ᠲᠦᠷᠦᠭᠦᠬᠡᠨ᠂ ᠾᠦᠢ ᠳ᠋ᠦ᠋ᠩ ᠱᠢᠶᠠᠨᠤ ᠪᠠᠶ ᠬᠤᠸᠠ ᠪᠠᠯᠭᠠᠰᠤᠨᠤ ᠶᠡᠷᠦᠩᠬᠡᠢᠯᠡᠭ᠌ᠰᠡᠨ ᠰᠣᠶᠣᠯᠤᠨ ᠥᠷᠲᠡᠭᠡ ᠡᠴᠡ ᠨᠢᠭᠡ ᠪᠦᠯᠦᠭ ᠪᠠᠭᠠ ᠰᠤᠷᠭᠠᠭᠤᠯᠢᠶ᠋ᠢᠨ ᠰᠤᠷᠤᠭ᠍ᠴᠢᠳᠢ ᠵᠣᠬᠢᠶᠠᠨ ᠪᠠᠢᠭᠤᠯᠤᠨ ᠭᠤᠸᠠᠩᠳᠦ᠋ᠩ ᠮᠤᠵᠢᠶ᠋ᠢᠨ ᠾᠦᠢᠵᠸᠤ ᠬᠤᠳᠠᠶ᠋ᠢᠨ ᠾᠦᠢ ᠳ᠋ᠦ᠋ᠩ ᠱᠢᠶᠠᠨᠤ ᠨᠠᠨ ᠬᠣ᠌ ᠴᠡᠴᠡᠷᠯᠢᠭ ᠲᠤ᠌ ᠪᠠᠢᠷᠢᠯᠠᠭᠠ ᠾᠦᠢ ᠳ᠋ᠦ᠋ᠩᠤᠨ ᠬᠤᠪᠢᠰᠭᠠᠯᠤᠨ ᠦᠷᠡᠭ᠌ᠳᠡᠭ᠌ᠰᠡᠨ ᠪᠠᠭᠠᠲᠤᠷᠴᠤᠳᠤᠨ ᠳᠤᠷᠠᠰᠭᠠᠯᠤᠨ ᠬᠥᠱᠢᠢᠡᠳᠤ ᠬᠦᠷᠴᠦ ᠪᠠᠷᠠᠳᠠᠨ ᠰᠤᠷᠤᠯᠴᠠᠪᠠ᠃
ᠨᠡᠷᠡᠨᠦ ᠭᠡᠷᠡᠯ ᠢᠭ᠍ᠴᠤ ᠰᠠᠬᠤᠯᠢᠭ ᠣᠢ ᠮᠣᠳᠣᠶ᠋ᠢ ᠨᠡᠪᠲᠡᠯᠦᠨ᠂ ᠳᠤᠷᠠᠰᠭᠠᠯᠤᠨ ᠬᠥᠱᠢᠶᠠ ᠲᠡᠭᠡᠷᠡ ᠲᠤᠰᠤᠨᠠ᠃ 《ᠫᠸᠩ ᠲᠠᠢ ᠨᠦᠩ ᠳᠠᠢᠰᠤᠨᠤ ᠪᠦᠰᠡᠯᠡᠨ ᠲᠠᠭᠠᠷᠢᠯᠲᠠᠶ᠋ᠢ ᠬᠠᠢᠬᠤᠷᠤᠯ ᠦᠭᠡᠢᠪᠡᠷ᠂ ᠳᠠᠢᠰᠤᠨᠤ ᠠᠩᠬᠠᠷᠤᠯᠢ ᠲᠠᠲᠠᠵᠤ᠂ ᠬᠦᠴᠦᠯᠡᠨ ᠴᠢᠷᠮᠠᠢᠵᠤ ᠪᠠᠢᠭᠠᠳ ᠭᠠᠳᠠᠭ᠍ᠰᠢ ᠲᠠᠭᠠᠷᠢᠯᠳᠡ ᠬᠢᠵᠦ᠍᠂ ᠰᠤᠮᠤᠨᠳᠤ ᠤᠨᠤᠬ᠍ᠳᠠᠵᠤ᠂ ᠪᠠᠭᠠᠲᠤᠷᠯᠢᠭᠢᠶᠠᠷ ᠪᠡᠶᠡ ᠦᠷᠡᠭ᠌ᠳᠡᠪᠡ ᠁》 8 ᠨᠠᠰᠤᠲᠠᠢ ᠬᠥ᠋ ᠱᠣ᠌ ᠶᠠ ᠬᠥᠱᠢᠢᠡ ᠳᠡᠭᠡᠷᠡᠬᠢ ᠲᠣᠪᠴᠢ ᠲᠠᠨᠢᠯᠴᠠᠭᠤᠯᠭᠠᠶ᠋ᠢ ᠦᠨᠳᠦᠷ ᠲᠠᠭᠤᠨᠢᠶᠡᠷ ᠤᠩᠱᠢᠵᠤ ᠪᠠᠢᠯᠠ᠃ ᠬᠡᠳᠦᠨ ᠠᠷᠪᠠᠨ ᠵᠢᠯ ᠦᠩᠭᠡᠷᠡᠭᠰᠡᠨ ᠴᠤ᠌᠂ ᠬᠤᠪᠢᠰᠭᠠᠯᠤᠨ ᠠᠬᠠᠮᠠᠳ ᠨᠢᠭᠡ ᠦᠶᠡᠶ᠋ᠢᠨ ᠬᠢᠨᠦ ᠪᠠᠭᠠᠲᠤᠷᠯᠢᠭ ᠦᠢᠯᠡ ᠠᠵᠢᠯᠯᠠᠭᠠ ᠨᠢᠳᠦᠨᠳᠦ ᠲᠤᠳᠤᠷᠬᠠᠢ ᠦᠵᠡᠭ᠌ᠳᠡᠨᠡ᠃
ᠫᠸᠩ ᠲᠠᠢ ᠨᠦᠩ᠂ ᠪᠠᠰᠠ ᠫᠸᠩ ᠲᠠᠢ ᠭᠡᠳᠡᠭ᠂ 1915 ᠣᠨᠳᠤ ᠭᠤᠸᠠᠩᠳᠦ᠋ᠩ ᠮᠤᠵᠢᠶ᠋ᠢᠨ ᠾᠦᠢ ᠶᠠᠩ ᠱᠢᠶᠠᠨᠤ ᠪᠠᠢ ᠮᠠᠩ ᠬᠤᠸᠠ ᠵᠢᠨᠸᠠ ᠲᠠᠩ ᠲᠣᠰᠭᠣᠨ （ᠤᠳᠤᠶ᠋ᠢᠨ ᠾᠦᠢᠵᠸᠦ ᠬᠤᠳᠠᠶ᠋ᠢᠨ ᠾᠦᠢ ᠳ᠋ᠦᠩ ᠱᠢᠶᠠᠨᠤ ᠪᠠᠢ ᠬᠤᠸᠠ ᠪᠠᠯᠭᠠᠰᠤᠶ᠋ᠢᠨ ᠬᠤᠸᠠᠩ ᠲᠠᠩ ᠲᠣᠰᠭᠣᠨᠤ ᠸᠠ ᠲᠠᠩ ᠲᠣᠰᠭᠣᠨᠤ ᠳᠤᠭᠤᠢᠯᠠᠩ） ᠳ᠋ᠦ᠍ ᠲᠦᠷᠦᠵᠡᠢ᠃ ᠪᠠᠭᠠᠡᠴᠡ ᠪᠡᠨ ᠲᠡᠷᠡ ᠳᠠᠪᠱᠢᠩᠭᠤᠢ ᠦᠵᠡᠯ ᠰᠠᠨᠠᠭᠠᠲᠠᠶ ᠣᠢᠷᠠᠳᠴᠤ᠌᠂ 1931 ᠣᠨᠳᠤ ᠫᠢᠩᠱᠠᠨᠤ ᠴᠢᠩ ᠯᠦᠩ ᠲᠠᠨ ᠬᠥᠳᠡᠭᠡ ᠲᠣᠰᠭᠣᠨᠤ ᠪᠠᠭ᠍ᠰᠢᠶ᠋ᠢᠨ ᠰᠤᠷᠭᠠᠭᠤᠯᠢᠳᠤ ᠱᠢᠯᠭᠠᠨ ᠣᠷᠣᠪᠠ᠃ 《9·18》ᠤ᠋ ᠬᠡᠷᠡᠭ ᠬᠤᠪᠢᠰᠤᠯᠤᠨ ᠳᠠᠷᠠᠭᠠ᠂ ᠲᠡᠷᠡ ᠳᠠᠪᠱᠢᠩᠭᠤᠢ ᠬᠠᠮᠲᠤ ᠰᠤᠷᠤᠯᠭᠠᠲᠠᠨᠲᠠᠶᠪᠠᠨ ᠶᠠᠫᠣᠨᠢ ᠡᠰᠡᠷᠭᠦᠴᠡᠬᠦ᠌ ᠤᠬᠠᠭᠤᠯᠬᠤ ᠠᠩᠬᠢᠶ᠋ᠢ ᠵᠣᠬᠢᠶᠠᠨ ᠪᠠᠢᠭᠤᠯᠵᠤ᠂ ᠫᠢᠩᠱᠠᠨ᠂ ᠪᠠᠢ ᠮᠠᠩ ᠬᠤᠸᠠ ᠵᠡᠷᠭᠡ ᠭᠠᠵᠠᠷᠲᠤ ᠬᠦᠷᠴᠦ᠍ ᠶᠠᠫᠣᠨᠢ ᠡᠰᠡᠷᠭᠦᠴᠡᠬᠦ᠌ᠤᠬᠠᠭᠤᠯᠭᠠ ᠬᠢᠪᠡ᠃ ᠬᠣᠵᠢᠮ ᠨᠢ ᠭᠤᠸᠠᠩᠵᠧᠦ᠍ᠶ᠋ᠢᠨ ᠲᠡᠭᠦᠷᠭᠡᠶ᠋ᠢᠨ ᠯᠦᠩ ᠶᠠᠨ ᠳ᠋ᠦᠩ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢᠳᠤ ᠪᠠᠭ᠍ᠰᠢᠯᠠᠪᠠ᠂ ᠲᠡᠷᠡ ᠦᠷᠭᠦᠯᠵᠢ ᠬᠥᠳᠡᠭᠡ ᠲᠣᠰᠭᠣᠨᠳᠤ ᠬᠦᠷᠴᠦ᠍ ᠨᠡᠢᠭᠡᠮᠦᠨ ᠪᠠᠢᠴᠠᠭᠠᠯᠲᠠ ᠬᠢᠵᠦ᠍᠂ ᠪᠠᠢᠴᠠᠭᠠᠯᠲᠠᠶ᠋ᠢᠨ ᠮᠠᠲ᠋ᠧᠷᠢᠶᠠᠯᠢᠶᠠᠨ ᠱᠢᠶᠠᠩᠭᠠᠩᠤᠨ 《ᠤᠯᠠᠨ ᠲᠦᠮᠡᠨᠦ ᠡᠳᠦᠷᠦᠨ ᠰᠣᠨᠢᠨ》 ᠪᠣᠯᠤᠨ ᠭᠤᠸᠠᠩᠵᠧᠦ᠍ᠶ᠋ᠢᠨ 《ᠵᠦᠵᠢᠶᠠᠩ ᠡᠳᠦᠷᠦᠨ ᠰᠣᠨᠢᠨ》ᠳ᠋ᠤ᠌ ᠢᠯᠡᠭᠡᠵᠦ᠍᠂ ᠭᠣᠮᠢᠨᠳᠠᠩᠤᠨ ᠵᠠᠰᠠᠭᠤᠨ ᠭᠠᠵᠠᠷᠤᠨ ᠬᠠᠷᠠᠩᠭᠤᠢ ᠨᠣᠶᠠᠷᠬᠠᠯᠢ ᠢᠯᠡᠴᠢᠯᠡᠪᠡ᠃
1937 ᠣᠨᠤ ᠡᠬᠢᠪᠡᠷ᠂ ᠫᠸᠩ ᠲᠠᠢ ᠨᠦᠩ ᠳᠤᠮᠳᠠᠳᠤ ᠤᠯᠤᠰᠤᠨ ᠡᠪ ᠬᠠᠮᠲᠤ ᠨᠠᠮᠳᠤ ᠣᠷᠣᠪᠠ᠃ 《7·7》 ᠤ᠋ ᠬᠡᠷᠡᠭ ᠬᠤᠪᠢᠰᠤᠯᠤᠨ ᠳᠠᠷᠠᠭᠠ ᠤᠳᠠᠯ ᠦᠭᠡᠢ᠂ ᠲᠡᠷᠡ ᠾᠦᠢᠵᠸᠦ ᠵᠢᠨ ᠰᠣᠨᠢᠨ ᠰᠡᠳᠬᠦᠯᠳᠦ 《ᠳ᠋ᠦᠩᠵᠢᠶᠠᠩᠤᠨ ᠠᠬᠠ ᠳᠡᠭᠦᠦ ᠡᠭᠡᠴᠢ ᠥᠬᠢᠨ ᠳᠡᠭᠦᠦ᠍ᠨᠡᠷᠲᠦ ᠮᠡᠳᠡᠭ᠌ᠳᠡᠬᠦ᠌ ᠪᠢᠴᠢᠭ》 ᠢ᠋ ᠨᠡᠢᠲᠡᠯᠡᠵᠦ᠍᠂ ᠳ᠋ᠦᠩᠵᠢᠶᠠᠩᠤᠨ ᠬᠥᠪᠡᠭᠦᠳ ᠥᠬᠢᠳ ᠪᠦᠯᠬᠦᠮᠳᠡᠵᠡᠭᠡᠵᠦ᠍ ᠶᠠᠫᠣᠨᠤ ᠲᠦᠷᠢᠮᠡᠬᠡᠢᠯᠡᠯᠢ ᠡᠰᠡᠷᠭᠦᠴᠡᠰᠦᠭᠡᠢ ᠭᠡᠵᠦ᠍ ᠤᠷᠢᠶᠠᠯᠠᠪᠠ᠃ 1938 ᠣᠨᠤ ᠳᠡᠭᠡᠷᠡ ᠬᠠᠭᠠᠰ ᠵᠢᠯᠳᠦ᠂ ᠫᠸᠩ ᠲᠠᠢ ᠨᠦᠩ ᠾᠦᠢᠵᠸᠦ ᠳ᠋ᠤ ᠠᠷᠠᠳ ᠤᠯᠠᠨᠤ ᠰᠤᠷᠭᠠᠨ ᠬᠥᠮᠦᠵᠢᠯᠦᠨ ᠣᠷᠳᠣᠨᠢᠶᠠᠷ ᠬᠠᠯᠬᠠᠪᠴᠢ ᠪᠣᠯᠭᠠᠵᠤ᠂ ᠦᠢᠯᠡᠳᠪᠦᠷᠢ᠂ ᠰᠤᠷᠭᠠᠭᠤᠯᠢ ᠵᠡᠷᠭᠡ ᠭᠠᠵᠠᠷᠲᠤ ᠭᠦᠨᠵᠡᠭᠡᠢᠷᠡᠵᠦ᠍᠂ ᠤᠯᠠᠨ ᠬᠥᠮᠦᠨᠢ ᠨᠠᠮᠳᠤ ᠡᠯᠰᠡᠪᠡ᠃ ᠲᠤᠰ ᠵᠢᠯᠦᠨ 5 ᠰᠠᠷᠠᠳᠤ᠂ ᠳᠤᠮᠳᠠᠳᠤ ᠤᠯᠤᠰᠤᠨ ᠡᠪ ᠬᠠᠮᠲᠤ ᠨᠠᠮᠤᠨ ᠾᠦᠢᠵᠸᠦ ᠵᠢᠨ ᠭᠣᠣᠯ ᠨᠠᠮᠤᠨ ᠡᠭᠦᠷ ᠪᠠᠢᠭᠤᠯᠤᠭ᠍ᠳᠠᠵᠤ᠂ ᠫᠸᠩ ᠲᠠᠢ ᠨᠦᠩ ᠨᠠᠮᠤᠨ ᠡᠭᠦᠷᠦᠨ ᠱᠦᠵᠢᠶ᠋ᠢᠨ ᠲᠤᠱᠢᠶᠠᠯᠢ ᠬᠠᠷᠢᠭᠤᠴᠠᠵᠤ᠂ ᠾᠦᠢᠵᠢᠶᠠᠩᠤᠨ ᠰᠤᠷᠤᠭ᠍ᠴᠢᠳᠤᠨ ᠳᠠᠢᠰᠤᠨᠢ ᠡᠰᠡᠷᠭᠦᠴᠡᠬᠦ᠌ ᠬᠣᠯᠪᠣᠭᠠ ᠵᠢ ᠬᠠᠮᠲᠤᠷᠠᠨ ᠵᠣᠬᠢᠶᠠᠨ ᠪᠠᠢᠭᠤᠯᠵᠤ᠂ ᠮᠥᠬᠥᠯᠡᠴᠡ ᠠᠪᠤᠷᠠᠬᠤ ᠤᠬᠠᠭᠤᠯᠭᠠᠶ᠋ᠢᠨ ᠠᠵᠢᠯᠯᠠᠭᠠ ᠥᠷᠨᠢᠭᠦᠯᠪᠡ᠃ 6 ᠰᠠᠷᠠᠳᠤ᠂ ᠫᠸᠩ ᠲᠠᠢ ᠨᠦᠩ ᠳᠤᠮᠳᠠᠳᠤ ᠤᠯᠤᠰᠤᠨ ᠡᠪ ᠬᠠᠮᠲᠤ ᠨᠠᠮᠤᠨ ᠭᠤᠸᠠᠩᠳᠦ᠋ᠩ ᠮᠤᠵᠢᠶ᠋ᠢᠨ ᠳ᠋ᠦᠩᠵᠢᠶᠠᠩᠤᠨ ᠲᠦᠷ ᠴᠠᠭᠤᠨ ᠠᠵᠢᠯᠤᠨ ᠬᠤᠷᠢᠶᠠ ᠵᠢᠨ ᠱᠦᠵᠢᠶ᠋ᠢᠨ ᠲᠤᠱᠢᠶᠠᠯᠢ ᠬᠠᠷᠢᠭᠤᠴᠠᠪᠠ᠃
1938 ᠣᠨᠤ ᠵᠤᠨᠤ ᠠᠮᠠᠷᠠᠯᠲᠠᠶ᠋ᠢᠨ ᠬᠤᠭᠤᠴᠠᠭᠠᠨᠳᠤ᠂ ᠫᠸᠩ ᠲᠠᠢ ᠨᠦᠩ ᠪᠠᠰᠠ ᠠᠷᠠᠳ ᠤᠯᠠᠨᠤ ᠰᠤᠷᠭᠠᠨ ᠬᠥᠮᠦᠵᠢᠯᠦᠨ ᠣᠷᠳᠣᠨᠤ ᠳᠠᠷᠤᠭᠠᠶ᠋ᠢᠨ ᠬᠤᠪᠢᠪᠠᠷ ᠾᠦᠢᠶᠠᠩᠤᠨ ᠬᠡᠦᠬᠡᠳ ᠪᠠᠭᠠᠴᠤᠳᠦᠨ ᠶᠠᠫᠣᠨᠢ ᠡᠰᠡᠷᠭᠦᠴᠡᠵᠦ᠍ ᠮᠥᠬᠥᠯᠡᠴᠡ ᠠᠪᠤᠷᠠᠬᠤ ᠺᠠᠳ᠋ᠷᠤᠨ ᠪᠣᠯᠪᠠᠰᠤᠷᠠᠯᠤᠨ ᠠᠩᠬᠢᠶ᠋ᠢ ᠡᠭᠦᠰᠭᠡᠨ ᠪᠠᠢᠭᠤᠯᠬᠤᠳᠤ ᠣᠷᠣᠯᠴᠠᠪᠠ᠃ ᠵᠢᠪᠬᠤᠭᠠᠲᠤ ᠵᠠᠯᠠᠭᠤᠴᠤᠳ ᠣᠮᠣᠭ ᠲᠡᠭᠦᠯᠳᠡᠷᠢᠶᠡᠷ ᠵᠡᠭᠡᠯᠢ ᠳᠡᠭᠡᠷᠡ ᠶᠠᠷᠢᠶᠠ ᠢᠯᠡᠳᠭᠡᠯ ᠬᠢᠵᠦ᠂ ᠶᠠᠫᠣᠨᠢ ᠡᠰᠡᠷᠭᠦᠴᠡᠵᠦ᠍ ᠮᠥᠬᠥᠯᠡᠴᠡ ᠠᠪᠤᠷᠠᠬᠤ ᠳᠠᠭᠤᠤᠶ᠋ᠢ ᠵᠢᠭᠠᠵᠤ᠂ ᠱᠢ ᠽᠢ ᠲᠢᠩᠰᠡ᠂ ᠳ᠋ᠦᠩ ᠱᠢᠨ ᠬᠦᠭᠦᠷᠭᠡ᠂ ᠫᠢᠩ ᠬᠣ᠌ ᠮᠸᠨ ᠵᠡᠷᠭᠡ ᠭᠠᠵᠠᠷᠲᠤ ᠠᠯᠳᠠᠷᠲᠤ ᠶᠠᠷᠢᠶᠠᠲᠤ ᠵᠦᠴᠦᠭᠡ 《ᠲᠠᠱᠢᠭᠤᠷᠢᠶᠠᠨ ᠲᠠᠯᠪᠢᠭᠠᠴᠢ》 ᠵᠢ ᠲᠣᠭ᠍ᠯᠠᠵᠤ᠂ ᠠᠷᠠᠳ ᠤᠯᠠᠨᠤ ᠪᠦᠯᠬᠦᠮᠳᠡᠨ ᠨᠢᠭᠡᠳᠴᠦ᠍ ᠬᠠᠮᠲᠤᠪᠠᠷ ᠶᠠᠫᠣᠨᠢ ᠡᠰᠡᠷᠭᠦᠴᠡᠬᠦ᠌ᠶ᠋ᠢ ᠬᠥᠭ᠌ᠵᠢᠭᠡᠪᠡ᠃
1938 ᠣᠨᠤ 10 ᠰᠠᠷᠠᠳᠤ᠂ ᠶᠠᠫᠤᠨ ᠴᠡᠷᠢᠭ ᠳᠠ ᠶᠠ ᠸᠠᠨᠢᠶᠠᠷ ᠬᠠᠭᠤᠷᠠᠢᠳᠤ ᠭᠠᠷᠤᠭᠰᠠᠨᠤ ᠳᠠᠷᠠᠭᠠ᠂ ᠫᠸᠩ ᠲᠠᠢ ᠨᠦᠩ ᠨᠠᠷ ᠪᠥᠸᠧ ᠯᠥᠸᠧᠳᠦ ᠤᠬᠤᠷᠢᠨ ᠬᠦᠷᠴᠦ᠂ ᠪᠥᠸᠧ ᠯᠥᠸᠧᠶᠢᠨ ᠳᠠᠢ᠍ᠢᠨᠦ ᠦᠶᠡᠶᠢᠨ ᠠᠵᠢᠯᠯᠠᠬᠤ ᠪᠦᠯᠬᠦᠮᠢ ᠪᠠᠢᠭᠤᠯᠤᠭᠰᠠᠨ ᠪᠥᠭᠡᠳ ᠲᠤᠰ ᠬᠣᠷᠢᠶᠠᠶᠢᠨ ᠨᠡᠷᠡᠪᠡᠷ ᠬᠤᠸᠠᠩ ᠮᠠ ᠫᠢᠶᠢᠨ ᠳᠤᠮᠳᠠᠳᠤ ᠤᠯᠤᠰᠤᠨ ᠡᠪ ᠬᠠᠮᠲᠤ ᠨᠠᠮᠤᠨ ᠣᠷᠣᠨ ᠨᠤᠲᠤᠭᠤᠨ ᠵᠣᠬᠢᠶᠠᠨ ᠪᠠᠢᠭᠤᠯᠤᠯᠲᠠᠲᠠᠢ ᠬᠣᠯᠪᠣᠭᠠ ᠠᠪᠴᠤ᠂ ᠬᠤᠸᠠᠩ ᠮᠠ ᠫᠢᠶᠢᠨ ᠶᠠᠫᠤᠨᠢ ᠡᠰᠡᠷᠭᠦᠴᠡᠬᠦ ᠥᠪᠡᠷᠢᠪᠡᠨ ᠬᠠᠮᠠᠭᠠᠯᠠᠬᠤ ᠬᠣᠷᠢᠶᠠᠵᠢᠨ ᠶᠡᠬᠡ ᠠᠩᠭᠢᠶᠢ ᠳᠤᠮᠳᠠᠳᠤ ᠤᠯᠤᠰᠤᠨ ᠡᠪ ᠬᠠᠮᠲᠤ ᠨᠠᠮᠤᠨ ᠤᠳᠤᠷᠢᠳᠤᠯᠭᠠ ᠳᠣᠣᠷᠠᠬᠢ ᠶᠠᠫᠤᠨᠢ ᠡᠰᠡᠷᠭᠦᠴᠡᠬᠦ ᠵᠡᠪᠰᠡᠭᠲᠦ ᠬᠦᠴᠦᠨ ᠪᠣᠯᠭᠠᠨ ᠥᠭᠡᠷᠡᠴᠢᠯᠡᠪᠡ᠃ ᠲᠤᠰ ᠵᠢᠯᠦᠨ 12 ᠰᠠᠷᠠᠳᠤ᠂ ᠶᠠᠫᠤᠨ ᠴᠡᠷᠢᠭ ᠾᠦᠢᠵᠸᠦ ᠡᠴᠡ ᠲᠦᠷ ᠤᠬᠤᠷᠢᠨ ᠭᠠᠷᠤᠭᠰᠠᠨᠤ ᠳᠠᠷᠠᠭᠠ᠂ ᠫᠸᠩ ᠲᠠᠢ ᠨᠦᠩ ᠭᠤᠸᠠᠩᠳᠦ᠋ᠩᠦᠨ ᠵᠠᠯᠠᠭᠤᠴᠤᠳᠤᠨ ᠶᠠᠫᠤᠨᠢ ᠡᠰᠡᠷᠭᠦᠴᠡᠬᠦ ᠬᠣᠰᠢᠭᠤᠴᠢ ᠠᠩᠭᠢᠶᠢᠨ ᠳ᠋ᠦᠩᠵᠢᠶᠠᠩ ᠲᠣᠭᠣᠷᠢᠭ᠋ᠤᠨ ᠠᠩᠭᠢᠶᠢ ᠬᠠᠪᠰᠤᠷᠤᠨ ᠾᠦᠢᠶᠠᠩᠤᠨ ᠶᠠᠫᠤᠨᠢ ᠡᠰᠡᠷᠭᠦᠴᠡᠬᠦ ᠬᠣᠰᠢᠭᠤᠴᠢ ᠠᠩᠭᠢ ᠪᠣᠯᠣᠨ ᠶᠠᠫᠤᠨᠢ ᠡᠰᠡᠷᠭᠦᠴᠡᠬᠦ ᠬᠣᠰᠢᠭᠤᠴᠢ ᠠᠩᠭᠢᠶᠢᠨ ᠾᠦᠢᠵᠸᠦ ᠵᠢᠨ ᠬᠡᠷᠡᠭ ᠡᠷᠬᠢᠯᠡᠬᠦ ᠭᠠᠵᠠᠷᠢ ᠵᠣᠬᠢᠶᠠᠨ ᠪᠠᠢᠭᠤᠯᠵᠤ᠂ ᠾᠦᠢᠵᠸᠦ ᠳ᠋ᠤ᠌ ᠨᠢᠭᠤᠴᠠ ᠬᠣᠯᠪᠣᠭᠠ ᠠᠪᠬᠤ ᠭᠠᠵᠠᠷ ᠪᠠᠢᠭᠤᠯᠵᠤ᠂ 《ᠤᠯᠠᠨᠢᠶᠠᠷᠢᠶᠠᠨ ᠦᠵᠡᠭᠡᠷᠡᠢ》 ᠭᠡᠬᠦ ᠬᠠᠨᠠᠶᠢᠨ ᠰᠣᠨᠢᠨᠢ ᠬᠡᠪᠯᠡᠵᠦ᠂ ᠠᠮᠢᠳᠤᠯᠢᠭ ᠳᠦᠷᠰᠦᠯᠢᠭ᠂ ᠣᠢᠯᠠᠭᠠᠮᠵᠢᠲᠠᠢ ᠦᠭᠡ ᠬᠡᠯᠡᠪᠡᠷ ᠶᠠᠫᠤᠨᠢ ᠡᠰᠡᠷᠭᠦᠴᠡᠬᠦ ᠶᠣᠰᠣ᠌ ᠤᠴᠢᠷᠢ ᠤᠬᠠᠭᠤᠯᠪᠠ᠃ ᠡᠭᠦᠨᠦ ᠬᠠᠮᠲᠤ ᠳ᠋ᠦᠩᠵᠢᠶᠠᠩᠤᠨ ᠳᠤᠮᠳᠠᠳᠤᠶᠢᠨ ᠬᠠᠷᠢᠶᠠᠲᠤᠶᠢᠨ ᠨᠤᠲᠤᠭᠲᠠᠭᠠᠨ ᠪᠤᠴᠠᠵᠤ ᠢᠷᠡᠬᠦ ᠳ᠋ᠤ ᠦᠢᠯᠡᠴᠢᠯᠡᠬᠦ ᠪᠦᠯᠬᠦᠮ ᠵᠢᠴᠢ ᠢᠷᠭᠡᠨᠦ ᠬᠤᠪᠢᠰᠬᠠᠯᠲᠤ ᠴᠡᠷᠢᠭᠦᠨ ᠳᠣᠯᠣᠳᠤᠭᠠᠷ ᠪᠠᠢᠯᠳᠤᠭᠠᠨᠤ ᠲᠣᠭᠣᠷᠢᠭ᠋ᠤᠨ ᠤᠯᠤᠰ ᠲᠦᠷᠦᠶᠢᠨ ᠠᠵᠢᠯᠤᠨ ᠠᠩᠭᠢ᠂ ᠴᠡᠷᠢᠭ ᠠᠷᠠᠳᠤᠨ ᠬᠠᠮᠲᠤᠷᠠᠯᠴᠠᠭᠠᠨᠤ ᠦᠷᠳᠡᠭᠡ ᠵᠡᠷᠭᠡᠲᠠᠢ ᠬᠠᠮᠲᠤ ᠵᠦᠩ ᠱᠠᠨ ᠳᠤᠷᠠᠰᠬᠠᠯᠤᠨ ᠲᠠᠩᠬᠢᠮᠳᠤ ᠶᠠᠫᠤᠨᠢ ᠡᠰᠡᠷᠭᠦᠴᠡᠬᠦ ᠶᠠᠷᠢᠶᠠᠲᠤ ᠵᠦᠴᠦᠭᠡ ᠲᠣᠭᠯᠠᠵᠤ᠂ ᠳ᠋ᠦᠩᠵᠢᠶᠠᠩᠤᠨ ᠬᠣᠶᠠᠷ ᠬᠥᠪᠡᠭᠡᠨᠦ ᠶᠠᠫᠤᠨᠢ ᠡᠰᠡᠷᠭᠦᠴᠡᠵᠦ ᠮᠥᠬᠥᠯᠡᠴᠡ ᠠᠪᠤᠷᠠᠬᠤ ᠬᠥᠳᠡᠯᠭᠡᠭᠡᠨᠢ ᠤᠷᠬᠢᠯ ᠳ᠋ᠤᠨᠢ ᠬᠦᠷᠭᠡᠵᠡᠢ᠃
1940 ᠣᠨᠤ ᠬᠠᠪᠤᠷ᠂ ᠳᠤᠮᠳᠠᠳᠤ ᠤᠯᠤᠰᠤᠨ ᠡᠪ ᠬᠠᠮᠲᠤ ᠨᠠᠮᠤᠨ ᠳ᠋ᠦᠩᠵᠢᠶᠠᠩᠤᠨ ᠣᠨᠴᠠᠭᠠᠢ ᠬᠣᠷᠢᠶᠠᠶᠢᠨ ᠵᠢᠭᠠᠪᠤᠷᠢᠪᠠᠷ᠂ ᠫᠸᠩ ᠲᠠᠢ ᠨᠦᠩ ᠡᠬᠡᠨᠡᠷ ᠾᠧ ᠯᠢ ᠴᠢᠨᠲᠠᠢᠪᠡᠨ ᠽᠢ ᠵᠢᠨ ᠰᠢᠨ ᡁᠢ ᠪᠠᠭᠠ ᠰᠤᠷᠭᠠᠭᠤᠯᠢᠳᠤ ᠰᠢᠯᠵᠢᠵᠦ᠂ ᠰᠦᠨᠢᠶᠢᠨ ᠰᠤᠷᠭᠠᠭᠤᠯᠢ ᠪᠣᠯᠣᠨ ᠡᠮᠡᠭᠲᠡᠢᠴᠦᠳᠦᠨ ᠦᠰᠦᠭ ᠲᠠᠨᠢᠬᠤ ᠠᠩᠭᠢ ᠡᠷᠬᠢᠯᠡᠵᠦ᠂ ᠤᠯᠠᠨ ᠲᠦᠮᠡᠨᠢ ᠳᠠᠢ᠍ᠢᠴᠢᠯᠠᠨ ᠶᠠᠫᠤᠨᠢ ᠡᠰᠡᠷᠭᠦᠴᠡᠵᠡᠢ᠃ 12 ᠰᠠᠷᠠᠳᠤ᠂ ᠲᠡᠷᠡ ᠫᠸᠩ ᠲᠠᠢ ᠳ᠋ᠦᠩ ᠬᠡᠮᠡᠨ ᠨᠡᠷᠡᠪᠡᠨ ᠪᠤᠷᠤᠭᠤᠯᠠᠵᠤ ᠾᠸ ᠫᠢᠩ ᠰᠢᠶᠠᠨᠳᠤ ᠬᠦᠷᠴᠦ ᠳᠤᠮᠳᠠᠳᠤ ᠤᠯᠤᠰᠤᠨ ᠡᠪ ᠬᠠᠮᠲᠤ ᠨᠠᠮ ᠪᠣᠯᠣᠨ ᠵᠡᠭᠦᠨ ᠣᠷᠣᠨᠤ ᠨᠠᠮᠤᠨ ᠬᠣᠷᠢᠶᠠᠵᠢᠨ ᠠᠵᠢᠯᠢ ᠬᠠᠷᠢᠭᠤᠴᠠᠵᠤ᠂ 1941 ᠣᠨᠤ 7 ᠰᠠᠷᠠᠳᠤ ᠳᠤᠮᠳᠠᠳᠤ ᠤᠯᠤᠰᠤᠨ ᠡᠪ ᠬᠠᠮᠲᠤ ᠨᠠᠮᠤᠨ ᠳ᠋ᠦᠩᠵᠢᠶᠠᠩᠤᠨ ᠬᠣᠢᠲᠤ ᠬᠡᠰᠡᠭᠦᠨ ᠣᠨᠴᠠᠭᠠᠢ ᠬᠤᠷᠢᠶᠠᠵᠢᠨ ᠤᠬᠠᠭᠤᠯᠬᠤ ᠠᠵᠢᠯᠯᠠᠭ᠍ᠴᠢᠶᠢᠨ ᠲᠤᠰᠢᠶᠠᠯᠢ ᠬᠠᠷᠢᠭᠤᠴᠠᠵᠤ᠂ ᠳᠠᠷᠠᠭᠠ ᠵᠢᠯ ᠨᠢ ᠭᠤᠸᠠᠩᠳᠦ᠋ᠩᠦᠨ ᠠᠷᠠᠳ ᠲᠦᠮᠡᠨᠦ ᠶᠠᠫᠤᠨᠢ ᠡᠰᠡᠷᠭᠦᠴᠡᠬᠦ ᠫᠠᠷᠲ᠋ᠢᠽᠠᠨ ᠠᠩᠭᠢᠳᠤ ᠠᠵᠢᠯᠯᠠᠪᠠ᠃
1943 ᠣᠨᠤ 3 ᠰᠠᠷᠠᠶᠢᠨ 3 ᠤ᠋ ᠡᠳᠦᠷ᠂ ᠲᠠᠩᠨᠠᠭᠤᠯ ᠨᠢᠭᠤᠴᠠᠶᠢ ᠵᠠᠳᠠᠷᠠᠭᠤᠯᠤᠭᠰᠠᠨᠡᠴᠡ ᠪᠣᠯᠵᠤ᠂ ᠭᠤᠸᠠᠩᠳᠦ᠋ᠩᠦᠨ ᠠᠷᠠᠳᠤᠨ ᠶᠠᠫᠤᠨᠢ ᠡᠰᠡᠷᠭᠦᠴᠡᠬᠦ ᠫᠠᠷᠲ᠋ᠢᠽᠠᠨ ᠠᠩᠭᠢᠶᠢᠨ ᠰᠢᠶᠠᠩᠭᠠᠩᠳᠠᠬᠢ ᠶᠢᠰᠦᠳᠦᠭᠡᠷ ᠶᠡᠬᠡ ᠠᠩᠭᠢᠶᠢᠨ ᠤᠯᠤᠰ ᠲᠦᠷᠦᠶᠢᠨ ᠪᠣᠯᠪᠠᠰᠤᠷᠠᠯᠤᠨ ᠲᠠᠰᠤᠬᠤᠨ ᠰᠠᠭᠤᠭᠠ ᠭᠠᠵᠠᠷ ᠶᠠᠫᠤᠨ ᠴᠡᠷᠢᠭᠲᠦ ᠪᠦᠰᠡᠯᠡᠭᠳᠡᠵᠦ᠂ ᠨᠥᠬᠥᠳᠢᠶᠡᠨ ᠬᠠᠮᠠᠭᠠᠯᠠᠨ ᠪᠦᠰᠡᠯᠡᠯᠲᠡᠶᠢ ᠰᠢᠪᠲᠤᠯᠬᠤ ᠳᠤᠮᠳᠠ ᠫᠸᠩ ᠲᠠᠢ ᠨᠦᠩ ᠵᠣᠯ ᠪᠤᠰᠤᠪᠠᠷ ᠰᠤᠮᠤᠨᠳᠤ ᠣᠨᠣᠭᠳᠠᠵᠤ ᠪᠡᠶᠡ ᠦᠷᠡᠭᠳᠡᠪᠡ᠂ ᠰᠠᠶᠢ 28 ᠨᠠᠰᠤᠲᠠᠢ ᠪᠠᠢᠯᠠ᠃
2015 ᠣᠨᠤ 8 ᠰᠠᠷᠠᠳᠤ᠂ ᠫᠸᠩ ᠲᠠᠢ ᠨᠦᠩ ᠠᠷᠠᠳᠤᠨ ᠶᠠᠪᠤᠳᠠᠯᠤᠨ ᠶᠠᠮᠤᠨᠤ ᠨᠡᠢᠲᠡᠯᠡᠭᠰᠡᠨ ᠬᠣᠶᠠᠳᠤᠭᠠᠷ ᠪᠦᠯᠦᠭᠦᠨ ᠶᠠᠫᠤᠨᠢ ᠡᠰᠡᠷᠭᠦᠴᠡᠭᠰᠡᠨ 600 ᠠᠯᠳᠠᠷᠲᠤ ᠪᠠᠭᠠᠲᠤᠷ ᠪᠣᠯᠣᠨ ᠪᠠᠭᠠᠲᠤᠷᠯᠢᠭ᠋ ᠬᠥᠮᠥᠰᠦᠨ ᠨᠡᠷᠡᠰᠲᠦ ᠵᠢᠭ᠍ᠰᠠᠭᠠᠭᠳᠠᠪᠠ᠃
ᠫᠸᠩ ᠲᠠᠢ ᠨᠦᠩᠤᠨ ᠨᠤᠲᠤᠭᠲᠤ᠂ ᠲᠡᠭᠦᠨᠦ ᠦᠢᠯᠡ ᠠᠵᠢᠯᠯᠠᠭᠠ ᠬᠥᠮᠥᠰᠲᠦ ᠭᠦᠨ ᠰᠠᠭᠤᠭᠳᠠᠯ ᠦᠯᠡᠳᠡᠭᠡᠵᠡᠢ᠃ ᠬᠤᠸᠠᠩ ᠲᠠᠩ ᠲᠣᠰᠬᠣᠨᠤ ᠬᠢᠨ ᠲᠣᠰᠬᠣᠨᠤ ᠺᠠᠳ᠋ᠷ ᠲᠣᠭᠣᠷᠢᠨ ᠦᠵᠡᠬᠦ᠂ ᠨᠤᠲᠤᠭᠤᠨ ᠮᠡᠷᠭᠡᠳᠦᠨ ᠶᠠᠷᠢᠯᠴᠠᠬᠤ ᠬᠤᠷᠠᠯ ᠬᠢᠬᠦ ᠵᠡᠷᠭᠡ ᠬᠡᠯᠪᠡᠷᠢᠪᠡᠷ᠂ ᠫᠸᠩ ᠲᠠᠢ ᠨᠦᠩᠤᠨ ᠦᠯᠢᠭᠡᠷᠢ ᠴᠤᠭᠯᠠᠭᠤᠯᠤᠨ ᠣᠢᠯᠠᠭᠠᠵᠤ᠂ ᠲᠣᠰᠬᠣᠨᠤ ᠨᠠᠮᠤᠨ ᠭᠡᠰᠢᠭᠦᠳᠦᠨ ᠶᠡᠬᠡ ᠬᠤᠷᠠᠯ ᠪᠣᠯᠭᠠᠨ ᠲᠡᠭᠦᠨᠦ ᠦᠢᠯᠡ ᠠᠵᠢᠯᠯᠠᠭᠠᠶᠢ ᠡᠷᠭᠢᠴᠡᠭᠦᠯᠬᠦᠶᠢᠨ ᠬᠠᠮᠲᠤ 《ᠪᠢᠴᠢᠬᠠᠨ ᠲᠠᠢᠯᠪᠤᠷᠢᠯᠠᠭ᠍ᠴᠢ》 ᠵᠢᠨ ᠡᠩᠨᠡᠭᠡᠶᠢ ᠪᠠᠢᠭᠤᠯᠵᠤ᠂ ᠬᠡᠦᠬᠡᠳᠦᠳᠦᠨ ᠰᠡᠳᠬᠢᠯᠳᠦ ᠬᠤᠪᠢᠰᠬᠠᠯᠤᠨ ᠦᠷᠡᠶᠢ ᠰᠠᠴᠤᠵᠦ ᠪᠠᠢᠨᠠ᠃
ᠪᠠᠢ ᠬᠤᠸᠠ ᠪᠠᠯᠭᠠᠰᠤᠨᠤ ᠬᠤᠸᠠᠩ ᠲᠠᠩ ᠲᠣᠰᠬᠣᠨᠤ ᠨᠠᠮᠤᠨ ᠬᠤᠷᠢᠶᠠᠵᠢᠨ ᠱᠦᠵᠢ ᠴᠧᠨ ᠬᠠᠨ ᠴᠢᠤᠸᠠᠨ᠂ ᠣᠳᠣᠬᠠᠨᠳᠤ ᠪᠡᠯᠡ ᠮᠥᠩᠭᠥ ᠪᠡᠯᠡᠳᠭᠡᠨ ᠴᠤᠭᠯᠠᠭᠤᠯᠵᠤ ᠫᠸᠩ ᠲᠠᠢ ᠨᠦᠩᠤᠨ ᠬᠠᠭᠤᠴᠢᠨ ᠰᠠᠭᠤᠴᠠᠶᠢ ᠰᠡᠯᠪᠢᠨ ᠵᠠᠰᠠᠬᠤ ᠲᠥᠯᠥᠪᠯᠡᠭᠡ ᠪᠤᠢ᠂ ᠫᠸᠩ ᠲᠠᠢ ᠨᠦᠩᠤᠨ ᠵᠣᠷᠢᠭ᠍ᠲᠠᠢᠪᠠᠷ ᠲᠦᠷᠦᠭᠦᠯᠡᠨ ᠬᠢᠬᠦ᠂ ᠪᠡᠶᠡ ᠦᠷᠡᠭᠳᠡᠬᠦ ᠡᠴᠡ ᠠᠶᠤᠬᠤ ᠦᠭᠡᠢ ᠬᠤᠪᠢᠰᠬᠠᠯᠲᠤ ᠵᠣᠷᠢᠭ᠋ ᠰᠠᠨᠠᠭᠠᠶᠢ ᠨᠡᠩ ᠥᠷᠭᠡᠨ ᠬᠡᠪᠴᠢᠶᠡᠨᠳᠦ ᠤᠬᠠᠭᠤᠯᠤᠨ ᠪᠠᠳᠠᠷᠠᠭᠤᠯᠬᠤᠶᠢᠨ ᠬᠠᠮᠲᠤ ᠡᠭᠦᠨᠢᠶᠡᠷ ᠵᠣᠷᠢᠭ᠋ ᠰᠠᠨᠠᠭᠠᠨᠤ ᠰᠠᠭᠤᠷᠢ ᠪᠣᠯᠭᠠᠵᠤ᠂ ᠬᠤᠪᠢᠰᠬᠠᠯᠲᠤ ᠲᠣᠰᠬᠣᠨᠤ ᠪᠦᠲᠦᠭᠡᠨ ᠪᠠᠢᠭᠤᠯᠤᠯᠲᠠᠳᠤ ᠡᠨ᠋ᠸᠷᠬᠢ ᠤᠯᠭᠤᠵᠤ᠂ ᠦᠶᠡ ᠦᠶᠡᠶᠢᠨ ᠤᠯᠠᠮᠵᠢᠯᠠᠯ ᠳᠤᠮᠳᠠ ᠬᠥᠳᠡᠭᠡ ᠲᠣᠰᠬᠣᠨᠤ ᠪᠦᠲᠦᠭᠡᠨ ᠪᠠᠢᠭᠤᠯᠤᠯᠲᠠᠶᠢ ᠰᠢᠨᠡ ᠳᠡᠭᠲᠡᠷᠲᠦ ᠭᠠᠷᠭᠠᠬᠤᠶᠢ ᠬᠦᠰᠡᠵᠦ ᠪᠠᠢᠨᠠ ᠭᠡᠵᠦ ᠲᠠᠨᠢᠯᠴᠠᠭᠤᠯᠪᠠ᠃
（ᠱᠢᠨᠬᠤᠸᠠ ᠬᠤᠷᠢᠶᠠ ᠵᠢᠨ ᠭᠤᠸᠠᠩᠵᠧᠦ᠍ᠶ᠋ᠢᠨ ᠴᠠᠬᠢᠯᠭᠠᠨ ᠮᠡᠳᠡᠭᠡ）