ᠲᠠᠪᠤᠨ ᠰᠠᠷᠠᠶ᠋ᠢᠨ ᠰᠡᠭᠦᠯᠴᠢ ᠪᠡᠷ ᠴᠠᠬᠠᠷ ᠪᠠᠷᠠᠭᠤᠨ ᠭᠠᠷᠤᠨ ᠳᠤᠮᠳᠠᠳᠤ ᠬᠣᠱᠢᠭᠤᠨᠤ ᠬᠦᠢᠲᠡᠨᠱᠢᠯᠢ ᠵᠢᠨ ᠲᠠᠯᠠ ᠨᠤᠲᠤᠭᠲᠤ ᠡᠪᠡᠰᠦ ᠮᠤᠳᠤ ᠬᠦᠬᠡᠷᠡᠨ ᠨᠤᠭᠤᠭᠠᠷᠠᠵᠤ ᠠᠮᠢᠵᠢᠷᠠᠯᠤᠨ ᠬᠦᠴᠦᠨᠢᠶᠠᠷ ᠪᠢᠯᠬᠠᠨᠠ᠃
ᠤᠯᠠᠭᠠᠨ ᠬᠠᠶᠠᠭᠠ ᠰᠤᠮᠤᠨᠤ ᠡᠯ ᠵᠢᠶᠠ ᠽᠢ ᠲᠣᠰᠭᠣᠨᠤ ᠡᠪᠡᠰᠦᠨᠦ ᠦᠶ᠋ᠯᠡᠰᠦᠨ ᠰᠠᠭᠤᠷᠢᠨᠳᠤ ᠰᠠᠶᠢᠬᠠᠨ ᠴᠢᠬᠢᠯᠡᠭ᠌ᠰᠡᠨ ᠨᠢᠯᠬᠠ ᠡᠪᠡᠰᠦ ᠨᠤᠭᠤᠭᠠᠷᠠᠨ ᠬᠥᠮᠦᠰᠦᠨ ᠠᠩᠬᠠᠷᠤᠯᠢ ᠣᠨᠴᠠᠭᠠᠶ ᠲᠠᠳᠠᠨᠠ᠃ ᠨᠠᠷᠢᠨ ᠠᠵᠢᠭ᠍ᠯᠠᠪᠠᠯ ᠨᠠᠪᠴᠢᠨᠳᠤᠨᠢ ᠴᠥᠮ ᠨᠢᠭᠡ ᠳᠠᠪᠬᠤᠷᠭᠠ ᠦᠷᠭᠡᠰᠦ ᠰᠢᠭ ᠦᠰᠦ ᠲᠠᠢ ᠪᠠᠢᠳᠠᠭ᠂ ᠡᠨᠡ ᠪᠣᠯ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠡᠪᠡᠰᠦᠨ ᠡᠭᠦᠯᠳᠡᠷᠦᠨ ᠬᠢᠨᠠᠨ ᠲᠣᠭ᠍ᠲᠠᠭᠠᠯᠲᠠᠶ᠋ᠢ ᠰᠠᠶᠢᠬᠠᠨ ᠥᠩᠭᠡᠷᠡᠭᠦᠯᠦᠭ᠌ᠰᠡᠨ ᠨᠤᠲᠤᠭᠤᠨ ᠡᠪᠡᠰᠦᠨᠦ ᠡᠭᠦᠯᠳᠡᠷ ᠪᠣᠯᠬᠤ 《ᠬᠦᠶ᠋ᠲᠡᠨᠱᠢᠯᠢᠵᠢᠨ ᠰᠤᠷ ᠦᠭᠡᠢ ᠰᠤᠭᠤᠪᠤᠷ 》 ᠪᠣᠯᠤᠨᠠ᠃
5 ᠰᠠᠷᠠᠶ᠋ᠢᠨ 29 ᠤ᠋ ᠡᠳᠦᠷ᠂ ᠡᠨᠡ ᠬᠦ᠌ ᠰᠠᠭᠤᠷᠢᠨᠢ ᠬᠠᠷᠢᠭᠤᠴᠠᠵᠤ ᠪᠠᠢᠭᠠ ᠬᠤᠢ ᠲᠸᠨᠭ ᠴᠢᠨ᠋ᠸᠠ ᠲᠣᠲ᠋ᠧᠮ ᠲᠠᠷᠢᠶᠠᠯᠠᠩᠤᠨ ᠬᠢᠵᠠᠭᠠᠷᠲᠤ ᠺᠣᠮᠫᠠᠨᠢᠶ᠋ᠢᠨ ᠬᠠᠷᠢᠭᠤᠴᠠᠯᠭᠠᠲᠠᠨ ᠶᠣᠣ ᠵᠢᠶᠦ᠋ᠨ ᠸᠸᠨ ᠤᠯᠠᠭᠠᠨᠴᠠᠪ ᠬᠣᠲᠠᠶ᠋ᠢᠨ ᠣᠶ ᠱᠢᠭᠤᠶ ᠪᠠ ᠨᠤᠲᠤᠭ ᠪᠡᠯᠴᠢᠭᠡᠷᠦᠨ ᠲᠣᠪᠴᠢᠶᠠᠶ᠋ᠢᠨ ᠨᠤᠲᠤᠭ ᠪᠡᠯᠴᠢᠭᠡᠷᠦᠨ ᠠᠵᠢᠯᠤᠨ ᠥᠷᠲᠡᠭᠡᠶ᠋ᠢᠨ ᠠᠵᠢᠯᠲᠠᠨ ᠸᠠᠩ ᠱᠢᠶᠠᠲᠠᠶ ᠬᠠᠮᠲᠤ ᠶᠠᠭ ᠲᠠᠷᠢᠶᠠᠨ ᠭᠠᠵᠠᠷᠲᠤ ᠰᠤᠷ ᠦᠭᠡᠢ ᠰᠤᠭᠤᠪᠤᠷ ᠤ᠋ᠨ ᠤᠷᠭᠤᠯᠲᠠᠶ᠋ᠢᠨ ᠪᠠᠢᠳᠠᠯᠢ ᠠᠵᠢᠭ᠍ᠯᠠᠵᠤ ᠪᠠᠢᠯᠠ᠃ ᠶᠣᠣ ᠵᠢᠶᠦ᠋ᠨ ᠸᠧᠨ ᠢᠳᠡᠷᠡᠭᠦᠨ ᠤᠷᠭᠤᠵᠤ ᠪᠠᠢᠭᠠ ᠰᠤᠷ ᠦᠭᠡᠢ ᠰᠤᠭᠤᠪᠤᠷ ᠡᠪᠡᠰᠦᠶ᠋ᠢ ᠦᠵᠡᠭᠡᠳ ᠰᠡᠳᠭᠢᠯ ᠳᠣᠭ᠍ᠳᠣᠯᠤᠨ᠄ 《 ᠪᠢᠳᠡ ᠣᠯᠠᠨ ᠤᠳᠠᠭᠠ ᠲᠤᠷᠱᠢᠨ ᠲᠠᠷᠢᠭᠠᠳ ᠡᠴᠦᠰᠲᠡᠬᠡᠨ ᠠᠮᠵᠢᠯᠲᠠᠤᠯᠪᠠ᠂ ᠤᠷᠵᠢᠨᠤᠨ ᠵᠢᠯ ᠲᠠᠷᠢᠭ᠍ᠰᠠᠨ ᠰᠤᠷ ᠦᠭᠡᠢ ᠰᠤᠭᠤᠪᠤᠷ ᠬᠡᠳᠦᠢ ᠰᠠᠢᠬᠠᠨ ᠤᠷᠭᠤᠪᠠ！ ᠡᠨᠡ ᠡᠪᠡᠰᠦ ᠮᠠᠰᠢ ᠪᠤᠯᠪᠠᠷᠠᠢ ᠵᠦᠭᠡᠯᠡᠨ᠂ ᠥᠪᠡᠷᠵᠢᠡᠨ ᠬᠦᠷᠦᠰᠦᠨ ᠡᠴᠡ ᠴᠤᠬᠤᠢᠵᠤ ᠲᠡᠢᠯᠬᠦ ᠦᠭᠡᠢ᠂ ᠡᠢᠮᠦ ᠡᠴᠡ ᠪᠢᠳᠡ ᠨᠣᠬᠠᠶᠶ᠋ᠢᠨ ᠬᠣᠱᠢᠭᠤ ᠪᠠ ᠰᠤᠷ ᠦᠭᠡᠢ ᠰᠤᠭᠤᠪᠤᠷᠢᠬᠣᠯᠢᠵᠤ ᠲᠠᠷᠢᠬᠤ ᠮᠡᠷᠭᠡᠵᠢᠯᠢᠶᠡᠷ ᠲᠠᠷᠢᠵᠤ᠂ ᠬᠡᠳᠦᠨ ᠵᠢᠯᠦᠨ ᠴᠢᠷᠮᠠᠢᠯᠭᠠ ᠲᠠᠯᠠᠭᠠᠷ ᠪᠣᠯᠤᠭ᠍ᠰᠠᠨ ᠦᠭᠡᠢ᠂ 〈ᠬᠦᠢᠲᠡᠨᠱᠢᠯᠢᠵᠢᠨ ᠰᠤᠷ ᠦᠭᠡᠢ ᠰᠤᠭᠤᠪᠤᠷ 〉 ᠲᠤᠷᠱᠢᠨ ᠲᠠᠷᠢᠭᠠᠳ ᠠᠮᠵᠢᠯᠲᠠ ᠣᠯᠵᠠᠢ᠃ ᠪᠢᠳᠠ ᠤᠢ᠍ᠢᠷᠠᠶ᠋ᠢᠨ ᠬᠡᠳᠦᠨ ᠵᠢᠯᠳᠦ 3000 ᠮᠦ᠍ ᠲᠤᠷᠱᠢᠨ ᠲᠠᠷᠢᠵᠤ᠂ ᠮᠦ᠍ ᠪᠦᠷᠢᠶ᠋ᠢᠨ ᠡᠪᠡᠰᠦᠨᠦ ᠤᠨᠠᠯᠲᠠ 400 ᠵᠢᠩᠳᠦ ᠬᠦᠷᠴᠦ᠍᠂ ᠮᠦ᠍ ᠪᠦᠷᠢᠶ᠋ᠢᠨ ᠡᠪᠡᠰᠦᠨ ᠦᠷᠡ 20 ᠡᠴᠡ 40 ᠵᠢᠩᠳᠦ ᠬᠦᠷᠴᠦ᠍᠂ ᠡᠳᠡᠭᠡᠷᠡᠯᠲᠡᠶ᠋ᠢᠨ ᠨᠤᠷᠮᠠ 86 % ᠡᠴᠡ ᠳᠡᠭᠡᠭ᠌ᠰᠢᠳᠦ ᠬᠦᠷᠴᠦ᠍᠂ ᠡᠨᠡ ᠵᠢᠯ ᠪᠠᠰᠠ 1 ᠲᠦᠮᠡᠨ ᠮᠦ᠍ ᠲᠠᠷᠢᠬᠤᠪᠠᠷ ᠲᠥᠯᠥᠪᠯᠡᠵᠦ᠍ ᠪᠠᠢᠨᠠ》 ᠭᠡᠪᠡ᠃
ᠬᠦᠶ᠋ᠲᠡᠨᠱᠢᠯᠢ ᠥᠨᠳᠥᠷ ᠠᠭᠤᠯᠠᠨ ᠤ ᠨᠤᠭᠤ ᠭᠠᠵᠠᠷᠤᠨ ᠨᠤᠲᠤᠭ ᠪᠡᠯᠴᠢᠭᠡᠷᠦᠨ ᠶᠡᠷᠦᠩᠬᠡᠶ ᠲᠠᠯᠠᠪᠠᠶᠨᠢ 35.25 ᠲᠦᠮᠡᠨ ᠮᠥ᠍ ᠪᠠᠢᠵᠤ᠂ ᠳᠤᠮᠳᠠᠴᠢᠪᠠᠷ ᠲᠡᠯᠡᠶᠶ᠋ᠢᠨ ᠲᠦᠪᠱᠢᠨᠡᠴᠡ 2100 ᠮᠧᠲ᠋ᠷ ᠡᠷᠭᠦᠭ᠌ᠳᠡᠵᠦ᠍᠂ ᠰᠤᠷ ᠦᠭᠡᠢ ᠰᠤᠭᠤᠪᠤᠷ ᠤᠤᠯ ᠨᠢ ᠡᠨᠳᠡᠬᠢ ᠳᠠᠪᠠᠭᠤᠯᠢᠭ ᠤᠷᠭᠤᠮᠠᠯᠤᠨ ᠬᠤᠴᠢᠯᠭᠠ ᠪᠠᠢᠵᠠᠶ᠃ ᠭᠡᠲᠡᠯᠡ ᠠᠭᠤᠷ ᠠᠮᠢᠰᠭᠤᠯᠤᠨ ᠬᠤᠪᠢᠷᠠᠯᠲᠠ᠂ ᠪᠡᠯᠴᠢᠭᠡᠷᠯᠡᠭᠦᠯᠬᠦ᠌ ᠨᠥᠯᠥᠭᠡᠡᠴᠡ ᠪᠣᠯᠵᠣ᠂ ᠲᠠᠯᠠ ᠨᠤᠲᠤᠭᠤᠨ ᠡᠪᠡᠰᠦ ᠪᠡᠯᠴᠢᠭᠡᠷᠦᠨ ᠪᠦᠲᠦᠴᠡ ᠬᠤᠪᠢᠷᠠᠵᠤ᠂ 《 ᠬᠡᠪᠡᠷᠡᠭ》 ᠰᠤᠷ ᠦᠭᠡᠢ ᠰᠤᠭᠤᠪᠤᠷ 10 ᠭᠠᠷᠤᠶ ᠵᠢᠯᠦᠨ ᠡᠮᠦᠨᠡ ᠦᠨᠳᠦᠰᠦ ᠳᠠᠰᠤᠷᠠᠵᠠᠢ᠃
ᠰᠤᠷ ᠦᠭᠡᠢ ᠰᠤᠭᠤᠪᠤᠷ ᠨᠢ ᠠᠮᠢ ᠠᠬᠤᠶᠶ᠋ᠢᠨ ᠦᠨᠡ ᠥᠷᠲᠡᠭ ᠲᠠᠢ ᠪᠦᠭᠡᠳ ᠠᠵᠤ ᠠᠬᠤᠶᠶ᠋ᠢᠨ ᠦᠨᠡ ᠥᠷᠲᠡᠭ ᠲᠠᠢ᠂ 《 ᠦᠶᠡᠲᠦ ᠡᠪᠡᠰᠦ ᠪᠣᠷᠳᠣᠭᠠᠨᠤ ᠸᠠᠩ 》 ᠭᠡᠰᠡᠨ ᠰᠠᠢᠬᠠᠨ ᠠᠯᠳᠠᠷᠲᠠᠶ᠃ ᠲᠡᠷᠡ ᠨᠢ ᠬᠦᠶ᠋ᠲᠡᠨᠳᠦ ᠲᠡᠰᠪᠦᠷᠢᠲᠡᠶ᠂ ᠭᠠᠩ ᠬᠠᠭ᠍ᠰᠠᠷᠠᠭᠠᠨᠳᠤ ᠲᠡᠰᠪᠦᠷᠢᠲᠡᠶ᠂ ᠬᠤᠵᠢᠷᠲᠤ ᠲᠡᠰᠪᠦᠷᠢᠲᠡᠶ᠂ ᠦᠨᠳᠦᠰᠦᠶ᠋ᠢᠨ ᠱᠢᠰᠲ᠋ᠧᠮ ᠨᠢ ᠬᠥᠭ᠌ᠵᠢᠵᠦ᠍᠂ ᠬᠥᠷᠥᠰᠥ ᠶ᠋ᠢ ᠲᠣᠭ᠍ᠲᠠᠪᠤᠷᠢᠵᠢᠭᠤᠯᠤᠨ ᠰᠠᠯᠬᠢᠶ᠋ᠢ ᠰᠡᠷᠭᠡᠢᠯᠡᠬᠦ᠌᠂ ᠤᠷᠭᠤᠮᠠᠯᠤᠨ ᠬᠤᠴᠢᠯᠭᠠᠶ᠋ᠢ ᠵᠠᠰᠠᠨ ᠰᠡᠷᠭᠦᠭᠡᠬᠦ᠌ ᠴᠢᠳᠠᠪᠤᠷᠢ ᠨᠢ ᠲᠣᠪᠣᠢᠮᠠ ᠮᠦᠷᠳᠡᠭᠡᠨ ᠡᠪᠡᠰᠦᠨᠦ ᠴᠢᠨᠠᠷ ᠰᠠᠢᠨ᠂ ᠱᠢᠮᠡ ᠲᠡᠵᠢᠭᠡᠯ ᠡᠯᠪᠡᠭ ᠪᠠᠢᠳᠠᠭ᠃ ᠡᠢᠮᠦ᠍ᠡᠴᠡ ᠬᠥᠮᠦᠨᠦ ᠬᠦᠴᠦ᠍ᠪᠡᠷ ᠠᠮᠢ ᠠᠬᠤᠶᠶ᠋ᠢ ᠵᠠᠰᠠᠨ ᠰᠡᠷᠭᠦᠭᠡᠬᠦ᠌ ᠬᠦᠨᠳᠦ ᠡᠭᠦᠷᠭᠡ ᠬᠡᠯᠡᠯᠭᠡᠨ ᠥᠬᠡᠶ ᠰᠤᠷ ᠦᠭᠡᠢ ᠰᠤᠭᠤᠪᠤᠷᠤᠨ ᠪᠡᠶᠡ ᠳᠡᠭᠡᠷᠡ ᠲᠠᠯᠪᠢᠭ᠍ᠳᠠᠵᠠᠢ᠃
《ᠥᠩᠭᠡᠷᠡᠭ᠌ᠰᠡᠨᠳᠦ ᠡᠪᠡᠰᠦ ᠳᠠᠷᠢᠬᠤᠳᠤ ᠬᠡᠷᠡᠭ᠌ᠯᠡᠳᠡᠭ ᠡᠪᠡᠰᠦᠨ ᠦᠷᠡᠶ᠋ᠢ ᠪᠦᠷ ᠭᠠᠳᠠᠭᠠᠳᠤᠡᠴᠡ ᠣᠷᠣᠭᠤᠯᠬᠤᠳᠤ ᠲᠦᠱᠢᠭ᠌ᠯᠡᠳᠡᠭ ᠪᠤᠯᠬᠤᠷ ᠦᠨᠡ ᠬᠠᠩᠰᠢᠨᠢ ᠥᠨᠳᠥᠷᠢᠶᠡᠷ ᠪᠠᠷᠠᠬᠤ ᠥᠬᠡᠶ ᠵᠠᠷᠢᠮᠳᠠᠭᠠᠨ ᠪᠠᠰᠠ ᠤᠯᠳᠠᠬᠤ ᠥᠬᠡᠶ ᠪᠠᠢᠳᠠᠭ᠃ ᠰᠡᠭᠦᠯᠡᠷᠨᠢ ᠪᠢᠳᠡ ᠪᠡᠶᠡᠪᠡᠨ ᠳᠠᠭᠠᠭᠠᠭ᠍ᠰᠠᠨ ᠡᠪᠡᠰᠦᠨᠦ ᠡᠭᠦᠯᠳᠡᠷᠢ ᠪᠣᠢᠵᠢᠭᠤᠯᠬᠤᠪᠠᠷ ᠲᠣᠭ᠍ᠲᠠᠪᠠ᠃ ᠲᠤᠬᠠᠶᠶ᠋ᠢᠨ ᠭᠠᠵᠠᠷᠤᠨ ᠨᠠᠰᠤᠲᠠᠨᠤ ᠬᠡᠯᠡᠬᠦ᠌ᠪᠡᠷ ᠰᠤᠷ ᠦᠭᠡᠢ ᠰᠤᠭᠤᠪᠤᠷ ᠬᠦᠢᠲᠡᠨ ᠰᠢᠯᠢ ᠵᠢᠨ ᠲᠠᠯᠠ ᠨᠤᠲᠤᠭᠲᠤ ᠮᠠᠰᠢ ᠢᠭ᠍ᠴᠤ ᠰᠠᠬᠤᠯᠢᠭ ᠤᠷᠭᠤᠳᠠᠭ ᠪᠠᠢᠵᠠᠶ᠃ ᠢᠩᠭᠢᠭᠡᠳ ᠪᠢᠳᠡ ᠡᠬᠢᠯᠡᠨ ᠪᠠᠢᠴᠠᠭᠠᠨ ᠰᠤᠳᠤᠯᠤᠯᠲᠠ ᠬᠢᠵᠦ᠍᠂ ᠡᠴᠦᠰᠲᠡᠬᠡᠨ ᠬᠦᠶ᠋ᠲᠡᠨ ᠱᠢᠯᠢ ᠵᠢᠨ ᠲᠠᠯᠠ ᠭᠠᠵᠠᠷᠤᠨ ᠭᠦᠨ ᠭᠤᠤ ᠵᠡᠷᠭᠡ ᠥᠨᠴᠥᠭ ᠪᠤᠯᠤᠩᠠᠴᠠ ᠬᠡᠳᠦᠨ ᠪᠣᠳᠠ᠂ ᠬᠡᠳᠦᠨ ᠰᠠᠭᠤᠷᠢ ᠰᠤᠷ ᠦᠭᠡᠢ ᠰᠤᠭᠤᠪᠤᠷ ᠪᠠᠢᠬᠤᠶ᠋ᠢ ᠵᠠᠯᠭᠠᠭᠠᠪᠠᠷ ᠢᠯᠡᠷᠡᠭᠦᠯᠵᠡᠶ᠂ ᠡᠢᠮᠦᠷᠬᠦᠥ ᠡᠪᠡᠰᠦ ᠭᠤᠤᠯᠳᠠᠭᠤ ᠤᠮᠠᠷᠠᠲᠤ ᠣᠷᠣᠨᠳᠤ ᠤᠷᠭᠤᠳᠠᠭ᠃ ᠨᠤᠲᠤᠭᠤᠨ ᠡᠪᠡᠰᠦᠨᠦ ᠡᠭᠦᠯᠳᠡᠷᠢ ᠪᠣᠢᠵᠢᠭᠤᠯᠵᠤ᠂ ᠨᠤᠲᠤᠭ ᠪᠡᠯᠴᠢᠭᠡᠷᠦᠨ ᠤᠷᠭᠤᠮᠠᠯᠤᠨ ᠬᠤᠴᠢᠯᠭᠠᠶ᠋ᠢ ᠰᠡᠷᠭᠦᠭᠡᠬᠦ᠌ᠶ᠋ᠢ ᠠᠬᠢᠭᠤᠯᠬᠤ ᠵᠢᠴᠢ ᠲᠤᠬᠠᠢᠶ᠋ᠢᠨ ᠭᠠᠵᠠᠷᠤᠨ ᠮᠠᠯᠴᠢᠨ ᠲᠠᠷᠢᠶᠠᠴᠢᠨᠤ ᠣᠷᠣᠯᠭᠠᠶ᠋ᠢ ᠨᠡᠮᠡᠭ᠌ᠳᠡᠭᠦᠯᠬᠦ᠌ᠶ᠋ᠢᠨ ᠲᠥᠯᠥᠭᠡ ᠪᠢᠳᠡ 2019 ᠣᠨᠡᠴᠡ ᠬᠡᠭᠡᠷᠡᠶ᠋ᠢᠨ ᠰᠤᠷ ᠦᠭᠡᠢ ᠰᠤᠭᠤᠪᠤᠷᠢ ᠨᠤᠮᠤᠬᠠᠳᠬᠠᠬᠤ ᠪᠠ ᠰᠣᠩᠭᠣᠨ ᠪᠣᠢᠵᠢᠭᠤᠯᠬᠤ ᠠᠵᠢᠯᠢ ᠡᠬᠢᠯᠡᠭᠦᠯᠵᠡᠢ》 ᠭᠡᠵᠦ ᠤᠯᠠᠭᠠᠨᠴᠠᠪ ᠬᠣᠲᠠᠶ᠋ᠢᠨ ᠣᠶ ᠱᠢᠭᠤᠶ ᠪᠠ ᠨᠤᠲᠤᠭ ᠪᠡᠯᠴᠢᠭᠡᠷᠦᠨ ᠲᠣᠪᠴᠢᠶᠠᠶ᠋ᠢᠨ ᠨᠤᠲᠤᠭ ᠪᠡᠯᠴᠢᠭᠡᠷᠦᠨ ᠠᠵᠢᠯᠤᠨ ᠥᠷᠲᠡᠭᠡᠶ᠋ᠢᠨ ᠳᠠᠷᠤᠭᠠ ᠵᠠᠩ ᠳ᠋ᠦᠩ ᠬᠣᠩ ᠲᠠᠨᠢᠯᠴᠠᠭᠤᠯᠪᠠ᠃
ᠤᠯᠠᠭᠠᠨᠴᠠᠪ ᠬᠣᠲᠠᠶ᠋ᠢᠨ ᠣᠶ ᠱᠢᠭᠤᠶ ᠪᠠ ᠨᠤᠲᠤᠭ ᠪᠡᠯᠴᠢᠭᠡᠷᠦᠨ ᠲᠣᠪᠴᠢᠶᠠᠶ᠋ᠢᠨ ᠨᠤᠲᠤᠭ ᠪᠡᠯᠴᠢᠭᠡᠷᠦᠨ ᠠᠵᠢᠯᠤᠨ ᠥᠷᠲᠡᠭᠡᠶ᠋ᠢᠨ ᠠᠵᠢᠯᠲᠠᠳ ᠣᠯᠠᠨ ᠵᠢᠯᠦᠨ ᠲᠤᠷᠰᠢ ᠠᠭᠤᠯᠠ ᠨᠢᠷᠤᠭᠤ ᠭᠤᠤ ᠭᠠᠩᠭᠠᠪᠠᠷ ᠶᠠᠪᠤᠵᠤ᠂ ᠲᠠᠯᠠ ᠨᠤᠲᠤᠭᠢᠶᠡᠷ ᠭᠦᠨᠵᠡᠭᠡᠢᠷᠡᠨ᠂ ᠡᠪᠡᠰᠦᠨ ᠦᠷᠡᠶ᠋ᠢᠨ ᠥᠯᠢᠭᠡᠷ ᠬᠡᠪᠢ ᠲᠡᠭᠦᠵᠦ᠍᠂ ᠡᠴᠢᠭᠡ ᠡᠬᠡ ᠦᠨᠳᠦᠰᠦᠶ᠋ᠢ ᠡᠷᠯᠢᠰᠡᠵᠢᠭᠦᠯᠬᠦ᠌᠂ ᠲᠠᠷᠢᠶᠠᠨ ᠭᠠᠵᠠᠷᠲᠤ ᠰᠣᠩᠭᠣᠨ ᠪᠣᠢᠵᠢᠭᠤᠯᠬᠤ᠂ ᠤᠳᠤᠮ ᠤᠭ᠍ᠰᠠᠭᠠᠶ᠋ᠢ ᠬᠢᠨᠠᠨ ᠲᠣᠭ᠍ᠲᠠᠭᠠᠬᠤ ᠪᠠ ᠲᠤᠷᠱᠢᠯᠲᠠᠶ᠋ᠢᠨ ᠵᠢᠱ᠌ᠢᠶᠡ ᠦᠵᠡᠭᠦᠯᠬᠦ᠌ ᠠᠵᠢᠯᠢ ᠥᠷᠨᠢᠭᠦᠯᠵᠦ᠍᠂ ᠵᠢᠯ ᠲᠣᠵᠢ ᠡᠷᠲᠡ ᠭᠠᠷᠴᠤ᠌ ᠣᠷᠣᠶ ᠪᠤᠴᠠᠵᠤ᠂ ᠬᠡᠭᠡᠷᠡ ᠬᠣᠨᠣᠵᠤ ᠬᠡᠲᠡ ᠳᠡᠷᠡᠯᠡᠨ᠂ ᠡᠮᠦᠨᠡ ᠹᠷᠣᠨᠲᠲᠤ ᠦᠨᠳᠦᠰᠦᠯᠡᠨ ᠨᠢᠭᠡ ᠰᠡᠳᠭᠢᠯᠢᠶᠡᠷ ᠪᠣᠭᠣᠮᠲᠠ ᠱᠢᠪᠲᠤᠯᠪᠠ᠃
《 ᠲᠡᠷᠡ ᠦᠶᠡᠳᠦ ᠪᠢᠳᠡᠨᠳᠦ ᠪᠡᠯᠡᠨ ᠡᠪᠡᠰᠦᠨ ᠦᠷᠡᠶ᠋ᠢᠨ ᠡᠬᠢ ᠪᠠᠶᠠᠯᠢᠭ ᠪᠠᠢᠬᠤ ᠦᠭᠡᠢ ᠪᠣᠯᠬᠣᠷ ᠬᠡᠭᠡᠷᠡ ᠭᠠᠳᠠᠨᠠ ᠣᠴᠢᠵᠤ ᠬᠥᠮᠦᠨᠦ ᠬᠦᠴᠦ᠍ᠪᠡᠷ ᠬᠡᠭᠡᠷᠡᠶ᠋ᠢᠨ ᠡᠪᠡᠰᠦᠨ ᠦᠷᠡᠶ᠋ᠢ ᠲᠡᠭᠦᠵᠦ᠍ ᠴᠤᠭ᠍ᠯᠠᠭᠤᠯᠵᠤ ᠪᠠᠢᠪᠠ᠂ ᠲᠡᠭᠦᠵᠦ᠍ ᠴᠤᠭ᠍ᠯᠠᠭᠤᠯᠤᠭ᠍ᠰᠠᠨ ᠭᠠᠵᠠᠷ ᠨᠢ ᠶᠡᠷᠦ᠍ᠳᠡᠭᠡᠨ ᠨᠡᠯᠢᠶᠡᠳ ᠭᠦᠨ ᠭᠤᠤ ᠭᠠᠩᠭᠠᠳᠤ ᠪᠠᠢᠵᠤ᠂ ᠲᠡᠷᠭᠡ ᠬᠦᠷᠴᠦ᠍ ᠳᠡᠢᠯᠬᠦ᠌ ᠦᠭᠡᠢ ᠪᠣᠯᠬᠣᠷ ᠪᠢᠳᠡ ᠬᠠᠭᠤᠷᠠᠢ ᠠᠮᠤ ᠪᠠᠨ ᠠᠪᠴᠤ᠌᠂ ᠲᠡᠭᠦᠵᠦ᠍ ᠴᠤᠭ᠍ᠯᠠᠭᠤᠯᠬᠤ ᠤᠭᠤᠲᠠᠪᠠᠨ ᠡᠭᠦᠷᠦᠭᠡᠳ ᠶᠠᠪᠠᠭᠠᠨᠬᠦᠷᠴᠤ᠂ ᠲᠡᠭᠦᠵᠦ᠍ ᠬᠤᠷᠢᠶᠠᠭᠠᠳ ᠰᠥᠨᠢ ᠲᠦᠯᠢ ᠪᠡᠷ ᠪᠤᠴᠠᠵᠤ ᠢᠷᠡᠳᠡᠭ᠃ ᠬᠦᠢᠳᠡᠨ ᠤᠰᠤ ᠬᠠᠷᠠ ᠮᠠᠨᠳᠡᠦ ᠪᠡᠷ ᠦᠯ ᠬᠤᠭᠤᠯᠠ ᠬᠢᠨᠠ ᠁ ᠬᠤᠷᠢᠶᠠᠵᠤ ᠠᠪᠴᠢᠷᠠᠭ᠍ᠰᠠᠨ ᠡᠪᠡᠰᠦᠨ ᠦᠷᠡᠪᠡᠨ ᠤᠷᠢᠳᠢᠶᠠᠷ ᠬᠤᠸᠠᠷᠤᠨ ᠫᠧᠩᠰᠡᠨᠳᠦ ᠳᠠᠷᠢᠵᠤ ᠡᠬᠢᠯᠡᠨ ᠨᠠᠬᠢᠶᠠᠯᠠᠭᠤᠯᠵᠤ᠂ ᠲᠠᠷᠠᠭᠠ ᠨᠢ ᠴᠢᠬᠢ ᠮᠣᠳᠣᠨᠤ ᠬᠦᠷᠢᠶᠡᠯᠡᠩᠦᠨ ᠵᠢᠵᠢᠭ ᠲᠣᠭᠣᠷᠢᠭᠲᠤ ᠠᠪᠠᠴᠢᠵᠤ ᠲᠤᠷᠱᠢᠯᠲᠠ ᠬᠢᠵᠦ᠍᠂ ᠲᠠᠬᠢᠭᠠᠳ ᠲᠠᠷᠢᠶᠠᠨ ᠭᠠᠵᠠᠷᠲᠤ ᠠᠪᠠᠴᠢᠵᠤ ᠲᠤᠷᠱᠢᠨ ᠲᠠᠷᠢᠨᠠ ᠁》 ᠭᠡᠵᠦ᠍ ᠸᠠᠩ ᠰᠢᠶᠠ ᠱᠢᠷᠭᠠᠭᠤ ᠬᠠᠲᠠᠭᠤᠵᠢᠯᠲᠠᠢ ᠲᠡᠮᠡᠴᠡᠭ᠌ᠰᠡᠨ ᠣᠨ ᠰᠠᠷᠠ ᠪᠠᠨ ᠡᠷᠬᠢᠴᠡᠭᠦᠯᠦᠨ ᠶᠡᠷᠢᠨᠠ᠃
ᠨᠤᠮᠤᠬᠠᠳᠬᠠᠨ ᠰᠣᠩᠭᠣᠵᠤ ᠪᠣᠢᠵᠢᠭᠤᠯᠬᠤ ᠶᠠᠪᠤᠴᠠᠳᠤ ᠲᠠᠷᠢᠶᠠᠨ ᠭᠠᠵᠠᠷᠲᠤ ᠲᠤᠷᠱᠢᠨ ᠲᠠᠷᠢᠬᠤ ᠨᠢ ᠮᠠᠰᠢ ᠴᠢᠬᠤᠯᠠ ᠶᠤᠮ᠃ 《 ᠬᠦᠢᠲᠡᠨ ᠱᠢᠯᠢᠵᠢᠨ ᠰᠤᠷ ᠦᠭᠡᠢ ᠰᠤᠭᠤᠪᠤᠷ 》ᠤ᠋ᠨ ᠲᠤᠷᠱᠢᠨ ᠲᠠᠷᠢᠬᠤ ᠲᠥᠷᠥᠯ ᠵᠦᠢᠯᠢ ᠬᠦᠯᠢᠶᠡᠨ ᠠᠪᠤᠭᠰᠠᠨ ᠬᠦᠢᠲᠡᠨ ᠴᠢᠨ᠋ᠸᠠ ᠲᠣᠲ᠋ᠧᠮ ᠲᠠᠷᠢᠶᠠᠯᠠᠩᠤᠨ ᠬᠢᠵᠠᠭᠠᠷᠲᠤ ᠺᠣᠮᠫᠠᠨᠢ ᠨᠢ ᠲᠤᠷᠱᠢᠨ ᠲᠠᠷᠢᠬᠤ ᠶᠠᠪᠤᠴᠠᠳᠠᠭᠠᠨ ᠪᠠᠭᠠ ᠪᠤᠰᠤ ᠬᠦᠴᠢᠷᠳᠡᠯᠳᠦ ᠲᠤᠯᠭᠠᠷᠠᠵᠤ ᠥᠩᠭᠡᠷᠡᠭ᠌ᠰᠡᠨ ᠶᠤᠮ᠃
《 ᠪᠢ 2019 ᠣᠨᠳᠤ ᠠᠩᠬᠠ ᠤᠳᠠᠭᠠ 10 ᠮᠥ᠍ 〈 ᠬᠦᠶ᠋ᠲᠡᠨ ᠱᠢᠯᠢᠵᠢᠨ ᠰᠤᠷ ᠦᠭᠡᠢ ᠰᠤᠭᠤᠪᠤᠷ 〉 ᠢ᠋ ᠲᠤᠷᠱᠢᠨ ᠳᠠᠷᠢᠵᠤ᠂ ᠨᠠᠷᠢᠨ ᠡᠪᠡᠰᠦ ᠤᠷᠭᠤᠭᠰᠠᠨ ᠪᠣᠯᠪᠠᠴᠤ᠌ ᠲᠡᠢᠮᠦ᠍ ᠥᠨᠳᠥᠷ ᠤᠷᠭᠤᠵᠤ ᠴᠢᠳᠠᠭ᠍ᠰᠠᠨ ᠥᠬᠡᠶ᠃ ᠰᠡᠭᠦᠯᠡᠷ ᠨᠢ ᠪᠢᠳᠡ ᠨᠣᠬᠠᠶᠶ᠋ᠢᠨ ᠬᠣᠱᠢᠭᠤᠶ᠋ᠢ ᠬᠣᠯᠢᠵᠤ ᠳᠠᠷᠢᠵᠤ᠂ ᠬᠦᠪᠦᠷᠡᠯᠦᠨ ᠨᠠᠬᠢᠶᠠᠪᠠᠷ ᠤᠷᠭᠤᠭᠤᠯᠬᠤ ᠮᠡᠷᠭᠡᠵᠢᠯᠢ ᠬᠡᠷᠡᠭ᠌ᠯᠡᠨ ᠨᠣᠬᠠᠶᠶ᠋ᠢᠨ ᠬᠣᠱᠢᠭᠤ ᠤᠷᠢᠳᠠᠪᠠᠷ ᠬᠥᠷᠥᠰᠥ ᠵᠢ ᠴᠤᠭᠤᠯᠵᠦ ᠰᠤᠷ ᠦᠭᠡᠢ ᠰᠤᠭᠤᠪᠤᠷᠤ᠋ᠨ ᠴᠢᠬᠢᠴᠤᠬᠤᠢᠵᠤ ᠭᠠᠷᠬᠤᠳᠤ ᠲᠤᠰᠠᠯᠠᠭᠤᠯᠵᠠᠶ᠃ ᠡᠭᠦᠨᠦ ᠬᠠᠮᠲᠤ ᠥᠨᠳᠥᠷ ᠤᠷᠭᠤᠭ᠍ᠰᠠᠨ ᠨᠣᠬᠠᠶᠶ᠋ᠢᠨ ᠬᠣᠱᠢᠭᠤᠶ᠋ᠢᠨ ᠴᠢᠬᠢ ᠨᠢ ᠰᠡᠭᠦᠳᠡᠷ ᠪᠤᠯᠵᠦ ᠬᠥᠷᠥᠰᠥᠨᠦ ᠳᠠᠪᠬᠤᠷᠭᠠᠵᠢᠨ ᠤᠰᠤᠵᠢ ᠬᠠᠳᠠᠭᠠᠯᠠᠵᠤ᠂ ᠰᠤᠷ ᠦᠭᠡᠢ ᠰᠤᠭᠤᠪᠤᠷᠢ ᠨᠠᠩ ᠰᠠᠢᠨ ᠤᠷᠭᠤᠭᠤᠯᠬᠤᠳᠤ ᠲᠤᠰᠠᠯᠠᠳᠠᠭ᠃ ᠣᠯᠠᠨ ᠵᠢᠯᠦᠨ ᠲᠤᠷᠱᠢᠯᠲᠠᠪᠠᠷ ᠳᠡᠮᠵᠢᠨ ᠪᠢᠳᠡ ᠡᠴᠦᠰᠲᠡᠬᠡᠨ ᠠᠮᠵᠢᠯᠲᠠ ᠣᠯᠵᠵᠤ᠂ ᠣᠳᠣᠬᠠᠨᠳᠤ ᠮᠠᠨ ᠤ〈 ᠬᠦᠶ᠋ᠲᠡᠨ ᠱᠢᠯᠢᠵᠢᠨ ᠰᠤᠷ ᠦᠭᠡᠢ ᠰᠤᠭᠤᠪᠤᠷ 〉 1 ᠮᠧᠲ᠋ᠷᠡᠴᠡ ᠳᠡᠭᠡᠭ᠌ᠰᠢ ᠤᠷᠭᠤᠬᠤ ᠪᠤᠯᠵᠠᠢ》 ᠭᠡᠵᠦ ᠶᠣᠣ ᠵᠢᠶᠦ᠋ᠨ ᠸᠸᠨ ᠪᠠᠶᠠᠷᠯᠠᠨ ᠬᠡᠯᠡᠪᠡ᠃
ᠣᠯᠠᠨ ᠵᠢᠯᠦᠨ ᠱᠢᠷᠭᠠᠭᠤ ᠰᠤᠳᠤᠯᠤᠯᠲᠠᠪᠠᠷ ᠳᠡᠮᠵᠢᠨ 2024 ᠣᠨᠳᠤ 《ᠬᠦᠶ᠋ᠲᠡᠨ ᠱᠢᠯᠢᠵᠢᠨ ᠰᠤᠷ ᠦᠭᠡᠢ ᠰᠤᠭᠤᠪᠤᠷ》 ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨ ᠤ ᠡᠪᠡᠰᠦᠨᠦ ᠡᠭᠦᠯᠳᠡᠷᠤᠨ ᠬᠢᠨᠠᠨ ᠲᠣᠭ᠍ᠲᠠᠭᠠᠯᠲᠠᠵᠢ ᠦᠨᠭᠭᠡᠷᠡᠭᠡᠵᠦ᠂ ᠵᠢᠩᠬᠢᠨᠢᠪᠡᠷ ᠨᠤᠲᠤᠭᠤᠨ ᠣᠨᠴᠠᠯᠢᠭ ᠪᠥᠬᠥᠶ ᠡᠪᠡᠰᠦᠨᠦ ᠲᠥᠷᠥᠯ ᠪᠣᠯᠵᠣ᠂ ᠪᠥᠬᠥ᠌ ᠲᠠᠯᠠᠪᠠᠷ ᠬᠡᠪᠴᠢᠶᠡᠵᠢᠭᠦᠯᠦᠨ ᠳᠡᠯᠭᠡᠷᠡᠭᠦᠯᠬᠦ᠌ ᠱᠠᠲᠤᠨᠳᠤ ᠣᠷᠣᠪᠠ᠃ ᠡᠳᠦᠭᠡ ᠡᠨᠡ ᠬᠦ᠌ ᠨᠤᠲᠤᠭᠤᠨ ᠡᠪᠡᠰᠦ ᠲᠠᠯᠠ ᠨᠤᠲᠤᠭᠲᠤ ᠦᠨᠳᠦᠰᠦᠯᠡᠵᠦ᠍᠂ ᠠᠮᠢ ᠠᠬᠤᠢᠶ᠋ᠢ ᠰᠡᠷᠭᠦᠭᠡᠨ ᠵᠠᠰᠠᠬᠤ᠂ ᠲᠤᠬᠠᠢᠶ᠋ᠢᠨ ᠭᠠᠵᠠᠷᠤᠨ ᠮᠠᠯ ᠠᠵᠤ ᠠᠬᠤᠢᠶ᠋ᠢᠨ ᠶᠠᠰᠤ ᠴᠢᠨᠠᠷᠢ ᠳᠡᠭᠡᠭ᠌ᠰᠢᠯᠡᠭᠦᠯᠦᠨ ᠦᠷᠡ ᠠᠱᠢᠭᠢ ᠨᠡᠮᠡᠭ᠌ᠳᠡᠭᠦᠯᠬᠦ᠌ ᠬᠦᠨᠳᠦ ᠡᠭᠦᠷᠭᠡᠶ᠋ᠢ ᠡᠭᠦᠷᠭᠡᠯᠡᠵᠦ᠍᠂ ᠮᠠᠨᠤ ᠤᠯᠤᠰᠤᠨ ᠤᠮᠠᠷᠠᠲᠤᠶ᠋ᠢᠨ ᠴᠢᠬᠤᠯᠠ ᠠᠮᠢ ᠠᠬᠤᠢᠶ᠋ᠢᠨ ᠠᠮᠤᠷ ᠲᠦᠪᠱᠢᠨᠦ ᠬᠠᠯᠬᠠᠪᠴᠢᠶ᠋ᠢ ᠪᠠᠲᠤ ᠴᠣᠭ᠍ᠴᠠᠯᠠᠬᠤᠳᠤ ᠬᠤᠪᠢ ᠨᠡᠮᠡᠷᠢ ᠦᠵᠡᠭᠦᠯᠵᠤ ᠪᠤᠢ᠃
［ᠰᠤᠷᠪᠤᠯᠵᠢᠯᠠᠭ᠍ᠴᠢᠶ᠋ᠢᠨ ᠡᠪᠦᠷ ᠲᠡᠮᠳᠡᠭ᠌ᠯᠡᠯ］
ᠬᠦᠢᠲᠡᠨ ᠱᠢᠯᠢ ᠵᠢᠨ ᠲᠠᠯᠠ ᠨᠤᠲᠤᠭᠵᠢᠡᠷ ᠠᠯᠬᠤᠯᠠᠬᠤ ᠳ᠋ᠤ᠌ ᠬᠡᠰᠡᠭ ᠬᠡᠰᠡᠭ ᠣᠷᠭᠣᠭ᠍ᠰᠠᠨ ᠰᠤᠷ ᠦᠭᠡᠢ ᠰᠤᠭᠤᠪᠤᠷ ᠤᠨᠴᠠᠭᠠᠢ ᠢᠯᠡ ᠬᠠᠷᠠᠭᠳᠠᠨᠠ᠃ ᠨᠤᠲᠤᠭ ᠤᠨ ᠡᠪᠡᠰᠦᠵᠢ ᠠᠮᠵᠢᠯᠲᠠᠲᠠᠶ ᠰᠣᠩᠭᠣᠨ ᠪᠣᠢᠵᠢᠭᠤᠯᠤᠭ᠍ᠰᠠᠨ ᠶᠠᠪᠤᠳᠠᠯ ᠤᠨ ᠠᠷᠤᠳᠤ ᠣᠶ ᠱᠢᠭᠤᠶ ᠪᠠ ᠨᠤᠲᠤᠭ ᠪᠡᠯᠴᠢᠭᠡᠷᠦᠨ ᠠᠵᠢᠯᠲᠠᠳ ᠤᠨ ᠤᠯᠠᠨ ᠵᠢᠯᠤᠨ ᠪᠠᠲᠤ ᠰᠠᠬᠢᠯᠲᠠ ᠪᠤᠢ᠃ ᠲᠡᠳᠡ ᠠᠭᠤᠯᠠ ᠳᠠᠪᠠᠭᠠᠶ᠋ᠢ ᠳᠠᠪᠠᠵᠤ᠂ ᠡᠵᠡᠭᠦᠶ ᠬᠡᠭᠡᠷᠡ ᠭᠦᠨᠵᠡᠭᠡᠢᠷᠡᠨ᠂ ᠬᠠᠲᠠᠭᠤ ᠪᠡᠷᠬᠡᠱᠢᠶᠡᠯᠲᠦ ᠣᠷᠴᠢᠨ ᠲᠣᠭᠣᠷᠢᠨᠳᠤ ᠦᠷᠡ ᠲᠡᠭᠦᠵᠦ᠍᠂ ᠳᠠᠬᠢᠨ ᠳᠠᠪᠲᠠᠨ ᠲᠤᠷᠱᠢᠯᠲᠠ ᠬᠢᠵᠦ᠍᠂ ᠡᠴᠦᠰ ᠲᠡᠬᠡᠨ ᠨᠤᠲᠤᠭ ᠤᠨ ᠱᠢᠯᠢᠳᠡᠭ ᠡᠪᠡᠰᠦᠨ ᠦᠷᠡᠶ᠋ᠢ ᠪᠣᠢᠵᠢᠭᠤᠯᠵᠤ᠂ ᠭᠠᠳᠠᠨᠠᠠᠴᠠ ᠢᠷᠡᠭ᠌ᠰᠡᠨ ᠡᠪᠡᠰᠦᠨ ᠦᠷᠡᠳᠦ ᠲᠦᠱᠢᠭ᠌ᠯᠡᠬᠦ᠌ ᠪᠠᠨ ᠪᠤᠯᠢᠪᠠ᠃
ᠡᠨᠡ ᠬᠦ᠌ ᠥᠨᠳᠥᠷᠯᠢᠭᠲᠦ ᠦᠨᠳᠦᠰᠦᠯᠡᠭ᠌ᠰᠡᠨ ᠨᠤᠲᠤᠭ ᠤᠨ ᠡᠪᠡᠰᠦᠨᠢ ᠨᠤᠲᠤᠭ ᠪᠡᠯᠴᠢᠭᠡᠷ ᠦᠨ ᠠᠮᠢ ᠠᠬᠤᠶᠶ᠋ᠢ ᠵᠠᠰᠠᠨ ᠰᠡᠷᠭᠦᠭᠡᠬᠦ᠌ 《 ᠭᠤᠤᠯ ᠬᠦᠴᠦᠨ 》 ᠪᠣᠯᠬᠤᠪᠠᠷ ᠪᠠᠷᠠᠬᠤ ᠥᠬᠡᠶ ᠪᠠᠰᠠ ᠴᠤ᠌ ᠠᠵᠤ ᠦᠶ᠋ᠯᠡᠰᠦᠨ ᠬᠥᠭ᠌ᠵᠢᠯᠲᠡᠶ᠋ᠢ ᠳᠠᠢᠴᠢᠯᠠᠬᠤ᠂ ᠠᠷᠠᠳ ᠣᠯᠠᠨᠳᠤ ᠠᠱᠢᠭ ᠬᠦᠷᠲᠡᠭᠡᠬᠦ᠌ 《 ᠪᠠᠶᠠᠵᠢᠯᠤᠨ ᠡᠪᠡᠰᠦ》 ᠪᠣᠯᠤᠨᠠ᠃ ᠬᠡᠭᠡᠷᠡᠶ᠋ᠢᠨ ᠦᠷᠠ ᠡᠳ᠋ ᠡᠴᠡ ᠡᠭᠦᠯᠳᠡᠷᠢ ᠬᠢᠨᠠᠨ ᠲᠣᠭ᠍ᠲᠠᠭᠠᠬᠤ ᠬᠦᠷᠲᠡᠯᠡ᠂ ᠲᠤᠷᠱᠢᠯᠲᠠᠶ᠋ᠢᠨ ᠲᠠᠷᠢᠶᠠᠨᠡᠴᠡ ᠶᠡᠬᠡ ᠲᠠᠷᠢᠶᠠᠨ ᠭᠠᠵᠠᠷᠲᠦ ᠳᠡᠯᠭᠡᠷᠡᠭᠦᠯᠬᠦ᠌ ᠬᠦᠷᠲᠡᠯᠡ᠂ ᠤᠯᠠᠭᠠᠨᠴᠠᠪᠤᠨ ᠨᠤᠲᠤᠭ ᠪᠡᠯᠴᠢᠭᠡᠷᠢ ᠰᠠᠬᠢᠨ ᠬᠠᠮᠠᠭᠠᠯᠠᠬᠤ᠂ ᠠᠮᠢ ᠠᠬᠤᠶᠶ᠋ᠢᠨ ᠠᠵᠤ ᠦᠶ᠋ᠯᠡᠰᠢ ᠭᠦᠨᠵᠡᠭᠡᠢ ᠬᠦᠭᠵᠢᠭᠦᠯᠬᠦ ᠡᠷᠡᠰ ᠵᠣᠷᠢᠭᠢ ᠭᠡᠷᠡᠴᠢᠯᠡᠭ᠌ᠰᠡᠨ ᠪᠥᠭᠡᠳ ᠨᠤᠮᠢᠨ ᠤᠰᠤ ᠬᠦᠬᠡᠮᠳᠦᠭ ᠠᠭᠤᠯᠠ ᠵᠢᠨ ᠦᠷᠭᠦᠯᠵᠢᠯᠡᠨ ᠠᠮᠢ ᠠᠬᠤᠶ ᠪᠠ ᠠᠷᠠᠳᠤᠨ ᠠᠮᠢᠳᠤᠷᠠᠯ ᠤᠨ ᠳᠠᠪᠬᠤᠷ ᠦᠷᠡ ᠠᠱᠢᠭ ᠭᠠᠷᠭᠠᠬᠤᠶᠢ ᠠᠬᠢᠭᠤᠯᠤᠭᠰᠠᠨ ᠪᠠᠢᠨᠠ᠃