— ᠳᠤᠮᠳᠠᠳᠤ ᠤᠯᠤᠰᠤᠨ ᠠᠷᠠᠳ ᠲᠦᠮᠡᠨᠦ ᠶᠠᠫᠣᠨᠢ ᠡᠰᠡᠷᠭᠦᠴᠡᠬᠦ᠌ ᠲᠡᠢᠨ ᠵᠢᠴᠢ ᠳᠡᠯᠡᠬᠡᠶᠶ᠋ᠢᠨ ᠹᠠᠱ᠌ᠢᠰᠢ ᠡᠰᠡᠷᠭᠦᠴᠡᠬᠦ᠌ ᠲᠡᠢᠨ ᠢᠯᠠᠯᠲᠠ ᠣᠯᠤᠭ᠍ᠰᠠᠨ 80 ᠵᠢᠯᠦᠨ ᠣᠶᠶ᠋ᠢ ᠳᠤᠷᠠᠰᠭᠠᠬᠤ ᠠᠵᠢᠯᠯᠠᠭᠠᠶ᠋ᠢᠨ ᠰᠡᠩᠬᠡᠷᠡᠭᠦᠯᠦᠯ （ᠭᠤᠷᠪᠠ）
ᠲᠡᠦᠬᠡᠶ᠋ᠢ ᠪᠠᠲᠤ ᠴᠡᠭᠡᠵᠢᠯᠡᠬᠦ᠌ ᠨᠢ ᠨᠡᠩ ᠰᠠᠢ᠌ᠨᠢᠶᠠᠷ ᠤᠷᠤᠭ᠍ᠰᠢᠯᠠᠬᠤᠶ᠋ᠢᠨ ᠲᠥᠯᠥᠭᠡ ᠶᠤᠮ᠃
9 ᠰᠠᠷᠠᠶ᠋ᠢᠨ 3 ᠤ᠋ ᠦᠳᠡᠶ᠋ᠢᠨ ᠡᠮᠦᠨᠡ᠂ ᠪᠡᠭᠡᠵᠢᠩᠦᠨ ᠲᠢᠶᠠᠨ ᠠᠨ ᠮᠸᠨ ᠠᠭᠤᠳᠠᠮ ᠲᠠᠯᠠᠪᠠᠢᠳᠤ᠂ ᠴᠡᠷᠢᠭᠦᠨ ᠲᠤᠭ ᠳᠠᠯᠪᠠᠭᠠ ᠨᠠᠮᠢᠷᠠᠨ᠂ ᠠᠯᠬᠤᠭᠠ ᠢᠳᠡ ᠬᠦᠴᠦᠲᠡᠢ ᠪᠠᠢᠵᠤ᠂ ᠬᠤᠶᠠᠭᠲᠤ ᠲᠡᠷᠭᠡ ᠤᠷᠤᠰᠤᠨ ᠦᠩᠭᠡᠷᠡᠵᠦ᠂ ᠪᠠᠢᠯᠳᠤᠭᠠᠨᠤ ᠨᠢᠰᠭᠡᠯ ᠤᠭᠲᠠᠷᠭᠤᠢ ᠪᠡᠷ ᠬᠦᠷᠴᠢᠭᠢᠨᠡᠨ ᠨᠢᠰᠦᠨᠠ᠃
《ᠨᠠᠮᠤᠨ ᠵᠢᠯᠤᠭᠤᠳᠤᠯᠭᠠᠶ᠋ᠢ ᠲᠠᠭᠠᠨᠠ！ ᠢᠯᠠᠭᠤᠭᠰᠠᠨ ᠲᠠᠢᠨ ᠬᠢᠵᠦ ᠴᠢᠳᠠᠨᠠ！ ᠱᠢᠯᠢᠳᠡᠭ ᠬᠡᠪ ᠰᠤᠷᠲᠠᠯ ᠲᠠᠢ！》 《ᠱᠢᠳᠤᠷᠭᠤ ᠶᠣᠰᠣ ᠯᠠᠪᠲᠠᠢ ᠢᠯᠠᠨᠠ！ ᠡᠩᠬᠡ ᠲᠠᠢᠪᠤᠩ ᠯᠠᠪᠲᠠᠶ ᠢᠯᠠᠨᠠ！ ᠠᠷᠠᠳ ᠲᠦᠮᠡᠨ ᠯᠠᠪᠲᠠᠶ ᠢᠯᠠᠨᠠ！ 》 ᠬᠠᠩᠭᠢᠨᠠᠮᠠ ᠳᠠᠭᠤᠨ ᠴᠠᠩ ᠠᠨ ᠵᠡᠭᠡᠯᠢ ᠪᠡᠷ ᠤᠳᠠᠲᠠᠯᠠ ᠴᠤᠤᠷᠢᠶᠠᠲᠤᠪᠠ᠃
《ᠳᠤᠮᠳᠠᠳᠤ ᠤᠯᠤᠰᠤᠨ ᠠᠷᠠᠳᠤᠨ ᠴᠢᠯᠥᠭᠡᠯᠡᠬᠦ᠌ ᠴᠡᠷᠢᠭ ᠪᠣᠯ ᠨᠠᠮ ᠪᠠ ᠠᠷᠠᠳ ᠲᠦᠮᠡᠨᠦ ᠬᠡᠵᠢᠶᠡᠳᠡ ᠪᠦᠷᠢᠮᠦᠰᠦᠨ ᠢᠲᠡᠭᠡᠵᠦ᠍ ᠪᠣᠯᠬᠤ ᠪᠠᠭᠠᠲᠤᠷᠯᠢᠭ ᠴᠡᠷᠢᠭ ᠠᠩᠬᠢ ᠮᠥᠨ᠃ ᠪᠦᠬᠦ᠌ ᠴᠡᠷᠢᠭᠦᠨ ᠳᠠᠷᠤᠭᠠ ᠪᠠᠢᠯᠳᠤᠭ᠍ᠴᠢᠳ ᠠᠷᠢᠭᠤᠨ ᠲᠠᠷᠬᠠᠨ ᠡᠭᠦᠷᠭᠡ ᠬᠠᠷᠢᠭᠤᠴᠠᠯᠭᠠᠪᠠᠨ ᠦᠨᠡᠨᠴᠢᠪᠡᠷ ᠭᠦᠢᠴᠡᠳᠭᠡᠵᠦ᠍᠂ ᠳᠡᠯᠡᠬᠡᠢᠶ᠋ᠢᠨ ᠲᠡᠷᠢᠭᠦᠨ ᠵᠡᠷᠭᠡ ᠵᠢᠨ ᠴᠡᠷᠢᠭ ᠠᠩᠬᠢᠶ᠋ᠢ ᠲᠦᠷᠭᠡᠳᠭᠡᠨ ᠪᠠᠢᠭᠤᠯᠵᠤ᠂ ᠤᠯᠤᠰᠤᠨ ᠡᠷᠬᠡ ᠮᠡᠳᠡᠯ᠂ ᠨᠢᠭᠡᠳᠦᠯ᠂ ᠨᠤᠲᠤᠭ ᠳᠡᠪᠢᠰᠭᠡᠷᠦᠨ ᠪᠦᠷᠢᠨ ᠪᠦᠲᠦᠨ ᠪᠠᠢᠬᠤᠶ᠋ᠢ ᠡᠷᠡᠰ ᠬᠠᠮᠠᠭᠠᠯᠠᠵᠤ᠂ ᠳᠤᠮᠳᠠᠳᠤᠶ᠋ᠢᠨ ᠦᠨᠳᠦᠰᠦᠲᠡᠨᠦ ᠠᠭᠤᠤ ᠶᠡᠬᠡ ᠰᠡᠷᠭᠦᠨ ᠮᠠᠨᠳᠤᠯᠲᠠᠶ᠋ᠢ ᠪᠡᠶᠡᠯᠡᠭᠦᠯᠬᠦ᠌ᠳᠦ ᠪᠠᠢᠯᠳᠤᠬᠤ ᠪᠤᠳᠤᠯᠭᠠᠶ᠋ᠢᠨ ᠲᠤᠯᠭᠠᠭᠤᠷᠢᠯᠠᠯ ᠬᠠᠩᠭᠠᠵᠤ ᠂ ᠳᠡᠯᠡᠬᠡᠢᠶ᠋ᠢᠨ ᠡᠩᠬᠡ ᠲᠠᠢᠪᠤᠩ ᠪᠣᠯᠤᠨ ᠬᠥᠭ᠌ᠵᠢᠯᠲᠡᠳᠦ ᠨᠡᠩ ᠶᠡᠬᠡ ᠬᠤᠪᠢ ᠨᠡᠮᠡᠷᠢ ᠦᠵᠡᠭᠦᠯᠬᠦ᠌ ᠬᠡᠷᠡᠭ᠌ᠲᠡᠢ！》 ᠭᠡᠵᠦ ᠲᠤᠮᠳᠠᠳᠤ ᠤᠯᠤᠰᠤᠨ ᠡᠪ ᠬᠠᠮᠲᠤ ᠨᠠᠮᠤᠨ ᠲᠥᠪ ᠬᠤᠷᠢᠶᠠ ᠵᠢᠨ ᠶᠡᠷᠦᠩᠬᠡᠶ ᠱᠦᠵᠢ᠂ ᠡᠣᠯᠣᠰᠤᠨ ᠲᠡᠷᠢᠭᠦᠯᠡᠭ᠌ᠴᠢ᠂ ᠲᠥᠪᠦᠨ ᠴᠡᠷᠢᠭᠦᠨ ᠶᠠᠪᠤᠳᠠᠯᠤᠨ ᠬᠤᠷᠢᠶᠠ ᠵᠢᠨ ᠲᠡᠷᠢᠭᠦᠯᠡᠭ᠌ᠴᠢ ᠰᠢ ᠵᠢᠨ ᠫᠢᠩ ᠳᠤᠷᠠᠰᠭᠠᠬᠤ ᠶᠡᠬᠡ ᠬᠤᠷᠠᠯ ᠳᠡᠭᠡᠷᠡ ᠴᠢᠬᠤᠯᠠ ᠶᠠᠷᠢᠶᠠ ᠲᠠᠯᠪᠢᠬᠤᠳᠠᠭᠠᠨ ᠵᠢᠭᠠᠵᠤ ᠭᠠᠷᠭᠠᠪᠠ᠃
ᠡᠨᠡ ᠪᠣᠯ ᠠᠷᠠᠳᠤᠨ ᠴᠡᠷᠢᠭ ᠠᠩᠬᠢᠶ᠋ᠢᠨ ᠲᠡᠦᠬᠡᠲᠦ ᠭᠠᠪᠢᠶᠠ ᠵᠢᠳᠬᠦᠯᠢ ᠳᠡᠭᠡᠳᠦ ᠬᠡᠮᠵᠢᠢᠡᠪᠡᠷ ᠮᠠᠭ᠍ᠲᠠᠨ ᠰᠠᠢᠱᠢᠶᠠᠵᠤ ᠪᠠᠢᠭᠠ ᠶᠠᠪᠤᠳᠠᠯ ᠪᠣᠯᠬᠤ ᠪᠥᠭᠡᠳ ᠪᠠᠰᠠ ᠴᠤ᠌ ᠠᠷᠠᠳᠤᠨ ᠴᠡᠷᠢᠭ ᠠᠩᠬᠢᠶ᠋ᠢᠨ ᠱᠢᠨᠡ ᠠᠶᠠᠨᠳᠠᠭᠠᠨ ᠱᠢᠨᠡ ᠢᠯᠠᠯᠲᠠᠶ᠋ᠢ ᠲᠡᠮᠡᠴᠡᠨ ᠤᠯᠬᠤᠳᠤ ᠬᠦᠨᠳᠦ ᠨᠠᠢᠳᠠᠯᠭᠠ ᠲᠠᠯᠪᠢᠵᠤ ᠪᠠᠢᠭᠠ ᠶᠠᠪᠤᠳᠠᠯ ᠪᠣᠯᠤᠨᠠ᠃
80 ᠵᠢᠯᠦᠨ ᠡᠮᠦᠨᠡ᠂ ᠳᠤᠮᠳᠠᠳᠤ ᠤᠯᠤᠰᠤᠨ ᠠᠷᠠᠳ ᠲᠦᠮᠡᠨ ᠶᠠᠫᠣᠨᠢ ᠡᠰᠡᠷᠭᠦᠴᠡᠬᠦ᠌ ᠳᠠᠢ᠌ᠨᠦ ᠠᠭᠤᠤ ᠶᠡᠬᠡ ᠢᠯᠠᠯᠲᠠᠶ᠋ᠢ ᠲᠡᠮᠡᠴᠡᠨ ᠤᠯᠪᠠ᠃ ᠡᠨᠡ ᠤᠳᠠᠭᠠ ᠵᠢᠨ ᠢᠯᠠᠯᠲᠠ ᠪᠣᠯ ᠳᠤᠮᠳᠠᠳᠤ ᠤᠯᠤᠰᠤᠨ ᠡᠪ ᠬᠠᠮᠲᠤ ᠨᠠᠮ ᠤᠨ ᠭᠤᠤᠯ ᠲᠤᠯᠭᠠᠭᠤᠷᠢ ᠵᠢᠨ ᠦᠢᠯᠡᠳᠦᠯᠢᠶᠡᠨ ᠪᠠᠳᠠᠷᠠᠭᠤᠯᠤᠭ᠍ᠰᠠᠨ ᠠᠭᠤᠤ ᠶᠡᠬᠡ ᠢᠯᠠᠯᠲᠠ ᠮᠥᠨ᠂ ᠪᠠᠰᠠ ᠴᠤ᠌ ᠠᠷᠠᠳᠤᠨ ᠴᠡᠷᠢᠭ ᠠᠩᠭᠢᠶ᠋ᠢᠨ ᠴᠢᠰᠤᠨ ᠪᠠᠢᠯᠳᠤᠭᠠᠨ ᠬᠢᠵᠦ᠍᠂ ᠡᠷᠡᠯᠬᠡᠭ ᠪᠠᠭᠠᠲᠤᠷᠯᠢᠭᠢᠶᠠᠷ ᠲᠡᠮᠡᠴᠡᠭ᠌ᠰᠡᠨ ᠠᠭᠤᠤ ᠶᠡᠬᠡ ᠢᠯᠠᠯᠲᠠ ᠮᠥᠨ᠃
ᠡᠳᠦᠭᠡ᠂ ᠱᠢᠯᠭᠠᠨ ᠦᠵᠡᠬᠦ᠌ ᠶ᠋ᠢ ᠬᠦᠯᠢᠶᠡᠬᠦ᠌ ᠴᠡᠷᠢᠭ ᠠᠩᠬᠢ ᠲᠢᠶᠠᠨ ᠠᠨ ᠮᠸᠨ ᠠᠭᠤᠳᠠᠮ ᠲᠠᠯᠠᠪᠠᠢ ᠪᠡᠷ ᠤᠮᠤᠭ ᠲᠡᠭᠦᠯᠳᠡᠷᠢᠶᠡᠷ ᠠᠯᠬᠤᠨ ᠦᠩᠭᠡᠷᠡᠬᠦᠳᠤ᠂ ᠠᠷᠠᠳᠤᠨ ᠴᠡᠷᠢᠭ ᠠᠩᠬᠢ᠂ ᠡᠨᠡ ᠬᠦ᠌ ᠪᠤᠯᠤᠳ ᠲᠡᠮᠦᠷᠢᠶᠡᠷ ᠴᠢᠳᠭᠤᠭ᠍ᠰᠠᠨ ᠢᠯᠠᠯᠲᠠ ᠵᠢᠨ ᠴᠡᠷᠢᠭ ᠠᠩᠬᠢ ᠨᠢ ᠴᠡᠷᠢᠭᠢ ᠬᠦᠴᠦᠷᠬᠡᠭ᠌ᠵᠢᠭᠦᠯᠵᠦ᠍ ᠴᠡᠷᠢᠭᠢ ᠮᠠᠨᠳᠤᠭᠤᠯᠬᠤ ᠱᠢᠨᠡ ᠠᠶᠠᠨ ᠵᠠᠮ ᠲᠡᠢᠰᠢ ᠤᠷᠤᠭᠰᠢᠯᠠᠵᠤ᠂ ᠱᠢᠨᠡ ᠢᠯᠠᠯᠲᠠ ᠲᠡᠢᠰᠢ ᠤᠷᠤᠭ᠍ᠰᠢᠯᠠᠵᠤ᠂ ᠱᠢᠨᠡ ᠭᠡᠷᠡᠯ ᠰᠠᠴᠤᠷᠠᠩᠭᠤᠢ ᠠᠮᠵᠢᠯᠲᠠᠶ᠋ᠢ ᠡᠭᠦᠳᠦᠨ ᠪᠦᠲᠦᠭᠡᠬᠦ ᠪᠤᠯᠤᠨᠠ᠃
ᠬᠤᠪᠢᠷᠠᠰᠢ ᠦᠭᠡᠢ ᠦᠨᠡᠨᠴᠢ ᠱᠢᠳᠤᠷᠭᠤ᠄ ᠨᠠᠮ ᠤᠨ ᠲᠦᠯᠦᠭᠡ ᠵᠤᠷᠢᠭ ᠰᠢᠭᠤᠳᠴᠤ ᠴᠡᠷᠢᠭᠦᠨ ᠰᠦᠭ ᠰᠦᠨᠡᠰᠦᠦᠨᠢᠳᠡ ᠤᠷᠤᠰᠢᠨᠠ
3 ᠤ᠋ ᠦᠳᠡᠶ᠋ᠢᠨ ᠡᠮᠦᠨᠡ᠂ ᠰᠦᠷ ᠵᠢᠪᠬᠤᠯᠠᠩᠲᠤ ᠴᠡᠷᠢᠭᠦᠨ ᠬᠥᠭ᠌ᠵᠢᠮᠤᠨ ᠲᠤᠮᠳᠠ᠂ ᠠᠭᠠᠷ ᠳᠡᠭᠡᠷᠡᠬᠢ ᠲᠣᠭ ᠬᠠᠮᠠᠭᠠᠯᠠᠬᠤ ᠱᠠᠲᠤᠯᠵᠢᠨ ᠡᠩᠨᠡᠭᠡ ᠳᠤᠮᠳᠠᠳᠤ ᠤᠯᠤᠰᠤᠨ ᠡᠪ ᠬᠠᠮᠲᠤ ᠨᠠᠮᠤᠨ ᠨᠠᠮᠤᠨ ᠲᠣᠭ᠂ ᠪᠥᠬᠥᠳᠡ ᠨᠠᠢᠷᠠᠮᠳᠠᠬᠤ ᠳᠤᠮᠳᠠᠳᠤ ᠠᠷᠠᠳ ᠤᠯᠤᠰᠤᠨ ᠤᠯᠤᠰᠤᠨ ᠲᠣᠭ᠂ ᠳᠤᠮᠳᠠᠳᠤ ᠤᠯᠤᠰᠤᠨ ᠠᠷᠠᠳᠤᠨ ᠴᠢᠯᠥᠭᠡᠯᠡᠬᠦ᠌ ᠴᠡᠷᠢᠭᠦᠨ ᠴᠡᠷᠢᠭᠦᠨ ᠲᠣᠭᠢ ᠡᠯᠭᠦᠵᠦ᠂ ᠵᠢᠭ᠍ᠰᠠᠭᠠᠯᠤᠨ ᠬᠥᠱᠢᠭᠡᠶ᠋ᠢ ᠰᠡᠬᠦᠪᠡ᠃
ᠨᠠᠮᠤᠨ ᠲᠤᠭᠤᠨ ᠵᠢᠭᠠᠭᠰᠠᠨ ᠴᠢᠭᠯᠡᠯ ᠨᠢ ᠶᠠᠭ ᠴᠡᠷᠢᠭ ᠤᠨ ᠲᠤᠭᠤᠨ ᠴᠢᠭ᠌ᠯᠡᠯ ᠪᠤᠯᠤᠨᠠ᠃ ᠨᠠᠮ ᠡᠴᠡ ᠪᠢᠳᠡᠨᠤ ᠡᠨᠡ ᠬᠦ᠌ ᠴᠡᠷᠢᠭ ᠠᠩᠭᠢᠳᠤ ᠢᠯᠠᠭ᠍ᠳᠠᠰᠢ ᠦᠭᠡᠢ ᠰᠦᠭ ᠰᠦᠨᠡᠰᠦ ᠤᠯᠭᠤᠪᠠ᠃ ᠡᠨᠡ ᠬᠦ᠌ ᠰᠦᠭ ᠰᠦᠨᠡᠰᠦ ᠪᠣᠯ ᠡᠷᠡᠰ ᠪᠠᠲᠤ ᠢᠲᠡᠭᠡᠯ ᠪᠢᠱᠢᠷᠡᠯ ᠂ ᠡᠷᠡᠰ ᠪᠠᠲᠤ ᠢᠲᠡᠭᠡᠯ ᠵᠣᠷᠢᠭ ᠮᠥᠨ᠃ ᠡᠨᠡ ᠪᠣᠯ ᠠᠷᠠᠳᠤᠨ ᠴᠡᠷᠢᠭ ᠠᠩᠭᠢᠶ᠋ᠢᠨ ᠡᠷᠲᠡ ᠡᠳᠦᠭᠡ ᠳᠣᠲᠣᠭᠠᠳᠤ ᠭᠠᠳᠠᠭᠠᠳᠤᠶ᠋ᠢᠨ ᠶᠠᠮᠠᠷᠪᠠ ᠨᠢᠭᠡᠨ ᠴᠡᠷᠢᠭ ᠠᠩᠭᠢᠡᠴᠡ ᠢᠯᠭᠠᠭ᠍ᠳᠠᠬᠤ ᠳᠠᠪᠠᠭᠤᠯᠢᠭ ᠲᠠᠯᠠ ᠮᠥᠨ᠂ ᠪᠠᠰᠠ ᠴᠤ᠌ ᠪᠢᠳᠡᠨᠦ ᠶᠠᠪᠤᠳᠠᠯ ᠪᠦᠬᠦᠨᠳᠤ ᠢᠯᠠᠯᠲᠠ ᠤᠯᠵᠤ ᠴᠢᠳᠠᠭᠰᠠᠨᠤ ᠠᠮᠢᠨ ᠰᠤᠳᠠᠰᠤ ᠮᠥᠨ᠃
ᠲᠡᠦᠬᠡ ᠶ᠋ᠢ ᠡᠷᠭᠢᠴᠡᠭᠦᠯᠬᠦᠶᠡ᠂ ᠨᠠᠮᠡᠴᠡ ᠵᠡᠪᠰᠡᠭ ᠢ ᠵᠢᠯᠣᠭᠣᠳᠭᠤ ᠦᠨᠳᠦᠰᠦᠨ ᠵᠠᠷᠴᠢᠮ ᠪᠣᠯᠤᠨ ᠲᠦᠷᠢᠮ ᠨᠢ ᠲᠡᠮᠡᠴᠡᠯᠦᠨ ᠳᠤᠮᠳᠠ ᠪᠤᠢ ᠪᠤᠯᠵᠤ ᠂ ᠪᠠᠲᠤ ᠰᠠᠬᠢᠯᠲᠠ ᠵᠢᠨ ᠳᠤᠮᠳᠠ ᠦᠷᠭᠦᠯᠵᠢᠯᠡᠵᠦ᠍᠂ ᠤᠯᠠᠮᠵᠢᠯᠠᠨ ᠵᠠᠯᠭᠠᠮᠵᠢᠯᠠᠬᠤ ᠳᠤᠮᠳᠠ ᠲᠡᠭᠦᠯᠳᠡᠷᠵᠢᠪᠡ᠃
ᠡᠸᠳ᠋ᠭ᠋ᠠᠷ·ᠰᠨᠧᠤ᠋《ᠨᠢᠭᠡ ᠢᠨᠢᠶᠡᠮᠰᠦᠭᠯᠡᠭᠰᠡᠨ ᠤᠯᠠᠭᠠᠨ ᠴᠡᠷᠢᠭᠤᠨ ᠵᠠᠯᠠᠭᠤ》ᠲᠠᠶ ᠰᠠᠨᠠᠮᠰᠠᠷ ᠦᠭᠡᠢ ᠤᠴᠠᠷᠠᠭ᠍ᠰᠠᠨᠢᠶᠠᠨ ᠲᠡᠮᠳᠡᠭ᠌ᠯᠡᠵᠦ᠍᠂ ᠲᠡᠳᠡ《ᠢᠨᠠᠭ᠂ ᠲᠠᠢ᠌ᠨ ᠵᠢᠴᠢ ᠲᠡᠭᠦᠨᠦ ᠪᠣᠯᠣᠯᠴᠠᠭᠠᠲᠤ ᠦᠷᠡ ᠳ᠋ᠦᠩ》 ᠢ᠋ ᠶᠡᠬᠡᠪᠡᠷ ᠶᠠᠷᠢᠯᠴᠠᠵᠤ ᠪᠠᠢᠵᠠᠢ᠃
《ᠡᠨᠡ ᠤᠳᠠᠭᠠ ᠵᠢᠨ ᠳᠠᠢᠨ ᠳᠠᠭᠤᠰᠤᠭ᠍ᠰᠠᠨᠤ ᠳᠠᠷᠠᠭᠠ᠂ ᠶᠠᠭᠤ ᠬᠢᠬᠦ᠌ᠪᠡᠷ ᠪᠡᠯᠡᠳᠭᠡᠵᠦ᠍ ᠪᠠᠢᠬᠤ ᠪᠤᠢ᠁》᠂ 《ᠲᠡᠷᠡ ᠦᠶᠠᠳᠤ ᠪᠢ ᠨᠢᠭᠡᠨᠲᠡ ᠦᠬᠦᠵᠡᠢ᠂ ᠪᠢᠳᠡ ᠣᠯᠠᠩᠬᠢ ᠨᠢ ᠪᠦᠷ ᠡᠨᠡ ᠤᠳᠠᠭᠠ ᠵᠢᠨ ᠳᠠᠢᠨᠳᠤ ᠦᠬᠦᠨᠡ》᠃ ᠡᠨᠡ ᠬᠦ᠌ ᠤᠯᠠᠭᠠᠨ ᠴᠡᠷᠢᠭᠤᠨ ᠵᠠᠯᠠᠭᠤ ᠢᠨᠢᠶᠡᠮᠰᠦᠭ᠌ᠯᠡᠨ ᠬᠡᠯᠡᠵᠤ᠂ ᠠᠵᠢᠭ ᠴᠤ᠌ ᠦᠭᠡᠢ ᠬᠠᠷᠠᠴᠠ ᠪᠡᠷ ᠰᠨᠧᠤ᠋ ᠶ᠋ᠢ ᠱᠢᠷᠲᠡᠨᠡ᠃
ᠶᠠᠭᠠᠬᠢᠵᠤ ᠨᠢᠭᠡ ᠴᠡᠷᠢᠭ ᠬᠥᠮᠥᠨᠢ ᠦᠬᠦᠯ ᠡᠴᠡ ᠴᠸ᠋ ᠠᠶᠤᠬᠤ ᠦᠭᠡᠢ ᠪᠤᠯᠭᠠᠭᠰᠠᠨ ᠪᠣᠶ？ ᠶᠠᠭᠠᠬᠢᠵᠤ ᠨᠢᠭᠡ ᠰᠠᠯᠠᠭᠠ ᠴᠡᠷᠢᠭ ᠠᠨᠭᠭᠢ ᠵᠢ ᠢᠯᠠᠭᠳᠠᠰᠢ ᠦᠭᠡᠢ ᠪᠤᠯᠭᠠᠭᠰᠠᠨ ᠪᠤᠢ？
ᠨᠠᠮ ᠤᠨ ᠲᠤᠭ ᠨᠢ ᠴᠡᠷᠢᠭᠦᠨ ᠲᠤᠭᠢ ᠳᠠᠭᠠᠭᠤᠯᠤᠨ ᠤᠷᠤᠭᠰᠢᠯᠠᠵᠤ᠂ ᠠᠷᠠᠳᠤᠨ ᠴᠡᠷᠢᠭ ᠠᠩᠭᠢ《ᠲᠡᠮᠡᠴᠡᠯᠦᠨ ᠳᠤᠮᠳᠠ ᠮᠡᠨᠳᠦᠯᠡᠵᠦ᠂ ᠲᠡᠮᠡᠴᠡᠯᠦᠨ ᠳᠤᠮᠳᠠ ᠬᠥᠭᠵᠢᠵᠦ᠂ ᠲᠡᠮᠡᠴᠡᠯᠦᠨ ᠳᠤᠮᠳᠠ ᠪᠤᠵᠠᠭᠠᠢᠷᠠᠪᠠ》； ᠴᠡᠷᠢᠭᠦᠨ ᠲᠤᠭ ᠨᠢ ᠨᠠᠮᠤᠨ ᠲᠤᠭᠢ ᠳᠠᠭᠠᠵᠤ᠂ ᠠᠷᠠᠳᠤᠨ ᠴᠡᠷᠢᠭ ᠠᠩᠭᠢ《ᠬᠦᠴᠦᠷᠬᠡᠭ ᠳᠠᠢᠰᠤᠨᠡᠴᠡ ᠠᠶᠤᠬᠤ ᠦᠭᠡᠢ᠂ ᠠᠶᠤᠯ ᠲᠦᠭᠰᠢᠭᠦᠷᠢᠡᠴᠡ ᠠᠶᠤᠬᠤ ᠦᠭᠡᠢ᠂ ᠵᠣᠷᠢᠭ᠍ᠲᠠᠢᠪᠠᠷ ᠲᠡᠮᠡᠴᠡᠵᠦ᠂ ᠵᠣᠷᠢᠭ᠍ᠲᠠᠢᠪᠠᠷ ᠢᠯᠠᠯᠲᠠ ᠣᠯᠣᠨᠠ》᠃
ᠮᠣᠷᠢ — ᠶᠠᠫᠤᠨ᠄ 5849； ᠨᠠᠢ᠍ᠮᠠᠳᠤᠭᠠᠷ ᠵᠠᠮᠤᠨ ᠴᠡᠷᠢᠭ᠄ 0᠃
ᠲᠠᠩᠺ — ᠶᠠᠫᠤᠨ᠄ 24； ᠨᠠᠢ᠍ᠮᠠᠳᠤᠭᠠᠷ ᠵᠠᠮᠤᠨ ᠴᠡᠷᠢᠭ᠄ 0᠃
ᠲᠡᠷᠭᠡ — ᠶᠠᠫᠤᠨ᠄ 262； ᠨᠠᠢ᠍ᠮᠠᠳᠤᠭᠠᠷ ᠵᠠᠮᠤᠨ ᠴᠡᠷᠢᠭ᠄ 0᠃
ᠡᠨᠡ ᠪᠣᠯ ᠫᠢᠩ ᠰᠢᠩ ᠭᠤᠸᠠᠨ ᠪᠣᠭᠣᠮᠲᠠᠶᠢᠨ ᠶᠡᠬᠡ ᠢᠯᠠᠯᠲᠠᠶᠢᠨ ᠳᠤᠷᠠᠰᠬᠠᠯᠤᠨ ᠣᠷᠳᠣᠨᠤ ᠳᠡᠯᠭᠡᠨ ᠦᠵᠡᠭᠦᠯᠦᠭᠰᠡᠨ ᠳ᠋ᠢᠸᠢᠽᠢᠪᠡᠷ ᠨᠢᠭᠡᠴᠢ ᠪᠣᠯᠭᠠᠭᠰᠠᠨ ᠶᠠᠫᠤᠨᠢ ᠡᠰᠡᠷᠭᠦᠴᠡᠬᠦ ᠳᠠᠢ᠍ᠢᠨᠦ ᠦᠶᠡᠶᠢᠨ ᠶᠠᠫᠤᠨ ᠴᠡᠷᠢᠭ ᠪᠣᠯᠣᠨ ᠨᠠᠢ᠍ᠮᠠᠳᠤᠭᠠᠷ ᠵᠠᠮᠤᠨ ᠴᠡᠷᠢᠭᠦᠨ ᠴᠡᠷᠢᠭᠦᠨ ᠵᠡᠪᠰᠡᠭ ᠲᠣᠨᠣᠭᠯᠠᠯᠤᠨ ᠬᠠᠷᠢᠴᠠᠯ ᠪᠣᠯᠣᠨᠠ᠂ ᠵᠦᠷᠢᠶᠡ ᠨᠢ ᠬᠦᠮᠦᠰᠢ ᠰᠤᠴᠢᠭᠠᠮᠠ ᠪᠠᠢᠨᠠ！
ᠳᠤᠮᠳᠠᠳᠤ ᠤᠯᠤᠰᠤᠨ ᠡᠪ ᠬᠠᠮᠲᠤ ᠨᠠᠮᠤᠨ ᠤᠳᠤᠷᠢᠳᠤᠭᠰᠠᠨ ᠡᠨᠡ ᠬᠦ᠌ ᠴᠡᠷᠢᠭ ᠠᠩᠭᠢᠶᠢᠨ ᠬᠥᠮᠥᠨᠦ ᠲᠣᠭᠠ ᠨᠢ ᠵᠥᠪᠬᠡᠨ 4 ᠲᠦᠮᠡ ᠭᠠᠷᠤᠢ ᠯᠠ ᠪᠠᠢᠵᠤ᠂ ᠴᠥᠭᠡᠨ ᠪᠤᠰᠤ ᠴᠡᠷᠢᠭ ᠪᠠᠢᠯᠳᠤᠭ᠍ᠴᠢ ᠨᠢ ᠫᠤᠤ ᠴᠦ᠍ ᠦᠭᠡᠢ ᠪᠠᠢᠪᠠ᠂ ᠭᠡᠪᠡᠴᠦ ᠨᠠᠢ᠍ᠮᠠᠳᠤᠭᠠᠷ ᠵᠠᠮᠤᠨ ᠴᠡᠷᠢᠭᠦᠨ ᠬᠤᠪᠴᠠᠰᠤ ᠡᠮᠦᠰᠴᠦ᠂ ᠨᠠᠢ᠍ᠮᠠᠳᠤᠭᠠᠷ ᠵᠠᠮᠤᠨ ᠴᠡᠷᠢᠭᠢ ᠳᠠᠭᠠᠨ ᠶᠠᠫᠤᠨᠢ ᠡᠰᠡᠷᠭᠦᠴᠡᠬᠦ ᠡᠮᠦᠨᠡ ᠹᠷᠣᠨᠲᠲᠤ ᠣᠴᠢᠭ᠍ᠰᠠᠨ ᠠᠮᠧᠷᠢᠺᠠᠶᠢᠨ ᠠᠯᠳᠠᠷᠲᠤ ᠰᠤᠷᠪᠤᠯᠵᠢᠯᠠᠭ᠍ᠴᠢ ᠰᠮᠥᠲᠯᠸᠢ ᠵᠢᠨ ᠰᠡᠳᠬᠢᠯᠳᠦ᠂ 《ᠡᠨᠡ ᠪᠣᠯ ᠨᠢᠭᠡᠨ ᠢᠯᠠᠭᠳᠠᠰᠢ ᠦᠭᠡᠢ ᠡᠩᠨᠡᠭᠡ ᠮᠥᠨ》᠃
ᠲᠡᠷᠡ ᠦᠰᠦᠭ ᠪᠢᠴᠢᠭ ᠢᠶᠡᠷ ᠳᠡᠯᠡᠬᠡᠢ ᠳ᠋ᠠᠬᠢᠨᠳᠤ᠄ ᠡᠪ ᠬᠠᠮᠲᠤ ᠨᠠᠮᠤᠨ ᠤᠳᠤᠷᠢᠳᠤᠭᠰᠠᠨ ᠡᠨᠡ ᠰᠠᠯᠠᠭᠠ ᠴᠡᠷᠢᠭ ᠠᠩᠭᠢ 《ᠬᠥᠮᠥᠨ ᠪᠣᠯᠭᠠᠨ ᠬᠡᠨᠳᠤ ᠴᠣᠬᠢᠯᠲᠠ ᠥᠭᠬᠦ ᠪᠠ ᠶᠠᠭᠤᠨ ᠤ ᠲᠥᠯᠥᠭᠡ ᠪᠠᠢᠯᠳᠤᠬᠤᠶᠢ ᠵᠥᠪ ᠣᠨᠣᠪᠴᠢᠲᠠᠢ ᠮᠡᠳᠡᠳᠡᠭ》 ᠭᠡᠵᠦ ᠲᠤᠩᠬᠠᠭᠯᠠᠪᠠ᠃
ᠬᠡᠨᠳᠤ ᠴᠣᠬᠢᠯᠲᠠ ᠥᠭᠬᠦ᠂ ᠶᠠᠭᠤᠨ ᠤ ᠲᠥᠯᠥᠭᠡ ᠪᠠᠢᠯᠳᠤᠬᠤ ᠭᠡᠳᠡᠭ ᠪᠤᠯ᠂ ᠡᠪ ᠬᠠᠮᠲᠤ ᠨᠠᠮᠤᠨ ᠤᠳᠤᠷᠢᠳᠤᠭᠰᠠᠨ ᠡᠨᠡ ᠬᠦ᠌ ᠴᠡᠷᠢᠭ ᠠᠩᠭᠢ ᠮᠡᠨᠳᠦᠯᠡᠭᠰᠡᠨ ᠴᠠᠭᠡᠴᠡᠪᠠᠨ ᠠᠪᠤᠭᠠᠳ ᠴᠢᠰᠤᠨᠳᠠᠭᠠᠨ ᠰᠢᠨᠭᠭᠡᠭᠰᠡᠨ ᠬᠤᠪᠢᠰᠬᠠᠯᠲᠤ ᠤᠳᠤᠮᠰᠢᠯ ᠪᠤᠯᠤᠨᠠ᠃
ᠨᠠᠨᠴᠠᠩᠤᠨ ᠪᠣᠰᠣᠯᠭᠠ《ᠠᠩᠬᠠᠨᠤ ᠫᠤᠤ》 ᠶ᠋ᠢ ᠳᠤᠤᠭᠠᠷᠭᠠᠭᠰᠠᠨᠡᠴᠡ ᠰᠠᠨ ᠸᠠᠨᠤ ᠥᠭᠡᠷᠡᠴᠢᠯᠡᠯᠲᠡ ᠪᠡᠷ 《ᠨᠠᠮᠤᠨ ᠡᠭᠦᠷᠢ ᠰᠤᠮᠤᠨᠳᠤ ᠪᠠᠢᠭᠤᠯᠤᠭᠰᠠᠨ》 ᠬᠦᠷᠲᠡᠯᠡ᠂ ᠲᠠᠬᠢᠭᠠᠳ ᠬᠦ ᠲᠢᠶᠠᠨᠤ ᠬᠤᠷᠠᠯ ᠤᠨ《ᠦᠵᠡᠯ ᠰᠠᠨᠠᠭᠠᠪᠠᠷ ᠨᠠᠮ ᠪᠠᠢᠭᠤᠯᠵᠤ᠂ ᠤᠯᠤᠰ ᠲᠦᠷᠦᠪᠡᠷ ᠴᠡᠷᠢᠭ ᠪᠠᠶ᠋ᠢᠭᠤᠯᠬᠤ》ᠬᠦᠷᠲᠡᠯᠡ᠂ ᠴᠢᠰᠤᠲᠤ ᠲᠡᠮᠡᠴᠡᠯ᠂ ᠦᠬᠦᠵᠦ ᠰᠡᠭᠡᠬᠦᠶᠢᠨ ᠰᠢᠯᠭᠠᠯᠲᠠ ᠨᠢ ᠠᠷᠠᠳᠤᠨ ᠴᠡᠷᠢᠭ ᠠᠩᠭᠢᠶᠢᠨ ᠴᠡᠷᠢᠭ ᠪᠠᠶ᠋ᠢᠭᠤᠯᠬᠤ ᠦᠨᠳᠦᠰᠦ᠂ ᠴᠡᠷᠢᠭᠢ ᠬᠦᠴᠦᠷᠬᠡᠭᠵᠢᠭᠦᠯᠬᠦ ᠰᠦᠭ ᠰᠦᠨᠡᠰᠦᠶᠢ ᠱᠤᠭᠤᠵᠤ᠂ ᠪᠦᠬᠦ ᠨᠠᠮ ᠪᠦᠬᠦ ᠴᠡᠷᠢᠭᠦᠨ ᠬᠠᠮᠲᠤᠶᠢᠨ ᠵᠣᠷᠢᠭ᠋ ᠰᠠᠨᠠᠭᠠ ᠪᠣᠯᠣᠨ ᠠᠵᠢᠯᠯᠠᠭᠠᠨᠤ ᠬᠥᠲᠥᠯᠪᠦᠷᠢᠶᠢ ᠪᠦᠷᠢᠯᠳᠦᠭᠦᠯᠵᠡᠢ᠃
90 ᠭᠠᠷᠤᠢ ᠵᠢᠯ ᠦᠨ ᠲᠤᠷᠰᠢ᠂ ᠮᠠᠨᠤ ᠴᠡᠷᠢᠭ ᠬᠦᠴᠦᠷᠬᠡᠭ ᠶᠡᠬᠡ ᠨᠢᠭ᠍ᠲᠠᠷᠠᠯᠤᠨ ᠬᠦᠴᠦᠨ ᠲᠥᠪᠯᠡᠷᠡᠩᠭᠦᠢ ᠬᠦᠴᠦᠨ ᠲᠠᠢ᠍ᠢᠴᠢᠨ ᠬᠦᠴᠦᠨ ᠢᠶᠡᠨ ᠢᠮᠠᠭᠲᠠ ᠪᠠᠷᠢᠮᠲᠠᠯᠠᠵᠤ᠂ ᠢᠯᠠᠯᠲᠠᠡᠴᠡ ᠰᠢᠨᠡ ᠢᠯᠠᠯᠲᠠ ᠲᠡᠢᠰᠢ ᠲᠠᠰᠤᠷᠠᠯᠳᠠ ᠦᠭᠡᠢ ᠤᠷᠤᠭᠰᠢᠯᠠᠵᠤ ᠴᠢᠳᠠᠭᠰᠠᠨᠤ ᠨᠢᠭᠡᠨ ᠴᠢᠬᠤᠯᠠ ᠬᠦᠴᠦᠨ ᠵᠦᠢᠯ ᠪᠣᠯ ᠳᠠᠷᠤᠢ ᠮᠠᠨᠤ ᠴᠡᠷᠢᠭ ᠨᠠᠮ ᠤᠨ ᠬᠠᠷᠢᠴᠠᠯᠠᠰᠢᠭᠦᠢ ᠤᠳᠤᠷᠢᠳᠤᠯᠭᠠ ᠳᠣᠣᠷᠠ ᠳᠠᠪᠲᠠᠨ ᠪᠣᠯᠪᠠᠰᠤᠷᠠᠭᠤᠯᠵᠤ ᠪᠦᠷᠢᠯᠳᠦᠭᠦᠯᠦᠭᠰᠡᠨ ᠬᠦᠴᠦᠷᠬᠡᠭ ᠶᠡᠬᠡ ᠤᠯᠤᠰ ᠲᠦᠷᠦᠶᠢᠨ ᠳᠠᠪᠠᠭᠤᠯᠢᠭ᠋ ᠪᠣᠯᠣᠨᠠ᠃ ᠡᠨᠡ ᠪᠣᠯ ᠠᠷᠠᠳᠤᠨ ᠴᠡᠷᠢᠭᠦᠨ ᠠᠯᠢᠪᠠ ᠬᠠᠭᠤᠴᠢᠨ ᠴᠡᠷᠢᠭᠡᠴᠡ ᠪᠦᠷᠢᠮᠦᠰᠦᠨ ᠢᠯᠭᠠᠭᠳᠠᠬᠤ ᠤᠯᠤᠰ ᠲᠦᠷᠦᠶᠢᠨ ᠣᠨᠴᠠᠯᠢᠭ᠋ ᠪᠠ ᠦᠨᠳᠦᠰᠦᠨ ᠳᠠᠪᠠᠭᠤᠯᠢᠭ᠋ ᠮᠥᠨ᠃
ᠥᠨᠢ ᠤᠳᠠᠭᠠᠨ ᠲᠡᠦᠬᠡᠲᠠᠢ ᠲᠢᠶᠠᠨ ᠠᠨ ᠮᠸᠨ ᠠᠰᠠᠷ ᠬᠡᠴᠢᠨᠡᠨ ᠵᠢᠯᠦᠨ ᠤᠯᠠᠷᠢᠯ ᠬᠤᠪᠢᠰᠤᠯᠲᠠᠶᠢ ᠭᠡᠷᠡᠴᠢᠯᠡᠭᠰᠡᠨ ᠠᠵᠢ᠃ 9 ᠰᠠᠷᠠᠶᠢᠨ 3 ᠤ᠋ ᠡᠳᠦᠷ᠂ ᠳᠠᠷᠢᠶᠢᠨ ᠤᠳᠤᠭᠠ ᠵᠢ ᠪᠡᠶᠡ ᠪᠡᠷᠵᠢᠡᠨ ᠦᠨᠭᠭᠡᠷᠡᠭᠦᠯᠦᠭᠰᠡᠨ ᠶᠠᠫᠤᠨᠢ ᠡᠰᠡᠷᠭᠦᠴᠡᠬᠦ ᠳᠠᠢ᠍ᠢᠨᠦ 6 ᠠᠬᠠᠮᠠᠳ ᠪᠠᠢᠯᠳᠤᠭ᠍ᠴᠢ ᠠᠬᠠᠮᠠᠳ ᠨᠥᠬᠥᠳᠦᠨ ᠲᠥᠯᠥᠭᠡᠯᠡᠭᠴᠢ ᠤᠷᠢᠯᠭᠠᠪᠠᠷ ᠶᠣᠰᠣᠯᠠᠯᠳᠤ ᠣᠷᠣᠯᠴᠠᠪᠠ᠃ ᠲᠡᠷᠢᠭᠦᠯᠡᠭᠴᠢ ᠰᠢ ᠵᠢᠨ ᠫᠢᠩ ᠬᠣᠲᠠᠶᠢᠨ ᠠᠰᠠᠷᠲᠤ ᠭᠠᠷᠴᠤ ᠲᠡᠳᠡ ᠨᠠᠷᠲᠠᠢ ᠨᠢᠭᠡᠳ ᠨᠢᠭᠡᠪᠡᠷ ᠭᠠᠷ ᠠᠳᠬᠤᠪᠠ᠃
ᠡᠨᠡ ᠤᠳᠠᠭᠠᠨ ᠤ᠋ ᠭᠠᠷ ᠠᠳᠬᠤᠭᠰᠠᠨ ᠶᠠᠪᠤᠳᠠᠯ ᠨᠢ ᠭᠦᠨ ᠵᠤᠵᠠᠭᠠᠨ ᠰᠡᠳᠭᠢᠯᠭᠡ ᠵᠢ ᠢᠯᠡᠳᠭᠡᠪᠡ； ᠡᠨᠡ ᠤᠳᠠᠭᠠᠨ ᠤ᠋ ᠭᠠᠷ ᠠᠳᠬᠤᠭᠰᠠᠨ ᠶᠠᠪᠤᠳᠠᠯ ᠨᠢ ᠦᠨᠡᠨᠴᠢ ᠰᠢᠳᠤᠷᠭᠤ ᠰᠡᠳᠭᠢᠯᠳᠤ ᠬᠦᠨᠳᠦᠳᠬᠡᠯ ᠳᠡᠪᠰᠢᠭᠦᠯᠪᠡ᠃
《ᠡᠪ ᠬᠠᠮᠲᠤ ᠶᠣᠰᠣ᠌ ᠪᠣᠯ ᠮᠢᠨᠤ ᠨᠢᠭᠡ ᠨᠠᠰᠤᠨᠤ ᠢᠲᠡᠭᠡᠯ ᠪᠢᠰᠢᠷᠡᠯ ᠮᠥᠨ》᠃ 99 ᠨᠠᠰᠤᠲᠠᠢ ᠱᠸᠨ ᠪᠢᠩ ᠴᠧᠨ᠂ ᠨᠠᠮᠳᠤ ᠣᠷᠣᠭᠠᠳ 82 ᠵᠢᠯ ᠪᠤᠯᠵᠤ ᠪᠠᠢᠭᠠ ᠡᠨᠡ ᠬᠦ᠌ ᠰᠢᠨᠡ ᠳᠥᠷᠪᠡᠳᠦᠭᠡᠷ ᠠᠷᠮᠢᠶᠢᠨ ᠠᠬᠠᠮᠠᠳ ᠪᠠᠢᠯᠳᠤᠭ᠍ᠴᠢ ᠰᠡᠳᠬᠢᠯ ᠳᠣᠭᠳᠣᠯᠤᠨ ᠬᠡᠯᠡᠪᠡ᠃
ᠤᠳᠠᠭᠠᠨ ᠵᠢᠯ ᠳᠠᠢᠨ ᠪᠠᠢᠯᠳᠤᠭᠠᠨ ᠳ᠋ᠤ ᠤᠷᠤᠯᠴᠠᠵᠤ ᠶᠠᠪᠤᠭᠰᠠᠨ ᠲᠡᠳᠡ ᠨᠠᠷᠤᠨ ᠠᠲᠤᠷᠢᠶᠠ ᠪᠤᠯᠭᠠᠨ ᠳ᠋ᠤᠨᠢ ᠴᠠᠭ ᠦᠶᠡᠶᠢᠨ ᠤᠯᠠ ᠮᠥᠷᠢ ᠰᠡᠶ᠋ᠢᠯᠵᠦ ᠪᠠᠢᠨᠠ； ᠬᠣᠶᠠᠷ ᠨᠢᠳᠦᠨᠡᠴᠡ ᠨᠢ ᠢᠲᠡᠭᠡᠯ ᠪᠢᠰᠢᠷᠡᠯᠦᠨ ᠭᠡᠷᠡᠯ ᠭᠢᠯᠪᠠᠭᠠ ᠰᠠᠴᠤᠷᠠᠵᠤ ᠪᠠᠢᠨᠠ᠃
ᠶᠠᠭ ᠡᠳᠡᠭᠡᠷ ᠠᠬᠠᠮᠠᠳ ᠪᠠᠢᠯᠳᠤᠭ᠍ᠴᠢ ᠠᠬᠠᠮᠠᠳ ᠨᠥᠬᠥᠳᠲᠠᠢ ᠠᠳᠠᠯᠢᠪᠠᠷ ᠲᠦᠭ ᠲᠦᠮᠡᠨ ᠬᠤᠪᠢᠰᠬᠠᠯᠲᠤ ᠳᠠᠷᠤᠭᠠ ᠪᠠᠢᠯᠳᠤᠭ᠍ᠴᠢᠳ ᠡᠷᠡᠰ ᠭᠤᠢᠪᠢᠰᠢ ᠦᠭᠡᠢᠪᠡᠷ ᠨᠠᠮᠤᠨ ᠦᠭᠡᠶᠢ ᠰᠣᠨᠣᠰᠴᠤ᠂ ᠨᠠᠮᠢᠶᠠᠨ ᠲᠠᠭᠠᠵᠤ᠂ ᠨᠤᠭᠤᠷᠠᠯ ᠪᠦᠳᠦᠷᠢᠯᠦᠨ ᠳᠤᠮᠳᠠ ᠨᠡᠩ ᠢᠯᠡᠭᠦᠦ ᠡᠷᠡᠯᠬᠡᠭᠯᠡᠨ ᠲᠡᠮᠡᠴᠡᠵᠦ᠂ ᠬᠦᠴᠢᠷ ᠪᠡᠷᠬᠡᠰᠢᠶᠡᠯᠦᠨ ᠳᠤᠮᠳᠠ ᠡᠷᠡᠯᠬᠡᠭᠯᠡᠨ ᠤᠷᠤᠭᠰᠢᠯᠠᠬᠰᠠᠨ ᠡᠴᠡ ᠨᠤᠭᠤᠷᠠᠰᠢ ᠦᠭᠡᠢ᠂ ᠡᠪᠳᠡᠷᠡᠰᠢ ᠦᠭᠡᠢ᠂ ᠲᠠᠭᠠᠷᠢᠬᠤ ᠪᠦᠷᠢ ᠢᠯᠠᠬᠤ᠂ ᠪᠠᠢᠯᠳᠤᠬᠤ ᠪᠦᠷᠢ ᠢᠯᠠᠬᠤ ᠪᠣᠯᠣᠳ ᠲᠡᠮᠦᠷ ᠮᠡᠲᠦ ᠪᠠᠭᠠᠲᠤᠷ ᠴᠡᠷᠢᠭᠢ ᠪᠠᠢᠭᠤᠯᠵᠤ ᠴᠢᠳᠠᠵᠠᠢ᠃
《ᠪᠣᠯᠣᠳ ᠲᠡᠮᠦᠷᠦᠨ ᠬᠦᠴᠦᠲᠦ ᠤᠷᠤᠰᠬᠠᠯᠤᠨ ᠤᠷᠤᠭᠰᠢᠯᠠᠯᠲᠠᠶᠢᠨ ᠳᠠᠭᠤᠤ》ᠨᠢ ᠠᠪᠤᠷᠭᠤ ᠯᠣᠣᠭᠡᠨᠭᠰᠢᠵᠦ ᠪᠠᠢᠭᠠ ᠮᠡᠲᠦ ᠴᠤᠤᠷᠢᠶᠠᠲᠤᠵᠤ ᠡᠬᠢᠯᠡᠬᠦ ᠳ᠋ᠤ᠂ ᠶᠠᠫᠤᠨᠢ ᠡᠰᠡᠷᠭᠦᠴᠡᠬᠦ ᠳᠠᠢ᠍ᠢᠨᠦ 80 ᠪᠠᠭᠠᠲᠤᠷ ᠵᠢᠱ᠌ᠢᠶᠡᠴᠢ ᠴᠡᠷᠢᠭ ᠠᠩᠭᠢᠶᠢᠨ ᠢᠷᠠᠭᠤ ᠠᠯᠳᠠᠷᠤᠨ ᠲᠤᠭᠢᠶᠠᠷ ᠪᠦᠷᠢᠯᠳᠦᠭᠰᠡᠨ ᠪᠠᠢᠯᠳᠤᠭᠠᠨᠤ ᠲᠤᠭᠤᠨ ᠵᠢᠭ᠍ᠰᠠᠭᠠᠯ ᠲᠢᠶᠠᠨ ᠠᠨ ᠮᠸᠨ ᠲᠠᠯᠠᠪᠠᠢᠪᠠᠷ ᠥᠩᠭᠡᠷᠡᠪᠡ᠃ 80 ᠢᠷᠠᠭᠤ ᠠᠯᠳᠠᠷᠲᠤ ᠪᠠᠢᠯᠳᠤᠭᠠᠨᠤ ᠲᠤᠭ᠂ ᠪᠠᠭᠠᠲᠤᠷᠴᠤᠳᠤᠨ ᠦᠯᠢᠭᠡᠷᠢ ᠪᠠᠲᠤ ᠴᠡᠭᠡᠵᠢᠯᠡᠵᠦ᠂ ᠪᠠᠭᠠᠲᠤᠷᠴᠤᠳᠤᠨ ᠢᠷᠠᠭᠤ ᠠᠯᠳᠠᠷᠢ ᠲᠦᠭᠦᠷᠲᠡᠯᠡ ᠪᠢᠴᠢᠭᠯᠡᠪᠡ᠃
《ᠶᠠᠫᠤᠨ ᠢ ᠡᠰᠡᠷᠭᠦᠴᠡᠬᠦ ᠲᠠᠢ᠍ᠢᠨᠦ ᠠᠭᠤᠤ ᠶᠡᠬᠡ ᠵᠣᠷᠢᠭ᠋ ᠰᠠᠨᠠᠭᠠᠶᠢ ᠤᠯᠠᠮᠵᠢᠯᠠᠨ ᠪᠠᠳᠠᠷᠠᠭᠤᠯᠵᠤ᠂ ᠡᠷᠴᠢ ᠵᠣᠷᠢᠭ᠋ᠢᠶᠠᠨ ᠬᠥᠪᠴᠢᠯᠡᠨ ᠡᠷᠡᠯᠬᠡᠭᠯᠡᠨ ᠤᠷᠤᠭᠰᠢᠯᠠᠬᠤ ᠬᠡᠷᠡᠭᠲᠡᠢ》᠂ ᠲᠡᠷᠢᠭᠦᠯᠡᠭᠴᠢ ᠰᠢ ᠵᠢᠨ ᠫᠢᠩᠦᠨ ᠴᠢᠬᠤᠯᠠ ᠶᠠᠷᠢᠶᠠᠨᠤ ᠦᠭᠡ ᠪᠦᠬᠦᠨ ᠨᠢ ᠢᠳᠡ ᠬᠦᠴᠦᠲᠡᠢ ᠪᠥᠭᠡᠳ ᠡᠷᠴᠢᠮᠯᠢᠭ ᠰᠤᠨᠤᠰᠳᠠᠨᠠ᠃
《ᠪᠠᠢᠯᠳᠤᠭᠠᠨᠤ ᠡᠴᠦᠰ ᠲᠤ᠌ ᠭᠠᠭᠴᠠᠭᠠᠷ ᠦᠯᠡᠳᠡᠭᠰᠡᠨ ᠪᠠᠢᠪᠠᠯ᠂ ᠲᠠ ᠠᠬᠠᠮᠠᠳ ᠦᠶᠡᠶᠢᠨ ᠬᠢᠨᠲᠠᠢ ᠠᠳᠠᠯᠢᠪᠠᠷ᠂ ᠳᠠᠢᠰᠤᠨᠵᠦᠭ ᠵᠣᠷᠢᠭ᠍ᠲᠠᠢ ᠪᠡᠷ ᠵᠢᠳᠠᠭᠠᠷᠭᠠᠵᠤ ᠳᠡᠢᠯᠦᠨᠡ ᠦᠦ？》
《〈ᠬᠤᠷᠴᠠ ᠬᠢᠲᠤᠭᠠ ᠪᠡᠷ ᠨᠣᠴᠣᠯᠳᠤᠭᠰᠠᠨ ᠪᠠᠭᠠᠲᠤᠷ ᠰᠤᠮᠤ〉ᠵᠢᠨ 5717 ᠪᠠᠢᠯᠳᠤᠭ᠍ᠴᠢ ᠪᠣᠯᠤᠭᠰᠠᠨ ᠤ ᠬᠤᠪᠢᠳᠤ ᠪᠢ ᠳᠡᠢᠯᠦᠨᠡ！》ᠭᠡᠵᠦ ᠨᠢᠭᠡᠨ ᠰᠢᠨᠡ ᠴᠡᠷᠢᠭ ᠰᠤᠮᠤᠨᠳᠤ ᠣᠷᠣᠬᠤ ᠶᠣᠰᠣᠯᠠᠯ ᠳᠡᠭᠡᠷᠡ ᠢᠩᠭᠢᠵᠦ ᠬᠠᠷᠢᠭᠤᠯᠪᠠ᠃ ᠡᠨᠡ ᠬᠦ᠌ ᠵᠠᠭᠤᠨ ᠬᠤᠷᠢᠶᠠᠵᠢᠨ ᠪᠠᠢᠯᠳᠤᠭᠠᠨᠳᠤ ᠶᠠᠫᠤᠨ ᠴᠡᠷᠢᠭᠲᠠᠢ ᠵᠢᠳᠠᠪᠡᠷ ᠲᠤᠯᠤᠯᠳᠤᠭᠰᠠᠨ ᠰᠤᠮᠤ ᠨᠢ ᠡᠳᠦᠭᠡ ᠡᠬᠡ ᠤᠯᠤᠰᠤᠨ ᠡᠮᠦᠨᠡᠲᠦ ᠬᠢᠯᠢᠶᠢ ᠰᠠᠬᠢᠨ ᠬᠠᠮᠠᠭᠠᠯᠠᠬᠤ ᠣᠢᠶᠢᠨ ᠲᠤᠭ᠍ᠰᠢᠨ ᠪᠠᠷᠰ᠂ ᠣᠨᠴᠠ ᠪᠠᠢᠯᠳᠤᠭᠠᠨᠤ ᠬᠣᠰᠢᠭᠤᠴᠢ ᠪᠣᠯᠤᠭᠰᠠᠨ ᠪᠠᠢᠨᠠ᠃
ᠦᠷᠡᠭᠳᠡᠭᠰᠡᠨ ᠪᠠᠭᠠᠲᠤᠷᠴᠤᠳ ᠠᠮᠤᠷᠵᠢᠨ ᠨᠤᠢᠷᠰᠤᠨᠠ᠂ ᠡᠷᠭᠦᠭᠰᠡᠨ ᠲᠤᠭ ᠢ ᠵᠠᠯᠭᠠᠮᠵᠢᠯᠠᠬᠤ ᠬᠥᠮᠥᠨ ᠲᠠᠢ᠃
ᠴᠢᠰᠤ ᠮᠢᠬᠠᠨᠤ ᠪᠠᠷᠢᠯᠳᠤᠯᠭᠠᠲᠠᠢ᠄ ᠠᠷᠠᠳ ᠲᠦᠮᠡᠨ ᠪᠣᠯ ᠴᠡᠷᠢᠭ ᠠᠩᠭᠢᠶᠢᠨ ᠬᠦᠴᠦᠨᠦ ᠡᠬᠢ ᠪᠤᠯᠠᠭ ᠮᠥᠨ
《ᠳᠤᠮᠳᠠᠳᠤᠴᠤᠳᠢ ᠰᠦᠰᠦ ᠵᠤᠷᠢᠭ ᠦᠭᠡᠢ ᠭᠡᠵᠦ ᠪᠢᠲᠡᠭᠡᠢ ᠳᠠᠷᠤᠯᠠ！ ᠵᠠᠭᠤᠨ ᠲᠦᠮᠡᠨ ᠴᠡᠷᠢᠭ ᠪᠤᠰᠴᠤ ᠢᠷᠡᠭᠡᠳ ᠡᠰᠡᠷᠭᠦᠴᠡᠨ ᠪᠠᠢᠯᠳᠤᠨᠠ！》
3 ᠤ᠋ ᠤᠷᠤᠢ᠂ ᠳᠤᠮᠳᠠᠳᠤ ᠤᠯᠤᠰᠤᠨ ᠠᠷᠠᠳ ᠲᠦᠮᠡᠨᠦ ᠶᠠᠫᠣᠨᠢ ᠡᠰᠡᠷᠭᠦᠴᠡᠬᠦ᠌ ᠲᠠᠢ᠌ᠨ ᠵᠢᠴᠢ ᠳᠡᠯᠡᠬᠡᠢᠶ᠋ᠢᠨ ᠹᠠᠱ᠌ᠢᠰᠢ ᠡᠰᠡᠷᠭᠦᠴᠡᠬᠦ᠌ ᠲᠠᠢ᠌ᠨ ᠢᠯᠠᠯᠲᠠ ᠣᠯᠤᠭ᠍ᠰᠠᠨ 80 ᠵᠢᠯᠦᠨ ᠤᠢᠶ᠋ᠢ ᠳᠤᠷᠠᠰᠭᠠᠬᠤ ᠤᠷᠠᠨ ᠰᠠᠢᠬᠠᠨᠤ ᠦᠳᠡᠱᠢᠯᠡᠭᠡ ᠳᠡᠭᠡᠷᠡ᠂ 《ᠦᠨᠢ ᠡᠬᠦᠷᠢᠳᠠ ᠵᠢᠨ ᠴᠤᠯᠠ ᠳᠡᠮᠳᠡᠭ》ᠭᠡᠬᠦ᠌ ᠦᠵᠡᠭ᠌ᠳᠡᠯᠳᠦ ᠵᠦᠴᠦᠭᠡᠳᠡᠬᠢ《ᠡᠭᠡ ᠭᠠᠵᠠᠷ ᠡᠵᠢ ᠡ 》ᠭᠡᠬᠦ᠌ ᠬᠠᠰᠭᠢᠷᠤᠯᠢ ᠰᠤᠨᠤᠰᠤᠭᠠᠳ ᠴᠥᠭᠡᠨ ᠪᠤᠰᠤ ᠦᠵᠡᠭ᠌ᠴᠢᠳ ᠨᠢᠯᠪᠤᠰᠤ ᠠᠰᠭᠠᠷᠠᠭᠤᠯᠪᠠ᠃ ᠬᠥᠮᠦᠰ ᠨᠢᠭᠡᠨ ᠰᠠᠯᠠᠭᠠ ᠪᠠᠭᠠᠲᠤᠷᠯᠢᠭ ᠰᠤᠮᠤᠨ ᠠᠩᠭᠢᠶ᠋ᠢᠨ ᠡᠷᠭᠦᠨ ᠳᠡᠪᠱᠢᠭᠦᠯᠦᠭ᠌ᠰᠡᠨ ᠲᠡᠮᠦᠷ ᠬᠠᠳᠠᠨ ᠵᠤᠷᠢᠭᠢ ᠳᠠᠬᠢᠨᠲᠠ ᠮᠡᠳᠡᠷᠡᠯᠡ᠃
1943 ᠣᠨᠤ 3 ᠰᠠᠷᠠᠶ᠋ᠢᠨ 18 ᠤ᠋ ᠡᠳᠦᠷ᠂ ᠱᠢᠨᠡ ᠳᠥᠷᠪᠡᠳᠦᠭᠡᠷ ᠠᠷᠮᠢᠶ᠋ᠢᠨ ᠭᠤᠷᠪᠠᠳᠤᠭᠠᠷ ᠳ᠋ᠢᠸᠢᠽᠢᠶ᠋ᠢᠨ ᠳᠣᠯᠣᠳᠤᠭᠠᠷ ᠪᠠᠷᠢᠭᠠᠳᠠᠶ᠋ᠢᠨ ᠠᠷᠪᠠ ᠶᠢᠰᠦᠳᠦᠭᠡᠷ ᠬᠤᠷᠢᠶᠠᠶ᠋ᠢᠨ ᠬᠣᠶᠠᠳᠤᠭᠠᠷ ᠪᠠᠲ᠋ᠯᠢᠶᠣᠨᠤ ᠳᠥᠷᠪᠡᠳᠦᠭᠡᠷ ᠰᠤᠮᠤ ᠬᠤᠸᠠᠢᠶ᠌ᠢᠨᠦ ᠯᠢᠦ ᠯᠣᠣ ᠵᠤᠸᠠᠩ ᠲᠣᠰᠭᠣᠨᠳᠤ ᠮᠢᠩᠭᠠ ᠭᠠᠷᠤᠢ ᠶᠠᠫᠣᠨ ᠴᠡᠷᠢᠭ ᠬᠠᠭᠤᠷᠮᠠᠭ ᠴᠡᠷᠢᠭᠦᠨ ᠪᠦᠰᠡᠯᠡᠨ ᠳᠠᠭᠠᠷᠢᠯᠲᠠᠳᠤ ᠤᠴᠠᠷᠠᠪᠠ᠃ ᠥᠷ ᠴᠠᠢᠬᠤ ᠡᠴᠡ ᠪᠦᠷᠦᠶ ᠳᠠᠰᠤᠷᠠᠬᠤ ᠪᠣᠯᠲᠠᠯᠠ᠂ ᠪᠦᠬᠦ᠌ ᠰᠤᠮᠤᠨᠤ 82 ᠳᠠᠷᠤᠭᠠ ᠪᠠᠢᠯᠳᠤᠭ᠍ᠴᠢ ᠳᠠᠢᠰᠤᠨᠤ 5 ᠤᠳᠠᠭᠠᠨᠤ ᠳᠠᠭᠠᠷᠢᠯᠲᠠᠶ᠋ᠢ ᠴᠣᠬᠢᠨ ᠤᠬᠤᠷᠢᠭᠤᠯᠪᠠ᠃ ᠰᠡᠭᠦᠯᠳᠡᠵᠦ ᠢᠷᠡᠭᠡᠳ᠂ ᠰᠤᠮᠤ ᠳᠠᠭᠤᠰᠴᠤ᠌᠂ ᠵᠢᠳᠠ ᠬᠤᠭᠤᠷᠠᠵᠤ᠂ ᠳᠠᠷᠤᠭᠠ ᠪᠠᠢᠯᠳᠤᠭ᠍ᠴᠢᠳ ᠫᠤᠤ ᠵᠡᠪᠰᠡᠭᠢᠶᠡᠨ ᠳᠠᠶᠠᠭᠳᠠᠭᠠᠳ᠂ ᠳᠠᠢᠰᠤᠨᠲᠠᠶ ᠠᠮᠢ ᠴᠦᠯᠡᠨ ᠪᠠᠢᠯᠳᠤᠵᠤ ᠪᠦᠬᠦᠨᠢᠶᠡᠷᠢᠶᠡᠨ ᠪᠡᠶᠡ ᠦᠷᠡᠭ᠌ᠳᠡᠪᠡ᠃ ᠳᠤᠮᠳᠠᠴᠢ ᠨᠠᠰᠤ 25 ᠬᠦᠷᠬᠦ᠌ ᠦᠭᠡᠢ ᠵᠠᠯᠠᠭᠤ ᠳᠠᠷᠤᠭᠠ ᠪᠠᠢᠯᠳᠤᠭ᠍ᠴᠢᠳ ᠠᠮᠢ ᠨᠠᠰᠤᠪᠠᠷᠢᠶᠠᠨ《ᠠᠷᠠᠳ ᠲᠦᠮᠡᠨ ᠦ ᠲᠥᠯᠥᠭᠡ ᠠᠯᠢᠪᠠᠪᠠᠨ ᠦᠷᠡᠭ᠌ᠳᠡᠭᠦᠯᠬᠦ᠌》 ᠪᠠᠲᠤ ᠴᠢᠩᠭᠠ ᠲᠠᠩᠭᠠᠷᠢᠭᠢ ᠦᠢᠯᠡᠳᠦᠯᠭᠡᠵᠢᠭᠦᠯᠪᠡ᠃
ᠬᠥᠮᠦᠰᠦᠨ ᠰᠡᠳᠭᠢᠯᠢ ᠨᠡᠩ ᠳᠣᠭ᠍ᠳᠣᠯᠤᠭᠤᠯᠤᠭ᠍ᠰᠠᠨ ᠶᠠᠪᠤᠳᠠᠯ ᠭᠡᠪᠡᠯ᠂ ᠯᠢᠦ ᠯᠣᠣ ᠵᠤᠸᠠᠩᠤᠨ 82 ᠪᠠᠭᠠᠲᠤᠷ ᠪᠡᠶᠡ ᠦᠷᠡᠭ᠌ᠳᠡᠭᠡᠳ ᠳᠡᠮᠡᠢ ᠤᠳᠠᠭ᠍ᠰᠠᠨ ᠦᠭᠡᠢ᠂ ᠲᠤᠬᠠᠢᠶ᠋ᠢᠨ ᠭᠠᠵᠠᠷᠤᠨ 82 ᠵᠠᠯᠠᠭᠤ ᠡᠷᠡᠰ ᠱᠢᠭᠤᠷᠬᠠᠢᠪᠠᠷ ᠴᠡᠷᠢᠭᠲᠦ ᠣᠷᠣᠵᠤ᠂ ᠱᠢᠨᠡ《ᠯᠢᠦ ᠯᠣᠣ ᠵᠤᠸᠠᠩᠤᠨ ᠰᠤᠮᠤᠨ ᠠᠩᠬᠢ》 ᠶ᠋ᠢ ᠪᠠᠢᠭᠤᠯᠪᠠ᠃
ᠥᠨᠥᠳᠦᠷ ᠯᠢᠦ ᠯᠤᠤ ᠵᠤᠸᠠᠩᠤᠨ ᠰᠤᠮᠤᠨ ᠠᠩᠬᠢᠶᠢᠨ ᠳᠠᠷᠤᠭᠠ ᠪᠠᠢᠯᠳᠤᠭ᠍ᠴᠢᠶ᠋ᠢᠨ ᠳ᠋ᠤᠭᠠᠷ 83 ᠡᠴᠡ 6679 ᠪᠣᠯᠲᠠᠯᠠ ᠦᠷᠭᠦᠯᠵᠢᠯᠡᠵᠡᠶ᠃
ᠶᠠᠫᠣᠨᠢ ᠡᠰᠡᠷᠭᠦᠴᠡᠬᠦ᠌ ᠲᠠᠢ᠌ᠨᠦ ᠲᠠᠯᠠᠪᠤᠷᠲᠤ《ᠡᠴᠢᠭᠡ ᠨᠢ ᠬᠦᠦ᠍ᠪᠡᠨ᠂ ᠪᠦᠰᠡᠭᠦᠢ ᠨᠢ ᠨᠦᠬᠦᠷᠢᠶᠡᠨ᠂ ᠠᠬᠠ ᠳᠡᠭᠦᠦ ᠬᠣᠭᠣᠷᠣᠨᠳᠣᠪᠠᠨ ᠦᠷᠢᠰᠦᠯᠳᠦᠨ ᠲᠠᠢ᠌ᠨᠦ ᠲᠠᠯᠠᠪᠤᠷᠲᠤ ᠭᠠᠷᠬᠤ》ᠰᠡᠳᠭᠢᠯ ᠬᠥᠳᠡᠯᠭᠡᠮᠡ ᠦᠵᠡᠭᠳᠡᠯ ᠭᠠᠵᠠᠷ ᠪᠣᠯᠭᠠᠨᠳᠤ ᠬᠠᠷᠠᠭ᠍ᠳᠠᠳᠠᠭ᠃ ᠠᠷᠠᠳ ᠲᠦᠮᠡᠨ ᠬᠠᠮᠤᠭᠤᠨ ᠪᠣᠷᠣᠭ᠍ᠵᠢᠭᠤᠨ ᠠᠷᠭᠠ ᠪᠡᠷ ᠬᠡᠦᠬᠡᠳ ᠳᠡᠭᠦᠦ᠍ᠨᠡᠷ ᠴᠡᠷᠢᠭᠲᠦ ᠬᠠᠮᠤᠭᠤᠨ ᠭᠦᠨ ᠵᠤᠵᠠᠭᠠᠨ ᠬᠠᠢᠷᠠ ᠰᠡᠳᠭᠢᠯᠭᠡ ᠪᠠ ᠬᠠᠮᠤᠭᠤᠨ ᠡᠷᠡᠰ ᠪᠠᠲᠤ ᠳᠡᠮᠵᠢᠯᠭᠡᠪᠡᠨ ᠢᠯᠡᠳᠭᠡᠪᠡ᠃
ᠶᠠᠫᠣᠨᠢ ᠡᠰᠡᠷᠭᠦᠴᠡᠬᠦ᠌ ᠲᠠᠢ᠌ᠨᠦ ᠬᠠᠮᠤᠭᠤᠨ ᠬᠦᠴᠢᠷ ᠪᠡᠷᠬᠡᠱᠢᠶᠡᠯᠲᠡᠶ ᠦᠶᠡᠳᠦ᠂ ᠮᠠᠤ ᠽᠸ ᠳ᠋ᠦᠩ《ᠤᠳᠠᠭᠠᠨ ᠳᠠᠭᠠᠭᠠᠮᠠᠭᠠᠶ ᠲᠠᠢ᠌ᠨᠦ ᠲᠤᠬᠠᠶ》 ᠭᠡᠬᠦ᠌ ᠵᠣᠬᠢᠶᠠᠯᠳᠠᠭᠠᠨ᠄《ᠲᠠᠢ᠌ᠨᠦ ᠠᠭᠤᠤ ᠬᠦᠴᠦᠨᠦ ᠬᠠᠮᠤᠭᠤᠨ ᠭᠦᠨ ᠵᠤᠵᠠᠭᠠᠨ ᠦᠨᠳᠦᠰᠦ ᠰᠤᠷᠪᠤᠯᠵᠢ ᠨᠢ ᠠᠷᠠᠳ ᠤᠯᠠᠨᠤ ᠳᠤᠮᠳᠠ ᠣᠷᠣᠱᠢᠵᠤ ᠪᠠᠢᠨᠠ》 ᠭᠡᠬᠦ ᠨᠤᠳᠠᠯᠠᠯᠳᠠ ᠪᠡᠨ ᠪᠢᠴᠢᠪᠡ᠃
ᠠᠷᠠᠳᠤᠨ ᠴᠡᠷᠢᠭ ᠠᠩᠬᠢᠶ᠋ᠢᠨ ᠰᠠᠭᠤᠷᠢ ᠨᠢ ᠠᠷᠠᠳ ᠲᠦᠮᠡᠨᠳᠦ ᠪᠤᠢ᠂ ᠠᠮᠢᠨ ᠰᠤᠳᠠᠰᠤ ᠨᠢ ᠠᠷᠠᠳ ᠲᠦᠮᠡᠨᠳᠦ ᠪᠤᠢ᠂ ᠬᠦᠴᠦᠨ ᠴᠢᠳᠠᠯ ᠨᠢ ᠠᠷᠠᠳ ᠲᠦᠮᠡᠨᠳᠦ ᠪᠤᠢ᠃ ᠶᠠᠫᠣᠨᠢ ᠡᠰᠡᠷᠭᠦᠴᠡᠬᠦ᠌ ᠲᠠᠢ᠌ᠨ ᠪᠣᠯ ᠪᠦᠬᠥ᠌ ᠠᠷᠠᠳᠢᠶᠠᠷᠢᠶᠠᠨ ᠣᠷᠣᠯᠴᠠᠭ᠍ᠰᠠᠨ ᠨᠢᠭᠡ ᠤᠳᠠᠭᠠᠨᠤ ᠠᠷᠠᠳᠤᠨ ᠲᠠᠢ᠌ᠨ ᠮᠥᠨ᠂ ᠴᠡᠷᠢᠭ ᠠᠩᠭᠢ ᠪᠣᠯᠤᠨ ᠠᠷᠠᠳ ᠲᠦᠮᠡᠨᠦ ᠬᠣᠭᠣᠷᠣᠨᠳᠣᠬᠢ ᠴᠢᠰᠤ ᠮᠢᠬᠠ ᠮᠡᠳᠦ᠂ ᠦᠬᠦᠵᠦ᠍ ᠰᠡᠬᠡᠬᠦ᠌ᠪᠡᠨ ᠬᠠᠮᠲᠤᠳᠭᠠᠭ᠍ᠰᠠᠨ ᠳᠣᠲᠣᠨᠣ ᠬᠠᠷᠢᠴᠠᠭᠠ ᠨᠢ ᠡᠨᠡ ᠬᠦ᠌ ᠠᠭᠤᠤ ᠶᠡᠬᠡ ᠲᠡᠮᠡᠴᠡᠯᠦᠨ ᠳᠤᠮᠳᠠ ᠬᠠᠮᠤᠭᠤᠨ ᠭᠦᠢᠴᠡᠳ ᠢᠯᠡᠷᠡᠵᠡᠢ᠃
ᠠᠷᠠᠳᠤᠨ ᠴᠡᠷᠢᠭ ᠠᠩᠬᠢ ᠪᠠᠭᠤᠷᠠᠢᠪᠠᠷ ᠬᠦᠴᠦᠷᠬᠡᠭᠢ ᠢᠯᠠᠵᠤ᠂ ᠤᠷᠳᠤ ᠬᠤᠭᠤᠴᠠᠭᠠᠪᠠᠷ ᠶᠠᠫᠣᠨᠢ ᠡᠰᠡᠷᠭᠦᠴᠡᠬᠦ᠌ ᠲᠠᠢ᠌ᠨ ᠬᠢᠵᠦ᠍ ᠴᠢᠳᠠᠭ᠍ᠰᠠᠨᠤ ᠬᠠᠮᠤᠭᠤᠨ ᠦᠨᠳᠦᠰᠦᠨ ᠱᠢᠯᠲᠠᠭᠠᠨ ᠪᠣᠯ ᠳᠠᠷᠤᠢ ᠠᠷᠠᠳ ᠤᠯᠠᠨ ᠭᠡᠬᠦ ᠱᠢᠮᠡᠯᠢᠭ ᠬᠥᠷᠥᠰᠥᠨᠳᠦ ᠭᠦᠨ ᠦᠨᠳᠦᠰᠦᠯᠡᠵᠦ᠍᠂ ᠠᠷᠠᠳ ᠲᠦᠮᠡᠨᠲᠡᠶ ᠠᠮᠢᠰᠭᠤᠭᠠᠪᠠᠨ ᠨᠢᠭᠡᠳᠭᠡᠵᠦ᠍᠂ ᠬᠤᠪᠢ ᠵᠠᠶᠠᠭᠠᠪᠠᠨ ᠬᠠᠮᠲᠤᠳᠭᠠᠨ᠂ ᠰᠡᠳᠭᠢᠯ ᠵᠢᠷᠦᠬᠡᠪᠡᠨ ᠬᠣᠯᠪᠣᠭ᠍ᠰᠠᠨᠳᠤ ᠪᠠᠢᠨᠠ᠃
ᠢ ᠮᠸᠩ ᠱᠠᠨ ᠲᠣᠭᠣᠷᠢᠭᠤᠨ ᠬᠤᠪᠢᠰᠬᠠᠯᠴᠢ ᠪᠦᠰᠡᠭᠦᠢᠶᠢᠨ ᠦᠯᠢᠭᠡᠷ᠂ ᠴᠡᠷᠢᠭ ᠠᠷᠠᠳᠤᠨ ᠵᠢᠭᠠᠰᠤ ᠤᠰᠤᠨᠤ ᠬᠠᠷᠢᠴᠠᠭᠠᠶ᠋ᠢᠨ ᠬᠡᠪ ᠳᠠᠭᠤᠷᠢᠶᠠᠯ ᠪᠤᠯᠤᠭᠰᠠᠨ ᠪᠢᠯᠡ᠃ 1941 ᠣᠨᠤ ᠡᠪᠦᠯ᠂ ᠶᠠᠫᠣᠨ ᠴᠡᠷᠢᠭ ᠢ ᠮᠸᠩ ᠱᠠᠨ ᠣᠷᠣᠨᠳᠤ ᠶᠡᠬᠡ 《ᠱᠦᠭᠦᠷᠳᠡᠯᠲᠡ》ᠬᠢᠵᠦ᠍᠂ ᠨᠠᠢ᠍ᠮᠠᠳᠤᠭᠠᠷ ᠵᠠᠮᠤᠨ ᠴᠡᠷᠢᠭᠦᠨ ᠨᠢᠭᠡᠨ ᠵᠢᠭᠠᠯ ᠪᠠᠢᠯᠳᠤᠭ᠍ᠴᠢ ᠱᠢᠷᠬᠠᠲᠤᠵᠤ ᠴᠡᠷᠢᠭ ᠠᠩᠬᠢ ᠡᠴᠡᠪᠠᠨ ᠰᠠᠯᠤᠭᠠᠳ ᠪᠠᠢᠬᠤ ᠦᠶᠡᠳᠦ ᠶᠠᠪᠠ ᠬᠤᠪᠢᠰᠬᠠᠯᠴᠢ ᠪᠦᠰᠡᠭᠦᠢ ᠮᠢᠩ ᠳ᠋ᠸ ᠶᠢᠩ ᠲᠠᠢ ᠤᠴᠠᠷᠠᠪᠠ᠃ ᠱᠢᠷᠬᠠᠲᠤᠭᠰᠠᠨ ᠪᠠᠢᠯᠳᠤᠭᠴᠢ ᠴᠢᠰᠤ ᠶᠡᠬᠡ ᠠᠯᠳᠠᠵᠤ ᠮᠡᠳᠡᠭᠡ ᠰᠡᠬᠡᠭᠡ ᠦᠭᠡᠢ ᠪᠠᠢᠬᠤ ᠦᠶᠡᠳᠦ᠂ ᠬᠤᠪᠢᠰᠬᠠᠯᠴᠢ ᠪᠦᠰᠡᠭᠦᠢ ᠥᠪᠡᠷᠦᠨ ᠰᠦ ᠪᠠᠨ ᠬᠦᠬᠦᠭᠦᠯᠵᠦ᠂ ᠲᠠᠨᠢᠬᠤ ᠴᠤ᠌ ᠦᠭᠡᠢ ᠵᠢᠭᠠᠯ ᠪᠠᠢᠯᠳᠤᠭ᠍ᠴᠢᠶ᠋ᠢ ᠦᠬᠦᠯᠦᠨ ᠳᠠᠪᠠᠭᠠ ᠡᠴᠡ ᠠᠪᠤᠷᠠᠪᠠ᠃ ᠳᠠᠷᠠᠭᠠ ᠨᠢ ᠲᠡᠷᠡ ᠦᠮᠴᠢᠨᠳᠤᠨᠢ ᠦᠯᠡᠳᠡᠭᠰᠡᠨ ᠬᠣᠶᠠᠷᠬᠠᠨ ᠡᠮᠡᠭ᠌ᠴᠢᠨ ᠲᠠᠬᠢᠶᠠ ᠪᠠᠨ ᠠᠯᠠᠵᠤ ᠰᠢᠷᠬᠠ ᠲᠠᠢ ᠪᠠᠢᠯᠳᠤᠭᠴᠢᠳᠤ ᠱᠢᠮᠡ ᠲᠡᠵᠢᠭᠡᠯ ᠨᠥᠬᠥᠪᠥᠷᠢᠯᠡᠵᠦ᠍᠂ ᠠᠭᠤᠯᠠᠨᠳᠤ ᠭᠠᠷᠴᠤ᠌ ᠡᠪᠡᠰᠦᠨ ᠡᠮ ᠲᠡᠭᠦᠵᠦ᠍᠂ ᠪᠠᠢᠯᠳᠤᠭ᠍ᠴᠢ ᠡᠷᠡᠭᠦᠯᠵᠢᠭᠡᠳ ᠴᠡᠷᠢᠭ ᠠᠩᠭᠢᠳᠠᠭᠠᠨ ᠪᠤᠴᠠᠬᠤ ᠪᠣᠯᠲᠠᠯᠠ ᠨᠠᠷᠢᠨ ᠨᠢᠮᠪᠠᠢ ᠬᠠᠷᠠᠭᠠᠯᠵᠠᠪᠠ᠃
《ᠡᠴᠦᠰᠦᠨ ᠨᠢᠭᠡ ᠠᠶᠠᠭᠠ ᠪᠤᠳᠠᠭᠠ》᠂ 《ᠡᠴᠦᠰᠦᠨ ᠨᠢᠭᠡ ᠲᠤᠬᠤᠢ ᠪᠦᠰ》᠂《ᠡᠴᠦᠰᠦᠨ ᠨᠢᠭᠡ ᠵᠠᠬᠠ ᠬᠥᠪᠥᠩ ᠲᠡᠪᠡᠯ》᠂《ᠡᠴᠦᠰᠦᠨ ᠨᠢᠭᠡ ᠶᠠᠰᠤ ᠮᠢᠬᠠᠨᠤ ᠲᠠᠰᠤᠷᠬᠠᠶ》᠁ ᠲᠦᠭ ᠲᠦᠮᠡᠨ ᠠᠷᠠᠳ ᠤᠯᠠᠨ ᠪᠦᠬᠦ᠌ ᠦᠨᠳᠦᠰᠦᠲᠡᠨᠦ ᠶᠠᠫᠣᠨᠢ ᠡᠰᠡᠷᠭᠦᠴᠡᠬᠦ᠌ ᠲᠠᠢ᠌ᠨᠳᠦ ᠠᠯᠢᠪᠠᠪᠠᠨ ᠵᠣᠷᠢᠭᠤᠯᠵᠤ᠂ ᠴᠡᠷᠢᠭ ᠠᠷᠠᠳ ᠰᠡᠳᠭᠢᠯ ᠨᠢᠭᠡᠳᠦᠨ ᠡᠴᠦᠰᠲᠦᠨᠢ ᠲᠤᠯᠲᠠᠯᠠ ᠪᠠᠢᠯᠳᠤᠪᠠ᠃
ᠰᠮᠸᠳ᠋ᠯᠸᠢ ᠵᠢᠨ ᠪᠢᠷᠦᠨ ᠳᠣᠣᠷᠠ ᠡᠢᠮᠦ᠍ ᠨᠢᠭᠡᠨ ᠦᠯᠢᠭᠡᠷ ᠪᠢᠴᠢᠭᠳᠡᠭᠰᠡᠨ ᠪᠠᠢᠳᠠᠭ —
ᠨᠠᠮᠤᠷᠤᠨ ᠬᠤᠷᠢᠶᠠᠯᠲᠠᠳᠦ ᠳᠡᠷᠡᠪᠡᠷ ᠵᠠᠭᠤ ᠲᠠᠪᠢ ᠵᠢᠷᠠᠨ ᠵᠢᠩᠤᠨ ᠠᠮᠤ ᠡᠭᠦᠷᠦᠭ᠌ᠰᠡᠨ ᠨᠢᠭᠡᠨ ᠨᠠᠶ᠋ᠮᠠᠳᠤᠭᠠᠷ ᠵᠠᠮᠤᠨ ᠴᠡᠷᠢᠭ ᠢ᠋ ᠣᠯᠵᠤ ᠬᠠᠷᠠᠭᠠᠳ᠂ ᠣᠢᠷᠠᠲᠤᠵᠤ ᠣᠴᠢᠭᠠᠳ ᠦᠵᠡᠭ᠌ᠰᠡᠨ ᠴᠢᠨᠢ ᠵᠤ᠌ᠳ᠋ᠸ ᠨᠦᠬᠦᠷ ᠪᠠᠢᠪᠠ᠃ ᠲᠡᠷᠡ᠄《ᠵᠦ᠍ ᠳ᠋ᠸ ᠥᠪᠡᠷᠢᠶᠡᠨ ᠬᠦᠷᠦᠭᠰᠡᠨ ᠡᠪᠡᠰᠦᠨ ᠱᠠᠬᠠᠢᠪᠠᠨ ᠡᠮᠦᠰᠴᠦ᠍᠂ ᠳᠠᠢ᠌ᠨᠦ ᠭᠠᠯ ᠳᠦᠷᠡᠯᠵᠡᠭ᠌ᠰᠡᠨ ᠶᠠᠫᠣᠨᠢ ᠡᠰᠡᠷᠭᠦᠴᠡᠬᠦ᠌ ᠡᠮᠦᠨᠡ ᠹᠷᠣᠨᠲᠲᠤ ᠭᠠᠪᠱᠢᠭᠠᠢᠯᠠᠵᠤ ᠪᠠᠢᠨᠠ； ᠲᠡᠷᠡ ᠰᠥᠨᠢ ᠲᠤᠵᠢ ᠠᠵᠢᠯᠯᠠᠵᠤ᠂ ᠪᠠᠶ᠋ᠢᠯᠳᠤᠭ᠍ᠴᠢᠲᠠᠶ ᠠᠳᠠᠯᠢᠪᠠᠷ ᠰᠠᠷᠠ ᠪᠦᠷᠢ ᠵᠥᠪᠬᠡᠨ ᠨᠢᠭᠡ ᠲᠥᠭᠥᠷᠢᠭᠦᠨ ᠨᠥᠬᠥᠪᠥᠷᠢᠲᠡᠶ ᠪᠣᠯᠬᠣᠷ ᠠᠷᠭᠠ ᠪᠤᠰᠤ ᠲᠠᠮᠠᠬᠢᠪᠠᠨ ᠵᠣᠭ᠍ᠰᠣᠵᠠᠢ᠃ ᠵᠤ᠌ ᠳ᠋ᠸ ᠬᠠᠮᠤᠭᠤᠨ ᠤᠯᠠᠨ ᠲᠦᠮᠡᠨᠴᠢᠯᠡᠭ᠌ᠰᠡᠨ ᠦᠭᠡᠪᠡᠷ ᠡᠨᠡ ᠪᠦᠬᠥᠨᠢ ᠲᠠᠢᠯᠪᠤᠷᠢᠯᠠᠪᠠ᠄〈ᠨᠠᠢ᠍ᠮᠠᠳᠤᠭᠠᠷ ᠵᠠᠮᠤᠨ ᠴᠡᠷᠢᠭ ᠪᠣᠯ ᠶᠠᠳᠠᠭᠤ ᠵᠦᠳᠡᠭᠦᠦ ᠠᠷᠠᠳ ᠲᠦᠮᠡᠨᠦ ᠴᠡᠷᠢᠭ ᠮᠥᠨ᠂ ᠳᠠᠷᠤᠭᠠ ᠪᠠᠢᠭ᠍ᠰᠠᠨ ᠴᠤ᠌ ᠲᠡᠷᠡ᠂ ᠴᠡᠷᠢᠭ ᠪᠠᠢᠭ᠍ᠰᠠᠨ ᠴᠤ᠌ ᠲᠡᠷᠡ᠂ ᠴᠥᠮ ᠠᠷᠠᠳ ᠲᠦᠮᠡᠨᠦ ᠠᠱᠢᠭ ᠲᠤᠰᠠᠶ᠋ᠢᠨ ᠲᠥᠯᠥᠭᠡ ᠵᠢᠳᠬᠦᠳᠡᠭ〉》ᠭᠡᠵᠦ ᠪᠢᠴᠢᠪᠡ᠃
1942 ᠣᠨᠤ 11 ᠰᠠᠷᠠᠶ᠋ᠢᠨ 23 ᠤ᠋ ᠡᠳᠦᠷ᠂ 1.3 ᠲᠦᠮᠡᠨ ᠶᠠᠫᠣᠨ ᠴᠡᠷᠢᠭ ᠬᠠᠭᠤᠷᠮᠠᠭ ᠴᠡᠷᠢᠭ ᠮᠠ ᠱ᠌ᠢ ᠱᠠᠨ ᠣᠷᠣᠨ ᠤ᠋ ᠡᠷᠬᠢᠨ ᠲᠣᠭᠣᠷᠢᠨᠤ 40 ᠺᠢᠯᠣᠮᠧᠲ᠋ᠷᠢ ᠲᠡᠮᠦᠷ ᠰᠠᠭᠤᠯᠠᠭᠠ ᠬᠦᠮᠦᠷᠢᠭᠰᠡᠨ ᠮᠡᠳᠦ ᠪᠦᠰᠡᠯᠡᠵᠦ᠍᠂ ᠪᠦᠰᠡᠯᠡᠯᠲᠡᠶ᠋ᠢᠨ ᠲᠣᠭᠣᠷᠢᠭᠲᠠᠬᠢ 2 ᠲᠦᠮᠡ ᠭᠠᠷᠤᠢ ᠶᠠᠫᠣᠨᠢ ᠡᠰᠡᠷᠭᠦᠴᠡᠬᠦ᠌ ᠴᠡᠷᠢᠭ ᠠᠷᠠᠳᠢ ᠪᠣᠭᠣᠮᠢᠯᠠᠨ ᠠᠯᠠᠬᠤᠪᠠᠷ ᠭᠣᠷᠢᠳᠠᠪᠠ᠃
ᠦᠬᠦᠵᠦ᠍ ᠰᠡᠬᠡᠬᠦ᠌ ᠪᠠᠨ ᠦᠵᠡᠯᠴᠡᠬᠰᠡᠨ ᠳᠡᠷᠡ ᠰᠥᠨᠢ᠂ ᠨᠠᠢ᠍ᠮᠠᠳᠤᠭᠠᠷ ᠵᠠᠮᠤᠨ ᠴᠡᠷᠢᠭ ᠲᠦᠮᠡᠨ ᠰᠤᠮᠤ ᠮᠢᠩᠭᠠᠨ ᠵᠡᠪᠡ ᠵᠢ ᠰᠦᠷᠦᠨ《ᠭᠤᠷᠪᠠ ᠣᠷᠣᠵᠤ ᠭᠤᠷᠪᠠ ᠭᠠᠷᠤᠨ》ᠪᠦᠰᠡᠯᠡᠯᠲᠡᠶ᠋ᠢ ᠱᠢᠪᠲᠤᠯᠵᠤ᠂ 400 ᠭᠠᠷᠤᠢ ᠬᠥᠮᠦᠨᠦ ᠦᠷᠡᠭ᠌ᠳᠡᠯᠢᠶᠡᠷ 6000 ᠭᠠᠷᠤᠢ ᠤᠯᠠᠨ ᠲᠦᠮᠡᠨᠢ ᠠᠪᠤᠷᠠᠪᠠ᠃
《ᠮᠠ ᠱ᠌ᠢ ᠱᠠᠨ ᠠᠭᠤᠯᠠᠨᠤ ᠠᠷᠪᠠᠨ ᠪᠠᠭᠠᠲᠤᠷ》ᠵᠡᠷᠭᠡ ᠥᠨᠢᠳᠡ ᠪᠠᠯᠠᠷᠠᠰᠢ ᠦᠭᠡᠢ ᠪᠠᠭᠠᠲᠤᠷ ᠴᠣᠯᠠ ᠨᠢ ᠠᠷᠠᠳᠤᠨ ᠴᠡᠷᠢᠭ ᠠᠩᠬᠢ ᠪᠣᠯᠤᠨ ᠠᠷᠠᠳ ᠤᠯᠠᠨᠤ ᠦᠬᠦᠵᠦ᠍ ᠰᠡᠭᠡᠬᠦ᠌ᠪᠡᠨ ᠬᠠᠮᠲᠤᠳᠭᠠᠭ᠍ᠰᠠᠨ ᠥᠨᠢᠳᠡᠶ᠋ᠢᠨ ᠬᠠᠢᠷᠠ ᠰᠡᠳᠭᠢᠯᠭᠡᠶ᠋ᠢ ᠠᠴᠢᠶᠠᠯᠠᠵᠤ ᠪᠠᠢᠳᠠᠭ᠃
ᠴᠡᠷᠢᠭ ᠠᠷᠠᠳ ᠨᠢᠭᠡ ᠯᠡ ᠬᠥᠮᠥᠨ ᠮᠡᠲᠦ ᠪᠦᠯᠬᠦᠮᠳᠡᠪᠡᠰᠦ᠂ ᠲᠡᠭᠷᠢ ᠵᠢᠨ ᠳᠤᠤᠷᠠ ᠬᠠᠯᠳᠠᠨ ᠳᠠᠢᠰᠤᠩᠨᠠᠬᠤ ᠵᠢᠷᠦᠬᠡ ᠠᠯᠠᠭᠠ᠃ ᠠᠷᠠᠳ ᠲᠦᠮᠡᠨ ᠪᠣᠯ ᠴᠡᠷᠢᠭ ᠠᠩᠭᠢᠶᠢᠨ ᠬᠠᠮᠤᠭᠤᠨ ᠪᠠᠲᠤ ᠪᠡᠬᠢ ᠲᠦᠰᠢᠭ ᠲᠤᠯᠭᠠᠭᠤᠷᠢ᠂ ᠲᠠᠢ᠍ᠢᠨᠦ ᠬᠠᠮᠤᠭᠤᠨ ᠭᠦᠨ ᠵᠤᠵᠠᠭᠠᠨ ᠠᠤᠭᠠ ᠬᠦᠴᠦᠨ ᠮᠥᠨ ᠭᠡᠳᠡᠭᠢ ᠲᠡᠦᠬᠡ ᠮᠠᠷᠭᠤᠰᠢ ᠦᠭᠡᠢ ᠭᠡᠷᠡᠴᠢᠯᠡᠪᠡ᠃ ᠰᠢᠨᠡ ᠴᠠᠭ ᠦᠶᠡᠶᠢᠨ ᠴᠡᠷᠢᠭᠢ ᠬᠦᠴᠦᠷᠬᠡᠭᠵᠢᠭᠦᠯᠬᠦ ᠦᠢᠯᠡᠰ ᠨᠢ ᠡᠷᠬᠡᠪᠰᠢ ᠠᠷᠠᠳᠤᠨ ᠳᠠᠢ᠍ᠢᠨᠦ ᠪᠠᠢᠯᠳᠤᠬᠤ ᠪᠣᠳᠣᠯᠭᠠ ᠪᠠᠢᠯᠳᠤᠬᠤ ᠠᠷᠭᠠᠶᠢ ᠢᠮᠠᠭᠲᠠ ᠪᠠᠷᠢᠮᠲᠠᠯᠠᠵᠤ᠂ ᠠᠷᠠᠳ ᠤᠯᠠᠨ ᠯᠤᠭᠠᠶᠢᠨ ᠴᠢᠰᠤ ᠮᠢᠬᠠᠨᠤ ᠬᠠᠷᠢᠴᠠᠭᠠᠪᠠᠨ ᠪᠠᠲᠤᠯᠠᠵᠤ᠂ ᠥᠨᠢ ᠡᠭᠦᠷᠢᠳᠡ ᠠᠷᠠᠳ ᠲᠦᠮᠡᠨᠦ ᠬᠡᠦᠬᠡᠳ ᠳᠡᠭᠦᠦ ᠨᠠᠷ ᠴᠡᠷᠢᠭ ᠪᠣᠯᠬᠤ ᠬᠡᠷᠡᠭᠲᠡᠢ᠃ ᠡᠨᠡ ᠪᠣᠯ ᠶᠠᠫᠤᠨᠢ ᠡᠰᠡᠷᠭᠦᠴᠡᠬᠦ ᠲᠠᠢ᠍ᠢᠨᠦ ᠢᠯᠠᠯᠲᠠᠡᠴᠡ ᠪᠢᠳᠡᠨᠳᠦ ᠦᠯᠡᠳᠡᠭᠡᠵᠦ ᠥᠭᠭᠦᠭᠰᠡᠨ ᠴᠢᠬᠤᠯᠠ ᠰᠡᠩᠬᠡᠷᠡᠭᠦᠯᠦᠯ ᠮᠥᠨ᠂ ᠪᠠᠰᠠ ᠴᠤ᠌ ᠠᠷᠠᠳᠤᠨ ᠴᠡᠷᠢᠭ ᠠᠩᠭᠢᠶᠢᠨ ᠠᠮᠢ ᠠᠮᠢᠵᠢᠷᠠᠯᠡᠷᠴᠢ ᠬᠦᠴᠦᠨᠢᠶᠡᠨ ᠡᠭᠦᠷᠢᠳᠡ ᠬᠠᠳᠠᠭᠠᠯᠠᠬᠤᠶᠢᠨ ᠵᠠᠩᠭᠢᠯᠠᠭᠠ ᠮᠥᠨ᠃
ᠶᠠᠭ ᠲᠡᠷᠢᠭᠦᠯᠡᠭᠴᠢ ᠰᠢᠶᠢᠨ ᠫᠢᠩᠤᠨ ᠴᠢᠬᠤᠯᠠᠴᠢᠯᠠᠭᠰᠠᠨᠴᠢᠯᠠᠨ᠄《ᠢᠮᠠᠭᠲᠠ ᠠᠷᠠᠳ ᠲᠦᠮᠡᠨᠦ ᠵᠣᠭᠰᠣᠯᠲᠠ ᠳᠡᠭᠡᠷᠡ ᠵᠣᠭᠰᠣᠵᠤ᠂ ᠬᠠᠮᠤᠭᠤᠨ ᠥᠷᠭᠡᠨ ᠤᠯᠠᠨ ᠠᠷᠠᠳ ᠲᠦᠮᠡᠨᠦ ᠴᠢᠩ ᠰᠡᠳᠬᠢᠯᠦᠨ ᠬᠦᠷᠢᠶᠡᠯᠡᠯᠢ ᠣᠯᠳᠠᠭ ᠯᠠ ᠶᠤᠮ ᠪᠣᠯ ᠳᠠᠷᠤᠢ ᠰᠡᠳᠬᠢᠯ ᠨᠢᠭᠡᠳᠦᠨ ᠬᠦᠴᠦᠪᠡᠨ ᠬᠠᠮᠲᠤᠳᠬᠠᠭᠰᠠᠨ ᠪᠣᠯᠣᠳ ᠬᠡᠷᠡᠮ ᠲᠡᠮᠦᠷ ᠬᠠᠨᠠᠶᠢ ᠴᠣᠭᠴᠠᠯᠠᠨ ᠪᠠᠢᠭᠤᠯᠵᠤ ᠴᠢᠳᠠᠨᠠ》᠃
ᠵᠤᠷᠢᠭ ᠰᠢᠭᠤᠳᠤᠨ ᠲᠡᠷᠢᠭᠦᠨᠤ ᠬᠢ ᠪᠤᠯᠬᠤ ᠪᠡᠷ ᠴᠢᠷᠮᠠᠢᠪᠠ᠄ ᠥᠪᠡᠷᠦᠨ ᠪᠡᠶᠡᠳᠡᠭᠡᠨ ᠬᠤᠪᠢᠰᠬᠠᠯ ᠬᠢᠵᠦ ᠰᠢᠨᠡᠶᠢ ᠨᠡᠬᠡᠭᠡᠨ ᠬᠦᠴᠦᠷᠬᠡᠭᠵᠢᠨᠠ
ᠴᠡᠷᠢᠭᠦᠨ ᠶᠠᠪᠤᠳᠠᠯᠤᠨ ᠰᠠᠨᠰᠠᠷᠤᠨ ᠠᠶᠠᠯᠠᠯᠤᠨ ᠴᠡᠷᠢᠭ ᠠᠩᠭᠢᠶᠢᠨ ᠵᠢᠭ᠍ᠰᠠᠭᠠᠯᠤᠨ ᠡᠨᠭᠨᠡᠭᠡ ᠠᠩᠬᠠ ᠤᠳᠠᠭᠠ ᠪᠠᠢᠯᠳᠤᠬᠤ ᠪᠣᠳᠣᠯᠭᠠᠶᠢᠨ ᠲᠦᠷᠦᠯᠦᠨ ᠴᠡᠷᠢᠭᠦᠨ ᠨᠡᠷᠡᠪᠡᠷ ᠰᠢᠯᠭᠠᠨ ᠦᠵᠡᠬᠦᠶᠢ ᠬᠦᠯᠢᠶᠡᠵᠦ᠂ ᠰᠦᠯᠵᠢᠶᠡᠨᠤᠷᠤᠨ ᠵᠠᠢᠶᠢᠨ ᠴᠡᠷᠢᠭ ᠠᠩᠭᠢᠶᠢᠨ ᠵᠢᠭ᠍ᠰᠠᠭᠠᠯᠤᠨ ᠡᠨᠭᠨᠡᠭᠡ ᠠᠩᠬᠠ ᠤᠳᠠᠭᠠ ᠰᠢᠯᠭᠠᠨ ᠦᠵᠡᠬᠦᠶᠢ ᠬᠦᠯᠢᠶᠡᠵᠦ᠂ ᠮᠡᠳᠡᠭᠡ ᠵᠠᠩᠭᠢ ᠵᠢᠨ ᠲᠤᠰᠠᠯᠠᠬᠤ ᠴᠡᠷᠢᠭ ᠠᠩᠭᠢᠶᠢᠨ ᠵᠢᠭ᠍ᠰᠠᠭᠠᠯᠤᠨ ᠡᠨᠭᠨᠡᠭᠡ ᠠᠩᠬᠠ ᠤᠳᠠᠭᠠ ᠲᠢᠶᠠᠨ ᠠᠨ ᠮᠸᠨ ᠲᠠᠯᠠᠪᠠᠢᠳᠤ ᠢᠯᠡᠷᠡᠪᠡ ᠁ 3 ᠤ᠋ ᠦᠳᠡᠶᠢᠨ ᠡᠮᠦᠨᠡ᠂ 《4 ᠴᠡᠷᠢᠭᠦᠨ ᠲᠦᠷᠦᠯ + 4 ᠴᠡᠷᠢᠭᠦᠨ ᠮᠡᠷᠭᠡᠵᠢᠯᠤᠨ ᠲᠦᠷᠦᠯ》ᠤ᠋ᠨ ᠰᠢᠨᠡ ᠬᠡᠯᠪᠡᠷᠢᠶᠢᠨ ᠴᠡᠷᠢᠭᠦᠨ ᠲᠦᠷᠦᠯᠦᠨ ᠪᠦᠲᠦᠴᠡᠶᠢᠨ ᠪᠠᠢᠷᠢᠰᠢᠭᠤᠯᠤᠯᠲᠠ ᠠᠩᠬᠠ ᠤᠳᠠᠭᠠ ᠬᠠᠮᠲᠤ ᠪᠠᠷ ᠰᠢᠯᠭᠠᠨ ᠦᠵᠡᠬᠦᠶᠢ ᠬᠦᠯᠢᠶᠡᠪᠡ᠃
《ᠳ᠋ᠦᠩ ᠹᠸᠩ — 5C》 ᠰᠢᠩᠭᠡᠨ ᠲᠦᠯᠦᠪᠳᠦ ᠲᠢᠪ ᠠᠯᠤᠰᠯᠠᠨ ᠬᠠᠷᠪᠤᠬᠤ ᠪᠠᠢᠯᠳᠤᠬᠤ ᠪᠣᠳᠣᠯᠭᠠᠶᠢᠨ ᠴᠥᠮᠡᠶᠢᠨ ᠵᠠᠯᠠᠭᠤᠷᠲᠤ ᠰᠤᠮᠤ ᠬᠠᠮᠤᠭᠤᠨ ᠰᠡᠭᠦᠯᠳᠦᠲᠠᠯᠠᠪᠠᠢᠳᠤ ᠭᠠᠷᠴᠦ᠂ 《ᠬᠠᠷᠪᠤᠯᠳᠠ ᠵᠢᠨ ᠬᠦᠷᠢᠶᠡ ᠬᠡᠪᠴᠢᠶᠡ ᠪᠦᠬᠦ ᠪᠥᠮᠪᠥᠷᠴᠡᠭᠢ ᠪᠦᠷᠬᠦᠪᠡ》 ᠭᠡᠬᠦ ᠲᠣᠪᠴᠢ ᠲᠣᠳᠣᠷᠬᠠᠢᠯᠠᠯᠲᠠ ᠨᠢ ᠲᠤᠬᠠᠢᠶᠢᠨ ᠲᠠᠯᠠᠪᠠᠢᠳᠤ ᠠᠯᠠᠭᠠ ᠲᠡᠰᠢᠯᠲᠡᠶᠢᠨ ᠲᠠᠭᠤᠨ ᠬᠠᠩᠭᠢᠨᠠᠭᠤᠯᠪᠠ᠃
《ᠭᠡᠷᠡᠯᠤᠨ ᠮᠡᠰᠡ》᠂ 《ᠳᠠᠯᠠᠢ ᠵᠢ ᠲᠤᠭᠲᠠᠭᠠᠭᠴᠢ ᠬᠤᠪᠢᠯᠭᠠᠨ ᠮᠢᠨᠡ》᠂ ᠤᠯᠤᠰᠤᠨ ᠤᠭᠲᠠᠷᠭᠤᠢ ᠰᠠᠨᠰᠠᠷᠤᠨ ᠠᠮᠤᠷ ᠲᠦᠪᠰᠢᠨᠢ ᠰᠠᠬᠢᠨ ᠪᠠᠷᠠᠯᠠᠭᠰᠠᠨ《ᠮᠢᠩᠭᠠᠨ ᠭᠠᠵᠠᠷᠢ ᠪᠠᠷᠠᠯᠠᠭᠴᠢ》᠂ ᠤᠯᠠᠨ ᠬᠦᠷᠢᠶᠡᠨᠳᠦ ᠰᠦᠷᠳᠡᠭᠦᠯᠦᠨ ᠪᠠᠢᠯᠳᠤᠵᠤ ᠢᠯᠠᠯᠲᠠ ᠣᠯᠬᠤ《ᠪᠡᠯᠴᠢᠷ ᠳᠠᠷᠤᠭᠴᠢ》ᠬᠤᠷᠴᠠ ᠵᠡᠪᠰᠡᠭ᠂ ᠦᠨᠳᠦᠰᠦᠲᠡᠨᠦ ᠨᠡᠷᠡ ᠬᠦᠨᠳᠦᠶᠢ ᠬᠠᠮᠠᠭᠠᠯᠠᠬᠤ ᠪᠠᠢᠯᠳᠤᠬᠤ ᠪᠣᠳᠣᠯᠭᠠᠶᠢᠨ《ᠮᠠᠨᠭᠯᠠᠢᠯᠠᠭᠴᠢ》᠁ ᠣᠯᠠᠩᠬᠢ ᠲᠣᠭᠠᠨᠤ ᠰᠢᠯᠭᠠᠨ ᠦᠵᠡᠬᠦ ᠵᠢ ᠬᠦᠯᠢᠶᠡᠭᠰᠡᠨ ᠵᠡᠪᠰᠡᠭ ᠲᠣᠨᠣᠭᠯᠠᠯᠢ ᠠᠩᠬᠠ ᠤᠳᠠᠭᠠ ᠳᠡᠯᠭᠡᠨ ᠦᠵᠡᠭᠦᠯᠵᠦ᠂ ᠴᠥᠭᠡᠨ ᠪᠤᠰᠤ ᠰᠦᠯᠵᠢᠶᠡᠨ ᠠᠨᠳᠠ ᠨᠠᠷ 《ᠴᠡᠷᠢᠭᠦᠨ ᠬᠤᠷᠤᠬᠠᠢ᠍ᠢᠲᠠᠨ》ᠪᠠᠢᠭᠰᠠᠨ ᠡᠴᠡ ᠪᠡᠨ《ᠴᠡᠷᠢᠭᠦᠨ ᠪᠠᠯᠠᠢ》ᠪᠤᠯᠤᠭᠰᠠᠨ ᠭᠡᠵᠤ ᠦᠪᠡᠷᠢ ᠪᠡᠨ ᠱᠤᠤᠯᠠᠵᠤ ᠪᠠᠢᠯᠠ᠃
ᠠᠷᠠᠳᠤᠨ ᠴᠡᠷᠢᠭ ᠠᠩᠭᠢᠶᠢᠨ ᠴᠡᠷᠢᠭ ᠪᠠᠢᠭᠤᠯᠤᠭᠳᠠᠭᠰᠠᠨ ᠵᠠᠭᠤᠨ ᠵᠢᠯᠦᠨ ᠤᠢ ᠵᠦᠭ ᠡᠷᠡᠮᠡᠭᠡᠢᠯᠡᠨ ᠤᠷᠤᠭᠰᠢᠯᠠᠬᠤ ᠴᠤ ᠰᠢᠨᠡ ᠳᠦᠷᠢ ᠲᠥᠷᠬᠦ ᠨᠢ ᠴᠡᠷᠢᠭᠢ ᠬᠦᠴᠦᠷᠬᠡᠭᠵᠢᠭᠦᠯᠦᠭᠰᠡᠨ ᠠᠷᠪᠠᠨ ᠵᠢᠯᠦᠨ ᠵᠢᠳᠬᠦᠯ ᠴᠢᠷᠮᠠᠢᠯᠭᠠ᠂ ᠰᠢᠨᠡ ᠳᠠᠪᠰᠢᠯᠲᠡᠡᠴᠡ ᠢᠷᠡᠯᠲᠡᠲᠠᠢ ᠶᠤᠮ᠃
ᠠᠷᠪᠠᠨ ᠵᠢᠯ ᠦᠨ ᠡᠮᠦᠨᠡ᠂ 2015 ᠣᠨᠤ ᠢᠯᠠᠯᠲᠠᠶᠢᠨ ᠡᠳᠦᠷᠦᠨ ᠴᠡᠷᠢᠭ ᠠᠨᠭᠭᠢ ᠵᠢ ᠰᠢᠯᠭᠠᠨ ᠦᠵᠡᠬᠦ ᠶᠣᠰᠣᠯᠠᠯ ᠨᠢ ᠮᠥᠨ ᠴᠦ᠍ ᠶᠡᠬᠡᠮᠰᠦᠭ ᠰᠦᠷᠯᠢᠭ ᠲᠢᠶᠠᠨ ᠠᠨ ᠮᠧᠨ ᠠᠰᠠᠷᠲᠤ ᠶᠠᠪᠤᠭᠳᠠᠵᠤ᠂ ᠲᠡᠷᠢᠭᠦᠯᠡᠭᠴᠢ ᠰᠢᠶᠢᠨ ᠫᠢᠩ ᠳᠡᠯᠡᠬᠡᠢ ᠳ᠋ᠠᠬᠢᠨᠳᠤ᠄ ᠳᠤᠮᠳᠠᠳᠤ ᠤᠯᠤᠰ ᠴᠡᠷᠢᠭ ᠠᠩᠭᠢᠶᠢᠨ ᠬᠥᠮᠥᠨᠦ ᠲᠣᠭᠠ ᠵᠢ 30 ᠲᠦᠮᠡ ᠬᠠᠰᠤᠨᠠ ᠭᠡᠵᠦ ᠵᠠᠷᠯᠠᠵᠠᠢ᠃
ᠠᠷᠠᠳ ᠤᠨ ᠴᠡᠷᠢᠭ ᠠᠩᠭᠢ ᠶᠡᠷᠦᠩᠬᠡᠢ ᠵᠢᠯᠣᠭᠣᠳᠤᠭ᠍ᠴᠢᠶᠢᠨ ᠵᠢᠷᠤᠭᠯᠠᠯᠢᠶᠠᠷ᠂ ᠬᠤᠪᠢᠰᠴᠦ ᠬᠦᠴᠦᠷᠬᠡᠭᠵᠢᠬᠦ ᠰᠢᠨᠡ ᠴᠠᠭ ᠦᠶᠡᠶᠢ ᠨᠡᠭᠡᠭᠡᠪᠡ᠃
ᠠᠷᠪᠠᠨ ᠵᠢᠯᠦᠨ ᠬᠤᠭᠤᠴᠠᠭᠠᠨᠳᠤ᠂ ᠨᠠᠮᠤᠨ ᠲᠥᠪ ᠬᠣᠷᠢᠶᠠ᠂ ᠲᠥᠪᠦᠨ ᠴᠡᠷᠢᠭᠦᠨ ᠶᠠᠪᠤᠳᠠᠯᠤᠨ ᠬᠣᠷᠢᠶᠠ ᠪᠠ ᠲᠡᠷᠢᠭᠦᠯᠡᠭᠴᠢ ᠰᠢᠶᠢᠨ ᠫᠢᠩ ᠤᠷᠢᠳ ᠡᠮᠦᠨᠡ ᠪᠠᠢᠭᠠ ᠦᠭᠡᠢ ᠡᠷᠡᠰ ᠵᠣᠷᠢᠭ᠋ ᠪᠠ ᠬᠦᠴᠦᠯᠡᠴᠡ ᠪᠡᠷ ᠰᠢᠨᠡ ᠳᠤᠮᠳᠠᠳᠤ ᠤᠯᠤᠰ ᠪᠠᠢᠭᠤᠯᠤᠭᠳᠠᠭᠰᠠᠨᠡᠴᠡ ᠨᠠᠭᠠᠰᠢᠬᠢ ᠬᠠᠮᠤᠭᠤᠨ ᠥᠷᠭᠡᠨ ᠳᠡᠯᠭᠡᠷ᠂ ᠬᠠᠮᠤᠭᠤᠨ ᠭᠦᠨ ᠭᠦᠨᠵᠡᠭᠡᠢ ᠤᠯᠤᠰᠤᠨ ᠪᠠᠲᠤᠯᠠᠨ ᠬᠠᠮᠠᠭᠠᠯᠠᠯᠲᠠ ᠪᠠ ᠴᠡᠷᠢᠭ ᠠᠩᠭᠢᠶᠢᠨ ᠥᠭᠡᠷᠡᠴᠢᠯᠡᠯᠲᠡᠶᠢ ᠤᠳᠤᠷᠢᠳᠤᠨ ᠥᠷᠨᠢᠭᠦᠯᠵᠡᠢ᠃
ᠰᠢᠨᠡ ᠴᠠᠭ ᠦᠶᠡᠶᠢᠨ ᠴᠡᠷᠢᠭᠢ ᠬᠦᠴᠦᠷᠬᠡᠭᠵᠢᠭᠦᠯᠬᠦ ᠦᠢᠯᠡᠰ ᠲᠡᠦᠬᠡᠲᠦ ᠴᠢᠨᠠᠷᠲᠠᠢ ᠠᠮᠵᠢᠯᠲᠠ ᠣᠯᠵᠤ᠂ ᠲᠡᠦᠬᠡᠲᠦ ᠴᠢᠨᠠᠷᠲᠠᠢ ᠬᠤᠪᠢᠰᠤᠯᠲᠠ ᠭᠠᠷᠤᠭᠰᠠᠨᠤ ᠬᠠᠮᠤᠭᠤᠨ ᠦᠨᠳᠦᠰᠦᠨ ᠵᠦᠢᠯ ᠪᠣᠯ ᠲᠡᠷᠢᠭᠦᠯᠡᠭᠴᠢ ᠰᠢᠶᠢᠨ ᠫᠢᠩ ᠵᠠᠮᠴᠢᠯᠠᠨ ᠵᠠᠯᠠᠭᠤᠷᠢ ᠪᠡᠷᠢᠵᠦ᠂ ᠰᠢᠶᠢᠨ ᠫᠢᠩᠤᠨ ᠴᠡᠷᠢᠭᠢ ᠬᠦᠴᠦᠷᠬᠡᠭᠵᠢᠭᠦᠯᠬᠦ ᠦᠵᠡᠯ ᠰᠠᠨᠠᠭᠠ ᠵᠢᠨ ᠰᠢᠨᠵᠢᠯᠡᠬᠦ ᠤᠬᠠᠭᠠᠨᠴᠢ ᠵᠢᠭᠠᠨ ᠵᠢᠯᠣᠭᠣᠳᠤᠯᠭᠠᠳᠤ ᠪᠤᠢ᠃
《ᠥᠭᠡᠷᠡᠴᠢᠯᠡᠯᠲᠡ ᠬᠢᠬᠦ ᠪᠣᠯ ᠴᠡᠷᠢᠭᠢ ᠬᠦᠴᠦᠷᠬᠡᠭᠵᠢᠭᠦᠯᠬᠦᠶᠢᠨ ᠵᠠᠢᠯᠠᠰᠢ ᠦᠭᠡᠢ ᠶᠠᠪᠤᠬᠤ ᠵᠠᠮ ᠮᠥᠨ᠂ ᠡᠷᠬᠡᠪᠰᠢ ᠴᠡᠷᠢᠭ ᠠᠩᠭᠢᠶᠢᠨ ᠵᠣᠬᠢᠶᠠᠨ ᠪᠠᠢᠭᠤᠯᠤᠯᠲᠠᠶᠢᠨ ᠬᠡᠯᠪᠡᠷᠢ ᠪᠠᠢᠳᠠᠯᠤᠨ ᠣᠳᠣᠬᠢᠴᠢᠯᠠᠯᠲᠠᠶᠢ ᠠᠬᠢᠭᠤᠯᠵᠤ᠂ ᠳᠤᠮᠳᠠᠳᠤ ᠤᠯᠤᠰᠤᠨ ᠣᠨᠴᠠᠯᠢᠭ᠋ ᠲᠡᠢ ᠣᠳᠣ᠌ ᠦᠶᠡᠶᠢᠨ ᠴᠡᠷᠢᠭᠦᠨ ᠶᠠᠪᠤᠳᠠᠯᠤᠨ ᠬᠦᠴᠦᠨᠦ ᠰᠢᠰᠲᠧᠮ ᠢ ᠪᠠᠢᠭᠤᠯᠵᠤ᠂ ᠳᠤᠮᠳᠠᠳᠤ ᠤᠯᠤᠰᠤᠨ ᠣᠨᠴᠠᠯᠢᠭ᠋ ᠲᠡᠢ ᠨᠡᠢᠭᠡᠮ ᠵᠢᠷᠤᠮᠤᠨ ᠴᠡᠷᠢᠭ ᠦᠨ ᠶᠠᠪᠤᠳᠠᠯᠤᠨ ᠪᠠᠢᠭᠤᠯᠤᠯᠢ ᠲᠡᠭᠦᠯᠳᠡᠷᠵᠢᠭᠦᠯᠬᠦ ᠬᠡᠷᠡᠭᠳᠡᠢ》᠃ ᠰᠢᠶᠢᠨ ᠫᠢᠩᠤᠨ ᠴᠡᠷᠢᠭ ᠢ ᠬᠦᠴᠦᠷᠬᠡᠭᠵᠢᠭᠦᠯᠬᠦ ᠦᠵᠡᠯ ᠰᠠᠨᠠᠭᠠ ᠭᠡᠬᠦ ᠡᠨᠡ ᠬᠦ᠌ ᠴᠢᠬᠤᠯᠠ ᠠᠭᠤᠯᠤᠭᠳᠠᠬᠤᠨ ᠨᠢ ᠴᠡᠷᠢᠭ ᠢ ᠬᠦᠴᠦᠷᠬᠡᠭᠵᠢᠭᠦᠯᠵᠦ ᠴᠡᠷᠢᠭᠢ ᠮᠠᠨᠳᠤᠭᠤᠯᠬᠤᠳᠤ ᠵᠠᠪᠠᠯ ᠶᠠᠪᠤᠬᠤ ᠵᠠᠮ ᠭᠡᠬᠦ ᠡᠨᠡ ᠬᠦ᠌ ᠴᠢᠬᠤᠯᠠ ᠶᠡᠬᠡ ᠠᠰᠠᠭᠤᠳᠠᠯᠢ ᠭᠦᠨᠵᠡᠭᠡᠢ ᠬᠠᠷᠢᠭᠤᠯᠵᠠᠢ᠃
ᠨᠠᠮᠤᠨ ᠠᠷᠪᠠᠨ ᠨᠠᠢ᠍ᠮᠠᠳᠤᠭᠠᠷ ᠶᠡᠬᠡ ᠬᠤᠷᠠᠯᠡᠴᠡ ᠨᠠᠭᠠᠰᠢ᠂ ᠤᠯᠤᠰᠤᠨ ᠪᠠᠲᠤᠯᠠᠨ ᠬᠠᠮᠠᠭᠠᠯᠠᠯᠲᠠ ᠪᠠ ᠴᠡᠷᠢᠭ ᠠᠩᠭᠢᠶᠢᠨ ᠥᠭᠡᠷᠡᠴᠢᠯᠡᠯᠲᠡᠶᠢ ᠭᠦᠨᠵᠡᠭᠡᠢᠷᠡᠭᠦᠯᠬᠦᠳᠦ ᠬᠡᠮᠵᠢᠶᠡ ᠵᠢ ᠪᠠᠲᠤᠲᠠᠢ ᠠᠳᠬᠤᠨ᠂ ᠦᠭᠡᠢᠰᠬᠡᠬᠦ ᠪᠠᠢᠭᠤᠯᠬᠤ ᠵᠢ ᠬᠤᠤᠰᠯᠠᠭᠤᠯᠤᠨ᠂ ᠲᠦᠷᠭᠡᠨ ᠪᠥᠭᠡᠳ ᠯᠠᠪᠳᠠᠭᠤᠨᠢᠶᠠᠷ ᠤᠷᠤᠭᠰᠢᠯᠠᠵᠤ᠂ ᠤᠳᠤᠷᠢᠳᠤᠨ ᠵᠢᠯᠤᠭᠣᠳᠬᠤ ᠪᠠᠢᠭᠤᠯᠤᠯᠤᠨ ᠥᠭᠡᠷᠡᠴᠢᠯᠡᠯᠲᠡ᠂ ᠬᠡᠪᠴᠢᠶᠡ ᠪᠦᠲᠦᠴᠡ ᠪᠠ ᠬᠦᠴᠦᠨᠦ ᠪᠦᠷᠢᠯᠳᠦᠯᠦᠨ ᠥᠭᠡᠷᠡᠴᠢᠯᠡᠯᠲᠡ᠂ ᠴᠡᠷᠢᠭᠦᠨ ᠶᠠᠪᠤᠳᠠᠯᠤᠨ ᠲᠦᠷᠦᠶᠢᠨ ᠪᠣᠳᠣᠯᠭᠠ ᠳᠦᠷᠢᠮᠦᠨ ᠥᠭᠡᠷᠡᠴᠢᠯᠡᠯᠲᠡ ᠭᠡᠬᠦ 《ᠭᠤᠷᠪᠠᠨ ᠶᠡᠬᠡ ᠳᠠᠢᠯᠠᠯᠳᠤᠭᠠᠨ》ᠢ᠋ ᠲᠥᠪᠯᠡᠷᠡᠭᠦᠯᠦᠨ ᠬᠢᠭᠰᠡᠨ ᠪᠠᠢᠨᠠ᠃ ᠮᠠᠨᠤ ᠴᠡᠷᠢᠭᠦᠨ ᠵᠣᠬᠢᠶᠠᠨ ᠪᠠᠢᠭᠤᠯᠤᠯᠲᠠᠶᠢᠨ ᠪᠦᠲᠦᠴᠡ ᠲᠡᠦᠬᠡᠲᠦ ᠴᠢᠨᠠᠷᠲᠠᠢ ᠬᠤᠪᠢᠰᠤᠯᠲᠠᠶᠢ ᠪᠡᠶᠡᠯᠡᠭᠦᠯᠵᠦ᠂ ᠬᠦᠴᠦᠨᠦ ᠰᠢᠰᠲᠧᠮ ᠬᠤᠪᠢᠰᠬᠠᠯᠴᠢ ᠴᠢᠨᠠᠷᠲᠠᠢ ᠲᠠᠬᠢᠨ ᠴᠣᠭᠴᠠᠯᠠᠭᠳᠠᠵᠤ᠂ ᠳᠤᠮᠳᠠᠳᠤ ᠤᠯᠤᠰᠤᠨ ᠣᠨᠴᠠᠯᠢᠭ᠋ ᠲᠡᠢ ᠨᠡᠢᠭᠡᠮ ᠵᠢᠷᠤᠮᠤᠨ ᠴᠡᠷᠢᠭᠦᠨ ᠶᠠᠪᠤᠳᠠᠯᠤᠨ ᠲᠦᠷᠦᠶᠢᠨ ᠪᠣᠳᠣᠯᠭᠠᠶᠢᠨ ᠳᠦᠷᠢᠮᠦᠨ ᠰᠢᠰᠲᠧᠮᠦᠨ ᠦᠨᠳᠦᠰᠦᠨ ᠪᠣᠷᠣ᠌ ᠲᠥᠯᠥᠪ ᠴᠣᠭᠴᠠᠯᠠᠨ ᠪᠠᠢᠭᠤᠯᠤᠭᠳᠠᠵᠤ᠂ ᠮᠠᠨᠤ ᠴᠡᠷᠢᠭᠦᠨ ᠪᠠᠢᠭᠤᠯᠤᠮᠵᠢ ᠰᠢᠨᠡᠳᠤᠨ᠂ ᠪᠦᠲᠦᠴᠡ ᠰᠢᠨᠡᠳᠴᠦ᠂ ᠪᠠᠢᠷᠢᠰᠢᠯ ᠰᠢᠨᠡᠳᠦᠨ᠂ ᠳᠦᠷᠰᠦ ᠪᠠᠢᠳᠠᠯ ᠰᠢᠨᠡᠳᠪᠡ᠃
ᠭᠠᠭᠴᠠ ᠬᠦ᠌ ᠥᠭᠡᠷᠡᠴᠢᠯᠡᠯᠲᠡ ᠬᠢᠭᠰᠡᠳ ᠤᠷᠤᠭᠰᠢᠯᠠᠵᠤ᠂ ᠭᠠᠭᠴᠠ ᠬᠦ᠌ ᠰᠢᠨᠡᠶᠢ ᠡᠭᠦᠳᠦᠭᠴᠢᠳ ᠬᠦᠴᠦᠷᠬᠡᠭᠵᠢᠨᠡ᠃ ᠠᠷᠠᠳᠤᠨ ᠴᠡᠷᠢᠭ ᠠᠩᠭᠢᠶᠢᠨ ᠬᠦᠴᠦᠨ ᠴᠢᠳᠠᠯ ᠨᠢ ᠥᠭᠡᠷᠡᠴᠢᠯᠡᠯᠲᠡ ᠬᠢᠵᠦ ᠰᠢᠨᠡᠶᠢ ᠡᠭᠦᠳᠬᠦᠡᠴᠡ ᠢᠷᠡᠳᠡᠭ᠂ ᠠᠷᠠᠳᠤᠨ ᠴᠡᠷᠢᠭ ᠠᠩᠭᠢᠶᠢᠨ ᠢᠯᠠᠯᠲᠠ ᠨᠢ ᠥᠭᠡᠷᠡᠴᠢᠯᠡᠯᠲᠡ ᠬᠢᠵᠦ ᠰᠢᠨᠡᠶᠢ ᠡᠭᠦᠳᠬᠦᠡᠴᠡ ᠢᠷᠡᠳᠡᠭ᠃
8 ᠲᠦᠮᠡᠨ ᠡᠩᠬᠡ ᠲᠠᠢᠪᠤᠩᠤᠨ ᠲᠠᠭᠲᠠᠭᠠ ᠵᠢᠭᠦᠷᠢᠶᠡᠨ ᠳᠡᠯᠭᠡᠨ ᠥᠨᠳᠥᠷᠲᠦ ᠨᠢᠰᠴᠦ᠂ 8 ᠲᠦᠮᠡᠨ ᠬᠡᠢᠲᠦ ᠪᠥᠮᠪᠥᠭᠡ ᠣᠭᠲᠠᠷᠭᠤᠢᠳᠤ ᠬᠦᠭᠡᠷᠦᠨ ᠳᠡᠭᠳᠡᠪᠡ ᠁
ᠳᠤᠮᠳᠠᠳᠤ ᠤᠯᠤᠰᠤᠨ ᠠᠷᠠᠳ ᠲᠦᠮᠡᠨ ᠦᠨᠳᠦᠰᠦᠲᠡᠨᠦ ᠲᠤᠰᠠᠭᠠᠷ ᠲᠣᠭᠲᠠᠨᠢᠯ ᠪᠠ ᠠᠷᠠᠳ ᠲᠦᠮᠡᠨᠦ ᠴᠢᠯᠦᠭᠡᠯᠡᠯᠲᠡᠶᠢ ᠪᠡᠶᠡᠯᠡᠭᠦᠯᠬᠦᠳᠦ ᠨᠢᠭᠡᠨ ᠰᠠᠯᠠᠭᠠ ᠪᠠᠭᠠᠲᠤᠷᠯᠢᠭ᠋ ᠠᠷᠠᠳᠤᠨ ᠴᠡᠷᠢᠭ ᠠᠨᠭᠬᠢᠳᠦ ᠲᠦᠰᠢᠭᠯᠡᠨᠡ；
ᠳᠤᠮᠳᠠᠳᠤᠶᠢᠨ ᠦᠨᠳᠦᠰᠦᠲᠡᠨ ᠠᠭᠤᠤ ᠶᠡᠬᠡ ᠰᠡᠷᠭᠦᠨ ᠮᠠᠨᠳᠤᠯᠲᠠᠶᠢ ᠪᠡᠶᠡᠯᠡᠭᠦᠯᠬᠦᠳᠦ ᠡᠷᠬᠡᠪᠰᠢ ᠠᠷᠠᠳᠤᠨ ᠴᠡᠷᠢᠭ ᠠᠩᠭᠢᠶᠢ ᠳᠡᠯᠡᠬᠡᠢᠶᠢᠨ ᠲᠡᠷᠢᠭᠦᠨ ᠵᠡᠷᠭᠡᠶᠢᠨ ᠴᠡᠷᠢᠭ ᠠᠩᠭᠢ ᠪᠣᠯᠭᠠᠨ ᠪᠦᠲᠦᠭᠡᠨ ᠪᠠᠶ᠋ᠢᠭᠤᠯᠬᠤᠶᠢ ᠲᠦᠷᠭᠡᠳᠬᠡᠬᠦ ᠬᠡᠷᠡᠭᠲᠡᠢ；
ᠡᠯᠡ ᠤᠯᠤᠰᠤᠨ ᠠᠷᠠᠳ ᠲᠦᠮᠡᠨ ᠭᠠᠷ ᠭᠠᠷᠢᠶᠠᠨ ᠬᠣᠯᠪᠣᠯᠴᠠᠨ ᠬᠥᠮᠥᠨ ᠲᠥᠷᠥᠯᠬᠢᠲᠡᠨᠦ ᠬᠤᠪᠢ ᠵᠠᠶᠠᠭᠠᠨᠤ ᠬᠠᠮᠲᠤᠶᠢᠨ ᠴᠣᠭᠴᠠᠶᠢ ᠪᠠᠢᠭᠤᠯᠵᠤ᠂ ᠳᠡᠯᠡᠬᠡᠢᠶᠢᠨ ᠡᠩᠬᠡ ᠲᠠᠢᠪᠤᠩ ᠪᠣᠯᠣᠨ ᠬᠥᠭᠵᠢᠯᠲᠡᠳᠦ ᠨᠡᠩ ᠶᠡᠬᠡ ᠬᠤᠪᠢ ᠨᠡᠮᠡᠷᠢ ᠦᠵᠡᠭᠦᠯᠬᠦ ᠨᠢᠭᠡᠨ ᠭᠤᠤᠯᠯᠠᠭᠴᠢ ᠬᠦᠴᠦᠨᠢ ᠤᠷᠢᠶᠠᠯᠠᠨ ᠳᠠᠭᠤᠳᠠᠵᠤ ᠪᠠᠢᠨᠠ᠃
ᠴᠡᠷᠢᠭᠦᠨ ᠲᠤᠭ ᠢᠷᠡᠭᠡᠳᠦᠢ ᠵᠦᠭ ᠨᠠᠮᠢᠷᠠᠭᠰᠠᠭᠠᠷ᠃ ᠳᠡᠯᠡᠬᠡᠢᠶᠢᠨ ᠲᠡᠷᠢᠭᠦᠨᠤ ᠲᠡᠢᠰᠢ ᠤᠷᠤᠭᠰᠢᠯᠠᠨ ᠳᠠᠪᠰᠢᠭᠰᠠᠨ ᠡᠨᠡ ᠬᠦ᠌ ᠴᠡᠷᠢᠭ ᠠᠩᠭᠢ ᠢᠯᠠᠯᠲᠠᠡᠴᠡ ᠰᠢᠨᠡ ᠢᠯᠠᠯᠲᠠ ᠵᠦᠭ ᠦᠷᠭᠦᠯᠵᠢᠯᠡᠨ ᠤᠷᠤᠭᠰᠢᠯᠠᠭᠰᠠᠭᠠᠷ！
（ᠱᠢᠨᠬᠤᠸᠠ ᠬᠤᠷᠢᠶᠠ ᠵᠢᠨ ᠪᠡᠭᠡᠵᠢᠩᠦᠨ 9 ᠰᠠᠷᠠᠶ᠋ᠢᠨ 12 ᠤ᠋ᠨ ᠴᠠᠬᠢᠯᠭᠠᠨ ᠮᠡᠳᠡᠭᠡ）