6 ᠰᠠᠷᠠᠶ᠋ᠢᠨ 30 ᠤ᠋ ᠣᠷᠣᠢ᠂ ᠪᠠᠶᠠᠨᠨᠠᠭᠤᠷ ᠬᠣᠲᠠᠶ᠋ᠢᠨ ᠯᠢᠨᠾᠧ ᠲᠣᠭᠣᠷᠢᠭᠤ᠋ᠨ ᠬᠠᠲᠤᠨ ᠭᠣᠣᠯᠤ᠋ᠨ ᠲᠤᠬᠤᠢ ᠶᠠᠪᠠᠭᠠᠨ ᠵᠡᠭᠡᠯᠢᠳᠤ ᠳ᠋ᠧᠩᠤᠨ ᠭᠡᠷᠡᠯ ᠬᠡᠷᠡᠯᠳᠦᠵᠦ ᠂ ᠤᠶᠠᠩᠭᠠᠲᠤ ᠳᠠᠭᠤᠤ ᠬᠠᠩᠬᠢᠨᠠᠨ ᠴᠤᠤᠷᠢᠶᠠᠲᠤᠵᠤ᠂ ᠯᠢᠨᠾᠧ ᠲᠣᠭᠣᠷᠢᠭᠤ᠋ᠨ 27 ᠳ᠋ᠤᠭᠠᠷ ᠬᠤᠭᠤᠴᠠᠭᠠᠨᠤ᠋ ᠵᠤᠨᠤ᠋ ᠤᠯᠠᠷᠢᠯᠤ᠋ᠨ ᠰᠣᠶᠣᠯ ᠤᠷᠠᠯᠢᠭᠤ᠋ᠨ ᠰᠢᠷᠢᠰ ᠠᠵᠢᠯᠯᠠᠭᠠᠶ᠋ᠢᠨ ᠡᠬᠢᠯᠡᠯᠲᠡᠶ᠋ᠢᠨ ᠶᠣᠰᠣᠯᠠᠯᠤ᠋ᠨ ᠶᠡᠷᠦᠩᠬᠡᠢᠯᠡᠭᠰᠡᠨ ᠲᠤᠰᠬᠠᠢ ᠲᠣᠭᠯᠠᠯᠲᠠ ᠬᠦᠷ ᠬᠦᠭᠵᠢᠶᠡᠨ ᠲᠠᠢ ᠶᠠᠪᠤᠭᠳᠠᠪᠠ᠃
ᠲᠣᠭᠯᠠᠯᠲᠠ ᠨᠢ︽ᠬᠢᠵᠠᠭᠠᠷ ᠦᠭᠡᠢ·ᠬᠦᠰᠡᠯᠢᠶᠡᠨ ᠬᠦᠭᠡᠭᠡᠴᠡᠯᠳᠦᠬᠦ︾ᠭᠡᠬᠦ ᠬᠠᠮᠲᠤᠶᠢᠨ ᠪᠥᠵᠢᠭ ᠲᠤ᠌ ᠬᠥᠰᠢᠭᠡᠪᠡᠨ ᠰᠡᠭᠦᠵᠦ᠂ ᠲᠣᠭᠯᠠᠭᠴᠢᠳ ᠰᠡᠳᠬᠢᠯ ᠬᠥᠳᠡᠯᠦᠮᠡ ᠪᠥᠵᠢᠭᠦ᠋ᠨ ᠠᠯᠬᠤᠭᠠᠪᠠᠨ ᠣᠨᠣᠪᠴᠢᠲᠠᠢ ᠠᠯᠬᠤᠯᠠᠨ᠂ ᠵᠠᠯᠠᠭᠤ ᠨᠠᠰᠤᠨᠤ᠋ ᠴᠣᠭ ᠵᠢᠪᠬᠤᠭᠠ ᠪᠠ ᠬᠦᠰᠡᠯᠢᠶᠡᠨ ᠭᠦᠭᠡᠭᠡᠴᠡᠯᠳᠦᠬᠦ ᠬᠦᠴᠦᠨ ᠴᠢᠳᠠᠯᠢᠶᠡᠨ ᠪᠦᠵᠢᠭᠤᠨ ᠬᠥᠳᠡᠯᠦᠯᠳᠡᠭᠡᠨ ᠠᠭᠤᠰᠬᠠᠨ ᠤᠷᠤᠭᠤᠯᠵᠤ᠂ ᠬᠦᠳᠡᠯᠦᠯ ᠪᠦᠷᠢ ᠨᠢ ᠪᠦᠷ ᠲᠠᠢᠰᠠᠨ ᠳᠣᠣᠷᠠᠬᠢ ᠦᠵᠡᠭᠴᠢᠳᠢ ᠤᠤᠬᠠᠢᠯᠠᠨ ᠱᠠᠭᠰᠢᠭᠤᠯᠤᠨᠠ᠃ ᠡᠷᠡᠭᠲᠡᠢᠶ᠋ᠢᠨ ᠭᠣᠴᠣᠯᠠᠯ ᠳᠠᠭᠤᠤ ︽ᠮᠢᠨᠦ ᠨᠤᠲᠤᠭ ᠪᠠᠶᠠᠨᠨᠠᠭᠤᠷ︾ ᠨᠢ ᠨᠤᠳᠤᠭᠤᠨᠢᠶᠡᠨ ᠰᠠᠢᠨ ᠰᠠᠢᠬᠠᠨ ᠦᠩᠭᠡ ᠦᠵᠡᠮᠵᠢᠵᠢ ᠵᠢᠷᠤᠬᠯᠠᠵᠤ᠂ ᠦᠭᠡ ᠪᠦᠷᠢᠳᠤᠨᠢ ᠪᠤᠷᠤᠲᠤᠬᠤᠢᠶ᠋ᠢᠨ ᠲᠠᠯᠠ ᠨᠤᠲᠤᠭᠤ᠋ᠨ ᠥᠩᠭᠡ ᠦᠵᠡᠮᠵᠢ ᠪᠣᠯᠤᠨ ᠨᠤᠲᠤᠭ ᠤᠰᠤᠨᠤ᠋ ᠬᠠᠢᠷᠠ ᠰᠡᠳᠬᠢᠯᠬᠡ ᠠᠭᠤᠯᠤᠭᠳᠠᠵᠤ᠂ ᠴᠥᠭᠡᠨ ᠪᠤᠰᠤ ᠦᠵᠡᠭᠴᠢᠳ ᠠᠢᠵᠠᠮ ᠤ᠋ᠨ ᠳᠠᠭᠠᠤ ᠨᠠᠮ ᠳᠠᠭᠤᠨᠢ᠋ᠶ᠋ᠠᠷ ᠲᠠᠭᠠᠨ ᠳᠠᠭᠤᠯᠠᠵᠠᠭᠠᠨᠠ᠃ ᠬᠠᠮᠲᠤᠷᠠᠭᠰᠠᠨ ᠬᠥᠭᠵᠢᠮ ᠤᠨ ᠲᠤᠭᠯᠠᠯᠲᠠ 《ᠯᠤᠤ ᠮᠣᠷᠢᠨᠤ ᠴᠢᠪᠬᠠᠳᠠᠰᠤᠶᠢᠨ ᠡᠭᠡᠰᠢᠭᠯᠡᠯ》 ᠨᠢ ᠨᠡᠩ ᠴᠦ᠍ ᠤᠯᠠᠮᠵᠢᠯᠠᠯᠲᠤ ᠬᠥᠭᠵᠢᠮᠦ᠋ᠨ ᠥᠪᠡᠷᠮᠢᠴᠡ ᠬᠥᠭ ᠠᠢᠵᠠᠮ ᠢ᠋ ᠳᠡᠯᠭᠡᠵᠦ᠂ ᠳᠤᠮᠳᠠᠳᠤᠶ᠋ᠢᠨ ᠰᠣᠶᠣᠯᠤ᠋ᠨ ᠭᠦᠨ ᠵᠤᠵᠠᠭᠠᠨ ᠨᠠᠷᠢᠨ ᠠᠭᠤᠯᠭᠠᠶ᠋ᠢ ᠪᠦᠷᠢᠨ ᠭᠦᠢᠴᠡᠳ ᠬᠠᠷᠠᠭᠤᠯᠤᠭᠰᠠᠨ ᠪᠠᠢᠨᠠ᠃
ᠲᠣᠭᠯᠠᠯᠲᠠᠶ᠋ᠢᠨ ᠠᠬᠤᠢ ᠲᠠᠯᠠᠪᠠᠢᠳ᠋ᠤ᠌ ᠬᠠᠯᠠᠭᠤᠨ ᠠᠭᠤᠷ ᠠᠮᠢᠰᠬᠤᠯ ᠦᠷᠭᠦᠯᠵᠢᠯᠡᠨ ᠨᠡᠮᠡᠭᠳᠡᠵᠦ᠂ ᠠᠯᠠᠭᠠ ᠲᠡᠰᠢᠯᠲᠡ᠂ ᠤᠤᠬᠠᠢᠯᠠᠬᠤ ᠳᠠᠭᠤᠨ ᠤᠯᠠᠮ ᠡᠴᠡ ᠤᠯᠠᠮ ᠶᠡᠭᠡᠰᠴᠦ᠂ ᠴᠥᠭᠡᠨ ᠪᠤᠰᠤ ᠦᠵᠡᠭᠴᠢᠳ ᠭᠠᠷ ᠤᠲᠠᠰᠤᠪᠠᠨ ᠡᠷᠭᠦᠨ ᠭᠣᠶᠣ ᠰᠠᠢᠬᠠᠨ ᠲᠤᠭᠯᠠᠯᠲᠠᠵᠢ ᠵᠠᠪᠳᠤᠨ ᠰᠢᠩᠭᠡᠭᠡᠵᠦ ᠪᠡᠢᠯᠡ᠃ ᠡᠨᠡ ᠤᠳᠠᠭᠠᠶ᠋ᠢᠨ ᠲᠣᠭᠯᠠᠯᠲᠠ ᠨᠢ ᠡᠷᠡᠭᠲᠡᠢ ᠡᠮᠡᠭᠲᠡᠢᠶ᠋ᠢᠨ ᠭᠣᠴᠣᠯᠠᠯ ᠳᠠᠭᠤᠤ᠂ ᠱᠣᠭ ᠶᠠᠷᠢᠶᠠ ᠪᠣᠯᠤᠨ ᠣᠷᠣᠨ ᠨᠤᠲᠤᠭᠤ᠋ᠨ ᠣᠨᠴᠠᠯᠢᠭᠲᠠᠢ ᠪᠥᠵᠢᠭ ᠵᠡᠷᠭᠡ ᠤᠯᠠᠮᠵᠢᠯᠠᠯᠲᠤ ᠳᠠᠭᠤᠤ ᠪᠥᠵᠢᠭᠦ᠋ᠨ ᠤᠷᠠᠯᠢᠭ ᠢ᠋ ᠬᠠᠮᠤᠷᠤᠭᠤᠯᠤᠭᠰᠠᠨ ᠲᠡᠳᠦᠢ ᠦᠭᠡᠢ᠂ ᠮᠥᠨ ᠬᠢᠲ᠋ᠠᠷᠤᠨ ᠲᠤᠭᠯᠠᠯᠲᠠ ᠪᠣᠯᠤᠨ ᠮᠤᠳᠧᠯᠤᠨ ᠠᠯᠬᠤᠭᠠ ᠵᠡᠷᠭᠡ ᠣᠷᠴᠢᠨ ᠦᠶᠡᠶ᠋ᠢᠨ ᠠᠭᠤᠷ ᠠᠮᠢᠰᠬᠤᠯᠢ᠋ ᠠᠭᠤᠰᠬᠠᠵᠠᠢ᠃ ᠡᠭᠦᠨᠦ᠌ ᠬᠠᠮᠲᠤ᠂ ᠫᠷᠤᠭ᠌ᠷᠠᠮ ᠨᠢ ᠴᠠᠭ ᠦᠶᠡᠶ᠋ᠢᠨ ᠰᠤᠳᠠᠯᠤ᠋ᠨ ᠯᠤᠭᠰᠢᠯᠲᠠ ᠪᠣᠯᠤᠨ ᠠᠷᠠᠳᠤ᠋ᠨ ᠠᠮᠢᠳᠤᠷᠠᠯᠤ᠋ᠨ ᠰᠡᠳᠬᠢᠯᠭᠡᠶ᠋ᠢ ᠨᠢᠭᠲᠠ ᠠᠳᠬᠤᠵᠤ᠂ ︽ᠳᠤᠮᠳᠠᠳᠤᠶ᠋ᠢᠨ ᠬᠦᠰᠡᠯᠢ᠋ ᠬᠠᠮᠲᠤ ᠪᠠᠷ ᠴᠣᠭᠴᠠᠯᠠᠶᠠ︾ᠭᠡᠮᠡᠬᠦ ᠡᠷᠡᠭᠲᠡᠢ ᠡᠮᠡᠭᠲᠡᠢᠶᠢᠨ ᠲᠦᠷᠪᠡᠯᠡᠯ ᠲᠠᠭᠤᠤ ᠰᠦᠷ ᠳᠠᠯᠠᠢᠴᠠᠲᠠᠢ ᠶᠠᠪᠤᠭᠳᠠᠵᠤ᠂ ᠯᠢᠨ ᠾᠧ ᠲᠣᠭᠣᠷᠢᠭᠤ᠋ᠨ ᠠᠷᠠᠳ ᠲᠦᠮᠡᠨᠦ᠌ ᠪᠦᠯᠬᠦᠮᠳᠡᠨ ᠤᠷᠤᠭᠰᠢᠯᠠᠬᠤ ᠣᠶᠤᠨ ᠰᠠᠨᠠᠭᠠᠨᠤ᠋ ᠳᠦᠷᠰᠦ ᠪᠠᠢᠳᠠᠯᠢ᠋ ᠢᠯᠡᠳᠬᠡᠵᠦ᠂ 《ᠲᠠᠯᠠ ᠨᠤᠲᠤᠭᠤ᠋ᠨ ᠳᠠᠪᠠᠯᠭᠠ》 ᠭᠡᠬᠦ ᠪᠥᠵᠢᠭ ᠨᠢ ᠪᠣᠷᠣᠲᠣᠬᠣᠢᠶ᠋ᠢᠨ ᠬᠥᠪᠡᠭᠦᠳ ᠥᠬᠢᠳᠦ᠋ᠨ ᠤᠮᠤᠭ ᠲᠡᠭᠦᠯᠳᠡᠷ ᠵᠠᠩ ᠴᠢᠨᠠᠷ ᠢ᠋ ᠭᠦᠢᠴᠡᠳ ᠬᠠᠷᠠᠭᠤᠯᠵᠤ᠂ ᠠᠬᠤᠢ ᠲᠠᠯᠠᠪᠠᠢᠶ᠋ᠢᠨ ᠠᠭᠤᠷ ᠠᠮᠢᠰᠬᠤᠯᠢ᠋ ᠤᠷᠬᠢᠯᠳ᠋ᠦ᠍ ᠬᠦᠷᠭᠡᠪᠡ᠃
ᠲᠤᠰ ᠤᠳᠠᠭᠠᠶ᠋ᠢᠨ ᠰᠢᠷᠢᠰ ᠠᠵᠢᠯᠯᠠᠭᠠ ᠨᠢ 7 ᠰᠠᠷᠠᠶ᠋ᠢᠨ 31ᠦ᠌ ᠡᠳᠦᠷ ᠪᠣᠯᠲᠠᠯᠠ ᠶᠠᠪᠤᠭᠳᠠᠨᠠ᠃ ᠠᠵᠢᠯᠯᠠᠭᠠᠶ᠋ᠢᠨ ᠬᠤᠭᠤᠴᠠᠭᠠᠨᠳ᠋ᠤ᠌᠂ ᠯᠢᠨᠾᠧ ᠲᠣᠭᠣᠷᠢᠭ ᠪᠠᠰᠠ ᠪᠤᠷᠤᠳᠤᠬᠤᠢᠶ᠋ᠢᠨ ᠬᠣᠶᠠᠷ ᠬᠥᠮᠦᠨᠦ᠌ ᠡᠯᠭᠦᠯᠴᠡᠭᠡᠶ᠋ᠢᠨ ᠤᠷᠤᠯᠳᠤᠭᠠᠨ᠂ ᠪᠣᠳᠠᠰᠤ᠋ᠨ ᠪᠤᠰᠤ ᠰᠣᠶᠣᠯᠤ᠋ᠨ ᠥᠪᠦ᠋ᠨ ᠳᠡᠯᠭᠡᠨ ᠦᠵᠡᠭᠦᠯᠭᠡ᠂ ᠳᠤᠮᠳᠠᠳᠤ ᠤᠯᠤᠰᠤ᠋ᠨ ᠡᠪ ᠬᠠᠮᠲᠤ ᠨᠠᠮ ᠪᠠᠢᠭᠤᠯᠤᠭᠳᠠᠭᠰᠠᠨ 105 ᠵᠢᠯᠦ᠋ᠨ ᠣᠢᠶ᠋ᠢ ᠪᠡᠯᠭᠡᠯᠡᠬᠦ ᠭᠣᠣᠯ ᠰᠡᠳᠦᠪᠲᠦ ᠤᠷᠠᠨ ᠪᠢᠴᠢᠯᠭᠡ ᠤᠷᠠᠨ ᠵᠢᠷᠤᠭᠤ᠋ᠨ ᠪᠦᠲᠦᠭᠡᠯᠦ᠋ᠨ ᠦᠵᠡᠭᠦᠯᠭᠡ ᠵᠡᠷᠭᠡ ᠣᠨᠴᠠᠯᠢᠭᠲᠤ ᠰᠣᠶᠣᠯᠤ᠋ᠨ ᠠᠵᠢᠯᠯᠠᠭᠠᠶ᠋ᠢ ᠥᠷᠨᠢᠭᠦᠯᠵᠦ᠂ ᠯᠢᠨᠾᠧ ᠲᠣᠭᠣᠷᠢᠭᠤ᠋ᠨ ᠠᠵᠤ ᠠᠬᠤᠢ ᠨᠡᠢᠭᠡᠮᠦ᠋ᠨ ᠬᠥᠭᠵᠢᠯᠲᠡ᠂ ᠬᠣᠲᠠ ᠬᠥᠳᠡᠭᠡᠶ᠋ᠢᠨ ᠪᠦᠲᠦᠭᠡᠨ ᠪᠠᠢᠭᠤᠯᠤᠯᠲᠠ᠂ ᠠᠷᠠᠳᠤ᠋ᠨ ᠠᠮᠢᠳᠤᠷᠠᠯ᠂ ᠨᠡᠢᠭᠡᠮᠦ᠋ᠨ ᠡᠶᠡ ᠵᠣᠬᠢᠴᠠᠯ ᠵᠡᠷᠭᠡ ᠲᠠᠯᠠᠶ᠋ᠢᠨ ᠡᠯᠪᠡᠭ ᠪᠠᠶᠠᠯᠢᠭ ᠦᠷᠡ ᠪᠦᠲᠦᠭᠡᠯᠢ᠋ ᠲᠥᠪᠯᠡᠷᠡᠭᠦᠯᠦᠨ ᠳᠡᠯᠭᠡᠨ ᠦᠵᠡᠭᠦᠯᠵᠦ᠂ ᠬᠣᠲᠠᠶ᠋ᠢᠨ ᠠᠯᠳᠠᠷᠰᠢᠯ ᠪᠣᠯᠤᠨ ᠰᠣᠶᠣᠯ ᠵᠢᠭᠤᠯᠴᠢᠯᠠᠯᠤ᠋ᠨ ᠥᠷᠢᠰᠦᠯᠳᠦᠬᠦ ᠬᠦᠴᠦᠨᠢ᠋ ᠲᠠᠰᠤᠷᠠᠯᠲᠠ ᠦᠭᠡᠢ ᠳᠡᠭᠡᠭᠰᠢᠯᠡᠭᠦᠯᠬᠦ ᠪᠤᠯᠤᠨᠠ᠃