ᠴᠠᠭᠠᠨ ᠰᠠᠷᠠ ᠵᠢᠨ ᠬᠤᠭᠤᠴᠠᠭᠠᠨ ᠳ᠋ᠤ᠂ ᠪᠤᠭᠤᠲᠤ ᠬᠤᠳᠠ ᠪᠤᠯᠤᠨ ᠬᠦᠶᠠᠩ ᠰᠢᠶᠠᠨᠤ ᠴᠠᠭᠠᠨ ᠰᠠᠷᠠ ᠵᠢᠨ ᠪᠠᠷᠠᠭᠠᠨ ᠤ ᠵᠠᠬᠠ ᠲᠡᠯᠭᠡᠭᠦᠷ ᠵᠢᠡᠷ ᠨᠠᠷᠢᠯᠢᠭ ᠪᠤᠭᠤᠳᠠᠯᠯᠠᠬᠰᠠᠨ ᠬᠦᠶᠠᠩ ᠤᠨ ᠬᠤᠨᠴᠢᠷ ᠤᠨ ᠪᠦᠳᠦᠭᠡᠭᠳᠡᠭᠦᠨ ᠡᠨᠳᠡ ᠲᠡᠨᠳᠡ ᠦᠭᠡᠢ ᠬᠠᠷᠠᠬᠳᠠᠵᠦ᠂ ᠬᠤᠨᠴᠢᠷ ᠤᠨ ᠵᠦᠰᠦᠮ᠂ ᠬᠤᠨᠴᠢᠷᠤᠨ ᠢᠯᠭᠠᠷᠠᠭᠤᠯᠤᠬᠰᠠᠨ ᠰᠢᠩᠬᠡᠨ᠂ ᠬᠤᠨᠴᠢᠷᠤᠨ ᠴᠠᠢ ᠵᠡᠷᠭᠡ ᠪᠦᠳᠦᠭᠡᠭᠳᠡᠭᠦᠨᠤᠳ ᠬᠦᠮᠤᠰ ᠤᠨ ᠴᠠᠭᠠᠨ ᠰᠠᠷᠠ ᠵᠢᠨ ᠪᠡᠯᠡᠭ ᠤᠨ ᠨᠢᠭᠡ ᠰᠤᠩᠭᠤᠯᠳᠠ ᠪᠤᠯᠵᠦ᠂ 《ᠡᠷᠡᠭᠦᠯ ᠡᠩᠬᠡ》 ᠵᠢᠨ ᠪᠦᠳᠦᠭᠡᠭᠳᠡᠭᠦᠨ ᠢ ᠬᠦᠷᠭᠡᠬᠦ ᠨᠢ ᠨᠢᠭᠡ ᠶᠤᠰᠤᠨ ᠤ ᠬᠠᠯᠠᠮᠰᠢᠯ ᠪᠤᠯᠤᠬᠰᠠᠨ ᠪᠠᠢᠨᠠ᠃
《ᠦᠩᠬᠡᠷᠡᠭᠰᠡᠨ ᠳ᠋ᠤ ᠰᠠᠳᠤᠨ ᠲᠦᠷᠦᠯ ᠵᠢᠡᠷ ᠵᠢᠡᠨ ᠲᠤᠭᠤᠷᠢᠬᠤ ᠦᠶᠡᠰ᠂ ᠬᠡᠪᠰᠢᠮᠡᠯ ᠲᠡᠷᠡ ᠨᠢᠭᠡ ᠬᠡᠳᠤᠨ ᠪᠠᠷᠠᠭᠠ ᠪᠡᠨ ᠠᠪᠳᠠᠭ ᠪᠠᠢᠬᠰᠠᠨ᠂ ᠡᠨᠡ ᠵᠢᠯ ᠡᠨᠡ ᠬᠤᠨᠴᠢᠷᠤᠨ ᠪᠦᠳᠦᠭᠡᠭᠳᠡᠭᠦᠨ ᠢ ᠠᠪᠤᠯᠠ᠂ ᠦᠵᠡᠮᠦᠷᠢ ᠳᠠᠢ ᠲᠡᠭᠡᠷᠠ ᠪᠡᠨ ᠤᠳᠬᠠ ᠠᠭᠤᠯᠭᠠ ᠲᠠᠢ》᠃ ᠰᠢᠨᠠ ᠵᠢᠨ ᠲᠦᠷᠪᠡᠨ ᠤ ᠡᠳᠦᠷ᠂ ᠪᠤᠭᠤᠲᠤ ᠬᠤᠳᠠ ᠵᠢᠨ ᠵᠠᠩ ᠤᠪᠤᠬᠳᠤ ᠨᠢᠭᠡ ᠬᠢᠵᠢᠶᠡᠯᠢ ᠨᠠᠰᠤᠨ ᠤ ᠡᠮᠡᠭᠳᠠᠢ ᠲᠤᠰ ᠬᠤᠳᠠ ᠵᠢᠨ ᠨᠦᠬᠦᠷᠯᠡᠯ ᠵᠠᠮ ᠲᠡᠭᠡᠷᠡᠬᠢ ᠨᠢᠭᠡ ᠬᠤᠨᠴᠢᠷ ᠤᠨ ᠪᠦᠳᠦᠭᠡᠭᠳᠡᠭᠦᠨ ᠤ ᠲᠤᠰᠬᠠᠢ ᠬᠤᠳᠠᠯᠳᠤᠭᠠᠨ ᠤ ᠲᠡᠯᠭᠡᠭᠦᠷ ᠲᠤ᠌ ᠰᠤᠷᠪᠤᠯᠵᠢᠯᠠᠬᠴᠢ ᠳ᠋ᠤ ᠢᠩᠬᠢᠵᠦ ᠶᠠᠷᠢᠵᠦ ᠪᠠᠢᠯᠠ᠃ ᠲᠤᠰ ᠲᠡᠯᠭᠡᠭᠦᠷ ᠲᠤ᠌ ᠤᠯᠠᠨ ᠶᠠᠩᠵᠤ ᠵᠢᠨ ᠬᠤᠨᠴᠢᠷ ᠤᠨ ᠪᠦᠳᠦᠭᠡᠭᠳᠡᠭᠦᠨ ᠬᠤᠳᠠᠯᠳᠤᠵᠦ ᠪᠠᠢᠪᠠ᠃ ᠮᠦᠨ ᠴᠠᠭᠠᠨ ᠰᠠᠷᠠ ᠵᠢᠨ ᠬᠤᠭᠤᠴᠠᠭᠠᠨ ᠳ᠋ᠤ ᠲᠡᠭᠷᠢ ᠰᠠᠢᠬᠠᠨ ᠪᠤᠯᠬᠤᠷ᠂ ᠲᠡᠯᠭᠡᠭᠦᠷ ᠤᠨ ᠭᠠᠳᠠᠨᠠ ᠪᠡᠨ ᠨᠡᠯᠢᠶᠡᠳ ᠬᠡᠳᠤᠨ ᠲᠦᠷᠤᠯ ᠤᠨ ᠪᠦᠳᠦᠭᠡᠭᠳᠡᠭᠦᠨ ᠢ ᠰᠢᠷᠡᠭᠡᠨ ᠲᠡᠭᠡᠷᠠ ᠲᠡᠯᠭᠡᠨ ᠵᠡᠭᠡᠯᠢ ᠪᠡᠷ ᠦᠩᠬᠡᠷᠡᠬᠦ ᠬᠦᠮᠤᠰ ᠤᠨ ᠰᠤᠩᠭᠤᠯᠳᠠ ᠳ᠋ᠤ ᠲᠦᠭᠦᠮ ᠦᠵᠡᠬᠦᠯᠵᠦ ᠪᠠᠢᠯᠠ᠃ ᠲᠡᠯᠭᠡᠭᠦᠷ ᠲᠤᠳᠤᠷᠠ ᠨᠢ ᠲᠠᠰᠤᠷᠠᠯᠳᠠ ᠦᠭᠡᠢ ᠬᠦᠮᠦᠨ ᠬᠠᠷᠠ ᠤᠷᠤᠵᠦ ᠢᠷᠡᠨ᠂ ᠪᠠᠷᠠᠭᠠ ᠬᠤᠳᠠᠯᠳᠤᠨ ᠠᠪᠬᠤ ᠵᠢᠨ ᠲᠠᠭᠠᠤ ᠪᠠᠰᠨ ᠲᠡᠯᠭᠡᠭᠦᠷ ᠤᠨ ᠡᠵᠡᠨ ᠲᠠᠢ ᠬᠤᠨᠴᠢᠷ ᠤᠨ ᠲᠤᠬᠠᠢ ᠵᠤᠭᠤᠭ ᠲᠡᠯᠭᠡᠵᠦ ᠪᠠᠢᠯᠠ᠃ ᠨᠡᠷᠢᠬᠠᠨ ᠬᠤᠷᠤᠭᠤ ᠯᠤᠩᠬᠤᠨ ᠳ᠋ᠤ ᠬᠢᠭᠰᠡᠨ ᠬᠤᠨᠴᠢᠷ ᠤᠨ ᠢᠯᠭᠠᠷᠠᠭᠤᠯᠤᠬᠰᠠᠨ ᠰᠢᠩᠬᠡᠨ ᠲᠡᠯᠭᠡᠭᠦᠷ ᠴᠢᠮᠡᠭᠰᠡᠨ ᠪᠦᠳᠦᠭᠡᠭᠳᠡᠭᠦᠨ ᠪᠤᠯᠵᠦ᠂ ᠭᠠᠳᠠᠷ ᠮᠤᠵᠢ ᠵᠢᠨ ᠰᠢᠮᠠ ᠲᠡᠵᠢᠭᠡᠯᠤᠨ ᠪᠦᠳᠦᠭᠡᠭᠳᠡᠭᠦᠨ ᠲᠠᠢ ᠬᠡᠯᠪᠡᠷᠢ ᠲᠦᠷᠰᠦ ᠪᠡᠷ ᠠᠪ ᠠᠳᠠᠯᠢᠬᠠᠨ ᠪᠠᠢᠯᠠ᠃
ᠬᠦᠶᠠᠩ ᠤᠨ ᠬᠤᠨᠴᠢᠷ ᠤᠨ ᠪᠦᠳᠦᠭᠡᠭᠳᠡᠭᠦᠨ ᠬᠡᠬᠦᠯᠡᠷ ᠲᠡᠷᠡ ᠨᠢ ᠤᠯᠤᠰ ᠲᠤ᠌ ᠠᠯᠳᠠᠷ ᠳᠠᠢ ᠬᠤᠨᠴᠢᠷ ᠤᠨ ᠨᠤᠳᠤᠭ ᠪᠤᠯᠬᠤ ᠪᠤᠭᠤᠳᠤ ᠬᠤᠳᠠ ᠵᠢᠨ ᠬᠦᠶᠠᠩ ᠰᠢᠶᠠᠨ ᠳ᠋ᠤ ᠮᠡᠨᠳᠦᠯᠡᠭᠰᠡᠨ ᠪᠦᠳᠦᠭᠡᠭᠳᠡᠭᠦᠨ ᠪᠠᠢᠵᠦ᠂ ᠤᠢᠷᠠ ᠵᠢᠨ ᠵᠢᠯ ᠡᠴᠡ ᠨᠠᠭᠠᠰᠢ᠂ ᠤᠮᠠᠷᠠᠳᠤ ᠦᠷᠭᠡᠷᠢᠭ ᠤᠨ《41° ᠬᠦᠶᠠᠩ ᠤᠨ ᠪᠡᠯᠡᠭ》 ᠤᠷᠤᠨ ᠲᠤᠭᠤᠷᠢᠭ ᠤᠨ ᠨᠡᠢᠳᠡ ᠵᠢᠨ ᠬᠡᠷᠡᠭᠯᠡᠭᠡᠨ ᠤ ᠱᠤᠰᠢᠭᠠ ᠪᠡᠷ ᠵᠢᠡᠨ ᠠᠯᠳᠠᠷᠰᠢᠬᠰᠠᠨ ᠪᠠᠢᠨᠠ᠃ ᠬᠦᠶᠠᠩ ᠰᠢᠶᠠᠨ ᠬᠤᠨᠴᠢᠷ ᠲᠡᠷᠢᠵᠦ ᠤᠷᠭᠤᠭᠤᠯᠬᠤ ᠪᠠᠢᠭᠠᠯᠢ ᠵᠢᠨ ᠰᠠᠢᠬᠠᠨ ᠨᠦᠬᠦᠴᠡᠯ ᠢ ᠪᠦᠷᠢᠯᠳᠤᠭᠦᠯᠵᠦ᠂ ᠬᠤᠨᠴᠢᠷᠤᠨ ᠠᠵᠤ ᠦᠢᠯᠡᠰ ᠨᠢ ᠬᠦᠳᠡᠭᠡ ᠲᠤᠰᠬᠤᠨ ᠢ ᠬᠦᠭᠵᠢᠭᠦᠯᠦᠨ ᠮᠠᠨᠳᠤᠭᠤᠯᠬᠤ ᠵᠢ ᠠᠬᠢᠭᠤᠯᠬᠤ᠂ ᠠᠮᠢ ᠠᠬᠤᠢ ᠵᠢᠨ ᠦᠷᠳᠡᠭ ᠤᠨ ᠨᠡᠭᠦᠯᠭᠡᠨ ᠰᠢᠯᠵᠢᠬᠦᠯᠦᠯᠳᠡ ᠵᠢᠨ ᠴᠢᠬᠤᠯᠠ ᠠᠷᠭᠠ ᠪᠠᠷᠢᠯ ᠪᠤᠯᠤᠬᠰᠠᠨ ᠪᠠᠢᠨᠠ᠃ ᠤᠳᠤ ᠲᠤᠰ ᠰᠢᠶᠠᠨ ᠳ᠋ᠤ ᠬᠤᠨᠴᠢᠷ ᠨᠢ ᠨᠢᠭᠡᠨᠳᠡ ᠡᠮ ᠤᠨ ᠮᠠᠲᠧᠷᠢᠶᠠᠯ ᠤᠨ ᠬᠦᠷᠢᠶᠠ ᠴᠠᠷᠠᠭᠠ ᠡᠴᠡ ᠪᠡᠨ ᠲᠠᠪᠠᠵᠦ᠂ 7 ᠶᠡᠬᠡ ᠴᠤᠪᠤᠷᠠᠯ ᠤᠨ 200 ᠭᠠᠷᠤᠢ ᠲᠦᠷᠤᠯ ᠤᠨ ᠨᠠᠷᠢᠯᠢᠭ ᠪᠤᠯᠪᠠᠰᠤᠷᠠᠭᠤᠯᠤᠬᠰᠠᠨ ᠪᠦᠳᠦᠭᠡᠭᠳᠡᠭᠦᠨ ᠪᠤᠯᠵᠦ ᠬᠦᠭᠵᠢᠵᠦ᠂ ᠡᠯᠠ ᠲᠦᠷᠤᠯ ᠤᠨ ᠦᠵᠡᠭᠦᠯᠭᠡ ᠦᠵᠡᠰᠭᠦᠯᠡᠩ ᠲᠡᠭᠡᠷᠠ ᠴᠤ᠌ ᠬᠦᠮᠦᠰ ᠤᠨ ᠬᠠᠷᠠᠭᠠ ᠵᠢ ᠪᠤᠯᠢᠶᠠᠳᠠᠭ ᠪᠦᠳᠦᠭᠡᠭᠳᠡᠭᠦᠨ ᠪᠤᠯᠤᠬᠰᠠᠨ ᠪᠠᠢᠨᠠ᠃ ᠲᠡᠳᠡᠭᠡᠷ ᠤᠯᠠᠭᠠᠠ ᠰᠢᠷᠭᠠᠯ ᠪᠤᠯᠤᠨ ᠰᠢᠷᠭᠠᠯ ᠪᠤᠭᠤᠳᠠᠯ ᠲᠠᠢ᠂ ᠶᠠᠩᠵᠦ ᠶᠠᠩᠵᠦ ᠵᠢᠨ ᠨᠠᠷᠢᠯᠢᠭ ᠬᠢᠴᠠ ᠲᠠᠢ ᠬᠤᠨᠴᠢᠷ ᠤᠨ ᠪᠦᠳᠦᠭᠡᠭᠳᠡᠭᠦᠨ ᠢ᠋ ᠬᠠᠷᠠᠬᠤᠯᠠᠷ᠂ ᠲᠡᠭᠦᠨ ᠢ ᠪᠤᠭᠤᠲᠤ ᠬᠤᠳᠠ ᠵᠢᠨ ᠮᠤᠨᠠ ᠠᠭᠤᠯᠠ ᠵᠢᠨ ᠠᠷᠤ ᠳ᠋ᠤ ᠪᠠᠢᠷᠢᠯᠠᠭᠠ ᠬᠦᠶᠠᠩ ᠰᠢᠶᠠᠨ ᠦ ᠬᠡᠵᠦ ᠢᠳᠡᠭᠡᠮᠡᠷ ᠦᠭᠡᠢ ᠰᠠᠨᠠᠬᠳᠠᠬᠤ ᠪᠤᠯᠪᠠᠴᠤ᠂ ᠲᠡᠳᠡᠭᠡᠷ ᠨᠢ ᠦᠪ ᠦᠨᠡᠨ ᠳ᠋ᠡᠭᠡᠨ ᠲᠡᠷᠡ ᠪᠦᠰᠨ ᠨᠤᠳᠤᠭ ᠤᠨ ᠠᠵᠤ ᠠᠬᠤᠢᠯᠠᠯ ᠤᠨ ᠦᠢᠯᠡᠳᠪᠦᠷᠢᠯᠡᠭᠰᠡᠨ ᠪᠦᠳᠦᠭᠡᠭᠳᠡᠭᠦᠨ ᠪᠤᠯᠬᠤ ᠶᠤᠮ᠃
ᠰᠠᠢᠨ ᠬᠤᠨᠴᠢᠷ ᠭᠠᠷᠳᠠᠭ ᠡᠴᠡ ᠪᠤᠯᠵᠦ᠂ ᠤᠢᠷᠠ ᠵᠢᠨ ᠵᠢᠯ ᠡᠴᠡ ᠨᠠᠭᠠᠰᠢ ᠬᠦᠶᠠᠩ ᠰᠢᠶᠠᠨ ᠪᠦᠬᠦ ᠤᠯᠤᠰ ᠤᠨ ᠡᠯᠠ ᠭᠠᠵᠠᠷ ᠤᠨ ᠬᠤᠨᠴᠢᠷ ᠪᠤᠯᠪᠠᠰᠤᠷᠠᠭᠤᠯᠬᠤ ᠠᠵᠤ ᠠᠬᠤᠢᠯᠠᠯ ᠡᠴᠨ ᠨᠡᠯᠢᠶᠡᠳ ᠢ ᠤᠷᠢᠨ ᠤᠷᠤᠭᠤᠯᠤᠬᠰᠠᠨ ᠶᠤᠮ᠃ ᠴᠠᠭᠠᠨ ᠰᠠᠷᠠ ᠡᠴᠡ ᠡᠮᠦᠨᠡᠬᠡᠨ ᠬᠦᠶᠠᠩ ᠤᠨ ᠬᠤᠨᠴᠢᠷ ᠤᠨ ᠪᠦᠳᠦᠭᠡᠭᠳᠡᠭᠦᠨ ᠤᠯᠤᠰ ᠤᠨ ᠡᠭᠦᠳᠡ ᠵᠢ ᠠᠯᠬᠤᠨ ᠭᠠᠷᠴᠦ᠂ ᠺᠢᠷᠬᠢᠽᠰᠲ᠋ᠠᠨ ᠤ ᠪᠠᠢᠭᠤᠯᠤᠮᠵᠢ ᠵᠢᠨ 《ᠤᠯᠤᠰ ᠤᠨ ᠵᠤᠴᠢᠨ ᠤ ᠭᠠᠷ ᠪᠡᠯᠡᠭ》 ᠲᠤ᠌ ᠰᠤᠩᠭᠤᠬᠳᠠᠨ ᠤᠷᠤᠬᠰᠠᠨ ᠪᠠᠢᠨᠠ᠃