《ᠬᠠᠩᠬᠢᠨ ᠬᠤᠰᠢᠭᠤᠨᠤ ᠵᠠᠰᠠᠭ ᠶᠠᠮᠤᠨ ᠤ᠋ ᠳᠠᠩᠰᠠ ᠡᠪᠬᠡᠮᠡᠯ》 ᠤ᠋ᠨ ᠬᠢᠳᠡᠳ ᠬᠡᠯᠡᠨ ᠳ᠋ᠡᠬᠢ ᠤᠷᠴᠢᠭᠤᠯᠭᠠ ᠵᠢᠨ ᠠᠵᠢᠯ ᠢ᠋ ᠠᠬᠢᠭᠤᠯᠬᠤ ᠬᠤᠷᠠᠯ ᠤᠢᠷᠠᠳᠤ ᠬᠦᠬᠡᠬᠤᠳᠠ ᠳ᠋ᠤ ᠶᠠᠪᠤᠭᠳᠠᠪᠠ᠃
ᠬᠤᠷᠠᠯ ᠲᠡᠭᠡᠷᠡ᠂ ᠤᠷᠴᠢᠭᠤᠯᠭᠠ ᠵᠢᠨ ᠠᠵᠢᠯᠢ ᠡᠬᠢᠯᠡᠬᠦᠯᠦᠭᠰᠡᠨ ᠡᠴᠡ ᠨᠠᠭᠠᠰᠢᠬᠢ 8 ᠰᠠᠷᠠ ᠭᠠᠷᠤᠢ ᠵᠢᠨ ᠠᠵᠢᠯ ᠵᠢᠡᠨ ᠳ᠋ᠦᠩᠨᠡᠵᠦ᠂ ᠨᠢᠬᠡᠨᠳᠡ ᠤᠷᠴᠢᠭᠤᠯᠤᠭᠠᠳ ᠪᠠᠢᠭᠠ 4 ᠪᠤᠳᠢ ᠳᠡᠪᠳᠡᠷ ᠲᠡᠬᠢ ᠬᠦᠷᠦᠯᠴᠡᠬᠦ ᠦᠬᠡᠢ ᠵᠦᠢᠯᠢ ᠬᠡᠷᠬᠢᠨ ᠵᠠᠰᠠᠵᠤ ᠰᠠᠢᠵᠢᠷᠠᠭᠤᠯᠬᠤ ᠳᠤᠬᠠᠢ ᠳᠤᠰᠬᠠᠢ ᠮᠡᠷᠬᠡᠵᠢᠯᠳᠡᠨ ᠡᠴᠡ ᠰᠠᠨᠠᠯ ᠵᠦᠪᠯᠡᠯᠬᠡ ᠦᠭᠬᠦ ᠵᠢᠨ ᠳᠠᠭᠠᠤ ᠲᠡᠦᠬᠡᠨ ᠳᠠᠩᠰᠠ ᠪᠢᠴᠢᠭᠢ ᠤᠷᠴᠢᠭᠤᠯᠬᠤ ᠳᠤᠬᠠᠢ ᠨᠠᠷᠢᠯᠢᠭ ᠰᠠᠢᠬᠠᠨ ᠮᠡᠷᠬᠡᠵᠢᠯᠤᠨ ᠵᠢᠯᠤᠭᠤᠳᠤᠯᠭᠠ ᠬᠢᠭᠰᠡᠨ ᠪᠠᠢᠨᠠ᠃
《ᠬᠠᠩᠬᠢᠨ ᠬᠤᠰᠢᠭᠤᠨᠤ ᠵᠠᠰᠠᠭ ᠶᠠᠮᠤᠨ ᠤ᠋ ᠳᠠᠩᠰᠠ ᠡᠪᠬᠡᠮᠡᠯ》 ᠪᠤᠯ ᠤᠳᠤ ᠬᠡᠪᠯᠡᠭᠳᠡᠬᠡᠳ ᠪᠠᠢᠭᠠ ᠦᠪᠦᠷ ᠮᠤᠩᠭᠤᠯ ᠳ᠋ᠡᠬᠢ ᠬᠠᠮᠤᠭᠤᠨ ᠤᠯᠠᠨ ᠪᠤᠳᠢ ᠳᠠᠢ ᠲᠡᠦᠬᠡᠨ ᠳᠠᠩᠰᠠ ᠡᠪᠬᠡᠮᠡᠯ ᠪᠤᠯᠤᠨᠠ᠃ ᠳᠤᠰ ᠳᠠᠩᠰᠠ ᠡᠪᠬᠡᠮᠡᠯ ᠤᠷᠳᠤᠰ ᠬᠤᠳᠠ ᠵᠢᠨ ᠬᠠᠩᠬᠢᠨ ᠬᠤᠰᠢᠭᠤᠨᠤ 250 ᠰᠢᠬᠠᠮ ᠵᠢᠯᠤᠨ ᠨᠡᠢᠬᠡᠮᠠᠵᠤ ᠠᠬᠤᠢ ᠵᠢᠨ ᠪᠠᠢᠳᠠᠯᠢ ᠳᠤᠰᠬᠠᠵᠤ᠂ ᠨᠡᠢᠬᠡᠮᠤᠨ ᠵᠠᠩ ᠦᠢᠯᠡ᠂ ᠱᠠᠰᠢᠨ ᠰᠤᠷᠳᠠᠬᠤᠨ᠂ ᠠᠵᠤ ᠠᠬᠤᠢ᠂ ᠰᠤᠶᠤᠯ᠂ ᠴᠡᠷᠢᠭᠤᠨ ᠶᠠᠪᠤᠳᠠᠯ ᠵᠡᠷᠬᠡ ᠤᠯᠠᠨ ᠠᠭᠤᠯᠭᠠ ᠵᠢ ᠬᠠᠮᠤᠷᠤᠭᠰᠠᠨ ᠵᠢᠡᠷ ᠠᠭᠤᠯᠭᠠ ᠨᠢ ᠮᠠᠰᠢ ᠡᠯᠪᠡᠭ ᠪᠠᠶᠠᠯᠢᠭ ᠪᠠᠢᠳᠠᠭ᠃ 《ᠡᠨᠡ ᠬᠦ᠌ ᠳᠠᠩᠰᠠ ᠡᠪᠬᠡᠮᠡᠯᠤᠨ ᠪᠢᠴᠢᠭ ᠲᠤ᠌ ᠳᠤᠬᠠᠢ ᠵᠢᠨ ᠴᠠᠭ ᠦᠶᠠ ᠳ᠋ᠤ ᠨᠠᠭᠠᠰᠢ ᠴᠠᠭᠠᠰᠢ ᠢᠯᠡᠬᠡᠭᠰᠡᠨ ᠠᠯᠪᠠᠨ ᠪᠢᠴᠢᠭ᠂ ᠬᠤᠪᠢ ᠬᠦᠮᠦᠨᠤ ᠵᠠᠬᠢᠳᠠᠯ᠂ ᠰᠦᠮᠡ ᠬᠡᠢᠳᠤᠨ ᠳᠤᠬᠠᠢ ᠪᠠᠷᠢᠮᠳᠠ ᠪᠢᠴᠢᠭ ᠵᠡᠷᠬᠡ ᠳᠡᠦᠬᠡᠨ ᠮᠠᠲ᠋ᠧᠷᠢᠶᠠᠯ ᠪᠠᠭᠳᠠᠵᠤ᠂ ᠪᠢᠴᠢᠯᠬᠡ ᠵᠢᠨ ᠬᠡᠯᠪᠡᠷᠢ ᠠᠭᠤᠯᠭᠠ ᠨᠢ ᠤᠳᠤ ᠵᠢᠨ ᠠᠯᠪᠠᠨ ᠪᠢᠴᠢᠭ ᠳᠠᠢ ᠨᠡᠯᠢᠶᠡᠳ ᠵᠦᠷᠢᠶᠠ ᠳᠠᠢ᠃ ᠳᠤᠰ ᠳᠠᠩᠰᠠ ᠡᠪᠬᠡᠮᠡᠯᠪᠤᠯ ᠦᠨᠳᠦᠰᠦᠳᠡᠨ ᠤ᠋ ᠬᠠᠷᠢᠯᠴᠠᠭᠠ ᠶᠠᠪᠤᠯᠴᠠᠭᠠ ᠠᠭᠤᠰᠤᠯᠴᠠᠯ ᠢ᠋ ᠬᠠᠷᠠᠭᠤᠯᠤᠭᠰᠨ ᠨᠢᠬᠡᠨ ᠪᠤᠳᠠᠳᠤ ᠦᠯᠢᠭᠡᠷ ᠵᠢᠱ᠌ᠢᠶᠠ ᠪᠤᠯᠤᠨᠠ᠃ ᠳᠡᠦᠬᠡ ᠵᠢᠨ ᠰᠤᠳᠤᠯᠭᠠᠨᠤ ᠦᠨᠠ ᠦᠷᠳᠡᠭ ᠳᠠᠢ ᠪᠦᠭᠡᠳ ᠨᠡᠢᠬᠡᠮᠤᠨ ᠰᠤᠳᠤᠯᠭᠠᠨᠤ ᠦᠨᠠ ᠦᠷᠳᠡᠭ ᠵᠢᠡᠷ ᠴᠤ᠌ ᠦᠨᠳᠦᠷ᠃ ᠡᠨᠡ ᠬᠦ᠌ ᠬᠤᠪᠤᠷ ᠴᠤᠬᠠᠭ ᠳᠡᠦᠬᠡᠨ ᠮᠠᠲ᠋ᠧᠷᠢᠶᠠᠯᠢ ᠬᠢᠳᠠᠳ ᠬᠡᠯᠡᠨ ᠳ᠋ᠤ ᠤᠷᠴᠢᠭᠤᠯᠵᠤ ᠪᠠᠢᠭᠠ ᠨᠢ ᠨᠡᠩ ᠤᠯᠠᠨ ᠬᠦᠮᠦᠨ ᠤ᠋ ᠠᠰᠢᠭᠯᠠᠵᠤ ᠬᠡᠷᠡᠭᠯᠡᠬᠦ ᠳ᠋ᠤ ᠲᠦᠬᠦᠮ ᠦᠵᠡᠬᠦᠯᠬᠦ ᠵᠢᠨ ᠲᠦᠯᠦᠬᠡ ᠶᠤᠮ》 ᠬᠡᠵᠦ ᠤᠷᠴᠢᠭᠤᠯᠭᠠ ᠵᠢᠨ ᠺᠤᠮᠢᠰᠤᠨ ᠳᠤᠰᠬᠠᠢ ᠮᠡᠷᠬᠡᠵᠢᠯᠳᠡᠨ᠂ ᠦᠪᠦᠷ ᠮᠤᠩᠭᠤᠯᠤᠨ ᠶᠡᠬᠡ ᠰᠤᠷᠭᠠᠭᠤᠯᠢ ᠵᠢᠨ ᠫᠷᠤᠹᠧᠰᠰᠤᠷ ᠰᠤᠳᠦᠪᠢᠯᠢᠭ ᠰᠤᠷᠪᠤᠯᠵᠢᠯᠠᠭᠠ ᠬᠦᠯᠢᠶᠡᠬᠦ ᠳ᠋ᠡᠬᠡᠨ ᠶᠠᠷᠢᠯᠠ᠃ ᠳᠤᠰ ᠳᠠᠩᠰᠠ ᠡᠪᠬᠡᠮᠡᠯᠢ ᠴᠢᠩ ᠤᠯᠤᠰᠤᠨ ᠦᠶᠠ ᠵᠢᠨ ᠬᠢᠳᠠᠳ ᠠᠯᠪᠠᠨ ᠪᠢᠴᠢᠭᠤᠨ ᠦᠨᠳᠦᠰᠦᠨ ᠲᠦᠷᠢᠮ᠂ ᠬᠡᠪ ᠨᠠᠮᠪᠠ ᠵᠢ ᠦᠨᠳᠦᠰᠦᠯᠡᠵᠦ ᠤᠷᠴᠢᠭᠤᠯᠬᠤ ᠵᠠᠷᠴᠢᠮᠢ ᠪᠠᠷᠢᠮᠳᠠᠯᠠᠵᠤ᠂ ᠪᠢᠴᠢᠭᠤᠨ ᠬᠡᠯᠡ ᠪᠡᠷ ᠨᠡᠯᠢᠶᠡᠳ ᠦᠨᠳᠦᠷ ᠲᠦᠪᠰᠢᠨ ᠳ᠋ᠤ ᠤᠷᠴᠢᠭᠤᠯᠬᠤ ᠪᠡᠷ ᠴᠢᠷᠮᠠᠢᠵᠤ ᠪᠠᠢᠭᠠ ᠶᠤᠮ᠃
ᠳᠠᠨᠢᠯᠴᠠᠭᠤᠯᠤᠭᠰᠠᠨ ᠵᠢᠡᠷ᠂ 《ᠬᠠᠩᠬᠢᠨ ᠬᠤᠰᠢᠭᠤᠨᠤ ᠵᠠᠰᠠᠭ ᠶᠠᠮᠤᠨ ᠤ᠋ ᠳᠠᠩᠰᠠ ᠡᠪᠬᠡᠮᠡᠯ》 ᠢ᠋ ᠡᠮᠬᠢᠳᠬᠡᠵᠦ ᠨᠠᠢᠷᠠᠭᠤᠯᠬᠤ ᠠᠵᠢᠯ ᠢ᠋ 2013 ᠤᠨ ᠡᠴᠡ ᠡᠬᠢᠯᠡᠬᠦᠯᠵᠦ᠂ ᠠᠷᠪᠠ ᠭᠠᠷᠤᠢ ᠵᠢᠯᠤᠨ ᠴᠢᠷᠮᠠᠢᠯᠠᠭᠠ ᠪᠡᠷ 2024 ᠤᠨ ᠳ᠋ᠤ ᠡᠮᠬᠢᠳᠬᠡᠨ ᠳᠠᠭᠤᠰᠬᠠᠵᠤ ᠨᠡᠢᠳᠡ 90 ᠪᠤᠳᠢ ᠳᠡᠪᠳᠡᠷᠢ᠋ ᠬᠡᠪᠯᠡᠬᠦᠯᠦᠭᠰᠡᠨ ᠪᠠᠢᠨᠠ᠃ ᠳᠤᠰ ᠳᠠᠩᠰᠠ ᠡᠪᠬᠡᠮᠡᠯ ᠪᠤᠯ 1695 ᠤᠨ ᠡᠴᠡ 1951 ᠤᠨ ᠪᠤᠯᠳᠠᠯᠠᠬᠢ᠂ 250 ᠰᠢᠬᠠᠮ ᠵᠢᠯᠤᠨ ᠤᠷᠳᠤ ᠤᠳᠠᠭᠠᠨ ᠳᠡᠦᠬᠡ ᠵᠢ ᠰᠤᠨᠳᠠᠯᠠᠭᠰᠠᠨ ᠳᠡᠦᠬᠡᠨ ᠮᠠᠲ᠋ᠧᠷᠢᠶᠠᠯ ᠪᠢᠴᠢᠭ ᠪᠤᠯᠤᠨᠠ᠃ ᠡᠬᠦᠨ ᠳ᠋ᠤ ᠴᠢᠩ ᠤᠯᠤᠰᠤᠨ ᠦᠶᠠ ᠵᠢᠨ ᠳᠠᠩᠰᠠ 42 ᠪᠤᠳᠢ᠂ ᠢᠷᠬᠡᠨ ᠤᠯᠤᠰᠤᠨ ᠦᠶᠠ ᠵᠢᠨ ᠳᠠᠩᠰᠠ 40 ᠪᠤᠳᠢ ᠪᠠᠢᠬᠤ ᠪᠦᠬᠡᠳ ᠬᠢᠳᠠᠳ ᠮᠤᠩᠭᠤᠯᠭᠠᠷᠴᠠᠭᠢ ᠬᠠᠷᠭᠤᠭᠤᠯᠤᠭᠰᠠᠨ 8 ᠪᠤᠳᠢ ᠵᠢ ᠪᠠᠭᠳᠠᠭᠠᠪᠠᠯ ᠨᠡᠢᠳᠡ 90 ᠪᠤᠳᠢ ᠪᠤᠯᠬᠤ ᠶᠤᠮ᠃ ᠦᠪᠦᠷ ᠮᠤᠩᠭᠤᠯᠤᠨ ᠦᠨᠳᠦᠰᠦᠳᠡᠨ ᠤ᠋ ᠰᠤᠶᠤᠯᠤᠨ ᠪᠠᠢᠭᠤᠯᠤᠯᠳᠠ ᠵᠢᠨ ᠢᠨᠵᠧᠨ᠋ᠧᠷᠢᠩ᠂ ᠦᠪᠦᠷ ᠮᠤᠩᠭᠤᠯᠤᠨ ᠨᠡᠢᠬᠡᠮᠤᠨ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠤ᠋ ᠳᠤᠮᠤ ᠳᠦᠰᠦᠯ ᠳ᠋ᠤ ᠪᠠᠭᠳᠠᠨᠠ᠃
《ᠵᠦᠪᠬᠡᠨ ᠮᠤᠩᠭᠤᠯ ᠬᠡᠯᠡᠨᠳᠡᠬᠡᠷᠡᠬᠢ ᠳᠠᠩᠰᠠ ᠡᠪᠬᠡᠮᠡᠯ ᠨᠢ ᠠᠰᠢᠭᠯᠠᠵᠤ ᠬᠡᠷᠡᠭᠯᠡᠬᠦ ᠳᠠᠯᠠ ᠪᠡᠷ ᠬᠢᠵᠠᠭᠠᠷᠳᠠᠮᠠᠯ ᠲᠠᠯᠠ ᠳᠠᠢ ᠪᠤᠯᠬᠤᠷ ᠬᠠᠩᠬᠢᠨ ᠬᠤᠰᠢᠭᠤᠨᠤ ᠨᠠᠮ ᠵᠠᠰᠠᠭᠤᠨ ᠳᠡᠮᠵᠢᠯᠬᠡ ᠪᠡᠷ 2024 ᠤᠨ ᠤ᠋ 7 ᠰᠠᠷᠠ ᠡᠴᠡ ᠬᠢᠳᠠᠳ ᠬᠡᠯᠡᠨ ᠳ᠋ᠤ ᠤᠷᠴᠢᠭᠤᠯᠬᠤ ᠲᠦᠷᠦᠯ ᠵᠦᠢᠯᠢ ᠡᠬᠢᠯᠡᠬᠦᠯᠦᠭᠰᠡᠨ ᠪᠠᠢᠨᠠ᠃ ᠳᠤᠰ ᠤᠷᠴᠢᠭᠤᠯᠭᠠ ᠵᠢᠨ ᠠᠵᠢᠯ ᠳ᠋ᠤ ᠳᠡᠦᠬᠡ ᠵᠢᠨ ᠮᠡᠳᠡᠯᠬᠡ ᠳᠠᠢ᠂ ᠤᠷᠤᠨ ᠨᠤᠳᠤᠭᠤᠨ ᠰᠤᠶᠤᠯ ᠳᠡᠦᠬᠡ ᠵᠢ ᠤᠢᠯᠠᠭᠠᠬᠤ ᠪᠦᠭᠡᠳ ᠬᠢᠳᠠᠳ ᠮᠤᠩᠭᠤᠯ ᠬᠡᠯᠡᠨᠤ ᠬᠡᠪ ᠪᠤᠯᠪᠠᠰᠤᠷᠠᠯ ᠦᠨᠳᠦᠷ ᠬᠦᠮᠦᠰᠱᠠᠭᠠᠷᠳᠠᠭᠳᠠᠨᠠ᠃ 90 ᠪᠤᠳᠢ ᠨᠤᠮᠢ ᠳᠠᠪᠤ ᠡᠴᠡ ᠳᠤᠯᠤᠭᠠᠨ ᠵᠢᠯᠤᠨ ᠳᠤᠳᠤᠷᠠ ᠤᠷᠴᠢᠭᠤᠯᠵᠤ ᠳᠠᠭᠤᠰᠬᠠᠬᠤ ᠪᠡᠷ ᠲᠦᠯᠦᠪᠯᠡᠵᠦ ᠪᠠᠢᠨᠠ᠂ ᠠᠵᠢᠯ ᠬᠦᠨᠳᠤ ᠬᠡᠴᠡᠬᠦᠦ᠂ ᠡᠨᠡ ᠡᠳᠦᠷ ᠤ᠋ᠨ ᠬᠤᠷᠠᠯ ᠵᠢᠡᠷ ᠲᠠᠮᠵᠢᠨ ᠪᠢᠳᠠ ᠤᠷᠴᠢᠭᠤᠯᠭᠠ ᠳ᠋ᠤ ᠤᠷᠤᠯᠴᠠᠭᠰᠠᠳᠢ ᠲᠠᠪᠳᠠᠨ ᠪᠤᠯᠪᠠᠰᠤᠷᠠᠭᠤᠯᠬᠤ ᠵᠢᠨ ᠵᠡᠷᠬᠡ ᠪᠡᠷ ᠳᠠᠷᠠᠭᠠᠴᠢ ᠵᠢᠨ ᠠᠵᠢᠯ ᠵᠢᠡᠨ ᠬᠡᠷᠬᠢᠨ ᠤᠷᠤᠭᠰᠢᠳᠠᠢ ᠬᠢᠬᠦ ᠳᠤᠬᠠᠢ ᠪᠠᠢᠷᠢᠯᠠᠭᠤᠯᠤᠯᠳᠠ ᠬᠢᠪᠡ》 ᠬᠡᠵᠦ ᠲᠦᠷᠦᠯ ᠵᠦᠢᠯᠤᠨ ᠬᠠᠷᠢᠭᠤᠴᠠᠯᠭᠠᠳᠠᠨ᠂ ᠦᠪᠡᠷᠳᠡᠬᠡᠨ ᠵᠠᠰᠬᠠᠤ ᠤᠷᠤᠨᠤ ᠴᠦᠬᠡᠨ ᠳᠤᠭᠠᠳᠤ ᠦᠨᠳᠦᠰᠦᠳᠡᠨᠤ ᠰᠤᠳᠤᠷ ᠪᠢᠴᠢᠭᠢ ᠴᠤᠭᠯᠠᠭᠤᠯᠤᠨ ᠡᠮᠬᠢᠳᠬᠡᠵᠦ ᠰᠤᠳᠤᠯᠬᠤ ᠳᠠᠰᠤᠭᠤᠨ ᠤᠤᠯᠤᠨ ᠡᠷᠬᠢᠯᠡᠭᠴᠢ ᠰᠤᠶᠤᠯᠳᠤ ᠳᠠᠨᠢᠯᠴᠠᠭᠤᠯᠤᠯᠠ᠃