ᠪᠤᠯᠤᠩ ᠨᠡᠭᠡᠭᠡᠬᠦ᠌ ᠦᠭᠡ
ᠥᠪᠥᠷ ᠮᠣᠩᠭᠣᠯᠳᠤ ᠪᠦᠬᠦ᠌ ᠤᠯᠤᠰᠤᠨ ᠭᠣᠣᠯᠳᠠᠯᠭᠠᠲᠠᠶ ᠲᠡᠦᠬᠡᠶ᠋ᠢᠨ ᠳᠤᠷᠠᠰᠭᠠᠯᠲᠤ ᠵᠦᠢᠯᠡᠰᠦᠨ ᠬᠠᠮᠠᠭᠠᠯᠠᠯᠲᠠᠶ᠋ᠢᠨ ᠨᠢᠭᠡᠴᠢ 149 ᠪᠠᠢᠵᠤ᠂ ᠪᠦᠬᠦ᠌ ᠤᠯᠤᠰᠤᠨ ᠭᠣᠣᠯᠳᠠᠯᠭᠠᠲᠠᠶ ᠲᠡᠦᠬᠡᠶ᠋ᠢᠨ ᠳᠤᠷᠠᠰᠭᠠᠯᠲᠤ ᠵᠦᠢᠯᠡᠰᠦᠨ ᠬᠠᠮᠠᠭᠠᠯᠠᠯᠲᠠᠶ᠋ᠢᠨ ᠨᠢᠭᠡᠴᠢ ᠨᠢᠭᠡᠪᠦᠷᠢᠶ᠋ᠢᠨ ᠰᠠᠬᠢᠨ ᠬᠠᠮᠠᠭᠠᠯᠠᠵᠤ ᠪᠠᠢᠭᠠ ᠲᠡᠦᠬᠡᠶ᠋ᠢᠨ ᠳᠤᠷᠠᠰᠭᠠᠯᠲᠤ ᠵᠦᠢᠯᠡᠰᠲᠦ ᠴᠥᠮ ᠳᠤᠮᠳᠠᠳᠤᠶ᠋ᠢᠨ ᠦᠨᠳᠦᠰᠦᠲᠡᠨᠦ ᠭᠦᠨ ᠵᠤᠵᠠᠭᠠᠨ ᠲᠡᠦᠬᠡᠶ᠋ᠢᠨ ᠳᠤᠷᠠᠳᠭᠠᠯ ᠪᠣᠯᠤᠨ ᠳᠤᠮᠳᠠᠳᠤᠶ᠋ᠢᠨ ᠪᠣᠯᠪᠠᠰᠤᠨᠤ ᠭᠦᠨ ᠵᠤᠵᠠᠭᠠᠨ ᠭᠧᠨᠦ ᠨᠢᠭᠤᠴᠠ ᠨᠣᠮᠧᠷ ᠠᠭᠤᠯᠤᠭ᠍ᠳᠠᠵᠤ ᠪᠤᠢ᠃ ᠥᠪᠥᠷ ᠮᠣᠩᠭᠣᠯᠤᠨ ᠡᠳᠦᠷᠦᠨ ᠰᠣᠨᠢᠨ ᠤ᠋ 《ᠳᠤᠮᠳᠠᠳᠤ ᠤᠯᠤᠰ ᠤ᠋ᠨ ᠬᠠᠭᠤᠴᠢ ᠰᠤᠳᠤᠯᠤᠯ — ᠦᠪᠦᠷ ᠮᠤᠩᠭᠤᠯ ᠳ᠋ᠡᠬᠢ ᠤᠯᠤᠰᠤᠨ ᠭᠣᠣᠯᠳᠠᠯᠭᠠᠲᠠᠶ ᠲᠡᠦᠬᠡᠶ᠋ᠢᠨ ᠳᠤᠷᠠᠰᠭᠠᠯᠲᠤ ᠵᠦᠢᠯᠡᠰᠦᠨ ᠬᠠᠮᠠᠭᠠᠯᠠᠯᠲᠠ ᠵᠢᠨ ᠨᠢᠭᠡᠴᠢ》 ᠭᠡᠬᠦ ᠲᠣᠮᠣ ᠬᠡᠪᠴᠢᠶᠡᠨᠦ ᠪᠦᠷᠢᠨ ᠵᠠᠭᠤᠴᠢᠯᠠᠭᠤᠷᠤᠨ ᠳᠠᠮᠵᠢᠭᠤᠯᠭᠠ ᠵᠢᠨ ᠢᠨᠵᠧᠨᠧᠷᠢᠩᠨᠢ ᠪᠦᠬᠦ᠌ ᠤᠯᠤᠰᠤᠨ ᠭᠣᠣᠯᠳᠠᠯᠭᠠᠲᠠᠶ 60ᠲᠡᠦᠬᠡᠶ᠋ᠢᠨ ᠳᠤᠷᠠᠰᠭᠠᠯᠲᠤ ᠵᠦᠢᠯᠡᠰᠦᠨ ᠬᠠᠮᠠᠭᠠᠯᠠᠯᠲᠠᠶ᠋ᠢᠨ ᠨᠢᠭᠡᠴᠢᠶ᠋ᠢ ᠰᠣᠩᠭᠣᠨ ᠪᠦᠷᠢᠨ ᠵᠠᠭᠤᠴᠢᠯᠠᠭᠤᠷᠤᠨ ᠰᠤᠷᠪᠤᠯᠵᠢᠯᠠᠭᠠ ᠬᠢᠵᠦ᠍᠂ ᠪᠥᠬᠥ᠌ ᠤᠯᠤᠰᠤᠨ ᠭᠤᠤᠯᠳᠠᠯᠭᠠᠲᠠᠶ ᠲᠡᠦᠬᠡᠶ᠋ᠢᠨ ᠳᠤᠷᠠᠰᠭᠠᠯᠲᠤ ᠵᠦᠶ᠋ᠯᠡᠰᠦᠨ ᠬᠠᠮᠠᠭᠠᠯᠠᠯᠲᠠᠶ᠋ᠢᠨ ᠨᠢᠭᠡᠴᠢᠶ᠋ᠢᠨ ᠠᠷᠤᠳᠠᠬᠢ ᠭᠦᠨ ᠵᠤᠵᠠᠭᠠᠨ ᠲᠡᠦᠬᠡ ᠪᠣᠯᠤᠨ ᠦᠨᠡᠨ ᠪᠤᠳᠠᠲᠤ ᠥᠯᠢᠭᠡᠷᠢ ᠬᠠᠢᠨ ᠰᠦᠪᠡᠭ᠌ᠴᠢᠯᠡᠨᠠ᠂ ᠡᠨᠡ ᠨᠢ ᠤᠮᠠᠷᠠᠲᠤ ᠬᠢᠯᠢᠶ᠋ᠢᠨ ᠰᠣᠶᠣᠯᠤᠨ ᠭᠧᠨᠦ ᠲᠤᠬᠠᠶ ᠨᠢᠭᠡ ᠤᠳᠠᠭᠠᠨᠤ ᠬᠦᠨᠵᠡᠭᠡᠢ ᠲᠠᠢᠯᠤᠮᠵᠢ ᠪᠠ ᠦᠶ᠋ᠯᠡᠳᠦᠯᠭᠡᠶ᠋ᠢᠨ ᠲᠠᠢᠯᠪᠤᠷᠢᠯᠠᠯᠲᠠ ᠪᠣᠯᠬᠤ ᠶᠤᠮ᠃
ᠬᠠᠳᠠᠨ ᠵᠢᠷᠤᠭ ᠮᠤᠨᠢ ᠠᠭᠤᠯᠠᠶ᠋ᠢᠨ ᠦᠦᠷᠦᠨ ᠲᠤᠶᠠᠭᠠᠪᠠᠷ ᠰᠡᠷᠭᠦᠵᠦ᠍᠂ ᠡᠷᠲᠡᠨᠦ ᠬᠤᠳᠠᠶ᠋ᠢᠨ ᠬᠡᠷᠡᠮ ᠲᠠᠯᠠ ᠵᠢᠨ ᠰᠠᠯᠬᠢᠨᠤ ᠠᠶᠠ ᠪᠡᠷ ᠰᠢᠪᠡᠨᠡᠵᠤ᠌᠂ ᠬᠦᠷᠡᠯ ᠵᠡᠪᠰᠡᠭ ᠳᠡᠭᠡᠷᠡᠬᠢ ᠬᠡ ᠤᠭᠠᠯᠵᠠ ᠮᠢᠩᠭᠠᠨ ᠤᠨᠢ ᠡᠯᠡᠭᠡᠭᠰᠡᠨ ᠴᠤ᠌ ᠭᠡᠷᠡᠯ ᠭᠢᠯᠪᠠᠭᠠ ᠪᠡᠨ ᠰᠠᠴᠤᠷᠠᠭᠤᠯᠤᠬᠰᠠᠭᠠᠷ — ᠪᠢᠳᠡ ᠥᠪᠥᠷ ᠮᠣᠩᠭᠣᠯᠤᠨ ᠡᠭᠡ ᠭᠠᠵᠠᠷᠤᠨ ᠬᠠᠭᠠᠯᠭᠠᠶ᠋ᠢ ᠲᠣᠭ᠍ᠰᠢᠵᠤ᠂ ᠠᠭᠤᠯᠠ ᠳᠠᠪᠠᠨ ᠤᠰᠤ ᠭᠠᠲᠤᠯᠤᠨ ᠪᠠᠢᠵᠤ ᠲᠡᠦᠬᠡᠶ᠋ᠢᠨ ᠳᠤᠷᠠᠰᠭᠠᠯᠲᠤ ᠵᠦᠢᠯᠡᠰᠦᠨ ᠬᠠᠮᠠᠭᠠᠯᠠᠯᠲᠠᠶ᠋ᠢᠨ ᠠᠵᠢᠯᠳᠠᠨ ᠪᠣᠯᠤᠨ ᠬᠠᠭᠤᠴᠢ ᠰᠤᠳᠤᠯᠤᠭᠠᠴᠢᠳᠤᠨ ᠤᠯᠠ ᠮᠥᠷᠢ ᠮᠦᠷᠳᠡᠵᠤ᠂ ᠪᠦᠬᠦ᠌ ᠤᠯᠤᠰᠤᠨ ᠭᠣᠣᠯᠳᠠᠯᠭᠠᠲᠠᠶ ᠲᠡᠦᠬᠡᠶ᠋ᠢᠨ ᠳᠤᠷᠠᠰᠭᠠᠯᠲᠤ ᠵᠦᠢᠯᠡᠰᠦᠨ ᠬᠠᠮᠠᠭᠠᠯᠠᠯᠲᠠᠶ᠋ᠢᠨ ᠨᠢᠭᠡᠴᠢ ᠳ᠋ᠤ ᠨᠢᠭᠤᠭ᠍ᠳᠠᠵᠤ ᠪᠦᠬᠦᠢ 60 ᠪᠣᠯᠪᠠᠰᠤᠨᠤ ᠰᠤᠳᠠᠰᠤᠶ᠋ᠢ ᠡᠷᠢᠯᠬᠢᠯᠡᠨᠡ᠃ ᠪᠢᠳᠡᠨᠦ ᠬᠠᠢᠨ ᠡᠷᠢᠯᠬᠢᠯᠡᠵᠤ ᠪᠠᠢᠭᠠ ᠨᠢ ᠪᠠᠭᠠᠵᠢ ᠪᠤᠳᠠᠰ ᠬᠢᠭᠡᠳ ᠡᠷᠳᠡᠨᠤ ᠪᠠᠭᠤᠷᠢ ᠵᠢᠨ ᠦᠩᠭᠡ ᠬᠡᠷᠡᠯᠲᠡᠳᠦᠢ ᠦᠭᠡᠢ ᠨᠡᠩ ᠴᠤ᠌ ᠦᠨᠳᠦᠰᠦᠲᠡᠨᠨᠦᠭᠦᠳᠦᠨ ᠬᠠᠷᠢᠯᠴᠠᠨ ᠪᠠᠷᠠᠯᠠᠵᠤ᠂ ᠴᠢᠰᠤ ᠮᠢᠬᠠᠨᠤ ᠪᠠᠷᠢᠯᠳᠤᠯᠭᠠᠶ᠋ᠢᠨ ᠳᠤᠮᠳᠠ ᠬᠠᠮᠲᠤᠪᠠᠷ ᠵᠢᠷᠤᠬᠯᠠᠬᠰᠠᠨ ᠳᠤᠮᠳᠠᠳᠤᠶ᠋ᠢᠨ ᠪᠣᠯᠪᠠᠰᠤᠨᠤ ᠠᠤᠭᠠ ᠵᠢᠷᠤᠭ ᠲᠥᠰᠦᠪ ᠮᠥᠨ᠃
ᠡᠨᠡ ᠡᠳᠦᠷᠡᠴᠡ ᠡᠬᠢᠯᠡᠨ 《ᠳᠤᠮᠳᠠᠳᠤ ᠤᠯᠤᠰ ᠤ᠋ᠨ ᠬᠠᠭᠤᠴᠢ ᠰᠤᠳᠤᠯᠤᠯ — ᠦᠪᠦᠷ ᠮᠤᠩᠭᠤᠯ ᠳ᠋ᠡᠬᠢ ᠤᠯᠤᠰᠤᠨ ᠭᠣᠣᠯᠳᠠᠯᠭᠠᠲᠠᠶ ᠲᠡᠦᠬᠡᠶ᠋ᠢᠨ ᠳᠤᠷᠠᠰᠭᠠᠯᠲᠤ ᠵᠦᠢᠯᠡᠰᠦᠨ ᠬᠠᠮᠠᠭᠠᠯᠠᠯᠲᠠ ᠵᠢᠨ ᠨᠢᠭᠡᠴᠢ》 ᠭᠡᠬᠦ᠌ ᠲᠤᠰᠭᠠᠶ ᠪᠤᠯᠤᠩ ᠨᠡᠭᠡᠭᠡᠵᠤ᠂ ᠥᠪᠥᠷ ᠮᠣᠩᠭᠣᠯᠳ᠋ᠡᠬᠢ ᠤᠯᠤᠰᠤᠨ ᠡᠷᠳᠡᠨᠢᠶ᠋ᠢᠨ ᠠᠮᠢᠳᠤᠯᠢᠭ ᠥᠯᠢᠭᠡᠷᠢ ᠬᠦᠤᠷᠨᠢᠨᠠ᠃ ᠪᠢᠳᠡ ᠬᠠᠮᠲᠤᠪᠠᠷ ᠲᠡᠦᠬᠡᠶ᠋ᠢᠨ ᠤᠷᠳᠤ ᠠᠶᠠᠨᠳᠤ ᠭᠦᠨᠵᠡᠭᠡᠢᠷᠡᠵᠦ᠂ ᠡᠷᠲᠡᠨ ᠡᠳᠦᠭᠡᠶ᠋ᠢᠨ ᠶᠠᠷᠢᠯᠴᠠᠯᠭᠠ ᠳᠤᠮᠳᠠ᠂ ᠳᠤᠮᠳᠠᠳᠤᠶ᠋ᠢᠨ ᠦᠨᠳᠦᠰᠦᠲᠡᠨᠦ ᠤᠯᠠᠨ ᠡᠱᠢᠲᠦ ᠨᠢᠭᠡ ᠴᠤᠬ᠍ᠴᠠᠵᠢᠬ᠍ᠰᠡᠨ ᠠᠭᠤᠤ ᠶᠡᠭᠡ ᠠᠬᠢᠴᠠ ᠵᠢ ᠤᠢᠯᠠᠭᠠᠨ ᠂ ᠰᠣᠶᠣᠯᠳᠤ ᠥᠪᠥᠷ ᠮᠣᠩᠭᠣᠯᠤᠨ ᠢᠷᠡᠭᠡᠳᠦᠢᠵᠦᠭ ᠴᠢᠭᠯᠡᠭᠰᠡᠨ ᠰᠦᠷ ᠳᠠᠯᠠᠢᠴᠠᠲᠤ ᠪᠠᠢᠳᠠᠯᠢ ᠮᠡᠳᠡᠷᠡᠶᠡ！
40 ᠭᠠᠷᠤᠶ ᠵᠢᠯᠦᠨ ᠡᠮᠦᠨᠡ ᠯᠢᠶᠤᠤᠾᠸ ᠭᠤᠤᠯ ᠤ᠋ᠨ ᠪᠠᠷᠠᠭᠤᠨ ᠬᠡᠰᠡᠭ ᠨᠢᠷᠤᠭᠤ ᠠᠭᠤᠯᠠ ᠶ᠋ᠢᠨ ᠠᠷᠤ ᠬᠣᠷᠮᠣᠶ᠂ ᠳ᠋ᠠ ᠯᠢᠩ ᠾᠧ ᠭᠣᠣᠯᠤᠨ ᠰᠠᠯᠪᠦᠷᠢ ᠤᠷᠤᠰᠬᠠᠯ ᠨᠢᠤ ᠾᠧ ᠭᠣᠣᠯᠤᠨ ᠳᠡᠭᠡᠳᠦ ᠤᠷᠤᠰᠭᠠᠯᠡᠴᠡ ᠲᠣᠮᠣ ᠬᠡᠪᠴᠢᠶᠡᠨᠦ ᠰᠠᠭᠤᠷᠢᠱᠢᠯᠤᠨ ᠪᠠᠭᠤᠷᠢᠶ᠋ᠢ ᠢᠯᠡᠷᠡᠭᠦᠯᠵᠡᠶ᠃ ᠱᠢᠩ ᠯᠦᠩ ᠸᠠᠶ᠋ᠢᠨ ᠪᠠᠭᠤᠷᠢ ᠭᠡᠵᠦ᠍ ᠨᠡᠷᠡᠢᠳᠦᠭ᠌ᠳᠡᠭ᠌ᠰᠡᠨ ᠡᠨᠡ ᠬᠦ᠌ ᠴᠢᠬᠤᠯᠠ ᠶᠡᠬᠡ ᠬᠠᠭᠤᠴᠢ ᠰᠤᠳᠤᠯᠤᠯᠤᠨ ᠢᠯᠡᠷᠡᠭᠦᠯᠦᠯᠲᠡ ᠨᠢ ᠳᠤᠮᠳᠠᠳᠤᠶ᠋ᠢᠨ ᠪᠣᠯᠪᠠᠰᠤᠨᠤ ᠲᠡᠦᠬᠡᠶ᠋ᠢ 3000 ᠵᠢᠯ ᠤᠷᠤᠭ᠍ᠰᠢ ᠠᠬᠢᠭᠤᠯᠵᠤ᠂ 8000 ᠭᠠᠷᠤᠶ ᠵᠢᠯᠦᠨ ᠡᠮᠦᠨᠡ ᠡᠨᠳᠡᠬᠢ ᠡᠪᠦᠭᠡ ᠳᠡᠭᠡᠳᠦᠰ ᠨᠢᠭᠡᠨᠲᠡ ᠲᠠᠷᠢᠶᠠᠯᠠᠬᠤ᠂ ᠵᠢᠭᠠᠰᠤ ᠠᠩᠨᠠᠬᠤ᠂ ᠲᠡᠭᠦᠵᠦ᠍ ᠬᠤᠷᠢᠶᠠᠬᠤ᠂ ᠮᠠᠯᠵᠢᠬᠤ ᠰᠠᠭᠤᠷᠢᠱᠢᠯᠤᠨ ᠠᠮᠢᠳᠤᠷᠠᠯ ᠢ᠋ ᠡᠬᠢᠯᠡᠭᠦᠯᠦᠭᠰᠡᠨᠢ ᠭᠡᠷᠡᠴᠢᠯᠡᠪᠡ᠃ ᠡᠨᠡ ᠬᠦ᠌ ᠪᠣᠳᠠᠲᠤ ᠬᠡᠷᠡᠭ ᠨᠢ ᠳᠤᠮᠳᠠᠳᠤᠶ᠋ᠢᠨ ᠦᠨᠳᠦᠰᠦᠲᠡᠨᠦ 8000 ᠵᠢᠯᠦᠨ ᠪᠣᠯᠪᠠᠰᠤᠨᠤ ᠲᠡᠦᠬᠡᠶ᠋ᠢ ᠭᠡᠷᠡᠴᠢᠯᠡᠵᠦ᠍᠂ ᠬᠠᠭᠤᠴᠢ ᠰᠤᠳᠤᠯᠤᠯᠤᠨ ᠬᠢᠨᠢ ᠳᠣᠩᠰᠣᠯᠭᠠᠭ᠍ᠰᠠᠨᠢᠶᠠᠷ ᠱᠢᠩ ᠯᠦᠩ ᠸᠠᠶ᠋ᠢᠨ ᠪᠠᠭᠤᠷᠢ ᠴᠤ᠌ 《ᠲᠤᠮᠳᠠᠳᠤᠶ᠋ᠢᠨ ᠪᠠᠯᠠᠷ ᠡᠷᠳᠡᠨ ᠤ᠋ ᠨᠢᠭᠡᠳᠦᠭᠡᠷ ᠲᠣᠰᠭᠣᠨ》 ᠬᠡᠮᠡᠭ᠌ᠳᠡᠭ᠌ᠰᠡᠨ ᠪᠠᠢᠨᠠ᠃
40 ᠭᠠᠷᠤᠶ ᠵᠢᠯᠦᠨ ᠳᠠᠷᠠᠭᠠᠬᠢ ᠥᠨᠥᠳᠦᠷ ᠪᠢᠳᠡ ᠥᠪᠥᠷ ᠮᠣᠩᠭᠣᠯᠤᠨ ᠤᠯᠠᠭᠠᠨᠬᠠᠳᠠ ᠬᠣᠲᠠᠶ᠋ᠢᠨ ᠠᠸ᠋ᠬᠠᠨ ᠬᠣᠱᠢᠭᠤᠨᠤ ᠱᠢᠩ ᠯᠦᠩᠸᠠ ᠪᠠᠯᠭᠠᠰᠤᠨᠤ ᠱᠢᠩ ᠯᠦᠩᠸᠠ ᠲᠣᠰᠭᠣᠨᠤ ᠵᠡᠭᠦᠨ ᠲᠠᠯᠠᠳᠤ ᠪᠠᠢᠷᠢᠯᠠᠭᠠ ᠡᠨᠡ ᠬᠦ᠌ ᠠᠸ᠋ᠭᠠ ᠶᠡᠬᠡ ᠲᠡᠦᠬᠡᠶ᠋ᠢᠨ ᠪᠠᠭᠤᠷᠢᠳᠤ ᠠᠯᠬᠤᠨ ᠣᠷᠣᠪᠠ᠃ 《ᠲᠤᠮᠳᠠᠳᠤᠶ᠋ᠢᠨ ᠪᠠᠯᠠᠷ ᠡᠷᠳᠡᠨ ᠤ᠋ ᠨᠢᠭᠡᠳᠦᠭᠡᠷ ᠲᠣᠰᠭᠣᠨ》 ᠤ᠋ ᠫᠠᠢᠰᠠ ᠥᠨᠳᠥᠷ ᠰᠦᠨᠳᠡᠷᠯᠡᠨ᠂ ᠬᠥᠱᠢᠶᠡᠨᠦ ᠪᠢᠴᠢᠭ ᠪᠣᠯᠤᠨ ᠪᠠᠭᠤᠷᠢᠶ᠋ᠢᠨ ᠲᠣᠪᠴᠢ ᠲᠠᠨᠢᠯᠴᠠᠭᠤᠯᠭᠠ ᠳᠡᠭᠡᠷᠡ 1996 ᠣᠨᠳᠤ ᠲᠦᠷᠦ᠍ᠶ᠋ᠢᠨ ᠶᠠᠪᠤᠳᠠᠯᠤᠨ ᠬᠤᠷᠢᠶᠠ ᠵᠢᠨ ᠨᠡᠢᠲᠡᠯᠡᠭ᠌ᠰᠡᠨ ᠳᠥᠷᠪᠡᠳᠦᠭᠡᠷ ᠪᠦᠯᠦᠭᠦᠨ 《ᠪᠦᠬᠦ᠌ ᠤᠯᠤᠰᠤᠨ ᠭᠣᠣᠯᠳᠠᠯᠭᠠᠲᠠᠶ ᠲᠡᠦᠬᠡᠶ᠋ᠢᠨ ᠳᠤᠷᠠᠰᠭᠠᠯᠲᠤ ᠵᠦᠢᠯᠡᠰᠦᠨ ᠬᠠᠮᠠᠭᠠᠯᠠᠯᠲᠠᠶ᠋ᠢᠨ ᠨᠢᠭᠡᠴᠢ》ᠳ᠋ᠤ ᠵᠢᠭ᠍ᠰᠠᠭᠠᠭ᠍ᠳᠠᠪᠠ ᠭᠡᠵᠦ ᠪᠢᠴᠢᠭᠰᠡᠨ ᠪᠠᠢᠪᠠ᠃ ᠨᠤᠮᠢᠨ ᠨᠤᠭᠤᠭᠠᠨ ᠡᠪᠡᠰᠦᠨ ᠲᠤᠮᠳᠠ ᠬᠥᠬᠡ ᠲᠣᠭᠣᠰᠭᠠᠪᠠᠷ ᠬᠦᠷᠢᠶᠡᠯᠡᠭ᠌ᠰᠡᠨ ᠣᠷᠣᠨ ᠰᠠᠭᠤᠴᠠᠶ᠋ᠢᠨ ᠪᠠᠭᠤᠷᠢᠨᠤᠭᠤᠳ ᠨᠢ ᠪᠠᠷᠠᠭᠤᠨ ᠬᠣᠢᠰᠢ — ᠵᠡᠭᠦᠨ ᠡᠮᠦᠨᠡ ᠴᠢᠭ᠌ᠯᠡᠯᠢᠶᠡᠷ ᠲᠡᠷᠢ ᠲᠡᠭᠰᠢ ᠵᠢᠭ᠌ᠳᠡᠷᠡᠨ ᠵᠢᠭ᠍ᠰᠠᠵᠤ᠂ ᠨᠢᠭᠡ ᠰᠠᠭᠤᠷᠢ ᠨᠢ ᠪᠠᠷᠤᠭ 50 — 80 ᠲᠡᠭ᠌ᠰᠢ ᠳᠥᠷᠪᠡᠯᠵᠢᠨ ᠮᠧᠲ᠋ᠷ ᠪᠠᠢᠵᠤ᠂ ᠬᠠᠮᠤᠭᠤᠨ ᠶᠡᠬᠡ ᠨᠢ 140 ᠲᠡᠭ᠌ᠰᠢ ᠳᠥᠷᠪᠡᠯᠵᠢᠨ ᠮᠧᠲ᠋ᠷᠲᠦ ᠬᠦᠷᠴᠦ ᠪᠠᠢᠳᠠᠭ᠃ ᠲᠡᠭᠦᠨᠦ ᠪᠦᠬᠦᠢᠯᠡ ᠰᠠᠭᠤᠷᠢᠱᠢᠯᠤᠨ ᠡᠷᠭᠢᠨ ᠲᠣᠭᠣᠷᠢᠨᠨᠢ ᠴᠠᠭᠠᠷᠢᠭ ᠭᠤᠤᠪᠠᠷ ᠬᠦᠷᠢᠶᠡᠯᠡᠭ᠌ᠳᠡᠵᠦ᠂ ᠳᠡᠭᠡᠳᠦ ᠬᠡᠮᠵᠢᠶᠡᠨᠦ ᠡᠷᠴᠢᠮᠵᠢᠭᠦᠯᠦᠭ᠌ᠰᠡᠨ᠂ ᠬᠡᠪᠴᠢᠶᠡᠵᠢᠭ᠌ᠰᠡᠨ ᠪᠠᠯᠠᠷ ᠡᠷᠲᠡᠨᠦ ᠰᠠᠭᠤᠷᠢᠱᠢᠯᠤᠨ ᠪᠠᠭᠤᠷᠢ ᠨᠢ ᠬᠥᠮᠦᠰᠢ ᠭᠠᠢᠬᠠᠰᠢ ᠠᠯᠳᠠᠭᠤᠯᠤᠨᠠ᠃
ᠱᠢᠩ ᠯᠦᠩ ᠸᠠᠶ᠋ᠢᠨ ᠪᠠᠭᠤᠷᠢ ᠪᠣᠯ ᠨᠡᠷᠡ ᠨᠢᠳᠡᠷᠲᠡᠬᠡᠨ ᠨᠡᠢᠴᠡᠭ᠌ᠰᠡᠨ ᠳᠤᠮᠳᠠᠳᠤ ᠤᠯᠤᠰᠤᠨ ᠪᠠᠯᠠᠷ ᠡᠷᠲᠡᠨᠦ ᠰᠠᠭᠤᠷᠢᠱᠢᠯᠤᠨ ᠰᠤᠳᠤᠯᠭᠠᠨᠤ ᠬᠠᠮᠤᠭᠤᠨ ᠪᠦᠷᠢᠨ ᠪᠦᠲᠦᠨ ᠵᠠᠭ᠍ᠪᠤᠷᠤᠨ ᠨᠢᠭᠡ ᠪᠣᠯᠤᠨᠠ᠃ ᠡᠳᠦᠭᠡ ᠲᠤᠬᠠᠢᠶ᠋ᠢᠨ ᠭᠠᠵᠠᠷᠤᠨ ᠬᠢᠨ ᠶᠠᠭ ᠱᠢᠩ ᠯᠦᠩᠸᠠ ᠵᠢᠨ ᠤᠯᠤᠰᠤᠨ ᠬᠠᠭᠤᠴᠢ ᠰᠤᠳᠤᠯᠤᠯᠤᠨ ᠴᠡᠴᠡᠷᠯᠢᠭᠢ ᠢᠳᠡᠪᠬᠢᠲᠡᠢ ᠪᠠᠢᠭᠤᠯᠵᠤ ᠪᠠᠢᠨᠠ᠃ ᠲᠡᠦᠬᠡ ᠪᠣᠯᠤᠨ ᠪᠣᠳᠠᠲᠤ ᠠᠬᠤᠢ ᠳᠠᠪᠬᠤᠴᠠᠵᠤ᠂ ᠴᠠᠭ ᠬᠤᠭᠤᠴᠠᠭᠠ ᠣᠷᠣᠨ ᠵᠠᠢᠶ᠋ᠢ ᠠᠯᠤᠰᠯᠠᠭ᠍ᠰᠠᠨ ᠶᠠᠷᠢᠯᠴᠠᠭᠠ ᠡᠭᠦᠨᠡᠴᠡ ᠡᠬᠢᠯᠡᠪᠡ᠃
8000 ᠵᠢᠯᠦᠨ ᠲᠡᠦᠬᠡ ᠳ᠋ᠤ ᠤᠢᠷᠠᠳᠤᠭᠰᠠᠨ ᠨᠢ
《ᠱᠢᠩ ᠯᠦᠩ ᠸᠠ ᠵᠢᠨ ᠪᠠᠭᠤᠷᠢᠶ᠋ᠢ ᠬᠠᠮᠤᠭ ᠡᠷᠲᠡ ᠢᠯᠡᠷᠡᠭᠦᠯᠦᠭᠰᠡᠨ ᠴᠠᠭ ᠪᠤᠯ 1982 ᠣᠨᠤ ᠨᠠᠮᠤᠷ ᠡᠪᠦᠯᠦᠨ ᠤᠯᠠᠷᠢᠯᠪᠤᠯᠤᠨᠠ᠃ ᠲᠤᠬᠠᠶᠶ᠋ᠢᠨ ᠦᠶᠡᠳᠦ ᠶᠠᠭ ᠰᠠᠢᠬᠠᠨ ᠬᠣᠶᠠᠳᠤᠭᠠᠷ ᠤᠳᠠᠭᠠᠨᠤ ᠪᠥᠬᠥ᠌ ᠤᠯᠤᠰᠤᠨ ᠲᠡᠦᠬᠡᠶ᠋ᠢᠨ ᠳᠤᠷᠠᠰᠭᠠᠯᠲᠤ ᠵᠦᠶ᠋ᠯᠡᠰᠦᠨ ᠨᠡᠢᠳᠡᠮ ᠪᠠᠢᠴᠠᠭᠠᠯᠲᠠᠶ᠋ᠢᠨ ᠬᠤᠭᠤᠴᠠᠭᠠ ᠪᠠᠢᠵᠤ᠂ ᠳᠤᠮᠳᠠᠳᠤ ᠤᠯᠤᠰᠤᠨ ᠨᠡᠢᠭᠡᠮᠦᠨ ᠱᠢᠨᠵᠢᠯᠡᠬᠦ᠌ ᠤᠬᠠᠭᠠᠨᠤ ᠬᠦᠷᠢᠶᠡᠯᠡᠩᠦᠨ ᠬᠠᠭᠤᠴᠢ ᠰᠤᠳᠤᠯᠤᠯᠤᠨ ᠰᠤᠳᠤᠯᠭᠠᠨᠤ ᠭᠠᠵᠠᠷᠤᠨ ᠥᠪᠥᠷ ᠮᠣᠩᠭᠣᠯᠤᠨ ᠠᠵᠢᠯᠯᠠᠬᠤ ᠠᠩᠭᠢ ᠨᠢ ᠲᠤᠬᠠᠶᠶ᠋ᠢᠨ ᠭᠠᠵᠠᠷᠤᠨ ᠲᠡᠦᠬᠡᠶ᠋ᠢᠨ ᠳᠤᠷᠠᠰᠭᠠᠯᠲᠤ ᠵᠦᠶ᠋ᠯᠡᠰᠦᠨ ᠠᠵᠢᠯᠤᠨ ᠥᠷᠲᠡᠭᠡ᠂ ᠰᠣᠶᠣᠯᠤᠨ ᠣᠷᠳᠣᠨᠲᠠᠶ ᠬᠠᠭᠤᠴᠢ ᠰᠤᠳᠤᠯᠤᠯᠤᠨ ᠬᠠᠢᠨ ᠰᠥᠪᠡᠭ᠌ᠴᠢᠯᠡᠯᠲᠡ ᠬᠢᠵᠦ᠍ ᠪᠠᠢᠭᠠᠳ᠂ ᠨᠢᠭᠡ ᠠᠲᠠᠷ ᠭᠠᠵᠠᠷᠲᠤ ᠲᠠᠷᠬᠠᠵᠤ ᠪᠠᠢᠭᠰᠠᠨ ᠵᠤᠵᠠᠭᠠᠨ ᠡᠯᠡᠰᠦ ᠬᠠᠪᠴᠢᠭᠤᠯᠤᠭ᠍ᠰᠠᠨ ᠸᠠᠭᠠᠷ ᠰᠠᠪᠠ ᠵᠢᠴᠢ ᠬᠡ ᠤᠭᠠᠯᠵᠠᠲᠠᠶ ᠸᠠᠭᠠᠷ ᠪᠠᠭᠪᠤᠷ ᠵᠡᠷᠭᠡ ᠵᠢᠨ ᠦᠯᠡᠳᠡᠭ᠌ᠳᠡᠯ ᠢ᠋ ᠢᠯᠡᠷᠡᠭᠦᠯᠵᠦ᠂ ᠡᠨᠡ ᠨᠢ ᠨᠢᠭᠡᠨᠲᠡ ᠮᠡᠳᠡᠭ᠌ᠰᠡᠨ ᠬᠠᠭᠤᠴᠢ ᠰᠤᠳᠤᠯᠤᠯᠤᠨ ᠰᠣᠶᠣᠯᠤᠨ ᠠᠳᠠᠯᠢ ᠲᠥᠷᠥᠯᠦᠨ ᠸᠠᠭᠠᠷ ᠰᠠᠪᠠᠲᠠᠢ ᠠᠳᠠᠯᠢ ᠦᠭᠡᠢ ᠪᠠᠢᠯᠠ᠃ ᠡᠢᠨ ᠬᠦ᠌ ᠱᠢᠩ ᠯᠦᠩ ᠸᠠᠶ᠋ᠢᠨ ᠪᠠᠭᠤᠷᠢᠶ᠋ᠢ ᠢᠯᠡᠷᠡᠭᠦᠯᠵᠡᠶ》 ᠭᠡᠵᠦ᠍ ᠠᠸ᠋ᠬᠠᠨ ᠬᠣᠱᠢᠭᠤᠨᠤ ᠲᠡᠦᠬᠡᠶ᠋ᠢᠨ ᠳᠤᠷᠠᠰᠭᠠᠯᠲᠤ ᠵᠦᠶ᠋ᠯᠡᠰᠦᠨ ᠬᠠᠮᠠᠭᠠᠯᠠᠯᠲᠠᠶ᠋ᠢᠨ ᠲᠥᠪᠦᠨ ᠡᠷᠬᠢᠯᠡᠭ᠌ᠴᠢ ᠵᠢᠶᠠᠩ ᠱ᠌ᠢ ᠱᠢᠶᠦ᠋ᠨ ᠲᠠᠨᠢᠯᠴᠠᠭᠤᠯᠪᠠ᠃
《ᠲᠤᠰ ᠪᠠᠭᠤᠷᠢᠶ᠋ᠢᠨ ᠲᠠᠯᠠᠪᠠᠢ ᠨᠡᠯᠢᠶᠡᠳ ᠶᠡᠬᠡ᠂ ᠠᠭᠤᠯᠤᠭ᠍ᠳᠠᠬᠤᠨ ᠨᠢ ᠨᠡᠯᠢᠶᠡᠳ ᠪᠠᠶᠠᠯᠢᠭ᠃ ᠡᠢᠮᠦᠷᠬᠦᠦ ᠦᠯᠡᠳᠡᠭᠳᠡᠯ ᠰᠣᠶᠣᠯᠤᠨ ᠱᠢᠨᠵᠢ ᠴᠢᠨᠠᠷ᠂ ᠴᠠᠭ ᠦᠶᠡ ᠵᠢᠴᠢ ᠨᠢᠭᠡᠨᠲᠡ ᠮᠡᠳᠡᠭ᠌ᠰᠡᠨ ᠰᠣᠶᠣᠯᠤᠨ ᠬᠠᠷᠢᠴᠠᠭᠠ ᠵᠡᠷᠭᠡ ᠠᠰᠠᠭᠤᠳᠠᠯᠢ ᠣᠢᠯᠠᠭᠠᠬᠤᠶ᠋ᠢᠨ ᠲᠥᠯᠥᠭᠡ ᠮᠠᠨᠤ ᠠᠩᠭᠢ 1983 ᠣᠨᠡᠴᠡ ᠡᠬᠢᠯᠡᠨ ᠠᠭᠤᠳᠠᠯᠪᠠ》᠃ ᠶᠠᠩ ᠬᠤ᠌᠂ ᠵᠦ᠍ ᠶᠠᠨ ᠫᠢᠩᠦᠨ ᠪᠢᠴᠢᠭ᠌ᠰᠡᠨ 《ᠥᠪᠥᠷ ᠮᠣᠩᠭᠣᠯᠤᠨ ᠠᠸ᠋ᠬᠠᠨ ᠬᠣᠱᠢᠭᠤᠨᠤ ᠱᠢᠩ ᠯᠦᠩ ᠸᠠ ᠵᠢᠨ ᠪᠠᠭᠤᠷᠢᠶ᠋ᠢ ᠠᠭᠤᠳᠠᠯᠤᠭ᠍ᠰᠠᠨ ᠲᠣᠪᠴᠢ ᠰᠣᠨᠢᠨ》 ᠳ᠋ᠤ ᠢᠩᠭᠢᠵᠦ᠍ ᠲᠡᠮᠳᠡᠭ᠌ᠯᠡᠵᠡᠶ᠃
1983 ᠣᠨᠡᠴᠡ 1994 ᠣᠨ ᠪᠣᠯᠲᠠᠯᠠ᠂ ᠱᠢᠩ ᠯᠦᠩ ᠸᠠᠶ᠋ᠢᠨ ᠪᠠᠭᠤᠷᠢᠶ᠋ᠢ 7 ᠤᠳᠠᠭᠠ ᠬᠡᠪᠴᠢᠶᠡᠲᠦ ᠴᠢᠨᠠᠷᠲᠠᠶᠪᠠᠷ ᠠᠭᠤᠳᠠᠯᠵᠤ᠂ ᠰᠠᠭᠤᠷᠢᠱᠢᠯᠤᠨ ᠭᠠᠵᠠᠷᠤᠨ ᠪᠠᠭᠤᠷᠢ᠂ ᠴᠠᠭᠠᠷᠢᠭ ᠬᠡᠯᠪᠡᠷᠢᠶ᠋ᠢᠨ ᠭᠤᠤ᠂ ᠣᠩᠭᠣᠨ᠂ ᠦᠨᠡᠰᠦᠨ ᠬᠤᠩᠬᠢᠯ ᠵᠡᠷᠭᠡ ᠶᠡᠬᠡ ᠬᠡᠮᠵᠢᠶᠡᠨᠦ ᠪᠠᠭᠤᠷᠢᠶ᠋ᠢ ᠠᠭᠤᠳᠠᠯᠵᠤ᠂ ᠠᠭᠤᠳᠠᠯᠤᠭ᠍ᠰᠠᠨ ᠲᠠᠯᠠᠪᠠᠶ ᠨᠢ 4.8 ᠲᠦᠮᠡᠨ ᠲᠡᠭ᠌ᠰᠢ ᠳᠥᠷᠪᠡᠯᠵᠢᠨ ᠮᠧᠲ᠋ᠷᠲᠦ ᠬᠦᠷᠴᠡᠶ᠃ ᠲᠣᠰ ᠰᠠᠭᠤᠷᠢᠱᠢᠯ ᠨᠢ ᠮᠥᠨ ᠴᠦ᠍ ᠣᠲᠣ ᠪᠣᠯᠲᠠᠯᠠ ᠮᠡᠳᠡᠵᠦ᠍ ᠪᠠᠢᠭᠠ ᠳᠤᠮᠳᠠᠳᠤ ᠤᠯᠤᠰᠤᠨ ᠠᠩᠬᠠᠳᠠᠭ᠍ᠴᠢ ᠬᠡᠷ ᠪᠠᠢᠱᠢᠩᠤᠨ ᠪᠠᠭᠤᠷᠢ᠂ ᠦᠨᠡᠰᠦᠨ ᠬᠤᠩᠬᠢᠯ᠂ ᠬᠠᠱᠢᠯᠭᠠ ᠰᠤᠪᠠᠭ᠂ ᠣᠩᠭᠣᠨ ᠵᠡᠷᠭᠡ ᠪᠥᠬᠥ᠌ ᠣᠷᠣᠨ ᠰᠠᠭᠤᠴᠠᠶ᠋ᠢᠨ ᠴᠢᠨᠠᠷᠲᠠᠶ ᠦᠯᠡᠳᠡᠭ᠌ᠳᠡᠯᠢ ᠪᠦᠷᠢᠨ ᠢᠯᠡᠷᠡᠭᠦᠯᠦᠭ᠌ᠰᠡᠨ ᠪᠠᠯᠠᠷ ᠡᠷᠲᠡᠨᠦ ᠰᠠᠭᠤᠷᠢᠱᠢᠯ ᠪᠣᠯᠤᠨᠠ᠃ ᠲᠤᠰ ᠪᠠᠭᠤᠷᠢᠶ᠋ᠢ ᠢᠯᠡᠷᠡᠭᠦᠯᠦᠭ᠌ᠰᠡᠨ ᠨᠢ ᠯᠢᠶᠣᠤᠾᠧ ᠭᠣᠣᠯᠤᠨ ᠰᠠᠪᠠ ᠭᠠᠵᠠᠷ ᠪᠣᠯᠤᠨ ᠥᠪᠥᠷ ᠮᠣᠩᠭᠣᠯ ᠣᠷᠣᠨ ᠴᠤ᠌ ᠬᠥᠬᠡᠮᠥ᠋ᠷᠡᠨᠦ ᠰᠠᠪᠠ ᠭᠠᠵᠠᠷ᠂ ᠬᠠᠲᠤᠨ ᠭᠣᠣᠯᠤᠨ ᠰᠠᠪᠠ ᠭᠠᠵᠠᠷᠲᠠᠶ ᠠᠳᠠᠯᠢᠪᠠᠷ ᠳᠤᠮᠳᠠᠳᠤᠶ᠋ᠢᠨ ᠪᠣᠯᠪᠠᠰᠤᠨᠤ ᠡᠭᠦᠰᠦᠯᠦᠨ ᠭᠠᠵᠠᠷ ᠪᠣᠯᠬᠤᠶ᠋ᠢ ᠭᠡᠷᠡᠴᠢᠯᠡᠪᠡ᠃ ᠡᠳᠡᠭᠡᠷ ᠬᠠᠭᠤᠴᠢ ᠰᠤᠳᠤᠯᠤᠯᠤᠨ ᠬᠣᠪᠣᠷ ᠨᠠᠨᠳᠢᠨ ᠮᠠᠲ᠋ᠧᠷᠢᠶᠠᠯ ᠨᠢ ᠲᠦᠯᠬᠢᠭᠦᠷᠵᠢᠡᠷ ᠲᠡᠦᠬᠡ ᠳ᠋ᠤ ᠨᠡᠪᠳᠡᠷᠡᠬᠦ ᠡᠭᠦᠳᠡᠶ᠋ᠢ ᠨᠡᠭᠡᠭᠡᠭ᠌ᠰᠡᠨ ᠰᠢᠭ ᠪᠠᠢᠯᠠ᠃
ᠬᠣᠯᠪᠣᠭ᠍ᠳᠠᠯ ᠪᠦᠬᠦᠢ ᠲᠡᠮᠳᠡᠭ᠌ᠯᠡᠯᠢ ᠦᠨᠳᠦᠰᠦᠯᠡᠪᠡᠯ᠂ ᠱᠢᠩ ᠯᠦᠩᠸᠠ ᠵᠢᠨ ᠪᠠᠭᠤᠷᠢᠶ᠋ᠢ ᠠᠩᠬᠠ ᠮᠠᠯᠲᠠᠬᠤ ᠦᠶᠡᠳᠦ ᠰᠣᠶᠣᠯᠤᠨ ᠣᠪᠣᠭᠠᠷᠠᠯᠤᠨ ᠳᠠᠪᠬᠤᠷᠭᠠᠶ᠋ᠢ ᠡᠪᠳᠡᠵᠦ᠂ ᠱᠢᠩ ᠯᠦᠩᠸᠠ ᠵᠢᠨ ᠰᠣᠶᠣᠯᠨᠢ ᠬᠤᠩᠱᠠᠨ ᠰᠣᠶᠣᠯᠡᠴᠡ ᠡᠷᠲᠡ ᠪᠠᠢᠬᠤ ᠭᠠᠵᠠᠷᠤᠨ ᠳᠠᠪᠬᠤᠷᠭᠠᠶ᠋ᠢᠨ ᠬᠠᠷᠢᠴᠠᠭᠠᠶ᠋ᠢ ᠡᠷᠢᠵᠦ᠍ ᠣᠯᠤᠭ᠍ᠰᠠᠨ ᠪᠠᠢᠨᠠ᠃
《ᠱᠢᠩ ᠯᠦᠩᠸᠠ ᠵᠢᠨ ᠪᠠᠭᠤᠷᠢ ᠪᠣᠯ ᠣᠲᠣ ᠪᠣᠯᠲᠠᠯᠠ ᠤᠮᠠᠷᠠᠲᠤ ᠣᠷᠣᠨᠳᠤ ᠢᠯᠡᠷᠡᠭᠦᠯᠦᠭ᠌ᠰᠡᠨ ᠬᠠᠮᠤᠭᠤᠨ ᠡᠷᠲᠡ᠂ ᠬᠡᠪᠴᠢᠶᠡᠪᠡᠷ ᠬᠠᠮᠤᠭᠤᠨ ᠶᠡᠬᠡ᠂ ᠪᠠᠢᠷᠢᠱᠢᠯᠢᠶᠠᠷ ᠬᠠᠮᠤᠭᠤᠨ ᠪᠦᠷᠢᠨ ᠪᠦᠲᠦᠨ ᠪᠠᠯᠠᠷ ᠡᠷᠲᠡᠨᠦ ᠰᠠᠭᠤᠷᠢᠱᠢᠯᠤᠨ ᠪᠠᠭᠤᠷᠢ ᠪᠣᠯᠤᠨᠠ᠃ ᠡᠨᠳᠡ ᠱᠢᠩ ᠯᠦᠩᠸᠠ ᠵᠢᠨ ᠰᠣᠶᠣᠯᠤᠨ ᠭᠡᠷᠦᠨ ᠪᠠᠭᠤᠷᠢ ᠵᠢ ᠨᠡᠢᠲᠡ153 ᠴᠡᠪᠡᠷᠯᠡᠨ ᠭᠠᠷᠭᠠᠵᠤ᠂ ᠭᠡᠷᠦᠨ ᠪᠠᠭᠤᠷᠢ ᠨᠢ ᠪᠦᠷ ᠲᠣᠭᠣᠷᠢᠭ ᠥᠨᠴᠥᠭ᠌ᠲᠦ ᠳᠥᠷᠪᠡᠯᠵᠢᠨ ᠬᠡᠯᠪᠡᠷᠢᠲᠡᠶ᠂ ᠵᠠᠷᠢᠮ ᠨᠢ ᠤᠷᠲᠤ ᠳᠥᠷᠪᠡᠯᠵᠢᠨ ᠬᠡᠯᠪᠡᠷᠢᠲᠡᠶ᠂ ᠪᠦᠷ ᠬᠠᠭᠠᠰ ᠨᠦᠬᠡᠨ ᠮᠠᠶᠢᠭᠤᠨ ᠪᠠᠷᠢᠯᠭᠠ ᠪᠣᠯᠤᠨᠠ᠃ ᠭᠡᠷᠦᠨ ᠪᠠᠭᠤᠷᠢ ᠳ᠋ᠤ ᠵᠤᠤᠬᠠᠲᠠᠶ᠃ ᠡᠨᠡ ᠬᠦ᠌ ᠬᠠᠭᠠᠰ ᠨᠦᠬᠡᠨ ᠬᠡᠷ ᠮᠠᠶᠢᠭᠤᠨ ᠪᠠᠭᠤᠷᠢ ᠨᠢ ᠪᠠᠷᠠᠭᠤᠨ ᠬᠣᠢᠨᠠᠡᠴᠡ ᠵᠡᠭᠦᠨ ᠡᠮᠦᠨᠡ ᠵᠦᠭᠲᠦ ᠲᠡᠷᠢ ᠲᠡᠭ᠌ᠰᠢ ᠵᠢᠭ᠍ᠰᠠᠵᠤ᠂ ᠰᠠᠭᠤᠷᠢᠱᠢᠯᠤᠨ ᠪᠠᠢᠷᠢᠱᠢᠯ ᠨᠢ ᠨᠠᠷᠢᠨ ᠨᠢᠮᠪᠠᠶ ᠲᠥᠯᠥᠪᠵᠢᠭᠦᠯᠦᠭ᠌ᠰᠡᠨ ᠪᠠᠢᠵᠤ᠂ ᠰᠠᠭᠤᠷᠢᠱᠢᠯᠤᠨ ᠭᠠᠳᠠᠨᠠᠪᠡᠨ ᠵᠤᠤᠪᠠᠩ ᠬᠡᠯᠪᠡᠷᠢᠳᠦ ᠴᠠᠭᠠᠷᠢᠭ ᠭᠤᠤ ᠮᠠᠯᠳᠠᠭᠰᠠᠨ ᠪᠠᠢᠵᠤ᠂ ᠵᠣᠬᠢᠬᠤ ᠬᠡᠮᠵᠢᠶᠡᠨᠦ ᠰᠡᠷᠭᠡᠢᠯᠡᠯᠲᠡ ᠪᠤᠶᠤ ᠵᠠᠭᠠᠭᠤᠨ ᠴᠢᠳᠠᠮᠵᠢᠲᠠᠶ ᠭᠡᠳᠡᠭᠢ ᠭᠦᠶ᠋ᠴᠡᠳ ᠭᠡᠷᠡᠴᠢᠯᠡᠵᠡᠶ᠃ ᠪᠠᠭᠤᠷᠢᠶ᠋ᠢᠨ ᠲᠥᠪᠡᠴᠡ ᠪᠠᠰᠠ 140 ᠭᠠᠷᠤᠶ ᠲᠡᠭ᠌ᠰᠢ ᠳᠥᠷᠪᠡᠯᠵᠢᠨ ᠮᠧᠲ᠋ᠷ ᠲᠠᠯᠠᠪᠠᠶ ᠪᠥᠬᠥᠶ ᠬᠣᠶᠠᠷ ᠲᠣᠮᠣ ᠭᠡᠷ ᠤ᠋ᠨ ᠪᠠᠭᠤᠷᠢᠶ᠋ᠢ ᠢᠯᠡᠷᠡᠭᠦᠯᠵᠡᠶ᠃ ᠲᠤᠰᠭᠠᠶ ᠮᠡᠷᠭᠡᠵᠢᠯᠲᠡᠨᠦ ᠵᠠᠳᠠᠯᠤᠭ᠍ᠰᠠᠨᠢᠶᠠᠷ ᠡᠨᠡ ᠬᠡᠷ ᠤ᠋ᠨ ᠪᠠᠭᠤᠷᠢ ᠪᠤᠯ ᠠᠬᠠᠯᠠᠭ᠍ᠴᠢᠶ᠋ᠢᠨ ᠰᠠᠭᠤᠭᠠ ᠭᠠᠵᠠᠷ ᠪᠤᠶᠤ ᠣᠯᠠᠨ ᠨᠡᠢᠲᠡᠶ᠋ᠢᠨ ᠬᠡᠷᠡᠭ ᠵᠥᠪᠯᠡᠬᠦ᠌ ᠲᠦᠷᠢᠮ ᠪᠠ ᠪᠠᠯᠠᠷ ᠡᠷᠲᠡᠨᠦ ᠱᠠᠱᠢᠨ ᠰᠤᠷᠲᠠᠬᠤᠨᠤ ᠲᠠᠬᠢᠯᠭᠠᠶ᠋ᠢᠨ ᠠᠵᠢᠯᠯᠠᠭᠠᠶ᠋ᠢᠨ ᠲᠠᠯᠠᠪᠤᠷ ᠭᠠᠵᠠᠷ ᠪᠠᠢᠵᠤ ᠮᠡᠳᠡᠨᠡ᠃ ᠡᠢᠮᠦ᠍ ᠲᠣᠮᠣ ᠭᠡᠷ ᠤ᠋ᠨ ᠪᠠᠭᠤᠷᠢ 8000 ᠵᠢᠯᠦᠨ ᠡᠮᠦᠨᠡ ᠢᠯᠡᠷᠡᠭᠰᠡᠨ ᠨᠢ ᠲᠤᠰᠭᠠᠶ ᠮᠡᠷᠭᠡᠵᠢᠯᠲᠡᠨᠳᠦ ᠳᠤᠮᠳᠠᠳᠤ ᠤᠯᠤᠰᠤᠨ ᠪᠠᠷᠢᠯᠭᠠᠶ᠋ᠢᠨ ᠲᠡᠦᠬᠡᠶ᠋ᠢᠨ ᠭᠠᠢᠬᠠᠮᠱᠢᠭ ᠬᠡᠮᠡᠨ ᠨᠡᠷᠡᠯᠡᠭ᠌ᠳᠡᠵᠦ᠍᠂ ᠮᠠᠨᠤ ᠤᠯᠤᠰᠤᠨ ᠱᠢᠨᠡ ᠴᠢᠯᠠᠭᠤᠨ ᠵᠡᠪᠰᠡᠭᠦᠨ ᠠᠩᠬᠠᠨᠤ ᠱᠠᠲᠤᠨᠤ ᠰᠠᠭᠤᠷᠢᠱᠢᠯᠤᠨ ᠪᠠᠢᠷᠢᠱᠢᠯ᠂ ᠬᠡᠷ ᠪᠠᠢᠱᠢᠩᠤᠨ ᠪᠠᠷᠢᠯᠭᠠ᠂ ᠠᠮᠢᠳᠤᠷᠠᠯᠤᠨ ᠠᠷᠭᠠ ᠮᠠᠶᠢᠭ ᠵᠡᠷᠭᠡᠶ᠋ᠢ ᠰᠤᠳᠤᠯᠬᠤᠳᠤ ᠬᠣᠪᠣᠷ ᠨᠠᠨᠳᠢᠨ ᠪᠣᠳᠠᠲᠤ ᠮᠠᠲ᠋ᠧᠷᠢᠶᠠᠯ ᠬᠠᠩᠭᠠᠭ᠍ᠰᠠᠨ ᠪᠠᠢᠨᠠ》 ᠭᠡᠵᠦ ᠵᠢᠶᠠᠩ ᠱ᠌ᠢ ᠱᠢᠶᠦ᠋ᠨ ᠬᠠᠮᠤᠭᠤᠨ ᠲᠣᠮᠣ ᠨᠢᠭᠡ ᠣᠷᠣᠨ ᠰᠠᠭᠤᠴᠠᠶ᠋ᠢᠨ ᠭᠠᠵᠠᠷᠢ ᠵᠢᠭᠠᠵᠤ ᠬᠡᠯᠡᠪᠡ᠃
ᠲᠤᠰ ᠤᠳᠠᠭᠠᠨᠤ ᠮᠠᠯᠲᠠᠯᠲᠠᠳᠤ ᠪᠠᠰᠠ 30 ᠭᠠᠷᠤᠶ ᠣᠷᠣᠨ ᠰᠠᠭᠤᠴᠠᠶ᠋ᠢᠨ ᠪᠤᠩᠬᠤᠨ ᠢ᠋ ᠮᠠᠯᠲᠠᠵᠤ ᠭᠠᠷᠭᠠᠵᠠᠶ᠃ ᠵᠠᠷᠢᠮ ᠲᠤᠰᠭᠠᠶ ᠮᠡᠷᠭᠡᠵᠢᠯᠲᠡᠨ᠂ ᠱᠢᠩ ᠯᠦᠩ ᠸᠠᠶ᠋ᠢᠨ ᠪᠠᠭᠤᠷᠢᠳᠠᠬᠢ ᠣᠷᠣᠨ ᠰᠠᠭᠤᠴᠠᠶ᠋ᠢᠨ ᠣᠷᠣᠱᠢᠭᠤᠯᠭᠠ ᠪᠣᠯ ᠮᠠᠨᠤ ᠤᠯᠤᠰᠤᠨ ᠡᠩ ᠲᠡᠷᠢᠭᠦᠨᠳᠦ ᠢᠯᠡᠷᠡᠭᠦᠯᠦᠭ᠌ᠰᠡᠨ ᠨᠡᠢᠲᠡᠯᠢᠭ ᠠᠴᠢ ᠬᠣᠯᠪᠣᠭ᠍ᠳᠠᠯ ᠪᠥᠬᠥᠶ ᠣᠷᠣᠨ ᠰᠠᠭᠤᠴᠠᠶ᠋ᠢᠨ ᠣᠷᠣᠱᠢᠭᠤᠯᠭᠠ ᠪᠣᠯᠤᠨᠠ᠂ ᠡᠨᠡ ᠨᠢ ᠮᠠᠨᠤ ᠤᠯᠤᠰᠤᠨ ᠪᠠᠯᠠᠷ ᠡᠷᠲᠡᠨᠦ ᠣᠷᠣᠨ ᠰᠠᠭᠤᠴᠠᠶ᠋ᠢᠨ ᠣᠷᠣᠱᠢᠭᠤᠯᠭᠠᠶ᠋ᠢᠨ ᠰᠤᠳᠤᠯᠭᠠᠨᠤ ᠱᠢᠨᠡ ᠬᠦᠷᠢᠶᠡᠶ᠋ᠢ ᠨᠡᠭᠡᠭᠡᠭ᠌ᠰᠡᠨ ᠪᠠᠢᠨᠠ᠃ ᠡᠭᠦᠨᠳᠦ M118 ᠬᠥᠮᠦᠨ ᠭᠠᠬᠠᠢ ᠵᠢ ᠬᠠᠮᠳᠦ ᠳᠦᠨᠢ ᠣᠷᠣᠱᠢᠭᠤᠯᠤᠭ᠍ᠰᠠᠨ ᠣᠷᠣᠨ ᠰᠠᠭᠤᠴᠠᠶ᠋ᠢᠨ ᠣᠩᠭᠣᠨ ᠨᠢ ᠬᠠᠭᠤᠴᠢ ᠰᠤᠳᠤᠯᠤᠯᠤᠨ ᠬᠢᠨᠦ ᠠᠩᠬᠠᠷᠤᠯᠢ ᠶᠡᠬᠡᠳᠡ ᠲᠠᠲᠠᠵᠠᠶ ᠭᠡᠵᠦ ᠢᠯᠡᠳᠭᠡᠪᠡ᠃
《118 ᠳ᠋ᠤᠭᠠᠷ ᠣᠩᠭᠣᠨᠤ ᠡᠵᠡᠨ ᠳᠡᠭᠡᠭ᠌ᠰᠢ ᠬᠠᠨᠳᠤᠨ ᠲᠡᠭᠰᠢ ᠬᠡᠪᠲᠡᠵᠦ᠂ ᠬᠥᠮᠦᠨᠦ ᠶᠠᠰᠤᠨᠤ ᠪᠠᠷᠠᠭᠤᠨ ᠲᠠᠯᠠᠳᠤ ᠬᠣᠶᠠᠷ ᠪᠦᠷᠢᠨ ᠪᠦᠲᠦᠨ ᠭᠠᠬᠠᠶᠶ᠋ᠢᠨ ᠶᠠᠰᠤᠪᠠᠢᠵᠤ᠂ ᠣᠩᠭᠣᠨᠤ ᠢᠷᠣᠭᠠᠷᠤᠨ ᠬᠠᠭᠠᠰ ᠪᠠᠢᠷᠢᠶ᠋ᠢ ᠡᠵᠡᠯᠡᠨᠡ᠂ ᠭᠠᠬᠠᠶᠶ᠋ᠢᠨ ᠳᠥᠷᠪᠡᠨ ᠬᠥᠯᠢ ᠪᠦᠷ ᠬᠦᠯᠢᠭ᠌ᠰᠡᠨ ᠣᠷᠣᠮᠲᠠᠶ᠃ ᠲᠤᠰᠭᠠᠶ ᠮᠡᠷᠭᠡᠵᠢᠯᠲᠡᠨᠦ ᠬᠢᠨᠠᠨ ᠲᠣᠭ᠍ᠲᠠᠭᠠᠭ᠍ᠰᠠᠨᠢᠶᠠᠷ᠂ ᠣᠩᠭᠣᠨᠤ ᠡᠵᠡᠨ ᠨᠢ ᠡᠷᠡᠭ᠌ᠲᠡᠶ᠂ ᠭᠠᠬᠠᠶ ᠨᠢ ᠨᠢᠭᠡ ᠠᠵᠢᠷᠭᠠᠨ ᠭᠠᠬᠠᠢ ᠨᠢᠭᠡ ᠮᠡᠭᠡᠵᠢ᠃ ᠬᠥᠮᠦᠨ ᠭᠠᠬᠠᠢᠶ᠋ᠢ ᠬᠠᠮᠲᠤᠳᠤᠨᠢ ᠣᠷᠣᠱᠢᠭᠤᠯᠬᠤ ᠡᠢᠮᠦᠷᠬᠦᠦ ᠵᠠᠩᠱᠢᠯ ᠨᠢ ᠡᠪᠦᠭᠡ ᠳᠡᠭᠡᠳᠦᠰᠦᠨᠢᠶᠡᠨ ᠰᠦᠨᠡᠰᠦᠶ᠋ᠢ ᠲᠠᠭᠢᠬᠣ ᠪᠠ ᠭᠠᠬᠠᠢᠶ᠋ᠢ ᠲᠠᠭᠢᠬᠣ ᠠᠵᠢᠯᠯᠠᠭᠠᠶ᠋ᠢ ᠨᠢᠭᠡ ᠴᠣᠭ᠍ᠴᠠ ᠪᠣᠯᠭᠠᠨ ᠨᠢᠭᠡᠳᠭᠡᠭ᠌ᠰᠡᠨᠦ ᠦᠨᠡᠨ ᠪᠣᠳᠠᠲᠠᠢ ᠭᠡᠷᠡᠴᠢ ᠪᠣᠯᠬᠤ ᠶᠤᠮ᠃ ᠱᠢᠩ ᠯᠦᠩᠸᠠᠵᠢᠨ ᠪᠠᠭᠤᠷᠢᠠᠴᠠ ᠮᠠᠯᠲᠠᠵᠤ ᠭᠠᠷᠭᠠᠭ᠍ᠰᠠᠨ ᠮᠢᠩᠭᠠ ᠱᠢᠬᠠᠮ ᠬᠣᠪᠣᠷ ᠨᠠᠨᠳᠢᠨ ᠲᠡᠦᠬᠡᠶ᠋ᠢᠨ ᠳᠤᠷᠠᠰᠭᠠᠯᠲᠤ ᠵᠦᠶ᠋ᠯᠡᠰᠲᠦ ᠸᠠᠭᠠᠷ ᠰᠠᠪᠠ᠂ ᠴᠢᠯᠠᠭᠤᠨ ᠪᠠᠭᠠᠵᠢ᠂ ᠶᠠᠰᠤᠨ ᠪᠠᠭᠠᠵᠢ᠂ ᠬᠠᠰ ᠡᠳ᠋ᠯᠡᠯ ᠵᠡᠷᠭᠡ ᠪᠠᠭ᠍ᠲᠠᠵᠤ᠂ ᠪᠠᠯᠠᠷ ᠡᠷᠲᠡᠨᠦ ᠰᠣᠶᠣᠯᠤᠨ ᠬᠥᠭ᠌ᠵᠢᠯᠲᠡᠶ᠋ᠢ ᠰᠤᠳᠤᠯᠬᠤᠳᠤ ᠬᠡᠮᠵᠢᠶᠡᠯᠡᠰᠢ ᠥᠬᠡᠶ ᠦᠢᠯᠡᠳᠦᠯ ᠦᠵᠡᠭᠦᠯᠵᠠᠢ》 ᠭᠡᠵᠦ ᠤᠯᠠᠭᠠᠨᠬᠠᠳᠠᠶ᠋ᠢᠨ ᠮᠦᠽᠧᠶᠶ᠋ᠢᠨ ᠣᠷᠳᠣᠨᠤ ᠲᠣᠭᠣᠷᠢᠭᠤᠨ ᠳᠡᠳ᠋ ᠳᠠᠷᠤᠭᠠ ᠸᠠᠩ ᠳ᠋ᠢ ᠳᠠᠨᠢᠯᠴᠠᠭᠤᠯᠤᠨᠠ᠃
ᠲᠡᠭᠦᠨᠦ ᠳᠣᠲᠣᠷᠠᠠᠴᠠ ᠣᠯᠳᠠᠭ᠍ᠰᠠᠨ ᠬᠠᠰ ᠨᠢ ᠳᠡᠯᠡᠬᠡᠶᠶ᠋ᠢᠨ ᠬᠠᠮᠤᠭ ᠡᠷᠲᠡᠨᠦ ᠬᠠᠰ ᠡᠳ᠋ᠯᠡᠯᠵᠢᠡᠷ ᠦᠨᠡᠯᠡᠭᠳᠡᠵᠦ᠂ ᠮᠠᠨᠤ ᠤᠯᠤᠰᠤᠨ ᠬᠠᠰᠤᠨ ᠰᠤᠶᠤᠯᠤᠨ ᠡᠬᠢ ᠡᠭᠦᠰᠦᠯ ᠪᠣᠯᠤᠭ᠍ᠰᠠᠨ ᠪᠠᠢᠨᠠ； ᠬᠥᠮᠦᠨ ᠭᠠᠬᠠᠶᠵᠢ ᠬᠠᠮᠲᠤ ᠣᠷᠣᠱᠢᠭᠤᠯᠤᠭᠰᠠᠨ ᠨᠢ ᠪᠠᠯᠠᠷ ᠡᠷᠲᠡᠨᠤ ᠭᠠᠬᠠᠶ ᠯᠣᠣᠶ᠋ᠢᠨ ᠱᠢᠲᠦᠯᠭᠡᠳᠦ ᠪᠣᠳᠠᠲᠤ ᠭᠡᠷᠡᠴᠢ ᠪᠠᠷᠢᠮᠲᠠ ᠣᠯᠵᠤ ᠥᠭ᠌ᠴᠡᠶ᠃ ᠭᠡᠷ ᠪᠠᠢᠱᠢᠩᠤᠨ ᠪᠠᠭᠤᠷᠢ ᠪᠠ ᠴᠠᠭᠠᠷᠢᠭ ᠭᠤᠤ ᠳᠣᠲᠣᠷᠠᠠᠴᠠ ᠪᠠᠰᠠ ᠶᠡᠬᠡ ᠬᠡᠮᠵᠢᠶᠡᠨᠦ ᠪᠤᠭᠤᠶ᠋ᠢᠨ ᠲᠣᠯᠣᠭᠠᠢᠶ᠋ᠢ ᠮᠠᠯᠲᠠᠨ ᠭᠠᠷᠭᠠᠭ᠍ᠰᠠᠨ ᠪᠥᠭᠡᠳ ᠬᠤᠱᠢᠭᠠᠨ ᠮᠣᠳᠣᠨᠤ ᠵᠢᠮᠢᠰᠦᠨ ᠬᠠᠲᠠᠭᠤ ᠬᠠᠯᠢᠰᠤ ᠵᠡᠷᠭᠡᠶ᠋ᠢ ᠢᠯᠡᠷᠡᠭᠦᠯᠵᠡᠢ᠂ ᠡᠳᠡᠭᠡᠷ ᠦᠯᠡᠳᠡᠭ᠌ᠳᠡᠯ ᠨᠢ ᠴᠥᠮ ᠲᠤᠬᠠᠢᠶ᠋ᠢᠨ ᠦᠶᠡᠶ᠋ᠢᠨ ᠡᠪᠦᠭᠡ ᠳᠡᠭᠡᠳᠦᠰᠦᠨ ᠠᠮᠢᠳᠤᠷᠠᠯᠤᠨ ᠠᠷᠭᠠ ᠮᠠᠶᠢᠭ ᠪᠠ ᠲᠤᠬᠠᠢᠶ᠋ᠢᠨ ᠦᠶᠡᠶ᠋ᠢᠨ ᠲᠤᠬᠠᠢᠶ᠋ᠢᠨ ᠭᠠᠵᠠᠷᠤᠨ ᠤᠷᠭᠤᠮᠠᠯᠤᠨ ᠬᠤᠴᠢᠯᠭᠠᠶ᠋ᠢᠨ ᠪᠠᠢᠳᠠᠯᠢ ᠲᠤᠰᠭᠠᠭ᠍ᠰᠠᠨ ᠪᠠᠢᠨᠠ᠃
ᠱᠢᠨᠡ ᠴᠢᠯᠠᠭᠤᠨ ᠵᠡᠪᠰᠡᠭᠦᠨ ᠴᠠᠭ ᠦᠶᠡᠶ᠋ᠢᠨ ᠠᠮᠢᠳᠤᠯᠢᠬ ᠳᠦᠷᠢᠵᠢ ᠠᠵᠢᠭᠯᠠᠨ ᠮᠡᠳᠡᠭᠰᠡᠨ ᠨᠢ
ᠮᠥᠨ ᠠᠸ᠋ᠬᠠᠨ ᠬᠣᠱᠢᠭᠤᠨᠳᠤ ᠱᠢᠩ ᠯᠦᠩᠸᠠᠵᠢᠨ ᠰᠣᠶᠣᠯᠤᠨ ᠪᠠᠭᠤᠷᠢᠶ᠋ᠢᠨ ᠱᠢᠩ ᠯᠦᠩ ᠭᠧᠦ᠍ᠡᠴᠡ ᠬᠠᠭᠤᠷᠠᠶ ᠲᠠᠷᠢᠶᠠᠯᠠᠩᠤᠨ ᠨᠠᠷᠢᠮᠤᠶ᠋ᠢᠨ ᠥᠯᠢᠭᠡᠷ ᠬᠡᠪᠢ ᠴᠤᠭ᠍ᠯᠠᠭᠤᠯᠵᠤ᠂ ᠨᠡᠭᠦᠷᠡᠰᠦᠵᠢᠭᠰᠡᠨ ᠨᠠᠷᠢᠮᠤ ᠪᠠ ᠱᠢᠯᠦᠬᠡᠶᠶ᠋ᠢᠨ ᠮᠥᠬᠥᠯᠢᠭᠢ ᠱᠢᠯᠢᠨ ᠰᠣᠩᠭᠣᠵᠤ᠂ ᠲᠡᠭᠦᠨᠦ ᠬᠡᠯᠪᠡᠷᠢ ᠪᠠᠢᠳᠠᠯᠤᠨ ᠣᠨᠴᠠᠯᠢᠭ ᠪᠠ ᠬᠡᠮᠵᠢᠶᠡᠶ᠋ᠢᠨ ᠶᠡᠬᠡ ᠪᠠᠭᠠᠶ᠋ᠢ ᠦᠨᠳᠦᠰᠦᠯᠡᠨ ᠲᠤᠰᠭᠠᠶ ᠮᠡᠷᠭᠡᠵᠢᠯᠲᠡᠨᠡᠴᠡ ᠡᠲᠡᠭᠡᠷ ᠨᠠᠷᠢᠮᠤ ᠪᠠ ᠱᠢᠯᠦᠬᠡᠶᠶ᠋ᠢ ᠴᠥᠮ ᠲᠠᠷᠢᠮᠠᠯᠪᠤᠯᠬᠤᠵᠢ ᠨᠤᠲᠠᠯᠠᠵᠤ᠂ ᠬᠠᠭᠤᠷᠠᠶ ᠲᠠᠷᠢᠶᠠᠯᠠᠩᠤᠨ ᠬᠠᠭᠤᠴᠢ ᠰᠤᠳᠤᠯᠤᠯ ᠨᠢ ᠳᠣᠲᠣᠭᠠᠳᠤ ᠭᠠᠳᠠᠭᠠᠳᠤᠶ᠋ᠢ ᠳᠣᠩᠰᠣᠯᠭᠠᠭ᠍ᠰᠠᠨ ᠬᠡᠷᠡᠭ ᠶᠠᠪᠤᠳᠠᠯ ᠪᠣᠯᠵᠠᠶ᠃ ᠳᠤᠮᠳᠠᠳᠤ ᠤᠯᠤᠰᠤᠨ ᠬᠠᠭᠤᠷᠠᠶ ᠲᠠᠷᠢᠶᠠᠯᠠᠩᠤᠨ ᠡᠭᠦᠰᠦᠯᠦᠨ ᠭᠠᠵᠠᠷ ᠪᠣᠯᠤᠭ᠍ᠰᠠᠨᠤ ᠬᠤᠪᠢᠳᠤ ᠣᠯᠠᠨ ᠤᠯᠤᠰᠤᠨ ᠬᠣᠯᠪᠣᠭᠠᠲᠤ ᠪᠠᠢᠭᠤᠯᠭᠠᠶ᠋ᠢᠨ ᠠᠮᠤ ᠪᠤᠳᠠᠭᠠ ᠲᠠᠷᠢᠶᠠᠯᠠᠩᠤᠨ ᠵᠣᠬᠢᠶᠠᠨ ᠪᠠᠢᠭᠤᠯᠤᠯᠲᠠᠡᠴᠡ ᠠᠸ᠋ᠬᠠᠨ ᠬᠣᠱᠢᠭᠤᠨᠤ ᠬᠠᠭᠤᠷᠠᠶ ᠲᠠᠷᠢᠶᠠᠯᠠᠩᠤᠨ ᠱᠢᠰᠲ᠋ᠧᠮᠳᠤ 《ᠪᠥᠬᠥ᠌ ᠪᠥᠮᠪᠥᠷᠴᠡᠭᠦᠨ ᠴᠢᠬᠤᠯᠠ ᠲᠠᠷᠢᠶᠠᠯᠠᠩᠤᠨ ᠰᠣᠶᠣᠯᠤᠨ ᠥᠪ》ᠤ᠋ᠨ ᠫᠠᠢᠰᠠ ᠣᠯᠭᠣᠵᠠᠶ᠃
ᠱᠢᠩ ᠯᠦᠩ ᠸᠠᠶ᠋ᠢᠨ ᠪᠠᠭᠤᠷᠢᠶ᠋ᠢ ᠢᠯᠡᠷᠡᠭᠦᠯᠦᠭ᠌ᠰᠡᠨ ᠨᠢ ᠳᠤᠮᠳᠠᠳᠤ ᠤᠯᠤᠰᠤᠨ ᠤᠮᠠᠷᠠᠲᠤᠶ᠋ᠢᠨ ᠱᠢᠨᠡ ᠴᠢᠯᠠᠭᠤᠨ ᠵᠡᠪᠰᠡᠭᠦᠨ ᠦᠶᠡᠶ᠋ᠢᠨ ᠲᠡᠦᠬᠡᠶ᠋ᠢ ᠤᠷᠤᠭ᠍ᠰᠢ 3000 ᠵᠢᠯ ᠠᠬᠢᠭᠤᠯᠵᠤ᠂ ᠯᠢᠶᠣᠤᠾᠸ ᠭᠤᠤᠯᠤᠨ ᠪᠠᠷᠠᠭᠤᠨ ᠬᠡᠰᠡᠭ ᠣᠷᠣᠨᠤ ᠲᠤᠬᠠᠢᠶ᠋ᠢᠨ ᠦᠶᠡᠶ᠋ᠢᠨ ᠨᠡᠢᠭᠡᠮᠦᠨ ᠪᠦᠲᠦᠴᠡ᠂ ᠦᠢᠯᠡᠳᠪᠦᠷᠢᠯᠡᠯᠦᠨ ᠲᠦᠪᠱᠢᠨ᠂ ᠠᠮᠢᠳᠤᠷᠠᠯᠤᠨ ᠠᠷᠭᠠ ᠮᠠᠶᠢᠭᠢ ᠰᠤᠳᠤᠯᠬᠤᠳᠤ ᠨᠡᠢᠲᠡᠯᠢᠭ ᠠᠴᠢ ᠬᠣᠯᠪᠣᠭ᠍ᠳᠠᠯᠲᠠᠶ ᠶᠤᠮ᠃ 2014 ᠣᠨᠳᠤ 《ᠳᠤᠮᠳᠠᠳᠤᠶ᠋ᠢᠨ ᠪᠣᠯᠪᠠᠰᠤᠨᠤ ᠡᠬᠢ ᠰᠤᠷᠪᠤᠯᠵᠢᠶ᠋ᠢ ᠬᠠᠢᠨ ᠱᠢᠨᠵᠢᠯᠡᠬᠦ᠌ ᠢᠨᠵᠧᠨᠧᠷᠢᠩᠦᠨ ᠰᠤᠳᠤᠯᠭᠠᠨᠤ ᠰᠡᠳᠦᠪᠦᠨ ᠳᠤᠭᠤᠢᠯᠠᠩ》 ᠱᠢᠩ ᠯᠦᠩ ᠸᠠᠶ᠋ᠢᠨ ᠪᠠᠭᠤᠷᠢᠶ᠋ᠢᠨ ᠲᠡᠦᠬᠡ ᠰᠣᠶᠣᠯᠤᠨ ᠡᠷᠳᠡᠨᠢᠰᠦᠨ ᠬᠥᠮᠥᠷᠭᠡᠶ᠋ᠢᠨ ᠦᠨᠡ ᠥᠷᠲᠡᠭᠢ ᠳ᠋ᠦᠩᠨᠡᠬᠦ᠌ᠳᠡᠭᠡᠨ ᠱᠢᠩ ᠯᠦᠩ ᠸᠠᠶ᠋ᠢᠨ ᠪᠠᠭᠤᠷᠢᠳᠤ 《ᠳᠤᠮᠳᠠᠳᠤᠶ᠋ᠢᠨ ᠪᠣᠯᠪᠠᠰᠤᠨᠤ ᠡᠭᠦᠰᠦᠯᠦᠨ ᠭᠠᠵᠠᠷ》᠂ 《ᠳᠡᠯᠡᠬᠡᠶᠶ᠋ᠢᠨ ᠬᠠᠭᠤᠷᠠᠶ ᠲᠠᠷᠢᠶᠠᠯᠠᠩᠤᠨ ᠡᠭᠦᠰᠦᠯᠦᠨ ᠭᠠᠵᠠᠷ》᠂ 《ᠳᠤᠮᠳᠠᠳᠤᠶ᠋ᠢᠨ 〈ᠯᠤᠤ〉ᠵᠢᠨ ᠰᠣᠶᠣᠯᠤᠨ ᠡᠭᠦᠰᠦᠯᠦᠨ ᠭᠠᠵᠠᠷ》᠂ 《ᠳᠤᠮᠳᠠᠳᠤ ᠤᠯᠤᠰᠤᠨ 〈ᠬᠠᠰ〉ᠤ᠋ᠨ ᠰᠣᠶᠣᠯᠤᠨ ᠡᠭᠦᠰᠦᠯᠦᠨ ᠭᠠᠵᠠᠷ》᠂ 《ᠳᠡᠭᠡᠳᠦᠰᠦᠨ ᠱᠢᠲᠦᠯᠭᠡᠶ᠋ᠢᠨ ᠡᠭᠦᠰᠦᠯᠦᠨ ᠭᠠᠵᠠᠷ》 ᠭᠡᠬᠦ᠌ ᠲᠠᠪᠤᠨ ᠲᠡᠦᠬᠡᠨ ᠪᠠᠢᠷᠢ ᠲᠣᠭ᠍ᠲᠠᠭᠠᠯᠲᠠ ᠣᠯᠭᠣᠪᠠ᠃
ᠱᠢᠩ ᠯᠦᠩ ᠸᠠᠶ᠋ᠢᠨ ᠪᠠᠭᠤᠷᠢᠨᠢ ᠠᠤᠬᠠᠨ ᠬᠣᠱᠢᠭᠤᠨᠤ ᠱᠢᠩ ᠯᠦᠩᠸᠠ ᠪᠠᠯᠭᠠᠰᠤᠶ᠋ᠢᠨ ᠱᠢᠩ ᠯᠦᠩᠸᠠ ᠲᠣᠰᠭᠣᠨᠠᠴᠠ 0.5 ᠺᠢᠯᠣᠮᠧᠲ᠋ᠷ ᠵᠠᠢᠲᠠᠶ ᠪᠣᠯᠬᠣᠷ ᠢᠯᠡᠷᠡᠭᠦᠯᠦᠭ᠌ᠰᠡᠨ ᠭᠠᠵᠠᠷᠢᠶᠠᠷᠨᠢ ᠪᠠᠭᠤᠷᠢᠶ᠋ᠢ ᠨᠡᠷᠡᠢᠳᠬᠦ᠌ ᠵᠤᠷᠱᠢᠯ ᠶᠣᠰᠣᠭᠠᠷ ᠶᠠᠩ ᠬᠤ᠌ ᠠᠪᠤᠭᠠᠶ 《ᠥᠪᠥᠷ ᠮᠣᠩᠭᠣᠯᠤᠨ ᠠᠤᠬᠠᠨ ᠬᠣᠱᠢᠭᠤᠨᠤ ᠱᠢᠩ ᠯᠦᠩ ᠸᠠᠶ᠋ᠢᠨ ᠪᠠᠭᠤᠷᠢᠶ᠋ᠢ ᠢᠯᠡᠷᠡᠭᠦᠯᠦᠭᠰᠡᠨ ᠲᠣᠪᠴᠢ ᠮᠡᠳᠡᠭᠡ》ᠳ᠋ᠤ ᠱᠢᠩ ᠯᠦᠩ ᠸᠠᠶ᠋ᠢᠨ ᠰᠣᠶᠣᠯ ᠭᠡᠬᠦ᠌ ᠨᠡᠷᠡᠢᠳᠦᠯᠢ ᠠᠩᠬᠠ ᠤᠳᠠᠭᠠ ᠳᠤᠷᠠᠳᠴᠤ᠌᠂ ᠡᠷᠳᠡᠮ ᠱᠢᠨᠵᠢᠯᠡᠭᠡᠨᠦ ᠬᠢᠨᠳᠦ ᠡᠨᠡ ᠬᠦ᠌ ᠱᠢᠨᠡ ᠴᠢᠯᠠᠭᠤᠨ ᠵᠡᠪᠰᠡᠭᠦᠨ ᠳᠤᠮᠳᠠ ᠬᠤᠭᠤᠴᠠᠭᠠᠨᠤ ᠬᠠᠭᠤᠴᠢ ᠰᠤᠳᠤᠯᠤᠯᠤᠨ ᠰᠣᠶᠣᠯᠤᠨ ᠢᠯᠡᠷᠡᠭᠦᠯᠦᠯᠲᠡᠶ᠋ᠢ ᠵᠠᠷᠯᠠᠵᠠᠶ᠃ ᠬᠠᠭᠤᠴᠢ ᠰᠤᠳᠤᠯᠤᠭᠠᠴᠢᠳ ᠮᠠᠯᠲᠠᠵᠤ ᠭᠠᠷᠭᠠᠭ᠍ᠰᠠᠨ ᠮᠣᠳᠣᠨ ᠨᠡᠭᠦᠷᠡᠰᠦ ᠵᠡᠷᠭᠡ ᠲᠡᠦᠬᠡᠶ᠋ᠢᠨ ᠳᠤᠷᠠᠰᠭᠠᠯᠲᠤ ᠵᠦᠶ᠋ᠯᠳᠦ ᠨᠡᠭᠦᠷᠡᠰᠦᠲᠥ᠋ᠷᠥᠭ᠌ᠴᠢ - 14ᠵᠢᠨ ᠣᠨᠤ ᠬᠢᠨᠠᠨ ᠲᠣᠭ᠍ᠲᠠᠭᠠᠯᠲᠠ ᠬᠢᠬᠦ᠌ ᠪᠡᠷ ᠳᠡᠮᠵᠢᠨ ᠱᠢᠩ ᠯᠦᠩ ᠸᠠᠶ᠋ᠢᠨ ᠰᠣᠶᠣᠯ ᠨᠢ ᠣᠲᠣᠠᠴᠠ 8000 ᠵᠢᠯᠦᠨ ᠡᠮᠦᠨᠡ ᠭᠡᠵᠦ ᠵᠠᠭᠠᠭ᠍ᠯᠠᠨ ᠲᠣᠭ᠍ᠲᠠᠭᠠᠪᠠ᠃
《ᠱᠢᠩ ᠯᠦᠩᠸᠠᠵᠢᠨ ᠪᠠᠭᠤᠷᠢ ᠵᠡᠭᠦᠨᠰᠢ ᠪᠠᠷᠠᠭᠤᠨᠰᠢ ᠪᠠᠷᠤᠭ 1 ᠺᠢᠯᠣᠮᠧᠲ᠋ᠷ᠂ ᠡᠮᠦᠨᠡᠰᠢ ᠤᠮᠠᠷᠠᠰᠢ ᠪᠠᠷᠤᠭ 1.5 ᠺᠢᠯᠣᠮᠧᠲ᠋ᠷᠦᠨ ᠬᠡᠪᠴᠢᠶᠡᠨ ᠳᠣᠲᠣᠷᠠ ᠪᠠᠯᠠᠷ ᠡᠷᠲᠡᠨᠦ ᠰᠣᠶᠣᠯᠤᠨ 14 ᠪᠠᠭᠤᠷᠢ ᠪᠠᠢᠵᠤ᠂ ᠪᠠᠢᠴᠠᠭᠠᠯᠲᠠᠪᠠᠷ ᠳᠡᠮᠵᠢᠨ ᠬᠡᠮᠵᠢᠨ ᠵᠢᠷᠤᠭ᠍ᠯᠠᠭ᠍ᠰᠠᠨ ᠨᠢ ᠱᠢᠩ ᠯᠦᠩᠸᠠᠵᠢᠨ ᠰᠣᠶᠣᠯᠤᠨ ᠪᠠᠭᠤᠷᠢ 2᠂ ᠵᠣᠣ ᠪᠦᠦ ᠭᠸᠤ ᠵᠢᠨ ᠪᠠᠭᠤᠷᠢ 4᠂ ᠬᠤᠩᠱᠠᠨ ᠰᠣᠶᠣᠯᠤᠨ ᠪᠠᠭᠤᠷᠢ 6᠂ ᠱᠢᠶᠠ ᠵᠢᠶᠠ ᠳ᠋ᠢᠶᠠᠨᠤ ᠳᠤᠤᠷᠠᠳᠤ ᠳᠠᠪᠬᠤᠷᠭᠠᠶ᠋ᠢᠨ ᠰᠣᠶᠣᠯᠤᠨ ᠪᠠᠭᠤᠷᠢ 2 ᠪᠠᠢᠵᠤ᠂ ᠱᠢᠩ ᠯᠦᠩᠸᠠᠵᠢᠨ ᠰᠣᠶᠣᠯᠢᠶᠠᠷ ᠭᠤᠤᠯ ᠪᠣᠯᠭᠠᠭ᠍ᠰᠠᠨ ᠰᠣᠶᠣᠯᠤᠨ ᠰᠠᠭᠤᠷᠢᠰᠢᠯᠤᠨ ᠪᠦᠯᠦᠭᠵᠢᠯᠢ ᠪᠦᠷᠢᠯᠳᠦᠭᠦᠯᠵᠡᠶ᠃ ᠬᠡᠳᠦᠨ ᠵᠦᠢᠯᠦᠨ ᠰᠣᠶᠣᠯᠤᠨ ᠪᠠᠭᠤᠷᠢ ᠡᠨᠡ ᠣᠷᠣᠨᠳᠤ ᠲᠥᠪᠯᠡᠷᠡᠨ ᠲᠠᠷᠬᠠᠵᠤ᠂ ᠤᠮᠠᠷᠠᠲᠤ ᠣᠷᠣᠨ ᠵᠢᠴᠢ ᠪᠠᠷᠠᠭᠤᠨ ᠯᠢᠶᠣᠤᠾᠧ ᠭᠣᠣᠯᠤᠨ ᠰᠠᠪᠠ ᠭᠠᠵᠠᠷᠤᠨ ᠣᠳᠣᠠᠴᠠ ᠡᠮᠦᠨᠡᠬᠢ 8000 — 2500 ᠵᠢᠯᠦᠨ ᠬᠣᠭᠣᠷᠣᠨᠳᠣᠬᠢ ᠬᠥᠮᠦᠨ ᠲᠥᠷᠥᠯᠬᠢᠲᠡᠨᠦ ᠠᠵᠢᠯᠯᠠᠭᠠᠨᠤ ᠭᠤᠯᠳᠤ ᠣᠭ᠍ᠲᠣᠯᠤᠭᠠᠰᠤᠶ᠋ᠢ ᠬᠠᠩᠭᠠᠭ᠍ᠰᠠᠨ ᠪᠥᠭᠡᠳ ᠪᠠᠰᠠ ᠲᠤᠬᠠᠶᠶ᠋ᠢᠨ ᠦᠶᠡᠶ᠋ᠢᠨ ᠠᠮᠢ ᠠᠬᠤᠶᠶ᠋ᠢᠨ ᠣᠷᠴᠢᠨ ᠲᠣᠭᠣᠷᠢᠨᠤ ᠭᠤᠯᠳᠤ ᠣᠭ᠍ᠲᠣᠯᠤᠭᠠᠰᠤᠶ᠋ᠢ ᠬᠠᠩᠭᠠᠭ᠍ᠰᠠᠨ ᠪᠠᠢᠨᠠ》 ᠭᠡᠵᠦ᠍ ᠵᠢᠶᠠᠩ ᠱ᠌ᠢ ᠱᠢᠶᠦ᠋ᠨ ᠬᠡᠯᠡᠪᠡ᠃
ᠱᠢᠩ ᠯᠦᠩ ᠸᠠᠶ᠋ᠢᠨ ᠰᠣᠶᠣᠯ ᠨᠢ ᠱᠢᠩ ᠯᠦᠩᠸᠠ ᠲᠣᠰᠭᠣᠨᠳᠤ ᠯᠠ ᠬᠠᠷᠠᠭ᠍ᠳᠠᠬᠤ ᠪᠢᠰᠢ᠂ ᠠᠤᠬᠠᠨ ᠬᠣᠱᠢᠭᠤᠨᠤ ᠪᠦᠬᠦ᠌ ᠬᠡᠪᠴᠢᠶᠡᠨᠳᠡᠬᠢ ᠬᠡᠳᠦᠨ ᠭᠣᠣᠯᠤᠨ ᠬᠣᠶᠠᠷ ᠡᠷᠭᠢᠡᠴᠡ ᠴᠥᠮ ᠱᠢᠩ ᠯᠦᠩ ᠸᠠᠶ᠋ᠢᠨ ᠰᠣᠶᠣᠯᠤᠨ ᠪᠠᠭᠤᠷᠢᠶ᠋ᠢ ᠢᠯᠡᠷᠡᠭᠦᠯᠦᠭ᠌ᠰᠡᠨ ᠪᠠᠢᠨᠠ᠃ ᠲᠡᠷᠡ ᠨᠢ ᠵᠥᠪᠬᠡᠨ ᠠᠤᠬᠠᠨ ᠬᠣᠱᠢᠭᠤᠨᠳᠤ ᠯᠠ ᠬᠠᠷᠠᠭ᠍ᠳᠠᠬᠤ ᠪᠢᠰᠢ᠂ ᠤᠯᠠᠭᠠᠨᠬᠠᠳᠠ ᠬᠣᠲᠠᠶ᠋ᠢᠨ ᠪᠠᠭᠠᠷᠢᠨ ᠵᠡᠭᠦᠨ ᠬᠣᠱᠢᠭᠤ᠂ ᠪᠠᠭᠠᠷᠢᠨ ᠪᠠᠷᠠᠭᠤᠨ ᠬᠣᠱᠢᠭᠤ᠂ ᠨᠢᠩᠴᠧᠩ ᠱᠢᠶᠠᠨ᠂ ᠯᠢᠨᠰᠢ ᠱᠢᠶᠠᠨ᠂ ᠠᠷᠤ ᠬᠣᠷᠴᠢᠨ ᠬᠣᠱᠢᠭᠤ᠂ ᠣᠩᠨᠢᠭᠤᠳ ᠬᠣᠱᠢᠭᠤ᠂ ᠬᠡᠱᠢᠭ᠌ᠲᠡᠨ ᠵᠡᠷᠭᠡ ᠭᠠᠵᠠᠷ ᠵᠢᠴᠢ ᠯᠢᠶᠣᠤᠨᠢᠩ ᠮᠤᠵᠢ᠂ ᠲᠢᠶᠠᠨᠵᠢᠨ ᠬᠣᠲᠠᠳᠤ ᠪᠦᠷ ᠱᠢᠩ ᠯᠦᠩ ᠸᠠᠶ᠋ᠢᠨ ᠰᠣᠶᠣᠯᠤᠨ ᠪᠠᠭᠤᠷᠢ ᠲᠠᠷᠬᠠᠵᠤ ᠪᠠᠢᠳᠠᠭ᠃ ᠮᠠᠯᠲᠠᠵᠤ ᠭᠠᠷᠭᠠᠭ᠍ᠰᠠᠨ ᠲᠡᠦᠬᠡᠶ᠋ᠢᠨ ᠳᠤᠷᠠᠰᠭᠠᠯᠲᠤ ᠵᠦᠢᠯᠢ ᠡᠯᠡ ᠭᠠᠵᠠᠷᠤᠨ ᠡᠯᠡ ᠮᠦᠽᠧᠶᠳᠦ ᠬᠠᠳᠠᠭᠠᠯᠠᠵᠤ ᠪᠤᠢ᠃
ᠱᠢᠩ ᠯᠦᠩ ᠸᠠᠶ᠋ᠢᠨ ᠪᠠᠭᠤᠷᠢᠶ᠋ᠢᠨ ᠴᠢᠬᠤᠯᠠ ᠴᠢᠨᠠᠷᠨᠢ ᠲᠠᠰᠤᠷᠠᠯᠲᠠ ᠥᠬᠡᠶ ᠮᠡᠳᠡᠷᠡᠭ᠌ᠳᠡᠵᠦ᠍᠂ ᠣᠯᠠᠨ ᠵᠦᠶ᠋ᠯᠦᠨ ᠢᠷᠠᠭᠤ ᠠᠯᠳᠠᠷ ᠬᠦᠷᠲᠡᠪᠡ᠄ 1992 ᠣᠨᠤ ᠪᠥᠬᠥ᠌ ᠤᠯᠤᠰᠤᠨ ᠬᠠᠭᠤᠴᠢ ᠰᠤᠳᠤᠯᠤᠯᠤᠨ ᠠᠷᠪᠠᠨ ᠶᠡᠬᠡ ᠢᠯᠡᠷᠡᠭᠦᠯᠦᠯᠲᠡ᠂ 《ᠨᠠᠶ᠋ᠮᠠᠳᠤᠭᠠᠷ ᠲᠠᠪᠤᠨ ᠵᠢᠯ ᠦᠨ ᠲᠦᠯᠦᠪᠵᠢᠭᠦᠯᠭᠡ》ᠵᠢᠨ ᠬᠤᠭᠤᠴᠠᠭᠠᠨᠳᠠᠬᠢ ᠪᠥᠬᠥ᠌ ᠤᠯᠤᠰᠤᠨ ᠬᠠᠭᠤᠴᠢ ᠰᠤᠳᠤᠯᠤᠯᠤᠨ ᠠᠷᠪᠠᠨ ᠶᠡᠬᠡ ᠱᠢᠨᠡ ᠢᠯᠡᠷᠡᠭᠦᠯᠦᠯᠲᠡ᠂ 20 ᠳ᠋ᠤᠭᠠᠷ ᠵᠠᠭᠤᠨᠤ ᠳᠤᠮᠳᠠᠳᠤ ᠤᠯᠤᠰᠤᠨ ᠬᠠᠭᠤᠴᠢ ᠰᠤᠳᠤᠯᠤᠯᠤᠨ ᠵᠠᠭᠤᠨ ᠶᠡᠬᠡ ᠢᠯᠡᠷᠡᠭᠦᠯᠦᠯᠲᠡ᠂ ᠳᠤᠮᠳᠠᠳᠤ ᠤᠯᠤᠰᠤᠨ ᠵᠠᠭᠤᠨ ᠵᠢᠯᠦᠨ ᠬᠠᠭᠤᠴᠢ ᠰᠤᠳᠤᠯᠤᠯᠤᠨ ᠵᠠᠭᠤᠨ ᠶᠡᠬᠡ ᠢᠯᠡᠷᠡᠭᠦᠯᠦᠯᠲᠡᠳᠤ ᠰᠤᠨᠭᠭᠤᠭᠳᠠᠪᠠ᠃ ᠡᠨᠡ ᠨᠢ ᠲᠡᠭᠦᠨᠦ ᠳᠤᠮᠳᠠᠳᠤ ᠤᠯᠤᠰᠤᠨ ᠬᠠᠭᠤᠴᠢ ᠰᠤᠳᠤᠯᠤᠯᠤᠨ ᠲᠡᠦᠬᠡᠨ ᠳᠡᠭᠡᠷᠡᠬᠢ ᠴᠢᠬᠤᠯᠠ ᠪᠠᠢᠷᠢ ᠰᠠᠭᠤᠷᠢᠶ᠋ᠢ ᠭᠦᠶ᠋ᠴᠡᠳ ᠬᠠᠷᠠᠭᠤᠯᠵᠤ ᠪᠠᠢᠨᠠ᠃
ᠳᠤᠮᠳᠠᠳᠤᠶ᠋ᠢᠨ ᠡᠬᠡ ᠭᠠᠵᠠᠷ ᠳᠡᠭᠡᠷᠡᠬᠢ ᠦᠰᠦᠭ ᠥᠬᠡᠶ ᠲᠡᠦᠬᠡᠨ ᠡᠪᠬᠡᠮᠡᠯᠢ ᠰᠠᠬᠢᠨ ᠬᠠᠮᠠᠭᠠᠯᠠᠪᠠ
ᠱᠢᠩ ᠯᠦᠩᠸᠠᠵᠢᠨ ᠪᠠᠭᠤᠷᠢ ᠨᠢ ᠱᠢᠩ ᠯᠦᠩᠸᠠᠵᠢᠨ ᠰᠣᠶᠣᠯᠤᠨ ᠨᠡᠢᠲᠡᠯᠢᠭ ᠲᠥᠯᠥᠭᠡᠯᠡᠭ᠌ᠴᠢ ᠪᠣᠯᠤᠭ᠍ᠰᠠᠨᠤ ᠬᠤᠪᠢᠳᠤ ᠳᠤᠮᠳᠠᠳᠤᠶ᠋ᠢᠨ ᠪᠣᠯᠪᠠᠰᠤᠨᠤ ᠡᠭᠦᠰᠦᠯᠦᠨ ᠲᠡᠦᠬᠡᠶ᠋ᠢᠨ ᠪᠡᠯᠭᠡ ᠲᠡᠮᠳᠡᠭ ᠪᠠ ᠴᠢᠬᠤᠯᠠ ᠭᠡᠷᠡᠴᠢ ᠪᠣᠯᠬᠤ ᠪᠥᠭᠡᠳ ᠪᠠᠰᠠ ᠴᠤ᠌ ᠳᠤᠮᠳᠠᠳᠤᠶ᠋ᠢᠨ ᠪᠣᠯᠪᠠᠰᠤᠨᠢ ᠬᠠᠳᠠᠭᠠᠯᠠᠬᠤ ᠪᠠ ᠤᠯᠠᠮᠵᠢᠯᠠᠨ ᠵᠠᠯᠭᠠᠮᠵᠢᠯᠠᠬᠤ ᠴᠢᠬᠤᠯᠠ ᠠᠴᠢᠶᠠᠯᠠᠪᠤᠷᠢ ᠪᠣᠯᠤᠨᠠ᠃ ᠡᠨᠡ ᠬᠦ᠌ ᠪᠠᠯᠠᠷ ᠡᠷᠲᠡᠨᠦ ᠰᠣᠶᠣᠯᠤᠨ ᠦᠯᠡᠳᠡᠭ᠌ᠳᠡᠯᠢ ᠬᠠᠮᠠᠭᠠᠯᠠᠬᠤᠶ᠋ᠢᠨ ᠲᠥᠯᠥᠭᠡ ᠠᠸ᠋ᠬᠠᠨ ᠬᠣᠱᠢᠭᠤ ᠱᠢᠩ ᠯᠦᠩ ᠸᠠᠶ᠋ᠢᠨ ᠪᠠᠭᠤᠷᠢᠶ᠋ᠢᠨ ᠬᠡᠪᠴᠢᠶᠡᠨᠳᠡᠬᠢ 200 ᠮᠥ᠍ ᠭᠠᠵᠠᠷ ᠱᠢᠷᠣᠶᠶ᠋ᠢ ᠲᠠᠲᠠᠪᠤᠷᠢᠯᠠᠨ ᠬᠡᠷᠡᠭ᠌ᠯᠡᠵᠦ᠍᠂ ᠮᠠᠯᠲᠠᠵᠤ ᠭᠠᠷᠭᠠᠭ᠍ᠰᠠᠨ ᠪᠠᠭᠤᠷᠢᠶ᠋ᠢ ᠡᠭᠡᠭᠦᠯᠦᠨ ᠪᠥᠭ᠌ᠯᠡᠭ᠌ᠰᠡᠨ ᠪᠥᠭᠡᠳ ᠪᠠᠭᠤᠷᠢᠶ᠋ᠢᠨ ᠳᠣᠲᠣᠷᠠᠬᠢ ᠭᠤᠤ ᠰᠤᠪᠠᠭ᠂ ᠬᠡᠷ ᠪᠠᠢᠱᠢᠩᠤᠨ ᠪᠠᠭᠤᠷᠢᠶ᠋ᠢ ᠥᠨᠳᠥᠷ ᠪᠣᠯᠭᠠᠭ᠍ᠰᠠᠨ ᠪᠠᠢᠨᠠ᠃
ᠱᠢᠩ ᠯᠦᠩ ᠸᠠᠶ᠋ᠢᠨ ᠪᠠᠭᠤᠷᠢᠶ᠋ᠢ ᠬᠠᠮᠠᠭᠠᠯᠠᠬᠤ ᠠᠵᠢᠯᠤᠨ ᠦᠷᠳᠡᠭᠡᠵᠢᠨ ᠲᠡᠦᠬᠡᠶ᠋ᠢᠨ ᠳᠤᠷᠠᠰᠭᠠᠯᠲᠤ ᠵᠦᠢᠯᠡᠰᠦᠨ ᠬᠠᠮᠠᠭᠠᠯᠠᠭ᠍ᠴᠢ ᠲᠢᠶᠠᠨ ᠵᠢᠩ ᠫᠢᠩ᠂ 40 ᠭᠠᠷᠤᠶ ᠵᠢᠯᠦᠨ ᠡᠮᠦᠨᠡ ᠲᠡᠷᠡ ᠬᠠᠭᠤᠴᠢ ᠰᠤᠳᠤᠯᠤᠯᠤᠨ ᠠᠩᠭᠢᠶ᠋ᠢᠨ 《ᠲᠤᠰᠠᠯᠠᠭ᠍ᠴᠢ》ᠶ᠋ᠢᠨ ᠬᠤᠪᠢᠪᠠᠷ ᠱᠢᠩ ᠯᠦᠩ ᠸᠠᠶ᠋ᠢᠨ ᠪᠠᠭᠤᠷᠢᠶ᠋ᠢᠨ ᠬᠠᠭᠤᠴᠢ ᠰᠤᠳᠤᠯᠤᠯᠤᠨ ᠨᠡᠭᠡᠭᠡᠨ ᠮᠠᠯᠲᠠᠬᠤ ᠠᠵᠢᠯᠳᠤ ᠣᠷᠣᠯᠴᠠᠵᠤ ᠥᠩᠭᠡᠷᠡᠵᠡᠶ᠃ 6 ᠵᠢᠯᠦᠨ 《ᠲᠤᠰᠠᠯᠠᠭ᠍ᠴᠢ》 ᠵᠢᠨ ᠠᠵᠢᠯ ᠨᠢ ᠲᠡᠭᠦᠨᠢ ᠬᠠᠭᠤᠴᠢ ᠰᠤᠳᠤᠯᠤᠯᠲᠠᠶ ᠰᠠᠯᠤᠰᠢ ᠥᠬᠡᠶ ᠪᠠᠷᠢᠯᠳᠤᠯᠭᠠᠲᠠᠶ ᠪᠣᠯᠭᠠᠵᠠᠶ ᠭᠡᠵᠦ ᠤᠮᠤᠭᠰᠢᠯᠳᠠᠢ ᠶᠠᠷᠢᠨᠠ᠃ ᠠᠰᠠᠷᠤᠨ ᠱᠠᠲᠤᠨᠤ ᠡᠮᠦᠨᠡᠬᠢ ᠲᠤᠮᠤ ᠭᠡᠷᠡᠯ ᠵᠢᠷᠤᠭᠢ ᠵᠢᠭᠠᠭᠠᠳ ᠲᠡᠷᠡ᠄ 《ᠡᠳᠡᠭᠡᠷ ᠳᠥᠷᠪᠡᠯᠵᠢᠨ ᠬᠦᠷᠢᠶᠡ ᠪᠣᠯ 8000 ᠵᠢᠯᠦᠨ ᠡᠮᠦᠨᠡᠬᠢ ᠭᠡᠷ ᠪᠠᠢᠱᠢᠩᠤᠨ ᠪᠠᠭᠤᠷᠢ ᠪᠤᠯᠤᠨᠠ᠂ ᠬᠡᠳᠦᠶ ᠰᠦᠷᠯᠢᠭ ᠰᠠᠢᠬᠠᠨ ᠪᠤᠶ！ 》 ᠭᠡᠪᠡ᠃
ᠣᠲᠣ ᠵᠢᠷᠠ ᠱᠢᠬᠠᠭ᠍ᠰᠠᠨ ᠲᠢᠶᠠᠨ ᠵᠢᠩ ᠫᠢᠩ ᠪᠠᠭᠤᠷᠢᠶ᠋ᠢ ᠡᠳᠦᠷ ᠪᠦᠷᠢ ᠬᠣᠶᠠᠷ ᠤᠳᠠᠭᠠ ᠴᠠᠭ᠍ᠳᠠᠨ ᠬᠠᠮᠠᠭᠠᠯᠠᠳᠠᠭ᠃ ᠣᠷᠣᠯᠴᠠᠭ᠍ᠴᠢᠡᠴᠡ ᠰᠠᠬᠢᠨ ᠬᠠᠮᠠᠭᠠᠯᠠᠭ᠍ᠴᠢ ᠬᠦᠷᠲᠡᠯᠡ᠂ ᠲᠢᠶᠠᠨ ᠵᠢᠩ ᠫᠢᠩᠦᠨ ᠪᠡᠶᠡ ᠬᠡᠮ ᠬᠤᠪᠢᠷᠠᠭᠰᠠᠨ ᠴᠤ᠌ ᠣᠭ ᠰᠠᠨᠠᠭᠠ ᠨᠢ ᠬᠤᠪᠢᠷᠠᠭᠠ ᠥᠬᠡᠶ᠄ 《ᠡᠨᠳᠡ ᠮᠠᠰᠢ ᠣᠯᠠᠨ ᠠᠢᠯᠴᠢᠯᠠᠬᠤᠪᠠᠷ ᠢᠷᠡᠭ᠌ᠰᠡᠨ ᠤᠯᠤᠰᠤᠨ ᠬᠠᠭᠤᠴᠢ ᠰᠤᠳᠤᠯᠤᠯᠤᠨ ᠲᠤᠰᠭᠠᠶ ᠮᠡᠷᠭᠡᠵᠢᠯᠲᠡᠨᠢ ᠭᠥᠯᠢᠶᠡᠨ ᠠᠪᠴᠤ᠌ ᠵᠣᠴᠢᠯᠠᠪᠠ᠂ ᠡᠲᠡᠭᠡᠷ ᠲᠡᠦᠬᠡᠶ᠋ᠢᠨ ᠳᠤᠷᠠᠰᠭᠠᠯᠲᠤ ᠵᠦᠶ᠋ᠯᠢ ᠬᠠᠮᠠᠭᠠᠯᠠᠬᠤ ᠪᠣᠯ ᠳᠠᠷᠤᠶ ᠪᠢᠳᠡᠨᠦ ᠤᠭ ᠦᠨᠳᠦᠰᠦᠶ᠋ᠢ ᠬᠠᠮᠠᠭᠠᠯᠠᠵᠤ ᠪᠠᠢᠭᠠ ᠶᠠᠪᠤᠳᠠᠯ ᠮᠥᠨ ᠭᠡᠳᠡᠭᠢ ᠪᠢ ᠨᠠᠩ ᠣᠯᠠᠨ ᠬᠥᠮᠦᠨᠳᠦ ᠮᠡᠳᠡᠭᠦᠯᠦᠨᠡ》 ᠭᠡᠪᠡ᠃
ᠣᠳᠣᠬᠠᠨᠳᠤ ᠤᠯᠠᠭᠠᠨᠬᠠᠳᠠ ᠬᠣᠲᠠᠳᠤ ᠱᠢᠩ ᠯᠦᠩᠸᠠᠵᠢᠨ ᠰᠣᠶᠣᠯ᠂ ᠵᠣᠣ ᠪᠦᠦ ᠭᠧᠦᠵᠢᠨ ᠰᠣᠶᠣᠯ᠂ ᠬᠤᠩᠱᠠᠨ ᠰᠣᠶᠣᠯ ᠵᠡᠷᠭᠡ 8 ᠵᠦᠶ᠋ᠯᠦᠨ ᠬᠠᠭᠤᠴᠢ ᠰᠤᠳᠤᠯᠤᠯᠤᠨ ᠰᠣᠶᠣᠯᠤᠨ ᠲᠥᠷᠥᠯ ᠬᠡᠯᠪᠡᠷᠢᠶ᠋ᠢ ᠢᠯᠡᠷᠡᠭᠦᠯᠦᠨ ᠨᠡᠷᠡᠢᠳᠪᠡ᠃ ᠡᠨᠡᠨᠢ ᠤᠯᠠᠭᠠᠨᠬᠠᠳᠠᠶ᠋ᠢ ᠪᠥᠬᠥ᠌ ᠤᠯᠤᠰᠤᠨ ᠬᠠᠭᠤᠴᠢ ᠰᠤᠳᠤᠯᠤᠯᠤᠨ ᠰᠣᠶᠣᠯᠤᠨ ᠨᠡᠷᠡᠢᠳᠦᠯᠢᠶᠡᠷ ᠬᠠᠮᠤᠭᠤᠨ ᠣᠯᠠᠨ ᠲᠤᠰᠭᠠᠶ ᠣᠷᠣᠨᠤ ᠲᠠᠰᠤᠨ ᠬᠣᠲᠠ ᠪᠣᠯᠭᠠᠵᠠᠶ᠃ ᠣᠳᠣᠬᠠᠨᠳᠤ ᠶᠠᠭ ᠶᠠᠪᠤᠭ᠍ᠳᠠᠵᠤ ᠪᠠᠢᠭᠠ ᠳᠥᠷᠪᠡᠳᠦᠭᠡᠷ ᠤᠳᠠᠭᠠᠨᠤ ᠪᠥᠬᠥ᠌ ᠤᠯᠤᠰᠤᠨ ᠲᠡᠦᠬᠡᠶ᠋ᠢᠨ ᠳᠤᠷᠠᠰᠭᠠᠯᠲᠤ ᠵᠦᠶ᠋ᠯᠡᠰᠦᠨ ᠨᠡᠢᠳᠡᠮ ᠪᠠᠢᠴᠠᠭᠠᠯᠲᠠ ᠳᠤᠮᠳᠠ ᠤᠯᠠᠭᠠᠨᠬᠠᠳᠠ ᠬᠣᠲᠠᠶ᠋ᠢᠨ ᠱᠢᠨᠡᠪᠡᠷ ᠢᠯᠡᠷᠡᠭᠦᠯᠦᠭ᠌ᠰᠡᠨ ᠦᠯᠡᠳᠡᠭ᠌ᠳᠡᠯ ᠪᠠᠭᠤᠷᠢ 269 （ᠣᠷᠳᠣ ᠴᠠᠭᠠᠨ ᠬᠡᠷᠡᠮ ᠪᠠᠭ᠍ᠲᠠᠬᠤ ᠥᠬᠡᠶ） ᠪᠠᠢᠵᠤ᠂ ᠲᠡᠦᠬᠡᠶ᠋ᠢᠨ ᠳᠤᠷᠠᠰᠭᠠᠯᠲᠤ ᠵᠦᠶ᠋ᠯᠡᠰᠦᠨ ᠲᠣᠮᠣ ᠬᠣᠲᠠᠶ᠋ᠢᠨ ᠲᠡᠦᠬᠡᠶ᠋ᠢᠨ ᠳᠤᠷᠠᠰᠭᠠᠯᠲᠤ ᠵᠦᠶ᠋ᠯᠡᠰᠦᠨ ᠭᠠᠵᠠᠷᠤᠨ ᠵᠢᠷᠤᠭᠢ ᠳᠠᠬᠢᠨᠲᠠ ᠱᠢᠨᠡᠳᠭᠡᠪᠡ᠃
ᠯᠢᠶᠣᠤᠾᠸ ᠭᠤᠤᠯᠤᠨ ᠪᠠᠷᠠᠭᠤᠨ ᠬᠡᠰᠡᠭᠤ᠋ᠨ ᠳᠣᠪᠣᠷᠬᠠᠭ ᠭᠠᠵᠠᠷᠲᠦ ᠱᠢᠩ ᠯᠦᠩ ᠸᠠᠶ᠋ᠢᠨ ᠪᠠᠭᠤᠷᠢ 8000 ᠵᠢᠯᠦᠨ ᠪᠣᠯᠪᠠᠰᠤᠨᠤ ᠨᠢᠭᠤᠴᠠ ᠨᠣᠮᠧᠷᠢ ᠨᠠᠮ ᠵᠢᠮ ᠬᠦᠤᠷᠨᠢᠵᠦ ᠪᠠᠢᠯᠠ᠃ ᠡᠨᠡ ᠬᠦ᠌ 《ᠳᠤᠮᠳᠠᠳᠤᠶ᠋ᠢᠨ ᠨᠢᠭᠡᠳᠦᠭᠡᠷ ᠲᠣᠰᠭᠣᠨ》 ᠬᠡᠮᠡᠭ᠌ᠳᠡᠭ᠌ᠰᠡᠨ ᠪᠠᠯᠠᠷ ᠡᠷᠲᠡᠨᠦ ᠪᠠᠭᠤᠷᠢ ᠨᠢ ᠳᠤᠮᠳᠠᠳᠤᠶ᠋ᠢᠨ ᠦᠨᠳᠦᠰᠦᠲᠡᠨᠦ ᠬᠠᠮᠤᠭᠤᠨ ᠭᠦᠨ ᠵᠤᠵᠠᠭᠠᠨ ᠰᠣᠶᠣᠯᠤᠨ ᠳᠤᠷᠠᠰᠤᠮᠵᠢᠶ᠋ᠢ ᠠᠴᠢᠶᠠᠯᠠᠵᠤ ᠪᠠᠢᠬᠤᠪᠠᠷ ᠪᠠᠷᠠᠬᠤ ᠦᠭᠡᠢ ᠨᠡᠩ ᠴᠤ᠌ ᠴᠠᠭ ᠬᠤᠭᠤᠴᠠᠭᠠ ᠣᠷᠣᠨ ᠵᠠᠢᠶ᠋ᠢ ᠠᠯᠤᠰᠯᠠᠭ᠍ᠰᠠᠨ ᠠᠮᠢᠵᠢᠷᠠᠯᠤᠨ ᠬᠦᠴᠦᠨᠢᠶᠡᠷᠵᠢᠡᠨ ᠤᠳᠤ ᠦᠶᠡᠶ᠋ᠢᠨ ᠳᠡᠯᠡᠬᠡᠢᠶ᠋ᠢᠨ ᠪᠣᠯᠪᠠᠰᠤᠨᠤ ᠰᠣᠯᠢᠯᠴᠠᠭᠠ ᠲᠣᠯᠢᠳᠠᠯᠳᠤ ᠭᠦᠨ ᠭᠦᠨᠵᠡᠭᠡᠢ ᠳᠣᠷᠣᠨᠠᠳᠠᠬᠢᠨᠤ ᠤᠶᠤᠨ ᠤᠬᠠᠭᠠᠨᠢ ᠨᠡᠮᠡᠷᠢᠯᠡᠵᠦ ᠪᠠᠢᠨᠠ᠃