ᠡᠪᠦᠭᠡᠨ ᠱᠠᠩᠰᠢᠶ᠋ᠢᠨ ᠬᠠᠭᠤᠷᠠᠢ ᠰᠠᠯᠠᠭᠠ ᠵᠢᠷᠦᠬᠡᠶ᠋ᠢ ᠱᠢᠪᠡᠵᠦ᠍ ᠬᠤᠭᠤᠷᠠᠨᠠ
ᠦᠵᠦᠭᠦᠷ ᠨᠠᠮᠠᠭᠠᠨᠤ ᠬᠢᠨᠢ ᠱᠢᠨᠡᠬᠡᠨ ᠨᠠᠬᠢᠶᠠ ᠱᠢᠷᠬᠠᠶ᠋ᠢ ᠳᠠᠭᠠᠵᠤ ᠤᠷᠭᠤᠨᠠ
ᠥᠩᠭᠡᠷᠡᠭ᠌ᠰᠡᠨ ᠵᠠᠭᠤᠨ ᠰᠡᠭᠦᠳᠡᠷ ᠳᠣᠣᠷᠠ ᠨᠢ ᠨᠠᠮ ᠵᠢᠮᠬᠡᠨ ᠨᠣᠢᠷᠰᠤᠨᠠ
ᠦᠶᠡ ᠭᠡᠱᠢᠭᠦᠦ᠍ᠳᠦᠨᠢ ᠬᠥᠭᠡᠷᠦᠬᠦᠨ ᠱᠢᠪᠠᠭᠤᠳ ᠦᠯᠢᠭᠡᠷ ᠴᠢᠩᠨᠠᠵᠤ ᠵᠢᠷᠭᠢᠨᠡ
ᠬᠠᠶᠠ ᠨᠢᠭᠡ ᠨᠢ ᠡᠭᠦᠷᠢᠶᠡᠨ ᠵᠠᠰᠠᠵᠤ ᠠᠮᠢᠳᠤᠷᠠᠯ ᠬᠥᠭ᠌ᠵᠢᠮᠳᠡᠵᠦ᠍ ᠡᠬᠢᠯᠡᠭᠦᠯᠦᠨᠡ
ᠬᠠᠨᠠᠶ᠋ᠢᠨ ᠨᠢᠳᠦ ᠱᠢᠭ ᠨᠠᠪᠴᠢᠨ ᠳᠤᠮᠳᠠᠭᠤᠷ ᠨᠢ ᠬᠠᠢᠷᠠ ᠰᠦᠯᠵᠢᠵᠦ᠍ ᠡᠷᠬᠡᠯᠡᠨᠡ
ᠬᠠᠪᠤᠷᠤᠨ ᠨᠠᠷᠠ ᠡᠭᠦᠯᠡᠨ ᠴᠢᠯᠦᠭᠡᠨᠳᠦ ᠮᠦᠴᠢᠷ ᠳᠠᠮᠵᠢᠨ ᠠᠰᠭᠠᠷᠠᠨᠠ
ᠬᠠᠮᠢᠭᠠ ᠨᠢᠭᠡᠨᠳᠡᠬᠡᠡᠴᠡ ᠪᠣᠷᠤᠭᠠᠨ ᠲᠣᠰᠴᠤ᠌ ᠦᠨᠳᠦᠰᠦ ᠤᠷᠤᠭᠤ ᠨᠢ ᠭᠦᠶᠦᠯᠳᠦᠨᠡ
ᠠᠮᠢ ᠨᠠᠰᠤᠨᠤ ᠬᠥᠭᠡᠷᠦᠬᠦᠨ ᠠᠶᠠᠰ ᠰᠠᠯᠬᠢ ᠬᠣᠷᠭᠤᠳᠠᠵᠤ ᠡᠬᠢᠯᠡᠨᠡ
ᠠᠢᠯᠤᠨ ᠬᠡᠥᠬᠡᠳ ᠵᠤᠭᠠ ᠱᠢᠪᠲᠤᠷᠠᠵᠤ ᠱᠢᠪᠠᠭᠤ ᠥᠷᠭᠦᠭᠡᠵᠦ᠍ ᠨᠠᠭᠠᠳᠤᠨᠠ
ᠠᠨᠢᠷ ᠬᠣᠯᠠᠶ᠋ᠢᠨ ᠵᠡᠷᠭᠡᠯᠭᠡᠨ ᠵᠦᠰᠦᠵᠦ᠍ ᠠᠳᠤᠭᠤᠨ ᠰᠦᠷᠦᠭ ᠨᠠᠭᠠᠱᠢᠯᠠᠨᠠ
ᠠᠢᠯᠤᠨ ᠠᠪᠤᠶ᠋ᠢᠨ ᠰᠥᠭᠡᠩᠬᠢ ᠳᠠᠭᠤ ᠨᠢᠯᠪᠤᠰᠤ ᠴᠡᠢᠯᠡᠭᠡᠨᠡᠭᠦᠯᠵᠦ᠍ ᠰᠣᠨᠤᠰᠳᠠᠨᠠ
ᠬᠠᠯᠠᠭᠤᠨ ᠨᠠᠷᠠᠨᠳᠤ ᠰᠡᠭᠦᠳᠡᠷ ᠳᠣᠣᠷᠠ ᠨᠢ ᠮᠠᠯᠤᠨ ᠬᠥᠮᠦᠰ ᠰᠡᠷᠢᠭᠦᠴᠡᠨᠡ
ᠬᠠᠯᠠ ᠵᠢᠷᠭᠠᠯ᠂ ᠪᠠᠶᠠᠷ ᠭᠤᠨᠢᠭᠤᠨ ᠢᠨᠢᠶᠡᠳᠦ ᠨᠢᠯᠪᠤᠰᠤᠨᠳᠠᠭᠠᠨ ᠬᠠᠬᠠᠨᠠ
ᠬᠠᠳᠠᠭ ᠲᠠᠲᠠᠵᠤ ᠣᠩᠭᠤᠨ ᠱᠢᠲᠦᠭᠡᠨᠳᠦᠨᠢ ᠰᠠᠢᠨᠤ ᠪᠡᠯᠭᠡᠳᠡᠯ ᠳᠠᠭᠠᠳᠭᠠᠨᠠ
ᠬᠠᠨ ᠬᠣᠷᠮᠤᠰᠲᠡ ᠲᠠᠢ ᠦᠭᠡ ᠨᠡᠪᠲᠡᠷᠡᠵᠦ᠍ ᠪᠣᠳᠤᠯ ᠠᠷᠢᠭᠣᠰᠴᠤ᠌ ᠲᠠᠢᠳᠭᠤᠷᠠᠨᠠ
ᠰᠠᠨᠠᠭᠠ ᠠᠯᠳᠠᠬᠤ ᠱᠢᠭ᠋ ᠬᠡᠳᠦᠨ ᠨᠠᠪᠴᠢᠰ ᠭᠠᠵᠠᠷ ᠤᠨᠠᠬᠤᠳᠤ ᠡᠮᠵᠡᠭ᠌ᠯᠡᠨᠡ
ᠰᠠᠯᠤᠭᠠᠳ ᠤᠳᠠᠭ᠍ᠰᠠᠨ ᠬᠥᠮᠦᠨᠦ ᠦᠷᠡ ᠮᠥᠷᠦᠭᠡᠳᠦᠯᠦᠨ ᠬᠣᠯᠠ ᠳᠤᠷᠠᠰᠤᠭ᠍ᠳᠠᠨᠠ
ᠰᠠᠢᠬᠠᠨ ᠪᠠᠢᠭᠠᠯᠢ ᠠᠮᠤᠷ ᠠᠮᠤᠭᠤᠯᠠᠩᠤᠨ ᠵᠡᠭᠦᠳᠦ ᠵᠦᠩᠢ ᠠᠪᠴᠢᠷᠠᠨᠠ
ᠰᠠᠯᠠᠭᠠ ᠨᠢ ᠬᠦᠷᠲᠡᠯᠡ ᠲᠡᠭ᠌ᠷᠢ ᠥᠭᠡᠳᠡ ᠵᠠᠯᠪᠠᠷᠢᠵᠤ ᠡᠵᠢᠶ᠋ᠢᠨ ᠳᠦᠷᠢ ᠲᠠᠢ ᠤᠷᠭᠤᠨᠠ
ᠨᠠᠷᠠ ᠰᠠᠯᠬᠢᠪᠠᠨ ᠨᠥᠮᠥᠷᠴᠦ᠍ ᠵᠣᠭ᠍ᠰᠤᠭ᠍ᠰᠠᠨ ᠨᠤᠲᠤᠭᠤᠨ ᠪᠤᠭᠤᠷᠤᠯ ᠬᠠᠢᠯᠠᠰᠤ
ᠨᠠᠮᠠᠭᠠᠨ ᠳᠡᠭᠡᠷᠡ ᠨᠢ ᠮᠢᠩᠭᠠᠨ ᠣᠨᠤ ᠭᠡᠷᠡᠯ ᠰᠡᠭᠦᠳᠡᠷᠦᠨ ᠥᠩᠭᠡ ᠲᠠᠢ
ᠨᠠᠷᠠᠲᠤᠬᠣᠷᠸᠠᠳᠤ ᠵᠣᠪᠠᠨ ᠵᠢᠷᠭᠠᠵᠤ ᠥᠭ᠌ᠰᠥᠨ ᠤᠷᠤᠭᠤᠳᠠᠵᠤ ᠶᠠᠪᠤᠭ᠍ᠰᠠᠨ
ᠨᠠᠰᠤᠨ ᠥᠨᠳᠦᠷ ᠡᠯᠦᠨᠴᠡ ᠬᠤᠯᠤᠨᠴᠠᠶ᠋ᠢ ᠬᠠᠷᠠᠵᠤ ᠮᠥᠩᠬᠡᠷᠡᠭ᠌ᠰᠡᠨ ᠨᠢᠳᠦ ᠲᠠᠢ
ᠥᠨᠳᠦᠰᠦ ᠤᠷᠤᠭᠤᠪᠠᠨ ᠦᠭᠡᠪᠡᠨ ᠱᠢᠪᠡᠨᠡᠵᠦ᠍ ᠲᠡᠭ᠌ᠷᠢᠶ᠋ᠢᠨ ᠰᠠᠨᠠᠭᠠᠶ᠋ᠢ ᠮᠡᠳᠡᠷᠡᠭᠦᠯᠦᠭ᠌ᠰᠡᠨ
ᠦᠵᠦᠭᠦᠷ ᠥᠭᠡᠳᠡᠪᠡᠨ ᠪᠣᠳᠤᠯᠢᠶᠠᠨ ᠡᠷᠭᠦᠵᠦ᠍ ᠭᠠᠵᠠᠷᠤᠨ ᠬᠦᠰᠡᠯᠢ ᠨᠡᠪᠲᠡᠷᠡᠭᠦᠯᠦᠭ᠌ᠰᠡᠨ
ᠦᠨᠡᠨ ᠭᠣᠣᠯᠠᠴᠠᠪᠠᠨ ᠤᠬᠠᠭᠠᠨ ᠰᠠᠭᠤᠳᠠᠭ ᠬᠥᠮᠦᠨᠦ ᠨᠢᠭᠡᠨ ᠨᠠᠰᠤᠨ ᠮᠡᠲᠦ
ᠥᠭᠡᠳᠡᠪᠡᠨ ᠤᠷᠭᠤᠳᠠᠭ ᠪᠤᠭᠤᠷᠤᠯ ᠬᠠᠢᠯᠠᠰᠤ ᠨᠤᠲᠤᠭᠤᠨᠢᠶᠠᠨ ᠡᠵᠡᠨᠦ ᠰᠦᠨᠡᠰᠦ ᠨᠢ ᠶᠤᠮ