ᠰᠣᠶᠣᠯᠤᠨ ᠨᠠᠢᠷᠠᠭᠤᠯᠤᠯ ᠶᠡᠷᠦ᠍ᠨᠢ ᠬᠥᠮᠦᠯᠢᠭ ᠠᠭᠤᠯᠠ ᠤᠰᠤ᠂ ᠦᠦᠬᠡ ᠲᠡᠦᠬᠡ᠂ ᠶᠣᠰᠣ ᠵᠠᠩᠱᠢᠯ᠂ ᠬᠠᠮᠲᠤ ᠴᠣᠭ᠍ᠴᠠ ᠶ᠋ᠢᠨ ᠤᠴᠠᠷᠠᠯ ᠲᠠᠪᠢᠯᠠᠩ ᠵᠡᠷᠭᠡ ᠰᠣᠶᠣᠯ ᠤᠨ ᠠᠬᠤᠭᠤᠯᠤᠮᠵᠢᠪᠠᠷ ᠪᠠᠶᠠᠯᠢᠭ 《ᠲᠣᠮᠣ ᠰᠡᠳᠦᠪ 》 ᠢ᠋ ᠬᠦᠨᠳᠡᠵᠦ᠍ ᠪᠢᠴᠢᠳᠡᠭ ᠪᠣᠯᠬᠤᠷ ᠠᠤᠭᠠ ᠬᠦᠦᠷᠨᠢᠯᠤᠨ ᠱᠢᠨᠵᠢᠲᠡᠢ᠃ ᠪᠣᠳᠣᠯᠭᠠᠱᠢᠷᠠᠯ᠂ ᠰᠡᠳᠭᠢᠯ ᠠᠯᠭᠠᠰᠠᠯᠢᠶᠠᠷ ᠡᠷᠴᠢᠮᠯᠡᠭ᠌ᠳᠡᠳᠡᠭ ᠪᠣᠯᠬᠤᠷ ᠭᠦᠨᠡ ᠰᠡᠳᠭᠢᠵᠦ᠍᠂ ᠰᠣᠶᠣᠯᠤᠨ ᠲᠤᠩᠭᠠᠯᠲᠠ ᠪᠠ ᠴᠢᠬᠢᠮᠡᠢ ᠱᠢᠭᠦᠮᠵᠢᠯᠡᠯ ᠬᠢᠳᠡᠭ ᠤᠨᠴᠠᠯᠢᠭᠲᠠᠢ᠃ ᠰᠣᠶᠣᠯᠤᠨ ᠨᠠᠢᠷᠠᠭᠤᠯᠤᠯᠢ ᠲᠤᠭᠤᠷᠪᠢᠬᠤᠳᠤ ᠲᠡᠦᠬᠡ ᠰᠣᠶᠣᠯᠤᠨ ᠪᠠᠶᠠᠯᠢᠭ ᠮᠡᠳᠡᠯᠭᠡ᠂ ᠣᠳᠣᠬᠢᠴᠢ ᠤᠬᠠᠮᠰᠠᠷ ᠪᠠ ᠥᠪᠡᠷᠮᠢᠴᠡ ᠭᠤᠸᠠ ᠮᠡᠳᠡᠷᠡᠮᠵᠢ ᠵᠢᠴᠢ ᠪᠣᠳᠣᠯ ᠪᠢᠱᠢᠯᠭᠠᠯᠤᠨ ᠠᠯᠢ ᠠᠯᠢᠨᠢ ᠳᠤᠲᠠᠭ᠍ᠳᠠᠵᠤ ᠥᠯᠥ᠍ ᠪᠤᠯᠤᠨᠠ᠃ ᠰᠣᠶᠣᠯᠤᠨ 《ᠲᠤᠮᠤ ᠨᠠᠢᠷᠠᠭᠤᠯᠤᠯ 》 ᠢ᠋ ᠬᠡᠯᠡᠭᠡᠳ ᠪᠠᠢᠭᠠ ᠮᠠᠨᠢ ᠤᠯᠠᠮᠵᠢᠯᠠᠯᠲᠤ ᠦᠵᠡᠮᠵᠢᠶ᠋ᠢᠨ ᠨᠠᠢᠷᠠᠭᠤᠯᠤᠯ᠂ ᠬᠤᠪᠢ ᠬᠥᠮᠦᠨᠤ ᠰᠤᠯᠠ ᠲᠥᠷᠥᠭ᠌ᠳᠡᠯ᠂ ᠡᠳᠦᠷ ᠲᠤᠲᠤᠮᠤᠨ ᠠᠷᠰᠠᠷ ᠬᠡᠷᠡᠭᠤᠨ ᠲᠡᠮᠳᠡᠭ᠌ᠯᠡᠯ ᠵᠡᠷᠭᠡ ᠬᠠᠷᠢᠴᠠᠩᠭᠤᠢ 《 ᠵᠢᠵᠢᠭ ᠨᠠᠢᠷᠠᠭᠤᠯᠤᠯ 》 ᠤ᠋ᠨ ᠠᠴᠢ ᠬᠤᠯᠪᠣᠭ᠍ᠳᠠᠯᠢ ᠦᠭᠡᠢᠰᠭᠡᠵᠦ᠍ ᠪᠠᠢᠭᠠ ᠤᠴᠢᠷ ᠪᠢᠰᠢ᠃ ᠠᠯᠢᠪᠠ ᠨᠠᠢᠷᠠᠭᠤᠯᠤᠯᠨᠢ ᠤᠷᠠᠯᠢᠭᠤᠨ ᠦᠨᠡ ᠦᠷᠲᠡᠭ ᠭᠡᠬᠦ᠌ ᠪᠠᠷᠢᠮᠵᠢᠶᠠᠨᠤ ᠡᠮᠦᠨᠡ ᠪᠦᠷ ᠴᠤ᠌ ᠡᠷᠬᠡ ᠲᠡᠭ᠌ᠰᠢ ᠪᠠᠢᠳᠠᠭ᠃
ᠨᠠᠢᠷᠠᠭᠤᠯᠤᠯᠨᠢ ᠮᠣᠩᠭᠤᠯ ᠪᠢᠴᠢᠭᠤᠨ ᠤᠷᠠᠨ ᠵᠣᠬᠢᠶᠠᠯᠤᠨ ᠴᠢᠬᠤᠯᠠ ᠵᠠᠨᠠᠷ ᠪᠣᠯᠬᠤ ᠶᠤᠮ᠃ ᠡᠷᠲᠡ ᠣᠢᠷᠠ ᠦᠶᠡᠶ᠋ᠢ ᠥᠯᠥ᠍ ᠥᠭᠦᠯᠡᠨ᠂ ᠣᠷᠴᠢᠨ ᠦᠶᠡᠶ᠋ᠢᠨ ᠨᠠᠢᠷᠠᠭᠤᠯᠤᠯᠢ ᠠᠪᠴᠤ᠌ ᠬᠡᠯᠡᠯᠴᠡᠬᠦ᠌ᠳᠤ᠂ ᠯᠤᠪᠰᠠᠩᠴᠣᠢᠳᠠᠨᠤ 《ᠮᠣᠩᠭᠤᠯ ᠤᠨ ᠵᠠᠩ ᠠᠭᠠᠯᠢᠶ᠋ᠢᠨ ᠤᠢᠯᠠᠪᠤᠷᠢ》᠂ ᠲᠡᠮᠬᠡᠲᠦ᠍ᠶ᠋ᠢᠨ 《ᠮᠣᠩᠭᠤᠯ ᠦᠰᠦᠭᠤᠨ ᠬᠡᠪ ᠢ ᠡᠭᠦᠰᠭᠡᠨ ᠭᠡᠢᠭᠦᠯᠦᠭ᠌ᠰᠡᠨ ᠬᠥᠮᠥᠨᠤ ᠥᠪᠡᠷᠤᠨ ᠪᠡᠶᠡᠶ᠋ᠢᠨ ᠲᠡᠮᠳᠡᠭ᠌ᠯᠡᠯ 》 ᠂ ᠬᠡᠱᠢᠩᠭᠡᠶ᠋ᠢᠨ 《ᠤᠳᠭᠠ ᠰᠣᠶᠣᠯ ᠠᠨᠤ ᠠᠷᠠᠳ ᠤᠭ᠍ᠰᠠᠭᠠᠶ᠋ᠢᠨ ᠮᠠᠨᠳᠤᠬᠤ ᠪᠠᠭᠤᠷᠠᠬᠤᠳᠤᠷ ᠭᠦᠨᠡ ᠶᠡᠭᠡ ᠬᠤᠯᠪᠣᠭ᠍ᠳᠠᠯᠲᠠᠢ ᠤᠴᠢᠷ 》᠂ ᠪᠥᠬᠡᠬᠡᠱᠢᠭ ᠤᠨ 《〈ᠮᠣᠩᠭᠤᠯᠤᠨ ᠢᠵᠠᠭᠤᠷᠤᠨ ᠲᠡᠦᠬᠡ 〉 ᠶ᠋ᠢᠨ ᠣᠷᠣᠱᠢᠯ 》᠂ ᠪᠤᠶᠠᠨᠳᠡᠯᠭᠡᠷ ᠤᠨ 《 ᠦᠢᠯᠡᠶ᠋ᠢᠨ ᠦᠷᠡ 》᠂ ᠡᠷᠳᠡᠨᠢᠲᠣᠭ᠍ᠲᠠᠬᠤᠶ᠋ᠢᠨ 《ᠢᠷᠡᠭᠡᠳᠦᠢᠶ᠋ᠢᠨ ᠮᠣᠩᠭᠤᠯ 》 ᠵᠡᠷᠭᠡ ᠠᠯᠢ ᠣᠯᠠᠨ ᠨᠡᠷᠡᠲᠦ ᠪᠦᠲᠦᠭᠡᠯᠨᠢ ᠪᠦᠷ ᠴᠦ᠍ ᠬᠥᠮᠥᠨ ᠠᠷᠠᠳᠢᠶᠠᠨ ᠰᠣᠶᠣᠨ ᠭᠡᠭᠡᠷᠡᠭᠦᠯᠬᠦ᠂ ᠦᠨᠳᠦᠰᠦᠲᠡᠨ ᠤᠭ᠍ᠰᠠᠭᠠᠲᠠᠨᠢᠶᠠᠨ ᠮᠦᠷᠦᠯᠳᠦᠨ ᠪᠣᠰᠭᠠᠬᠤ ᠭᠦᠨᠵᠡᠭᠡᠢ ᠦᠵᠡᠯ ᠰᠠᠨᠠᠭᠠᠪᠠᠷ ᠡᠷᠴᠢᠮᠯᠡᠭ᠌ᠳᠡᠭ᠌ᠰᠡᠨ ᠪᠠᠢᠳᠠᠭ᠃ ᠬᠤᠮᠤᠭᠤᠨ 《ᠬᠡᠷᠪᠡᠷ 》᠂ ᠮᠦᠶᠠᠴᠢᠶ᠋ᠢᠨ 《ᠨᠢᠭᠡᠨ ᠵᠡᠭᠦᠳᠦᠨ》᠂ ᠬᠠᠳᠠᠶ᠋ᠢᠨ 《ᠣᠢ ᠶ᠋ᠢᠨ ᠳᠣᠲᠣᠷᠠᠬᠢ ᠨᠢᠭᠡᠨ ᠱᠢᠪᠠᠭᠤᠨᠤ ᠠᠮᠢᠳᠤᠷᠠᠯ》 ᠵᠡᠷᠭᠡ ᠨᠠᠢᠷᠠᠭᠤᠯᠤᠯᠨᠢ ᠥᠪᠡᠷᠮᠢᠴᠡ ᠰᠣᠳᠣᠨ ᠤᠷᠠᠯᠢᠭᠤᠨ ᠨᠥᠯᠥᠭᠡᠯᠡᠬᠦ᠌ ᠬᠦᠴᠦᠨᠢᠶᠠᠷᠢᠶᠠᠨ ᠦᠶᠡ ᠦᠶᠡᠶ᠋ᠢᠨ ᠤᠩᠱᠢᠭ᠍ᠴᠢᠳᠤᠨ ᠪᠠᠬᠠᠶ᠋ᠢ ᠲᠠᠲᠠᠭ᠍ᠰᠠᠭᠠᠷ ᠪᠠᠢᠨᠠ᠃ ᠰᠠᠢᠴᠤᠩᠭᠠᠶ᠋ᠢᠨ 《ᠡᠯᠡᠰᠦ ᠮᠠᠩᠬᠠᠨᠤ ᠡᠬᠡ ᠨᠤᠲᠤᠭ 》᠂ 《ᠮᠠᠨᠤ ᠮᠣᠩᠭᠤᠯᠤᠨ ᠮᠠᠨᠳᠤᠬᠤ ᠳᠠᠭᠤᠨ》 ᠬᠤᠶᠠᠷ ᠲᠡᠭᠦᠪᠦᠷᠢᠨᠢ ᠤᠷᠠᠯᠢᠭ ᠦᠵᠡᠯ ᠰᠠᠨᠠᠭᠠ ᠬᠤᠶᠠᠷᠢ ᠰᠦ ᠴᠠᠢ ᠱᠢᠭ᠋ ᠨᠡᠢᠯᠡᠭᠦᠯᠵᠦ᠍᠂ ᠥᠪᠡᠷᠤᠨ ᠶᠢᠷᠲᠢᠨᠴᠦ᠍ᠶ᠋ᠢ ᠴᠣᠭ᠍ᠴᠠᠯᠠᠭ᠍ᠰᠠᠨᠢᠶᠠᠷᠢᠶᠠᠨ ᠰᠣᠩᠭᠤᠳᠠᠭ ᠪᠠᠢᠷᠢᠨᠳᠤ ᠰᠠᠭᠠᠲᠠᠵᠠᠢ᠃
ᠬᠠᠷᠢᠨ ᠣᠳᠣ ᠦᠶᠡᠶ᠋ᠢᠨ ᠤᠳᠭᠠ ᠵᠣᠬᠢᠶᠠᠯᠤᠨ ᠳᠦᠷᠢᠮᠵᠢᠭᠦᠯᠦᠯᠤᠨ ᠲᠣᠭ᠍ᠲᠠᠴᠠ ᠳᠣᠲᠣᠷᠠ ᠨᠠᠢᠷᠠᠭᠤᠯᠤᠯᠨᠢ ᠤᠯᠠᠮᠢᠶᠠᠷ ᠤᠬᠠᠭᠤᠯᠤᠯ ᠰᠤᠷᠲᠠᠯᠴᠢᠯᠠᠯᠢ ᠴᠢᠬᠤᠯᠠᠴᠢᠯᠠᠵᠤ᠂ ᠵᠣᠬᠢᠶᠠᠭ᠍ᠴᠢᠶ᠋ᠢᠨ ᠪᠣᠳᠠᠭᠠᠯᠢ ᠱᠢᠨᠵᠢ ᠪᠠ ᠤᠷᠠᠯᠢᠭᠤᠨ ᠥᠪᠡᠷᠮᠢᠴᠡ ᠣᠨᠴᠠᠯᠢᠭᠨᠢ ᠪᠠᠯᠠᠷᠬᠠᠢᠱᠢᠵᠤ ᠂ ᠨᠡᠢᠲᠡᠯᠢᠭ ᠵᠠᠮᠪᠠᠷᠠᠭᠠᠳᠤ ᠪᠠᠷᠢᠭ᠍ᠳᠠᠵᠠᠢ᠃ ᠤᠷᠠᠯᠢᠭᠤᠨ ᠵᠠᠭ᠍ᠪᠤᠷ ᠨᠢᠭᠡᠨᠲᠡ ᠬᠡᠯᠪᠡᠷᠢᠵᠢᠮᠡᠭ᠌ᠴᠡ ᠢᠯᠡᠳᠭᠡᠬᠦ᠌ ᠪᠡᠯᠡᠨ ᠵᠤᠷᠱᠢᠯ ᠪᠣᠯᠣᠨ ᠲᠣᠭ᠍ᠲᠠᠪᠤᠷᠢᠵᠢᠵᠤ᠂ ᠨᠡᠢᠭᠡᠮᠤᠨ ᠬᠡᠪ ᠱᠢᠯᠵᠢᠯᠲᠡ᠂ ᠴᠠᠭ ᠡᠷᠢᠨᠤ ᠰᠣᠯᠢᠭ᠍ᠳᠠᠯᠢ ᠳᠠᠭᠠᠭᠠᠳ ᠢᠯᠭᠤᠮᠬᠠᠨ ᠬᠤᠪᠢᠰᠴᠢᠬᠠᠬᠤ ᠶᠤᠮ ᠪᠢᠰᠢ᠃ ᠱᠢᠨᠡ ᠡᠷᠢᠨᠠᠴᠠ ᠨᠠᠭᠠᠰᠢ ᠪᠠᠰᠠ ᠮᠤᠤ ᠳ᠋ᠦᠨᠤ 《ᠴᠠᠭᠠᠨ ᠤᠯᠢᠶᠠᠰᠤᠨᠤ ᠮᠠᠭ᠍ᠲᠠᠭᠠᠯ 》 ᠢ᠋ ᠮᠥᠷᠳᠡᠵᠦ᠍ ᠪᠢᠴᠢᠭ᠌ᠰᠡᠨ 《ᠡᠭᠡᠯ ᠵᠢᠷᠤᠨ ᠮᠥᠷᠲᠡᠭᠡᠨ ᠠᠭᠤᠤ ᠶᠡᠭᠡ》 ᠬᠠᠷᠭᠠᠨᠠ ᠵᠡᠭᠡᠷᠭᠡᠨᠡ ᠬᠠᠢᠯᠠᠰᠤ ᠴᠠᠬᠢᠯᠳᠠᠭ ᠬᠡᠴᠢᠨᠡᠭᠡᠨ ᠴᠦ᠍ ᠣᠯᠠᠨ 《 ᠤᠷᠭᠤᠪᠠ 》？ ᠶᠠᠩ ᠱᠦᠸᠧ᠂ ᠴᠢᠨ ᠮᠤ᠌᠂ ᠯᠢᠤ ᠪᠠᠢ ᠢᠤᠢᠶ᠋ᠢᠨ ᠵᠣᠬᠢᠶᠠᠮᠵᠢᠯᠠᠬᠤ ᠵᠠᠭ᠍ᠪᠤᠷ ᠮᠣᠩᠭᠤᠯ ᠨᠠᠢᠷᠠᠭᠤᠯᠤᠯᠢ ᠪᠠᠰᠠ ᠬᠡᠴᠢᠨᠡᠭᠡᠨ ᠴᠦ᠍ ᠣᠯᠠᠨ ᠵᠢᠯ ᠨᠡᠷᠪᠡᠪᠡ ？ ᠲᠣᠳᠣᠷᠠᠭᠤᠯᠪᠠᠯ ᠂ ᠪᠢᠴᠢᠵᠦ᠍ ᠪᠠᠢᠭᠠ ᠬᠥᠮᠥᠨ ᠠᠮᠢᠳᠤᠷᠠᠯ᠂ ᠬᠡᠷᠡᠭ ᠪᠣᠳᠠᠰᠨᠢ ᠵᠣᠷᠢᠯᠭᠠ ᠪᠢᠰᠢ ᠪᠠᠭᠠᠵᠢ ᠲᠡᠳᠦᠢ ᠪᠠᠢᠳᠠᠭ᠂ ᠪᠢᠴᠢᠨ ᠪᠢᠴᠢᠭ᠌ᠰᠡᠭᠡᠷ ᠬᠥᠩᠭᠡᠨ ᠬᠦᠪᠰᠦᠷ ᠳᠣᠭ᠍ᠳᠣᠯᠵᠤ᠂ ᠬᠡᠢ ᠬᠤᠭᠤᠰᠤᠨ ᠤᠶᠠᠩᠭᠠᠯᠠᠵᠤ᠂ ᠰᠤᠷᠳᠠᠯᠴᠢᠯᠠᠯᠢ ᠴᠢᠬᠤᠯᠠᠴᠢᠯᠠᠵᠤ᠂ ᠪᠢᠴᠢᠵᠦ᠍ ᠪᠠᠢᠭᠠ ᠵᠦᠢᠯᠢᠶᠠᠨ ᠬᠠᠯᠢᠨ ᠳᠠᠪᠠᠭᠠᠳ ᠤᠳᠭᠠ ᠰᠠᠨᠠᠭᠠᠪᠠᠨ ᠠᠯᠪᠠᠪᠠᠷ 《ᠦᠨᠳᠦᠷᠵᠢᠭᠦᠯᠦᠨᠠ 》 ᠪᠢᠯᠡ᠃ ᠱᠢᠨᠡ ᠡᠷᠢᠨᠤ ᠨᠠᠢᠷᠠᠭᠤᠯᠤᠯ ᠤᠨ ᠨᠥᠭᠦᠭᠡ ᠨᠢᠭᠡᠨ ᠲᠦᠭᠡᠮᠡᠯ ᠵᠠᠭ᠍ᠪᠤᠷᠨᠢ 《ᠠᠶᠠᠯᠠᠯᠤᠨ ᠲᠡᠮᠳᠡᠭ᠌ᠯᠡᠯᠤᠨ ᠮᠠᠶᠢᠭ》 ᠤ᠋ᠨ ᠶᠤᠮ᠃ ᠦᠩᠭᠡᠪᠴᠢᠬᠡᠨ ᠰᠠᠭᠤᠭ᠍ᠳᠠᠯ ᠪᠠ ᠡᠩᠤᠨ ᠮᠡᠳᠡᠯᠭᠡᠶ᠋ᠢᠨ ᠮᠠᠲ᠋ᠧᠷᠢᠶᠠᠯᠢ ᠣᠪᠣᠭᠠᠯᠠᠵᠤ᠂ ᠨᠡᠢᠲᠡᠯᠢᠭ ᠵᠠᠭ᠍ᠪᠤᠷ ᠳᠣᠲᠣᠷᠠ ᠪᠢᠴᠢᠭ᠌ᠰᠡᠨ 《ᠨᠠᠢᠷᠠᠭᠤᠯᠤᠯ 》 ᠨᠢ ᠭᠤᠸᠠ ᠬᠦᠷᠲᠡᠭᠡᠯ ᠥᠭ᠌ᠬᠦᠶ᠋ᠢ ᠪᠠᠢᠲᠤᠭᠠᠢ᠂ ᠬᠢᠷᠢ ᠲᠡᠩᠴᠡᠭ᠌ᠰᠡᠨ ᠵᠢᠭᠤᠯᠴᠢᠯᠠᠯᠤᠨ ᠭᠠᠷ ᠠᠪᠤᠯᠭᠠ ᠴᠦ᠍ ᠪᠣᠯᠵᠤ ᠴᠢᠳᠠᠬᠤ ᠦᠭᠡᠢ᠃ ᠥᠪᠡᠷᠮᠢᠴᠡ ᠣᠶᠣᠨ ᠰᠠᠨᠠᠭᠠᠨᠤ ᠶᠢᠷᠲᠢᠨᠴᠦ᠍ᠪᠠᠨ ᠲᠠᠶᠠᠭ᠍ᠳᠠᠭ᠍ᠰᠠᠨ ᠦᠶᠡᠳᠤ᠂ ᠨᠠᠢᠷᠠᠭᠤᠯᠤᠯ ᠶᠡᠷᠦ᠍ᠨᠢ ᠤᠷᠢᠲᠠᠰᠠ ᠲᠣᠭ᠍ᠲᠠᠭ᠍ᠰᠠᠨ ᠣᠢᠯᠠᠭᠠᠭ᠍ᠳᠠᠬᠤᠨ᠂ ᠪᠡᠯᠡᠨ ᠥᠭ᠌ᠭᠦᠭ᠌ᠳᠡᠭ᠌ᠰᠡᠨ ᠤᠬᠠᠭ᠍ᠳᠠᠬᠤᠨ ᠪᠠ ᠳᠡᠯᠭᠡᠷᠡᠮᠡᠯ ᠰᠡᠳᠭᠢᠯᠭᠡᠨᠤ ᠣᠯᠵᠠᠯᠠᠭ᠍ᠳᠠᠭ᠍ᠴᠢ ᠪᠣᠯᠣᠭᠠᠳ ᠯᠡ ᠳᠠᠭᠤᠰᠤᠨᠠ᠃ ᠱᠢᠨᠡ ᠡᠷᠢᠨᠤ ᠨᠠᠢᠷᠠᠭᠤᠯᠤᠯᠤᠨ ᠡᠬᠢᠨᠤ ᠦᠶᠡᠳᠤ ᠰ᠊·ᠰᠡᠷᠡᠪ᠂ ᠳᠤᠭᠠᠷᠰᠦ᠋ᠷᠦᠩ᠂ ᠪᠤ·ᠫᠧᠷᠯᠠᠢ ᠂ ᠰᠤᠷᠲᠠᠯᠲᠤ᠌ ᠂ ᠪᠠ᠊·ᠭᠡᠷᠡᠯᠲᠦ᠍ ᠂ ᠴ᠊·ᠵᠢᠷᠭᠠᠯ ᠨᠠᠷ ᠠᠭᠤᠯᠠ ᠤᠰᠤᠨᠳᠤ ᠱᠢᠩᠭᠡᠭ᠌ᠰᠡᠨ ᠤᠳᠤᠮ ᠤᠭ᠍ᠰᠠᠭᠠᠨᠤ ᠴᠡᠭᠡᠵᠢᠯᠡᠯ᠂ ᠦᠨᠳᠦᠰᠦᠲᠡᠨᠤ ᠰᠣᠶᠣᠯ ᠲᠡᠦᠬᠡᠶ᠋ᠢᠨ ᠳᠤᠷᠠᠰᠭᠠᠯ᠂ ᠵᠠᠩ ᠦᠢᠯᠡ᠂ ᠱᠠᠱᠢᠨ ᠰᠤᠷᠲᠠᠬᠤᠨᠢᠶᠠᠷ ᠰᠡᠳᠦᠪᠯᠡᠨ ᠲᠤᠭᠤᠷᠪᠢᠵᠤ ᠪᠠᠢᠭ᠍ᠰᠠᠨ ᠴᠦ᠍ ᠰᠣᠶᠣᠯᠤᠨ ᠤᠬᠠᠮᠰᠠᠷᠨᠢ ᠠᠷᠠᠢ ᠭᠦᠨᠵᠡᠭᠡᠢ ᠪᠣᠯᠵᠤ ᠴᠢᠳᠠᠭᠠ ᠦᠭᠡᠢ ᠰᠢᠭ᠃
ᠵᠠᠭᠤᠨᠤ ᠠᠭᠤᠯᠵᠠᠷ ᠬᠦᠷᠴᠦ᠍ ᠢᠷᠡᠬᠦ᠌ ᠦᠶᠡᠳᠤ ᠡᠨᠡ ᠬᠦ᠌ ᠪᠠᠢᠳᠠᠯᠳᠤ ᠬᠤᠪᠢᠷᠠᠯᠲᠠ ᠭᠠᠷᠴᠤ᠌ ᠡᠬᠢᠯᠡᠪᠡ᠃ ᠲᠤᠬᠠᠢᠶ᠋ᠢᠨ ᠦᠶᠡᠳᠤ ᠨᠠᠢᠷᠠᠭᠤᠯᠤᠯᠤᠨ ᠵᠣᠬᠢᠶᠠᠯᠴᠢ ᠬᠡᠮᠡᠨ ᠣᠯᠠᠨᠳᠤ ᠲᠠᠨᠢᠭ᠍ᠳᠠᠵᠤ ᠪᠠᠢᠭ᠍ᠰᠠᠨ ᠪ᠊·ᠵᠣᠷᠢᠭ᠍ᠲᠤ ᠪᠣᠯ 《ᠰᠣᠶᠣᠯ ᠤᠨ ᠨᠠᠢᠷᠠᠭᠤᠯᠤᠯ 》 ᠢ᠋ ᠠᠩᠬᠠᠯᠠᠨ ᠣᠷᠣᠯᠳᠣᠭ᠍ᠰᠠᠳᠤᠨ ᠨᠢᠭᠡ ᠪᠠᠢᠯᠠ᠃ 1992 ᠣᠨᠳᠤ ᠪᠢᠴᠢᠵᠦ᠍ 1993 ᠣᠨᠳᠤ ᠨᠡᠢᠲᠡᠯᠡᠭ᠌ᠰᠡᠨ 《ᠪᠣᠷᠣ ᠪᠠᠯᠭᠠᠰᠤ ᠪᠤᠤ ᠯᠦᠩ ᠱᠠᠨ》 ᠢ᠋ᠨᠢ ᠱᠢᠭᠦᠮᠵᠢᠯᠡᠭ᠌ᠴᠢ ᠡᠷᠳᠡᠨᠢᠬᠠᠳᠠ 《〈ᠪᠣᠷᠣ ᠪᠠᠯᠭᠠᠰᠤ ᠪᠤᠤ ᠯᠦᠩ ᠱᠠᠨ〉 ᠰᠣᠶᠣᠯᠤᠨ ᠨᠠᠢᠷᠠᠭᠤᠯᠤᠯ》 ᠪᠣᠯᠣᠭ᠍ᠰᠠᠨ ᠭᠡᠵᠦ᠍ ᠦᠨᠡᠯᠡᠵᠦ᠍ ᠪᠠᠢᠭ᠍ᠰᠠᠨ ᠃ ᠬᠠᠷᠢᠨ ᠭᠠ᠊·ᠱᠢᠷᠡᠪᠵᠠᠮᠰᠤᠶ᠋ᠢᠨ 《ᠱᠠᠩᠳᠤ ᠭᠡᠢᠪᠤᠩ ᠬᠦᠷᠳᠦ ᠪᠠᠯᠭᠠᠰᠤ》 ᠭᠡᠬᠦ᠌ ᠲᠡᠦᠬᠡᠶ᠋ᠢᠨ ᠮᠡᠳᠡᠯᠭᠡ᠂ ᠰᠣᠶᠣᠯᠤᠨ ᠤᠬᠠᠮᠰᠠᠷ᠂ ᠣᠳᠣᠬᠢᠴᠢ ᠪᠣᠳᠣᠯᠭᠠᠱᠢᠷᠠᠯᠢ ᠭᠤᠷᠮᠤᠰᠤᠯᠠᠨ ᠨᠢᠭᠡᠳᠭᠡᠭ᠌ᠰᠡᠨ ᠤᠷᠲᠤ ᠵᠣᠬᠢᠶᠠᠯ ᠤᠨ ᠨᠡᠢᠲᠡᠯᠡᠭ᠌ᠳᠡᠭ᠌ᠰᠡᠨᠨᠢ ᠮᠣᠩᠭᠤᠯ ᠨᠠᠢᠷᠠᠭᠤᠯᠤᠯᠤᠨ 《ᠰᠣᠶᠣᠯᠤᠨ ᠡᠷᠭᠢᠯᠲᠡ》 ᠶ᠋ᠢᠨ ᠵᠢᠩᠬᠢᠨᠢ ᠲᠤᠩᠬᠠᠭ ᠪᠣᠯᠵᠠᠢ᠃ ᠲᠡᠭᠦᠨᠤ ᠳᠠᠷᠠᠭᠠᠬᠠᠨ ᠠᠯᠲᠠᠨᠪᠠᠭᠠᠨᠠᠶ᠋ᠢᠨ 《ᠰᠠᠨᠠᠭᠠ ᠰᠠᠭᠠᠳᠠᠭ ᠬᠤᠶᠠᠷ 》᠂ 《 ᠰᠠᠨᠠᠭᠠ ᠵᠠᠶᠠᠭᠠ ᠬᠤᠶᠠᠷ》᠂ ᠪ᠊·ᠲᠦᠮᠡᠨ᠌ᠥ᠌ᠯᠵᠡᠢᠶ᠋ᠢᠨ 《 ᠴᠢᠷᠠᠢ 》 ᠂ 《ᠭᠤᠣᠯᠤᠨ ᠳᠠᠭᠤᠨ》᠂ ᠸ᠊·ᠬᠠᠰᠤᠨ 《 ᠢᠮᠠᠭᠠᠴᠢᠨ ᠳᠣᠷᠵᠢ》᠂ ᠪ᠊·ᠪᠤᠶᠠᠨᠬᠡᠱᠢᠭᠤᠨ 《ᠴᠠᠭᠠᠨ ᠭᠥᠷᠥᠭᠡᠰᠦ 》᠂ ᠪᠤᠶᠠᠨᠪᠠᠲᠤᠶ᠋ᠢᠨ 《ᠭᠠᠵᠠᠷᠤᠨ ᠲᠠᠮᠠᠭᠠ》 ᠂ 《ᠬᠥᠮᠥᠨᠤ ᠲᠠᠮᠠᠭᠠ》 ᠂ ᠲ᠊·ᠭᠤᠮᠪᠣᠵᠠᠪᠤᠨ 《ᠮᠣᠩᠭᠤᠯᠤᠨ ᠮᠠᠭᠠᠳ ᠲᠣᠪᠴᠢᠶᠠᠨ》᠂ ᠡᠷᠳᠡᠨᠢᠬᠠᠳᠠᠶ᠋ᠢᠨ 《ᠡᠷᠬᠢᠮᠰᠦᠭ ᠴᠤᠯᠭᠤᠢ》᠂ ᠰᠠᠷᠠᠨᠠᠶ᠋ᠢᠨ 《ᠲᠠᠩᠭᠢᠰ ᠭᠡᠲᠦᠯᠬᠦᠢ》 ᠵᠢᠴᠢ ᠸ᠊·ᠰᠠᠢᠨᠴᠣᠭ᠍ᠲᠤ᠂ ᠨᠠᠷᠠᠨᠪᠢᠯᠢᠭ᠌᠂ ᠽᠠᠨᠳᠠᠷᠠ᠂ ᠯ᠊·ᠡᠩᠬᠡᠬᠠᠳᠠ ᠨᠠᠷᠤᠨ ᠱᠢᠷᠢᠰ ᠨᠠᠢᠷᠠᠭᠤᠯᠤᠯᠳᠤ ᠪᠦᠷ ᠥᠪᠡᠷ ᠥᠪᠡᠷᠤᠨ ᠣᠨᠴᠠᠯᠢᠭ ᠪᠦᠬᠦᠢ ᠰᠣᠶᠣᠯ ᠲᠡᠦᠬᠡᠨ ᠤᠬᠠᠮᠰᠠᠷ ᠪᠤᠶᠤ ᠦᠵᠡᠯ ᠰᠠᠨᠠᠭᠠᠲᠤ ᠱᠢᠨᠵᠢ ᠪᠦᠷᠢᠯᠳᠦᠭ᠌ᠰᠡᠨ ᠪᠢᠯᠡ᠃
ᠠᠳᠡ ᠵᠥᠪᠬᠡᠨ 2010 ᠣᠨᠠᠴᠠ ᠨᠠᠭᠠᠱᠢᠬᠢ 《ᠰᠣᠶᠣᠯ ᠤᠨ ᠨᠠᠢᠷᠠᠭᠤᠯᠤᠯ 》 ᠤ᠋ᠨ ᠲᠥᠯᠥᠭᠡᠯᠡᠭ᠌ᠴᠢ ᠪᠣᠯᠬᠤᠢᠴᠠ ᠲᠤᠷᠱᠢᠴᠠᠶ᠋ᠢᠨ ᠱᠢᠨᠵᠢᠲᠡᠢ ᠣᠷᠣᠯᠳᠣᠯᠭᠠᠶ᠋ᠢ ᠵᠠᠳᠠᠯᠤᠨ ᠦᠵᠡᠶᠡ᠃
ᠨᠢᠭᠡ᠂ ᠬᠦᠨᠳᠦ ᠴᠢᠬᠢᠮᠡᠢ ᠪᠣᠳᠣᠯᠭᠠᠱᠢᠷᠠᠯ
ᠱᠢᠯᠦᠭ ᠤᠨ ᠲᠤᠭᠤᠷᠪᠢᠯᠢᠶᠠᠷ ᠤᠷᠠᠨ ᠪᠦᠲᠦᠭᠡᠯᠤᠨ ᠭᠠᠷᠤᠭᠠᠪᠠᠨ ᠠᠪᠤᠭ᠍ᠰᠠᠨ ᠮᠢᠩᠭᠠᠳ ᠡᠷᠳᠡᠮᠲᠦ᠍᠂ ᠠᠯᠳᠠᠭ ᠣᠨᠤᠭ ᠨᠠᠢᠷᠠᠭᠤᠯᠤᠯ ᠨᠡᠢᠲᠡᠯᠡᠵᠦ᠍ ᠪᠠᠢᠭ᠍ᠰᠠᠨᠢᠶᠠᠨ 《ᠶᠢᠷᠲᠢᠨᠴᠦ᠍ᠶ᠋ᠢᠨ ᠬᠢᠵᠠᠭᠠᠷᠲᠠᠬᠢ ᠰᠠᠷᠠᠨᠤ ᠭᠡᠷᠡᠯ 》 ᠭᠡᠬᠦ᠌ ᠤᠷᠲᠤ ᠵᠣᠬᠢᠶᠠᠯᠢᠶᠠᠷᠢᠶᠠᠨ ᠤᠩᠱᠢᠭ᠍ᠴᠢᠳᠤᠨ ᠠᠩᠬᠠᠷᠤᠯᠢ ᠲᠠᠲᠠᠯᠠ᠃ ᠱᠢᠷᠢᠰ ᠳᠥᠷᠪᠡᠨ ᠨᠠᠢᠷᠠᠭᠤᠯᠤᠯᠢᠶᠠᠨ ᠲᠡᠭᠦᠪᠦᠷᠢᠯᠡᠭ᠌ᠰᠡᠨ ᠤ ᠳᠠᠷᠠᠭᠠ᠂ ᠨᠡᠢᠭᠡᠮ ᠨᠡᠢᠲᠡᠳᠤ ᠥᠷᠭᠡᠨ ᠨᠥᠯᠥᠭᠡ ᠲᠤᠰᠭᠠᠯ ᠭᠠᠷᠴᠤ᠌᠂ 2015 ᠣᠨ ᠤ 5 ᠰᠠᠷᠠᠶ᠋ᠢᠨ 17 ᠳ᠋ᠤ ᠪᠡᠭᠡᠵᠢᠩᠳᠤ ᠲᠤᠰᠭᠠᠢ ᠰᠤᠳᠤᠯᠤᠨ ᠶᠠᠷᠢᠯᠴᠠᠬᠤ ᠬᠤᠷᠠᠯ ᠪᠣᠯᠵᠤ ᠥᠩᠭᠡᠷᠡᠪᠡ᠃ ᠬᠤᠷᠠᠯᠳᠤ ᠣᠷᠣᠯᠴᠠᠭ᠍ᠰᠠᠨ ᠡᠷᠳᠡᠮᠲᠡᠳ᠂ ᠮᠢᠩᠭᠠᠳ ᠡᠷᠳᠡᠮᠲᠦ᠍ᠶ᠋ᠢᠨ 《ᠶᠢᠷᠲᠢᠨᠴᠦ᠍ᠶ᠋ᠢᠨ ᠬᠢᠵᠠᠭᠠᠷᠲᠠᠬᠢ ᠰᠠᠷᠠᠨᠤ ᠭᠡᠷᠡᠯ 》 ᠨᠣᠮ ᠢ 《ᠠᠭᠤᠯᠭᠠᠶ᠋ᠢᠨ ᠬᠤᠪᠢᠳᠤ ᠰᠤᠳᠤᠷ ᠨᠣᠮᠤᠨ ᠪᠠᠢᠴᠠᠭᠠᠯᠲᠠ᠂ ᠵᠠᠩ ᠦᠢᠯᠡᠶ᠋ᠢᠨ ᠲᠡᠮᠳᠡᠭ᠌ᠯᠡᠯ᠂ ᠲᠡᠦᠬᠡ ᠠᠬᠤᠢᠶ᠋ᠢᠨ ᠱᠢᠭᠦᠮᠵᠢᠯᠡᠯ ᠵᠡᠷᠭᠡ ᠬᠦᠦᠷᠨᠢᠯᠤᠨ ᠭᠤᠷᠪᠠᠨ ᠱᠤᠭᠤᠮᠢᠶᠠᠷ ᠤᠳᠭᠠ ᠰᠡᠳᠦᠪᠤᠨ ᠭᠤᠷᠪᠠᠨ ᠳᠠᠪᠬᠤᠷᠭᠠᠶ᠋ᠢ ᠪᠦᠷᠢᠯᠳᠦᠭᠦᠯᠵᠦ᠍᠂ ᠤᠷᠠᠯᠢᠭᠤᠨ ᠬᠤᠪᠢᠳᠤ ᠨᠠᠢᠷᠠᠭᠤᠯᠤᠯᠤᠨ ᠠᠷᠭᠠ᠂ ᠺᠢᠨᠣ᠋ᠶ᠋ᠢᠨ ᠠᠷᠭᠠ᠂ ᠵᠢᠭᠢᠷᠢᠭ ᠵᠢᠷᠤᠭᠤᠨ ᠠᠷᠭᠠ ᠵᠡᠷᠭᠡᠶ᠋ᠢ ᠪᠦᠲᠦᠮᠵᠢᠲᠡᠢ ᠤᠶᠠᠯᠳᠤᠭᠤᠯᠤᠨ ᠬᠡᠷᠡᠭ᠌ᠯᠡᠭ᠌ᠰᠡᠨ᠂ ᠪᠦᠲᠦᠴᠡ ᠲᠡᠭᠦᠯᠳᠡᠷ᠂ ᠠᠭᠤᠯᠭᠠ ᠪᠠᠶᠠᠯᠢᠭ᠂ ᠰᠠᠨᠠᠭᠠ ᠭᠦᠨᠵᠡᠭᠡᠢ᠂ ᠠᠷᠭᠠ ᠱᠢᠨᠡ ᠮᠣᠩᠭᠤᠯ ᠰᠣᠶᠣᠯᠤᠨ ᠨᠠᠢᠷᠠᠭᠤᠯᠤᠯᠤᠨ ᠰᠣᠳᠣᠨ ᠪᠦᠲᠦᠭᠡᠯ ᠪᠣᠯᠵᠠᠢ》 ᠭᠡᠵᠦ᠍ ᠦᠨᠡᠯᠡᠭ᠌ᠰᠡᠨ ᠪᠥᠭᠡᠳ 《 ᠵᠣᠬᠢᠶᠠᠯᠤᠨ ᠬᠢᠨᠢ ᠪᠠᠢᠷᠢ ᠰᠠᠭᠤᠷᠢᠶ᠋ᠢᠨ ᠲᠠᠯᠠᠪᠠᠷ᠂ ᠨᠣᠮᠳᠤ ᠲᠡᠭᠦᠪᠦᠷᠢᠯᠡᠭ᠌ᠳᠡᠭ᠌ᠰᠡᠨ ᠳᠥᠷᠪᠡᠨ ᠨᠠᠢᠷᠠᠭᠤᠯᠤᠯᠨᠢ ᠮᠣᠩᠭᠤᠯ ᠰᠣᠶᠣᠯᠤᠨ ᠨᠠᠢᠷᠠᠭᠤᠯᠤᠯ ᠪᠤᠶᠤ ᠰᠣᠶᠣᠯᠤᠨ ᠪᠠᠷᠢᠮᠲᠠᠲᠤ ᠨᠠᠢᠷᠠᠭᠤᠯᠤᠯᠤᠨ ᠱᠢᠨᠡ ᠲᠢᠭ ᠮᠠᠶᠢᠭᠢ ᠡᠭᠦᠳᠴᠡᠢ》 ᠭᠡᠰᠡᠨᠨᠢ ᠪᠢᠳᠠᠨᠤ ᠮᠣᠩᠭᠤᠯ ᠨᠠᠢᠷᠠᠭᠤᠯᠤᠯᠤᠨ 《 ᠰᠣᠶᠣᠯᠤᠨ ᠡᠷᠭᠢᠯᠲᠡ》 ᠭᠡᠬᠦ᠌ ᠳᠤᠷᠠᠳᠤᠯᠭᠠᠯᠤᠭᠠ ᠰᠠᠨᠠᠯ ᠨᠡᠢᠯᠡᠵᠦ᠍ ᠪᠠᠢᠨᠠ᠃
ᠮᠢᠩᠭᠠᠳ ᠡᠷᠳᠡᠮᠲᠦ᠍ᠶ᠋ᠢᠨ 《 ᠶᠢᠷᠲᠢᠨᠴᠦ᠍ᠶ᠋ᠢᠨ ᠬᠢᠵᠠᠭᠠᠷᠲᠠᠬᠢ ᠰᠠᠷᠠᠨᠤ ᠭᠡᠷᠡᠯ 》 ᠨᠣᠮᠨᠢ ᠮᠣᠩᠭᠤᠯ ᠰᠣᠶᠣᠯᠤᠨ ᠨᠠᠢᠷᠠᠭᠤᠯᠤᠯᠤᠨ ᠱᠢᠨᠡ ᠲᠤᠷᠱᠢᠴᠠ᠂ ᠠᠮᠵᠢᠯᠲᠠᠲᠠᠢ ᠣᠷᠣᠯᠳᠣᠯᠭᠠ ᠪᠣᠯᠵᠠᠢ᠃
1. ᠬᠡᠯᠪᠡᠷᠢ ᠶ᠋ᠢᠨ ᠱᠢᠨᠡᠴᠢᠯᠡᠯ᠃ 《ᠶᠢᠷᠲᠢᠨᠴᠦ᠍ᠶ᠋ᠢᠨ ᠬᠢᠵᠠᠭᠠᠷᠲᠠᠬᠢ ᠰᠠᠷᠠᠨᠤ ᠭᠡᠷᠡᠯ》 ᠨᠣᠮᠨᠢ ᠲᠣᠳᠣ ᠦᠰᠦᠭᠤᠨ ᠰᠤᠳᠤᠷᠢ ᠡᠷᠢᠨ ᠴᠤᠭ᠍ᠯᠠᠭᠤᠯᠬᠤ ᠡᠷᠳᠡᠮ ᠱᠢᠨᠵᠢᠯᠡᠭᠡᠨᠤ ᠠᠵᠢᠯᠤᠨ 《 ᠰᠠᠨᠠᠮᠰᠠᠷ ᠦᠭᠡᠢ》 ᠲᠥᠷᠥᠳᠡᠰᠦ ᠪᠣᠯᠬᠤ ᠠᠵᠢ᠃ ᠲᠣᠳᠣᠷᠠᠭᠤᠯᠵᠤ ᠬᠡᠯᠡᠪᠡᠯ᠂ ᠨᠠᠢᠷᠠᠭᠤᠯᠤᠯᠤᠨ ᠬᠡᠯᠪᠡᠷᠢᠪᠠᠷ ᠪᠡᠶᠡᠯᠡᠭᠦᠯᠦᠭ᠌ᠰᠡᠨᠨᠢ ᠡᠷᠳᠡᠮ ᠱᠢᠨᠵᠢᠯᠡᠭᠡᠨᠤ ᠥᠭᠦᠯᠡᠯ ᠨᠣᠮᠢᠶᠠᠷ ᠪᠦᠷᠢᠳᠭᠡᠨ ᠲᠤᠭᠤᠷᠪᠢᠵᠤ ᠡᠰᠡ ᠴᠢᠳᠠᠬᠤ ᠵᠦᠢᠯ ᠪᠠᠢᠯᠠ᠃ ᠲᠡᠭᠡᠬᠦ᠌ᠳᠡᠭᠡᠨ ᠬᠡᠭᠡᠷᠡᠶ᠋ᠢᠨ ᠪᠠᠢᠴᠠᠭᠠᠯᠲᠠ （ᠦᠨᠡᠨ ᠪᠤᠳᠠᠳᠤ ᠱᠢᠨᠵᠢ᠂ ᠰᠤᠷᠪᠤᠯᠵᠢᠯᠠᠭᠠᠶ᠋ᠢᠨ ᠴᠠᠭ ᠣᠷᠣᠨ᠂ ᠲᠤᠭᠠ ᠪᠠᠷᠢᠮᠲᠠ）᠂ ᠡᠷᠳᠡᠮ ᠱᠢᠨᠵᠢᠯᠡᠭᠡ （ᠮᠡᠷᠭᠡᠵᠢᠯᠤᠨ ᠱᠢᠨᠵᠢ᠂ ᠨᠠᠷᠢᠨ ᠬᠢᠨᠠᠭᠤᠷ ᠣᠪᠣᠷ᠂ ᠥᠭᠦᠯᠡᠨ ᠨᠤᠲᠠᠯᠠᠬᠤ） ᠪᠠ ᠤᠷᠠᠨ ᠵᠣᠬᠢᠶᠠᠯᠤᠨ ᠠᠷᠭᠠ （ᠤᠷᠠᠨ ᠲᠥᠰᠥᠭᠡᠯᠡᠯ᠂ ᠨᠠᠷᠢᠨ ᠮᠡᠳᠡᠷᠡᠮᠵᠢ᠂ ᠰᠡᠳᠭᠢᠯᠭᠡᠶ᠋ᠢᠨ ᠣᠢᠯᠤᠯ） ᠭᠤᠷᠪᠠ ᠶ᠋ᠢ ᠨᠢᠭ᠍ᠲᠠ ᠤᠶᠠᠯᠳᠤᠭᠤᠯᠤᠨ ᠴᠢᠳᠠᠭ᠍ᠰᠠᠨᠨᠢ ᠮᠣᠩᠭᠤᠯ ᠨᠠᠢᠷᠠᠭᠤᠯᠤᠯᠳᠤ ᠤᠷᠢᠳ ᠪᠠᠢᠭᠠ ᠦᠭᠡᠢ ᠲᠤᠷᠱᠢᠴᠠ ᠪᠣᠯᠵᠠᠢ᠃ ᠲᠣᠳᠣ ᠦᠰᠦᠭᠤᠨ ᠨᠣᠮ ᠰᠤᠳᠤᠷ ᠪᠣᠯ ᠲᠡᠦᠬᠡ ᠪᠣᠯᠣᠨ ᠠᠬᠤᠢᠶ᠋ᠢ ᠬᠤᠯᠪᠣᠵᠤ ᠪᠠᠢᠭᠠ ᠰᠣᠶᠣᠯᠤᠨ ᠭᠦᠦᠷ ᠮᠥᠨ᠃ ᠣᠢᠷᠠᠳ ᠤᠨ ᠲᠡᠦᠬᠡᠨᠳᠠᠬᠢ ᠤᠯᠤᠰ ᠲᠥᠷᠥᠶ᠋ᠢᠨ ᠠᠪᠤᠷᠭᠤᠴᠤᠳ ᠪᠠ ᠰᠣᠶᠣᠯᠤᠨ ᠵᠢᠳᠬᠦᠯᠲᠡᠳ᠂ ᠢᠯᠢᠶ᠋ᠢᠨ ᠭᠤᠣᠯ ᠳᠠᠭᠠᠤ ᠨᠤᠲᠤᠭ᠍ᠰᠢᠭ᠍ᠰᠠᠨ ᠥᠨᠥᠶ᠋ᠢᠨ ᠥᠭᠡᠯᠡᠳᠴᠦᠳ ᠵᠢᠴᠢ ᠵᠣᠬᠢᠶᠠᠭ᠍ᠴᠢ ᠡᠨᠡ ᠬᠦ᠌ ᠰᠣᠶᠣᠯ ᠤ᠋ᠨ ᠭᠦᠦᠷᠢᠶᠠᠷ ᠳᠠᠮᠵᠢᠨ ᠵᠣᠭᠤᠭ᠍ᠳᠠᠵᠤ ᠪᠠᠢᠨᠠ᠃ ᠵᠣᠬᠢᠶᠠᠭ᠍ᠴᠢᠶ᠋ᠢᠨ ᠲᠣᠳᠣ ᠦᠰᠦᠭ ᠤᠨ ᠰᠤᠳᠤᠷᠤᠨ ᠡᠷᠢᠯᠤᠨ ᠠᠶᠠᠨ ᠪᠣᠯ ᠢᠯᠡ ᠱᠢᠵᠢᠮ᠂ ᠣᠢᠷᠠᠳᠴᠤᠳᠤᠨ ᠵᠣᠷᠢᠭ ᠰᠠᠨᠠᠭᠠᠨ ᠤ ᠲᠡᠦᠬᠡᠨ ᠵᠠᠮᠨᠠᠯ ᠪᠣᠯ ᠳᠠᠯᠳᠠ ᠱᠢᠵᠢᠮ᠃
ᠣᠢᠷᠠᠳ ᠤᠨ ᠲᠡᠦᠬᠡ ᠶ᠋ᠢᠨ ᠵᠠᠩᠭᠢᠯᠠᠭᠠᠶ᠋ᠢᠨ ᠮᠥᠴᠡ ᠶ᠋ᠢ ᠳᠠᠬᠢᠨ ᠢᠯᠡᠷᠡᠭᠦᠯᠬᠦ᠌ᠳᠡᠭᠡᠨ᠂ ᠤᠷᠠᠨ ᠲᠥᠰᠥᠭᠡᠯᠡᠯᠢ ᠢᠳᠡᠪᠬᠢᠵᠢᠭᠦᠯᠵᠦ᠍᠂ ᠵᠣᠬᠢᠶᠠᠭ᠍ᠴᠢ ᠲᠡᠷᠡ ᠬᠦ᠌ ᠲᠡᠦᠬᠡᠨ ᠣᠷᠣᠨ ᠵᠠᠢᠳᠤ ᠱᠢᠭᠤᠳ ᠣᠷᠣᠯᠴᠠᠭ᠍ᠴᠢᠶ᠋ᠢᠨ ᠬᠤᠪᠢᠪᠠᠷ ᠢᠯᠡᠷᠡᠵᠦ᠍᠂ ᠠᠮᠤᠷᠰᠠᠨᠠᠭᠠ᠂ ᠳᠠᠸᠠᠴᠢ ᠬᠠᠨ ᠨᠠᠷᠲᠤ ᠥᠪᠡᠷ ᠤᠨ ᠰᠠᠨᠠᠯ ᠵᠥᠪᠯᠡᠯᠭᠡᠪᠠᠨ ᠥᠭ᠌ᠴᠦ ᠪᠠᠢᠳᠠᠭ᠃ ᠪᠠᠷᠠᠭᠤᠨ ᠬᠢᠵᠠᠭᠠᠷᠤᠨ ᠠᠳᠠᠯᠢᠬᠠᠨ ᠣᠷᠣᠨ ᠵᠠᠢᠳᠤ᠂ ᠲᠡᠦᠬᠡᠶ᠋ᠢᠨ ᠡᠭᠡᠳᠡᠷᠡᠭᠡᠨᠲᠦ ᠴᠠᠭ᠂ ᠦᠯᠢᠭᠡᠷᠤᠨ ᠬᠦᠦᠷᠨᠢᠯᠤᠨ ᠴᠠᠭ ᠪᠠ ᠵᠣᠬᠢᠶᠠᠭ᠍ᠴᠢᠶ᠋ᠢᠨ ᠰᠤᠳᠤᠷᠤᠨ ᠡᠷᠢᠯ ᠴᠠᠭ ᠴᠢᠯᠦᠭᠡᠲᠡᠢ ᠵᠡᠷᠭᠡᠴᠡᠵᠦ᠍ ᠰᠣᠯᠪᠢᠴᠠᠵᠤ ᠳᠠᠪᠬᠤᠴᠠᠵᠤ ᠪᠠᠢᠨᠠ᠃
《 ᠶᠢᠷᠲᠢᠨᠴᠦ᠍ᠶ᠋ᠢᠨ ᠬᠢᠵᠠᠭᠠᠷᠲᠠᠬᠢ ᠰᠠᠷᠠᠨᠤ ᠭᠡᠷᠡᠯ 》 ᠨᠣᠮᠨᠢ ᠨᠠᠢᠷᠠᠭᠤᠯᠤᠯᠤᠨ ᠢᠯᠡᠳᠭᠡᠬᠦ᠌ ᠬᠡᠯᠪᠡᠷᠢ ᠶ᠋ᠢ ᠱᠢᠨᠡᠴᠢᠯᠡᠵᠦ᠍᠂ ᠨᠠᠢᠷᠠᠭᠤᠯᠤᠯ ᠤᠨ ᠣᠷᠣᠨ ᠵᠠᠢᠶ᠋ᠢ ᠲᠡᠯᠡᠵᠦ᠍᠂ ᠪᠠᠭ᠍ᠲᠠᠭᠠᠮᠵᠢᠶ᠋ᠢ ᠨᠡᠮᠡᠭ᠌ᠳᠡᠭᠦᠯᠦᠨ᠂ ᠱᠢᠨᠡ ᠪᠣᠯᠣᠮᠵᠢᠶ᠋ᠢ ᠨᠡᠭᠡᠭᠡᠭ᠌ᠰᠡᠨ ᠪᠠᠢᠨᠠ᠃
2. ᠣᠶᠣᠨ ᠰᠦᠨᠡᠰᠦᠨᠤ ᠱᠢᠭᠦᠯᠲᠡ᠃ ᠤᠤᠯ ᠨᠣᠮᠳᠤ᠂ ᠵᠣᠬᠢᠶᠠᠭ᠍ᠴᠢᠶ᠋ᠢᠨ ᠣᠶᠣᠨ ᠰᠡᠳᠭᠢᠯᠤᠨ ᠢᠭ᠌ᠲᠦᠯᠦᠯ ᠪᠠ ᠮᠡᠳᠡᠷᠡᠮᠵᠢ᠂ ᠪᠡᠶᠡᠴᠢ ᠲᠤᠷᠱᠢᠯᠭᠠᠶ᠋ᠢ ᠴᠢᠬᠤᠯᠠᠴᠢᠯᠠᠭ᠍ᠰᠠᠨ ᠤᠴᠢᠷᠠᠴᠠ᠂ ᠣᠶᠣᠨ ᠰᠠᠨᠠᠭᠠᠨᠤ ᠬᠦᠨᠳᠦ᠍ᠶ᠋ᠢᠨ ᠵᠢᠩᠲᠠᠢ᠂ ᠳᠣᠲᠣᠭᠠᠳᠤ ᠶᠢᠷᠲᠢᠨᠴᠦᠰᠲᠠᠢ ᠪᠣᠯᠵᠠᠢ᠃ ᠵᠣᠬᠢᠶᠠᠭ᠍ᠴᠢᠶ᠋ᠢᠨ ᠰᠤᠳᠤᠷ ᠪᠢᠴᠢᠭᠤᠨ ᠡᠷᠢᠯᠤᠨ ᠠᠶᠠᠨ ᠪᠣᠯ ᠵᠣᠷᠢᠭ ᠰᠠᠨᠠᠭᠠᠨᠤ ᠲᠡᠩᠰᠡᠯᠲᠡᠶ᠋ᠢᠨ ᠣᠬᠤᠷ ᠪᠤᠯᠭᠠ᠂ ᠣᠶᠣᠨ ᠰᠦᠨᠡᠰᠦᠨᠤ ᠥᠪᠡᠷᠤᠨ ᠠᠪᠤᠷᠠᠯᠲᠠᠶ᠋ᠢᠨ ᠤᠷᠲᠤ ᠴᠠᠭᠤᠷ ᠪᠠᠢᠭ᠍ᠰᠠᠨ ᠶᠤᠮ᠃
（1） 《 ᠨᠡᠭᠦᠳᠡᠯ ᠰᠣᠶᠣᠯ ᠪᠣᠯ ᠬᠤᠴᠣᠷᠤᠩᠭᠤᠢ ᠂ ᠰᠣᠶᠣᠯᠤᠨ ᠬᠤᠷᠠᠮᠳᠤᠭᠤᠯᠭᠠ ᠪᠠᠢᠳᠠᠭ ᠦᠭᠡᠢ 》 ᠭᠡᠳᠡᠭ ᠬᠡᠯᠪᠡᠢᠭᠦᠦ ᠦᠵᠡᠯᠲᠡᠶ᠋ᠢ ᠬᠡᠭᠡᠷᠡᠶ᠋ᠢᠨ ᠱᠢᠨᠵᠢᠯᠡᠭᠡᠨᠤ ᠳᠡᠯᠭᠡᠷᠡᠩᠭᠦᠢ ᠪᠠᠷᠢᠮᠲᠠᠪᠠᠷ ᠨᠢᠴᠤᠭᠠᠵᠤ ᠂ ᠨᠡᠭᠦᠳᠡᠯᠴᠢᠨ ᠮᠣᠩᠭᠤᠯᠴᠤᠳᠤᠨ ᠨᠣᠮ ᠰᠤᠳᠤᠷᠢ ᠡᠷᠬᠢᠮᠯᠡᠨ ᠬᠦᠨᠳᠦᠳᠭᠡᠳᠡᠭ ᠵᠠᠩ ᠦᠢᠯᠡ᠂ ᠱᠢᠲᠦᠯᠭᠡ ᠪᠢᠱᠢᠷᠡᠯᠢ ᠨᠠᠷᠢᠨ ᠳᠦᠷᠰᠦᠯᠡᠵᠡᠢ ᠃ ᠡᠨᠡᠨᠢ ᠦᠵᠡᠲᠡᠯᠡ ᠳᠡᠭᠡᠷᠡᠩᠭᠦᠢ ᠮᠥᠷᠲᠡᠯᠡᠪᠠᠨ ᠬᠠᠷᠢᠭᠤᠯᠬᠤᠳᠤ ᠪᠡᠷᠬᠡ ᠪᠠᠢᠳᠠᠭ ᠠᠰᠠᠭᠤᠯᠲᠠᠶ᠋ᠢᠨ ᠲᠤᠬᠠᠢ ᠵᠣᠬᠢᠶᠠᠭ᠍ᠴᠢᠶ᠋ᠢᠨ ᠣᠶᠤᠨᠴᠢ ᠬᠠᠷᠢᠭᠤᠯᠲᠠ ᠪᠠᠢᠯᠠ᠃
（2） ᠡᠷᠢᠯᠤᠨ ᠠᠶᠠᠨᠳᠤᠨᠢ ᠵᠣᠬᠢᠶᠠᠭ᠍ᠴᠢᠶ᠋ᠢ 《 ᠶᠡᠬᠡᠳᠡ ᠳᠣᠭ᠍ᠳᠣᠯᠤᠭᠤᠯᠤᠨ ᠲᠡᠦᠬᠡ ᠠᠬᠤᠢᠶ᠋ᠢᠨ ᠬᠡᠳᠦᠨ ᠵᠠᠭᠤᠨᠤ ᠬᠤᠭᠤᠷᠣᠨᠳᠤ ᠰᠦᠯᠵᠢᠨ ᠭᠤᠨᠢᠭ᠍ᠯᠠᠭᠤᠯᠳᠠᠭ ᠬᠦᠴᠦᠲᠡᠢ ᠠᠰᠠᠭᠤᠯᠲᠠ 》 ᠪᠠᠢᠨ ᠳᠠᠬᠢᠨ ᠲᠤᠯᠭᠠᠷᠠᠨ ᠢᠷᠡᠳᠡᠭ ᠪᠠᠢᠪᠠ᠃ 《ᠲᠡᠷᠡ ᠠᠰᠠᠭᠤᠯᠲᠠ ᠨᠠᠮᠠᠶ᠋ᠢ ᠭᠦᠨ ᠰᠠᠨᠰᠠᠷᠲᠤ ᠭᠠᠭ᠍ᠴᠠᠭᠠᠷ ᠲᠡᠨᠦᠭᠦᠴᠢᠯᠡᠨ ᠵᠣᠷᠴᠢᠭᠠ ᠶᠤᠮ ᠱᠢᠭ᠋ ᠬᠡᠵᠢᠶᠡᠳᠡ ᠨᠥᠬᠦᠬᠦ᠌ᠶ᠋ᠢᠨ ᠠᠷᠭᠠ ᠦᠭᠡᠢ ᠠᠭᠤᠤ ᠶᠡᠭᠡ ᠬᠤᠭᠤᠰᠤᠨᠳᠤ ᠲᠦᠯᠬᠢᠨ ᠣᠷᠣᠭᠤᠯᠳᠠᠭ᠃ ᠳᠠᠭᠤᠳᠠᠬᠤ ᠬᠥᠮᠥᠨ ᠡᠰᠡ ᠣᠯᠳᠠᠬᠤ ᠠᠭᠠᠳ ᠳᠠᠭᠤᠳᠠᠭ᠍ᠰᠠᠨ ᠴᠦ᠍ ᠡᠰᠡ ᠰᠣᠨᠣᠰᠭᠤ ᠮᠡᠲᠦ ᠲᠡᠷᠡ ᠶᠡᠭᠡ ᠬᠤᠭᠤᠰᠤᠨ ᠨᠠᠮᠠᠶ᠋ᠢ ᠡᠵᠡᠯᠡᠨ᠂ ᠦᠵᠦᠭᠦᠷ ᠬᠢᠵᠠᠭᠠᠷ ᠦᠭᠡᠢᠶ᠋ᠢᠨ ᠳᠤᠮᠳᠠ ᠨᠠᠮᠠᠶ᠋ᠢ ᠲᠡᠰᠭᠦ ᠠᠷᠭᠠ ᠦᠭᠡᠢ ᠪᠣᠯᠲᠠᠯᠠ ᠡᠩᠰᠡᠯᠭᠡᠨ ᠭᠠᠰᠠᠯᠤᠭᠤᠯᠳᠠᠭ᠃ ᠮᠥᠨ ᠴᠦ᠍ ᠦᠬᠦᠵᠦ᠍ ᠰᠡᠬᠡᠬᠦ᠌ᠶ᠋ᠢᠨ ᠳᠠᠪᠠᠭᠠᠨᠠᠴᠠ ᠠᠪᠤᠷᠠᠨ ᠳᠠᠭᠤᠳᠠᠵᠤ ᠰᠡᠷᠡᠭᠡᠭᠡ ᠮᠡᠲᠦ ᠵᠣᠪᠠᠯᠠᠩᠲᠠᠢ ᠰᠠᠨᠠᠭ᠍ᠳᠠᠭᠤᠯᠳᠠᠭ 》 ᠠᠵᠢ᠃
《 ᠲᠣᠳᠣ ᠦᠰᠦᠭᠢ ᠰᠡᠷᠭᠦᠭᠡᠳᠡᠭ ᠲᠤᠬᠠᠢ ᠶᠠᠮᠠᠷ ᠨᠢᠭᠡᠨ ᠱᠢᠨᠡ ᠮᠡᠳᠡᠭᠡ ᠪᠠᠢᠳᠠᠭ ᠪᠣᠯ ᠦᠦ？》 ᠨᠣᠮ ᠨᠡᠭᠡᠭᠡᠬᠦ᠂ ᠨᠣᠮ ᠪᠣᠰᠭᠠᠬᠤ᠂ ᠴᠠᠭᠠᠰᠤ ᠡᠯᠳᠡᠬᠦ᠂ ᠨᠣᠮ ᠬᠠᠭᠤᠯᠬᠤ ᠂ ᠨᠣᠮ ᠪᠠᠷᠯᠠᠬᠤ ᠠᠵᠢᠯᠳᠠᠭᠠᠨ ᠣᠯᠠᠨ ᠵᠢᠯᠢᠶᠠᠷ ᠱᠢᠮᠳᠠᠭ᠍ᠰᠠᠭᠠᠷ ᠪᠠᠢᠭᠠ ᠨᠠᠮᠵᠢᠯ ᠭᠡᠩᠭᠡᠢᠶ᠋ᠢᠨ ᠠᠰᠠᠭᠤᠯᠲᠠ ᠵᠣᠬᠢᠶᠠᠭ᠍ᠴᠢᠶ᠋ᠢᠨ ᠣᠶᠣᠨ ᠰᠦᠨᠡᠰᠦᠶ᠋ᠢ ᠪᠠᠢᠨ ᠳᠠᠬᠢᠨ ᠱᠢᠭᠦᠨᠡ᠃
《ᠲᠣᠳᠣ ᠦᠰᠦᠭ ᠵᠢᠭᠠᠬᠤ ᠱᠠᠪᠢ ᠡᠯᠰᠡᠪᠡᠯ ᠶᠠᠮᠠᠷ？》 ᠲᠠᠨᠢᠯ ᠬᠠᠷᠠ ᠪᠠᠭ᠍ᠰᠢᠶ᠋ᠢᠨ ᠡᠨᠡ ᠠᠰᠠᠭᠤᠯᠲᠠᠳᠤ ᠵᠣᠬᠢᠶᠠᠭ᠍ᠴᠢ 《ᠣᠳᠣ ᠪᠣᠯᠲᠠᠯᠠ ᠬᠠᠷᠢᠭᠤᠯᠲᠠ ᠥᠭ᠌ᠭᠦᠭᠡ ᠦᠭᠡᠢ ᠪᠠᠢᠭ᠍ᠰᠠᠭᠠᠷ ᠪᠥᠭᠡᠳ ᠥᠭ᠌ᠴᠦ ᠴᠦ᠍ ᠴᠢᠳᠠᠬᠤ ᠦᠭᠡᠢ ᠪᠢᠯᠡ》᠃
《 ᠠᠷᠪᠠᠨ ᠵᠢᠯᠤᠨ ᠳᠠᠷᠠᠭᠠ ᠨᠣᠮ ᠪᠣᠰᠭᠠᠵᠤ᠂ ᠨᠣᠮ ᠨᠡᠭᠡᠭᠡᠳᠡᠭ ᠬᠥᠮᠥᠨ ᠪᠠᠢᠳᠠᠭ ᠪᠣᠯ ᠦᠦ？》 ᠥᠭᠡᠷᠡ ᠨᠢᠭᠡ ᠬᠠᠷᠠ ᠪᠠᠭ᠍ᠰᠢᠶ᠋ᠢᠨ ᠠᠰᠠᠭᠤᠭ᠍ᠰᠠᠨ ᠡᠨᠡ ᠠᠰᠠᠭᠤᠯᠲᠠᠶ᠋ᠢ 《ᠪᠢ ᠨᠡᠩ ᠴᠦ᠍ ᠬᠠᠷᠢᠭᠤᠯᠵᠤ ᠴᠢᠳᠠᠭᠠ ᠦᠭᠡᠢ᠃》
ᠽᠠᠶᠠ ᠪᠠᠨᠳᠢᠳᠠᠶ᠋ᠢᠨ ᠵᠣᠬᠢᠶᠠᠭ᠍ᠰᠠᠨ 《ᠲᠣᠳᠣᠷᠬᠠᠢ ᠦᠰᠦᠭ》 ᠤ᠋ᠨ ᠲᠤᠬᠠᠢ ᠨᠤᠲᠤᠭᠤᠨ ᠪᠠᠭ᠍ᠰᠢ ᠨᠠᠷᠤᠨ ᠡᠢᠮᠦᠷᠬᠦᠦ ᠠᠰᠠᠭᠤᠯᠲᠠᠨᠤᠭᠤᠳᠢ ᠵᠣᠬᠢᠶᠠᠭ᠍ᠴᠢ ᠪᠠᠷᠢᠨ ᠬᠠᠷᠢᠭᠤᠯᠵᠤ ᠴᠢᠳᠠᠭ᠍ᠰᠠᠨ ᠦᠭᠡᠢ ᠪᠣᠯᠪᠠᠴᠤ᠌ ᠤᠷᠲᠤᠶ᠋ᠢᠨ ᠤᠷᠲᠤ ᠪᠣᠳᠣᠯᠭᠠᠱᠢᠷᠠᠯ ᠂ ᠱᠢᠭᠦᠨ ᠲᠤᠩᠭᠠᠯᠲᠠᠪᠠᠷᠢᠶᠠᠨ ᠰᠣᠶᠣᠯᠤᠨ ᠬᠢᠮᠤᠷᠠᠯᠳᠤ ᠤᠴᠠᠷᠠᠭ᠍ᠰᠠᠨ ᠠᠬᠤᠢᠶ᠋ᠢᠨ ᠲᠤᠬᠠᠢ ᠭᠦᠨᠵᠡᠭᠡᠢ ᠰᠡᠳᠭᠢᠵᠡᠢ᠃ ᠵᠣᠬᠢᠶᠠᠭ᠍ᠴᠢᠶ᠋ᠢᠨ ᠬᠤᠪᠢ ᠡᠨᠡ ᠪᠦᠬᠦᠨᠨᠢ ᠣᠶᠣᠨ ᠰᠦᠨᠡᠰᠦᠨᠤ ᠥᠪᠡᠷᠤᠨ ᠠᠪᠤᠷᠠᠯᠲᠠ ᠪᠠᠢᠭ᠍ᠰᠠᠨ ᠶᠤᠮ᠃
ᠬᠤᠶᠠᠷ᠂ ᠭᠦᠨᠵᠡᠭᠡᠢ ᠳᠦᠷᠰᠦᠯᠡᠯᠤᠨ ᠠᠶᠠᠨ
ᠱᠢᠨᠡ ᠵᠠᠭᠤᠨᠠᠴᠠ ᠨᠠᠭᠠᠰᠢ ᠤᠷᠠᠩᠭᠤᠸᠠᠶ᠋ᠢᠨ ᠵᠣᠬᠢᠶᠠᠨ ᠪᠦᠲᠦᠭᠡᠯᠭᠡ ᠡᠷᠴᠢᠮ ᠠᠪᠤᠨ ᠴᠢᠩᠭᠠᠷᠠᠵᠤ ᠬᠤᠷᠢᠭᠠᠳ ᠨᠣᠮ ᠬᠡᠪᠯᠡᠭᠦᠯᠴᠢᠬᠡᠭ᠌ᠰᠡᠨ᠂ ᠬᠠᠮᠤᠭᠠᠴᠠ ᠣᠯᠠᠨ ᠪᠦᠲᠦᠭᠡᠯᠲᠠᠢ ᠨᠠᠢᠷᠠᠭᠤᠯᠤᠯᠤᠨ ᠵᠣᠬᠢᠶᠠᠯᠴᠢ ᠪᠣᠯᠵᠠᠢ᠃ ᠢᠯᠠᠩᠭᠤᠶᠠ 2010 ᠣᠨᠠᠴᠠ ᠬᠤᠢᠰᠢ ᠵᠣᠬᠢᠶᠠᠨ ᠲᠤᠭᠤᠷᠪᠢᠯᠨᠢ ᠢᠳᠡ ᠠᠪᠤᠨ ᠴᠡᠴᠡᠭ᠌ᠯᠡᠵᠦ᠍᠂ ᠱᠢᠭᠦᠮᠵᠢᠯᠡᠭ᠌ᠴᠢ ᠰᠤᠳᠤᠯᠤᠭ᠍ᠴᠢᠳ ᠤᠩᠱᠢᠬᠤ ᠶᠣᠰᠣᠲᠠᠢ ᠭᠡᠵᠦ᠍ ᠮᠡᠳᠡᠵᠦ᠍ ᠠᠲᠠᠯᠠᠪᠠᠨ ᠤᠩᠱᠢᠵᠤ ᠠᠮᠵᠢᠮᠠ ᠦᠭᠡᠢ ᠬᠡᠮᠵᠢᠶᠡᠨᠳᠤ ᠬᠦᠷᠴᠢᠬᠡᠭ᠌ᠰᠡᠨ ᠪᠢᠯᠡ᠃ 2012 ᠣᠨᠠᠴᠠ ᠡᠬᠢᠯᠡᠭᠦᠯᠦᠭ᠌ᠰᠡᠨ 《ᠰᠣᠶᠣᠯ ᠤᠭ᠍ᠰᠠᠭᠠᠲᠠᠨ ᠵᠦᠢᠶ᠋ᠢᠨ ᠬᠡᠭᠡᠷᠡᠶ᠋ᠢᠨ ᠱᠢᠨᠵᠢᠯᠡᠯᠤᠨ ᠪᠠᠷᠢᠮᠲᠠᠲᠤ ᠨᠠᠢᠷᠠᠭᠤᠯᠤᠯ》 ᠤ᠋ᠨ ᠴᠤᠪᠤᠷᠠᠯᠨᠢ ᠡᠳᠦᠭᠡ ᠪᠣᠯᠬᠤᠳᠤ ᠨᠢᠭᠡᠨᠲᠡ 《ᠮᠣᠩᠭᠤᠯᠴᠤᠳᠤᠨ ᠬᠥᠳᠡᠭᠡ ᠤᠬᠠᠭᠠᠨ》 ᠂《ᠮᠣᠩᠭᠤᠯᠴᠤᠳᠤᠨ ᠪᠠᠢᠭᠠᠯᠢ ᠤᠬᠠᠭᠠᠨ》᠂ 《ᠴᠠᠭᠠᠨ ᠲᠤᠭᠤᠨ ᠴᠠᠬᠠᠷᠴᠤᠳ》 ᠂《ᠲᠡᠭ᠌ᠷᠢᠶ᠋ᠢᠨ ᠬᠠᠶᠠᠭᠠᠨᠳᠠᠬᠢ ᠴᠠᠬᠠᠷᠴᠤᠳ》 ᠭᠡᠬᠦ᠌ ᠳᠥᠷᠪᠡᠨ ᠲᠣᠮᠣ ᠨᠣᠮᠲᠠᠢ ᠪᠣᠯᠵᠠᠢ᠃ ᠠᠳᠡ ᠮᠥᠨ ᠡᠨᠡ ᠳᠥᠷᠪᠡᠨ ᠨᠣᠮᠢ ᠰᠣᠩᠭᠤᠵᠤ ᠥᠭᠦᠯᠡᠨᠡ᠃
1. 《ᠤᠷᠠᠨ ᠵᠣᠬᠢᠶᠠᠯ ᠮᠡᠳᠡᠬᠦ᠌ ᠦᠭᠡᠢ》᠃ ᠤᠷᠠᠩᠭᠤᠸᠠ ᠥᠭᠦᠯᠡᠯᠭᠡ ᠨᠠᠢᠷᠠᠭᠤᠯᠤᠯᠤᠨ ᠲᠡᠭᠦᠪᠦᠷᠢ ᠣᠯᠠᠨ ᠬᠡᠪᠯᠡᠭᠦᠯᠦᠭ᠌ᠰᠡᠨ ᠠᠲᠠᠯᠠᠪᠠᠨ 《ᠪᠢ ᠤᠷᠠᠨ ᠵᠣᠬᠢᠶᠠᠯ ᠮᠡᠳᠡᠬᠦ᠌ ᠦᠭᠡᠢ》 ᠭᠡᠵᠦ᠍ ᠬᠡᠯᠡᠬᠦ᠌ᠳᠡᠭᠡᠨ ᠳᠤᠷᠠᠲᠠᠢ᠃ ᠡᠨᠡᠨᠢ ᠵᠦᠭᠡᠷ ᠨᠢᠭᠡ ᠲᠣᠨᠢᠷᠬᠠᠯ ᠪᠢᠰᠢ᠂ ᠬᠠᠷᠢᠨ ᠤᠷᠠᠨ ᠵᠣᠬᠢᠶᠠᠯᠢ ᠰᠠᠢᠨ ᠮᠡᠳᠡᠳᠡᠭ ᠪᠠᠢᠭ᠍ᠰᠠᠨ — ᠱᠢᠯᠵᠢᠯᠲᠡ — ᠨᠡᠭᠦᠳᠡᠯ — ᠱᠢᠨᠡ ᠪᠠᠭᠤᠴᠠᠨᠳᠤ ᠣᠴᠢᠭ᠍ᠰᠠᠨ ᠶᠠᠪᠤᠴᠠᠶ᠋ᠢᠨᠢ ᠬᠠᠷᠠᠭᠤᠯᠵᠤ ᠪᠠᠢᠨᠠ᠃ ᠬᠡᠭᠡᠷᠡᠶ᠋ᠢᠨ ᠱᠢᠨᠵᠢᠯᠡᠭᠡᠨᠳᠡᠭᠡᠨ ᠦᠨᠳᠦᠰᠦᠯᠡᠵᠦ᠍ 《ᠰᠣᠶᠣᠯ ᠤᠭ᠍ᠰᠠᠭᠠᠲᠠᠨ ᠵᠦᠢᠶ᠋ᠢᠨ ᠪᠠᠷᠢᠮᠲᠠᠲᠤ ᠨᠠᠢᠷᠠᠭᠤᠯᠤᠯ》 ᠢ᠋ ᠤᠬᠠᠮᠰᠠᠷᠲᠠᠢ ᠪᠥᠭᠡᠳ ᠤᠷᠮᠠᠲᠠᠢ ᠲᠤᠭᠤᠷᠪᠢᠵᠤ ᠡᠬᠢᠯᠡᠭ᠌ᠰᠡᠨᠠᠴᠠᠪᠠᠨ ᠠᠪᠤᠭᠠᠳ ᠤᠷᠠᠨ ᠵᠣᠬᠢᠶᠠᠯ ᠢ ᠱᠢᠨᠡᠪᠠᠷ ᠲᠤᠩᠭᠠᠨ ᠲᠠᠨᠢᠵᠤ᠂ ᠤᠳᠠᠭᠠ ᠪᠣᠯᠭᠠᠨᠤ ᠲᠤᠭᠤᠷᠪᠢᠯᠢᠶᠠᠷᠢᠶᠠᠨ ᠱᠢᠨᠡ ᠲᠣᠮᠢᠶᠠᠯᠠᠯ ᠥᠭ᠌ᠴᠦ ᠪᠠᠢᠭᠠᠨᠢ ᠢᠯᠡᠳᠲᠡ ᠪᠠᠢᠨᠠ᠃ ᠨᠠᠢᠷᠠᠭᠤᠯᠤᠯᠢ ᠪᠠᠰᠠ ᠢᠩᠭᠢᠵᠦ᠍ ᠪᠢᠴᠢᠵᠦ᠍ ᠪᠣᠯᠳᠠᠭ ᠰᠠᠨᠵᠠᠢ！ ᠬᠡᠢ ᠬᠤᠭᠤᠰᠤᠨ ᠤᠶᠠᠩᠭᠠᠯᠠᠯᠢ ᠲᠡᠪᠴᠢᠵᠦ᠍᠂ ᠡᠬᠡ ᠭᠠᠵᠠᠷᠤᠨ ᠠᠮᠢᠰᠭᠤᠭᠠᠶ᠋ᠢ ᠴᠢᠩᠨᠠᠵᠤ᠂ ᠥᠪᠡᠷᠤᠨ ᠰᠡᠳᠭᠢᠯᠤᠨ ᠬᠢᠭᠢᠯᠢᠶ᠋ᠢᠨ ᠠᠶᠠᠰᠢ ᠴᠢᠩᠨᠠᠵᠤ ᠪᠢᠴᠢᠵᠦ᠍ ᠪᠣᠯᠳᠠᠭ ᠶᠤᠮ ᠪᠠᠢᠨᠠ᠃ ᠤᠷᠠᠩᠭᠤᠸᠠ ᠡᠢᠮᠦᠷᠬᠦᠦ ᠤᠬᠠᠭᠠᠷᠠᠯᠠᠴᠠᠪᠠᠨ ᠪᠣᠯᠵᠤ ᠤᠷᠠᠨ ᠵᠣᠬᠢᠶᠠᠯᠤᠨ ᠵᠠᠬᠠ ᠬᠥᠪᠡᠭᠡᠶ᠋ᠢ ᠪᠠᠯᠠᠷᠬᠠᠢᠱᠢᠭᠤᠯᠵᠤ᠂ ᠨᠠᠢᠷᠠᠭᠤᠯᠤᠯᠤᠨ ᠬᠦᠷᠢᠶᠡ ᠴᠠᠷᠠᠭᠠᠶ᠋ᠢ ᠲᠡᠯᠡᠭ᠌ᠰᠡᠨ ᠪᠠᠢᠨᠠ ᠃ ᠵᠣᠩᠬᠢᠯᠠᠬᠤ ᠣᠯᠠᠨ ᠬᠥᠮᠥᠰᠲᠤ 《ᠤᠷᠠᠨ ᠵᠣᠬᠢᠶᠠᠯᠤᠨ ᠪᠤᠰᠤ》 ᠭᠡᠭ᠌ᠳᠡᠳᠡᠭ ᠭᠠᠵᠠᠷ ᠤᠷᠠᠩᠭᠤᠸᠠ ᠤᠳᠠᠭᠠ ᠳᠠᠷᠠᠭᠠᠯᠠᠨ ᠬᠦᠷᠴᠦ᠍ ᠣᠴᠢᠵᠤ ᠪᠠᠢᠭᠠ ᠪᠣᠯᠬᠤᠷ 《 ᠪᠢ ᠤᠷᠠᠨ ᠵᠣᠬᠢᠶᠠᠯ ᠮᠡᠳᠡᠬᠦ᠌ ᠦᠭᠡᠢ 》 ᠭᠡᠵᠦ᠍ ᠬᠡᠯᠡᠯ ᠦᠭᠡᠢ ᠶᠠᠭᠠᠬᠢᠬᠤ ᠪᠤᠢ᠃ ᠡᠨᠡᠨᠢ ᠬᠢᠲᠠᠳ ᠵᠣᠬᠢᠶᠠᠯᠴᠢ ᠮᠥᠸᠧ ᠶᠠᠨᠤ 《ᠽᠠᠨᠳᠠᠨ ᠮᠣᠳᠣᠨ ᠡᠷᠡᠭᠦᠦ》 ᠭᠡᠬᠦ᠌ ᠷᠣᠮᠠᠨᠤᠪᠠᠨ ᠭᠠᠷᠭᠠᠯᠭᠠᠳᠤ ᠪᠢᠴᠢᠭ᠌ᠰᠡᠨ 《ᠤᠤᠯᠤᠨ ᠤᠳᠭᠠ ᠵᠣᠬᠢᠶᠠᠯᠤᠨ ᠵᠠᠮᠠᠴᠠᠪᠠᠨ ᠳᠤᠷᠠᠲᠠᠶᠠ ᠶᠡᠬᠡᠬᠡᠨ ᠠᠯᠬᠤᠮᠢᠶᠠᠷ ᠤᠬᠤᠷᠢᠯᠲᠠ ᠬᠢᠭ᠌ᠰᠡᠨ》 ᠭᠡᠵᠦ᠍ ᠪᠢᠴᠢᠭ᠌ᠰᠡᠨᠢ ᠶᠠᠭᠠᠬᠢᠬᠤᠶ᠋ᠢᠨ ᠠᠷᠭᠠ ᠦᠭᠡᠢ ᠰᠠᠨᠠᠭ᠍ᠳᠠᠭᠤᠯᠵᠤ ᠪᠠᠢᠨᠠ᠃ ᠠᠷᠠᠳᠤᠨ ᠬᠦᠦᠷᠨᠢᠯᠳᠤ ᠤᠬᠤᠷᠢᠨ ᠣᠴᠢᠭ᠍ᠰᠠᠨᠢᠶᠠᠷᠢᠶᠠᠨ ᠤᠷᠠᠩᠭᠤᠸᠠᠶ᠋ᠢᠨ ᠰᠣᠩᠭᠤᠯᠲᠠᠨᠢ ᠮᠥᠸᠧ ᠶᠠᠨᠤᠬᠢ ᠠᠳᠠᠯᠢᠱᠢᠬᠤ ᠲᠠᠯᠠ ᠪᠤᠢ᠃ ᠤᠷᠠᠩᠭᠤᠸᠠ ᠡᠢᠨ ᠬᠦ᠌ ᠶᠠᠪᠤᠵᠤ ᠳᠠᠳᠤᠭ᠍ᠰᠠᠨ ᠵᠠᠮ ᠳᠠᠭᠤᠯᠠᠵᠤ ᠰᠤᠷᠤᠭ᠍ᠰᠠᠨ ᠳᠠᠭᠤᠤᠠᠴᠠᠪᠠᠨ ᠰᠠᠯᠵᠤ᠂ ᠠᠷᠠᠳᠤᠨ ᠳᠤᠮᠳᠠ ᠪᠤᠴᠠᠭ᠍ᠰᠠᠨ ᠪᠠᠢᠨᠠ᠃
2. ᠤᠷᠠᠨ ᠪᠠ ᠭᠤᠸᠠᠶ᠋ᠢ ᠣᠭᠤᠷᠴᠤ᠌ ᠪᠠᠢᠭᠠᠨᠢ᠃ ᠤᠷᠠᠩᠭᠤᠸᠠᠶ᠋ᠢᠨ ᠡᠨᠡ ᠬᠦ᠌ ᠰᠣᠩᠭᠤᠯᠲᠠᠨᠢ ᠪᠢᠳᠠᠨᠤ ᠤᠩᠱᠢᠵᠤ ᠳᠠᠳᠤᠭ᠍ᠰᠠᠨ ᠨᠠᠢᠷᠠᠭᠤᠯᠤᠯᠳᠠᠬᠢ ᠬᠡᠢ ᠬᠥᠪᠰᠥᠭᠡᠷ ᠤᠶᠠᠩᠭᠠᠯᠠᠯᠯᠤᠭᠠ ᠦᠰᠦᠳ ᠣᠨᠳᠣᠣ ᠮᠥᠷᠲᠡᠭᠡᠨ ᠠᠯᠳᠠᠷ ᠴᠤᠤᠲᠤ ᠬᠥᠮᠥᠰᠤᠨ ᠮᠠᠭ᠍ᠲᠠᠭᠠᠯ ᠳᠠᠭᠤᠤ ᠪᠣᠯᠣᠭ᠍ᠰᠠᠨ ᠮᠡᠳᠡᠭᠡᠯᠡᠯᠤᠨ ᠤᠷᠠᠨ ᠵᠣᠬᠢᠶᠠᠯᠲᠠᠢ ᠴᠦ᠍ ᠠᠳᠠᠯᠢ ᠦᠭᠡᠢ — ᠤᠷᠠᠨ ᠪᠠ ᠭᠤᠸᠠᠶ᠋ᠢ ᠲᠡᠭᠡᠵᠦ᠍ ᠶᠡᠭᠡ ᠬᠥᠭᠡᠭᠡᠴᠡᠯᠳᠦᠬᠦ᠌ᠪᠠᠨ ᠪᠣᠯᠢᠭᠠᠳ ᠵᠣᠷᠢᠭᠤᠳᠠᠶ᠋ᠢᠨ ᠴᠢᠮᠡᠭ ᠵᠠᠰᠠᠯᠢ ᠲᠠᠶᠠᠭ᠍ᠳᠠᠵᠤ᠂ ᠡᠬᠡ ᠭᠠᠵᠠᠷ ᠱᠢᠭ᠋ ᠪᠣᠷᠣᠭ᠍ᠵᠢᠭᠤᠨ᠂ ᠠᠶᠠᠨᠳᠠᠭᠠᠨᠤ ᠪᠣᠯᠵᠠᠢ᠃ ᠥᠪᠡᠷᠤᠨ ᠤᠴᠠᠷᠠᠯ ᠲᠣᠬᠢᠶᠠᠯᠳᠤᠯᠳᠠᠭᠠᠨ ᠦᠨᠡᠨᠴᠢ ᠪᠠᠢᠵᠤ᠂ ᠠᠯᠪᠠᠪᠠᠷ ᠭᠤᠸᠠ ᠰᠠᠢᠬᠠᠨᠴᠢᠯᠠᠬᠤᠶ᠋ᠢ ᠣᠭᠤᠷᠪᠠ᠃ 《ᠳᠠᠯᠠᠳᠤᠨ ᠳᠠᠯᠳᠠᠳᠤ》 ᠭᠡᠬᠦ᠌ ᠵᠣᠬᠢᠶᠠᠯᠳᠠᠭᠠᠨ ᠴᠡᠪᠳᠡᠭ ᠬᠦᠢᠲᠡᠨ᠂ ᠬᠠᠬᠢᠷ ᠬᠠᠲᠠᠭᠤ᠂ ᠭᠠᠵᠢ ᠮᠠᠭᠤᠬᠠᠢ ᠠᠬᠤᠢ ᠪᠠᠢᠳᠠᠯᠢ ᠲᠡᠷᠡ ᠬᠡᠪᠢᠶᠠᠷᠨᠢ ᠦᠵᠡᠭᠦᠯᠦᠭ᠌ᠰᠡᠨ ᠪᠢᠯᠡ᠃
3. ᠬᠡᠭᠡᠷᠡᠶ᠋ᠢᠨ ᠱᠢᠨᠵᠢᠯᠡᠯ᠃
（1） ᠬᠤᠲᠠᠶ᠋ᠢᠨ ᠪᠢᠴᠢᠭᠤᠨ ᠥᠷᠥᠭᠡᠨᠠᠴᠠ ᠬᠤᠯᠠᠶ᠋ᠢᠨ ᠨᠤᠲᠤᠭ ᠤᠷᠤᠭᠤ᠄ ᠬᠥᠳᠡᠭᠡ ᠪᠠᠢᠭᠠᠯᠢ᠂ ᠬᠥᠳᠥᠰᠥᠨ ᠳᠡᠪᠡᠯᠲᠡᠳᠤᠨ ᠨᠠᠮᠲᠠᠷ ᠲᠡᠦᠬᠡ ᠵᠦᠭ ᠥᠪᠡᠰᠦᠪᠡᠨ ᠬᠥᠳᠡᠯᠵᠦ᠍ ᠭᠦᠢᠴᠡᠳᠭᠡᠬᠦ᠌ ᠭᠦᠨ ᠤᠬᠠᠭᠠᠨᠢ ᠡᠷᠬᠢᠮᠯᠡᠪᠡ᠃ ᠤᠷᠠᠩᠭᠤᠸᠠᠶ᠋ᠢᠨ ᠡᠳᠡᠭᠡᠷ ᠪᠦᠲᠦᠭᠡᠯ ᠪᠣᠯ ᠬᠥᠯᠤᠨ ᠮᠥᠷᠢᠶᠠᠷᠢᠶᠠᠨ ᠪᠢᠴᠢᠭ᠌ᠰᠡᠨ ᠵᠣᠬᠢᠶᠠᠯ᠂ ᠪᠡᠶᠡ ᠰᠡᠳᠭᠢᠯ ᠪᠢᠯᠢᠭ ᠤᠬᠠᠭᠠᠨᠢᠶᠠᠷᠢᠶᠠᠨ ᠬᠡᠯᠬᠢᠭ᠌ᠰᠡᠨ ᠪᠠᠷᠢᠮᠲᠠᠲᠤ ᠲᠡᠮᠳᠡᠭ᠌ᠯᠡᠯ᠃
（2） ᠵᠠᠢ ᠠᠯᠤᠰᠯᠠᠵᠤ ᠪᠢᠴᠢᠬᠦ᠌ ᠪᠢᠰᠢ᠂ ᠬᠠᠷᠢᠨ ᠠᠬᠤᠢ ᠲᠠᠯᠠᠪᠠᠢᠶ᠋ᠢᠨ ᠠᠭᠤᠷ ᠠᠮᠢᠰᠭᠤᠭᠠᠶ᠋ᠢ ᠴᠢᠬᠤᠯᠠᠴᠢᠯᠠᠨ᠂ ᠤᠤᠯ ᠣᠷᠴᠢᠨᠤ ᠤᠭ ᠲᠥᠷᠬᠦ᠌ᠶ᠋ᠢ ᠢᠯᠡᠷᠡᠭᠦᠯᠬᠦ᠌ᠳᠤ ᠬᠦᠴᠦᠯᠡᠪᠡ᠃
（3） ᠠᠬᠤᠢᠴᠢ ᠦᠵᠡᠯᠤᠨ ᠱᠢᠨᠡ ᠰᠣᠩᠭᠤᠯᠲᠠ᠄ ᠤᠷᠠᠩᠭᠤᠸᠠ ᠠᠬᠤᠢᠴᠢ ᠦᠵᠡᠯᠢ ᠪᠠᠷᠢᠮᠲᠠᠯᠠᠳᠠᠭ — ᠠᠬᠤᠢᠶ᠋ᠢ ᠥᠩᠭᠡᠯᠡᠨ ᠵᠠᠰᠠᠬᠤ ᠬᠡᠪ ᠵᠠᠮᠪᠠᠷᠠᠭᠠ ᠪᠠ ᠵᠣᠬᠢᠶᠠᠨ ᠲᠤᠭᠤᠷᠪᠢᠬᠤ ᠵᠢᠷᠤᠮ ᠭᠤᠷᠢᠮᠠᠴᠠ ᠰᠠᠯᠵᠤ᠂ ᠲᠤᠤᠯᠢᠰᠯᠢᠭ ᠳᠣᠮᠣᠭ᠍ᠯᠢᠭ ᠪᠣᠯᠭᠠᠵᠤ ᠪᠢᠴᠢᠬᠦ᠌ᠠᠴᠠ ᠲᠠᠲᠠᠭᠠᠯᠵᠠᠨ᠂ ᠠᠬᠤᠢᠲᠠᠢ ᠠᠰ ᠲᠤᠯᠬᠤ᠂ ᠴᠢᠩᠬᠠ ᠨᠢᠭᠤᠷᠯᠠᠬᠤ ᠵᠣᠷᠢᠭ ᠰᠠᠨᠠᠭᠠᠲᠠᠢ ᠨᠠᠢᠷᠠᠭᠤᠯᠤᠯ ᠲᠤᠭᠤᠷᠪᠢᠵᠠᠢ᠃
（4） ᠬᠡᠢ ᠰᠡᠳᠭᠢᠮᠵᠢᠯᠡᠯᠤᠨ ᠪᠤᠰᠤ᠃ ᠦᠨᠡᠰᠦᠨ ᠰᠠᠭᠠᠷᠠᠯ ᠣᠨᠣᠯᠠᠴᠠ ᠥᠨᠢᠳᠡ ᠬᠥᠬᠡᠷᠡᠬᠦ᠌ ᠠᠮᠢᠳᠤᠷᠠᠯᠤᠨ ᠮᠣᠳᠣ ᠰᠠᠢᠬᠠᠨ᠃ ᠠᠮᠢᠳᠤᠷᠠᠯ ᠶᠡᠷᠦ᠍ᠨᠢ ᠤᠷᠠᠨ ᠵᠣᠬᠢᠶᠠᠯᠠᠴᠠ ᠬᠠᠭᠤᠮᠠᠭᠠᠢ᠃ ᠤᠴᠢᠷᠨᠢ ᠠᠮᠢᠳᠤᠷᠠᠯᠤᠨ ᠬᠡᠷᠡᠭ ᠤᠴᠢᠷᠤᠨ ᠳᠣᠲᠣᠷᠠ ᠵᠠᠷᠢᠮᠳᠠᠭᠠᠨ ᠯᠣᠭᠢᠭ ᠬᠤᠯᠪᠣᠭᠠ ᠪᠠᠢᠬᠤ ᠦᠭᠡᠢ᠃ ᠬᠡᠢ ᠰᠡᠳᠭᠢᠮᠵᠢᠯᠡᠭ᠌ᠰᠡᠨ ᠪᠤᠰᠤ ᠤᠴᠢᠷᠠᠴᠠ᠂ ᠰᠡᠳᠭᠢᠭ᠌ᠳᠡᠰᠢ ᠦᠭᠡᠢ ᠳᠡᠮᠡᠢ ᠪᠠᠯᠠᠢ ᠬᠠᠭᠤᠮᠠᠭᠠᠢ ᠵᠦᠢᠯ ᠨᠢᠳᠦ ᠬᠠᠯᠲᠤᠷᠢᠮᠠ ᠳᠤᠷᠠᠢᠵᠤ ᠬᠠᠷᠠᠭ᠍ᠳᠠᠬᠤ ᠪᠣᠯᠣᠭ᠍ᠰᠠᠨ ᠪᠠᠢᠨᠠ᠃ ᠬᠤᠢᠬᠠᠶ᠋ᠢᠨ ᠦᠰᠦ ᠪᠣᠰᠭᠠᠮᠠ ᠬᠠᠷᠠᠰᠠᠯᠲᠠᠢ ᠬᠡᠷᠡᠭ ᠤᠴᠢᠷᠤᠳ ᠬᠤᠱᠣᠩ ᠵᠦᠴᠦᠭᠡᠠᠴᠠ ᠬᠤᠱᠣᠩ᠂ ᠡᠮᠭᠡᠨᠢᠯᠲᠦ ᠵᠦᠴᠦᠭᠡᠠᠴᠠ ᠡᠮᠭᠡᠨᠢᠯᠲᠡᠢ ᠢᠯᠡᠷᠡᠵᠡᠢ᠃
4. ᠬᠥᠳᠡᠭᠡᠶ᠋ᠢᠨ ᠠᠮᠢᠳᠤᠷᠠᠯᠤᠨ ᠶᠢᠷᠲᠢᠨᠴᠦ᠍᠃ ᠤᠷᠠᠩᠭᠤᠸᠠᠶ᠋ᠢᠨ 《ᠰᠣᠶᠣᠯ ᠤᠭ᠍ᠰᠠᠭᠠᠲᠠᠨ ᠵᠦᠢᠶ᠋ᠢᠨ ᠪᠠᠷᠢᠮᠲᠠᠲᠤ ᠨᠠᠢᠷᠠᠭᠤᠯᠤᠯ》 ᠨᠢ ᠬᠥᠳᠡᠭᠡ ᠨᠤᠲᠤᠭᠤᠨ ᠠᠮᠢᠵᠢᠷᠠᠯᠤᠨ ᠬᠦᠴᠦᠨ ᠪᠢᠯᠬᠠᠭ᠍ᠰᠠᠨ ᠠᠮᠢᠳᠤᠷᠠᠯᠤᠨ ᠶᠢᠷᠲᠢᠨᠴᠦ᠍ᠶ᠋ᠢᠨ ᠭᠦᠨ ᠨᠠᠷᠢᠨ ᠭᠠᠵᠠᠷ ᠨᠡᠪᠲᠡᠷᠡᠵᠦ᠍᠂ ᠡᠴᠢᠨᠡ ᠳᠠᠯᠳᠠᠯᠠᠭ᠍ᠳᠠᠵᠤ ᠤᠳᠠᠭ᠍ᠰᠠᠨ ᠣᠶᠣᠨ ᠤᠬᠠᠭᠠᠨᠤ ᠶᠢᠷᠲᠢᠨᠴᠦ᠍ᠵᠢᠨᠢ ᠰᠣᠶᠣᠯ ᠬᠥᠮᠥᠨ ᠵᠦᠢᠴᠢᠳᠤᠨ 《ᠭᠦᠨᠵᠡᠭᠡᠢ ᠳᠦᠷᠰᠦᠯᠡᠬᠦ᠌ 》 ᠠᠷᠭᠠᠪᠠᠷ ᠠᠭᠤᠳᠠᠯᠤᠨ ᠨᠡᠭᠡᠭᠡᠵᠡᠢ᠃ ᠪᠦᠰᠡᠭᠦᠢ ᠬᠥᠮᠥᠨᠤ ᠰᠡᠷᠡᠯ ᠮᠡᠳᠡᠷᠡᠮᠵᠢ᠂ ᠡᠬᠡ ᠬᠥᠮᠥᠨᠤ ᠡᠨᠡᠷᠢᠯ ᠬᠠᠢᠷᠠ᠂ ᠵᠣᠬᠢᠶᠠᠯᠴᠢ ᠬᠥᠮᠥᠨᠤ ᠰᠡᠳᠭᠢᠯ ᠤᠬᠠᠭᠠᠪᠠᠷ ᠱᠢᠨᠡ ᠨᠢᠭᠡᠨ ᠶᠢᠷᠲᠢᠨᠴᠦ᠍ᠶ᠋ᠢ ᠨᠡᠭᠡᠭᠡᠨ ᠦᠵᠡᠭᠦᠯᠵᠡᠢ᠃ ᠳᠡᠭᠡᠷᠡ ᠱᠠᠲᠤᠨᠠᠴᠠ ᠢᠷᠡᠭ᠌ᠰᠡᠨ ᠰᠤᠷᠪᠤᠯᠵᠢᠯᠠᠭ᠍ᠴᠢ ᠪᠢᠰᠢ ᠂ ᠡᠷᠬᠡ ᠰᠦᠷᠲᠡᠨ ᠪᠢᠰᠢ᠂ ᠶᠠᠷᠢᠯᠴᠠᠭᠠ ᠥᠭ᠌ᠴᠦ ᠪᠠᠢᠭᠠ ᠨᠠᠰᠤᠲᠠᠨᠤ ᠬᠡᠦᠬᠡᠳᠨᠢ ᠱᠢᠭ᠂ 《ᠬᠥᠳᠥᠰᠥᠨ ᠳᠡᠪᠡᠯᠲᠠᠢ ᠪᠤᠷᠬᠠᠳ》 ᠠ᠋ᠴᠠ ᠰᠤᠷᠤᠯᠴᠠᠵᠤ᠂ ᠠᠮᠢᠳᠤᠷᠠᠯᠤᠨ ᠶᠢᠷᠲᠢᠨᠴᠦ᠍ᠳᠤ ᠠᠭᠤᠰᠤᠨ ᠣᠷᠣᠭᠠᠳ᠂ ᠤᠬᠠᠭᠠᠨᠤ ᠳᠠᠯᠠᠢᠠᠴᠠ ᠰᠤᠪᠤᠳ ᠲᠠᠨᠠ ᠲᠡᠭᠦᠭ᠌ᠰᠡᠨ ᠪᠠᠢᠨᠠ᠃ ᠲᠡᠢᠮᠦ᠍ᠳᠡᠭᠡᠨ ᠠᠷᠠᠳᠤᠨ ᠣᠢ ᠪᠢᠯᠢᠭᠤᠨ ᠲᠣᠮᠣ ᠴᠣᠭ᠍ᠴᠠᠯᠠᠪᠤᠷᠢᠶ᠋ᠢᠨ ᠱᠢᠨᠵᠢᠲᠡᠢ ᠪᠣᠯᠵᠤ ᠴᠢᠳᠠᠪᠠ᠃
ᠭᠤᠷᠪᠠ᠂ ᠪᠢᠱᠢᠯᠭᠠᠯ ᠮᠠᠷᠭᠤᠯᠤᠨ ᠥᠩᠭᠡ ᠠᠶᠠᠰ
ᠪᠣᠷᠣᠭᠠᠨᠤ 《ᠬᠤᠨᠢ ᠪᠠ ᠬᠤᠨᠢᠴᠢᠨ》 ᠭᠡᠬᠦ᠌ ᠨᠠᠢᠷᠠᠭᠤᠯᠤᠯᠨᠢ 2019 ᠣᠨᠳᠤ ᠂ 《ᠠᠯᠲᠠᠨ ᠬᠢᠩᠭᠠᠨ》 ᠬᠤᠨᠳᠠᠭᠠᠲᠤ ᠪᠦᠬᠦ᠌ ᠤᠯᠤᠰᠤᠨ ᠮᠣᠩᠭᠤᠯ ᠨᠠᠢᠷᠠᠭᠤᠯᠤᠯᠤᠨ ᠤᠷᠤᠯᠳᠤᠭᠠᠨᠤ ᠲᠡᠷᠢᠭᠦᠨ ᠪᠠᠢᠷᠢᠨᠳᠤ ᠲᠣᠳᠣᠷᠠᠭ᠍ᠰᠠᠨ ᠪᠠᠢᠨᠠ᠃
ᠤᠤᠯ ᠨᠠᠢᠷᠠᠭᠤᠯᠤᠯᠤᠨ ᠰᠣᠶᠣᠯᠤᠨ ᠤᠬᠠᠮᠰᠠᠷ ᠨᠢ ᠪᠦᠷᠢᠮᠦᠰᠦᠨ ᠪᠢᠱᠢᠯᠭᠠᠯ ᠮᠠᠷᠭᠤᠯᠢᠶᠠᠷ ᠡᠷᠴᠢᠯᠡᠭ᠌ᠳᠡᠭ᠌ᠰᠡᠨ ᠪᠠᠢᠨᠠ᠃ ᠡᠨᠡᠨᠢ ᠮᠣᠩᠭᠤᠯ ᠨᠠᠢᠷᠠᠭᠤᠯᠤᠯᠳᠤ ᠪᠠᠷᠤᠭ ᠪᠠᠢᠵᠤ ᠥᠩᠭᠡᠷᠡᠭᠡ ᠦᠭᠡᠢ ᠵᠦᠢᠯ ᠪᠣᠯᠣᠯᠲᠠᠢ᠃ ᠵᠣᠬᠢᠶᠠᠯᠤᠨ ᠪᠠᠭᠠᠲᠤᠷ 《ᠪᠢ》 ᠲᠠᠰᠤᠷᠠᠯᠲᠠ ᠦᠭᠡᠢ ᠨᠥᠬᠦᠷᠲᠠᠢᠪᠠᠨ ᠶᠠᠷᠢᠯᠴᠠᠬᠤ᠂ ᠥᠪᠡᠷᠤᠨ ᠣᠯᠠᠨ ᠰᠠᠯᠠᠭᠠᠯᠠᠭ᠍ᠰᠠᠨ ᠪᠣᠳᠣᠯᠲᠠᠢᠪᠠᠨ ᠶᠠᠷᠢᠯᠴᠠᠬᠤ᠂ ᠬᠤᠨᠢᠲᠠᠢᠪᠠᠨ ᠶᠠᠷᠢᠯᠴᠠᠬᠤᠪᠠᠷ ᠳᠠᠮᠵᠢᠨ ᠳᠠᠪᠬᠤᠷ ᠬᠦᠭ᠌ᠳᠦ ᠦᠷᠡ ᠨᠥᠯᠥᠭᠡᠨᠳᠤ ᠬᠦᠷᠴᠡᠢ᠃ ᠬᠥᠮᠥᠨᠤ ᠶᠠᠷᠢᠶᠠᠨᠢ ᠴᠦ᠍ ᠭᠡᠰᠡᠨ᠂ ᠬᠤᠨᠢᠨᠤ ᠶᠠᠷᠢᠶᠠᠨᠢ ᠴᠦ᠍ ᠭᠡᠰᠡᠨ᠂ ᠮᠠᠷᠭᠤᠭᠠᠨ ᠮᠡᠳᠭᠡᠭᠡᠨᠤ ᠳᠤᠮᠳᠠ ᠬᠡᠨ ᠨᠢᠭᠡᠨᠤ ᠦᠵᠡᠯ ᠪᠣᠳᠣᠯᠨᠢ ᠢᠯᠠᠵᠤ ᠳᠡᠢᠯᠦᠨ ᠭᠠᠷᠴᠤ᠌ ᠪᠠᠢᠭᠠ ᠦᠭᠡᠢ᠂ ᠬᠠᠷᠢᠨ ᠬᠠᠷᠢᠴᠠᠩᠭᠤᠢ ᠪᠡᠶᠡᠪᠠᠨ ᠳᠠᠭᠠᠭᠠᠬᠤ ᠱᠢᠨᠵᠢᠪᠠᠨ ᠪᠠᠲᠤᠯᠠᠵᠤ ᠴᠢᠳᠠᠭ᠍ᠰᠠᠨᠠᠴᠠ ᠲᠡᠢᠮᠦ᠍ ᠶᠤᠮ ᠃ ᠡᠨᠡ ᠨᠠᠢᠷᠠᠭᠤᠯᠤᠯᠠᠴᠠ ᠪᠢᠳᠠ ᠡᠷᠢᠨ ᠴᠠᠭᠤᠨ ᠬᠤᠪᠢᠰᠤᠯ᠂ ᠬᠥᠮᠥᠨᠤ ᠠᠮᠢᠳᠤᠷᠠᠯᠤᠨ ᠨᠤᠭᠤᠴᠢᠭᠠ᠂ ᠰᠣᠶᠣᠯᠤᠨ ᠤᠯᠠᠮᠵᠢᠯᠠᠯ᠂ ᠥᠨᠥᠳᠥᠷᠤᠨ ᠰᠣᠩᠭᠤᠯᠲᠠ᠂ ᠬᠥᠮᠥᠨᠤ ᠶᠢᠷᠲᠢᠨᠴᠦ᠍ ᠪᠠ ᠠᠮᠢᠲᠠᠨᠤ ᠶᠢᠷᠲᠢᠨᠴᠦ᠍᠂ ᠪᠤᠶᠠᠨ ᠪᠠ ᠨᠢᠭᠦᠯ᠂ ᠳ᠋ᠧᠪᠡᠵᠡᠨ ᠪᠠ ᠲᠠᠮᠤᠤᠨ ᠲᠤᠬᠠᠢ ᠣᠯᠠᠨ ᠵᠦᠢᠯᠢ ᠤᠷᠭᠤᠭᠤᠯᠤᠨ ᠰᠡᠳᠭᠢᠵᠦ᠍ ᠪᠣᠯᠬᠤ ᠶᠤᠮ᠃ ᠡᠢᠮᠦᠷᠬᠦᠦ ᠪᠢᠱᠢᠯᠭᠠᠯ ᠮᠠᠷᠭᠤᠯᠤᠨ ᠥᠩᠭᠡ ᠠᠶᠠᠰᠨᠢ ᠮᠣᠩᠭᠤᠯ ᠨᠠᠢᠷᠠᠭᠤᠯᠤᠯᠤ᠋ᠨ ᠱᠢᠨᠡ ᠬᠠᠨᠳᠤᠯᠭᠠ ᠪᠣᠯᠵᠤ ᠮᠠᠭᠠᠳ ᠦᠭᠡᠢ᠃