ᠳᠤᠮᠳᠠᠳᠤᠶ᠋ᠢᠨ ᠱᠢᠯᠢᠳᠡᠭ ᠤᠯᠠᠮᠵᠢᠯᠠᠯᠲᠤ ᠰᠣᠶᠣᠯᠢ ᠤᠯᠠᠮᠵᠢᠯᠠᠨ ᠪᠠᠳᠠᠷᠠᠭᠤᠯᠵᠤ᠂ ᠤᠯᠠᠮᠵᠢᠯᠠᠯᠲᠤ ᠪᠠᠶᠠᠷᠤᠨ ᠡᠳᠦᠷ ᠢ᠋ ᠰᠡᠷᠭᠦᠭᠡᠨ ᠬᠦᠭᠵᠢᠭᠦᠯᠬᠦ ᠵᠢᠨ ᠲᠥᠯᠥᠭᠡ᠂ ᠲᠠᠪᠤᠨ ᠰᠠᠷᠠᠶ᠋ᠢᠨ ᠱᠢᠨᠡᠶ᠋ᠢᠨ ᠲᠠᠪᠤᠨᠤ ᠪᠠᠶᠠᠷᠤᠨ ᠡᠮᠦᠨᠡ ᠬᠣᠢᠨᠠ᠂ ᠲᠥᠪᠦᠨ ᠤᠬᠠᠭᠤᠯᠬᠤ ᠬᠡᠯᠲᠡᠰᠦᠨ ᠪᠣᠯᠪᠠᠰᠤᠨᠤ ᠦᠶ᠋ᠯᠡᠳᠦᠯᠭᠡᠶ᠋ᠢᠨ ᠲᠣᠪᠴᠢᠶᠠ᠂ ᠰᠣᠶᠣᠯ ᠪᠠ ᠵᠢᠭᠤᠯᠴᠢᠯᠠᠯᠤᠨ ᠶᠠᠮᠤᠨᠤ ᠪᠣᠳᠠᠰᠤᠨ ᠪᠤᠰᠤ ᠰᠣᠶᠣᠯᠤᠨ ᠥᠪᠦᠨ ᠵᠤᠷᠭᠠᠨ᠂ ᠡᠪ ᠬᠠᠮᠲᠤ ᠵᠠᠯᠠᠭᠤᠴᠤᠳᠤᠨ ᠡᠪᠯᠡᠯᠦᠨ ᠲᠥᠪ ᠬᠣᠷᠢᠶᠠ ᠵᠢᠨ ᠤᠬᠠᠭᠤᠯᠬᠤ ᠬᠡᠯᠲᠡᠰ᠂ ᠪᠥᠬᠥ᠌ ᠤᠯᠤᠰᠤᠨ ᠡᠮᠡᠭ᠌ᠲᠡᠢᠴᠦᠳᠦᠨ ᠬᠣᠯᠪᠣᠭᠠ ᠵᠢᠨ ᠤᠬᠠᠭᠤᠯᠬᠤ ᠬᠡᠯᠲᠡᠰ᠂ ᠳᠤᠮᠳᠠᠳᠤ ᠤᠯᠤᠰᠤᠨ ᠤᠳᠭᠠ ᠤᠷᠠᠯᠢᠭᠤᠨ ᠬᠢᠨᠦ ᠬᠣᠯᠪᠣᠭᠠᠶ᠋ᠢᠨ ᠤᠳᠭᠠ ᠤᠷᠠᠯᠢᠭᠤᠨ ᠰᠠᠢᠨ ᠳᠤᠷᠠᠶ᠋ᠢᠨ ᠦᠶ᠋ᠯᠡᠴᠢᠯᠡᠭᠡᠨᠦ ᠲᠥᠪᠡᠴᠡ ᠬᠠᠮᠲᠤᠷᠠᠨ ᠡᠷᠭᠢᠯᠡᠭ᠌ᠰᠡᠨ 《ᠮᠠᠨᠤ ᠪᠠᠶᠠᠷᠤᠨ ᠡᠳᠦᠷ·ᠲᠠᠪᠤᠨ ᠰᠠᠷᠠᠶ᠋ᠢᠨ ᠱᠢᠨᠡᠶ᠋ᠢᠨ ᠲᠠᠪᠤᠨᠤ ᠪᠠᠶᠠᠷ》 ᠭᠡᠬᠦ᠌ ᠭᠤᠤᠯ ᠰᠡᠳᠦᠪᠲᠦ ᠰᠣᠶᠣᠯᠤᠨ ᠠᠵᠢᠯᠯᠠᠭᠠ ᠪᠥᠬᠥ᠌ ᠤᠯᠤᠰᠤᠨ ᠡᠯᠡ ᠭᠠᠵᠠᠷᠲᠤ ᠶᠠᠪᠤᠭ᠍ᠳᠠᠪᠠ᠃
ᠯᠤᠤᠲᠤ ᠣᠩᠭᠣᠴᠠ ᠤᠷᠤᠯᠳᠤᠨ᠂ ᠯᠣᠣ ᠠᠷᠰᠯᠠᠨ ᠪᠥᠵᠢᠭ᠌ᠯᠡᠵᠤ᠂ ᠰᠣᠩᠭᠣᠳᠠᠭ ᠵᠣᠬᠢᠶᠠᠯ ᠤᠩᠱᠢᠵᠤ᠂ ᠤᠷᠠᠨ ᠰᠠᠢᠬᠠᠨᠤ ᠲᠣᠭ᠍ᠯᠠᠯᠲᠠ ᠭᠠᠷᠭᠠᠨᠠ ᠁ ᠡᠯᠡ ᠭᠠᠵᠠᠷᠤᠨ ᠬᠢᠨ ᠲᠤᠬᠠᠶᠶ᠋ᠢᠨ ᠭᠠᠵᠠᠷ ᠣᠷᠣᠨᠤ ᠪᠠᠢᠳᠠᠯᠳᠠᠭᠠᠨ ᠲᠣᠬᠢᠷᠠᠭᠤᠯᠤᠨ᠂ ᠲᠤᠬᠠᠶᠶ᠋ᠢᠨ ᠭᠠᠵᠠᠷᠤᠨ ᠰᠣᠶᠣᠯᠤᠨ ᠣᠨᠴᠠᠯᠢᠭᠢᠶᠠᠨ ᠲᠣᠪᠣᠢᠯᠭᠠᠵᠤ᠂ ᠭᠤᠢᠳᠠ ᠰᠠᠢᠬᠠᠨ ᠪᠠᠶᠠᠷᠤᠨ ᠡᠳᠦᠷᠦᠨ ᠰᠣᠶᠣᠯᠤᠨ ᠠᠵᠢᠯᠯᠠᠭᠠ ᠥᠷᠨᠢᠭᠦᠯᠪᠡ᠃ ᠡᠭᠦᠨᠦ ᠬᠠᠮᠲᠤ᠂ ᠱᠢᠨᠡ ᠴᠠᠭ ᠦᠶᠡᠶ᠋ᠢᠨ ᠪᠣᠯᠪᠠᠰᠤᠨᠤ ᠦᠶ᠋ᠯᠡᠳᠦᠯᠭᠡᠶ᠋ᠢᠨ ᠲᠥᠪ （ᠭᠠᠵᠠᠷ᠂ ᠥᠷᠲᠡᠭᠡ） ᠲᠤ᠌ ᠲᠦᠱᠢᠭ᠌ᠯᠡᠨ᠂ ᠽᠦᠩᠽᠢ ᠪᠠᠷᠢᠬᠤ᠂ ᠰᠤᠢᠬᠠ ᠡᠪᠡᠰᠦ ᠡᠯᠭᠦᠬᠦ᠌᠂ ᠦᠨᠦᠷᠲᠦ ᠤᠭᠤᠲᠠ ᠬᠢᠬᠦ᠌᠂ ᠦᠨᠳᠡᠭᠡ ᠴᠢᠨᠠᠬᠤ᠂ ᠴᠠᠭᠠᠰᠤ ᠬᠠᠢᠴᠢᠯᠠᠬᠤ ᠵᠡᠷᠭᠡ ᠰᠠᠢᠬᠠᠨ ᠠᠵᠢᠯᠯᠠᠭᠠᠶ᠋ᠢ ᠵᠣᠬᠢᠶᠠᠨ ᠪᠠᠢᠭᠤᠯᠤᠨ ᠥᠷᠨᠢᠭᠦᠯᠵᠦ᠍᠂ ᠬᠥᠮᠦᠰ ᠭᠦᠨ ᠵᠤᠵᠠᠭᠠᠨ ᠤᠯᠠᠮᠵᠢᠯᠠᠯᠲᠤ ᠰᠣᠶᠣᠯᠤᠨ ᠠᠭᠤᠷ ᠠᠮᠢᠰᠭᠤᠯᠤᠨ ᠳᠤᠮᠳᠠ ᠲᠠᠪᠤᠨ ᠰᠠᠷᠠᠶ᠋ᠢᠨ ᠱᠢᠨᠡᠶ᠋ᠢᠨ ᠲᠠᠪᠤᠨᠤ ᠪᠠᠶᠠᠷᠢᠶᠠᠨ ᠪᠡᠯᠭᠡᠯᠡᠪᠡ᠃
《ᠴᠢᠦᠶ ᠶᠤᠸᠠᠨᠤ ᠲᠦᠷᠦᠭᠰᠡᠨ ᠨᠤᠲᠤᠭ· ᠪᠣᠳᠠᠰᠤᠨ ᠪᠤᠰᠤ ᠰᠣᠶᠣᠯᠤᠨ ᠥᠪᠦᠨ ᠲᠠᠪᠤᠨ ᠰᠠᠷᠠᠶ᠋ᠢᠨ ᠱᠢᠨᠡᠶ᠋ᠢᠨ ᠲᠠᠪᠤᠨᠤ ᠪᠠᠶᠠᠷ》 ᠭᠡᠬᠦ᠌ ᠭᠤᠤᠯ ᠰᠡᠳᠦᠪᠦᠨ ᠲᠣᠭᠣᠷᠢᠨᠳᠤ᠂ ᠢᠷᠠᠭᠤ ᠨᠠᠢᠷᠠᠭᠤᠨ ᠴᠤᠭ᠍ᠯᠠᠭᠠᠨ᠂ ᠠᠷᠠᠳᠤᠨ ᠵᠠᠩ ᠦᠶ᠋ᠯᠡᠶ᠋ᠢᠨ ᠳᠠᠭᠤᠤ ᠪᠥᠵᠢᠭ ᠤ᠋ᠨ ᠲᠤᠭᠯᠠᠯᠳᠠ ᠲᠤᠬᠢᠷᠠᠭᠤᠯᠵᠤ᠂ ᠬᠤᠪᠧᠶᠶ᠋ᠢᠨ ᠽᠢ ᠬᠦᠶ ᠵᠢᠨ ᠭᠤᠤᠯ ᠲᠠᠯᠠᠪᠠᠶᠶ᠋ᠢᠨ ᠠᠵᠢᠯᠯᠠᠭᠠ ᠳ᠋ᠤ 11 ᠵᠦᠶ᠋ᠯᠦᠨ ᠰᠣᠶᠣᠯᠤᠨ ᠠᠵᠢᠯᠯᠠᠭᠠᠶ᠋ᠢ ᠨᠠᠷᠢᠨ ᠨᠢᠮᠪᠠᠶ ᠤᠬᠠᠭᠠᠯᠠᠵᠤ᠂ 5 ᠰᠠᠷᠠᠶ᠋ᠢᠨ ᠱᠢᠨᠡᠳᠡᠴᠡ 6 ᠰᠠᠷᠠᠶ᠋ᠢᠨ ᠳᠤᠮᠳᠠᠴᠢ ᠪᠣᠯᠲᠠᠯᠠ ᠦᠷᠭᠦᠯᠵᠢᠯᠡᠵᠦ᠍᠂ ᠽᠢ ᠬᠦᠶ ᠵᠢᠨ ᠥᠪᠡᠷᠮᠢᠴᠡ ᠵᠠᠩ ᠳᠠᠳᠭᠠᠯᠢ ᠭᠦᠶ᠋ᠴᠡᠳ ᠢᠯᠡᠷᠡᠭᠦᠯᠦᠨᠠ᠃
ᠶᠡᠷᠦ᠍ ᠪᠤᠰᠤᠶ᠋ᠢᠨ ᠬᠥᠷ ᠬᠥᠭ᠌ᠵᠢᠶᠡᠨᠲᠡᠶ ᠳ᠋ᠤᠸᠠᠨ ᠶᠠᠩ ᠴᠤᠬᠯᠠᠭᠠ ᠮᠠᠢᠮᠠᠢ᠂ ᠭᠣᠢᠳᠠ ᠰᠠᠢᠬᠠᠨ ᠪᠣᠳᠠᠰᠤᠨ ᠪᠤᠰᠤ ᠰᠣᠶᠣᠯᠤᠨ ᠥᠪᠦᠨ ᠦᠵᠡᠭᠦᠯᠭᠡ᠂ ᠰᠣᠨᠢᠷᠬᠠᠯᠲᠠᠢ ᠽᠦᠩᠽᠢ ᠪᠠᠷᠢᠬᠤ ᠤᠷᠤᠯᠳᠤᠭᠠᠨ ᠁ ᠵᠧᠵᠢᠶᠠᠩᠤᠨ ᠵᠢᠶᠠᠱᠢᠩ ᠲᠠᠪᠤᠨ ᠰᠠᠷᠠᠶ᠋ᠢᠨ ᠱᠢᠨᠡᠶ᠋ᠢᠨ ᠲᠠᠪᠤᠨᠤ ᠪᠠᠶᠠᠷᠤ᠋ᠨ ᠤᠷᠢᠳ ᠬᠤᠵᠢᠳ ᠬᠠᠭᠠᠰ ᠰᠠᠷᠠᠶ᠋ᠢᠨ ᠬᠤᠭᠤᠴᠠᠭᠠᠨᠳᠤ 30 ᠭᠠᠷᠤᠢ ᠵᠦᠢᠯᠦᠨ ᠠᠵᠢᠯᠯᠠᠭᠠ ᠥᠷᠨᠢᠭᠦᠯᠵᠦ᠍᠂ ᠲᠠᠪᠤᠨ ᠰᠠᠷᠠᠶ᠋ᠢᠨ ᠱᠢᠨᠡᠶ᠋ᠢᠨ ᠲᠠᠪᠤᠨᠤ ᠰᠣᠶᠣᠯᠢ ᠤᠯᠠᠮᠵᠢᠯᠠᠨ ᠵᠠᠯᠭᠠᠮᠵᠢᠯᠠᠬᠤ ᠪᠠ ᠱᠢᠨᠡᠶ᠋ᠢ ᠡᠭᠦᠳᠬᠦ᠌ ᠳᠤᠮᠳᠠ ᠱᠢᠨᠡ ᠠᠮᠢᠵᠢᠷᠠᠯᠤᠨ ᠬᠦᠴᠦᠨᠲᠡᠶ ᠪᠣᠯᠭᠠᠪᠠ᠃
ᠬᠠᠨᠱᠦᠶ᠋ᠢ ᠭᠣᠣᠯᠤᠨ ᠬᠥᠪᠡᠭᠡᠨᠳᠦ᠂ ᠵᠠᠭᠤᠨ ᠣᠩᠭᠣᠴᠠ ᠦᠷᠢᠰᠤᠯᠳᠤᠨ ᠤᠷᠤᠬᠰᠢᠯᠠᠨᠠ᠃ ᠲᠠᠪᠤᠨ ᠰᠠᠷᠠᠶ᠋ᠢᠨ ᠱᠢᠨᠡᠶ᠋ᠢᠨ ᠲᠠᠪᠤᠨᠤ ᠪᠠᠶᠠᠷᠤᠨ ᠬᠤᠭᠤᠴᠠᠭᠠᠨᠳᠤ᠂ ᠱᠠᠨᠰᠢᠶ᠋ᠢᠨ ᠠᠨᠺᠠᠩ ᠯᠤᠸ᠋ᠲᠤ ᠣᠩᠭᠣᠴᠠᠶ᠋ᠢᠨ ᠤᠷᠤᠯᠳᠤᠭᠠᠨ᠂ ᠪᠣᠯᠪᠠᠰᠤᠨᠤ ᠦᠶ᠋ᠯᠡᠳᠦᠯᠭᠡᠶ᠋ᠢᠨ ᠦᠷᠡ ᠪᠦᠲᠦᠭᠡᠯᠦᠨ ᠦᠵᠡᠭᠦᠯᠭᠡ᠂ ᠪᠣᠯᠪᠠᠰᠤᠨᠤ ᠦᠶ᠋ᠯᠡᠳᠦᠯᠭᠡᠶ᠋ᠢᠨ ᠴᠤᠭ᠍ᠯᠠᠭᠠ ᠮᠠᠢᠮᠠᠢ᠂ ᠲᠠᠪᠤᠨ ᠰᠠᠷᠠᠶ᠋ᠢᠨ ᠱᠢᠨᠡᠶ᠋ᠢᠨ ᠲᠠᠪᠤᠨᠤ ᠪᠣᠳᠠᠰᠤᠨ ᠪᠤᠰᠤ ᠰᠣᠶᠣᠯᠤᠨ ᠥᠪᠦᠨ ᠲᠥᠷᠥᠯ ᠵᠦᠶ᠋ᠯᠢ ᠤᠯᠠᠮᠵᠢᠯᠠᠨ ᠵᠠᠯᠭᠠᠮᠵᠢᠯᠠᠵᠤ ᠳᠡᠯᠭᠡᠨ ᠦᠵᠡᠭᠦᠯᠬᠦ᠌ ᠵᠡᠷᠭᠡ ᠰᠣᠶᠣᠯᠤᠨ ᠠᠵᠢᠯᠯᠠᠭᠠ ᠥᠷᠨᠢᠭᠦᠯᠵᠦ᠍᠂ ᠪᠣᠯᠪᠠᠰᠤᠨᠤ ᠤᠯᠠᠮᠵᠢᠯᠠᠯ ᠪᠠ ᠠᠵᠤ ᠠᠬᠤᠶᠶ᠋ᠢᠨ ᠬᠥᠭ᠌ᠵᠢᠯᠲᠡᠳᠦ ᠬᠦᠴᠦᠨ ᠨᠡᠮᠡᠷᠢᠯᠡᠪᠡ᠃
ᠭᠣᠪᠢ ᠴᠦᠯ ᠤ᠋ᠨ ᠨᠣᠭᠣᠭᠠᠨ ᠪᠦᠷᠢᠳᠦ ᠭᠠᠨᠰᠦᠶ᠋ᠢᠨ ᠭᠤᠤᠲ᠋ᠠᠢ ᠳ᠋ᠤ᠂ ᠲᠠᠪᠤᠨ ᠰᠠᠷᠠᠶ᠋ᠢᠨ ᠱᠢᠨᠡᠶ᠋ᠢᠨ ᠲᠠᠪᠤᠨᠤ ᠪᠠᠶᠠᠷᠵᠢᠡᠷ ᠪᠠᠷᠠᠭᠤᠨ ᠬᠣᠢᠲᠤᠶ᠋ᠢᠨ ᠣᠮᠣᠭ ᠪᠠᠬᠠᠳᠤᠯᠲᠤ ᠰᠡᠳᠭᠢᠯᠭᠡ ᠪᠢᠯᠬᠠᠨᠠ᠄ ᠭᠣᠣᠯᠤᠨ ᠬᠥᠪᠡᠭᠡᠨᠳᠦ ᠪᠣᠳᠠᠰᠤᠨ ᠪᠤᠰᠤ ᠰᠣᠶᠣᠯᠤᠨ ᠥᠪᠦᠨ ᠴᠢᠨ ᠤᠯᠤᠰᠤᠨ ᠠᠶᠠᠯᠭᠤᠶ᠋ᠢ ᠰᠣᠨᠣᠰᠴᠤ᠌᠂ ᠡᠯᠡᠰᠦᠨᠤ ᠤᠰᠤᠨ ᠣᠷᠣᠨᠳᠤ ᠯᠤᠤᠲᠤ ᠣᠩᠭᠣᠴᠠᠨᠤ ᠤᠷᠤᠯᠳᠤᠭᠠᠨᠢ ᠰᠣᠨᠢᠷᠬᠠᠵᠤ᠂ ᠪᠠᠰᠠ ᠨᠢᠭᠡ ᠲᠠᠯᠠᠪᠤᠷ ᠱᠢᠷᠭᠠᠯ ᠡᠯᠡᠰᠦᠶ᠋ᠢᠨ ᠳᠤᠮᠳᠠᠬᠢ ᠰᠤᠨᠢᠷᠬᠠᠯᠳᠤ ᠭᠦᠶᠦᠯᠲᠡ ᠵᠢᠨ ᠤᠷᠤᠯᠳᠤᠭᠠᠨ ᠳ᠋ᠤ ᠤᠷᠤᠯᠴᠠᠨᠠ ᠁ 17 ᠵᠦᠢᠯᠦᠨ ᠤᠯᠠᠮᠵᠢᠯᠠᠯᠲᠤ ᠵᠠᠩ ᠳᠠᠳᠭᠠᠯ ᠪᠣᠯᠤᠨ ᠣᠷᠣᠨ ᠨᠤᠲᠤᠭᠤᠨ ᠣᠨᠴᠠᠯᠢᠭᠲᠠᠶ ᠠᠭᠤᠰᠤᠯᠴᠠᠭ᠍ᠰᠠᠨ ᠠᠵᠢᠯᠯᠠᠭᠠᠳᠤ ᠥᠳᠭᠡᠨ ᠵᠤᠵᠠᠭᠠᠨ ᠪᠠᠶᠠᠷᠤᠨ ᠡᠳᠦᠷᠦᠨ ᠠᠭᠤᠷ ᠠᠮᠢᠰᠭᠤᠯᠢ ᠪᠤᠢ ᠪᠣᠯᠭᠠᠵᠤ᠂ ᠰᠠᠭᠤᠭᠠᠯᠢ ᠠᠷᠠᠳᠵᠢᠭᠤᠯᠴᠢᠯᠠᠬᠰᠡᠳᠤᠨ ᠤᠶᠤᠨᠤ ᠰᠣᠶᠣᠯᠤᠨ ᠠᠮᠢᠳᠤᠷᠠᠯᠢ ᠪᠠᠶᠠᠯᠢᠭ᠍ᠵᠢᠭᠤᠯᠪᠠ᠃
2025 ᠰᠸᠴᠤᠸᠠᠨ ᠮᠤᠵᠢᠶ᠋ᠢᠨ 《ᠵᠠᠭᠤᠨ ᠣᠩᠭᠣᠴᠠ ᠦᠷᠢᠰᠤᠯᠳᠤᠨ ᠤᠷᠤᠬᠰᠢᠯᠠᠵᠤ ᠲᠠᠪᠤᠨ ᠰᠠᠷᠠᠶ᠋ᠢᠨ ᠱᠢᠨᠡᠶ᠋ᠢᠨ ᠲᠠᠪᠤᠨᠤ ᠪᠠᠶᠠᠷᠢᠶᠠᠨ ᠤᠭ᠍ᠲᠤᠬᠤ》 ᠲᠥᠪᠯᠡᠷᠡᠩᠭᠦᠢ ᠲᠣᠭ᠍ᠯᠠᠯᠲᠠ ᠴᠧᠩᠳᠦ᠋ ᠵᠢᠨ ᠱᠢᠨ ᠵᠢᠨ ᠲᠣᠭᠣᠷᠢᠭᠲᠤ ᠡᠬᠢᠯᠡᠵᠦ᠍᠂ ᠤᠯᠠᠨ ᠲᠦᠮᠡᠨᠳᠦ ᠰᠣᠶᠣᠯᠤᠨ ᠦᠪᠡᠳᠡᠭ᠌ᠰᠢ ᠨᠠᠢᠷ ᠢ᠋ ᠬᠦᠷᠭᠡᠪᠡ； ᠭᠦᠶ᠋ᠵᠧᠤᠶ᠋ᠢᠨ ᠲᠦᠩ ᠷᠧᠨᠦ 《ᠲᠠᠪᠤᠨ ᠰᠠᠷᠠᠶ᠋ᠢᠨ ᠱᠢᠨᠡᠶ᠋ᠢᠨ ᠲᠠᠪᠤᠨᠳᠤ ᠰᠣᠩᠭᠣᠳᠠᠭ ᠵᠣᠬᠢᠶᠠᠯᠢ ᠤᠩᠱᠢᠵᠤ·ᠰᠣᠶᠣᠯᠤᠨ ᠤᠯᠠ ᠮᠦᠷ ᠢ᠋ ᠮᠦᠰᠬᠢᠵᠤ ᠬᠦᠢᠵᠸᠤ ᠪᠡᠷ ᠠᠶᠠᠯᠠᠬᠤ》 ᠭᠤᠤᠯ ᠰᠡᠳᠦᠪᠲᠦ ᠰᠣᠶᠣᠯᠤᠨ ᠠᠵᠢᠯᠯᠠᠭᠠ ᠨᠢ ᠬᠥᠮᠦᠰᠢ ᠳᠠᠭᠠᠭᠤᠯᠤᠨ ᠱᠢᠯᠦᠭ ᠳᠠᠭᠤᠯᠠᠯᠤᠨ ᠶᠢᠷᠲᠢᠨᠴᠦ᠍ᠪᠡᠷ ᠲᠣᠭᠣᠷᠢᠨ ᠵᠢᠭᠤᠯᠴᠢᠯᠠᠭᠤᠯᠤᠨᠠ᠃
ᠲᠠᠨᠢᠯᠴᠠᠭᠤᠯᠤᠭ᠍ᠰᠠᠨᠢᠶᠠᠷ᠂ ᠲᠣᠰ ᠤᠳᠠᠭᠠ ᠵᠢᠨ ᠭᠤᠤᠯ ᠰᠡᠳᠦᠪᠲᠦ ᠰᠣᠶᠣᠯᠤᠨ ᠠᠵᠢᠯᠯᠠᠭᠠᠶ᠋ᠢᠨ ᠵᠣᠷᠢᠯᠭᠠᠨᠢ ᠨᠡᠢᠭᠡᠮ ᠵᠢᠷᠤᠮᠤᠨ ᠭᠤᠤᠯᠯᠠᠭ᠍ᠴᠢ ᠥᠷᠲᠡᠭᠦᠨ ᠦᠵᠡᠯᠲᠡᠶ᠋ᠢ ᠪᠣᠢᠵᠢᠭᠤᠯᠤᠨ ᠦᠶ᠋ᠯᠡᠳᠦᠯᠭᠡᠵᠢᠭᠦᠯᠵᠦ᠍᠂ ᠲᠠᠪᠤᠨ ᠰᠠᠷᠠᠶ᠋ᠢᠨ ᠱᠢᠨᠡᠶ᠋ᠢᠨ ᠲᠠᠪᠤᠨᠤ ᠪᠠᠶᠠᠷᠤᠨ ᠰᠣᠶᠣᠯᠤᠨ ᠠᠭᠤᠯᠤᠭ᠍ᠳᠠᠬᠤᠨᠢ ᠭᠦᠨᠵᠡᠭᠡᠶ ᠠᠭᠤᠳᠠᠯᠵᠤ᠂ ᠤᠯᠤᠰᠢᠶᠠᠨ ᠬᠠᠢᠷᠠᠯᠠᠬᠤ ᠬᠡᠷ ᠪᠦᠯᠢᠪᠡᠨ ᠬᠠᠢᠷᠠᠯᠠᠬᠤ᠂ ᠪᠦᠯᠬᠦᠮᠳᠡᠨ ᠲᠡᠮᠡᠴᠡᠬᠦ᠌᠂ ᠡᠷᠡᠭᠦᠯ ᠥᠭᠡᠳᠡᠷᠬᠡᠭ ᠥᠷᠲᠡᠭᠦᠨ ᠣᠢᠯᠠᠭᠠᠭ᠍ᠳᠠᠬᠤᠨᠢ ᠶᠡᠬᠡᠪᠡᠷ ᠪᠠᠳᠠᠷᠠᠭᠤᠯᠵᠤ᠂ ᠠᠷᠠᠳ ᠣᠯᠠᠨᠤ ᠣᠶᠤᠨᠤ ᠰᠣᠶᠣᠯᠤᠨ ᠠᠮᠢᠳᠤᠷᠠᠯᠢ ᠪᠠᠶᠠᠯᠢᠭ᠍ᠵᠢᠭᠤᠯᠵᠤ᠂ ᠴᠠᠭ ᠦᠶᠡᠶ᠋ᠢᠨ ᠵᠣᠷᠢᠭ ᠰᠠᠨᠠᠭᠠᠶ᠋ᠢ ᠢᠯᠡᠷᠡᠭᠦᠯᠵᠦ᠍᠂ ᠤᠯᠤᠰ ᠬᠡᠷᠦᠨ ᠬᠠᠢᠷᠠ ᠰᠡᠳᠭᠢᠯᠭᠡᠶ᠋ᠢ ᠵᠤᠵᠠᠭᠠᠳᠭᠠᠵᠤ᠂ ᠡᠷᠡᠯᠬᠡᠭ᠌ᠯᠡᠨ ᠤᠷᠤᠭ᠍ᠰᠢᠯᠠᠬᠤ ᠲᠡᠮᠡᠴᠡᠯᠦᠨ ᠵᠣᠷᠢᠭᠢ ᠬᠥᠭ᠌ᠵᠢᠭᠡᠵᠦ᠍᠂ ᠬᠦᠴᠤᠷᠭᠡᠭ ᠤᠯᠤᠰ ᠤ᠋ᠨ ᠪᠥᠲᠥᠭᠡᠨ ᠪᠠᠢᠭᠤᠯᠤᠯᠲᠠ᠂ ᠦᠨᠳᠦᠰᠦᠲᠡᠨᠦ ᠰᠡᠷᠭᠦᠨ ᠮᠠᠨᠳᠤᠯᠲᠠᠶ᠋ᠢᠨ ᠬᠦᠴᠦᠷᠬᠡᠭ ᠶᠡᠬᠡ ᠣᠶᠤᠨ ᠰᠠᠨᠠᠭᠠᠨᠤ ᠬᠦᠴᠦᠨᠢ ᠨᠢᠭ᠍ᠲᠠᠷᠠᠭᠤᠯᠵᠤ᠂ ᠳᠤᠮᠳᠠᠳᠤᠶ᠋ᠢᠨ ᠦᠨᠳᠦᠰᠦᠲᠡᠨᠦ ᠬᠠᠮᠲᠤᠶ᠋ᠢᠨ ᠣᠶᠤᠨ ᠰᠠᠨᠠᠭᠠᠨᠤ ᠬᠡᠷ ᠣᠷᠣᠨᠢ ᠨᠠᠩ ᠰᠠᠢᠲᠤᠷ ᠴᠣᠭ᠍ᠴᠠᠯᠠᠬᠤ ᠪᠡᠷ ᠵᠤᠷᠢᠯᠲᠠ ᠪᠡᠨ ᠪᠤᠯᠭᠠᠵᠠᠢ᠃
（ᠱᠢᠨᠬᠤᠸᠠ ᠬᠣᠷᠢᠶᠠ ᠵᠢᠨ ᠪᠡᠭᠡᠵᠢᠩᠦᠨ 5 ᠰᠠᠷᠠᠶ᠋ᠢᠨ 31 ᠤ᠋ ᠴᠠᠬᠢᠯᠭᠠᠨ ᠮᠡᠳᠡᠭᠡ）