— ᠥᠪᠥᠷ ᠮᠣᠩᠭᠣᠯᠤᠨ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ 36 ᠳ᠋ᠤᠭᠠᠷ ᠬᠤᠭᠤᠴᠠᠭᠠᠨᠤ ᠵᠢᠭᠤᠯᠴᠢᠯᠠᠯᠤᠨ ᠨᠠᠭᠠᠳᠤᠮᠤᠨ ᠲᠠᠲᠠᠯᠠᠭᠠ
ᠠᠭᠤᠳᠠᠮ ᠲᠠᠯᠠ ᠮᠢᠩᠭᠠᠨ ᠭᠠᠵᠠᠷ ᠦᠷᠭᠦᠯᠵᠢᠯᠡᠵᠦ᠂ ᠪᠠᠶᠠᠰᠬᠤᠯᠠᠩᠲᠤ ᠲᠠᠭᠤᠤ ᠲᠠᠯᠠ ᠨᠤᠲᠤᠭᠲᠤ᠌ ᠬᠠᠩᠭᠢᠨᠠᠨᠠ᠃ 7 ᠰᠠᠷᠠᠶᠢᠨ 18 ᠤ᠋ ᠡᠳᠦᠷ᠂ ᠥᠪᠥᠷ ᠮᠣᠩᠭᠣᠯᠤᠨ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ 36 ᠳ᠋ᠤᠭᠠᠷ ᠬᠤᠭᠤᠴᠠᠭᠠᠨᠤ ᠵᠢᠭᠤᠯᠴᠢᠯᠠᠯᠤᠨ ᠨᠠᠭᠠᠳᠤᠮ ᠰᠢᠯᠢᠩᠬᠣᠲᠠᠶᠢᠨ ᠨᠠᠭᠠᠳᠤᠮᠤᠨ ᠵᠠᠩ ᠦᠢᠯᠡᠶᠢᠨ ᠬᠦᠷᠢᠶᠡᠯᠡᠩᠳᠦ ᠦᠪᠡᠳᠡᠭᠰᠢ ᠶᠡᠬᠡᠪᠡᠷ ᠡᠬᠢᠯᠡᠵᠦ᠍᠂ ᠦᠨᠳᠦᠰᠦᠲᠡᠨᠨᠦᠭᠦᠳᠦᠨ ᠠᠷᠪᠠ ᠭᠠᠷᠤᠢ ᠲᠦᠮᠡᠨ ᠤᠯᠠᠨ ᠲᠦᠮᠡᠨ᠂ ᠡᠯᠡ ᠭᠠᠵᠠᠷᠤᠨ ᠵᠢᠭᠤᠯᠴᠢᠯᠠᠭᠰᠡᠳ ᠲᠠᠯᠠ ᠨᠤᠲᠤᠭᠲᠤ᠌ ᠬᠤᠷᠠᠨ ᠴᠤᠭᠯᠠᠷᠠᠪᠠ᠃ ᠡᠨᠡ ᠨᠢ ᠪᠠᠶᠠᠰᠬᠤᠯᠠᠩᠲᠤ ᠨᠠᠭᠠᠳᠤᠮ ᠪᠤᠯᠤᠭᠰᠠᠨᠢᠶᠠᠷ ᠪᠠᠷᠠᠬᠤ ᠥᠬᠡᠶ᠂ ᠨᠠᠩ ᠴᠤ᠌ ᠰᠣᠶᠣᠯᠢᠶᠡᠨ ᠭᠠᠳᠠᠭᠰᠢ ᠲᠡᠯᠭᠡᠷᠡᠭᠦᠯᠬᠦ᠂ ᠠᠵᠤ ᠦᠢᠯᠡᠰᠢᠶᠡᠨ ᠵᠣᠯᠭᠠᠭᠤᠯᠬᠤ᠂ ᠠᠷᠠᠳᠢ ᠪᠠᠶᠠᠵᠢᠭᠤᠯᠵᠤ ᠣᠷᠣᠯᠭᠠᠶᠢᠨᠢ ᠨᠡᠮᠡᠭᠳᠡᠭᠦᠯᠬᠦ᠌ ᠵᠡᠷᠭᠡ ᠣᠯᠠᠨ ᠳᠠᠪᠬᠤᠷ ᠡᠭᠦᠷᠭᠡᠶᠢ ᠠᠴᠢᠶᠠᠯᠠᠭᠰᠠᠨ ᠲᠠᠰ ᠳᠡᠪᠰᠢᠭᠰᠡᠨ ᠬᠡᠪᠤᠨ 《ᠭᠡᠳᠦ ᠲᠠᠪᠴᠠᠩ》 ᠪᠤᠯᠵᠤ᠂ ᠡᠨᠡ ᠬᠦ᠌ ᠲᠠᠪᠴᠠᠩᠨᠢ ᠤᠯᠠᠮᠵᠢᠯᠠᠯᠲᠤ ᠨᠠᠭᠠᠳᠤᠮᠤᠨ 《ᠵᠤᠭᠠ ᠴᠡᠩᠭᠡᠯ》 ᠪᠠᠢᠭᠰᠠᠨᠡᠴᠡ 《ᠬᠦᠴᠦᠨ ᠣᠯᠭᠣᠬᠤ》 ᠪᠤᠯᠤᠭᠰᠠᠨ ᠴᠠᠭ ᠦᠶᠡᠶᠢᠨ ᠬᠤᠪᠢᠷᠠᠯᠲᠠᠶᠢ ᠪᠡᠶᠡᠯᠡᠭᠦᠯᠪᠡ᠃
ᠦᠳᠡᠶᠢᠨ ᠡᠮᠦᠨᠡᠬᠢ 9 ᠴᠠᠭ 30 ᠮᠢᠨᠦ᠋ᠲᠲᠦ᠍᠂ ᠡᠬᠢᠯᠡᠯᠲᠡᠶᠢᠨ ᠶᠣᠰᠣᠯᠠᠯᠤᠨ ᠲᠣᠭᠯᠠᠯᠲᠠ ᠭᠣᠶ᠋ᠢᠳᠠ ᠰᠠᠶ᠋ᠢᠬᠠᠨ ᠶᠠᠪᠤᠭᠳᠠᠵᠤ᠂ ᠴᠤᠭᠤᠷ ᠲᠠᠭᠤᠤ᠂ ᠬᠥᠭᠡᠮᠡᠢ᠂ ᠤᠷᠳᠤᠶᠢᠨ ᠳᠠᠭᠤᠤ ᠵᠢᠨ ᠤᠶᠠᠩᠭᠠ ᠴᠤᠤᠷᠢᠶᠠᠲᠤᠵᠤ᠂ ᠮᠢᠩᠭᠠᠨ ᠪᠥᠬᠡᠤᠮᠤᠭ ᠵᠢᠪᠬᠤᠭᠠ ᠪᠠᠨ ᠭᠠᠢᠬᠠᠭᠤᠯᠤᠨᠠ᠃ ᠡᠬᠦᠨ ᠳ᠋ᠦ᠂ ᠨᠠᠭᠠᠳᠤᠮᠤᠨ ᠲᠠᠯᠠᠪᠠᠢ ᠵᠢᠨ ᠭᠠᠳᠠᠨᠠᠬᠢ ᠵᠦᠢᠯ ᠨᠢ ᠰᠠᠶᠢ ᠵᠢᠩᠬᠢᠨᠢ ᠬᠢᠯᠠᠰ ᠴᠡᠭ ᠪᠤᠯᠤᠭᠰᠠᠨ ᠪᠠᠢᠨᠠ᠃
2026 ᠣᠨᠤ 《ᠪᠣᠳᠠᠰᠤᠨ ᠪᠤᠰᠤ ᠰᠣᠶᠣᠯᠤᠨ ᠥᠪᠦᠨ ᠰᠢᠯᠢᠳᠡᠭ ᠦᠢᠯᠡᠳᠭᠦᠨ ᠤᠷᠠᠨ ᠲᠠᠷᠬᠠᠨᠤ ᠵᠤᠷᠢᠭ ᠰᠠᠨᠠᠭᠠ ᠵᠢᠨ ᠤᠯᠠᠮᠵᠢᠯᠠᠯ》 ᠥᠪᠥᠷ ᠮᠣᠩᠭᠣᠯᠤᠨ ᠪᠣᠳᠠᠰᠤᠨ ᠪᠤᠰᠤ ᠰᠣᠶᠣᠯᠤᠨ ᠥᠪᠦᠨ ᠪᠠᠷᠠᠭᠠ ᠬᠤᠳᠠᠯᠳᠤᠨ ᠠᠪᠬᠤ ᠰᠠᠷᠠᠶᠢᠨ ᠠᠵᠢᠯᠯᠠᠭᠠᠶᠢᠨ ᠲᠤᠬᠠᠶᠶᠢᠨ ᠲᠠᠯᠠᠪᠠᠶᠳᠤ᠂ ᠰᠢᠯᠢᠶᠢᠨ ᠭᠤᠤᠯᠤᠨ ᠬᠣᠨᠢᠨ ᠮᠢᠬᠠ᠂ ᠪᠢᠰᠢᠯᠠᠭ ᠵᠡᠷᠭᠡ ᠠᠮᠲᠠᠲᠤ᠌ ᠢᠳᠡᠭᠡᠨᠦ ᠠᠩᠬᠢᠯᠤᠮᠠ ᠦᠨᠦᠷ ᠬᠠᠩᠬᠤᠯᠵᠤ᠂ ᠦᠯᠡᠮᠵᠢ ᠣᠯᠠᠨ ᠵᠢᠭᠤᠯᠴᠢᠯᠠᠭᠰᠡᠳᠤᠨ ᠠᠩᠬᠠᠷᠤᠯᠢ ᠲᠠᠲᠠᠵᠠᠶ᠃ ᠪᠡᠭᠡᠵᠢᠩᠦᠨ ᠵᠢᠭᠤᠯᠴᠢᠯᠠᠭᠴᠢ ᠵᠣᠣ ᠠᠪᠠᠬᠠᠶ᠄ 《ᠮᠠᠰᠢ ᠣᠯᠠᠨ ᠠᠮᠲᠠᠲᠤ᠌ ᠢᠳᠡᠭᠡᠨᠡᠴᠡ ᠠᠮᠲᠠᠯᠠᠵᠤ᠂ ᠣᠯᠠᠩᠬᠢᠶᠢ ᠨᠢ ᠠᠩᠬᠠ ᠤᠳᠠᠭᠠ ᠦᠵᠡᠵᠦ᠍ ᠪᠠᠶ᠋ᠢᠨᠠ᠂ ᠲᠠᠯᠠ ᠨᠤᠲᠤᠭᠤᠨ ᠥᠩᠭᠡ ᠦᠵᠡᠮᠵᠢᠵᠢ ᠰᠤᠨᠢᠷᠬᠠᠬᠤ ᠵᠢᠨ ᠬᠠᠮᠲᠤ᠌ ᠵᠢᠩᠬᠢᠨᠢ ᠠᠮᠲᠠᠲᠤ᠌ ᠢᠳᠡᠭᠡᠨᠡᠴᠡ ᠠᠮᠰᠠᠭᠰᠠᠨᠳᠠᠭᠠᠨ ᠰᠡᠳᠭᠢᠯ ᠦᠨᠳᠦᠷ ᠪᠠᠢᠨᠠ》 ᠭᠡᠵᠦ ᠲᠤᠭᠲᠤᠯᠤᠩᠬᠠᠨ ᠬᠡᠯᠡᠨᠡ᠃
《ᠲᠤᠰ ᠤᠳᠠᠭᠠᠨᠤ ᠪᠠᠷᠠᠭᠠ ᠬᠤᠳᠠᠯᠳᠤᠨ ᠠᠪᠬᠤ ᠰᠠᠷᠠ ᠨᠢ ᠳᠡᠯᠭᠡᠨ ᠪᠣᠷᠣᠯᠠᠭᠤᠯᠬᠤ ᠤᠯᠠᠮᠵᠢᠯᠠᠯᠲᠤ ᠵᠠᠭᠪᠤᠷᠢ ᠡᠪᠳᠡᠵᠦ᠂ ᠲᠠᠪᠤᠨ ᠲᠣᠮᠣ᠌ ᠬᠡᠰᠡᠭᠢ ᠨᠡᠢᠯᠡᠭᠦᠯᠦᠨ ᠵᠢᠷᠤᠵᠤ ᠲᠥᠯᠥᠪᠯᠡᠬᠦᠪᠡᠷ ᠳᠠᠮᠵᠢᠭᠤᠯᠵᠤ᠂ ᠪᠣᠳᠠᠰᠤᠨ ᠪᠤᠰᠤ ᠰᠣᠶᠣᠯᠤᠨ ᠥᠪᠢ ᠰᠤᠨᠤᠰᠴᠦ ᠪᠤᠯᠬᠤ᠂ ᠦᠵᠡᠵᠤ ᠪᠤᠯᠬᠤ᠂ ᠬᠦᠷᠦᠯᠴᠡᠵᠤ ᠪᠤᠯᠬᠤ᠂ ᠠᠮᠲᠠᠯᠠᠵᠤ ᠪᠤᠯᠬᠤ ᠪᠤᠯᠭᠠᠵᠤ᠂ ᠣᠳᠣ᠌ ᠦᠶᠡᠶᠢᠨ ᠠᠮᠢᠳᠤᠷᠠᠯᠳᠤ ᠦᠨᠡᠨ ᠬᠦ᠌ ᠠᠭᠤᠰᠬᠠᠨ ᠣᠷᠣᠭᠤᠯᠵᠠᠢ》 ᠬᠡᠵᠦ ᠰᠢᠯᠢᠶᠢᠨ ᠭᠣᠣᠯ ᠠᠢᠮᠠᠭᠤᠨ ᠰᠣᠶᠣᠯ ᠪᠡᠶᠡ ᠲᠠᠮᠢᠷ ᠵᠢᠭᠤᠯᠴᠢᠯᠠᠯ ᠷᠠᠳᠢᠣ᠋ ᠲᠧᠯᠸᠢᠰᠦᠨ ᠲᠣᠪᠴᠢᠶᠡ ᠵᠢᠨ ᠳᠡᠳ᠋ ᠳᠠᠷᠤᠭᠠ ᠰᠢᠩ ᠬᠠᠢ ᠫᠧᠩ ᠬᠡᠯᠡᠪᠡ᠃ ᠲᠡᠷᠡ᠄ 《ᠨᠠᠭᠠᠳᠤᠮ ᠪᠣᠯ ᠲᠠᠯᠠ ᠨᠤᠲᠤᠭᠤᠨ ᠦᠪᠡᠳᠡᠭᠰᠢ ᠴᠤᠭᠯᠠᠭᠠᠨ ᠮᠥᠨ᠂ ᠪᠢᠳᠡ ᠡᠨᠡ ᠬᠦ᠌ ᠠᠵᠠ ᠲᠣᠬᠢᠶᠠᠯᠢ ᠠᠰᠢᠭ᠍ᠯᠠᠵᠤ᠂ ᠪᠣᠳᠠᠰᠤᠨ ᠪᠤᠰᠤ ᠰᠣᠶᠣᠯᠤᠨ ᠥᠪᠢ ᠵᠢᠭᠤᠯᠴᠢᠯᠠᠭᠰᠠᠳ ᠪᠣᠯᠣᠨ ᠲᠠᠯᠠ ᠨᠤᠲᠤᠭᠤᠨ ᠰᠣᠶᠣᠯᠤᠨ ᠬᠣᠯᠪᠣᠭᠠᠰᠤ ᠪᠣᠯᠭᠠᠬᠤᠶᠢ ᠬᠦᠰᠡᠵᠦ ᠪᠠᠢᠨᠠ》 ᠭᠡᠪᠡ᠃
ᠪᠣᠳᠠᠰᠤᠨ ᠪᠤᠰᠤ ᠰᠣᠶᠣᠯᠤᠨ ᠥᠪ ᠨᠢ ᠵᠥᠪᠬᠡᠨ ᠲᠠᠢᠰᠠᠨᠤ ᠠᠷᠤ ᠦᠵᠡᠭᠳᠡᠯ ᠲᠡᠳᠦᠢ ᠪᠢᠰᠢ ᠪᠤᠯᠵᠤ᠂ ᠬᠠᠷᠢᠨ ᠬᠤᠳᠠᠯᠳᠤᠨ ᠠᠪᠴᠤ ᠪᠣᠯᠬᠤ᠂ ᠪᠡᠶᠡᠴᠢᠯᠡᠨ ᠣᠢᠯᠠᠭᠠᠵᠤ ᠪᠣᠯᠬᠤ᠂ ᠠᠪᠴᠤ ᠶᠠᠪᠤᠵᠤ ᠪᠣᠯᠬᠤ ᠡᠳ᠋ ᠪᠣᠳᠠᠰ ᠪᠣᠯᠪᠡ᠃
ᠬᠡᠷᠪᠡ ᠪᠤᠳᠠᠰᠤᠨ ᠪᠤᠰᠤ ᠰᠣᠶᠣᠯᠤᠨ ᠥᠪᠦᠨ ᠦᠵᠡᠭᠦᠯᠭᠡᠶᠢᠨ ᠲᠣᠭᠣᠷᠢᠭ᠋ ᠨᠢ ᠬᠥᠮᠥᠰᠲᠦ ᠰᠣᠶᠣᠯᠤᠨ ᠥᠷᠲᠡᠭᠦᠨ ᠬᠤᠪᠢᠷᠠᠯᠲᠠ ᠶᠢ ᠬᠠᠷᠠᠭᠤᠯᠵᠠᠢ ᠭᠡᠪᠡᠯ᠂ ᠨᠠᠭᠠᠳᠤᠮᠤᠨ ᠲᠠᠯᠠᠪᠠᠶᠳᠠᠬᠢ ᠰᠢᠯᠢᠶᠢᠨ ᠭᠣᠣᠯᠤᠨ ᠲᠦᠷᠦᠯ ᠲᠡᠮᠳᠡᠭᠲᠦ ᠦᠢᠯᠡᠳᠬᠦᠨᠦ ᠳᠡᠯᠭᠡᠨ ᠪᠣᠷᠣᠯᠠᠭᠤᠯᠤᠯᠲᠠᠶᠢᠨ ᠲᠣᠭᠣᠷᠢᠭ᠋ ᠨᠢ ᠨᠠᠭᠠᠳᠤᠮᠤᠨ ᠠᠵᠤ ᠦᠢᠯᠡᠰᠦᠨ ᠲᠠᠪᠴᠠᠩ ᠪᠤᠯᠤᠭᠰᠠᠨ ᠬᠠᠲᠠᠭᠤ ᠪᠣᠳᠠᠲᠤ ᠬᠦᠴᠦᠨᠢ ᠬᠠᠷᠠᠭᠤᠯᠵᠤ ᠪᠠᠢᠨᠠ᠃
ᠰᠢᠯᠢᠶᠢᠨ ᠭᠣᠣᠯᠤᠨ ᠬᠤᠨᠢᠨ ᠮᠢᠬᠠ᠂ ᠪᠢᠰᠢᠯᠠᠭ᠂ ᠪᠤᠳᠠᠰᠤᠨ ᠪᠤᠰᠤ ᠰᠤᠶᠤᠯᠤᠨ ᠦᠪᠤᠨ ᠪᠦᠲᠦᠭᠡᠭᠳᠡᠭᠦᠨ ᠵᠡᠷᠭᠡ ᠤᠷᠤᠨ ᠨᠤᠲᠤᠭᠤᠨ ᠰᠢᠯᠢᠳᠡᠭ ᠪᠦᠲᠦᠭᠡᠭᠳᠡᠬᠦᠨᠢ ᠲᠥᠪᠯᠡᠷᠡᠭᠦᠯᠦᠨ ᠳᠡᠯᠭᠡᠨ ᠦᠵᠡᠭᠦᠯᠵᠦ᠂ ᠲᠦᠷᠦᠯ ᠵᠦᠢᠯ ᠡᠯᠪᠡᠭ ᠪᠠᠶᠠᠯᠢᠭ᠋᠂ ᠴᠢᠨᠠᠷ ᠰᠠᠢᠲᠠᠢ ᠲᠠᠯᠠ ᠨᠤᠲᠤᠭᠤᠨ ᠣᠨᠴᠠ ᠭᠠᠷᠤᠯᠲᠠᠤᠯᠠᠨᠤ ᠠᠩᠬᠠᠷᠤᠯᠢ ᠳᠠᠳᠠᠨᠠ᠃ ᠴᠢᠭᠤᠯᠤᠯᠲᠤ ᠬᠠᠭᠠᠯᠭᠠ ᠡᠴᠡ ᠢᠷᠡᠭᠰᠡᠨ ᠵᠢᠭᠤᠯᠴᠢᠯᠠᠭᠴᠢ ᠰᠦᠨ ᠷᠦᠢ ᠽᠸ᠄ 《ᠲᠤᠰᠬᠠᠢᠯᠠᠨ ᠨᠠᠭᠠᠳᠤᠮ ᠦᠵᠡᠬᠦᠪᠠᠷ ᠢᠷᠡᠭᠰᠡᠨ ᠪᠢ ᠴᠢᠨᠢ ᠳᠡᠯᠭᠡᠨ ᠪᠣᠷᠣᠯᠠᠭᠤᠯᠬᠤ ᠲᠣᠭᠣᠷᠢᠭ᠋ᠲᠤ ᠬᠦᠷᠦᠭᠡᠳ ᠮᠠᠰᠢ ᠭᠠᠢᠬᠠᠨ ᠪᠠᠶᠠᠷᠯᠠᠭᠰᠠᠨ᠂ ᠰᠠᠶᠢᠬᠠᠨ ᠵᠢᠩᠬᠢᠨᠢ ᠬᠤᠨᠢᠨ ᠮᠢᠬᠠᠨᠤ ᠱᠣᠷᠣᠯᠠᠭ ᠠᠮᠲᠠᠯᠠᠵᠤ ᠦᠵᠡᠯᠡ᠂ ᠲᠤᠩ ᠠᠮᠲᠠᠲᠠᠢ᠂ ᠰᠣᠶᠣᠯᠤᠨ ᠡᠭᠦᠳᠦᠯᠲᠡᠶᠢᠨ ᠪᠦᠲᠦᠭᠡᠭᠳᠡᠬᠦᠨ ᠨᠢ ᠴᠦ᠍ ᠮᠠᠰᠢ ᠣᠨᠴᠠᠯᠢᠭ᠋ᠲᠠᠢ ᠪᠠᠢᠯᠠ》 ᠭᠡᠵᠦ ᠬᠡᠯᠡᠪᠡ᠃
ᠬᠦᠷ ᠬᠥᠭᠵᠢᠶᠡᠨᠲᠠᠢ ᠳᠡᠯᠭᠡᠨ ᠪᠣᠷᠣᠯᠠᠭᠤᠯᠭᠠ ᠵᠢᠨ ᠲᠤᠬᠠᠢᠶᠢᠨ ᠲᠠᠯᠠᠪᠠᠢᠳᠡᠬᠢ ᠴᠢᠨᠠᠷ ᠰᠠᠢᠲᠠᠢ ᠦᠢᠯᠡᠳᠬᠦᠨ ᠨᠢ ᠨᠠᠢ᠍ᠮᠠᠨ ᠵᠣᠪᠬᠢᠰᠤᠨ ᠵᠢᠭᠤᠯᠴᠢᠯᠠᠬᠰᠠᠳᠤᠨ ᠬᠦᠷᠢᠶᠡᠯᠡᠯᠢ ᠣᠯᠪᠠ᠃ ᠨᠠᠩ ᠴᠢᠬᠤᠯᠠ ᠨᠢ ᠡᠲᠡᠭᠡᠷ 《ᠲᠠᠯᠠ ᠨᠤᠲᠤᠭᠤᠨ ᠰᠤᠳᠤᠨ ᠦᠢᠯᠡᠳᠬᠦᠨ》 ᠨᠢ ᠤᠳᠤ ᠶᠠᠭ ᠨᠠᠭᠠᠳᠤᠮᠤᠨ ᠠᠰᠤᠷᠤ ᠶᠡᠬᠡ ᠬᠦᠮᠦᠨ ᠵᠤᠨᠤ ᠤᠷᠤᠰᠬᠠᠯᠳᠤ ᠲᠦᠰᠢᠭᠯᠡᠨ ᠮᠠᠯᠵᠢᠬᠤ ᠣᠷᠣᠨᠡᠴᠡ ᠭᠠᠷᠴᠦ ᠪᠥᠬᠥ ᠤᠯᠤᠰᠤᠨ ᠬᠡᠪᠴᠢᠶᠡᠨᠳᠦ ᠲᠠᠨᠢᠭᠳᠠᠨ ᠪᠤᠷᠤᠯᠠᠭᠤᠯᠤᠭᠳᠠᠵᠤ ᠪᠠᠢᠨᠠ᠃
ᠦᠵᠡᠰᠬᠦᠯᠡᠩᠳᠦ ᠣᠷᠣᠯᠴᠠᠭᠰᠠᠨ ᠠᠷᠠᠯᠵᠢᠶᠠᠴᠢᠨ ᠯᠢ ᠲᠢᠩ ᠰᠤᠷᠪᠤᠯᠵᠢᠯᠠᠭ᠍ᠴᠢᠳᠤ᠄ 《ᠡᠨᠡ ᠵᠢᠯᠦᠨ ᠨᠠᠭᠠᠳᠤᠮᠳᠤ ᠢᠷᠡᠭᠰᠡᠨ ᠬᠥᠮᠥᠨᠦ ᠲᠣᠭᠠ ᠮᠠᠰᠢ ᠤᠯᠨᠨ᠂ ᠮᠠᠨᠤ ᠴᠠᠭᠠᠨ ᠢᠳᠡᠭᠡᠨ ᠭᠠᠳᠠᠨᠠ ᠣᠷᠣᠨᠤ ᠮᠠᠰᠢ ᠤᠯᠠᠨ ᠵᠢᠭᠤᠯᠴᠢᠯᠠᠭᠰᠡᠳᠲᠤ ᠲᠠᠭᠠᠰᠢᠶᠠᠭᠳᠠᠵᠤ᠂ ᠲᠤᠬᠠᠢᠶᠢᠨ ᠲᠠᠯᠠᠪᠠᠢᠳᠤ ᠰᠣᠩᠭᠣᠨ ᠬᠤᠳᠠᠯᠳᠤᠨ ᠠᠪᠬᠤ᠂ ᠠᠮᠳᠠᠯᠠᠬᠤ ᠪᠡᠷ ᠬᠦᠮᠦᠰ ᠤᠯᠠᠨ ᠴᠤᠭᠯᠠᠵᠤ᠂ ᠪᠣᠷᠤᠯᠠᠭᠤᠯᠭᠠ ᠮᠠᠰᠢ ᠰᠠᠢᠨ ᠪᠠᠢᠨᠠ᠃ ᠴᠥᠭᠡᠨ ᠪᠤᠰᠤ ᠵᠢᠭᠤᠯᠴᠢᠯᠠᠭᠰᠡᠳ ᠬᠠᠷᠢᠯᠴᠠᠬᠤ ᠬᠠᠶᠢᠭᠢ ᠦᠯᠡᠳᠡᠭᠡᠨ ᠬᠠᠳᠠᠭᠠᠯᠠᠵᠤ᠂ ᠰᠦᠯᠵᠢᠶᠡᠨ ᠳᠡᠭᠡᠷᠡ ᠳᠠᠬᠢᠨ ᠬᠤᠳᠠᠯᠳᠤᠨ ᠠᠪᠴᠤ ᠪᠠᠢᠨᠠ᠃ ᠨᠠᠭᠠᠳᠤᠮᠤᠨ ᠶᠡᠬᠡ ᠲᠠᠪᠴᠠᠩᠳᠤ ᠲᠦᠰᠢᠭᠯᠡᠨ᠂ ᠲᠣᠰ ᠭᠠᠵᠠᠷᠤᠨ ᠣᠨᠴᠠ ᠭᠠᠷᠤᠯᠲᠠᠶᠢᠨ ᠠᠯᠳᠠᠷᠰᠢᠯ᠂ ᠨᠥᠯᠥᠭᠡᠯᠡᠬᠦ ᠬᠦᠴᠦᠨ ᠲᠠᠰᠤᠷᠠᠯᠲᠠ ᠦᠭᠡᠢ ᠳᠡᠭᠡᠭᠰᠢᠯᠡᠵᠦ᠂ ᠪᠣᠷᠤᠯᠠᠭᠤᠯᠭᠠᠶᠢᠨ ᠵᠠᠮ ᠶᠠᠪᠤᠬᠤ ᠲᠤᠲᠤᠮ ᠥᠷᠭᠡᠳᠴᠦ ᠂ ᠡᠵᠡᠩᠨᠡᠯᠲᠡ ᠬᠥᠭᠵᠢᠯᠲᠡᠳᠦ ᠨᠠᠩ ᠢᠲᠠ ᠬᠦᠴᠦᠨᠲᠠᠢ ᠪᠣᠯᠵᠠᠢ》 ᠭᠡᠪᠡ᠃
ᠵᠢᠯᠳᠦ ᠨᠢᠭᠡ ᠤᠳᠠᠭᠠ ᠶᠠᠪᠤᠭᠳᠠᠬᠤ ᠵᠢᠭᠤᠯᠴᠢᠯᠠᠯᠤᠨ ᠨᠠᠭᠠᠳᠤᠮ ᠨᠢ ᠥᠪᠥᠷ ᠮᠣᠩᠭᠣᠯᠤᠨ ᠲᠠᠯᠠ ᠨᠤᠲᠤᠭᠤᠨ ᠳᠦᠷᠢ ᠲᠥᠷᠬᠦᠶᠢ ᠢᠯᠡᠷᠡᠭᠦᠯᠬᠦ ᠰᠣᠶᠣᠯ ᠵᠢᠭᠤᠯᠴᠢᠯᠠᠯᠤᠨ ᠴᠣᠩᠬᠣᠪᠴᠢ ᠪᠣᠯᠤᠭᠰᠠᠨᠢᠶᠡᠷ ᠪᠠᠷᠠᠬᠤ ᠦᠭᠡᠢ᠂ ᠨᠡᠩ ᠴᠤ᠌ ᠣᠷᠣᠨ ᠨᠤᠲᠤᠭᠤᠨ ᠪᠦᠲᠦᠭᠡᠭᠳᠡᠬᠦᠨᠦ ᠵᠠᠬᠠ ᠳᠡᠯᠭᠡᠭᠦᠷᠢᠶᠡᠨ ᠥᠷᠭᠡᠳᠬᠡᠬᠦ᠂ ᠳᠦᠷᠦᠯ ᠲᠡᠮᠳᠡᠭᠢᠶᠡᠨ ᠱᠤᠭᠤᠬᠤ᠂ ᠪᠣᠷᠤᠯᠠᠭᠤᠯᠭᠠᠪᠠᠨ ᠨᠡᠮᠡᠭᠳᠡᠭᠦᠯᠬᠦ ᠰᠢᠯᠢᠳᠡᠭ ᠲᠠᠪᠴᠠᠩ ᠪᠤᠯᠪᠠ᠃ ᠦᠪᠡᠳᠡᠭᠰᠢ ᠴᠤᠭᠯᠠᠭᠠᠨ ᠤ᠋ ᠬᠠᠯᠠᠮᠰᠢᠯᠳᠦ ᠲᠦᠰᠢᠭᠯᠡᠨ᠂ ᠲᠠᠯᠠ ᠨᠤᠲᠤᠭᠤᠨ ᠣᠨᠴᠠ ᠭᠠᠷᠤᠯᠲᠠ ᠨᠢ ᠭᠠᠵᠠᠷ ᠣᠷᠣᠨᠤ ᠬᠢᠵᠠᠭᠠᠷᠯᠠᠯᠢ ᠡᠪᠳᠡᠵᠦ᠂ ᠠᠬᠤᠢ ᠳᠠᠯᠠᠪᠠᠢᠳᠦ ᠰᠠᠢᠳᠤᠷ ᠪᠣᠷᠤᠯᠠᠭᠤᠯᠬᠤ᠂ ᠰᠦᠯᠵᠢᠶᠡᠨ ᠳᠡᠭᠡᠷᠡ ᠬᠦᠮᠦᠰᠤᠨ ᠠᠩᠬᠠᠷᠤᠯᠢ ᠳᠠᠳᠠᠬᠤ ᠵᠢ ᠪᠡᠶᠡᠯᠡᠭᠦᠯᠵᠡᠢ᠃
ᠰᠢᠯᠢᠶᠢᠨ ᠭᠣᠣᠯ ᠠᠢᠮᠠᠭᠤᠨ ᠲᠦᠷᠦᠯ ᠲᠡᠮᠳᠡᠭᠦᠨ ᠪᠠᠢᠭᠤᠯᠤᠯᠲᠠᠶᠢ ᠠᠬᠢᠭᠤᠯᠬᠤ ᠲᠥᠪᠦᠨ ᠡᠷᠬᠢᠯᠡᠭᠴᠢ ᠸᠠᠩ ᠰᠢᠶᠣᠣ ᠸᠧᠢ᠄ 《ᠪᠢᠳᠠ ᠨᠠᠭᠠᠳᠤᠮᠤᠨ ᠦᠪᠡᠳᠡᠭᠰᠢ ᠴᠤᠭᠯᠠᠭᠠᠨᠳᠦ ᠲᠦᠰᠢᠭᠯᠡᠵᠦ᠂ ᠰᠢᠯᠢᠶᠢᠨ ᠭᠣᠣᠯᠤᠨ ᠣᠨᠴᠠᠯᠢᠭ᠍ᠲᠤ ᠮᠠᠯᠤᠨ ᠠᠰᠢᠭ᠋ ᠰᠢᠮᠡ ᠲᠠᠷᠢᠶᠠᠯᠠᠩᠤᠨ ᠪᠦᠲᠦᠭᠡᠭᠳᠡᠬᠦᠨᠢ ᠲᠥᠪᠯᠡᠷᠡᠭᠦᠯᠦᠨ ᠳᠡᠯᠭᠡᠨ ᠲᠠᠨᠢᠯᠴᠠᠭᠤᠯᠵᠤ᠂ ᠣᠷᠣᠨ ᠨᠤᠲᠤᠭᠤᠨᠢᠶᠠᠨ ᠤᠯᠠᠨ ᠨᠡᠶ᠋ᠢᠲᠡᠶᠢᠨ ᠲᠦᠷᠦᠯ ᠲᠡᠮᠳᠡᠭᠢ ᠠᠯᠳᠠᠷᠰᠢᠭᠤᠯᠪᠠ᠃ ᠦᠵᠡᠭᠦᠯᠭᠡᠶᠢᠨ ᠴᠤᠭᠯᠠᠭᠠᠨᠢᠶᠠᠷ ᠳᠠᠮᠵᠢᠭᠤᠯᠤᠨ ᠬᠦᠮᠦᠰᠤᠨ ᠠᠩᠬᠠᠷᠤᠯᠢ ᠳᠠᠳᠠᠬᠤ᠂ ᠲᠦᠷᠦᠯ ᠲᠡᠮᠳᠡᠭᠢ ᠤᠯᠠᠨᠳᠦ ᠮᠡᠳᠡᠬᠦᠯᠬᠦ ᠠᠷᠭᠠ ᠮᠠᠶᠢᠭᠢᠶᠡᠷ ᠳᠠᠯᠠ ᠨᠤᠳᠤᠭᠤᠨ ᠡᠬᠢ ᠪᠠᠶᠠᠯᠢᠭ᠋ᠤᠨ ᠳᠠᠪᠠᠭᠤᠯᠢᠭ᠋ᠢ ᠠᠵᠤ ᠦᠢᠯᠡᠰᠦᠨ ᠳᠠᠪᠠᠭᠤᠯᠢᠭ᠋᠂ ᠠᠵᠤ ᠠᠬᠤᠢᠶᠢᠨ ᠳᠠᠪᠠᠭᠤᠯᠢᠭ᠋ ᠪᠣᠯᠭᠠᠨ ᠤᠨᠳᠤᠤᠰᠢᠭᠤᠯᠵᠤ᠂ ᠲᠤᠰ ᠭᠠᠵᠠᠷᠤᠨ ᠠᠵᠤ ᠦᠢᠯᠡᠰᠦᠨ ᠬᠥᠭᠵᠢᠨ ᠪᠤᠵᠠᠭᠠᠢᠷᠠᠬᠤᠶᠢ ᠳᠠᠶ᠋ᠢᠴᠢᠯᠠᠨ᠂ ᠮᠠᠯᠴᠢᠨ ᠲᠠᠷᠢᠶᠠᠴᠢᠳᠤᠨ ᠣᠷᠣᠯᠭᠠᠪᠠᠨ ᠦᠷᠭᠦᠯᠵᠢᠯᠡᠨ ᠨᠡᠮᠡᠭᠳᠡᠭᠦᠯᠬᠦᠳᠦ ᠬᠦᠴᠦᠨ ᠨᠡᠮᠡᠷᠢᠯᠡᠵᠡᠢ》ᠭᠡᠵᠦ ᠢᠯᠡᠳᠬᠡᠪᠡ᠃
ᠰᠢᠯᠢᠶᠢᠨ ᠭᠣᠣᠯ ᠠᠢᠮᠠᠭᠲᠤ ᠵᠠᠯᠭᠠᠭᠠᠪᠠᠷ 5 ᠬᠤᠭᠤᠴᠠᠭᠠ ᠶᠠᠪᠤᠭᠳᠠᠭᠰᠠᠨ ᠨᠠᠭᠠᠳᠤᠮᠤᠨ ᠨᠥᠯᠥᠭᠡᠯᠡᠬᠦ ᠬᠦᠴᠦᠨ ᠨᠢ ᠨᠢᠭᠡᠨᠲᠡ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠬᠡᠪᠴᠢᠶᠡᠡᠴᠡ ᠳᠠᠪᠠᠵᠤ᠂ ᠪᠥᠬᠥ ᠤᠯᠤᠰ ᠴᠢᠨᠠᠭᠰᠢᠯᠠᠪᠠᠯ ᠣᠯᠠᠨ ᠤᠯᠤᠰᠤᠨ ᠵᠢᠭᠤᠯᠴᠢᠯᠠᠭ᠍ᠰᠡᠳᠤᠨ ᠰᠡᠳᠬᠢᠯᠳᠡᠬᠢ 《ᠵᠠᠪᠠᠯ ᠬᠦᠷᠴᠦ ᠦᠵᠡᠬᠦ》 ᠵᠣᠷᠢᠯᠲᠠᠳᠦ ᠭᠠᠵᠠᠷ ᠪᠣᠯᠤᠭᠰᠠᠨ ᠪᠠᠢᠨᠠ᠃
ᠲᠤᠰᠬᠠᠢᠯᠠᠨ ᠭᠤᠸᠠᠩᠵᠧᠦᠡᠴᠡ ᠬᠦᠷᠦᠯᠴᠡᠨ ᠢᠷᠡᠭᠰᠡᠨ ᠵᠢᠭᠤᠯᠴᠢᠯᠠᠬᠴᠢ ᠶᠢᠨ ᠸᠧᠢᠶᠢᠨ ᠨᠢᠭᠡ ᠭᠡᠷᠦᠨ ᠬᠢᠨ᠄ 《ᠡᠮᠦᠨᠡᠲᠦ ᠣᠷᠣᠨᠳᠤ ᠡᠢᠮᠦ ᠦᠵᠡᠭᠳᠡᠯᠢ ᠲᠤᠩ ᠴᠥᠭᠡᠨ ᠣᠯᠵᠤ ᠬᠠᠷᠠᠳᠠᠭ ᠪᠤᠯᠬᠤᠷ ᠡᠨᠡ ᠤᠳᠠᠭᠠᠨᠤ ᠲᠠᠯᠠ ᠨᠤᠲᠤᠭᠤᠨ ᠵᠠᠩ ᠦᠢᠯᠡᠶᠢᠨ ᠰᠣᠶᠣᠯᠢ ᠮᠡᠳᠡᠷᠡᠬᠦ ᠵᠠᠪᠰᠢᠶᠠᠨ ᠢ᠋ ᠲᠤᠩ ᠨᠠᠨᠳᠢᠩᠨᠠᠵᠤ ᠪᠤᠢ》 ᠭᠡᠪᠡ᠃ ᠠᠩᠬᠠ ᠤᠳᠠᠭᠠ ᠥᠪᠥᠷ ᠮᠣᠩᠭᠣᠯᠳᠤ ᠢᠷᠡᠵᠦ ᠪᠠᠢᠭᠠ ᠤᠷᠤᠰᠤᠨ ᠨᠢᠭᠡᠨ ᠵᠢᠭᠤᠯᠴᠢᠯᠠᠬᠴᠢ᠄ 《ᠡᠨᠳᠡᠬᠢ ᠬᠥᠮᠥᠰ ᠡᠷᠬᠡ ᠴᠢᠯᠦᠭᠡᠲᠠᠢ᠂ ᠠᠭᠤᠵᠢᠭᠤ ᠳᠠᠢᠪᠤᠭᠤ ᠠᠮᠢᠳᠤᠷᠠᠵᠤ ᠪᠤᠢ᠂ ᠨᠡᠩ ᠤᠯᠠᠨ ᠨᠠᠢᠵᠠᠪᠠᠨ ᠳᠠᠭᠠᠭᠤᠯᠤᠨ ᠥᠪᠥᠷ ᠮᠣᠩᠭᠣᠯᠤᠨ ᠥᠪᠡᠷᠮᠢᠴᠡ ᠰᠣᠶᠣᠯᠤᠨ ᠷᠢᠳᠢ ᠰᠢᠳᠢᠶᠢ ᠮᠡᠳᠡᠷᠡᠭᠦᠯᠬᠦᠶᠢ ᠬᠦᠰᠡᠵᠦ ᠪᠠᠢᠨᠠ》 ᠭᠡᠪᠡ᠃
《ᠡᠬᠡ ᠤᠯᠤᠰᠢᠶᠠᠨ ᠮᠠᠭᠲᠠᠨ ᠳᠠᠭᠤᠯᠠᠶᠠ》 ᠭᠡᠬᠦ ᠨᠠᠢᠷᠠᠯ ᠳᠠᠭᠤᠤ ᠲᠠᠯᠠ ᠨᠤᠲᠤᠭᠲᠤ ᠬᠠᠩᠭᠢᠨᠠᠵᠤ᠂ ᠨᠠᠭᠠᠳᠤᠮ ᠨᠢ ᠡᠯᠡ ᠭᠠᠵᠠᠷᠤᠨ ᠵᠢᠭᠤᠯᠴᠢᠯᠠᠭᠰᠡᠳᠲᠤ ᠪᠠᠶᠠᠷ ᠪᠠᠶᠠᠰᠤᠯᠲᠠᠢ ᠳᠤᠷᠠᠳᠬᠠᠯ ᠦᠯᠡᠳᠡᠭᠡᠵᠡᠢ᠃
ᠳᠡᠷᠡ ᠨᠢ ᠮᠦᠨᠴᠤ ᠲᠦᠷᠦᠯ ᠲᠡᠮᠳᠡᠭᠢ ᠠᠯᠳᠠᠷᠰᠢᠭᠤᠯᠪᠠ — ᠰᠢᠯᠢᠶᠢᠨ ᠭᠣᠣᠯᠤᠨ ᠬᠣᠨᠢᠨ ᠮᠢᠬᠠ᠂ ᠪᠢᠰᠢᠯᠠᠭ᠂ ᠪᠣᠳᠠᠰᠤᠨ ᠪᠤᠰᠤ ᠰᠣᠶᠣᠯᠤᠨ ᠥᠪ ᠵᠡᠷᠭᠡ ᠳᠤᠬᠠᠢᠶᠢᠨ ᠭᠠᠵᠠᠷ ᠤᠷᠤᠨᠤ IP ᠨᠢᠭᠡᠪᠦᠷᠢ ᠨᠢ ᠡᠨᠳᠡ ᠡᠴᠡ ᠪᠥᠬᠥ ᠤᠯᠤᠰᠲᠤ ᠲᠠᠷᠬᠠᠵᠠᠢ； ᠲᠡᠷᠡ ᠨᠢ ᠰᠢᠭᠤᠳ ᠰᠢᠯᠤᠭᠤᠨ ᠪᠣᠷᠤᠯᠠᠭᠤᠯᠭᠠᠶᠢᠨ ᠵᠠᠮᠢ ᠨᠡᠭᠡᠭᠡᠪᠡ — ᠰᠦᠯᠵᠢᠶᠡᠨ ᠳᠡᠭᠡᠷᠡ ᠪᠠ ᠠᠬᠤᠢ ᠳᠠᠯᠠᠪᠠᠢ ᠬᠣᠯᠪᠤᠭᠠᠯᠠᠨ ᠬᠥᠳᠡᠯᠦᠯᠴᠡᠵᠦ᠂ ᠣᠷᠣᠨ ᠨᠤᠲᠤᠭᠤᠨ ᠰᠠᠢᠨ ᠪᠦᠲᠦᠭᠡᠭᠳᠡᠬᠦᠨᠢ ᠰᠠᠢᠨ ᠭᠠᠷᠬᠤ ᠵᠠᠮᠲᠠᠢ ᠪᠣᠯᠭᠠᠪᠠ； ᠲᠡᠷᠡ ᠨᠢ ᠲᠠᠰ ᠳᠡᠪᠰᠢᠬᠰᠡᠨ ᠣᠢᠯᠠᠭᠠᠭᠳᠠᠬᠤᠨᠢ ᠦᠯᠡᠳᠡᠭᠡᠵᠦ ᠦᠭᠪᠡ — ᠰᠣᠶᠣᠯ ᠵᠢᠭᠤᠯᠴᠢᠯᠠᠯᠢ ᠠᠭᠤᠰᠤᠯᠴᠠᠭᠤᠯᠵᠤ᠂ ᠠᠵᠤ ᠦᠢᠯᠡᠰᠲᠦ ᠬᠦᠴᠦᠨ ᠣᠯᠭᠣᠵᠤ᠂ ᠤᠯᠠᠮᠵᠢᠯᠠᠯᠲᠤ ᠪᠠᠶᠠᠷ ᠳᠤᠷᠠᠰᠬᠠᠯᠢ ᠴᠢᠨᠠᠷ ᠰᠠᠢᠲᠠᠢ ᠬᠥᠭᠵᠢᠯᠲᠡᠶᠢᠨ ᠠᠬᠢᠭᠤᠯᠤᠭ᠍ᠴᠢ ᠪᠣᠯᠭᠠᠪᠠ᠃