ᠤᠢᠷᠠ ᠵᠢᠨ ᠡᠳᠦᠷ᠂ ᠳᠥᠷᠪᠡᠳᠦᠭᠡᠷ ᠬᠤᠭᠤᠴᠠᠭᠠᠨᠤ᠋ ᠤᠯᠠᠭᠠᠨᠰᠤᠬᠠᠢᠨᠠᠭᠤᠷᠢ ᠲᠤᠭᠤᠷᠢᠬᠤ ᠳᠤᠭᠤᠢ ᠲᠡᠷᠭᠡᠨᠦ᠌ ᠤᠷᠢᠯᠭᠠᠶ᠋ᠢᠨ ᠤᠷᠤᠯᠳᠤᠭᠠᠨᠤ᠋ ᠬᠤᠪᠢ ᠬᠥᠮᠦᠨᠦ᠌ ᠤᠷᠤᠯᠳᠤᠭᠠᠨ ᠶᠠᠪᠤᠭᠳᠠᠵᠤ᠂ ᠪᠦᠬᠦ ᠣᠷᠣᠨᠤ᠋ 130 ᠲᠠᠮᠢᠷᠴᠢᠨ ᠦᠷᠦ᠋ᠨ ᠲᠤᠶᠠᠭᠠᠶ᠋ᠢ ᠤᠭᠲᠤᠨ᠂ ᠨᠠᠭᠤᠷᠤ᠋ᠨ ᠦᠵᠡᠮᠵᠢᠵᠢ ᠰᠤᠨᠢᠷᠬᠠᠨ ᠤᠷᠤᠯᠳᠤᠭᠰᠠᠨ ᠪᠠᠢᠨᠠ᠃
ᠦᠳᠡᠶ᠋ᠢᠨ ᠡᠮᠦᠨᠡᠬᠢ 9 ᠴᠠᠭᠲᠤ᠌᠂ ᠲᠤᠬᠢᠶᠠᠨ ᠫᠤᠤ ᠳᠤᠤᠭᠠᠷᠬᠤᠶ᠋ᠢ ᠳᠠᠭᠠᠯᠳᠤᠨ᠂ ᠤᠷᠤᠯᠳᠤᠭᠠᠨᠳ᠋ᠤ᠌ ᠣᠷᠣᠯᠴᠠᠭᠰᠠᠳ ᠬᠥᠪᠴᠢ ᠡᠴᠡ ᠪᠠᠨ ᠰᠠᠯᠤᠭᠰᠠᠨ ᠰᠤᠮᠤ ᠰᠢᠭ᠋ ᠡᠬᠢᠯᠡᠯᠲᠡ ᠵᠢᠨ ᠴᠡᠭ ᠡᠴᠡ ᠮᠤᠷᠳᠠᠵᠠᠭᠠᠪᠠ᠃ ᠲᠤᠩᠭᠠᠯᠠᠭ ᠴᠡᠩᠬᠡᠷ ᠤᠯᠠᠭᠠᠨᠰᠤᠬᠠᠢ ᠨᠠᠭᠤᠷ ᠲᠣᠮᠣ ᠡᠷᠳᠡᠨᠢᠶ᠋ᠢᠨ ᠴᠢᠯᠠᠭᠤ ᠮᠡᠲᠦ ᠮᠡᠯᠲᠡᠯᠵᠡᠨ᠂ ᠰᠦᠷᠦᠭ ᠰᠦᠷᠦᠭ ᠨᠡᠭᠦᠳᠡᠯᠦ᠋ᠨ ᠰᠢᠪᠠᠭᠤ ᠳᠡᠭᠡᠭᠦᠷ ᠨᠢ ᠬᠠᠯᠢᠨ ᠨᠢᠰᠦᠨᠡ ᠃ ᠲᠤᠭᠤᠢ ᠲᠡᠷᠭᠡᠨᠤ ᠲᠠᠮᠢᠷᠴᠢᠳ ᠡᠨᠡ ᠬᠦ᠌ ᠰᠠᠢᠬᠠᠨ ᠦᠵᠡᠮᠵᠢ ᠵᠢᠨ ᠳᠤᠮᠳᠠᠭᠤᠷ ᠰᠦᠯᠵᠢᠯᠳᠦᠨ᠂ ᠮᠤᠷᠤᠢᠬᠤ ᠬᠡᠰᠡᠭ ᠲᠦ᠍ ᠠᠳᠠᠯᠢ ᠪᠤᠰᠤ ᠪᠠᠢᠭᠠᠯᠢᠶ᠋ᠢᠨ ᠦᠵᠡᠮᠵᠢᠬᠠᠷᠠᠭᠠ ᠪᠠᠶᠠᠰᠬᠠᠨᠠ᠃
ᠯᠢᠨ ᠾᠧ ᠲᠣᠭᠣᠷᠢᠭᠤ᠋ᠨ ᠲᠠᠮᠢᠷᠴᠢᠨ ᠵᠠᠩ ᠵᠢᠶᠦ᠋ᠨ ᠮᠧᠢ᠄《ᠪᠢ ᠯᠢᠨ ᠾᠧ ᠲᠣᠭᠣᠷᠢᠭ ᠡᠴᠡ ᠢᠷᠡᠯᠡ᠂ ᠬᠣᠶᠠᠳᠤᠭᠠᠷ ᠤᠳᠠᠭᠠ ᠤᠯᠠᠭᠠᠨᠰᠤᠬᠠᠢ ᠨᠠᠭᠤᠷᠢ ᠲᠣᠭᠣᠷᠢᠬᠤ ᠳᠤᠭᠤᠢ ᠲᠡᠷᠭᠡᠨᠦ᠌ ᠤᠷᠤᠯᠳᠤᠭᠠᠨᠳ᠋ᠤ᠌ ᠣᠷᠣᠯᠴᠠᠵᠤ ᠪᠠᠢᠨᠠ᠂ ᠵᠠᠮ ᠲᠤᠷᠰᠢ ᠥᠩᠭᠡ ᠦᠵᠡᠮᠵᠢ ᠮᠠᠰᠢ ᠭᠣᠶᠣ ᠡ》ᠭᠡᠮᠡᠨ ᠰᠤᠷᠪᠤᠯᠵᠢᠯᠠᠭᠴᠢᠳᠤ ᠲᠤᠭᠳᠤᠯᠤᠨ ᠶᠠᠷᠢᠯᠠ᠃
ᠪᠠᠶᠠᠨᠨᠠᠭᠤᠷ ᠬᠣᠲᠠᠶ᠋ᠢᠨ ᠤᠷᠠᠳᠤ᠋ᠨ ᠡᠮᠦᠨᠡᠲᠦ ᠬᠤᠰᠢᠭᠤ 4 ᠵᠢᠯ ᠳᠠᠷᠠᠭᠠᠯᠠᠨ ᠲᠤᠰ ᠤᠷᠤᠯᠳᠤᠭᠠᠨᠢ ᠵᠣᠬᠢᠶᠠᠨ ᠪᠠᠢᠭᠤᠯᠤᠭᠠᠳ᠂ ᠤᠳᠤ ᠨᠢᠭᠡᠨᠲᠡ ᠲᠥᠷᠥᠯ ᠲᠡᠮᠳᠡᠭᠲᠦ ᠤᠷᠤᠯᠳᠤᠭᠠᠨ ᠪᠤᠯᠵᠤ ᠬᠦᠭᠵᠢᠪᠡ᠃ ᠤᠯᠠᠭᠠᠨᠰᠤᠬᠠᠢ ᠨᠠᠭᠤᠷᠢ ᠲᠤᠭᠤᠷᠢᠬᠤ ᠳᠤᠭᠤᠢ ᠲᠡᠷᠭᠡᠨᠦ᠌ ᠤᠷᠤᠯᠳᠤᠭᠠᠨ︽ᠪᠡᠶᠡᠶ᠋ᠢᠨ ᠲᠠᠮᠢᠷᠤ᠋ᠨ ᠤᠷᠤᠯᠳᠤᠭᠠᠨ︾ᠤ᠋ ᠲᠠᠩ ᠴᠤᠯᠭᠤᠢ ᠬᠦᠷᠢᠶᠡ ᠬᠡᠪᠴᠢᠶᠡ ᠵᠢ ᠳᠠᠪᠠᠭᠠᠳ᠂ ᠲᠤᠬᠠᠢᠶ᠋ᠢᠨ ᠭᠠᠵᠠᠷᠤ᠋ᠨ ᠠᠮᠢ ᠠᠬᠤᠢ᠂ ᠰᠣᠶᠣᠯ ᠪᠣᠯᠤᠨ ᠵᠢᠭᠤᠯᠴᠢᠯᠠᠯᠢ ᠠᠭᠤᠰᠤᠯᠴᠠᠭᠤᠯᠵᠠᠢ᠃ ᠲᠡᠷᠡ ᠨᠢ︽ᠳᠤᠭᠤᠢ ᠤᠨᠤᠬᠤ︾ᠪᠠᠷ ᠥᠪᠡᠷᠮᠢᠴᠡ ᠵᠠᠭᠤᠴᠢᠯᠠᠭᠤᠷ ᠪᠣᠯᠭᠠᠵᠤ᠂ ᠤᠯᠠᠭᠠᠠᠰᠤᠬᠠᠢᠶ᠋ᠢᠨ ᠨᠤᠭᠤ ᠭᠠᠵᠠᠷᠤ᠋ᠨ ᠠᠮᠢ ᠠᠬᠤᠢ᠂ ᠲᠠᠯᠠ ᠨᠤᠲᠤᠭᠤ᠋ᠨ ᠰᠣᠶᠣᠯ ᠪᠣᠯᠤᠨ ᠨᠠᠯᠠᠭᠠᠷ ᠨᠠᠮᠤᠷᠤ᠋ᠨ ᠦᠵᠡᠮᠵᠢᠵᠢ ᠤᠯᠠᠨᠳᠤ ᠤᠢᠯᠠᠭᠠᠭᠤᠯᠤᠨ᠂ ᠲᠤᠬᠠᠢᠶ᠋ᠢᠨ ᠭᠠᠵᠠᠷᠤ᠋ᠨ︽ᠪᠡᠶᠡᠶ᠋ᠢᠨ ᠲᠠᠮᠢᠷ + ᠰᠣᠶᠣᠯ + ᠵᠢᠭᠤᠯᠴᠢᠯᠠᠯ︾ᠦ᠋ᠨ ᠠᠭᠤᠰᠤᠯᠴᠠᠨ ᠬᠥᠭᠵᠢᠬᠦᠳ᠋ᠦ᠍ ᠠᠮᠢᠵᠢᠷᠠᠯᠤ᠋ᠨ ᠬᠦᠴᠦᠨ ᠨᠡᠮᠡᠷᠢᠯᠡᠵᠦ ᠪᠤᠢ᠃