ᠡᠶᠡᠷᠪᠡᠭᠦᠦ ᠰᠠᠯᠬᠢᠨ᠎ᠦ ᠤᠶᠠᠬᠠᠨ‌ᠠᠶ᠋ᠢᠵᠢᠮ᠎ᠢ ᠲᠠᠭᠠᠨ‌ ᠬᠥᠳᠡᠯᠵᠦ 

ᠡᠭᠡᠷᠡᠮ᠎ᠡ ᠴᠥᠯ᠂ ᠠᠭᠤᠳᠠᠮ ᠬᠡᠭᠡᠷ᠎ᠡ᠎ᠶᠢ ᠲᠤᠭᠤᠯᠤᠨ ᠲᠤᠭᠤᠯᠤᠯ᠎ᠠ᠃ 

ᠬᠦᠷᠤᠰᠤᠨ᠎ᠤ ᠭᠦᠨ᠎ᠡᠴᠡ ᠬᠦᠰᠡᠯ ᠰᠣᠶᠣᠭᠠᠯᠠᠬᠤ ᠠᠮᠢᠯᠠᠯ ᠬᠠᠶ᠋ᠢᠵᠤ 

ᠬᠥᠪᠥᠷᠡᠬᠦ᠌ ᠨᠠᠬᠢᠶ᠎ᠠ ᠨᠢᠯᠬ᠎ᠠ ᠰᠣᠶᠣᠭ᠎ᠠ᠎ᠶᠢ ᠨᠢᠳᠤ ᠠᠷᠴᠢᠨ ᠬᠦᠯᠢᠶᠡᠯ᠎ᠡ᠃ 

ᠲᠡᠨᠢᠭᠡᠷ ᠲᠠᠯ᠎ᠠ᠂ ᠰᠢᠨ᠎ᠡ ᠬᠠᠪᠤᠷ᠎ᠤᠨ ᠲᠤᠯᠭᠠᠨ ᠪᠠᠭᠤᠴᠠ ᠮᠢᠨᠢ ᠡ 

ᠲᠡᠭᠷᠢ ᠎ᠶᠢᠨ ᠳᠣᠣᠭᠤᠷ ᠨᠡᠭᠦᠳᠡᠯ᠎ᠦᠨ‌ᠰᠢᠪᠠᠭᠤᠳ ᠰᠦᠷᠤᠭ᠌ᠯᠡᠨ ᠨᠢᠰᠤᠨ᠎ᠠ 

ᠨᠠᠭᠤᠷ ᠭᠣᠣᠯ ᠳ᠋ᠤ ᠮᠢᠨᠢ ᠨᠤᠭᠤᠰᠤ ᠭᠠᠯᠠᠭᠤᠳ ᠳᠠᠭᠤ᠎ᠪᠠᠨ ᠡᠷᠭᠦᠨ ᠪᠠᠭᠤᠨ᠎ᠠ 

ᠨᠠᠷᠢᠨ ᠨᠠᠶ᠋ᠢᠯᠵᠠᠭᠤᠷ ᠤᠳᠠ ᠪᠤᠷᠭᠠᠰᠤ ᠰᠠᠯᠬᠢᠨ᠎ᠤ ᠠᠶ᠎ᠠ᠎ᠪᠠᠷ ᠨᠠᠶ᠋ᠢᠭᠤᠨ ᠪᠥᠵᠢᠨ᠎ᠡ 

ᠨᠠᠷᠠᠨ᠎ᠤ ᠲᠤᠤᠷ᠎ᠠ ᠴᠡᠴᠡᠭ᠎ᠦᠨ ᠬᠡᠯᠳᠡᠰ ᠲᠡᠯᠭᠡᠷᠡᠬᠦ᠌ ᠵᠡᠭᠦᠳᠤ᠎ᠪᠡᠨ ᠮᠠᠨᠠᠨ᠎ᠠ ᠡ᠃ 

ᠡᠯᠢᠭᠡ ᠵᠢᠷᠤᠬᠡᠨ᠎ᠳᠤ ᠬᠣᠨᠣᠭᠰᠢᠭᠰᠠᠨ ᠤᠷᠳᠤ᠎ᠶᠢᠨ ᠤᠷᠳᠤ ᠲᠤᠤᠯᠢ 

ᠡᠷᠭᠢᠨ ᠰᠠᠨᠠᠬᠤ᠎ᠶᠢᠨ ᠰᠠᠶ᠋ᠢᠬᠠᠨ ᠲᠤᠷᠠᠳᠬᠠᠯ ᠬᠠᠶ᠋ᠢᠯᠠᠨ᠎ᠠ᠃ 

ᠠᠪᠤᠭᠠᠳ ᠶᠠᠷᠢᠬᠤ᠎ᠳᠤ ᠴᠥᠭᠡᠨ ᠬᠡᠳᠤᠬᠡᠨ ᠦᠯᠢᠭᠡᠷ ᠠᠳᠠᠯ᠎ᠠ 

ᠠᠮᠠᠨ᠎ᠤ ᠠᠶᠠᠯᠭᠤ ᠪᠣᠯᠣᠭᠰᠠᠨ ᠤᠶᠠᠩᠭ᠎ᠠ᠎ᠶᠢᠨ ᠬᠠᠭᠠᠨ ᠪᠠᠳᠠᠭ ᠪᠠᠶ᠋ᠢᠯ᠎ᠠ᠃ 

ᠠᠮᠢᠳᠤᠷᠠᠯ᠎ᠠᠴᠠ ᠰᠢᠷᠭᠠᠭᠠᠭᠰᠠᠨ ᠵᠠᠷᠢᠮ ᠨᠢᠭᠡ ᠦᠨ᠎ᠡ ᠲᠠᠢ ᠭᠠᠩᠰᠠᠷᠠᠯ 

ᠠᠮᠠ᠎ᠪᠠᠨ ᠪᠠᠷᠢᠨ ᠲᠠᠭ ᠲᠤᠭᠤᠢ ᠰᠠᠭᠤᠬᠤ ᠬᠠᠳᠠᠭᠤ ᠨᠢᠭᠡᠨ ᠲᠠᠪᠴᠢᠶᠠᠷᠢ᠃ 

ᠠᠶᠤᠤᠯᠢᠬᠠᠢ᠎ᠳᠤ᠎ᠪᠠᠨ ᠮᠠᠨᠠᠭᠰᠠᠨ ᠮᠦᠷᠤᠭᠡᠳᠤᠯ᠎ᠢᠶᠠᠨ ᠡᠵᠡᠨ ᠨᠢ ᠮᠡᠳᠡᠨ᠎ᠡ ᠡ 

ᠠᠯᠢ ᠨᠢᠭᠡ ᠬᠦᠮᠤᠨ᠎ᠳᠤ ᠲᠠᠶ᠋ᠢᠯᠤᠭᠳᠠᠰᠢ ᠦᠭᠡᠢ ᠣᠨᠢᠰᠤᠭ᠎ᠠ ᠪᠠᠶ᠋ᠢᠵᠤ ᠯᠡ ᠲᠠᠭᠠᠷᠠᠭ᠎ᠠ᠃

ᠤᠷᠢᠬᠠᠨ ᠬᠠᠪᠤᠷ᠎ᠤᠨ ᠡᠭᠦᠯᠡᠨ ᠬᠥᠯᠥᠭ᠎ᠲᠦ᠎ᠪᠠᠨ ᠠᠯᠠᠪᠬᠢᠨ ᠮᠣᠷᠳᠠᠭᠠᠳ 

ᠠᠭᠤᠵᠢᠮ ᠬᠣᠯᠠ᠎ᠶᠢᠨ ᠴᠢᠨᠦ᠍ ᠨᠤᠳᠤᠭ ᠵᠦᠭ ᠵᠢᠯᠣᠭᠣ ᠪᠠᠨ ᠰᠤᠩᠭᠠᠶ᠎ᠠ 

ᠤᠷᠠᠨ ᠪᠠᠶ᠋ᠢᠭᠠᠯᠢ᠎ᠶᠢᠨ ᠠᠮᠢᠳᠤ ᠵᠢᠷᠤᠭ᠎ᠢᠶᠠᠷ ᠬᠠᠷᠠᠭ᠎ᠠ᠎ᠪᠠᠨ ᠮᠢᠯᠢᠶᠠᠶ᠎ᠠ 

ᠴᠡᠯᠮᠡᠭ ᠠᠭᠠᠷ᠂ ᠰᠢᠪᠠᠭᠤᠨ ᠵᠢᠷᠭᠢᠭᠡ᠂ ᠭᠠᠩᠭᠠᠩ ᠴᠡᠴᠡᠭ ᠲᠤ᠌ ᠰᠤᠭᠳᠤᠭᠤᠷᠠᠵᠤ 

ᠴᠡᠩᠭᠡᠭᠦᠨ ᠡᠬᠡᠰᠢᠭᠯᠡᠩᠳᠦ ᠬᠠᠪᠤᠷ᠎ᠤᠨ ᠲᠠᠯ᠎ᠠ᠎ᠳᠦ ᠨᠠᠶ᠋ᠢᠷᠠᠭ᠎ᠤᠨ ᠤᠩᠭᠤᠳ᠎ᠢᠶᠠᠨ ᠬᠤᠷᠤᠶ᠋ᠢᠯᠠᠶ᠎ᠠ 

ᠠᠷᠢᠭᠤᠨ ᠴᠡᠪᠡᠷ ᠤᠯᠠᠷᠢᠯ᠎ᠤᠨ ᠰᠠᠯᠬᠢᠨ᠎ᠳᠤ ᠬᠤᠷ᠎ᠠ ᠪᠣᠷᠣᠭᠠᠨ ᠰᠡᠩᠰᠡᠷᠡᠵᠤ 

ᠠᠭᠤᠯᠵᠠᠬᠤ᠎ᠶᠢᠨ ᠬᠦᠰᠡᠯ᠂ ᠮᠦᠷᠤᠭᠡᠳᠤᠯ᠎ᠤᠨ ᠪᠡᠶᠡᠯᠡᠯ ᠴᠢᠨᠢ ᠳᠡᠯᠭᠡᠷᠡᠨ ᠳᠡᠯᠭᠡᠷᠡᠵᠦ᠍ 

ᠠᠭᠤᠯᠠ ᠲᠠᠯ᠎ᠠ᠎ᠪᠠᠷ ᠦᠩᠭᠡ᠎ᠶᠢᠨ ᠴᠡᠴᠡᠬᠡᠰ ᠨᠠᠶ᠋ᠢᠭᠤᠨ ᠭᠠᠩᠬᠤᠨ ᠮᠢᠰᠢᠶᠡᠯᠴᠡᠵᠦ᠍ 

ᠤᠯᠭᠠᠠᠨ ᠵᠢᠷᠤᠬᠡᠨ ᠳ᠋ᠤ ᠴᠢᠨᠢ ᠪᠦᠯᠢᠶᠡᠨ ᠤᠷᠤᠰᠬᠠᠯ ᠡᠬᠡᠰᠢᠭᠯᠡᠨ ᠬᠠᠯᠭᠢᠬᠤ ᠪᠠᠶ᠋ᠢᠬ᠎ᠠ ᠳ᠋ᠠ᠃