ᠲᠠᠯᠠ ᠨᠤᠲᠤᠭᠵᠢᠡᠷ ᠵᠢᠭᠤᠯᠴᠢᠯᠠᠨ ᠰᠡᠯᠡᠭᠦᠴᠡᠵᠦ᠂ ᠲᠡᠯᠭᠡᠷ ᠨᠠᠭᠠᠳᠤᠮ ᠰᠤᠨᠢᠷᠬᠠᠨᠠ᠃ 8 ᠰᠠᠷᠠᠶ᠋ᠢᠨ 8 ᠤ᠋ ᠡᠳᠦᠷ᠂ ᠥᠪᠥᠷ ᠮᠣᠩᠭᠣᠯᠤᠨ ᠲᠠᠯᠠ ᠨᠤᠲᠤᠭᠤᠨ ᠵᠤᠭᠠ ᠰᠡᠯᠡᠭᠦᠴᠡᠯᠤᠨ ᠪᠡᠶᠡᠶ᠋ᠢᠨ ᠲᠠᠮᠢᠷᠤᠨ ᠴᠤᠬᠯᠠᠭᠠᠨ·2025 ᠬᠢᠩᠭᠠᠨ ᠠᠢᠮᠠᠭᠤᠨ ᠨᠠᠭᠠᠳᠤᠮ ᠬᠣᠷᠴᠢᠨ ᠪᠠᠷᠠᠭᠤᠨ ᠭᠠᠷᠤᠨ ᠡᠮᠦᠨᠡᠲᠦ ᠬᠣᠱᠢᠭᠤᠨᠤ ᠤᠯᠠᠭᠠᠨᠮᠣᠳᠣ ᠰᠤᠮᠤᠶ᠋ᠢᠨ ᠤᠯᠠᠮᠵᠢᠯᠠᠯᠲᠤ ᠪᠡᠶᠡᠶ᠋ᠢᠨ ᠲᠠᠮᠢᠷᠤᠨ ᠶᠡᠷᠦᠩᠬᠡᠢᠯᠡᠭ᠌ᠰᠡᠨ ᠪᠣᠯᠪᠠᠰᠤᠷᠠᠯᠤᠨ ᠰᠠᠭᠤᠷᠢᠨ ᠳ᠋ᠦ ᠡᠬᠢᠯᠡᠵᠦ᠂ ᠳᠤᠮᠳᠠᠳᠤ ᠭᠠᠳᠠᠭᠠᠳᠤᠶ᠋ᠢᠨ 10 ᠲᠦᠮᠡ ᠭᠠᠷᠤᠢ ᠵᠢᠭᠤᠯᠴᠢᠯᠠᠬᠰᠠᠳ ᠲᠠᠯᠠ ᠨᠤᠲᠤᠭᠲᠤ ᠪᠤᠯᠵᠤᠪᠠ᠃
ᠡᠬᠢᠯᠡᠯᠲᠡᠶ᠋ᠢᠨ ᠶᠣᠰᠣᠯᠠᠯ ᠲᠥᠪ ᠶᠡᠬᠡᠮᠰᠦᠭ ᠡᠮᠬᠢ ᠵᠢᠷᠤᠮᠲᠠᠶ ᠶᠠᠪᠤᠭ᠍ᠳᠠᠵᠤ᠂ ᠤᠷᠠᠨ ᠰᠠᠢᠬᠠᠨᠤ ᠲᠣᠭ᠍ᠯᠠᠯᠲᠠ ᠨᠢ ᠦᠨᠳᠦᠰᠦᠲᠡᠨᠦ ᠣᠨᠴᠠᠯᠢᠭ ᠪᠣᠯᠤᠨ ᠴᠠᠭ ᠦᠶᠡᠶ᠋ᠢᠨ ᠤᠨᠴᠠᠯᠢᠭᠢ ᠠᠭᠤᠰᠤᠯᠴᠠᠭᠤᠯᠤᠨ᠂ ᠲᠠᠯᠠ ᠨᠤᠲᠤᠭᠤᠨ ᠰᠣᠶᠣᠯᠤᠨ ᠥᠪᠡᠷᠮᠢᠴᠡ ᠷᠢᠳᠢ ᠱᠢᠳᠢᠶ᠋ᠢ ᠢᠯᠡᠷᠡᠭᠦᠯᠪᠡ᠃《ᠲᠦᠮᠡᠨ ᠠᠭ᠍ᠲᠠᠶ᠋ᠢᠨ ᠲᠦᠪᠡᠷᠭᠡᠨ》 ᠮᠣᠷᠢᠨ ᠤᠷᠤᠯᠳᠤᠭᠠᠨ ᠨᠢ ᠬᠤᠷᠠᠬᠰᠠᠨ ᠲᠦᠮᠡᠨ ᠵᠢᠡᠨ ᠪᠠᠶᠠᠰᠬᠠᠵᠤ᠂ 500 ᠠᠵᠢᠨᠠᠶ ᠬᠦᠯᠦᠭ ᠲᠠᠯᠠᠪᠠᠢ ᠳ᠋ᠦ ᠲᠠᠪᠬᠢᠨ ᠤᠷᠤᠵᠤ᠂ ᠰᠦᠷ ᠵᠢᠪᠬᠤᠯᠠᠩᠲᠤ ᠳᠠᠭᠤᠤ ᠬᠥᠭ᠌ᠵᠢᠮᠲᠡᠶ ᠬᠦᠭ ᠠᠢᠵᠠᠮ ᠨᠡᠢᠯᠡᠨ ᠲᠠᠯᠠ ᠨᠤᠲᠤᠭᠤᠨ ᠬᠡᠢᠮᠤᠷᠢ ᠵᠢᠪᠬᠤᠭᠠ ᠵᠢ ᠰᠡᠷᠬᠦᠭᠡᠪᠡ᠃ ᠲᠤᠰ ᠡᠳᠦᠷ ᠤᠯᠠᠮᠵᠢᠯᠠᠯᠲᠤ 《ᠡᠷᠡᠶ᠋ᠢᠨ ᠭᠤᠷᠪᠠᠨ ᠨᠠᠭᠠᠳᠤᠮ》 ᠤ᠋ᠨ ᠤᠷᠤᠯᠳᠤᠭᠠᠨ ᠪᠣᠯᠤᠨ 《ᠦᠵᠡᠰᠬᠦᠯᠡᠩᠳᠦ ᠰᠠᠢᠬᠠᠨ ᠬᠡᠷ ᠣᠷᠣᠨ》 ᠰᠣᠨᠢᠷᠬᠠᠯᠲᠤ ᠪᠡᠶᠡᠶ᠋ᠢᠨ ᠲᠠᠮᠢᠷᠤᠨ ᠴᠤᠭ᠍ᠯᠠᠭᠠᠨ ᠵᠡᠷᠭᠡ ᠪᠡᠷ ᠡᠬᠢᠯᠡᠵᠦ᠂ ᠮᠣᠷᠢ ᠤᠷᠤᠯᠳᠤᠬᠤ᠂ ᠰᠤᠷ ᠬᠠᠷᠪᠤᠬᠤ᠂ ᠪᠥᠬᠡ ᠪᠠᠷᠢᠯᠳᠤᠬᠤ ᠵᠡᠷᠭᠡ ᠤᠯᠠᠮᠵᠢᠯᠠᠯᠲᠤ ᠲᠥᠷᠥᠯ ᠵᠦᠶ᠋ᠯ ᠪᠣᠯᠤᠨ ᠰᠣᠨᠢᠷᠬᠠᠯᠲᠤ ᠪᠡᠶᠡ ᠵᠢᠨ ᠲᠠᠮᠢᠷᠢ ᠬᠠᠷᠢᠯᠴᠠᠨ ᠤᠶᠠᠯᠳᠤᠭᠤᠯᠵᠤ᠂ ᠢᠳᠡᠪᠬᠢᠲᠡᠶ ᠥᠭᠡᠳᠡᠯᠡᠨ ᠳᠠᠪᠱᠢᠬᠤ ᠪᠡᠶᠡᠶ᠋ᠢᠨ ᠲᠠᠮᠢᠷᠤᠨ ᠵᠣᠷᠢᠭ ᠰᠠᠨᠠᠭᠠᠶ᠋ᠢ ᠳᠠᠮᠵᠢᠭᠤᠯᠪᠠ᠃
20 ᠨᠠᠰᠤᠲᠠᠢ ᠳᠤᠮᠳᠠᠳᠤᠶ᠋ᠢᠨ ᠬᠠᠷᠢᠶᠠᠲᠤ ᠵᠢᠶᠠᠩ ᠴᠤᠸᠠᠨ ᠯᠢ ᠠᠨ ᠨᠠᠢ 《ᠪᠢ ᠬᠠᠷᠠᠬᠠᠨ ᠪᠠᠭᠠᠠᠴᠠᠪᠠᠨ ᠬᠢᠲᠠᠳ ᠬᠡᠯᠡ ᠰᠤᠷᠴᠤ᠌᠂ ᠶᠡᠬᠡ ᠰᠤᠷᠭᠠᠭᠤᠯᠢ ᠪᠡᠨ ᠳᠤᠮᠳᠠᠳᠤ ᠤᠯᠤᠰᠲᠤ ᠰᠤᠷᠤᠯᠴᠠᠪᠠ᠃ ᠵᠢᠯ ᠪᠦᠷᠢᠶ᠋ᠢᠨ ᠡᠪᠦᠯ ᠵᠤᠨᠤ ᠠᠮᠠᠷᠠᠯᠲᠠᠳᠤ ᠪᠢ ᠪᠦᠷ ᠳᠤᠮᠳᠠᠳᠤ ᠤᠯᠤᠰᠤᠨ ᠦᠵᠡᠰᠭᠦᠯᠡᠩᠲᠦ ᠰᠠᠢᠬᠠᠨ ᠠᠭᠤᠯᠠ ᠤᠰᠤᠶ᠋ᠢ ᠲᠤᠭᠤᠷᠢᠨ ᠪᠠᠬᠠᠷᠬᠠᠳᠠᠬ᠂ ᠡᠨᠡ ᠵᠢᠯ ᠥᠪᠥᠷ ᠮᠣᠩᠭᠣᠯᠳᠤ ᠢᠷᠡᠵᠠᠢ᠃ ᠠᠵᠠᠪᠠᠷ ᠨᠠᠭᠠᠳᠤᠮᠳᠤ ᠣᠷᠣᠯᠴᠠᠭ᠍ᠰᠠᠨ ᠨᠢ ᠨᠠᠳᠠᠳᠤ ᠳᠤᠮᠳᠠᠳᠤᠶ᠋ᠢᠨ ᠰᠣᠶᠣᠯᠤᠨ ᠥᠷᠭᠡᠨ ᠳᠡᠯᠭᠡᠷ ᠭᠦᠨ ᠵᠤᠵᠠᠭᠠᠨᠢ ᠮᠡᠳᠡᠷᠡᠭᠦᠯᠪᠡ》 ᠬᠡᠵᠦ ᠰᠤᠷᠪᠤᠯᠵᠢᠯᠠᠭ᠍ᠴᠢᠳᠤ ᠬᠡᠯᠡᠪᠡ᠃
ᠬᠠᠩᠭᠠᠷᠢᠶ᠋ᠢᠨ ᠤᠶᠤᠨᠴᠢ ᠬᠦᠮᠦᠷᠭᠡ ᠵᠢᠨ ᠧᠦ᠋ᠷᠣᠫᠠ ᠠᠽᠢᠶᠠᠶ᠋ᠢᠨ ᠲᠥᠪᠦᠨ ᠡᠷᠬᠢᠯᠡᠭ᠌ᠴᠢ ᠯᠸᠸᠸᠨ᠋ᠲᠸ· ᠾᠦᠸᠸᠷᠸᠠᠲ ᠨᠠᠭᠠᠳᠤᠮᠤᠨ ᠶᠡᠬᠡ ᠬᠤᠷᠠᠯ ᠳᠡᠭᠡᠷᠡᠬᠢ ᠮᠣᠩᠭᠣᠯ ᠦᠨᠳᠦᠰᠦᠲᠡᠨᠦ 《ᠡᠷᠡᠶ᠋ᠢᠨ ᠭᠤᠷᠪᠠᠨ ᠨᠠᠭᠠᠳᠤᠮ》ᠤ᠋ᠨ ᠤᠷᠤᠯᠳᠤᠭᠠᠨᠢ ᠰᠣᠨᠢᠷᠬᠠᠭᠠᠳ᠄ 《ᠪᠢ ᠠᠳᠤᠭᠤᠨ ᠰᠣᠶᠣᠯᠳᠤ ᠮᠠᠰᠢ ᠲᠤᠷᠠ ᠪᠠᠬᠠᠲᠠᠢ᠂ ᠬᠠᠩᠭᠠᠷᠢ ᠳ᠋ᠦ ᠪᠠᠰᠠ ᠪᠠᠭᠠ ᠬᠡᠯᠪᠡᠷᠢᠶ᠋ᠢᠨ ᠮᠣᠷᠢ ᠤᠷᠤᠯᠳᠤᠬᠤ ᠠᠵᠢᠯᠯᠠᠭᠠ ᠡᠷᠬᠢᠯᠡᠳᠡᠭ᠂ ᠬᠣᠢᠱᠢᠳᠠ ᠪᠢᠳᠡ ᠬᠠᠷᠢᠯᠴᠠᠨ ᠰᠣᠯᠢᠯᠴᠠᠵᠤ᠂ ᠬᠠᠮᠳᠤ ᠪᠡᠷ ᠠᠵᠢᠯᠯᠠᠭᠠ ᠦᠷᠨᠢᠭᠦᠯᠵᠦ᠂ ᠬᠣᠶᠠᠷ ᠲᠠᠯᠠᠶ᠋ᠢᠨ ᠰᠣᠶᠣᠯᠤᠨ ᠰᠤᠯᠢᠯᠴᠠᠭᠠ ᠶᠠᠪᠤᠯᠴᠠᠭᠠ ᠵᠢ ᠠᠬᠢᠭᠤᠯᠵᠤ ᠪᠣᠯᠤᠨᠠ》 ᠬᠡᠪᠡ᠃
ᠤᠢᠯᠠᠭᠠᠬᠰᠠᠨ ᠵᠢᠡᠷ᠂ ᠲᠤᠰ ᠬᠤᠭᠤᠴᠠᠭᠠᠨᠤ ᠴᠤᠬᠯᠠᠭᠠᠨᠳᠤ 25 ᠵᠦᠢᠯᠦᠨ ᠤᠷᠤᠯᠳᠤᠭᠠᠨᠤ ᠠᠵᠢᠯᠯᠠᠭᠠ ᠲᠤᠬᠢᠷᠠᠭᠤᠯᠵᠤ᠂ ᠭᠣᠣᠯ ᠬᠤᠷᠠᠯᠤᠨ ᠲᠠᠯᠠᠪᠠᠢᠳ᠋ᠤ 10 ᠵᠦᠢᠯ ᠂ ᠬᠤᠪᠢᠶᠠᠷᠢ ᠬᠤᠷᠠᠯᠤᠨ ᠲᠠᠯᠠᠪᠠᠢᠳ᠋ᠤ 15 ᠵᠦᠢᠯᠢ ᠤᠷᠤᠯᠳᠤᠨᠠ᠃ ᠤᠷᠤᠯᠳᠤᠭᠠᠨ ᠨᠢ 9 ᠰᠠᠷᠠ ᠪᠣᠯᠲᠠᠯᠠ ᠶᠠᠪᠤᠭ᠍ᠳᠠᠨᠠ᠃ ᠤᠳᠤᠬᠠᠨ ᠪᠤᠯᠳᠠᠯᠠ᠂ ᠭᠤᠤᠯ ᠲᠠᠯᠠᠪᠤᠷᠤᠨ ᠥᠲᠥᠨ ᠪᠥᠮᠪᠥᠭᠡᠶ᠋ᠢᠨ ᠬᠠᠮᠲᠤᠶ᠋ᠢᠨ ᠤᠷᠤᠯᠳᠤᠭᠠᠨ᠂ ᠲᠤᠤᠷ ᠪᠥᠮᠪᠥᠭᠡᠶ᠋ᠢᠨ ᠬᠤᠪᠢᠶᠠᠷᠢ ᠲᠠᠯᠠᠪᠠᠢ ᠵᠢᠨ ᠤᠷᠤᠯᠳᠤᠭᠠᠨ᠂ ᠰᠠᠭ᠍ᠰᠤᠨ ᠪᠥᠮᠪᠥᠭᠡᠶ᠋ᠢᠨ ᠤᠷᠤᠯᠳᠤᠭᠠᠨ ᠵᠡᠷᠭᠡ ᠠᠮᠵᠢᠯᠲᠠᠲᠠᠶ ᠶᠠᠪᠤᠭ᠍ᠳᠠᠵᠤ᠂ ᠵᠠᠯᠭᠠᠭᠠᠳ ᠪᠠᠰᠠ ᠲᠠᠯᠠ ᠨᠤᠲᠤᠭᠤᠨ ᠬᠥᠯ ᠪᠥᠮᠪᠥᠭᠡᠶ᠋ᠢᠨ ᠤᠷᠤᠯᠳᠤᠭᠠᠨ᠂ ᠱᠢᠨᠵᠢᠯᠡᠬᠦ᠌ ᠤᠬᠠᠭᠠᠨᠴᠢᠪᠠᠷ ᠪᠡᠶᠡ ᠴᠢᠭᠢᠷᠠᠭ᠍ᠵᠢᠭᠤᠯᠬᠤ ᠲᠠᠯᠠ ᠨᠤᠲᠤᠭᠤᠨ ᠠᠶᠠᠯᠠᠯ᠂ ᠠᠭᠤᠯᠠᠨ ᠭᠠᠵᠠᠷᠤᠨ ᠳᠤᠭᠤᠶ ᠲᠡᠷᠭᠡᠨᠦ ᠤᠷᠤᠯᠳᠤᠭᠠᠨ ᠵᠡᠷᠭᠡ ᠠᠵᠢᠯᠯᠠᠭᠠ ᠶᠠᠪᠤᠬᠳᠠᠬᠤ ᠪᠤᠯᠤᠨᠠ᠃ ᠬᠤᠪᠢᠶᠠᠷᠢ ᠤᠷᠤᠯᠳᠤᠭᠠᠨᠤ ᠲᠠᠯᠠᠪᠠᠶᠳᠤ᠂ ᠬᠤᠪᠢᠰᠭᠠᠯᠳᠤᠰᠤᠶᠤᠯᠤᠨ ᠭᠤᠤᠯ ᠰᠡᠳᠦᠪᠳᠦ ᠪᠡᠶᠡ ᠵᠢᠨ ᠲᠠᠮᠢᠷᠤᠨ ᠤᠷᠤᠯᠳᠤᠭᠠᠨ᠂ ᠷᠠᠱᠢᠶᠠᠨᠤ ᠮᠠᠷᠠᠽᠤᠨ ᠤᠷᠤᠯᠳᠤᠭᠠᠨ ᠵᠡᠷᠭᠡ ᠤᠷᠤᠯᠳᠤᠭᠠᠨ ᠦᠪᠡᠷᠮᠢᠴᠡ ᠲᠠᠳᠠᠬᠤ ᠬᠦᠴᠦᠨ ᠲᠠᠢ ᠶᠠᠪᠤᠭᠳᠠᠨ᠂ ᠤᠯᠠᠮᠵᠢᠯᠠᠯ ᠪᠠ ᠣᠲᠣ ᠦᠶᠡᠶ᠋ᠢᠨ ᠪᠡᠶᠡᠶ᠋ᠢᠨ ᠲᠠᠮᠢᠷᠤᠨ ᠲᠥᠷᠥᠯ ᠵᠦᠶ᠋ᠯᠦᠨ ᠠᠭᠤᠰᠤᠯᠴᠠᠯᠢ ᠢᠯᠡᠷᠡᠬᠦᠯᠪᠡ᠃
ᠥᠪᠥᠷ ᠮᠣᠩᠭᠣᠯᠤᠨ ᠲᠠᠯᠠ ᠨᠤᠲᠤᠭᠤᠨ ᠵᠤᠭᠠ ᠰᠡᠯᠡᠭᠦᠴᠡᠯᠤᠨᠪᠡᠶᠡᠶ᠋ᠢᠨ ᠲᠠᠮᠢᠷᠤᠨ ᠴᠤᠬᠯᠠᠭᠠᠨ ᠪᠣᠯ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠪᠡᠶᠡᠶ᠋ᠢᠨ ᠲᠠᠮᠢᠷᠤᠨ ᠲᠣᠪᠴᠢᠶᠠᠶ᠋ᠢᠨ ᠪᠥᠬᠥ᠌ ᠠᠷᠠᠳᠤᠨ ᠪᠡᠶᠡ ᠴᠢᠭᠢᠷᠠᠭ᠍ᠵᠢᠭᠤᠯᠬᠤᠶ᠋ᠢ ᠲᠠᠰ ᠳᠡᠪᠱᠢᠭᠦᠯᠬᠦ᠂ ᠪᠡᠶᠡᠶ᠋ᠢᠨ ᠲᠠᠮᠢᠷᠤᠨ ᠠᠵᠤ ᠦᠶ᠋ᠯᠡᠰᠢ ᠪᠣᠢᠵᠢᠭᠤᠯᠤᠨ ᠬᠥᠭ᠌ᠵᠢᠭᠦᠯᠬᠦ᠌ᠪᠡᠷ ᠵᠤᠷᠢᠯᠭᠠ ᠪᠤᠯᠭᠠᠭᠰᠠᠨ ᠨᠠᠷᠠᠲᠤ ᠲᠥᠷᠥᠯ ᠲᠡᠮᠳᠡᠭᠳᠦ ᠠᠵᠢᠯᠯᠠᠭᠠ ᠪᠣᠯᠤᠨᠠ᠃ 2015 ᠣᠨᠳᠤ ᠠᠩᠬᠠ ᠤᠳᠠᠭᠠ ᠬᠢᠩᠭᠠᠨ ᠠᠢᠮᠠᠭᠤᠨ ᠬᠣᠷᠴᠢᠨ ᠪᠠᠷᠠᠭᠤᠨ ᠭᠠᠷᠤᠨ ᠳᠤᠮᠳᠠᠳᠤ ᠬᠣᠱᠢᠭᠤᠨᠳᠤ ᠶᠠᠪᠤᠭ᠍ᠳᠠᠵᠤ᠂ ᠠᠷᠪᠠᠨ ᠵᠢᠯᠦᠨ ᠬᠦᠭᠵᠢᠯᠳᠡᠪᠠᠷ ᠳᠡᠮᠵᠢᠨ ᠨᠢᠭᠡᠨᠲᠡ ᠤᠯᠤᠰᠤᠨ ᠪᠡᠶᠡᠶ᠋ᠢᠨ ᠲᠠᠮᠢᠷᠤᠨ ᠶᠡᠷᠦᠩᠬᠡᠶ ᠲᠣᠪᠴᠢᠶᠠᠶ᠋ᠢᠨ ᠭᠤᠤᠯᠳᠠᠯᠭᠠᠲᠠᠶ ᠳᠡᠮᠵᠢᠵᠦ᠍ ᠪᠠᠢᠭᠠ ᠥᠪᠥᠷ ᠮᠣᠩᠭᠣᠯᠤᠨ ᠪᠡᠶᠡᠶ᠋ᠢᠨ ᠲᠠᠮᠢᠷᠤᠨ ᠦᠶ᠋ᠯᠡᠰᠦᠨ ᠴᠢᠨᠠᠷ ᠰᠠᠢᠲᠠᠶ ᠬᠥᠭ᠌ᠵᠢᠯᠲᠡᠶ᠋ᠢᠨ ᠨᠠᠷᠠᠲᠤ ᠲᠦᠷᠦᠯ ᠲᠡᠮᠳᠡᠭ ᠪᠤᠯᠵᠤ᠂《ᠣᠷᠣᠨ ᠪᠦᠰᠡᠶ᠋ᠢᠨ ᠤᠷᠤᠯᠳᠤᠭᠠᠨ》 ᠡᠴᠠ 《ᠪᠥᠬᠥ᠌ ᠤᠯᠤᠰᠤᠨ ᠠᠩᠬᠠᠷᠤᠯᠢ ᠲᠠᠲᠠᠭ᠍ᠰᠠᠨ》 ᠳᠠᠪᠠᠯᠲᠠᠶ᠋ᠢ ᠠᠮᠵᠢᠯᠲᠠᠲᠠᠶ ᠪᠡᠶᠡᠯᠡᠭᠦᠯᠪᠡ᠃ ᠡᠭᠦᠨᠦ ᠬᠠᠮᠲᠤ᠂ ᠴᠤᠬᠯᠠᠭᠠᠨᠨᠢ ᠲᠠᠩ ᠭᠠᠭ᠍ᠴᠠ ᠤᠷᠤᠯᠳᠤᠭᠠᠨᠤ ᠶᠠᠪᠤᠳᠠᠯᠠᠴᠠ《ᠤᠷᠤᠯᠳᠤᠭᠠᠨ᠂ ᠦᠵᠡᠭᠦᠯᠭᠡ᠂ ᠲᠣᠭ᠍ᠯᠠᠯᠲᠠ᠂ ᠵᠢᠭᠤᠯᠴᠢᠯᠠᠯ᠂ ᠬᠤᠳᠠᠯᠳᠤᠨ ᠠᠪᠬᠤ》ᠣᠯᠠᠨ ᠡᠱᠢᠲᠦ ᠠᠭᠤᠯᠭᠠᠶ᠋ᠢ ᠬᠠᠮᠤᠷᠤᠭ᠍ᠰᠠᠨ IP ᠪᠣᠯᠵᠣ᠂ ᠲᠠᠯᠠ ᠨᠤᠲᠤᠭᠤᠨ ᠠᠮᠢᠵᠢᠷᠠᠯᠤᠨ ᠬᠦᠴᠦᠨᠢ ᠢᠯᠡᠷᠡᠭᠦᠯᠬᠦ᠌᠂ ᠰᠣᠯᠢᠯᠴᠠᠭᠠ ᠬᠠᠮᠲᠤᠷᠠᠯᠴᠠᠭᠠᠶ᠋ᠢ ᠠᠬᠢᠭᠤᠯᠬᠤ ᠪᠡᠯᠭᠡ ᠲᠡᠮᠳᠡᠭᠦᠨ ᠴᠢᠨᠠᠷᠲᠠᠶ ᠲᠠᠪᠴᠠᠩ ᠵᠢᠴᠢ ᠬᠢᠩᠭᠠᠨ ᠠᠢᠮᠠᠭᠤᠨ ᠱᠢᠯᠢᠳᠡᠭ ᠬᠡᠷᠦᠨ ᠭᠠᠳᠠᠨᠠᠬᠢ ᠪᠡᠶᠡᠶ᠋ᠢᠨ ᠲᠠᠮᠢᠷᠤᠨ ᠬᠥᠳᠡᠯᠭᠡᠭᠡᠨᠦ ᠡᠬᠢ ᠪᠠᠶᠠᠯᠢᠭᠢ ᠪᠥᠬᠥ᠌ ᠦᠵᠡᠮᠵᠢᠪᠡᠷ ᠳᠡᠯᠭᠡᠨ ᠦᠵᠡᠭᠦᠯᠬᠦ᠌ ᠴᠢᠬᠤᠯᠠ ᠴᠤᠩᠬᠤᠪᠴᠢ ᠪᠣᠯᠵᠦ ᠪᠤᠢ᠃
（ᠭᠡᠷᠡᠯ ᠵᠢᠷᠤᠭᠢ ᠪᠠᠢ ᠬᠠᠢ ᠱᠦᠨ ᠰᠡᠭᠦᠳᠡᠷᠯᠡᠪᠡ）