2 ᠰᠠᠷᠠᠶᠢᠨ 21 ᠤ᠋ ᠡᠳᠦᠷ᠂ ᠴᠠᠭᠠᠨ ᠰᠠᠷᠠᠶᠢᠨ ᠰᠢᠨᠡᠶᠢᠨ ᠲᠠᠪᠤᠨᠳᠤ ᠂ ᠲᠤᠬᠰᠢᠨ ᠴᠠᠰᠤᠨ ᠰᠢᠭᠤᠷᠭᠠ ᠬᠥᠯᠥᠨ ᠪᠤᠢ᠍ᠢᠷᠤᠨ ᠲᠠᠯᠠ ᠨᠤᠲᠤᠭᠢ ᠭᠡᠨᠡᠳᠲᠡ ᠪᠡᠷ ᠲᠠᠭᠠᠷᠢᠵᠤ᠂ ᠲᠡᠭᠡᠴᠡ ᠳᠣᠷᠣᠭ᠍ᠰᠢ 30 ᠭᠷᠡᠳᠦ᠋ᠰᠦᠨ ᠬᠠᠬᠢᠷ ᠬᠦᠢᠲᠡᠨ ᠠᠭᠤᠷ ᠠᠮᠢᠰᠬᠤᠯ 9 ᠲᠡᠰᠤᠨ ᠶᠡᠬᠡ ᠰᠠᠯᠬᠢᠲᠠᠢ ᠳᠠᠪᠬᠤᠴᠠᠵᠤ᠂ ᠦᠵᠡᠭᠳᠡᠴᠡᠶᠢᠨ ᠬᠡᠮᠵᠢᠶᠡ ᠨᠢ ᠬᠣᠶᠠᠷ ᠮᠧᠲᠷ ᠴᠸ᠋ ᠬᠦᠷᠬᠦ ᠦᠭᠡᠢ 《ᠴᠠᠭᠠᠨ ᠰᠢᠭᠤᠷᠭᠠ》 ᠪᠣᠯᠵᠤ᠂ ᠤᠯᠠᠨ ᠭᠠᠵᠠᠷᠲᠦ ᠬᠦᠮᠦᠨ ᠬᠠᠷᠠ᠂ ᠮᠠᠰᠢᠨ ᠤᠨᠤᠭᠠ ᠬᠠᠰᠢᠬᠳᠠᠪᠠ᠃ ᠬᠥᠯᠥᠨ ᠪᠣᠶ᠋ᠢᠷ ᠤᠨ ᠬᠢᠯᠢ ᠶᠢᠨ ᠬᠠᠮᠢᠶᠠᠷᠤᠯᠲᠠᠶᠢᠨ ᠰᠠᠯᠪᠤᠷᠢ ᠠᠩᠭᠢᠶᠢᠨ ᠴᠠᠬᠳᠠᠭᠠ ᠪᠤᠯᠤᠨ ᠲᠤᠰᠠᠯᠠᠬᠤ ᠴᠠᠭᠳᠠᠭᠠ ᠬᠡᠷᠡᠭ ᠤ᠋ᠨ ᠮᠡᠳᠡᠬᠦᠯᠦᠯᠳᠡ ᠵᠢ ᠳᠤᠰᠤᠮᠠᠬᠴᠠ ᠳᠠᠷᠤᠢ ᠳ᠋ᠤᠨᠢ ᠬᠦᠳᠡᠯᠦᠯᠴᠡᠵᠦ᠂ ᠰᠥᠨᠢᠵᠢᠨ ᠪᠠᠢᠯᠳᠤᠵᠤ 325 ᠬᠠᠰᠢᠬᠳᠠᠬᠰᠠᠨ ᠣᠯᠠᠨ ᠲᠦᠮᠡᠨᠢ ᠠᠮᠵᠢᠯᠳᠠ ᠲᠠᠢ ᠠᠪᠤᠷᠠᠨ ᠲᠤᠰᠠᠯᠠᠵᠤ ᠲᠥᠪᠬᠢᠨᠡᠭᠦᠯᠪᠡ᠃
21 ᠤ᠋ ᠡᠳᠦᠷᠦᠨ 20 ᠴᠠᠭ 40 ᠮᠢᠨᠦ᠋ᠲᠲᠦ᠂ ᠪᠠᠶᠠᠨᠨᠠᠭᠤᠷ ᠳᠡᠬᠢ ᠬᠢᠯᠢᠶᠢᠨ ᠲᠣᠮᠢᠯᠠᠭᠰᠠᠨ ᠰᠠᠯᠪᠤᠷᠢ ᠲᠤᠰᠠᠯᠠᠮᠵᠢ ᠭᠤᠶᠤᠴᠢᠯᠠᠬᠰᠠᠨ ᠮᠡᠳᠡᠬᠡ ᠵᠢ ᠤᠯᠵᠤ᠄ 2 ᠮᠠᠯᠴᠢᠨ ᠡᠷᠦᠬᠡ᠂ 1 ᠵᠠᠮᠴᠢᠯᠠᠭ᠍ᠴᠢ ᠵᠢᠴᠢ 6 ᠭᠠᠳᠠᠷ ᠣᠷᠣᠨ ᠤ ᠵᠢᠭᠤᠯᠴᠢᠯᠠᠬᠴᠢ ᠨᠡᠢ᠍ᠢᠳᠡ 9 ᠬᠦᠮᠦᠨ ᠨᠤᠳᠤᠬ ᠲᠠᠭᠠᠨ ᠪᠤᠴᠠᠬᠤ ᠵᠠᠮ ᠳ᠋ᠠᠭᠠᠨ ᠴᠠᠰᠤᠨ ᠰᠢᠭᠤᠷᠭᠠ ᠲᠠᠢ ᠲᠠᠭᠠᠷᠠᠯᠳᠤᠵᠤ᠂ ᠮᠠᠰᠢᠨ ᠲᠡᠷᠬᠡ ᠨᠢ ᠴᠠᠰᠤᠨᠳᠤ ᠬᠠᠰᠢᠬᠳᠠᠨ ᠬᠥᠮᠥᠰ ᠴᠢᠭᠯᠡᠯᠢᠶᠡᠨ ᠠᠯᠳᠠᠵᠤ᠂ ᠲᠤᠢᠯᠤᠨ ᠠᠶᠤᠯᠲᠠᠢ ᠪᠠᠢᠨᠠ ᠬᠡᠪᠡ᠃ ᠬᠡᠷᠡᠭ ᠤ᠋ᠨ ᠮᠡᠳᠡᠬᠦᠯᠦᠯᠳᠡ ᠵᠢ ᠣᠯᠣᠭᠰᠠᠨᠤ ᠳᠠᠷᠠᠭᠠ᠂ ᠴᠠᠭᠳᠠᠭᠠ ᠨᠠᠷ ᠭᠤᠷᠪᠠᠬᠠᠨ ᠮᠢᠨᠦ᠋ᠲᠦᠨ ᠳᠣᠲᠣᠷᠠ ᠮᠠᠰᠢᠨ ᠲᠣᠨᠣᠭᠯᠠᠯ ᠵᠢᠡᠨ ᠠᠪᠴᠤ ᠪᠠᠴᠢᠮ ᠮᠤᠷᠳᠠᠪᠠ᠃
ᠠᠪᠤᠷᠠᠨ ᠲᠤᠰᠠᠯᠠᠬᠤ ᠵᠠᠮ ᠳᠤᠮᠳᠠ᠂ ᠪᠦᠬᠦᠢᠯᠡ ᠵᠠᠮ ᠱᠤᠭᠤᠮ ᠴᠠᠰᠤᠨᠳᠤ ᠬᠤᠴᠢᠭ᠍ᠳᠠᠵᠤ᠂ ᠭᠠᠵᠠᠷᠤᠨ ᠲᠡᠮᠳᠡᠭ ᠪᠦᠬᠦᠨᠢᠶᠡᠷᠢᠶᠡᠨ ᠪᠤᠯᠠᠭᠳᠠᠵᠤ᠂ ᠴᠠᠭᠳᠠᠭᠠᠨᠤ ᠮᠠᠰᠢᠨ ᠲᠡᠷᠭᠡ ᠣᠯᠠᠨ ᠤᠳᠠᠭᠠ ᠴᠠᠰᠤᠨᠳᠤ ᠬᠠᠰᠢᠬᠳᠠᠪᠠ᠃ ᠴᠠᠭᠳᠠᠭᠠ ᠨᠠᠷ ᠬᠠᠬᠢᠷ ᠬᠦᠢᠲᠡᠨᠡᠴᠡ ᠰᠦᠷᠳᠡᠯ ᠦᠭᠡᠢ᠂ ᠮᠠᠰᠢᠨ ᠲᠡᠷᠭᠡᠨᠡᠴᠡ ᠪᠠᠨ ᠪᠠᠭᠤᠵᠤ ᠶᠠᠪᠠᠭᠠᠨᠢᠶᠠᠷ ᠵᠠᠮ ᠬᠠᠢᠵᠤ᠂ ᠡᠪᠦᠳᠦᠭ ᠴᠢᠨᠡᠭᠡ ᠭᠦᠨ ᠴᠠᠰᠤᠨ ᠳᠤᠮᠳᠠᠭᠤᠷ ᠴᠠᠰᠤ ᠠᠷᠢᠯᠭᠠᠨ ᠵᠠᠮ ᠨᠡᠭᠡᠭᠡᠵᠦ᠂ 6 ᠴᠠᠭ ᠭᠠᠷᠤᠢᠶᠢᠨ ᠬᠠᠳᠠᠭᠤᠵᠢᠯᠳᠠᠢ ᠡᠷᠢᠵᠦ ᠠᠪᠤᠷᠠᠬᠤ ᠪᠡᠷ ᠲᠠᠮᠵᠢᠨ᠂ 22 ᠤ᠋ᠨ ᠥᠷᠯᠥᠭᠡᠬᠦᠷ ᠬᠠᠰᠢᠭ᠍ᠳᠠᠭᠰᠠᠨ ᠣᠯᠠᠨ ᠲᠦᠮᠡᠨᠢ ᠡᠷᠢᠵᠦ ᠣᠯᠪᠠ᠃ ᠴᠠᠭᠳᠠᠭᠠ ᠨᠠᠷ ᠲᠡᠷᠡ ᠳᠠᠷᠤᠢ ᠳ᠋ᠤᠨᠢ ᠣᠯᠠᠨ ᠲᠦᠮᠡᠨᠢ ᠬᠠᠯᠠᠭᠤᠨ ᠳᠤᠯᠠᠭᠠᠨ ᠴᠠᠭᠳᠠᠭᠠᠨ ᠤ᠋ ᠮᠠᠰᠢᠨ ᠲᠡᠷᠭᠡᠨ ᠳᠣᠲᠣᠷᠠ ᠪᠡᠨ ᠰᠢᠯᠵᠢᠭᠦᠯᠵᠦ᠂ ᠲᠡᠳᠡᠨᠳᠦ ᠬᠠᠯᠠᠭᠤᠨ ᠤᠰᠤ ᠪᠠ ᠢᠳᠡᠭᠡᠨ ᠬᠦᠷᠭᠡᠵᠦ᠂ ᠪᠡᠶᠡᠶᠢᠨ ᠪᠠᠢᠳᠠᠯᠢ ᠨᠢ ᠨᠠᠷᠢᠨ ᠪᠠᠢᠴᠠᠭᠠᠪᠠ᠃
ᠲᠤᠰ ᠣᠷᠣᠢ᠂ ᠤᠯᠠᠨ ᠭᠠᠵᠠᠷ ᠲᠤ ᠬᠦᠮᠦᠨ ᠬᠠᠷᠠ ᠳᠠᠷᠭᠡ ᠤᠨᠤᠭᠠ ᠬᠠᠰᠢᠬᠳᠠᠵᠤ ᠲᠦᠪᠡᠭᠳᠡᠭᠰᠡᠨ ᠠᠶᠤᠯ ᠲᠦᠭᠰᠢᠭᠦᠷᠢᠲᠦ ᠪᠠᠢᠳᠠᠯ ᠢᠯᠡᠷᠡᠪᠡ᠃ ᠮᠤᠳᠤᠡ ᠠᠮᠵᠢ ᠤᠯᠠᠭᠠ ᠥᠷᠲᠡᠭᠡ ᠵᠢᠨ ᠣᠶ᠋ᠢᠷᠠᠯᠴᠠᠭᠠ᠂ ᠨᠢᠭᠡ ᠭᠡᠷᠦᠨ ᠲᠠᠪᠤᠭᠤᠯᠠ ᠪᠡᠨ ᠮᠠᠰᠢᠨ ᠲᠡᠷᠭᠡ ᠲᠠᠢ ᠪᠡᠨ ᠴᠠᠰᠤᠨᠳᠦ ᠬᠠᠰᠢᠭ᠍ᠳᠠᠪᠠ᠂ ᠮᠠᠰᠢᠨ ᠲᠡᠷᠭᠡᠨ ᠳᠤᠨᠢ ᠨᠢᠭᠡᠨ 3 ᠨᠠᠰᠤᠲᠠᠢ ᠬᠡᠦᠬᠡᠳ ᠪᠠ 2 ᠨᠠᠰᠤᠲᠠᠨ ᠪᠠᠢᠯᠠ； ᠵᠢᠯᠤᠭᠤᠴᠢ ᠱᠤᠸᠠᠩ ᠯᠢᠨ ᠪᠠᠰᠠ ᠴᠠᠰᠤᠨ ᠰᠢᠭᠤᠷᠭᠠᠨ ᠳ᠋ᠸ᠋ ᠬᠠᠰᠢᠬᠳᠠᠬᠰᠠᠨ ᠡᠴᠨ ᠪᠤᠯᠵᠤ ᠬᠠᠮᠢᠭᠠᠰᠢ ᠪᠡᠨ ᠴᠦ᠍ ᠶᠠᠪᠤᠵᠤ ᠴᠢᠳᠠᠬᠤ ᠦᠬᠡᠢ ᠪᠠᠢᠪᠠ᠃ ᠣᠯᠠᠨ ᠭᠠᠵᠠᠷᠲᠤ ᠵᠡᠷᠭᠡ ᠪᠡᠷ ᠡᠭᠦᠰᠦᠭᠰᠡᠨ ᠪᠠᠴᠢᠮ ᠪᠠᠢᠳᠠᠯᠤᠨ ᠡᠮᠦᠨᠡ᠂ ᠬᠥᠯᠥᠨ ᠪᠣᠶ᠋ᠢᠷᠤᠨ ᠬᠢᠯᠢᠶᠢᠨ ᠬᠠᠮᠢᠶᠠᠷᠤᠯᠲᠠᠶᠢᠨ ᠰᠠᠯᠪᠤᠷᠢ ᠠᠩᠭᠢ ᠳᠠᠷᠤᠢ ᠲᠦᠷᠭᠡᠨ ᠣᠷᠣᠨ ᠠᠯᠤᠰᠯᠠᠨ ᠬᠣᠯᠪᠤᠭᠠᠯᠠᠨ ᠬᠥᠳᠡᠯᠦᠯᠴᠡᠵᠦ ᠠᠪᠤᠷᠠᠨ ᠲᠤᠰᠠᠯᠠᠬᠤ ᠪᠡᠯᠡᠳᠬᠡᠯ ᠲᠥᠰᠥᠯᠢ ᠡᠬᠢᠯᠡᠭᠦᠯᠵᠦ ᠂ ᠡᠯᠡ ᠲᠣᠮᠢᠯᠠᠭᠰᠠᠨ ᠰᠠᠯᠪᠤᠷᠢᠶᠢᠨ ᠬᠢᠨ ᠪᠦᠭᠦᠳᠡᠭᠡᠷ ᠵᠢᠡᠨ ᠬᠥᠳᠡᠯᠦᠯᠴᠡᠵᠦ᠂ ᠣᠷᠣᠨ ᠪᠦᠰᠡ ᠬᠤᠪᠢᠶᠠᠨ ᠠᠪᠤᠷᠠᠨ ᠲᠤᠰᠠᠯᠠᠬᠤ ᠠᠵᠢᠯᠯᠠᠭᠠ ᠥᠷᠨᠢᠭᠦᠯᠪᠡ᠃
10 ᠴᠠᠭ ᠰᠢᠬᠠᠮ ᠦᠷᠭᠦᠯᠵᠢᠯᠡᠨ ᠲᠡᠮᠡᠴᠡᠨ ᠠᠵᠢᠯᠯᠠᠬᠤ ᠪᠡᠷ ᠲᠠᠮᠵᠢᠨ᠂ 22 ᠤ᠋ᠨ ᠡᠳᠦᠷᠦᠨ 10 ᠴᠠᠭ ᠪᠣᠯᠲᠠᠯᠠ᠂ ᠲᠣᠰ ᠰᠠᠯᠪᠤᠷᠢ ᠠᠩᠭᠢ ᠨᠡᠶ᠋ᠢᠲᠡ 230 ᠭᠠᠷᠤᠢ ᠬᠦᠮᠦᠨ ᠤᠳᠠᠭᠠ ᠵᠢᠨ ᠴᠠᠭᠳᠠᠭᠠ ᠬᠥᠳᠡᠯᠭᠡᠵᠦ᠂ ᠬᠠᠰᠢᠭ᠍ᠳᠠᠭᠰᠠᠨ ᠣᠯᠠᠨ ᠲᠦᠮᠡᠨᠢ ᠠᠮᠵᠢᠯᠲᠠ ᠲᠠᠢ ᠠᠪᠤᠷᠠᠨ ᠭᠠᠷᠭᠠᠭᠰᠠᠨ ᠪᠥᠭᠡᠳ ᠲᠣᠬᠢᠲᠠᠢ ᠲᠥᠪᠬᠢᠨᠡᠭᠦᠯᠵᠦ᠂ ᠨᠢᠭᠡ ᠬᠥᠮᠥᠨ ᠴᠦ᠍ ᠬᠥᠯᠳᠡᠵᠦ ᠰᠢᠷᠬᠠᠲᠤᠭᠰᠠᠨ ᠦᠭᠡᠢ᠂ ᠨᠢᠭᠡ ᠬᠥᠮᠥᠨ ᠴᠦ᠍ ᠡᠨᠳᠡᠯ ᠭᠠᠷᠤᠭᠰᠠᠨ ᠦᠭᠡᠢ᠃