ᠡᠪᠦᠭᠡᠨ ᠪᠢ ᠪᠤᠯ ᠤᠤᠯᠤᠨ ᠵᠤᠤ ᠤᠳᠠ ᠠᠢᠮᠠᠭᠤᠨ ᠮᠠᠩᠬᠠᠨ ᠨᠤᠲᠤᠭ ᠤᠩᠨᠢᠭᠤᠳ ᠬᠤᠰᠢᠭᠤᠨᠤ ᠠᠰᠢᠬᠠᠨ ᠰᠤᠮᠤ ᠪᠠᠷ ᠨᠤᠲᠤᠭ ᠲᠠᠢ ᠪᠢᠯᠡ᠃ ᠤᠨ ᠲᠤᠭᠠᠯᠠᠯᠤᠨ 1951 ᠤᠨ᠂ ᠴᠠᠭᠠᠭᠴᠢᠨ ᠲᠠᠤᠯᠠᠢ ᠵᠢᠯᠤᠨ ᠯᠠ ᠰᠠᠷᠠ ᠳ᠋ᠤ ᠲᠤᠰ ᠨᠤᠲᠤᠭᠤᠨ ᠡᠩᠤᠨ ᠨᠢᠭᠡᠨ ᠮᠠᠯᠴᠢᠨᠤ ᠭᠡᠷ ᠲᠸ᠋ ᠮᠡᠨᠳᠦᠯᠡᠪᠡ᠃ ᠡᠯᠦᠨᠴᠡ᠂ ᠬᠤᠯᠤᠨᠴᠠ ᠵᠢᠨ ᠦᠶᠡ ᠡᠴᠡ ᠪᠠᠨ ᠤᠷᠭᠠ ᠪᠠᠨ ᠠᠳᠬᠤᠭᠰᠠᠨ ᠮᠠᠯᠴᠢᠨ ᠶᠤᠮ᠃ ᠡᠪᠦᠭᠡᠨ ᠮᠢᠨᠦ ᠪᠡᠶᠡ ᠪᠤᠯ ᠡᠭᠡᠯ ᠵᠢᠷᠤᠨ ᠪᠢᠴᠢᠭᠲᠡᠨ᠂ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠵᠢᠨ ᠦᠨᠳᠦᠷ ᠳᠡᠰᠤᠨ ᠪᠠᠭᠰᠢ ᠵᠢᠨ ᠴᠤᠯᠠ ᠲᠠᠢ᠃ ᠠᠩᠬᠠ ᠳᠤᠮᠳᠠᠳᠤ ᠵᠢᠨ ᠰᠤᠷᠤᠯᠭᠠ ᠪᠠᠨ ᠲᠡᠭᠦᠰᠭᠡᠵᠦ ᠠᠳᠠᠯ ᠭᠡᠷ ᠲᠠᠬᠡᠨ ᠪᠤᠴᠠᠭᠠᠳ ᠠᠲᠠᠷ ᠬᠡᠭᠡᠷᠡ ᠨᠤᠲᠤᠭ ᠲᠠᠭᠠᠨ ᠠᠳᠤᠭᠤ ᠮᠠᠯ ᠵᠢᠠᠨ ᠮᠠᠯᠵᠢᠵᠤ ᠪᠠᠢᠪᠠ᠃
1973 ᠤᠨ ᠪᠤᠯᠬᠤ ᠳ᠋ᠤ 《ᠵᠤᠤ ᠤᠳᠠ ᠠᠢᠮᠠᠭᠤᠨ ᠯᠢᠨᠳ᠋ᠦ᠋ᠩ ᠳ᠋ᠡᠬᠢ ᠪᠠᠭᠰᠢ ᠵᠢᠨ ᠰᠤᠷᠭᠠᠭᠤᠯᠢ》 ᠨᠢ ᠰᠤᠷᠤᠭᠴᠢ ᠡᠯᠰᠡᠬᠦ ᠪᠠᠷ ᠪᠤᠯᠬᠤ ᠳ᠋ᠤ᠂ ᠨᠠᠮ ᠵᠠᠰᠠᠭᠤᠨ ᠡᠨᠡᠷᠢᠯ ᠬᠠᠢᠷᠠ᠂ ᠠᠷᠠᠳ ᠲᠦᠮᠡᠨᠤ ᠨᠠᠢᠳᠠᠯᠭᠠ ᠪᠠᠷ ᠡᠮᠨᠢᠭᠤᠨ ᠨᠢᠷᠤᠭᠤᠨ ᠡᠴᠡ ᠡᠷᠳᠡᠮᠤᠨ ᠨᠢᠷᠤᠭᠤᠨ ᠳ᠋ᠤ ᠭᠠᠷᠬᠤ ᠪᠠᠷ 《ᠯᠢᠨᠳ᠋ᠦ᠋ᠩ ᠳ᠋ᠡᠬᠢ ᠪᠠᠭᠰᠢ ᠵᠢᠨ ᠰᠤᠷᠭᠠᠭᠤᠯᠢ》 ᠵᠢᠨ ᠰᠤᠷᠤᠭᠴᠢ ᠪᠤᠯᠵᠤ᠂ 1975 ᠤᠨᠳᠤ ᠰᠢᠯᠢᠳᠡᠭ ᠬᠢᠷᠢ ᠪᠦᠲᠦᠮᠵᠢ ᠪᠠᠷ ᠰᠤᠷᠤᠯᠭᠠ ᠪᠠᠨ ᠲᠡᠭᠦᠰᠭᠡᠵᠦ᠂ ᠳᠡᠭᠡᠷᠠ ᠱᠠᠲᠤᠨᠤ ᠨᠢᠭᠡᠳᠦᠯᠲᠡᠢ ᠳᠤᠬᠢᠷᠠᠭᠤᠯᠭᠠ ᠵᠢ ᠳᠠᠭᠠᠵᠤ ᠪᠠᠭᠠᠷᠢᠨ ᠵᠡᠭᠦᠨ ᠬᠤᠰᠢᠭᠤᠨᠤ ᠮᠤᠩᠭᠤᠯ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢᠳᠤ ᠬᠤᠪᠢᠶᠠᠭᠳᠠᠨ᠂ ᠢᠷᠠᠭᠤ ᠠᠯᠳᠠᠷᠲᠠᠢ ᠠᠷᠠᠳᠤᠨ ᠪᠠᠭᠰᠢ ᠵᠢᠨ ᠠᠵᠢᠯ ᠵᠢᠠᠨ ᠭᠠᠷᠳᠠᠨ ᠡᠬᠢᠯᠡᠭᠦᠯᠦᠭᠰᠡᠨ ᠪᠢᠯᠡ᠃
ᠵᠢᠭᠠᠨ ᠰᠤᠷᠭᠠᠬᠤ ᠠᠵᠢᠯ ᠪᠤᠯ ᠨᠢᠭᠡᠨ ᠪᠡᠶᠡ ᠪᠠᠨ ᠳᠠᠭᠠᠭᠠᠭᠰᠠᠨ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠮᠥᠨ᠂ ᠬᠢᠴᠢᠶᠡᠯ ᠵᠢᠭᠠᠭᠴᠢ ᠪᠠᠭᠰᠢ ᠡᠷᠬᠡᠪᠰᠢ ᠲᠤᠰ ᠬᠢᠴᠢᠶᠡᠯ ᠲᠦᠷᠦᠯ ᠵᠢᠠᠨ ᠨᠠᠷᠢᠨ ᠨᠢᠮᠪᠠᠢ ᠰᠢᠨᠵᠢᠯᠡᠨ ᠰᠤᠳᠤᠯᠵᠤ ᠪᠠᠢᠬᠤ ᠴᠢᠬᠤᠯᠠᠲᠠᠢ ᠪᠦᠭᠡᠳ ᠬᠡᠯᠡ ᠪᠢᠴᠢᠭᠤᠨ ᠬᠢᠴᠢᠶᠡᠯᠤᠨ ᠪᠤᠳᠠᠲᠤ ᠤᠨᠴᠠᠯᠢᠭᠢ ᠦᠨᠳᠦᠰᠦᠯᠡᠨ 《ᠤᠩᠰᠢᠬᠤ᠂ ᠪᠢᠴᠢᠬᠦ᠂ ᠴᠡᠭᠡᠵᠢᠯᠡᠬᠦ᠂ ᠲᠠᠢᠯᠪᠤᠷᠢᠯᠠᠬᠤ》 ᠵᠡᠷᠭᠡ ᠰᠠᠭᠤᠷᠢ ᠮᠡᠳᠡᠯᠭᠡ ᠵᠢᠨ ᠵᠦᠢᠯᠢ ᠵᠠᠪᠠᠯ ᠴᠢᠩᠭᠠ ᠪᠠᠷᠢᠮᠲᠠᠯᠠᠨ ᠨᠠᠷᠢᠨ ᠬᠢᠨᠠᠮᠠᠭᠠᠢ ᠵᠢᠭᠠᠨ ᠰᠤᠷᠭᠠᠬᠤ ᠴᠢᠬᠤᠯᠠᠲᠠᠢ ᠪᠢᠯᠡ᠃
1975 — 1996 ᠤᠨ ᠬᠦᠷᠲᠡᠯᠡᠬᠢ ᠬᠤᠷᠢᠨ ᠵᠢᠯ ᠳ᠋ᠤ ᠪᠢ ᠳᠦᠷᠪᠡ ᠤᠳᠠᠭᠠ ᠳᠡᠭᠡᠳᠦ ᠳᠤᠮᠳᠠᠳᠤ ᠵᠢᠨ ᠠᠩᠬᠢ ᠵᠢ ᠲᠡᠭᠦᠰᠭᠡᠵᠦ᠂ ᠮᠢᠨᠦ ᠵᠢᠭᠠᠭᠰᠠᠨ ᠬᠡᠯᠡ ᠪᠢᠴᠢᠭᠤᠨ ᠬᠢᠴᠢᠶᠡᠯ ᠨᠢ ᠳᠦᠷᠪᠡ ᠤᠳᠠᠭᠠ ᠤᠯᠤᠰᠤᠨ ᠰᠢᠯᠭᠠᠯᠲᠠ ᠳ᠋ᠤ ᠲᠡᠭᠰᠢᠳᠭᠡᠯ ᠬᠤᠪᠢ ᠪᠠᠷ ᠵᠢᠠᠨ ᠤᠯᠠᠭᠠᠨᠬᠠᠳᠠ ᠬᠤᠲᠠ ᠳ᠋ᠠᠭᠠᠨ ᠡᠮᠦᠨᠡ ᠭᠤᠷᠪᠠᠳᠤ ᠤᠷᠤᠵᠤ᠂ ᠬᠤᠷᠢᠨ ᠵᠢᠯᠤᠨ ᠳᠤᠷᠰᠢ ᠮᠢᠨᠦ ᠡᠷᠬᠢᠯᠡᠭᠰᠡᠨ ᠠᠩᠬᠢ ᠡᠴᠡ ᠮᠠᠰᠢ ᠤᠯᠠᠨ ᠰᠤᠷᠤᠭᠴᠢᠳ ᠶᠡᠬᠡ ᠰᠤᠷᠭᠠᠭᠤᠯᠢ ᠳ᠋ᠤ ᠰᠢᠯᠭᠠᠨ ᠤᠷᠤᠭᠰᠠᠨ ᠪᠦᠭᠡᠳ ᠬᠥᠭᠵᠢᠯᠲᠤ᠂ ᠤᠶᠤᠨᠴᠢᠮᠡᠭ᠂ ᠵᠤᠤ ᠢᠤᠢ ᠶᠢᠩ ᠵᠡᠷᠭᠡ ᠨᠢᠭᠡ ᠪᠦᠯᠦᠭ ᠰᠢᠯᠢᠳᠡᠭ ᠰᠤᠷᠤᠯᠭᠠᠲᠠᠳ ᠤᠷᠤᠨᠤ ᠭᠠᠳᠠᠨᠠᠬᠢ ᠶᠡᠬᠡ ᠰᠤᠷᠭᠠᠭᠤᠯᠢᠳᠤ ᠰᠢᠯᠭᠠᠨ ᠤᠷᠤᠵᠤ᠂ ᠯᠢᠨᠳ᠋ᠦ᠋ᠩᠤᠨ ᠮᠤᠩᠭᠤᠯ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠵᠢᠨ ᠰᠤᠷᠤᠭᠴᠢᠳ ᠤᠷᠤᠨᠤ ᠭᠠᠳᠠᠨᠠᠬᠢ ᠶᠡᠬᠡ ᠰᠤᠷᠭᠠᠭᠤᠯᠢ ᠳ᠋ᠤ ᠰᠢᠯᠭᠠᠨ ᠤᠷᠤᠵᠤ ᠳᠡᠢᠯᠬᠦ ᠦᠭᠡᠢ ᠪᠠᠢᠭᠰᠠᠨ ᠬᠤᠴᠤᠷᠤᠩᠭᠤᠢ ᠪᠠᠢᠳᠠᠯᠢ ᠬᠤᠪᠢᠷᠠᠭᠤᠯᠪᠠ᠃ ᠳᠡᠭᠡᠳᠦ ᠳᠤᠮᠳᠠᠳᠤ ᠵᠢᠨ ᠠᠩᠬᠢ ᠵᠢᠨ ᠬᠢᠴᠢᠶᠡᠯᠢ ᠵᠢᠭᠠᠵᠤ ᠪᠠᠢᠭᠰᠠᠨ ᠬᠤᠭᠤᠴᠠᠭᠠᠨ ᠳ᠋ᠤ᠂ ᠪᠢ ᠬᠤᠲᠠ ᠵᠢᠨ ᠰᠤᠷᠤᠭᠴᠢᠳᠤᠨ ᠪᠤᠳᠠᠲᠤ ᠪᠠᠢᠳᠠᠯᠢ ᠦᠨᠳᠦᠰᠦᠯᠡᠨ᠂ 《ᠬᠤᠲᠠ ᠵᠢᠨ ᠰᠤᠷᠤᠭᠴᠢᠳ ᠬᠡᠷᠬᠢᠨ ᠬᠢᠴᠢᠶᠡᠯᠤᠨ ᠭᠠᠳᠠᠭᠤᠷᠬᠢ ᠴᠠᠭ ᠵᠢᠠᠨ ᠠᠰᠢᠭᠯᠠᠨ ᠰᠤᠷᠤᠯᠴᠠᠬᠤ ᠳᠤᠬᠠᠢ》 ᠭᠡᠬᠦ ᠦᠭᠦᠯᠡᠯ ᠪᠢᠴᠢᠵᠦ᠂ ᠬᠤᠵᠢᠮ ᠨᠢ ᠦᠪᠠᠷᠳᠡᠭᠡᠨ ᠵᠠᠰᠠᠬᠤ ᠤᠷᠤᠨᠤ 《ᠵᠢᠭᠠᠨ ᠰᠤᠷᠭᠠᠯᠲᠠ ᠵᠢᠨ ᠰᠤᠳᠤᠨ ᠦᠭᠦᠯᠡᠯᠤᠨ ᠲᠡᠭᠦᠪᠦᠷᠢ》 ᠳ᠋ᠤ ᠰᠤᠩᠭᠤᠭᠳᠠᠪᠠ᠃ 《ᠲᠤᠷᠭᠠᠨ ᠵᠢᠯᠤᠭᠤ》 ᠰᠡᠳᠬᠦᠯᠳᠤ ᠮᠢᠨᠦ ᠭᠠᠷᠭᠠᠭᠰᠠᠨ ᠬᠡᠳᠦᠨ ᠬᠤᠪᠢ ᠳᠡᠭᠡᠳᠦ ᠭᠤᠷᠪᠠ ᠵᠢᠨ ᠮᠤᠩᠭᠤᠯ ᠬᠡᠯᠡᠨᠤ ᠰᠤᠷᠢᠯᠲᠠ ᠵᠢᠨ ᠰᠡᠳᠦᠪᠢ ᠨᠡᠢᠲᠡᠯᠡᠵᠡᠢ᠃ 1985 ᠤᠨᠳᠤ ᠤᠯᠠᠭᠠᠨᠬᠠᠳᠠ ᠬᠤᠲᠠ ᠵᠢᠨ ᠳᠡᠭᠡᠳᠦ ᠭᠤᠷᠪᠠ ᠵᠢᠨ ᠬᠡᠯᠡ ᠪᠢᠴᠢᠭᠤᠨ ᠵᠢᠭᠠᠨ ᠵᠢᠯᠤᠭᠤᠳᠬᠤ ᠳᠤᠭᠤᠢᠯᠠᠩᠤᠨ ᠬᠡᠰᠢᠭᠦᠨ ᠪᠤᠯᠪᠠ᠃
ᠵᠢᠭᠠᠨ ᠰᠤᠷᠭᠠᠬᠤ ᠠᠵᠢᠯ ᠳ᠋ᠠᠭᠠᠨ ᠳᠤᠪᠤᠢᠮᠠ ᠠᠮᠵᠢᠯᠲᠠ ᠤᠯᠤᠭᠰᠠᠨ ᠡᠴᠡ 1984 ᠤᠨᠳᠤ ᠪᠠᠭᠠᠷᠢᠨ ᠵᠡᠭᠦᠨ ᠬᠤᠰᠢᠭᠤᠨᠤ ᠵᠠᠰᠠᠭᠤᠨ ᠤᠷᠳᠤᠨ᠂ ᠰᠤᠷᠭᠠᠨ ᠬᠦᠮᠦᠵᠢᠯᠤᠨ ᠳᠤᠪᠴᠢᠶᠠᠨ ᠡᠴᠡ ᠤᠯᠭᠤᠭᠰᠠᠨ 《ᠵᠢᠱ᠌ᠢᠶᠡᠴᠢ ᠵᠢᠭᠠᠨ ᠰᠤᠷᠭᠠᠭᠴᠢ》 ᠵᠢᠨ ᠬᠥᠬᠢᠭᠦᠯᠦᠯᠢ ᠬᠦᠷᠲᠡᠵᠦ᠂ 1987 ᠤᠨᠳᠤ ᠤᠯᠠᠭᠠᠨᠬᠠᠳᠠ ᠬᠤᠲᠠ ᠵᠢᠨ ᠵᠠᠰᠠᠭᠤᠨ ᠤᠷᠳᠤᠨ᠂ ᠰᠤᠷᠭᠠᠨ ᠬᠦᠮᠦᠵᠢᠯᠤᠨ ᠳᠤᠪᠴᠢᠶᠡᠨ ᠡᠴᠡ ᠤᠯᠭᠤᠭᠰᠠᠨ 《ᠰᠢᠯᠢᠳᠡᠭ ᠵᠢᠭᠠᠨ ᠰᠤᠷᠭᠠᠭᠴᠢ》 ᠵᠢᠨ ᠬᠥᠬᠢᠭᠦᠯᠦᠯᠢ ᠬᠦᠷᠲᠡᠵᠦ᠂ 1994 ᠤᠨᠳᠤ ᠪᠠᠭᠠᠷᠢᠨ ᠵᠡᠭᠦᠨ ᠬᠤᠰᠢᠭᠤᠨᠤ 《ᠬᠡᠯᠡ ᠪᠢᠴᠢᠭ ᠵᠢᠠᠨ ᠰᠤᠷᠴᠤ ᠬᠡᠷᠡᠭᠯᠡᠭᠰᠡᠨ ᠵᠢᠱ᠌ᠢᠶᠡᠴᠢ》 ᠪᠠᠷ ᠰᠤᠩᠭᠤᠭᠳᠠᠪᠠ᠃
1953 ᠤᠨᠳᠤ ᠪᠠᠢᠭᠤᠯᠤᠭᠳᠠᠭᠰᠠᠨ ᠡᠴᠡ ᠪᠠᠨ 1996 ᠤᠨ ᠪᠤᠯᠲᠠᠯᠠ᠂ ᠯᠢᠨᠳ᠋ᠦ᠋ᠩᠤᠨ ᠮᠤᠩᠭᠤᠯ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠨᠢ ᠲᠦᠴᠢ ᠭᠠᠷᠤᠢ ᠵᠢᠯᠳᠤ ᠳᠡᠭᠡᠳᠦ ᠳᠤᠮᠳᠠᠳᠤ ᠵᠢᠨ ᠠᠩᠬᠢ᠂ ᠠᠩᠬᠠ ᠳᠤᠮᠳᠠᠳᠤ ᠵᠢᠨ ᠠᠩᠭᠢ ᠪᠠ ᠪᠠᠭᠠ ᠰᠤᠷᠭᠠᠭᠤᠯᠢ ᠲᠠᠢ ᠪᠠᠨ ᠨᠢᠭᠡ ᠰᠤᠷᠭᠠᠭᠤᠯᠢ ᠵᠢᠨ ᠬᠦᠷᠢᠶᠡᠨᠳᠤ ᠰᠢᠬᠠᠯᠳᠤᠨ ᠬᠢᠴᠢᠶᠡᠯᠯᠡᠵᠦ ᠪᠠᠢᠪᠠ᠃ 1996 ᠤᠨ ᠪᠤᠯᠬᠤ ᠳ᠋ᠤ ᠳᠡᠭᠡᠷᠠ ᠱᠠᠲᠤᠨᠤ ᠵᠢᠭᠠᠪᠤᠷᠢ ᠵᠢ ᠦᠨᠳᠦᠰᠦᠯᠡᠨ᠂ ᠮᠤᠩᠭᠤᠯ ᠪᠠᠭᠠ ᠰᠤᠷᠭᠠᠭᠤᠯᠢ ᠵᠢ ᠰᠠᠯᠭᠠᠨ ᠡᠷᠬᠢᠯᠡᠬᠦ ᠪᠠᠷ ᠪᠤᠯᠵᠤ᠂ᠪᠠᠭᠠᠷᠢᠨ ᠵᠡᠭᠦᠨ ᠬᠤᠰᠢᠭᠤᠨᠤ ᠵᠠᠰᠠᠭᠤᠨ ᠤᠷᠳᠤᠨ ᠪᠠ ᠰᠤᠷᠭᠠᠨ ᠬᠦᠮᠦᠵᠢᠯᠤᠨ ᠳᠤᠪᠴᠢᠶᠡᠨ ᠡᠴᠡ ᠡᠨᠡ ᠬᠦ᠌ ᠬᠦᠴᠢᠷ ᠲᠡᠢ ᠮᠦᠷᠲᠡᠭᠡᠨ ᠬᠦᠨᠳᠦ ᠴᠢᠬᠤᠯᠠ ᠡᠭᠦᠷᠭᠡ ᠵᠢ ᠨᠠᠳᠠ ᠳ᠋ᠤ ᠳᠤᠰᠢᠶᠠᠨ ᠥᠭᠪᠡ᠃ ᠤᠷᠤᠨ ᠨᠤᠲᠤᠭᠤᠨ ᠵᠢᠠᠨ ᠰᠤᠷᠭᠠᠨ ᠬᠦᠮᠦᠵᠢᠯ ᠳ᠋ᠤ ᠦᠨᠡᠨᠴᠢ ᠰᠢᠳᠤᠷᠭᠤ ᠪᠠᠢᠬᠤ ᠭᠠᠭᠴᠠ ᠰᠡᠳᠭᠢᠯᠭᠡ ᠵᠢ ᠡᠪᠦᠷᠯᠡᠨ ᠬᠦᠨᠳᠦ ᠴᠢᠬᠤᠯᠠ ᠡᠭᠦᠷᠭᠡ ᠵᠢ ᠳᠤᠷᠠᠲᠠᠶᠠ ᠬᠦᠯᠢᠶᠡᠨ ᠠᠪᠴᠤ᠂ ᠰᠤᠷᠭᠠᠭᠤᠯᠢ ᠪᠠᠢᠭᠤᠯᠬᠤ ᠠᠵᠢᠯ ᠳ᠋ᠠᠭᠠᠨ ᠡᠳᠦᠷᠵᠢᠨ ᠰᠦᠨᠢᠵᠢᠨ ᠴᠢᠷᠮᠠᠢᠵᠤ᠂ ᠤᠬᠤᠷᠬᠠᠨ ᠵᠢᠯ ᠬᠠᠭᠠᠰᠤᠨ ᠬᠤᠭᠤᠴᠠᠭᠠᠨ ᠳ᠋ᠤ ᠰᠢᠨᠡ ᠰᠤᠷᠭᠠᠭᠤᠯᠢ ᠪᠠᠨ ᠪᠦᠲᠦᠭᠡᠨ ᠪᠠᠢᠭᠤᠯᠵᠤ ᠳᠠᠭᠤᠰᠬᠠᠨ᠂ 1998 ᠤᠨᠤ 9 ᠰᠠᠷᠠ ᠵᠢᠨ 1ᠤ᠋ ᠡᠳᠦᠷ ᠰᠢᠨᠡ ᠰᠤᠷᠤᠯᠭᠠ ᠵᠢᠨ ᠬᠤᠭᠤᠴᠠᠭᠠ ᠡᠬᠢᠯᠡᠬᠦ ᠳ᠋ᠤ᠂ ᠮᠤᠩᠭᠤᠯ ᠪᠠᠭᠠ ᠰᠤᠷᠭᠠᠭᠤᠯᠢ ᠵᠢᠨ ᠪᠦᠬᠦ ᠪᠠᠭᠰᠢ ᠰᠤᠷᠤᠭᠴᠢᠳ ᠰᠢᠨᠡ ᠰᠤᠷᠭᠠᠭᠤᠯᠢ ᠵᠢᠨ ᠬᠦᠷᠢᠶᠡ᠂ ᠳᠤᠬᠢᠯᠢᠭ ᠰᠠᠢᠬᠠᠨ ᠬᠢᠴᠢᠶᠡᠯᠤᠨ ᠲᠠᠩᠬᠢᠮ ᠳ᠋ᠤ ᠬᠢᠴᠢᠶᠡᠯ ᠰᠤᠷᠤᠯᠭᠠ ᠪᠠᠨ ᠡᠬᠢᠯᠡᠭᠦᠯᠵᠦ᠂ ᠲᠦᠴᠢ ᠭᠠᠷᠤᠢ ᠵᠢᠯ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠲᠠᠢ ᠬᠤᠯᠢᠯᠳᠤᠨ ᠬᠢᠴᠢᠶᠡᠯᠯᠡᠵᠦ ᠪᠠᠢᠭᠰᠠᠨ ᠲᠡᠦᠬᠡ ᠵᠢ ᠡᠴᠦᠰᠯᠡᠭᠦᠯᠪᠡ᠃ ᠡᠨᠡ ᠬᠦ᠌ ᠢᠷᠠᠭᠤ ᠠᠯᠳᠠᠷᠲᠠᠢ ᠡᠭᠦᠷᠭᠡ ᠵᠢ ᠠᠮᠵᠢᠯᠲᠠ ᠲᠠᠢ ᠪᠡᠶᠡᠯᠡᠭᠦᠯᠦᠭᠰᠡᠨ ᠵᠢᠠᠷ᠂ 1998 ᠤᠨᠳᠤ ᠤᠯᠠᠭᠠᠨᠬᠠᠳᠠ ᠬᠤᠲᠠ ᠵᠢᠨ ᠠᠷᠠᠳᠤᠨ ᠵᠠᠰᠠᠭᠤᠨ ᠤᠷᠳᠤᠨ᠂ ᠰᠤᠷᠭᠠᠨ ᠬᠦᠮᠦᠵᠢᠯᠤᠨ ᠳᠤᠪᠴᠢᠶᠠᠨ ᠡᠴᠡ 《ᠭᠠᠪᠢᠶᠠ ᠲᠡᠮᠲᠡᠭᠯᠡᠬᠦ》 ᠱᠠᠩᠨᠠᠯ ᠤᠯᠭᠤᠪᠠ᠃
ᠮᠤᠩᠭᠤᠯ ᠪᠠᠭᠠ ᠰᠤᠷᠭᠠᠭᠤᠯᠢ ᠳ᠋ᠤ ᠠᠵᠢᠯᠯᠠᠵᠤ ᠪᠠᠢᠭᠠ ᠬᠤᠭᠤᠴᠠᠭᠠᠨ ᠳ᠋ᠠᠭᠠᠨ ᠡᠬᠡᠨᠡᠷ ᠲᠡᠢ ᠪᠠᠨ ᠬᠠᠪᠰᠤᠷᠤᠯᠴᠠᠨ᠂ ᠪᠠᠭᠠ ᠰᠤᠷᠭᠠᠭᠤᠯᠢ ᠵᠢᠨ ᠬᠢᠴᠢᠶᠡᠯ ᠲᠦᠷᠦᠯᠳᠤ ᠳᠤᠬᠢᠷᠠᠯᠴᠠᠬᠤ ᠵᠢᠭᠠᠬᠤ ᠪᠠᠭᠠᠵᠢ 《ᠤᠯᠠᠨ ᠬᠡᠷᠡᠭᠴᠡᠭᠡᠳᠦ ᠡᠷᠭᠢᠭᠦᠯᠭᠡᠲᠦ ᠰᠠᠮᠪᠠᠷᠠ》 ᠵᠢ ᠦᠢᠯᠡᠳᠦᠨ ᠪᠦᠲᠦᠭᠡᠵᠦ᠂ 《ᠡᠷᠭᠢᠭᠦᠯᠭᠡᠲᠦ ᠰᠠᠮᠪᠠᠷᠠ》 ᠵᠢᠨ ᠵᠠᠭᠪᠤᠷ ᠳᠦᠷᠰᠦ ᠪᠠ ᠬᠡᠷᠡᠭᠯᠡᠬᠦ ᠲᠠᠢᠯᠪᠤᠷᠢ ᠵᠢ 《ᠦᠪᠦᠷ ᠮᠤᠩᠭᠤᠯᠤᠨ ᠰᠤᠷᠭᠠᠨ ᠬᠦᠮᠦᠵᠢᠯ》 ᠰᠡᠳᠬᠦᠯ ᠳ᠋ᠤ ᠨᠡᠢᠲᠡᠯᠡᠭᠰᠡᠨ ᠡᠴᠡ ᠳᠤᠬᠠᠢ ᠵᠢᠨ ᠦᠶᠠ ᠳ᠋ᠤ ᠠᠯᠠᠱᠠ᠂ ᠪᠠᠶᠠᠠᠨᠠᠭᠤᠷ ᠵᠡᠷᠭᠡ ᠠᠢᠮᠠᠭᠤᠨ ᠨᠠᠯᠢᠶᠡᠳ ᠤᠯᠠᠨ ᠪᠠᠭᠠ ᠰᠤᠷᠭᠠᠭᠤᠯᠢ ᠨᠤᠭᠤᠳ ᠲᠤᠰ 《ᠡᠷᠭᠢᠭᠦᠯᠭᠡᠲᠦ ᠰᠠᠮᠪᠠᠷᠠ》 ᠵᠢ ᠬᠡᠷᠡᠭᠯᠡᠭᠰᠡᠨ ᠵᠢᠠᠨ ᠮᠡᠳᠡᠭᠳᠡᠪᠡ᠃ ᠪᠠᠭᠠ ᠰᠤᠷᠭᠠᠭᠤᠯᠢ ᠳ᠋ᠤ ᠠᠵᠢᠯᠯᠠᠵᠤ ᠪᠠᠢᠬᠤ ᠳ᠋ᠠᠭᠠᠨ ᠪᠠᠭᠠᠴᠤᠳ ᠬᠡᠦᠬᠡᠳᠤᠨ ᠳᠤᠷᠠ ᠰᠤᠨᠢᠷᠬᠠᠯᠳᠤ ᠨᠡᠢᠴᠡᠬᠦ 《ᠠᠷᠪᠠᠨ ᠬᠤᠶᠠᠷ ᠵᠢᠯᠤᠨ ᠠᠮᠢᠲᠠᠨᠢ ᠳᠦᠷᠰᠦᠯᠢᠭ ᠬᠡᠯᠡᠬᠦ》᠂ 《ᠠᠮᠠᠨ ᠬᠦᠵᠦᠭᠦᠦ ᠵᠢᠨ ᠢᠷᠦᠭᠡᠯ》 ᠵᠡᠷᠭᠡ ᠱᠤᠭ ᠶᠦᠮᠦᠷ ᠵᠤᠬᠢᠶᠠᠯ ᠪᠢᠴᠢᠵᠦ᠂ 《ᠦᠪᠦᠷ ᠮᠤᠩᠭᠤᠯᠤᠨ ᠵᠠᠯᠠᠭᠤᠴᠤᠳ》᠂ 《ᠴᠤᠮᠤᠷᠯᠢᠭ》 ᠵᠡᠷᠭᠡ ᠰᠡᠳᠬᠦᠯ ᠳ᠋ᠤ ᠨᠡᠢᠲᠡᠯᠡᠭᠦᠯᠦᠭᠰᠡᠨ ᠶᠤᠮ᠃
ᠨᠠᠰᠤ ᠵᠢᠯᠤᠨ ᠬᠠᠷᠠᠭᠠ ᠪᠠᠷ᠂ 2002 ᠤᠨᠳᠤ ᠬᠤᠰᠢᠭᠤᠨᠤ ᠵᠢᠭᠠᠬᠤ ᠵᠢ ᠰᠤᠳᠤᠯᠬᠤ ᠭᠡᠷ ᠲᠸ᠋ ᠠᠵᠢᠯ ᠰᠢᠯᠵᠢᠵᠦ᠂ ᠪᠦᠬᠦ ᠬᠤᠰᠢᠭᠤᠨᠤ ᠮᠤᠩᠭᠤᠯ ᠵᠢᠠᠷ ᠬᠢᠴᠢᠶᠡᠯᠯᠡᠬᠦ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠵᠢᠨ ᠬᠡᠯᠡ ᠪᠢᠴᠢᠭᠤᠨ ᠵᠢᠭᠠᠨ ᠰᠤᠷᠭᠠᠯᠲᠠ ᠵᠢᠨ ᠳᠤᠬᠠᠢ ᠠᠵᠢᠯᠢ ᠬᠢᠵᠦ ᠪᠠᠢᠭᠠᠳ 2010 ᠤᠨᠳᠤ ᠠᠵᠢᠯᠤᠨ ᠠᠮᠠᠷᠠᠯᠲᠠ ᠪᠠᠨ ᠠᠪᠴᠤ ᠠᠷᠤ ᠭᠡᠷ ᠲᠡᠭᠡᠨ ᠪᠤᠴᠠᠪᠠ᠃ ᠠᠵᠢᠯ ᠳᠡᠭᠡᠷᠡ ᠪᠠᠢᠬᠤ ᠳ᠋ᠠᠭᠠᠨ ᠠᠯᠢᠪᠠ ᠪᠦᠬᠦᠨ ᠵᠢᠠᠨ ᠵᠢᠭᠠᠨ ᠰᠤᠷᠭᠠᠯᠲᠠ ᠳᠡᠭᠡᠷᠡ ᠲᠠᠯᠪᠢᠵᠤ᠂ ᠪᠢᠴᠢᠭ ᠵᠢᠭᠠᠵᠤ ᠬᠦᠮᠦᠨ ᠬᠦᠮᠦᠵᠢᠭᠦᠯᠬᠦ ᠵᠢ ᠲᠦᠮᠡᠨ ᠶᠠᠪᠤᠳᠠᠯᠤᠨ ᠲᠡᠷᠢᠭᠦᠨ ᠵᠢᠠᠷ ᠦᠵᠡᠵᠦ ᠪᠠᠢᠪᠠ᠃ ᠠᠵᠢᠯᠤᠨ ᠠᠮᠠᠷᠠᠯᠲᠠ ᠪᠠᠨ ᠠᠪᠤᠭᠰᠠᠨᠤ ᠳᠠᠷᠠᠭᠠ ᠮᠤᠩᠭᠤᠯ ᠦᠨᠳᠦᠰᠦᠲᠡᠨᠤ ᠪᠠᠨ ᠲᠡᠦᠬᠡ ᠰᠤᠶᠤᠯ᠂ ᠠᠵᠤ ᠠᠮᠢᠳᠤᠷᠠᠯ᠂ ᠵᠠᠩ ᠦᠢᠯᠡ ᠵᠡᠷᠭᠡ ᠳ᠋ᠤ ᠠᠩᠬᠠᠷᠤᠯ ᠲᠠᠯᠪᠢᠵᠤ᠂ ᠬᠥᠳᠡᠭᠡ ᠨᠤᠲᠤᠭᠤᠨ ᠮᠠᠯᠴᠢᠳᠤᠨ ᠦᠨᠡᠨ ᠠᠮᠢᠳᠤᠷᠠᠯᠢ ᠬᠠᠷᠠᠭᠤᠯᠤᠭᠰᠠᠨ ᠬᠡᠳᠦᠨ ᠨᠤᠮ ᠪᠢᠴᠢᠵᠦ᠂ ᠪᠠᠰᠠ ᠲᠡᠦᠬᠡ ᠵᠢᠨ ᠦᠨᠡ ᠴᠡᠨᠡ ᠲᠡᠢ ᠬᠤᠶᠠᠷ ᠨᠤᠮ ᠮᠤᠩᠭᠤᠯᠴᠢᠯᠠᠵᠤ᠂ ᠤᠩᠰᠢᠭᠴᠢᠳ ᠲᠠᠭᠠᠨ ᠡᠷᠭᠦᠨ ᠳᠡᠪᠰᠢᠭᠦᠯᠪᠠ᠃ ᠡᠭᠦᠨ ᠳ᠋ᠤ 《ᠮᠠᠯ ᠲᠡᠵᠢᠭᠡᠪᠦᠷᠢ ᠡᠴᠡ ᠡᠭᠦᠰᠦᠯ ᠲᠡᠢ ᠮᠢᠩᠭᠠ ᠯᠠᠩᠤᠨ ᠵᠦᠢᠷ ᠰᠡᠴᠡᠨ ᠦᠭᠡ》 ᠭᠡᠬᠦ ᠨᠤᠮ ᠵᠢᠠᠨ 2012 ᠤᠨᠳᠤ ᠦᠪᠦᠷ ᠮᠤᠩᠭᠤᠯᠤᠨ ᠠᠷᠠᠳᠤᠨ ᠬᠡᠪᠯᠡᠯᠤᠨ ᠬᠤᠷᠢᠶᠠᠨ ᠡᠴᠡ ᠬᠡᠪᠯᠡᠭᠦᠯᠪᠡ； 《ᠬᠥᠬᠡᠬᠤᠲᠠ ᠵᠢᠨ ᠲᠡᠦᠬᠡ ᠰᠤᠶᠤᠯᠤᠨ ᠮᠥᠷᠳᠡᠯᠭᠡ》 ᠭᠡᠬᠦ ᠴᠢᠮᠡᠭᠡᠯᠡᠯ ᠵᠢᠠᠨ 2014 ᠤᠨᠤ 4 ᠰᠠᠷᠠ ᠳ᠋ᠤ 《ᠦᠪᠦᠷ ᠮᠤᠩᠭᠤᠯᠤᠨ ᠡᠳᠦᠷᠤᠨ ᠰᠤᠨᠢᠨ》 ᠳ᠋ᠤ ᠨᠡᠢᠲᠡᠯᠡᠭᠦᠯᠪᠡ； 《ᠲᠠᠪᠤᠨ ᠬᠤᠰᠢᠭᠤ ᠮᠠᠯᠤᠨ ᠠᠷᠠᠴᠢᠯᠠᠭᠠ ᠵᠢᠨ ᠰᠤᠶᠤᠯ》 ᠭᠡᠬᠦ ᠨᠤᠮ ᠵᠢᠠᠨ 2016 ᠤᠨᠳᠤ ᠦᠪᠦᠷ ᠮᠤᠩᠭᠤᠯᠤᠨ ᠠᠷᠠᠳᠤᠨ ᠬᠡᠪᠯᠡᠯᠤᠨ ᠬᠤᠷᠢᠶᠠᠨ ᠡᠴᠡ ᠬᠡᠪᠯᠡᠭᠦᠯᠪᠡ； 《ᠮᠤᠩᠭᠤᠯᠴᠤᠳᠤᠨ ᠴᠠᠭᠠᠨ ᠢᠳᠡᠭᠡᠨ》 ᠭᠡᠬᠦ ᠨᠤᠮ ᠵᠢᠠᠨ 2021 ᠤᠨᠳᠤ ᠦᠪᠦᠷ ᠮᠤᠩᠭᠤᠯᠤᠨ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠲᠸᠭᠨᠢᠭ ᠮᠡᠷᠭᠡᠵᠢᠯᠤᠨ ᠬᠡᠪᠯᠡᠯᠤᠨ ᠬᠤᠷᠢᠶᠠᠨ ᠡᠴᠡ ᠬᠡᠪᠯᠡᠭᠦᠯᠵᠦ᠂ ᠲᠤᠰ ᠨᠤᠮ ᠨᠢ ᠦᠪᠦᠷ ᠮᠤᠩᠭᠤᠯᠤᠨ ᠤᠯᠠᠮᠵᠢᠯᠠᠯᠲᠤ ᠰᠤᠶᠤᠯᠤᠨ ᠳᠡᠯᠭᠡᠷᠡᠭᠦᠯᠦᠯᠲᠡ ᠵᠢᠨ ᠨᠤᠮᠤᠨ ᠬᠦᠮᠦᠷᠭᠡ ᠳ᠋ᠤ ᠤᠷᠤᠪᠠ᠃
ᠮᠢᠨᠦ ᠤᠷᠴᠢᠭᠤᠯᠤᠭᠰᠠᠨ ᠵᠤᠬᠢᠶᠠᠯ ᠭᠡᠪᠡᠯ᠂ ᠯᠢᠤ ᠰᠢ ᠮᠢᠨᠤ ᠪᠢᠴᠢᠭᠰᠡᠨ 《ᠶᠡᠬᠡ ᠯᠢᠶᠤᠤ ᠤᠯᠤᠰᠤᠨ ᠶᠢᠰᠦᠨ ᠬᠠᠭᠠᠨ》 （ᠨᠡᠢᠲᠡ ᠭᠤᠷᠪᠠᠨ ᠳᠡᠪᠲᠡᠷ） ᠢ᠋ 2014 ᠤᠨᠳᠤ ᠦᠪᠦᠷ ᠮᠤᠩᠭᠤᠯᠤᠨ ᠠᠷᠠᠳᠤᠨ ᠬᠡᠪᠯᠡᠯᠤᠨ ᠬᠤᠷᠢᠶᠠᠨ ᠡᠴᠡ ᠬᠡᠪᠯᠡᠭᠦᠯᠦᠨ ᠳᠠᠷᠬᠠᠭᠠᠪᠠ᠃ ᠠᠮᠸᠷᠢᠺᠠ ᠵᠢᠨ ᠾᠸᠨ᠋ᠳᠡᠷᠢᠺᠠ ᠸᠢᠯᠢᠶᠠᠨ ᠸᠠᠨᠠᠯᠤᠨᠤ ᠵᠤᠬᠢᠶᠠᠭᠰᠠᠨ 《ᠬᠦᠮᠦᠨ ᠲᠦᠷᠦᠯᠬᠢᠲᠡᠨᠤ ᠳᠤᠪᠴᠢ ᠲᠡᠦᠬᠡ》 ᠭᠡᠬᠦ ᠨᠤᠮᠢ ᠮᠤᠩᠭᠤᠯᠴᠢᠯᠠᠵᠤ᠂ 2023 ᠤᠨᠳᠤ ᠦᠪᠦᠷ ᠮᠤᠩᠭᠤᠯᠤᠨ ᠠᠷᠠᠳᠤᠨ ᠬᠡᠪᠯᠡᠯᠤᠨ ᠬᠤᠷᠢᠶᠠᠨ ᠡᠴᠡ ᠬᠡᠪᠯᠡᠭᠦᠯᠦᠨ ᠳᠠᠷᠬᠠᠭᠠᠪᠠ᠃ 2014 ᠤᠨᠳᠤ ᠦᠪᠦᠷ ᠮᠤᠩᠭᠤᠯᠤᠨ ᠨᠠᠰᠤᠲᠠᠢᠴᠤᠳᠤᠨ ᠤᠷᠠᠨ ᠪᠢᠴᠢᠯᠭᠡ ᠤᠷᠠᠨ ᠵᠢᠷᠤᠭᠤᠨ ᠨᠡᠢᠭᠡᠮᠯᠢᠭᠤᠨ ᠬᠡᠰᠢᠭᠦᠨ ᠪᠤᠯᠵᠤ᠂ ᠤᠯᠠᠨ ᠤᠳᠠᠭᠠᠨᠤ ᠤᠷᠠᠨ ᠪᠢᠴᠢᠯᠭᠡ ᠵᠢᠨ ᠦᠵᠡᠰᠭᠦᠯᠡᠩᠳᠤ ᠪᠦᠲᠦᠭᠡᠯ ᠵᠢᠠᠨ ᠳᠡᠪᠰᠢᠭᠦᠯᠪᠠ᠃ ᠡᠭᠦᠨᠳᠤ 2018 ᠤᠨᠳᠤ ᠮᠢᠨᠦ ᠨᠢᠭᠡᠨ ᠤᠷᠠᠨ ᠪᠢᠴᠢᠯᠭᠡ ᠵᠢᠨ ᠪᠦᠲᠦᠭᠡᠯ 《ᠦᠪᠦᠷ ᠮᠤᠩᠭᠤᠯᠤᠨ ᠪᠠᠭᠰᠢ ᠵᠢᠨ ᠶᠡᠬᠡ ᠰᠤᠷᠭᠠᠭᠤᠯᠢ ᠵᠢᠨ ᠠᠯᠲᠠᠠᠠᠤᠷᠭᠢᠯᠤᠨ ᠪᠢᠴᠢᠭᠤᠨ ᠬᠦᠷᠢᠶᠡᠯᠡᠩ》 ᠳ᠋ᠤ ᠰᠤᠩᠭᠤᠭᠳᠠᠪᠠ᠃
ᠥᠯᠥᠭᠡᠢ ᠨᠤᠲᠤᠭ ᠵᠤᠤ ᠤᠳᠠ ᠵᠢᠨ ᠰᠤᠷᠭᠠᠨ ᠬᠦᠮᠦᠵᠢᠯᠤᠨ ᠦᠢᠯᠡᠰ ᠲᠸ᠋᠂ ᠠᠷᠠᠳᠤᠨ ᠪᠠᠭᠰᠢ ᠵᠢᠨ ᠠᠯᠪᠠᠨ ᠳ᠋ᠤ ᠭᠤᠴᠢᠨ ᠵᠢᠷᠭᠤᠭᠠᠨ ᠵᠢᠯ ᠮᠠᠬᠠᠷᠠᠨ ᠵᠢᠳᠬᠦᠭᠰᠡᠨ ᠠᠵᠢᠯ ᠦᠢᠯᠡᠰᠤᠨ ᠵᠠᠮ ᠮᠦᠷ᠂ ᠤᠯᠤᠭᠰᠠᠨ ᠦᠴᠦᠬᠡᠨ ᠠᠮᠵᠢᠯᠲᠠ ᠪᠦᠲᠦᠮᠵᠢ ᠪᠠᠨ ᠡᠢᠨ ᠬᠦ᠌ ᠬᠤᠷᠢᠶᠠᠩᠭᠤᠢᠯᠠᠵᠤ᠂ ᠦᠵᠡᠬᠦ ᠮᠡᠷᠭᠡᠳ᠂ ᠦᠶᠡ ᠵᠢᠨ ᠠᠬᠠ ᠳᠡᠭᠦᠦ᠂ ᠦᠷᠡ ᠬᠤᠢᠴᠢᠰ ᠲᠠᠭᠠᠨ ᠳᠤᠷᠠᠰᠤᠮᠵᠢ ᠪᠤᠯᠭᠠᠬᠤ ᠵᠢ ᠰᠠᠨᠠᠪᠠ᠂ ᠭᠡᠭᠡᠨ ᠮᠡᠯᠮᠡᠢ ᠳ᠋ᠠᠭᠡᠨ ᠲᠤᠯᠢᠳᠠᠮᠤ᠃