠠᠷᠠᠨ ᠤ᠋ ᠲᠤᠤᠷᠠ ᠡᠷᠬᠢᠲᠡᠭ
ᠡᠯᠦᠢ ᠬᠤᠯᠤᠢ ᠡᠰᠡᠬᠦᠯᠡ
ᠡᠯᠢᠬᠡᠨ ᠲᠤᠰᠢᠶᠡ ᠨᠡᠪᠲᠡ ᠤᠷᠢᠶᠠᠯᠲᠤᠭᠰᠠᠨ
ᠦᠷᠦᠮᠡᠨ ᠰᠢᠷᠭᠠᠯ ᠮᠠᠨᠠᠨ ᠳ᠋ᠤ᠌ ᠬᠠᠭᠤᠷᠲᠠᠭᠲᠠᠵᠤ
ᠲᠤᠯᠤᠲᠤᠭᠠᠷ ᠰᠠᠷᠠ ᠳ᠋ᠤ᠌ ᠪᠢ ᠠᠯᠬᠤᠨᠠ
ᠲᠤᠷᠠᠯᠠᠭᠰᠠᠨ ᠪᠦᠬᠦᠨ ᠮᠢᠨᠢ ᠵᠢᠷᠭᠠᠯ ᠪᠢᠰᠢ
ᠡᠪᠡᠲᠦᠭᠰᠡᠨ ᠪᠦᠬᠦᠨ ᠮᠢᠨᠢ ᠬᠠᠢᠷᠠ ᠪᠢᠰᠢ ᠪᠠᠢᠭᠰᠠᠨ ᠴᠦ᠍
ᠬᠠᠷᠠᠴᠠᠨ ᠲᠤᠮᠲᠠᠭᠤᠷ ᠤᠮᠪᠠᠵᠤ ᠦᠩᠬᠡᠷᠡᠭᠰᠡᠨ
ᠬᠠᠷᠠᠨᠢᠲᠤᠨ ᠪᠦᠰᠡᠬᠦᠢ ᠶ᠋ᠢ ᠪᠢ ᠬᠠᠷᠠᠵᠤ ᠵᠤᠭᠰᠤᠬᠤ ᠲᠤᠷᠠᠲᠠᠢ
ᠬᠠᠶᠠᠭᠠ ᠦᠭᠡᠢ ᠬᠤᠯᠠ ᠤᠷᠤᠭᠤ ᠬᠢᠯᠠᠰᠴᠤ ᠤᠳᠬᠤ ᠳ᠋ᠠᠭᠠᠨ ᠲᠡᠷᠡ
ᠬᠠᠨᠢ ᠵᠢᠨ ᠲᠤᠬᠠᠢ ᠰᠢᠯᠦᠭ ᠢ᠋ ᠨᠠᠮᠠ ᠳ᠋ᠤ᠌
ᠰᠡᠪ ᠰᠡᠮᠬᠡᠨ ᠮᠡᠲᠡᠷᠡᠬᠦᠯᠦᠭᠰᠡᠨ ᠠᠴᠢᠲᠠᠨ ᠶᠤᠮ ᠰᠢᠤ ᠳᠠ
ᠬᠡᠷᠬᠡᠢ ᠵᠢᠨ ᠮᠢᠨᠢ ᠴᠠᠭ ᠬᠤᠭᠤᠴᠠᠭᠠ ᠨᠠᠮᠠᠢ᠍ᠢ ᠲᠠᠭᠤᠲᠠᠵᠤ
ᠬᠡᠨᠡᠬᠡᠨ ᠲᠤᠷᠠᠯᠠᠯ᠂ ᠠᠵᠠ ᠦᠭᠡᠢ ᠤᠴᠠᠷᠠᠯ ᠤ᠋ᠨ ᠲᠤᠬᠠᠢ
ᠬᠡᠷ ᠲᠡᠭᠡᠨ ᠬᠠᠷᠢᠲᠠᠭ ᠦᠭᠡᠢ ᠪᠠᠢᠭᠰᠠᠨ ᠤᠯᠠᠨ ᠰᠦᠨᠢ ᠵᠢᠨ ᠲᠤᠬᠠᠢ
ᠬᠡᠬᠡᠷᠡ ᠵᠢᠨ ᠪᠤᠷᠤ ᠰᠢᠪᠠᠭᠤᠬᠠᠢ ᠰᠢᠭ᠋ ᠦᠴᠢᠵᠤ
ᠬᠡᠷᠡᠯᠲᠦ ᠲᠡᠭᠷᠢ ᠵᠢᠨ ᠲᠤᠤᠷᠠ ᠨᠠᠮᠠᠢ᠍ᠢ ᠰᠢᠷᠲᠡᠬᠦ ᠦᠶᠡᠰ
ᠲᠤᠯᠤᠲᠤᠭᠠᠷ ᠰᠠᠷᠠ ᠳ᠋ᠤ᠌ ᠪᠢ ᠠᠯᠬᠤᠨᠠ
ᠲᠤᠷᠠᠯᠠᠭᠰᠠᠨ ᠲᠡᠷᠡ ᠪᠦᠬᠦᠨ ᠦᠵᠡᠭᠲᠡᠯ ᠪᠢᠰᠢ
ᠬᠠᠢᠷᠠᠯᠠᠭᠰᠠᠨ ᠪᠦᠬᠦᠨ ᠮᠢᠨᠢ ᠰᠡᠬᠦᠲᠡᠷ ᠪᠢᠰᠢ ᠬᠡᠵᠤ ᠰᠠᠨᠠᠬᠤ ᠳ᠋ᠠᠭᠠᠨ
ᠦᠵᠡᠰᠬᠦᠯᠡᠩᠲᠦ ᠪᠦᠰᠡᠬᠦᠢ ᠵᠢᠨ ᠲᠤᠬᠠᠢ
ᠦᠨᠢ ᠮᠦᠩᠬᠡ ᠵᠢᠨ ᠷᠤᠮᠠᠠᠲ᠋ᠢᠭ᠋ ᠲᠤᠷᠠᠰᠤᠮᠵᠢ ᠪᠦᠬᠦᠨ ᠢ᠋
ᠦᠷ ᠰᠦᠨᠢ ᠵᠢᠨ ᠬᠡᠬᠡᠷᠡ ᠲᠠᠯᠠ ᠳ᠋ᠤ᠌
ᠤᠯᠠᠨ ᠵᠠᠭᠤᠨ ᠲᠡᠬᠢᠨ ᠪᠢᠴᠢᠵᠤ ᠦᠯᠡᠲᠡᠭᠡᠭᠡᠳ
ᠦᠪᠡᠷ ᠢ᠋ᠶ᠋ᠠᠨ ᠪᠢ ᠨᠠᠷᠠᠨ ᠤ᠋ ᠮᠢᠩᠭᠠᠨ ᠲᠤᠯᠤᠩ ᠳ᠋ᠤ᠌ ᠰᠢᠩᠬᠡᠴᠢᠬᠡᠬᠦ ᠶᠤᠮ ᠰᠢᠤ