2 ᠰᠠᠷᠠᠶ᠋ᠢᠨ 21 ᠤ᠋ ᠡᠳᠦᠷ᠂ ᠰᠤᠷᠪᠤᠯᠵᠢᠯᠠᠭ᠍ᠴᠢ ᠥᠪᠥᠷ ᠮᠣᠩᠭᠣᠯᠤᠨ ᠺᠢᠨᠣ᠋ᠶ᠋ᠢᠨ ᠪᠦᠯᠦᠭ᠌ᠯᠡᠯᠡᠴᠡ ᠣᠢᠯᠠᠭᠠᠭ᠍ᠰᠠᠨᠢᠶᠠᠷ᠂ ᠱᠢᠯᠢᠶ᠋ᠢᠨ ᠭᠣᠣᠯ ᠠᠢᠮᠠᠭᠤᠨ ᠨᠠᠮᠤᠨ ᠬᠣᠷᠢᠶᠠ ᠵᠢᠨ ᠤᠬᠠᠭᠤᠯᠬᠤ ᠬᠡᠯᠲᠡᠰ ᠪᠣᠯᠤᠨ ᠥᠪᠥᠷ ᠮᠣᠩᠭᠣᠯᠤᠨ ᠺᠢᠨᠣ᠋ᠶ᠋ᠢᠨ ᠪᠦᠯᠦᠭ᠌ᠯᠡᠯᠦᠨ ᠬᠠᠮᠲᠤᠷᠠᠨ ᠦᠢᠯᠡᠳᠦᠭ᠌ᠰᠡᠨ《ᠮᠣᠩᠭᠣᠯ ᠮᠣᠷᠢ》 ᠭᠡᠬᠦ᠌ ᠪᠠᠷᠢᠮᠲᠠᠲᠤ ᠹᠢᠯᠢᠮ ᠢ᠋ ᠴᠠᠭᠠᠨ ᠰᠠᠷᠠᠶ᠋ᠢᠨ ᠱᠢᠨᠡᠶ᠋ᠢᠨ ᠬᠣᠶᠠᠷ ᠡᠴᠡ ᠱᠢᠨᠡᠶ᠋ᠢᠨ ᠲᠤᠯᠤᠭᠠᠨ ᠪᠣᠯᠲᠠᠯᠠ ᠲᠥᠪ ᠤ᠋ᠨ ᠲᠧᠯᠸᠢᠰ ᠬᠤᠷᠢᠶᠠ ᠵᠢᠨ ᠪᠠᠷᠢᠮᠳᠠᠳᠤ ᠹᠢᠯᠢᠮ ᠤ᠋ᠨ ᠰᠤᠪᠠᠭᠲᠤ ᠠᠩᠬᠠ ᠨᠡᠪᠲᠡᠷᠡᠭᠦᠯᠪᠡ᠃ ᠬᠣᠶᠠᠷ ᠵᠢᠯ ᠤ᠋ᠨ ᠴᠠᠭ ᠢ᠋ ᠬᠡᠷᠡᠭᠰᠡᠨ ᠨᠠᠷᠢᠨ ᠨᠢᠮᠪᠠᠢ ᠦᠢᠯᠡᠳᠦᠭᠰᠡᠨ ᠲᠤᠰ ᠪᠦᠲᠦᠭᠡᠯ ᠨᠢ ᠲᠠᠯᠠ ᠨᠤᠲᠤᠭᠤᠨ ᠮᠤᠯᠤᠷ ᠡᠷᠳᠡᠨᠢ ᠪᠤᠯᠬᠤ ᠮᠤᠷᠢᠪᠠᠷ ᠠᠴᠢᠶᠠᠯᠠᠪᠤᠷᠢ ᠪᠣᠯᠭᠠᠵᠤ᠂ ᠳᠦᠷᠰᠦ ᠱᠢᠩᠭᠡᠭᠡᠯᠲᠡᠪᠡᠷ ᠤᠶᠤᠨ ᠰᠠᠨᠠᠭᠠᠨᠤ ᠠᠭᠤᠯᠤᠭ᠍ᠳᠠᠬᠤᠨᠢ ᠲᠠᠢᠯᠪᠤᠷᠢᠯᠠᠵᠤ᠂ ᠮᠣᠩᠭᠣᠯ ᠮᠤᠷᠢᠨᠤ ᠵᠣᠷᠢᠭ ᠰᠠᠨᠠᠭᠠᠶ᠋ᠢ ᠲᠦᠮᠡᠨ ᠤᠯᠠᠨᠳᠦ ᠮᠡᠳᠡᠷᠡᠬᠦᠯᠪᠡ᠃
ᠲᠤᠰ ᠪᠠᠷᠢᠮᠲᠠᠲᠤ ᠹᠢᠯᠢᠮ ᠨᠢ ᠬᠥᠮᠦᠨ ᠬᠢᠭᠡᠳ ᠮᠣᠩᠭᠣᠯ ᠮᠤᠷᠢᠨᠤ ᠬᠠᠷᠢᠯᠴᠠᠨ ᠲᠦᠱᠢᠯᠴᠡᠨ ᠤᠷᠤᠰᠢᠬᠤ ᠪᠡᠷ ᠰᠢᠵᠢᠮ ᠪᠣᠯᠭᠠᠵᠤ᠂ ᠵᠢᠷᠭᠤᠭᠠᠨ ᠪᠦᠯᠦᠭᠬᠤᠪᠢᠶᠠᠵᠤ ᠬᠥᠮᠦᠨ ᠪᠠ ᠮᠣᠷᠢᠨ ᠤ᠋ ᠬᠠᠮᠲᠤ ᠪᠡᠷ ᠤᠷᠤᠰᠢᠵᠤ ᠠᠮᠢᠳᠤᠷᠠᠬᠤ ᠠᠮᠢ ᠨᠠᠰᠤᠨᠤ ᠬᠠᠭᠤᠳᠠᠰᠤᠶ᠋ᠢ ᠳᠡᠯᠭᠡᠨ ᠦᠵᠡᠭᠦᠯᠪᠡ᠃ ᠦᠢᠯᠡᠳᠬᠦ ᠳᠤᠭᠤᠢᠯᠠᠩ ᠤ᠋ᠨ ᠬᠢᠨ ᠤᠯᠠᠭᠠᠶ᠂ ᠱᠢᠯᠢᠶ᠋ᠢᠨ ᠭᠤᠤᠯ ᠵᠡᠷᠭᠡ ᠲᠠᠯᠠ ᠨᠤᠲᠤᠭᠤᠨ ᠬᠦᠨᠳᠦ ᠭᠦᠨᠵᠡᠭᠡᠢᠷᠡᠵᠦ᠍᠂ ᠰᠠᠯᠬᠢ ᠱᠢᠭᠤᠷᠭᠠᠨᠢ ᠰᠥᠷᠥᠨ ᠦᠨᠡᠨ ᠪᠣᠳᠠᠲᠠᠶ ᠦᠵᠡᠭᠳᠡᠯ ᠢ᠋ ᠰᠢᠩᠬᠡᠬᠡᠨ ᠲᠡᠮᠳᠡᠭᠯᠡᠪᠡ᠃ ᠮᠣᠷᠢᠨ ᠨᠢᠷᠤᠭᠤᠨ ᠳᠡᠭᠡᠷᠡᠬᠢ ᠴᠠᠭ᠍ᠳᠠᠭᠠᠶ᠋ᠢᠨ ᠠᠩᠭᠢ ᠵᠢᠨ ᠬᠢᠨ ᠤ᠋ ᠲᠡᠭᠡᠴᠡ ᠳᠣᠷᠣᠭ᠍ᠰᠢ 30 °C ᠤ᠋ᠨ ᠬᠦᠢᠳᠡᠨ ᠰᠠᠯᠬᠢᠨᠳᠤ ᠬᠢᠯᠢ ᠬᠢᠵᠠᠭᠠᠷᠢ ᠰᠠᠬᠢᠨ ᠬᠠᠮᠠᠭᠠᠯᠠᠵᠤ ᠪᠠᠢᠬᠤ ᠦᠨᠡᠨᠴᠢ ᠱᠢᠳᠤᠷᠭᠤ ᠵᠢ ᠲᠡᠮᠳᠡᠭᠯᠡᠭᠰᠡᠨ ᠡᠴᠡ ᠠᠪᠤᠭᠠᠳ ᠬᠡᠤᠬᠡᠳ ᠬᠢᠭᠡᠳ ᠮᠣᠷᠢᠨ ᠤ᠋ ᠳᠠᠰᠤᠯᠴᠠᠯᠤᠨ ᠦᠯᠢᠬᠡᠷᠢ ᠬᠦᠦᠷᠨᠢᠭᠰᠡᠨ ᠬᠦᠷᠳᠡᠯᠠ； ᠮᠤᠷᠢᠨ ᠤ᠋ ᠡᠮᠴᠢ ᠦᠨᠡ ᠲᠥᠯᠥᠪᠦᠷᠢ ᠥᠬᠡᠶ ᠪᠡᠷ ᠮᠤᠷᠢ ᠡᠮᠨᠡᠵᠤ ᠶᠠᠪᠤᠬᠰᠨᠨ ᠦᠢᠯᠡ ᠠᠵᠢᠯᠯᠠᠭᠠ ᠡᠴᠡ ᠠᠪᠤᠭᠠᠳ ᠡᠮᠨᠢᠭ ᠰᠤᠷᠭᠠᠭ᠍ᠴᠢᠶ᠋ᠢᠨ ᠤᠶᠤᠨ ᠤᠬᠠᠭᠠᠨ ᠬᠦᠷᠲᠡᠯᠡ； ᠡᠮᠡᠭ᠌ᠲᠡᠢ ᠤᠨᠤᠭᠠᠴᠢᠶ᠋ᠢᠨ ᠬᠠᠷᠪᠤᠵᠤ ᠨᠠᠮᠨᠠᠬᠤ ᠵᠢ ᠰᠤᠷᠤᠬᠰᠠᠨ ᠬᠠᠲᠠᠭᠤ ᠪᠠᠷᠢᠮᠲᠠᠯᠠᠯ ᠡᠴᠡ ᠠᠪᠤᠭᠠᠳ 20 ᠵᠢᠯ ᠠᠳᠤᠭᠤᠨ ᠰᠣᠶᠣᠯᠢ ᠤᠯᠠᠮᠵᠢᠯᠠᠨ ᠵᠠᠯᠭᠠᠮᠵᠢᠯᠠᠭᠰᠠᠨ ᠠᠬᠠᠮᠠᠳ ᠳᠠᠰᠭᠠᠯᠵᠢᠭᠤᠯᠤᠭ᠍ᠴᠢᠶ᠋ᠢᠨ ᠪᠠᠷᠢᠮᠲᠠᠯᠠᠯ ᠬᠦᠷᠲᠡᠯᠡ ᠁ ᠠᠯᠢ ᠤᠯᠠᠨ ᠬᠠᠯᠠᠭᠤᠨ ᠳᠤᠯᠠᠭᠠᠨ᠂ ᠠᠮᠢᠳᠤᠯᠢᠭ ᠰᠠᠢᠬᠠᠨ ᠦᠯᠢᠭᠡᠷ ᠤ᠋ᠳ ᠨᠢ ᠬᠥᠮᠦᠨ ᠪᠠ ᠮᠣᠷᠢᠶ᠋ᠢᠨ ᠲᠦᠰᠢᠯᠴᠡᠨ ᠤᠷᠤᠰᠢᠬᠤ ᠪᠠᠢᠳᠠᠯ ᠢ᠋ ᠦᠵᠡᠭᠦᠯᠵᠤ᠂ ᠨᠢᠳᠦᠨ ᠳ᠋ᠤ ᠦᠵᠡᠭᠳᠡᠵᠤ ᠭᠠᠷ ᠲᠤ᠌ ᠪᠠᠷᠢᠬᠳᠠᠬᠤ ᠠᠬᠤᠢ ᠠᠮᠢᠳᠦᠷᠠᠯᠢᠶᠡᠷ ᠮᠣᠩᠭᠣᠯ ᠮᠤᠷᠢᠨᠤ ᠵᠣᠷᠢᠭ ᠰᠠᠨᠠᠭᠠᠶ᠋ᠢ ᠲᠠᠢᠯᠪᠤᠷᠢᠯᠡᠪᠠ᠃
ᠣᠢᠯᠠᠭᠠᠭ᠍ᠰᠠᠨᠢᠶᠠᠷ᠂ ᠲᠣᠰ ᠹᠢᠯᠢᠮᠨᠢ ᠮᠣᠩᠭᠣᠯ ᠮᠣᠷᠢᠨᠤ ᠬᠦᠶ᠋ᠲᠡᠨᠳᠦ ᠲᠡᠰᠪᠦᠷᠢᠲᠡᠶ᠂ ᠦᠯᠦᠰᠭᠦᠯᠡᠩ ᠳ᠋ᠤ ᠲᠡᠰᠪᠦᠷᠢᠲᠡᠶ ᠠᠮᠢᠳᠤ ᠪᠣᠳᠠᠰᠤᠨ ᠣᠨᠴᠠᠯᠢᠭᠢ ᠢᠯᠡᠷᠡᠭᠦᠯᠦᠭ᠌ᠰᠡᠨᠢᠶᠡᠷ ᠪᠠᠷᠠᠬᠤ ᠥᠬᠡᠶ᠂ ᠨᠠᠩ ᠴᠤ᠌ ᠲᠡᠭᠦᠨᠦ ᠵᠤᠷᠢᠭ ᠰᠠᠨᠠᠭᠠᠨᠤ ᠣᠲᠣ ᠦᠶᠡ ᠳ᠋ᠡᠬᠢ ᠤᠯᠠᠮᠵᠢᠯᠠᠯᠳᠤ ᠠᠩᠬᠠᠷᠤᠯᠢᠶᠠᠨ ᠲᠥᠪᠯᠡᠷᠡᠭᠦᠯᠵᠡᠶ᠄ ᠡᠮᠨᠢᠭ ᠰᠤᠷᠭᠠᠬᠤ ᠤᠯᠠᠮᠵᠢᠯᠠᠯᠲᠤ ᠠᠷᠭᠠ ᠵᠢ ᠪᠠᠢᠭᠠᠯᠢᠯᠢᠭ ᠠᠷᠭᠠ ᠳᠠᠢᠰᠢ ᠬᠤᠪᠢᠷᠠᠭᠤᠯᠤᠭᠰᠠᠨ᠂ ᠮᠣᠩᠭᠣᠯ ᠮᠣᠷᠢᠶ᠋ᠢ ᠬᠣᠲᠠᠳᠤ ᠣᠷᠣᠭᠤᠯᠵᠤ ᠬᠡᠦᠬᠡᠳᠦᠨ ᠵᠢᠭᠠᠨ ᠰᠤᠷᠭᠠᠯᠲᠠᠳᠤ ᠬᠡᠷᠡᠭ᠌ᠯᠡᠬᠦ᠌ ᠮᠣᠷᠢ ᠪᠤᠯᠭᠠᠭᠰᠠᠨ᠂ ᠠᠳᠤᠭᠤᠨ ᠰᠣᠶᠣᠯ ᠬᠢᠭᠡᠳ ᠤᠷᠤᠯᠳᠤᠭᠠᠨ ᠢ᠋ ᠠᠭᠤᠰᠤᠯᠴᠠᠭᠤᠯᠤᠭᠰᠠᠨ ᠵᠡᠷᠭᠡᠨᠢ ᠮᠣᠩᠭᠣᠯ ᠮᠣᠷᠢᠨᠤ ᠵᠣᠷᠢᠭ ᠰᠠᠨᠠᠭᠠᠶ᠋ᠢ ᠴᠠᠭ ᠦᠶᠡᠲᠡᠶ ᠵᠡᠷᠭᠡᠪᠡᠷ ᠤᠷᠤᠭ᠍ᠰᠢᠯᠠᠭᠤᠯᠵᠤ᠂ ᠱᠢᠨᠡ ᠴᠠᠭ ᠦᠶᠡᠳᠦ ᠱᠢᠨᠡ ᠠᠮᠢᠵᠢᠷᠠᠯᠤᠨ ᠬᠦᠴᠦᠨᠲᠡᠶ ᠪᠣᠯᠭᠠᠵᠠᠶ᠃
ᠡᠨᠡ ᠬᠦ᠌ ᠰᠣᠳᠣᠨ ᠪᠦᠲᠦᠭᠡᠯᠨᠢ ᠥᠪᠥᠷ ᠮᠣᠩᠭᠣᠯᠤᠨ ᠰᠣᠶᠣᠯᠢ ᠭᠦᠨ ᠠᠭᠤᠳᠠᠯᠵᠤ᠂ ᠮᠣᠷᠢᠪᠠᠷ ᠬᠥᠮᠦᠨᠢ ᠵᠦᠢᠷᠯᠡᠵᠦ᠍᠂ ᠬᠠᠢᠷᠠ ᠰᠡᠳᠭᠢᠯᠭᠡᠪᠡᠷ ᠬᠥᠮᠦᠨᠢ ᠳᠣᠭ᠍ᠳᠣᠯᠤᠭᠤᠯᠵᠤ᠂ ᠦᠵᠡᠭ᠌ᠴᠢᠳᠲᠦ ᠳᠦᠷᠰᠦ ᠰᠢᠩᠭᠡᠭᠡᠯᠳᠡ ᠪᠡᠷ ᠲᠠᠯᠠ ᠨᠤᠲᠤᠭᠤᠨ ᠪᠠᠲᠤ ᠰᠠᠬᠢᠯᠲᠠᠶ᠋ᠢ ᠣᠢᠯᠠᠭᠠᠭᠤᠯᠵᠤ᠂ ᠦᠨᠳᠦᠰᠦᠲᠡᠨᠦ ᠬᠠᠳᠠᠨ ᠵᠣᠷᠢᠭᠢ ᠮᠡᠳᠡᠷᠡᠭᠦᠯᠵᠦ᠍᠂ ᠱᠢᠨᠡ ᠴᠠᠭ ᠦᠶᠡᠶ᠋ᠢᠨ ᠤᠳᠭᠠ ᠤᠷᠠᠯᠢᠭᠤᠨ ᠵᠣᠬᠢᠶᠠᠨ ᠪᠦᠲᠦᠭᠡᠯᠭᠡᠳᠦ ᠦᠵᠡᠰᠭᠦᠯᠡᠩᠲᠦ ᠰᠠᠢᠬᠠᠨ ᠥᠪᠥᠷ ᠮᠣᠩᠭᠣᠯᠤᠨ ᠥᠩᠭᠡ ᠪᠤᠳᠤᠭᠢ ᠨᠡᠮᠡᠷᠢᠯᠡᠭ᠌ᠰᠡᠨ ᠪᠠᠢᠨᠠ᠃