ᠤᠩᠰᠢᠯᠭᠠ ᠵᠢᠨ ᠬᠦᠳᠦᠯᠦᠮᠵᠢ
ᠮᠤᠬᠤᠷ ᠭᠡᠵᠤ ᠶᠠᠳᠠᠭᠤ ᠡᠴᠡ ᠠᠩᠭᠢᠵᠢᠷᠠᠭᠤᠯᠤᠭᠰᠠᠨ ᠲᠦᠷᠦ ᠵᠢᠨ ᠪᠤᠳᠤᠯᠭᠠ ᠵᠢᠨ ᠠᠰᠢᠭ ᠢ᠋ ᠬᠦᠷᠳᠡᠭᠰᠡᠨ ᠣᠢ ᠬᠠᠮᠠᠭᠠᠯᠠᠭᠴᠢ᠃ 2019 ᠣᠨᠳ᠋ᠤ ᠣᠢ ᠬᠠᠮᠠᠭᠠᠯᠠᠭᠴᠢ ᠪᠣᠯᠤᠭᠰᠠᠨ ᠡᠴᠡ ᠨᠠᠭᠠᠰᠢ᠂ ᠲᠠᠷᠠ ᠰᠠᠯᠬᠢ ᠰᠢᠭᠤᠷᠭᠠ ᠪᠤᠷᠤᠭᠠᠨ ᠴᠠᠰᠤ ᠵᠢ ᠬᠠᠢᠬᠤᠷᠤᠯ ᠦᠭᠡᠢ ᠡᠳᠦᠷ ᠲᠤᠵᠢ 10 ᠭᠠᠷᠤᠢ ᠺᠢᠯᠤᠮᠧᠲᠷ ᠤ᠋ᠨ ᠲᠣᠭᠤᠷᠢᠨ ᠴᠠᠭᠳᠠᠬᠤ ᠡᠬᠦᠷᠭᠡ ᠪᠠᠨ ᠴᠠᠭ ᠲᠤᠬᠠᠢᠳᠤᠨᠢ ᠪᠠᠶᠠᠯᠠᠬᠦᠯᠵᠤ ᠢᠷᠠᠵᠠᠢ᠃ 8 ᠵᠢᠯᠤᠨ ᠲᠤᠷᠰᠢ᠂ ᠲᠠᠬᠦᠨᠤ ᠬᠤᠪᠢᠳᠠᠨ ᠬᠠᠮᠢᠶᠠᠷᠴᠤ᠌ ᠪᠠᠢᠭᠠ ᠬᠠᠷᠢᠭᠤᠴᠠᠯᠭᠠ ᠵᠢᠨ ᠣᠷᠤᠨ ᠳ᠋ᠤᠨᠢ ᠬᠦᠨᠳᠦ ᠶᠡᠬᠡ ᠲᠤᠢᠮᠠᠷᠤᠨ ᠠᠶᠤᠯ ᠵᠢᠴᠢ ᠶᠡᠬᠡ ᠬᠡᠪᠴᠢᠶᠡᠨᠤ ᠡᠪᠡᠳᠴᠢᠨ ᠪᠠ ᠬᠣᠷᠤᠬᠠᠢ ᠵᠢᠨ ᠬᠥᠨᠦᠭᠡᠯ ᠡᠬᠦᠰᠦᠭᠰᠡᠨ ᠦᠭᠡᠢ ᠮᠦᠷᠳᠡᠭᠡᠨ ᠬᠠᠤᠯᠢ ᠲᠣᠭᠲᠠᠭᠠᠯ ᠡᠴᠡ ᠵᠥᠷᠢᠴᠡᠭᠰᠡᠨ ᠬᠡᠷᠡᠭ ᠭᠠᠷᠤᠭᠰᠠᠨ ᠦᠭᠡᠢ ᠶᠤᠮ᠃
ᠨᠠᠮᠤᠷ ᠤ᠋ᠨ ᠠᠭᠤᠷ ᠤᠷᠤᠬᠤ ᠡᠴᠡ ᠡᠮᠦᠨᠡ᠂ ᠤᠯᠠᠭᠠᠨᠬᠠᠳᠠ ᠬᠤᠲᠠ ᠵᠢᠨ ᠪᠠᠭᠠᠷᠢᠨ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠤ᠋ ᠰᠤᠪᠤᠷᠭᠠ ᠪᠠᠯᠭᠠᠰᠤᠨ ᠤ᠋ ᠷᠠᠰᠢᠶᠠᠨ ᠠᠢᠯ ᠭᠠᠴᠠᠭᠠ ᠪᠠᠷ ᠠᠭᠠᠬᠢᠮᠠ ᠬᠠᠯᠠᠭᠤᠨ ᠪᠠᠢᠵᠤ᠂ ᠬᠦᠮᠤᠰ ᠰᠡᠷᠢᠬᠦᠨ ᠭᠠᠵᠠᠷ ᠡᠷᠢᠵᠤ ᠰᠡᠷᠢᠬᠦᠴᠡᠨᠠ᠃ ᠣᠢ ᠬᠠᠮᠠᠭᠠᠯᠠᠭᠴᠢ ᠮᠤᠬᠤᠷ ᠬᠠᠷᠢᠨ 20 ᠭᠠᠷᠤᠢ ᠵᠢᠩ ᠤ᠋ᠨ ᠬᠦᠨᠳᠦ ᠡᠮᠳᠤ ᠰᠦᠷᠴᠢᠭᠦᠷ ᠪᠠᠭᠠᠵᠢ ᠪᠠᠨ ᠡᠭᠦᠷᠦᠨ᠂ ᠠᠰᠬᠠ ᠬᠢᠷᠠ ᠪᠠᠷ ᠠᠪᠠᠷᠢᠵᠤ᠂ ᠨᠠᠷᠠᠰᠤᠨ ᠮᠤᠳᠤᠨᠳᠤ ᠡᠮ ᠰᠦᠷᠴᠢᠵᠤ ᠬᠤᠷᠤᠬᠠᠢᠵᠢᠨ ᠬᠦᠨᠤᠭᠡᠯᠢ ᠰᠡᠷᠭᠡᠢᠯᠡᠨᠠ᠃ ᠪᠤᠵᠠᠷ ᠡᠪᠡᠰᠦ ᠮᠤᠳᠤᠨ ᠰᠠᠯᠠᠭᠠ ᠲᠡᠭᠦᠨ ᠤ᠋ ᠭᠠᠷ ᠢ᠋ ᠬᠤᠰᠤᠵᠤ᠂ ᠡᠷᠢᠶᠡᠨ ᠦᠩᠭᠡᠲᠡᠢ ᠬᠤᠪᠴᠠᠰᠤ ᠨᠢ ᠠᠯᠢ ᠡᠷᠲᠡ ᠬᠦᠯᠦᠰᠦᠨ ᠳ᠋ᠤᠨᠢ ᠳᠡᠪᠲᠦᠭᠡᠭᠳᠡᠵᠠᠢ᠃ 《ᠡᠨᠡ ᠬᠡᠳᠦᠨ ᠮᠣᠳᠤᠨ ᠨᠠᠪᠴᠢ ᠦᠨᠡᠰᠦᠨ ᠦᠩᠭᠡ ᠤᠷᠤᠯᠠ᠂ ᠲᠡᠮᠳᠡᠭᠯᠡᠵᠦ᠍ ᠠᠪᠤᠭᠠᠳ ᠮᠠᠷᠭᠠᠰᠢ ᠣᠢ ᠰᠢᠭᠤᠢ ᠵᠢᠨ ᠥᠷᠲᠡᠭᠡ ᠲᠡᠢ ᠬᠠᠷᠢᠯᠴᠠᠵᠤ ᠲᠥᠪᠯᠡᠷᠡᠭᠦᠯᠦᠨ ᠡᠮ ᠰᠦᠷᠴᠢᠨ ᠰᠡᠷᠭᠡᠢᠯᠡᠬᠦ ᠴᠢᠬᠤᠯᠠᠲᠠᠢ》 ᠭᠡᠵᠤ ᠮᠤᠬᠤᠷ ᠠᠵᠢᠯᠵᠢᠡᠨ ᠲᠦᠯᠦᠪᠯᠡᠨᠠ᠃
ᠡᠨᠡ ᠵᠢᠯ 43 ᠨᠠᠰᠤᠲᠠᠢ ᠮᠤᠬᠤᠷ ᠪᠤᠯ ᠶᠠᠳᠠᠭᠤ ᠡᠴᠡ ᠠᠩᠭᠢᠵᠢᠷᠠᠭᠤᠯᠤᠭᠰᠠᠨ ᠲᠦᠷᠦ ᠵᠢᠨ ᠪᠤᠳᠤᠯᠭᠠ ᠵᠢᠨ ᠠᠰᠢᠭ ᠢ᠋ ᠬᠦᠷᠳᠡᠭᠰᠡᠨ ᠣᠢ ᠬᠠᠮᠠᠭᠠᠯᠠᠭᠴᠢ᠃ 2019 ᠣᠨᠳ᠋ᠤ ᠣᠢ ᠬᠠᠮᠠᠭᠠᠯᠠᠭᠴᠢᠵᠢᠨ ᠠᠵᠢᠯᠢ ᠬᠤᠪᠢᠳᠠᠨ ᠬᠢᠵᠤ᠂ ᠨᠢᠭᠡᠨᠳᠠ8 ᠬᠠᠪᠤᠷ ᠨᠠᠮᠤᠷᠢ ᠤᠭᠳᠤᠨ ᠠᠪᠴᠠᠢ᠃ ᠵᠢᠯ ᠤ᠋ᠨ ᠳᠦᠷᠪᠡᠨ ᠤᠯᠠᠷᠢᠯ ᠵᠢᠡᠷ ᠲᠡᠷᠡ ᠰᠠᠯᠬᠢ ᠰᠢᠭᠤᠷᠭᠠ ᠪᠤᠷᠤᠭᠠᠨ ᠴᠠᠰᠤ ᠵᠢ ᠬᠠᠢᠬᠤᠷᠤᠯ ᠦᠭᠡᠢ ᠪᠡᠷ ᠡᠳᠦᠷ ᠪᠣᠯᠭᠠᠨ 10 ᠭᠠᠷᠤᠢ ᠺᠢᠯᠤᠮᠧᠲᠷ ᠤ᠋ᠨ ᠲᠣᠭᠤᠷᠢᠨ ᠬᠠᠮᠠᠭᠠᠯᠠᠬᠤ ᠠᠵᠢᠯᠵᠢᠡᠨ ᠬᠢᠨᠠᠮᠠᠭᠠᠢ ᠬᠦᠢᠴᠡᠳᠭᠡᠵᠤ᠂ 8 ᠵᠢᠯ ᠤ᠋ᠨ ᠲᠤᠷᠰᠢ ᠨᠡᠶ᠋ᠢᠲᠡ 1 ᠲᠦᠮᠡᠨ ᠺᠢᠯᠤᠮᠧᠲᠷ ᠠᠶᠠᠯᠠᠵᠤ᠂ ᠬᠡᠳᠦᠨ ᠠᠷᠪᠠᠨ ᠬᠤᠤᠰ ᠱᠠᠬᠠᠢ ᠵᠢ ᠦᠷᠦᠭᠡᠵᠦ᠍᠂ ᠤᠢ ᠬᠠᠮᠠᠭᠠᠯᠠᠭᠴᠢ ᠵᠢᠨ ᠡᠬᠦᠷᠭᠡ ᠬᠠᠷᠢᠭᠤᠴᠠᠯᠭᠠ ᠪᠠᠨ ᠰᠠᠢᠳᠤᠷ ᠪᠠᠶᠠᠯᠠᠬᠦᠯᠵᠤ ᠢᠷᠠᠪᠠ᠃
ᠡᠪᠡᠳᠴᠢᠨ ᠲᠠᠢ ᠦᠳᠡᠯᠦᠭᠡ ᠡᠵᠢ ᠪᠠᠨ ᠠᠰᠠᠷᠠᠬᠤ᠂ ᠠᠬᠠ ᠳᠡᠭᠦᠦ ᠭᠤᠷᠪᠠᠭᠤᠯᠠ ᠵᠢᠨ ᠠᠮᠢᠳᠤᠷᠠᠯ ᠵᠢᠡᠨ ᠠᠷᠭᠠᠴᠠᠭᠠᠬᠤ ᠮᠠᠳᠤᠵᠢᠨ ᠶᠠᠪᠤᠳᠠᠯᠢ ᠲᠠᠷᠠ ᠭᠠᠭᠴᠠᠭᠠᠷᠵᠢᠡᠨ ᠡᠬᠦᠷᠭᠡᠯᠡᠵᠤ ᠡᠷᠤᠭᠡ ᠭᠡᠷᠤᠨᠵᠢᠡᠨ ᠲᠤᠯᠭᠠᠭᠤᠷᠢ ᠪᠤᠯᠵᠤ ᠪᠠᠢᠳᠠᠭ᠃ 《ᠤᠢ ᠬᠠᠮᠠᠭᠠᠯᠠᠭᠴᠢ ᠪᠤᠯᠤᠭᠰᠠᠨᠤ ᠲᠠᠷᠠᠭᠠ ᠣᠷᠤᠯᠭᠠ ᠨᠡᠮᠡᠭᠳᠡᠵᠤ᠂ ᠠᠮᠢᠳᠤᠷᠠᠯ ᠴᠦ᠍ ᠰᠠᠢᠵᠢᠷᠠᠯᠠ》 ᠭᠡᠵᠦ ᠮᠤᠬᠤᠷ ᠪᠠᠶᠠᠷᠳᠠᠢᠬᠠᠨ ᠭᠡᠯᠡᠨᠠ᠃
ᠠᠭᠤᠯᠠᠨ ᠤᠢ ᠯᠢ ᠹᠦ ᠰᠡᠭᠦᠳᠡᠷᠯᠡᠪᠡ
ᠤᠢ ᠮᠤᠳᠤᠨ ᠤ᠋ ᠡᠪᠡᠳᠴᠢᠨ ᠪᠠ ᠬᠤᠷᠤᠬᠠᠢ ᠵᠢᠨ ᠬᠥᠨᠦᠭᠡᠯ ᠢ᠋ ᠣᠨᠤᠪᠴᠢᠲᠠᠢ ᠰᠡᠷᠭᠡᠢᠯᠡᠨ ᠵᠠᠰᠠᠬᠤ ᠵᠢᠨ ᠲᠥᠯᠦᠭᠡ᠂ ᠮᠤᠬᠤᠷ ᠬᠠᠮᠢᠶᠠ ᠪᠦᠬᠦᠢ ᠮᠡᠳᠡᠯᠭᠡ ᠵᠢ ᠥᠪᠡᠰᠤᠪᠠᠨ ᠰᠤᠷᠤᠯᠴᠠᠵᠤ᠂ ᠵᠢᠯ ᠪᠦᠷᠢ ᠬᠠᠮᠢᠶᠠ ᠪᠦᠬᠦᠢ ᠰᠠᠯᠠᠭᠠ ᠮᠦᠴᠢᠷ ᠲᠠᠢ ᠬᠠᠮᠵᠢᠯᠴᠠᠨ ᠬᠤᠷᠤᠬᠠᠢ ᠵᠢᠨ ᠬᠦᠨᠦᠭᠡᠯ ᠤ᠋ᠨ ᠪᠠᠢᠳᠠᠯ ᠢ᠋ ᠬᠢᠨᠠᠨ ᠬᠡᠮᠵᠢᠬᠦ᠌ ᠪᠠ ᠡᠮ ᠰᠦᠷᠴᠢᠳᠡᠭ᠃ ᠲᠡᠷᠡ ᠦᠷᠭᠦᠯᠵᠢ ᠮᠣᠳᠤᠨ ᠨᠠᠪᠴᠢ ᠵᠢᠨ ᠥᠩᠭᠡ ᠬᠤᠪᠢᠷᠠᠬᠤ᠂ ᠬᠣᠷᠤᠬᠠᠢ ᠵᠢᠨ ᠨᠦᠬᠡ ᠵᠡᠷᠭᠡ ᠬᠡᠪ ᠤ᠋ᠨ ᠪᠤᠰᠤ ᠪᠠᠢᠳᠠᠯ ᠢ᠋ ᠪᠠᠢᠴᠠᠭᠠᠨ ᠰᠢᠨᠵᠢᠵᠤ᠂ ᠡᠪᠡᠳᠴᠢᠨ ᠪᠠ ᠬᠣᠷᠤᠬᠠᠢ ᠵᠢᠨ ᠬᠥᠨᠦᠭᠡᠯ ᠢ᠋ ᠴᠠᠭ ᠲᠤᠬᠠᠢ ᠳ᠋ᠤᠨᠢ ᠢᠯᠡᠷᠡᠭᠦᠯᠳᠡᠭ᠃ ᠬᠣᠷᠤᠬᠠᠢ ᠵᠢᠨ ᠬᠥᠨᠦᠭᠡᠯ ᠶᠡᠬᠡᠲᠡᠢ ᠤᠯᠠᠷᠢᠯ ᠪᠣᠯᠬᠤ ᠪᠦᠷᠢ ᠮᠣᠬᠤᠷ ᠡᠮᠳᠤ ᠰᠦᠷᠴᠢᠭᠦᠷ ᠪᠠᠭᠠᠵᠢ ᠪᠠᠨ ᠡᠭᠦᠷᠦᠨ ᠣᠢ ᠵᠢᠨ ᠳᠤᠮᠳᠠᠭᠤᠷ ᠰᠦᠯᠵᠢᠯᠳᠦᠨ᠂ ᠬᠣᠷᠤᠬᠠᠢ ᠵᠢᠨ ᠬᠦᠨᠦᠭᠡᠯ ᠤ᠋ᠨ ᠪᠠᠢᠳᠠᠯ ᠢ᠋ ᠬᠢᠨᠠᠨ ᠬᠡᠮᠵᠢᠵᠦ᠍᠂ ᠴᠠᠭ ᠲᠤᠬᠠᠢ ᠳ᠋ᠤᠨᠢ ᠡᠮ ᠰᠦᠷᠴᠢᠳᠡᠭ᠃
ᠬᠠᠪᠤᠷ ᠤ᠋ᠨ ᠤᠯᠠᠷᠢᠯ ᠤ᠋ᠨ ᠲᠦᠢᠮᠡᠷ ᠰᠡᠷᠭᠡᠢᠯᠡᠬᠦ᠌ ᠬᠤᠭᠤᠴᠠᠭᠠᠨ ᠳ᠋ᠤ ᠡᠭᠦᠰᠦᠭᠰᠡᠨ ᠨᠢᠭᠡ ᠤᠳᠠᠭᠠᠨ ᠤ᠋ ᠭᠠᠯ ᠤᠨᠲᠠᠷᠠᠭᠠᠭᠰᠠᠨ ᠶᠠᠪᠤᠳᠠᠯ ᠨᠢ ᠣᠳᠤ ᠪᠣᠯᠲᠠᠯᠠ ᠭᠠᠴᠠᠭᠠᠨ ᠤ᠋ ᠤᠯᠠᠨ ᠲᠦᠮᠡᠨᠤ ᠪᠠᠨ ᠲᠤᠮᠳᠠ ᠬᠠᠯᠠᠭᠤᠨ ᠵᠤᠭᠤᠭ ᠪᠤᠯᠤᠨ ᠲᠠᠯᠭᠡᠭᠳᠡᠭᠰᠠᠭᠡᠷ᠃ ᠲᠤᠬᠠᠢ ᠵᠢᠨ ᠵᠢᠯ ᠳ᠋ᠦ ᠂ ᠵᠡᠷᠭᠡᠯᠡᠳᠡᠭᠡ ᠲᠣᠰᠭᠤᠨ ᠤ᠋ ᠨᠢᠭᠡᠨ ᠮᠠᠯᠴᠢᠨ ᠡᠰᠢ ᠰᠦᠷᠡᠯ ᠵᠢᠡᠨ ᠰᠢᠲᠠᠭᠠᠬᠤ ᠳ᠋ᠠᠭᠠᠨ ᠬᠢᠴᠢᠶᠡᠮᠵᠢ ᠦᠭᠡᠢ ᠡᠴᠡ ᠪᠤᠯᠵᠤ ᠭᠠᠯ ᠨᠢ ᠰᠠᠯᠬᠢᠨ ᠤ᠋ ᠦᠯᠢᠶᠡᠯᠲᠡ ᠵᠢ ᠳᠠᠭᠠᠨ ᠨᠠᠷᠠᠰᠤᠨ ᠤᠢ ᠵᠢ ᠳᠠᠭᠠᠷᠢᠪᠠ᠃ ᠠᠭᠤᠯᠠᠨ ᠤᠢ ᠪᠠᠷ ᠲᠣᠭᠤᠷᠢᠨ ᠪᠠᠢᠴᠠᠭᠠᠵᠤ ᠪᠠᠢᠭᠰᠠᠨ ᠮᠣᠬᠤᠷ ᠬᠠᠷᠠ ᠤᠲᠤᠭᠠ ᠵᠢ ᠤᠯᠵᠤ ᠬᠠᠷᠠᠮᠠᠭᠴᠠ ᠳᠠᠷᠤᠢ ᠳ᠋ᠤᠨᠢ ᠲᠡᠭᠡᠷᠠ ᠱᠠᠲᠤᠨ ᠳ᠋ᠤ ᠪᠠᠢᠳᠠᠯ ᠢ᠋ ᠮᠡᠳᠡᠭᠳᠡᠬᠦᠵᠢᠨ ᠬᠠᠮᠳᠤ ᠡᠷᠭᠢᠨ ᠲᠣᠭᠤᠷᠢᠨ ᠤ᠋ ᠪᠠᠨ ᠮᠠᠯᠴᠢᠳ ᠢ᠋ ᠵᠤᠬᠢᠶᠠᠨ ᠪᠠᠢᠭᠤᠯᠤᠨ ᠭᠠᠯ ᠤᠨᠲᠠᠷᠠᠭᠠᠪᠠ᠃ ᠲᠡᠷᠡ ᠬᠠᠵᠠᠭᠤ ᠳ᠋ᠠᠭᠠᠨ ᠪᠠᠢᠭᠰᠠᠨ ᠮᠤᠳᠤᠨ ᠰᠠᠯᠠᠭᠠ ᠵᠢ ᠬᠠᠮᠤᠷᠤᠨ ᠠᠳᠬᠤᠨ ᠬᠠᠮᠤᠭ ᠤ᠋ᠨ ᠡᠮᠦᠨᠡ ᠨᠢ ᠰᠢᠭᠤᠷᠬᠠᠢᠯᠠᠵᠤ᠂ ᠬᠡᠳᠦᠨ ᠴᠠᠭ ᠪᠠᠢᠯᠳᠤᠵᠤ ᠠᠷᠠᠢ ᠭᠡᠵᠤ ᠭᠠᠯ ᠢ᠋ ᠤᠨᠲᠠᠷᠠᠭᠠᠵᠠᠢ᠃ ᠭᠡᠪᠡᠴᠦ ᠮᠤᠬᠤᠷ ᠤ᠋ᠨ ᠬᠠᠴᠠᠷ ᠨᠢᠭᠤᠷ ᠨᠢ ᠰᠢᠷᠬᠠᠳᠤᠵᠤ᠂ ᠬᠤᠪᠴᠠᠰᠤ ᠬᠤᠨᠠᠷ ᠨᠢ ᠰᠢᠲᠠᠭᠠᠭᠳᠠᠪᠠ᠃ ᠭᠠᠴᠠᠭᠠᠨ ᠤ᠋ ᠨᠠᠮ ᠤ᠋ᠨ ᠡᠭᠦᠷ ᠤ᠋ᠨ ᠱᠦᠵᠢ ᠰᠡᠴᠡᠨᠪᠠᠭᠠᠲᠤᠷ᠄ 《ᠮᠤᠬᠤᠷ ᠬᠠᠮᠤᠭ ᠤ᠋ᠨ ᠲᠦᠷᠦᠭᠦᠨ ᠳ᠋ᠦ ᠳᠠᠭᠠᠷᠢᠨ ᠣᠷᠤᠵᠤ ᠭᠠᠯ ᠢ᠋ ᠤᠨᠲᠠᠷᠠᠭᠠᠭᠰᠠᠨ ᠦᠭᠡᠢ ᠪᠤᠯ ᠰᠦᠢᠳᠤᠯ ᠮᠠᠰᠢ ᠶᠡᠭᠡ ᠪᠤᠯᠤᠨᠠ》 ᠭᠡᠵᠤ ᠲᠤᠬᠠᠢᠵᠢᠨ ᠦᠶᠠᠵᠢᠨ ᠪᠠᠢᠳᠠᠯᠢ ᠡᠷᠬᠢᠴᠡᠬᠦᠯᠤᠨ ᠭᠡᠯᠡᠨᠠ᠃
ᠮᠤᠬᠤᠷ ᠭᠡᠵᠤ ᠬᠤᠪᠢᠳᠠᠭᠰᠠᠨ ᠠᠵᠢᠯᠳᠠᠭᠠᠨ ᠮᠠᠰᠢ ᠬᠠᠷᠢᠭᠤᠴᠠᠯᠭᠠ ᠲᠠᠢ ᠬᠦᠮᠦᠨ᠃ ᠨᠢᠳᠤᠨᠤᠨ ᠵᠤᠨ᠂ ᠨᠢᠭᠡᠨ ᠰᠠᠳᠤᠨ ᠨᠢ ᠲᠡᠭᠦᠨ ᠢ᠋ ᠡᠷᠢᠵᠤ ᠬᠡᠳᠦᠨ ᠮᠣᠳᠤ ᠣᠭᠲᠤᠯᠵᠤ ᠰᠢᠨᠡ ᠭᠡᠷ ᠪᠠᠷᠢᠬᠤ ᠰᠠᠨᠠᠭᠠ ᠪᠠᠨ ᠴᠤᠬᠤᠢᠯᠭᠠᠪᠠ᠃ ᠡᠭᠦᠨ ᠳ᠋ᠤ ᠮᠤᠬᠤᠷ ᠤᠬᠳᠤ ᠵᠦᠪᠰᠢᠶᠡᠷᠡᠭᠰᠡᠨ ᠦᠭᠡᠢ᠃ 《ᠲᠥᠷᠦ ᠵᠢᠨ ᠪᠣᠳᠤᠯᠭᠠ ᠵᠥᠪᠰᠢᠶᠡᠷᠡᠬᠦ ᠦᠭᠡᠢ ᠪᠣᠯ ᠬᠡᠨ ᠴᠦ᠍ ᠵᠤᠷᠰᠢᠯ ᠢ᠋ ᠡᠪᠳᠡᠵᠦ᠍ ᠪᠣᠯᠬᠤ ᠦᠭᠡᠢ！ ᠤᠢ ᠰᠢᠭᠤᠢ ᠪᠣᠯ ᠭᠠᠴᠠᠭᠠᠨ ᠤ᠋ ᠪᠦᠬᠦ᠌ ᠠᠷᠠᠳ ᠤ᠋ᠨ ᠬᠢ》 ᠭᠡᠵᠦ ᠮᠤᠬᠤᠷ ᠶᠠᠷᠢᠵᠦ᠂ ᠬᠤᠤᠰ ᠬᠡᠯᠡ ᠪᠠᠷ ᠳᠠᠷᠤᠮᠠᠯᠯᠠᠨ ᠵᠣᠬᠢᠶᠠᠭᠰᠠᠨ 《ᠣᠢ ᠰᠢᠭᠤᠢ ᠵᠢᠨ ᠬᠠᠤᠯᠢ》 ᠵᠢᠨ ᠤᠬᠠᠭᠤᠯᠭᠠ ᠵᠢᠨ ᠳᠡᠪᠲᠡᠷ ᠵᠢᠡᠨ ᠭᠠᠷᠭᠠᠵᠤ᠂ ᠰᠠᠳᠤᠨ ᠳ᠋ᠠᠭᠠᠨ ᠠᠮᠢ ᠠᠬᠤᠢ ᠵᠢᠨ ᠬᠠᠮᠠᠭᠠᠯᠠᠯᠲᠠ ᠵᠢᠨ ᠲᠥᠷᠦ ᠵᠢᠨ ᠪᠣᠳᠤᠯᠭᠠ ᠵᠢ ᠵᠤᠷᠪᠤᠰ ᠳᠠᠷᠠᠭᠠᠯᠠᠨ ᠲᠠᠢᠯᠪᠤᠷᠢᠯᠠᠨ ᠥᠭᠴᠦ᠍᠂ ᠬᠦᠯᠢᠴᠡᠩᠭᠦᠢ ᠪᠠᠷ ᠢᠳᠭᠠᠨ ᠬᠤᠷᠢᠭᠯᠠᠵᠠᠢ᠃ ᠡᠩ ᠤ᠋ᠨ ᠴᠠᠭ ᠲᠦ᠍᠂ ᠮᠤᠬᠤᠷ ᠤᠢ ᠰᠢᠭᠤᠢ ᠪᠡᠷ ᠲᠤᠭᠤᠷᠢᠨ ᠪᠠᠢᠴᠠᠭᠠᠵᠤ ᠶᠠᠪᠤᠬᠤ ᠳ᠋ᠠᠭᠠᠨ᠂ ᠵᠢᠭᠤᠯᠴᠢᠯᠠᠨ ᠨᠠᠭᠠᠳᠴᠤ ᠪᠠᠢᠭᠠ ᠬᠦᠮᠦᠰ ᠲᠠᠢ ᠲᠠᠭᠠᠷᠠᠯᠳᠤᠪᠠᠯ᠂ ᠭᠠᠯ ᠰᠡᠷᠭᠡᠢᠯᠡᠬᠦ᠂ ᠮᠣᠳᠤ ᠣᠭᠲᠤᠯᠬᠤ ᠵᠢ ᠴᠠᠭᠠᠵᠠᠯᠠᠬᠤ ᠮᠡᠳᠤᠵᠢᠨ ᠬᠠᠮᠢᠶᠠ ᠪᠦᠬᠦᠢ ᠲᠣᠭᠲᠠᠭᠠᠯ ᠢ᠋ ᠬᠤᠤᠰ ᠬᠡᠯᠡ ᠪᠠᠷ ᠤᠬᠠᠭᠤᠯᠤᠨ ᠲᠠᠢᠯᠪᠤᠷᠢᠯᠠᠵᠤ ᠦᠭᠳᠡᠭ᠃
ᠵᠢᠯ ᠪᠦᠷᠢᠵᠢᠨ ᠮᠣᠳᠤ ᠲᠠᠷᠢᠵᠤ ᠣᠢᠵᠢᠭᠤᠯᠬᠤ᠂ ᠨᠤᠲᠤᠭ ᠪᠡᠯᠴᠢᠭᠡᠷ ᠢ᠋ ᠬᠦᠷᠢᠶᠡᠯᠡᠨ ᠪᠢᠲᠡᠭᠦᠮᠵᠢᠯᠡᠬᠦ᠌ ᠬᠤᠭᠤᠴᠠᠭᠠᠨᠳᠤ᠂ ᠮᠤᠬᠤᠷ ᠶᠠᠷᠤᠨᠢ ᠲᠤᠬᠠᠢ ᠵᠢᠨ ᠲᠠᠯᠠᠪᠠᠢ ᠳ᠋ᠤ ᠬᠠᠮᠤᠭ ᠤ᠋ᠨ ᠡᠷᠲᠡ ᠬᠦᠷᠴᠦ ᠬᠠᠮᠤᠭ ᠤ᠋ᠨ ᠣᠷᠤᠢ ᠪᠤᠴᠠᠳᠠᠭ᠃ ᠨᠢᠳᠤᠨᠤᠨ ᠬᠠᠪᠤᠷ᠂ ᠭᠠᠴᠠᠭᠠ ᠡᠴᠡ ᠮᠢᠩᠭᠠᠨ ᠮᠤ᠌ ᠵᠢᠨ ᠬᠠᠯᠬᠠᠪᠴᠢ ᠣᠢ ᠵᠢᠨ ᠢᠨᠵᠧᠨᠧᠷᠢᠩ ᠢ᠋ ᠬᠡᠷᠡᠭᠵᠢᠭᠦᠯᠬᠦ ᠳ᠋ᠤ᠂ ᠲᠡᠷᠡ ᠰᠠᠨᠠᠭᠠᠴᠢᠯᠠᠭᠠ ᠡᠴᠡ ᠪᠠᠨ 70 ᠭᠠᠷᠤᠢ ᠬᠥᠮᠦᠨ ᠢ᠋ ᠳᠠᠢᠴᠢᠯᠠᠨ ᠮᠣᠳᠤ ᠲᠠᠷᠢᠬᠤ ᠤᠷᠠ ᠮᠡᠷᠭᠡᠵᠢᠯ ᠢ᠋ ᠵᠢᠭᠠᠨ ᠵᠢᠯᠤᠭᠤᠳᠴᠦ᠂ ᠬᠠᠭᠠᠰ ᠰᠠᠷᠠ ᠤᠢᠵᠢᠭᠤᠯᠤᠯᠳᠠ ᠬᠢᠵᠤ ᠡᠭᠦᠷᠭᠡ ᠪᠠᠨ ᠲᠠᠪᠠᠭᠤᠯᠤᠨ ᠪᠡᠶᠡᠯᠡᠭᠦᠯᠪᠠ᠃ 《ᠮᠤᠬᠤᠷᠤᠨ ᠤᠷᠤᠯᠴᠠᠯᠭᠠ ᠪᠠᠷ ᠪᠢᠳᠠᠨ ᠤ᠋ ᠠᠮᠢ ᠠᠬᠤᠢ ᠵᠢᠨ ᠪᠦᠲᠦᠭᠡᠨ ᠪᠠᠢᠭᠤᠯᠤᠯᠲᠠ ᠵᠢᠨ ᠠᠵᠢᠯ ᠤᠷᠤᠭᠰᠢᠲᠠᠢ ᠶᠠᠪᠤᠭᠳᠠᠵᠠᠢ᠂ ᠲᠡᠷᠡ ᠬᠦᠴᠢᠷ ᠡᠴᠡ ᠠᠶᠤᠬᠤ ᠦᠭᠡᠢ ᠰᠢᠭᠤᠷᠬᠠᠢᠯᠠᠨ ᠠᠵᠢᠯᠯᠠᠳᠠᠬ ᠡᠴᠡ ᠭᠠᠴᠠᠭᠠᠨᠤ ᠤᠯᠠᠨ ᠲᠦᠮᠡᠨ ᠲᠠᠬᠦᠨ ᠲᠠᠢ ᠬᠠᠮᠳᠤ ᠠᠵᠢᠯᠯᠠᠬᠤ ᠲᠤᠷᠠᠳᠠᠢ》 ᠭᠡᠵᠦ ᠰᠤᠪᠤᠷᠭᠠ ᠪᠠᠯᠭᠠᠰᠤᠨ ᠤ᠋ ᠬᠠᠷᠢᠭᠤᠴᠠᠯᠭᠠᠲᠠᠨ ᠭᠡᠯᠡᠨᠠ᠃
ᠮᠤᠬᠤᠷ ᠣᠢ ᠬᠠᠮᠠᠭᠠᠯᠠᠭᠴᠢ ᠵᠢᠨ ᠠᠵᠢᠯ ᠵᠢᠡᠨ ᠣᠨᠴᠠᠭᠠᠢ ᠨᠠᠨᠳᠢᠩᠨᠠᠳᠠᠭ ᠪᠦᠭᠡᠳ ᠳᠡᠷᠭᠡᠳᠡᠬᠢ ᠶᠠᠳᠠᠭᠤ ᠡᠴᠡ ᠠᠩᠭᠢᠵᠢᠷᠠᠭᠰᠠᠨ ᠤᠯᠠᠨ ᠲᠦᠮᠡᠨ ᠢ᠋ ᠲᠠᠢᠴᠢᠯᠠᠨ ᠤᠢ ᠬᠠᠮᠠᠭᠠᠯᠠᠬᠤ ᠠᠵᠢᠯ ᠳ᠋ᠤ ᠤᠷᠤᠯᠴᠠᠭᠤᠯᠳᠠᠭ᠃ ᠳᠡᠷᠡ 5 ᠬᠥᠮᠦᠨ ᠵᠢᠡᠷ ᠪᠦᠷᠢᠯᠳᠦᠭᠰᠡᠨ ᠲᠣᠭᠤᠷᠢᠨ ᠬᠠᠮᠠᠭᠠᠯᠠᠬᠤ ᠪᠠᠭᠠ ᠠᠩᠭᠢ ᠵᠢ ᠵᠣᠬᠢᠶᠠᠨ ᠪᠠᠢᠭᠤᠯᠵᠤ᠂ ᠲᠣᠭᠤᠷᠢᠨ ᠪᠠᠢᠴᠠᠭᠠᠬᠤ ᠭᠡᠮ ᠰᠣᠭᠤᠭ ᠢ᠋ ᠢᠯᠭᠠᠨ ᠲᠠᠨᠢᠬᠤ ᠤᠷᠠ ᠮᠡᠷᠭᠡᠵᠢᠯ ᠢ᠋ ᠤᠯᠠᠮᠵᠢᠯᠠᠵᠤ᠂ ᠪᠠᠰᠠ ᠤᠢ ᠳᠤᠳᠤᠷᠠ ᠡᠪᠡᠰᠦᠨ ᠡᠮ ᠤ᠋ᠨ ᠮᠠᠲᠧᠷᠢᠶᠠᠯ ᠲᠠᠷᠢᠬᠤ ᠵᠡᠷᠭᠡ ᠤᠢ ᠳᠤᠳᠤᠷᠠᠬᠢ ᠠᠵᠤ ᠠᠬᠤᠢ ᠵᠢ ᠬᠥᠭᠵᠢᠭᠦᠯᠵᠦ᠍᠂ ᠨᠤᠮᠢᠨ ᠤᠰᠤ ᠬᠦᠭᠡᠮᠳᠦᠭ ᠠᠭᠤᠯᠠ ᠪᠠᠨ ᠬᠠᠮᠲᠤ ᠪᠠᠷ ᠰᠠᠬᠢᠨ ᠬᠠᠮᠠᠭᠠᠯᠠᠬᠤᠵᠢᠨ ᠲᠠᠭᠠᠤ ᠠᠵᠤ ᠠᠬᠤᠢᠵᠢᠨ ᠣᠷᠤᠯᠭᠠ ᠪᠠᠨ ᠲᠣᠭᠲᠠᠭᠤᠨ ᠵᠢᠠᠷ ᠨᠡᠮᠡᠭᠳᠡᠭᠦᠯᠵᠦ᠍᠂ ᠠᠮᠢᠳᠤᠷᠠᠯ ᠦᠢᠯᠡᠳᠪᠤᠷᠢᠯᠡᠯᠵᠢᠡᠨ ᠦᠭᠡᠳᠡ ᠲᠠᠳᠠᠵᠤ ᠶᠠᠪᠤᠨᠠ᠃
ᠶᠠᠳᠠᠭᠤ ᠡᠴᠡ ᠠᠩᠭᠢᠵᠢᠷᠠᠭᠤᠯᠤᠭᠰᠠᠨ ᠲᠦᠷᠦ ᠵᠢᠨ ᠪᠤᠳᠤᠯᠭᠠ ᠵᠢᠨ ᠠᠰᠢᠭ ᠬᠦᠷᠲᠡᠭᠴᠢ ᠡᠴᠡ ᠣᠯᠠᠨ ᠲᠦᠮᠡᠨ ᠢ᠋ ᠳᠠᠶ᠋ᠢᠴᠢᠯᠠᠨ ᠪᠠᠶᠠᠵᠢᠯᠤᠨ ᠬᠤᠰᠢᠭᠤᠴᠢ ᠪᠤᠯᠳᠠᠯᠠ᠂ ᠮᠤᠬᠤᠷ ᠤᠢ ᠬᠠᠮᠠᠭᠠᠯᠠᠬᠴᠢᠵᠢᠨ ᠡᠬᠦᠷᠭᠡ ᠬᠠᠷᠢᠭᠤᠴᠠᠯᠭᠠ ᠪᠠᠨ ᠵᠤᠷᠢᠭᠳᠠᠢ ᠡᠭᠦᠷᠭᠡᠯᠡᠨ ᠡᠷᠴᠢᠮᠳᠠᠢ ᠬᠦᠢᠴᠡᠳᠭᠡᠵᠤ᠂ ᠨᠤᠳᠤᠭ ᠤ᠋ᠨ ᠠᠭᠤᠯᠠ ᠤᠰᠤ ᠪᠠᠨ ᠳᠡᠭᠡᠳᠦᠯᠡᠨ ᠬᠦᠮᠦᠨ ᠠᠷᠠᠳ ᠵᠢᠡᠨ ᠪᠠᠶᠠᠰᠬᠠᠨᠠ᠃ ᠤᠳᠤ ᠲᠡᠷᠡ ᠡᠷᠴᠢ ᠵᠤᠷᠢᠭᠵᠢᠡᠨ ᠬᠦᠪᠴᠢᠯᠡᠵᠤ ᠡᠷᠡᠮᠡᠭᠡᠢᠯᠡᠨ ᠠᠵᠢᠯᠯᠠᠵᠤ᠂ ᠨᠤᠮᠢᠨ ᠤᠰᠤ ᠬᠥᠬᠡᠮᠳᠦᠭ ᠠᠭᠤᠯᠠ ᠪᠠᠨ ᠰᠠᠬᠢᠨ ᠬᠠᠮᠠᠭᠠᠯᠠᠬᠤ ᠡᠭᠦᠷᠭᠡ ᠬᠠᠷᠢᠭᠤᠴᠠᠯᠭᠠ ᠪᠠᠨ ᠦᠷᠬᠦᠯᠵᠢᠯᠡᠨ ᠰᠠᠢᠳᠤᠷ ᠬᠦᠢᠴᠡᠳᠭᠡᠵᠤ᠂ ᠰᠡᠳᠬᠢᠯ ᠬᠥᠳᠡᠯᠭᠡᠮᠡ ᠤᠢᠯᠠ ᠠᠵᠢᠯᠯᠠᠭᠠ ᠪᠠᠷᠵᠢᠡᠨ ᠡᠭᠡᠯ ᠵᠢᠷᠤᠨ ᠤᠢ ᠬᠠᠮᠠᠭᠠᠯᠠᠭᠴᠢᠵᠢᠨ ᠦᠯᠢᠭᠡᠷᠢ ᠪᠢᠴᠢᠭᠯᠡᠨᠠ᠃