2 ᠰᠠᠷᠠ ᠵᠢᠨ 22 ᠤ᠋ᠨ ᠡᠳᠦᠷ ᠤ᠋ᠨ 4 ᠴᠠᠭ 10 ᠮᠢᠨᠦ᠋ᠲ ᠲᠤ᠌᠂ ᠨᠢᠭᠡ ᠴᠤᠪᠤᠭᠠ ᠲᠤᠰᠤ ᠠᠴᠢᠶᠠᠯᠠᠬᠤ ᠭᠠᠯᠳᠤ ᠲᠡᠷᠭᠡ ᠤᠮᠠᠷᠠᠲᠤ ᠵᠢᠨ ᠴᠢᠯᠠᠭᠤᠨ ᠲᠤᠰᠤᠨ ᠤ᠋ ᠠᠭᠤᠷᠬᠠᠢ ᠵᠢᠨ ᠪᠠᠶᠠᠨ ᠬᠤᠪᠢᠶᠠᠷᠢ ᠺᠣᠮᠫᠠᠨᠢ ᠵᠢᠨ ᠲᠦᠭᠦᠬᠡᠢ ᠴᠢᠯᠠᠭᠤᠨ ᠲᠤᠰᠤ ᠳᠠᠮᠵᠢᠭᠤᠯᠬᠤ ᠦᠷᠳᠡᠭᠡ ᠳ᠋ᠤ ᠬᠦᠷᠴᠢᠭᠢᠨᠡᠨ ᠤᠷᠤᠵᠤ ᠢᠷᠡᠭᠡᠳ ᠲᠤᠰᠤ ᠠᠴᠢᠶᠠᠯᠠᠬᠤ ᠠᠩᠬᠢ ᠵᠢᠨ ᠳᠠᠷᠤᠭᠠ ᠴᠢ ᠱ᠌ᠢ ᠯᠢᠶᠠᠨ ᠪᠣᠯᠤᠨ ᠬᠠᠮᠲᠤ ᠠᠵᠢᠯᠯᠠᠭ᠍ᠰᠠᠳ ᠢ᠋ ᠬᠠᠯᠠᠭᠤᠨ ᠨᠤᠢᠷ ᠡᠴᠡ ᠨᠢ ᠰᠡᠷᠡᠭᠡᠪᠡ᠃
7 ᠮᠧᠲ᠋ᠷ ᠥᠨᠳᠥᠷ ᠲᠡᠮᠦᠷ ᠵᠠᠮᠤᠨ ᠬᠦᠭᠦᠷᠭᠡᠨ ᠵᠠᠮᠤᠨ ᠬᠠᠵᠠᠭᠤ ᠪᠡᠷ᠂ 50 ᠭᠠᠷᠤᠶ ᠴᠢᠩᠭᠡᠯᠢᠭᠳᠦ ᠲᠤᠰᠤ ᠰᠠᠪᠠᠯᠠᠬᠤ ᠸᠠᠭᠤᠨ ᠲᠡᠷᠭᠡ ᠬᠤᠶᠠᠷ ᠭᠠᠷᠯᠠᠨ ᠵᠢᠭᠰᠠᠨᠠ᠃ 《ᠡᠨᠡ ᠰᠦᠨᠢ ᠳᠤᠯᠠᠭᠠᠨ ᠤ᠋ ᠬᠡᠮᠵᠢᠶᠡ ᠪᠠᠭᠤᠷᠠᠪᠠ᠂ ᠣᠯᠠᠨ ᠵᠢᠡᠷ ᠵᠢᠡᠨ ᠲᠤᠰᠤ ᠪᠡᠨ ᠠᠯᠢ ᠴᠢᠳᠠᠬᠤ ᠪᠡᠷ ᠲᠦᠷᠭᠡᠨᠰᠠᠪᠠᠯᠠᠭᠠᠷᠠᠶ》 ᠭᠡᠵᠦ᠍ ᠴᠢ ᠱ᠌ᠢ ᠯᠢᠶᠠᠨ ᠬᠠᠮᠲᠤ ᠠᠵᠢᠯᠯᠠᠭ᠍ᠰᠠᠳᠲᠠᠭᠠᠨ ᠵᠠᠬᠢᠪᠠ᠃ ᠬᠥᠭᠥᠷᠭᠡᠨ ᠵᠠᠮ ᠳᠡᠭᠡᠷᠡ᠂ ᠠᠵᠢᠯᠴᠢᠨ ᠱᠢᠩ ᠴᠧᠩ ᠴᠢᠶᠦ᠋ᠨ ᠬᠠᠮᠠᠭᠠᠯᠠᠯᠲᠠ ᠵᠢᠨ ᠪᠦᠰᠡ ᠪᠡᠨ ᠪᠦᠰᠡᠯᠡᠵᠤ᠂ ᠳᠡᠭᠦᠵᠢᠩ ᠱᠠᠲᠤ ᠶ᠋ᠢ ᠨᠡᠭᠡᠭᠡᠵᠦ᠍᠂ ᠰᠠᠪᠠᠨ ᠤ᠋ ᠣᠷᠣᠶ ᠳᠡᠭᠡᠷᠡ ᠬᠢᠴᠢᠶᠡᠮᠵᠢᠲᠡᠶᠪᠡᠷ ᠭᠠᠷᠴᠤ᠌᠂ ᠬᠥᠱᠢᠭᠦᠷ ᠵᠢᠡᠷ ᠬᠠᠪᠬᠠᠭᠠᠰᠤ ᠶ᠋ᠢ ᠮᠤᠰᠭᠢᠵᠤ ᠨᠡᠭᠡᠭᠡᠭᠰᠡᠨ ᠤ᠋ ᠳᠠᠷᠠᠭᠠ ᠬᠥᠭᠥᠷᠭᠡᠨ ᠵᠠᠮ ᠳᠡᠭᠡᠷᠡ ᠪᠤᠴᠠᠵᠤ᠂ ᠲᠡᠷᠭᠡᠨ ᠳ᠋ᠤ ᠠᠴᠢᠬᠤ ᠱᠢᠰᠲ᠋ᠧᠮ ᠢ᠋ ᠡᠬᠢᠯᠡᠭᠦᠯᠦᠭ᠌ᠰᠡᠨ ᠤ᠋ ᠳᠠᠷᠠᠭᠠ ᠲᠤᠰᠤ ᠳᠠᠮᠵᠢᠭᠤᠯᠬᠤ ᠭᠤᠤᠷᠰᠤ ᠶ᠋ᠢ ᠪᠣᠯᠪᠠᠰᠤᠷᠠᠩᠭᠤᠶ ᠪᠡᠷ ᠳᠤᠷᠤᠭᠰᠢ ᠲᠠᠯᠪᠢᠪᠠ᠃ ᠱᠢᠩ ᠴᠧᠩ ᠴᠢᠶᠦ᠋ᠨ ᠬᠥᠯᠳᠡᠵᠦ᠍ ᠪᠡᠭᠡᠷᠡᠭ᠌ᠰᠡᠨ ᠴᠢᠬᠢᠪᠡᠨ ᠭᠠᠷ ᠵᠢᠡᠷ ᠵᠢᠡᠨ ᠲᠦᠷ ᠳᠤᠯᠠᠭᠠᠴᠠᠭᠤᠯᠵᠤ ᠳᠠᠷᠠᠭᠠ ᠵᠢᠨ ᠰᠠᠪᠠᠯᠠᠬᠤ ᠸᠠᠭᠤᠨ ᠲᠡᠷᠭᠡ ᠵᠦᠭ ᠴᠢᠭᠯᠡᠪᠡ᠃
1 ᠴᠠᠭ ᠤ᠋ᠨ ᠳᠠᠷᠠᠭᠠ᠂ ᠲᠣᠰᠣᠨ ᠲᠦᠩᠰᠡ ᠬᠡᠪ ᠤ᠋ᠨ ᠪᠠᠢᠳᠠᠯ ᠲᠠᠢ ᠪᠠᠢᠬᠤ ᠶ᠋ᠢ ᠨᠤᠲᠠᠯᠠᠭᠰᠠᠨ ᠤ᠋ ᠳᠠᠷᠠᠭᠠ᠂ 50 ᠭᠠᠷᠤᠶ ᠴᠢᠩᠭᠡᠯᠢᠭ ᠲᠤᠰᠤ ᠰᠠᠪᠠᠯᠠᠬᠤ ᠸᠠᠭᠤᠨ ᠲᠡᠷᠭᠡᠨᠳᠤ ᠡᠬᠢᠯᠡᠨ ᠲᠣᠰᠣ ᠰᠠᠪᠠᠯᠠᠵᠤ᠂ ᠲᠦᠭᠦᠬᠡᠶ ᠲᠣᠰᠣ ᠲᠣᠰᠣᠨ ᠲᠦᠩᠰᠡᠡ ᠳ᠋ᠤ ᠭᠤᠷᠴᠢᠬᠢᠨᠠᠨ ᠤᠷᠤᠨᠠ᠃ ᠴᠢ ᠱ᠌ᠢ ᠯᠢᠶᠠᠨ ᠬᠠᠮᠲᠤ ᠠᠵᠢᠯᠯᠠᠭ᠍ᠰᠠᠳᠲᠠᠶ ᠪᠡᠨ ᠲᠤᠰᠤ ᠰᠠᠪᠠᠯᠠᠬᠤ ᠸᠠᠭᠤᠨ ᠲᠡᠷᠭᠡᠨ ᠤ᠋ ᠬᠣᠭᠣᠷᠣᠨᠳᠣ ᠨᠠᠭᠠᠰᠢ ᠴᠠᠭᠠᠰᠢ ᠶᠠᠭᠠᠷᠠᠨ ᠶᠠᠪᠤᠵᠦ᠂ ᠬᠥᠮᠦᠨ ᠪᠤᠯᠭᠠᠨ ᠥᠪᠡᠷ ᠥᠪᠡᠷ ᠤ᠋ᠨ ᠲᠦᠩᠰᠡ ᠳ᠋ᠡᠬᠢ ᠲᠤᠰᠤᠨ ᠤ᠋ ᠬᠡᠮᠵᠢᠶᠡ ᠶ᠋ᠢ ᠠᠵᠢᠭ᠍ᠯᠠᠵᠤ᠂ ᠠᠩᠬᠠᠷᠤᠯ ᠵᠢᠡᠨ ᠲᠥᠪᠯᠡᠷᠡᠭᠦᠯᠦᠨᠡ᠃ 50 ᠭᠠᠷᠤᠶ ᠲᠣᠰᠣᠨ ᠲᠦᠩᠰᠡ ᠶ᠋ᠢ ᠳᠦᠭᠦᠷᠭᠡᠬᠦ᠌ ᠳ᠋ᠤ 6 ᠴᠠᠭ ᠭᠠᠷᠤᠶ ᠬᠡᠷᠡᠭ᠌ᠰᠡᠵᠦ᠍᠂ ᠬᠥᠮᠦᠨ ᠪᠦᠷᠢ ᠨᠠᠭᠠᠳᠤ ᠵᠠᠬᠠᠳᠠᠭᠠᠨ 10 ᠺᠢᠯᠣᠮᠧᠲ᠋ᠷ ᠶᠠᠪᠤᠵᠤ᠂ ᠵᠤᠵᠠᠭᠠᠨ ᠬᠦᠵᠦᠭᠦᠨ ᠤ᠋ ᠤᠷᠢᠶᠠᠯᠲᠠ ᠨᠢ ᠠᠵᠢᠯᠴᠢᠳ ᠤ᠋ᠨ ᠨᠢᠭᠤᠷ ᠴᠢᠷᠠᠶ ᠶ᠋ᠢ ᠪᠠᠷᠤᠭ ᠪᠦᠬᠦᠨ ᠢ᠋ ᠪᠢᠲᠡᠭᠦᠯᠡᠵᠦ᠍᠂ ᠬᠦᠵᠦᠭᠦᠨ ᠤ᠋ ᠤᠷᠢᠶᠠᠯᠲᠠ᠂ ᠮᠠᠯᠠᠭᠠᠶ ᠪᠠ ᠰᠤᠷᠮᠤᠤᠰᠤ ᠨᠢ ᠪᠦᠷ ᠴᠠᠩᠳᠤᠵᠠᠢ᠃
《ᠪᠠᠶᠠᠷ ᠤ᠋ᠨ ᠡᠳᠦᠷ ᠵᠢᠡᠷ ᠵᠢᠵᠢᠭᠦᠷᠯᠡᠬᠦ ᠳ᠋ᠤ ᠨᠢᠭᠡᠨᠲᠡ ᠳᠠᠰᠴᠠᠢ》 ᠭᠡᠵᠦ᠍ ᠴᠢ ᠱ᠌ᠢ ᠯᠢᠶᠠᠨ ᠢᠨᠢᠶᠡᠮᠰᠦᠭ᠌ᠯᠡᠨ ᠬᠡᠯᠡᠨᠡ᠃ ᠡᠳᠦᠷ ᠬᠣᠨᠣᠭ ᠡᠭᠡᠯᠵᠢᠯᠡᠵᠤ᠂ ᠡᠳᠦᠷ ᠰᠥᠨᠢ ᠦᠭᠡᠢ ᠡᠷᠲᠡᠯᠡᠵᠦ᠍ ᠣᠷᠣᠢᠯᠠᠬᠤ ᠳ᠋ᠤ ᠲᠡᠳᠡ ᠠᠯᠢ ᠬᠡᠳᠦᠢᠨ ᠲᠠᠰᠴᠤ᠂ ᠥᠴᠦᠬᠡᠨ ᠴᠦ᠍ ᠭᠣᠮᠣᠳᠠᠯ ᠠᠯᠠᠭᠠ᠃ ᠠᠵᠢᠯ ᠤ᠋ᠨ ᠴᠢᠯᠥᠭᠡᠨᠳᠡᠭᠡᠨ᠂ ᠴᠢ ᠱ᠌ᠢ ᠯᠢᠶᠠᠨ ᠮᠢᠩᠭᠠᠨ ᠭᠠᠵᠠᠷ ᠤ᠋ᠨ ᠠᠯᠤᠰᠲᠠᠬᠢ ᠡᠵᠢ ᠠᠪᠤ᠂ ᠡᠬᠡᠨᠡᠷ ᠬᠡᠦᠬᠡᠳ ᠵᠢᠡᠨ ᠪᠠᠢᠩᠭᠤ ᠰᠠᠨᠠᠭᠠᠯᠵᠠᠵᠤ᠂ ᠡᠳᠦᠷ ᠪᠦᠷᠢ 20 ᠮᠢᠨᠦ᠋ᠲ ᠤ᠋ᠨ ᠸᠢᠳᠢᠣ᠋ ᠶᠠᠷᠢᠯᠴᠠᠭᠠ ᠬᠢᠵᠤ᠂ ᠭᠦᠨ ᠵᠤᠵᠠᠭᠠᠨ ᠬᠠᠢᠷᠠ ᠰᠡᠳᠭᠢᠯᠭᠡ ᠨᠢ ᠭᠠᠷ ᠤᠲᠠᠰᠤᠨ ᠤ᠋ ᠳᠡᠯᠭᠡᠴᠡ ᠪᠡᠷ ᠳᠠᠮᠵᠢᠨ ᠮᠢᠩᠭᠠᠨ ᠭᠠᠵᠠᠷ ᠤ᠋ᠨ ᠠᠯᠤᠰ ᠢ᠋ ᠳᠤᠭᠤᠯᠤᠨ᠂ ᠥᠭᠡᠷᠡ ᠨᠢᠭᠡ ᠵᠦᠶ᠋ᠯ ᠤ᠋ᠨ ᠠᠷᠭᠠ ᠬᠡᠯᠪᠡᠷᠢᠪᠡᠷ ᠬᠡᠷ ᠤ᠋ᠨ ᠬᠥᠮᠦᠰᠲᠡᠶᠪᠡᠨ ᠠᠭᠤᠯᠵᠠᠨᠠ᠃ 《ᠶᠠᠳᠠᠷᠠᠪᠠᠯ ᠠᠮᠠᠷᠠᠭᠠᠳ ᠠᠪ᠂ 50 ᠭᠠᠷᠤᠭ᠍ᠰᠠᠨ ᠬᠥᠮᠦᠨ ᠴᠢᠨᠢ ᠥᠪᠡᠷ ᠢ᠋ᠪᠡᠨ ᠬᠠᠢᠷᠠᠯᠠᠵᠤ ᠰᠤᠷ ᠳ᠋ᠠ》 ᠭᠡᠵᠤ ᠡᠬᠡᠨᠡᠷ ᠨᠢ ᠦᠷᠭᠦᠯᠵᠢ ᠵᠠᠬᠢᠳᠠᠭ᠃ ᠴᠠᠭᠠᠨ ᠰᠠᠷᠠ ᠵᠢᠨ ᠬᠤᠭᠤᠴᠠᠭᠠᠨ ᠳ᠋ᠤ᠂ ᠴᠢ ᠱ᠌ᠢ ᠯᠢᠶᠠᠨ ᠤ᠋ ᠪᠠᠢᠭᠠ 3 ᠲᠣᠰᠣ ᠠᠴᠢᠶᠠᠯᠠᠬᠤ ᠠᠩᠭᠢ ᠵᠢᠨ 15 ᠠᠵᠢᠯᠲᠠᠨ ᠪᠦᠬᠦᠳᠡ ᠪᠡᠷ ᠵᠢᠡᠨ ᠠᠵᠢᠯ ᠤ᠋ᠨ ᠪᠠᠢᠷᠢ ᠪᠡᠨ ᠪᠠᠲᠤ ᠰᠠᠬᠢᠪᠠ᠃ ᠲᠡᠳᠡ ᠰᠠᠷᠠ ᠪᠦᠷᠢ 80 ᠭᠠᠷᠤᠶ ᠲᠦᠭᠦᠬᠡᠶ ᠴᠢᠯᠠᠭᠤᠨ ᠲᠣᠰᠣ ᠰᠠᠪᠠᠯᠠᠨ ᠵᠥᠭᠡᠭᠡᠪᠦᠷᠢᠯᠡᠵᠦ᠍᠂ ᠰᠠᠯᠬᠢ ᠱᠢᠭᠤᠷᠭᠠᠨ ᠢ᠋ ᠬᠠᠢᠬᠤᠷᠤᠯ ᠥᠬᠡᠶ᠂ ᠡᠨᠧᠷᠭᠢ ᠵᠢᠨ ᠪᠠᠲᠤᠯᠠᠭᠠ ᠬᠠᠩᠭᠠᠯᠭᠠ ᠵᠢᠨ ᠰᠡᠷᠭᠡᠢᠯᠡᠯᠲᠡ ᠵᠢᠨ ᠱᠤᠭᠤᠮ ᠢ᠋ ᠪᠠᠲᠤ ᠰᠠᠬᠢᠨᠠ᠃
10 ᠴᠠᠭ 30 ᠮᠢᠨᠦ᠋ᠲ ᠲᠤ᠌᠂ ᠲᠦᠭᠦᠬᠡᠢ ᠴᠢᠯᠠᠭᠤᠨ ᠲᠤᠰᠤ ᠳᠦᠭᠦᠷᠲᠡᠯᠡ ᠠᠴᠢᠭᠰᠠᠨ ᠭᠠᠯᠲᠤ ᠲᠡᠷᠭᠡ ᠬᠦᠷᠴᠢᠭᠢᠨᠡᠨ ᠬᠦᠳᠡᠯᠵᠦ᠂ ᠡᠨᠧᠷᠭᠢ ᠵᠢᠨ ᠬᠠᠩᠭᠠᠯᠭᠠ ᠶ᠋ᠢ ᠪᠠᠲᠤᠯᠠᠬᠤ ᠡᠭᠦᠷᠭᠡ ᠶ᠋ᠢ ᠡᠭᠦᠷᠭᠡᠯᠡᠨ ᠠᠯᠤᠰ ᠢ᠋ ᠵᠣᠷᠢᠪᠠ᠃ ᠡᠨᠡ ᠬᠦ᠌ ᠲᠡᠮᠦᠷ ᠵᠠᠮ ᠪᠣᠯ ᠪᠣᠷᠣᠲᠣᠬᠣᠶ ᠵᠢᠨ ᠲᠣᠰᠣ ᠳᠠᠮᠵᠢᠭᠤᠯᠬᠤ 《ᠲᠣᠮᠣ ᠯᠤᠭ᠍ᠰᠢᠭᠤᠨ ᠰᠤᠳᠠᠯ》 ᠮᠥᠨ᠂ ᠨᠠᠩ ᠴᠤ᠌ ᠤᠯᠤᠰ ᠤ᠋ᠨ ᠡᠨᠧᠷᠭᠢ ᠵᠢᠨ ᠠᠮᠤᠷ ᠲᠦᠪᠱᠢᠨ ᠢ᠋ ᠪᠠᠲᠤᠯᠠᠬᠤ 《ᠠᠮᠢᠨ ᠰᠤᠳᠠᠰᠤ》 ᠪᠤᠯᠤᠨᠠ᠃
ᠡᠨᠡ ᠵᠢᠯ᠂ ᠪᠠᠶᠠᠨ ᠬᠤᠪᠢᠶᠠᠷᠢ ᠺᠣᠮᠫᠠᠨᠢ ᠵᠢᠨ ᠲᠦᠭᠦᠬᠡᠶ ᠴᠢᠯᠠᠭᠤᠨ ᠲᠣᠰᠣᠨ ᠤ᠋ ᠶᠡᠷᠦᠩᠬᠡᠶ ᠭᠠᠷᠤᠯᠲᠠ 510 ᠲᠦᠮᠡᠨ ᠲᠣᠨ ᠢ᠋ ᠳᠠᠪᠠᠵᠤ᠂ ᠥᠪᠥᠷ ᠮᠣᠩᠭᠣᠯ ᠤ᠋ᠨ ᠪᠠᠷᠠᠭᠤᠨ ᠬᠡᠰᠡᠭ ᠲᠡᠬᠢ ᠠᠩᠬᠠᠳᠠᠭ᠍ᠴᠢ ᠵᠠᠭᠤᠨ ᠲᠦᠮᠡᠨ ᠲᠣᠨ ᠤ᠋ ᠲᠠᠰ ᠤ᠋ᠨ ᠲᠣᠭᠠᠴᠢᠯᠠᠭ᠍ᠰᠠᠨ ᠪᠠᠭᠠ ᠨᠡᠭᠦᠷᠡᠰᠦᠲᠥ᠋ᠷᠥᠭ᠌ᠴᠢᠲᠦ ᠴᠢᠯᠠᠭᠤᠨ ᠲᠣᠰᠣᠨ ᠤ᠋ ᠠᠭᠤᠷᠬᠠᠶ ᠶ᠋ᠢ ᠪᠠᠢᠭᠤᠯᠪᠠ᠃ ᠪᠠᠶᠠᠨ ᠪᠣᠯᠤᠨ ᠵᠢᠷᠠᠲᠠᠢ ᠴᠢᠯᠠᠭᠤᠨ ᠲᠤᠰᠤᠨ ᠤ᠋ ᠠᠭᠤᠷᠬᠠᠢ ᠵᠢᠨ ᠲᠦᠭᠦᠬᠡᠢ ᠴᠢᠯᠠᠭᠤᠨ ᠲᠤᠰᠤ ᠶ᠋ᠢ ᠭᠠᠳᠠᠭ᠍ᠰᠢ ᠪᠣᠷᠣᠯᠠᠭᠤᠯᠬᠤ ᠴᠢᠬᠤᠯᠠ ᠪᠣᠭᠣᠮᠲᠠ ᠪᠣᠯᠤᠭ᠍ᠰᠠᠨ ᠤ᠋ ᠬᠤᠪᠢ ᠳ᠋ᠤ᠂ ᠵᠢᠯ ᠤ᠋ᠨ ᠵᠥᠭᠡᠭᠡᠪᠦᠷᠢᠯᠡᠬᠦ᠌ ᠴᠢᠳᠠᠪᠤᠷᠢ 200 ᠲᠦᠮᠡᠨ ᠲᠣᠨ ᠳ᠋ᠤ ᠬᠦᠷᠦᠭ᠌ᠰᠡᠨ ᠡᠨᠡ ᠬᠦ᠌ ᠳᠠᠮᠵᠢᠭᠤᠯᠬᠤ ᠦᠷᠳᠡᠭᠡ ᠨᠢ ᠶᠠᠭ ᠡᠨᠧᠷᠭᠢ ᠬᠠᠩᠭᠠᠬᠤ ᠱᠢᠰᠲᠸᠮ ᠤ᠋ᠨ 《ᠵᠢᠷᠦᠬᠡ》 ᠮᠡᠲᠦ᠍ ᠪᠠᠢᠳᠠᠭ᠃ ᠴᠢᠯᠠᠭᠤᠨ ᠲᠣᠰᠣᠨ ᠤ᠋ ᠠᠵᠢᠯᠲᠠᠳ ᠴᠠᠭᠠᠨ ᠰᠠᠷᠠ ᠳᠦ ᠠᠵᠢᠯ ᠤ᠋ᠨ ᠪᠠᠢᠷᠢ ᠪᠡᠨ ᠪᠠᠲᠤ ᠰᠠᠬᠢᠵᠤ᠂ ᠡᠨᠧᠷᠭᠢ ᠵᠢᠨ ᠬᠠᠩᠭᠠᠯᠭᠠ ᠶ᠋ᠢ ᠪᠠᠲᠤᠯᠠᠬᠤ ᠣᠷᠳᠣ ᠠᠶᠠᠨ ᠵᠠᠮ ᠢ᠋ ᠭᠡᠷᠡᠯᠲᠦᠭᠦᠯᠪᠡ᠂ ᠲᠠᠳᠠ ᠢᠳᠡᠷᠡᠭᠦᠨ ᠠᠯᠬᠤᠭᠠ ᠪᠡᠷ ᠬᠠᠬᠢᠷ ᠬᠦᠶ᠋ᠲᠡᠨ ᠢ᠋ ᠲᠤᠭᠤᠯᠵᠤ᠂ ᠪᠠᠲᠤ ᠰᠠᠬᠢᠶᠠ ᠪᠡᠷ ᠣᠨ ᠰᠠᠷᠠ ᠶ᠋ᠢ ᠳᠤᠯᠠᠭᠠᠴᠠᠭᠤᠯᠵᠤ᠂ ᠡᠬᠡᠯ ᠵᠢᠷ ᠤ᠋ᠨ ᠠᠵᠢᠯ ᠤ᠋ᠨ ᠪᠠᠢᠷᠢ ᠳᠡᠭᠡᠷᠡᠪᠡᠨ 《ᠪᠢ ᠡᠬᠡ ᠤᠯᠤᠰᠲᠠᠭᠠᠨ ᠴᠢᠯᠠᠭᠤᠨ ᠲᠣᠰᠣ ᠨᠡᠮᠡᠷᠢᠯᠡᠨᠡ》 ᠭᠡᠬᠦ᠌ ᠲᠠᠩᠭᠠᠷᠢᠭ ᠵᠢᠡᠨ ᠪᠢᠴᠢᠭᠯᠡᠵᠡᠢ᠃