6 ᠰᠠᠷᠠᠶ᠋ᠢᠨ 18ᠤ᠋ ᠡᠳᠦᠷ᠂ ᠥᠪᠥᠷ ᠮᠣᠩᠭᠣᠯᠤ᠋ᠨ ᠳᠤᠮᠳᠠᠳᠤᠶ᠋ᠢᠨ ᠦᠨᠳᠦᠰᠦᠲᠡᠨ ᠦ᠌ ᠬᠠᠮᠲᠤᠶ᠋ᠢᠨ ᠴᠣᠭᠴᠠᠶ᠋ᠢᠨ ᠤᠬᠠᠮᠰᠠᠷ ᠢ᠋ ᠪᠠᠲᠤ ᠴᠤᠭᠴᠠᠯᠠᠬᠤ ᠲᠡᠦᠬᠡᠶᠢᠨ ᠲᠤᠷᠠᠰᠬᠠᠯᠲᠤ ᠵᠦᠢᠯᠡᠰ ᠰᠤᠷᠪᠤᠯᠵᠢ ᠪᠢᠴᠢᠭᠤᠨ ᠲᠤᠭᠤᠷᠢᠨ ᠦᠵᠡᠭᠦᠯᠭᠡ︵ᠪᠠᠶᠠᠨᠨᠠᠭᠤᠷ ᠥᠷᠲᠡᠭᠡ︶ᠥᠪᠥᠷ ᠮᠣᠩᠭᠣᠯᠤ᠋ᠨ ᠪᠤᠷᠤᠳᠤᠬᠤᠢᠶ᠋ᠢᠨ ᠰᠣᠶᠣᠯ ᠤ᠋ᠨ ᠮᠦᠽᠧᠢᠶ᠋ᠢᠨ ᠬᠦᠷᠢᠶᠡᠯᠡᠩ ᠳ᠋ᠦ᠍ ᠬᠦᠰᠢᠭᠡ ᠪᠠᠨ ᠰᠡᠬᠦᠪᠡ᠃ ᠦᠵᠡᠭᠦᠯᠭᠡ ᠨᠢ ᠳᠤᠮᠳᠠᠳᠤᠶ᠋ᠢᠨ ᠦᠨᠳᠦᠰᠦᠲᠡᠨ ᠦ᠌ ᠬᠠᠮᠲᠤᠶ᠋ᠢᠨ ᠴᠣᠭᠴᠠᠶ᠋ᠢᠨ ᠤᠬᠠᠮᠰᠠᠷᠤ᠋ᠨ ᠭᠣᠣᠯ ᠰᠢᠵᠢᠮᠢ᠋ ᠪᠠᠲᠤ ᠠᠳᠬᠤᠵᠤ᠂ 100 ᠭᠠᠷᠤᠢ ᠰᠢᠷᠭᠡᠭ（ᠲᠡᠪᠳᠡᠷ） ᠬᠣᠪᠣᠷ ᠨᠠᠨᠳᠢᠨ ᠲᠡᠦᠬᠡᠶ᠋ᠢᠨ ᠳᠤᠷᠠᠰᠬᠠᠯᠲᠤ ᠵᠦᠢᠯᠡᠰ ᠰᠤᠷᠪᠤᠯᠵᠢ ᠪᠢᠴᠢᠭᠢ ᠨᠠᠷᠢᠯᠢᠭ ᠰᠣᠩᠭᠣᠨ ᠳᠡᠯᠭᠡᠨ ᠦᠵᠡᠬᠦᠯᠵᠦ᠂ ᠳᠤᠮᠳᠠᠳᠤᠶ᠋ᠢᠨ ᠦᠨᠳᠦᠰᠦᠲᠡᠨᠦ᠌ ᠣᠯᠠᠨ ᠡᠰᠢᠵᠢᠵᠤ ᠨᠢᠭᠡ ᠴᠤᠭᠴᠠᠵᠢᠭᠰᠠᠨ ᠪᠠᠢᠳᠠᠯ ᠪᠤᠢ ᠪᠤᠯᠤᠭᠰᠠᠨ ᠭᠣᠣᠯᠯᠠᠬᠤ ᠥᠷᠲᠡᠭ ᠢ᠋ ᠪᠤᠳᠠᠳᠤ ᠵᠦᠢᠯᠢᠶᠡᠷ ᠭᠡᠷᠡᠴᠢᠯᠡᠵᠦ᠂ ᠪᠣᠷᠣᠲᠣᠬᠣᠢ ᠣᠷᠣᠨᠤ᠋ ᠦᠨᠳᠦᠰᠦᠲᠡᠨᠨᠤᠭᠦᠳ ᠤᠨ ᠬᠠᠮᠲᠤᠪᠠᠷ ᠠᠮᠢᠳᠤᠷᠠᠵᠤ ᠬᠠᠮᠲᠤᠪᠠᠷ ᠠᠭᠤᠰᠤᠯᠴᠠᠭᠰᠠᠨ᠂ ᠰᠠᠬᠢᠨ ᠪᠠᠷᠠᠯᠠᠵᠤ ᠬᠠᠷᠢᠯᠴᠠᠨ ᠬᠠᠪᠰᠤᠷᠤᠯᠴᠠᠭᠰᠠᠨ ᠲᠡᠦᠬᠡᠶ᠋ᠢᠨ ᠵᠢᠷᠤᠭᠢ᠋ ᠠᠮᠢᠳᠤᠯᠢᠭᠢ᠋ᠶ᠋ᠠᠷ ᠳᠡᠯᠭᠡᠨ ᠦᠵᠡᠭᠦᠯᠪᠡ᠃
ᠦᠵᠡᠭᠦᠯᠭᠡᠶ᠋ᠢᠨ ᠲᠢᠩᠬᠢᠮᠳ᠋ᠦ᠍ ᠬᠦᠷᠬᠦᠳ᠋ᠦ᠍᠂ ᠡᠯᠡ ᠵᠦᠢᠯᠦ᠋ᠨ ᠲᠡᠦᠭᠡ ᠵᠢᠨ ᠳᠤᠷᠠᠰᠬᠠᠯᠳᠤ ᠵᠦᠢᠯᠡᠰ ᠰᠤᠷᠪᠤᠯᠵᠢ ᠪᠢᠴᠢᠭᠢ ᠬᠠᠷᠠᠭᠠ ᠳᠦᠭᠦᠷᠡᠩ ᠲᠡᠯᠭᠡᠵᠦ᠂ ᠪᠠᠶᠠᠨᠨᠠᠭᠤᠷ ᠬᠣᠲᠠᠠ᠋ᠴᠠ ᠢᠯᠡᠷᠡᠭᠦᠯᠦᠭᠰᠡᠨ ᠰᠢᠨᠡ ᠴᠢᠯᠠᠭᠤᠨ ᠵᠡᠪᠰᠡᠭᠦ᠋ᠨ ᠴᠠᠭ ᠦᠶᠡᠶ᠋ᠢᠨ ᠭᠤᠷᠪᠠᠨ ᠬᠥᠯᠲᠦ ᠳᠡᠭᠡᠰᠦᠨ ᠠᠷ ᠪᠦᠬᠦᠢ ᠰᠢᠪᠠᠷ ᠠᠶᠠᠭᠠ᠂ ᠬᠠᠨ ᠤᠯᠤᠰᠤ᠋ᠨ ᠦᠶᠡᠶ᠋ᠢᠨ ᠤᠭᠤᠯᠢ ᠮᠠᠶᠢᠭᠤ᠋ᠨ ᠸᠠᠭᠠᠷ ᠰᠠᠪᠠ ᠵᠡᠷᠭᠡ ᠲᠡᠦᠬᠡᠶ᠋ᠢᠨ ᠳᠤᠷᠠᠰᠬᠠᠯᠲᠤ ᠵᠦᠢᠯᠡᠰ ᠪᠤᠯᠤᠨ︽ᠬᠠᠭᠠᠨᠤ᠋ ᠵᠠᠷᠯᠢᠭᠢ᠋ᠶ᠋ᠠᠷ ᠬᠢᠯᠢ ᠬᠢᠵᠠᠭᠠᠷ ᠣᠷᠣᠨᠳ᠋ᠤ᠌ ᠪᠤᠴᠠᠨ ᠢᠷᠡᠭᠰᠡᠨ ᠨᠢ︾᠂ ᠣᠯᠠᠨ ᠦᠨᠳᠦᠰᠦᠲᠡᠨᠦ᠌ ᠣᠷᠴᠢᠭᠤᠯᠭᠠᠶ᠋ᠢᠨ ᠳᠡᠪᠲᠡᠷ ᠪᠦᠬᠦᠢ︽ᠳᠥᠷᠪᠡᠨ ᠶᠡᠬᠡ ᠨᠡᠷᠡᠲᠦ ᠪᠦᠲᠦᠭᠡᠯ︾᠂ ᠣᠯᠠᠨ ᠬᠡᠯᠡᠨᠦ᠌︽ᠬᠠᠭᠠᠨᠤ᠋ ᠳᠦᠷᠢᠮᠲᠦ ᠣᠷᠴᠢᠭᠤᠯᠭᠠᠶ᠋ᠢᠨ ᠳᠥᠷᠪᠡᠨ ᠨᠣᠮ︾ ᠵᠡᠷᠭᠡ ᠤᠯᠤᠰ ᠪᠠ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ᠋ ᠳᠡᠰᠦ᠋ᠨ ᠬᠣᠪᠣᠷ ᠴᠤᠬᠠᠭ ᠰᠤᠷᠪᠤᠯᠵᠢ ᠪᠢᠴᠢᠭ ᠨᠢ ᠡᠯᠡ ᠦᠨᠳᠦᠰᠦᠲᠡᠨᠦ᠌ ᠣᠶᠤᠨ ᠰᠠᠨᠠᠭᠠᠨᠤ᠋ ᠣᠢᠯᠠᠭᠠᠭᠳᠠᠬᠤᠨ᠂ ᠰᠣᠶᠣᠯᠤ᠋ᠨ ᠤᠯᠠᠮᠵᠢᠯᠠᠯ ᠬᠢᠭᠡᠳ ᠠᠮᠢᠳᠤᠷᠠᠯᠤ᠋ᠨ ᠦᠢᠯᠡᠳᠦᠯᠭᠡ ᠳᠤᠮᠳᠠᠬᠢ ᠭᠦᠨ ᠠᠭᠤᠰᠤᠯᠴᠠᠯ ᠢ᠋ ᠢᠯᠡᠷᠡᠭᠦᠯᠦᠭᠰᠡᠨ ᠪᠠᠢᠨᠠ᠃
《ᠡᠨᠡ ᠤᠳᠠᠭᠠᠨᠤ᠋ ᠲᠣᠭᠣᠷᠢᠨ ᠦᠵᠡᠭᠦᠯᠭᠡ ᠨᠢ ᠨᠠᠳᠠᠳᠤ ᠭᠦᠨ ᠰᠠᠭᠤᠭᠳᠠᠯ ᠥᠭᠴᠡᠢ᠂ ᠡᠳᠡᠭᠡᠷ ᠲᠡᠦᠬᠡᠶ᠋ᠢᠨ ᠳᠤᠷᠠᠰᠬᠠᠯᠲᠤ ᠵᠦᠢᠯᠡᠰ ᠰᠤᠷᠪᠤᠯᠵᠢ ᠪᠢᠴᠢᠭ ᠨᠢ ᠡᠯᠡ ᠦᠨᠳᠦᠰᠦᠲᠡᠨᠦ᠌ ᠶᠠᠪᠤᠯᠴᠠᠭᠠ᠂ ᠰᠣᠯᠢᠯᠴᠠᠭᠠ᠂ ᠠᠭᠤᠰᠤᠯᠴᠠᠯᠤ᠋ᠨ ᠳᠤᠷᠠᠳᠬᠠᠯ ᠠᠭᠤᠯᠤᠭᠳᠠᠵᠤ᠂ ᠪᠢᠳᠡᠨᠳ᠋ᠦ᠍ ᠳᠤᠮᠳᠠᠳᠤᠶ᠋ᠢᠨ ᠦᠨᠳᠦᠰᠦᠲᠡᠨᠦ᠌ ᠬᠠᠮᠲᠤᠶ᠋ᠢᠨ ᠴᠣᠭᠴᠠᠶ᠋ᠢᠨ ᠤᠬᠠᠮᠰᠠᠷᠤ᠋ᠨ ᠠᠭᠤᠯᠬᠤᠨᠢ᠋ ᠨᠡᠩ ᠰᠢᠭᠤᠳ ᠲᠠᠨᠢᠭᠤᠯᠤᠭᠰᠠᠨ ᠪᠠᠢᠨᠠ᠃ ᠪᠢ ᠡᠳᠡᠭᠡᠷ ᠬᠣᠪᠣᠷ ᠨᠠᠨᠳᠢᠨ ᠲᠡᠦᠬᠡᠶ᠋ᠢᠨ ᠳᠤᠷᠠᠰᠬᠠᠯᠲᠤ ᠵᠦᠢᠯᠡᠰᠢ᠋ ᠰᠤᠨᠢᠷᠬᠠᠭᠰᠨᠨᠳ᠋ᠠᠭᠠᠨ ᠮᠠᠰᠢ ᠤᠮᠤᠭᠰᠢᠨ ᠪᠠᠶᠠᠷᠯᠠᠵᠤ ᠪᠠᠢᠨᠠ》 ᠭᠡᠮᠡᠨ ᠯᠢᠨᠾᠧ ᠲᠣᠭᠣᠷᠢᠭᠤ᠋ᠨ ᠬᠣᠲᠠᠶ᠋ᠢᠨ ᠠᠷᠠᠳ ᠳᠦ ᠴᠦᠨ ᠮᠧᠢ ᠬᠡᠯᠡᠨᠡ᠃
ᠦᠵᠡᠭᠦᠯᠭᠡᠳ᠋ᠦ᠍ ᠪᠠᠶᠠᠨᠨᠠᠭᠤᠷ ᠬᠣᠲᠠᠶ᠋ᠢᠨ ᠦᠨᠳᠦᠰᠦᠲᠡᠨᠦ᠌ ᠪᠦᠯᠬᠦᠮᠳᠡᠯ ᠲᠠᠪᠰᠢᠯᠲᠠᠶ᠋ᠢ ᠴᠣᠭᠴᠠᠯᠠᠨ ᠪᠠᠢᠭᠤᠯᠵᠤ ᠦᠨᠳᠦᠰᠦᠲᠡᠨ ᠨᠤᠭᠦᠳᠤᠨ ᠬᠠᠮᠲᠤᠶ᠋ᠢᠨ ᠬᠥᠭᠵᠢᠯᠲᠡᠶ᠋ᠢ ᠠᠬᠢᠭᠤᠯᠤᠭᠰᠠᠨ ᠡᠯᠪᠡᠭ ᠪᠠᠶᠠᠯᠢᠭ ᠦᠷᠡ ᠪᠦᠲᠦᠭᠡᠯᠢ᠋ ᠪᠥᠬᠥ ᠲᠠᠯᠠᠪᠠᠷ ᠳᠡᠯᠭᠡᠨ ᠦᠵᠡᠭᠦᠯᠵᠦ᠂ ᠪᠥᠬᠥ ᠬᠣᠲᠠᠶ᠋ᠢᠨ ᠦᠨᠳᠦᠰᠦᠲᠡᠨ ᠨᠤᠬᠦᠳᠤᠨ ᠣᠯᠠᠨ ᠲᠦᠮᠡᠨ ᠭᠠᠷ ᠭᠠᠷᠢ᠋ᠶ᠋ᠠᠨ ᠬᠣᠯᠪᠣᠨ᠂ ᠨᠢᠭᠡ ᠰᠡᠳᠬᠢᠯ ᠨᠢᠭᠡ ᠵᠣᠷᠢᠭᠢ᠋ᠶ᠋ᠠᠷ ᠡᠷᠡᠯᠬᠡᠭᠯᠡᠨ ᠤᠷᠤᠭᠰᠢᠯᠠᠵᠤ᠂ ᠭᠡᠷ ᠣᠷᠣᠨᠢ᠋ᠶ᠋ᠠᠨ ᠬᠠᠮᠲᠤᠪᠠᠷ ᠪᠦᠲᠦᠭᠡᠨ ᠪᠠᠢᠭᠤᠯᠵᠤ ᠪᠠᠢᠭᠠ ᠰᠠᠢᠨ ᠰᠠᠢᠬᠠᠨ ᠣᠶᠤᠨ ᠰᠠᠨᠠᠭᠠᠨᠤ᠋ ᠳᠦᠷᠰᠦ ᠪᠠᠢᠳᠠᠯᠢ᠋ ᠢᠯᠡᠷᠡᠭᠦᠯᠵᠠᠢ᠃
ᠲᠤᠰ ᠤᠳᠠᠭᠠᠨᠤ᠋ ᠦᠵᠡᠭᠦᠯᠭᠡᠳ᠋ᠦ᠍︽ᠦᠵᠡᠭᠦᠯᠭᠡ + N︾ᠬᠡᠪ ᠵᠠᠭᠪᠤᠷᠢ᠋ ᠰᠢᠨᠡᠪᠡᠷ ᠡᠭᠦᠳᠴᠦ᠂ ᠢᠵᠢᠯᠢ ᠲᠥᠪᠲᠦ ᠲᠣᠭᠣᠷᠢᠭᠤ᠋ᠨ ᠡᠭᠦᠳᠦᠨ ᠪᠦᠲᠦᠭᠡᠯᠲᠡᠶ᠋ᠢᠨ ᠲᠠᠯᠠᠪᠠᠷ ᠵᠢᠷᠤᠵᠤ ᠡᠷᠢᠶᠡᠴᠢᠬᠦ ᠬᠠᠨᠠ᠂ ᠲᠡᠦᠬᠡᠨ ᠬᠥᠮᠦᠨᠢ ᠲᠠᠭᠤᠷᠢᠶᠠᠭᠰᠠᠨ ᠦᠨᠡᠨ ᠬᠥᠮᠦᠨᠤ NPC᠂ ᠳᠤᠮᠳᠠᠳᠤᠶ᠋ᠢᠨ ᠰᠣᠩᠭᠣᠳᠠᠭ ᠪᠢᠴᠢᠭᠢ ᠰᠡᠳᠬᠢᠯᠢ᠋ᠶ᠋ᠡᠨ ᠲᠥᠪᠯᠡᠷᠡᠭᠦᠯᠦᠨ ᠬᠠᠭᠤᠯᠤᠨ ᠪᠢᠴᠢᠬᠦ᠂ ᠡᠷᠲᠡᠨᠦ᠌ ᠨᠣᠮᠢ᠋ ᠵᠠᠰᠠᠨ ᠰᠡᠷᠭᠦᠭᠡᠬᠦᠵᠢ ᠪᠡᠶᠡᠴᠢᠯᠡᠨ ᠣᠢᠯᠠᠭᠠᠬᠤ ᠲᠣᠭᠣᠷᠢᠭ᠂ ᠦᠨᠳᠦᠰᠦᠲᠡᠨᠦ᠌ ᠲᠥᠷᠥᠶ᠋ᠢᠨ ᠪᠣᠳᠣᠯᠭᠠᠶ᠋ᠢᠨ ᠮᠡᠳᠡᠯᠭᠡᠶ᠋ᠢᠨ ᠲᠠᠢᠯᠤᠮᠵᠢ ᠬᠢᠬᠦ᠂ ᠬᠤᠭᠤᠴᠠᠭᠠ ᠪᠦᠷᠢᠶ᠋ᠢᠨ ᠲᠣᠭᠣᠷᠢᠨ ᠦᠵᠡᠭᠦᠯᠭᠡᠶ᠋ᠢᠨ ᠲᠣᠭᠠᠴᠢᠯᠠᠭᠰᠠᠨ ᠦᠷᠡ ᠪᠦᠲᠦᠭᠡᠯᠦ᠋ᠨ ᠦᠵᠡᠭᠦᠯᠭᠡ ᠵᠡᠷᠭᠡ ᠣᠯᠠᠨ ᠡᠰᠢᠴᠢᠯᠡᠭᠰᠡᠨ ᠬᠠᠷᠢᠯᠴᠠᠨ ᠬᠥᠳᠡᠯᠦᠯᠴᠡᠬᠦ ᠬᠡᠰᠡᠭ ᠲᠣᠬᠢᠷᠠᠭᠤᠯᠵᠠᠢ᠃ 《ᠲᠣᠭᠲᠠᠩᠭᠤᠢ ᠳᠡᠯᠭᠡᠨ ᠦᠵᠡᠭᠦᠯᠭᠡ + ᠬᠥᠳᠡᠯᠦᠩᠭᠦᠢ ᠪᠡᠶᠡᠴᠢᠯᠡᠨ ᠤᠢᠯᠠᠭᠠᠯᠲᠠ》ᠶ᠋ᠢᠨ ᠲᠦᠷᠦᠯ ᠬᠤᠪᠢᠶᠠᠭᠰᠨᠨ ᠪᠡᠶᠡᠴᠢᠯᠡᠯᠲᠡᠶ᠋ᠢᠨ ᠲᠣᠭᠲᠠᠯᠴᠠᠭᠠᠪᠡᠷ ᠲᠠᠮᠵᠢᠭᠤᠯᠤᠨ᠂ ᠲᠡᠦᠬᠡᠶ᠋ᠢᠨ ᠳᠤᠷᠠᠰᠬᠠᠯᠲᠤ ᠵᠦᠢᠯᠡᠰ ᠰᠤᠷᠪᠤᠯᠵᠢ ᠪᠢᠴᠢᠭᠢ᠋ ᠦᠨᠡᠨᠬᠦ《ᠠᠮᠢᠯᠠᠭᠤᠯᠵᠤ》᠂ ᠳᠤᠮᠳᠠᠳᠤᠶ᠋ᠢᠨ ᠦᠨᠳᠦᠰᠦᠲᠡᠨᠦ᠌ ᠬᠠᠮᠲᠤᠶ᠋ᠢᠨ ᠴᠣᠭᠴᠠᠶ᠋ᠢᠨ ᠤᠬᠠᠮᠰᠠᠷᠢ᠋ ᠦᠵᠡᠭᠳᠡᠬᠦᠢᠴᠡ᠂ ᠮᠡᠳᠡᠷᠡᠭᠳᠡᠬᠦᠢᠴᠡ᠂ ᠣᠷᠣᠯᠴᠠᠵᠤ ᠪᠣᠯᠬᠤᠢᠴᠠ ᠰᠣᠶᠣᠯᠤ᠋ᠨ ᠮᠡᠳᠡᠷᠡᠮᠵᠢᠲᠡᠢ ᠢᠯᠡᠳᠭᠡᠵᠠᠢ᠃ ᠦᠵᠡᠭᠦᠯᠭᠡᠨᠢ 10 ᠰᠠᠷᠠ ᠪᠣᠯᠲᠠᠯᠠ ᠦᠷᠭᠦᠯᠵᠢᠯᠠᠵᠦ᠂ ᠤᠯᠠᠨ ᠨᠡᠢᠲᠡᠳ᠋ᠦ᠍ ᠰᠦᠢᠳᠬᠡᠯ ᠬᠤᠷᠢᠶᠠᠬᠤ ᠦᠭᠡᠢᠪᠡᠷ ᠲᠡᠯᠭᠡᠨ ᠦᠵᠡᠬᠦᠯᠤᠨᠠ᠃