ᠹᠦᠵᠢᠶᠠᠨ ᠮᠤᠵᠢᠶᠢᠨ ᠯᠦᠩ ᠶᠠᠨ ᠬᠣᠲᠠᠶᠢᠨ ᠴᠠᠩ ᠲᠢᠩ ᠰᠢᠶᠠᠨᠤ ᠵᠦᠸᠸ ᠲᠢᠶᠠᠨ ᠪᠠᠯᠭᠠᠰᠤᠨᠤ ᠯᠦ᠍ ᠲᠠᠨ ᠲᠣᠰᠬᠣᠨᠳᠤ᠂ ᠨᠢᠭᠡᠨ ᠬᠥᠬᠡ ᠲᠣᠭᠣᠰᠬᠠ ᠬᠠᠷᠠ ᠸᠠᠭᠠᠷᠵᠢᠡᠷ ᠪᠠᠷᠢᠭᠰᠠᠨ ᠡᠷᠲᠡᠨᠦ ᠠᠷᠠᠳᠤᠨ ᠣᠷᠣᠨ ᠰᠠᠭᠤᠴᠠ ᠪᠠᠢᠷᠢᠯᠠᠵᠤ᠂ ᠬᠡᠷᠡᠮ ᠳᠡᠭᠡᠷᠡᠬᠢ ᠤᠯᠠᠭᠠᠨ ᠦᠰᠦᠭᠲᠦ ᠤᠷᠢᠶᠠ ᠨᠢ ᠮᠥᠨ ᠬᠦ᠌ ᠲᠣᠳᠣᠬᠠᠨ ᠬᠠᠷᠠᠭᠳᠠᠨᠠ᠃ ᠡᠨᠡ ᠪᠣᠯ ᠮᠠᠨᠤ ᠴᠡᠷᠢᠭᠦᠨ ᠮᠣᠷᠢᠲᠤ ᠴᠡᠷᠢᠭ ᠠᠩᠭᠢᠶᠢᠨ ᠡᠷᠲᠡ ᠦᠶᠡᠶᠢᠨ ᠡᠭᠦᠰᠬᠡᠨ ᠪᠠᠢᠭᠤᠯᠤᠭ᠍ᠴᠢᠶᠢᠨ ᠨᠢᠭᠡ᠂ ᠱᠠᠨ ᠰᠢ ᠴᠠᠬᠠᠷ ᠡᡁᠸᠪᠸᠢᠵᠢᠨ ᠴᠡᠷᠢᠭᠤᠨ ᠲᠤᠭᠤᠷᠢᠭᠤᠨ ᠮᠤᠷᠢᠲᠤ ᠴᠡᠷᠢᠭᠤᠨ ᠬᠤᠷᠢᠶᠠᠵᠢᠨ ᠦᠷᠡᠭᠳᠡᠭᠰᠡᠨ ᠪᠠᠭᠠᠲᠤᠷ ᠯᠢᠦ ᠶᠦᠨ ᠪᠢᠶᠣᠣ ᠵᠢᠨ ᠬᠠᠭᠤᠴᠢᠨ ᠰᠠᠭᠤᠴᠠ ᠪᠣᠯᠣᠨᠠ᠃
ᠯᠢᠦ ᠶᠦᠨ ᠪᠢᠶᠣᠣ ᠯᠦ᠍ ᠲᠠᠨ ᠲᠣᠰᠬᠣᠨᠤ ᠨᠢᠭᠡᠨ ᠲᠠᠷᠢᠶᠠᠴᠢᠨᠤ ᠭᠡᠷ ᠪᠦᠯᠢᠳᠦ ᠳᠦᠷᠦᠵᠦ᠂ ᠡᠴᠢᠭᠡ ᠡᠬᠡ ᠨᠢ ᠲᠠᠷᠢᠶᠠ ᠲᠠᠷᠢᠵᠤ ᠠᠮᠢᠳᠤᠷᠠᠳᠠᠭ ᠪᠠᠢᠵᠠᠢ᠃ 1929 ᠣᠨᠡᠴᠡ 1931 ᠣᠨ ᠪᠣᠯᠲᠠᠯᠠ᠂ ᠯᠢᠦ ᠶᠦᠨ ᠪᠢᠶᠣᠣ ᠤᠷᠢᠳ ᠬᠣᠵᠢᠳ ᠪᠠᠭᠠᠴᠤᠳᠤᠨ ᠬᠣᠰᠢᠭᠤᠴᠢ ᠠᠩᠭᠢ᠂ ᠡᠪ ᠬᠠᠮᠲᠤ ᠵᠠᠯᠠᠭᠤᠴᠤᠳᠤᠨ ᠡᠪᠯᠡᠯ᠂ ᠳᠤᠮᠳᠠᠳᠤ ᠤᠯᠤᠰᠤᠨ ᠡᠪ ᠬᠠᠮᠲᠤ ᠨᠠᠮᠳᠤ ᠣᠷᠣᠭᠰᠠᠨ ᠪᠥᠭᠡᠳ ᠤᠯᠠᠭᠠᠨ ᠴᠡᠷᠢᠭᠲᠦ ᠣᠷᠣᠵᠤ᠂ ᠤᠯᠠᠭᠠᠨ 12 ᠳ᠋ᠤᠭᠠᠷ ᠠᠷᠮᠢᠶᠢᠨ 36 ᠳ᠋ᠤᠭᠠᠷ ᠳ᠋ᠢᠸᠢᠽᠢᠶᠢᠨ 108 ᠳ᠋ᠤᠭᠠᠷ ᠬᠤᠷᠢᠶᠠᠵᠢᠨ ᠲᠠᠩᠨᠠᠨ ᠪᠠᠢᠴᠠᠭᠠᠬᠤ ᠰᠠᠯᠠᠭᠠᠨ ᠳᠠᠷᠤᠭᠠ ᠵᠡᠷᠭᠡ ᠲᠤᠰᠢᠶᠠᠯᠢ ᠡᠭᠦᠷᠭᠡᠯᠡᠵᠦ ᠥᠩᠭᠡᠷᠡᠪᠡ᠃
ᠤᠷᠳᠤ ᠵᠠᠮᠤᠨ ᠠᠶᠠᠨ ᠲᠠᠢ᠍ᠢᠨ ᠡᠬᠢᠯᠡᠭᠰᠡᠨᠦ ᠲᠠᠷᠠᠭᠠ᠂ ᠯᠢᠦ ᠶᠦᠨ ᠪᠢᠶᠣᠣ ᠢᠯᠡᠷᠡᠯ ᠰᠠᠢᠨᠡᠴᠡ ᠪᠣᠯᠵᠤ᠂ ᠳ᠋ᠢᠸᠢᠽᠢᠶᠢᠨ ᠲᠠᠨᠭᠨᠠᠨ ᠪᠠᠢᠴᠠᠭᠠᠬᠤ ᠰᠤᠮᠤᠨᠤ ᠰᠤᠮᠤᠨ ᠳᠠᠷᠤᠭᠠᠶᠢᠨ ᠲᠤᠰᠢᠶᠠᠯᠢ ᠡᠭᠦᠷᠭᠡᠯᠡᠪᠡ᠃ 1935 ᠣᠨᠤ 9 ᠰᠠᠷᠠᠡᠴᠡ 1936 ᠣᠨᠤ ᠳᠤᠮᠳᠠᠴᠢ ᠪᠣᠯᠲᠠᠯᠠ᠂ ᠯᠢᠦ ᠶᠦᠨ ᠪᠢᠶᠣᠣ ᠤᠷᠢᠳ ᠬᠣᠵᠢᠳ ᠤᠯᠠᠭᠠᠨ ᠴᠡᠷᠢᠭᠦᠨ ᠨᠢᠭᠡᠳᠦᠭᠡᠷ ᠲᠠᠯᠠᠵᠢᠨ ᠴᠡᠷᠢᠭᠦᠨ ᠨᠢᠭᠡᠳᠦᠭᠡᠷ ᠨᠢᠭᠡᠳᠬᠡᠯ ᠠᠷᠮᠢᠶᠢᠨ ᠰᠢᠭᠤᠳ ᠬᠠᠷᠢᠶᠠ ᠲᠠᠩᠨᠠᠨ ᠪᠠᠢᠴᠠᠭᠠᠬᠤ ᠰᠤᠮᠤᠨᠤ ᠳᠡᠳ᠋ ᠰᠤᠮᠤᠨ ᠳᠠᠷᠤᠭᠠ᠂ ᠮᠣᠷᠢᠲᠤ ᠴᠡᠷᠢᠭᠦᠨ ᠲᠠᠩᠨᠠᠨ ᠪᠠᠢᠴᠠᠭᠠᠬᠤ ᠰᠤᠮᠤᠨᠤ ᠰᠤᠮᠤᠨ ᠳᠠᠷᠤᠭᠠ ᠵᠡᠷᠭᠡ ᠲᠤᠰᠢᠶᠠᠯᠢ ᠬᠠᠷᠢᠭᠤᠴᠠᠪᠠ᠃ ᠡᠨᠡ ᠬᠣᠭᠣᠷᠣᠨᠳᠤ᠂ ᠲᠡᠷᠡ ᠪᠠᠢᠯᠳᠤᠭᠠᠨᠤ ᠳᠤᠮᠳᠠ ᠤᠳᠠᠭᠠ ᠳᠠᠷᠠᠭᠠᠯᠠᠨ ᠭᠠᠪᠢᠶᠠ ᠪᠠᠢᠭᠤᠯᠪᠠ᠃
1936 ᠣᠨᠳᠤ᠂ ᠤᠯᠠᠭᠠᠨ ᠴᠡᠷᠢᠭ ᠪᠦᠦ ᠠᠨ ᠰᠢᠶᠠᠨ （ᠤᠳᠤᠶᠢᠨ ᠱᠠᠨᠰᠢ ᠮᠤᠵᠢᠶᠢᠨ ᠶᠠᠨ ᠠᠨ ᠬᠤᠳᠠᠶᠢᠨ ᡁᠢ ᠳ᠋ᠠᠨ ᠰᠢᠶᠠᠨ） ᠳ᠋ᠤ᠌ ᠤᠯᠠᠭᠠᠨ ᠴᠡᠷᠢᠭᠦᠨ ᠨᠢᠭᠡᠳᠦᠭᠡᠷ ᠲᠠᠯᠠᠵᠢᠨ ᠴᠡᠷᠢᠭᠦᠨ ᠨᠢᠭᠡᠳᠦᠭᠡᠷ ᠮᠣᠷᠢᠲᠤ ᠴᠡᠷᠢᠭᠦᠨ ᠬᠣᠷᠢᠶᠠᠶᠢ ᠪᠠᠢᠭᠤᠯᠵᠤ᠂ ᠯᠢᠦ ᠶᠦᠨ ᠪᠢᠶᠣᠣ ᠬᠣᠷᠢᠶᠠᠨ ᠳᠠᠷᠤᠭᠠᠶᠢᠨ ᠲᠤᠰᠢᠶᠠᠯᠢ ᠬᠠᠷᠢᠭᠤᠴᠠᠪᠠ᠃ 1937 ᠣᠨᠤ 2 ᠰᠠᠷᠠᠳᠤ᠂ ᠯᠢᠦ ᠶᠦᠨ ᠪᠢᠶᠣᠣ ᠶᠠᠨ ᠠᠨᠤ ᠶᠠᠫᠤᠨᠢ ᠡᠰᠡᠷᠭᠦᠴᠡᠬᠦ ᠴᠡᠷᠢᠭ ᠵᠠᠰᠠᠭᠤᠨ ᠶᠡᠬᠡ ᠰᠤᠷᠭᠠᠭᠤᠯᠢᠶᠢᠨ ᠨᠢᠭᠡᠳᠦᠭᠡᠷ ᠬᠤᠭᠤᠴᠠᠭᠠᠨᠤ ᠰᠤᠷᠤᠯᠴᠠᠯᠭᠠᠳᠤ ᠣᠷᠣᠯᠴᠠᠪᠠ᠃ ᠪᠦᠬᠦ ᠦᠨᠳᠦᠰᠦᠲᠡᠨᠦ ᠶᠠᠫᠤᠨᠢ ᠡᠰᠡᠷᠭᠦᠴᠡᠬᠦ ᠳᠠᠢ᠍ᠢᠨ ᠡᠭᠦᠰᠦᠭᠰᠡᠨᠦ ᠳᠠᠷᠠᠭᠠ᠂ ᠮᠣᠷᠢᠲᠤ ᠴᠡᠷᠢᠭᠦᠨ ᠬᠣᠷᠢᠶᠠᠶᠢ 115 ᠳ᠋ᠤᠭᠠᠷ ᠳ᠋ᠢᠸᠢᠽᠢᠶᠢᠨ ᠮᠣᠷᠢᠲᠤ ᠴᠡᠷᠢᠭᠦᠨ ᠪᠠᠲᠯᠢᠶᠤᠨ ᠪᠣᠯᠭᠠᠨ ᠥᠭᠡᠷᠡᠴᠢᠯᠡᠵᠦ᠂ ᠯᠢᠦ ᠶᠦᠨ ᠪᠢᠶᠣᠣ ᠪᠠᠲᠯᠢᠶᠤᠨᠤ ᠳᠠᠷᠤᠭᠠᠶᠢᠨ ᠲᠤᠰᠢᠶᠠᠯᠢ ᠬᠠᠷᠢᠭᠤᠴᠠᠪᠠ᠃
ᠯᠦᠩ ᠶᠠᠨ ᠬᠣᠲᠠᠶᠢᠨ ᠲᠡᠦᠬᠡ ᠣᠢᠯᠠᠯᠭᠠᠶᠢᠨ ᠰᠠᠯᠠᠭᠠ ᠮᠥᠴᠢᠷᠡᠴᠡ ᠶᠠᠫᠤᠨᠢ ᠡᠰᠡᠷᠭᠦᠴᠡᠬᠦ ᠲᠡᠶ᠋ᠢᠨᠦ ᠢᠯᠠᠯᠲᠠᠶᠢᠨ ᠲᠡᠦᠬᠡᠨ ᠤᠯᠠ ᠮᠥᠷᠢ ᠳᠤᠷᠠᠰᠬᠠᠬᠤᠶᠢᠨ ᠲᠥᠯᠥᠭᠡ ᠴᠤᠭᠯᠠᠭᠤᠯᠤᠭᠰᠠᠨ ᠶᠠᠫᠤᠨᠢ ᠡᠰᠡᠷᠭᠦᠴᠡᠬᠦ ᠲᠡᠶ᠋ᠢᠨᠦ ᠬᠠᠭᠤᠴᠢᠨ ᠬᠡᠷᠡᠯ ᠵᠢᠷᠤᠭᠤᠳ ᠨᠢ ᠦᠷᠡᠭᠳᠡᠭᠰᠡᠨ ᠪᠠᠭᠠᠲᠤᠷ ᠯᠢᠦ ᠶᠦᠨ ᠪᠢᠶᠣᠣᠶᠢᠨ ᠠᠮᠢᠳᠤ ᠰᠡᠷᠡᠭᠦᠨ ᠪᠠᠢᠬᠤ ᠦᠶᠡᠶᠢᠨ ᠴᠤᠭ ᠵᠢᠪᠬᠤᠭᠠ ᠲᠠᠢ ᠳᠦᠷᠢ ᠪᠠᠢᠳᠠᠯ ᠪᠣᠯᠣᠨ ᠮᠣᠷᠢᠲᠤ ᠴᠡᠷᠢᠭᠦᠨ ᠬᠤᠷᠢᠶᠠᠵᠢᠨ ᠰᠦᠷ ᠬᠦᠴᠦᠨᠢ ᠬᠠᠷᠠᠭᠤᠯᠵᠤ ᠪᠠᠢᠨᠠ᠃ ᠯᠢᠦ ᠶᠦᠨ ᠪᠢᠶᠣᠣ 1937 ᠣᠨᠤ 9 ᠰᠠᠷᠠᠳᠤ ᠨᠠᠢ᠍ᠮᠠᠳᠤᠭᠠᠷ ᠵᠠᠮᠤᠨ ᠴᠡᠷᠢᠭᠦᠨ ᠭᠣᠣᠯ ᠬᠦᠴᠦᠨᠢ ᠳᠠᠭᠠᠵᠤ ᠤᠮᠠᠷᠠᠲᠤ ᠣᠷᠣᠨᠤ ᠶᠠᠫᠤᠨᠢ ᠡᠰᠡᠷᠭᠦᠴᠡᠬᠦ ᠡᠮᠦᠨᠡ ᠹᠷᠣᠨᠲᠲᠤ ᠬᠦᠷᠴᠦ᠂ ᠳᠠᠷᠠᠭᠠ ᠨᠢ ᠴᠡᠷᠢᠭ ᠠᠩᠭᠢᠪᠠᠨ ᠳᠠᠭᠠᠭᠤᠯᠤᠨ ᠫᠢᠩ ᠰᠢᠩ ᠭᠤᠸᠠᠨᠪᠤᠭᠤᠮᠳᠠᠵᠢᠨ ᠳᠠᠢᠯᠠᠯᠳᠤᠭᠠᠨᠳᠤ ᠣᠷᠣᠯᠴᠠᠪᠠ᠃ ᠫᠢᠩ ᠰᠢᠩ ᠭᠤᠸᠠᠨ ᠪᠣᠭᠣᠮᠲᠠᠶᠢᠨ ᠳᠠᠢᠯᠠᠯᠳᠤᠭᠠᠨᠤ ᠬᠠᠵᠠᠭᠤᠶᠢᠨ ᠠᠮᠤᠷ ᠲᠦᠪᠰᠢᠨᠢ ᠪᠠᠲᠤᠯᠠᠵᠤ᠂ ᠶᠠᠫᠤᠨ ᠳᠡᠭᠡᠷᠡᠮᠢ ᠤᠰᠠᠳᠬᠠᠬᠤᠶᠢᠨ ᠲᠥᠯᠥᠭᠡ᠂ ᠯᠢᠦ ᠶᠦᠨ ᠪᠢᠶᠣᠣ ᠵᠠᠷᠯᠢᠭ᠋ᠢᠶᠠᠷ ᠴᠡᠷᠢᠭ ᠠᠩᠭᠢᠪᠠᠨ ᠳᠠᠭᠠᠭᠤᠯᠤᠨ ᠭᠠᠵᠠᠷᠤᠨ ᠪᠠᠢᠴᠠ ᠪᠡᠷᠬᠡ ᠪᠠᠷᠲᠠᠭᠠᠲᠠᠢ ᠳ᠋ᠣᠣ ᠮᠠ ᠭᠤᠸᠠᠨ ᠪᠣᠭᠣᠮᠲᠠᠶᠢ ᠡᠵᠡᠯᠡᠪᠡ᠃
《ᠳ᠋ᠣᠣ ᠮᠠ ᠭᠤᠸᠠᠨᠤ ᠳᠠᠢᠯᠠᠯᠳᠤᠭᠠᠨᠳᠤ᠂ ᠯᠢᠦ ᠶᠦᠨ ᠪᠢᠶᠣᠣ ᠴᠡᠷᠢᠭ ᠠᠩᠭᠢᠪᠠᠨ ᠳᠠᠭᠠᠭᠤᠯᠤᠨ ᠠᠭᠤᠯᠠᠨ ᠣᠷᠣᠨᠤ ᠨᠠᠷᠢᠨ ᠵᠥᠷᠢᠭ ᠵᠠᠮᠢᠶᠠᠷ 16 ᠴᠠᠭ ᠲᠦᠷᠭᠡᠨ ᠠᠶᠠᠯᠠᠵᠤ ᠲᠣᠭᠲᠠᠭᠰᠠᠨ ᠭᠠᠵᠠᠷᠲᠠᠭᠠᠨ ᠬᠦᠷᠦᠭᠰᠡᠨ ᠪᠥᠭᠡᠳ ᠣᠢᠷᠠ ᠬᠠᠪᠢᠶᠢᠨ ᠶᠠᠫᠤᠨ ᠴᠡᠷᠢᠭᠲᠠᠢ ᠬᠠᠷᠭᠤᠵᠤ ᠪᠠᠢᠯᠳᠤᠪᠠ》ᠭᠡᠵᠦ ᠹᠦᠵᠢᠶᠠᠨᠤ ᠪᠠᠷᠠᠭᠤᠨ ᠬᠡᠰᠡᠭᠦᠨ ᠬᠤᠪᠢᠰᠬᠠᠯᠤᠨ ᠦᠷᠡᠭᠳᠡᠭᠰᠡᠨ ᠪᠠᠭᠠᠲᠤᠷᠴᠤᠳᠤᠨ ᠳᠤᠷᠠᠰᠬᠠᠯᠤᠨ ᠣᠷᠳᠣᠨᠤ ᠤᠤᠯᠤᠨ ᠳᠠᠷᠤᠭᠠ ᠵᠢᠶᠠᠩ ᠬᠣᠩ ᠶᠢᠩ ᠬᠡᠯᠡᠪᠡ᠃ ᠯᠢᠦ ᠶᠦᠨ ᠪᠢᠶᠣᠣ ᠴᠡᠷᠢᠭ ᠠᠩᠭᠢᠪᠠᠨ ᠵᠢᠯᠣᠭᠣᠳᠤᠨ ᠶᠠᠫᠤᠨ ᠴᠡᠷᠢᠭᠦᠨ ᠪᠡᠬᠢᠯᠡᠯᠲᠡᠶᠢ ᠪᠤᠯᠢᠶᠠᠨ ᠠᠪᠴᠤ᠂ ᠳ᠋ᠣᠣ ᠮᠠ ᠭᠤᠸᠠᠨᠳᠤ ᠣᠢᠷᠠᠲᠤᠭᠰᠠᠨ ᠶᠠᠫᠤᠨ ᠴᠡᠷᠢᠭᠦᠨ ᠵᠦᠭ ᠰᠢᠷᠦᠭᠦᠨ ᠳᠠᠭᠠᠷᠢᠯᠲᠠ ᠶᠠᠪᠤᠭᠤᠯᠵᠤ᠂ ᠵᠢᠯᠣᠭᠣᠳᠤᠭ᠍ᠴᠢᠶᠢ ᠨᠢ ᠫᠤᠤᠳᠠᠨ ᠠᠯᠠᠪᠠ᠃ ᠡᠨᠡ ᠤᠳᠠᠭᠠᠨᠤ ᠪᠠᠢᠯᠳᠤᠭᠠᠨᠳᠤ ᠯᠢᠦ ᠶᠦᠨ ᠪᠢᠶᠣᠣ ᠵᠢᠨ ᠮᠣᠷᠢᠲᠤ ᠴᠡᠷᠢᠭᠦᠨ ᠪᠠᠲᠯᠢᠶᠤᠨ ᠶᠠᠫᠤᠨ ᠴᠡᠷᠢᠭᠦᠨ ᠣᠯᠠᠨ ᠤᠳᠠᠭᠠᠨᠤ ᠳᠠᠭᠠᠷᠢᠯᠲᠠᠶᠢ ᠴᠣᠬᠢᠨ ᠤᠬᠤᠷᠢᠭᠤᠯᠵᠠᠢ᠃ ᠬᠠᠷᠠᠩᠭᠤᠢ ᠪᠣᠯᠬᠤᠳᠤ᠂ ᠲᠡᠷᠡ ᠴᠡᠷᠢᠭ ᠠᠩᠭᠢᠪᠠᠨ ᠵᠢᠯᠣᠭᠣᠳᠤᠨ ᠳᠠᠢᠰᠤᠨᠳᠤ ᠶᠡᠷᠦᠩᠬᠡᠢ ᠳᠠᠭᠠᠷᠢᠯᠲᠠ ᠶᠠᠪᠤᠭᠤᠯᠵᠤ᠂ ᠶᠠᠫᠤᠨ ᠴᠡᠷᠢᠭᠢ ᠴᠤᠬᠢᠵᠤ ᠤᠬᠤᠷᠢᠭᠤᠯᠪᠠ᠃
1937 ᠣᠨᠤ 10 ᠰᠠᠷᠠᠳᠤ᠂ ᠯᠢᠦ ᠶᠦᠨ ᠪᠢᠶᠣᠣ ᠪᠠᠰᠠ ᠤᠷᠢᠳ ᠬᠣᠵᠢᠳ ᠴᠡᠷᠢᠭ ᠠᠩᠭᠢᠪᠠᠨ ᠳᠠᠭᠠᠭᠤᠯᠤᠨ ᠴᠢᠦᠢ ᠶᠠᠩ᠂ ᠲᠠᠩ ᠰᠢᠶᠠᠨ ᠵᠡᠷᠭᠡ ᠭᠠᠵᠠᠷᠢ ᠡᠵᠡᠯᠡᠵᠦ᠂ ᠶᠡᠬᠡ ᠬᠡᠮᠵᠢᠶᠡᠨᠦ ᠶᠠᠫᠤᠨᠤ ᠬᠠᠭᠤᠷᠮᠠᠭ ᠴᠡᠷᠢᠭᠢ ᠤᠰᠠᠳᠬᠠᠵᠤ᠂ ᠪᠧᠢ ᠶᠤᠸᠠᠢ ᠣᠷᠣᠨᠤ ᠶᠠᠫᠤᠨᠢ ᠡᠰᠡᠷᠭᠦᠴᠡᠬᠦ ᠰᠠᠭᠤᠷᠢᠨ ᠭᠠᠵᠠᠷᠢ ᠪᠠᠢᠭᠤᠯᠪᠠ᠃ 1938 ᠣᠨᠳᠤ᠂ ᠰᠢᠤᠢ᠍ᠢᠵᠸᠤ᠂ ᠦᠬᠠᠨ ᠵᠡᠷᠭᠡ ᠭᠠᠵᠠᠷᠤᠨ ᠬᠠᠮᠲᠤᠷᠠᠭᠰᠠᠨ ᠪᠠᠢᠯᠳᠤᠭᠠᠨᠳᠤ ᠬᠠᠮᠵᠢᠯᠴᠠᠬᠤᠶᠢᠨ ᠲᠥᠯᠥᠭᠡ᠂ ᠯᠢᠦ ᠶᠦᠨ ᠪᠢᠶᠣᠣ ᠵᠠᠷᠯᠢᠭ᠋ᠢᠶᠠᠷ ᠮᠣᠷᠢᠲᠤ ᠴᠡᠷᠢᠭᠦᠨ ᠪᠠᠲᠯᠢᠶᠤᠨᠢ ᠳᠠᠭᠠᠭᠤᠯᠤᠨ ᠵᠢᠨ ᠫᠦ᠋ ᠱᠤᠭᠤᠮ ᠵᠦᠭ ᠲᠠᠭᠠᠷᠢᠵᠤ᠂ ᠤᠯᠠᠨ ᠤᠳᠠᠭᠠ ᠶᠠᠫᠤᠨ ᠴᠡᠷᠢᠭᠲᠠᠢ ᠰᠢᠷᠦᠭᠦᠨ ᠪᠠᠢᠯᠳᠤᠪᠠ᠃ ᠲᠤᠰ ᠵᠢᠯᠦᠨ 10 ᠰᠠᠷᠠᠳᠤ᠂ ᠯᠢᠦ ᠶᠦᠨ ᠪᠢᠶᠣᠣ ᠡᠪᠡᠳᠴᠢᠨᠲᠠᠢ ᠪᠠᠢᠲᠠᠯᠠᠪᠠᠨ ᠴᠡᠷᠢᠭ ᠠᠩᠭᠢᠪᠠᠨ ᠳᠠᠭᠠᠭᠤᠯᠤᠨ ᠡᠳᠦᠷ ᠰᠥᠨᠢ ᠦᠭᠡᠢ 300 ᠭᠠᠷᠤᠢ ᠭᠠᠵᠠᠷ ᠠᠶᠠᠯᠠᠵᠤ᠂ 《ᠱᠦᠭᠦᠷᠳᠡᠯᠲᠡ》ᠶ᠋ᠢ ᠡᠰᠡᠷᠭᠦᠴᠡᠬᠦ ᠳᠤᠮᠳᠠ ᠱᠠᠨ ᠰᠢ ᠴᠠᠬᠠᠷ ᠡᡁᠸᠪᠸᠢ ᠣᠷᠣᠨᠤ ᠶᠠᠫᠤᠨ ᠴᠡᠷᠢᠭᠦᠨ ᠭᠤᠤ ᠮᠸᠨ ᠪᠠᠯᠭᠠᠰᠤᠶᠢᠨ ᠵᠢᠯᠤᠭᠣᠳᠬᠤ ᠭᠠᠵᠠᠷᠲᠤ《ᠲᠣᠯᠣᠭᠠᠢ ᠴᠠᠪᠴᠢᠬᠤ ᠠᠵᠢᠯᠯᠠᠭᠠ》ᠶᠠᠪᠤᠭᠤᠯᠵᠤ᠂ ᠶᠠᠫᠤᠨ ᠴᠡᠷᠢᠭᠦᠨ ᠵᠢᠯᠤᠭᠣᠳᠬᠤ ᠭᠠᠵᠠᠷᠢ ᠠᠮᠵᠢᠯᠲᠠ ᠲᠠᠢ ᠪᠡᠷ ᠴᠣᠬᠢᠨ ᠤᠨᠠᠭᠠᠪᠠ᠃
1940 ᠣᠨᠤ ᠡᠬᠢᠪᠡᠷ᠂ ᠯᠢᠦ ᠶᠦᠨ ᠪᠢᠶᠣᠣ ᠵᠢᠨ ᠮᠣᠷᠢᠲᠤ ᠴᠡᠷᠢᠭᠦᠨ ᠪᠠᠲᠯᠢᠶᠤᠨᠢ ᠱᠠᠨ ᠰᠢ ᠴᠠᠬᠠᠷ ᠾᠸᠪᠸᠢ ᠵᠢᠨ ᠴᠡᠷᠢᠭᠦᠨ ᠲᠣᠭᠣᠷᠢᠭ᠋ᠤᠨ ᠭᠤᠷᠪᠠᠳᠤᠭᠠᠷ ᠬᠤᠪᠢᠶᠠᠷᠢ ᠲᠣᠭᠣᠷᠢᠭ᠋ᠤᠨ ᠮᠣᠷᠢᠲᠤ ᠴᠡᠷᠢᠭᠦᠨ ᠬᠣᠷᠢᠶᠠ ᠪᠣᠯᠭᠠᠨ ᠥᠭᠡᠷᠡᠴᠢᠯᠡᠨ ᠪᠠᠢᠭᠤᠯᠪᠠ᠃ ᠲᠤᠰ ᠵᠢᠯᠦᠨ 8 ᠰᠠᠷᠠᠳᠤ᠂ ᠲᠡᠷᠡ ᠵᠠᠷᠯᠢᠭ᠋ᠢᠶᠠᠷ ᠴᠡᠷᠢᠭ ᠠᠩᠭᠢᠪᠠᠨ ᠳᠠᠭᠠᠭᠤᠯᠤᠨ ᠵᠠᠭᠤᠨ ᠬᠤᠷᠢᠶᠠ ᠴᠡᠷᠢᠭᠤᠨ ᠳᠠᠢᠯᠠᠯᠳᠤᠭᠠᠨᠳᠤ ᠣᠷᠣᠯᠴᠠᠵᠤ᠂ ᠾᠸᠪᠸᠢ ᠮᠤᠵᠢᠶᠢᠨ ᠲᠠᠩ ᠰᠢᠶᠠᠨ᠂ ᠸᠠᠨ ᠰᠢᠶᠠᠨ （ᠤᠳᠤᠶᠢᠨ ᠱᠦᠨ ᠫᠢᠩ ᠰᠢᠶᠠᠨ）᠂ ᠸᠠᠩ ᠳᠦ᠂ ᠪᠦᠦ ᠳ᠋ᠢᠩ ᠣᠷᠴᠢᠮᠢᠶᠠᠷ ᠠᠶᠠᠯᠠᠨ ᠪᠠᠢᠯᠳᠤᠪᠠ᠃ ᠲᠤᠰ ᠵᠢᠯᠦᠨ ᠡᠪᠦᠯ᠂ 《ᠱᠦᠭᠦᠷᠳᠡᠯᠲᠡ》ᠶ᠋ᠢ ᠡᠰᠡᠷᠭᠦᠴᠡᠬᠦ ᠳᠤᠮᠳᠠ᠂ ᠲᠡᠷᠡ ᠴᠡᠷᠢᠭ ᠠᠩᠭᠢᠪᠠᠨ ᠳᠠᠭᠠᠭᠤᠯᠤᠨ ᠤᠯᠠᠨ ᠲᠦᠮᠡᠨᠢ ᠳᠠᠢ᠍ᠢᠴᠢᠯᠠᠨ ᠵᠠᠰᠠᠮᠠᠯ ᠵᠠᠮ ᠲᠡᠮᠦᠷ ᠵᠠᠮᠢ 30 ᠭᠠᠷᠤᠢ ᠤᠳᠠᠭᠠ ᠡᠪᠳᠡᠵᠦ᠂ 14 ᠤᠳᠠᠭᠠ ᠰᠢᠷᠦᠭᠦᠨ ᠪᠠᠢᠯᠳᠤᠵᠤ᠂ ᠶᠠᠫᠤᠨ ᠳᠡᠭᠡᠷᠡᠮᠴᠢᠳᠦᠨ ᠰᠥᠰᠥᠶᠢ ᠬᠡᠮᠬᠡᠷᠡᠭᠦᠯᠦᠭᠰᠡᠨ ᠪᠠᠢᠨᠠ᠃
ᠤᠷᠳᠤ ᠬᠤᠭᠤᠴᠠᠭᠠᠨᠤ ᠪᠡᠷᠬᠡ ᠬᠠᠲᠠᠭᠤᠵᠢᠯᠲᠠᠢ ᠪᠠᠢᠯᠳᠤᠨ ᠲᠡᠮᠡᠴᠡᠬᠦ ᠠᠮᠢᠳᠤᠷᠠᠯᠡᠴᠡ ᠪᠣᠯᠵᠤ ᠯᠢᠦ ᠶᠦᠨ ᠪᠢᠶᠣᠣ ᠠᠭᠤᠰᠬᠢᠨ ᠡᠪᠡᠳᠴᠢᠨᠳᠦ ᠨᠡᠷᠪᠡᠭᠳᠡᠪᠡ᠂ ᠲᠡᠷᠡ ᠤᠯᠠᠨ ᠤᠳᠠᠭᠠ ᠠᠮᠠᠷᠠᠵᠦ ᠡᠮᠨᠡᠨ ᠵᠠᠰᠠᠬᠤ ᠵᠢ ᠲᠡᠪᠴᠢᠭᠰᠡᠨ ᠡᠴᠡ ᠬᠠᠮᠤᠭᠤᠨ ᠰᠠᠢᠨ ᠡᠮᠨᠡᠬᠦ ᠬᠤᠭᠤᠴᠠᠭᠠ ᠵᠢ ᠠᠯᠲᠠᠵᠠᠢ᠃ 1942 ᠣᠨᠤ 4 ᠰᠠᠷᠠᠶᠢᠨ 12 ᠤ᠋ᠨ ᠡᠳᠦᠷ᠂ ᠯᠢᠦ ᠶᠦᠨ ᠪᠢᠶᠣᠣ ᠡᠪᠡᠳᠴᠢᠨᠢᠶᠡᠷ ᠾᠸᠪᠸᠢ ᠵᠢᠨ ᠰᠢᠶᠣᠣ ᠹᠸᠩ ᠰᠢᠶᠠᠨᠳᠤ ᠨᠠᠰᠤ ᠪᠠᠷᠠᠪᠠ᠂ ᠰᠠᠶᠢ 29 ᠨᠠᠰᠤᠲᠠᠢ ᠪᠠᠢᠯᠠ᠃ ᠲᠤᠰ ᠵᠢᠯᠦᠨ 6 ᠰᠠᠷᠠᠳᠤ᠂ ᠱᠠᠨ ᠰᠢ ᠴᠠᠬᠠᠷ ᠾᠸᠪᠸᠢ ᠵᠢᠨ ᠬᠢᠵᠠᠭᠠᠷ ᠣᠷᠣᠨᠤ ᠨᠠᠮᠤᠨ ᠵᠣᠬᠢᠶᠠᠨ ᠪᠠᠢᠭᠤᠯᠤᠯᠲᠠ ᠪᠣᠯᠣᠨ ᠶᠠᠫᠤᠨᠢ ᠡᠰᠡᠷᠭᠦᠴᠡᠬᠦ ᠵᠠᠰᠠᠭᠤᠨ ᠣᠷᠳᠣᠨ ᠰᠢᠶᠣᠣ ᠹᠸᠩ ᠰᠢᠶᠠᠨᠢ ᠶᠦᠨ ᠪᠢᠶᠣᠣ ᠰᠢᠶᠠᠨ ᠭᠡᠵᠦ ᠬᠠᠯᠠᠪᠠ᠃ 1953 ᠣᠨᠳᠤ ᠦᠷᠡᠭᠳᠡᠭᠰᠡᠨ ᠪᠠᠭᠠᠲᠤᠷᠴᠤᠳᠤᠨ ᠴᠢᠨᠳᠠᠷᠢ ᠤᠮᠠᠷᠠᠲᠤᠶᠢᠨ ᠴᠡᠷᠢᠭᠦᠨ ᠲᠣᠭᠣᠷᠢᠭ᠋ᠤᠨ ᠦᠷᠡᠭᠳᠡᠭᠰᠡᠨ ᠪᠠᠭᠠᠲᠤᠷᠴᠤᠳᠤᠨ ᠪᠤᠩᠬᠤᠨᠤ ᠬᠦᠷᠢᠶᠡᠯᠡᠩᠳᠦ ᠰᠢᠯᠵᠢᠭᠦᠯᠦᠨ ᠣᠷᠣᠰᠢᠭᠤᠯᠪᠠ᠃
ᠯᠢᠦ ᠶᠦᠨ ᠪᠢᠶᠣᠣᠶᠢᠨ ᠣᠬᠣᠷᠬᠠᠨ ᠪᠥᠭᠡᠳ ᠭᠡᠷᠡᠯ ᠰᠠᠴᠤᠷᠠᠩᠭᠤᠢ ᠨᠢᠭᠡ ᠨᠠᠰᠤ ᠨᠢ ᠨᠤᠲᠤᠭ ᠤᠰᠤᠨᠤ ᠬᠢᠨᠢ ᠥᠨᠢᠳᠡᠶᠢᠨ ᠣᠮᠣᠭ᠍ᠰᠢᠯ ᠪᠣᠯᠵᠠᠢ᠃《ᠦᠷᠡᠭᠳᠡᠭᠰᠡᠨ ᠪᠠᠭᠠᠲᠤᠷᠴᠤᠳᠤᠨ ᠨᠠᠮᠤᠨ ᠬᠤᠪᠢᠰᠬᠠᠯᠲᠤ ᠦᠢᠯᠡᠰᠲᠦ ᠬᠢᠵᠠᠭᠠᠯᠠᠰᠢ ᠦᠭᠡᠢ ᠦᠨᠡᠨᠴᠢ ᠰᠢᠳᠤᠷᠭᠤ ᠪᠠᠢᠬᠤ᠂ ᠡᠷᠡᠯᠬᠡᠭ ᠪᠠᠭᠠᠲᠤᠷᠯᠢᠭ᠋ᠢᠶᠠᠷ ᠪᠠᠢᠯᠳᠤᠭᠠᠨᠳᠤ ᠣᠷᠣᠯᠴᠠᠬᠤ ᠵᠣᠷᠢᠭ᠋ ᠰᠠᠨᠠᠭᠠᠶᠢ ᠤᠯᠠᠮᠵᠢᠯᠠᠨ ᠪᠠᠳᠠᠷᠠᠭᠤᠯᠬᠤᠶᠢᠨ ᠲᠥᠯᠥᠭᠡ᠂ ᠹᠦᠵᠢᠶᠠᠨᠤ ᠪᠠᠷᠠᠭᠤᠨ ᠬᠡᠰᠡᠭᠦᠨ ᠬᠤᠪᠢᠰᠬᠠᠯᠤᠨ ᠲᠡᠦᠬᠡᠶᠢᠨ ᠮᠦᠽᠧᠢᠳᠦ ᠦᠷᠡᠭᠳᠡᠭᠰᠡᠨ ᠪᠠᠭᠠᠲᠤᠷ ᠯᠢᠦ ᠶᠦᠨ ᠪᠢᠶᠣᠣ ᠵᠢᠨ ᠦᠢᠯᠡ ᠠᠵᠢᠯᠯᠠᠭᠠᠶᠢᠨ ᠦᠵᠡᠭᠦᠯᠭᠡᠶᠢᠨ ᠲᠣᠭᠣᠷᠢᠭ᠋ ᠲᠣᠬᠢᠷᠠᠭᠤᠯᠪᠠ》᠃ ᠴᠠᠩ ᠲᠢᠩ ᠰᠢᠶᠠᠨᠤ ᠨᠠᠮᠤᠨ ᠬᠤᠷᠢᠶᠠᠵᠢᠨ ᠨᠠᠮᠤᠨ ᠲᠡᠦᠬᠡ ᠣᠷᠣᠨ ᠨᠤᠲᠤᠭᠤᠨ ᠣᠢᠯᠠᠯᠭᠠ ᠰᠤᠳᠤᠯᠬᠤ ᠲᠠᠰᠤᠭᠤᠨ ᠡᠷᠬᠢᠯᠡᠭᠴᠢ ᠸᠠᠩ ᠶᠢᠩ᠂ ᠣᠢᠷᠠᠶᠢᠨ ᠵᠢᠯᠡᠴᠡ ᠨᠠᠭᠠᠰᠢ᠂ ᠵᠠᠰᠠᠭᠤᠨ ᠣᠷᠳᠣᠨ ᠪᠠᠰᠠ ᠯᠦ᠍ ᠲᠠᠨ ᠲᠣᠰᠬᠣᠨᠢ ᠬᠤᠪᠢᠰᠬᠠᠯᠲᠤ ᠬᠥᠮᠦᠵᠢᠯᠦᠨ ᠰᠠᠭᠤᠷᠢᠨ ᠪᠣᠯᠭᠠᠵᠤ᠂ ᠦᠷᠡᠭᠳᠡᠭᠰᠡᠨ ᠪᠠᠭᠠᠲᠤᠷ ᠯᠢᠦ ᠶᠦᠨ ᠪᠢᠶᠣᠣᠶᠢᠨ ᠬᠠᠭᠤᠴᠢᠨ ᠰᠠᠭᠤᠴᠠᠶᠢ ᠰᠡᠯᠪᠢᠨ ᠵᠠᠰᠠᠬᠤ ᠵᠡᠷᠭᠡᠶᠢ ᠤᠯᠤᠰᠤᠨ ᠤᠷᠳᠤ ᠵᠠᠮᠤᠨ ᠠᠶᠠᠨ ᠲᠠᠢ᠍ᠢᠨᠦ ᠰᠣᠶᠣᠯᠤᠨ ᠴᠡᠴᠡᠷᠯᠢᠭᠦᠨ ᠪᠦᠲᠦᠭᠡᠨ ᠪᠠᠢᠭᠤᠯᠤᠯᠲᠠᠶᠢᠨ ᠲᠦᠷᠦᠯ ᠵᠦᠢᠯᠳᠦ ᠣᠷᠣᠭᠤᠯᠪᠠ ᠭᠡᠵᠡᠢ᠃
（ᠰᠢᠨᠬᠤᠸᠠ ᠬᠤᠷᠢᠶᠠᠵᠢᠨ ᠹᠦᠵᠧᠦᠶᠢᠨ ᠴᠠᠬᠢᠯᠭᠠᠨ ᠮᠡᠳᠡᠭᠡ）