— ᠦᠪᠦᠷ ᠮᠤᠩᠭᠤᠯᠤᠨ ᠷᠠᠳᠢᠤ᠋ ᠲᠧᠯᠸᠢᠰ ᠬᠤᠷᠢᠶᠠᠨᠤ ᠰᠤᠶᠤᠯ ᠰᠢᠨᠵᠢᠯᠡᠭᠡ ᠰᠤᠪᠠᠭᠤᠨ《ᠮᠢᠩᠭᠠᠨ ᠤᠨᠤ ᠳᠡᠦᠬᠡᠲᠦ ᠨᠡᠢᠰᠯᠡᠯ》ᠨᠡᠪᠲᠡᠷᠡᠬᠦᠯᠭᠡᠶ᠋ᠢ ᠬᠠᠷᠠᠭ᠍ᠰᠠᠨ ᠲᠦᠷᠦᠭ᠌ᠳᠡᠯ
ᠤᠯᠳᠠᠪᠤᠷᠢ᠂ ᠦᠯᠡᠳᠡᠪᠦᠷᠢ᠂ ᠴᠤᠭ᠍ᠴᠠᠯᠠᠪᠤᠷᠢ ᠪᠤᠯ ᠤᠳᠤ ᠦᠶᠡᠶ᠋ᠢᠨ ᠬᠦᠮᠦᠨᠤ ᠦᠩᠭᠡᠷᠡᠭ᠌ᠰᠡᠨ ᠳᠡᠦᠬᠡᠪᠠᠨ ᠪᠡᠶᠡᠴᠢᠯᠡᠨ ᠤᠢᠯᠠᠭᠠᠬᠤ ᠢᠲᠡᠭᠡᠯ ᠦᠨᠡᠮᠱᠢᠯᠤᠨ ᠭᠤᠷᠮᠤᠰᠤᠨ ᠪᠠᠷᠢᠮᠲᠠ ᠪᠢᠯᠡ᠃ ᠦᠪᠦᠷ ᠮᠤᠩᠭᠤᠯᠤᠨ ᠤᠳᠤᠨ ᠲᠧᠯᠸᠢᠰᠤᠨ ᠮᠤᠩᠭᠤᠯ ᠬᠡᠯᠡᠨᠤ ᠰᠤᠶᠤᠯ ᠱᠢᠨᠵᠢᠯᠡᠭᠡ ᠰᠤᠪᠠᠭᠤᠨ 《ᠳᠤᠷᠤᠨᠠᠶ᠋ᠢᠨ ᠳᠤᠪᠴᠢᠶᠠ》 ᠳᠡᠯᠭᠡᠴᠡᠶ᠋ᠢᠨ 《ᠮᠢᠩᠭᠠᠨ ᠤᠨᠤ ᠳᠡᠦᠬᠡᠲᠦ ᠨᠡᠢᠰᠯᠡᠯ》ᠨᠡᠪᠲᠡᠷᠡᠬᠦᠯᠭᠡᠪᠠᠷ ᠲᠤᠮᠳᠠᠳᠤᠶ᠋ᠢᠨ ᠲᠠᠪᠤᠨ ᠮᠢᠩᠭᠠᠨ ᠵᠢᠯᠤᠨ ᠪᠤᠯᠪᠠᠰᠤᠨ ᠳᠡᠦᠬᠡᠶ᠋ᠢᠨ ᠡᠬᠢ ᠤᠯᠪᠠᠭᠠ᠂ ᠬᠦᠭ᠌ᠵᠢᠨ ᠪᠠᠳᠠᠷᠠᠵᠤ ᠢᠷᠡᠭ᠌ᠰᠡᠨ ᠳᠡᠦᠬᠡᠨ ᠵᠠᠮᠨᠠᠯ ᠢ ᠬᠠᠮᠤᠭᠠᠴᠠ ᠲᠦᠪᠯᠡᠷᠡᠩᠬᠦᠢ᠂ ᠳᠤᠳᠤᠷᠬᠠᠢ ᠬᠠᠷᠠᠭᠤᠯᠵᠤ ᠴᠢᠳᠠᠭ᠍ᠰᠠᠨ ᠰᠤᠨᠢᠷᠬᠠᠯᠲᠠᠢ᠂ ᠦᠭᠭᠦᠭᠡᠵᠢ ᠲᠡᠢ ᠨᠡᠪᠳᠡᠷᠡᠭᠦᠯᠭᠡ ᠭᠠᠷᠴᠤ᠌ ᠪᠤᠢᠶ᠋ᠢ ᠬᠠᠷᠠᠭ᠍ᠰᠠᠨ ᠮᠠᠨᠢ 《ᠮᠢᠩᠭᠠᠨ ᠤᠨᠤ ᠳᠡᠦᠬᠡᠲᠦ ᠨᠡᠢᠰᠯᠡᠯ》 ᠬᠡᠮᠡᠬᠦ᠌ ᠴᠤᠪᠤᠷᠠᠯ ᠨᠡᠪᠳᠡᠷᠡᠬᠦᠯᠭᠡ ᠪᠠᠢᠵᠤ ᠪᠢᠯᠡ᠃ ᠵᠢᠷᠤᠭ ᠦᠵᠡᠭ᠌ᠳᠡᠯ᠂ ᠳᠠᠭᠤ ᠴᠢᠮᠡᠭᠡ᠂ ᠦᠰᠦᠭ ᠪᠢᠴᠢᠭᠢ ᠱᠢᠲᠦᠯᠴᠡᠬᠦᠯᠦᠨ ᠨᠢᠭᠡᠳᠭᠡᠭ᠌ᠰᠡᠨ ᠲᠧᠯᠸᠢᠰ ᠨᠡᠪᠳᠡᠷᠡᠬᠦᠯᠭᠡᠶ᠋ᠢᠨ ᠦᠯᠡᠮᠵᠢᠶ᠋ᠢᠨ ᠳᠠᠪᠠᠭᠤᠯᠢᠭᠢᠶᠠᠨ ᠠᠱᠢᠭ᠍ᠯᠠᠨ ᠤᠯᠳᠠᠪᠤᠷᠢ᠂ ᠦᠯᠡᠳᠡᠪᠦᠷᠢ᠂ ᠴᠤᠭ᠍ᠴᠠᠯᠠᠪᠤᠷᠢ ᠲᠡᠭᠡᠷᠡ ᠰᠠᠭᠤᠷᠢᠯᠠᠵᠤ ᠴᠠᠭᠤᠨ ᠤᠭ᠍ᠲᠠᠷᠭᠤᠢ ᠶ᠋ᠢ ᠰᠤᠨᠳᠠᠯᠠᠭ᠍ᠰᠠᠨ ᠡᠷᠴᠢᠮ ᠬᠦᠴᠦᠨ ᠤ ᠨᠦᠯᠦᠭᠡᠯᠡᠯ ᠪᠦᠬᠦᠢ ᠭᠠᠭ᠍ᠴᠠ ᠰᠡᠳᠦᠪ ᠤᠨ ᠲᠤᠭᠤᠷᠢᠨ ᠳᠤ ᠱᠢᠷᠢᠰᠴᠢᠯᠡᠭ᠌ᠰᠡᠨ ᠳᠦᠰᠦᠪ ᠪᠤᠯᠪᠠᠰᠤᠷᠠᠭᠤᠯᠤᠭ᠍ᠰᠠᠨᠨᠢ ᠡᠨᠡ ᠬᠦ᠌ ᠨᠡᠪᠲᠡᠷᠡᠭᠦᠯᠭᠡᠶ᠋ᠢᠨ ᠠᠮᠵᠢᠯᠲᠠᠲᠠᠢ ᠪᠤᠯᠬᠤᠶ᠋ᠢᠨ ᠦᠨᠳᠦᠰᠦ ᠰᠠᠭᠤᠷᠢᠨᠢ ᠪᠤᠯᠤᠭ᠍ᠰᠠᠨ ᠠᠵᠢ᠃
ᠨᠢᠭᠡ ᠦᠨᠳᠦᠰᠦᠲᠡᠨ᠂ ᠨᠢᠭᠡ ᠭᠠᠵᠠᠷ ᠤᠷᠤᠨᠤ ᠰᠤᠶᠤᠯ ᠢᠷᠭᠡᠨᠱᠢᠯ ᠪᠤᠶᠤ ᠪᠤᠯᠪᠠᠰᠤᠨ ᠤ ᠡᠬᠦᠰᠦᠯ ᠪᠦᠷᠢᠯᠳᠦᠯᠤᠨ ᠪᠡᠯᠭᠡ ᠳᠡᠮᠳᠡᠭᠢ ᠳᠤᠬᠠᠢᠶ᠋ᠢᠨ ᠤᠷᠴᠢᠨ ᠨᠦᠬᠦᠴᠡᠯᠳᠤᠨᠢ ᠦᠨᠳᠦᠰᠦᠯᠡᠨ ᠠᠳᠠᠯᠢ ᠪᠤᠰᠤᠪᠠᠷ ᠦᠵᠡᠬᠦ᠌ ᠱᠠᠭᠠᠷᠳᠠᠯᠭᠠ ᠪᠠᠢᠳᠠᠭ ᠪᠤᠯᠪᠠᠴᠤ᠌ ᠰᠠᠭᠤᠷᠢᠨ ᠰᠤᠶᠤᠯᠤᠨ ᠬᠤᠪᠢᠳᠤ ᠪᠤᠯ ᠬᠤᠲᠠ ᠪᠠᠯᠭᠠᠳ᠂ ᠦᠰᠦᠭ ᠪᠢᠴᠢᠭ᠂ ᠳᠦᠷᠦᠲᠦ ᠶᠤᠰᠤ᠂ ᠶᠤᠰᠤᠯᠠᠯ ᠪᠡᠯᠭᠡᠳᠡᠯᠤᠨ ᠪᠠᠷᠢᠯᠭᠠ ᠪᠠᠢᠭᠤᠯᠤᠮᠵᠢ᠂ ᠠᠩᠭᠢ ᠢᠯᠭᠠᠯᠢᠶᠠᠷ ᠦᠨᠳᠦᠰᠦᠨ ᠪᠡᠯᠭᠡ ᠳᠡᠮᠳᠡᠭ ᠪᠤᠯᠭᠠᠳᠠᠭᠨᠢ ᠨᠡᠢᠲᠡᠶ᠋ᠢᠨ ᠤᠢᠯᠠᠭᠠᠯᠲᠠ ᠶᠤᠮ᠃ ᠲᠠᠪᠤᠨ ᠮᠢᠩᠭᠠᠨ ᠵᠢᠯ ᠤᠷᠤᠰᠭᠠᠯ ᠳᠠᠰᠤᠷᠠᠭᠠ ᠦᠬᠡᠢ ᠦᠷᠬᠦᠯᠵᠢᠯᠡᠭ᠌ᠰᠡᠨ ᠳᠤᠮᠳᠠᠳᠤᠶ᠋ᠢᠨ ᠪᠤᠯᠪᠠᠰᠤᠨᠤ ᠭᠠᠢᠬᠠᠮᠱᠢᠭ᠍ᠲᠤ ᠳᠡᠦᠬᠡ ᠶ᠋ᠢ ᠭᠠᠵᠠᠷ ᠭᠠᠵᠠᠷᠠᠴᠠ ᠤᠯᠳᠠᠭ᠍ᠰᠠᠨ ᠬᠠᠭᠤᠴᠢ ᠤᠯᠳᠠᠪᠤᠷᠢ ᠪᠤᠶᠤ ᠡᠳ᠋ ᠦᠯᠦᠭ᠂ ᠠᠳᠡ ᠲᠡᠨᠳᠡ ᠦᠬᠡᠢ ᠲᠠᠷᠬᠠᠭ᠍ᠰᠠᠨ ᠰᠤᠶᠤᠯᠤᠨ ᠪᠠᠭᠤᠷᠢ ᠳᠤᠷᠠᠰᠭᠠᠯ᠂ ᠳᠠᠯᠠᠢ ᠶᠡᠭᠡ ᠲᠤᠯᠭᠤᠷ ᠪᠢᠴᠢᠭ ᠪᠤᠶᠤ ᠰᠤᠷᠪᠤᠯᠵᠢ ᠪᠢᠴᠢᠭᠤᠨ ᠪᠠᠷᠢᠮᠳᠠ ᠬᠡᠷᠡᠭ᠌ᠯᠡᠭ᠌ᠳᠡᠬᠦᠨᠨᠦᠭᠦᠳᠲᠤ ᠳᠦᠱᠢᠨ ᠦᠬᠦᠯᠡᠬᠦ᠌ᠨᠢ ᠵᠠᠢᠯᠠᠰᠢ ᠦᠭᠡᠢ ᠪᠤᠯᠪᠠᠴᠤ᠌ ᠶᠡᠷᠦᠩᠬᠡᠢ ᠨᠢᠭᠡᠨ ᠱᠢᠵᠢᠮᠢᠶᠠᠷ ᠬᠤᠯᠪᠤᠨ ᠡᠷᠲᠡᠨᠤ ᠬᠦᠭ᠌ᠵᠢᠯ ᠪᠤᠯᠤᠨ ᠤᠳᠤᠶ᠋ᠢᠨ ᠪᠠᠳᠠᠷᠠᠯᠢ ᠵᠡᠷᠭᠡᠳᠤᠨᠢ ᠲᠠᠯᠪᠢᠨ ᠬᠠᠷᠠᠭᠤᠯᠵᠤ ᠴᠢᠳᠠᠬᠤ ᠰᠡᠳᠦᠪᠢ ᠰᠤᠩᠭᠤᠬᠤ ᠦᠬᠡᠢ ᠪᠤᠯ ᠵᠦᠪᠬᠡᠨ ᠯᠠ ᠳᠠᠨᠢᠯᠴᠠᠭᠤᠯᠭᠠ ᠲᠡᠳᠦᠢ ᠪᠤᠯᠬᠤ ᠳᠤᠭᠤᠯᠳᠠᠯᠲᠠᠢ ᠃ ᠳᠡᠭᠡᠬᠦ᠌ᠳᠤ ᠲᠧᠯᠸᠢᠰᠤᠨᠬᠢᠨ 《ᠮᠢᠩᠭᠠᠨ ᠤᠨᠤ ᠳᠡᠦᠬᠡᠲᠦ ᠨᠠᠢᠰᠯᠡᠯ 》 ᠬᠡᠬᠦ᠌ ᠰᠡᠳᠦᠪᠢᠶᠠᠷ ᠰᠢ ᠠᠨ᠂ ᠯᠦᠸᠧᠶᠠᠩ᠂ ᠪᠡᠭᠡᠵᠢᠩ᠂ ᠠᠨᠶᠠᠩ᠂ ᠨᠠᠨᠵᠢᠩ᠂ ᠺᠠᠢᠹᠧᠩ᠂ ᠬᠠᠩᠵᠧᠦ᠂ ᠵᠧᠩᠵᠧᠦ᠂ ᠳ᠋ᠠᠲ᠋ᠦ᠋ᠩ᠂ ᠴᠧᠩᠳᠦ᠋ ᠵᠡᠷᠭᠡ 10 ᠬᠤᠲᠠᠶ᠋ᠢ ᠱᠢᠷᠭᠡᠭ᠌ᠴᠢᠯᠡᠨ ᠰᠤᠩᠭᠤᠵᠤ᠂ ᠭᠤᠷᠪᠠᠨ ᠵᠢᠯᠤᠨ ᠳᠤᠷᠱᠢᠳᠠ 7 ᠮᠤᠵᠢ ᠬᠤᠲᠠᠪᠠᠷ ᠲᠦᠮᠠ ᠭᠠᠷᠤᠢ ᠺᠢᠯᠤᠮᠧᠲᠷ ᠠᠶᠠᠯᠠᠨ 38 ᠬᠤᠭᠤᠴᠠᠭᠠᠨᠤ ᠳᠤᠰᠭᠠᠢ ᠨᠡᠪᠲᠡᠷᠡᠭᠦᠯᠭᠡ ᠪᠡᠯᠡᠳᠭᠡᠭ᠌ᠰᠡᠨᠨᠢ ᠭᠠᠵᠠᠷ ᠵᠦᠢᠶ᠋ᠢᠨ ᠬᠤᠪᠢᠳᠤ ᠦᠷᠭᠡᠴᠡᠲᠠᠢ᠂ ᠠᠭᠤᠯᠭᠠᠶ᠋ᠢᠨ ᠬᠤᠪᠢᠳᠤ ᠬᠦᠨᠴᠡᠲᠠᠢ᠂ ᠦᠵᠡᠬᠦᠯᠪᠦᠷᠢ （ᠵᠢᠷᠤᠭ ᠦᠵᠡᠭ᠌ᠳᠡᠯ ᠢ ᠪᠠᠭ᠍ᠲᠠᠭᠠᠭ᠍ᠰᠠᠨ） ᠪᠤᠯᠤᠨ ᠬᠦᠳᠡᠯᠦᠯᠤᠨ ᠬᠤᠪᠢᠳᠤ ᠳᠠᠯᠠᠢᠴᠠᠲᠠᠢ ᠪᠤᠯᠵᠤ ᠴᠢᠳᠠᠭ᠍ᠰᠠᠨᠢ ᠳᠡᠮᠳᠡᠭ᠌ᠯᠡᠬᠦ᠌ ᠶᠤᠰᠤᠲᠠᠢ᠃ ᠨᠡᠢᠰᠯᠡᠯ ᠪᠤᠯᠭᠠᠨᠤ ᠠᠳᠠᠯᠢ ᠪᠤᠰᠤᠶ᠋ᠢᠨ ᠲᠡᠦᠬᠡᠨ ᠴᠠᠭ ᠬᠤᠭᠤᠴᠠᠭᠠᠨᠳᠠᠬᠢ ᠬᠦᠷᠢᠶᠡ ᠭᠡᠪᠴᠢᠶᠡᠶ᠋ᠢ ᠤᠳᠤᠬᠢ ᠪᠠᠷᠢᠯᠭᠠ ᠪᠠᠢᠭᠤᠯᠤᠮᠵᠢᠶ᠋ᠢᠨ ᠪᠠᠢᠷᠢ ᠪᠠᠢᠴᠠᠲᠠᠢ ᠵᠢᠱ᠌ᠢᠨ ᠬᠦᠭ᠌ᠵᠢᠯ ᠪᠠᠳᠠᠷᠠᠯᠤᠨ ᠭᠤᠯᠲᠤ ᠬᠤᠯᠪᠤᠭᠠᠰᠤᠶ᠋ᠢ ᠳᠤᠳᠤᠷᠬᠠᠢᠯᠠᠬᠤ᠂ ᠡᠳ᠋ ᠦᠯᠦᠭᠤᠨ ᠤᠯᠳᠠᠪᠤᠷᠢ ᠪᠤᠯᠤᠨ ᠪᠠᠭᠤᠷᠢ ᠳᠤᠷᠠᠰᠭᠠᠯᠤᠨ ᠦᠯᠡᠳᠡᠪᠦᠷᠢᠪᠠᠷ ᠴᠠᠭ ᠦᠶᠡ ᠪᠤᠯᠭᠠᠨᠤ ᠬᠢᠨᠢ ᠬᠦᠭ᠌ᠵᠢᠯᠳᠡᠶ᠋ᠢᠨ ᠬᠦᠨᠳᠡᠯᠡᠨᠤ ᠬᠢᠷᠢ ᠲᠦᠪᠱᠢᠨᠢ ᠤᠢᠯᠠᠭᠠᠭᠤᠯᠬᠤ᠂ ᠱᠢᠨᠡᠪᠠᠷ ᠪᠠᠷᠢᠭ᠍ᠳᠠᠭ᠍ᠰᠠᠨ ᠴᠤᠭ᠍ᠴᠠᠯᠠᠪᠤᠷᠢᠨᠤᠭᠤᠳᠢᠶᠠᠷ ᠬᠦᠭ᠌ᠵᠢᠯᠤᠨ ᠬᠢᠨᠢ ᠤᠷᠭᠢᠯ ᠦᠶᠡᠶ᠋ᠢᠨ ᠦᠩᠭᠡ ᠭᠠᠯᠪᠢᠷᠢ ᠬᠠᠷᠠᠭᠤᠯᠬᠤᠪᠠᠷ ᠳᠠᠮᠵᠢᠨ ᠲᠤᠮᠲᠠᠳᠤᠶ᠋ᠢᠨ ᠪᠤᠯᠪᠠᠰᠤᠨᠤ ᠲᠦᠷᠦᠲᠦ ᠶᠤᠰᠤᠨᠤ ᠤᠯᠠᠮᠵᠢᠯᠠᠯ ᠪᠤᠯᠤᠨ ᠬᠤᠲᠠᠶ᠋ᠢᠨ ᠰᠤᠶᠤᠯᠤᠨ ᠤᠯᠠᠮᠵᠢᠯᠠᠯ ᠳᠡᠭᠡᠷᠡ ᠰᠠᠭᠤᠷᠢᠯᠠᠭ᠍ᠰᠠᠨ ᠤᠯᠠᠮᠵᠢᠯᠠᠯᠲᠤ ᠰᠤᠶᠤᠯ ᠪᠤᠯᠪᠠᠰᠤᠨᠤ ᠳᠤᠳᠤᠭᠠᠳᠤ ᠳᠠᠬᠢ ᠭᠠᠢᠬᠠᠮᠱᠢᠭ᠍ᠲᠤ ᠶᠡᠭᠡ ᠵᠤᠬᠢᠴᠠᠭᠤᠯᠬᠤ ᠬᠦᠴᠦᠨ ᠪᠠ ᠪᠦᠲᠦᠭᠡᠯᠴᠢ ᠬᠦᠴᠦᠨᠢ ᠢᠯᠡᠷᠡᠬᠦᠯᠦᠨ᠂ ᠬᠠᠷᠠᠭ᠍ᠰᠠᠨ ᠪᠦᠬᠦᠨᠤ ᠰᠤᠶᠤᠯᠤᠨ ᠢᠲᠡᠭᠡᠯᠢ ᠪᠠᠳᠤᠳᠭᠠᠬᠤ ᠡᠷᠬᠢᠮ ᠵᠤᠷᠢᠯᠲᠠᠶ᠋ᠢ ᠳᠠᠯᠪᠢᠭ᠍ᠰᠠᠨᠨᠢ ᠨᠡᠪᠲᠡᠷᠡᠬᠦᠯᠭᠡ ᠪᠤᠯᠭᠠᠨᠠᠴᠠᠨᠢ ᠳᠤᠳᠤ ᠬᠠᠷᠠᠭ᠍ᠳᠠᠵᠤ ᠪᠠᠢᠨᠠ᠃ ᠬᠠᠷᠢᠨ ᠰᠡᠬᠦᠯᠴᠢᠶ᠋ᠢᠨ ᠨᠡᠪᠳᠡᠷᠡᠬᠦᠯᠭᠡᠨᠦᠭᠦᠳ ᠲᠡᠭᠡᠨ 《ᠨᠢᠭᠡᠨ ᠵᠠᠭᠤᠨᠤ ᠡᠷᠢᠯ》᠂ 《3600 ᠵᠢᠯᠤᠨ ᠳᠡᠷᠲᠡᠭᠡᠬᠢ ᠬᠤᠲᠠ》᠂ 《〈ᠨᠠᠷᠠᠨ ᠱᠢᠪᠠᠭᠤᠨ〉 ᠤ᠋ ᠳᠤᠮᠤᠭ》᠂ 《ᠴᠢᠯᠠᠭᠤᠨ ᠳᠡᠭᠡᠷᠡ ᠱᠤᠭᠤᠭ᠍ᠰᠠᠨ ᠳᠤᠤᠯᠢᠰ》 ᠮᠡᠲᠦ᠍ᠶ᠋ᠢᠨ ᠳᠡᠳ᠋ ᠭᠠᠷᠴᠠᠭ ᠪᠤᠶᠤ ᠳᠤᠰᠭᠠᠢ ᠭᠠᠷᠴᠠᠭ ᠬᠠᠳᠠᠭ᠍ᠰᠠᠨᠨᠢ ᠤᠤᠯ ᠵᠤᠷᠢᠯᠲᠠᠪᠠᠨ ᠨᠡᠩ ᠳᠤᠳᠤ ᠳᠤᠪᠤᠭᠤᠷ ᠪᠤᠯᠭᠠᠵᠠᠢ᠃
ᠶᠡᠷᠦ᠍ᠨᠢ ᠠᠬᠤᠢ ᠲᠠᠯᠠᠪᠠᠢᠳᠠᠬᠢ ᠬᠦᠲᠦᠯᠦᠭ᠌ᠴᠢᠶ᠋ᠢᠨ ᠦᠭᠡ᠂ ᠵᠢᠷᠤᠭ ᠦᠵᠡᠭ᠌ᠳᠡᠯᠤᠨ ᠬᠠᠵᠠᠭᠤᠶ᠋ᠢᠨ ᠲᠠᠢᠯᠪᠤᠷᠢ ᠪᠤᠶᠤ ᠬᠤᠯᠪᠤᠭᠠᠰᠤ ᠦᠬᠡ᠂ ᠦᠷᠭᠡᠨ ᠦᠵᠡᠭ᠌ᠳᠡᠯ ᠪᠤᠯᠤᠨ ᠬᠦᠷᠦᠭ ᠪᠢᠴᠢᠯᠭᠡᠶ᠋ᠢ ᠤᠶᠠᠯᠳᠤᠭᠤᠯᠤᠭ᠍ᠰᠠᠨ ᠵᠢᠷᠤᠭ ᠦᠵᠡᠭ᠌ᠳᠡᠯᠤᠨ ᠵᠤᠬᠢᠴᠠᠯ ᠭᠡᠳ ᠠᠯᠢ ᠴᠤ᠌ ᠲᠠᠯᠠᠪᠠᠷ ᠠᠪᠤᠭᠠᠳ ᠬᠡᠯᠡᠬᠦ᠌ᠳᠤ ᠰᠡᠳᠦᠪᠠᠴᠠᠪᠠᠨ ᠰᠠᠯᠤᠭ᠍ᠰᠠᠨ ᠵᠦᠢᠯ ᠤᠭ᠍ᠲᠤᠬᠠᠨ ᠴᠤ᠌ ᠬᠠᠷᠠᠭ᠍ᠳᠠᠬᠤ ᠦᠬᠡᠢ ᠪᠦᠭᠡᠳ ᠲᠧᠯᠸᠢᠰᠤᠨ ᠬᠠᠮ ᠤᠷᠠᠯᠢᠭᠤᠨ ᠤᠨᠴᠠᠯᠢᠭᠢ ᠬᠦᠢᠴᠡᠳ ᠬᠠᠩᠭᠠᠯᠲᠠᠲᠠᠢ ᠪᠠᠳᠠᠷᠠᠭᠤᠯᠵᠤ᠂ ᠤᠳᠤ ᠦᠶᠡᠶ᠋ᠢᠨ ᠲᠧᠯᠸᠢᠰ ᠠᠵᠢᠯᠲᠠᠳᠤᠨ ᠮᠡᠷᠭᠡᠵᠢᠯ᠂ ᠮᠡᠳᠡᠯᠭᠡ᠂ ᠡᠭᠦᠷᠭᠡ ᠬᠠᠷᠢᠭᠤᠴᠠᠯᠭᠠᠶ᠋ᠢ ᠳᠤᠳᠤᠷᠬᠠᠢ ᠬᠠᠷᠠᠭᠤᠯᠵᠤ ᠴᠢᠳᠠᠭ᠍ᠰᠠᠨ ᠪᠠᠢᠨᠠ᠃ ᠨᠡᠪᠳᠡᠷᠡᠭᠦᠯᠭᠡᠶ᠋ᠢᠨ ᠠᠢᠵᠠᠮᠢᠲᠠᠭᠠᠨ ᠮᠢᠩᠭᠠᠨ ᠤᠨᠤ ᠳᠡᠦᠬᠡᠲᠦ ᠨᠡᠢᠰᠯᠡᠯᠤᠳᠢᠶᠠᠷ ᠲᠤᠭᠤᠷᠢᠨ ᠠᠶᠠᠯᠠᠬᠤᠶᠠ ᠱᠢᠨᠡ ᠴᠠᠭ ᠦᠶᠡᠶ᠋ᠢᠨ ᠬᠦᠭ᠌ᠵᠢᠶᠡᠨᠲᠤ ᠬᠤᠲᠠᠨᠤᠭᠤᠳ ᠨᠢᠭᠡᠳ ᠨᠢᠭᠡᠪᠠᠷᠢᠶᠠᠨ ᠲᠡᠦᠬᠡᠪᠠᠨ ᠠᠴᠢᠶᠠᠯᠠᠵᠤ᠂ ᠳᠡᠦᠬᠡᠨᠠᠴᠠᠪᠠᠨ ᠴᠡᠨᠡᠭ ᠠᠪᠤᠭ᠍ᠰᠠᠨ ᠤᠯᠠᠮᠵᠢᠯᠠᠯ ᠱᠢᠨᠡᠴᠢᠯᠡᠯᠤᠨ ᠰᠤᠩᠭᠤᠳᠠᠭ ᠵᠢᠱ᠌ᠢᠶᠡ ᠪᠤᠯᠵᠤ ᠂ ᠦᠷᠨᠢᠯ ᠭᠦᠭ᠌ᠵᠢᠯᠤᠨᠢᠶᠠᠨ ᠵᠠᠮᠳᠤ ᠦᠩᠭᠡ ᠳᠦᠷᠬᠦ᠌ᠨᠢ ᠨᠡᠩ ᠦᠪᠡᠷᠮᠢᠴᠡ ᠢᠯᠡᠳᠡᠢ ᠪᠤᠯᠤᠨ ᠳᠤᠳᠤᠷᠠᠨᠠ᠃ ᠡᠨᠡ ᠪᠤᠯ ᠵᠦᠭᠡᠷ ᠯᠡ ᠨᠢᠭᠡ ᠠᠶᠠᠯᠠᠯ ᠵᠢᠭᠤᠯᠴᠢᠯᠠᠯᠤᠨ ᠫᠷᠤᠭ᠌ᠷᠡᠮ ᠪᠢᠰᠢ ᠂ ᠠᠮᠵᠢᠯᠲᠠ ᠪᠦᠲᠦᠭᠡᠯᠤᠨ ᠮᠡᠳᠡᠭᠡᠯᠡᠯ ᠴᠤ᠌ ᠪᠢᠰᠢ᠂ ᠬᠠᠷᠢᠨ ᠬᠡᠳᠦᠨ ᠮᠢᠩᠭᠠᠨ ᠤᠨᠤ ᠴᠠᠭᠤᠨ ᠤᠭ᠍ᠲᠠᠷᠭᠤᠢᠶ᠋ᠢ ᠰᠤᠨᠳᠠᠯᠠᠭ᠍ᠰᠠᠨ ᠡᠷᠴᠢᠮ ᠬᠦᠴᠦᠨᠤ ᠢᠯᠡᠷᠬᠡᠢᠯᠡᠯ᠂ ᠳᠡᠦᠬᠡᠪᠠᠷᠢᠶᠠᠨ ᠪᠠᠷᠳᠠᠵᠤ᠂ ᠰᠤᠶᠤᠯᠢᠶᠠᠷᠢᠶᠠᠨ ᠪᠠᠭ᠍ᠠᠷᠬᠠᠭ᠍ᠰᠠᠨ ᠳᠤᠮᠳᠠᠳᠤᠶ᠋ᠢᠨ ᠰᠤᠶᠤᠯᠤᠨ ᠪᠤᠳᠠᠲᠤ ᠬᠢᠴᠢᠶᠡᠯᠯᠡᠭᠡ ᠪᠠᠢᠭᠠ ᠪᠢᠯᠡ᠃ ᠲᠧᠯᠸᠢᠰᠴᠤᠳ ᠮᠠᠨᠢ ᠡᠨᠡ ᠬᠦ᠌ ᠨᠡᠪᠲᠡᠷᠡᠭᠦᠯᠭᠡᠪᠠᠷᠢᠶᠠᠨ ᠲᠤᠯᠢ ᠪᠤᠯᠭᠠᠵᠤ᠂ ᠨᠡᠩ ᠤᠯᠠᠨ᠂ ᠨᠡᠩ ᠰᠤᠳᠤᠨ ᠨᠡᠪᠲᠡᠷᠡᠭᠦᠯᠭᠡ ᠬᠢᠬᠡᠰᠡᠢ᠃