ᠨᠠᠮᠤᠷ ᠤ᠋ᠨ ᠬᠤᠩᠭᠤᠷ ᠰᠠᠯᠬᠢ ᠤᠯᠠᠭᠠᠨᠴᠠᠪ ᠬᠤᠳᠠ ᠶ᠋ᠢᠨ ᠳᠥᠷᠪᠡᠳ ᠬᠣᠱᠢᠭᠤᠨ ᠤ᠋ ᠡᠬᠡ ᠭᠠᠵᠠᠷ ᠢ᠋ ᠢᠯᠪᠢᠬᠦ ᠳ᠋ᠤ᠂ ᠲᠠᠷᠢᠶᠠᠨ ᠭᠠᠵᠠᠷ ᠲᠤ᠌ ᠨᠢᠭᠤᠭ᠍ᠳᠠᠵᠤ ᠪᠠᠢᠭᠰᠠᠨ ᠠᠯᠳᠠᠨ ᠰᠢᠷᠭᠠᠯ ᠲᠦᠮᠦᠰᠦ ᠲᠤᠮᠤ ᠬᠡᠯᠪᠡᠷᠢ ᠶ᠋ᠢᠨ ᠲᠦᠮᠦᠰᠦ ᠬᠤᠷᠢᠶᠠᠬᠤ ᠮᠠᠰᠢᠨ ᠤ᠋ ᠬᠤᠢᠨᠠ ᠢᠷᠠᠭᠳᠠᠭᠰᠠᠨ ᠬᠦᠷᠦᠰᠦᠨ ᠡᠴᠡ ᠪᠦᠭᠡᠮ ᠪᠦᠭᠡᠮ ᠶ᠋ᠢᠡᠷ ᠪᠦᠮᠪᠦᠷᠢᠨ ᠭᠠᠷᠴᠤ᠂ ᠲᠦᠮᠦᠰᠦ ᠪᠦᠷᠢ ᠡᠴᠡ ᠡᠯᠪᠡᠭ ᠬᠤᠷᠢᠶᠠᠯᠳᠠ ᠶ᠋ᠢᠨ ᠭᠡᠷᠡᠯ ᠭᠢᠯᠪᠠᠭᠠ ᠰᠠᠴᠤᠷᠠᠨᠠ᠃
ᠰᠤᠷᠪᠤᠯᠵᠢᠯᠠᠭᠴᠢ ᠤᠯᠠᠭᠠᠨᠬᠤᠸᠠ ᠪᠠᠯᠭᠠᠰᠤ ᠵᠢᠨ ᠵᠧᠩ ᠵᠢᠶᠠ ᠲᠠᠨ ᠲᠣᠰᠭᠣᠨᠤ ᠯᠢᠶᠠᠩ ᠭᠠᠢ ᠪᠠᠢᠭᠠᠯᠢᠯᠢᠭ ᠲᠣᠰᠭᠣᠨᠤ 1800 ᠮᠦ᠍ ᠶ᠋ᠢᠨ ᠲᠥᠮᠥᠰᠥ᠍ ᠶ᠋ᠢᠨ ᠲᠠᠷᠢᠶᠠᠨ ᠳ᠋ᠤ ᠬᠦᠷᠪᠡᠯ᠂ ᠲᠤᠮᠤ ᠬᠡᠯᠪᠡᠷᠢ ᠶ᠋ᠢᠨ ᠲᠥᠮᠥᠰᠥ᠍ ᠬᠤᠷᠢᠶᠠᠬᠤ ᠮᠠᠱᠢᠨ ᠬᠦᠷᠴᠢᠬᠢᠨᠡᠨ ᠰᠦᠯᠵᠢᠯᠳᠤᠵᠤ᠂ ᠲᠠᠷᠢᠶᠠᠴᠢᠳ ᠮᠠᠰᠢᠨ ᠤ᠋ ᠬᠤᠢᠨᠠ ᠡᠴᠡ ᠱᠠᠯᠠᠮᠠᠭᠠᠢ ᠪᠡᠷ ᠲᠦᠮᠦᠰᠤ ᠶ᠋ᠢ ᠳᠡᠭᠦᠵᠦ ᠠᠪᠤᠨ ᠱᠢᠷᠣᠢ ᠶ᠋ᠢ ᠨᠢ ᠠᠷᠢᠯᠭᠠᠵᠤ᠂ ᠨᠠᠷᠢᠨ ᠨᠢᠮᠪᠠᠢ ᠢᠯᠭᠠᠨ ᠰᠠᠯᠭᠠᠵᠤ ᠤᠭᠤᠳᠠᠯᠠᠵᠤ ᠪᠠᠢᠯᠠ᠃
《ᠮᠠᠨ ᠤ᠋ ᠡᠨᠡ ᠪᠤᠯ ᠠᠮᠧᠷᠢᠺᠠ ᠡᠴᠡ ᠤᠷᠤᠭᠤᠯᠵᠤ ᠠᠪᠴᠢᠷᠠᠭᠰᠠᠨ 〈ᠳ᠋ᠠ ᠰᠢ ᠶᠠᠡᠭ〉 ᠡᠭᠦᠯᠳᠡᠷ ᠤ᠋ᠨ ᠲᠦᠮᠦᠰᠦ ᠪᠤᠯᠤᠨᠠ᠃ ᠤᠳᠤ ᠪᠤᠯ ᠲᠥᠪᠯᠡᠷᠡᠭᠦᠯᠦᠨ ᠬᠤᠷᠢᠶᠠᠬᠤ ᠬᠤᠭᠤᠴᠠᠭᠠ ᠪᠠᠢᠵᠤ᠂ ᠮᠥ᠍ ᠨᠢᠭᠡᠴᠢ ᠶ᠋ᠢᠨ ᠤᠨᠠᠯᠳᠠ ᠪᠠᠷᠤᠭ 3.8 ᠲᠣᠨ ᠣᠷᠴᠢᠮ ᠬᠦᠷᠦᠨᠠ᠃ ᠮᠠᠨ ᠤ᠋ ᠬᠢ ᠲᠦᠮᠦᠰᠦ ᠪᠡᠨ ᠲᠤᠨ ᠪᠦᠷᠢ ᠳ᠋ᠤ 1650 ᠲᠥᠭᠥᠷᠢᠭ ᠤ᠋ᠨ ᠵᠠᠬᠢᠶᠠᠯᠠᠭᠠᠶ᠋ᠢᠨ ᠦᠨᠠ ᠪᠡᠷ ᠵᠢᠨᠢᠩ ᠦ᠋ᠨ ᠯᠠᠢᠮ ᠸᠠᠢᠰᠲ᠋ᠤᠨ ᠺᠣᠮᠫᠠᠨᠢ ᠳ᠋ᠤ ᠬᠤᠳᠠᠯᠳᠤᠵᠤ᠂ ᠭᠤᠤᠯᠳᠠᠭᠤ ᠲᠥᠮᠥᠰᠥ ᠶ᠋ᠢᠨ ᠵᠦᠰᠦᠮ ᠦᠢᠯᠡᠳᠪᠤᠷᠢᠯᠡᠬᠦᠳᠤ ᠬᠡᠷᠡᠭ᠌ᠯᠡᠳᠡᠭ᠃ ᠡᠨᠡ ᠵᠢᠯ ᠲᠥᠮᠥᠰᠥᠡᠯᠪᠡᠭ ᠬᠤᠷᠢᠶᠠᠯᠲᠠ ᠤᠯᠵᠤ᠂ ᠪᠢᠳᠡᠨ ᠤ᠋ ᠣᠷᠣᠯᠭᠠ ᠪᠠᠷᠤᠭ 180 ᠲᠦᠮᠡᠨ ᠲᠦᠭᠦᠷᠢᠭ ᠤᠷᠴᠢᠮ ᠳ᠋ᠤ ᠬᠦᠷᠦᠨᠠ᠃ ᠮᠠᠨ ᠤ᠋ ᠬᠢ ᠲᠦᠮᠦᠰᠦ ᠬᠤᠷᠢᠶᠠᠬᠤ ᠦᠶᠡᠰ 100 ᠭᠠᠷᠤᠢ ᠬᠦᠮᠦᠨ ᠬᠡᠷᠡᠭᠯᠡᠵᠦ᠂ ᠲᠤᠰᠬᠤᠨ ᠤ᠋ ᠠᠷᠠᠳ ᠡᠨᠳᠡ ᠠᠵᠢᠯ ᠬᠢᠪᠡᠯ ᠬᠦᠮᠦᠨ ᠪᠦᠷᠢ ᠡᠳᠦᠷ ᠤ᠋ᠨ 400 ᠲᠦᠭᠦᠷᠢᠭ ᠤᠷᠴᠢᠮ ᠤᠯᠴᠢᠬᠠᠨᠠ》 ᠭᠡᠵᠦ ᠲᠠᠷᠢᠮᠠᠯ ᠤ᠋ᠨ ᠲᠤᠮᠤ ᠡᠷᠦᠬᠡ ᠵᠢᠨ ᠡᠵᠡᠨ ᠹᠧᠩ ᠵᠢᠶᠠᠨ ᠮᠢᠩ ᠬᠡᠯᠡᠨᠠ᠃
ᠭᠢᠷᠰᠠᠳᠠᠢ ᠪᠠᠯᠭᠠᠰᠤ ᠶ᠋ᠢᠨ ᠭᠦᠨ ᠬᠠᠪᠴᠢᠯ ᠲᠣᠰᠭᠣᠨᠤ ᠲᠠᠷᠢᠶᠠᠴᠢᠨ ᠪᠦ ᠬᠤᠤ ᠱᠸᠤ ᠡᠨᠡ ᠬᠡᠳᠦᠨ ᠡᠳᠦᠷ ᠶᠡᠬᠡ ᠯᠡ ᠶᠠᠭᠠᠷᠠᠤ ᠪᠠᠢᠯᠠ᠃ ᠰᠤᠷᠪᠤᠯᠵᠢᠯᠠᠭᠴᠢ ᠲᠡᠭᠦᠨ ᠢ᠋ ᠳᠠᠭᠠᠵᠤ ᠲᠥᠮᠥᠰᠤ ᠶ᠋ᠢᠨ ᠲᠠᠷᠢᠶᠠᠨ ᠳ᠋ᠤᠨᠢ ᠬᠦᠷᠪᠡᠯ᠂ ᠲᠤᠮᠤ ᠬᠡᠯᠪᠡᠷᠢ ᠶ᠋ᠢᠨ ᠲᠦᠮᠦᠰᠦ ᠬᠤᠷᠢᠶᠠᠬᠤ ᠮᠠᠰᠢᠨ ᠪᠠ ᠱᠠᠯᠠᠮᠠᠭᠠᠢ ᠲᠠᠷᠢᠶᠠᠴᠢᠳ ᠤ᠋ᠨ ᠡᠶᠠ ᠵᠤᠬᠢᠴᠠᠯ ᠲᠠᠢ ᠬᠠᠮᠵᠢᠯᠴᠠᠭᠠ ᠳ᠋ᠤ ᠭᠥᠯᠢᠭᠡᠷ ᠰᠠᠢᠬᠠᠨ ᠲᠦᠮᠦᠰᠦ ᠨᠢ ᠤᠳᠠᠭᠰᠠᠨ ᠴᠤ᠌ ᠦᠭᠡᠢ ᠲᠠᠷᠢᠶᠠᠨ ᠳᠠᠯᠠᠩ ᠳᠡᠭᠡᠷᠠ ᠠᠭᠤᠯᠠ ᠮᠡᠳᠦ ᠤᠪᠤᠭᠠᠯᠠᠭᠳᠠᠵᠤ ᠪᠠᠢᠯᠠ᠃
ᠱᠢᠨᠡᠬᠡᠨ ᠬᠤᠷᠢᠶᠠᠭ᠍ᠰᠠᠨ ᠲᠥᠮᠥᠰᠥ᠍
《ᠮᠠᠨᠤ ᠬᠢ ᠡᠨᠡ ᠵᠢᠯ 900 ᠮᠥ᠍ ᠲᠥᠮᠥᠰᠥ᠍ ᠳᠠᠷᠢᠵᠠᠢ᠃ ᠳ᠋ᠠ ᠰᠢ ᠶᠠᠡᠭ᠂ ᠮᠸᠡᠭ ᠡᠤ ᠱᠤ᠌ 6 ᠳ᠋ᠤᠭᠠᠷ ᠨᠤᠮᠸᠷᠲᠤ ᠪᠠ ᠬᠤᠸᠠ ᠰᠥᠩ 7 ᠳ᠋ᠤᠭᠠᠷ ᠨᠣᠮᠧᠷᠳᠤ ᠡᠭᠦᠯᠳᠡᠷ ᠤ᠋ᠨ ᠲᠦᠮᠦᠰᠤ ᠪᠦᠷ ᠪᠠᠢᠵᠤ᠂ ᠪᠠᠷᠤᠭ 3600 ᠲᠣᠨ ᠣᠷᠴᠢᠮ ᠲᠦᠮᠦᠰᠦ ᠬᠤᠷᠢᠶᠠᠨᠠ᠃ ᠶᠡᠬᠡᠩᠬᠢ ᠲᠦᠮᠦᠰᠦ ᠪᠡᠨ ᠵᠠᠬᠢᠶᠠᠯᠠᠭᠠ ᠪᠡᠷ ᠬᠤᠳᠠᠯᠳᠤᠵᠤ᠂ ᠪᠠᠷᠤᠭ 80 ᠲᠦᠮᠡᠨ ᠲᠥᠭᠥᠷᠢᠭ ᠣᠷᠴᠢᠮ ᠤ᠋ᠨ ᠣᠷᠣᠯᠭᠠ ᠤᠯᠴᠢᠬᠠᠨᠠ᠃ ᠮᠸᠡᠭ ᠡᠤ ᠱᠤ᠌ 6 ᠳ᠋ᠤᠭᠠᠷ ᠨᠤᠮᠸᠷᠲᠤ ᠪᠣᠯ ᠥᠪᠥᠷ ᠮᠣᠩᠭᠣᠯᠤᠨ ᠱᠢᠨ ᠢᠦᠶ ᠦᠷᠡᠶ᠋ᠢᠨ ᠦᠶ᠋ᠯᠡᠰᠦᠨ ᠬᠢᠵᠠᠭᠠᠷᠲᠤ ᠺᠣᠮᠫᠠᠨᠢ ᠶ᠋ᠢᠨ ᠰᠤᠳᠤᠯᠤᠨ ᠭᠠᠷᠭᠠᠭᠰᠠᠨ ᠲᠥᠮᠥᠰᠥᠶ᠋ᠢᠨ ᠡᠭᠦᠯᠳᠡᠷ ᠪᠠᠢᠵᠤ᠂ ᠴᠢᠨᠠᠷᠨᠢ ᠮᠠᠰᠢ ᠰᠠᠢᠨ᠃ ᠤᠢᠷᠠ ᠶ᠋ᠢᠨ ᠵᠢᠯ ᠡᠴᠡ ᠱᠢᠨ ᠢᠦᠶ ᠺᠣᠮᠫᠠᠨᠢ ᠲᠠᠶ ᠬᠠᠮᠲᠤᠷᠠᠨ ᠠᠵᠢᠯᠯᠠᠭᠠᠳ᠂ ᠳᠠᠷᠢᠬᠤ ᠡᠴᠡ ᠬᠤᠷᠢᠶᠠᠬᠤ ᠪᠤᠯᠳᠠᠯᠠ ᠪᠡᠨ ᠴᠦᠮ ᠲᠤᠰᠭᠠᠶ ᠮᠡᠷᠭᠡᠵᠢᠯᠦᠨ ᠠᠵᠢᠯᠲᠠᠨ ᠡᠴᠡ ᠵᠢᠭᠠᠨ ᠵᠢᠯᠣᠭᠤᠳᠴᠤ᠂ ᠪᠥᠬᠥ᠌ ᠶᠠᠪᠤᠴᠠ ᠪᠡᠷ ᠦᠨᠡ ᠲᠥᠯᠥᠪᠦᠷᠢ ᠥᠬᠡᠶ ᠪᠡᠷ ᠶᠠᠰᠤ ᠴᠢᠨᠠᠷ ᠤ᠋ᠨ ᠪᠠᠳᠤᠯᠠᠭᠠ ᠬᠠᠩᠭᠠᠳᠠᠭ ᠡᠴᠡ ᠴᠤᠬᠤᠮ ᠬᠦᠴᠦᠨ ᠳ᠋ᠤ ᠠᠷᠪᠢᠳᠠᠢ ᠪᠦᠭᠡᠳ ᠰᠠᠨᠠᠭᠠ ᠠᠮᠦᠷ ᠪᠤᠯᠵᠠᠢ》 ᠭᠡᠵᠦ ᠪᠦ ᠬᠤᠤ ᠱᠸᠤ ᠶᠠᠷᠢᠨᠠ᠃
ᠲᠠᠷᠢᠶᠠᠨ ᠦᠵᠦᠭᠦᠷ ᠲᠦ᠍ ᠲᠦᠮᠦᠰᠦ ᠬᠤᠳᠠᠯᠳᠤᠨ ᠠᠪᠴᠤ ᠪᠠᠢᠭᠰᠠᠨ ᠴᠢᠨ ᠬᠤᠸᠠᠩ ᠳ᠋ᠤᠤᠶ᠋ᠢᠨ ᠮᠠᠢᠺᠧᠨ ᠲᠠᠷᠢᠶᠠᠯᠠᠩᠤᠨ ᠱᠢᠨᠵᠢᠯᠡᠬᠦ᠌ ᠤᠬᠠᠭᠠᠨ ᠲᠸᠭᠨᠢᠭ ᠮᠡᠷᠭᠡᠵᠢᠯᠦᠨ ᠬᠢᠵᠠᠭᠠᠷᠲᠤ ᠺᠣᠮᠫᠠᠨᠢ ᠶ᠋ᠢᠨ ᠬᠠᠮᠢᠶᠠ ᠪᠥᠬᠥᠶ ᠬᠠᠷᠢᠭᠤᠴᠠᠯᠭᠠᠲᠠᠨ ᠭᠤᠤ ᠷᠦᠢ ᠴᠦᠨ᠄ 《ᠮᠠᠨᠤ ᠺᠣᠮᠫᠠᠨᠢ ᠳᠣᠯᠣᠭᠠ ᠨᠠᠶ᠋ᠮᠠᠨ ᠵᠢᠯ ᠲᠠᠷᠠᠭᠠᠯᠠᠨ ᠳᠥᠷᠪᠡᠳ ᠬᠣᠱᠢᠭᠤᠨ ᠡᠴᠡ ᠲᠥᠮᠥᠰᠥ᠍ ᠬᠤᠳᠠᠯᠳᠤᠨ ᠠᠪᠴᠤ ᠪᠠᠢᠨᠠ᠃ ᠳᠥᠷᠪᠡᠳ ᠬᠣᠱᠢᠭᠤ ᠪᠤᠯ 〈ᠳᠤᠮᠳᠠᠳᠤ ᠤᠯᠤᠰᠤᠨ ᠲᠥᠮᠥᠰᠥᠶ᠋ᠢᠨ ᠬᠤᠳᠠ〉 ᠵᠢᠨ ᠭᠤᠤᠯ ᠲᠠᠷᠢᠮᠠᠯᠤᠨ ᠣᠷᠣᠨ ᠮᠥᠨ᠂ ᠡᠨᠳᠡᠬᠢ ᠬᠦᠷᠦᠰᠦ ᠰᠢᠷᠤᠢ᠂ ᠠᠭᠤᠷ ᠠᠮᠢᠰᠬᠤᠯ ᠨᠢ ᠲᠦᠮᠦᠰᠤ ᠲᠠᠷᠢᠬᠤ ᠳ᠋ᠤ ᠳᠤᠬᠢᠷᠠᠮᠵᠢᠳᠠᠢ᠂ ᠨᠠᠷᠠᠨ ᠤ᠋ ᠲᠤᠰᠤᠯᠳᠠ ᠬᠦᠢᠴᠡᠳ ᠲᠤᠯᠠ ᠲᠦᠮᠦᠰᠦ ᠶ᠋ᠢᠨ ᠴᠢᠨᠠᠷ ᠨᠢ ᠮᠠᠰᠢ ᠰᠠᠢᠨ᠃ ᠪᠢᠳᠡ ᠳᠥᠷᠪᠡᠳ ᠬᠣᠱᠢᠭᠤᠨ ᠤ᠋ ᠲᠥᠮᠥᠰᠥ ᠶ᠋ᠢ ᠰᠠᠨᠠᠭᠠ ᠠᠮᠤᠷ ᠬᠤᠳᠠᠯᠳᠤᠨ ᠠᠪᠳᠠᠭ︾ ᠬᠡᠵᠤ ᠬᠡᠯᠡᠵᠦ ᠪᠠᠢᠯᠠ᠃
ᠤᠢᠯᠠᠭᠠᠭᠰᠠᠨ ᠶ᠋ᠢᠡᠷ᠂ ᠡᠨᠡ ᠵᠢᠯ ᠳᠥᠷᠪᠡᠳ ᠬᠤᠰᠢᠭᠤ ᠨᠡᠢᠲᠡ 31 ᠲᠦᠮᠡᠨ ᠮᠥ᠍ ᠶ᠋ᠢᠨ ᠲᠦᠮᠦᠰᠦ ᠲᠠᠷᠢᠵᠤ᠂ ᠵᠢᠱ᠌ᠢᠯᠳᠡ ᠪᠡᠷ ᠶᠡᠷᠦᠩᠬᠡᠶ ᠤᠨᠠᠯᠲᠠ ᠨᠢ 80 ᠲᠦᠮᠡᠨ ᠲᠣᠨ ᠳ᠋ᠤ ᠬᠥᠷᠬᠥ᠌ ᠪᠣᠯᠤᠨᠠ᠃ ᠡᠭᠦᠨ ᠳ᠋ᠤ 48 ᠲᠦᠮᠡᠨ ᠲᠣᠨ ᠢ᠋ ᠨᠢ ᠭᠠᠳᠠᠭᠰᠢ ᠪᠣᠷᠣᠯᠠᠭᠤᠯᠵᠤ᠂ 8 ᠲᠦᠮᠡᠨ ᠲᠣᠨ ᠢ᠋ ᠨᠢ ᠦᠷᠡᠶ᠋ᠢᠨ ᠲᠥᠮᠥᠰᠥ᠍ ᠪᠠ ᠥᠪᠡᠷ ᠵᠢᠡᠨ ᠢᠳᠡᠬᠦ᠌ ᠲᠥᠮᠥᠰᠥ ᠪᠡᠷ ᠦᠯᠡᠳᠡᠭᠡᠨ᠂ 24 ᠲᠦᠮᠡᠨ ᠲᠣᠨ ᠢ᠋ ᠤᠷᠤᠨ ᠨᠤᠳᠤᠭ ᠲᠠᠭᠠᠨ ᠡᠳ᠋ᠱᠢᠭᠦᠯᠤᠨ ᠪᠤᠯᠪᠠᠰᠤᠷᠠᠭᠤᠯᠬᠤ ᠪᠣᠯᠤᠨᠠ᠃
ᠳᠥᠷᠪᠡᠳ ᠬᠣᠱᠢᠭᠤᠨ ᠤ᠋ ᠲᠠᠷᠢᠶᠠᠯᠠᠩ ᠮᠠᠯ ᠠᠵᠤ ᠠᠬᠤᠶ ᠪᠠ ᠱᠢᠨᠵᠢᠯᠡᠬᠦ᠌ ᠤᠬᠠᠭᠠᠨ ᠲᠸᠭᠨᠢᠭ ᠮᠡᠷᠭᠡᠵᠢᠯ ᠤ᠋ᠨ ᠲᠤᠪᠴᠢᠶᠠ ᠵᠢᠨ ᠳᠡᠳ᠋ ᠳᠠᠷᠤᠭᠠ ᠵᠣᠣ ᠴᠥᠩ ᠸᠸᠨ᠄ 《ᠡᠨᠡ ᠵᠢᠯ ᠪᠥᠬᠥ᠌ ᠬᠣᠱᠢᠭᠤᠨ ᠤ᠋ ᠲᠥᠮᠥᠰᠥ᠍ ᠡᠯᠪᠡᠭ ᠬᠤᠷᠢᠶᠠᠯᠲᠠ ᠤᠯᠵᠠᠢ᠃ ᠮᠠᠨ ᠤ᠋ ᠬᠣᠱᠢᠭᠤ ᠲᠠᠷᠠᠭᠠᠴᠢ ᠪᠡᠷ ᠦᠷᠠ ᠵᠢᠨ ᠲᠦᠮᠦᠰᠤ ᠵᠢ ᠰᠤᠳᠤᠯᠤᠨ ᠨᠡᠭᠡᠭᠡᠬᠦ᠌᠂ ᠰᠠᠢᠨ ᠡᠭᠦᠯᠳᠡᠷᠢ ᠦᠷᠡᠵᠢᠭᠦᠯᠦᠨ ᠪᠣᠢᠵᠢᠭᠤᠯᠬᠤ ᠪᠠ ᠳᠡᠯᠭᠡᠷᠡᠭᠦᠯᠦᠨ ᠲᠠᠷᠢᠬᠤ ᠶ᠋ᠢ ᠦᠷᠭᠦᠯᠵᠢᠯᠡᠨ ᠠᠬᠢᠭᠤᠯᠵᠤ᠂ ᠲᠠᠷᠢᠶᠠᠯᠠᠩ ᠤ᠋ᠨ ᠣᠳᠣᠬᠢᠴᠢᠯᠠᠯᠲᠠ ᠶ᠋ᠢᠨ ᠠᠬᠢᠴᠠ ᠶ᠋ᠢ ᠲᠦᠷᠭᠡᠳᠭᠡᠨ᠂ ᠱᠢᠨᠵᠢᠯᠡᠬᠦ᠌ ᠤᠬᠠᠭᠠᠨ ᠲᠸᠭᠨᠢᠭ ᠮᠡᠷᠭᠡᠵᠢᠯ ᠪᠠ ᠲᠠᠷᠢᠶᠠᠯᠠᠩ ᠢ᠋ ᠦᠨᠡᠨ ᠬᠦ᠌ ᠠᠭᠤᠰᠤᠯᠴᠠᠭᠤᠯᠵᠤ᠂ 〈ᠳᠤᠮᠳᠠᠳᠤ ᠤᠯᠤᠰ ᠤ᠋ᠨ ᠲᠥᠮᠥᠰᠥᠶ᠋ᠢᠨ ᠬᠤᠳᠠ〉 ᠵᠢᠨ ᠲᠥᠮᠥᠰᠥᠨ ᠤ᠋ ᠠᠵᠤ ᠦᠶ᠋ᠯᠡᠰ ᠦ᠋ᠨ ᠬᠥᠭ᠌ᠵᠢᠯᠲᠡ ᠳ᠋ᠤ ᠱᠢᠨᠡ ᠠᠮᠢᠵᠢᠷᠠᠯ ᠤ᠋ᠨ ᠬᠦᠴᠦᠨ ᠨᠡᠮᠡᠷᠢᠯᠡᠨᠠ》 ᠬᠡᠵᠤ ᠶᠠᠷᠢᠵᠤ ᠪᠠᠢᠯᠠ᠃