（ᠮᠦᠴᠡᠯᠭᠡ ᠰᠢᠯᠦᠭ）
ᠬᠦᠯᠢᠶᠡᠰᠦ ᠪᠦᠬᠦᠨ ᠠᠯᠳᠠᠷᠠᠨᠠ
ᠬᠦᠮᠦᠨᠤ᠂ ᠡᠰᠡᠭᠦᠯᠡ ᠦᠪᠡᠷᠤᠨ ᠪᠠᠷᠢᠭ᠍ᠰᠠᠨ
ᠬᠡᠷᠡᠮ ᠪᠤᠯᠭᠠᠨᠢᠶᠠᠨ ᠨᠤᠷᠠᠭᠠᠵᠤ
ᠬᠡᠭᠡᠷᠡᠶ᠋ᠢᠨ ᠰᠠᠯᠬᠢ ᠱᠢᠭ᠋
ᠡᠷᠬᠡ ᠴᠢᠯᠦᠭᠡᠳᠤ ᠤᠯᠵᠠᠯᠠᠭ᠍ᠳᠠᠨᠠ
ᠣᠰᠣ ᠬᠦᠷᠲᠡᠯᠡ ᠠᠩᠭᠠᠬᠤᠶ᠋ᠢ ᠮᠡᠳᠡᠨᠡ
ᠠᠮᠲᠠᠲᠤ ᠬᠤᠭᠤᠯᠠ ᠬᠦᠷᠲᠡᠯᠡ ᠦᠯᠦᠰᠭᠦᠶ᠋ᠢ ᠮᠡᠳᠡᠨᠡ
ᠠᠭᠠᠷ ᠬᠦᠷᠲᠡᠯᠡ ᠪᠦᠭ᠌ᠴᠢᠮᠳᠡᠬᠦ᠌ᠶ᠋ᠢ ᠮᠡᠳᠡᠨᠡ
ᠮᠡᠳᠡᠨᠡ᠂ ᠮᠡᠳᠡᠨᠡ᠂ ᠮᠡᠳᠡᠨᠡ
ᠪᠡᠶᠡᠪᠠᠨ ᠮᠡᠳᠡᠬᠦ᠌ᠠᠴᠠ ᠡᠬᠢᠯᠡᠵᠦ᠍
ᠠᠮᠢ ᠨᠠᠰᠤᠪᠠᠨ ᠴᠢᠯᠦᠭᠡᠯᠡᠨᠡ
ᠡᠮᠦᠰᠦᠭ᠌ᠰᠡᠨ ᠬᠤᠪᠴᠠᠰᠤ ᠡᠳᠦᠷᠤᠨ ᠤᠳᠠᠭᠠᠨᠳᠤ
ᠮᠢᠨᠤ ᠳᠣᠯᠠᠭᠠᠨᠢ ᠵᠢᠭᠡᠯᠡᠵᠦ᠍ ᠦᠩᠭᠡᠨᠢ ᠱᠢᠨᠡᠳᠦᠨᠡ
ᠠᠯᠬᠤᠭ᠍ᠰᠠᠨ ᠵᠦᠷᠢᠭ ᠬᠤᠨᠤᠭᠤᠨ ᠵᠤᠵᠠᠭᠠᠨᠳᠤ
ᠮᠢᠨᠤ ᠮᠦᠷᠢ ᠵᠢᠭᠡᠯᠡᠵᠦ᠍ ᠴᠢᠭ᠌ᠯᠡᠯᠨᠢ ᠳᠣᠳᠣᠷᠠᠨᠠ
ᠤᠤᠭᠤᠭ᠍ᠰᠠᠨ ᠰᠠᠷᠬᠤᠳ ᠠᠮᠢᠳᠣᠷᠠᠯᠤᠨ ᠪᠤᠳᠤᠯᠢᠶᠠᠨᠳᠤ
ᠮᠢᠨᠤ ᠰᠡᠳᠭᠢᠯᠢ ᠵᠢᠭᠡᠯᠡᠵᠦ᠍ ᠬᠠᠢᠷᠠᠪᠠᠷ ᠰᠤᠭ᠍ᠲᠤᠨᠠ
ᠲᠠᠢᠪᠤᠩ ᠪᠤᠯᠬᠤᠷ ᠲᠡᠩᠴᠡᠭᠦᠷᠢᠲᠡᠢ
ᠲᠤᠬᠢᠷᠠᠮᠵᠢᠲᠠᠢ ᠪᠤᠯᠬᠤᠷ ᠲᠠᠭᠠᠯᠠᠮᠵᠢᠲᠠᠢ
ᠲᠦᠮᠡᠨ ᠦᠭᠡᠳᠡᠰᠦᠶ᠋ᠢ ᠠᠷᠭᠠᠳᠠᠵᠤ
ᠲᠡᠷᠯᠢᠭ ᠣᠶᠣᠵᠣ ᠴᠢᠳᠠᠭ᠍ᠰᠠᠨ ᠪᠤᠯᠬᠤᠷ
ᠲᠡᠭ᠌ᠷᠢᠶ᠋ᠢᠨ ᠰᠠᠨᠠᠭᠠ ᠱᠢᠭ᠋ ᠪᠦᠲᠦᠮᠵᠢᠲᠡᠢ
ᠮᠡᠷᠭᠡᠨ ᠴᠤᠬᠤᠷ
ᠮᠡᠷᠭᠡᠨ ᠴᠣᠬᠤᠷ ᠪᠠᠢᠬᠤ ᠪᠤᠯᠬᠤᠷ
ᠮᠠᠭᠠᠳ ᠮᠤᠩᠬᠠᠭ ᠴᠤᠬᠤᠷ ᠴᠦ᠍ ᠪᠤᠢ
ᠮᠡᠷᠭᠡᠨᠢᠨᠢ ᠮᠡᠳᠡᠭᠡᠳ
ᠮᠠᠨᠠᠢᠬᠢᠳ
ᠮᠤᠩᠬᠠᠭᠢᠨᠢ ᠮᠠᠷᠲᠠᠵᠠᠢ
ᠮᠠᠨᠤ ᠶᠢᠷᠲᠢᠨᠴᠦ᠍
ᠲᠡᠷᠡ ᠦᠶᠡᠠᠴᠠ ᠡᠬᠢᠯᠡᠵᠦ᠍
ᠴᠣᠬᠤᠮ ᠴᠣᠬᠤᠷ ᠪᠤᠯᠵᠠᠢ
ᠨᠢᠭᠤᠴᠠ
ᠠᠯᠲᠠᠶ᠋ᠢ ᠠᠪᠳᠠᠷᠠᠳᠤ ᠨᠢᠭᠤᠨᠠ
ᠠᠪᠳᠠᠷᠠ ᠠᠷᠭᠠ ᠦᠭᠡᠢ
ᠦᠪᠡᠷᠢᠪᠠᠨ ᠨᠢᠭᠤᠨᠠ
ᠨᠢᠭᠤᠬᠤ ᠦᠭᠡᠢ ᠪᠤᠯ
ᠨᠢᠷᠤᠭᠤᠨᠢ
ᠨᠢᠭᠦᠯᠤᠨ ᠰᠣᠮᠣᠨᠳᠤ
ᠣᠨᠣᠭ᠍ᠳᠠᠵᠤ ᠮᠡᠳᠡᠨᠡ
ᠨᠢᠭᠤᠭ᠍ᠰᠠᠨ ᠴᠦ᠍
ᠨᠠᠷᠠᠨᠤ ᠭᠡᠷᠡᠯᠢᠶᠠᠷ ᠳᠣᠲᠠᠵᠤ
ᠪᠦᠭ᠌ᠴᠢᠮᠳᠡᠵᠦ᠍ ᠮᠡᠳᠡᠨᠡ
ᠠᠯᠲᠠ ᠪᠤᠯᠬᠤ ᠦᠨᠡᠨ ᠬᠡᠴᠡᠭᠦᠦ
ᠠᠪᠳᠠᠷᠠ ᠪᠤᠯᠬᠤ ᠨᠡᠩ ᠴᠦ᠍ ᠬᠡᠴᠡᠭᠦᠦ
ᠦᠷᠢᠰᠦᠯᠳᠦᠭᠡᠨ
ᠳᠡᠢᠯᠬᠦ᠌ ᠭᠡᠵᠦ᠍ ᠦᠷᠢᠰᠦᠯᠳᠦᠵᠡᠢ
ᠳᠡᠢᠯᠬᠦ᠂ ᠳᠡᠢᠯᠬᠦ᠌ ᠦᠭᠡᠢ ᠬᠠᠮᠢᠶᠠ ᠦᠭᠡᠢ ᠭᠡᠵᠦ᠍
ᠬᠠᠭᠤᠷᠮᠠᠭ ᠬᠡᠯᠡᠵᠡᠢ
ᠲᠡᠢᠯᠦᠭ᠌ᠰᠡᠨ ᠴᠦ᠍
ᠡᠰᠡ ᠲᠡᠢᠯᠦᠭ᠌ᠰᠡᠨ ᠴᠦ᠍
ᠭᠠᠷ ᠠᠳᠭᠤᠯᠴᠠᠵᠠᠢ
ᠳᠠᠷᠠᠭᠠ ᠣᠳᠠᠭᠠ ᠭᠡᠵᠦ᠍
ᠵᠦᠪ ᠬᠠᠷᠠᠵᠤ ᠢᠨᠢᠶᠡᠭᠡᠳ
ᠪᠤᠷᠤᠭᠤ ᠬᠠᠷᠠᠵᠤ ᠤᠬᠢᠯᠠᠵᠠᠢ
ᠲᠠᠨᠢᠬᠤ ᠦᠭᠡᠢ
ᠱᠢᠳᠦ ᠡᠪᠡᠳᠬᠦ᠌ ᠦᠭᠡᠢ ᠪᠤᠯ
ᠱᠢᠳᠦ᠍ᠪᠠᠨ
ᠪᠢ ᠲᠠᠨᠢᠬᠤ ᠦᠭᠡᠢ
ᠱᠢᠳᠦ ᠡᠪᠡᠳᠦᠭ᠌ᠰᠡᠨᠤ ᠰᠡᠭᠦᠯᠡᠷ
ᠪᠢ ᠬᠡᠨᠢ ᠴᠦ᠍ ᠲᠠᠨᠢᠬᠤ ᠦᠭᠡᠢ