ᠠᠨᠾᠦ᠋ᠢ ᠮᠤᠵᠢ ᠶᠢᠨ ᠡᡁᠸᠹᠸᠢ ᠬᠤᠳᠠ ᠶᠢᠨ ᠱᠤ᠌ ᠱᠠᠨ ᠤ ᠦᠷᠡᠭᠳᠡᠭᠰᠡᠨ ᠪᠠᠭᠠᠲᠤᠷᠴᠤᠳ ᠤᠨ ᠪᠤᠩᠬᠤᠨ ᠤ ᠬᠦᠷᠢᠶᠡᠯᠡᠩ ᠦᠨ ᠬᠦᠬᠡᠷᠡᠨ ᠨᠤᠭᠤᠭᠠᠷᠠᠭᠰᠠᠨ ᠨᠠᠷᠠᠰᠤ ᠮᠠᠢᠯᠠᠰᠤ ᠶᠢᠨ ᠳᠤᠮᠳᠠ᠂ ᠶᠠᠫᠤᠨ ᠢ ᠡᠰᠡᠷᠭᠦᠴᠡᠭᠰᠡᠨ ᠦᠷᠡᠭᠳᠡᠭᠰᠡᠨ ᠪᠠᠭᠠᠲᠤᠷ ᠼᠠᠢ ᠪᠢᠩ ᠶᠠᠨ ᠵᠠᠩᠵᠤᠨᠤ ᠬᠦᠷᠡᠯ ᠱᠤᠭᠤᠮᠠᠯ ᠨᠠᠮ ᠵᠢᠮ ᠰᠦᠨᠳᠡᠷᠯᠡᠨᠡ᠃ ᠲᠠᠢᠯᠪᠤᠷᠢᠯᠠᠭ᠍ᠴᠢ ᠬᠦᠨᠭᠭᠢᠨᠡᠮᠡ ᠬᠤᠭᠤᠯᠠᠢ ᠪᠡᠷ ᠶᠠᠫᠤᠨᠢ ᠡᠰᠡᠷᠭᠦᠴᠡᠬᠦ ᠳᠠᠶ᠋ᠢᠨᠦ ᠦᠯᠢᠭᠡᠷ ᠲᠣᠮᠣᠭᠢ ᠶᠠᠷᠢᠬᠤ ᠳ᠋ᠤ ᠪᠠᠭᠴᠠ ᠪᠠᠭᠴᠠ ᠪᠡᠷ ᠠᠶᠠᠷᠬᠠᠨ ᠲᠠᠯᠪᠢᠭ᠍ᠰᠠᠨ ᠴᠠᠭᠠᠨ ᠤᠳᠪᠠᠯᠠ ᠴᠡᠴᠡᠭ ᠰᠠᠨᠠᠯ ᠮᠥᠷᠥᠭᠡᠳᠦᠯᠢ ᠳᠠᠭᠤ ᠦᠭᠡᠢ ᠲᠤᠭᠠᠴᠢᠨᠠ᠃
1902 ᠣᠨᠳᠤ᠂ ᠼᠠᠢ ᠪᠢᠩ ᠶᠠᠨ ᠾᠧᠹᠧᠢᠶᠢᠨ ᠵᠡᠭᠦᠨ ᠲᠡᠭᠦᠷᠭᠡᠶᠢᠨ ᠬᠤ᠌ ᠴᠢᠶᠠᠨ ᠲᠣᠰᠬᠣᠨᠳᠤ ᠲᠦᠷᠦᠪᠡ᠃ ᠲᠡᠷᠡ ᠭᠡᠷᠦᠨ ᠰᠤᠷᠭᠠᠭᠤᠯᠢ ᠳ᠋ᠤ ᠰᠢᠷᠭᠠᠭᠤ ᠰᠤᠷᠤᠯᠴᠠᠵᠤ ᠪᠠᠢᠬᠤ ᠳ᠋ᠠᠭᠠᠨ ᠯᠢᠶᠠᠩ ᠴᠢ ᠴᠤᠤᠶᠢᠨ 《ᠶᠢᠨ ᠪᠢᠨᠭ ᠲᠠᠰᠤᠭᠤᠨ ᠵᠣᠬᠢᠶᠠᠯᠤᠨ ᠲᠡᠭᠦᠪᠦᠷᠢ》 ᠶ᠋ᠢ ᠤᠩᠰᠢᠬᠤ ᠳᠤᠷᠠᠲᠠᠢ ᠪᠠᠢᠵᠤ᠂ 《ᠳᠡᠯᠡᠬᠡᠢ ᠳ᠋ᠠᠬᠢᠨᠤ ᠮᠠᠨᠳᠤᠯ ᠬᠦᠭᠵᠢᠯ ᠳᠤᠷᠤᠢᠳᠠᠯ ᠪᠠᠭᠤᠷᠠᠯᠢ ᠥᠪᠡᠷᠦᠨ ᠡᠭᠦᠷᠭᠡ ᠬᠠᠷᠢᠭᠤᠴᠠᠯᠭᠠᠪᠡᠨ ᠪᠣᠯᠭᠠᠬᠤ》 ᠣᠮᠣᠭ ᠲᠡᠭᠦᠯᠳᠡᠷ ᠬᠦᠰᠡᠯ ᠵᠣᠷᠢᠯᠲᠠᠲᠠᠢ ᠪᠠᠢᠵᠠᠢ᠃ 17 ᠨᠠᠰᠤᠲᠠᠢ ᠰᠤᠷᠤᠯᠭᠠᠪᠠᠨ ᠳᠣᠷᠭᠣᠨ ᠵᠣᠭᠰᠣᠬᠤ ᠦᠶᠡᠳᠦ᠂ ᠲᠡᠷᠡ ᠬᠡᠳᠦᠢᠪᠡᠷ ᠬᠥᠳᠡᠭᠡ ᠲᠣᠰᠬᠣᠨᠳᠤ ᠪᠢᠴᠢᠭ ᠵᠢᠭᠠᠵᠤ ᠪᠠᠢᠭᠰᠠᠨ ᠪᠣᠯᠪᠠᠴᠤ ᠲᠠᠪᠤᠨ ᠰᠠᠷᠠᠶᠢᠨ ᠳᠥᠷᠪᠡᠨᠦ ᠶᠡᠬᠡ ᠤᠷᠤᠰᠬᠠᠯᠤᠨ ᠨᠦᠯᠦᠭᠡ ᠪᠡᠷ᠂ ᠠᠷᠠᠳ ᠢᠷᠭᠡᠳᠢ ᠠᠪᠤᠷᠠᠬᠤ ᠤᠯᠤᠰᠵᠢᠡᠨ ᠠᠪᠤᠷᠠᠬᠤ ᠦᠷᠡ ᠨᠢᠭᠡᠨᠲᠡ ᠲᠡᠭᠦᠨᠦ ᠰᠡᠳᠬᠢᠯᠳᠦ ᠰᠣᠶᠣᠭᠠᠯᠠᠪᠠ᠃
1924 ᠣᠨᠳᠤ᠂ ᠼᠠᠢ ᠪᠢᠩ ᠶᠠᠨ ᠲᠦᠩ ᠮᠧᠩ ᠬᠤᠢ ᠡᠪᠯᠡᠯᠦᠨ ᠠᠬᠠᠮᠠᠳ ᠭᠡᠰᠢᠭᠦᠨ ᠪᠠᠢᠭᠰᠠᠨ ᠨᠠᠭᠠᠴᠤ ᠠᠪᠤ ᠳ᠋ᠧᠩ ᠽᠢ ᠶᠦᠨᠤ ᠵᠢᠯᠣᠭᠣᠳᠤᠯᠭᠠ ᠳᠣᠣᠷᠠ ᠬᠤᠸᠠᠩᠫᠦ᠋ ᠴᠡᠷᠢᠭᠦᠨ ᠰᠤᠷᠭᠠᠭᠤᠯᠢᠳᠤ ᠣᠷᠣᠵᠤ᠂ 《ᠤᠯᠤᠰᠢᠶᠠᠨ ᠠᠪᠤᠷᠠᠵᠤ ᠠᠷᠠᠳᠢᠶᠠᠨ ᠠᠪᠤᠷᠠᠬᠤ》ᠪᠤᠳᠤᠯ ᠨᠢ ᠲᠡᠭᠦᠨᠦ ᠰᠡᠳᠬᠢᠯᠳᠦ ᠨᠡᠩ ᠭᠦᠨ ᠬᠠᠳᠠᠩᠰᠢᠵᠠᠢ᠃ ᠲᠡᠭᠦᠰᠦᠭᠰᠡᠨᠦ ᠳᠠᠷᠠᠭᠠ᠂ ᠼᠠᠢ ᠪᠢᠩ ᠶᠠᠨ ᠬᠤᠪᠢᠰᠬᠠᠯᠤᠨ ᠰᠢᠨᠡ ᠬᠦᠴᠦᠨ ᠪᠣᠯᠵᠤ᠂ ᠢᠷᠭᠡᠨᠦ ᠬᠤᠪᠢᠰᠬᠠᠯᠲᠤ ᠴᠡᠷᠢᠭᠢ ᠳᠠᠭᠠᠨ ᠳᠠᠢᠨ ᠪᠠᠢᠯᠳᠤᠭᠠᠨ ᠳ᠋ᠤ ᠤᠷᠤᠯᠴᠠᠵᠤ᠂ 13 ᠵᠢᠯᠦᠨ ᠬᠤᠭᠤᠴᠠᠭᠠᠨᠳᠤ ᠤᠳᠠᠭᠠ ᠳᠠᠷᠠᠭᠠᠯᠠᠨ ᠭᠠᠪᠢᠶᠠ ᠪᠠᠢᠭᠤᠯᠪᠠ᠃
1937 ᠣᠨᠳᠤ᠂ ᠶᠠᠫᠤᠨᠢ ᠡᠰᠡᠷᠭᠦᠴᠡᠬᠦ ᠲᠠᠢ᠍ᠢᠨ ᠪᠦᠬᠦ ᠲᠠᠯᠠᠪᠠᠷ ᠡᠬᠢᠯᠡᠪᠡ᠂ ᠲᠤᠬᠠᠢᠵᠢᠨ ᠦᠶᠡᠳ᠋ᠤ ᠼᠠᠢ ᠪᠢᠩ ᠶᠠᠨ ᠢᠷᠭᠡᠨᠦ ᠬᠤᠪᠢᠰᠬᠠᠯᠲᠤ ᠴᠡᠷᠢᠭᠦᠨ ᠬᠠᠭᠤᠷᠠᠢ ᠵᠠᠮᠤᠨ ᠴᠡᠷᠢᠭᠦᠨ 18 ᠳ᠋ᠤᠭᠠᠷ ᠠᠷᠮᠢᠶᠢᠨ 67 ᠳ᠋ᠤᠭᠠᠷ ᠳ᠋ᠢᠸᠢᠽᠢᠶᠢᠨ 201 ᠳ᠋ᠤᠭᠡᠷ ᠪᠠᠷᠢᠭᠠᠳᠠᠶᠢᠨ ᠬᠣᠰᠢᠭᠤᠴᠢ ᠭᠸᠨ᠋ᠸᠷᠡᠯ ᠪᠠᠷᠢᠭᠠᠳᠠᠶᠢᠨ ᠳᠠᠷᠤᠭᠠ ᠪᠣᠯᠤᠭᠠᠳ ᠪᠠᠢᠪᠠ᠃ 8 ᠰᠠᠷᠠᠶᠢᠨ 13 ᠤ᠋ ᠡᠳᠦᠷ᠂ ᠰᠦᠩ ᠬ᠍ᠤ ᠵᠢᠨ ᠬᠠᠮᠲᠤᠷᠠᠭᠰᠠᠨ ᠪᠠᠢᠯᠳᠤᠭᠠᠨ ᠡᠬᠢᠯᠡᠵᠦ᠂ ᠼᠠᠢ ᠪᠢᠩ ᠶᠠᠨ᠄《ᠴᠡᠷᠢᠭ ᠬᠥᠮᠥᠨ ᠦᠬᠦᠬᠦᠡᠴᠡ ᠠᠶᠤᠬᠤ ᠦᠭᠡᠢ᠂ ᠤᠯᠤᠰᠤᠨᠢᠶᠠᠨ ᠲᠥᠯᠥᠭᠡ ᠦᠬᠦᠵᠦ ᠳᠡᠢᠯᠬᠦ ᠦᠭᠡᠢᠡᠴᠡ ᠯᠡ ᠠᠶᠤᠨᠠ！》ᠭᠡᠬᠦ ᠳᠠᠢᠨ ᠳ᠋ᠤ ᠤᠷᠤᠬᠤ ᠪᠡᠷ ᠭᠤᠶᠤᠴᠢᠯᠠᠬᠤ ᠪᠢᠴᠢᠭ ᠪᠢᠴᠢᠵᠦ᠂ 5000 ᠬᠥᠮᠥᠨ ᠳᠠᠭᠠᠭᠤᠯᠤᠨ ᠰᠥᠨᠢ ᠳᠦᠯᠢᠪᠡᠷ ᠬᠣᠵᠢᠮᠤᠨ ᠬᠥᠮᠥᠰᠲᠦ 《ᠴᠢᠰᠤ ᠮᠢᠬᠠᠨᠤ ᠲᠡᠭᠡᠷᠮᠡ》 ᠬᠡᠮᠡᠭᠳᠡᠭᠰᠡᠨ ᠱᠠᠩᠬᠠᠢᠶᠢᠨ ᠯᠥᠸᠧ ᠳ᠋ᠢᠶᠠᠨᠤ ᠳᠠᠢ᠍ᠢᠨᠦ ᠲᠠᠯᠠᠪᠤᠷᠢ ᠲᠤᠰᠠᠯᠠᠪᠠ᠃ 8 ᠰᠠᠷᠠᠶᠢᠨ 26 ᠤ᠋ ᠡᠳᠦᠷᠦᠨ ᠥᠷᠯᠥᠭᠡᠶᠢᠨ 3 ᠴᠠᠭᠲᠤ᠂ ᠼᠠᠢ ᠪᠢᠩ ᠶᠠᠨ ᠴᠡᠷᠢᠭ ᠠᠨᠭᠭᠢ ᠪᠠᠨ ᠵᠢᠯᠤᠭᠤᠳᠤᠨ ᠶᠠᠫᠤᠨ ᠴᠡᠷᠢᠭᠦᠨ ᠭᠣᠣᠯ ᠬᠦᠴᠦᠨᠦ ᠡᠭᠦᠷᠯᠡᠵᠦ ᠪᠠᠢᠭᠰᠠᠨ ᠯᠦ᠍ ᠣᠪᠣᠭᠲᠤᠶᠢᠨ ᠭᠡᠷᠲᠦ ᠳᠠᠭᠠᠷᠢᠯᠲᠠ ᠶᠠᠪᠤᠭᠤᠯᠵᠤ᠂ ᠶᠠᠫᠤᠨ ᠴᠡᠷᠢᠭᠲᠠᠢ ᠠᠮᠢ ᠴᠦᠯᠡᠨ ᠪᠠᠢᠯᠳᠤᠪᠠ᠂ ᠰᠢᠷᠦᠭᠦᠨ ᠪᠠᠢᠯᠳᠤᠭᠠᠨ ᠳᠤᠮᠳᠠ ᠲᠡᠷᠡ ᠬᠡᠳᠦᠨ ᠰᠤᠮᠤᠨᠳᠤ ᠣᠨᠣᠭᠳᠠᠵᠤ᠂ ᠪᠠᠭᠠᠲᠤᠷᠯᠢᠭ᠋ᠢᠶᠠᠷ ᠪᠡᠶᠡ ᠦᠷᠡᠭᠳᠡᠵᠡᠢ᠂ ᠰᠠᠶᠢ 35 ᠨᠠᠰᠤᠲᠠᠢ ᠪᠠᠢᠯᠠ᠃
ᠴᠡᠷᠢᠭ ᠳᠠᠭᠠᠭᠤᠯᠤᠨ ᠱᠠᠩᠬᠠᠢᠳᠤ ᠬᠦᠷᠬᠦ ᠵᠠᠮ ᠵᠠᠭᠤᠷᠠ ᠪᠠᠨ᠂ ᠼᠠᠢ ᠪᠢᠩ ᠶᠠᠨ ᠲᠤᠬᠠᠢᠶᠢᠨ ᠦᠶᠡᠶᠢᠨ ᠠᠨᠾᠦ᠋ᠢ ᠮᠤᠵᠢᠶᠢᠨ ᠲᠥᠪ ᠠᠨᠴᠢᠩᠳᠤ ᠡᠬᠡᠨᠡᠷ ᠵᠤᠤ ᡁᠢ ᠰᠢᠤᠸᠠᠢ ᠪᠣᠯᠣᠨ ᠦᠷᠡ ᠬᠡᠦᠬᠡᠳᠵᠢᠡᠨ ᠤᠨᠭᠭᠤᠴᠠᠨ ᠡᠴᠡ ᠪᠠᠭᠤᠯᠭᠠᠵᠤ᠂ ᠠᠶᠠᠷᠯᠠᠨ ᠰᠠᠯᠬᠤ ᠦᠶᠡᠳᠡᠭᠡᠨ ᠡᠬᠡᠨᠡᠷᠲᠡᠬᠡᠨ᠄ ᠴᠢ ᠦᠷᠡ ᠬᠡᠦᠬᠡᠳᠢᠶᠡᠨ ᠰᠠᠢᠲᠤᠷ ᠬᠠᠷᠠᠭᠠᠯᠵᠠᠬᠤᠡᠴᠡ ᠭᠠᠳᠠᠨᠠ ᠪᠠᠰᠠ ᠡᠮᠡᠭᠲᠡᠢᠴᠦᠳᠦᠨ ᠶᠠᠫᠤᠨᠢ ᠡᠰᠡᠷᠭᠦᠴᠡᠵᠦ ᠮᠥᠬᠥᠯᠡᠴᠡ ᠠᠪᠤᠷᠠᠬᠤ ᠪᠦᠯᠬᠦᠮᠳᠦ ᠣᠷᠣᠯᠴᠠᠵᠤ᠂ ᠤᠯᠤᠰ ᠬᠦᠷᠤᠨᠳᠡᠭᠡᠨ ᠬᠦᠴᠦ ᠪᠡᠨ ᠡᠷᠭᠦᠭᠡᠷᠡᠢ ᠭᠡᠵᠦ ᠵᠠᠬᠢᠪᠠ᠃ ᠲᠤᠢᠯᠤᠨ ᠬᠠᠷᠭᠢᠰ ᠬᠡᠷᠴᠡᠭᠡᠢ ᠰᠦᠩ ᠬ᠍ᠤ᠌ ᠵᠢᠨ ᠬᠠᠮᠲᠤᠷᠠᠭᠰᠠᠨ ᠪᠠᠢᠯᠳᠤᠭᠠᠨᠤ ᠬᠤᠭᠤᠴᠠᠭᠠᠨ ᠳ᠋ᠤ᠂ ᠼᠠᠢ ᠪᠢᠩ ᠶᠠᠨ 8 ᠰᠠᠷᠠᠶᠢᠨ 21 ᠡᠴᠡ 22 ᠤ᠋ᠨ ᠡᠳᠦᠷ ᠪᠣᠯᠲᠠᠯᠠ ᠵᠠᠯᠭᠠᠭᠠᠪᠠᠷ ᠤᠯᠠᠨ ᠠᠷᠪᠢᠨ ᠭᠡᠷᠦᠨ ᠵᠠᠬᠢᠳᠠᠯ ᠪᠢᠴᠢᠵᠤ ᠢᠯᠡᠭᠡᠪᠡ᠂ ᠡᠳᠡᠭᠡᠷ ᠵᠠᠬᠢᠳᠠᠯ ᠳ᠋ᠤ ᠡᠬᠡᠨᠡᠷ ᠬᠡᠦᠬᠡᠳᠲᠡᠬᠡᠨ ᠬᠣᠷᠭᠣᠳᠠᠬᠤ ᠬᠠᠢᠷᠠ ᠰᠡᠳᠬᠢᠯᠭᠡ ᠠᠭᠤᠯᠵᠤ ᠪᠠᠢᠬᠤ ᠪᠥᠭᠡᠳ ᠠᠮᠢ ᠪᠡᠶᠠ ᠪᠠᠨ ᠴᠦᠯᠡᠵᠦ ᠤᠯᠤᠰ ᠤᠷᠤᠨ ᠳ᠋ᠠᠭᠠᠨ ᠵᠢᠳᠬᠦᠬᠦᠬᠠᠭᠠᠴᠡᠨ ᠰᠠᠯᠬᠤ ᠰᠠᠨᠠᠭᠠ ᠪᠠᠰᠠ ᠢᠯᠡᠷᠡᠵᠦ ᠪᠠᠢᠪᠠ᠃ ᠡᠬᠡᠨᠡᠷᠲᠡᠬᠡᠨ ᠥᠭᠭᠦᠭᠰᠡᠨ ᠬᠠᠮᠤᠭᠤᠨ ᠰᠡᠭᠦᠯᠴᠢᠶᠢᠨ ᠨᠢᠭᠡ ᠭᠡᠷᠦᠨ ᠵᠠᠬᠢᠳᠠᠯ ᠳ᠋ᠠᠭᠠᠨ ᠲᠡᠷᠡ᠄《ᠤᠯᠤᠰ ᠤᠷᠤᠨ ᠠᠶᠤᠯ ᠲᠦᠭᠰᠢᠭᠦᠷᠢᠳᠤ ᠲᠤᠯᠭᠠᠷᠠᠭᠠᠳ᠂ ᠨᠢᠭᠡᠨᠲᠡ ᠬᠠᠮᠤᠭᠤᠨ ᠡᠴᠦᠰᠦᠨ ᠵᠠᠩᠭᠢᠯᠠᠭᠠᠶᠢᠨ ᠦᠶᠡ ᠪᠣᠯᠣᠭᠠᠳ ᠪᠠᠢᠨᠠ᠂ ᠤᠯᠤᠰ ᠤᠷᠤᠨᠵᠢᠡᠨ ᠬᠠᠮᠠᠭᠠᠯᠠᠵᠤ ᠳᠡᠢᠯᠬᠦ ᠦᠭᠡᠢ ᠪᠤᠯ ᠭᠡᠷ ᠪᠦᠯᠢ ᠬᠡᠷᠬᠢᠨ ᠤᠷᠤᠰᠢᠨ ᠲᠣᠭᠲᠠᠨᠢᠵᠤ ᠴᠢᠳᠠᠬᠤ ᠠᠵᠢ？》 ᠭᠡᠵᠦ ᠪᠢᠴᠢᠵᠡᠢ᠂ 4 ᠡᠳᠦᠷᠦᠨ ᠳᠠᠷᠠᠭᠠ᠂ ᠲᠡᠷᠡ ᠤᠯᠤᠰᠤᠨᠢᠶᠠᠨ ᠲᠥᠯᠥᠭᠡ ᠪᠡᠶᠡ ᠦᠷᠡᠭᠳᠡᠪᠡ᠃
ᠼᠠᠢ ᠪᠢᠩ ᠶᠠᠨ ᠪᠡᠶᠡ ᠦᠷᠡᠭᠳᠡᠭᠰᠡᠨᠦ ᠳᠠᠷᠠᠭᠠ᠂ ᠢᠷᠭᠡᠨᠦ ᠵᠠᠰᠠᠭᠤᠨ ᠣᠷᠳᠣᠨ ᠲᠡᠭᠦᠨᠢ ᠬᠠᠭᠤᠷᠠᠢ ᠵᠠᠮᠤᠨ ᠴᠡᠷᠢᠭᠦᠨ ᠳᠡᠰᠯᠡᠭᠴᠢ ᠭᠸᠨ᠋ᠸᠷᠡᠯ ᠵᠢᠡᠷ ᠨᠡᠬᠡᠮᠵᠢᠯᠡᠨ ᠡᠷᠭᠦᠮᠵᠢᠯᠡᠪᠡ᠃ 1985 ᠣᠨᠳᠤ᠂ ᠠᠨᠾᠦ᠋ᠢ ᠮᠤᠵᠢᠶᠢᠨ ᠠᠷᠠᠳᠤᠨ ᠵᠠᠰᠠᠭᠤᠨ ᠣᠷᠳᠣᠨᠡᠴᠡ ᠼᠠᠢ ᠪᠢᠩ ᠶᠠᠨ ᠢ ᠬᠤᠪᠢᠰᠬᠠᠯᠤᠨ ᠦᠷᠡᠭᠳᠡᠭᠰᠡᠨ ᠪᠠᠭᠠᠲᠤᠷ ᠢᠶᠠᠷ ᠨᠡᠬᠡᠮᠵᠢᠯᠡᠨ ᠵᠥᠪᠰᠢᠶᠡᠷᠡᠵᠦ᠂ ᠴᠢᠨᠳᠠᠷᠢ ᠨᠢ ᠳᠠᠷᠠᠭᠠ ᠵᠢᠯ ᠳ᠋ᠦ᠍ᠨᠢ ᠾᠧᠹᠧᠢ ᠬᠤᠳᠠᠳᠤ ᠰᠢᠯᠵᠢᠭᠦᠯᠦᠨ ᠣᠷᠣᠰᠢᠭᠤᠯᠪᠠ᠃ 2014 ᠣᠨᠤ 9 ᠰᠠᠷᠠᠳᠤ᠂ ᠼᠠᠢ ᠪᠢᠩ ᠶᠠᠨ ᠠᠷᠠᠳᠤᠨ ᠶᠠᠪᠤᠳᠠᠯᠤᠨ ᠶᠠᠮᠤᠨᠤ ᠨᠡᠢᠲᠡᠯᠡᠭᠰᠡᠨ ᠠᠩᠬᠠᠳᠠᠭ᠍ᠴᠢ ᠪᠦᠯᠦᠭ ᠶᠠᠫᠤᠨᠢ ᠡᠰᠡᠷᠭᠦᠴᠡᠭᠰᠡᠨ ᠠᠯᠳᠠᠷᠲᠤ ᠦᠷᠡᠭᠳᠡᠭᠰᠡᠨ ᠪᠠᠭᠠᠲᠤᠷ ᠪᠣᠯᠣᠨ ᠪᠠᠭᠠᠲᠤᠷᠯᠢᠭ᠋ ᠬᠥᠮᠥᠰᠦᠨ ᠨᠡᠷᠡᠰᠲᠦ ᠵᠢᠭ᠍ᠰᠠᠭᠠᠭᠳᠠᠪᠠ᠃
2018 ᠣᠨᠤ ᠬᠠᠩᠰᠢᠶᠢᠨ ᠡᠳᠦᠷ᠂ ᠼᠠᠢ ᠪᠢᠩ ᠶᠠᠨ ᠪᠡᠶᠡ ᠦᠷᠡᠭᠳᠡᠬᠦ ᠦᠶᠡᠳᠦ ᠰᠠᠶᠢ ᠤᠢ ᠲᠤᠯᠵᠤ ᠪᠠᠢᠭᠰᠠᠨ ᠬᠦᠦ ᠼᠠᠢ ᠵᠧ ᠱᠧᠩ ᠨᠢ ᠠᠪᠤᠳᠠᠭᠠᠨ 81 ᠵᠢᠯ ᠠᠯᠤᠰᠯᠠᠭᠰᠠᠨ ᠬᠠᠷᠢᠭᠤ ᠵᠠᠬᠢᠳᠠᠯ ᠪᠢᠴᠢᠵᠦ᠄《ᠶᠠᠫᠤᠨᠢ ᠡᠰᠡᠷᠭᠦᠴᠡᠬᠦ ᠲᠠᠢ᠍ᠢᠨ ᠢᠯᠠᠯᠲᠠ ᠣᠯᠪᠠ！ᠬᠠᠯᠠ ᠵᠣᠪᠠᠯᠠᠩ ᠠᠮᠰᠠᠭᠰᠠᠨ ᠳᠤᠮᠳᠠᠳᠤᠶᠢᠨ ᠦᠨᠳᠦᠰᠦᠲᠡᠨ ᠪᠣᠰᠴᠤ ᠵᠣᠭᠰᠣᠭᠰᠠᠨ᠂ ᠪᠠᠶᠠᠵᠢᠭ᠍ᠰᠠᠨᠡᠴᠡᠪᠠᠨ ᠬᠦᠴᠦᠷᠬᠡᠭᠵᠢᠭᠰᠡᠨ ᠲᠡᠦᠬᠡᠲᠦ ᠴᠢᠨᠠᠷᠲᠠᠢ ᠦᠰᠦᠷᠦᠯᠲᠡᠶᠢ ᠪᠡᠶᠡᠯᠡᠭᠦᠯᠪᠡ᠃ ᠲᠠᠨᠤ ᠬᠦᠰᠡᠵᠦ ᠪᠠᠢᠭᠰᠠᠨ ᠠᠯᠢᠪᠠ ᠪᠦᠬᠦᠨᠢ ᠪᠢ ᠲᠠᠨᠳᠤ ᠭᠡᠷᠡᠴᠢᠯᠡᠵᠦ ᠥᠭᠬᠦᠯᠡ！》 ᠭᠡᠵᠡᠢ᠃
ᠼᠠᠢ ᠪᠢᠩ ᠶᠠᠨᠢ ᠳᠤᠷᠠᠰᠬᠠᠬᠤᠶᠢᠨ ᠲᠥᠯᠥᠭᠡ᠂ ᠡᡁᠸᠹᠸᠢ ᠬᠤᠳᠠᠶᠢᠨ ᠵᠠᠰᠠᠭᠤᠨ ᠣᠷᠳᠣᠨ ᠲᠡᠭᠦᠨ ᠦ ᠬᠠᠭᠤᠴᠢᠨ ᠰᠠᠭᠤᠴᠠᠶᠢᠨ ᠣᠢᠷᠠᠯᠴᠠᠭᠠᠬᠢ ᠵᠠᠮᠢ 《ᠪᠢᠩ ᠶᠠᠨ ᠵᠠᠮ》 ᠭᠡᠵᠦ ᠥᠭᠡᠷᠡᠴᠢᠯᠡᠨ ᠨᠡᠷᠡᠢᠳᠪᠡ᠂ ᠡᠨᠡ ᠬᠦ᠌ ᠲᠡᠷᠭᠡ ᠤᠨᠤᠭᠠ ᠰᠦᠯᠵᠢᠯᠳᠦᠭᠰᠡᠨ᠂ ᠥᠨᠳᠥᠷ ᠠᠰᠠᠷ ᠰᠡᠬᠦᠢᠨ ᠰᠦᠨᠳᠡᠷᠯᠡᠭᠰᠡᠨ ᠵᠡᠭᠡᠯᠢ ᠭᠤᠳᠤᠮᠵᠢᠪᠠᠷ ᠡᠮᠦᠨᠡᠰᠢᠶᠠᠪᠤᠪᠠᠯ᠂ ᠲᠣᠭᠠ ᠲᠣᠮᠰᠢ ᠦᠭᠡᠢ ᠤᠯᠠᠨ ᠦᠷᠡᠭᠳᠡᠭᠰᠡᠨ ᠪᠠᠭᠠᠲᠤᠷᠴᠤᠳᠤᠨ ᠬᠦᠰᠡᠨ ᠮᠥᠷᠥᠭᠡᠳᠴᠦ ᠪᠠᠢᠭᠰᠠᠨ 《ᠰᠡᠷᠭᠦᠨ ᠮᠠᠨᠳᠤᠯᠲᠠ ᠵᠢᠨ ᠵᠠᠮ》 ᠳ᠋ᠤ ᠬᠦᠷᠳᠡᠭ᠃ ᠡᠳᠦᠭᠡ᠂ ᠡᠨᠳᠡᠬᠢ ᠨᠢ ᠬᠤᠪᠢᠰᠬᠠᠯᠲᠤ ᠤᠳᠤᠮᠰᠢᠯᠢ ᠤᠯᠠᠮᠵᠢᠯᠠᠨ ᠵᠠᠯᠭᠠᠮᠵᠢᠯᠠᠬᠤ ᠴᠢᠬᠤᠯᠠ ᠪᠡᠯᠭᠡ ᠲᠡᠮᠳᠡᠭ ᠪᠣᠯᠵᠤ᠂ ᠵᠠᠯᠠᠭᠤᠴᠤᠳ ᠪᠠᠭᠠᠴᠤᠳ ᠡᠨᠳᠡ ᠢᠷᠡᠵᠥ ᠦᠷᠡᠭᠳᠡᠭᠰᠡᠨ ᠪᠠᠭᠠᠲᠤᠷᠴᠤᠳᠤᠨ ᠦᠢᠯᠡ ᠠᠵᠢᠯᠯᠠᠭᠠᠶᠢ ᠰᠣᠨᠣᠰᠴᠤ᠂ ᠲᠤᠬᠠᠢᠶᠢᠨ ᠭᠠᠵᠠᠷᠤᠨ ᠳᠤᠮᠳᠠᠳᠤ ᠪᠠᠭᠠ ᠰᠤᠷᠭᠠᠭᠤᠯᠢ ᠨᠢ ᠪᠠᠰᠠ ᠼᠠᠢ ᠪᠢᠩ ᠶᠠᠨᠤ ᠭᠡᠷᠦᠨ ᠵᠠᠬᠢᠳᠠᠯᠢ ᠦᠵᠡᠯ ᠰᠠᠨᠠᠭᠠ ᠤᠯᠤᠰ ᠲᠦᠷᠦᠶᠢᠨ ᠬᠢᠴᠢᠶᠡᠯᠦᠨ ᠲᠠᠩᠬᠢᠮᠳᠤ ᠠᠭᠤᠰᠤᠯᠴᠠᠭᠤᠯᠵᠤ᠂ ᠤᠯᠤᠰ ᠤᠷᠤᠨ ᠵᠢᠡᠨ ᠬᠡᠬᠦ ᠬᠠᠢᠷᠠ ᠰᠡᠳᠬᠢᠯᠭᠡᠶᠢ ᠵᠤᠵᠠᠭᠠᠳᠬᠠᠵᠤ ᠪᠠᠢᠨᠠ᠃
ᠼᠠᠢ ᠪᠢᠩ ᠶᠠᠨᠤ 《ᠤᠯᠤᠰᠢᠶᠠᠨ ᠬᠠᠢᠷᠠᠯᠠᠵᠤ᠂ ᠠᠷᠠᠳ ᠲᠦᠮᠡᠨᠢᠶᠡᠨ ᠬᠠᠢᠷᠠᠯᠠᠵᠤ᠂ ᠭᠡᠷ ᠪᠦᠯᠢᠪᠡᠨ ᠬᠠᠢᠷᠠᠯᠠᠬᠤ》 ᠭᠡᠷ ᠦᠨ ᠰᠤᠷᠭᠠᠯ ᠨᠢ ᠲᠡᠭᠦᠨᠤ ᠦᠷᠡ ᠬᠣᠢᠴᠢᠰᠤᠨ ᠤᠯᠠᠮᠵᠢᠯᠠᠯ ᠳᠣᠣᠷᠠ᠂ ᠨᠤᠲᠤᠭᠤᠨ ᠠᠷᠠᠳ ᠲᠦᠮᠡᠨ᠂ ᠵᠠᠯᠠᠭᠤ ᠨᠢᠭᠡ ᠦᠶᠡᠶᠢᠨ ᠬᠢᠨᠢ ᠨᠥᠯᠥᠭᠡᠯᠡᠵᠦ ᠪᠠᠢᠨᠠ᠃
《ᠨᠡᠶ᠋ᠢᠲᠡᠶᠢᠨ ᠲᠥᠯᠥᠭᠡ ᠵᠢᠳᠬᠦᠵᠦ ᠬᠠᠤᠯᠢᠶᠢ ᠰᠠᠬᠢᠬᠤ᠂ ᠠᠷᠢᠭᠤᠨ ᠴᠢᠬᠡᠴᠢᠪᠡᠷ ᠪᠡᠶᠡᠪᠡᠨ ᠪᠠᠷᠢᠬᠤ᠂ ᠴᠢᠷᠮᠠᠢᠨ ᠠᠵᠢᠯᠯᠠᠬᠤ᠂ ᠬᠤᠪᠢᠶᠢᠨ ᠠᠰᠢᠭ᠋ᠢ ᠦᠯᠦ ᠬᠥᠭᠡᠭᠡᠴᠡᠯᠳᠦᠬᠦ》 ᠪᠣᠯ ᠲᠡᠭᠦᠨᠤ ᠬᠦᠦ ᠼᠠᠢ ᠵᠧ ᠱᠸᠨᠭᠤᠨ ᠨᠠᠰᠤᠨ ᠲᠤᠷᠰᠢᠲᠠ ᠳ᠋ᠠᠭᠠᠨ ᠵᠢᠷᠤᠮᠯᠠᠭᠰᠠᠨ ᠢᠲᠡᠭᠡᠯ ᠪᠢᠰᠢᠷᠡᠯ ᠪᠤᠯᠤᠨᠠ᠃ 2023 ᠣᠨᠳᠤ ᠨᠠᠰᠤ ᠪᠠᠷᠠᠬᠤᠡᠴᠡ ᠪᠠᠨ ᠡᠮᠦᠨᠡ᠂ ᠲᠡᠷᠡ ᠪᠠᠰᠠ ᠦᠷᠭᠦᠯᠵᠢ ᠲᠤᠬᠠᠢᠶᠢᠨ ᠭᠠᠵᠠᠷᠤᠨ ᠳᠤᠮᠳᠠᠳᠤ ᠪᠠᠭᠠ ᠰᠤᠷᠭᠠᠭᠤᠯᠢ᠂ ᠨᠡᠢᠭᠡᠮ ᠲᠣᠭᠣᠷᠢᠭ᠋ᠤᠨ ᠨᠡᠶ᠋ᠢᠲᠡᠶᠢᠨ ᠠᠰᠠᠷᠠᠮᠵᠢᠶᠢᠨ ᠬᠢᠴᠢᠶᠡᠯᠦᠨ ᠲᠠᠩᠬᠢᠮᠳᠤ ᠶᠠᠫᠤᠨᠢ ᠡᠰᠡᠷᠭᠦᠴᠡᠬᠦ ᠳᠠᠢ᠍ᠢᠨᠦ ᠦᠯᠢᠭᠡᠷᠢ ᠶᠠᠷᠢᠵᠤ ᠪᠠᠢᠪᠠ᠃
《ᠪᠢ ᠡᠪᠦᠭᠡᠶᠢᠨ ᠵᠣᠷᠢᠭ᠋ ᠰᠠᠨᠠᠭᠠᠨᠤ ᠨᠥᠯᠥᠭᠡᠶᠢ ᠭᠦᠨ ᠬᠦᠷᠲᠡᠭᠰᠡᠨ ᠪᠤᠯᠬᠤᠷ ᠵᠢᠭᠠᠬᠠᠨ ᠤᠳᠬᠠ ᠠᠭᠤᠯᠭᠠᠲᠠᠢ ᠤᠴᠢᠷ ᠬᠢᠭᠰᠡᠨ ᠯᠡ ᠲᠡᠳᠦᠢ》᠃ 2023 ᠣᠨᠳᠤ᠂ ᠼᠠᠢ ᠪᠢᠩ ᠶᠠᠨᠤ ᠣᠮᠪᠣᠯᠣ᠌ ᠼᠠᠢ ᠸᠸᠨ ᠭᠸ ᠪᠢᠩ ᠶᠠᠨ ᠵᠠᠮᠤᠨ ᠬᠠᠵᠠᠭᠤ ᠳ᠋ᠤ ᠭᠣᠣᠯᠳᠤ ᠦᠰᠦᠷᠦᠨ ᠣᠷᠣᠵᠤ᠂ ᠨᠢᠭᠡᠨ ᠤᠰᠤᠨᠳᠤ ᠤᠨᠠᠭᠰᠠᠨ ᠬᠥᠮᠥᠨᠢ ᠠᠪᠤᠷᠠᠨ ᠭᠠᠷᠭᠠᠵᠠᠢ᠃ ᠵᠠᠮᠤᠨ ᠬᠥᠮᠥᠰᠦᠨ ᠰᠡᠭᠦᠳᠡᠷᠯᠡᠭᠰᠡᠨ ᠸᠢᠳᠢᠤ᠋ ᠨᠢ ᠰᠦᠯᠵᠢᠶᠡᠨᠠᠨᠳᠠ ᠨᠠᠷᠤᠨ ᠮᠠᠭᠲᠠᠭᠠᠯ ᠰᠠᠢᠰᠢᠶᠠᠯᠢ ᠣᠯᠵᠤ᠂ ᠲᠡᠭᠦᠨᠦ ᠪᠡᠶᠡᠶᠢᠨ ᠭᠠᠷᠤᠯᠢ ᠮᠡᠳᠡᠭᠰᠡᠨᠦ ᠳᠠᠷᠠᠭᠠ᠂ ᠣᠯᠠᠨᠢᠶᠠᠷᠢᠶᠠᠨ ᠪᠠᠰᠠ ᠼᠠᠢ ᠪᠢᠩ ᠶᠠᠨ ᠵᠠᠩᠵᠤᠨᠤ ᠵᠣᠷᠢᠭ᠋ ᠰᠠᠨᠠᠭᠠᠨᠤ ᠤᠯᠠᠮᠵᠢᠯᠠᠯᠳᠤ ᠰᠡᠳᠬᠢᠯ ᠬᠦᠳᠡᠯᠪᠡ᠃
ᠰᠦᠩ ᠬ᠍ᠤᠶᠢᠨ ᠳᠠᠢᠨᠤ ᠭᠠᠯ ᠠᠷᠢᠯᠤᠭᠰᠠᠨ ᠪᠤᠯᠪᠠᠴᠤ ᠼᠠᠢ ᠪᠢᠩ ᠶᠠᠨ ᠵᠠᠩᠵᠤᠨᠤ ᠠᠷᠢᠭᠤᠨ ᠴᠢᠰᠤ ᠪᠠ ᠠᠮᠢ ᠨᠠᠰᠤᠪᠠᠷᠢᠶᠠᠨ ᠪᠢᠴᠢᠭᠯᠡᠭᠰᠡᠨ ᠤᠯᠤᠰ ᠭᠡᠷᠦᠨ ᠶᠡᠬᠡ ᠵᠢᠷᠤᠮ ᠨᠢ ᠬᠠᠷᠢᠨ ᠤᠨᠲᠠᠷᠠᠰᠢ ᠦᠭᠡᠢ ᠣᠴᠢ ᠰᠢᠭ᠋ᠢᠶᠡᠷ ᠦᠶᠡ ᠦᠶᠡᠶᠢᠨ ᠤᠯᠠᠮᠵᠢᠯᠠᠯ ᠳᠤᠮᠳᠠ ᠤᠷᠤᠭᠰᠢᠯᠠᠯᠲᠠᠶᠢᠨ ᠵᠠᠮᠢ ᠬᠡᠷᠡᠯᠳᠦᠬᠦᠯᠦᠨᠡ᠃
（ᠰᠢᠨᠬᠤᠸᠠ ᠬᠤᠷᠢᠶᠠᠵᠢᠨ ᠾᠧᠹᠧᠢᠶᠢᠨ ᠴᠠᠬᠢᠯᠭᠠᠨ ᠮᠡᠳᠡᠭᠡ ）