ᠰᠠᠯᠬᠢᠪᠠᠷᠢᠶᠠᠨ ᠦᠨᠦᠰᠳᠡᠭ ᠠᠭᠤᠯᠠᠶ᠋ᠢᠨ ᠡᠩᠭᠡᠷᠢᠶᠡᠷ ᠠᠪᠤ ᠮᠢᠨᠢ ᠢᠷᠡᠬᠦ᠌ ᠨᠢ ᠴᠤ᠌ ᠶᠤᠮ ᠦᠦ ᠳ᠋ᠠ
ᠰᠠᠢᠪᠤᠷ ᠰᠠᠢᠪᠤᠷ ᠮᠣᠷᠢᠨ ᠵᠡᠷᠭᠡᠯᠭᠡᠨ ᠨᠢᠳᠦᠨ ᠳᠤᠮᠳᠠᠭᠤᠷ ᠮᠢᠨᠢ ᠤᠷᠤᠰᠤᠨᠠ
ᠰᠠᠶᠢᠶ᠋ᠢᠨ ᠲᠡᠷᠡ ᠬᠦ᠌ ᠬᠣᠯᠠᠶ᠋ᠢᠨ ᠮᠥᠷᠦᠭᠡᠳᠦᠯᠢ ᠰᠡᠳᠭᠢᠯ ᠮᠢᠨᠢ ᠲᠠᠭᠤᠭᠠᠳ ᠭᠦᠢᠴᠡᠭ᠌ᠰᠡᠨ ᠦᠭᠡᠢ
ᠰᠠᠢᠬᠠᠨ ᠬᠠᠨ ᠤ ᠡᠭᠦᠯᠡᠨ ᠰᠡᠭᠦᠳᠡᠷ ᠳᠠᠭᠠᠷᠢᠵᠤ ᠠᠪᠤᠭᠠᠳ ᠯᠠ ᠶᠠᠪᠤᠭ᠍ᠰᠠᠨ ᠪᠠᠢᠬᠠ？
ᠨᠠᠳᠠᠪᠠᠷᠢᠶᠠᠨ ᠪᠠᠬᠠᠷᠬᠠᠳᠠᠭ ᠪᠤᠭᠤᠷᠤᠯ ᠠᠪᠤ ᠮᠢᠨᠢ ᠣᠲᠤᠷᠲᠤ ᠶᠠᠪᠤᠭᠠᠳ ᠢᠷᠡᠭᠡ ᠦᠭᠡᠢ
ᠨᠠᠪᠴᠢᠪᠠᠷᠢᠶᠠᠨ ᠤᠬᠢᠯᠠᠭ᠍ᠰᠠᠨ ᠲᠠᠯᠠᠳᠤ ᠨᠢᠯᠪᠤᠰᠤᠨᠠᠴᠠ ᠥᠭᠡᠷᠡ ᠶᠠᠭᠤᠮᠠ ᠬᠠᠷᠠᠭ᠍ᠳᠠᠭᠠ ᠦᠭᠡᠢ
ᠨᠠᠮᠬᠠᠨ ᠪᠤᠭᠤᠷᠤᠯ ᠬᠥᠭᠡᠷᠦᠬᠦᠢ ᠠᠪᠤ ᠮᠢᠨᠢ ᠵᠢᠷᠦᠬᠡᠨ ᠳᠣᠲᠤᠷᠠ ᠠᠮᠢᠳᠤᠷᠠᠳᠠᠭᠠᠴᠠ
ᠨᠠᠮᠵᠢᠭᠤᠨ ᠴᠡᠩᠬᠡᠷ ᠦᠳᠡᠰᠢᠶ᠋ᠢᠨ ᠲᠡᠭ᠌ᠷᠢᠡᠴᠡ ᠵᠡᠭᠦᠳᠦ ᠲᠤᠭᠤᠯᠤᠨ ᠢᠷᠡᠳᠡᠭ ᠯᠠ ᠪᠠᠢᠬᠠ？
ᠠᠪᠤ ᠮᠢᠨᠢ ᠪᠠᠢᠬᠤᠳᠤ ᠮᠥᠩᠬᠡᠶ᠋ᠢᠨ ᠳᠡᠷᠭᠡᠲᠡ ᠰᠠᠢᠬᠠᠨ ᠪᠥᠬᠦᠨ ᠤᠶᠠᠭᠠᠰᠤᠲᠠᠢ
ᠠᠷᠤ ᠨᠢᠷᠤᠭᠤᠨᠳᠤᠨᠢ ᠮᠥᠷᠦᠭᠡᠳᠦᠯ ᠪᠢᠳᠡ ᠬᠣᠶᠠᠷ ᠨᠢᠭᠡ ᠨᠢᠭᠡᠨᠳᠡᠭᠡᠨ ᠬᠡᠯᠬᠢᠶᠡᠰᠦᠲᠡᠢ
ᠠᠮᠢᠳᠤᠶ᠋ᠢᠨ ᠣᠷᠴᠢᠯᠠᠩᠳᠤ ᠪᠥᠲᠦᠨ ᠵᠢᠷᠭᠠᠯ ᠡᠭᠦᠷᠢᠳᠡᠶ᠋ᠢᠨ ᠶᠤᠮ ᠱᠢᠭ᠋ ᠰᠠᠨᠠᠭ᠍ᠳᠠᠬᠤᠪᠠᠷ
ᠠᠯᠳᠠᠵᠤ ᠶᠠᠪᠤᠭᠤᠯᠤᠭ᠍ᠰᠠᠨ ᠦᠨᠡ ᠲᠠᠢ ᠪᠥᠬᠦᠨᠢᠶᠡᠨ ᠥᠪᠡᠷᠡᠴᠡᠪᠡᠨ ᠡᠷᠢᠭᠡᠳ ᠣᠯᠤᠭ᠍ᠰᠠᠨ ᠦᠭᠡᠢ
ᠲᠠᠨᠢᠪᠡᠨ ᠦᠭᠡᠢᠯᠡᠵᠦ᠍ ᠬᠣᠵᠢᠮ ᠨᠢ ᠳᠤᠷᠠᠰᠭᠤᠳᠤ ᠲᠡᠭ᠌ᠷᠢ ᠲᠠᠢ ᠬᠥᠮᠦᠨ ᠪᠠᠢᠭ᠍ᠰᠠᠨ ᠶᠤᠮ ᠪᠢ
ᠲᠠᠪᠤᠨ ᠲᠢᠪᠲᠦ ᠬᠠᠮᠢᠭᠠᠠᠴᠠ ᠴᠤ᠌ ᠣᠯᠳᠠᠬᠤ ᠦᠭᠡᠢ ᠳᠡᠯᠡᠬᠡᠢ ᠲᠠᠢ ᠬᠥᠮᠦᠨ ᠪᠠᠢᠭ᠍ᠰᠠᠨ ᠶᠤᠮ
ᠲᠠᠩᠰᠤᠭ ᠵᠢᠷᠭᠠᠯ ᠲᠠᠢ ᠬᠥᠮᠦᠨᠦ ᠠᠮᠢᠳᠤᠷᠠᠯᠤᠨ ᠪᠠᠶᠠᠨ ᠯᠠ ᠬᠥᠮᠦᠨ ᠪᠠᠢᠭ᠍ᠰᠠᠨ ᠶᠤᠮ
ᠲᠠᠪᠠᠪᠠᠷᠢᠶᠠᠨ ᠲᠣᠭ᠍ᠯᠠᠭᠤᠯᠵᠤ ᠳᠤᠷᠠᠪᠠᠷᠢᠶᠠᠨ ᠳᠠᠪᠬᠢᠭ᠍ᠰᠠᠨ ᠮᠣᠷᠢ ᠲᠠᠢ ᠬᠥᠮᠦᠨ ᠪᠠᠢᠭ᠍ᠰᠠᠨ ᠶᠤᠮ
ᠳᠡᠯᠡᠬᠡᠢ ᠳᠡᠭᠡᠷᠡᠪᠡᠨ ᠡᠵᠡᠨ ᠶᠠᠪᠤᠭ᠍ᠰᠠᠨ ᠬᠠᠭᠠᠨ ᠲᠠᠢ ᠬᠥᠮᠦᠨ ᠪᠠᠢᠭ᠍ᠰᠠᠨ ᠶᠤᠮ
ᠳᠡᠷᠭᠡᠲᠡ ᠨᠢ ᠰᠠᠭᠤᠭᠠᠳ ᠥᠷᠦᠱᠢᠶᠡᠭ᠌ᠳᠡᠵᠦ᠍ ᠪᠠᠢᠭ᠍ᠰᠠᠨ ᠪᠤᠷᠬᠠᠨ ᠲᠠᠢ ᠯᠠ ᠬᠥᠮᠦᠨ ᠪᠠᠢᠭ᠍ᠰᠠᠨ ᠶᠤᠮ
ᠳᠡᠭᠡᠪᠦᠷᠲᠡᠬᠡᠨ ᠨᠠᠷᠠ ᠲᠠᠢ ᠪᠦᠷᠢᠨ ᠪᠥᠲᠦᠨ ᠭᠡᠷ ᠲᠠᠢ ᠬᠥᠮᠦᠨ ᠪᠠᠢᠭ᠍ᠰᠠᠨ ᠶᠤᠮ
ᠳᠡᠪᠡᠯ ᠲᠠᠢ ᠠᠪᠤᠶ᠋ᠢᠨᠢᠶᠡᠨ ᠨᠥᠮᠦᠷᠢ ᠳ᠋ᠦ᠍ᠨᠢ ᠥᠰᠦᠭ᠌ᠰᠡᠨ ᠰᠢᠳᠦᠭᠡᠨ ᠲᠠᠢ ᠬᠥᠮᠦᠨ ᠪᠠᠢᠭ᠍ᠰᠠᠨ ᠶᠤᠮ ᠪᠢ
ᠲᠡᠭ᠌ᠷᠢᠳᠡᠭᠡᠨ ᠶᠠᠪᠤᠭ᠍ᠰᠠᠨ ᠠᠪᠤ ᠮᠢᠨᠢ ᠪᠠᠢᠬᠤᠳᠤ ᠶᠠᠭᠤᠮᠠ ᠪᠥᠬᠦᠨ ᠣᠢᠷᠠᠬᠠᠨ ᠶᠤᠮ
ᠲᠡᠷᠡ ᠵᠢᠯᠦᠨ ᠶᠠᠷᠢᠵᠤ ᠥᠭ᠌ᠭᠦᠭ᠌ᠰᠡᠨ ᠦᠯᠢᠭᠡᠷ ᠨᠢ ᠬᠦᠷᠲᠡᠯᠡ ᠮᠥᠩᠬᠡᠶ᠋ᠢᠨ ᠶᠤᠮ
ᠲᠡᠷᠲᠡᠭᠡ ᠬᠤᠸᠠᠶ᠋ᠢᠨ ᠨᠠᠷᠠᠨ ᠡᠭᠡᠪᠦᠷᠲᠦ ᠠᠪᠤ ᠮᠢᠨᠢ ᠨᠣᠢᠷᠰᠤᠵᠤ ᠨᠤᠲᠤᠭ᠍ᠰᠢᠭ᠍ᠰᠠᠨᠠᠴᠠ ᠬᠣᠢᠨᠠ
ᠲᠡᠮᠡᠦᠯᠵᠦ᠍ ᠬᠦᠷᠳᠡᠭ ᠦᠭᠡᠢ ᠣᠷᠴᠢᠯᠠᠩᠤᠨ ᠵᠠᠢᠶ᠋ᠢ ᠲᠡᠢᠮᠦ᠍ ᠯᠠ ᠬᠣᠯᠠ ᠭᠡᠵᠤ ᠮᠠᠳᠠᠷᠡᠭ᠌ᠰᠡᠨ ᠶᠤᠮ᠃